Тәжікстан Республикасының Душанбе қаласында жауынгерлік самбодан әлем кубогы өтті. Бұл беделді халықаралық додаға Қазақстан Республикасы ІІМ Ұлттық ұланының әскери қызметшісі де қатысты.«Батыс» өңірлік қолбасшылығының 6655 әскери бөлімінің қамтамасыз ету ротасының сапері, қатардағы Арман Тұрымбетов 58 келіге дейінгі салмақ дәрежесінде сынға түсіп, үшінші орынға ие болды.Айта кетейік, Арман Тұрымбетов бұған дейін де халықаралық аренада үлкен жетістікке жетіп, жауынгерлік самбодан Азия және Мұхит чемпионатында күміс жүлдегер атанған болатын.Ұландықтың бұл жетістігі құқықтық тәртіп әскерлерінің және жалпы Қазақстанның спорттық беделін нығайтуға елеулі үлес қосып, оның жоғары дайындық деңгейін, рухының мықтылығын және жеңіске деген ұмтылысын айқын көрсетеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1076251?lang=kk

ҚР ІІМ Ұлттық ұланының Алатау қаласында орналасқан 6654 әскери бөлімінің кинологиялық орталығында ерекше оқиға орын алды – мұнда алғаш рет голландиялық овчаркалардың күшіктері өмірге келді.Өткен жылы азаматтық ұйымдардың қолдауымен алынған иттен барлығы он голландиялық овчарка күшігі дүниеге келді. Алдағы уақытта олар Ұлттық ұлан сапына қосылып, заңдылық пен құқықтық тәртіпті нығайтуға үлес қосатын болады. Атап айтқанда олар қылмыспен күреске, есірткі мен жарылғыш заттарды іздеуге, көшелерді патрульдеуге және маңызды нысандарды қорғауға жұмылдырылады.Голландиялық овчаркалар төзімділігімен, адалдығымен және жоғары зияткерлік қабілетімен танымал. Осы қасиеттер олардың құқықтық тәртіпті қамтамасыз етудегі рөлін ерекше маңызды етеді. Бұған дейін орталықта негізінен неміс және бельгиялық овчаркалар өсірілсе, енді қызметтік ит тұқымдарының қатарын голландиялық овчаркалар да толықтырды.6654 әскери бөлімнің кинологиялық орталығы – Ұлттық ұлан жүйесіндегі бірегей бөлімше. Мұнда бір мезгілде болашақ кинолог мамандар даярланып, қызметтік иттер өсіріледі. Бұл үшін толыққанды оқу-материалдық база жасақталған. Мұнда жабдықталған вольерлер, жаттығу алаңдары, ветеринарлық бөлім және тамақтандыру орталығы бар. Иттердің жас ерекшелігі мен жүктемесіне қарай қажетті азық түрлері қарастырылған.Күшіктер алты айлығынан бастап белсенділігі мен қабілеттеріне қарай әртүрлі бағыттарға бөлінеді. Бірі – есірткі заттарын іздеуге, екіншісі – жарылғыш заттарды анықтауға, үшіншісі – патруль қызметі мен құқық бұзушыларды ұстауға машықтанады. Қызметтік-іздестіру иттері кейін қоғамдық қауіпсіздікті қамтамасыз етуге, заңдылықты сақтау мен тәртіпті нығайтуға елеулі үлес қосады.Тек 2025 жылдың тоғыз айында ғана Ұлттық ұлан кинологтары 3500-ден астам тапсырманы орындады. Соның ішінде жүзге жуығы өз нәтижесін берді: қызметтік иттердің көмегімен 60-тан астам құқық бұзушы ұсталды; 200 келіден астам өсімдік және синтетикалық есірткі заттары табылып, тәркіленді; жалпы құны 1,7 млн теңгеден асатын ұрланған мүлік қайтарылды; 14 суық қару, 2 атыс қаруы және 1 травматикалық қару анықталды; 17 із-түзсіз жоғалған азаматтың орналасқан жері белгіленді.Төртаяқты қорғаушылар Қазақстанды халықаралық аренада да абыроймен танытып жүр. Көрмелер мен жарыстарда Ұлттық ұланның қызметтік иттері үнемі жүлделі орындар алып, жоғары дайындық деңгейін көрсетуде.Құқықтық тәртіп әскерінде қызметтік иттермен көпсайыс бойынша жеке және командалық біріншіліктер тұрақты түрде өткізіледі. Бұл жарыстар тәжірибе алмасуға, үздік мамандарды анықтауға және кинологиялық қызметтің беделін арттыруға мүмкіндік береді.Қазіргі уақытта  Ұлттық ұланның кинологиялық орталығы – елдің төртаяқты қорғаушыларын даярлайтын маңызды стратегиялық оқу базасы. Оның қызметі құқықтық тәртіп әскері әлеуетін арттыруға, қоғамдық қауіпсіздікті қамтамасыз етуге, заңдылық пен тәртіпті сақтауға айрықша үлес қосып отыр. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1076255?lang=kk

29 қыркүйектен 3 қазанға дейін Қазақстан аумағында Алматы облысында "Кобальт — 2025" шартты атауымен Ұжымдық жедел ден қою күштерінің (ҰҚШҰ) арнайы мақсаттағы бөлімшелерінің құрамына кіретін Ішкі істер және Ұлттық қауіпсіздік органдарының, Ішкі әскерлердің (Ұлттық ұланның), арнайы және есірткіге қарсы қызметтердің арнайы бөлімшелерімен, сондай-ақ авариялық-құтқару және өртке қарсы құрылымдармен арнайы оқу-жаттығу өтеді.Оқу-жаттығудың белсенді кезеңінде ұйымға мүше мемлекеттердің құзыретті органдары арнайы күштерінің жиынтық топтары нақты жағдайға барынша жақын жағдайларда оқу-жаттығу және қолданбалы жедел-жауынгерлік міндеттерді шешетін болады.Оқу-жаттығудың белсенді кезеңіне және оның қорытындысын шығаруға ҰҚШҰ Бас хатшысының орынбасары Валерий Анатольевич Семериков қатысады.Оқу-жаттығуды бақылаушылар ретінде ТМД, ШЫҰ бейіндік құрылымдарының өкілдері шақырылды. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1076258?lang=kk

Вена, 2025 жылғы 22-26 қыркүйек - Венадағы БҰҰ бөлімшесінде Халықаралық сауда құқығы жөніндегі БҰҰ комиссиясының (ЮНСИТРАЛ) III Жұмыс тобының 52-сессиясы өтті.Сессия жұмысына мүше-мемлекеттер мен байқаушы мемлекеттердің делегациялары, халықаралық үкіметаралық және үкіметтік емес ұйымдардың өкілдері, сондай-ақ халықаралық инвестициялық құқық саласындағы жетекші сарапшылар қатысты.Қазақстан делегациясы ретінде іс-шараға ҚР Әділет министрлігінің Мемлекеттің мүліктік құқықтарын қорғау департаментінің директоры Е.А. Тұяқбаев қатысты.Сессияның басты назары инвесторлар мен мемлекеттер арасындағы инвестициялық дауларды реттеу жүйесін реформалау мәселелеріне аударылды. Сондай-ақ қатысушылар халықаралық инвестициялық дауларды шешу жөніндегі Консультациялық орталық құру мәселелерін талқылауды жалғастырды.Анықтама: ЮНСИТРАЛ-дың (Біріккен Ұлттар Ұйымының Халықаралық сауда құқығы жөніндегі комиссиясы) III Жұмыс тобы инвесторлар мен мемлекеттер арасындағы дауларды реттеу (ISDS) жүйесін реформалаумен айналысады. Топтың мақсаты – халықаралық сауда құқығын жаңғырту және инвестициялық дауларды шешудің қолданыстағы механизмдерін жетілдіру жөнінде ұсынымдар әзірлеу. Ақпарат көзі : https://www.gov.kz/memleket/entities/mfa-vienna/press/news/details/1076286?lang=kk

Облыстағы 492 ауылдық елді мекеннің (АЕМ) 372-сінде байланыс сапасы жоғары – 4G желісі жұмыс істейді.Байланыс мәселелерін шешу және жұмысты оңтайландыру мақсатында, 2023 жылы облыс әкімдігі екі ірі телеком-оператормен – «Қазақтелеком» АҚ (Kcell) және Beeline Қазақстан («КаР-Тел» ЖШС) – ауылдық елді мекендердегі байланыстың сапасын арттыру жөнінде меморандумдарға қол қойды.Сонымен қатар, облыс әкімдігі жыл сайын шамамен 50 антенна тұрғызуды жоспарлап отыр. Солардың негізінде байланыс операторлары базалық станциялар орнатады.Қол қойылған меморандумдар аясында 2024 жылы 44 ауылдық елді мекенде антенна-мачталық нысандардың құрылысы аяқталды. Бүгінгі күні олардың 42-сінде базалық станциялар іске қосылды. Қалған станцияларды ресми іске қосу осы жылдың төртінші тоқсанына жоспарланған.Халықты кемінде 100 Мбит/с жылдамдықпен кеңжолақты интернетпен қамтамасыз ету үшін Қазақстан Республикасы Үкіметі «Қолжетімді интернет» ұлттық жобасын бекітті.Жобаның негізгі бағыты – ауылдық жерлерде талшықты-оптикалық байланыс желісін кеңейту. Бұл желі арқылы денсаулық сақтау, білім беру, мемлекеттік мекемелер және басқа да нысандар интернетке қосылады.Осылайша, «Қолжетімді интернет» ұлттық жобасы аясында 2027 жылға дейін облыстағы 301 ауылдық елді мекен интернетпен қамтылмақ.Сонымен бірге, рельефі күрделі 34 ауылдық елді мекенге төмен орбиталы спутниктік жүйелер арқылы интернет жеткізу көзделген.Меморандумдар мен ұлттық жобаны жүзеге асыру нәтижесінде барлық ауылдық елді мекендер, соның ішінде шағын ауылдар да, әртүрлі технологиялар (талшықты-оптика, спутник, 4G) арқылы интернетпен қамтамасыз етіледі.Ақпараттандыру басқармасы тұрғындардан түскен интернет сапасына қатысты шағымдарға жедел әрекет етіп, оларды шешу үшін кешенді шаралар қабылдауда. Жергілікті халықтан келіп түскен ақпарат талданып, байланыс операторларына ауылдардағы қамту аймағын және интернет тұрақтылығын жақсарту бойынша сұраулар жолданады.Барлық байланыс операторлары проблемалық мәселелерді шешу және облыс аумағында телекоммуникациялық қызметтердің сапасын жақсарту бағытында жұмыстар атқарып келеді.Ақпарат көзі : https://www.gov.kz/memleket/entities/kostanay/press/news/details/1076301?lang=kk

Қармақшы ауданының әкімі Жандос Еркінбектің қатысуымен аудандық мәслихаттың кезекті XXXV сессиясы өтті. Мәслихат депутаттары, кент және ауылдық округ әкімдері, бөлім, мекеме басшылары қатысқан сессияның күн тәртібінде 12 мәселе қаралды.Жиында Қармақшы ауданының 2025 жылдың 8 айындағы әлеуметтік-экономикалық дамуының негізгі көрсеткіштері мен алдағы кезеңге арналған міндеттер талқыланды.Аудан әкімі Жандос Еркінбек сессия барысында баяндама жасап, киелі Қармақшының әлеуметтік-экономикалық даму барысына тоқталды.«Ауданымыздың экономикалық әлеуеті жылдан-жылға артып келеді. Соның бір дәлелі – аудан бюджетінің еселеп ұлғаюы. 2025 жылға бастапқыда 12 млрд 176 млн теңге көлемінде бекітілген аудандық бюджет, жыл ішінде екі мәрте нақтылау нәтижесінде 20 млрд 894 млн теңгеге жетіп, 8,9 млрд теңгеге яғни 73,4 пайызға артты. Бұл – тиімді жоспарлау мен қосымша қаржы көздерін тартудың нақты нәтижесі», – деді аудан басшысы.Жиында инженерлік инфрақұрылымды дамыту, халықты әлеуметтік қолдау және қауіпсіздік шаралары бойынша да нақты көрсеткіштер айтылды. Атап айтқанда: газдандыру бойынша 2024 жылы 2 млрд 387 млн теңге қаралса, биылғы 8 айда бұл көрсеткіш 5 млрд 982 млн теңгеге жетті. Автомобиль жолдарына 2024 жылы 2 млрд 175 млн теңге болса, биыл 8 айда 1 млрд 782 млн теңге бөлінді. Сумен жабдықтау және су бұру жүйелерін дамытуға биылғы 8 айда 260,2 млн теңге қаралды. Инженерлік инфрақұрылымға 983,2 млн теңге, тұрғын үймен қамтамасыз етуге 750,1 млн теңге бағытталған. Бұдан бөлек аудан бюджетінің басым бөлігі халықтың өмір сапасын арттыруға, әлеуметтік және инфрақұрылымдық жобаларды іске асыруға жұмсалып отыр.Сессияда жол қауіпсіздігін арттыру шаралары да сөз болды. Атап айтқанда, 2 кент пен 12 ауылдық округке жол белгілерін орнату үшін аудандық бюджеттен 5,7 млн теңге қаржы бөлініп, 353 дана жол белгісі орнатылды. Сонымен қатар, «Батыс Еуропа – Батыс Қытай» халықаралық автожолының аудан аумағындағы бөлігіне 14 дана ауыл шаруашылығы жануарларының жол белгілері қойылды.Сессия жұмысы барысында ауылдық округ әкімдері де есеп беріп, әлеуметтік, инфрақұрылымдық мәселелер бойынша ұсыныс-пікірлерін білдірді.Сөз соңында аудан әкімі Жандос Еркінбек: «Президент Жолдауынан туындайтын міндеттер, мемлекеттік бағдарламалар мен облыс әкімінің жоспары негізінде ауданымыздың әлеуметтік-экономикалық дамуын жүйелі түрде жалғастыра береміз», – деп атап өтті.Сессия қорытындысымен ауданның 2025 жылға арналған бюджетінің орындалу барысы және алдағы кезеңдегі басым бағыттар нақтыланды.Ақпарат көзі : https://www.gov.kz/memleket/entities/kyzylorda-karmakshy/press/news/details/1076304?lang=kk

Айтым Жақұпов погон таққан жандармен жүздестіЕліміздің бас жаттықтырушысы ҚАЖ қызметкерлеріне арналған жаттығу өткіздіАйтым Жақұпов құқық қорғау органдарының қызметкерлерін төзімділікке сынадыРекорд иесі әрі «JanaMen» әлеуметтік жобасының негізін қалаушы Айтым Жақұпов Қылмыстық-атқару жүйесі комитетіне (ҚАЖК) келіп, мекеме қызметкерлеріне ашық жаттығу өткізді. Сондай-ақ ол өзінің өмірлік тәжірибесімен және мотивациясымен бөлісті.Бұл кездесу күштік құрылымдар арасында салауатты өмір салтын насихаттауға бағытталған бастаманың бір бөлігі болды. Рекордтарымен және бұқаралық спорттық жобаларымен танымал Жақұпов бұл жолы тек физикалық дайындық деңгейін көрсетіп қана қоймай, ҚР ІІМ ҚАЖК жеке құрамымен де ашық әңгімелесті.– Сіз салауатты өмір салтын шынайы трендке айналдырдыңыз, – деді Қылмыстық-атқару жүйесі комитетінің төрағасы Абай Қайырбеков. – Мықты әрі дені сау ұлт қалыптастыруға қосқан үлесіңіз үшін алғыс білдіреміз. Мыңдаған адам сіздің видеоларыңыз бен оқиғаларыңыздан шабыт алады. Сіз секілді азаматтардың арқасында қоғамда өзін-өзі дамытуға деген ұмтылыс арта түсуде.Өз кезегінде Айтым Жақұпов заң мен тәртіпті қамтамасыз етуші азаматтармен әріптестіктің маңыздылығын атап өтті:– Мұнда болу — мен үшін үлкен мәртебе. Шақырғандарыңыз үшін және күрделі, бірақ аса маңызды қызметіңіз үшін алғыс айтамын. Сіздердің арқаларыңызда еліміздегі адамдар өздерін қауіпсіз сезінеді. Тәртіп пен заң — тұрақты қоғамның іргетасы екеніне сенімдімін. Сіздермен бірлесе жұмыс істеп, өз үлесімді қосқаныма қуаныштымын.Кездесу жылы әрі достық жағдайда өтті. Қатысушылардың айтуынша, мұндай іс-шаралар мотивацияны арттырып, командалық рухты нығайтады.Қазір Айтым Жакупов тарихқа енуді және 100 000 кг салмақ тастау бойынша әлемдік рекорд орнатуды мақсат етіп отыр. Қазақстан бұл бастама арқылы бірігудің орталығына айналмақ.Оның позитивті бастамаларының арқасында Айтым елдің сүйіктісіне айналды. Оның шоуын миллиондаған қазақстандықтар тамашалап, таңданысын білдіруде.Ақпарат көзі : https://www.gov.kz/memleket/entities/ps/press/news/details/1076305?lang=kk

Аумақтық қорғаныс бригадасының базасында өткен әскери міндеттілердің жиыны арнайы тактикалық ведомствоаралық оқу-жаттығулармен аяқталды.Күзгі арнайы тактикалық-оқу жиынына 93 әскери міндетті шақырылды. «Ақтас» полигонында олар тәжірибелі нұсқаушылардың, офицерлер мен сержанттардың жетекшілігімен тактикалық, атыс және арнайы дайындық бойынша білімдері мен дағдыларын жетілдірді.Жиын барысында алған білім мен тәжірибені бекіту мақсатында әскери міндеттілер мен аумақтық қорғаныс бригадасының жеке құрамы ведомствоаралық оқу-жаттығуларға қатысты.Полиция департаменті басшысының қарамағына берілген аумақтық қорғаныс ротасы Бадам су қоймасын күзетуге жұмылдырылды. Бірлескен күшпен стратегиялық нысанның қорғанысы ұйымдастырылды.Аумақтық қорғаныс жауынгерлері шартты қарсыластың бірнеше үйлестірілген шабуылын тойтаруға, тосқауыл бекетке жасалған қарулы содырлардың шабуылын қайтаруға, су қоймасы бөгетіндегі шлюз жабдықтарын басып алуға жол бермеуге қатысты.– Оқу-жаттығу барысында біз аумақтық әскерлердің, полицияның, ІІМ арнайы бөлімшелерінің және әкімдік құрылымдары іс-қимылдарының үйлесімділігіне баса назар аудардық. Әскери міндеттілермен біз тосқауыл бекеттердегі іс-қимылды, қарауыл қызметін атқару, шартты қарсыластың шабуылын тойтару, сондай-ақ стратегиялық маңызды нысандарды қорғау мен күзету тәсілдерін пысықтадық, – деді аумақтық қорғаныс бригадасының командирі полковник Бақытжан Әшімов.Сонымен қатар, оқу-жаттығуға қатысушылар «жараланғандарға» алғашқы медициналық көмек көрсету, өртті сөндіру, жергілікті жерді тексеру және «ұсталғандарды» алып жүру бойынша тәжірибе жинады.Жиынды ұйымдастырушылардың айтуынша, оның басты мақсаты – қажетті деңгейдегі жауынгерлік дайындықты қолдау, практикалық дағдыларды жетілдіру және әскери міндеттілердің өз міндеттері бойынша қолдануға дайындығын арттыру.Ақпарат көзі : https://www.gov.kz/memleket/entities/mod/press/news/details/1076325?lang=kk

Ипр, Бельгия, 2025 жылғы 26 қыркүйек – БҰҰ Бас Ассамблеясы бекіткен Ядролық қаруды толық жоюдың халықаралық күніне орай Қазақстанның Бельгиядағы Елшісі Роман Василенко Фландрия өңіріндегі Қазақстанның Семей қаласының бауырласы – Ипр қаласына барды.Сапардың негізгі сәті – Елшінің Ипр мэрі Катрин Десомермен бірге Қазақстан 2010 жылы Ипрге сыйға тартқан ядролық сынақтар мен техногендік апаттар құрбандарына арналған ескерткішке гүл шоқтарын қою рәсімі болды. Мемориал жанындағы минуттық үнсіздік Қазақстан мен Бельгияның бейбітшілік пен қарусыздануға деген ортақ ұмтылысын айқындады.«Қазақстан үшін ядролық қарусыздану тақырыбы тек тарихи мұра ғана емес, сонымен бірге болашаққа бағыт беретін маңызды бағдар. Семейдің тәжірибесі бізге өткеннің қасіреті ядросыз әлем құру үшін сабақ болуы тиіс екенін еске салады», – деді Елші рәсім барысында.Мэрдің шақыруымен қазақстандық делегация 1928 жылдан бері күн сайын өткізіліп келе жатқан Бірінші дүниежүзілік соғыста қаза тапқандарды еске алу рәсіміне де қатысты. Бұл дәстүр бейбітшіліктің құндылығы халықтарды біріктіретін ортақ жауапкершілік екенін көрсетті.Сапар аясында ҚР Елшісі Ипр мэрі Катрин Десомермен жеке кездесу өткізді. Тараптар Семеймен бауырластық байланыстарды тереңдету, мәдениет пен білім салаларындағы ынтымақтастықты дамыту, сондай-ақ экономика және тұрақты даму саласындағы ықпалдастық мүмкіндіктерін талқылады.Р. Василенко Қазақстан Президенті Қасым-Жомарт Тоқаевтың 2025 жылғы 8 қыркүйектегі Жолдауында айқындалған жасыл экономика, цифрлық технологиялар және логистика сияқты жаңа бастамалардың Фландрияның агроөнеркәсіп, инновация және орнықты энергетика саласындағы басымдықтарымен үндес екенін атап өтті.Өз кезегінде Ипр мэрі Катрин Десомер: «Ипр – соғыстың қасіреттерін бастан өткерген естелік қаласы. Біз үшін Семеймен әріптестік бейбітшілік пен ынтымақтастық идеясын іске асыратындығы маңызды. Біз қалаларымызды біріктіре алатын мәдени және білім беру жобаларында үлкен әлеуетті көріп отырмыз», - деп атап өтті.Сапар барысында бауырластықтың мәдени бағытына ерекше назар аударылды. Ұлы қазақ ақыны және ойшылы Абай Құнанбайұлының 180 жылдығына орай Елші Ипр қалалық кітапханасына Абай шығармаларының фламанд және француз тілдеріндегі жинағын сыйға тартты. Бұл халықтарымыз арасындағы мәдени алмасу мен рухани жақындықтың нышаны болды.Ақпарат көзі : https://www.gov.kz/memleket/entities/mfa-brussels/press/news/details/1076333?lang=kk

Қаскелең қаласында халықаралық мәдени-білім беру ынтымақтастығы саласында маңызды оқиға өтті – Орталық Азиядағы әлемге әйгілі америкалық кино мектебінің алғашқы филиалы – New York Film Academy Kazakhstan салтанатты түрде ашылды. Жаңа кампус Energo University мен Dala Edge креативті паркі базасында құрылды.Іс-шараға New York Film Academy президенті және бас атқарушы директоры Майкл Янг, ҚР Ғылым және жоғары білім министрі Саясат Нұрбек, Алматы облысының әкімі Марат Сұлтанғазиев, АҚШ-тың ресми өкілдері, сондай-ақ кино және медиа индустриясының қайраткерлері қатысты.Ашылу рәсімінің атмосферасы кинематографиялық стильде ұйымдастырылды: қонақтарды ерекше «дубль түсіру» қойылымы қарсы алды. Салтанат барысында студенттер өнер көрсетіп, АҚШ-тың Алматыдағы Бас консулы Мишель Еркин жаңа оқу орнының мәдени және шығармашылық мәнін атап өтті. Қонақтарға кампустың инфрақұрылымы – кітапхана, дәріс залдары, дыбыс жазу және монтаждау студиялары, сондай-ақ Dala Edge креативті паркі көрсетілді.Студенттер мен қатысушылар үшін халықаралық мамандардың шеберлік сабақтары өткізілді: NYFA режиссері әрі оқытушысы Роб Пьетри, актер және импровизация шебері Марк Мочаби, AR және ойын технологиялары саласының маманы Кевин Кейтон, продюсер әрі режиссер Майкл Хсюэ, клипмейкер және кинорежиссер Ладо Кватания, қазақстандық кинопродюсер Қуаныш Бейсек, Голливуд сценарисі Гүлжан Токтогұл, режиссер және Unreal Engine маманы Болат Ақназаров, визуалды эффектілер бойынша сарапшы Денис Вежновец, сценаристер Санат Шапашов пен Сергей Литовченко, сондай-ақ NYFA актері әрі оқытушысы Тодд Бруно дәріс оқыды.Күн соңында «CIS MEDIA MARKET TOMORROW: CHALLENGES, FOCUS, COMMUNITY» атты панельдік талқылау өтіп, онда аймақтық медианарықтың даму болашағы сөз болды.NYFA президенті Майкл Янг өз сөзінде былай деді:«Біз New York Film Academy-дің Қазақстанда ашылғанына мақтан етеміз. Бұл жай ғана білім беру жобасы емес, аймақ таланттарын біріктіріп, оларды әлемдік кино индустриясына алып шығатын алаң».Алматы облысының әкімі Марат Сұлтанғазиев өз сөзінде атап өтті: «Жаңа білім ордасы – Мемлекет басшысының елімізде жетекші әлемдік университеттердің филиалдарын ашу жөніндегі тапсырмасына сәйкес жүзеге асырылып отырған жоба. Бұл – білім беру мен креативті индустрияның дамуына қуатты серпін беретін, шығармашыл жастарға жаңа мүмкіндіктер ашатын маңызды қадам. Алматы облысы табиғат сұлулығымен ғана емес, бай мәдени мұрасымен де ерекшеленеді.Бұл – жастарға шабыт пен идея беретін сарқылмас қайнар көз. Академияның ашылуы өңірді мәдени әрі технологиялық орталыққа айналдырып, Қазақстаннан ғана емес, шетелден де дарынды студенттерді тартуға ықпал етеді. Бүгінде облыста 2 миллионнан астам тұрғын бар, олардың 30 пайыздан астамын жастар құрайды. Бұл – жаңа білім беру жобалары мен шығармашылық алаңдарға жоғары сұраныс бар екенін көрсетеді.New York Film Academy Kazakhstan кино, медиа және креативті индустрия саласында білікті мамандарды даярлайтын ірі білім ордасына айналып, аймақ пен елдің өркендеуіне зор ықпал етеді деп сенемін.Ақпарат көзі : https://www.gov.kz/memleket/entities/almobl/press/news/details/1076340?lang=kk

Кең даланы дүбірге бөлеген айтулы дода мәресіне жетті. 20 қыркүйек күні салтанатты түрде Тобыл-Торғай даласынан бастау алған, өткенге тағзым, бүгінге рух, болашаққа аманат ретінде көрнекті ағартушы, Алаш қайраткері Міржақып Дулатұлының 140 жылдығының құрметіне және Қазақстан Халқы Ассамблеясының 30 жылдығына арнайы ұйымдастырылған Халықаралық «Ұлы дала жорығы» марафон-бәйгесінің жеңімпаздары марапатталды.«Ұлы дала жорығы» марафон-бәйгесі ұлттық ат спортының тарихы мен мәдениетін дәріптейді. Бұл тек жарыс емес, халықтың дәстүрі. Батырлық пен ерлікті насихаттайтын ерекше сынақ.Қазақтың дархан даласын дүбірлеткен тұлпарлар бәйгесі 2022 жылдан бері өткізіліп келеді.Биылғы марафонға барлығы 3 мемлекеттен 18 команда қатысты. Марапаттау рәсімінде Қырғызстан, Кабардин-Балқар елінен келген спортшыларға қошемет көрсетілді. Еліміздің намысын қорғау үшін Маңғыстау, Алматы, Жетісу, Қостанай, Шығыс Қазақстан, Абай, Ақтөбе, Атырау, Батыс Қазақстан, Ұлытау сияқты он облыстан, Астана, Алматы қалаларынан және Қазақстан Халқы Ассамблеясының «Бірлік» командасы қатысты.Елеулі сәтте «Ұлы дала жорығы» марафон-бәйгесіне қолдау көрсеткен және ұйымдастыруға ұйтқы болып жүрген ұлт руханиятының және ұлттық спорт жанашырлары зор құрметпен сахна төріне шақырылды. Олар: Қостанай облысының әкімі Құмар Ақсақалов, «AMANAT» партиясының атқарушы хатшысы Дәулет Кәрібек, ҚР Премьер-министрінің кеңесшісі, «Жорық» ат спорты федерациясы «Қамқоршылар кеңесінің» төрағасы Ералы Тоғжанов, Мемлекет және қоғам қайраткерлері Дүйсен Қасейінов, Абай Тасболат және «Жорық» ат спорты федерациясының президенті Бақытжан Тұрлыбеков.Алғашқы болып Қостанай облысының әкімі Құмар Ақсақалов құттықтау сөз сөйледі.«Бүгін біз ерекше қуаныш пен толқынысқа толы сәттің куәсі болып отырмыз. Торғай өңірінде бастау алған «Ұлы дала жорығы» марафон-бәйгесі өзінің мәресіне Арқалық қаласына жетті. Бұл бәйге тек спорттық дода емес, бұл халқымыздың тарихын дәріптейтін, ұлттық рухымызды жаңғыртатын, елдігімізді айқындайтын тағылымды шара болды», – деп атап өтті облыс әкімі Құмар Ақсақалов.«AMANAT» партиясының атқарушы хатшысы Дәулет Кәрібек «Ұлы дала жорығы» марафон-бәйгесінің осыдан үш жыл бұрын тікелей Мемлекет басшысы Қасым-Жомарт Тоқаевтың қолдауымен басталғанын, Торғай елі алтыншы мәрте өткізіп отырғанын, осы уақыт ішінде марафон-бәйге әлемге танымал халықаралық жарыс деңгейіне көтерілгенін тілге тиек етті.«Үш жылдың айналасында бұл бәйге алтыншы мәрте өткізіліп жатыр. Осы уақыт ішінде марафон-бәйге әлемге танымал халықаралық жарыс деңгейіне көтеріліп келеді. Осының бәрі Президентіміздің ұлттық спортты дамытуға жасап отырған қамқорлығының, қолдауының арқасы екенін баса айтуға тиіспіз. Бүгінде Ұлттық спорт халқымыздың ұлттық төлқұжатына, мақтанышына, тіпті өмір салтына айналды десе болады», – деді Дәулет Кәрібек.ҚР Премьер-министрдің кеңесшісі Ералы Тоғжанов Тобыл-Торғай өңірінің Ыбырай Алтынсарин, Ахмет Байтұрсынұлы, Міржақып Дулатұлы сынды ұлы тұлғаларды дүниеге әкелген құтты мекен екенін, ел зиялылары аңсаған Тәуелсіздікке ұрпақтары қол жеткізіп отырғанын, бүгінде қазақ елін әлем танып, дүние жүзіне мәшҺүр болғанын лебізіне арқау етті.«Дүние жүзінде қазақтың туы желбіреп, рухы асқақтап тұр. Оның бәрі елдің бірлікте болғанының арқасында. «Бірлік» командасы бірінші рет қатысып отыр. Оны Ассамблеяның 30 жылдығымен байланыстырып отырмыз. Тәуелсіздіктің тұғыры – бірлік. Бірлігі бар ел ғана тұрақты дамиды. Тұрақтылық бар жерге ғана халық сенім артады. Сенім болса, инвестиция келеді, халық тұрақтайды. Осындай бірлігі жарасқан елде үлкен тойдың куәсі болып жатырмыз», – деді Ералы Тоғжанов.Жарыс нәтижесіне тоқталар болсақ, бірінші орынды Қырғызстан командасы жеңіп алды. Екінші орын Ақтөбе облысының еншісінде. Үшінші орынды Қостанай облысының командасы қанжығалады. Төртінші, бесінші орын алған командаларға да сый-сияпат көрсетілді. Облыс әкімі Құмар Ақсақалов жүлдегерлерді құттықтап, келер жылы Арқалық қаласының 70 жылдық мерейтойының құрметіне жарысты жалғастыруды ұсынды.Ақпарат көзі : https://www.gov.kz/memleket/entities/kostanay/press/news/details/1076354?lang=kk

Алматы облысында 2022 жылдан бастап жерді мемлекет меншігіне қайтару бағытында жоспарлы жұмыс жүргізіліп келеді. Осы уақыт аралығында жалпы аумағы 483,6 мың гектарды құрайтын 1 488 жер телімі мемлекетке қайтарылды.Қайтарылған жерлердің игерілуі:•165,6 мың гектар конкурс арқылы ауыл шаруашылығы айналымына енгізілді;•142,3 мың гектар ауылдық округтерге бекітіліп, тұрғындарды жайылыммен қамтамасыз етуге бағытталды;•18,6 мың гектар инвестициялық жобаларды жүзеге асыруға берілді.2022–2025 жылдары аудан және қала әкімдіктері ҚР Жер кодексінің 92, 94 және 147-баптарына сәйкес жалпы аумағы 195,6 мың гектарды құрайтын 930 пайдаланылмай жатқан жер учаскесіне қатысты материалдарды Жер ресурстарын басқару департаментіне (ЖРБД) жолдады.2025 жылдың басынан бері Қонаев қаласының әкімдігі де бұл бағыттағы жұмыстарды күшейтіп, ЖРБД-ға 55 жер учаскесі бойынша (42-сі – коммерциялық, 13-і – ауыл шаруашылығы мақсатындағы) құжаттарды жолдады. Аталған жерлер Капшагай су қоймасы мен Іле өзенінің маңында орналасқан. Сонымен қатар, жер пайдаланушыларға 61 ескерту-хат жіберілді.🔹 Бұрынғы лауазымды тұлғаларға тиесілі болған кейбір жерлерге қатысты деректер де қарастырылуда:•2006 жылы Іле ауданы әкімдігінің қаулысымен «Монтажник» шаруашылығына 13 883,9 га жер бөлінген;•2005–2007 жылдары «DALA INVEST GROUP» ЖШС-не 2 952,07 га жер берілген;•2022 жылы «AL-AGRO GROUP» ЖШС-не 44,93 га жер нотариалдық келісім негізінде өткен;•Алатау қаласында 28,7 га жер телімі тіркелген;•2013–2025 жылдары «Billboards Empire» ЖШС Іле ауданында, Қонаев және Алатау қалаларында жарнамалық билбордтарға арналған 38 жер учаскесін рәсімдеген.Барлық шешімдер қолданыстағы заңнамаға сәйкес қабылдануда. ҚР Жер кодексінің 147-бабына сәйкес, жерді бөлу және пайдалану заңдылығын тексеру құзыреті Жер ресурстарын басқару департаментіне тиесілі. Қажетті шаралар қабылданғаннан кейін қосымша ақпарат ресми түрде жарияланатын болады.Ақпарат көзі : https://www.gov.kz/memleket/entities/almobl/press/news/details/1076366?lang=kk

Алматы облысында Еңбек күнін атап өту дәстүрге айналды. Бұл күн тек өңірдің емес, тұтас елдің дамуына үлес қосқан еңбек адамдарын ұлықтау мерекесі.Биыл аймақтағы белсенді бағдарлама 19 қыркүйекте Талғар аудандық Мәдениет үйінде басталды. Мұнда «Еңбек жолы», «Парыз» конкурстарының жеңімпаздары және облыстың барлық аудандарынан келген жұмысшы мамандық иелері марапатталды. Көптеген азаматтарға облыс әкімі атынан дипломдар, алғыс хаттар және ақшалай сертификаттар табысталды.Кейін еңбек ардагерлеріне, жұмысшы мамандық иелеріне, әлеуметтік сала қызметкерлеріне және басқа да мамандарға арналған концерттік бағдарлама өтті. Ал Мәдениет үйінің алдындағы алаңда «Керуен» жобасы мен бос жұмыс орындары жәрмеңкесі басталды.Айта кету керек, «Керуен» – жұмысшы мамандықтарын насихаттауға, еңбек беделін арттыруға, халықты мемлекеттік қолдау шаралары, кәсіптік оқыту, жұмыспен қамту және кәсіпкерлікті дамыту мүмкіндіктері туралы ақпараттандыруға бағытталған жоба. Бағдарлама облыстың барлық аудан-қалаларында өткізіліп, жастармен, ауыл тұрғындарымен, колледж студенттерімен және жұмыссыз азаматтармен кездесулер түрінде ұйымдастырылады. «Керуеннің» жұмысына аудан әкімдіктері, жұмыспен қамту, білім беру, кәсіпкерлік, жастар саясаты, мәдениет басқармаларының өкілдері, мансап орталықтары, колледждер, кәсіпкерлер секторы және кәсіби бағдар беру мамандары қатысады.Негізгі назар жастарды техникалық және кәсіптік білім беру жүйесіне тартуға, сұранысқа ие жұмысшы мамандықтарын таныстыруға, білім беру бағдарламаларын, «Бастау Бизнес», «Enbek Skills» жобаларын, микрокредиттерді, әлеуметтік гранттарды және басқа да бастамаларды түсіндіруге аударылады.Алайда мереке мұнымен аяқталған жоқ. Еңбек күнін апталық форматта атап өту Есік қаласында жалғасты. Мұнда белсенді ұзақ өмір сүру орталығында TED форматындағы облыстық конференция басталды. Оған еңбек ардагерлері, әлеуметтік сала қызметкерлері қатысты. Сонымен қатар Талғар ауданында «Жұмысшы мамандықтар жылы» аясында мансап орталығында ашық есік күні өтті. Облыс орталығы – Қонаев қаласы да тыс қалмады. Мұнда да мансап орталығында ашық есік күні ұйымдастырылып, жұмыс берушілермен кездесу өтті. Акцияға Жамбыл және Еңбекшіқазақ аудандары қосылды. Бұл аудандарда бос жұмыс орындары жәрмеңкелері өтті, ал кейін мансап орталығында әлеуметтік салаға қосқан үлесі үшін қызметкерлер марапатталды.Сонымен қатар жастарға кәсіби бағдар беруге бағытталған «Менің мамандығым – менің болашағым» флешмобы өтті. Бұдан бөлек, студенттер қолөнер, тағам өндірісі, электротехника, дәнекерлеу ісі, ІТ-технологиялар және тігін өндірісі бойынша көрмелер мен шеберлік сыныптарын өткізді.Айта кетейік, жыл басынан бері Алматы облысында жастарды жұмысшы мамандықтарына тарту және оларды жұмыспен қамту бағытында ауқымды жұмыс жүргізіліп келеді. Атап айтқанда, 33 бос жұмыс орындары жәрмеңкесі және 37 ашық есік күні ұйымдастырылды. Бұл іс-шараларға 508 жұмыс беруші, 3008 жұмыс іздеуші, сондай-ақ 761 оқушы мен 727 студент қатысты.«Еңбек жолы» және «Парыз» конкурстары Алматы облысында өттіСоңғы жылдары аймақта тұрақты түрде өткізіліп келе жатқан конкурстар жаңа есімдерді ашып, аудан ғана емес, бүкіл облыс үшін мақтаныш символына айналды. Олар адал еңбек пен өзара көмек, мамандықтарды насихаттау Алматы облысының дамуына зор үлес қосатынын дәлелдеді.Ұйымдастырушылардың айтуынша, мұндай конкурстардың басты мақсаты – еңбектің қоғамдық маңызын арттыру және түрлі сала қызметкерлерін дәріптеу. Сондай-ақ адал еңбек, еңбек әулеттері мен жас мамандардың құндылықтарын насихаттау ерекше маңызды. Ал өңірлік кезең жеңімпаздарын марапаттау – жергілікті тұрғындар үшін үлкен демеу.Акция аясында өңірдің үздік мамандары атап өтіліп, марапатталды. Құрметті қонақтар – еңбек ардагерлері мен кәсіподақ өкілдері олардың еңбегін ғана емес, облыстың, ауданның және ауылдардың дамуына қосқан үлесін де атап өтті. Шарада облыстық мәслихат төрағасы ерекше сөз сөйледі.– Бүгін біз осы маңызды мерекені атап өту үшін жиналдық. Еңбек күні – барлық буын мен мамандықтарды біріктіретін мереке. Бұл – қарапайым адамның адал еңбегіне, шыдамдылығы мен табандылығына құрмет көрсету күні. Қадірлі еңбек адамдары, сіздер біздің отбасыларымыздың, аудандарымыздың және тұтас Алматы облысының игілігінің негізін қалайсыздар. Біз үшін үлкен мақтаныш – «Еңбек жолы» мен «Парыз» конкурстарының өңірлік кезеңінің жеңімпаздарын, сондай-ақ аудандардан келген жұмысшы мамандық иелерін марапаттау. Бұл азаматтар өз еңбексүйгіштігімен, жауапкершілігімен және ісіне адалдығымен үлгі көрсетіп, өңіріміздің дамуына зор үлес қосуда, – деді ол.Сонымен қатар аудандарда да Еңбек күніне арналған іс-шаралар өтті. Қатысушылар үшін бос жұмыс орындары жәрмеңкесі, жұмысшы мамандықтарына маманданған оқу орындарының таныстырылымы, мемлекеттік гранттар мен микрокредит иелерінің өнімдері қойылған көрмелер ұйымдастырылды.Алматы облысында бірқатар еңбек адамдары марапатталдыМемлекет басшысы Қасым-Жомарт Тоқаев 2025 жылды «Жұмысшы мамандықтар жылы» деп жариялаған болатын. Бұл бастама еңбек адамының мәртебесін көтеруге және қарапайым еңбекті дәріптеуге бағытталған маңызды шешім болды.Осыған орай, 2025 жылғы 19 қыркүйекте Алматы облысында Еңбек күніне арналған салтанатты шара өтті. Талғар ауданында «Еңбек жолы», «Парыз – 2025» конкурстарының жеңімпаздары және облыстың үздік жұмысшы мамандары марапатталды. Оларға облыс әкімі атынан алғыс хаттар, дипломдар және ақшалай сертификаттар табысталды.«Еңбек жолы» конкурсы үш номинация бойынша өтті: «Үздік еңбек әулеті», «Жұмысшы жастардың үздік тәлімгері», «Өндірістің үздік жас маманы». Бұған қоса, «Парыз – 2025» облыстық кезеңінің жеңімпаздары марапатталды. Еңбек ардагерлері мен өндіріс озаттарының еңбегі ерекше атап өтіліп, 11 адамға құрметті марапат берілді.Талғар ауданы әкімінің орынбасары Айбек Бидаев салтанатты рәсімде сөз сөйлеп, еңбеккерлерге жылы лебізін білдірді.– Бүгін марапатқа ие болғандар – өз еңбегімен өңірдің дамуына үлкен үлес қосқан жандар. Сіздердің еңбектеріңіз – өскелең ұрпаққа үлгі, ал жетістіктеріңіз – қоғамның өркендеуіне жол ашатын құндылық, – деді ол.Шарада үздік еңбек әулеттері – Абдрахмановтар, Сайбировтар, Бакеновтар марапатталды. Жастарға тәлімгерлік еткендер қатарынан Райымбек ауданынан Жанат Керімбаев, Кеген ауданынан Ернат Инсебаев және Қарасай ауданынан Айман Байсеитова үздік деп танылды. «Өндірістің үздік жас маманы» атағына Іле ауданынан Дильфуза Бақытжанова, Кеген ауданынан Ермахан Бекмұрат және Алатау қаласынан Дархан Жақаев ие болды. «Парыз – 2025» байқауында Ұйғыр ауданынан Юлдаш Семятов, Еңбекшіқазақ ауданынан Уларым Тұрсын және Қонаев қаласынан Ләззат Салықова жеңімпаз атанды.Сонымен бірге кабельшілер, бас инженерлер, ораушылар, желі операторлары, инженерлер, тракторшылар, электромонтерлер, су арнасы шеберлері, жүргізушілер, етікшілер және басқа да жұмысшылар түрлі марапаттарға ие болды.Айта кетейік, жыл басынан бері облыста жастарды жұмысшы мамандықтарына тартуға және оларды жұмыспен қамтуға бағытталған бірқатар шаралар өткізілді. Атап айтқанда, 33 бос жұмыс орындары жәрмеңкесі және 37 ашық есік күні ұйымдастырылды. Бұл іс-шараларға 508 жұмыс беруші, 3008 жұмыс іздеуші (оның ішінде 1333 жас маман), 761 оқушы және 727 студент қатысты.Адал еңбек – ұрпаққа өнегеМерекеде үздік еңбек әулеттері марапатталды. Солардың бірі – Іле ауданындағы «Алель Агро» АҚ-да еңбек ететін Абдрахмановтар отбасы.– Еңбек – біздің отбасымыздың басты құндылығы. Әкелеріміз бен аталарымыз еңбекқорлықты өмірлік қағида етіп, бізге үлгі көрсетті. Біз сол жолды жалғастырып келеміз. Мұндай марапатты тек өз отбасымыздың емес, барша еңбек адамдарының құрметі деп білемін, – деді Абдрахмановтар әулетінің үлкені.Бұл сөздер еңбек әулеттерінің ұрпақ сабақтастығын сақтап, адал еңбекті дәріптеп келе жатқанын дәлелдейді.Қоғам үшін ортақ құндылықМереке аясында «Керуен» жобасы, бос жұмыс орындары жәрмеңкесі, студенттік флешмоб және кәсіби шеберлік сабақтары ұйымдастырылды. Мемлекеттік грант иелері өздерінің бизнес-жобаларын ұсынып, еңбек нарығының дамуына жаңа серпін берді. Барлығы 400-ден астам адам қатысқан шарада 500-ге жуық бос жұмыс орны ұсынылды.Бұл бастамалар еңбек адамдарын қоғамдағы мәртебесін арттырып қана қоймай, жастарға жаңа мүмкіндіктер ашты, кәсіби бағдар берді және еңбек нарығындағы сұраныс пен ұсынысты үйлестіруге нақты үлес қосты.Еңбек күні – ең алдымен еңбек адамының мерекесі. Бұл күн әрбір тынбай еңбек еткен жанның қоғам дамуына қосқан үлесін бағалайды. Өз еңбегімен елге үлгі болып жүрген азаматтар – мемлекеттің нағыз тірегі.Ақпарат көзі : https://www.gov.kz/memleket/entities/almobl/press/news/details/1076383?lang=kk

Баршаңызды Еңбек күнімен құттықтаймын!Осы айтулы күні адал еңбегімен қоғамның игілігі және оның өркендеуіне елеулі үлес қосып жүрген барша жандарға шын жүректен алғысымды білдіремін. Еңбек адамы - кез-келген өндірістің тірегі, тұрақтылық пен өсудің қайнар көзі.Мемлекет Басшысы Қасым-Жомарт Тоқаев өз сөзінде еңбек адамының ел дамуына қосқан үлесін ерекше атап өткен болатын. Биылғы жылдың «Жұмысшы мамандықтар жылы» деп жариялануы да осыны дәлелдей түседі.Тобыл-Торғай өңірі қашанда еңбегімен елге үлгі болған қасиетті өлке. Даламызды дүбірлеткен диханымыз да, өнеркәсіп пен өндірістің алдыңғы шебінде жүрген жұмысшыларымыз да – барлығы туған жердің өркендеуіне үлес қосып келеді.Еңбек – береке бастауы. Әр күнімізді абыройлы іспен өрнектеп жүрген жерлестеріміздің қажырлы еңбегі біз үшін үлкен мақтаныш. Біз әрқашан еңбек әулеттерін, өз ісінің майталмандары мен жасампаздық жолын таңдаған жас мамандарды мақтан тұтамыз! Осы мереке күні сіздерге зор денсаулық, амандық, толағай табыс пен игілікті істеріңізге сәттілік тілеймін. Еңбектеріңіз лайықты бағаланып, қуаныш пен береке әкелсін!Қостанай облысының әкімі Қ. АқсақаловАқпарат көзі : https://www.gov.kz/memleket/entities/kostanay/press/news/details/1076384?lang=kk

Маңғыстау ауданына қарасты Сайөтес елді мекенінде мәдениет қызметкерлері «Айбалта-2025» жедел-стратегиялық командалық-штабтық оқу-жаттығуына қатысушы әскери қызметшілерге арнап концерттік бағдарлама ұсынды.Іс-шара барысында патриоттық әндер мен музыкалық шығармалар орындалып, жауынгерлерге рухани серпіліс сыйлады. Көтеріңкі көңіл-күй жауынгерлердің өз күшіне деген сенімін арттырып, оқу-жаттығу міндеттерін табысты орындауға ынталандырды. Сонымен қатар, Отанға деген мақтаныш сезімін тереңдете түсті.– Оқу-жаттығу кезінде біз тек жауынгерлік дайындыққа ғана емес, жеке құрамның моральдық-психологиялық жай-күйіне де ерекше көңіл бөлеміз. Мұндай рухани іс-шаралар сарбаздардың жауынгерлік рухын жоғары деңгейде ұстауға ықпал етеді және әрбір патриоттың жүрегінде Отан бар екенін еске салады, – деді «Шығыс» өңірлік қолбасшылығы әскерлері қолбасшысының тәрбие және идеологиялық жұмыс жөніндегі орынбасары подполковник Азамат Жұмағазиев.Әскери қызметшілер өнерпаздарға ыстық ықылас танытып, көңіл бөлгені мен қолдау көрсеткені үшін алғыс білдірді. Олардың айтуынша, шығармашылық ұжыммен кездесу сарбаздарға қуат беріп, алдағы оқу-жаттығу тапсырмаларын сапалы орындауға жігер сыйлайды. Ақпарат көзі : https://www.gov.kz/memleket/entities/mod/press/news/details/1076416?lang=kk

«Естуші мемлекет» тұжырымдамасына сәйкес Түркістан облысында ҚР Қаржы министрлігінің өкілдері өңір тұрғындарымен, бизнес қауымдастығымен және Мемлекеттік кірістер департаментінің қызметкерлерімен кездесу өткізді. Диалогтың негізгі тақырыбы – салық жүйесінің ашықтығы мен әділеттілігін арттыруға бағытталған шаралар болды.ҚР Қаржы вице-министрі Ержан Біржанов қатысушыларға жаңа Салық кодексіндегі негізгі өзгерістерді таныстырды: салық есептілігін 30%-ға қысқарту, камералдық бақылауды ескерту форматына көшіру, шоттарды автоматты түрде бұғаттаудан бас тарту, сондай-ақ салық төлеуді кейінге қалдыру және бөліп төлеу рәсімдерін жеңілдету. Бұл қадамдар бизнес пен азаматтар үшін қолайлы жағдай жасауға бағытталған.Сонымен қатар, жұмыс сапары аясында вице-министр «Жібек жолы» және «Қазығұрт» кеден бекеттерінің қайта құру барысымен танысты. Инфрақұрылымды жаңғырту мемлекеттік бақылаудан өту тәртібін жақсартып, сыртқы экономикалық қызметке қатысушыларға көрсетілетін қызмет сапасын арттыруға мүмкіндік береді.Іс-шаралар қорытындысы бойынша құрылыс-монтаж жұмыстарын жеделдету және реконструкцияны белгіленген мерзімде сапалы аяқтау тапсырылды.Ақпарат көзі : https://www.gov.kz/memleket/entities/minfin/press/news/details/1076420?lang=kk

Ар-Рияд, 2025 жылғы 28 қыркүйек – Қазақстан Республикасының Сауд Арабиясындағы Елшісі Мадияр Меңілбеков Ислам ынтымақтастығы спорт қауымдастығының Бас хатшысы Насер Айман Маджалимен кездесу өткізді.Кездесу барысында тараптар 2025 жылғы 7-21 қараша аралығында Ар-Рияд қаласында өтетін VI Ислам ынтымақтастығы ойындарының ұйымдастырылу мәселелерін талқылады. Аталған ауқымды спорттық шара төрт жылда бір рет өткізіліп, спорттың 23 түрін қамтитын болады.Ислам ынтымақтастығы ойындары – қатысушы мемлекеттер арасындағы достық пен ынтымақтастықты нығайтуға, сондай-ақ спорт арқылы бейбітшілік пен өзара түсіністікті ілгерілетуге бағытталған маңызды халықаралық алаң болып табылады.Ақпарат көзі : https://www.gov.kz/memleket/entities/mfa-riyadh/press/news/details/1076433?lang=kk

             Бүгін Тайынша ауданының «АМАНАТ» партиясы филиалы алаңында бизнес өкілдері үшін жаңа Салық кодексін түсіндіру бойынша семинар өтті.           Семинарға ауданның ірі агроқұрылымдары, орта және шағын бизнес өкілдері қатысты.           Кездесу барысында корпоративтік табыс салығы, қосылған құн салығы, жеке табыс салығы, салықтық тексерулер, салық берешегін мәжбүрлеп өндіріп алу, тәуекелдерді басқару жүйесі, арнайы салық режимдері және т.б. бойынша қабылданған нормалар талқыланды.                                       Салықтөлеушілер өздерін қызықтыратын сұрақтар қойды, мысалы:           1.Оңайлатылған декларацияда СТ-мен жұмыс істеу кезінде шығыстарды шегерімге жатқызу мүмкіндігі ;Енді ауыл шаруашылығы тауарын өндірушілерге қалай салық салынады;АСР-і өзін-өзі жұмыспен қамтығандарға көшу тәртібі;2025 жылғы салық шегерімдері, 2026 жылғы есептілікті ұсыну тәртібі.          Сөз сөйлеген спикерлер: Аудит басқармасы басшысы Кұрмашев Е.Ж., түсіндіру жұмысы және байланыс орталығы басқарма басшысы Некрасова Н.В., өндірістік емес төлемдер басқармасы басшысы Қоспаев С.А., қосылған құн салығы әкімшілендіру бөлім басшысы  Белоусов А.О. Ақпарат көзі : https://www.gov.kz/memleket/entities/kgd-sko/press/news/details/1076069?lang=kk

24 қыркүйек күні Үкілі Ыбырай атындағы Ақмола облыстық филармонияда қазақтың дәстүрлі ән өнерінің іргетасын қалаушылардың бірі, асқан дарын иесі Үкілі Ыбырайдың 165 жылдығына арналған «Қалдырған әнім аманат» атты мерекелік концерт өтті.Концертке еліміздің танымал әншілері: Қазақстанның еңбек сіңірген әртістері Ғалым Мұхамедин (Жезқазған қ.) мен Бисара Макенова (Көкшетау қ.), Қазақстанның еңбек сіңірген қайраткері Нұрболат Арзамасұлы (Астана қ.), мәдениет саласының үздігі Медет Осатаев (Қарағанды қ.) қатысты.Сонымен қатар филармонияның шығармашылық ұжымдары мен әншілері – К.Күмісбеков атындағы қазақ халық аспаптар оркестрі, көркемдік жетекшісі және бас дирижері “Мәдениет саласының үздігі” Руслан Қойшыбаев, «Халық алғысы» медалінің иегері Жанат Есов, «Ерен еңбегі үшін» медалінің иегері Эльмира Төлеубаева, «Шапағат» медалінің иегері Аякөз Қалмағанбетова, республикалық байқаулардың лауреаттары Сәрсенбай Хасенов пен Зәмзәгүл Смағұл өз өнерлерін ортаға салды.Кеш барысында Арқаның әншілік дәстүрі дәріптеліп, Үкілі Ыбырайдың шығармашылығы мен қазақ өнеріндегі орны айрықша атап өтілді. Концерт соңында өнерпаздарға алғыс айтылып, халықтың ықыласына бөленді.Үкілі Ыбырайдың асыл мұрасы – қазақ халқының рухани байлығы, келешек ұрпаққа қалдырған баға жетпес аманат.Ақпарат көзі : https://www.gov.kz/memleket/entities/aqmola-madeniet/press/news/details/1076077?lang=kk

Бүгін Қызылордада Әдеп жөніндегі уәкілдердің республикалық форумы өтті. Форум жұмысына облыс әкімі Нұрлыбек Нәлібаев, ҚР Мемлекеттік қызмет істері агенттігінің төрағасы Дархан Жазықбай, Парламент Сенатының депутаты Наурызбай Байқадамов, Президент жанындағы Мемлекеттік басқару академиясының ректоры Азамат Жолманов қатысты.Сонымен қатар, басқосуда аймақтың жауапты сала басшылары, агенттік қызметкерлері, орталық мемлекеттік органдар мен өңірлердің, қала, аудан әкімі аппараттарының, облыстағы мемлекеттік органдардың әдеп жөніндегі уәкілдері, әдеп жөніндегі кеңес мүшелері, зиялы қауым өкілдері де болды.Н.Нәлібаев облыстың әлеуметтік-экономикалық дамуындағы жетістіктерді атап өтіп, форум жұмысына сәттілік тіледі.«Аймақтың әлеуметтік-экономикалық дамуында оң тенденция қалыптасты. Өңіріміз негізгі макроэкономикалық көрсеткіштер бойынша республикада алғашқы орындарда.Мемлекет басшымыз «Әділетті Қазақстанды құру үшін әрбір қызметшінің отаншыл, адал болуы және өз ісіне жауапкершілікпен қарауы өте маңызды», – деп атап өткен болатын.Халықтың әл-ауқатын арттыруға бағытталған ұлттық жобаларды жүзеге асыруда, қоғамдық-саяси ахуалдың тұрақтылығын қамтамасыз етуде маңызды рөлді мемлекеттік қызметшілер институты атқаруда.Агенттік мемлекеттік қызметтің сервистілік, клиентке бағдарлану қағидаттарына негізделген моделін қалыптастыру, кәсібилендіру, билік институттарын дамыту бағытындағы жұмыстарға бастамашы болып келеді. Бүгінгі жиынның маңыздылығын ескеріп, форум барысында тиімді ұсыныстар мен байыпты бастамалар талқыланатынына сенімдімін», – деді Н.Нәлібаев.Д.Жазықбай мемлекетке қызмет ету – ең құрметті әрі аса жауапты міндет екенін айтып, маңызды бастамаларға тоқталды.«Барлық құзырлы органдар арасында ортақ көзқарас пен ұстаным болуға тиіс. Бұл – ешқандай құқықбұзушылыққа жол бермеу, яғни, кез келген заңсыздыққа қарсы тұру деген ұстаным.Мемлекет басшысының бастамаларын сапалы жүзеге асыруда мемлекеттік қызметшілер шешуші рөл атқарады», – деді агенттік төрағасы.Жиында Н.Байқадамов «Мемлекеттік қызметшілерді адамдардың құқыққа қайшы әрекеттерінен қорғау», А.Жолманов «Мемлекеттік қызметтің құндылықтары: Антқа адалдық» тақырыбында баяндама жасады.Сондай-ақ, аймақтың өркендеуі жолында елеулі еңбек еткен мемлекеттік қызметкерлер ҚР Мемлекеттік қызмет істері агенттігінің «Үздік сапалы мемлекеттік қызмет көрсетуші» грамотасымен, агенттік төрағасының Алғыс хатымен марапатталды.Форумның екінші бөлімінде мемлекеттік қызметшілердің Әдеп кодексіне өзгерістер мен толықтырулар енгізу, профилактика қызметі туралы мәселелер талқыланған панельдік сессия өтіп, Әдеп жөніндегі уәкілдердің өткен жылғы және биылғы бірінші жартыжылдықтағы жұмыс нәтижелеріне жасалған талдау қорытындыланды.Айта кетейік, бүгінде аймағымызда 3 300-ден астам мемлекеттік қызметші бар. Оның 1800-ден астамы жергілікті атқарушы органдарда еңбек етуде. Биыл 700-ге жуық азаматтың мәселелері тыңдалып, тиісті тапсырмалар берілді. Бірінші жартыжылдықта 3 млн-нан астам мемлекеттік қызметтің 99,3 пайызы электронды түрде көрсетілген.Ақпарат көзі : https://www.gov.kz/memleket/entities/kyzylorda/press/news/details/1076104?lang=kk