Самар ауданына барған жұмыс сапары аясында Шығыс Қазақстан облысының әкімі Нұрымбет Сақтағанов тыл ардагері Курме Жетеневаға Қазақстан Республикасы Президенті тағайындаған «Ұлы Отан соғысындағы Жеңіске 80 жыл» мерейтойлық медалін жеке өзі табыстады.Курме Жетенева 1926 жылғы 15 желтоқсанда Катонқарағай ауданына қарасты Коробиха ауылында дүниеге келген. Бастауыш сыныпты аяқтағаннан кейін тракторда механизатор болып еңбек еткен. 1941 жылы Жетенев Зарлықанға тұрмысқа шығады. Ол «Ана даңқы» орденімен марапатталған, 10 бала өсіріп-тәрбиелеп өсірді. Ұлы Отан соғысы жылдарында ерен еңбегі үшін «Еңбектегі ерлігі үшін» медалімен наградталған.Медальді табыстай отырып, Нұрымбет Сақтағанов Курме Жетеневаны Жеңістің 80 жылдығымен құттықтап, соғыстың аяқталуына қосқан жанқиярлық үлесін атап өтті. Мұндай адамдардың ерлігі тек майданда ғана емес, тылда да Жеңісті жақындатқанына ерекше тоқталды. Өңір басшысы ардагерге зор денсаулық, ұзақ ғұмыр мен амандық тіледі.Ақпарат көзі : https://www.gov.kz/memleket/entities/vko-samar/press/news/details/991290?lang=kk

Шығыс Қазақстан облысының әкімі Нұрымбет Сақтағанов Самар ауданындағы өсімдік және мал шаруашылығына маманданған «Қалисатарұлы» шаруа қожалығына барды.Шаруа қожалығы бидайдың «Алтайская-325» сорты, «Ілек» арпасы мен «Скакун» сұлысы сияқты дәнді дақылдарды өсірумен белсенді айналысады. Сонымен қатар, мал шаруашылығы да дамып келеді — ірі қара мен жылқы басы артуда. Жалпы жер көлемі 2 360 гектарды құрайды, оның ішінде егістік, жайылым және шабындық алқаптар бар.Нысанды аралау аграрлық сектордың әлеуетін бағалауға бағытталған ауқымды бағдарламаның бір бөлігі болды. Аумағы 5,5 мың шаршы шақырымды құрайтын Самар ауданы 8 ауылдық округ пен 22 елді мекенді қамтиды. Аудан экономикасының негізін ауыл шаруашылығы құрайды: биыл аграрлық, орман және балық шаруашылығының жалпы өнімі 1 257,7 млн теңгеге жетті. Бұл өткен жылдың сәйкес кезеңімен салыстырғанда 110,6% өсімді көрсетіп отыр.Облыс әкімі аграрлық секторды әрі қарай дамыту маңызды екенін атап өтті.Ақпарат көзі : https://www.gov.kz/memleket/entities/vko-samar/press/news/details/991301?lang=kk

Буэнос-Айрес, 2025 жылғы 7 мамыр – Қазақстанның Бразилиядағы және Аргентинада қоса атқарушы Елшісі Болат Нүсіпов “Қазақстан Ет одағы” атынан Басқарма төрағасы Мақсұт Бақтыбаев пен Аргентинаның сиыр етін ілгерілету институты (IPCVA) атынан Президент Джордж Брайтшмидт арасындағы Іскерлік кеңес құру туралы меморандумға қол қою рәсіміне қатысты. Сондай-ақ, іс-шараға ҚР-дың Буэнос-Айрестегі Құрметті консулы Сантьяго Делука, Аргентина Сыртқы істер министрлігі мен аргентиналық компаниялардың өкілдері қатысты.Меморандумға қол қойылғаннан кейін, Іскерлік кеңестің онлайн түріндегі алғашқы отырысы өтті. Жиын барысында тараптар кеңестің негізгі қызмет бағыттарын талқылап, екі елдің экономикасының қазіргі даму жайы, екіжақты сауда үрдістері, сондай-ақ мал шаруашылығы мен ауыл шаруашылығы саласының ерекшеліктері жайында ақпарат алмасты.Спикерлердің пікірінше, «Қазақстан–Аргентина» Іскерлік кеңесі, екі елдің іскер топтары мен экономикалық ұйымдары арасында түрлі салаларда тікелей байланыс орнатуға арналған тиімді алаңға айналуы тиіс. Кездесу қорытындысы бойынша тараптар, жақын арада осы институттың екі елдің астаналарының бірінде бетпе-бет отырысын өткізуге әзірліктерін жеткізді.Мәлім болғандай, аталған тетікті құру бастамасы алғаш рет 2023 жылғы 22 тамызда Буэнос-Айрес қаласында өткен Қазақстан мен Аргентина арасындағы саяси консультациялардың төртінші отырысы барысында айтылған болатын. Кейін, 2024 жылғы маусымда Елші Болат Нүсіповтің Аргентинаның сиыр етін ілгерілету институтының (IPCVA) басшылығымен кездесуінде осы мәселені бірлесіп пысықтау жөнінде нақты келісімге қол жеткізілді.Ақпарат көзі : https://www.gov.kz/memleket/entities/mfa-brazil/press/news/details/991238?lang=kk

ҚР Президенті жанындағы Мемлекеттік басқару академиясына магистратура және докторантура бағдарламалары бойынша түсу үшін құжаттарды қабылдау басталды, ол ағымдағы жылдың 26 маусымына дейін жалғасады.Ақпарат көзі : https://www.gov.kz/memleket/entities/upr-ump-kostanay/press/news/details/991258?lang=kk

   2025 жылдың 6 мамырында Әділет департаментінде Отан қорғаушылар күніне арналған салтанатты іс-шара өтті.   Шара барысында департамент басшылығы қызметкерлерді алдағы мерекемен құттықтап, құқықтық тәртіпті нығайту мен азаматтардың мүдделерін қорғаудағы еңбектерін ерекше атап өтті.   Сондай-ақ бірқатар қызметкерлерге құрмет грамоталары мен алғыс хаттар табысталды.   Мерекелік іс-шара концерттік бағдарламамен қорытындыланды. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/991260?lang=kk

   Құрметті отандастар!   Сіздерді 7 мамыр - Отан қорғаушылар күнімен шын жүректен құттықтаймыз!   Бұл мереке - батырлықтың, ерліктің және елге деген адал қызметтің символы. Отан алдындағы борышын абыроймен атқарып жүрген барлық азаматтарға алғысымызды білдіреміз.   Баршаңызға мықты денсаулық, отбасыларыңызға амандық, қызметтеріңізге табыс тілейміз!   Тәуелсіз еліміздің тыныштығы баянды, келешегі кемел болсын! Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/991264?lang=kk

Ұлы Жеңістің 80 жылдығы аясында Шығыс Қазақстан облысының әкімі Нұрымбет Сақтағанов Самар ауданына қарасты Подгорное ауылында ауыл тұрғындарымен бірге Кеңес Одағының үш Батыры – Н.Я. Фонов, С.Е. Седнев және И.М. Яроцкийге арналған ескерткішке гүл шоқтарын қою салтанатты рәсіміне қатысты.Николай Яковлевич Фонов – 1942 жылдан бастап Ұлы Отан соғысына қатысып, 47-армияның 30-атқыштар дивизиясы 59-артиллериялық полкінің зеңбірек командирі болған. Ол Брянск, Солтүстік Кавказ, Воронеж және 1-Украина майдандарында шайқасты. 1943 жылы жауынгерлік тапсырмаларды үлгілі орындағаны және көрсеткен ерлігі үшін сержант Н.Я. Фоновқа КЕҢЕС ОДАҒЫНЫҢ БАТЫРЫ атағы беріліп, Ленин ордені мен «Алтын Жұлдыз» медалі табысталады.Сергей Егорович Седнев – 47-армияның 23-моторлы понтон-көпір батальонының моторисі болған. 1941 жылдан бастап Брянск, Воронеж және 1-Украин майдандарында шайқасты. Днепрден өту кезінде көрсеткен ерлігі мен батырлығы үшін ефрейтор С.Е. Седневке 1944 жылы КЕҢЕС ОДАҒЫНЫҢ БАТЫРЫ атағы беріліп, Ленин ордені мен «Алтын Жұлдыз» медалі табысталады.Иван Михайлович Яроцкий – Тынық мұхиты флотының 13-бригадасы 390-теңіз жаяу әскері батальонының автоматшылар ротасының командирі болған. 1940 жылы кіші лейтенант шенінде Тынық мұхиты флотына келген. Жапониямен соғысқа қатысқан. 1945 жылы жауынгерлік тапсырмаларды үлгілі орындағаны, ерлігі мен батырлығы үшін аға лейтенант И.М. Яроцкийге КЕҢЕС ОДАҒЫНЫҢ БАТЫРЫ атағы беріліп, Ленин ордені мен «Алтын Жұлдыз» медалі табысталады.Іс-шара аясында облыс әкімі тыл еңбеккері Елизавета Гавриловна Бикбаеваға Қазақстан Республикасы Президенті Қасым-Жомарт Тоқаевтың «Ұлы Отан соғысындағы Жеңіске 80 жыл» мерейтойлық медалін табыстады.Ақпарат көзі : https://www.gov.kz/memleket/entities/vko-samar-palatcy/press/news/details/991393?lang=kk

Загреб, 2025 ж. 7 мамыр – Қазақстан Елшісі Дәулет Батрашев Хорватия Парламентінде Еуропа Кеңесі Парламенттік Ассамблеясының (ЕКПА) Вице-Президенті - Хорватия делегациясының басшысы Марко Павичпен кездесу өткізді. Тараптар екіжақты күн тәртібіндегі өзекті мәселелерді, соның ішінде бірқатар бірлескен іс-шаралар мен сапарларды, Қазақстан мен Хорватияның экономикалық және гуманитарлық салалардағы өзара іс-қимылын, сондай-ақ екі ел парламенттерінің ынтымақтастығын жандандыру жөніндегі қадамдарды талқылады. Д.Батрашев М.Павичті Мемлекет басшысының бастамасымен адам құқықтары мен заң үстемдігі саласындағы кешенді реформалармен, сондай-ақ өңірлік және жаһандық проблемаларды шешу жөніндегі қазақстандық тәсілдермен таныстырды.ҚР мен Хорватияның жалпыеуропалық тректегі мәселелеріне, сондай-ақ Қазақстанның Еуропа Кеңесінің Парламенттік Ассамблеясымен,  қоса алғанда демократиялық қағидаттарды ілгерілету мәселелерінде өзара іс-қимылына ерекше назар аударылды. Осы тұрғыда тараптар еуропалық институттармен сындарлы диалогты одан әрі дамытуға өзара мүдделілігін растады.Осы тұрғыда депутат М.Павич Қазақстанда соңғы уақытта жүргізіліп жатқан оң өзгерістерді құптап, Хорват тарапының Қазақстанның бастамаларын еуропалық деңгейде қолдауға және елде болып жатқан процестер туралы объективті ақпаратты ілгерілетуге жәрдемдесуге дайындығын растады.Сұхбаттасушылар Еуропа Кеңесінің «2024-2027 жылдарға арналған көршілік саясаты шеңберінде Қазақстанмен ынтымақтастықтың басымдықтары» бағдарламасы табысты іске бағдарламасын жүзеге асыруға жан жақты ықпал етуге келісті. Кездесу қорытындысы бойынша Қазақстан, Еуропалық Одақ және Хорватия арасындағы көпжоспарлы ынтымақтастығы тек жоғары бағыт бойынша дамитындығы туралы міндеттеме расталды. Парламентаралық диалогты қолдау және екі ел парламенттерінің іскерлік, мәдени және білім беру байланыстарын жандандыруға жәрдемдесу туралы қағидатты уағдаластықтарға қол жеткізілді.Ақпарат көзі : https://www.gov.kz/memleket/entities/mfa-zagreb/press/news/details/991225?lang=kk

Қостанай — Тобылдың жағасынан тамыр тартқан, табиғат пен урбанистиканың үндескен мекені. Бұл өлке ежелден Тобыл өзенімен танылып, бүгінгі таңда жасыл кеңістіктерімен, жайлы өмір сүру ортасымен ерекшеленетін заманауи қалаға айналуда.Сән берген саябақтарҚостанай әрдайым жасыл қала ретінде танылған қала. Бірақ бүгінде ол жаңа серпін, жаңа тыныс алып отыр. Бұрын қала көшелерінде негізінен теректер отырғызылса, қазір ландшафтық әртүрлілікке мән беріліп, урбанистика мен табиғат үйлесім тауып келеді.Аулалардан бастап ауқымды саябақтарға дейін жаңаша абаттандырылып жатыр. Бұрын елеусіз болған аумақтар қазір адамдар жиі жиналатын орындарға айналды. Енді саябақтар мен скверлер отбасылардың бас қосар алаңы, балалардың күлкісі естілетін мекен, таңғы жүгіру мен кешкі серуеннің тыныс алаңы.Орталық скверден бастап Жеңіс саябағына, Гашек пен Керуенге, Жастар бульварына дейін — әрбір кеңістік жаңарып, шынайы демалыс аймағына айналып келеді. Бұл — Қостанайдың жай қала емес, өмір сүру стилі бар қала екенін айқын дәлелдейді. «Шағала» жағалауы: өзенмен үндескен өмірҚаланың жүрегі – Тобыл өзені болса, оның рухани жалғасы – «Шағала» жағалауы. Демалыс аумағы соңғы жылдары өзгеше кейіп еніп, құлпыра түсті. Өткен жылы бұл жерде үлкен реконструкция жүргізілді: су тасқынынан кейін жағалаудың көптеген бөліктері қалпына келтірілді. Биыл ерекше жобаның жүзеге асуы күтілуде – орталық көпірдің астында жаңа жаяу жүргіншілер жолы салынуда. Бұл – жай ғана өткел емес, орталық көпірдің астындағы бір жағалауды біріктіретін, адамдарды табиғатпен, өзара және қаламен байланыстыратын символ. Осының арқасында аталған жағалаудан Триатлон паркіне дейін ұзындығы 2,5 шақырымды құрайтын жағалауда енді үздіксіз серуендеуге, велосипед тебуге, балалармен демалуға болады. Алдағы уақытта бұл жер қостанайлықтардың өз қаласын жаңа қырынан танитын кеңістікке айналады.Триатлон-парк: белсенді өмір салтының жаңа стандартыҚостанайдың ірі әрі ауқымды жобаларының бірі — Триатлон паркі, бұл тұрғындардың спортпен айналысып қана қоймай, табиғатпен бірге демалып, денсаулығын нығайтуға мүмкіндік беретін орын. Мұнда әрбір метр – қозғалысқа, спортқа және денсаулыққа арналған. Workout және паркур алаңдары, футбол, баскетбол, волейбол және стритбол алаңдары – мұның барлығы тұрғындардың күнделікті спортпен шұғылдануы үшін жасалған.Ашылған сәттен бастап, парк барлық жастағы адамдардың сүйікті орнына айналды. Қала сыртындағы ауылдардан, көршілес Қостанай ауданынан да бұл жерге келетін адамдар көбейіп жатыр. Мұнда отбасылар, жүгірушілер, велосипедшілер және жай ғана тыныштық іздегендер жиі келеді. Ерекше назар инклюзияға аударылған: мұнда мүмкіндігі шектеулі жандарға арналған арнайы спорт аймақтары, йогамен айналысуға арналған алаңдар жасалуда.Алдағы уақытта мұнда Фролов көшесі жағынан сәнді кіру аркасы, әкімшілік және коммерциялық нысандар, фонтан және көлеңкелі аймақтар бой көтереді. Бұл жоба Триатлон-паркті Қостанайдың ең тартымды және танымал нүктелерінің біріне айналдырады.Орталық алаң: қала жүрегіндегі жаңаруҚаланың тарихи орталығындағы басты алаң – қостанайлықтардың жан дүниесіне жақын кеңістік. Бұл жер – Қостанайдың тарихи және мәдени коды болып есептеледі. Ал бүгінгі таңда тарих пен қазіргі заманның үндескен орны. Мұнда кешкі уақытта жүрсеңіз, күндіз жүргендей әсер қалдырады. Себебі аумақ айналасы самаладай жарқырап тұр, заманауи шамдармен жарықтандырылған. Қауіпсіздік үшін оның маңызы зор. Жаңа газондар көз тартады, ал саябақтың әрбір бұрышы – суретке түсіргің келетін көрініс. Мұнда әрбір ағаш сақталып, қосымша көгалдандыру жұмыстары жүргізілді.Жақын болашақта бұл скверде орналасқан мәдени демалыс бағы да қайта жаңғыртылмақ. Аумағы 1  гектарға тең бұл аймақта жаңа аттракциондар орнатылмақ. Жоба толық іске асқанда, мұнда 18 аттракцион жұмыс істейтін болады. Сөйтіп, отбасылық демалыстың жаңа мекеніне айналары анық.Елеусіз орын еді...Бүгінде Арыстанбеков көшесіндегі сквер — Қостанай тұрғындарының демалып, спортпен шұғылданып, табиғат аясында тынығатын сүйікті орнына айналды. Ал бұдан бір жыл бұрын бұл аумақ елеусіз, тартымсыз күйде еді. Жаңа тыныс, жаңа рух берген жоба – қала әкімдігінің тікелей бастамасымен жүзеге асты. Әкімдік бұл аумақты қайта жандандыру туралы бастама көтеріп, жергілікті компанияларды біріктіріп, бар-жоғы бірнеше ай ішінде қала тұрғындарына арналған ыңғайлы әрі заманауи демалыс орны пайда болды.Жайлы кеңістік құру ісінде қала кәсіпкерлері белсенділік танытты. Бұл — бизнес пен биліктің ортақ жауапкершілікпен атқарған еңбегінің нақты үлгісі. Айта кету керек, қаланың кіріс бөлігінің 57 пайызы — шағын және орта бизнестің үлесі. Олар тек салық төлеуші ғана емес, сонымен бірге әлеуметтік бастамаларға атсалысып, Қостанайдың дамуына шынайы үлес қосып отыр.Сквер аумағында үйлесімді орнатылған жарықшамдар, заманауи тренажерлер, жайлы орындықтар, балалар алаңдары бар. Ең басты ерекшелігі — мұнда жыл он екі ай бойы жұмыс істейтін, жылы санитарлық-гигиеналық модульдің орнатылуы.Бұл сквер — Қостанайдағы жаңа урбанистикалық стандарттың бастамасы. Қала әкімдігі дәл осындай аумақтарды әр ауданның жасыл аймақтарында құруды көздеп отыр. Басты мақсат — әр тұрғын үшін демалыс аймағы өз үйінің жанында орналасуға тиіс. Яғни демалыс тек орталықта емес, әрбір шағынауданда қолжетімді болуы керек.Байтурсынов университеті аумағындағы парк: ғылым мен табиғат түйіскен тұсАуыл шаруашылығы институтының тарихи аумағында орналасқан жаңа жоба — 4,3 гектар жерді алып жатқан бірегей саябақ кешені. Бұл тек студенттерге ғана емес, жақын маңдағы тұрғындарға да ашық, заманауи демалыс орны болмақ. Жобада үлкен амфитеатр, балалар және спорт алаңдары, скейт-парк, жүгіру және велосипед жолдары қарастырылған. Жасылдандыру жұмыстары аясында ағаштар мен гүлдер отырғызылады, көгалды аймақтар құрылады. Бұл жаңа қоғамдық кеңістік — Абай даңғылы мен Маяковский көшесін жалғайтын, біртұтас жаяу жүргінші бағытын қалыптастыратын маңызды орынға айналады.«Қонай» саябағы — қонаққа жайылған көрпедейҚала орталығынан 20 шақырым жерде орналасқан, болашағы зор «Қонай» шағынауданы бүгінде жастардың, жас отбасылардың ордасына айналуда. Мұнда жаңа тұрғын үйлерден бөлек, заман талабына сай жасалған жайлы орта бар. Сол жайлылықты толықтырып тұрған ең маңызды нысандардың бірі — осы жылы абаттандырылуы басталатын жаңа «Қонай» саябағы. Бұл — аудан тұрғындарына арналған демалыс пен серуендеудің таптырмас мекені болмақ.Қазір эскиздік жобасы әзірленіп, барлық техникалық есептеулер жүргізілуде.Мектеп ауласы — ортақ демалыс алаңыҚостанай қаласында жайлы өмір сүру ортасын қалыптастыру тек орталық саябақтармен шектеліп қалмайды. Биыл қала мектептерінің де аумағын жан-жақты қайта құруға кіріскен. Атап айтқанда, №9 және №29 мектептердің ауласын толықтай жаңартып, оларды жасыл, көпфункциялы қоғамдық кеңістікке айналдыру жоспарланған.Бұл жобалар тек оқушылар үшін емес, сол маңдағы көпқабатты үйлерде тұратын тұрғындардың да мүддесін ескере отырып жасалынады. Бұл бастама мектеп пен аудан арасындағы байланысты күшейтіп, аула мәдениетін жаңа деңгейге көтереді деген сенім бар.Фонтандар қаласы: көңілдің көркем ырғағыҚостанай бүгінде жасыл желекке ғана емес, сылдырап аққан әсем фонтан-суларға да бай қалаға айналуда. Жаздың ыстығында балалар мен ересектерге арналған нағыз демалыс орны бар. Қалада 26 фонтан жұмыс істейді, оның ішінде 18-і стационарлық, ал 8-і ерекше форматта — су бетінде қалқып тұратын фонтандар. Каскадты субұрқақ, түрлі-түсті жарықтармен көмкерілген композициялардан бөлек, бүгінде жаяу жүргіншілерге арналған су бұрқақтары да қала тұрғындарын қуантуда. Cоңғы жылдары жұртшылық жүрегін жаулаған, түрлі-түсті музыкалық фонтан жұмыс істеп тұр. Бұл фонтанның су шапшыған толқындары музыка ырғағымен «билеп», арнайы лазерлік жарықпен түрленіп, нағыз көрініс қойылымына айналады.Мұндай нысандар — қала беделінің, оның қазіргі заманға сай дамып келе жатқанын көрсететін айқын дәлел. Қала әкімдігі жыл сайын фонтан инфрақұрылымын жаңартып, техникалық қызмет көрсетуді жолға қойып отыр. 2023 жылы 6 фонтан жөнделсе, былтыр 8 фонтан күрделі жөндеуден өтті. Биыл тағы 4 фонтан жаңғыртылады. Мұның бәрі қаланың орталық және тұрғын аудандарында өмір сапасын жақсартуға, серуендеу мәдениетін арттыруға бағытталған.Қала көркі – жасыл келбетҚостанай жыл өткен сайын жасарып, жайқалған жасыл желекке оранып келеді. Жыл сайын отырғызылатын ағаштар мен гүлдердің саны көбейген. Мәселен, соңғы екі жылда 12 мыңнан астам ағаш егілсе, биылдың өзінде 5 мың түп ағаш отырғызу жоспарланған. Сонымен қатар, қала аумағына 1,2 миллионнан астам гүл отырғызылады, бұл өткен жылмен салыстырғанда 20 пайыз артық көрсеткіш. Жалпы көлемі 7 мың шаршы метрге тең рокарийлер мен күтімді көгалдар Қостанайдың заманауи келбетін айқындай түсіп, қалаға өзіндік сән мен серпін береді.Бір сөзбен айтқанда, Қостанай – дала төсінде гүлденген тіршілік мекені, өмір сүруге жайлы, дамуға ынталандыратын, әр адам өз орнын таба алатын кеңістік. Табиғатпен үйлескен, заманауи инфрақұрылымы, қауіпсіз әрі мейірімді ортасы бар Қостанай бүгінде жайлылықтың, тартымдылықтың және мүмкіндіктердің қаласына айналып отыр.Ақпарат көзі : https://www.gov.kz/memleket/entities/kostanai-kalasy-akimat/press/news/details/991192?lang=kk

4 мамыр күні Костанай қаласында Қазақстан Республикасы Парламенті Сенатының қолдауымен және Қазақстан шахмат федерациясының ұйымдастыруымен «SENAT OPEN» II Ашық Кубогының іріктеу турнирі өтті.Бұл турнир елімізде шахматты дәріптеу мақсатында екінші жыл қатарынан өткізіліп отыр. Биылғы турнир рекордтық көрсеткішпен ерекшеленді – іріктеу кезеңіне еліміздің түкпір-түкпірінен 35 депутат қатысып, оның ішінде 9 маслихат төрағасы бақ сынады.Рудный қаласынан турнирге келесі қатысушылар қатысты:- Рудный қалалық мәслихатының депутаты – Руслан Уразалин- Рудный қалалық мәслихатының депутаты – Игорь Шишов- Рудный қалалық мәслихаты аппаратының жетекшісі – Дана Калеева- Қоғамдық кеңес мүшесі – Антон Боков- Мәслихаттың экс-депутаты – Аманжол СагнаевЖарыс қорытындысы бойынша Руслан Уразалин күміс жүлдеге ие болып, «SENAT OPEN» жартылай финалына жолдама алды. Ол Көкшетау қаласында өтетін келесі кезеңде еліміздің 25 үздік шахматшысының қатарында өнер көрсететін болады. Айта кетейік, өткен жылы Руслан облыс бойынша бірінші орын алып, жартылай финалдың үздік ондығына енген болатын.Депутатымызға алдағы жарыстарда сәттілік тілейміз!Ақпарат көзі : https://www.gov.kz/memleket/entities/maslihat-rudnyy/press/news/details/991194?lang=kk

Ұлы Жеңістің 80 жылдығына орай Қазақстан астанасында әскери шеру өтті. Салтанатты іс-шара Астанада, сондай-ақ бүкіл еліміз бойынша мыңдаған көрермендерді жинады.  Қарағандыда қала тұрғындары мен қонақтары үшін шеру орталық мәдениет және демалыс саябағында орнатылған үлкен LED-экранда тікелей эфирде көрсетілді.Алаң трансляция басталғанға дейін толды. Қарағандылықтар саябаққа отбасыларымен келді. Әкелері мен аталарының ерлігі деген мақтаныш пен ризашылық көрермендердің көзінен сезілді.Шеруден кейін Орталық саябақта мерекелік бағдарлама ұйымдастырылды. Қала тұрғындары үшін нағыз сыйлық Бұқар жырау даңғылының үстінен жауынгерлік авиацияның ұшуы болды.Отан қорғаушы күніне және Ұлы Жеңістің 80 жылдығына орай Астанада шеру аяқталғаннан кейін Қарағанды үстінен СУ-30СМ жауынгерлік ұшпқтары , Л-39 оқу-жауынгерлік ұшақтары және көп мақсатты Л-410 ұшақтары ұшып өтті. Ұшқыштар дайындық пен үйлесімділіктің ең жоғары деңгейін көрсете отырып, әуе саптамасын барынша дәлдікпен орындады."Астана" өңірлік қолбасшылығы әскерлері қолбасшысының орынбасары полковник Шәкен Жарылқасынов азаматтарды құттықтады.– Осы айтулы күні бәріміз өткеніміз үшін және болашаққа деген сеніміміз үшін ерекше мақтаныш сезінеміз. Жеңіс шеруі - бұл тек әскери дәстүр емес, бұл батылдық, төзімділік және Отанға деген сүйіспеншілік. Барлық әскери қызметшілердің атынан Сіздерді Жеңіс күнімен және Отан қорғаушы күнімен құттықтаймын! Баршаңызға ашық аспан тілеймін, - деді ол.Ұшақтардың таңғажайып ұшуы көрермендердің эмоцияларын тудырды.  Мерекенің шарықтау шегі болған бұл сәт қала тұрғындарының жадында ұзақ уақыт сақталмақ.Ақпарат көзі : https://www.gov.kz/memleket/entities/mod/press/news/details/991195?lang=kk

Ұлы Жеңістің 80 жылдығы қарсаңында Рудный қалалық мәслихатының төрағасы Азамат Искаков пен депутаттар Ұлы Отан соғысына қатысқан ардагерлердің жесірлерін үйлеріне барып құттықтады.Қазақстан Республикасының Президенті Қасым-Жомарт Тоқаевтың атынан «Ұлы Отан соғысындағы Жеңіске 80 жыл» мерекелік медальдары мен азық-түлік себеттері табысталды.Марапаттар әр шаңырақта, жылы лебіздер мен ақжарма тілектер айтылып, құрметпен табысталды.Мұндай шаралар – ұрпақтар сабақтастығының, тарихи жадымыздың маңызын ұғындырудың айқын көрінісі. Ақпарат көзі : https://www.gov.kz/memleket/entities/maslihat-rudnyy/press/news/details/991196?lang=kk

Жеңістің 80 жылдығы қарсаңында Рудный қалалық мәслихатының төрағасы Азамат Искаков тыл ардагерлерін зиярат етіп, олардың ерлігі мен еңбегі үшін алғыс айтып, шынайы құрметін білдірді.Ақпарат көзі : https://www.gov.kz/memleket/entities/maslihat-rudnyy/press/news/details/991200?lang=kk

Алматыда Ұлттық әскери-патриоттық орталықтың Жауынгерлік даңқ музейінің жаңа «Ашық аспан астындағы музей» бөлімінің салтанатты ашылу рәсімі өтті. Іс-шара Армия үйінің (бұрынғы Офицерлер үйі) аумағында Қазақстан Республикасы Қорғаныс министрінің орынбасары, генерал-майор Шайх-Хасан Жазықбаев, Алматы қаласы әкімінің орынбасары Азамат Қалдыбеков, Қарулы күштердің өкілдері мен құрметті қонақтардың қатысуымен ұйымдастырылды.Салтанат Мемлекеттік Әнұранмен ашылып, Қорғаныс министрлігі мен қала әкімдігі атынан құттықтау сөздер айтылды. Жаңа экспозицияны жасауға атсалысқан әскери қызметкерлер марапатталды. Рәсімнің басты сәті – лентаны қиып, алғашқы экскурсияның басталуы болды.Жаңа экспозициялық бөлім Ш.Қалдаяқов көшесі жағындағы ашық алаңда орналасқан. Мұнда 30-дан астам түпнұсқа және қалпына келтірілген әскери техника үлгілері қойылған. Барлық экспонат қалпына келтіріліп, техникалық сипаттамалар мен тарихи мәліметтер жазылған тақталармен жабдықталған.Экспозицияда Жеңістің символына айналған Т-34 танкі, аты аңызға айналған БМ-13 «Катюша» зымыран тасығышы, сондай-ақ Т-44 және Т-55 сияқты кеңестік танкілер бар. Сонымен қатар, БТР-40, БРДМ-1 және БРДМ-2 бронетранспортерлері, БМП-1 жаяу әскердің жауынгерлік машинасы, әртүрлі гаубицалар, минометтер, зениттік және далалық артиллерия құралдары қойылған.Көрмедегі ерекше қызығушылық тудыратындар – шетелдік сирек үлгілер: 120 мм «Финуляну» минометі (Швеция), 158 мм «Кебельверх-41» минометі (Германия) және 105 мм M-2A1 HOWITZER гаубицасы (АҚШ). Сондай-ақ, 203 мм БЛ-39 гаубицасы, 122 мм М-30 гаубицасы, 100 мм БС-3 далалық зеңбірегі, ЗПУ-2 және С-60 зениттік құрылғылары, ПМ-120 және М-240 минометтері сынды артиллериялық техника да көрмеге қойылған.Жауынгерлік даңқ музейі 1965 жылы құрылған және ол Алматыдағы әскери-патриоттық тәрбие берудің маңызды орталығы саналады. Музей топтамасы XIX ғасырдан қазіргі күнге дейінгі Қазақстанның әскери тарихын қамтиды. Негізгі қор майдангерлердің түпнұсқа құжаттары, фотосуреттері, хаттары, марапаттары мен жеке заттарынан тұрады. Материалдардың елеулі бөлігін генерал Панфиловтың қызы – Панфилов дивизиясының ардагері Валентина Панфилова тапсырған.Музей Алматы қаласы, Медеу ауданы, Зенков көшесі, 24 мекенжайында орналасқан. Жалпы ауданы 1260 шаршы метрден асады. Мұнда 15 маман жұмыс істейді, жыл сайын 25 мыңнан астам адам музейді тамашалайды.Ақпарат көзі : https://www.gov.kz/memleket/entities/almaty-almaly/press/news/details/991202?lang=kk

Құрметті Рудный қаласының тұрғындары! Қазақстан Республикасының Отан қорғаушылар күнімен құттықтауымызды қабыл алыңыздар!7 мамыр – ерлік пен батырлықтың,  Отанға деген адалдықтың ұмытылмас күні. Бұл күні біз еліміздің қауіпсіздігі мен егемендігін қорғап, халықтың тыныштығы мен бейбіт өмірін қамтамасыз етіп жүрген барша азаматтарға құрмет көрсетеміз.Біз ардагерлердің, әскери қызметшілердің және өз өмірін Отанға қызмет көрсетуге арнаған барлық азаматтардың ерлігіне терең құрметпен басымызды иеміз.Біздің  қорғаушыларымыздың рухының беріктігі, ержүректігі мен патриотизмі тәуелсіздігіміздің сенімді тірегі болып табылады. Жас ұрпақ Отан қорғаушы деген мәртебелі атақты зор құрметпен алып жүрген азаматтардан үлгі алсын.Сіздерге мықты денсаулық, отбасылық амандық және бейбіт аспан тілейміз! Құрметпен,Рудный қалалық мәслихатының төрағасы Азамат ИскаковРудный қалалық мәслихатының депутаттарыАқпарат көзі : https://www.gov.kz/memleket/entities/maslihat-rudnyy/press/news/details/991203?lang=kk

Ұлы Жеңістің 80 жылдығы қарсаңында Алматы облысының әкімі Марат Сұлтанғазиев соғыс ардагерлері Тәңірберген Толғанбаев пен Фёдор Емельянович Ковалевті арнайы барып құттықтады.Облыс басшысы ардагерлерге жылы лебізін білдіріп, Мемлекет басшысы атынан құттықтап, мерейтойлық медальдар табыстады. Сонымен қатар, батырларға Қонаев қаласынан жаңа жайлы пәтерлердің кілттері берілді. Айта кетейік, облыстағы барлық Ұлы отан соғысы ардагерлеріне 5 миллион теңге көлемінде ақшалай сертификаттар берілген болатын.Марат Сұлтанғазиев соғыс жылдарындағы ерліктері үшін шын жүректен алғысын айтып, ардагерлерге қамқорлық көрсету — мемлекеттік саясаттың басты бағыттарының бірі екенін атап өтті.— Бүгінгі бейбіт өмір үшін жанын қиған, ерлік көрсеткен жандардың есімі ел жадында мәңгі сақталады. Сіздердің жеңіске қосқан үлестеріңіз баға жетпес. Біз әрқашан Сіздерді мақтан тұтамыз, — деді облыс әкімі.Ардагерлер көрсетілген құрмет пен қолдау үшін өңір басшылығына алғыстарын білдіріп, мұндай кездесулер жеңімпаз ұрпағына деген терең сыйластықтың белгісі екенін айтты.Жеңістің 80 жылдығын атап өту — халықты ортақ тарих пен жарқын болашақ идеясы төңірегінде біріктіретін маңызды оқиғалардың бірі болмақ.  Ақпарат көзі : https://www.gov.kz/memleket/entities/almobl/press/news/details/991206?lang=kk

Қонаев қаласының орталық алаңында Ұлы Отан соғысындағы Жеңістің 80 жылдығы мен Отан қорғаушы күніне арналған салтанатты шара өтті. Мерекелік шараларға Алматы облысының әкімі Марат Сұлтанғазиев, Қонаев гарнизонының бастығы, гвардия полковнигі Бейбіт Аманқалиев, Ауған соғысының ардагерлері, өзге де әскери қақтығыстарға қатысқан ардагерлер, Қарулы Күштердің ардагерлері, Қонаев гарнизонының әскери қызметшілері, әскери-патриоттық клубтардың тәрбиеленушілері мен қала тұрғындары қатысты.Жиналған қауым орталық алаңда орнатылған еңселі сахнадағы кең экраннан Астана қаласындағы әскери парадтың ашылу салтанатын тамашалап, Мемлекет басшысының құттықтауын тікелей эфирде тыңдады. Мемлекет басшысы қазақстандықтарды мерекемен құттықтап, елдегі бейбітшілік пен қауіпсіздікті қамтамасыз етудегі Қарулы Күштердің маңызын атап өтті.Іс-шара барысында Алматы облысының әкімі Марат Сұлтанғазиев құттықтау сөз сөйледі. Ол Президенттің тапсырмасымен еліміздің Қарулы Күштерінде жүйелі жаңғырту жүргізіліп жатқанын атап өтті: – Мемлекет басшысының тапсырмасына сәйкес Қазақстан Республикасының Қарулы Күштері жаңғыру үстінде. Олар ұлттық қауіпсіздіктің кепіліне, қоғамның тірегіне айналуда. Біздің Отан қорғаушыларымыз тек шекараны күзетіп қана қоймай, азаматтық келісімді нығайтуға және жастарды отансүйгіштікке тәрбиелеуге зор үлес қосып келеді, – деді өңір басшысы.Мерекелік шара аясында марапаттау рәсімі өтті. Алматы облысы әкімінің атынан Қонаев гарнизонының және Ұлттық ұланның жиырма шақты әскери қызметшісіне алғыс хаттар табысталды. Марапатталғандар арасында полковник Жеңісжан Байжан, подполковниктер Данияр Маменов пен Берік Елікбаев, гвардия майоры Дархан Жәнсікбаев, майор Нұрлан Ожаров, лейтенант Лаура Бекболатова және сержант Елдос Қарбозов пен өзге де қызметкерлер бар.Мерекелік көңіл күйді шығармашылық ұжымдардың қатысуымен өткен концерттік бағдарлама жалғастырып, іс-шараға ерекше сән мен жылулық сыйлады.Сонымен қатар, №20030 әскери бөлім аумағында заманауи әскери техника көрмесі ұйымдастырылды. Облыс әкімі бөлімнің материалдық-техникалық базасымен танысып, жеке құраммен әңгімелесіп, бөлімнің жабдықталу деңгейіне жоғары баға берді.Қонаев қаласында өткен Отан қорғаушы күні бірлік пен ел тыныштығын күзеткен жандарға деген құрмет рухында өтті. Мерекелік шаралар армия мен халық арасындағы байланысты нығайтудың – Қазақстанның орнықты дамуының кепілі екенін тағы бір мәрте көрсетті.Ақпарат көзі : https://www.gov.kz/memleket/entities/almobl/press/news/details/991168?lang=kk

Стокгольм, 2025 жылғы 5-6 мамыр — Швецияның Сыртқы істер министрлігінде Қазақстан Республикасының ресми делегациясының Швеция Корольдігіне сапары аясында ұйымдастырылған қазақстан-швед іскерлік дөңгелек үстелі өтті. Сапардың негізгі мақсаты екіжақты инвестициялық және технологиялық ынтымақтастықты кеңейту, сондай-ақ Қазақстанның экономикалық мүмкіндіктерін Швеция бизнесінің жетекші өкілдері арасында ілгерілету болды.Қазақстан делегациясын ҚР Өнеркәсіп және құрылыс вице-министрі Олжас Сапарбеков басқарды. Оның құрамына ҚР Сыртқы істер министрлігінің Инвестиция комитетінің Төрағасы Ғабидолла Оспанқұлов, «Qazaq Green» ЖЭК қауымдастығы директорлар кеңесінің Төрағасы Нұрлан Қапенов, «Қазақстан машина жасаушылары одағы» ЗТБ Атқарушы дирекциясының директоры Талғат Базарбеков, «Kazakh Invest» ҰК» АҚ-ның шетелдік өкілі Ұлбосын Сарыбаева, сондай-ақ машина жасау, энергетика және ақпараттық-коммуникациялық технологиялар салаларында жұмыс істейтін қазақстандық компаниялардың өкілдері кірді.Швед тарапын Швеция СІМ-нің даму мақсатындағы халықаралық ынтымақтастық және сыртқы сауда мәселелері жөніндегі мемлекеттік хатшысы Диана Янсе басқарды. Дөңгелек үстел жұмысына Business Sweden, Шведтің Еуразия елдері бойынша сауда-өнеркәсіп палатасының, сондай-ақ ABB, Scania, Ericsson, Sandvik, Epiroc, SKF AB, Vaderstad AB, Tornum Group және Volvo Trucks сияқты ірі швед компанияларының өкілдері қатысты.Іс-шараны аша отырып, Мемлекеттік хатшы Диана Янсе атап өтті: «Қазақстан тұрақтылық пен тұрақты экономикалық өсімді көрсетіп отыр, бұл бизнесті жүргізуге қолайлы жағдай жасайды. Бұл форум өзара әрекеттестіктің жаңа мүмкіндіктерін ашады, және Швеция елдеріміз арасындағы өзара тиімді жобаларды дамытуға жан-жақты қолдау көрсетуге дайын». Мемлекеттік хатшы сондай-ақ швед бизнесін Қазақстанмен бірлескен бастамаларға белсене қатысуға шақырды.Талқылаулар барысында тараптар машина жасау, тау-кен өнеркәсібі, жаңартылатын энергетика, ауыл шаруашылығы және ақпараттық технологиялар салаларындағы ынтымақтастықты тереңдетудің елеулі әлеуетін атап өтті. Швед бизнесінің тұрақты даму мен «жасыл» ауысу қағидаттарына сәйкес келетін жобаларды іске асыруға қатысты инвестициялық мүмкіндіктерге деген қызығушылығы ерекше атап өтілді.Қазақстан тарапынан инвестициялық ахуалды жақсартуға бағытталған мемлекеттік қолдау шаралары ұсынылып, шетелдік компаниялардың қатысуына ашық нақты жобалар таныстырылды. Экономиканың негізгі салаларында инновациялық шешімдер мен озық технологияларды енгізуге ерекше назар аударылды.Сапар аясында қазақстандық делегация Volvo Trucks, Scania CV AB, Swedish Solar Energy қауымдастығы және Sandvik компанияларының өкілдерімен жеке кездесулер өткізіп, швед техникасы мен жабдықтарын Қазақстанда локализациялау мүмкіндіктері талқыланды.Іс-шаралар қорытындысы бойынша салалық министрліктер, іскерлік қауымдастықтар және компаниялар деңгейінде мазмұнды диалогты жалғастыру, сондай-ақ практикалық ынтымақтастықтың нақты тетіктерін әзірлеу туралы келісімге қол жеткізілді.Қазақстан-швед дөңгелек үстелі инвестиция, технология және тұрақты даму салаларына басымдық бере отырып, екі ел арасындағы іскерлік байланыстарды нығайту және ұзақ мерзімді серіктестікті қалыптастыру үшін маңызды алаңға айналды.Ақпарат көзі : https://www.gov.kz/memleket/entities/mfa-stockholm/press/news/details/991155?lang=kk

Ұлы Жеңістің 80 жылдығына орай Көкшетау қаласында бірқатар рухани-мәдени шаралар өткізіледі. Солардың ішінде ерекше назар аударарлық екі қойылым – «Соңғы хат» және «Сарбаздың әкесі». Бұл туындылар соғыс зардабын шынайы түрде бейнелеп, көрерменнің жүрегіне жол табатын қойылымдар болмақ.7 мамыр күні сағат 17:00-де Шахмет Құсайынов атындағы қазақ музыкалық-драма театрында «Соңғы хат» спектакль-концертінің премьерасы өтеді. Қойылымның инсценировкасын театрдың көркемдік жетекшісі Манарбек Қыдырбай жасап, режиссерлік тізгінді «Мәдениет саласының үздігі» Медет Хамзин ұстаған.«Қойылымда сұрапыл соғыстың адамзат жүрегіне салған ауыр жарасы, майдан даласында қаза тапқан батырлар рухына тағзым, бейбіт өмірдің қадірі мен майданнан жеткен қаралы хаттар арқылы соғыс трагедиясы көркем бейнеленеді. Сонымен қатар, сол жылдардағы әндер шырқалып, көрерменге бейбіт күннің мәні мен құнын ұғындырады», дейді ұйымдастырушылар.6, 8 және 10 мамыр күндері сағат 18:00-де Ақмола облыстық орыс драма театрында Сулико Жгентидің «Сарбаздың әкесі» атты пьесасының желісімен сахналанған қойылым өтеді. Бұл қойылымды театрдың бас режиссері, «Мәдениет саласының үздігі» Ольга Луцива сахналаған.Қойылымда қарт грузин шаруасы Георгий Махарашвилидің соғысқа аттанған ұлын іздеп, майдан даласына өз еркімен аттанғаны баяндалады. Ол соғысқа жауынгер ретінде емес, әке ретінде барады. Жолында кездескен адамдардың тағдыры арқылы ол соғыстың ортақ қасірет екенін түсінеді. Қойылымда махаббат, үміт, адамгершілік, төзімділік пен әкелік мейірім секілді құндылықтар терең қозғалады.Пьеса әйгілі режиссер Резо Чхеидзе түсірген 1964 жылғы «Сарбаздың әкесі» фильміне негізделген. Шығарма XX ғасырда көрерменнің жүрегін жаулап, бүгінгі күнге дейін өзектілігін жоғалтпаған. Бұл – пафоссыз, шынайы әңгіме, соғыс кезіндегі адами сезімдер мен рухтың биіктігін паш ететін туынды.Екі қойылым да Жеңістің 80 жылдығына арналған тарихи-мәдени еске алу шараларының ажырамас бөлігі. Ұйымдастырушылардың мақсаты – көрерменнің жүрегінде Отанға деген сүйіспеншілік, тарихи жад пен бейбіт өмірдің құндылығына деген құрметті ояту.Іс-шараларға жастар, шығармашылық қауым өкілдері, ардагерлер ұйымдарының мүшелері мен театр өнерін сүйетін жұртшылық шақырылады.Ақпарат көзі : https://www.gov.kz/memleket/entities/aqmola-madeniet/press/news/details/991166?lang=kk

Астанада Мемлекет басшысы – Қазақстан Қарулы Күштерінің Жоғарғы Бас қолбасшысы Қасым-Жомарт Тоқаевтың қатысуымен 7 мамыр — Отан қорғаушылар күні мен Ұлы Отан соғысындағы Жеңістің 80 жылдығына арналған әскери парад өтті.— Әскери шеруге қатысқан Ұлттық ұланның есептік тобында соғыс  ардагерлерінің ұрпақтары бар. Олар батырларымызға тағзым етіп, ерліктерін ұмытпайды. Жыл сайын Ұлттық ұланның әскери техникалары мен қару-жарақ түрлері заманға сай жаңаруда. Бүгінгі шеруде халық соның куәсі болды, — деп атап өтті парадтық есеп топты бастаушы Ұлттық ұлан Бас қолбасшысының орынбасары Бауыржан Абжанов.Ұлттық ұланнан парадқа 400-ден астам әскери қызметші қатысты. Атап айтқанда, шеруде жедел мақсаттағы 5573 әскери бөлімінің сарбаздары мен «Бүркіт» арнайы мақсаттағы бөлімшесінің жауынгерлері екі бөлек колоннамен сап түзеді.— Мен – Жеңістің мұрагерімін. Өйткені, бұл күнді жақындатқан батырлардың арасында менің де атам болды. Сондықтан соғыс жылдарындағы атамның ерлігін мақтан етемін. Ал бүгін сол Жеңістің 80 жылдығына арналған шеруде қаруластарыммен бірге сап түзеу бақыты бұйырды, — деді «Бүркіт» арнайы жасағының жауынгер.Сондай-ақ, құқықтық тәртіп әскерлерінің 30 өкілі Қазақстанның күш құрылымдары құрама оркестрімен бірге Жеңіс шеруін музыкамен сүйемелдеді.Парад барысында Ұлттық ұланның заманауи бронды техникасының 13 бірлігі көрсетілді. Олардың қатарында «Барыс» 6 × 6, «Алан-2», сондай-ақ жауынгерлік қорғаныс деңгейі жоғары «Cobra II» броньды машиналары болды. Бұдан бөлек, қауіпті аймақтар арқылы 17 адамға дейінгі жеке құрамды тасымалдауға қабілетті «Урал ВВ» арнайы машинасы да ұсынылды.Айта кетейік, парадқа ҚР Қарулы Күштерінің, басқа да әскерлер мен әскери құралымдарының 4,5 мың әскери қызметшісі қатысты.Шеруде алғаш рет Қазақстан аумағында құрылған әскери бөлімдердің жауынгерлік тулары шығарылды. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/991135?lang=kk