Q-Group және Arizona State University «University of Innovation and Technology» іске қосадыQ-Group делегациясы Аризона штаты университетінде (Arizona State University, ASU) бірқатар стратегиялық кездесулер мен іс-шаралар өткізіп, қорытындысында «University of Innovation and Technology powered by ASU» жобасының іске қосылатынын ресми түрде жариялады. Жаңа университет заманауи білім беру технологияларын енгізу, академиялық ұтқырлықты кеңейту, сондай-ақ бірлескен ғылыми-зерттеу және кәсіпкерлік бастамаларды дамыту үшін инновациялық алаңға айналмақ.Кездесу барысында Q-Group делегациясы ASU-дың негізгі құрылымдық бөлімшелерімен келіссөздер жүргізді. EdPlus-та сандық оқытудағы озық шешімдер мен онлайн-білім берудің жаңа үлгілері талқыланды. Global Launch-та академиялық бейімделу, халықаралық студенттерді қолдау және жаһандық интеграция мүмкіндіктерін арттыру мәселелері қарастырылды. Ал School of Engineering өкілдерімен кездесуде инженерлерді даярлаудағы тәжірибе алмасу өтті, соның ішінде пәнаралық және тәжірибеге бағытталған тәсілдердің қолданылуы талқыланды.«University of Innovation and Technology powered by ASU» жобасының іске қосылуы Қазақстанның білім беру экожүйесінің дамуында жаңа кезеңді айқындайды және Q-Group студенттеріне, оқытушылары мен серіктестеріне әлемдік деңгейдегі стандарттар мен инновацияларға қол жеткізуге мүмкіндік береді.Ақпарат көзі : https://www.gov.kz/memleket/entities/sci/press/news/details/1082248?lang=kk

ТЖ немесе оған қауіп төнген кезде көшелерде азаматтардың назарын маңызды ақпаратқа аудару үшін сиреналар мен сигналдар қосылады.Қазан айының бірінші онкүндігінде ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ «Барлығына назар аударыңыз!» сигналы тақырыбында сұхбат форматында қазақ тілінде интерактивті сабақ өткізді. Кездесу спикері ретінде ШҚО ТЖД Азаматтық қорғаныс басқармасының аға офицері, подполковник Тұрсынғалиев Ерік Еркінбекұлы сөз сөйлеп, осы тақырып бойынша бірқатар сұрақтарға жауап берді: «Барлығына назар аударыңыз!», осы сигналды алған кезде қандай әрекеттер жасау керек, кім қосуға бұйрық береді, осы сигналды тыңдау үшін қандай байланыс құралдарын пайдалануға болады. Сондай-ақ, спикер балаларды БКДҚ бірыңғай кезекші диспетчерлік қызметінің жұмысымен таныстырды, және  қандай жағдайда сол жерге қоңырау шалу керек. Сұрақтардың келесі блогы қазіргі заманғы хабарлау құралдарына және Қазақстанда қанша ескерту сигналы бар екеніне қатысты болды.Ақпарат көзі : https://www.gov.kz/memleket/entities/vko-bilim/press/news/details/1082836?lang=kk

Кеген аудандық мәслихатының кезектен тыс отыз жетінші сессиясы.2025 жылдың 07 қазан күні сағат 10:00-де Кеген аудандық мәслихаттының кезектен тыс XXXVII сессиясы өтті.Сессияда қаралған күн тәртібіндегі үш мәселе болды.1. Қазақстан Республикасы Президентінің 2006 жылғы 18 қаңтардағы № 19 Жарлығына сәйкес Ұзынбұлақ   ауылдық округі әкімінің мәслихат депутаттары алдындағы есебі.2.«Қазақстан Республикасындағы сайлау туралы» Қазақстан Республикасының Конституциялық заңының 10-бабы,3 тармағына сәйкес Кеген ауданының учаскелік сайлау комиссияларының құрамына үміткелерді ұсыну туралы.3.«Кеген ауданының «Құрметті азаматы» атағын беру туралы.Аталған үш мәселе бойынша ұсыныстар қаралып, шешім қабылданды.   Ақпарат көзі : https://www.gov.kz/memleket/entities/maslihat-kegen/press/news/details/1082262?lang=kk

Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде міндетті әлеуметтік-медициналық сақтандыру жүйесін жаңғырту, көлеңкелі экономиканы төмендету шаралары талқыланды. Оған облыс әкімі Нұрлыбек Нәлібаев селекторлық режим арқылы қатысты. Отырыстан кейін осы және өзге де мәселелелер бойынша сала басшыларына тапсырмалар жүктеді.«Жылдың аяқталуына аз уақыт қалды. Тиісті шаралар қабылданып, міндетті әлеуметтік-медициналық сақтандыру саласының негізгі нысаналы индикаторлары толық орындалуы керек. Арнайы санаттағы азаматтарды жұмыспен қамту, сақтандыру, жалпы әлеуметтендіру өте маңызды.Президентіміз экономикаға қауіп төндіріп, залал келтіретіндердің жолын кесу шараларын үздіксіз жүргізуді тапсырғаны белгілі. Жоспарланған жұмыс көлемінің нақты орындалуы, бюджет қаржысының мақсатты пайдаланылуы бюджеттік бағдарлама әкімшілерінің, «Байқоңыр» әлеуметтік-кәсіпкерлік корпорациясының, мемлекеттік кірістер, ішкі мемлекеттік аудит департаменттерінің ұдайы бақылауында болуы тиіс.Бюджеттік бағдарлама әкімшілері қаржы бөлінгеннен бастап түпкілікті нәтижеге қол жеткізілгенге дейінгі іс-қимылдарды цифрландырып, оның ашықтығын қамтамасыз етуі керек. Тұрақты мониторинг жүргізіліп, бюджет қаржысы мақсатты жұмсалуы қажет.Мемлекеттік кірістер департаменті Қызылорда қаласы, аудан әкімдіктерімен бірлесіп, заңсыз айналымдардың алдын алу шараларын күшейтіп, мемлекеттік бюджетке түсетін түсімдер көлемін арттырыңыздар.Жылу беру маусымының басталуына бір апта уақыт қалды. Өткен мәжілісте көмір қорын жасақтауды тапсырғанмын. Жылу беру маусымында қатты отын, көмір қорына қатысты ешқандай мәселе туындамауы тиіс. Көмір жеткізу, қажетті қорды жасақтау жұмыстарын күшейтіңіздер.Биыл бюджеттен тұрғын үй құрылысы мен жеке салушылардан дайын 3 800 пәтерді сатып алуға 58 млрд. 785 млн. теңге қаржы бөлінді. Жаңа тұрғын үйлердің сапасына қатысты да ешқандай мәселе болмауы тиіс», – деді Нұрлыбек Машбекұлы.Ақпарат көзі : https://www.gov.kz/memleket/entities/kyzylorda/press/news/details/1082315?lang=kk

Қазақстан Республикасының Қаржы нарығын реттеу және дамыту агенттігі Төрағасының орынбасары Дәурен Сәлімбаевтың мақаласы  Қазақстанда төлемге қабілетсіз банктерді реттеу жүйесін реформалау қажеттілігі 2008-2009 жылдардағы әлемдік қаржы дағдарысынан кейін айқын болды. Содан кейін Lehman Brothers және АҚШ пен Еуропадағы бірқатар ірі банктердің күйреуі бұрын-соңды болмаған мемлекеттік қолдауға әкелді. Үкіметтер бүкіл қаржы жүйесінің күйреуіне жол бермеу үшін жеке қаржы институттарын құтқару үшін миллиардтаған доллар жұмсауға мәжбүр болды.Дағдарыс көптеген елдегі банктердің төлем қабілетсіздігін реттеу архитектурасының өзі ауқымды күйзелістерге дайын емес екенін көрсетті. Негізгі кемшіліктердің бірі нақты және алдын-ала белгіленген реттеу рәсімдерінің болмауы болды. 2008 жылға дейін көптеген юрисдикциялар банктерге олардың жүйелік маңызын ескермейтін стандартты банкроттық тетіктерін қолданды. Ал ірі қаржы институттары болса құлдырау шегіне жетіп жатты, шешімдер тез арада, кеш және нақты стратегиясыз қабылданды.Тағы бір маңызды мәселе домино әсері деп аталды. Бір ірі банктің кенеттен құлдырауы басқа қаржы институттарына бірден сенімсіздік тудырды және ол бүкіл жүйеге таралды. 2008 жылғы қыркүйекте Lehman Brothers-тің күйреуі жаһандық дүрбелеңнің бастамасы болды – банкаралық есеп айырысулар тоқтап қалды, өтімділік жоғалды деуге болады, тіпті қаржылық тұрғыдан орнықты банктер де қысымға ұшырады.Дағдарыстың негізгі ауыр салдары шығынды салық төлеушілерге аудара салу – «моральдық тәуекел» болды. Үкіметтер жеке банктерді құтқаруға қомақты қаражат бөлді, ал олардың дағдарысқа дейінгі жылдары пайда тапқан акционерлері мен менеджменті көбінесе тепе-тең жауапкершілік алмады. Бұл қоғамның қаржы жүйесіне деген сеніміне нұқсан келтірді.Сол жылдардағы қоғамдың келісімнің негізгі мәселесі төмендегідей қалыптасты. Кірістер жеке меншікте болатын жеке секторда туындайтын шығындарды өтеу үшін жария қаражатты пайдалану қаншалықты негізді? Дәл осы асимметрия тәуекелді шешімдердің салдарының көп бөлігі салық төлеушілерге емес, акционерлер мен инвесторларға түсетін банктердің төлем қабілетсіздігін реттеудің жаһандық реформасына түрткі болды.Қазақстан, көптеген басқа елдер сияқты, 2008 жылғы дағдарыстан кейін банк секторында елеулі сын-қатерлерге тап болды. Бірқатар ірі банктер төлемге қабілетсіз болу шегіне жетті және мемлекет ауқымды тұрақтандыру шараларын қабылдауға мәжбүр болды. Бюджет қаражаты есебінен үстеме капиталдандыруды, проблемалық активтерді сатып алуды және жеңілдетілген реттелген облигациялар арқылы қаржыландыруды қамтамасыз етуді қоса алғанда, әр түрлі құралдар пайдаланылды. Бұл қадамдар жүйелік тұрақтылықты сақтауға, салымшыларды қорғауға және қызметтердің үздіксіздігін қамтамасыз етуге мүмкіндік берді, бірақ бюджетке айтарлықтай жүктеме әкелді.2017-2020 жылдары осындай шаралар қайтадан қолданылды, оның ішінде Қаржылық орнықтылықты арттыру бағдарламасы шеңберінде. Нәтижесінде жүйеде тәуекелдерді бөлу мемлекетке ауысты, ал жеке инвесторлардың шығындарды өтеуге қатысуы шектеулі болып қалды.Дағдарысқа жауап ретінде G20 елдерінің көшбасшылары                             2011 жылғы қазан айында Қаржылық тұрақтылық кеңесі (FSB) әзірлеген «Қаржы ұйымдарын реттеудің тиімді режимдерінің негізгі атрибуттарын» бекітті. Бұл құжат «жиырма ел» тобына кіретін елдер үшін міндетті стандартқа айналды, банктердің төлем қабілетсіз болу қаупі төнген кезде мемлекеттердің қалай әрекет ету керектігі туралы негізгі қағидаттар мен талаптар қойылды. Оның мақсаты – жүйелік дағдарыстардың алдын алу, қаржылық тұрақтылықты сақтау және проблемалық банктердің ретті түрде реттелуін қамтамасыз ету.Бұл архитектураның негізіне оған сәйкес банк шығындары бірінші кезекте мемлекеттік бюджет есебінен емес, оның акционерлері мен инвесторларының есебінен өтелетін (bail-in тетігі) қағидат алынады. Құжатта нақты өкілеттіктері бар тәуелсіз реттеу органдарын құру, қалпына келтіру жоспарлары мен реттеу жоспарларын дайындау, сондай-ақ дағдарысты тез және болжамды шешу үшін құқықтық құралдардың болуы: бизнесті сату және активтер мен міндеттемелерді беру, өтпелі банкті (bridge bank) құру, проблемалық активтерді бөлу көзделеді.NCWO (No Creditor Worse Оff) қағидаты бөлек бекітілген, оған сәйкес бірде-бір кредитор әдеттегі банкроттыққа қарағанда нашар жағдайда болмауы тиіс. Оны жүйелік маңызы бар банктер үшін 2015 жылғы FSB TLAC (Total Loss Absorbing Capacity) стандарты толықтырады.  TLAC дегеніміз – қажет болған жағдайда есептен шығаруға немесе капиталға айналдыруға болатын капитал мен қарыз құралдары түріндегі шығындарды жабуға арналған қаражаттың алдын ала қалыптасқан қоры.Жиынтығында бұл нормалар қаржылық тұрақтылықтың заманауи логикасын қалыптастырады, мұнда мемлекеттің араласуы тек төтенше және уақытша шара ретінде қолданылады, ал тәуекелдер мен шығындарды акционерлер мен инвесторлар көтередіНегізгі атрибуттардың 6-тарауы ерекше орын алады. Бұл реттеуді қаржыландыру туралы бөлім, ол мемлекет пен нарық арасындағы жауапкершілікті бөлуді түбегейлі өзгертеді.  6.1-тармаққа сәйкес, ұлттық саясат және құқық реттеу органдарына банктік дағдарыстарды шешудің стандартты тәсілі ретінде тікелей бюджет қаражатын салуға және мемлекеттік меншікке сенім артпауға мүмкіндік беруге тиіс. Мемлекеттік қолдау тек ерекше жағдай ретінде қарастырылады.Егер аса маңызды функцияларды сақтау үшін уақытша мемлекеттік қаржыландыру талап етілсе, 6.2-тармақ барлық шығыстардың кейіннен өтелуін қамтамасыз етуді ұйғарады. Бірінші кезекте NCWO қағидаты сақталған жағдайда акционерлер мен қамтамасыз етілмеген кредиторлар есебінен, ал қажет болған жағдайда тұтастай алғанда қаржы секторы есебінен.6.3-тармақ юрисдикцияларды реттеуді қаржыландырудың жеке көздерін дамытуға бағыттайды және екі модельді ұсынады.Ex ante моделінде сала алдын ала банктердің тұрақты жарналары есебінен салымдарды сақтандыру қорларын қоса алғанда, реттеу қорларын қалыптастырады.Бұл стресс кезінде болжам жасауға және ресурстарға дереу қол жеткізуге мүмкіндік береді, алайда қалыпты кезеңдерде үнемі жүктеме түсіреді.Ex post моделінде жарналар бірден дағдарыстан кейін жиналады, бұл модель жағдайында бейбіт жылдарда жүктеме төмен болады, алайда циклділік жоғарылайды, ал жарналар түскенге дейін қарыз алу немесе кредиттік желілері жиі қажет болады. Іс жүзінде гибридті тәсіл жиі қолданылады, ex ante жарналарымен қалыпты жинақтау ex post тетіктерімен толықтырылады.Негізгі идея өзгеріссіз қалады - бүкіл банк индустриясы өзі тудыратын тәуекелдерді салық төлеушілерге артпай өзі қаржыландырады.Тәжірибелік дайындықтың маңызды элементі қаржылық қауіпсіздік желісінің қатысушылары үшін операциялық плейбуктер болып табылады. Оған әдетте қаржы министрлігі, орталық банк, реттеу органы, салымдарды сақтандыру агенттігі, пруденциялық қадағалау және басқа ведомстволар кіреді. Плейбуктер рөлдер мен жауапкершілікті, ақпарат алмасу тәртібін, жария хабарлама үлгілерін және белсенді ету шараларының сценарийлерін анықтайды. Мұндай құжаттар іс-әрекеттің дәйектілігі мен жылдамдығын қамтамасыз етеді, шешім қабылдау уақытын қысқартады және стресс кезінде байланыс тәуекелдерін азайтады.2012-2020 жылдары Негізгі атрибуттардың ережелері директивтерді  (BRRD және BRRD II) енгізумен және Америка Құрама штаттарында Orderly Liquidation Authority режимімен және Dodd-Frank Заңы бойынша реттеу жоспарларымен, Ұлыбританияда арнайы қарар режимімен және Prudential Regulation Authority және Англия Банкі қағидалаларымен, Жапонияда салымдарды сақтандыру туралы заңға түзетулер мен TLAC талаптары арқылы, Қытайда қалпына келтіру және реттеу жоспарларын енгізу арқылы, сондай-ақ Канада, Швейцария, Австралия, Сингапур, Гонконг, Оңтүстік Кореяда және басқа юрисдикцияларда Қарардың бірыңғай тетігін (SRM) құрумен барлық Еуропалық Одақта ұлттық реттеу режимдеріне негіз болды.Басқаша айтқанда, бүгінде бүкіл Еуропалық Одақ, АҚШ, Ұлыбритания, Қытай, Жапония және дамыған елдердің көпшілігі бірдей архитектураны басшылыққа алады, мұнда шығындарды бірінші кезекте жеке сектор өзіне алады, маңызды функциялар сақталады және ерекше жағдайларда ғана мемлекет араласады.Осы жылдар ішінде Қазақстан да өз реттеуін халықаралық стандарттарға жақындатуға ұмтылды. 2019 жылы Банктер және банк қызметі туралы заңға өзгерістер енгізілді, 7-2-тарау енгізілді, ол төлемге қабілетсіз банктерді реттеудің негізгі архитектурасын белгіледі. Заң проблемалық институттардың екі санатын анықтады: қаржылық жағдайы тұрақсыз банк және төлемге қабілетсіз банк, триггерлер орнатып, реттеу құралдарының жиынтығын анықтады.Сонымен бірге бірқатар іргелі мәселелер шешілмей отыр. Олардың бастысы – бұл жүйелік маңызы бар және қарапайым банктер арасында нақты саралаудың болмауы, соның салдарынан қаржылық тұрақтылық үшін ықтимал салдарға қарамастан ұқсас тәсілдер қолданылды.Негізгі шешімдер іс жүзінде алдын-ала белгіленген өлшемшартсыз, мерзімсіз және әрекеттер тізбегінсіз қолмен жасалатын режимде қабылданды. Стресс жағдайын алдын-ала жоспарлау тетіктері, сондай-ақ активтерді берудің және шығындарды бөлудің нарықтық рәсімдері жеткілікті түрде пысықталмаған.Мемлекеттің қатысуының ашық схемасы да болмаған –  кім қолдау туралы шешімді қандай көлемде және қандай талаптарда қабылдайды. Бұл жиынтықта режимнің болжамдылығын төмендетіп, реттеуші белгісіздікті арттырды және жеке мүдделерге әсер ету үшін кеңістік қалдырды.Мұндай жағдайда реформалау сөзсіз болады. Банктер туралы заң жобасы халықаралық стандарттарға сәйкес келетін және өткен дағдарыстардың тәуекелдерін көрсететін төлем қабілетсіздігін реттеудің түбегейлі басқа моделіне өтуді ұсынады.Соңғы екі жылда Агенттік ХВҚ-мен бірлесіп реттеудің егжей-тегжейлі тетігін пысықтады. Қазақстан Банктік қадағалау жөніндегі Базель комитеті жанындағы Базель консультативтік тобына қатысады, онда тәсілдер талқыланып, шетелдік әріптестердің қатысуымен сыртқы сараптамадан өтті.Тетікке дағдарысқа қарсы үш режим кіреді: күшейтілген қадағалау, қаржылық орнықтылықты қалпына келтіру және төлемге қабілетсіз банкті реттеу. Режимдер өзара алдын-ала белгіленген триггерлер бойынша ауысып отырады, бұл уақтылы әрекет етіп, іс-әрекетті болжауға мүмкіндік береді.Банктердің жағдайының нашарлауын болдырмау үшін қалпына келтіру жоспарлары мен реттеу жоспарларын міндетті түрде дайындау енгізіледі. Қалпына келтіру жоспарлары банкті тұрақтандыру және төлемге қабілетсіздігінің алдын алу бойынша нақты шараларды белгілейді және жыл сайынғы жаңартуға жатады. Жүйелік маңызы бар банктер үшін қажет болған жағдайда жеке міндеттемелерді капиталға айналдыру және сыртқы қолдау қажеттілігін азайту үшін шығындарды сіңірудің жеткілікті қабілетін (TLAC) сақтау талабы қосымша енгізіледі.Мемлекеттің қатысуы тек соңғы шара ретінде сақталады. Ол тек жүйелік маңызы бар банктерге қатысты және акционерлік капиталды толық пайдаланғаннан және міндеттемелерді айырбастау тетіктерін қолданғаннан кейін ғана рұқсат етіледі.Мұндай қолдаудың жалғыз нысаны – бұл қаржы жүйесінің тұрақтылығын сақтау үшін Қаржылық тұрақтылық жөніндегі кеңестің шешімі бойынша жүйелік маңызы бар банктің капиталына мемлекеттің тікелей кіруі.Мемлекеттің қатысуы мерзімдер мен талаптар бойынша қатаң шектелген. Ол өтеулі сипатқа ие, меншік иелері мен басшылықтың ауысуымен, дивидендтер мен бонустарға тыйым салумен, қауіпті операцияларды шектеумен және қалыпқа келтіру жоспарын міндетті түрде жүзеге асырумен қатар жүреді. Орнықтылық қалпына келтірілгеннен кейін банк жаңа инвесторға сатылуға тиіс, ал мемлекет салған қаражат бюджетке қайтарылады. Егер сатудан түскен қаражат шығыстарды өтемесе, қалған сома салық төлеушілердің қаражаты есебінен емес, банк секторының есебінен өтеледі.Заң жобасы бір уақытта халықаралық стандарттарға сәйкес келмейтін және моральдық тәуекел тудырған бұрынғы практикаларды жояды. Проблемалық активтерді номинал бойынша сатып алу, жеңілдетілген реттелген облигациялар шығару және бюджет есебінен арнайы кредиттер беру алып тасталады.Мемлекеттік органдар өкілеттіктерінің ара-жігі нақты ажыратылады. Үкімет пен Ұлттық Банктің құзыреті жүйелік маңызы бар банктерді реттеу бөлігінде бекітіледі. Агенттікке қалпына келтіру және реттеу жоспарларының іске асырылуын және барлық банктерге дағдарысқа қарсы режимдердің қолданылуын қадағалау бекітіледі. Қаржылық тұрақтылық жөніндегі кеңес үйлестіруші рөл атқарады, ол реттеу шараларын қолдану және мемлекеттің қатысуы туралы шешімдер қабылдайды.Нәтижесінде Еуропалық одақтың, Құрама штаттардың және басқа да дамыған елдердің үздік практикаларымен салыстыруға келетін заманауи реттеу жүйесі қалыптастырылады. Процеске болжам жасауға болады және ол  экономикалық тұрғыдан негізделген болады. Реттеу философиясы өзгеруде: мемлекет тұрақты сақтандыру болмайды, ал қабылданған тәуекелдер үшін негізгі жауапкершілік  акционерлер мен инвесторларға жүктеледі. Бұл моральдық тәуекелді төмендетеді, басқаруды тәртіпке келтіреді және дағдарыстық сценарийлерінің қайталану ықтималдығын азайтады.Реттеу жүйесін реформалау – бұл жай ғана заңнаманы жаңарту емес. Бұл - қаржылық тұрақтылықты нығайтуға, салымшылар мен салық төлеушілердің мүдделерін қорғауға және банк жүйесіне деген сенімді арттыруға бағытталған стратегиялық қадам. Айқын қағидалар, нақты рәсімдер мен нарықтық тетіктердің басымдығы орнықты даму үшін мықты негіз құрады.Ақпарат көзі : https://www.gov.kz/memleket/entities/ardfm/press/news/details/1081970?lang=kk

Қазақстанның жетекші инвестициялық іс-шарасы тағы да әлемдік көшбасшыларды жинағалы отыр!KGIR 2017 жылдан бері өткізіліп келеді және үкімет, бизнес пен халықаралық инвестициялық қоғамдастық арасындағы ашық диалог үшін беделді платформа ретінде өзін танытты.2025 жылғы тақырыбы:«Трансформация дәуіріндегі жаңа шешімдер: Қазақстан – тұрақты экономикалық даму орталығы (Хаб)»Қатысушылар талқылайтын мәселелер:жаһандық сын-қатерлер мен инвестициялық мүмкіндіктер;болашақ экономикаларын қалыптастырудағы Қазақстанның рөлі;инфрақұрылым, өнеркәсіп, энергетика, технологиялар және жасыл экономиканы дамыту.Биыл форумға 40 елден 700-ден астам қатысушы жиналады — оның ішінде үкіметтердің, трансұлттық корпорациялардың, халықаралық ұйымдардың, инвесторлардың және БАҚ өкілдері бар.Бағдарламаға панельдік сессиялар, марапаттау рәсімі, келісімдерге қол қою, сондай-ақ B2B және B2G кездесулері кіреді.KGIR-2025 трендтер қалыптасатын, серіктестіктер құрылатын және өсудің жаңа бағыттары айқындалатын платформа қызметін атқарады.🔗Қатысушыларды тіркеу мына жерде ашық: www.kgir.kz#KGIR2025 #InvestInKazakhstan Ақпарат көзі : https://www.gov.kz/memleket/entities/mfa-addis-ababa/press/news/details/1082052?lang=kk

Өтетін орны: Жетісу облысының Дәнеш Рақышев атындағы филармониясыӨтетін уақыты: 2025 жыл, 10 қазан, сағат 17:00Байланыс телефондары:8 (7282) 24-34-07Электронды почта: 7su.ocnt@mail.ruКІРУ ТЕГІНАқпарат көзі : https://www.gov.kz/memleket/entities/zhetysu-archive/press/news/details/1082080?lang=kk

Қостанай ауданында халықтың экологиялық мәдениетін арттыруға және қоршаған ортаға жауапкершілікпен қарауды қалыптастыруға бағытталған «Таза Қазақстан» мемлекеттік бағдарламасы аясында іс-шаралар жүйелі түрде жүзеге асырылып келеді.Аудан тұрғындары арасында экологиялық жауапкершілікті насихаттау мақсатында 2025 жылы Қостанай ауданының ішкі саясат бөлімі мемлекеттік әлеуметтік тапсырыс шеңберінде «Қостанай ауданында “Таза Қазақстан” жалпыұлттық бағдарламасын ұйымдастыру және идеологиялық сүйемелдеу» жобасын іске асыруда.Аталған жоба аясында 2025 жылғы 7 қазанда Октябрь ауылындағы С. Кубеев атындағы жалпы білім беретін мектепте «Ресайклинг шеберханасы» пилоттық жобасының іске қосылуы өтті. Жоба аясында интерактивті экологиялық кеңістік — «ЭкоКабинет» орнатылды.Бұл бастаманың мақсаты — оқушылар мен ауыл тұрғындарының экологиялық жауапкершілігін арттыру, тұрмыстық қалдықтарды сұрыптау және қайта өңдеу мәдениетін дамыту, сондай-ақ материалдарды қайта пайдалану мүмкіндіктері туралы хабардарлықты күшейту.«ЭкоКабинет» — қалдықтарды жинауға, сұрыптауға және қайта өңдеуге арналған интерактивті алаң. Мұнда ауыл тұрғындары мен оқушылар тұрмыстық қалдықтарды тапсырып қана қоймай, олардың қайта өңделіп, жаңа бұйымдарға — мысалы, 3D-баспаға арналған жіптер мен өзге де пайдалы материалдарға айналу үдерісін бақылай алады.Жоба «Neco» экологиялық клубы» қоғамдық қорының қолдауымен, білім беру мекемесі мен мемлекеттік органдардың ынтымақтастығы аясында жүзеге асырылуда. Бұл бастама заманауи экологиялық тәжірибелерді енгізуге, экологиялық еріктілік қозғалысын дамытуға және жас ұрпақ арасында табиғатты ұқыпты пайдалану мәдениетін қалыптастыруға ықпал етеді.«Ресайклинг шеберханасы» жобасының іске қосылуы — «Таза Қазақстан» мемлекеттік бағдарламасын жүзеге асырудағы маңызды қадамдардың бірі болып табылады және Қостанай облысында экологиялық мәдениетті дамытуға бағытталған.#ТазаҚазақстан #тазаел #экология #ресайклинг #TazaChallenge #тұрақтыдаму @TazaQazaqstanАқпарат көзі : https://www.gov.kz/memleket/entities/kostanay/press/news/details/1082092?lang=kk

Cұхбат сілтемесіАқпарат көзі : https://www.gov.kz/memleket/entities/mfa-skopje/press/news/details/1082097?lang=kk

Қазақстан Республикасының Сыртқы істер министрі Ермек Көшербаев Түркі мемлекеттері ұйымының (ТМҰ) 12-ші Саммиті қарсаңында өткен ТМҰ-ға мүше мемлекеттердің Сыртқы істер министрлері кеңесінің отырысына қатысты.Министрлік кездесудің барысында Ұйым аясындағы ынтымақтастықты одан әрі дамыту мәселелері бойынша пікір алмасу өтіп, өзекті халықаралық және өңірлік мәселелер бойынша «сағаттар теңестірілді».Ақпарат көзі : https://www.gov.kz/memleket/entities/mfa-baku/press/news/details/1089041?lang=kk

Қазақстан Республикасының Иордан Хашимит Корольдігіндегі Елшісі және Ирак Республикасында Елші қызметін қоса атқарушысы Талғат Шалданбай Ирактың Сыртқы істер министрлігі Азия департаментінің директоры Матс Ас-Самараймен және Консулдық департамент директоры Фалах Әбдел Хасанмен екіжақты кездесулер өткізді.Тараптар саяси диалогты нығайту, шарттық-құқықтық базаны және мәдени өзара іс-қимылды дамыту, сондай-ақ Қазақстан мен Ирак арасындағы консулдық ынтымақтастықты кеңейту секілді бірқатар мәселелерді талқылады. Кездесулер Ирак Премьер-Министрінің орынбасары-Сыртқы істер министрі Фуад Хусейнге сенім грамоталарының көшірмелерін тапсыру рәсімі аясында өтті.Ақпарат көзі : https://www.gov.kz/memleket/entities/mfa-amman/press/news/details/1082147?lang=kk

Брюссель, 2025 ж. 6 қазан – Бельгия мен Люксембургтің жоғары оқу орындарында білім алып жүрген қазақстандық студенттердің бейімделуі, олардың мансаптық болашағы, сондай-ақ алдағы Республика күнін мерекелеу мәселелері Брюссельдегі Қазақстан Елшілігінде өткен кездесуде талқыланды.Жиынға Бельгияда оқып, тұрып жатқан қазақстандықтарды біріктіретін «Qazaq Society in Belgium» ұйымының мүшелері мен белсенді жастар қатысты.Қазақстанның Бельгиядағы Елшісі Роман Василенко жергілікті жетекші университеттерге енді ғана оқуға түскен студенттерді құттықтап, жылы лебізін білдірді: «Сіздер Қазақстаннан жырақта жүргендеріңізбен, әрқайсыңыз еліміздің бір бөлшегін бойларыңызда алып жүрсіздер. Шетелдегі жетістіктеріңіз – Отанымыздың болашағына қосқан үлес. Сіздер қазірдің өзінде Еуропаның студенттік, академиялық және жастар ортасында Қазақстанның бейресми елшілері болып отырсыздар».Сондай-ақ, Елші қатысушылардың Елшілік ұйымдастырған іс-шараларға белсенді қатысып жүргенін атап өтті.Кездесу барысында студенттерге дипломатиялық өкілдіктің қызметі және Қазақстан саясатының негізгі бағыттары туралы ақпарат берілді. Ерекше назар Президент Қасым-Жомарт Тоқаевтың Қазақстан халқына Жолдауына, елдің халықаралық бастамаларына, сондай-ақ Бельгияда өтетін мәдени және қоғамдық іс-шараларға аударылды:«Бүгінде Қазақстан цифрлық болашаққа қадам басуда. Президент Қ.Тоқаевтың Жолдауында маңызды мақсаттар қойылды — олардың ішінде өмірдің барлық саласын цифрландыру және жасанды интеллектіні дамыту. Бұл тек стратегия ғана емес, сонымен бірге жастар үшін нақты мүмкіндіктер. Цифрлық экономиканы дамыту аясында жаңа бағдарламалар іске қосылып, халықаралық серіктестіктер құрылуда, тағылымдамалар мен ғылыми зерттеулерге жол ашылуда. Біз сіздердің осы процестердің ортасында болғандарыңызды қалаймыз».Өз кезегінде жас қазақстандықтар Елші мен Елшілік қызметкерлеріне Бельгия мен Люксембургте іс-шаралар ұйымдастыру, халықаралық ғылыми-білім беру ынтымақтастығын кеңейту, сондай-ақ Қазақстанда, Бельгия мен Люксембургтегі компаниялар мен ұйымдарда тәжірибеден өту мүмкіндіктеріне қатысты сұрақтар қойды.«Qazaq Society in Belgium» ұйымының жетекшісі А. Нұрбалин атап өткендей: «Еуропалықтардың Қазақстанды жақсырақ танығаны біз үшін маңызды. Біз елімізді мәдениет, білім және басқа қауымдастықтармен өзара іс-қимыл арқылы танытуға тырысамыз. Шетелдегі қазақстандықтарды біріктіре отырып, біз мәдениетімізді сақтап қана қоймай, оны дамытамыз. Мұның бәрі Елшілікпен ынтымақтастықта жүзеге асады».Кездесуге қатысушылар бейресми атмосферада өткен аталмыш шара студенттердің Елшілік қызметкерлерімен және бір-бірімен жақынырақ танысуына мүмкіндік бергенін, пайдалы ақпарат алмасуға, байланыстарды нығайтуға және оқуда жүргенде Отанмен тығыз байланысты сақтауға септігін тигізгенін атап өтті.Ақпарат көзі : https://www.gov.kz/memleket/entities/mfa-brussels/press/news/details/1081769?lang=kk

Берн, 2025 жылғы 6 қазан - Қазақстан Республикасының Швейцария Конфедерациясындағы Елшісі Қайрат Саржанов Берн кантоны Үкіметінің Төрағасы Кристоф Нойхаузбен кездесті.Кездесу барысында Елші Қазақстан Республикасының Президенті Қасым-Жомарт Тоқаевтың «Жасанды интеллект дәуіріндегі Қазақстан» атты Жолдауындағы негізгі бағыттармен таныстырды. Швейцария тарапы экономиканы жаңғыртуға, цифрлық трансформацияға, адами капиталды дамытуға және елдің инвестициялық тартымдылығын арттыруға бағытталған Қазақстанның стратегиялық көзқарасын жоғары бағалады.Тараптар екіжақты ынтымақтастықты кеңейту перспективаларын талқылап, Қазақстан өңірлері мен Швейцария кантондары, соның ішінде Берн кантоны арасындағы тікелей байланыстарды орнату және өңіраралық әріптестікті дамыту әлеуетіне ерекше назар аударды. Атап айтқанда, іскерлік миссияларды ұйымдастыру және мәдени алмасуды дамытуға өзара қызығушылық расталды.Ақпарат көзі : https://www.gov.kz/memleket/entities/mfa-bern/press/news/details/1081770?lang=kk

Алматы облысында туристік ағымның рекордтық өсімі тіркелді. 2025 жылы өңірге 2,5 миллионнан астам адам келді — бұл өткен жылмен салыстырғанда шамамен 40%-ға көп.Демалушылар арасында ең танымал бағыттардың бірі дәстүрлі түрде Қапшағай су қоймасы болып отыр: биылғы жазда мұнда шамамен 1 миллион 800 мың турист тынықты. Қалғандары өңірдің табиғи інжу-маржандарын — Көлсай көлдері, Шарын шатқалы және Іле-Алатау ұлттық саябағын таңдады.Алматы облысы туризм саласында жоғары әлеуеті бар аймақтардың бірі ретінде өз мәртебесін тұрақты түрде сақтап келеді. Мұнда туристік ағым маусымға қарамастан бәсеңдемейді. Биыл шетелдік туристер саны 12%-ға, ал ішкі туризм 25%-ға артқан.Алматы облысының туризм басқармасының басшысы Қуанышбек Мирамбекұлының айтуынша, биыл өңірдегі үш ұлттық саябақ — «Іле Алатауы», «Көлсай көлдері» және «Шарын» — 700 мыңнан астам адамды қабылдаған.Қапшағай су қоймасының жағалауы — Қонаев қаласы үлкен сұранысқа ие. Жазғы маусымда мұнда 1,8 миллионнан астам турист келіп, жағажайлық демалыстың рақатын көрді. Сондай-ақ биыл оқиғалы туризм белсенді дамып, жақсы нәтижелер көрсетті.Шетелдік қонақтар арасында Көлсай көлдері, Шарын шатқалы және Іле-Алатау ұлттық саябағы ерекше танымал. 2025 жылдың тоғыз айында бұл үш нысанға 700 мыңнан астам адам барып, олардың 530 мыңы Көлсай көлдеріне келген. Әр үшінші келуші — шетелдік турист.Биыл аймаққа Үндістаннан, Парсы шығанағы елдерінен және Ресейден көптеген қонақ келді. Түркиядан келген турист Мерт Фуркан өз әсерімен бөлісті: — Мұнда өте әдемі, маған ұнады. Біздің Түркияда ұқсас жер бар — Узынкөл, бірақ мұндағы табиғат байырақ: жасыл желек көп, суы таза әрі мөлдір. Мен бұл жерлерді көптен көргім келген — бұл ата-бабамыздың жері. Түркі халықтарына осы өңірге келіп, өз көздерімен көруді кеңес беремін.Туристік ағымның өсуіне инфрақұрылымды дәйекті дамыту ықпал етті. 2025 жылы туристік бағыттарды абаттандыруға 171 миллион теңге бөлінді. Жұмыстар «Көлсай көлдері», «Іле-Алатау» ұлттық саябақтарында және Қонаев қаласында жүргізілуде.Бұл жерлерде пирстер, экосатылар, кіреберіс топтар мен от жағу аймақтары орнатылып, металл қаңқалы жаңа серуендеу соқпақтары салынды. Бұл шаралар демалушыларға қолайлы жағдай жасауға және өңірдің тартымдылығын арттыруға бағытталған.Ақпарат көзі : https://www.gov.kz/memleket/entities/almobl/press/news/details/1081776?lang=kk

Қонаевта республикалық «Ақ бидай» спорттық ойындарының үздіктері марапатталды. Облыс әкімі Марат Сұлтанғазиев спортшылардың табандылығын атап өтіп, 17 спортшы мен спорт ұйымдарының өкілдері Алғыс хаттарға ие болды.Алматы облысында өткен республикалық «Ақ бидай» спорттық ойындарының жеңімпаздары мен жүлдегерлері марапатталды. Өңір спортшылары мен сала мамандарына марапаттарды облыс әкімі Марат Сұлтанғазиев табыстады.Елдің түкпір-түкпірінен келген екі мыңға жуық спортшы футбол, волейбол, дзюдо, жеңіл атлетика секілді классикалық спорт түрлерімен қатар, қазақ күресі, тоғызқұмалақ, асық ату, аударыспақ сынды ұлттық ойындардан сынға түсті. Жарыс қорытындысы бойынша Түркістан облысы бірінші орынға ие болса, Алматы облысының құрама командасы күміс жүлдені жеңіп алды. Ал үшінші орын Батыс Қазақстан облысына бұйырды.Облыс әкімі 17 спортшы мен спорт ұйымдарының өкілін алғыс хатпен марапаттап, олардың қажырлы еңбегін жоғары бағалады. Жүлдегерлер қатарында ұлттық спорт шеберлері мен спорт мектептерінің жетекшілері бар.Алматы облыстық дене шынықтыру және спорт басқармасының басшысы Ақжүрек Таңатаровтың айтуынша:«Сол жерде атсалысқан федерациялар мен ұйымдастырушылар бар, спортшыларды облыс әкімінің алғыс хатымен марапаттадық. Жалпы 17 адам марапатталды. Федерация президенттері де бар. Қалған спортшыларымыз басқарманың алғыс хатымен тағы да марапатталады. Алматы облысы жоғары көрсеткішке қол жеткізіп отыр. Келесі төртжылдықта Солтүстік Қазақстанда өтетін додада бірінші орын аламыз деген сенімдеміз».Ақпарат көзі : https://www.gov.kz/memleket/entities/almobl/press/news/details/1081777?lang=kk

Астана қаласының 68665 әскери бөлімінде республикалық маңызы бар қалалардан, Қарағанды мен Түркістан облысынан келген 188 әскери қызметшіні запасқа шығару рәсімі салтанатты түрде өткізілді.Іс-шарада бөлім басшылығы, қоғамдық ұйымдардың өкілдері, Қарулы күштердің ардагерлері, Ауған соғысы мен жергілікті қақтығыстарға қатысушылар болды. Ерекше мақсаттағы бригада командирі полковник Абай Әлібеков әскери қызметшілерді қызметті абыроймен аяқтауымен құттықтады. – Ер адам екі нәрсе таңдауда – мамандық және өмірлік серігін таңдауда қателеспеуі керек дейді. Сендер өз жолдарыңды тауып, табысты болуларыңа тілектеспін. Әскери қызметте шынығып, тәжірибе жинадыңдар. Сендерге зор денсаулық, отбасыларыңа амандық және ашық аспан тілеймін, – деді полковник А. Әлібеков. Одан басқа ол мерзімді қызмет кезінде жеке құрам тәртіп пен жауапкершіліктің жоғары деңгейін көрсеткенін атап өтті.Ефрейтор Ерсұлтан Ержанұлы жолдастарының атынан сөз сөйлеп, командирлер мен әріптестеріне алғысын білдірді.– Әскер шынықтырып қана қойған жоқ, шыңдады. Талай нәрсе үйрендік, заманауи әскери техниканың үлгілерін меңгердік, жаттығуларға қатыстық, командада жұмыс істеуге машықтандық. Мұнда нағыз достар мен пікірлес адамдарды таптым. Алған барлық дағды бізге алдағы өмірде пайдалы боларына сенімдімін, – деді ефрейтор Ерсұлтан Ержанұлы.Әдеттегідей ерекше көзге түскен әскери қызметшілер бөлім басшылығының атынан алғыс хаттармен, грамоталармен және естелік сыйлықтармен марапатталды. Енді әскери борышын адал атқарған жастар алдында күштік құрылымдар және мемлекеттік органдарда жұмыс істеу, үйренген мамандықтар бойынша жұмысқа орналасу немесе жеңілдікпен жоғары білім алу сынды мүмкіндіктер көп.Ақпарат көзі : https://www.gov.kz/memleket/entities/mod/press/news/details/1081780?lang=kk

ҚР ІІМ Ұлттық ұланында тәрбие жұмысын жетілдіру және қызмет өткеру жағдайын жақсарту мақсатында 5573 әскери бөлімінде «аға сарбаздар» институты енгізілуде. Бұл бастама мерзімді қызмет әскери қызметшілері арасындағы тәлімгерлік жүйесін дамытуға бағытталып, алғашқы оң нәтижелерін көрсетіп отыр.Жаңа үлгі бойынша тәртіптілігімен, көшбасшылық қасиетімен және қызметке жауапкершілікпен қарауымен ерекшеленген жоғары шақырылымдағы сарбаздарға үшінші біліктілік сыныбы мен «аға сарбаз» мәртебесі беріледі. Олар өз қарамағына бірнеше жас сарбазды алып, олардың бейімделуіне, тұрмыстық жағдайының ұйымдастырылуына, тәртіп пен моральдық-психологиялық ахуалды сақтауға көмектеседі. Аға сарбаздар қамқорлығындағы жас сарбаздарды мәдени және патриоттық іс-шараларға бастап барып, тәлімгерлік және үлгі көрсетушілік рөлін атқарады.Жаңа жүйенің ерекше белгісі ретінде аға сарбаздарға  қызыл-қоңыр жолақ кеудеше беріледі, ол олардың қызмет өткерудегі ерекше мәртебесін айқындайды.Астана бригадасының басшылығы атап өткендей, бұл жүйе  келісімшарт бойынша қызметтегі әскери қызметшілердің жүктемесін азайтып, күнделікті тәрбие және бақылау мәселелерінде оң әсерін тигізуде. Қазіргі таңда 15-тен астам аға сарбаз келісімшарт негізінде қызметін жалғастыру мүмкіндігін пайдаланды. Бұл олардың  әскери қызметке деген ынтасының артқанын және ортақ іске қосқан жеке үлесінің маңыздылығын терең түсінетінін көрсетеді. Салтанатты жағдайда оларға әскери бөлім аумағындағы жатақханадан жеке бөлмелердің кілттері табысталды. «Аға сарбаздар» институтының енгізілуі Ұлттық ұланның Бас қолбасшылығының бастамасы және қолдауы арқасында жүзеге асуда. Бұл қадам қызмет өткеру жағдайларын жақсартуға, әскери тәртіпті нығайтуға және жеке құрам арасында ұжымдық рух қалыптастыруға бағытталған кешенді жұмыстың бір бөлігі болып табылады.Бұл бастамалар бөлімшелер ішінде ұрпақтар сабақтастығын қамтамасыз етіп қана қоймай, жауапкершілігі мол, ынталы әрі ұйымшыл жеке құрам қалыптастыруға ықпал етеді. Мұндай сарбаздар құқықтық тәртіп әскерлерінің алдында тұрған міндеттерді тиімді орындауға қабілетті.Айта кету керек, жаңа жүйе Астана бригадасында сынақтан өткізілуде. Егер тәжірибе өз тиімділігін дәлелдесе, «аға сарбаздар» институты Ұлттық ұланның барлық әскери бөлімдерінде енгізілмек. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1081791?lang=kk

«Алты алаштың баласы бас қосқанда, төр – мұғалімдікі» деген ұлағатты сөз әрдайым өзектілігін жойған емес. Білімнің шамын жағып, тәрбиенің темірқазығына айналған ұстаздар — қоғамның рухани тірегі.Сол ұлы есім иелеріне деген құрметтің көрінісі ретінде Қармақшы ауданында Ұстаздар күніне орай «Ұстаз аты - биік, әрі мәңгілік» атты мерекелік кеш ұйымдастырылды. Шәмшат Төлепова атындағы мәдениет үйінде өткен тағылымды шара бейнепрологпен басталды. Бейнематериалда ауданның білім беру саласында қол жеткізген жетістіктері мен үздік білім ұжымдарының жұмысы, соңғы жылдардағы озат көрсеткіштері де көрсетіліп, ұстаздар қауымының еңбегі бағаланды.Салтанатты кешке аудан әкімі Жандос Еркінбек арнайы қатысып, ұстаздар қауымын кәсіби мерекелерімен құттықтады. Өз құттықтау сөзінде:«Тәуелсіз елімізді өркениетке бастар жолдың негізі – мектеп десек, мектептің басты тұлғасы – Ұстаз. Абылай ханның «Ендігі заман білектінің емес, білімдінің заманы» деген сөзі ұстаздың қоғамдағы биік мәртебесін анық көрсетеді. Осындай қасиетті мамандық иелерінің ел болашағына сіңіріп жатқан еңбектері құрметке лайық. Баршаңызға зор денсаулық, қажымас қайрат, еңбектеріңізге табыс тілеймін!» – деді.Шара барысында облыс және аудан әкімінің атынан үздік ұстаздарға Құрмет грамоталары мен Алғыс хаттар, сый-сияпаттар табысталды.Мерекелік кеш әрі қарай аудан оқушыларының орындауындағы ән және билермен, рухани бағыттағы шығармалармен жалғасты. Сондай-ақ эстрада әншілерінің орындауындағы әндер кешке ерекше әсер беріп, ұстаздар қауымына шаттық пен көтеріңкі көңіл-күй сыйлады.Еске салсақ, ауданымыз білім саласында соңғы жылдары жоғары нәтижелерге қол жеткізіліп келеді. 2025 жылы 766 оқушы мектеп бітірсе, олардың 688-і Ұлттық бірыңғай тестілеуге қатысып, орташа балл – 85%-ды құраған болатын. Сонымен қатар, 2 оқушы ең жоғары 138 балл жинаса, 54 түлек «Алтын белгіге», 48 түлек «Үздік аттестатқа» ие болды. Бұл — аудан ұстаздарының қажырлы еңбегінің, сондай-ақ білім сапасына бағытталған жүйелі жұмыстың нәтижесі.Ақпарат көзі : https://www.gov.kz/memleket/entities/kyzylorda-karmakshy/press/news/details/1081804?lang=kk

Елімізде жыл сайын 5 қазан - «Ұстаздар күні» мерекесі кең көлемде аталып өтеді. Бұл – жас ұрпаққа білім мен тәрбие беріп келе жатқан мұғалімдердің қоғамдағы мәртебесін арттырар айтулы күн. Осыған орай, бүгін аудан әкімдігінде білім саласының қызметкерлеріне арналған салтанатты қабылдау өтті. Іс-шараны аудан әкімі Жандос Еркінбек жүргізіп, білімді ұрпақ тәрбиелеудегі ұстаздардың қажырлы еңбегіне өз алғысын білдірді:«Білім - адамға өз өмір жолын таңдауда сенімділік пен еркіндік, жеңістерге жету мен өз қабілеттіліктерін жүзеге асыруына мүмкіндігін береді. Сол себепті, білім саласының дамуы, ұстаздарды қолдау, оқушылар мен түлектерге барынша жағдай жасау – біз үшін қашан да ең басты міндеттердің қатарында болады.Баршаңызды бүгінгі төл мерекелеріңіз, Ұстаздар күнімен тағы бір мәрте шын жүректен құттықтаймын!Еліміздің ертеңі мен кемел келешегі үшін жасап жатқан қажырлы қызметтеріңізге табыс, Өздеріңізге зор денсаулық, отбасыларыңызға амандық тілеймін!» , – деді аудан басшысы өз құттықтауында.Салтанатты жиын барысында ауданның білім беру жүйесін дамытуға сүбелі үлес қосып жүрген бірқатар педагогтерге «Еңбек ардагері» медалі және облыс әкімінің Құрмет грамотасы мен Алғыс хаттары, сондай-ақ гүл шоқтары мен естелік сыйлықтар табысталды.Шара барысында ардагер ұстаздар – Дәмелі Жалғасбаева және Ғазиза Құлмұрзаева сөз сөйлеп, ұстаздық жолдағы ізгі лебіздері мен тәжірибелерін ортаға салды.Ұстазға деген шынайы алғыс – сөзден де биік, құрметтен де терең. Бүгінгі шара – білім саласына қалтқысыз қызмет етіп жүрген жандарға деген құрметтің бір көрінісі.Ақпарат көзі : https://www.gov.kz/memleket/entities/kyzylorda-karmakshy/press/news/details/1081805?lang=kk

Қарағандылық атлеттер Данил Мұсабаев пен Никита Тумаков батут гимнастикасынан 179 ұпай жинап, әлемдік рейтингтің бірінші сатысына көтерілді. Спортшылар маусым бойғы табысты өнер көрсетуімен өздерінің көшбасшылық деңгейін айқын дәлелдеді.Әлемдік біріншілік биыл ақпан айында Әзербайжанның Баку қаласында басталды. Сол жарыста қарағандылық дуэт күміс жүлдеге ие болды. Шілде айында Португалияның Коимбра қаласында өткен Әлем кубогының үшінші кезеңінде спортшылар төртінші орын алып, жүлдеден сәл ғана қалыс қалды. Ал екі айдан кейін Германияның Котбус қаласында өткен келесі кезеңде үздік нәтиже көрсетіп, жеңіс тұғырының ең биік сатысына көтерілді.Қарағандылық гимнасттар басқа да беделді жарыстарда жоғары нәтижеге қол жеткізді. Әзербайжанда өткен ТМД елдерінің III ойындарында да медаль иеленді. Бұл додаға сегіз елден 1840 спортшы қатысқан болатын.– Сайыс деңгейі өте жоғары болды. Оған Олимпиада чемпионы, белорусиялық Иван Литвинович секілді мықты спортшылар қатысты, – дейді Қазақстан құрамасының бас бапкері, Қарағанды облысының аға жаттықтырушысы Сергей Вертянкин. – Соған қарамастан, командадағы ең жас спортшымыз Никита Тумаков тамаша өнер көрсетіп, қола медальға ие болды. Айта кетерлігі, ол іріктеу кезеңінде үздік нәтиже көрсеткен болатын.Бұл Никитаның жеке секіру бойынша халықаралық деңгейдегі алғашқы жүлдесі саналады.Сонымен қатар, тағы бір қарағандылық спортшы Ерлан Тасмағанбетов те жақсы нәтиже көрсетіп, синхронды секіруде үшінші орынға ие болды.Қарағанды облысының дене шынықтыру және спорт басқармасының баспасөз қызметінің ақпараты бойыншаАқпарат көзі : https://www.gov.kz/memleket/entities/karaganda/press/news/details/1081814?lang=kk