2025 жылғы 30 мамырда Астана қаласында «Орталық Азия – Италия» форматындағы алғашқы саммит өтеді.Саммит аясында Орталық Азия мемлекеттері мен Италия Республикасы арасындағы саяси, сауда-экономикалық, инвестициялық және мәдени-гуманитарлық ынтымақтастықтың өзекті мәселелері талқыланады.Іс-шара өтетін күні БАҚ өкілдері үшін Астана қаласы, Тәуелсіздік даңғылы, 52 мекенжайындағы Тәуелсіздік сарайында баспасөз орталығы жұмыс істейтін болады.Аккредитациядан өту үшін шетелдік журналистер 2025 жылғы 27 мамырда сағат 12:00-ге дейін тіркеу формасын толтырып, оны mfakzaccreditation@gmail.com электронды поштасына жолдау қажет.Қосымша сұрақтар туындаған жағдайда ҚР СІМ Баспасөз қызметіне хабарласуға болады:– Ерлан Өтегенов, ұялы тел.: +7 (777) 041 8865.Ақпарат көзі : https://www.gov.kz/memleket/entities/mfa/press/news/details/1004107?lang=kk

Республикалық «Halyq zañgerі» акциясы Ағымдағы жылдың 30 мамырында сағат 17:00-де республика бойынша бірыңғай «Halyq zañgerі» акциясы өтеді.Іс-шара аясында азаматтар мемлекеттік органдар өкілдерінен, нотариустан және адвокаттан тегін құқықтық көмек пен кеңес ала алады.Жақсы ауылында акция мына мекенжайда өтеді: Дружба көшесі, 14(Жақсы ауданының «ТҮКШ, ЖК, АЖ және ТІ бөлімі» ММ ғимаратында, сервистік әкімдік базасында).Барлық қалаушыларды шақырамыз! Құқықтық сұрақтарыңызға білікті жауаптар алыңыз.📞 Анықтама телефоны: 21-5-06. Ақпарат көзі : https://www.gov.kz/memleket/entities/aqmola-zhaksy/press/news/details/1004122?lang=kk

Шоқан Уәлиханов атындағы әскери колледжде Парламент Мәжілісінің Халықаралық істер, қорғаныс және қауіпсіздік комитетінің депутаттары болды.Қорғаныс министрінің тәрбие және идеологиялық жұмыс жөніндегі орынбасары генерал-майор Шайх-Хасан Жазықбаев кіші командалық құрамның мамандарын даярлаудың қолданыстағы жүйесі, бейінді комитет мүшелерін кадеттерді іріктеу тәртібі жайынан хабардар етті.Заң шығарушы билік өкілдері оқу орнының инфрақұрылымымен, оның материалдық-техникалық базасымен, кадеттер мен мерзімді қызмет сарбаздарының тұратын жерімен, тамақтану және медициналық көмек көрсету шарттарымен танысты. Олар казармаға, асханаға, спортзалға барып, медициналық кабинеттің қалай жабдықталғанын көрді.Депутаттар әскери бейіндегі мамандардың беделін арттыру жөніндегі пікірлерін айтты, сонымен қатар кәсіптік бағдар беру жұмысын күшейтуді ұсынды. Мәжіліс депутаты Айдос Сарым колледжге негізінен оңтүстік облыстардан келген жастар түсетініне назар аударды. Оның пікірінше, мотивациялық факторлардың бірі білім алушыға азаматтық өмірде де пайдалы болатын мамандық алу мүмкіндігі болуы керек. Ол барлық аймақтардағы мектептерде колледж түлектеріне арналған преференциялар туралы ақпараттандыру жұмыстарын өрбітуді ұсынды.Сапар барысында депутаттарға колледж тәрбиеленушілерінің мәдени бос уақытын, әскери-патриоттық тәрбиесін және спортпен шұғылдануын ұйымдастыру жайы да айтылды. Қонақтар мұражайға, оқу орнының кітапханасына және спортзалға барды.Іс-шара соңында депутаттар әскери колледждің жеке құрамымен кездесті. Мәжілісмендер әскери білім мен әскери қызметке қатысты заңнаманың ережелеріне түсініктеме беріп, оны жетілдіру жөніндегі көзқарасымен бөлісті.Ақпарат көзі : https://www.gov.kz/memleket/entities/mod/press/news/details/1004135?lang=kk

         2025 жылғы 23 мамырда «Нұр Жолы» (ҚР) – «Қорғас» (ҚХР) өткізу пункттерінде Қазақстан мен Қытай делегацияларының бірлескен жұмыс сапары өтті. Қазақстандық делегацияны Қазақстан Республикасы Қаржы министрлігі Мемлекеттік кірістер комитетінің төрағасы Жандос Дүйсембиев, қытайлық делегацияны ҚХР Бас кеден басқармасының министрі Сунь Мэйцзюнь басқарды. Бұл сапар Мемлекет басшысының тапсырмаларын іске асыру және Қытай бағыты бойынша үлкен кезектерді шешу қажеттілігі аясында ұйымдастырылды. Ортақ инспекция жүргізу туралы келісім 2025 жылғы 21–22 мамырда Орталық Азия және Қытай кеден қызметтері басшыларының кездесуінде жасалды.       Сапар барысында делегация басшылары екі елдің өткізу пункттері – «Нұр Жолы» және «Қорғас» – орналасқан инфрақұрылыммен танысып, шекараның екі жағындағы нысандарды аралады.       Инспекция қорытындысы бойынша келесі нақты шешімдер қабылданып, уағдаластықтар жасалды:       ➢ «Нұр Жолы» – «Қорғас» өткізу пункттерінің тәулік бойы жұмыс істеу режимін 2026 жылғы 30 маусымға дейін ұзарту;      ➢ Қытай тарапының Қазақстаннан келетін автокөлік құралдарын қабылдау көлемін ұлғайту:      ➢ «Нұр Жолы» өткізу пункті арқылы – қазіргі таңда тәулігіне 650 АТС қабылдануда, 1 шілдеден бастап бұл көрсеткіш 750 АТС болады, ал қыркүйек айында – 1000 АТС дейін арттырылады;     ➢ «Қалжат» өткізу пункті арқылы – тәулігіне 130 АТС-тен 250 АТС-ке дейін артты, маусым айында 300 АТС-ке дейін ұлғайтылады;     ➢ 2025 жылғы мамыр айының соңына дейін Қытай тарапының «Дулаты» өткізу пунктінде қосымша мобильді инспекциялық-байқау кешенін (МИДК) іске қосу;     ➢ 2025 жылғы қыркүйектің соңына дейін «Қорғас» өткізу пунктінде тұрақты инспекциялық-байқау кешенін орнату;     ➢ Инспекциялық-байқау кешендерінің рентгендік кескіндерін өзара тану жөнінде келісімге қол жеткізілді, бұл қайталап тексеру уақытын қысқартып, шекарадан өту үдерісін жеделдетеді;     ➢ «Қорғас» ХШСО арқылы тасымал ағындарын оңтайлы бөлу жоспарлануда, бұл «Нұр Жолы» өткізу пунктіндегі жүктемені азайтуға және тасымал қозғалысын теңгерімді бөлуге мүмкіндік береді;    ➢  «Нұр Жолы» – «Қорғас» өткізу пункттерінде қозғалыс жолақтары мен шекаралық көпірді кеңейту мәселесі екі тараппен бірлесіп қаралуда;    ➢  Шекара маңындағы кеден қызметтері деңгейінде ай сайынғы отырыстар және Қазақстан-Қытай кеден органдарының үйлестірушілерінің тоқсан сайынғы кездесулерін өткізу келісілді.        Сапар қорытындысында делегация басшылары қол жеткізілген уағдаластықтардың маңыздылығын атап өтіп, бірлескен жұмысты жалғастыруға дайын екендіктерін растады. Министр Сунь Мэйцзюнь сондай-ақ «Нұр Жолы» өткізу пунктінің инфрақұрылымдық мүмкіндіктері мен Қазақстанның электрондық кезек жүйесін жоғары бағалап, оның тасымал үдерісінің ыңғайлылығы мен тиімділігін арттырудағы рөлін атап өтті.       Айта кету керек, Қазақстан мен Қытай үнемі өзара іс-қимыл жүргізіп келеді. Бірлескен шаралардың нәтижесінде Қытаймен шекарадағы өткізу қабілеті 2023 жылы 202 мыңнан 429 мың АТС-ке дейін (112%), 2024 жылы 429 мыңнан 734 мың АТС-ке дейін (71%) артты. 2025 жылдың алғашқы 4 айында 238,5 мың АТС қозғалысы тіркеліп, 41%-ға өсім көрсетілді.      Жоғарыда көрсетілген барлық шаралар екі ел арасындағы тауар айналымын және транзиттік әлеуетті одан әрі ұлғайтуға, сондай-ақ екі бағыт бойынша кезектерді едәуір қысқартуға мүмкіндік береді.Ақпарат көзі : https://www.gov.kz/memleket/entities/kgd/press/news/details/1004046?lang=kk

Нақты секторды қаржыландыру «Бәйтерек» ұлттық басқарушы холдингі» АҚ арқылы жүзеге асырылады. Бұл мақсатқа 8 трлн теңге бағытталады. Қаражат елдің тұрақты экономикалық өсуіне бағытталған басым индустриялық және инфрақұрылымдық жобаларды іске асыруға жұмсалмақ.Осы рете, Қазақстанның Даму Банкінде ең ірі инвестициялық жоба пулы шоғырланып отыр. 2025 жылғы төрт айдағы қорытынды бойынша Қазақстан Республикасының жалпы ішкі өнімінің өсуі 6%. Көлік секторы 22,4%-бен өсімнің ең жоғары қарқынын көрсетті. Көлік инфрақұрылымын дамытуды алсақ, 2024 жылы «Қазақстанның Даму Банкі» АҚ желісі бойынша 5 мың шақырым автомобиль жолын жөндеудің бірінші кезегін қаржыландыру басталды. Бүгінгі таңда ұзындығы 1,2 мың шақырым учаскеде жұмыс аяқталды. 2025 жылы ҚДБ жол инфрақұрылымын дамыту бойынша 500 млрд теңгеге жобаларды бекітуді жоспарлап отыр. Атап айтқанда, бүкіл еліміз бойынша 3 мың шақырым автожолды қайта жаңартудың ауқымды екінші кезегі қаржыландырылады. Осы арқылы өңірдегі 7 млн-нан астам тұрғын көлікке қол жеткізеді. Жобаларды іске асыру кезінде құрылыс пен қызмет көрсету саласында шамамен 28 мың жұмыс орны ашылады. Осы кезеңде халықаралық көлік бағыты да нығайтылуда. Бұл сыртқы сауданың кеңеюіне, Қазақстанның логистикалық әлеуетінің артуына ықпал етеді.Өндіріс индексінің 7,1% өсімін көрсететін ТМК секторын ҚДБ 420 млрд теңгеге қаржыландырған екен. Негізгі жобаның бірі – Екібастұз ферросилиций зауыты. Жоғары автоматтандырылған өндіріс іске қосылса, жобалық қуаты жылына 80 мың тонна. Экспортқа бағдарланған өнімі арқылы ол Қазақстанның әлемдегі ең ірі ферроқорытпа жеткізуші ретіндегі позициясын нығайтуға мүмкіндік береді. Зауыт 520-дан аса тұрақты жұмыс орны, бірнеше ондаған мердігер компаниясы, болат кешені мен темірді тікелей қалпына келтіру фабрикасы секілді іргелес кәсіпорындар арқылы өнеркәсіптік кластер құрмақ.ҚДБ жылына 2 млн тонна көлемінде ыстық брикетті темір өндіретін жаңа жобаны қаржыландыруды жоспарлауда. Жоба іске қосылар болса, шикізатты қайта өңдеу деңгейі артып, өнім сапасының жақсаруына, кәсіпорынның технологиялық деңгейі мен экспорттық әлеуетін арттыруға әкеледі. Сондай-ақ, 1000-ға жуық жұмыс орны құрылады. Металлургия саласының, ел экономикасының дамуына елеулі үлес болмақ.Тағы бір маңызды жоба – Павлодар облысындағы автоклавты тотығу технологиясы қолданылатын гидрометаллургиялық комбинат құрылысы. Бұл Қызыл мен Варвара кен орнында өндірілетін кен концентратын халықаралық стандарттар бойынша жоғары деңгейде өңдеуге мүмкіндік береді.Химия саласының өндіріс индексі 11,2%-ға өсіп, озық қарқынмен дамуда. 2025 жылы 262 млрд теңге қаржы салынған. Негізгі жобаның бірі – Жамбыл облысында натрий цианидін өндіретін зауыт салу. Жылына 25 мың тонна алтын өндіруге арналған стратегиялық маңызды реагент шығаратын кәсіпорын. Өндіріс ішкі сұранысты толығымен жауып, импортқа тәуелділікті азайтады. Орталық Азия елдеріне экспорттық әлеуетті қалыптастырады. Жобаны іске асыру кезеңінде 200-ге дейін жұмыс орны, өндіре бастаған кезде 100-ге жуық жұмыс орны ашылмақ.Сондай-ақ, Жамбыл облысында жиынтық қуаты жылына 1 млн тоннадан асатын минералды тыңайтқыш пен индустриялық өнім өндіретін өңірдегі ең ірі химиялық кешен салынады. Өнім АҚШ, Қытай, Түркия, ЕО мен Бразилияға экспортталады. 1200-ден астам адам жұмыспен қамтылады.Батыс Қазақстан облысында калий тұзын өндіру кешенінің құрылысы басталады. Мыңдаған жұмыс орнының сыртында өңірде мектеп, аурухана, тұрғын үй мен жол инфрақұрылымы салынып, мультипликативтік әсері мол болады.Түркістан облысында қуаты жылына 800 мың тонна күкірт қышқылы зауыты салынып жатыр. Ол еліміздегі уран саласындағы стратегиялық жеткізуші болады. Оның қызметінен түсетін салық жыл сайын 12 млрд теңгеге жетпек. Сондай-ақ, өңірде поливинилхлорид пен каустикалық сода шығару бойынша бірегей жоба іске асырылуда. Ол – көлемі жылына 120 мың тонна, Қазақстандағы алғашқы ПВХ өндірісі. Ол ішкі сұранысты толығымен жауып, ЕАЭО, Қытай және ЕО елдеріне экспорттық арна ашады. 1300 адам жұмыспен қамтылады. Болжамды кіріс – шамамен 76,8 млрд теңге. Салық түсімі – жылына 3,7 млрд теңге.Жамбыл облысында кальциленген сода шығару жобасы ерекше маңызды. Қуаттылығы жылына 500 мың тонна. Шыны, металлургия және мұнай-химия саласының қажеттілігін қамтамасыз ететін еліміздегі алғашқы өндіріс. Жобаны іске асырудың арқасында импортқа тәуелділік толығымен жойылады. 355 жұмыс орны мен саланың одан әрі өсуі үшін технологиялық база құрылады.Қазақстанның Даму Банкінің 2025 жылға арналған инвестициялық жоспары – көлік қатынасын дамыту, өндірісті автоматтандыру, ең озық қарапайым технологияны кеңінен қолдану арқылы қосылған құны жоғары экспортқа бағдарланған жаңа өндіріс құру жолымен экономикалық өсуге тұрақты негіз қалыптастыру. Жобаларды іске асырудың өн бойында жүзеге асатын жиынтық жалпы қосылған құн 37,8 трлн теңге. Оның ішінде 2025 жылдан бастап іске асырыла бастайтын жобалар бойынша 13,5 трлн теңге. Жобалардың беретін жалпы әсері – көлік саласын дамыту, автоматтандыру мен цифрландыру арқылы өндірістік қуатты жаңарту, жұмыс орнын құру, шикізатты қайта өңдеудің жаңа тізбегін іске қосу, импортқа тәуелділікті төмендету, салық түсімі есебінен өңір бюджетінің өсуі.Ақпарат көзі : https://www.gov.kz/memleket/entities/kostanai-ekonomika-zhosparlau/press/news/details/1004721?lang=kk

2025 жылғы 23 мамырда Новотроицкое ауылында аудандық мәслихат депутаты С.К. Алдабергенов азаматтардың жеке қабылдауын өткізді. Тұрғындар Мағнай станциясындағы жолды жөндеу және Аққұдық ауылындағы жолды тегістеу мәселелері бойынша жүгінді.Аталған мәселелер бойынша "Қарабалық ауданы әкімдігінің тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі" ММ-не депутаттық сауалдар жолданатын болады.Азаматтарды қабылдау туралы ауыл тұрғындары алдын ала хабардар етілді.Ақпарат көзі : https://www.gov.kz/memleket/entities/maslihat-karabalyk/press/news/details/1004190?lang=kk

 ҚР жеке кәсіпкер ретінде тіркелу тәртібіҚазақстан Республикасында жеке кәсіпкер (ЖК) ретінде тіркелу онлайн жүргізіледі және тегін. Тіркеу процесі әдетте 1 жұмыс күнінен аспайды.Тіркелу қадамдарыЭлектрондық цифрлық қолтаңба (ЭЦҚ) алуЭЦҚ — онлайн құжаттарға қол қою үшін қажет. Оны egov.kz порталынан немесе Kaspi.kz мобильді қосымшасынан алуға болады.Тіркелу тәсілін таңдауЖК тіркеу үшін келесі платформалардың бірін пайдалануға болады:e-license.kz порталыegov.kz порталыKaspi.kz мобильді қосымшасыE-Salyq Business мобильді қосымшасыЭлектрондық өтініш формасын толтыруКелесі мәліметтерді көрсету қажет:Аты-жөні және ЖСНТұратын мекенжайҚызмет түрі (ОКЭД бойынша)Салық режимі (мысалы, жеңілдетілген режим)ЭЦҚ арқылы өтінішке қол қоюҚол қойған соң, мәлімет автоматты түрде салық органына жіберіледі.Тіркеу туралы хабарлама алу1 жұмыс күні ішінде сіздің ЖК тіркелгені туралы растау келеді. Хабарламаны e-license.kz порталынан немесе қолданылған мобильді қосымшадан жүктеп алуға болады.Мобильді қосымшалар арқылы тіркелуKaspi.kz:«Мемлекеттік қызметтер» бөлімінен «ЖК тіркеу» тармағын таңдаңыз, әрі қарай нұсқаулық бойынша әрекет етіңіз.E-Salyq Business:Қосымшаның «ЖК тіркеу» бөлімінде қажетті ақпаратты толтырып, тіркеуге өтініш жіберіңіз.Қосымша ақпаратЖК ретінде тіркелу ҚР азаматтарына, қандастарға, сондай-ақ Қазақстанда тұрақты тұратын Ресей, Қырғызстан, Беларусь, Тәжікстан және Армения азаматтарына қолжетімді.Қызмет түрлерін таңдағанда ОКЭД классификаторын пайдаланыңыз.Тіркеуден кейін банкте есепшот ашып, ресми кәсіпкерлік қызметті бастай аласыз. Ақпарат көзі : https://www.gov.kz/memleket/entities/kgd-kostanay/press/news/details/1003924?lang=kk

Қазіргі таңда Қазақстан сыбайлас жемқорлықтан бос қазіргі заманғы және құқықтық мемлекеттің үлгісін құрайды.«Қазақстан-2050» стратегиясы: құрылған елдің саяси бағыты, сыбайлас жемқорлыққа қарсы мәселе бойынша елдің бағытын белгілейді және алдағы жылға сыбайлас жемқорлықтың базалық векторларын, сонымен қатар оны құбылыс ретінде жоюды анықтайды.2015-2025 жылдарға арналған Қазақстан Республикасының сыбайлас жемқорлыққа қарсы стратегиясы сыбайлас жемқорлық саясатының нәтижелігін арттыруға бағытталған, сыбайлас жемқорлықтың кез-келген «нөлдік» төзімділігін құру және оның деңгейін азайту.Осылайша, Қостанай облысы бойынша Мемлекеттік кірістер Департамент (будан әрі - Департамент) жоғарыда көрсетілген стратегия шеңберінде тұрақты негізде қызметкерлермен құқықтық мәдиниетті жоғарлату, қызметтер көрсету сапасын арттыру, сыбайлас жемқорлыққа қарсы тиімді саясатты іске асыру бойынша әнгімелесулер өткізеді.Егер сіз Департамент қызметкерлерінің құқыққа қарсы әрекеттеріне тап болсаныз, тез арада 53-65-80 Департаменттің сенім телефоны бойынша (қызметтік тергеу бөлімі) немесе сыбайлас жемқорлыққа қарсы қызметке 1424 нөмірі бойынша хабарласуыңызды сұраймыз.Ақпарат көзі : https://www.gov.kz/memleket/entities/kgd-kostanay/press/news/details/1003929?lang=kk

2025 жылғы көктемгі әскерге шақыру науқаны шеңберінде Қазақстан Республикасы ІІМ Ұлттық ұланының қатарын еліміздің түрлі өңірлерінен келген жас жауынгерлер толықтырдуда. 5571 және 5573 әскери бөлімдеріне Маңғыстау және Павлодар облыстарынан әскерге шақырылғандардың алғашқы легі келді.Ақтау қаласының жастары Отан қорғау үшін Алматыдағы Кеңес Одағының Батыры, гвардия полковнигі Бауыржан Момышұлы атындағы 5571 әскери бөлімінің табалдырығын аттады.Бөлім командирі полковник Мақсат Баймағұлов әскерге шақырылушыларды салтанатты түрде қарсы алып, жасаған таңдауларының маңыздылығына тоқталды:— Бүгін ерекше күн. Еліміздің батысынан келген жас жігіттер құқықтық тәртіп әскерінің жауынгерлік құрамына еніп отыр. Әскери қызмет — батылдық пен жауапкершілік жолы. Осы жолдағы қадамдарыңыз өмір мектебінің бастамасы болсын, - деді ол.Көп жастар үшін бұл мегаполисқа және әскери тәртіпке деген алғашқы адым десек те, жас жауынгерлердің қызметке деген құштарлығы жоғары.Солардың бірі, кәмелет жасындағы Аманат Бегениш өз әсерімен бөлісті:— Ес білгелі Ұлттық ұланда қызмет етуді армандадым. Аты аңызға айналған Бауыржан Момышұлының есімімен аталған әскери бөлімге түскеніме қуаныштымын. Бұл нағыз ер азамат, елжанды Отан қорғаушы болуға берілген мүмкіндік деп білемін.Астанада орналасқан 5573 әскери бөлімі Павлодар облысынан келген шақырылушыларды тобын қабылдады. Әскери өмірге жаңа келген жастар көңілдеріндегі толқынысқа қарамастан, қызметке дайын екендіктерін көрсетті.Әскери бөлім оларды белгіленген тәртіпке сай қарсы алды: болашақ Отан қорғаушыларға тиісті нұсқамалар берілді, медициналық тексеріс жүргізілді, киім-кешекпен қамтамасыз етілді және казармаға орналастырылды. Енді олар саптық, физикалық және атыс дайындығын шыңдайтын, жарғылар мен бөлім дәстүрлерін үйрететін 40 күндік жас жауынгер курсынан өтеді.Айта кету керек, елордалық бригада қолбасшылығы жас толықтырылым әскери бауырластықтың даңқты дәстүрлерін жалғастыра отырып, құқықтық тәртіп пен қоғамдық қауіпсіздікті абыроймен қамтамасыз ететініне сенім білдірді.Ұлттық ұландағы қызмет — тек батылдық мектебі ғана емес, Қазақстандағы құқықтық тәртіп пен тұрақтылық күзетіндегі әр азамаи үшін абырой. Ақтау және Павлодар облысынан келген жас толықтырылым осы жауапты жолдағы алғашқы қадамдарын жасады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1003946?lang=kk

ҚР Елшілігінің Малайзияда білім алып жатқан қазақстандық студенттермен жүйелі түрде жұмыс жүргізу аясында 2025 жылғы 23 мамырда Қазақстан дипломаттарының «INTI International University & College» университетінің студенттерімен кездесуі өтті. Кездесуге Малайзиядағы қазақ диаспорасының басшылығы мен университет әкімшілігінің өкілдері қатысты.Кездесу барысында студенттердің оқу және тұру жағдайларына, денсаулық сақтауға, жергілікті заңнаманы сақтауға, сондай-ақ жеке және қоғамдық қауіпсіздік шараларын сақтауға қатысты негізгі мәселелер талқыланды. Елдегі медициналық сақтандыру жүйесінің жұмысына, сондай-ақ консулдық және құқықтық қызметтерді алу тәртібіне ерекше назар аударылды.Елшілік Қазақстаннан келген студенттермен жергілікті жоғары оқу орындарда, сондай-ақ Малайзияда өткізілетін әртүрлі мәдени іс-шаралар аясында кездесулерді тұрақты түрде өткізеді.  Бұл кездесулер студенттердің жеке қауіпсіздігі мен әл-ауқатын қамтамасыз етуге, патриотизмді сақтауға, ұлттық мәдениет пен дәстүрлерді ілгерлетуге, сондай-ақ шетелде болғанда олардың құқықтары мен қолжетімді мүмкіндіктері туралы хабардарлығын арттыруға бағытталған.Ақпарат көзі : https://www.gov.kz/memleket/entities/mfa-kuala-lumpur/press/news/details/1003973?lang=kk

Дубайда Қазақстан өнімдерін Біріккен Араб Әмірліктері нарығына ілгерілету аясында Union COOP компаниясының Атқарушы директоры Мохамед Аль Хашимимен кездесу өтті.Анықтама:Union COOP — 1982 жылы құрылған, БАӘ-дегі ең ірі сауда желілерінің бірі. Компания супермаркеттер мен гипермаркеттер желісін басқарып, азық-түлік пен күнделікті тұтыну тауарларын сатуға маманданған.Ақпарат көзі : https://www.gov.kz/memleket/entities/mfa-dubai/press/news/details/1003984?lang=kk

Варшава, 2025 жылғы 23 мамыр – Қазақстан Республикасы Сыртқы істер министрлігінің Инвестициялар комитетінің төрағасы Ғабидолла Оспанқұлов Польша Республикасының ғылыми және бизнес өкілдерімен бірқатар кездесу өткізді.Атап айтқанда, Станислав Сташица атындағы Краков тау-металлургия академиясының (AGH) делегациясымен кездесу өтті. Польша тарапы «CompLithium» жобасын таныстырды. Жоба құрамында литий бар қабат суларынан металлды тиімді бөлуді қамтамасыз ететін инновациялық сүзгі технологиясын пайдалануға бағытталған. Тараптар қазақстандық жоғары оқу орындарымен бірлескен зерттеулер жүргізу және технология сәтті сынақтан өткен жағдайда оны коммерцияландыру мүмкіндігін талқылады.Сондай-ақ азық-түлік және балық шаруашылығы салаларында жұмыс істейтін Польша кәсіпорындарының жетекшілерімен келіссөздер өтті.«Polryb sp. z o.o.» компаниясының президенті Лукаш Парфиановичпен келіссөздер барысында балық шаруашылығы саласындағы қазақ-поляк ынтымақтастығының келешегі талқыланды. Польша тарапы форель өсірудің бірегей технологиясын беру және балық шаруашылығы саласындағы мамандарды оқыту бойынша қазақстандық кәсіпорындармен ынтымақтастыққа мүдделілігін білдірді.«Мощиброди ет комбинаты» компаниясының президенті Кшиштоф Борковски Қазақстанда күркетауық өсіру және қайта өңдеу саласында қазақстандық компаниялармен ынтымақтастыққа қызығушылық танытты. Кездесу барысында Польша құс шаруашылығы өнімдерінің Қазақстан нарығына шығуына кедергі келтіретін бірқатар мәселелер қаралды.Польша тамақ өнеркәсібі саласындағы ғылыми-техникалық қауымдастығының Бас кеңесінің төрағасы Марек Мажец Қазақстанның азық-түлік өнімдерін Еуропалық Одақ, соның ішінде Польша нарығына шығару үшін сертификаттау саласындағы ынтымақтастыққа дайын екенін, сондай-ақ жасанды интеллектке негізделген заманауи шешімдерді енгізуге мүдделі екенін атап өтті.«Trans Rach» компаниясының бас директоры Марта Лагодамен логистика саласындағы мәселелер, соның ішінде «Орта дәліз» инфрақұрылымын дамыту және жүктерді жеткізу уақытын қысқарту үшін электрондық кезек жүйесін құру мәселелері талқыланды.Польша-Қазақстан Сауда-өнеркәсіп палатасының төрағасы Петр Гузовскиймен кездесу барысында Польша инвесторларының Қазақстандағы жобаларын іске асыру барысында туындайтын өзекті мәселелер, соның ішінде кадрларды даярлау мәселелері қаралды. Сондай-ақ алдағы инвестициялар үшін жағдайды жақсарту, бизнес-процестерді оңтайландыру және екіжақты экономикалық ынтымақтастықты нығайту маңыздылығы айтылды.Кездесулер қорытындысы бойынша екі ел үшін басым салаларда бірлескен ғылыми және инвестициялық бастамаларды дамыту мақсатында диалогты жалғастыру туралы уағдаластыққа қол жеткізілді.Ақпарат көзі : https://www.gov.kz/memleket/entities/mfa/press/news/details/1003974?lang=kk

Атаулы күнге орай Ұлттық әскери-патриоттық орталықта салтанатты іс-шара өтті.Оған Қорғаныс министрлігінің басшылығы, әскери-техникалық мектептер, оқытушылар, Қарулы күштердің ардагерлері мен курсанттар қатысты.Жиналғандарды Қорғаныс министрінің тәрбие және идеологиялық жұмыс жөніндегі орынбасары генерал-майор Шайх-Хасан Жазықбаев маңызды күнмен құттықтады. Ол негізгі миссияся жұмылдыру ресурсын толықтыру үшін әскерге шақырылушылар мен әскери дайындалған резервті сапалы дайындау болып табылатын мекеменің тарихы бай екенін атап өтті.Генерал-майор Шайх-Хасан Жазықбаев бұдан басқа жұмысшы мамандықтар жылы әскери-техникалық мектептердің қорғаныс қабілеті мен мемлекеттің тиімді дамуына қажетті мамандарды сапалы даярлаудың рөлі мен жауапкершілігі едәуір артқанын алға тартты.Қорғаныс министрлігінің әскери-техникалық мектептері Ақтөбе, Алматы, Атырау, Қарағанды, Көкшетау, Қызылорда, Павлодар, Семей, Талдықорған, Тараз, Өскемен, Орал және Шымкент қалаларында жұмыс істейді. Мекемелер атқыш, мерген, граната лақтырушы, барлаушы, ҰҰА операторы, "B, C, C1" санатындағы жүргізуші, МТЛБ механик-жүргізушісі, радиотелеграфист сияқты әскери-есептік мамандықтар бойынша азаматтарды даярлау бағдарламаларының кең спектрін іске асырады. Уақыт талаптарын ескере отырып, мамандықтар тізімі үнемі кеңейіп отырады.– Біздің мекеме қорғаныс және азаматтық бейіндегі мамандарды даярлау жүйесіндегі маңызды буыны, кәсібиліктің, патриотизмнің және Отанға адалдықтың тірегі болды. Біз жүріп өткен жол – беріктіктің, тұрақтылықтың және ынтымақтастықтың жоғары сапасының дәлелі. Ширек ғасыр – біз оқыған, оқытқан, жетілдірген және кәсіби мәдениетті қалыптастырған, лайықты азаматтардың жаңа буынын, мемлекетіміздің қорғаушыларын тәрбиелеп шығарған уақыт, – деді өз сөзінде ҚР Қорғаныс министрлігі Әскери-техникалық мектебінің бас директоры генерал-майор Әділбек Алдабергенов.Әскери-техникалық мектептің 25 жылдығына орай бірқатар әскери қызметшілер, мамандар мен ардагерлер "Ел қорғаны" ведомстволық медалімен, Қорғаныс министрі мен Әскери-техникалық мектептің бас директорының атынан грамоталармен және бағалы сыйлықтармен марапатталды. Салтанатты шара Ұлттық әскери-патриоттық орталықтың шығармашылық ұжымы дайындаған концерттік бағдарламамен аяқталды.Ақпарат көзі : https://www.gov.kz/memleket/entities/mod/press/news/details/1003995?lang=kk

Мемлекеттік кірістер органдары көрсететін мемлекеттік қызметтердің сапасын арттыру мақсатында 2025 жылғы 2 және 14 мамырда Қостанай облысы бойынша Мемлекеттік кірістер департаментінің мемлекеттік қызметтер басқармасы "Азаматтарға арналған үкімет "мемлекеттік корпорациясы" КЕАҚ Қостанай облысы бойынша филиалының қызметкерлері үшін оқыту семинарларын өткізді.Семинарлардың тақырыбы Мемлекеттік кірістер органдарының құзыретіндегі Мемлекеттік қызметтерді көрсету кезінде бизнес-процестердегі регламенттік іс-қимылдарды сақтау болды. Келесі қызметтерді көрсету тәртібіне ерекше назар аударылды:Қазақстан Республикасының резиденттігін растау;салықтарды, бюджетке төленетін төлемдерді, өсімпұлдар мен айыппұлдарды есепке жатқызуды және қайтаруды жүргізу;салық есептілігін қабылдау.Бұқаралық-түсіндіру жұмысы шеңберінде халыққа қызмет көрсету орталықтарының ақпараттық стендтерінде көрсетілетін қызметтерді алушыларға тиісті мемлекеттік қызметтерге жүгінген кезде салық құжаттарын дұрыс ресімдеуге көмектесетін өтініштерді толтыру үлгілері орналастырылды.Бұдан басқа, мемлекеттік қызметтер басқармасының мамандары жоғарыда аталған бағыттар бойынша өтініштерді дұрыс ресімдеуге бағытталған бақылау нүктелері бар егжей-тегжейлі қадамдық нұсқаулықтар мен чек-парақтар әзірледі.Жүргізілген жұмыс азаматтардың құқықтық сауаттылығын арттыруға және мемлекеттік қызметтер көрсету сапасын жетілдіруге бағытталған.Ақпарат көзі : https://www.gov.kz/memleket/entities/kgd-kostanay/press/news/details/1003910?lang=kk

Қытайға жасаған ресми сапары аясында Алматы облысының әкімі Марат Сұлтанғазиев Қытайдың ең ірі логистикалық компанияларының бірі – YTO Express Co. штаб-пәтеріне барды. Сапар барысында компанияның негізін қалаушы әрі Директорлар кеңесінің төрағасы Ю Вэйцзяомен кездесу өтті.YTO Express – Қытайдың экспресс жеткізу нарығындағы «үлкен бестікке» кіретін көшбасшы компаниялардың бірі және халықаралық логистикалық желіні белсенді түрде дамытып келеді. Компания әуе, теңіз және құрлық арқылы тасымалдау қызметін көрсетіп, зияткерлік сұрыптау орталықтарын басқарады және логистика саласына арналған IT-шешімдер ұсынады. Бүгінде YTO әлем бойынша 5 100-ден астам филиалға, 133 логистикалық хабқа және 80 000 терминалға иелік етеді.Әкім осындай жаһандық операторлармен әріптестіктің стратегиялық маңыздылығын атап өтті, әсіресе Алматы облысын «Бір белдеу – бір жол» бастамасы аясында көлік-логистикалық хаб ретінде дамыту тұрғысынан. Бүгінде Алматы облысы YTO компаниясының жаһандық логистикалық стратегиясындағы басым бағыттардың бірі болып отыр. Бұл қатарда Дубай, Сидней және Лос-Анджелес сияқты ірі қалалар да бар.Тараптар YTO компаниясының Алматы облысындағы қатысуын кеңейту, бірлескен инфрақұрылымдық жобаларды жүзеге асыру және инновациялық логистикалық шешімдерді дамыту мәселелерін талқылады.Сапар өңірге жоғары технологиялық инвестицияларды тарту мен экономикалық серіктестікті нығайту жолындағы маңызды қадам болды.Ақпарат көзі : https://www.gov.kz/memleket/entities/almobl/press/news/details/1003823?lang=kk

Қытайға жасалған іскерлік сапар аясында Алматы облысынан барған делегация фотоэлектрлік компоненттерді әзірлеу және өндіру саласындағы әлемдік көшбасшылардың бірі — Astronergy компаниясының өндірістік қуаттарын аралады.Сапардың мақсаты — күн энергетикасы саласындағы озық технологиялармен танысу және жаңартылатын энергия көздері бағытындағы ынтымақтастықтың келешегін талқылау болды. Қазақстандық делегация өндіріс үдерісінің жоғары деңгейде автоматтандырылуын, өнім сапасын бақылаудағы инновациялық тәсілдерді және кәсіпорын ауқымын жоғары бағалады.Astronergy компаниясы жоғары тиімділікке ие күн панельдерін өндіруге маманданған және «жасыл» технологиялар саласындағы жаңа шешімдерді белсенді түрде енгізіп келеді. Өндірістік желілер бойынша экскурсия барысында Алматы облысының өкілдеріне өндіріс технологиялары, өнімді сынақтан өткізу кезеңдері және экологиялық қауіпсіздікті қамтамасыз ету жүйесі туралы жан-жақты ақпарат берілді.Сапар қорытындысы бойынша тараптар болашақта ынтымақтастықты жалғастыруға, соның ішінде Қазақстан аумағында технологияларды жергіліктендіру және жаңартылатын энергетиканы дамыту саласындағы тәжірибе алмасу бағытында өзара қызығушылық білдірді.Ақпарат көзі : https://www.gov.kz/memleket/entities/almobl/press/news/details/1003824?lang=kk

Алматы облысы делегациясының Қытай Халық Республикасына жасаған ресми сапары аясында облыс әкімі Марат Сұлтанғазиев Қытайдың жетекші компанияларының өкілдерімен кездесті. Бұл кездесу халықаралық экономикалық ынтымақтастықты кеңейтудің маңызды кезеңіне айналды.Кездесуге Zhuhai Shixi Technology Co., Ltd, Wanjia Hotel Group Co., Ltd, және AT Partner Company сияқты жоғары технологиялар мен туризм саласындағы бірлескен жобаларға қызығушылық танытқан ірі компаниялардың өкілдері қатысты.Келіссөздер барысында Алматы облысының табиғи жауһары саналатын Көлсай аймағында аспалы жолдар салу жобасына ерекше назар аударылды. Кездесу нәтижесінде инфрақұрылымды дамыту және экологиялық туризм салаларындағы ынтымақтастықты көздейтін өзара түсіністік туралы меморандумға қол қойылды.Мұнай-газ секторына инвестиция тарту мәселесі бойынша негізгі әріптес ретінде Jinxiang Investment Group компаниясы танылып, оны директорлар кеңесінің төрағасы Хуан Сян Мяо таныстырды. Сондай-ақ кездесуге қазақстандық «Слава Мұнай» ЖШС өкілдері де қатысты.Энергетика саласы да маңызды тақырыптардың бірі болды. Жасыл энергетиканы дамыту перспективалары Ronghao Energy (басшысы Эрик Гао) және Zhongtai Group компанияларының қатысуымен талқыланды.Кездесу аясында зияткерлік жүйелер, технологиялар және өнеркәсіптік автоматтандыру салаларында ұсыныстармен алмасу өтті. Іс-шараға Jiangsu Slenline Intelligent Systems, Leng Dengke, Gaosong және Helong Explosion компанияларының өкілдері қатысты. Алматы облысының агроөнеркәсіптік кешенін дамытуға ерекше қызығушылық білдірген компаниялардың бірі – Қытайда жаңғақ пен снек өнімдерінің ірі дистрибьюторы болып саналатын Three Squirrels Co., Ltd. Компания атынан Пан Даовэй (Pan Daowei) сөз сөйледі.Алматы облысы шетелдік инвестициялар үшін ашық екенін және  шетелдік серіктестерге қолайлы жағдайлар, әрі тиімді рәсімдер және жобаларды іске асырудың барлық кезеңінде кешенді қолдау көрсетуге дайын екенін облыс әкімі Марат Сұлтанғазиев атап өтті.Ақпарат көзі : https://www.gov.kz/memleket/entities/almobl/press/news/details/1003825?lang=kk

Тіл мен архив саласы бойынша білім берудегі ЖИ: республикалық сессияның қорытындыларыАбылай хан атындағы Қазақ халықаралық қатынастар және әлем тілдері университеті базасында ҚР Ғылым және жоғары білім министрлігі мен ҚР Мәдениет және ақпарат министрлігінің қолдауымен «Тілдік және архивтік бейіндегі мамандарды даярлаудағы жасанды интеллект» атты Республикалық стратегиялық сессия отырысы өтті.Отырысқа ҚР Ғылым және жоғары білім министрлігі Жоғары және жоғары оқу орнынан кейінгі білім комитетінің төрайымы Г.Көбенова, ҚР Мәдениет және ақпарат министрлігі Архивтер, құжаттама және баспа ісі комитеті төрағасының орынбасары А.Дюсекова, ҚР Ұлттық академиялық кітапханасының басшысы К.Сеитова, Ш.Шаяхметов атындағы «Тіл-Қазына» ұлттық ғылыми-практикалық орталығының Жобалық басқару орталығының жетекшісі С.Кенжебаева, Назарбаев Университеті жанындағы Ақылды жүйелер және жасанды интеллект институтының (ISSAI) атқарушы директоры Е.Абсалямов, сондай-ақ Ұлттық және мемлекеттік маңызы бар мұрағаттардың және Қазақстан Республикасы ЖОО өкілдерінің 80-нен астам өкілдері қатысты.Қатысушыларға алғы сөзімен ректордың м.а. Д.Құнанбаева Қазақстан Республикасының Үкімет Аппаратына және жетекшілік ететін министрліктерге Университеттің тілдік және архивтік бейіндегі мамандарды даярлаудағы мәселелерді шешуге арналған пікірталас алаңына айналуына мүмкіндік бергені үшін алғыс білдірді. Сондай-ақ Абылай хан атындағы ҚазХҚжӘТУ еліміздегі жетекші шет тілдері университеттерінің бірі ретінде Қазақстан мен әлемдік экономиканың сұранысына сай білікті кадрлар даярлауға жауапты екенін атап өтті.Жалпы баяндамашылар мұрағат қызметінде жасанды интеллектті дамыту мәселелеріне, электронды мұрағаттар тек сақтау қоймасы емес, құжаттарды талдаудың толыққанды интеллектуалды жүйесі болуын қамтамасыз ету үшін қандай қадамдар жасалып жатқанын, бүгінгі күні электронды құжат айналымы жүйесінде ұсынылған қосымшаларды ауқымды енгізу үшін қандай қадамдар қажет екенін, нормативтік құқықтық актілерді мемлекеттік және ағылшын тіліне оқу құжаттарын сапалы аударуды қамтамасыз ету мәселелеріне тоқталып өтті.Республикалық стратегиялық сессия отырысының қорытындысы бойынша айтылған тақырып бойынша негізгі шешімдер, даму бағыттары мен бірінші кезектегі шаралар жазылған қорытынды құжат ұсынылады.Ақпарат көзі : https://www.gov.kz/memleket/entities/sci/press/news/details/1003835?lang=kk

Астанада Cardiff University Kazakhstan ашық есік күні өттіБүгін, 25 мамырда, Астанада Cardiff University Kazakhstan филиалының ашық есік күні өтті.Іс-шараға ҚР Ғылым және жоғары білім министрі Саясат Нұрбек, Қазақстандағы Ұлыбританияның Төтенше және Өкілетті Елшісі Кэти Лич, Cardiff University бас операциялық директоры Паула Сандерсон, халықаралық ынтымақтастық жөніндегі директоры Анна Морган және университеттің өзге де өкілдері қатысты.Өз сөзінде ҚР Ғылым және жоғары білім министрі Саясат Нұрбек Мемлекет басшысының тапсырмасына сәйкес Қазақстан аумағында әлемнің жетекші жоғары оқу орындарының филиалдарын ашу бойынша министрлік белсенді жұмыс жүргізіп жатқанын атап өтті. Осы бағыттағы маңызды нәтижелердің бірі – Кардифф университетімен ынтымақтастық орнату болды. Бұл университет – Ұлыбританиядағы беделді Russell Group құрамына кіретін, QS World University Rankings және Times Higher Education секілді әлемдік рейтингтерде тұрақты жоғары орын алатын оқу орны.Айта кетейік, 2024 жылғы 14 тамызда қазақстандық делегация алғаш рет Кардифф университетіне барып, оның қорытындысы бойынша ҚР Ғылым және жоғары білім министрлігі, «Qualified Centre of Education» қоғамдық қоры және Cardiff University арасында Астанада филиал ашу туралы үшжақты меморандумға қол қойылды. Кейін 2024 жылғы 20 қарашада Кардифф университеті делегациясының Қазақстанға жауапты сапары барысында тараптар егжей-тегжейлі келіссөздер жүргізуге бағытталған екіжақты келісім жасасты. Ал 2025 жылғы 25 ақпанда Кардифф университетінің өкілдері қайта келіп, академиялық бағдарламаларды нақтылап, ынтымақтастықтың негізгі мәселелерін талқылады.2025 жылғы қыркүйекте Астанада Cardiff University Kazakhstan толыққанды білім беру кампусы ашылады. Кампус 2000-нан астам студентке арналған. Бұл – Қазақстанда шетелдік жоғары оқу орнының жоғары академиялық рейтингке ие алғашқы филиалы болмақ. Бағдарламалар тікелей негізгі университеттің басқаруымен жүзеге асырылады. Жаңа кампус академиялық артықшылықтың, ғылыми зерттеулер мен халықаралық жобалардың орталығына айналады. Мұнда Cardiff University жетекші оқытушылары мен Қазақстан мен шет елдерден келетін талантты студенттер шоғырланатын болады.Филиал 2025 жылдан бастап STEM бағыттары (ғылым, технология, инженерия, математика) мен бизнеске басымдық берілетін Foundation (дайындық) бағдарламасымен жұмысын бастайды. 2026 жылдан бастап келесі салалар бойынша бакалавриат бағдарламалары іске қосылады: компьютерлік ғылымдар, бизнес басқару, азаматтық құрылыс, геология және пайдалы қазбаларды барлау.Оқу ұзақтығы – 4 жыл: 1 жыл Foundation, одан кейін 3 жыл бакалавриат. Барлық сабақтар толықтай ағылшын тілінде өтеді, дәрістер мен практикалық сабақтарды Cardiff University академиялық құрамы жүргізеді. Астана кампусы академиялық ұтқырлықты қамтамасыз етеді және басқа қалалар мен шет елдерден келген студенттер үшін жайлы жатақханамен қамтамасыз етіледі.Foundation бағдарламасына қабылдау талаптары:✔ IELTS академиялық тесті – кемінде 5.5 (әр компоненттен – кемінде 5.0);✔ Аттестаттың орташа балы (GPA) – 5.0 жүйесі бойынша кемінде 4.0, математика пәнінен – кемінде 4;✔ ҰБТ – кемінде 50 балл (мемлекеттік грантқа түсушілер үшін).Ақпарат көзі : https://www.gov.kz/memleket/entities/sci/press/news/details/1003854?lang=kk

Прага, 2025 жылғы 23 мамыр – Чехия астанасында Қазақстан Республикасының Елшілігі мен «Kazakh Tourism» ұлттық компаниясының ұйымдастыруымен Қазақстанның туристік әлеуетін таныстыруға, сондай-ақ қазақстандық және чех туристік сала өкілдері арасындағы іскерлік байланыстарды нығайтуға арналған «Welcome to Kazakhstan» атты бизнес-семинар өтті.Іс-шара гибридті форматта ұйымдастырылып, екі елдің мемлекеттік құрылымдары, туристік агенттіктері мен кәсіби бірлестіктері өкілдерінің басын қосты. Қатысушылар алдында сөз сөйлеген Қазақстанның Чехиядағы Елшісі Бақыт Дүйсенбаев шетелдік туристердің Қазақстанға деген қызығушылығы жыл сайын артып келе жатқанын атап өтті. Осыған орай, қазақстандық дипломат чех туроператорларын бұл бағытты чех нарығында дамытудың әлеуетін қарастыруға шақырды.Семинар барысында «Kazakh Tourism» ҰК» АҚ Басқарма төрағасы Қайрат Садуақасов Қазақстанның заманауи туристік мүмкіндіктерін таныстырды. Оның ішінде мәдени, экологиялық, шытырман оқиғалы және этнотуризм бағыттарына ерекше назар аударылды. Сонымен қатар, SCAT әуе компаниясының Еуропадағы бас өкілі Виктор Войцеховский тікелей әуе рейстерінің артықшылықтары мен елімізге Чехиядан келетін туристер үшін логистикалық қолжетімділігі туралы баяндады.Raft Service, Gvidon Tour, Khan Turan Travel, Empire Travel Qazaqstan және басқа да қазақстандық туристік компаниялар өз қызметтерін таныстырды. B2B-кездесулер барысында қатысушылар өзара тиімді әріптестік орнату және жаңа бағыттарды дамыту мәселелерін талқылады.Семинар қазақтың ұлттық тағамдары ұсынылған түскі аспен қорытындыланды. Екі елдің туристік сала өкілдері Қазақстанды чех нарығында ілгерілету бойынша ынтымақтастықты әрі қарай дамытуға қызығушылық білдірді.Ақпарат көзі : https://www.gov.kz/memleket/entities/mfa-prague/press/news/details/1003862?lang=kk