Атамекен ауылдық округі әкімінің міндетін атқарушы Ә. Кемежанов тұрғындарды күнделікті қабылдауда. Ауыл тұрғындарының өтініштері мен ұсыныстарын тыңдап, шешімін табуға бағытталған жұмыстар жүйелі түрде жүргізілуде.Ақпарат көзі : https://www.gov.kz/memleket/entities/mangystau-munaily-atameken/press/news/details/1124374?lang=kk

Әскери бөлімдер мен бөлімшелерде механик-жүргізуші, көздеуші-оператор, пулеметші, граната атқыш және басқа да әскери есептік мамандықтар бойынша оқу топтары құрылды.Мамандықты терең зерделеу үшін оқу-материалдық база нысандары дайындалып, әскери техника мен оқ-дәрілер бөлінді. Сабақты тәжірибелі командирлер мен сержант-нұсқаушылар жүргізуде.Мамандық бойынша дайындық кезеңінің басталуына орай Райымбек батыр атындағы Алматы десанттық-шабуылдау бригадасына Қарулы күштердің Сержанттар құрамымен жұмыс жөніндегі басқарма бастығы шебер-сержант Темірбек Халықов келді. Ол оқу үдерісінің ұйымдастырылуын және әскери қызметшілердің қажетті дағдыларды меңгеру деңгейін тексеру барысында ЗУ-23-2 қондырғысының тактикалық-техникалық сипаттамаларын үздік меңгергені үшін әуе шабуылына қарсы қорғаныс батареясы зениттік-артиллериялық взводының есептобына қарасты қатардағы жауынгер Олжас Дүйсенбайға алғыс жариялады.Шебер-сержант Темірбек Халықовтың айтуынша, оқытуды ұйымдастыру мақсатында бес мыңнан астам сержант-нұсқаушы дайындалған. Сабақтар негізінен тәжірибелік бағытта өтіп, жаттығу, топтық дайындық және практикалық тапсырмалар орындау әдістері кеңінен қолданылады.– Дайындықтың соңғы кезеңінде әрбір әскери қызметші оқу бағдарламасын толық меңгеруге, атқарып жүрген лауазымына сәйкес қызметтік және арнайы міндеттерді білуге, сондай-ақ белгіленген стандарттар бойынша сынақтардан өтуге тиіс, – деп атап өтті ол.Жауынгерлік дайындықтың келесі кезеңі – бөлімшелердің үйлесімділігін арттыру. Бұл кезеңде бөлімдер, экипаждар мен есептоптар құрамында бірлескен іс-қимылдарды орындау арқылы жауынгерлік тапсырмаларды пысықтау көзделген.Ақпарат көзі : https://www.gov.kz/memleket/entities/mod/press/news/details/1124375?lang=kk

Шығыс Қазақстан облысының әкімі Нұрымбет Аманұлы Сақтағанов тұрғындармен ашық кездесу өткізді. Көтерілген мәселелер - бәріміз үшін маңызды бағыттар.Кездесуде облыс әкімі Президенттің жаңа Жолдауында белгіленген міндеттерді жүзеге асыру, өңір экономикасын әртараптандыру, инфрақұрылымды жаңарту және әлеуметтік саланы дамыту бойынша нақты тапсырмалар берді.Ауданымыздың даму жоспары, инвестициялық жобалар, ауыл шаруашылығының әлеуеті, туризмді өркендету, жолдар мен су жүйелерінің жағдайы, интернетке қолжетімділік – барлығы талқыланып, нақты шешімдер қабылданды. Ақпарат көзі : https://www.gov.kz/memleket/entities/maslikhat-ulken-naryn/press/news/details/1124328?lang=kk

Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің (бұдан әрі - Комитет) Қылмыстық қауіп-қатердің және қоғамдық қауіпсіздіктің тәуекелдерін болжау орталығы интернет-алаяқтықтың жаңа түрі туралы ескертеді.Шетелдік дереккөздердің мәліметтері бойынша(https://www.kommersant.ru/doc/8230736, https://www.pravda.ru/news/videochannel/2313571-russia-new-fraud-scheme/, https://iz.ru/1996945/2025-11-26/moshenniki massovo-zastavliaiut-zhertvsamim-zvonitim?utm_source=yxnews&utm_medium=desktop&utm_referrer=https%3A%2F%2Fdzen.ru%2Fnews%2Finstory%2Fa910b074-a37c-54c8-bb26-884c26851152, https://lenta.ru/news/2025/11/26/nazvanasamaya- populyarnaya-v-poslednie-mesyatsy-shema-moshennichestva/) алаяқтар жаңа шабуыл толқынын іске қосып, жеткізу қызметтері, басқарушы компаниялар және банктер атынан хаттар мен SMS-хабарламалар жіберуде. «Авторизациядағы қате», «домофонды ауыстыру» немесе «есептегіштерді тексеру» деген сылтаумен қаскүнемдер азаматтарды олардың өздерін қайта қоңырау шалуға мәжбүрлейді.Нәтижесінде, ештеңеден күдіктенбейтін тұрғындар кибералаяқтарға әлеуметтік инженерия құралдарын қолдануға жағдай жасайды.Мыналарды ұсынамыз:- сақтық танытып, беймәлім кіріс хат-хабарлар мен қоңырауларға сыникөзқараспен қарау;- ұйымдардың ресми сайттарында көрсетілген телефон нөмірлерінеғана қайта қоңырау шалу;- екі факторлы аутентификацияны пайдалану;- банк карталарының деректерін, SMS арқылы келетін бір реттіккодтарды және өзге де құпия ақпаратты үшінші тұлғаларға бермеу.Қырағы болыңыздар, киберқауіпсіздік талаптарын сақтаңыздар. Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Қылмыстық қауіп-қатердің және қоғамдық қауіпсіздіктің тәуекелдерін болжау орталығыАқпарат көзі : https://www.gov.kz/memleket/entities/kostanay/press/news/details/1124330?lang=kk

Дамуға ресми көмек арқылы Қазақстанның жұмсақ күшін іске асыру туралы алғашқы оқу құралы жарық көрді"KazAID" Қазақстандық халықаралық даму агенттігі Л. Н.Гумилев атындағы Еуразия ұлттық университетімен (ЕҰУ) бірлесіп, елімізде дамуға ресми көмек (ДРК) мәселелеріне арналған алғашқы кешенді оқу құралын ұсынды. Басылым ДРК-ны Қазақстанның жұмсақ күшінің құралы ретінде пайдалануды ашады.Оқу құралының шығуы Қазақстанның халықаралық көмек алатын мемлекеттен оны басқаларға беруге қабілетті елге дейінгі жолын көрсете отырып, маңызды кезеңді білдіреді. ДРК-нің жеке жүйесін құру және KazAID-ті құру мемлекеттілікті нығайту, экономикалық өсу және халықаралық беделді арттыру нәтижесі болып табылады.Оқу құралында Қазақстанның ДРК жүйесін қалыптастырудың негізгі кезеңдері елімізді орташадан жоғары табысы бар мемлекет ретінде танудан бастап дамуға ресми көмек саласындағы құқықтық негізді қабылдауға дейінгі кезеңдер сипатталған. Институционалдық құрылымды қалыптастыруды аяқтаған ұлттық оператор ретінде KazAID мекемесінің ашылуы және ЭЫДҰ-ның жәрдемдесу комитетінің шақырылған қатысушысы мәртебесін алуы.Басылымға Қазақстанның ДРК жүйесінің дамуын талдау, АҚШ пен Жапонияның жұмсақ күшін іске асыру тәсілдерін салыстырмалы зерттеу, сондай-ақ Орталық Азия мен басқа өңірлердегі KazAID тәжірибесіне шолу кіреді.Оқу құралы студенттерге, оқытушыларға, зерттеушілерге және халықаралық қатынастар, мемлекеттік басқару және даму саласындағы мамандарға арналған.Басылымның авторлары: Аркен Арыстанов - KazAID Төрағасы, экономика ғылымдарының докторы; Әйгерім Оспанова-PhD докторы, ЕҰУ профессоры; және Ақбота Жолдасбекова - ЕҰУ профессорының м. а.Оқу құралының электрондық нұсқасы мына сілтеме бойынша қолжетімді: https://www.gov.kz/memleket/entities/kazaid/documents/details/914949?lang=kkАқпарат көзі : https://www.gov.kz/memleket/entities/kazaid/press/news/details/1124313?lang=kk

Жас отандастарымыз тұрғын үй жағдайын жақсарту және білім алу ақысын төлеуге 28,25 млн АҚШ долларын пайдаланды  2024 жылғы 1 ақпаннан бастап 2025 жылғы 1 желтоқсандағы жағдай бойынша уәкілетті оператор жалпы сомасы 28,25 млн АҚШ долларына 188 242 өтініш орындады. Қаражат уәкілетті операторларға өтініш берушілердің банктік шоттарына есептеу үшін аударылды. Оның ішінде тұрғын үй мәселелерін шешу үшін 17,60 млн АҚШ долларына 116 579 өтініш, білім алу ақысын төлеуге шамамен 10,65 млн АҚШ долларына 71 663 өтініш орындалды.Естеріңізге сала кетейік, нысаналы жинақтарды (НЖ) алушы барлық соманы немесе оның бір бөлігін пайдалануға құқылы. Пайдаланылмаған қалдық нысаналы жинақтау шотында (НЖШ) сақталады. Тұрғын үй жағдайларын жақсарту аясында қазақстандықтар қаржыларын көбінесе мынадай мақсатта пайдаланды: одан әрі жинақтау үшін тұрғын үй құрылысы жинақтарындағы салымды толықтыруға 17,23 млн АҚШ долларына 113 944 өтініш, тұрғын үй сатып алуға ипотекалық тұрғын үй қарызын алу үшін бастапқы жарнаны енгізуге 126,70 мың АҚШ долларына 899 өтініш және азаматтық-құқықтық мәмілелер бойынша меншікке тұрғын үй сатып алуға (түпкілікті есеп айырысу) 86,29 мың АҚШ долларына 643 өтініш орындалды. Білім алу ақысын төлеу бойынша ең танымал қосалқы мақсаттар: Қазақстан Республикасының аумағында орналасқан білім ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе бір рет толық көлемде (бүкіл оқу мерзімі үшін) ақы төлеу (9,81 млн АҚШ долларына 64 877 өтініш орындалды), білім алу үшін жинақтау салымы туралы шарт бойынша білім алу жинақтау салымын толықтыру (580,04 мың АҚШ долларына 4 776 өтініш орындалды), шетелдік білім беру ұйымдарының оқыту қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеу (214,72 мың АҚШ долларына 1 633 өтініш орындалды).           Нысаналы жинақтар төлемін тұрғын үй жағдайларын жақсарту және (немесе) білім алу ақысын төлеу мақсатында пайдалану бойынша уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады. Естеріңізге сала кетейік, "Ұлттық қор - балаларға" бағдарламасына сай Қазақстан Республикасы Ұлттық қорының инвестициялық кірісінің 50%-ы жылына бір рет 2006 жылы және одан кейін туған, Қазақстан Республикасының азаматы болып есептелетін балалар арасында бөлінеді. 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға биыл 3,04 АҚШ доллары мөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағындағы қаражат 100,52 АҚШ долларына тең болса, 2007 жылы туған баланың НЖШ-да 232,94  АҚШ доллары жинақталды. Кәмелетке толған азаматтар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы өз бетінше алуы тиіс, содан кейін уәкілетті операторға АҚШ долларында банктік шот ашып, тұрғын үй жағдайларын жақсарту және (немесе) білім алу ақысын төлеу үшін НЖ төлеміне онлайн-өтініш беру үшін жүгіне алады. 2025 есепті жылдағы нысаналы талаптар, сондай-ақ инвестициялық кіріс нысаналы талаптарға қатысушыларға 2026 жылғы 1 ақпаннан кешіктірілмей есептелетін болады.2008 жылы туылған және 2026 жылы 18 жасқа толатын қазақстандықтардың нысаналы жинақтары да олардың нысаналы жинақтау шоттарына 2026 жылғы 1 ақпаннан кешіктірілмей есептелетін болады. "Ұлттық қор – балаларға" бағдарламасы бойынша есептер enpf.kz сайтына тұрақты түрде жарияланып отырады.kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен, қажетті нұсқаулықтармен танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OM  сілтемесі бойынша көруге болады.  БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).Ақпарат көзі : https://www.gov.kz/memleket/entities/abay-kokpekti/press/news/details/1124678?lang=kk

      ҚР ҚМ Мемлекеттік кірістер комитеті «Қазақстан Республикасындағы кедендік реттеу туралы» Қазақстан Республикасы Кодексінің 417-бабының 9-1-тармағына және 418-бабының 20-тармағына сәйкес Қазақстан Республикасы Қаржы министрінің кейбір бұйрықтарына өзгерістер енгізді. Құжат Кеден кодексінің нормаларын іске асыруға бағытталған және кедендік тексерулер жүргізу кезінде мемлекеттік кірістер органдары мен тексерілетін тұлғалар арасындағы өзара іс-қимыл тәртібін анықтайды.      Ережелер 2026 жылдың 1 қаңтарынан бастап күшіне енеді және кедендік тексеру рәсімдерін бизнес үшін ашық әрі ыңғайлы етеді. Кедендік тексерудің алдын ала актін табыс ету шарттары, жазбаша қарсылықтарды беру және оларды қарау тәртібі айқындалды.     Кедендік тексерулер бойынша негізгі өзгерістер:Тексерілетін тұлғаның жазбаша қарсылықты ұсыну және оны қарау мерзімдері реттелді (қарсылықты беру және оны қарау мерзімдері алдын ала тексеру актісін алғаннан және қарсылық тиісінше келіп түскеннен кейін келесі күннен басталатын болады). Бұрын мерзімдер алдын ала тексеру актісін алған және қарсылық түскен күннен бастап есептелді.Жазбаша қарсылықты қарау мерзімдері қайта басталған кезде тексерілетін адамды хабардар ету. Мұндай қайта бастау туралы ақпарат 2 жұмыс күні ішінде жіберіледі.Тексерілетін тұлға шешім қабылдаған кезде бұрын берілген жазбаша қарсылықты қайтарып ала алады.Салық кодексі 144-бабының 3-тармағына сәйкес ірі салық төлеушілер мониторингіне жататын және инвестициялық және (немесе) арнайы инвестициялық келісімшарттарды жасасқан тексерілетін тұлғалар қарсылықтарын Мемлекеттік кірістер комитет қарайды.     Өзгерістердің түпкі мақсаты – аудит процедурасын түсінікті, икемді ету және мемлекет пен салық төлеушілер арасындағы ашық диалогқа бағытталған.    Ақпарат көзі : https://www.gov.kz/memleket/entities/kgd/press/news/details/1124324?lang=kk

Мәслихат депутаттары Шығыс Қазақстан облыстық көпсалалы онкология және хирургия орталығына барды. Мұнда жаңғырту және реконструкциялау шеңберінде жөндеу жұмыстары жүргізілді, жабдықтар, жиһаз және материалдық-техникалық база жаңартылды.Атап айтқанда, онкологиялық науқастарға уақтылы жоғары технологиялық медициналық көмек көрсету үшін медициналық жабдықты заманауи жабдыққа ауыстыра отырып, хирургиялық корпустың бөлімшелерін жаңғырту жүргізілді.Бұдан басқа, 2- қабаттағы бөлімшелерде  маммологиялық орталыққа, химиялық және сәулелік терапияның күндізгі стационарына, оңалту бөлімшесіне, ақпараттық технологиялар және техникалық қызмет көрсету бөліміне, әкімшілік үй-жайларға; 3- қабатта  хирургия және эндоскопия күндізгі стационарына, хирургия және урология бөлімшесінің тәулік бойы стационарына күрделі жөндеу жүргізілді.Қазіргі уақытта 1 - қабатта жұмыс аяқталады, онда қабылдау бөлімі, дәріхана, орталық зертхана, анықтамалық, компрессорлық бөлім орналасқан.Депутаттар медициналық орталықтың дамуындағы оң динамиканы атап өтіп, пациенттер мен медициналық персонал үшін жағдайды жақсарту жөніндегі жұмысты жалғастырудың маңыздылығын атап өтті.Ақпарат көзі : https://www.gov.kz/memleket/entities/ukmaslihat/press/news/details/1124283?lang=kk

2025 жылдың 10 желтоқсанында «СҚО Әділет департаменті» РММ «№1 ауданаралық мәжбүрлеп орындату аумақтық бөлімі» филиалының аға сот орындаушысы Жанат Серікұлы Нұғыманов Солтүстік Қазақстан облысы бойынша «Азаматтарға арналған үкімет» мемлекеттік корпорациясының Мамлют ауданы бөлімінде «Сыбайлас жемқорлықтың алдын алу шаралары» тақырыбында дәріс өткізді.Қызметкерлер тарапынан қойылған сұрақтарға жауап берілді.Ақпарат көзі : https://www.gov.kz/memleket/entities/adilet-sko/press/news/details/1124198?lang=kk

Жол қауіпсіздігін қамтамасыз ету мақсатында, ауылішілік автомобиль жолдарын күтіп ұстаушы мердігер мекеме тарапынан 3- орынға жарық диотты жаяу жүргіншілерге арналған жол белгісі орнатылды.Ақпарат көзі : https://www.gov.kz/memleket/entities/mangystau-munaily-bayandy/press/news/details/1124205?lang=kk

 Әкім Қ.Жексенбаев марапат иесін құттықтап, отбасының берекесін арттыруға қосқан үлесі мен аналық еңбегін жоғары бағалайтынын жеткізді.⚜️Баянды ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-bayandy/press/news/details/1124214?lang=kk

2025 жылғы 11 желтоқсанда «Заң мен Тәртіп» идеологиясын жүзеге асыру аясында Солтүстік Қазақстан облысының нотариусымен бірлесе отырып, “Zanger” палатаның заң консультанттары халыққа арналған «Тегін заң көмегі» акциясын өткізді.▫️Іс-шара барысында азаматтар өздерін толғандырған құқықтық мәселелер бойынша сауалдарын қойып, білікті мамандардан кәсіби кеңес алу мүмкіндігіне ие болды.📌Кездесу кезінде алаяқтықтың алдын алу бағытындағы маңызды мәселелер талқыланып, сондай-ақ азаматтардың қолайлылығы үшін әзірленген арнайы чат-боттың артықшылықтары түсіндірілді.Ақпарат көзі : https://www.gov.kz/memleket/entities/adilet-sko/press/news/details/1124217?lang=kk

Шығыс Қазақстан облысы бойынша Мемлекеттік кірістер департаментінде мемлекеттік қызметшілер арасында құқықбұзушылықтардың алдын алу мәселелеріне арналған кеңес өтті.Кеңесті ШҚО бойынша Мемлекеттік кірістер департаменті басшысының орынбасарының м.а. Жибитаев Асхат Райнбекович өткізді. Іс-шараға ШҚО Полиция департаментінің Қоғамдық қауіпсіздік басқармасының тұрмыстық зорлық-зомбылықпен күрес бөлімі бойынша ерекше тапсырмалар жөніндегі аға инспекторы Алимжанова Зарина Каиролдиновна, Өскемен қаласы Полиция басқармасының қылмыстық полиция бөлімінің капитаны Токенов Мерей Айдынулы, сондай-ақ Өскемен қаласы Полиция басқармасының патрульдік полиция батальоны взводының командирі, полиция капитаны Өмірбекұлы Ернар қатысты.Кездесу барысында мемлекеттік қызметшілердің алкогольдік, есірткілік және (немесе) улану жағдайында болуын болдырмау, психоактивті заттарды медициналық емес қолданудың алдын алу, тұрмыстық зорлық-зомбылықпен күрес, сондай-ақ кибершабуылдарға қарсы іс-қимыл мәселелері талқыланды.Полиция өкілдері қолданыстағы заңнама нормаларын, жауапкершілік шараларын және профилактикалық тетіктерді түсіндірді.Кездесу қорытындысы бойынша департамент басшысының м.а. – Әдеп жөніндегі уәкіл Жибитаев Асхат Райнбекович қызметтік әдеп нормаларын, мемлекеттік қызмет туралы заңнаманы, сыбайлас жемқорлыққа қарсы талаптарды және Мемлекеттік қызметшінің Әдеп кодексін қатаң сақтаудың маңыздылығын атап өтті.Ақпарат көзі : https://www.gov.kz/memleket/entities/kgd-vko/press/news/details/1124160?lang=kk

Облыс әкімі Нұрымбет Сақтағанов «Никольск-1» ЖШС-не барды Алтай ауданына жұмыс сапары барысында облыс әкімі Нұрымбет Сақтағанов «Никольск-1» ЖШС-нің қызметімен танысты. Жекеменшік ауыл шаруашылығы кәсіпорны 2009 жылдан бері жұмыс істеп, өңірдегі тұрақты аграрлық шаруашылықтардың бірі болып табылады. Кәсіпорынның негізгі қызмет бағыттары:•егіншілік,•мал шаруашылығы. Шаруашылық өңірді сапалы ауыл шаруашылығы өнімдерімен қамтамасыз етіп, жергілікті тұрғындар үшін маусымдық жұмыс орындарын ашады.Кәсіпорынның құрылтайшысы Марат Сайлұбаев облыс әкіміне Орел тауының үстінде қысқы туристік инфрақұрылымды дамыту жоспарын таныстырды. Болашақта заманауи қысқы спорт түрлері кешенін салу, арқан жолын қалпына келтіру және марал шаруашылығын ашу қарастырылуда. Бұл жоба ауданның туристік мүмкіндіктерін кеңейтіп, жаңа инвестиция тартуға бағытталған.Облыс әкімі мұндай бастамалардың маңыздылығын атап өтіп, ауыл шаруашылығы мен туризмді дамыту Алтай ауданы үшін өсудің негізгі бағыттарының бірі екенін баса айтты.Ақпарат көзі : https://www.gov.kz/memleket/entities/vko-altay-chapaev/press/news/details/1124162?lang=kk

Шығыс Қазақстан облысының әкімі Н. Сақтағанов Алтай ауданына жұмыс сапары барысында тұрғындармен кездесіп, оларға ағымдағы әлеуметтік-экономикалық даму көрсеткіштерін таныстырды және Алтай ауданының алдағы уақыттағы негізгі міндеттерін атап өтті.Кездесу барысында тұрғындар коммуналдық инфрақұрылымның жай-күйіне, кәсіптік оқытуды дамытуға және экологиялық қауіпсіздікке қатысты бірқатар маңызды мәселелерді көтерді.Алексей Сергеевич Леоновтың айтуынша, негізгі тақырыптардың бірі Алтай қаласындағы жылу беру пунктерін қайта құру қажеттілігі болды. Бұл жұмыс энергия тиімділігін арттырып, тұрғындарды сапалы және үздіксіз жылумен қамтамасыз етеді.Келесі мәселе білім беруді қолдауға қатысты болды. Кездесуде Елена Викторовна Назарова Чапаево ауылындағы «Ауыл шаруашылығы колледжі» КММ оқу-өндірістік шеберханасын қаржыландыру мәселесін көтерді. Ол қысқа мерзімді курстар мен практикалық оқытуларды ұйымдастыру үшін материалдық-техникалық базаны жаңарту қажеттілігін атап өтті, бұл жергілікті тұрғындардың біліктілігін арттыруға және жұмыспен қамту мүмкіндіктерін кеңейтуге ықпал ете алады.Алтай және Серебрянск қалаларындағы ауыз суды тазарту ғимараттарының жағдайына ерекше назар аударылды. Серебрянск қаласының тұрғыны Ерасыл Қаныбековтің айтуынша, суды тазарту ғимараттарын жаңарту экологиялық қауіпсіздікті қамтамасыз ету және өмір сүру сапасын жақсарту үшін өте маңызды.Барлық сұрақтар бойынша түсініктемелер берілді, оларды шешудің жоспарланған кезеңдері мен тәсілдері белгіленді.Ақпарат көзі : https://www.gov.kz/memleket/entities/vko-altay-altay/press/news/details/1124164?lang=kk

Алматы облысының ауылдық елді мекендерінде денсаулық сақтау саласында оң өзгерістер байқалып келеді. Ауыл халқының денсаулығын жақсарту мақсатында кешенді шаралар қабылдануда. Бұл – ел қажетіне сай жасалып отырған жақсы бастама.Өңірде бірнеше медициналық нысанның құрылысы жүріп жатыр. Соның бірқатары Қарасай ауданына тиесілі.Халық игілігі үшін салынып жатқан ғимараттардың бірі – Қарасай ауданының Үштерек ауылында бой көтеруде. Су жаңа дәрігерлік амбулатория бір ауысымда 50 адамды қабылдай алады.Тапсырыс беруші – «Алматы облысы құрылыс басқармасы» ММ, ал мердігер – «Бауыр Құрылыс Компаниясы» ЖШС. Аталған ұйымдар құрылыс жұмыстарына бірлесіп жауапты.Жаңа дәрігерлік амбулаторияның іргетасы 2024 жылдың маусым айында қаланған, ал құрылыс жұмыстары биылғы жылдың соңына дейін толық аяқталады деп күтілуде.Келесі нысан – осы аудандағы Абай ауылының тұрғындары үшін салынып жатқан медициналық мекеме. Оның техникалық сипаттамалары Үштеректегі амбулаториямен бірдей. Мұнда да бір ауысымда 50 адам қабылданады. Құрылыс жұмыстары 2024 жылдың тамыз айында басталып, биыл жыл соңына дейін аяқталуы жоспарланған.Сондай-ақ қарасайлықтарды қуантатын тағы бір жағымды жаңалық – Қаратөбе ауылында фельдшерлік-акушерлік пункттің ашылуы. Бас мердігер – «Капитал Строй Проект Групп» ЖШС. Нысанның дайындық деңгейі 95 пайызға жеткен. Қалған жұмыстар желтоқсан айының соңына дейін аяқталып, нысан пайдалануға берілмек.Жалпы, Алматы облысында денсаулық сақтау саласы қарқынды дамып келеді.Ақпарат көзі : https://www.gov.kz/memleket/entities/almobl/press/news/details/1124148?lang=kk

Подгорица, 2025 жылғы 9-10 желтоқсан – Қазақстанның Черногориядағы Елшісі Дәулет Батырашев Черногория Скупщинасының (Парламентінің) Президенті Андрия Мандичпен келіссөздер өткізді. Келіссөздер барысында Қазақстан мен Черногория арасындағы парламентаралық байланыстардың қазіргі жағдайы қаралып, парламентаралық ынтымақтастықты жандандыру қажеттігі атап өтілді.Черногория саясаткері Қазақстанмен достық жөніндегі парламенттік топ құруға дайын екенін білдіріп, өз әріптесі – ҚР Парламенті Мәжілісінің Төрағасы Ерлан Қошановты қазақстандық тарап үшін ыңғайлы кез келген уақытта Черногорияға ресми сапармен келуге шақырды. Сапар мерзімдері дипломатиялық арналар арқылы келісілетін болады.Өз кезегінде қазақстандық дипломат сұхбаттасушысына Қазақстандағы ішкі саяси ахуал туралы, оның ішінде Президент Қасым-Жомарт Тоқаев бастамашылық еткен ауқымды саяси реформалардың жүзеге асырылуы және бір палаталы Парламентке көшу жоспары жөнінде мәлімет берді.Сонымен қатар, Д. Батрашев жұмыс сапары барысында Черногориямен ықпалдастықты одан әрі дамыту мақсатында бірқатар кездесулер өткізді.Атап айтқанда, Черногория СІМ-нің Мемлекеттік хатшысы Периш Кастратовичпен және Черногория Президенті Кеңсесінің халықаралық мәселелер жөніндегі кеңесшісі Ирена Прелевичпен өткен келіссөздер барысында тараптар екіжақты қатынастардың қазіргі жағдайы мен даму перспективаларын егжей-тегжейлі талқылап, саяси диалогты нығайтуға, атап айтқанда, екіжақты қатынастар тарихындағы Черногория Президентінің Қазақстанға алғашқы сапарын ұйымдастыру мәселесіне, саяси консультацияларды қайта бастау мүмкіндігіне, сондай-ақ Астанада Черногорияның дипломатиялық миссиясын ашу мәселесіне ерекше мән берді.Черногория тарапы өз мемлекет басшысының Орталық Азия елдеріне жалпы және Қазақстанға нақты сапарын ұйымдастырудың маңыздылығын атап өтті. Осыған байланысты тараптар келесі жылы жоспарланған сапардың нақты мерзімдері мен егжей-тегжейін талқылап, қол қою үшін мүмкін болатын құжаттардың тізбесін қарастырды.Сондай-ақ аймақтық және жаһандық күн тәртібіндегі бірқатар өзекті мәселелер бойынша пікір алмасу жүргізіліп, БҰҰ, ЕҚЫҰ, Еуропа Кеңесі шеңберіндегі өзара іс-қимыл және халықаралық ұйымдардың сайланбалы органдарында екі елдің үміткерлерін өзара қолдау мәселелері қаралды.Туристік ағындарды арттыру, әуе қатынасын дамыту және визалық рәсімдерді оңтайландыруды қоса алғанда, туризм саласындағы екіжақты ынтымақтастықты дамыту перспективалары профильдік ведомствоның Мемлекеттік хатшысы Петар Драшковичпен өткен кездесуде қаралды. Тараптар туризм саласында ынтымақтастық туралы екіжақты құжатқа қол қою мүмкіндігін қарастыруға келісті.Черногория Әділет министрлігінің қылмыстық және азаматтық құқық жөніндегі Бас директоры Елена Грдничпен құқықтық көмек көрсету, қылмыстық іс жүргізу аясындағы ынтымақтастықты жандандыру, сондай-ақ профильдік ведомстволар арасында тәжірибе алмасу мүмкіндіктері талқыланды.Черногория Сауда-өнеркәсіп палатасының Президенті Нина Дракичпен өткен кездесу барысында тараптар іскерлік ынтымақтастықтың қазіргі жағдайын, сондай-ақ Черногория Президентінің алдағы сапары аясында черногориялық іскерлік қауымдастық өкілдерінің Қазақстанға келуін ұйымдастыру мүмкіндігін, қазақстандық және черногориялық кәсіпкерлерге арналған бизнес-форум өткізу және қазақстандықтар үшін туристік көрме ұйымдастыру мәселелерін талқылады.Ынтымақтастықтың басым салалары ретінде энергетика, фармацевтика, ауыл шаруашылығы, туризм және ақпараттық технологиялар аталды.Елші черногориялық тарапқа кейінгі мүмкін экспорт үшін ауыл шаруашылығы мақсатындағы тауарлардың кең номенклатурасын ұсынды.Ақпарат көзі : https://www.gov.kz/memleket/entities/mfa-zagreb/press/news/details/1124141?lang=kk

Сараево, 2025 жылғы 11 желтоқсан – Қазақстан Республикасының Төтенше және Өкілетті Елшісі Дәулет Батырашев Босния және Герцеговина Президиумының Төрағасы Желько Комшичке сенім грамоталарын тапсырды.Кездесу барысында екіжақты қарым-қатынастардың қазіргі жағдайы мен даму перспективалары талқыланып, энергетика, ақпараттық технологиялар, жасанды интеллект және азық-түлік қауіпсіздігі салаларындағы ынтымақтастықтың айтарлықтай мүмкіндіктері аталып өтті.Елші Президиумның төрағасына Қазақстандағы мемлекеттік басқарудың әртүрлі салаларындағы ауқымды реформаларды жүзеге асыру және кешенді әлеуметтік-саяси өзгерістер жөнінде ақпарат берді.Қазақстанның бейбіт және ашық сыртқы саясат ұстанып, Біріккен Ұлттар Ұйымының Жарғысы мен халықаралық құқыққа сәйкес мемлекеттердің егемендігі, теңдігі және аумақтық тұтастығы қағидаттарын берік қолдайтыны аталып өтті. Дипломат Қазақстанның мемлекетаралық байланыстарды нығайтуға және Қазақстан мен Босния және Герцеговина арасындағы халықаралық алаңдардағы өзара іс-қимылды тереңдетуге бағытталған саясатын да жеткізді.Босния және Герцеговинаның басшысы реформалар бағытын жоғары бағалап, Қазақстанның айтарлықтай жетістіктеріне назар аударып, сондай-ақ елдің екі континенттің тоғысындағы ірі транзиттік-тасымалдау әлеуеті бар жетекші еуразиялық экономикалық держава ретіндегі рөлін атап өтті.Ж.Комшич Президент Қасым-Жомарт Тоқаевқа және бүкіл Қазақстан халқына алдағы ҚР Тәуелсіздік күніне орай амандық пен өркендеу тілектерімен жылы құттықтауларын жолдады.Ақпарат көзі : https://www.gov.kz/memleket/entities/mfa/press/news/details/1125101?lang=kk

Скопье, 2025 жылғы 10 желтоқсан – Қазақстанның Солтүстік Македониядағы Елшісі Сатыбалды Бұршақов Штип қаласындағы Гоце Делчев атындағы университеттің студенттері мен профессор-оқытушылар құрамы алдында презентациялық дәріс оқыды.Дипломат Президент Қасым-Жомарт Тоқаев жүргізіп жатқан Қазақстанның ағымдағы дамуы, саяси және әлеуметтік-экономикалық реформалар, еліміздің сыртқы саясаттағы жетістіктері, оның қазіргі әлемдегі геосаяси рөлі, сондай-ақ Қазақстан-Македония ынтымақтастығы нәтижелерімен аудиторияны таныстырды.Тыңдаушылар қазақстандық жоғары білім беру жүйесін, халықаралық академиялық және білім беру бағдарламаларын дамытуға ерекше қызығушылық танытты.Университет ректоры Деян Мираковскимен кездесу барысында Елші Бұршақов білім беру саласындағы ынтымақтастықты тереңдетудің мүмкіндіктері мен перспективаларын талқылады. Екі елдің университеттері мен ғылыми орталықтары арасындағы әріптестікті нығайту қажеттігі туралы уағдаластыққа қол жеткізілді.Ректор Д.Мираковски академиялық алмасу, бірлескен жобалар және ғылыми-білім беру ынтымақтастығын кеңейту перспективаларына назар аудара отырып, қазақстандық білім беру мекемелерімен өзара тиімді байланыстар орнатуға терең қызығушылық танытты.Университет басшылығы Қазақстан Елшілігіне елімізбен тереңірек танысу мүмкіндігі үшін ризашылығын білдіріп, болашақта осындай кездесулер өткізудің маңыздылығын атап өтті.Анықтама: Гоце Делчев атындағы Университет 2007 жылы құрылған. Higher Education Council (Түркия), сондай-ақ Еуропалық Университет қауымдастығымен ынтымақтастығы бар. Студенттер саны 20 мыңнан асады. Ақпарат көзі : https://www.gov.kz/memleket/entities/mfa-skopje/press/news/details/1124143?lang=kk

2025 жылғы 11 желтоқсанда Қазақстан делегациясы Мемлекеттік кірістер комитетінің төрағасы Жандос Дүйсембиевтің басшылығымен Санкт-Петербургте өткен Еуразиялық экономикалық одақтың Кеден қызметтері бірлескен алқасының 52-ші отырысына қатысты. Отырыстың жұмысына Армения, Беларусь, Қырғызстан және Ресей кеден қызметтерінің басшылары да қатысты. Кездесудің негізгі тақырыбы Еуразиялық экономикалық одақ аясында кедендік әкімшілендіруді одан әрі жетілдіру. Тараптар рәсімдердің ашықтығын арттыру, транзиттік тауарларды бақылауды күшейту және тәуекелдерді басқару жүйесін дамыту мәселелерін талқылады. Елдер арасындағы өзара іс-қимылды тиімді ету және жұмыс топтарының үйлесімді жұмысын қамтамасыз етуге бағытталған бірқатар шешімдер қабылданды. Қазақстандық тарап ЕАЭО кеден қызметтері арасындағы мәліметтер алмасуды жақсартудың маңыздылығын атап өтті. Сенімді әрі жедел ақпарат алмасу — тауарларды дұрыс декларациялау және кедендік төлемдерді дұрыс есептеу үшін негізгі фактор. Осы тақырыптың жалғасы ретінде Қазақстанның қатысушы елдердің кеден қызметтерімен екіжақты кездесулері өтті. Онда тараптар бақылауды күшейтуге бағытталған нақты ұсыныстармен бөлісіп, алдағы бірлескен жұмыстың негізгі басымдықтарын белгіледі. Сонымен қатар Қазақстанның Мемлекеттік кірістер комитеті мен Ресейдің Федералдық кеден қызметі екі ел арасында тауарлардың заңсыз тасымалын болдырмау мақсатында бірлескен Жұмыс тобын құрғаны жеке атап өтілді. Осы топтың іс-шаралар жоспары бекітілді. Жоспар кедендік рәсімдердің ашықтығын қамтамасыз етуге, транзитпен өтетін тауарларға бақылауды күшейтуге, заңсыз импорттың алдын алуға және осы бағыттардағы ынтымақтастықты нығайтуға бағытталған. Жоспарды іске асыру шеңберінде Тараптар кеден заңнамасының анықталған бұзушылықтары туралы — дұрыс емес декларациялау, оның ішінде транзит кезінде жүктің құнын төмендету және жеткізбеу фактілерін, сондай-ақ күмән тудыратын тауарларды алушылар туралы деректерді қоса алғанда, ақпаратпен алмасатын болады.ЕАЭО Кеден қызметтері бірлескен алқасының келесі отырысы 2026 жылдың бірінші тоқсанына жоспарланған.Ақпарат көзі : https://www.gov.kz/memleket/entities/kgd/press/news/details/1124097?lang=kk