Сеул, 2026 жылғы 16 сәуір – Қазақстан Республикасы Қаржы министрлігі Мемлекеттік кірістер комитетінің делегациясы 2026 жылғы 14–16 сәуір аралығында Сеул қаласында өткен халықаралық салық салу мәселелері жөніндегі өңірлік семинарға қатысты. Іс-шараны Азия даму банкі, Экономикалық ынтымақтастық және даму ұйымы, сондай-ақ ЭЫДҰ-ның Корея салық орталығы ұйымдастырды.       Семинар аясында қатысушылар халықаралық салық салу саласындағы заманауи тәсілдерді, сондай-ақ жаңа салық тетіктерін қолданудың практикалық мәселелерін талқылады. Шарттық-құқықтық базаны жетілдіру, тәжірибе алмасу және салықтық әкімшілендірудің тиімді тәсілдерін әзірлеу мәселелеріне ерекше назар аударылды.         Іс-шараға қатысу Мемлекеттік кірістер комитетінің делегациясына халықаралық озық тәжірибемен танысуға, шетелдік сарапшылармен пікір алмасуға және салық базасын қорғауға, сондай-ақ салықтық реттеудің тиімділігін арттыруға бағытталған тәсілдерді зерделеуге мүмкіндік берді.        Жүргізілген жұмыс халықаралық салық саласындағы ынтымақтастықты одан әрі дамытуға және жаһандық үрдістерді ескере отырып, ұлттық салық саясатын жетілдіруге ықпал ететін болады. Ақпарат көзі : https://www.gov.kz/memleket/entities/kgd/press/news/details/1204016?lang=kk

2026 жылғы 17 сәуіріндегіШҚО ББ  Зайсан ауданы бойынша білім бөлімінің «Сауыр жалпы орта білім беретін мектебі» КММ базасында тарих пәні мұғалімдеріне арналған «Адал азамат – Тәуелсіз ел тірегі. Тарих сабағындағы құндылыққа негізделген білім» тақырыбында облыстық семинар өткізілді.Семинар жұмысына ШҚО аудандарының жалпы білім беретін мектептерінің тарих пәні  мұғалімдері мен жауапты  әдіскерлер қатысты.Мақсаты: «Адал азамат – Тәуелсіз ел тірегі қағидасын негізге ала отырып, тарих сабақтарында құндылыққа бағдарланған білім беруді жетілдіру, оқушылардың отансүйгіштік, адалдық, жауапкершілік сияқты жалпыадамзаттық құндылықтарын қалыптастыруда тиімді әдіс-тәсілдерді тәжірибе алмасу арқылы дамыту. Тарих пәні бойынша білім сапасын арттыруға бағытталған ұтымды әдістермен тәжірибе алмасу.Семинар оқушылардың қатысуымен «Өлкем-тұнған шежіре» аты тарихи көрініспен ашылды. Көріністі шебер ойнай отырып, оқушылар туған жердің жай ғана мекен емес, ол – тарих, тағдыр, рухани мұра екенін ұғынды, семинарға қатысушыларға- Зайсан өлкесінің әр тасы мен жерінің өзіндік тарихы бар екені туралы ой тасталды.Практикалық бөлім аясында:- Х. Мұстафина атындағы мектеп-лицейінің тарих пәні мұғалімі, педагог-зерттеуші  Т.Раисова «Туған өлке тағылымы» атты - шығармашылық топтың мақсаты,міндеті,жұмыс бағытымен таныстырды.Өлкетану бағыты бойынша оқушылардың жобалық жұмыстары көрсетіліп, Зайсан өлкесінің өткені мен бүгініне шолу жасалды.-Жамбыл атындағы негізгі орта мектебінің тарих пәні мұғалімі педагог-сарапшы М.Демесинованың жетекшілігімен «Зайсан ауданының демографиясы, халықтың жас ерекшеліктері» атты оқушының зерттеу жұмысы таныстырылды.-Х.Мұстафина атындағы мектеп-лицейінің тарих пәні мұғалімі, педагог-зерттеуші, аудандық тарих пәні мұғалімдері қауымдастығының жетекшісі С.Шакенова «Мұғалімдер шеберлігін арттыруда қауымдастықтың рөлі» тақырыбында  қауымдастықтың мақсаты,міндеті, тыныс-тіршілігі баяндалып, мұғалімдердің шеберлігін арттыру жолындағы жұмыстар ұсынылып, тәжірибесімен бөлісті.-М.Әуезов атындағы орта мектебінің тарих пәні мұғалімі,педагог-модератор Қ.Ермекова Дүниежүзі тарихы 9 сынып бойынша: «Жаһандану жағдайында ұлттық бірегейлікті қалай сақтауға болады» тақырыбында ашық сабақ көрсетті. Сабақ құрылымы толық сақтала отырып, топтық, жұптық,жеке тапсырмалар орындалып, оқушылардың санасына ұлттық құндылықтарды сіңірудің  маңыздылығы дәріптелді. Сабақтың әр кезеңдерінде,бағалауда  ЖИ платформалары ұтымды пайдаланып, оқушылардың сабаққа қызығушылықтарын арттырды, сабақ өте жоғары деңгейде өтті.-М.В.Ломоносов атындағы орта мектебінің тарих пәні мұғалімі, педагог-модератор А.Байбусинова Қазақстан тарихы 8 сыныбы бойынша: «Участие казахстанцев в сражениях Великой Отечественной войны» тақырыбында ашық сабақ көрсетті. Сабақ барысында сол кезеңнің атмосферасын сезінуге, сабақ мақсатына жетуге бағытталған тиімді әдіс-тәсілдер қолданылып, жасанды интеллект платформаларын орнымен пайдалану арқылы оқушылар ынталандырылып отырды.- М.Дауленов атындағы мектеп-интеранатының тарих пәні мұғалімі, педагог-сарапшы Г.Бақытхан«Қазақстан тарихы пәнінен 10-сыныпқа арналған жұмыс дәптері» жәнеСарытерек орта мектебінің тарих пәні мұғалімі, педагог-шебер М.Мейрбаев«Тарихи карта» атты авторлық жұмыстарын ұсынып, семинарға қатысушыларға практикалық тұрғыда шеберлік сыныбын көрсетті. Авторлық жұмыстарды сабақта пайдалану- оқу сапасын арттыруда өте тиімді екені аталып, жоғары баға берілді.-Мұжықсу негізгі орта мектебінің тарих пәні мұғалімі, педагог-сарапшы А.ҚайрқановажәнеМукарама атындағы мектеп-балабақша кешенінің тарих пәні мұғалімі, педагог-сарапшы М.Еркебұланов«Тарихи guiz»ойынын көрсете отырып, оқушылардың білімділік дағдылары, ойлау қабілеті, танымдық қызығушылығы, бәсекелестік және мотивация, жылдамдық пен зейінін дамытуға ықпалын дәлелдеп, практикалық тұрғыда тәжірибелерімен бөлісті.-Ю.Гагарин атындағы орта мектебінің тарих пәні мұғалімі педагог-сарапшы К.Ыдырышова және М.В.Ломоносов атындағы орта мектебінің тарих пәні мұғалімі, педагог-модератор А.Мұратханова оқушыларда тарихи сананы қалыптастыруда, сыни ойлау мен зерттеу дағдыларын қалыптастыруда музеймен жұмыстың тиімділігін көрсету мақсатында- «Музей-ұлттық жады» бөлімі бойынша «Оқушы зерттеуі арқылы мұражай құндылықтарын таныту» атты жұмыстарымен бөлісті.-Б.Момышұлының 115 жылдығы ескеріліп, «Халық қаһарманы Б.Момышұлы:әскери тарих және тарихи жады сабақтастығы» атты педагогтер кейсі жұмысы көрсетілді. Мақсаты: Б.Момышұлы тұлғасының әскери тарихтағы орнын, ерлік жолын және оның тарихи жадыдағы маңызын зерделеу арқылы ұлттық батырлық дәстүрі мен тарихи сабақтастығын ашу, сондай-ақ жас ұрпақтың отансүйгіштік рухын қалыптастыру. Абай атындағы орта мектебінің тарих пәні мұғалімі, педагог-зерттеуші А.Боранбаева «Бауыржан Момышұлы - әскери стратег және халық қаһарманы», «Кеңсай орта мектебінің тарих пәні мұғалімі, педагог-модератор М.Жиенбаева, аудандық білім бөлімінің әдіскері А.Болат, Сарытерек орта мектебінің тарих пәні мұғалімі, педагог-модератор Д.Алдажарова «Ұрпақ сабақтастығы: Б.Момышұлы өнегесінің тәрбиелік мәні», М.В.Ломоносов атындағы орта мектебінің тарих пәні мұғалімі педагог-зерттеуші А.Ислямова «Өсиетке айналған өнеге» Бауыржан Момышұлының нақыл сөздеріндегі ерлік пен елдік рух» тақырыптарында жұмыстар көрсетіліп,пікір алмасып, талқыланды.Семинар барысында: тарих сабақтарында құндылыққа бағдарланған білім беруді жетілдіруге,оқушылардың отансүйгіштік, адалдық, жауапкершілік сияқты жалпыадамзаттық құндылықтарын қалыптастыруға бағытталған тиімді әдіс-тәсілдермен тәжірибе алмасу толыққанды жүрді. Тарих пәні бойынша білім сапасын арттыруға бағытталған ұтымды әдістер ұсынылды.Семинар қорытындысы бойынша талқылау жүргізіліп, кері байланыс ұйымдастырылды.Ақпарат көзі : https://www.gov.kz/memleket/entities/vko-bilim/press/news/details/1204020?lang=kk

Бүгін аудан әкімінің орынбасары Диас Молдабаев бекітілген кестеге сәйкес аудан тұрғындарын жеке мәселелері бойынша қабылдап, ұсыныстарын тыңдады.Қабылдауға келген азаматтардың басым көпшілігі тұрақты жұмысқа орналасу мәселесін көтерді.Жеке қабылдау барысында әрбір тұрғынның мәселесі жеке қаралып, тиісті сала мамандарымен бірге талқыланды. Тұрақты жұмыс сұраған азаматтарға мамандықтарына сәйкес бос жұмыс орындары ұсынылып, қоғамдық жұмысқа орналастыру мүмкіндіктері қарастырылатыны айтылды.Диас Асылбекұлы жауапты бөлімдерге тұрғындардың өтініштерін заң шеңберінде қарастырып, тиісті шараларды қабылдауды тапсырды.Ақпарат көзі : https://www.gov.kz/memleket/entities/kyzylorda-karmakshy/press/news/details/1203959?lang=kk

Қабылдау барысында көтерілген негізгі мәселелердің басым бөлігі тұрғын үйге қатысты болды. Бұл бағыт әкімнің жеке бақылауында. Қазіргі уақытта тұрғын үйді бөлу және кезектілік мәселелерімен «Отбасы банк» АҚ айналысуда. Дегенмен, жергілікті атқарушы органдар халықтың өмір сүру сапасын арттыру бағытында жүйелі жұмыстарды жалғастырып келеді, оның ішінде тұрғын үймен қамтамасыз ету – басты басымдықтардың бірі.Аудан бойынша тұрғын үй қорына 40-тан астам пәтер мен тұрғын үй берілген. Оларды бөлу қолданыстағы заңнамаға сәйкес, кезек тәртібімен жүзеге асырылатын болады.Сонымен қатар, ауданда тұрғын үй инфрақұрылымын дамыту жұмыстары да жалғасуда. Биыл «Бір қабатты Шығыс» бағдарламасы аясында жаңа құрылыс жобаларын іске асыру, сондай-ақ көпқабатты тұрғын үйлерді жаңғырту жұмыстары жоспарланған.Бұдан бөлек, тұрғындар жер учаскелерін бөлу, жол белгілерін орнату және жол қозғалысы қауіпсіздігін қамтамасыз ету мәселелерін де көтерді. Бұл азаматтардың ауданның дамуына бейжай қарамай, белсенді түрде атсалысып отырғанын көрсетеді.Көтерілген барлық өтініштер тиісті түрде қаралып, жұмысқа алынды.Ақпарат көзі : https://www.gov.kz/memleket/entities/vko-samar/press/news/details/1203961?lang=kk

Бүгін Қармақшы ауданында «Таза Қазақстан» экологиялық акциясы аясында «Тағзым орны таза болсын, рух пен тазалық – егіз ұғым» атты жалпыхалықтық тазалық акциясы ұйымдастырылды.Тарихи-мәдени ескерткіштер мен киелі орындардың тазалығын сақтап, оларды келешек ұрпаққа аманат ретінде жеткізу мақсатында өткізілген игі шараға зиялы қауым өкілдері, ардагерлер, бөлім, мекеме қызметкерлері, үкіметтік емес ұйымдар, жастар және еріктілер белсенді қатысты.Тазалық жұмыстары барысында аудан аумағындағы ескерткіштер, киелі орындар мен қорымдар маңында абаттандыру, қоқыстан тазарту, көгалдандыру жұмыстары жүргізілді. Сондай-ақ қоршаулар ретке келтіріліп, айналаны көркейту бағытында бірқатар жұмыстар атқарылды.Жалпы ауқымды акция барысында аймағымызда 200-ге жуық қасиетті орын қамтылса, оның ішінде ауданымызда 45-ке жуық нысанда тазалық жұмыстары жүргізіліп, 2000-нан аса тұрғын белсенділік танытты.Президентіміз атап өткендей: «Тазалық – тек қоршаған ортаның ғана емес, рухани мәдениеттің де көрінісі».Өткенді құрметтеу – болашақты бағалау. Сондықтан ескерткіштерді қорғайық, тарихты сақтайық!Ақпарат көзі : https://www.gov.kz/memleket/entities/kyzylorda-karmakshy/press/news/details/1203962?lang=kk

  Баянды ауылындағы мекемелерде «Таза Қазақстан» экологиялық акциясы аясында кезекті сенбілік жұмыстары ұйымдастырылды.Сенбілікке ауыл аумағындағы барлық мекеме ұжымдары белсенді түрде қатысып, өздеріне бекітілген аумақтарды тазарту жұмыстарын жүргізді.Атап айтқанда, мекеме айналалары ретке келтіріліп, қоқыстар жиналды, жасыл желектерді күтіп-баптау, аумақты көркейту жұмыстары жүргізілді. Сонымен қатар, абаттандыру және көгалдандыру жұмыстарына да ерекше көңіл бөлінді.⚜️Баянды ауылы әкімі аппаратының баспасөз қызметі.#ТазаҚазақстанЭкологиялықАкциясы☘️Ақпарат көзі : https://www.gov.kz/memleket/entities/mangystau-munaily-bayandy/press/news/details/1203976?lang=kk

«Астана» өңірлік қолбасшылығы 31775 әскери бөлімінің рота старшинасы 3-сыныпты сержант Тимур Ержанов Қазақстан Қарулы күштері әскери қызметшілері арасында жаңа рекорд орнатты. 200 шақырымдық ультрамарафон қашықтығын 34 сағат 55 минутта еңсерген ол бұл жүгірісін Құрлық әскерлерінің құрылған күніне арнады.Қарағанды қаласындағы әскери бөлімнің аумағынан басталған марафонның алғашқы шақырымдарын Тимур жұбайы Жанармен бірге жүгіріп өтті. Туған жері – Ұлытау облысының Жаңаарқа кентінде мәреге жеткен әскери қызметшіні туған-туыстары, әріптестері мен жерлестері қарсы алды.Жол бойы сержантқа әріптестері қолдау көрсетіп, кейбір учаскелерде бірге жүгіріп отырды. Әйтсе де, шақырымдардың негізгі бөлігін ол өз күшімен бағындырды.– Тимур рухының мықтылығын, төзімділігі мен қызметке адалдығын көрсетті. Оны жеке құрам үлгі тұтады, – деді мотоатқыштар батальонының командирі майор Тасқын Әнуарбекұлы.Жүгірумен бес жылдан бері айналысатын әскери қызметшінің айтуынша, ол марафондарға тұрақты қатысып тұрады. Биыл Құрлық әскерлері күніне орай 200 шақырым қашықтықты жүгіріп өтуді мақсат еткен.– Жолда жаңбыр да, қар да жауды. Шаршаған кездерім де болды. Бірақ отбасым мен әріптестерімнің қолдауы мәреге жетуіме көмектесті, – деді Тимур Ержанов.Бұған дейінгі рекорд Қарағанды гарнизоны Әскери полиция басқармасының офицері майор Заңғар Әлкеновке тиесілі болғанын айта кету керек. Ол 2020 жылы 200 шақырымды 35 сағат 11 минутта жүгіріп өткен болатын.Жаңа нәтиже Қазақстан Қарулы күштері әскери қызметшілерінің жоғары дене дайындығын және қызметке адалдығын көрсетеді.Ақпарат көзі : https://www.gov.kz/memleket/entities/mod/press/news/details/1203948?lang=kk

Афина, 2026 жылғы 19 сәуір – Грекия астанасында жағалау аумағын тазарту бойынша экологиялық акция өтті. Қазақстанның Грекиядағы Елшілігі шетелде «Таза Қазақстан» бастамасын ілгерілету аясында ұйымдастырған бұл іс-шара Еуропадағы аталған қозғалыстың алғашқы жобасы болды. Акция 2026 жылғы 22–24 сәуірде Астанада өтетін Өңірлік экологиялық саммит қарсаңында өткізілді.Бастаманы Грекияда тұратын Қазақстан азаматтары, студенттер, сондай-ақ жергілікті тұрғындар қолдады. Акция қалалық ортаны абаттандыруға нақты үлес қосып қана қоймай, бүкіл әлемде экологиялық мәдениетті дамытуға бағытталған маңызды үндеу болды.«Таза Қазақстан бастамасы еліміздің шекарасынан шықты. Бүгінгі Грекиядағы іс-шара тазалық пен тәртіпке ұмтылу адамдарды біріктіретін және халықтар арасындағы достық байланыстарды нығайтатын әмбебап құндылықтар екенін дәлелдейді», – деп атап өтті Қазақстанның Грекиядағы Елшісі Тимур Сұлтанғожин.Жоба Қазақстан Республикасының Президенті Қасым-Жомарт Тоқаевтың «Адал азамат» тұжырымдамасы аясында жүзеге асырылуда. Оның мақсаты – қоғамда жауапкершілік мәдениетін қалыптастыру, оны кіші істерден бастап дамыту: өз қаласына, көшесіне және қоршаған ортаға қамқорлық жасау.Өз кезегінде, Палео Фалиро муниципалитеті мэрінің орынбасары Николай Н. Яковлев акция қатысушыларына алғыс білдіріп, экология саласындағы күш-жігерді біріктірудің маңыздылығын атап өтті. Ол Қазақстанды және «Таза Қазақстан» бастамасын қоршаған ортаны қорғау саласындағы халықаралық ынтымақтастықтың маңызды үлгісі ғана емес, сонымен қатар елорда тұрғындары мен жас ұрпақ үшін лайықты бағдар ретінде атап өтті.Ақпарат көзі : https://www.gov.kz/memleket/entities/mfa-athens/press/news/details/1203891?lang=kk

17 сәуір күні Қазақстан Республикасының Бас Прокуроры Берік Асыловтың төрағалығымен Заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңестің отырысы өтті. Онда киберқылмыстарға қарсы іс-қимыл бойынша қабылданып жатқан шаралардың тиімділігі мәселелері қаралды.Отырысқа Президент Әкімшілігінің өкілдері, Парламент депутаттары, құқық қорғау және арнайы органдардың басшылары, бейінді министрліктердің, сондай-ақ қаржы ұйымдарының, байланыс операторларының және онлайн-платформалардың өкілдері қатысты.Отырыс барысында соңғы үш айда киберқылмыстар санының азайғаны атап өтілді.Ағымдағы жылы мұндай құқық бұзушылықтар саны 15,1%-ға (6 216-дан 5 275-ке дейін) қысқарды.Оң динамика мемлекеттік органдардың үйлестірілген жұмысының және Мемлекет басшысы Қасым-Жомарт Тоқаевтың қылмыстық қауіп-қатерлерге реактивті әрекет етуден проактивті әрекет етуге көшу жөніндегі тапсырмаларын іске асырудың нәтижесі болды.Атап айтқанда, кредит беру саласындағы қауіпсіздік күшейтілді: «салқындау кезеңі» енгізілді, алғашқы қарызды ресімдеу кезінде міндетті жеке қатысу талабы белгіленді және өзге де қорғаныс тетіктері іске асырылды.Байланыс саласында да елеулі өзгерістер енгізілді: SIM-бокстарға тыйым салынды, абоненттерді биометриялық тіркеу енгізілді, операторларға антифрод-жүйелерді қолдану және алаяқтық қоңырауларды бұғаттау міндеттелді.Сонымен қатар, дропперлік үшін қылмыстық жауаптылық енгізілді.Қазақстан Республикасы Қылмыстық кодексінің 232-1-бабы (банктік шотқа, төлем құралына немесе сәйкестендіру құралына қолжетімділікті заңсыз ұсыну, беру және алу, сондай-ақ төлемдерді және (немесе) ақша аударымдарын заңсыз жүзеге асыру) күшіне енген сәттен бастап 446 іс тіркелді.Ұлттық банк жанындағы Антифрод-орталық арқылы алаяқтық операциялармен байланысты 2,8 млрд теңге бұғатталды.Сондай-ақ цифрлық активтер саласындағы қылмыстарға қарсы күреске, оның ішінде криптовалюталарды ұрлау схемаларын әшкерелеуге, сондай-ақ виртуалды байланыс арналары арқылы жүзеге асырылатын жаппай алаяқтық қоңырауларға қарсы іс-қимылға ерекше назар аударылды.Бас прокуратураның Құқықтық статистика және арнайы есепке алу комитетінің құрылымында қылмыстық қауіптер мен қоғамдық қауіпсіздік тәуекелдерін болжау орталығы құрылды.2026 жылғы 18 сәуірден бастап Комитетке заңнамалық тұрғыда жаңа функция – мемлекеттік органдар үшін ұсынымдар әзірлеуді қоса алғанда, болжамдық-талдамалық қызмет жүктеледі.Орталықтың талдауы көрсеткендей, алаяқтық қоңыраулардың едәуір бөлігі мессенджерлер (ең алдымен WhatsApp) арқылы жүзеге асырылады, бұл қылмыскерлер белсенділігінің дәстүрлі телекоммуникациялық инфрақұрылымнан тысқары ауысқанын білдіреді. Орталық 18 жаңа киберқауіпті анықтады, олардың ішінде шетелде орналасқан қылмыскерлердің SMS-бластерлерді (байланыс операторларын айналып өтіп жаппай хабарлама жіберуге арналған құрылғылар) пайдалануы; фишингтік таралымдар мен дипфейк технологиялары; нөмірлерді алмастыру және тіркелмеген SIM-карталарды қолдану схемалары бар.2026 жылғы 4 сәуірде елде алғаш рет SMS-бластерді пайдалану фактісі әшкереленді, бұл құқық қорғау органдарының киберқылмыстың жаңа түрлерін жедел анықтап, жолын кесуге қабілетті екенін көрсетеді.Отырысқа қатысушылар ведомствоаралық өзара іс-қимылдың тиімділігін, сондай-ақ құқық қорғау органдары қызметкерлерінің киберқауіпсіздік саласындағы біліктілігін арттыру бойынша жүйелі жұмысты атап өтті.Отырыс соңында Берік Асылов халық арасында киберқылмыскерлердің жаңа тәсілдері мен айлалары туралы түсіндіру жұмыстарын кеңейту, сондай-ақ қаржы ұйымдарының, байланыс операторларының және онлайн-платформалардың өздеріне заңмен жүктелген міндеттер шеңберінде клиенттері мен пайдаланушыларының құқықтарымен заңды мүдделеріне киберқатерлердің алдын алу үшін тиісті цифрлық және ұйымдастырушылық шараларды қабылдамауы немесе уақтылы қабылдамауы үшін жауапкершілігін күшейту қажеттігін атап өтті.Сондай-ақ, Үйлестіру кеңесі мүшелерінің, киберполиция бөлімшелерінің және Қаржылық мониторинг агенттігінің интернет-алаяқтық пен қаржы пирамидаларына қарсы іс-қимылға қосқан үлесі ерекше атап өтілді.«Заң мен тәртіп» қағидатын іске асыру шеңберінде халықтың құқықтық сауаттылығын арттыруға және киберқауіптерге қарсы тұру дағдыларын қалыптастыруға бағытталған ауқымды ақпараттық-түсіндіру жұмыстары жүргізілгені атап өтілді.Ақпарат көзі : https://www.gov.kz/memleket/entities/kostanai-kalasy-akimat/press/news/details/1203892?lang=kk

CЫР ӨҢІРІНДЕ «ТАҒЗЫМ ОРНЫ ТАЗА БОЛСЫН,РУХ ПЕН ТАЗАЛЫҚ – ЕГІЗ ҰҒЫМ» АТТЫЖАЛПЫХАЛЫҚТЫҚ ТАЗАЛЫҚ АКЦИЯСЫ ӨТТІБүгін Қызылорда облысында Мемлекет басшымыз Қасым-Жомарт Кемелұлының бастамасымен қолға алынған «Таза Қазақстан» экологиялық бағдарламасы аясында Облыс әкімдігінің ұйымдастыруымен «Тағзым орны таза болсын, рух пен тазалық – бір ұғым» атты жалпыхалықтық акциясы өтті.Өңірдегі тарихи-мәдени ескерткіштер, киелі орындар мен көпшілік зират ететін барлық аумақтарға көркейту-көгалдандыру жұмыстары ұйымдастырылды. Сонымен қатар, ағаш отырғызу, қоршауларды ретке келтіру, жолдарды тазалау және жөндеу секілді жұмыстар да жүргізілді.Сауабы мол игі шараға барша облыс тұрғындарымен қатар мәслихат депутаттары, ардагерлер, зиялы қауым өкілдері, мемлекеттік мекеме қызметкерлері, ассамблея, қоғамдық ұйымдардың мүшелері және жастар белсене қатысты.Президентіміз «Таза Қазақстан дегеніміз – қоршаған ортаны таза ұстау ғана емес. Әрине, ол да маңызды. Сонымен бірге, бұл – ой-сана тазалығы деген сөз. Жан-дүниесі таза адам қайырымды, мейірімді болады», – деп, жалпыұлттық бағдарлама айналған бастаманың мәнін ашып берді.Киелі орындарды зират етудің бұрыннан қалыптасқан ережелері бар. Оның ең негізгісі тазалықпен байланысты. «Өлі разы болмай, тірі байымайды» деген даналық өткенге құрмет көрсетудің маңызын ұғындырады.Халқымыздың дүниетанымында қорымдар тек жерлеу орны ғана емес, дүниеден өткендерге құрмет көрсететін, ата-баба рухына тағзым ететін қасиетті жер. Сондықтан кесенелердің, қорымдардың тазалығына, қараусыз қалмауына ерекше мән беріледі.Осындай тағылымды бастамалар арқылы қоғамда тазалыққа деген жауапкершілік артып, ұлттық құндылықтарымызға құрмет нығая түседі.Айта кету керек, облыста 72 нысан киелі орындар тізбесіне енгізілген. Қасиетті кесенелерге жергілікті бюджеттен және демеушілердің қолдауымен реставрациялық, жөндеу жұмыстарын жүргізіп, келушілерге ыңғайлы әрі қолжетімді ету мақсатында инфрақұрылымдары жақсартылды.Акция аясында аймақтағы 200-ге жуық қасиетті орындар мен зираттардың аумағын тазалау жұмыстарына 20 мыңнан аса тұрғындар белсенді қатысты.Бұл бағыттағы игі істер алдағы уақытта да жалғасын табатын болады.@Қызылорда облысы әкімінің баспасөз қызметі

2026 жылғы 18 сәуірде Орталық Азия халықаралық институтында Қазақстанның Өзбекстандағы Елшілігінің қолдауымен «Өзбекстан–Қазақстан қатынастарының жаңа серпіні. Бұхара саммитінен кейінгі қадамдар?» тақырыбында дөңгелек үстел өтті. Іс-шара мемлекеттер басшыларының Бұхарадағы бейресми кездесуінің қорытындылары аясында қол жеткізілген уағдаластықтарды іске асыру тұрғысынан Қазақстан мен Өзбекстан арасындағы қатынастардың қазіргі жай-күйі мен даму перспективаларын талқылауға арналды.Пікірталасқа Өзбекстан Республикасы Олий Мәжілісі Заң шығару палатасының өкілдері, талдау орталықтарының сарапшылары, сондай-ақ бұқаралық ақпарат құралдарының өкілдері қатысты.Қазақстан Республикасынан іс-шараға Қазақстанның Өзбекстандағы Төтенше және Өкілетті Елшісі Бейбіт Атамқұлов, Қазақстан Республикасы Президенті жанындағы Қазақстандық стратегиялық зерттеулер институтының директоры Жандос Шаймарданов, сондай-ақ ҚР СІМ жанындағы Сыртқы саяси зерттеулер институтының аға сарапшысы Валерий Ситенко қатысты.Спикерлер саяси, сауда-экономикалық, инвестициялық, көлік-логистикалық және мәдени-гуманитарлық салаларды қамтитын көпжақты ынтымақтастықтың тұрақты оң серпінін қанағаттанушылықпен атап өтті.Талқылау барысында бұрын қол жеткізілген келісімдерді іс жүзінде жүзеге асыруға, өнеркәсіптік кооперацияны кеңейтуге, сондай-ақ көлік байланысын нығайтуға және өңірдің транзиттік әлеуетін арттыруға ерекше назар аударылды.Елші Б. Атамқұлов өз сөзінде екіжақты өзара іс-қимылды дамытудың дәйекті әрі тұрақты бағытын сақтаудың маңыздылығын атап өтіп, оның бүкіл Орталық Азия өңірі үшін мәнін ерекше атап өтті.Сарапшылар, өз кезегінде, Бұхарадағы келіссөздердің қорытындыларына назар аударып, олардың Қазақстан мен Өзбекстан арасындағы одақтастық қатынастарды тереңдетуге қосымша серпін бергенін атап өтті. Сондай-ақ заманауи сын-қатерлерге уақтылы жауап беру және өңірлік ынтымақтастықтың жаңа мүмкіндіктерін тиімді пайдалану үшін тұрақты сарапшылық диалогты жалғастырудың маңыздылығы айтылды.Дөңгелек үстел қорытындысы бойынша қатысушылар Қазақстан мен Өзбекстан арасындағы қатынастардың одан әрі дәйекті дамуына сенім білдіріп, барлық негізгі бағыттар бойынша өзара іс-қимылды тереңдетуге дайын екендігін растады.  Ақпарат көзі : https://www.gov.kz/memleket/entities/mfa-tashkent/press/news/details/1203834?lang=kk

Анталия, 2026 жылғы 18 сәуір – 5-ші Анталия дипломатиялық форумы аясында Қазақстан Республикасының Сыртқы істер министрі Ермек Көшербаев Түркі мемлекеттері ұйымы Сыртқы істер министрлері кеңесінің (ТМҰ СІМК) бейресми отырысына қатысты.Отырыс барысында тараптар халықаралық және өңірлік күн тәртібіндегі өзекті мәселелерді, соның ішінде Таяу Шығыстағы ахуалды ушықтырмау жөніндегі күш-жігерді талқылады. Министрлер өңірдегі жағдайдың одан әрі дамуы және оны тұрақтандырудың ықтимал жолдары жөнінде пікір алмасты.Өз сөзінде Е. Көшербаев Қазақстан Республикасының бейбіт бастамаларды ілгерілетуге бейілділігін атап өтіп, Қазақстан қақтығыстарды тек саяси-дипломатиялық жолмен шешуге табанды түрде шақыратынын мәлімдеді. Осы тұрғыда Қазақстан келіссөздер өткізу үшін алаң ұсынуға дайын екенін тағы да растады.Сонымен қатар министр ағымдағы жылдың мамыр айында Түркістан қаласында өтетін ТМҰ-ның бейресми саммиті ұйымның рөлін одан әрі нығайтуға жаңа серпін беріп, ынтымақтастықты тереңдетуге және қатысушы мемлекеттердің күш-жігерін шоғырландыруға ықпал ететінін атап өтті.Осы тұрғыда сұхбаттасушылар ТМҰ-ның институционалдық дамуының келешек мәселелерін де талқылады.Форум аясында ҚР Сыртқы істер министрі Люксембург Премьер-министрінің орынбасары – Сыртқы істер және сыртқы сауда, сондай-ақ даму мақсатындағы ынтымақтастық және гуманитарлық істер министрі Ксавье Беттельмен, Боливия СІМ басшысы Ф. Арамайо Карраскомен, Литва Республикасының Сыртқы істер министрі Кястутис Будриспен, Гвинея-Бисау СІМ басшысы Жоау Бернарду Виейрамен және ЕО-ның Адам құқықтары жөніндегі арнайы өкілі Кайса Оллонгренмен екіжақты кездесулер өткізді. Кездесулер барысында екіжақты және көпжақты ынтымақтастықтың өзекті мәселелері талқыланды. Ақпарат көзі : https://www.gov.kz/memleket/entities/mfa/press/news/details/1203826?lang=kk

Шымкент қаласы полиция департаментінде «Заң мен Тәртіп» қағидаты аясында департамент бастығының орынбасары Даулеткелді Абдрамановтың төрағалығымен жұмыс кеңесі өтті. Жиын барысында қоғамдық қауіпсіздікті қамтамасыз етуде маңызды рөл атқаратын «Сергек» қорғау және тор жүйесінің жұмыс нәтижелері мен оны одан әрі жетілдіру бағыттары қаралды.«Сергек» жүйесі - қала аумағында орнатылған интеллектуалды бейнебақылау кешені. Ол көшелерде, жол қиылыстарында, тұрғын үйлер маңында және қоғамдық орындарда орналасқан «ақылды» камералар арқылы тәулік бойы бақылау жүргізеді. Жүйе жасанды интеллект технологияларының көмегімен жиналған деректерді өңдеп, құқық бұзушылықтарды автоматты түрде анықтауға мүмкіндік береді.Кеңесте аталған жүйенің негізгі міндеттері ретінде қоғамдық тәртіпті сақтау, қылмыстың алдын алу, жол қозғалысы қауіпсіздігін арттыру және құқық қорғау органдары қызметінің тиімділігін күшейту мәселелері атап өтілді.Сонымен қатар, «Сергек» жүйесінің маңызды мүмкіндіктерінің бірі - автокөліктерді анықтау және іздестіру екені айтылды. Камералар көліктердің мемлекеттік тіркеу нөмірлерін автоматты түрде оқып, дерекқорлармен салыстырады. Іздестірудегі көлік анықталған жағдайда, тиісті қызметтерге жедел хабарлама жолданады. Бұл ұрланған немесе құқық бұзушылыққа қатысы бар көліктерді қысқа мерзімде табуға мүмкіндік береді.Жиын барысында жол қозғалысы ережелерін бұзу деректерін автоматты тіркеу, апаттардың алдын алу және қоғамдық қауіпсіздікті күшейту бағытындағы жүйенің рөлі ерекше атап өтілді.Қазіргі таңда бұл жүйе қоғамдық қауіпсіздікті қамтамасыз ету мен қылмыспен күресте тиімді құралдардың бірі ретінде өз нәтижесін көрсетіп отыр.

Қарулы күштерде бірыңғай Ашық есік күні өтті. Оның аясында еліміздің әр өңіріндегі 50-ден астам әскери бөлім келушілерге есігін ашты. Іс-шараға 15 мыңнан астам адам қатысты. Олардың қатарында мектеп оқушылары, студенттер, педагогтер, сондай-ақ мерзімді әскери қызметшілердің ата-аналары мен жақындары бар.  Акция Қарулы күштердің барлық түрлері мен әскер тектерін қамтыды: Құрлық әскерлері, Әуе қорғанысы күштері, Әскери-теңіз күштері, Десанттық-шабуылдау әскерлері және Арнайы операциялар күштері. Қонақтар армия тыныс-тіршілігін ішінен көріп, әскери қызмет туралы жан-жақты түсінік алды.  Іс-шара аясында келушілер казармаларды, асханаларды және тұрмыстық нысандарды аралады. Олар әскери қызметшілердің тұрмыс жағдайымен және күнделікті қызметтің ұйымдастырылуымен танысты.  – Біз әскери қызметтің өту барысын барынша ашық көрсетеміз. Бұл жастар үшін де, ата-аналар үшін де маңызды. Армия – мінез, тәртіп пен жауапкершілік қалыптасатын өмір мектебі, – деді Тәрбие және идеологиялық жұмыстар департаментінің бастығы әділет полковнигі Тілеухан Басқожаев.  Бағдарламаның практикалық бөлігі ерекше қызығушылық тудырды. Мектеп оқушылары мен студенттер әскери қызметшілердің жаттығуларын тамашалап, әскери техникамен және түрлі бөлімшелердің жұмысымен танысты. Сонымен қатар олар өздерін болашақ Отан қорғаушысы ретінде сынап көрді.  Елордадағы №13 мектептің 9-сынып оқушысы Даяна Гуляева алған әсерімен бөлісті:  – Бұған дейін мұндай техниканы тек фильмдер мен жаңалықтардан көретінбіз. Бүгін оны өз көзімізбен көріп, тіпті қолмен ұстауға мүмкіндік алдық. Әсіресе заманауи дрондар мен бронды техника ерекше әсер қалдырды. Бұл – армиямызға деген мақтаныш сезімін оятатын маңызды сәт.  Бағдарлама саптық алаңдағы көрнекі қойылымдармен аяқталды. Әскери қызметшілер саптық дайындық элементтерін, қоян-қолтық ұрыс тәсілдерін және тактикалық іс-қимыл эпизодтарын көрсетті.  Іс-шара соңында қонақтарға сарбаз ботқасы ұсынылды.  Ашық есік күнін тұрақты түрде өткізу қоғамның армияға деген сенімін нығайтып, жастардың әскери қызметке қызығушылығын арттыруға және оның беделін көтеруге ықпал етеді.Ақпарат көзі : https://www.gov.kz/memleket/entities/mod/press/news/details/1203814?lang=kk

Лахор қ., 2026 жылғы 16-17 сәуірдегі – Қазақстан Елшісі Е.Қыстафин Пәкістанның мәдени астанасы-Лахор қ. екі күндік жұмыс сапарымен барып, Пенджаб провинциясының іскерлік және мәдени орталарымен кездесулер өткізді.Қазақстандық дипломатиялық миссия басшысы ҚР Президенті Қ.Тоқаевтың ү.ж. 3-4 ақпандағы Исламабадқа мемлекеттік сапарының қорытындылары, қол жеткізілген уағдаластықтар мен жоспарлар туралы айтып берді. Қазақстан мен Пәкістан көшбасшыларының сауда-экономикалық және мәдени-гуманитарлық салалардағы екіжақты байланыстарды дамыту мәселелеріне ерекше назар аударылғаны ерекше атап өтілді.Сапар аясында Елші 1865 ж. құрылған және Оңтүстік Азиядағы ең ірі мұражайлардың бірі болып табылатын Лахор мұражайына барды. Пәкістанның, қазақстандық делегацияның тарихи мұрасымен танысу барысында өңірдің ежелгі тарихынан негізгі қорлар, экспозициялар мен сирек кездесетін экспонаттар, оның ішінде дәуірімізге дейінгі 1200 ж. дейінгі кейбір артефактілер көрсетілді.Мұражай директоры Тасир Ахмад мырзамен келіссөздер барысында көрмелерді ұйымдастыру, бірлескен ғылыми зерттеулер, ақпарат алмасу және т.б. мақсатында қазақстандық тараппен ынтымақтастық орнату мәселелері талқыланды.Әрі қарай Лахор қ. Сауда-өнеркәсіп палатасының басшылығымен және мүшелерімен кездесу өтті. Е.Қыстафин Қазақстан мен Пәкістанның іскер топтарының қатысуымен өткен және жоспарланған іс-шаралар туралы айтып, көліктік-логистикалық дәліздерді дамыту және Қазақстанда бизнес жүргізу үшін қолайлы жағдайларды қалыптастыру бөлігінде жүргізіліп жатқан жұмыстар туралы хабардар етті.Елші Лахор қ. СӨП-ін Қазақстанға келуге және екіжақты сауда және инвестициялық әріптестікті одан әрі арттыру және әртараптандыру мақсатында алдағы іскерлік форумдар мен тауар өндірушілердің көрмелеріне белсенді қатысуға шақырды.Сонымен қатар, делегация Лахор қ. орналасқан бірқатар ірі кәсіпорындарға барып, өндіріс процесімен және өндірілетін өнімнің ассортиментімен танысты. Бизнесмендер Пәкістан тауарларын қазақстандық нарыққа экспорттауға, сондай-ақ бірлескен кәсіпорындар ашу және Еуразиялық нарықта қатысуды кеңейту мүмкіндіктерін зерделеуге қызығушылық танытты.Сапар аясында Елші «Discover Pakistan» жетекші телеарналарының біріне эксклюзивті сұхбат берді, онда Қазақстан-Пәкістан қатынастарының ағымдағы жай-күйін, ҚР Президенті Қ.Тоқаевтың Пәкістанға мемлекеттік сапарының қорытындыларын, сондай-ақ екіжақты күн тәртібін одан әрі тереңдету және кеңейту жөніндегі орта мерзімді жоспарларды атап өтті.Ақпарат көзі : https://www.gov.kz/memleket/entities/mfa-islamabad/press/news/details/1203787?lang=kk

2026 жылғы 18 сәуірде Шымкент қаласында «Таза Қазақстан» республикалық экологиялық бағдарламасы аясында кең ауқымды жалпықалалық тазалық күні өтті. «Таза аула» атауымен ұйымдастырылған акция мегаполистің барлық бес ауданын қамтып, қоршаған ортаны қорғау мәдениетін қалыптастыруға және тұрғындардың туған жерге деген жауапкершілігін арттыруға бағытталды.Ауқымды экологиялық шараға қала тұрғындары, еріктілер, жастар, еңбек ардагерлері, сондай-ақ түрлі мекемелер мен ұйымдардың қызметкерлері және коммуналдық қызмет мамандары белсенді қатысты. Ортақ күш-жігердің нәтижесінде аулалар, көшелер мен қоғамдық орындар тазартылып, шөптер шабылып, ағаштар бұталып, әктеу жұмыстары жүргізілді.Жалпы акцияға 55 мыңға жуық адам қатысып, 352 бірлік арнайы техника жұмылдырылды. Нәтижесінде 461 тоннадан астам тұрмыстық және құрылыс қалдықтары шығарылды.Тазалық акциясында қала жастары ерекше белсенділік танытты. 500-ге жуық жас пен ерікті аудан аумақтарында тазалық жұмыстарын ұйымдастыруға атсалысты. Сонымен қатар, іс-шара барысында Шымкент қаласының экологиялық мәдениетін насихаттауға бағытталған қаланың басты экокейіпкерлері Эконай мен Экобек тұрғындарды қоршаған ортаны қорғауға және тазалықты сақтауға шақырды.Аудандық деңгейдегі жұмыстар да жоғары ұйымдасқан түрде өтті. Абай ауданында тазалық жұмыстары Тұран шағын ауданындағы Шмидт көшесінде орналасқан №6 көпқабатты тұрғын үйдің ауласынан басталып, өзге аумақтарда жалғасын тапты. Іс-шараға 22 мыңнан астам адам мен 50 арнайы техника жұмылдырылып, 118 тоннадан астам қалдық шығарылды.Әл-Фараби ауданында №15 шағын аудандағы бірнеше тұрғын үйдің аулалары тазартылып, аумақтар ретке келтірілді. Бұл жұмыстарға тұрғындармен қатар білім беру саласының қызметкерлері, коммуналдық мекемелер мен жастар белсенді қатысты. Жалпы 5 мыңға жуық адам қатысып, 39 арнайы техника тартылды. Нәтижесінде 90 тоннадан астам қоқыс шығарылды.Еңбекші ауданында сенбілік Е. Спатаев көшесінен Айдын көшесіне дейінгі аумақта және Алдияров көшесіндегі көпқабатты тұрғын үйлердің аулаларында өтті. Аулалардағы қоқыстар шығарылып, жасыл желекке күтім жасалды. Іс-шараға 13 мыңнан астам адам қатысып, 86 арнайы техника жұмылдырылды. Нәтижесінде 65 тонна қалдық шығарылды.Қаратау ауданында «Астана» және өзге де шағын аудандардағы аулалар тазартылып, абаттандыру жұмыстары жүргізілді. Жалпы 6 мыңнан астам адам мен 60 техника жұмылдырылып, 54 тонна қоқыс шығарылды.Тұран ауданында тазалық жұмыстары бірнеше аумақта ұйымдастырылып, Республика даңғылы мен оған іргелес көшелердегі аулалар ретке келтірілді. Негізгі жұмыстар мал базары маңында жүргізілді. Ауданда 9 мыңға жуық адам мен 117 бірлік арнайы техника тартылып, 133 тоннадан астам қалдық шығарылды.Қатысушылардың айтуынша, «Таза Қазақстан» бағдарламасы – бір реттік науқан емес, экологиялық мәдениетті қалыптастыруға бағытталған ұзақ мерзімді әрі жүйелі жұмыс. Қала тазалығы әрбір тұрғынның күнделікті дағдысына айналған жағдайда ғана мұндай бастамалардың тиімділігі арта түседі.Шымкент тұрғындары бұл жолы да бірлік пен жауапкершіліктің жарқын үлгісін көрсетті. Таза орта – сапалы өмірдің кепілі, ал оны сақтау – баршаға ортақ міндет.

Астана, 2026 жылғы  17 cәуір – Қазақстан Республикасының Сыртқы істер министрінің орынбасары Арман Исетов Хорватия Республикасының Қазақстан Республикасындағы Елшісі Рефик Шабановичті қабылдады.Кездесу барысында тараптар Қазақстан мен Хорватия арасындағы саяси, сауда-экономикалық және мәдени-гуманитарлық салалардағы қатынастардың қазіргі жай-күйі мен даму перспективаларын жан-жақты талқылап, екіжақты ынтымақтастықтың оң серпінін атап өтті.Сауда-экономикалық байланыстарды кеңейту, инвестиция тарту, сондай-ақ білім, ғылым және туризм салаларындағы ынтымақтастықты нығайту мәселелеріне назар аударылды. Екі елдің іскер топтары арасындағы байланыстарды жандандыру және өзара мүдделі бірлескен жобаларды іске асырудың маңыздылығы атап өтілді.Тараптар сындарлы диалогты одан әрі дамытуға және екіжақты әрі көпжақты форматтардағы, оның ішінде халықаралық ұйымдар аясында тығыз өзара іс-қимылды жалғастыруға дайындығын  білдірді.Ақпарат көзі : https://www.gov.kz/memleket/entities/mfa/press/news/details/1203775?lang=kk

Джакарта, 2026 жылғы 17 сәуір – Қазақстанның Индонезиядағы Елшісі Сержан Әбдікәрімов Индонезия және Аустрия үкіметтері, Халықаралық Қызыл Крест Комитеті мен «Ядролық қаруды жою жөніндегі халықаралық науқан» (ICAN) ұйымы ұйымдастырған Ядролық қаруға тыйым салу туралы шарт (ЯҚТШ) бойынша Азия-Тынық мұхиты өңірлік конференцияға қатысты.Елші өз сөздерінде жаһандық ядролық қарусыздану мен таратпау Қазақстанның сыртқы саясатының негізгі басымдықтарының бірі екенін мәлімдеді. Еліміздің қағидатты ұстанымының негізінде бұрыңғы Семей полигонында жасалған және 1,5 миллионнан астам азаматтың зардап шегуіне әкеп соққан 450-ден астам ядролық сынақтың қайғылы мұрасы жатқаны атап өтілді. Осыған орай дипломат ЯҚТШ-ның ядролық қауіп-қатерлерді толық жоюға жол ашатын негізгі халықаралық құралдардың бірі ретіндегі маңыздылығын атап өтті.Шарт ережелерін іс жүзінде жүзеге асыру мәселесіне ерекше назар аударылды. Елші конференцияға қатысушыларды аталған құжатты әлемнің барлық елдерінің тезірек ратификациялауына ықпал етуге, сондай-ақ Қазақстан мен Кирибатидің ядролық сынақтардан зардап шеккендерге көмек көрсету және ластанған аумақтарды оңалтуға арналған Халықаралық траст қорын құру жөніндегі бастамасын қолдауға шақырды.Ядролық қаруға тыйым салу және жаппай қырып-жою қаруынан азат әлемге қол жеткізу жолындағы жаһандық диалогта Қазақстанның «көпір» рөлін атқаруға дайындығы тағы да расталды.Ақпарат көзі : https://www.gov.kz/memleket/entities/mfa-jakarta/press/news/details/1203767?lang=kk

Алматы облысында республикалық «Таза Қазақстан» экологиялық акциясы жалғасуда. Бұл бастама елді мекендердің санитарлық жағдайын жақсартуға, жасыл желектерді көбейтуге және халықтың экологиялық мәдениетін қалыптастыруға бағытталған. Өңірдің барлық аудандарында тұрғындар сенбіліктерге, ағаш отырғызуға және қоғамдық аумақтарды абаттандыруға белсене қатысуда.Оның айқын мысалдарының бірі – Еңбекшіқазақ ауданы. Мұнда акция әртүрлі буын өкілдерін біріктірді. Алмалы ауылындағы И. Шорманов атындағы орта мектепте «Жасыл мекен – жасыл болашақ» атты экологиялық іс-шара өтіп, педагогтар, оқушылар және жергілікті тұрғындар бірлесе көшеттер отырғызып, аумақты абаттандыру жұмыстарын жүргізді.Мектеп директоры Айжан Талқамбаева атап өткендей, туған жердің тазалығы мен көркеюі әр адамның жеке жауапкершілігінен басталады. Оның айтуынша, мұндай бастамалар оқушылардың табиғатқа деген жанашырлық көзқарасын қалыптастыруға ықпал етеді.Оқушылар да экологиялық акцияға жоғары жауапкершілікпен қатысып, өз үйлері мен көшелерін көгалдандыруға үлес қосуға ниетті екенін жеткізді. Олардың пікірінше, қоршаған ортаны таза ұстау – әр азаматтың күнделікті дағдысына айналуы тиіс.Игі бастама Іле ауданында да жалғасын тапты. Мұнда елді мекендерді абаттандыру мақсатында кезекті ауқымды сенбілік ұйымдастырылды. Оған ауыл тұрғындары, мекеме қызметкерлері мен белсенді азаматтар қатысты.Сенбілік барысында Өтеген батыр ауылындағы орталық стадион аумағы, Ажимуратов және Титов көшелері, сондай-ақ №13 орта мектеп маңы тазартылды. Қатысушылар қоқыстарды жинап, стадиондағы орындықтарды сырлап, көгалдарды ретке келтірді.Іле ауданы әкімінің орынбасары Аскар Садыковтың айтуынша, стадионды абаттандыру жұмыстары демеушілердің қолдауымен жүргізілуде және жалғасын табады. Сонымен қатар, Байсерке ауылындағы «Даму» логистикалық орталығында да 500-ге жуық адам қатысқан ірі сенбілік өтті. Мұнда ағаш отырғызу, аумақты тазалау және әктеу жұмыстары жүргізілді.Қарасай ауданында да «Таза Қазақстан» акциясына діни қызметкерлер белсене атсалысуда. «Түркістан» мешіті аумағында көгалдандыру жұмыстары ұйымдастырылып, жиырмадан астам ағаш отырғызылды. Іс-шараға ауданның бас имамы мен теолог мамандар қатысты.Бас имамның айтуынша, әр азамат өз үйі мен айналасын таза ұстауға жауапты, ал мұндай шаралар жас ұрпаққа үлгі болуға тиіс. Сонымен қатар, ол аудан тұрғындарын тазалық пен тәртіпті сақтауға шақырды.Облыс орталығы Қонаев қаласында да ауқымды көгалдандыру жұмыстары жүргізілуде. Биылғы маусымда қала аумағында шамамен бес мыңға жуық ағаш отырғызылды. Жаңа көшеттер көшелер бойына, тұрғын үй аулаларына және бос жатқан аумақтарға егілді.Мамандардың айтуынша, сенбіліктерге тұрғындардың белсенді қатысуы қаланың келбетін жақсартып қана қоймай, экологиялық мәдениетті де қалыптастырады. Қала тұрғындары қоршаған ортаның тазалығы өз еңбегінің нәтижесі екенін түсіне бастаған.Осылайша, «Таза Қазақстан» акциясы қоғамды ортақ мақсат – жайлы, таза және экологиялық қолайлы ортаны қалыптастыру төңірегіне біріктіретін тиімді тетікке айналды. Аталған бағыттағы жұмыстар Алматы облысының барлық аудандарында кеңінен жүргізіліп, ұқсас іс-шаралар тұрақты түрде ұйымдастырылуда. Бұл бағыттағы жұмыс алдағы уақытта да жүйелі түрде жалғасын табады.Ақпарат көзі : https://www.gov.kz/memleket/entities/almobl/press/news/details/1203768?lang=kk

Кеген ауданында Мемлекет басшысының бастамасымен жүзеге асырылып жатқан «Таза Қазақстан» республикалық экологиялық акциясы жалғасуда. Аудан тұрғындары үшін бұл бастама тек сенбіліктер өткізумен шектелмей, елді мекендерді, қоғамдық орындарды және туристік бағыттарды абаттандыруға бағытталған ауқымды жұмыстарға ұласты.Экологиялық науқан аясында ауыл тұрғындары, әкімдік қызметкерлері, ұйымдар мен кәсіпорын өкілдері, сондай-ақ қоғамдық ұйым мүшелері көшелерді, аулаларды және әкімшілік ғимараттарға іргелес аумақтарды санитарлық тазалау жұмыстарын жүргізуде. «Киелі мекен» апталығы барысында тарихи-мәдени ескерткіштердің аумақтарын абаттандыру шаралары ұйымдастырылды.Сонымен қатар, «Жасыл аймақ» бағдарламасы аясында биылғы 15 сәуірде 40 түп шырша көшеті отырғызылды. Бұған дейін 150 жас терек, 40 алма ағашы, 20 алмұрт және 150 қайың егілген болатын.Саты ауылы әкімінің орынбасары Олжас Қырғызжанұлының айтуынша, 4 мамырға дейін «Өнегелі ұрпақ» апталығы аясында ардагерлердің аулаларын абаттандыруға бағытталған бірқатар іс-шаралар жоспарланған. Ал «Мөлдір бұлақ» акциясы шеңберінде су айдындары мен жағалауларды қоқыстан тазарту көзделген. Соңғы апталарда ауыл маңынан бірнеше тонна қоқыс шығарылды.Акция аясында көгалдандыру жұмыстарына ерекше мән берілуде. Биыл Саты ауылында және оған іргелес аумақтарда жүздеген көшет отырғызылды. Ағаш егу әр буын өкілдерін біріктіретін игі дәстүрге айналып, жастар арасында экологиялық мәдениетті қалыптастыруға ықпал етуде. Ақпарат көзі : https://www.gov.kz/memleket/entities/almobl/press/news/details/1203765?lang=kk