Қоғамдық келісім мен ішкі тұрақтылық – кез келген мемлекеттің ең басты тірегі. Бейбіт өмірсіз, бірліксіз, татулықсыз ешбір елдің дамуы мүмкін емес. Тарихқа көз жүгіртсек, ішкі қақтығыстар мен алауыздықтың кесірінен өркениеттен кенде қалған, тіпті картаның бетінен жоғалып кеткен мемлекеттер аз емес. Ал бірлігі бекем, мақсаты ортақ елдер әрқашан да кез келген дағдарысты еңсеріп, жаңа белестерді бағындырған.Қазақстан – көпұлтты, көптілді, түрлі мәдениет өкілдері бейбіт қатар өмір сүріп отырған ел. Тәуелсіздік алған сәттен бастап еліміздің басты ұстанымы – халық бірлігін сақтау және нығайту болды. Мемлекет басшысы Қасым-Жомарт Тоқаевтың сөзінше, «Татулық пен келісім – еліміздің ең басты байлығы». Бұл ұстаным уақыт сынынан өткен және қазіргі жаһандық сын-қатерлер жағдайында да өзектілігін арттыра түсуде.Әлемдік тәжірибе көрсеткендей, тұрақтылық пен келісім бар елде ғана экономикалық өркендеу мүмкін болады. Инвестициялар тарту, ірі жобаларды жүзеге асыру, жаңа технологияларды енгізу – мұның бәрі тек сенімді, қауіпсіз, татулығы берік ортада жүзеге асады. Қазақстанның соңғы онжылдықтағы экономикалық жетістіктері – бұл біздің ішкі тұрақтылықты сақтай білгеніміздің айқын дәлелі.Бірлік болмаған жерде қандай да бір табиғи байлық немесе заманауи технология елді дамытпайды. Қайта, алауыздықтың өзі бар мүмкіндікті жойып жібереді. Сондықтан ынтымақты сақтау – бұл тек әлеуметтік мәселе емес, стратегиялық дамудың негізгі тетігі.Мәдениет, ғылым және білім – тек бейбіт ортада ғана дамиды. Қоғамда сенімсіздік пен дүрдараздық белең алса, шығармашылық та, инновация да тоқтайды. Ал бірлік пен өзара сыйластық бар елде әр азамат өзін қауіпсіз сезініп, өзінің әлеуетін толық аша алады.Қазақстан халқы Ассамблеясы, этномәдени бірлестіктер, жастар ұйымдары – барлығы да қоғамдағы келісім мен татулықты нығайтуға үлес қосуда. Бұл – тек мемлекеттің ғана емес, әр азаматтың жауапкершілігі.Ынтымақ – жай ғана сөз емес. Ол – нақты әрекет, күнделікті қарым-қатынасымыздағы сыйластық, ортақ мүдде үшін жұмыла білу қабілеті. Болашақ ұрпақ бізден тек экономикалық жетістіктерді ғана емес, сондай-ақ, бірлікті сақтау дәстүрін де мұра етіп алуы тиіс.Қазақстанның жарқын болашағы – халық бірлігінде. Ынтымақ пен келісімді сақтау – өркендеуге апарар ең сенімді жол.#МирИСогласие #ЗаМир #МыВместе #PeaceAndHarmony #PeaceForAll #TogetherForPeace #ҚХА30жыл #АНК30лет #APK30years #АНК #ANK

ҚР Мемлекеттік күзет қызметінің барлық күш құрылымдарының арнайы мақсаттағы бөлімшелері арасында ұйымдастырған RUKH NATION жарысында Десанттық-шабуылдау әскерлері екінші орынға ие болды.Төрт адамнан тұратын команда 54 минут 48 секундта ең қиын 36 табиғи және техногендік кедергілерді еңсеріп өтіп, Мемлекеттік күзет қызметі, Ұлттық қауіпсіздік комитеті, Ұлттық ұлан және басқа да күш құрылымдарының командаларын артта қалдырды. Қашықтық аралығы 5 шақырымдық жүгіруден, арқанмен көтеріліп, түсу тізбегінен, өзеннен, қол ұстағыштардан, қабырғалардан, тікенді сымдардан тұрды. Сонымен қатар, қатысушылар жасанды су айдынын еңсеріп, арқанмен көтеріліп, ауыр жүк көтерді. Кедергілерден өтуді арнайы чип басқарды, ол басталу, әр кедергіден өту және команданың аяқтаған сәттерін тіркеп отырды.– Кедергілер жолағынан өту өте қиын болды. Біз жарысқа еш дайындықсыз шықтық. Барлық кедергілерден бірден өттік. Мұндай жарыстарға бірінші рет қатысып отырмыз және жедел әрекет ету арнайы жасағынан кейінгі екінші орын өте жақсы нәтиже деп санаймын. Келесі жылы бұл жарысқа арнайы дайындаламыз, – деді команда жаттықтырушысы майор Антон Спиридонов.ҚР ҚК Десанттық-шабуылдау әскерлерінің құрама командасы дене дайындығының жоғары деңгейін, жеңіске деген ерік-жігерін, мінезін, жауынгерлік рухын және шеберлігін көрсетті.Естеріңізге сала кетсек, бұл десанттық-шабуылдау әскерлерінің әскерилендірілген жарыстардағы алғашқы жеңісі емес. 2024 жылы қазақстандық десантшы Мұхиадин Сұмағұл АҚШ-та өткен «Үздік жауынгер-2024» байқауында бірінші орынды иеленді, ал биыл мамыр айында АҚШ-тағы әскери-қолданбалы пәндер бойынша Best warrior байқауында 3-сыныпты сержант Рауан Тоқтарбеков атыстан ең жоғары нәтиже көрсетіп, «Үздік атқыш» атағын алды.Ақпарат көзі : https://www.gov.kz/memleket/entities/mod/press/news/details/1052159?lang=kk

Шымкентте көлік инфрақұрылымын өзгерту бойынша ауқымды жұмыстар жүргізілуде. Алғашқы өзгерістердің бірі автобус паналарына әсер етті. Жыл басынан бері мегаполисте екі түрлі – металл және шыныдан жасалған 264 аялдама пайда болды. Жобаға бизнес те қосылды: жеке инвесторлармен 62 баспана салынуда. Навигациялық ақпараттар да жаңартылды: қазақ тіліндегі мыңнан астам белгілер мен 771 ақпараттық панельдер. Мұның барлығы қаланың көлік инфрақұрылымын дамытудың бір бөлігі. Ал Еңбекші ауданында Момынова көшесіндегі жаңа теміржол өткелінің құрылысы жалғасуда. Жұмыс желтоқсан айында басталды. Нысанның жартысына жуығы дайын, оның ішінде бетон арқалықтары орнатылып, желілер тартылған. Өткелді жыл соңына дейін аяқтау жоспарлануда – ол қаланың шығыс бөлігін орталықпен байланыстырып, жолдардағы жүктемені азайтуы керек.

Аяғына білезік, басына "закладка": Өскемендік азамат бостандықты колонияға айырбастады⠀Түзелуге мүмкіндік алған 28 жастағы өскемендік азамат тағы да тордың артына қамалды. Есірткіге тәуелділіктен арылып, өмірін түзеудің орнына ол электронды білезігін шешпей, қала аралап "закладка" іздеген.⠀Оқиға 2025 жылдың басында, қылмыстық теріс қылығы үшін сотталған азамат пробация қызметінің есебіне қойылған кезде басталды. Оның тағдырына Өскемен қаласы бойынша ҚАЖД-нің аға инспекторы Аделя Ринатова жауапты болды. Ол азаматқа жан-жақты қолдау көрсетті. Қаладағы наубайханалардың біріне жұмысқа орналасуға көмектесіп, ол таңертеңнен бастап жүк тиеуші болып жұмыс істеп, қалаға нан тасымалдаған."Біз оның түзелу жолына оралуына барынша көмектесуге тырыстық. Ол отбасымен сенімді қарым-қатынас орнатты: балаларын саябақтарға, дамыту орталықтарына апарып, бұрынғы әйелімен қарым-қатынасын жақсартты", — деді аға инспектор.⠀Алайда, біраздан керісінше кетті. Жұмыс пен отбасының орнына ол "закладка" іздей бастады. Ол пробацияның шарттарын жиі бұзып, жұмыс орнында емес, қаланы аралап жүрген. Кейінірек белгілі болғандай, ер адам жұмыстан шығып, бұл туралы пробация қызметіне хабарламаған. Оның жұмыстан шыққаны ресми сұраудан кейін ғана белгілі болды.⠀Тәртіп бұзушылықтар электронды бақылау жүйесінің күнделікті мониторингінің арқасында анықталды. Оның аяғына тағылған білезік рұқсат етілген аймақтан шығып кеткенін бірнеше рет тіркеген. Сонымен қатар, азамат пробация қызметіне міндетті тіркелуге келуді де тоқтатқан."Электронды бақылаушыдан" құтылуға тырысқан азамат білезікті өз бетінше шешуге әрекет етті. Ол білезіктің белдіктерін әдейі күйдіріп, еріп кетеді деп үміттенген. Бірақ бұл сәтте де GPS-сенсор жұмыс істеп тұрып, оның қала бойынша барлық қозғалысын дәл тіркеп отырған.⠀Көптеген бұзушылықтары үшін жазасы бостандығынан айырумен ауыстырылды. Енді ер адам 1 жыл 7 ай мерзімге қауіпсіздігі барынша жоғары колонияға жіберілді.Ақпарат көзі : https://www.gov.kz/memleket/entities/duis-vko/press/news/details/1052130?lang=kk

Петропавл қаласындағы Ұлттық ұлан академиясының қабырғасында офицер-тәрбиешілердің оқу-әдістемелік жиыны өтті. Маңызды кездесуді Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары генерал-майор Қайрат Үмбетов тікелей өзі басқарды.Іс-шараға еліміздің барлық өңірінен келген шамамен 40 офицер қатысты. Олардың қатарында әскери бөлімдердің командирлері орынбасарлары, Академия басшылығы және «Бүркіт» арнайы бөлімшесінің әскери қызметшілері болды. Бағдарлама тәжірибе алмасуды, тәрбие жұмысында жаңа тәсілдер енгізуді, жастарды отансүйгіштікке тәрбиелеу мәселесін талқылауды қамтыды.Жиын аясында Тәрбие және әлеуметтік-құқықтық жұмыс жөніндегі Бас басқарма бастығының орынбасары полковник Арман Бутанов «Армиядағы заң және тәртіп» ведомствоаралық бағдарламасының жүзеге асырылу барысы туралы мазмұнды дәріс оқыды. Сондай-ақ ол лауазымды тұлғалардың міндеттерін және әскери-патриоттық сабақтар мен жиындарды өткізу тәртібін жан-жақты түсіндірді. Әртүрлі әскери бөлімдердің өкілдері өзекті сұрақтар қойып, оларды бірлесе талқылап, шешу жолдарын іздестірді.Практикалық дайындық барысында нұсқаушы-әдістемелік сабақтар, тәжірибе алмасу дәрістері және арнайы тренингтер өткізілді. Бұдан бөлек, әскери педагогика және психология кафедрасының бастығының орынбасары полковник Руслан Белялов дайындаған көрнекі сабақтар қатысушыларға ұсынылды. Онда дағдарыс жағдайында қызмет атқаратын әскери қызметшілердің моральдық-психологиялық ахуалы нақты мысалдар арқылы көрсетіліп, әскери психологтардың рөлі мен маңызы көрсетілді.Сонымен қатар, жиын барысында әскери қызметшілер арасында волейболдан жолдастық кездесулер өтті. Турнир қорытындысы бойынша 1-орынды «Шығыс» өңірлік қолбасшылығының командасы иеленсе, 2-орынды «Орталық» өңірлік қолбасшылығының командасы жеңіп алды, ал үштікті «Оңтүстік» өңірлік қолбасшылығы түйіндеді. Сондай-ақ «Батыс» өңірлік қолбасшылығының командасы жеңіске деген жігері мен белсенділігі үшін Құрмет грамотасымен марапатталды.Іс-шараның соңында генерал-майор Қайрат Үмбетов оқу-әдістемелік жиынның қорытындысын шығарып, қатысушыларға басталған жұмысты жетілдіруді тапсырды. Ол, әсіресе, құқықбұзушылықтардың алдын алу мен жеке құрам арасындағы әскери тәртіпке қатаң бақылау жүргізудің маңызын ерекше атап өтті. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1052131?lang=kk

Qazaqstan жеңіл атлетика кешенінде әскери қызметшілер арасында қазақ күресінен I әлем чемпионатының жабылу салтанаты өтті. Халықаралық әскери спорт кеңесінің (Conseil International du Sport Militaire) қолдауымен өткен ауқымды спорттық турнир Кеңес Одағының Батыры Әлия Молдағұловаға арналды.Жабылу салтанатына Қорғаныс министрі авиация генерал-лейтенанты Дәурен Қосанов, CISM Президенті Бразилия армиясының полковнигі Ролим Фильо Нилтон Гомес, шетелдік делегациялардың өкілдері, қазақстандық спорт ардагерлері және Қарулы күштердің әскери қызметшілері қатысты. CISM басшылығына, төрешілерге, жаттықтырушыларға, еріктілер мен демеушілерге жоғары дайындық деңгейі үшін алғысын білдірген Қазақстан Қорғаныс министрі спортшыларды әлем біріншілігінің аяқталуымен құттықтап, зор денсаулық, жаңа жеңістер мен қызметте жетістіктер тіледі.– Қазақ күресі – ғасырлар бойы ұрпақтан ұрпаққа жалғасып келе жатқан халқымыздың асыл мұрасы. Оның негізгі мәні – әділеттілік, табандылық, мақсатқа ұмтылушылық және төзімділік. Бүгінгі жарыста балуандар шынайы спорттық рух пен нағыз шеберлікті көрсетті. Әлем чемпионаты тек спорттық жарыстың ғана емес, сонымен қатар достықтың, өзара құрмет пен халықаралық әскери ынтымақтастықты нығайтудың алаңына айналды, – деп атап өтті қорғаныс ведомствосының басшысы авиация генерал-лейтенанты Дәурен Қосанов.Алғашқы жекпе-жектер отандық ұлттық спорт мектебінің артықшылығын көрсетті. Әлем чемпионатының қорытындысы бойынша жалпы командалық есепте бірінші орынды Қазақстан құрамасы, екінші орынды Өзбекстан командасы, үшінші орынды Ресей алды. Жабылу салтанатында CISM Президенті полковник Ролим Фильо Нилтон Гомес сөз сөйлеп, жарыстың жоғары деңгейде ұйымдастырылғанын және спортшылардың тамаша дайындығын атап өтті.– Әлем елдері көшпенділердің дәстүрлері мен қазақ күресінің ұлттық спорт түрі қандай екенін көрді. Бұрын жауынгерлердің жекпе-жек өнері олардың өмір салты болды. Бұл спорт әлемнің барлық елдерінің әскери қызметшілеріне тән төзімділік, тактикалық шеберлік, жоғары интеллект жән абырой сынды құндылықтар мен қасиеттерді қамтиды. Қазақ күресінің болашағы зор екеніне сенімдімін, – деді ол.Ерлер арасында Қазақстан балуандары Бекжан Төлепов (55 келі), Ернұр Сүлеймен (60 келі), Сағындық Әшім (66 келі), Жұмажан Қожамбеков (74 келі) және Ғалымжан Қырықбай (100 келіден жоғары), ресейлік балуандар Глеб Голов (82 келі) және Владимир Досяк (100 келі), Өзбекстаннан келген Омар Бозоров (90 келі) чемпион атанды.Әйелдер арасында жеңіске жеткендер – қазақстандық спортшылар Айжан Жылқыбаева (48 келі), Рауза Нұрмұхаметова (56 келі) және Ақерке Рамазанова (77 келіден жоғары), Өзбекстаннан келген Ситор Ильмуродова (52 келі) және Шахноза Бозорова (77 келі), Ресей құрамасының өкілдері Валентина Остапец (60 келі) және Дарья Кузмичева (65 келі).Қазақ күресінен CISM әлем чемпионатының қорытындысы бойынша қазақстандық спортшылар тартысқа толы сайыста 8 алтын, 6 күміс және 2 қола медаль олжалады.Ақпарат көзі : https://www.gov.kz/memleket/entities/mod/press/news/details/1052094?lang=kk

2025 жылғы 17-18 қыркүйекте Қазақстан Республикасының елордасы – Астана қаласында, ҚР Президенті Қасым-Жомарт Тоқаевтың төрағалығымен Әлемдік және дәстүрлі діндер лидерлерінің VIII Съезі өтеді.VIІI Съезд жұмысына әлемнің шамамен 60 елінен 100-ден астам делегация қатысады деп күтілуде. Олардың қатарында ислам, христиан, буддизм, иудаизм, индуизм, даосизм, зороастризм, синтоизм діндерінің рухани лидерлері, халықаралық ұйымдардың өкілдері, сарапшылар қауымдастығы, саяси және қоғам қайраткерлері бар. Съезд аясында өтетін іс-шаралар: 16 қыркүйекте Қазақстан Республикасы Парламенті Сенатының Төрағасы, Әлемдік және дәстүрлі діндер лидерлері Съезі Хатшылығының басшысы Мәулен Әшімбаевтың төрағалығымен Хатшылықтың XXIII отырысы өтеді.Дәл осы күні БҰҰ Өркениеттер альянсы аясында діни нысандарды қорғау жөніндегі арнайы сессия өтеді. Сессияға жетекші діни және саяси лидерлер, дипломаттар, қоғамдық және халықаралық ұйымдардың өкілдері жиналып, ғибадат орындары, қасиетті және діни ғимараттарға қауіп төндіретін жаһандық сын-қатерлерді талқылайды.17 қыркүйекте ел Президенті Қасым-Жомарт Тоқаевтың төрағалығымен Әлемдік және дәстүрлі діндер лидерлерінің VIII съезінің пленарлық отырысы өтеді. Форумның басты тақырыбы – «Діндер диалогы: болашақ жолындағы синергия». Жұмыс барысында секциялық отырыстар форматында бірқатар өзекті мәселелерді қарау жоспарлануда.18 қыркүйекте «Жастар бейбіт қатар өмір сүру үшін: болашақ жолындағы синергия» тақырыбында ІІ Жас діни лидерлер форумы өтеді. Оқиғалардың күндері мен орындары: 16 қыркүйек10:00 – Съез Хатшылығының XXІІІ отырысы (Астана қ., Бейбітшілік және келісім сарайы, Тәуелсіздік даңғ. 57);15:00 – Біріккен Ұлттар Ұйымының Өркениеттер альянсының діни нысандарды қорғау жөніндегі арнайы сессия (Астана қ., Тәуелсіздік сарайы, Тәуелсіздік даңғ. 52).17 қыркүйек10:00 – Әлемдік және дәстүрлі діндер лидерлерінің VIII Съезінің Ашылуы және Пленарлық отырысы (Астана қ., Тәуелсіздік сарайы, Тәуелсіздік даңғ. 52). 18 қыркүйек10:00 – Әлемдік және дәстүрлі діндер лидерлерінің VIII Съезінің секциялық отырыстары;10:00 – II Жас діни лидерлер форумы;15:00 – Әлемдік және дәстүрлі діндер лидерлерінің VIII Съезінің жабылуы (Астана қ., Тәуелсіздік сарайы, Тәуелсіздік даңғ. 52). Аккредитациядан өту үшін шетелдік журналистер 2025 жылғы 29 тамыз сағат 12:00-ге дейін тіркеу формасын толтырып, оны mfakzaccreditation@gmail.com электронды поштасына жолдау қажет.Қосымша сұрақтар туындаған жағдайда ҚР СІМ Баспасөз қызметіне хабарласуыңызды сұраймыз:– Муташев Мейрам, ж.т.: +7 (7172) 72-01-45;– Өтегенов Ерлан, ж.т.: +7 (7172) 72-01-11.Ақпарат көзі : https://www.gov.kz/memleket/entities/mfa-thailand/press/news/details/1052660?lang=kk

Айталық, Қаржы министрі Мәди Такиев отандық волейбол федерациясын басқарса, министрдің орынбасары Ержан Біржанов еліміздің триатлон федерациясына жетекшілік етеді.Таяуда Ержан Ерікұлы әлемдік және азиялық триатлон қауымдастығының өкілдерімен келіссөздер жүргізді. Бұл ретте кездесуге World Triathlon ұйымының бірінші вице-президенті доктор Дебби Александр, Asia Triathlon президенті және Сауд Арабиясының олимпиада және паралимпиада комитетінің вице-президенті, мәртебелі ханзада Фахад бин Джалави бин Абдулазиз Әл Сауд, ҚР Ұлттық олимпиадалық комитетінің бас хатшысы және Триатлон федерациясының вице-президенті Әлімжан Ақаев, сондай-ақ федерациясының вице-президенті Жандос Қайргелді де қатысқанын айта кетейік.Тараптар Азия елдеріндегі өзара іс-қимылдың стратегиялық бағыттарын, сондай-ақ тәжірибе алысып, триатлонды дамытуды талқылап, спортшыларды даярлау мен халықаралық жарыстарды ұйымдастыруға ерекше назар аударды.Ведомство басшылығының саламатты өмірді өркендетуге байланысты жеке ұстанымы корпоративті мәдениетті арттырып, ұжымдағы ауызбірлік пен сенімді нығайтады.Ақпарат көзі : https://www.gov.kz/memleket/entities/minfin/press/news/details/1052045?lang=kk

Шымкентте «Taza Alem» экологиялық акциясы аясында тазалық жұмыстары өттіШымкент қаласында табиғатты қорғауға бағытталған кең ауқымды «Taza Alem» экологиялық акциясы ұйымдастырылды. Бұл бастама аясында қала маңындағы маңызды су көздерінің бірі — Бадам су қоймасында ауқымды тазалық жұмыстары жүргізілді. Шараның басты мақсаты — қоршаған ортаны қорғау, экологиялық сананы қалыптастыру және жастардың табиғатқа деген жанашырлығын арттыру.Акцияға Шымкент қалалық «Жастар ресурстық орталығы» қызметкерлері, еріктілер қозғалысының мүшелері және коммуналдық мекемелердің жұмысшылары белсене қатысты. Жалпы саны 500-ге жуық ерікті жас табиғатты таза ұстауға өз үлесін қосты. Тазалық жұмыстарына                       7 арнайы техника тартылып, су қоймасының жағалауындағы пластик, шыны және басқа да тұрмыстық қалдықтар іріктеліп жиналды.Іс-шара нәтижесінде жалпы салмағы 7 тоннаға жуық әртүрлі қалдық арнайы полигондарға шығарылды. Бұл — бір күннің аясында жасалған үлкен еңбек. Акция барысында қатысушылар тек тазалық жұмыстарын ғана емес, қоршаған ортаға деген жауапкершілік жайында да пікір алмасып, экологиялық мәдениетті қалыптастырудың маңыздылығын ерекше атап өтті.Ұйымдастырушылардың айтуынша, «Taza Alem» жобасы уақытша акция ғана емес, тұрақты түрде жүргізілуі тиіс экологиялық қозғалысқа айналуы қажет. Табиғатты қорғау мен оны таза ұстау – әрбір азаматтың күнделікті өміріндегі басты ұстаным болуы тиіс.Жасыл табиғатты сақтау – келер ұрпаққа аманат. Бұл шара жастарды табиғатқа жанашырлықпен қарауға, экологиялық сауаттылықты арттыруға және қоғамда белсенді азаматтық ұстаным қалыптастыруға бағытталған нақты әрі нәтижелі қадам болды.Бүгінгі іс-шара — қоршаған ортаны қорғауға бағытталған нақты қадамдардың бірі. Бұл бастама қала тұрғындарын, әсіресе жастарды табиғатқа жанашыр болуға, оның болашағы үшін жауапкершілік алуға үндейді.

2025 жылғы 15 тамызда Алматы облысы әкімдігінің ғимаратында елордадағы Урбанистика орталығының үлгісімен урбанистика саласын дамыту мәселелеріне арналған республикалық семинар-кеңес өтті.Семинарға Құрылыс және ТКШ істері комитеті төрағасының орынбасары Қанат Мынбаев және Алматы облысы әкімінің орынбасары Рустам Исатаев төрағалық етті.Жиынға Алматы облысы сәулет және тұрғын үй-коммуналдық шаруашылық басқармасының басшысы Жақсылық Ержанов, аудан және қала әкімдерінің саланы қадағалайтын орынбасарлары, сондай-ақ өңірдің сәулет және қала құрылысы бөлімдерінің басшылары қатысты. Кеңес барысында қатысушылар қала ортасын жоспарлаудың заманауи тәсілдерін, астананың қала құрылысы саласындағы озық тәжірибесін енгізу, жобалау кезінде цифрлық технологияларды қолдану және инфрақұрылымдық шешімдердің сапасын арттыру мәселелерін талқылады. Ерекше назар жайлы әрі қауіпсіз қоғамдық кеңістіктер құруға, аумақтарды абаттандыруға және көлік инфрақұрылымын жетілдіруге аударылды.Қанат Мынбаев урбанистика саласын дамытуға жүйелі көзқарастың маңыздылығын атап өтіп, мемлекеттік органдар, жобалық ұйымдар мен сарапшылар қауымдастығы арасындағы тығыз ынтымақтастықтың қажеттігін айтты. Оның айтуынша, үздік тәжірибелер мен заманауи стандарттарды қолдану елді мекендердің тартымдылығын және функционалдығын арттырып, азаматтардың өмір сүру жағдайын жақсартуға мүмкіндік береді.Алматы облысы әкімінің орынбасары Рустам Исатаев өз сөзінде өңірде абаттандыру және қала ортасын жаңғырту бойынша жобалар белсенді түрде іске асырылып жатқанын атап өтіп, басқа облыстар мен астанамен тәжірибе алмасу аумақтарды дамытуға қосымша серпін беретініне сенім білдірді.Кеңес қорытындысы бойынша қала құрылысы саласындағы нормативтік-құқықтық базаны жетілдіру, кадрлық әлеуетті дамыту және жобалау мен құрылысқа инновациялық шешімдерді енгізу сияқты алдағы жұмыстың негізгі бағыттары айқындалды. Ақпарат көзі : https://www.gov.kz/memleket/entities/almobl/press/news/details/1051959?lang=kk

"Қостанай қаласы әкімдігінің ТҮКШ, ЖК және АЖ бөлімі" ММ ағымдағы жылдың 15 және 16 тамызында қала күнін мерекелеуге байланысты қалалық маршруттардың жұмыс кестесі сағат 22.00-ден 01.00-ге дейін ұзартылатынын хабарлайды.16 тамызда қала күнін мерекелеу кезінде Тәуелсіздік көшесі-Толстой көшесінің шекарасындағы Алтынсарин көшесінің учаскесі жабылады. Қалалық және қала маңындағы маршруттарды айналып өту қоса берілген схемаға сәйкес жүзеге асырылатын болады.Ақпарат көзі : https://www.gov.kz/memleket/entities/kostanai-kalasy-akimat/press/news/details/1051961?lang=kk

Құрметті пайдаланушылар! Қазақстан Республикасы Қаржы министрлігі Мемлекеттік кірістер комитеті 2025 жылғы 14 тамызда сағат 22:00-ден 22:30-ға дейін «E-Salyq Business» мобильдік қосымшасында (МҚ) техникалық жұмыстар жүргізілетінін хабарлайды. Осы кезеңде МҚ сервистері қолжетімсіз болады. Келтірілген қолайсыздықтар үшін кешірім сұраймыз. Ақпарат көзі : https://www.gov.kz/memleket/entities/kgd-zhambyl/press/news/details/1052015?lang=kk

    Кредитор қай кезде қарызды коллекторларға береді?    Банктер мен микроқаржы ұйымдары қарыз алушыны төлем мерзімі кешіктірілген күннен бастап күнтізбелік 20 күн ішінде хабардар етеді және қайта құрылымдауға кеңес береді.    Егер берешек реттелмесе және кешіктіру мерзімі 90 күннен асса, кредитор қарызды сатуға (құқықтарды (талап етуді) беруге) немесе оны коллекторлық агенттікке сотқа дейінгі өндіріп алуға беруге құқылы.    Алайда, 2024 жылғы 1 шілдеден бастап жеке тұлғалардың кредиттері бойынша құқықтарды коллекторлық агенттіктерге (талаптарды) беруге екі жылдық мораторий енгізілді, ол 2026 жылғы 1 мамырға дейін күшінде болады.    Осы кезеңде азаматтардың борыштарын коллекторларға сатуға тыйым салынады және тек қайта құрылымдау, айыппұлдарды, өсімпұлдар мен комиссияларды кешіру немесе талап ету құқығы ауыспастан қарызды сотқа дейінгі өндіріп алуға беру арқылы реттеуге болады. Мораторий аяқталғаннан кейін 24 айдан астам кешіктірілген жағдайда және кредитор өсімпұлды міндетті түрде кешіре отырып, реттеу рәсімдерін жүргізген кезде ғана борыш басқаға беріледі.          Борышкердің қандай құқықтары мен міндеттері бар?           Борышкер: коллекторлық агенттіктен коллекторлық агенттік, берешектің мөлшері мен құрылымы туралы мәліметтерді алуға;коллекторлық агенттіктің талаптарын сотта даулауға;берешекті коллекторлық қызмет туралы заңда көзделген тәртіппен реттеуге;коллектормен өзара іс-қимыл жасаудың ыңғайлы әдісі мен кезеңін таңдауға, коллектормен өзара іс-қимыл жасау процесін өзі белгілеуге;коллекторлық агенттіктің әрекеттеріне (әрекетсіздігіне) шағыммен Қаржы нарығын реттеу және дамыту агенттігіне жүгінуге құқылы.Борышкер:коллекторлық агенттікке тұрғылықты жерінің, телефон нөмірінің және жеке басын куәландыратын құжаттары деректерінің өзгергені туралы хабарлауға;берешекті реттеу мақсатында коллекторлық агенттікпен өзара іс-қимыл жасауға міндетті. Коллекторлар қалай жұмыс істеуі керек?жұмыс күндері сағат 08:00-ден бастап 21:00-ге дейін аптасына үш рет артық қоңырау шалмау;борышкермен аптасына үш реттен және жұмыс күндері сағат 8:00-ден бастап 21:00-ге дейінгі кезеңде бір реттен артық кездеспеу;ұялы байланыс арқылы жазбаша хабарламалар, мәтіндік немесе дауыстық хабарлар жіберу.  Коллекторлық агенттік борышкермен әрбір байланысқа шыққан кезде коллекторлық агенттіктің атауы, оның есептік тіркеу нөмірі, орналасқан жері туралы, өзара іс-қимылды жүзеге асыратын тұлғаның аты-жөні мен лауазымын, кредитордың атауын хабарлауға міндетті.          Коллекторларға не істеуге тыйым салынады?борышкерді берешектің мөлшеріне, сипатына және негіздеріне қатысты жаңылыстыруға;коллекторлық агенттік қызметкерінің аты-жөнін басқаша хабарлауға, сондай-ақ оның жұмыс орны және (немесе) лауазымы туралы шындыққа сәйкес келмейтін мәліметтерді хабарлауға;борышкердің ар-намысына, қадір-қасиетіне және іскерлік беделіне нұқсан келтіретін мәліметтерді таратуға не борышкердің мүдделеріне зиян келтіруі мүмкін мәліметтерді жария етуге;борышкердің құқықтары мен бостандықтарына қол сұғатын, олардың өмірі мен денсаулығына қатер төндіретін, сондай-ақ осы тұлғаға мүліктік және өзге де зиян келтіруге алып келетін, құқыққа қайшы әрекеттер жасауға;борышкерге, күш қолдану не олардың мүлкін жою немесе бүлдіру қатері, қорлау, алаяқтық, жалған құжаттар жасау, бопсалау арқылы қысым көрсетуге тыйым салынады. Коллекторлық агенттіктің коллекторлық қызметті жүзеге асыруы кезінде мынадай жосықсыз әрекеттерді жүзеге асыруына:берешекті өтеу есебіне ақшаны (қолма-қол немесе қолма-қол емес нысанда), сондай-ақ өзге де мүлікті қабылдауға;берешекті ақшадан басқа, өзге мүлікпен өтеуін талап етуге тыйым салынады. Құқықтарыңыз бұзылған жағдайда не істеу керек?          Коллекторлардың заңсыз әрекеттері кезінде азаматтар Қаржы нарығын реттеу және дамыту агенттігіне шағымдана алады.         Бұзушылықтар расталған жағдайда коллекторлық агенттікке қатысты тиісті шаралар қолданылатын болады. Қазақстан Республикасының аумағында қызметін жүзеге асыруға құқылы коллекторлық агенттіктердің өзекті тізілімі Агенттіктің ресми сайтында орналастырылған.Қазақстанда коллекторлық агенттіктердің қызметі «Коллекторлық қызмет туралы» Қазақстан Республикасының Заңында реттелетінін және белгіленген қағидалар шеңберінде жүзеге асырылатынын атап өтеміз. Өзге де пайдалы материалдармен Fingramota.kz сайтынан таныса аласыздар.  Сыртқы коммуникациялар басқармасы,press@finreg.kz   Ақпарат көзі : https://www.gov.kz/memleket/entities/ardfm/press/news/details/1051951?lang=kk

Сіздерді спорт күнімен – күш, төзімділік, командалық рух және кемелдікке ұмтылу мерекесімен құттықтаймын!Бұл күн - спорттың салауатты ұлт пен күшті рухты қалыптастыра отырып, біздің қоғам өмірінің маңызды бөлігі болғанын және болып қала беретінін еске салады.Спорт - тек жарыстар мен медальдар  ғана емес. Бұл қажырлы еңбек, үнемі жаттығу, өзіне сену және өз командасын қолдау. Бұл жеңу және жеңілістерді лайықты қабылдау, қорытынды жасау және күшейе түсу қабілеті. Ол тәртіпті, адалдықты және қарсыласқа деген құрметті, жасына және кәсібіне қарамастан әр адамға қажет қасиеттерді тәрбиелейді.Бүгін мен спортшыларымызға, жаттықтырушыларымызға, тәлімгерлерімізге және қаламызда спортты дамытып, танымал ететіндердің барлығына ерекше алғыс айтқым келеді. Сіздердің күш - жігеріңіз бен жеңістеріңіздің арқасында біздің қала спорт ареналарында мақтанышпен естіледі, ал жас ұрпақ лайықты үлгі алады.Сізге зор денсаулық, күш-қуат, өз күшіңізге сенім, жаңа рекордтар мен жарқын жеңістер тілеймін! Жетістіктер жаңа шыңдарды бағындыруға шабыттандырсын! Өскемен қалалықмәслихатының төрағасы                                                               А. СветашАқпарат көзі : https://www.gov.kz/memleket/entities/ukmaslihat/press/news/details/1051822?lang=kk

«Заң және тәртіп» идеологиясын жүзеге асыру аясында, сондай-ақ Қазақстан Республикасының Конституциясының 30 жылдығына арналған іс-шаралар шеңберінде 2025 жылдың 15 тамызында Қостанай облысы адвокаттар коллегиясында «Тегін құқықтық көмек көрсету бойынша ашық есік күні» республикалық акциясы өтті.Акцияның мақсаты - халықтың құқықтық сауаттылығын арттыру және тегін құқықтық көмек көрсету. Іс-шара барысында азаматтар тұрғын үй және жер қатынастарына, отбасылық дауларға, еңбек құқықтарына, әлеуметтік төлемдерді рәсімдеуге, сондай-ақ сотта мүдделерін қорғауға қатысты сұрақтарымен жүгінді.Акция қорытындысы бойынша мамандар тұрғындардың белсенділігінің жоғары екенін атап өтті және мұндай іс-шаралардың азаматтардың құқықтарын қорғаудағы маңыздылығын, сонымен қатар халықты білікті құқықтық көмек алу мүмкіндіктері туралы тұрақты хабардар етудің қажеттілігін атап көрсетті. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/1051793?lang=kk

Құрметті кәсіпкерлер!Қазақстан Республикасы Ұлттық экономика министрлігінің қолдауымен Еуропалық Қайта Құру және даму банкі (ЕҚДБ) шағын және орта кәсіпкерлікті дамыту жөніндегі ЕҚДБ бастамасы шеңберінде іске асырылатын «Орта бизнес кәсіпорындарының инвестициялық тартымдылығын арттыру» бағдарламасына қатысушыларды қабылдауды жариялайды.Бағдарламаның мақсаты – салалардың болашақ көшбасшыларын қалыптастыруға және инвестициялық әлеуеті жоғары қазақстандық кәсіпорындардың жедел өсуіне жәрдемдесу.Бағдарлама шеңберінде қатысушыларға мынадай құралдар кешені ұсынылады:бизнес-процестер мен нарықтықпозициялаудың терең диагностикасы;стратегиялық даму бойыншаконсультациялық қолдау;бизнестімасштабтау үшін инвестиция тартуға жәрдемдесу.Қатысуға өнеркәсіптік сектордағы жеке қазақстандық кәсіпорындар шақырылады.Кіріспе кезең Foresight Camp (Форсайт-кемп) – Қазақстандағы бизнес-ортаның перспективалары мен жаһандық трендке шолудан тұратын стратегиялық болжамды қарқынды оқыту модулі.📅 Өткізілетін күндері:  2025 жылғы 13-16 қыркүйек📍 Орны: Rixos BorovoeБір кәсіпорыннан 2-3 адамның қатысуы ұсынылады.Foresight Camp-қа тіркелу:http://foresight-camp.kz.tilda.ws/Іріктеу талабына сәйкес келетін және неғұрлым перспективалық бизнес-модельдер ұсынған ТОП-20 компания практикалық сессиялар қорытындысы бойынша, кәсіпорынның жеке диагностикасына және инвестиция тарту мен басқару жөніндегі құзыретті дамыту бағдарламасына қатысуға шақыру алады.Бұдан басқа, 2025 жылғы 26 тамызда ZOOM-конференция форматында бағдарламаның онлайн-тұсаукесері өткізіледі. Онда сұрақтар қоюға және мақсаттар, міндеттер мен іске асыру кезеңдері туралы толық ақпарат алуға болады.Конференцияға қол жеткізу үшін knowhowkazakhstan@ebrd.com-ға мынадай дерек жолдауды сұраймыз:Компанияның атауы, БСНБайланысатын тұлға (Т.А.Ә.), электрондық пошта мекенжайы және телефон нөміріҰйымдастыру мәселесі бойынша байланыс: 📧 shpulint@ebrd.comАқпарат көзі : https://www.gov.kz/memleket/entities/economy/press/news/details/1051805?lang=kk

   Instagram парақшасында @press_kyzmet_kgd « Жалпыға бірдей декларациялау бойынша Салық кодексіне енгізілген өзгерістерге түсіндірме жүргізу » тақырыбында тікелей эфир өтеді.       Күні: 2025 жылғы 15 тамыз.       Сағат: 17:00-де.       Спикер – Кусаинова Дина, ҚР ҚМ Мемлекеттік кірістер комитеті Жеке тұлғалардың кірістерін әкімшілендіру басқармасының басшысы.       Модератор – Калменова Гүлжан Сұлтанмахмудқызы, ҚР ҚМ МКК-нің ресми өкілі .Ақпарат көзі : https://www.gov.kz/memleket/entities/kgd-akmola/press/news/details/1051790?lang=kk

Шымкентте қаланың инженерлік инфрақұрылымын дамыту бойынша жүйелі жұмыстар жалғасуда. Қала әкімі Ғабит Сыздықбеков тұрғындармен бірге «Жұлдыз» және «Жалын» тұрғын алаптарына көгілдір отын тарту рәсіміне қатысты. Айта кету керек, газ құбырларының құрылысы өткен жылдың тамыз айында тұрғындармен көшпелі кездесулер барысында айтылған қала тұрғындарының өтініші бойынша басталған болатын. Бүгінде «Жұлдыз» шағын ауданында 834, «Жалын» шағын ауданында 566 абонент көгілдір отынға қол жеткізді. Барлығы 33 шақырымнан астам газ құбыры тартылды. Соның арқасында екі тұрғын аудан да экологиялық таза және қолайлы отын түрімен толық қамтамасыз етіліп, қала тұрғындарының өмір сүру сапасын одан әрі дамытуға және жақсартуға жағдай жасауда. Қала әкімі тұрғындарды көптен күткен оқиғамен құттықтап, жұмыстарды сапалы әрі дер кезінде аяқтаған мердігерлерге алғысын білдірді. Айта кету керек, газға қосылу үшін тұрғындар техникалық шарттарды алуға өтініш беруі керек. Мұны eGov Mobile қосымшасы немесе egov.kz электронды үкімет сайты арқылы жасауға болады. Дереккөз: Шымкент қаласы әкімінің баспасөз қызметі

 Шымкентте қаланың инженерлік инфрақұрылымын дамыту бойынша жүйелі жұмыс жалғасуда. Қала әкімі Ғабит Сыздықбеков тұрғындармен бірге Жұлдыз /жаңа құрылыс аумағы/  және Жалын тұрғын алаптарында табиғи газды қосуға қатысты.Айта кетейік, газ құбырларының құрылысы өткен жылдың тамыз айында тұрғындармен көшпелі кездесулер кезінде айтылған өтініштері бойынша басталған болатын. Бүгін Жұлдыз шағынауданында 834 абонент және Жалын шағынауданында 566 абонент көгілдір отынға қол жеткізді.Жалпы 33 шақырымнан астам газ құбыры салынды. Осының арқасында екі тұрғын алабы да орталықтандырылған газ жүйесіне қосылды.  Қала әкімі тұрғындардың көптен күткен қуанышына ортақтасып, мердігерлерге жұмыстарды сапалы және уақтылы орындағаны үшін алғыс айтты.Айта кету керек, газға қосылу үшін тұрғындар техникалық шарттарды алуға өтініш беруі керек. Мұны "eGov Mobile" қосымшасы немесе электрондық үкіметтің веб-сайты egov.kz. арқылы жасауға боладыАқпарат көзі : Шымкент қаласы әкімінің баспасөз қызметі

2025 жылғы 14 тамызда Куала-Лумпур қаласында Қазақстан Республикасының Малайзиядағы Елшілігі Малайзияның Цифрлық экономикасын дамыту корпорациясы (Malaysia Digital Economy Corporation – MDEC) ұйымдастырған «Kazakhstan Sharing Session» іс-шарасына қатысты.Сессияға агротехнологиялар, электрондық коммерция, қаржылық инновациялар, экологиялық таза энергетика, денсаулық сақтау, цифрлық және телекоммуникациялық салалар, білім беру шешімдері, сондай-ақ логистика, жабдықтау тізбегін басқару және өңдеу өнеркәсібі бағыттарында қызмет атқаратын 60-тан астам малайзиялық компания өкілдері қатысты.Іс-шараның ашылуында Елшіліктің дипломаты Әмір Алдажанов қатысушыларға Қазақстанның цифрландыру, жасанды интеллектті дамыту, IT-стартаптарды қолдау, электрондық коммерцияны ілгерілету салаларындағы жетістіктерін таныстырды. Ол сондай-ақ шетелдік инвесторларға арналған салықтық жеңілдіктер, жеңілдетілген реттеу рәсімдері және Орталық Азия мен ЕАЭО-ның қарқынды дамып келе жатқан нарығына қол жеткізу сияқты мемлекеттік қолдау шаралары туралы хабарлады. Қазақстанның цифрлық трансформация тәжірибесімен бөлісуге және бірлескен жобаларды жүзеге асыруға малайзиялық компанияларды тартуға дайын екенін атап өтті. Дипломаттың айтуынша, цифрлық экономика мен инновациялар саласындағы Қазақстан-Малайзия ынтымақтастығының әлеуеті жоғары, және қазақстандық тарап малайзиялық бизнестің елдегі белсенді қатысуын құптайды.Іс-шара барысында «Астана» халықаралық қаржы орталығының (АХҚО) іскерлік байланыстар жөніндегі аға менеджері Айдар Жантурин және «Astana Hub» халықаралық IT-стартаптар технопаркінің Халықаралық ынтымақтастық департаментінің директоры Ескендир Амирхан онлайн-баяндама жасады. А. Жантурин АХҚО-ның ағылшын жалпы құқығы нормаларына негізделген халықаралық юрисдикция ретінде шетелдік компанияларға салықтық жеңілдіктер, жоғары деңгейдегі қаржылық қызметтер және Орталық Азиядағы жобаларға инвестиция тарту платформасын ұсынатынын егжей-тегжейлі баяндады. Өз кезегінде, Е. Амирхан Қазақстанды стартаптарға венчурлік қаржыландыруға, акселерациялық бағдарламаларға, жаһандық әріптестіктерге және халықаралық нарықтарға шығуға қолдау көрсететін өңірлік IT-хаб ретінде таныстырды.АХҚО-ның алғашқы малайзиялық резиденттерінің бірі болған «Rifhan Technologi» және «CSQ Consulting» компанияларының өкілдері Қазақстанда жұмыс істеу тәжірибесімен бөлісті. Олар қазақстандық институттардың шетелдік инвесторларды қолдауға ашықтығын және елдің дамыған іскерлік инфрақұрылымын атап өтті.Сессия қорытындысы бойынша, малайзиялық компаниялар 2025 жылғы қазан айында MDEC басшылығындағы бизнес-делегация құрамында Қазақстанға сапарлауға шақырылды. Бұл сапар цифрлық технологиялар, инновациялар және тұрақты даму салаларындағы екіжақты ынтымақтастықты кеңейту жолындағы маңызды қадам болмақ.Қазақстанның Малайзиядағы Елшілігі алдағы уақытта да екі елдің іскер топтары арасында тікелей байланыстар орнатуға және сауда, инвестиция және технологиялық алмасуды дамытуға ықпал ететін бірлескен жобаларды жүзеге асыруға жәрдемдесуге ниетті.Ақпарат көзі : https://www.gov.kz/memleket/entities/mfa-kuala-lumpur/press/news/details/1051736?lang=kk