Жұмыс сапарында ҚР Парламенті Мәжілісінің депутаттары Мұрат Ергешбаев пен Мархабат Жайымбетов Тереңөзек кентіндегі теміржол вокзалының қайта жаңғырту жұмыстарын көрді.Қазіргі таңда вокзал ғимаратының құрылысы қарқынды жүргізілуде. Аталған жоба аудан тұрғындары үшін маңызды болып табылады. Себебі, аудан аумағынан өтетін 46 шақырымдық теміржол желісі халықтың еркін қатынауына мүмкіндік береді. Жаңа вокзалдың пайдалануға берілуі жолаушыларға қолайлы жағдай жасап, көрсетілетін қызмет сапасын арттыруға ықпал етеді. Бұл өз кезегінде Тереңөзек кентінің инфрақұрылымдық дамуына серпін бермек.– Темір жол арқылы көптеген тұрғындар қатынайды. Олар аудан аумағынан өткенде өңірдің әлеуетіне, санитарлық тазалығына баға беретін болады. Аймақ басшысы Нұрлыбек Машбекұлы Нәлібаев темір жол вокзалдарының талапқа сай болуын, айналасының тазалығына үнемі мән береді. Сондықтан барлық талапты сақтап, қызмет сапасын арттыруға барынша күш салудамыз, – деді Берік Әбдіғаппарұлы.Халық қалаулылары мердігер мекеме өкіліне құрылыс жұмыстары сапалы жүргізілу керектігін тілге тиек етті.Айта кетейік, «Тереңөзек теміржол вокзалын күрделі жөндеу және аумағын абаттандыру» жобасы әзірленген. Қазіргі таңда мердігер мекеме «РиА-Сервис ЛТД» ЖШС құрылыс жұмыстарын жүргізуде.Ақпарат көзі : https://www.gov.kz/memleket/entities/kyzylorda-syrdarya/press/news/details/1139578?lang=kk

Бүгін оқу жылының үшінші тоқсанының басталуына орай аудан әкімі Берік Сәрменбаев аудан орталығындағы №131 Т.Қозыбаев атындағы орта мектепке барды. Аталған білім ошағын аралап, білім беру ұйымындағы кабинеттердің жабдықталуы, ыстық тамақпен қамтамасыз етілуі, материалдық-техникалық базасының жағдайымен танысты. Одан бөлек, жылу қазандығының жай-күйін көрді.Білім беру ұйымында 332 оқушы білім алса, оларға 54 мұғалім сапалы білім мен саналы тәрбие беруде. Оқушылардың сапалы білім алуы үшін барлық жағдай жасалған.Аудан әкімі елдің ертеңгі тізгіні білімді ұрпақтың қолында екенін айтып, білімді ұрпақты тәрбиелеу ұстаздар қауымына жүктелген абыройлы міндет екенін атап өтті. Жас ұрпақтың бойында тұлғалық қасиеттерді қалыптастырып, мектеп ұстаздарының кәсіби шеберліктерін одан әрі шыңдаудалуын, білім сапасын арттырудағы игі бастамаларда шығармашылық ізденіс, жаңа серпін болу керектігін жеткізді. Биыл мектеп бітіруші түлектермен кездесіп, қалаған мамандық иесі болуға, ҰБТ-дан жоғары бал жинауға тілектестік білдірді.Аудан басшысы аудандық білім бөлімінің басшысы мен мектеп директорына балалар қауіпсіздігін қатаң бақылауда ұстап, жылу беру маусымында мәселе туындамау керектігін тапсырды.Ақпарат көзі : https://www.gov.kz/memleket/entities/kyzylorda-syrdarya/press/news/details/1139583?lang=kk

Ұлттық статистика бюросының алдын ала деректеріне сәйкес, 2025 жылдың қаңтар-желтоқсан айларының қорытындысы бойынша Қазақстанның жалпы ішкі өнімі өткен жылдың осы кезеңімен салыстырғанда 6,5%-ға өсті.Мемлекет басшысының тапсырмасы бойынша Үкімет экономиканы әртараптандыру жөнінде жүйелі шаралар қабылдауда. Өткен жылы экономикалық өсімге негізгі үлесті көлік, құрылыс және сауда салалары қосты.Өнеркәсіп өндірісінің индексі жыл қорытындысы бойынша 7,4%-ды құрады. Өңдеу секторы 6,4% деңгейінде тұрақты өсімді көрсетуде. Көрсеткіштер азық-түлік өндірісінің 8,1%-ға, өңделген мұнай өнімдерін өңдеу 5,9%-ға, химия өнеркәсібі өнімдерінің 9,8%-ға, металлургияның 1,2%-ға, машина жасау өнімдерінің 12,9%-ға ұлғаюына байланысты қамтамасыз етілді. Өсім Ақтөбе, Алматы, Атырау, Батыс Қазақстан, Жамбыл, Жетісу, Қарағанды, Қостанай, Маңғыстау, Павлодар, Солтүстік Қазақстан, Ұлытау, Түркістан облыстарында, Астана, Алматы және Шымкент қалаларында байқалды.Жыл қорытындысы бойынша көлік және қоймалау саласындағы өсім 20,4%-ды құрады (қаңтар-қарашада – 20,3%). Бұл жүк тасымалы көлемінің, ең алдымен автомобиль және теміржол көлігі арқылы тасымалдаудың ұлғаюына, сондай-ақ бірқатар өңірде жолаушылар тасымалының артуына байланысты болды. Қосымша көлік қызметтерінің, оның ішінде жүктерді экспедициялау, әуе қозғалысын басқару қызметтерінің, әуежайлардың, қоймалар мен пакгауздардың қызметтерінің, астық сақтау қызметтерінің және салқындатылған жүктердің көлемінің артуы байқалады.Құрылыс саласында өсім 15,9%-ды құрады, бұл 2025 жылғы қаңтар–қараша (14,7%) көрсеткішінен жоғары. Өсім жайлы мектептер, медициналық нысандар, көлік және инженерлік инфрақұрылымдар салуды қоса алғанда, инфрақұрылымдық және әлеуметтік жобаларды жүзеге асырумен қамтамасыз етілген. 2025 жылғы қаңтар-желтоқсанда пайдалануға берілген тұрғын үйдің жалпы ауданы 20,1 млн шаршы метрді құрады, бұл 2024 жылғы деңгейден 5,1%-ға жоғары.Сауда саласында да оң серпін сақталды: 2025 жылдың қаңтар–желтоқсан айларында өсім 8,9%-ды құрады (қаңтар-қарашада – 8,8%). Негізгі үлес жалпы көлемнің үштен екісінен астамын құраған көтерме саудаға тиесілі болды. Көтерме сауда көлемінің өсу қарқынына астық, тұқым және мал азығын сататын кәсіпорындар – 2,6 есе, машиналар мен жабдықтар – 99,8%, фармацевтикалық тауарлар – 44,1%, автомобильдер мен жеңіл автокөлік құралдары – 33%, сүт өнімдері, жұмыртқа мен майлар – 25,8%, қант, шоколад және қантты кондитерлік өнімдер – 21,2%, кең ассортименттегі тауарлар – 12,5% әсер етті.Ауыл, орман және балық шаруашылығындағы көрсеткіштер 5,9% құрады. Өсім өсімдік шаруашылығында (7,8%) және мал шаруашылығында (3,3%) оң динамика қамтамасыз етілген.Ақпарат және байланыс саласында өсім 3,6%-ды құрады.Жалпы алғанда, 2025 жылдың қорытындысы бойынша экономиканың жиынтық өсімі негізгі салалардың тұрақты дамуын көрсетті.https://www.gov.kz/memleket/entities/economy/press/news/details/1139501?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1140137?lang=kk

Басқұдық ауылдық округі әкімінің орынбасары А. Жангелдин, Мұнайлы аудандық кәсіпкерлік және ауыл шаруашылығы бөлімінің маманы, Халықтық бақылау тобының мүшелері және ауылдық округтің депутаты С. Хантораевпен бірге Басқұдық ауылдық округі аумағында орналасқан “Қызғалдақ”, “Айдана”, “Құрмет”, “Ақсұлтан” азық-түлік дүкендері мен “Нұр Ази” шағын маркетіне мониторинг жұмыстарын жүргізді.Мониторинг барысында әлеуметтік маңызы бар азық-түлік тауарларына баға белгілеу талаптарының сақталуы, атап айтқанда, үстеме бағаның 15%-дан аспауы және әрбір тауарға баға көрсеткішін қою қажеттілігі жөнінде кәсіпкерлерге түсіндіру жұмыстары жүргізілді.Монитроинг мақсаты – ауыл тұрғындарының әлеуметтік әл-ауқатын сақтау және азық-түлік бағасының негізсіз өсуіне жол бермеу. Аталған жұмыстар жұмыстары алдағы уақытта да жалғасын табатын болады.Ақпарат көзі : https://www.gov.kz/memleket/entities/mangystau-munaily-basqudyq/press/news/details/1139507?lang=kk

Бүгін ауданға жұмыс сапары барысында ҚР Парламенті Мәжілісінің депутаттары Мұрат Ергешбаев пен Мархабат Жайымбетов аудан ардагерлерімен кездесті.Кездесу барысында халық қалаулылары ардагерлерді Жаңа жылмен құттықтап, елдегі азаматтардың жағдайын көзбен көру, ауылдық елді мемекендерді дамыту, азаматтарды әлеуметтік қолдау бағытында мемлекет тарапынан жасалып отырған жұмыстардың жүзеге асырылу барысымен танысу мақсатында жұмыс сапарымен келгендерін атап өтті. Сонымен бірге, ашық пікір алмасу арқылы жергілікті жерлердегі негізгі проблемалық мәселелерді анықтап, оларды заңнамалық тұрғыда жүзеге асуына қолдау білдіру екенін айтып, алдағы жоспарларымен бөлісті.Өз кезегінде аудан ардагерлері Сыр өңірінде, оның ішінде ауданда атқарылып жатқан жұмыстарға ризашылықтарын білдірді. Сондай-ақ, депутаттарға ұсыныс-пікірлерін жеткізді.Халық қалаулылары ұсыныстарды назарға алып, сол бағытта жұмыстар жүргізілетінін атап өтті.Ақпарат көзі : https://www.gov.kz/memleket/entities/kyzylorda-syrdarya/press/news/details/1139454?lang=kk

Бүгін облыс әкімі Нұрлыбек Нәлібаев, Оқу-ағарту министрі Жұлдыз Сүлейменова Қармақшы аудандық білім бөліміне қарасты Байқоңыр қаласындағы №277 мектеп-лицейдің жұмысымен және материалдық базасымен танысты.Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев қатысты. Мектеп-лицейде «Қазақстан халқына» қоғамдық қорының қолдауымен инновациялық обсерватория, ракета модельдеу, СТЭМ, химия, биология, робототехника, математика, физика, география, тарих, бастауыш сынып кабинеттері, кітапхана, арнайы телестудия 245, 6 млн теңгеге жабдықталған болатын.Нақтырақ айтсақ, обсерватория кабинетінде "Жұлдызды аспан" глобусы, интерактивті панель, телескопқа линзалар жинағы, күн фильтрі, бейнекамералар, планисфералар бар. Ракета модельдеу кабинеті арнайы жинақпен, ноутбуктер, шағын зертханалар, цифрлық микроскоптар, старттық құрылғылармен, СТЭМ кабинеті 3Д принтер, модельдеу жиынтықтарымен қамтамасыз етілді.Ал, физика кабинеті электр және оптика бөлімдеріне, жаратылыстану ғылымына, молекулалық физика және термодинамикалық бөлімдерге арналған демострациялық құралдармен жабдықталды. Биология кабинетіне де жиһаздар, зертханалық құралдар, цифрлық микроскоптар, микропреператтар, ылғал препараттар, адам ағзасының модельдері берілді. Химия кабинетіне зертханалық жабдықтар, химиялық препараттар, цифрлық зертхана жинағы, демонстрациялық жұмысқа арналған жиынтықтар, телестудия, арнаулы компьютер, камералар, диодтық жарық жинағы, акустикалық құралдар, телевизор алынды. АRT-студияға гончарлық қондырғылар, сурет салуға арналған құрал-жабдықтар қойылған.Оқу-ағарту министрі атқарылған жұмыстарға оң бағасын беріп, алдағы міндеттерге тоқталды.Айта кетейік, білім беру ұйымдарының материалдық-техникалық базасын жаңғырту бағытында қарқынды жұмыстар жүргізілуде."Қазақстан халқына" қоры өңірдің әр саласына 12 млрд. 851 млн теңге қаржы бөлді.Сондай-ақ, 2 млрд. 700 млн. теңгеге 58 мектептегі 317 пәндік кабинет жаңартылды.Ақпарат көзі : https://www.gov.kz/memleket/entities/kyzylorda-karmakshy/press/news/details/1139460?lang=kk

2026 жылғы 1 қаңтардан бастап күшіне енген жаңа Салық кодексіне сәйкес, Бірыңғай жинақтаушы зейнетақы қорынан (БЖЗҚ) төленетін зейнетақы төлемдері, сондай-ақ тұрғын үй жағдайын жақсарту немесе емделу мақсаттарына арналған біржолғы зейнетақы төлемдері (БЗТ) жеке табыс салығынан (ЖТС) босатылады.Бұл норма Қазақстан Республикасының резиденті болып табылмайтын тұлғаларға төленетін зейнетақы төлемдеріне қолданылмайды. Бұрын қалай болды?Бұрын БЖЗҚ-дан берілетін барлық зейнетақы төлемдері, оның ішінде біржолғы зейнетақы төлемдері де, табыс ретінде қарастырылып, төлем көзінен 10% мөлшерлеме бойынша ЖТС ұсталатын.Зейнетақы жарналары жеке зейнетақы шоттарына салық салынбай тұрып аударылып, жеке табыс салығы төлем жасау кезінде ұсталатын. Бұл ретте түзету сомалары мен салықтық шегерімдер ескерілді.Тұрғын үй немесе емделу мақсаттарына пайдаланылған біржолғы зейнетақы төлемдерінен де ЖТС ұсталатын. Алушы өз қалауы бойынша салықты төлем алған кезінде бірден немесе зейнетке шыққанға дейін кейінге қалдырып, төлемдер кестесіне сәйкес төлеу тәсілін таңдай алатын. 2026 жылғы 1 қаңтардан бастап қалай болады?2026 жылғы 1 қаңтардан бастап Қазақстан Республикасының резиденттері үшін зейнетақы төлемдерінің барлық түрлерінен, оның ішінде біржолғы зейнетақы төлемдерінен ЖТС ұсталмайды. ЖТС тек Қазақстан Республикасының резиденті болып табылмайтын тұлғаларға берілетін зейнетақы төлемдерінен ғана ұсталады.Сонымен қатар, 2026 жылғы 1 қаңтардан бастап тұрғын үй немесе емделу мақсаттарына арналған біржолғы зейнетақы төлемдері бойынша зейнетке шыққанға дейін кейінге қалдырылған ЖТС төлеу міндеттемелері жойылады, алайда бұрын бюджетке төленген салық сомалары қайтарылмайды.Әлеуметтік осал топтарға жататын тұлғалар біржолғы зейнетақы төлемдері түріндегі салық салынатын табысқа қатысты тиісті қаржы жылының 1 қаңтарында қолданыста болған айлық есептік көрсеткіштің (АЕК) 882 еселенген мөлшері шегінде салықтық шегерім қолдану құқығына ие.Бұл санатқа I, II немесе III топтағы мүгедектігі бар адамдар, мүгедектігі бар баланы тәрбиелеп отырған ата-аналардың немесе қорғаншылардың бірі, жетім балаларды асырап алған (қамқорлығына алған) ата-аналардың бірі, әскери қимылдарға қатысқан ардагерлер және өзге де тұлғалар жатады. Аталған тұлғалардың толық тізбесі Қазақстан Республикасының Салық кодексінің 404-бабында көрсетілген. Егер осы санатқа жататын алушылар біржолғы зейнетақы төлемдерін пайдалану кезінде ЖТС-ты бірден төлеген болса, олар БЖЗҚ-ға тиісті өтінішпен және растайтын құжаттармен жүгініп, жаңа Салық кодексіне сәйкес ЖТС-ты қайта есептеп, қайтару мәселесін БЗТ алынған күннен бастап үш жыл ішінде жүзеге асыра алады. Тағы қандай өзгерістер бар?2026 жылғы 1 қаңтардан бастап жеке тұлғаның өз пайдасына аударған ерікті зейнетақы жарналары бойынша салықтық шегерімдер жойылады. Бұрын бұл шегерімдер Салық кодексінде белгіленген мөлшерде төлем көзінен салық салынатын табысқа қолданылатын.Бұл ретте жұмыс берушінің БЖЗҚ-ға өз қызметкерінің пайдасына аударған ерікті зейнетақы жарналары жеке тұлғаның (қызметкердің) табысы болып есептелмейді. Тиісінше, оған ЖТС салынбайды. Ал жұмыс беруші үшін мұндай шығыстар корпоративтік табыс салығын есептеу кезінде шегерімге жатады.Яғни, бұл жағдайда қызметкер де, жұмыс беруші де салықтық жеңілдікке ие болады.Ақпарат көзі : https://www.gov.kz/memleket/entities/akimat-beyneu/press/news/details/1142929?lang=kk

  2026 жылғы 1 қаңтардан бастап күшіне енген жаңа Салық кодексіне сәйкес, Бірыңғай жинақтаушы зейнетақы қорынан (БЖЗҚ) төленетін зейнетақы төлемдері, сондай-ақ тұрғын үй жағдайын жақсарту немесе емделу мақсаттарына арналған біржолғы зейнетақы төлемдері (БЗТ) жеке табыс салығынан (ЖТС) босатылады.Бұл норма Қазақстан Республикасының резиденті болып табылмайтын тұлғаларға төленетін зейнетақы төлемдеріне қолданылмайды. Бұрын қалай болды? Бұрын БЖЗҚ-дан берілетін барлық зейнетақы төлемдері, оның ішінде біржолғы зейнетақы төлемдері де, табыс ретінде қарастырылып, төлем көзінен 10% мөлшерлеме бойынша ЖТС ұсталатын.Зейнетақы жарналары жеке зейнетақы шоттарына салық салынбай тұрып аударылып, жеке табыс салығы төлем жасау кезінде ұсталатын. Бұл ретте түзету сомалары мен салықтық шегерімдер ескерілді.Тұрғын үй немесе емделу мақсаттарына пайдаланылған біржолғы зейнетақы төлемдерінен де ЖТС ұсталатын. Алушы өз қалауы бойынша салықты төлем алған кезінде бірден немесе зейнетке шыққанға дейін кейінге қалдырып, төлемдер кестесіне сәйкес төлеу тәсілін таңдай алатын. 2026 жылғы 1 қаңтардан бастап қалай болады? 2026 жылғы 1 қаңтардан бастап Қазақстан Республикасының резиденттері үшін зейнетақы төлемдерінің барлық түрлерінен, оның ішінде біржолғы зейнетақы төлемдерінен ЖТС ұсталмайды. ЖТС тек Қазақстан Республикасының резиденті болып табылмайтын тұлғаларға берілетін зейнетақы төлемдерінен ғана ұсталады.Сонымен қатар, 2026 жылғы 1 қаңтардан бастап тұрғын үй немесе емделу мақсаттарына арналған біржолғы зейнетақы төлемдері бойынша зейнетке шыққанға дейін кейінге қалдырылған ЖТС төлеу міндеттемелері жойылады, алайда бұрын бюджетке төленген салық сомалары қайтарылмайды.Әлеуметтік осал топтарға жататын тұлғалар біржолғы зейнетақы төлемдері түріндегі салық салынатын табысқа қатысты тиісті қаржы жылының 1 қаңтарында қолданыста болған айлық есептік көрсеткіштің (АЕК) 882 еселенген мөлшері шегінде салықтық шегерім қолдану құқығына ие.Бұл санатқа I, II немесе III топтағы мүгедектігі бар адамдар, мүгедектігі бар баланы тәрбиелеп отырған ата-аналардың немесе қорғаншылардың бірі, жетім балаларды асырап алған (қамқорлығына алған) ата-аналардың бірі, әскери қимылдарға қатысқан ардагерлер және өзге де тұлғалар жатады. Аталған тұлғалардың толық тізбесі Қазақстан Республикасының Салық кодексінің 404-бабында көрсетілген. Егер осы санатқа жататын алушылар біржолғы зейнетақы төлемдерін пайдалану кезінде ЖТС-ты бірден төлеген болса, олар БЖЗҚ-ға тиісті өтінішпен және растайтын құжаттармен жүгініп, жаңа Салық кодексіне сәйкес ЖТС-ты қайта есептеп, қайтару мәселесін БЗТ алынған күннен бастап үш жыл ішінде жүзеге асыра алады. Тағы қандай өзгерістер бар? 2026 жылғы 1 қаңтардан бастап жеке тұлғаның өз пайдасына аударған ерікті зейнетақы жарналары бойынша салықтық шегерімдер жойылады. Бұрын бұл шегерімдер Салық кодексінде белгіленген мөлшерде төлем көзінен салық салынатын табысқа қолданылатын. Бұл ретте жұмыс берушінің БЖЗҚ-ға өз қызметкерінің пайдасына аударған ерікті зейнетақы жарналары жеке тұлғаның (қызметкердің) табысы болып есептелмейді. Тиісінше, оған ЖТС салынбайды. Ал жұмыс беруші үшін мұндай шығыстар корпоративтік табыс салығын есептеу кезінде шегерімге жатады.Яғни, бұл жағдайда қызметкер де, жұмыс беруші де салықтық жеңілдікке ие болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).                   Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1148929?lang=kk

Қорғаныс министрі авиация генерал-лейтенанты Дәурен Қосанов жұмыс сапарымен Қызылорда облысына барып, өңірдегі әскери басқару органдарының қызметімен және әскери бөлімдердің жай-күйімен танысты.Облыстық аумақтық қорғаныс бригадасында министр командирдің ағымдағы жағдай туралы баяндамасын тыңдап, 99215 әскери бөлімінің штаб жұмысына, сондай-ақ жеке құрамның орналасу және тамақтану жағдайларына тексеру жүргізді.Қорғаныс істері жөніндегі департамент пен қалалық басқармада министрге жергілікті атқарушы органдармен бірлесіп өткізілген күзгі әскерге шақыру науқанының қорытындылары және запастағы әскери қызметшілерді даярлау барысы туралы баяндалды. Сонымен бірге, әскери мекемелердің ағымдағы жөндеу жұмыстары аяқталып, жаңартылған ғимараттарына ерекше назар аударылды.66597 әскери бөлімінде қорғаныс ведомствосының басшысы штабтың жұмысын бағалап, казарма мен асхананы аралап, сарбаздармен әңгімелесті, сондай-ақ әскери қызметшілердің әлеуметтік-тұрмыстық жағдайларымен танысты.Сонымен бірге дербес барлау полкінің зымыран-артиллериялық қару-жарақ қоймасы мен жауынгерлік машиналар паркінің жағдайына айрықша көңіл бөлінді.Сапар қорытындысы бойынша Қорғаныс министрі бөлімшелердің жауынгерлік әзірлігі мен ұрысқа қабілеттілігін арттыруға, қызмет ету жағдайларын жақсартуға және жеке құрамның жоғары моральдық рухын сақтауға бағытталған нақты тапсырмалар берді.Ақпарат көзі : https://www.gov.kz/memleket/entities/mod/press/news/details/1139306?lang=kk

🔹2026 жылғы 1 қаңтардан бастап 2025 жылғы 18 шілдедегі № 214-VIII ҚРЗ Қазақстан Республикасының Салық кодексі (бұдан әрі – Салық кодексі) күшіне енді, осыған байланысты 2017 жылғы 25 желтоқсандағы № 120-VI ҚРЗ «Салықтар және бюджетке төленетін басқа да міндетті төлемдер туралы (Салық кодексі)» Қазақстан Республикасының Кодексі өз күшін жойды.Осылайша, 2026 жылғы 1 қаңтарға дейін қолданылған барлық арнаулы салық режимдерінің қолданылуы тоқтатылды, ал 2026 жылғы 1 қаңтардан бастап барлық салық төлеушілер жалпыға бірдей белгіленген салық салу тәртібін қолданушылары болып танылады.🔹Салық кодексінің 723-бабында көзделген шарттарға сәйкес келетін салық төлеушілер үшін Салық кодексінің 840-бабымен өтпелі ережелер қарастырылған, оған сәйкес қолданылатын салық салу режимі (арнаулы салық режимі) туралы хабарламаны 2026 жылғы 1 наурызға дейін ұсыну қажет.Аталған мерзімде мұндай хабарлама ұсынылмаған жағдайда, салық төлеуші 2026 жылғы 1 қаңтардан бастап жалпыға бірдей белгіленген салық салу тәртібін қолданушы болып танылады.🔹Егер 2026 жылғы 1 қаңтарға дейін арнаулы салық режимін қолданған салық төлеуші 2026 жылғы 1 қаңтардан бастап жалпыға бірдей белгіленген тәртіпті қолданса және тіркеу деректерінде көрсетілген режимді өзгертуді қаласа, ол 2026 жылғы 1 наурызды күтпей-ақ, жалпыға бірдей белгіленген салық салу тәртібін көрсете отырып, қолданылатын салық салу режимі туралы хабарламаны ұсынуға құқылы.Нәтижесінде тіркеу деректерінде 2026 жылғы 1 қаңтардан бастап қолданылатын салық салу тәртібі өзгертіледі.🔹2026 жылғы 1 наурызға дейін қолданылатын салық салу режимі (арнаулы салық режимі) туралы хабарламаны ұсынбаған салық төлеушілерге тіркеу деректерінде 2026 жылғы 1 қаңтардан бастап жалпыға бірдей белгіленген салық салу тәртібі автоматты түрде тағайындалады.▫️Салық кодексінің 716-бабының ережелері 2026 жылғы 1 қаңтардан бастап күшіне енген Салық кодексінің нормаларына сәйкес жаңа арнаулы салық режимін таңдаған салық төлеушілерге қолданылады. Ақпарат көзі : https://www.gov.kz/memleket/entities/kgd-zhetysu/press/news/details/1139300?lang=kk

Облыстық қорғаныс істері жөніндегі департаментінің әскери қызметшілері Ұлы Отан соғысының ардагері Ділдәбек Сансызбайұлы Нұрышевті туған күнімен құттықтады. Олар майдангерге Қорғаныс министрінің құттықтау хатын табыс етті. Хатта Ділдәбек Сансызбайұлының Жеңіске қосқан үлесі, көрсеткен ерлігі үшін алғыс білдірілген. Әскери ведомство өкілдері ардагерге мықты денсаулық, отбасылық береке-бірлік және ұзақ ғұмыр тіледі.– Сіз соғыс сынағынан өтіп, өміршеңдік пен оптимизмді сақтап қалдыңыз. Сіздің өмір жолыңыз – бізге үлгі. Жеңіске қосқан үлесіңіз үшін сізге басымызды иеміз, – деді қорғаныс істері жөніндегі департамент бастығының орынбасары полковник Тимур Сәтбаев.Өз кезегінде ардагер көрсетілген құрмет пен қамқорлық үшін алғыс айтып, еліміздің әл-ауқатының басты құндылығы мен негізі – бейбітшілік пен бірлікті сақтау керектігін атап өтті. Ділдәбек Нұрышев 1926 жылғы 10 қаңтарда Мендіқара ауданының Ломоносов ауылында дүниеге келген. 18 жасқа толған соң, оны өзге жастармен бірге Челябі облысының Шұбаркөл қаласына оқуға жіберіп, онда жарты жыл бойы әскери істің негіздерін меңгерген. Ділдәбек Сансызбайұлы аңызға айналған маршал Рокоссовскийдің қолбасшылығымен 2-Украин майданы құрамында соғысқан. Одер өзені бойындағы шайқастарға қатысқан. Жеңіс туралы хабарды Кенигсберг қаласында естіген. Соғыстан кейін әскер қатарында қызметін жалғастырған. Әскерден босаған соң өндірісте еңбек етіп, отбасын құрып, бес бала тәрбиелеп өсірген. Бүгінде бірнеше немере сүйіп отырған ардагер енді ешқашан соғыс  болмауын тілейді.Ақпарат көзі : https://www.gov.kz/memleket/entities/mod/press/news/details/1139256?lang=kk

Қостанай облысының Арқалық қаласынан 45 шақырым қашықтықта орналасқан Жалғызтал ауылы әлеуметтік-экономикалық дамудың тұрақты оң динамикасын көрсетіп отыр.Ауыл аумағының жалпы көлемі 81 912 гектарды құрайды, оның ішінде 20 544 гектары – егістік жерлер, 21 207 гектары – жайылымдық алқаптар. Өткен жылдың қорытындысы бойынша Жалғызтал ауылында 580 бас ірі қара, 937 бас жылқы және 933 бас ұсақ мал тіркелген. Ауылда 20 шаруа қожалығы, 6 жауапкершілігі шектеулі серіктестік және 2 жеке кәсіпкер жұмыс істейді.Ауылдағы білім беру саласы тұрақты дамуда. Т. Әубәкіров атындағы негізгі орта мектеп 2025–2026 оқу жылын 39 оқушымен бастады. Мектеп жанындағы шағын орталықта 16 бала тәрбиеленуде. Білім беру мекемесінде 13 педагог еңбек етеді, олардың барлығы жоғары білімді және біліктілікті арттыру курстарынан өткен.Мәдениет саласы да қарқынды дамып келеді. Ауылдық кітапханада шамамен 3 600 дана кітап қоры бар, оның 2 мыңға жуығы қазақ тіліндегі әдебиеттер. Жыл бойына 58 іс-шара жоспарланып, толық көлемде жүзеге асырылуда. Тұрақты оқырмандар саны – 111 адам.Мектептің материалдық-техникалық базасы заманауи талаптарға сай. 2025 жылы «Қазақстан халқына» қорының қолдауымен әмбебап оқу кабинеті ашылған. Кабинет физика-информатика, биология-химия және ағылшын тілі пәндеріне арналған, зертханалық құрал-жабдықтармен және робототехника жиынтықтарымен толық қамтылған.Инженерлік және медициналық инфрақұрылым толық қамтамасыз етілген. Барлық тұрғын үйлер орталықтандырылған ауыз сумен қамтылған, ауыл электр энергиясымен және қатты отынмен толық қамтамасыз етілген. Қажетті дәрі-дәрмек қоры мен құрал-жабдықтары бар медициналық пункт жұмыс істейді.Байланыс пен интернетке қолжетімділік жақсартылған. Жалғызтал ауылында Activ, Altel, Beeline және Tele2 байланыс операторларының желілері тұрақты жұмыс істейді. Сонымен қатар барлық үйлерде «Транстелеком» АҚ ұсынған интернет желісі орнатылған.Республикалық маңызы бар автожолды жөндеу жұмыстарын жүргізген «Қарағанды жолдары» ЖШС-мен жасалған меморандум аясында ауылдың екі көшесіне қиыршық тас төселді. Атқарылған жұмыстардың жалпы құны 27 млн теңгені құрады.Алдағы уақытта шағын кәсіпкерлікті дамыту, ауыл тұрғындарының өмір сүру деңгейі мен әл-ауқатын арттыру бағытындағы жұмыстар жүйелі түрде жалғасын табатын болады.Ақпарат көзі : https://www.gov.kz/memleket/entities/kostanay/press/news/details/1139230?lang=kk

Қазақстан Республикасы Қорғаныс министрлігі Бас әскери клиникалық госпиталінің алғашқы медициналық-санитарлық көмек көрсету бөлімшесінде материалдық-техникалық жаңарту жұмыстары толық аяқталды.Филиалда жөндеу жүргізіліп, эксперттік санаттағы ультрадыбыстық диагностика аппараты, соққы-толқынды және жарық терапиясы құрылғылары, көз және ЛОР ауруларын диагностикалауға арналған құралдар, гормондық көрсеткіштер мен онкомаркерлерді анықтайтын автоматтандырылған анализаторлар пайдалануға берілді.– Енді біздің бөлімше заманауи стандарттар мен талаптарға сай әскери қызметшілерге, олардың отбасы мүшелеріне және Қарулы күштердің ардагерлеріне медициналық қызмет көрсететін көпсалалы орталық ретінде жұмыс істейді, – деді мекеме басшысы медицина қызметінің майоры Земфира Муслимова.Бөлімшеде күндізгі стационар, стоматологиялық, диагностикалық, физиотерапиялық және амбулаториялық-емханалық бөлімдер жұмыс істейді.Күндізгі стационардың ұйымдастырылуына байланысты пациенттерге тәулік бойы ауруханада жатудың қажеттілігі жойылды.Заманауи құрал-жабдықтармен қамтылған стоматологияда терапиялық және хирургиялық ем түрлері көрсетіледі. 2026 жылы ортопедиялық қызмет көрсету жоспарланған.Амбулаториялық-емханалық көмек бөлімінде пациенттерді жоғары білікті дәрігерлер қабылдайды. Кешенді тексеру мен нақты диагноз қою үшін қан мен зәр талдаулары, ультрадыбыстық және функционалдық зерттеу әдістері жүргізіледі. Сонымен қатар, мұнда профилактикалық тексерулер мен вакцинация, әскери-дәрігерлік сараптама және санаторий-курорттық емдеуге іріктеу жүзеге асырылады.Басшылықтың айтуынша, бөлімшенің жаңғыртылуы медициналық көмектің қолжетімділігі мен сапасын арттырып, Қарулы күштердің жеке құрамының денсаулығын қорғау деңгейін күшейтеді.Ақпарат көзі : https://www.gov.kz/memleket/entities/mod/press/news/details/1139197?lang=kk

Бүгін аудан әкімі Берік Сәрменбаев аудан активіне аудандық қазынашылық басқармасының басшысы қызметіне тағайындалған Мырза Қанат Әзімханұлын таныстырды.Қанат Әзімханұлы 1973 жылы Қызылорда облысында дүниеге келген. Еңбек жолын 1992 жылы Қызылорда қалалық есеп кассалық орталығының бухгартерлік есеп бөлімінің есепшісі, аға есепшісі болып бастаған. Әр жылдары Ұлттық банктің облыстық филиалында мемлекетаралық қатынастар бөлімінің аға есепшісі, облыстық бюджет банк-төлемдерді бақылау және реттеу бөлімінің аға экономисі, облыстық қазынашылық басқармасында сектор меңгерушісі, бөлім басшысы, департамент басшысының орынбасары және Жаңақорған аудандық қазынашылық бөлімінің басшысы қызметтерін атқарған. 2025 жылдан осы кезге дейін Қазақстан Республикасы Қаржы министірлігінің Қазынашылық комитеті қызметті ұйымдастыру басқармасының басшысы қызметін атқарып келді.Аудан басшысы жаңа басшының қызметіне сәттілік тілеп, бюджеттің түсімдері мен шығыстарын уақытылы және толық атқару, қаражаттың мақсатты әрі тиімді пайдаланылуына бақылау жасау жұмыстарын қамтамасыз етуге сенім білдірді.Ақпарат көзі : https://www.gov.kz/memleket/entities/kyzylorda-syrdarya/press/news/details/1139188?lang=kk

Бүгін ҚР Парламенті Мәжілісінің депутаттары Мұрат Ергешбаев пен Мархабат Жайымбетов ауданға жұмыс сапарымен келіп, Ақжарма ауылының газдандыру жұмысымен танысты. Аудан әкімі Берік Сәрменбаев, облыстық мәслихат депутаты Жұмабек Ембергенов және "АМАНАТ" партиясы аудандық филиалының атқарушы хатшысы Ақтөре Ибрагимұлы, аудандық мәслихат депутаты Марат Бисенов күтіп алып, атқарылып жатқан жұмыстарды атап көрсетті. Аудан басшысы Ақжарма ауылындағы газдандыру жұмыстарымен таныстырып өтті. – Мемлекет басшысы Қасым-Жомарт Кемелұлы Тоқаев «Үкімет газ тартылған елді мекендердің санын барынша арттыруға және 1700 шақырым газ желісін жаңғыртуға тиіс. Бұл 300 мыңнан астам адамды көгілдір отынмен қамтамасыз етуге мүмкіндік береді» деп атап өтті. Осыған орай, аймақ басшысы Нұрлыбек Машбекұлы Нәлібаевтың тапсырмасымен елді мекендерді газдандыру жұмыстары қарқынды жүргізілуде. Облысымыздың газдандыру көрсеткішін 83 пайызға жетті. Ауданда өткен жылы Н.Ілиясов және Шаған ауылдары табиғи газға қосылды. Енді Ақжарма ауылын газдандыру жұмыстары жүргізіліп жатыр. Бұл – Ақжарма ауылы халқының көптен күткен жаңалығы. Жұмыстың сапалы әрі уақытылы орындалуының маңыздылығы қазіргі таңда басты назарда. Сондай-ақ газдандыру жұмыстары бойынша жауапты мамандарға нақты тапсырмалар берілді, – деді аудан әкімі Берік Әбдіғаппарұлы.Өз кезегінде Мәжіліс депутаттары көгілдір отынның ауыл халқы үшін маңыздылығы мен қажеттілігін атап өтті. – Мемлекет басшысы бұған дейін 1700 шақырым газ желісін жаңартуды тапсырған болатын. Осы орайда Президентіміздің бастамасы аясында «AMANAT» партиясының сайлауалды бағдарламасына енгізілген газдандыру жұмыстары баршамыздың ортақ қуанышымыз, – деді Мәжіліс депутаты Мұрат Нәлхожаұлы.– Сайлауалды бағдарлама аясында жасалып жатқан жоба сапалы әрі мерзімінде халық игілігіне берілу қажет. Көгілдір отын әрбір отбасының жылуын, Отанымыздың қуатын арттыра берсін. Елдің дамуы ауылдан, ауылдың гүлденуінен басталады, – деді Мәжіліс депутаты Мархабат ЖайымбетовЖалпы жоба құны – 1 млрд. 881 млн. теңгені құрайды. «Алия Сервис» ЖШС құрылыс монтаждау жұмыстарын жүргізуде. Қазіргі уақытта қажетті техникалар жұмылдырылып, жұмыстар жоспарға сәйкес атқарылуда.Мәжіліс депутаттары газдандыру жұмысының маңызын атап өтіп, жоба тұрғындардың өмір сапасын арттыруға ықпал ететінін жеткізді. Ақпарат көзі : https://www.gov.kz/memleket/entities/kyzylorda-syrdarya/press/news/details/1139190?lang=kk

Мәжіліс депутаты және Қазақстан Халық партиясы фракциясының мүшесі Ислам Сұңқар аймақтарға жұмыс сапары аясында М.Әуезов атындағы Оңтүстік Қазақстан ғылыми-зерттеу университетіне барды. Университеттің оқытушылар құрамымен және студенттерімен кездесуде Жоғары білім мен ғылым саласындағы өзекті мәселелер талқыланды. Атап айтқанда, оқытушылардың мәртебесін көтеру, олардың әлеуметтік жағдайын жақсарту, ғылыми зерттеулерді қолдау тетіктерін жетілдіру, студенттердің білім сапасын арттыру және білім беру процесін жаңғырту мәселелері қозғалды. Стипендия мөлшері, әлеуметтік қолдау, жатақханамен қамтамасыз ету және білім беру гранттарын бөлу тәртібі мәселелеріне ерекше назар аударылды. Өз кезегінде Ислам Сұнқар білім беру мен ғылымды дамыту мемлекеттік саясаттың стратегиялық басымдықтарының бірі екенін атап өтіп, келіп түскен ұсыныстар тиісті мемлекеттік органдарға жіберіліп, Мәжілісте қаралатынын мәлімдеді. Кездесу соңында тараптар ашық диалогтың маңыздылығын атап өтіп, ынтымақтастықты одан әрі дамытуға және сындарлы өзара іс-қимылды сақтауға дайын екендіктерін білдірді.

10 қаңтар — Қазақстан Республикасы ІІМ Ұлттық ұланының құрылған күні. Бұл күн қоғамдық және құқықтық тәртіпті, сондай-ақ азаматтардың қауіпсіздігін күзететін әскери қызметшілердің кәсіби мерекесі. Осы күні мереке иелері өткен жылғы қызметтік-жауынгерлік қызметті қорытындылайды.Өздеріңіз білетіндей, Ұлттық ұланның негізгі міндеттерінің бірі — ішкі істер органдарымен бірлесіп, қоғамдық тәртіпті қорғауға қатысу, қоғамдық қауіпсіздікті қамтамасыз ету, сондай-ақ қылмыстық-атқару жүйесі мекемелерін бақылау және қадағалау.2025 жылы құқықтық тәртіп әскерлерінің әскери қызметшілері қоғамдық тәртіпті қорғауды қамтамасыз ету кезінде патрульдік-бекеттік қызмет бойынша 3 308 орындады. Республика бойынша 985 қоғамдық-саяси және басқа да бұқаралық іс-шараларды қамтамасыз етуге қатысты.Қызмет өткеру барысында 18 мыңға жуық құқық бұзушы ұсталып, ішкі істер органдарына жеткізілді. Оның ішінде 700-ден астам адамның әрекетінде қылмыс белгілері бар. Патрульдік-бекеттік қызмет міндеттерін орындау кезінде 308 суық және атыс қаруы тәркіленді, сондай-ақ есірткі заттарын алудың 153 фактісі тіркелді.Ұлттық ұлан қызметінде Қылмыстық-атқару жүйесі мекемелерінің қауіпсіздігін қамтамасыз етуге ерекше көңіл бөлінеді. Қарауылдармен ҚАЖ-ның 39 мекемесі және бір өндірістік объектіні күзету, сондай-ақ сотталғандар мен қамаудағы адамдарды 10 темір жол және 25 автожол маршруттары бойынша айдауылдау қамтамасыз етілді.Жыл басынан бері ҚАЖ мекемелерінің негізгі қоршауы арқылы тыйым салынған заттарды өткізудің 132 фактісі тоқтатылды. Бұдан басқа, көлік БӨП-терінен тыйым салынған заттарды тасымалдаудың 45 әрекеті және ҚАЖ мекемелерінің БӨП арқылы алып өтудің 25 фактісі анықталды. Оларды жасаған кезде 100-ге жуық бейбіт тұрғын ұсталды.Өткізілген іс-шаралардың нәтижесінде барлығы 1 441 ұялы телефон, 689 SIM-карта, 724 пышақтау-кесу заттары мен суық қарулар, жалпы салмағы шамамен 2,7 килограмм есірткі заттары, құрамында 70 литр алкоголь бар сұйықтықтар, сондай-ақ 423 797 теңге және 300 АҚШ доллары тәркіленді.2025 жылы айдауылдау қызметінде қарауылдар 75 мыңға жуық сотталғандар мен қамауда отырған адамдарды тасымалдады, екі мыңнан астам сот процестерін жүргізу қамтамасыз етілді. Алғаш рет және қауіпсіздіктің жоғары талаптары жағдайында үш рет ерекше бақылаудағы адамдарды әуе кемелерінде айдауылдау ұйымдастырылды.Қол жеткізілген нәтижелер Қазақстан Республикасы ІІМ Ұлттық ұланы жеке құрамының кәсіби даярлығының, тәртібі мен жауапкершілігінің жоғары деңгейін растайды. Құқықтық тәртіп әскерінің әскери қызметшілері елдегі тұрақтылықты, қауіпсіздікті және заңдылықты қамтамасыз ете отырып, өздеріне жүктелген міндеттерді адал орындайтын болады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1139165?lang=kk

Ақорда резиденциясында АҚШ елшісі Джули Стаффттің Қазақстан Президентіне сенім грамоталарын тапсыру рәсімі өтті.Қасым-Жомарт Тоқаев Джули Стаффтпен әңгімелесу барысында АҚШ-қа жасаған сапары табысты өткенін ықыласпен еске алды.– Президент Дональд Трамп мырзамен достық рәуіште мазмұнды әңгіме өрбітіп, келіссөздер жүргіздік. Таяуда біз телефон арқылы емен-жарқын сөйлесіп, екіжақты ынтымақтастығымызға қатысты көптеген мәселені талқыладық. Мені жыл соңында Құрама Штаттарда өтетін G20 саммитіне қатысуға шақырғаны үшін алғыс айтамын. Біз көптеген саладағы стратегиялық серіктестігімізді дамытып, нығайтуға күш саламыз, – деді Мемлекет басшысы.Қасым-Жомарт Тоқаев елшіні дипломатиялық миссиясының ресми түрде басталуымен құттықтап, АҚШ Президенті Дональд Трамқа ізгі тілегін жолдады.Ақпарат көзі : https://www.gov.kz/memleket/entities/mfa-washington/press/news/details/1139161?lang=kk

Алматы хайуанаттар бағы пайдаланылған табиғи жаңа жылдық шыршаларды қабылдауға арналған экологиялық акцияны бастады. Бұл бастама жасыл желектерге «екінші өмір» сыйлап, жануарлардың әл-ауқатын жақсартуға үлес қосуға мүмкіндік береді.Жаңа жыл мерекелері аяқталғаннан кейін қала тұрғындары тірі шыршаларды қоқысқа тастамай, оларды Алматы хайуанаттар бағына тапсыра алады. Қабылданған ағаштар жануарлар қоршауына қойылып, олардың тіршілік ортасын байыту мақсатында пайдаланылады.Шыршалар бұғы, елік, қодас, қабан және басқа да жануарлардың қоршауында қолданылады. Жануарлар жаңа заттарға ерекше қызығушылық танытып, шыршаларды иіскеп, дәмін татып, тартып, секіріп, бұтағына сүйкеніп, қабығымен ойнайды. Бұл олардың қимыл-қозғалысын арттырып, күйзелісті азайтып, күнделікті тіршілігін әрлендіре түседі.Аталған акция экологиялық шара ғана емес, бұл адамдарды табиғатқа жанашырлықпен қарауға, саналы тұтынуға шақыратын тағылымды бастама.Шыршаларды қабылдау орны:Алматы хайуанаттар бағының қызметтік кіреберісіАлматы қаласы, Орманов көшесі, 64Қабылдау мерзімі: 8-18 қаңтарТек табиғи, тірі шыршалар қабылданадыБайланыс телефоны: 8 (701) 676-85-85Алматы зоологиялық паркі қала тұрғындары мен қонақтарын акцияға қатысуға, жануарлар мен қоршаған ортаны қорғауға үлес қосуға шақырады.Ақпарат көзі : https://www.gov.kz/memleket/entities/almaty-almaly/press/news/details/1139146?lang=kk

Любляна, 2026 жылғы 9 қаңтар – Қазақстан Республикасының Словениядағы Елшісі Алтай Абибуллаев Словения Республикасының Сыртқы және еуропалық істер министрлігінің Еуропалық істер, халықаралық құқық, мүдделерді қорғау және экономикалық дипломатия жөніндегі Мемлекеттік хатшысы Нева Грашичпен кездесу өткізді.Кездесу барысында Елші Мемлекет басшысының 5 қаңтарда «Түркістан» газетіне берген сұхбатында айтылған негізгі ой-түйіндер, сондай-ақ Қазақстанда 2026 жылдың «Цифрландыру және жасанды интеллект жылы» деп жарияланғаны туралы жан-жақты хабардар етті.Тараптар екіжақты сауда-экономикалық және инвестициялық ынтымақтастықтың өзекті мәселелерін, сауда-экономикалық ынтымақтастық жөніндегі Үкіметаралық комиссияның 5-ші отырысына дайындық барысын, сондай-ақ цифрландыру мен жасанды интеллект саласындағы профильді мемлекеттік органдар, бизнес және сараптамалық қауымдастық өкілдерінің өзара іс-қимыл алаңына айналуы көзделіп отырған «Digital Bridge» цифрлық форумын Люблянада өткізу жоспарларын егжей-тегжейлі талқылады.Кездесу қорытындысы бойынша тараптар фармацевтика саласындағы ынтымақтастықты одан әрі тереңдетуге, оның ішінде Қазақстан нарығында кеңінен танымал словениялық жетекші брендтер – «Krka» және «Lek» компанияларымен өзара іс-қимылды дамытуға, сондай-ақ денсаулық сақтау және медициналық технологиялар саласындағы кооперацияны кеңейтуге өзара мүдделілігін растады.Транзиттік-көліктік және логистикалық ынтымақтастық мәселелерін талқылау аясында Елші Қазақстанның Еуразиялық кеңістігіндегі маңызды транзиттік стратегиялық әлеуетін атап өтіп, Қазақстан Республикасы Үкіметінің теміржол және мультимодальды бағыттарды қоса алғанда, заманауи көлік-логистикалық инфрақұрылымды дамыту саясатымен таныстырды. Осы тұрғыда Орта дәлізді дамытуға қатысудың және теңізге тікелей шығу мүмкіндігі жоқ еуропалық мемлекеттер үшін жеткізу тізбектерінің тұрақтылығын арттыру мен логистикалық мүмкіндіктерді кеңейтуде Словенияның «Лука Копер» теңіз портының инфрақұрылымы көлік бағыттарын әртараптандыруда өте маңызды.Сондай-ақ тараптар екіжақты энергетикалық ынтымақтастықтың өзекті аспектілерін де талқылады. Словен тарапы аэроғарыш саласы мен нанотехнологиялар бағытында ынтымақтастық орнатуға қызығушылық білдіріп, ғылыми-технологиялық кооперация мен құзыреттер алмасудың маңыздылығын атап өтті.Қазақстан-словения серіктестігінің берік әрі ұзақмерзімді құқықтық негіздерін қалыптастыру мақсатында инвестицияларды өзара қорғау және көтермелеу туралы келісімге, дипломатиялық және қызметтік паспорт иелері үшін визасыз режим жөніндегі жаңа келісімге, сондай-ақ екі елдің сыртқысаяси ведомстволары арасындағы консулдық консультациялар өткізуге қатысты шарттық-құқықтық негізін одан әрі кеңейту мәселелері бойынша қағидаттық өзара түсіністікке қол жеткізілді.Ақпарат көзі : https://www.gov.kz/memleket/entities/mfa-ljubljana/press/news/details/1139148?lang=kk