Бүгін Мемлекет басшысы Қасым-Жомарт Тоқаев Ауыл шаруашылығы еңбеккерлерінің екінші форумына қатысып, агроөнеркәсіп кешенінің қазіргі жағдайы мен болашақ даму бағыты туралы өзекті ойларымен бөлісті. Форумға 2 мыңнан астам адам – шаруалар, сала мамандары, инвесторлар, қоғамдық және халықаралық ұйым өкілдері қатысты.Президенттің айтуынша, ел экономикасы биылғы он айда 6,4% өссе, ауыл шаруашылығы да сол қарқыннан қалыспай отыр. Салаға құйылған инвестиция 790 млрд теңгеге жетіп, 20% өсім көрсеткен. Соңғы үш жылда еңбек өнімділігі 37,3% артқан, ал Қазақстан жаһандық азық-түлік қауіпсіздігі рейтингінде 32-орында.Сонымен бірге елдің ауыл шаруашылығындағы әлеует әлі толық іске асырылмағанын атап өтті. Қазақстан жайылым жер көлемі бойынша әлемде 6-орында, ал егіс алқабы бойынша 8-орында тұр. Демек, басты міндет – қолда бар ресурсты тиімді пайдалану.Президенттің айтуынша, соңғы он жылда ауыл шаруашылығының жалпы өнімі 2,5 еседен аса өсіп, 3,3 трлн теңгеден 8,3 трлн теңгеге жеткен. Ендігі мақсат – 2030 жылға дейін бұл көрсеткішті тағы 2 есеге арттыру.Тоқаев ауыл – халқымыздың тамыры, рухани қазығы екенін айта келе, агросаланы дамыту – жалпы елді дамытуға жол ашатынын ерекше атап өтті. Алдағы жылдары басты басымдық – нақты нәтижеге бағытталған сапалы жұмыс, тиімді реформа және ресурсты ұтымды пайдалану болмақ.

Бүгін дәстүрлі «Таза Қазақстан» экологиялық акциясы аясында Шымкентте кезекті жалпықалалық абаттандыру шарасы өтті. Шара елорданың барлық аудандарында — Абай, Әл-Фараби, Еңбекші, Қаратау, Тұран аудандарында өтті. «Таза бейсенбі» акциясы аясында ұйымдастырылған шараға мыңдаған қала тұрғындары, қоғамдық ұйым өкілдері, коммуналдық сала қызметкерлері, партия белсенділері, жастар жиналды. Тұрғындар көшелерді, аулаларды, қоғамдық орындарды тазалауға белсене қатысып, ортақ іске өз үлестерін қосты. Мұндай ауқымды шаралар экологиялық жағдайды жақсартуға ықпал етіп қана қоймай, қала тұрғындарының өзара көмек пен әлеуметтік жауапкершілік рухын нығайтады. Әл-Фараби ауданында сенбіліктер дәстүрге айналған. Жергілікті жерлерде абаттандыру жұмыстары жүйелі түрде жүргізілуде. Бүгінгі шара «Сәуле» ықшам ауданында өтті. Тұрғындар коммуналдық қызметтермен бірлесе отырып, көпқабатты үйлер мен жеке үйлердегі қоқыстарды тазалап, көшелерді ретке келтірді. Аудандық әкімдіктің бөлім басшысы Берік Жанаевтың айтуынша, ауданда жыл басынан бері елуге жуық сенбілік өткен. "Тұрғындардың мұндай шараларға деген қызығушылықтары жыл өткен сайын артып келеді. Қыста қар тазалап, көктем мен күзде ағаш отырғызып, қоқыстарды шығарамыз. Сондай-ақ тұрғындар арасында экологиялық сауаттылықты арттыру мақсатында түсіндіру шараларын жүйелі түрде өткіземіз", - деді ол. Сондай-ақ ауданда соңғы уақытта 400-ге жуық ағаш отырғызылғанын айтты. Тұрғындардың өтініші бойынша жұмыстар жүргізілуде. Тұрғындар өздері ағаш отырғыза алмаған жағдайда әкімдік қызметкерлері қажетті көмек көрсетіп, отырғызуды өздері жүргізеді. Еңбекші ауданында Жібек жолы көшесіндегі №54 көпқабатты үйдің ауласында сенбілік өтті. Шараға «АМАНАТ» партиясы Шымкент қалалық филиалының өкілдері қатысты. Олар тұрғындармен бірге тұрмыстық қалдықтарды шығарып, құрғақ шөп шабу, бұтақтарды қырқып, ағаш діңдерін әктеді. Еңбекші ауданы әкімі аппаратының өкілі Жақсылық Атаев мұндай шаралардың маңыздылығын атап өтті. "Күнделікті өмірде тазалықты сақтау - туған жерге деген сүйіспеншілік пен қамқорлықтың көрінісі. Әрбір тұрғын өз ауласын күтіп ұстаса, бүкіл қала тазарып, көркейе түседі. "Таза бейсенбі" акциясы дәл осындай жауапкершілікті тәрбиелеуге бағытталған", - деді ол. Қарқынды дамып келе жатқан Тұран ауданында сенбілік ерекше жағдайда өтті. Шараға аудан жастары мен ардагерлер қатысты. Олар бірігіп аумақты қоқыстан тазартып, айналаны абаттандырды. Тұран ауданы әкімдігінің бөлім басшысы Дариха Раманова мұндай іс-шаралардың мақсаты тазалық қана емес, табиғатқа деген ұқыпты көзқарасты тәрбиелеу екенін атап өтті. «Жастар аға ұрпақтан үлгі алып, тазалыққа мән берсе екен дейміз. Қала тазалығын сақтау – біздің ортақ міндетіміз», - деді ол. Сенбілік барысында құлаған жапырақтар жиналып, арықтар мен суару жүйелері тазартылып, ағаштар мен бұталарға күтім жасалды. Сенбілікке ардагерлер кеңесінің төрағасы Сатыбалды Әділбекұлы да қолына күрек, сыпырғыш алып қатысты. Қала тазалығын сақтау – ұрпақтар сабақтастығының нышаны және азаматтық жауапкершіліктің көрінісі екенін айтты. Шымкент қалалық жастар ресурстық орталығының өкілдері де «ТазаШым» бастамасы аясында Әл-Фараби ауданында сенбілік өткізіп, акцияға белсенділік танытты. Жас еріктілер тұрмыстық қалдықтарды жинап, қоғамдық орындарды ретке келтірді. Сонымен қатар, қаладағы барлық оқу орындарында экологиялық сананы қалыптастыруға бағытталған сабақтар мен арнайы дәрістер өткізілді. Мектеп оқушыларына қоршаған ортаны қорғау, табиғатты аялау, тұрмыстық қалдықтарды кәдеге жарату қажеттігі туралы түсіндірілді. Мәселен, No59 орта мектепте экология пәнінен ашық сабақ өтті. Студенттер «Таза қала» атты іс-шаралар мен дәрістерге белсене қатысып, тазалықты сақтаудың және экологиялық мәдениетті дамытудың маңыздылығы туралы білді. Бүгінгі таңда «Таза Қазақстан» ұлттық жобасы – жай ғана экологиялық бастама емес, қоғамдық сананы өзгертуге, жаңа мінез-құлық мәдениетін дамытуға бағытталған ұзақ мерзімді бағдарлама. Шымкент – экологиялық бастамалардың жарқын үлгісі. Жүйелі жұмыс пен тұрғындардың қолдауының арқасында «таза қоршаған орта сапалы өмірге тең» деген жаңа түсінік қалыптасуда. Қала әкімдігі тұрғындарды өз аулаларын таза ұстауға, қоғамдық орындарда тәртіпті сақтауға, қаланы абаттандыруға белсенді қатысуға шақырады. Бүгінгі ауқымды сенбіліктердің нәтижесінде қаланың барлық аудандарында көшелер, аулалар, қоғамдық орындар, демалыс орындары тазаланды. Бұл шаралар Шымкент қаласының жалпы экологиялық жағдайына оң әсерін тигізді және тұрақты түрде жалғасын табады.

Бүгін Шымкент қаласында дәстүрлі түрде өткізіліп келе жатқан «Таза Қазақстан» экологиялық акциясы аясында кезекті жалпықалалық тазалық шарасы ұйымдастырылды. Аталған шара қаланың барлық аудандарында – Абай, Әл-Фараби, Еңбекші Қаратау және Тұран аумақтарында өтті. Бұл жолғы іс-шаралар «Таза бейсенбі» акциясы аясында ұйымдастырылып, оған мыңдаған тұрғындар мен қоғамдық ұйым өкілдері, коммуналдық қызмет қызметкерлері, партия мүшелері мен жастар белсене қатысты. Қала тұрғындары өз көшелерін, аулаларын және қоғамдық аймақтарды тазалауға жұмыла кірісіп, ортақ іске үлес қосты.Мұндай кең көлемдегі іс-шаралар тек экологиялық нәтиже беріп қана қоймай, қоғамда өзара ынтымақ пен ортақ жауапкершілік сезімін де нығайта түсуде.Әл-Фараби ауданында сенбілік өткізу игі дәстүрге айналған. Мұнда тазалық жұмыстары апта сайын тұрақты түрде жүргізіледі. Бүгінгі шара Сәуле шағын ауданында өтті. Тұрғындар мен коммуналдық қызмет өкілдері көпқабатты үйлер мен жеке сектор аумақтарындағы қоқыстарды жинап, көшелерді ретке келтірді.Аудан әкім аппаратының бөлім басшысы Берік Жанаевтың айтуынша, жыл басынан бері аудан аумағында елуге жуық сенбілік өткізілген.– Тұрғындар тарапынан қызығушылық жылдан-жылға артып келеді. Біз қыс мезгілінде қар тазалау, көктем мен күзде тал егу және қоқыс шығару жұмыстарын үзбей жүргіземіз. Сонымен қатар экологиялық мәдениетті қалыптастыру бағытында үгіт-насихат шараларын тұрақты түрде атқарып келеміз, – деді ол.Сонымен қатар, аудан аумағында соңғы уақытта 400-ге жуық ағаш отырғызылған. Бұл жұмыстар тұрғындардың өтініштері негізінде жүзеге асырылуда.Еңбекші ауданындағы сенбілік Жібек Жолы көшесіндегі №54 көпқабатты үй ауласында өтті. Іс-шараға AMANAT партиясының Шымкент қалалық филиалының өкілдері қатысып, тұрғындармен бірге аула мен көше бойындағы тұрмыстық қалдықтарды жинады, қураған шөптер мен бұтақтарды шауып, ағаштардың түбін әктеді.Еңбекші ауданы әкім аппаратының өкілі Жақсылық Атаев мұндай сенбіліктердің қоғам үшін маңызын атап өтті:– Күнделікті өмірде тазалық сақтау – азаматтардың туған жерге деген жанашырлығының нақты көрінісі. Егер әр адам өз ауласын таза ұстаса, бүкіл қала көркейеді. «Таза бейсенбі» акциясы осы жауапкершілікті қалыптастыруға бағытталған, – деді ол.Қаладағы жаңа әрі қарқынды дамып келе жатқан Тұран ауданында өткен сенбілік ерекше сипатқа ие болды. Мұндағы іс-шарада аудан жастары мен ардагерлер ерекше белсенділік танытып, тұрғындармен бірге аумақты тазалады.Тұран ауданы әкімдігінің бөлімі басшысы Дариха Раманова мұндай шаралардың мақсаты тек аумақты тазалау емес, тұрғындарды табиғатқа ұқыпты қарауға шақыру екенін айтты.– Біз жастардың үлкендерден үлгі алып, тазалыққа мән беруін қалаймыз. Қала тазалығы – бәріміздің ортақ борышымыз, – деді ол.Сенбілік барысында жапырақтар жиналып, арықтар мен ирригациялық жүйелер тазартылды, ағаштар мен бұталарға санитарлық күтім жасалды.Ардагерлер кеңесінің төрағасы Сатыбалды Әділбекұлы да жастармен бірге қолына күрек пен сыпырғыш алып, белсенділік танытты. Оның айтуынша, қала тазалығы – ұрпақтар арасындағы сабақтастықты нығайтудың бір көрінісі.Сондай-ақ, Шымкент қалалық Жастар ресурстық орталығының өкілдері де акцияға белсене қатысып, өз үлестерін қосты. Қала жастары Әл-Фараби ауданы аумағында «TazaShym», акциясы аясында тазалық жұмыстарын жүргізіп, тұрмыстық қалдықтарды жинауға атсалысты.Сонымен қатар, қаланың барлық білім беру ұйымдарында экологиялық тәрбиеге бағытталған сынып сағаттары мен арнайы дәрістер ұйымдастырылды. Оқушыларға қоршаған ортаны қорғау, табиғатқа ұқыпты қарау және тұрмыстық қалдықтарды сұрыптап, арнайы орындарға тастау қажеттілігі түсіндірілді.Атап айтқанда, №59 жалпы орта мектепте экологиялық тақырыптағы ашық сабақтар өткізілді. Оқушылар экология мәселелеріне арналған түрлі іс-шараларға белсенді қатысып, «Таза қала» атты дәрістер барысында табиғатты аялаудың маңыздылығы мен экологиялық мәдениетті қалыптастырудың қажеттілігі туралы мол мағлұмат алды.«Таза Қазақстан» ұлттық жобасы тек экологиялық шара ғана емес, азаматтардың санасы мен өмір салтын өзгертуді көздейтін ұзақ мерзімді бастама болып табылады.Бүгінде мегаполис бұл бағытта елге үлгі боларлық нәтижелер көрсетіп отыр. Тазалық шараларының нәтижесінде тұрғындар арасында табиғатты қорғауға деген көзқарас өзгеріп, «таза орта – сапалы өмір» қағидасы қалыптасуда.Өз кезегінде қала әкімдігі тұрғындарды өз аулаларын таза ұстауға, қоғамдық орындарда тәртіп пен тазалықты сақтауға және қаланың көркеюіне үлес қосуға шақырады.Бүгін өткен ауқымды сенбіліктер нәтижесінде Шымкенттің барлық аудандарында көшелер мен аулалар, қоғамдық аймақтар мен демалыс орындары ретке келтірілді. Қаланың экологиялық ахуалына оң әсер еткен бұл шаралар алдағы уақытта да тұрақты түрде жалғасын табады.

Аудан әкімі Берік Сәрменбаев Ұлттық Валюта күні және қаржы саласы қызметкерлерінің кәсіби мерекесіне орай аудан қаржыгерлері мен сала ардагерлерін мерекемен құттықтады.– Төл теңгеміздің тарихы Қазақстан Президентінің 1993 жылдың 12 қарашасында қол қойған «Қазақстан Республикасының ұлттық валютасын енгізу туралы» Заңынан бастау алып, 15 қарашадан бастап ел аумағындағы жаңа сауда-саттық жасау құралы ретінде қолданысқа енгізілді. Бұл күн – Қазақстан тарихындағы атаулы күндердің біріне, ал, Ұлттық Валюта – біздің ел Тәуелсіздігі мен мемлекеттігіміздің басты белгісіне айналды.1997 жылдан бері Мемлекет басшысының Жарлығымен 15 қараша – Ұлттық Валюта және қаржыгерлер күні ретінде аталып келеді. Қаржы жүйесі – елдің экономикасын басқарудың күретамыры, ал сала мамандары – бюджетті жоспарлаушы, мемлекеттік саясаттың орындалуына тікелей ықпал етуші тұлғалар. Сіздердің кәсіби шеберліктеріңіз, жауапкершіліктеріңіз, есеп пен тәртіпке деген адал көзқарастарыңыз ел экономикасының тұрақты дамуын қамтамасыз етіп отыр. Аудан бюджетінің теңгерімді құрылуы, әлеуметтік нысандардың уақытылы қаржыландырылуы, ауылдық елді мекендердің инфрақұрылымдық дамуы – осының бәрі Сіздердің аса жауапты еңбектеріңіздің жемісі. Аудандық бюджеттің салықтық түсімдері жылдан - жылға ұлғайып келеді. Салықтық түсімдер көлемінің ұлғайғаны аудандық бюджет кірісінің көлемінің өсуіне ықпал жасады. Биыл 10 айлық қорытынды бойынша аудан бюджеті 13 миллиардқа жетті.Осындай табысқа жетуімізге Өздеріңіз секілді тәжірибелі, білікті мамандардың өзіндік үлесі бар. Сала ардагерлері, Сіздердің де ұзақ жылдар бойы ауданның экономикалық әлеуетін нығайту жолында атқарған қажырлы еңбектеріңіз – бүгінгі буынға үлгі.Бүгінгі мерейлі мерекеде ел экономикасының дамуына аянбай күш-жігерін жұмсаған қаржы саласының ардагерлері мен бүгінгі сала қызметкерлеріне шынайы алғысымды білдіремін, – деді Берік Әбдіғаппарұлы. Мерекелік қабылдауда аудан әкімі аудандық қазынашылық басқармасының басшысы З.Рахымшаеваны құрметті зейнет демалысына шығуымен құттықтады. – Атаулы мерекеде аудандық қазынашылық басқармасының басшысы Рахымшаева Зағира Байқоңырқызы құрметті зейнет демалысына шығуда. Зағира Байқоңырқызы аудан дамуына өлшеусіз үлес қосты. Облыстық қазынашылық басқармасында экономист, қазынашы, бөлім басшысы қызметтерін атқарып, 2015 жылдан бері аудандық қазынашылық басқармасын басқарып келді. Он жыл ішінде аудан қазынасының көбеюіне тынымсыз қызмет атқарып, экономикамызды дамытуға атсалысты. Қаржы жүйесіндегі қажырлы қызметі үшін Зағира Рахымшаеваға аудан халқы және Өзімнің атымнан шынайы ризашылығымды жеткіземін, – деді аудан әкімі.Құттықтаудан соң аудан әкімі З.Рахымшаеваға облыстық "Құрмет грамотасын" табыс етті. Сондай-ақ, аудан экономикасының дамуына қызмет атқарып жүрген бірқатар сала ардагері мен қызметкері облыс, облыс әкімі орынбасары және аудан әкімінің "Алғысы хатымен" марапатталды.Мерекелік іс-шарада сала ардагерлері қаржыгерлерге жылы лебіздерін жеткізді.Ақпарат көзі : https://www.gov.kz/memleket/entities/kyzylorda-syrdarya/press/news/details/1106022?lang=kk

Токио, 2025 жылғы 14 қараша – Қазақстан Республикасы Сыртқы істер министрінің орынбасары Әлібек Бақаев Қазақстан мен Жапония сыртқы саяси ведомстволары арасындағы саяси консультациялардың кезекті отырысына қатысты.Жапонияның Мемлекеттік сыртқы істер министрі Аяно Кунимицумен өткен кездесуде тараптар екіжақты ынтымақтастықтың қазіргі жағдайы мен даму перспективаларын, қол жеткізілген уағдаластықтардың орындалуын және алдағы іс-шаралар кестесін талқылады. А.Кунимицу Қазақстанның Орталық Азия өңіріндегі маңызды рөлін атап өтіп, Токионың Астанамен кеңейтілген стратегиялық серіктестікті одан әрі тереңдетуге бейілділігін растады.Жапония Сыртқы істер министрлігінің Орталық Азия бойынша Арнайы өкіл, Елші Масаки Ишикавамен жүргізілген келіссөздер барысында екіжақты қатынастардың өзекті мәселелері мен шарттық-құқықтық базаны кеңейту, сондай-ақ ынтымақтастықтың визалық және консулдық-құқықтық аспектілері қарастырылды. «Орталық Азия + Жапония» Диалогының бірінші саммитіне дайындық барысында ерекше мән берілді. Сонымен қатар қауіпсіздік саласындағы ахуалды қоса алғанда, халықаралық және өңірлік күн тәртібіндегі негізгі мәселелердің кең ауқымы бойынша терең пікір алмасу орын алды.Бұдан басқа, Ә.Бақаев Жапонияның Экономика, сауда және индустрия министрлігінің өкілдерімен кездесу өткізіп, оның барысында Қазақстандағы жапон компанияларының инвестициялық қызметін кеңейту перспективалары талқыланды.Ақпарат көзі : https://www.gov.kz/memleket/entities/mfa/press/news/details/1106041?lang=kk

9–13 қараша аралығында Абай облысының Семей қаласында ересектер арасында дзюдодан Қазақстан чемпионаты өтті. Ауқымды додаға еліміздің 17 облысы мен республикалық маңызы бар үш қаладан 600-ден астам спортшы қатысты. Жарысқа Ұлттық ұлан әскери қызметшілер де қатысып, бірқатар салмақ дәрежелерінде жүлделі орындар иеленді.66 кг салмақ дәрежесінде Ұлттық ұланның спорттық командасының өкілі — 6636 әскери бөлімінің спорт командасы орталығының аға нұсқаушысы, аға маманы қатардағы Бауыржан Нарбаев көзге түсті. Ол қарсыластарынан техникалық тұрғыдан басым болып, 1-орынды қанжығасына байлады.- Чемпионаттағы жеңіс - үлкен еңбектің нәтижесі. Ұлттық ұланның Бас қолбасшылығына және спорттық командаға қолдау мен сенім білдіргені үшін алғыс айтамын. Әсіресе күн сайын еңбегін аямайтын жаттықтырушыларыма және әрдайым жанымнан табылатын қарулас жолдастарыма рахмет. Бұл медаль - тек менің емес, бәріміздің жеңісіміз. Алдағы уақытта да лайықты нәтижелер көрсетіп, Ұлттық ұланның абыройын асқақтатуға тырысамын», - деді Бауыржан Нарбаев.+100 кг салмақ дәрежесінде 2-орынды 5573 әскери бөлімінің әскери қызметшісі қатардағы Санжар Жабборов иеленді. Бұл нәтижесі оған Қазақстанның дзюдо бойынша ұлттық құрамасының мүшесі атануға мүмкіндік берді. Бұл жас спортшы үшін ғана емес,  әскери бөлімнің спорттық команда ұжымы үшін зор жетістік.73 кг салмақ дәрежесінде 3-орынды 6655 әскери бөлімінің әскери қызметшісі қатардағы Мәді Жеткерген жеңіп алды. Ол жоғары дайындық деңгейін көрсетіп, жеңіске деген ерік-жігерін дәлелдеді.Құқықтық тәртіп әскері спортшыларының бұл жеңістері Ұлттық ұландағы спорттық дайындықтың жоғары деңгейін көрсетіп қана қоймай, елімізде дзюдоның дамуына да өз үлесін қосып отыр. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1106028?lang=kk

Радиоэлектроника және байланыс әскери-инженерлік институтында мерзімді қызметтегі сарбаздарды запасқа шығаруға арналған салтанатты рәсім өтті.Әскери жоғары оқу орнының күзгі шақырылымдағы қарауыл ротасының жауынгерлері өз міндеттерін абыроймен атқарып, қызметтерін лайықты деңгейде аяқтады.Олардың еңбегі еленіп, әрбір сарбазға алғыс хаттар мен бағалы сыйлықтар табысталды. Жыл ішінде қызметімен ерекшеленген әскери қызметшілерге кезекті әскери атақтар берілді.Бұл шақырылымда жауынгерлік және кәсіби даярлықта жоғары нәтижелер көрсеткен алты сарбаз білім гранттарына ие болды. Оның бесеуі Қазақстан Республикасы Қорғаныс министрлігінің әскери жоғары оқу орындарында білімін жалғастырса, біреуі әл-Фараби атындағы Қазақ ұлттық университетіне оқуға түсетін болды. Сонымен қатар төрт сарбаз Қарулы күштер қатарында келісімшарт негізінде қызметін жалғастыруға шешім қабылдады.– Қызмет мен үшін маңызды өмірлік белес болды. Ол маған азаматтық борышымды өтеуге мүмкіндік беріп, жоғары оқу орнына жол ашты. Қолдау көрсеткені және өсуге жағдай жасағаны үшін Қорғаныс министрлігіне алғыс айтамын, – деді мерзімді қызметтің қатардағы жауынгері Диляр Зияудинов.Радиоэлектроника және байланыс әскери-инженерлік институты қарауыл ротасы құрылғаннан бері мерзімді қызметтегі он төрт сарбаз білім грантына ие болды. Он бесі Қорғаныс министрлігінің әскери жоғары оқу орындарына оқуға түскен, ал бесеуі келісімшарт бойынша қызметін жалғастырған.Ақпарат көзі : https://www.gov.kz/memleket/entities/mod/press/news/details/1106017?lang=kk

Қазақстан Республикасы Президентінің "Әкімдердің халықпен кездесулерін өткізу туралы" №826 жарлығына сәйкес бүгін аудан әкімі Берік Сәрменбаевтың ІІ жартыжылдықтағы есепті кездесулері Бесарық, Қоғалыкөл, Шіркейлі ауылдарында өтті.Кездесулерге "AMANAT" партиясы аудандық филиалының Атқарушы хатшысы Ақтөре Ибрагимұлы, аудандық мәслихат депутаттары, дербес бөлім мен коммуналдық сала басшылары қатысты.Жиын барысында аудан әкімі аймақ бойынша жаңалықтармен бөлісіп, аудан бойынша атқарылған жұмыстарға тоқталды.2022 жылдан бастап Мемлекет басшысы Қасым-Жомарт Кемелұлы Тоқаевтың тапсырмасымен, Үкіметтің және аймақ басшысы Нұрлыбек Машбекұлы Нәлібаевтың қолдауымен аймағымызда халыққа қажетті 200-ге жуық әлеуметтік нысандар салынып, тұрғындарымыздың игілігіне берілді. 1 600 шақырым автомобиль жолдары мен 30 көпір өткелін салуға, күрделі жөндеуден өткізуге 144 млрд. 775 млн. теңге бөлінді. Биыл облыста жақсы жағдайдағы жолдардың үлесі 95 пайызға жетті. Қызылорда қаласында 270 көше қайта жаңғыртылды. Қызылорда-Жезқазған жолының бізге тиесілі 191 шақырымы бүгінде толық асфальттанды, енді жол белгілері мен инфрақұрылымы реттелу үстінде. Келер жылы толығымен пайдалануға берілмек. Биыл барлық елді мекендер 100 пайыз орталықтандырылған сапалы ауыз сумен қамтамасыз етілді. 2021 жылдың соңында газдандыру деңгейі 67 пайызды құраса, бүгінде бұл көрсеткіш өңірде 83 пайызға жетті. Биыл газдандыру жобаларына 6 млрд. 100 млн. теңге қаржы бөлінген. 2022-2024 жылдары тұрғын үй кезегінде тұрған азаматтарға 5 мыңнан аса пәтер табысталды. Биыл 3 600 пәтерлі тұрғын үй салуға бюджеттен 58 млрд. 785 млн. теңге бөлінді. Айтулы инвестжоба санатында «Акса Энерджи» түрік инвесторымен 215 млрд. теңгеге қуаттылығы 240 мегаватты құрайтын жаңа жылу электр орталығы салынды. Қызылорданы ыстық сумен қамтамасыз ету мәселесі оң шешімін тапты. Жыл соңына дейін облыс орталығындағы көпқабатты үйлер ыстық сумен қамтамасыз етіледі, – деді Берік Әбдіғаппарұлы.Биыл Бесарық ауылында кіреберіс 2 шақырым жол түнгі жарықпен қамтылса, Қоғалыкөл ауылында Ә.Тілеулиев, М.Шоқай, С.Майқанова, Ы.Алтынсарин көшелері күрделі жөндеуден өтті. Сондай-ақ, Шіркейлі елді мекенінде Ж.Нұрсейітов, Б.Жақыпов көшелері күрделі жөнделіп, шағын футбол алаңы пайдалануға берілді.Аудан басшысы аталған елді мекен тұрғындарының ұсыныс-пікірлерін тыңдап, тұрғындарға жеке мәселелері бойынша қабылдау жүргізді. Тиісті сала басшыларына тапсырмалар берді.Ақпарат көзі : https://www.gov.kz/memleket/entities/kyzylorda-syrdarya/press/news/details/1106019?lang=kk

Қазақстан Республикасының Ұлттық валютасы күнін қорғаныс ведомствосының қаржыгерлері де кәсіби мерекесі ретінде атап өтеді.Қарулы күштердің қаржылық қамтамасыз ету жүйесі – сан алуан үдерістерден құралған күрделі, әрі тұтас құрылым. Ол армияның барлық тыныс-тіршілігін қамтиды. Әскердің материалдық-техникалық жарақтануы, инфрақұрылымның дамуы мен оны ұстап тұру, әскери қызметшілерді лайықты әлеуметтік пакетпен қамтамасыз ету, кәсіби әскери білім беру, сапалы медициналық қызмет көрсету – мұның бәрі қаржыгерлердің үйлесімді еңбегінің нәтижесі.Әскери қаржыгерлердің табанды еңбегінің арқасында әскери ведомствода мемлекеттік жоспарлау, материалдық ресурстар есебі және қаржылық қамтамасыз ету бойынша заманауи жүйе қалыптасты. Оның негізін бюджетті жоспарлау процесі құрайды. Бұл сала жылдар бойы түбегейлі жаңарып, тиімділікті арттыру жолында үлкен өзгерістерді бастан кешірді.Көпдеңгейлі қаржылық қамтамасыз ету жүйесі әскери шығыстарды реттеуге, әскердің қажеттіліктерін дер кезінде қанағаттандыруға, қаржы жоспарының дайындалуы мен орындалуының әр кезеңінде бюджет қаражатының жұмсалуын бақылауға мүмкіндік береді.Кәсіби мереке қарсаңында қызметтік міндеттерін мінсіз атқарып, үлгілі қызметімен ерекшеленген бірқатар әскери қаржыгерлер «Ел қорғаны» ведомстволық медалімен және «Қаржы қызметінің үздігі» төсбелгісімен марапатталды. Ең үздік мамандарға басшылық тарапынан грамоталар, алғыс хаттар және бағалы сыйлықтар табысталды.Ақпарат көзі : https://www.gov.kz/memleket/entities/mod/press/news/details/1106000?lang=kk

Женева 2025 жылғы 13 қараша – Дүниежүзілік зияткерлік меншік ұйымының штаб-пәтерінде ДСҰ және халықаралық экономикалық ұйымдар жанындағы Қазақстан Республикасының Тұрақты өкілі Қайрат Төребаевтың төрағалығымен WIPO Pulse 2025 жаһандық есебін ұсыну рәсімі өтті.Іс-шараны ДЗМҰ Бас директоры Дарен Танг ашып, зияткерлік меншік саласындағы жаһандық үрдістерді түсіну және неғұрлым инклюзивті халықаралық саясатты қалыптастыру үшін зерттеудің маңыздылығын атап өтті.Қазақстанның жаһандық сауалнамаға қатысқан 74 елдің бірі екені атап өтілді. Зерттеу нәтижелеріне сәйкес, Азия–Тынық мұхиты өңірінің мемлекеттерінде халықтың зияткерлік меншіктің негізгі институттары туралы хабардарлығы айтарлықтай артқан, және Қазақстан осы оң өңірлік трендтің бір бөлігі болып табылады.Отырыс барысында географиялық ерекшелігі бар ұлттық өнімдерді қорғаудың маңыздылығы да ерекше аталды. Мысал ретінде географиялық көрсеткіштердің мемлекеттік тізілімінде ресми тіркелген алматылық апорт келтірілді. Сондай-ақ мәдени мұраның элементтері болып табылатын және зияткерлік меншік тетіктері шеңберінде одан әрі ілгерілету мен ықтимал қорғау үшін әлеуеті бар қызылордалық күріш пен қазақстандық бал сияқты дәстүрлі өнімдер атап өтілді.Іс-шарада сөз сөйлеген Тұрақты өкіл Қ. Төребаев зерттеу нәтижелері Қазақстанның әлеуметтік-экономикалық дамуы үшін зияткерлік меншіктің өсіп келе жатқан маңыздылығын растайтынын және мемлекет жүргізіп отырған осы саладағы саясаттың тиімділігін көрсететінін атап өтті. Ол WIPO Pulse есебінің деректері зияткерлік меншік саласындағы ұлттық саясатты одан әрі жетілдіруге, білім беру бағдарламаларын дамытуға және жастарға, кәсіпкерлерге, сондай-ақ креативті индустрия өкілдеріне қолдау көрсету құралдарын кеңейтуге негіз болатынын атап өтті.Ресми бөлім аяқталғаннан кейін BERENT тәуелсіз халықаралық зерттеу компаниясының өкілдері зияткерлік меншіктің тұрақты экономикалық өсу факторы ретіндегі өсіп келе жатқан рөлін растайтын жаһандық және өңірлік тенденцияларға егжей-тегжейлі талдау ұсынды.Ақпарат көзі : https://www.gov.kz/memleket/entities/mfa-wto/press/news/details/1105969?lang=kk

Женева, 2025 жылғы 14 қараша – 2025 жылғы 12 және 14 қарашада Дүниежүзілік сауда ұйымының штаб-пәтерінде Гватемала Республикасының сауда саясатының төртінші шолуы өтті. Отырысқа ДСҰ жанындағы Қазақстан Республикасының Тұрақты өкілі Қайрат Төребаев төрағалық етті. Бұл шара ДСҰ мүшелеріне Гватемаланың сауда саясатының басымдықтарымен танысуға, жүргізіліп жатқан реформаларды талқылауға және көпжақты сауда жүйесі үшін маңызды мәселелер бойынша пікір алмасуға мүмкіндік берді.Гватемала делегациясын Интеграция және сыртқы сауда жөніндегі вице-министр Хектор Хосе Маррокин Мора басқарды. Ол 2016-2024 жылдар кезеңіндегі елдің негізгі экономикалық жетістіктерін таныстырды. ДСҰ мүшелері Гватемаланың тұрақты макроэкономикалық саясатын, ЖІӨ-нің жылдық орташа 4%-ға жуық өсуін, қаржы жүйесінің тұрақтылығын, инвестициялық ахуалдың жақсаруын, инфрақұрылымды жаңғырту мен бизнеске қолайлы жағдайдың кеңеюін жоғары бағалады. Мемлекеттік қызметтерді цифрландыру, кедендік рәсімдерді жетілдіру және логистикалық шешімдерді енгізу нәтижесінде сыртқы сауда операцияларының тиімділігі артқаны атап өтілді.Гватемала жүргізіп жатқан реформаларға қатысты пікірлер оң болды. Бәсекелестікті жетілдіру, шағын және орта бизнесті қолдау, әйелдер кәсіпкерлігін дамыту, сондай-ақ өңірлік және жаһандық құн тізбектеріне қатысуын кеңейту бағытындағы шаралар ерекше назарға алынды. Гватемаланың ДСҰ қызметіне белсенді қатысуы, бірқатар бірлескен бастамаларға қосылуы, балық шаруашылығына арналған субсидиялар туралы келісімді ратификациялауы және өңірлік интеграцияға қосқан үлесі де жоғары бағаланды.Қазақстан өз сөзінде Гватемаланың сауда саясатының ашықтығы мен болжамдылығын арттыру, реттеу тетіктерін жаңғырту, әкімшілік әлеуетті нығайту және бәсекелі ортаны дамыту бойынша қабылдаған маңызды қадамдарын атап өтті. Сонымен қатар, цифрландыру, сауда рәсімдерін жеңілдету және ШОБ мүмкіндіктерін кеңейту елдің әрі қарай дамуының негізгі факторлары екені айтылды. Қазақстан Гватемаланың диалогқа ашықтығын және тәжірибе бөлісуге дайын екенін құптады.Қорытынды сөзінде Төраға Қайрат Төребаев Гватемаланың шолу үдерісінің барлық кезеңдерінде жоғары транспаренттілік пен белсенді қатысуын атап өтті. Ол мүше мемлекеттер арасындағы талқылаулардың конструктивті өткенін және институционалдық реформаларды дәйекті жалғастырудың маңыздылығын атап көрсетті. Сондай-ақ, шолу барысында талқыланған нәтижелер Гватемаланың ДСҰ мүшелерімен одан әрі тиімді ынтымақтастығы үшін берік негіз қалыптастыратынына сенім білдірді.Сауда саясатын шолу рәсімі ДСҰ транспаренттілік тетігінің маңызды элементі болып табылады және мүше елдерге ақпарат алмасуға, өзара түсіністікті нығайтуға және саясаттың болжамдылығын арттыруға мүмкіндік береді. Келесі Сауда саясатын шолу 2025 жылғы 17 және 19 қарашада өтеді және Непалға арналады.Ақпарат көзі : https://www.gov.kz/memleket/entities/mfa-wto/press/news/details/1105977?lang=kk

Белем қ., 2025 жылғы 14 қараша - БҰҰ Климаттың өзгеруі туралы негіздемелік конвенциясы тараптарының 30-шы конференциясы (СОР30) аясында Қазақстан делегациясы «Орталық Азияның көміртегі нарығына арналған цифрлық платформаны қалыптастыру» атты тақырыптық сессияға қатысты. Іс-шараға Қазақстан делегациясын ҚР Экология және табиғи ресурстар вице-министрі Мансұр Ошурбаев бастап қатысты.         Сондай-ақ, аталған сессияда «Жасыл академия» ғылыми-білім беру орталығының директоры Бақыт Есекина, «Қазахстан Ғарыш Сапары» ҰК» АҚ Басқарма Төрағасы Қайыржан Қожаев, Д.Қонаев атындағы Тау-кен ісі институтының тау жүйелерін тану бөлімінің меңгерушісі Сейтқали Ғалиев, Алматы энергетика және байланыс университетінің ректоры Ғани Нығметов баяндама жасады.Орталық Азияның өңірлік көміртегі нарығын қалыптастыру үшін бірыңғай цифрлық платформа құру жөніндегі бастаманы таныстыра отырып, Қазақстан делегациясының мүшелері өз баяндамаларында климаттық реттеуді цифрландыру және көміртегі бірліктерін есепке алу саласына инновациялық құралдарды енгізу, өңір елдеріне Париж келісімін іске асырудың тиімділігін арттыруға, сондай-ақ «жасыл» инвестицияларды тартудың жаңа мүмкіндіктерін ашуға мүмкіндік беретінін атап өтті. Сонымен қатар, олар өңірлік көміртегі нарығына арналған цифрлық платформаны құру, Орталық Азияда бірыңғай климаттық кеңістік қалыптастыру жолындағы маңызды қадам болып саналатынын, өңірдің жаһандық климаттық күн тәртіптегі орнын күшейтетінін және 2060 жылға қарай көміртектік бейтараптыққа қол жеткізу жөніндегі ұлттық мақсаттарға жәрдемдесетінін ерекше атап өтті.Іс-шараға қатысушылар Қазақстанның аталған бастамасының маңыздылығын атап өтіп, жаһандық климаттық мақсаттар мен тұрақты даму қағидаттарын ескере отырып, ынтымақтастықты тереңдетуге дайын екендіктерін білдірді.Бұған дейін ү.ж. 6–7 қарашада Белем қаласында өткен СОР30 Көсбасшылар саммитіне Қазақстан Республикасының Экология және табиғи ресурстар министрі Ерлан Нысанбаев қатысқан болатын.Ақпарат көзі : https://www.gov.kz/memleket/entities/mfa-brazil/press/news/details/1105993?lang=kk

Cұхбат cілтемесіАқпарат көзі : https://www.gov.kz/memleket/entities/mfa-skopje/press/news/details/1105995?lang=kk

Сантьяго қ., 2025 жылғы 14 қараша – Чили астанасында Қазақстанның Республикасы күні мен ұлы қазақ ақыны Абай Құнанбайұлының 180 жылдығына арналған «Ұлы дала мен Анд үні» атты поэтикалық атауымен концерт өтті. Іс-шараны «Қазақстан-Чили» достық қоғамы ҚР-дың Бразилиядағы және Чилидегі қоса атқарушы Елшілігі мен Чили Университетінің халықаралық зерттеулер институтының қолдауымен ұйымдастырды.Салтанатты кеш, Достық қоғамының жетекшісі, Димаш Құдайберген фан-клубының басшысы Кармен Сандовалдың құттықтау сөзімен ашылды. Оның Абай өлеңімен сүйемелденген сөздері, екі құрлықтың мәдениеті, поэзиясы мен әуенін тоғыстырған бұл шараға достық пен жылы шырайлы рух сыйлады.Сахнат өрінде дала рухына толы әйгілі қазақ әуендері мен поэзиялық өлеңдері орындалды. Шарапия Кәкімованың Абайдың танымал «Көзімнің қарасы» әуені мен «Дударай» халық әнін орындауы, көрермендерді ерекше ықыласқа бөледі. Сондай-ақ, чилилік музыкант Мария Аргентина Муньос домбырада қазақ күйлерін орындап, көрермендердің зор қошеметіне ие болды.Іс-шараның ең жас қатысушысы, Димаш Құдайберген фан-клубының мүшесі Максимо Леон, кештің нағыз жаңалығы болды. Оләйгілі қазақстандық әншінің әндерін қазақ тілінде орындап, көрермендердің ерекше ықыласына бөленді.Кеш соңында достық қоғамының өзге де чилилік музыканттары, оның ішінде Кирия Домингес саксофон мен трубада әлемге танымал орындаушылардың әуендерін орындап, мерекелік кешті әсерліреңкте аяқтады.Биыл Қазақстан мен Чили, дипломатиялық қатынастар орнауының32 жылдығына тап өтуде. Ынтымақтастықтың жалғасы ретінде 2026 жылғы жазда «Қазақстан–Чили» достық қоғамының бесінші отырысын өткізу жоспарлануда. Бұл шара, екі ел арасындағы диалог пен халық дипломатиясын нығайтудың келесі қадамы болмақ. Ақпарат көзі : https://www.gov.kz/memleket/entities/mfa-brazil/press/news/details/1105996?lang=kk

Нью-Йорк, 2025 жылғы 14 қараша – Қазақстан Республикасының БҰҰ жанындағы Тұрақты Өкілдігінде 2025 жылғы 17-18 қыркүйекте Астанада өткен Әлемдік және дәстүрлі діндер лидерлерінің VIII Съезінің қорытындыларына, сондай-ақ БҰҰ Өркениеттер альянсының 20 жылдығына арналған іс-шара өтті. Жиынға БҰҰ мүше мемлекеттерінің тұрақты өкілдері, БҰҰ Хатшылығының басшылығы, БАҚ өкілдері және азаматтық қоғам өкілдері қатысты.Қазақстанның БҰҰ жанындағы Тұрақты өкілі Қайрат Омаров өз сөзінде Өркениеттер альянсының 20 жылдық тарихы қазіргі әлемдегі өзара түсіністіктің, сенім мен мәдени құрметтің маңызын айқын көрсететінін атап өтті. Ол Қазақстан осы құндылықтарды толықтай қолдап, діндер мен мәдениеттер арасындағы диалогты ұлттық және халықаралық саясаттың маңызды басымдығы ретінде ілгерілетіп келе жатқанын айтты.К. Омаров Әлемдік және дәстүрлі діндер лидерлерінің Съезіне ерекше назар аударып, оның 2003 жылдан бері әр 3 жыл сайын Астанада өткізіліп, жаһандық деңгейде бірегей диалог алаңына айналғанын атап көрсетті. Ол Съезд қорытындысы бойынша қабылданған «2025 Астана бейбітшілік декларациясының» маңызын атап өтті. Аталған құжат БҰҰ Бас Ассамблеясының ресми құжаты ретінде (A/80/425) таратылған. Декларация «Әртүрліліктегі бірлік» қағидаттарына бейілділікті растайды, БҰҰ-ның діни нысандарды қорғау жөніндегі іс-қимыл жоспарын қолдайды және Өркениеттер альянсының бейбітшілік мәдениетін ілгерілетудегі рөлін ерекше атап өтеді.Қазақстандық дипломат Съез аясында өткен Діни нысандарды қорғау жөніндегі арнайы сессия туралы да айтып өтті. Сессияға БҰҰ Бас хатшысының орынбасары, Өркениеттер альянсының Жоғары өкілі – БҰҰ-ның исламофобияға қарсы күрес жөніндегі Арнаулы өкілі Мигель Анхель Моратинос және ҚР Парламенті Сенатының Төрағасы Мәулен Әшімбаев тең төрағалық етті. Бұл сессия 2024 жылы Кашкайш қаласында (Португалия) өткен жаһандық конференцияда басталған талқылаулардың жалғасы болды және діни нысандардың қауіпсіздігін қамтамасыз етуге бағытталған нақты тетіктерді әзірлеуді мақсат етті.Іс-шараның құрметті қонағы ретінде сөз алған М. Моратинос Қазақстанның мәдениеттер мен діндер арасындағы диалогты дамытудағы рөлін жоғары бағалады. Ол Қазақстанның әлемдік бейбітшілік мәдениетін ілгерілетуге үлгі болып келе жатқанын, ал Астанада өткен Съез әртүрлі конфессиялар арасындағы өзара құрмет пен сенімді нығайтуға қосқан елеулі үлес екенін атап өтті. БҰҰ Жоғары өкілі арнайы сессияның маңыздылығын ерекше атап өтіп, оны діни нысандарды қорғау және экстремизмге қарсы іс-қимыл бойынша жаһандық күш-жігердің маңызды кезеңі деп атады.М. Моратинос Қазақстан әлемдік қауымдастық үшін төзімділік пен конфессияаралық келісімнің жарқын үлгісі болып табылатынын мәлімдеді. Ол халықаралық поляризацияның артуы аясында еліміздің күш-жігерінің өзектілігін атап өтіп, «Астанада Ислам мен Иудаизм өкілдері бір үстел басында отырады» деп атап өтті.Сонымен бірге, Жоғары өкіл Қазақстан мен Президент Касым-Жомарт Тоқаевқа оған «Діндер арасындағы диалогты дамытуға қосқан үлесі үшін Астана халықаралық сыйлығын» табыстағаны үшін алғыс білдірді. Ол бұл марапатты өзінің және Өркениеттер альянсының көпжылдық еңбегіне көрсетілген жоғары баға әрі сенімнің белгісі деді.Іс-шара соңында қатысушылар Қазақстанның маңызды бастамалары мен БҰҰ Өркениеттер альянсының қызметі арасындағы өзара сабақтастық пен синергияны күшейтуге бағытталған осы кездесудің өзектілігін атап өтті. Тараптар алдағы уақытта ынтымақтастықты кеңейту бағыттары мен жаңа бірлескен бастамаларды талқылады.Ақпарат көзі : https://www.gov.kz/memleket/entities/mfa-kazakhstanun/press/news/details/1105997?lang=kk

2025 жылғы 14 қарашада Алматы қаласы бойынша Мемлекеттік кірістер департаментінде ұлттық валюта күніне арналған салтанатты іс-шара өтті. Салтанатты рәсім аясында Мемлекеттік кірістер органдарының бірқатар қызметкерлері кәсіби жетістіктері мен адал еңбегі үшін марапатталды.Іс-шара Қазақстан Республикасының Мемлекеттік Әнұранын орындаумен ашылды. Қатысушыларға Алматы қаласы бойынша Мемлекеттік кірістер департаментінің басшысы Қанат Ескендірұлы Баеділов құттықтау сөз сөйледі. Ол ұлттық валюта ел тәуелсіздігінің басты рәміздерінің бірі екенін атап өтіп, ұжымды кәсіби мерекемен құттықтады.Қанат Ескендірұлы өз үндеуінде барлық қызметкерлерге мансаптық өсу мен жұмыста табыс тілеп, мұндай көтермелеулер маңызды ынталандыру болып табылатынын және мемлекеттік қызметшілердің жауапкершілігін күшейтетінін атап өтті.Іс-шара барысында ведомстволық наградалар табысталды, олардың ішінде:— "Қаржы қызметінің үздігі" төсбелгісі-департамент пен аудандық басқармалардың үздік қызметкерлеріне;— Қазақстан Республикасы Қаржы Министрлігінің құрмет грамоталары-кәсіби қызметте жоғары нәтижелерге қол жеткізген мамандарға.Ұлттық валюта күніне орай Мемлекеттік кірістер органдарының ардагерлеріне ерекше алғыс сөздер айтылды. Олардың көп жылғы еңбегі, кәсібилігі мен адалдығы елдің тұрақты салық жүйесі мен қаржылық тәртібін қалыптастыру үшін негіз болғандығы атап өтілді. Ардагерлер арасында Алмалы ауданы бойынша Мемлекеттік кірістер басқармасының қызметкері Күлбақыт Нұрғасенқызы Торайғырова марапатталды.Салтанатты іс-шара құттықтаулармен және ізгі тілектермен аяқталды. Қызметкерлердің еңбегін мойындау мотивацияны нығайтуға және олардың мемлекет игілігі үшін одан әрі жұмысының тиімділігін арттыруға ықпал ететіні атап өтілді.Ақпарат көзі : https://www.gov.kz/memleket/entities/kgd-almaty/press/news/details/1105957?lang=kk

Ақмола облысы бойынша Мемлекеттік кірістер департаментінде Ұлттық валюта және қаржыгерлер күніне арналған салтанатты жиналыс өтті.Мемлекеттік кірістер департаментінің басшысы Дулат Нұрмолдин құттықтау сөзінде Еліміздің тәуелсіз дамуының 30 жылдан астам уақытында қаржы жүйесі Қазақстанның бүкіл экономикасын нығайтуда және оны еуразиялық интеграцияға қосуда маңызды рөл атқарғаны туралы атап өтті.Ақмола облысы бойынша Мемлекеттік кірістер департаментінің қызметкерлермен  ағымдағы жылдың 10 айы қорытындысы бойынша мемлекеттік бюджетке 510 миллиардтан астам теңге, салықтық және кедендік әкімшілендіру аясында қосымша резервтерін анықтау нәтижесінде 23  миллиард тенгеден астам мемлекеттік бюджетке қамтамасыз етілді.Кәсіби мереке қарсаңында Мемлекеттік кірістер департаментінің қызметкерлері мен ардагерлері  медальдармен және Алғыс хаттарымен марапатталды.Өзінің қызметтік міндеттерін үлгілі орындағаны үшін «Қаржы қызметінің үздігі» төс белгісімен Ақкөл ауданы бойынша Мемлекеттік кірістер басқармасының басшысы Майра Караулова, Өндірістік емес төлемдер басқармасы бөлімінің басшысы Алибек Ашуов, Камералдық мониторинг  басқармасының  бас маманы Жаныл Жусупова, Қаржы басқармасының басшысы Арман Аяшев, Аршалы ауданы бойынша Мемлекеттік кірістер басқармасы басшының орынбасары Рауза Айтпаева, Целиноград ауданы бойынша Мемлекеттік кірістер басқармасы Салық төлеушілермен жұмыс бөлімінің басшысы Сәуле Гумарова марапатталды.Қазақстан Республикасы мемлекеттік кірістер жүйесінің дамуына елеулі үлес қосқаны, мінсіз мемлекеттік қызметі үшін Ақмола облысы әкімінің Алғыс хатымен Жанама салықтарды және ЕАЭО шеңберінде ҚҚС әкімшілендіру басқармасы  басқармасының бөлім басшысы Жанна Антаева марапатталдыБүгінгі таңда мемлекеттік кірістер органдарының алдында салық және кеден түсімдерінің уақтылы және толық түсуін қамтамасыз ету және бюджеттің кіріс бөлігін қалыптастыру міндеті тұр.Ақпарат көзі : https://www.gov.kz/memleket/entities/kgd-akmola/press/news/details/1105942?lang=kk

Бекітілген этика жөніндегі уәкілдердің жұмыс жоспары аясында 13 қараша күні Алматы қаласы бойынша АМКБ мен МКД қызметкерлері меценат Нұрлан Смағұлов негізін қалаған заманауи және актуалды өнерге арналған жекеменшік музей – Almaty Museum of Arts музейіне барды.Экскурсияға Алматы қаласы бойынша МКД-ның этика жөніндегі уәкілі Омаров Азат Сапарғалиұлының өзі қатысып, мұндай бастамалардың командалық және корпоративтік рухты нығайтудағы маңызын атап өтті.Экскурсия барысында музей қызметкерлерге зор әсер қалдырды: олар тек экспозициямен және сәулетпен танысып қана қоймай, шығармашылық пен шабыт атмосферасына терең бойлады.Көпшілігі заманауи өнер туындыларымен танысу олардың дүниетанымын байытқанын атап өтті. Осындай мәдени шаралар ұжымды біртұтас етіп қана қоймай, өзара құрмет, ашықтық және эстетикалық қабылдау сияқты құндылықтарды дамытуға көмектеседі – бұл қасиеттер қоғамдық қызметте және этикалық көшбасшылықта ерекше маңызды.Ақпарат көзі : https://www.gov.kz/memleket/entities/kgd-almaty/press/news/details/1105951?lang=kk

Страсбург, 2025 жылғы 13-14 қараша – Қазақстан Республикасы Ішкі істер Министрінің орынбасары Айдар Сайтбеков бастаған қазақстандық делегация Еуропа Кеңесінің киберқылмыстар туралы Конвенциясы Комитетінің 33-пленарлық отырысына қатысты.80-нен астам елден келген қатысушылар Киберқылмыстар туралы конвенцияның (Будапешт конвенциясы) және Екінші қосымша хаттаманың тетіктерін іске асыру мәселелерін талқылап, электрондық дәлелдемелерге жедел қол жеткізу, 24/7 байланыс пункттерінің желісінің жұмыс істеуі, сондай-ақ жасанды интеллект пен виртуалды активтердің Конвенция нормаларын қолдануға ықпалына ерекше назар аударды.Сонымен қатар халықаралық ынтымақтастықтың тиімділігін арттыру үшін киберқылмыстарды тергеу кезінде жеке сектормен өзара іс-қимылды күшейту мәселелері қаралды.Сапар аясында қазақстандық делегация басшысының Есірткілерді теріс пайдалану және олардың заңсыз айналымына қарсы күрес жөніндегі ынтымақтастық тобы (Помпиду тобы) хатшылығының басшысы Ардита Абдиумен екіжақты кездесуі өтті. Еуропалық тарап заңсыз есірткі айналымына қарсы іс-қимыл, тыйым салынған заттарды тұтынуды болдырмау және профилактикаға бағытталған жобаларды таныстырды.ҚР ІІМ өкілі Помпиду тобының өңірлік бастамаларына қатысуды қоса алғанда, еуропалық сарапшылармен практикалық өзара іс-қимылды кеңейтуге мүдделілік білдірді.Бірлескен жаттығулар мен жобаларды өткізу үшін алаң ұсынуға дайындығын білдіріп, бұл есірткі қылмыстарына қарсы халықаралық тетіктерді нығайтуға мүмкіндік беретіні атап өтілді.Ақпарат көзі : https://www.gov.kz/memleket/entities/mfa-strasbourg/press/news/details/1105938?lang=kk

Варшава, 2025 жылғы 14 қараша - Қазақстан Елшісі Нұрлан Жалғасбаевтың Польша Мұсылмандар діни одағының Жоғарғы алқасының төрағасы, Мүфти Томаш Миськевичпен кездесуі өтті.Тараптар Қазақстан мен Польша арасындағы дін саласындағы ынтымақтастықтың жай-күйі мен болашақ перспективаларын талқылады. Арнайы назар дінаралық диалогты дамытуға, мәдени және білім беру саласындағы ынтымақтастыққа, сондай-ақ екі елдің мұсылман қауымдары арасындағы өзара түсіністікті нығайтуға аударылды.Т. Миськевич Қазақстандағы дінаралық және конфессияаралық диалогты жоғары бағалап, Әлемдік және дәстүрлі дін лидерлері съезінің бастамаларын ілгерілетудің маңыздылығын атап өтті.Кездесу қорытындысы бойынша тараптар бірлескен бастамалар мен белсенді өзара іс-қимылды жалғастыруға ниетті екендіктерін білдірді.Ақпарат көзі : https://www.gov.kz/memleket/entities/mfa-warsaw/press/news/details/1105928?lang=kk