Қазақстан Республикасының Ұлттық қорғаныс университетінде Кеңес Одағының Батыры Әлия Молдағұлованың туғанына 100 жыл толуына арналған «Әлия – аңызға айналған есім» атты халықаралық ғылыми-практикалық конференция өтті.Іс-шараға Әскери ғылыми-зерттеу орталығының ғалымдары, Ұлттық қорғаныс университетінің профессорлық-оқытушылық құрамы мен докторанттары, Кеңес Одағының Батыры Әлия Молдағұлова атындағы Ақтөбе облыстық мемориалдық мұражайының өкілдері, «Атамның аманаты» қоғамдық бірлестігі, «Әскери-патриоттық және іздестіру қозғалысы қауымдастығы» республикалық қоғамдық бірлестігі, сондай-ақ Қырғызстан, Ресей, Тәжікстан және Өзбекстаннан келген әскери тарих зерттеушілері қатысты.Конференцияға қатысушылар қазақ халқының ержүрек қызы, Отан үшін жанын қиған батыр Әлия Молдағұлованың рухына тағзым етті. Жиында әскери-патриоттық тәрбиенің өзекті мәселелері мен қазақстандық жауынгерлердің өткен ғасырдың ең қанды шайқасына қатысуы кеңінен талқыланды.Ғалымдардың баяндамаларында қазақстандықтардың Екінші дүниежүзілік соғысқа қатысу тақырыбы әлі де толық зерттелмегені, бұл бағытта зерттеу жүргізудің кең мүмкіндіктері бар екені атап өтілді. Сол дәуірдің оқиғаларына қайта үңілу, соғыстың тәжірибесі мен сабақтарын терең ұғыну – әскери өнер тарихының болашақтағы даму бағыттарын болжауға жол ашады деген ой айтылды.Ұлттық қорғаныс университетінің бастығы генерал-майор Асқар Мұстабеков өз сөзінде халқымыздың қаһармандық тарихына айрықша назар аудару мен батырлардың ерліктерін жеке тұлға деңгейінде зерттеу – әскери-тарихи ғылымды жаңа сатыға көтеріп, қазіргі заман батырлығының рухани бастауларын табуға мүмкіндік беретінін атап өтті.– Әлия Молдағұлованың ерлігі мен жауынгерлік жолын жас ұрпақтың, болашақ офицерлер мен командирлердің оқу бағдарламасына енгізу – олардың бойында патриотизм мен әскери борыш сезімін қалыптастырудың маңызды тетігі, – деді генерал-майор Асқар Мұстабеков.Конференцияны ұйымдастырушылардың атына 70-тен астам ғылыми баяндама мен хабарлама келіп түсті. Бұл еңбектер әскери өнер тарихын зерттеуге серпін беріп, соғыс қаһармандарының есімдерін дәріптеу мен жас ұрпақтың отансүйгіштік тәрбиесін жетілдіру ісінде маңызды рөл атқарады.Іс-шара қорытындысында Ұлттық қорғаныс университеті мен Кеңес Одағының Батыры Әлия Молдағұлованың Ақтөбе облыстық мемориалдық мұражайы арасында өзара ынтымақтастық туралы меморандумға қол қойылды.Ақпарат көзі : https://www.gov.kz/memleket/entities/mod/press/news/details/1092236?lang=kk

Дәстүрге сай аудан әкімі құттықтау сөз сөйлеп, еліміздің басты құндылықтары — бірлік, бейбітшілік пен келісімнің маңыздылығын атап өтті.Әр түрлі сала қызметкерлері аудан әкімі атынан алғыс хаттармен және құрмет грамоталарымен марапатталды.Мерекелік концертте ауданның үздік шығармашылық ұжымдары мен өнерпаздары өнер көрсетті. Сахнада патриоттық әндер шырқалып, би ансамбльдері өз өнерлерін көрсетті. Көрермендер мерекелік көңіл-күй мен елге деген сүйіспеншілік сезіміне бөленді.Бұл күн – тәуелсіз елімізге деген мақтаныш пен сүйіспеншіліктің тағы бір айғағы болды!Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1092193?lang=kk

Бразилиа, 2025 жылғы 23 қазан. Ұлттық мейрам -Республика күніне және Қазақстан мен Бразилия арасындағы дипломатиялық қатынастар орнауының 32 жылдығына орай, Бразилия астанасының орталық саябағында достық әрі отбасылық сипаттағы велошеру ұйымдастырылды. Аталған іс-шараға елдің сыртқы саяси ведомствосы мен Бразилияда аккредиттелген дипломатиялық корпустың өкілдері, “Қазақстан-Бразилия” достық қоғамының мүшелері мен бразилиялық БАҚ тілшілері қатысты. Бразилиялық достар, Қазақстанның басты мейрамымен Елші және Елшілік ұжымын риясыз құттықтай отырып, елімізге ізгі тілектерін білдірді. Олар, мұндай бейформалды іс-шаралар екі ел халықтарын барынша жақындастырып, жаңа достық байланыстар орнатуға мүмкіндік беретін атап өтті. Дәстүр бойынша бразилиялық қонақтарға қазақтың ұлттық нақыштағы тағамдарымен безендендірілген мерекелік дастарханы ұсынылды. ‎Ақпарат көзі : https://www.gov.kz/memleket/entities/mfa-brazil/press/news/details/1092206?lang=kk

Бразилиа, 2025 жылғы 23 қазан – Қазақстанның Бразилиядағы Елшілігінде Елші Болат Нүсіпов Сан-Паулу штатының «BS Trading» компаниясының басшысы Мауро Силва мырза және «Aram Brasil» компаниясының басшысы Пауло Фрайтаг мырзамен кездесті.Бразилия тарапы өзара қызығушылық тудыруы ықтимал бірқатар әлеуетті жобаларды ұсынды. Тараптар бірлескен жобаларды іске асыру мәселелері бойынша қатынастарды жалғастыруға уағдаласты.Елші өз кезегінде, Қазақстанда бизнес жүргізудің қолайлы мүмкіндіктері, шетелдік инвесторларды қолдау жөніндегі Үкімет шаралары туралы хабарлап, сұхбаттасушыларды қазақстандық әлеуетті серіктестермен байланыс орнатуға шақырды.Тараптар, келіссөздер қорытындысы бойынша бразилиялық компаниялардың Қазақстанға сапарын ұйымдастыруға, сондай-ақ Бразилияның Ұлттық өнеркәсіп конфедерациясы (CNI) мен Қазақстанның “QazIndustry”индустрия және экспорт орталығы төрағалық ететін «Қазақстан–Бразилия» Іскерлік кеңесінің жұмысына қосылуға уағдаласты. Ақпарат көзі : https://www.gov.kz/memleket/entities/mfa-brazil/press/news/details/1092213?lang=kk

Джакарта, 23 қазан, 2025 жыл - Республика күніне орай Джакартада екі ел арасындағы мәдени-гуманитарлық және іскерлік байланыстарды нығайту мақсатында 2024 жылы құрылған «Қазақстан-Индонезия достық қоғамының» екінші отырысы өтті. Іс-шараға Индонезия мемлекеттік органдарының, қоғамдық және шығармашылық топтарының, бизнес-қоғамдастығының өкілдері және ҚР азаматтары қатысты.Қазақстан Елшісі Сержан Әбдікәрімов Қоғам мүшелеріне 1990 жылғы 25 қазанда қабылданған еліміздің мемлекеттік егемендігі туралы декларацияның тарихи маңыздылығы, Қазақстан-Индонезия әріптестігінің қазіргі жағдайы мен болашағы, ҚР Президенті Қ.К.Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты қыркүйек айында Қазақстан халықына арнаған Жолдауында қойған міндеттер аясында Қазақстанның қазіргі дамуы жөнінде мәлім етті. Осыған орай, дипломат Қазақстан мен Индонезия арасындағы өзара қызығушылық салалардағы көп қырлы ынтымақтастықты кеңейту үшін үлкен әлеуеттің, жаңа бағыттардың және қолайлы мүмкіндіктердің бар екенін атап өтті.Отырыстың екінші бөлімі Абай Құнанбайұлының 180-жылдығын мерекелеу шеңберінде Индонезия тіліне аударылған ұлы ақын мен ағартушының «Қара сөздері» кітабының екінші басылымының тұсаукесерін қамтыды. ҚР Елшісі Абайдың көптеген шет тілдерге аударылған шығармалары жалпыадамзаттық құндылықтарға толы болуына орай, Абайдың бай мұрасы қазақ халқы үшін ғана емес, бүкіл адамзат үшін рухани бағдар болғанын мәлімдеді. Өйткені, дипломат бұл кітап индонезиялық достарға қазақтардың жан дүниесін жақсы түсінуге, екі достас ел халықтары арасындағы мәдени және адами байланыстарды нығайтуға мүмкіндік беретініне сенімін білдірді. Іс-шара аясында қонақтарға Абайдың өмірі мен қызметі туралы фильм көрсетіліп, оның әйгілі «Көзімнің қарасы», «Айтым сәлем Қаламқас», «Желсіз түнде жарық ай» шығармалары, қазақ билері, сондай-ақ домбыра мен фортепианодағы басқа да танымал композициялар орындалды.Кездесуге қатысушылар Индонезия халқы атынан Қазақстан халқын Республика күнімен шынайы құттықтап, екі ел арасындағы өзара тиімді инвестициялық, сауда-экономикалық және мәдени байланыстарды нығайтуды жалғастыру ниетін растады.Қонақтар сонымен қатар ұлттық қазақ тағамдарынан дәм тату мүмкіндігіне ие болды. Оған қоса Қазақстанның әдемі табиғи ландшафттары бейнеленген фотокөрме де жайғастырылды.Ақпарат көзі : https://www.gov.kz/memleket/entities/mfa-jakarta/press/news/details/1092184?lang=kk

Ахарне, 2025 жылғы 23 қазан – Қазақстанның Грекиядағы Елшісі Тимур Сұлтанғожиннің Ахарне қаласына сапары аясында муниципалитет әкімі Спирос Вретоспен кездесу және еліміздің атымен аталған «Қазақстан» көшесіне бірлесіп бару өтті.Әңгімелесу барысында тараптар мәдени-гуманитарлық байланыстар мен өңірлік ынтымақтастықты одан әрі дамытудың маңыздылығын талқылады. Тараптар мәдени, туристік және экологиялық салалардағы өзара іс-қимылды кеңейту жөніндегі жоспарларды қарады, сондай-ақ Ахарне мен Шымкент арасындағы бауырластық байланыстарды нығайтудың маңыздылығын растады. Қоғамдық және адамаралық байланыстарды дамытуға бағытталған бірлескен іс-шаралар мен бағдарламаларды өткізу мүмкіндіктері талқыланды.Ахарне – Қазақстаннан шыққан азаматтар елеулі үлес қосып, қала өміріне белсенді араласатын, сондай-ақ тарихи және мәдени байланыстарын сақтап отырған Грекия муниципалитеттерінің бірі болып табылады. «Қазақстан» көшесі мен екі ел арасындағы дипломатиялық қатынастардың 30 жылдығына орай орнатылған ескерткіш Қазақстан мен Грекия арасындағы достық пен өзара құрметтің айқын нышаны болып табылады.Сапар қорытындысы бойынша тараптар 2026 жылы мәдениетаралық диалогты ілгерілетуге және екі елдің өңірлері арасындағы өзара іс-қимылды кеңейтуге бағытталған бірлескен іс-шараларды ұйымдастыру жөніндегі жұмысты жалғастыру ниетін растады.Ақпарат көзі : https://www.gov.kz/memleket/entities/mfa-athens/press/news/details/1092168?lang=kk

Тирана, 2025 жылғы 19-21 қазан – Албания астанасы Тирана қаласының орталығындағы «Шеши Италия» алаңында Қазақстан мәдениеті күндерінің ашылуына арналған мерекелік концерт өтті. Іс-шараны Албаниядағы Қазақстан Елшілігі, Қазақстан Республикасының Мәдениет және ақпарат министрлігі, Албанияның Мәдениет министрлігі, Тирана қаласының әкімдігі, Роза Бағланова атындағы «Қазақконцерт» ұйымы және ҚР Албаниядағы Құрметті консулының қолдауымен ұйымдастырылды.Мәдени мереке аясында еліміздің «TURAN» этно-фольклорлық ансамблі және Қазақстанның «Ізгі ниет елшісі» мен танымал орындаушы ADAM-ның қатысуымен үлкен ашық аспан астында концерт өтті.Қазақ даласының бай мәдени мұрасын заман талабына сай музыкалық бағытпен үйлестірген бірегей бағдарламасы жиналған көрермендерге паш етілді. Келген тыңдармандарға Түркі әлемінің мәдени музыкалық бренді ретінде кеңінен танылған «TURAN» тобы, ұлттық аспаптарымен шебер орындауында көшпенділер әлеміне саяхат жасатты.Іс-шарада «TURAN» ансамблімен қатар қазіргі қазақ эстрадасының жарық жұлдызы ADAM да өз өнерін көрсетті. Оның әлемге танымал және хитке айналған «Жүрек» атты әні цифрлық платформаларда миллиардтаған қаралым жинаған. Қазақстандық әртістердің Тиранадағы концерті жергілікті көрермендердің зор ықыласына ие болып, кештің аса көтеріңкі көңіл-күймен өтуіне серпін берді.Бұл концерттік кеш ашық форматта өтіп, барлық келген көрермендер үшін тегін болды. Іс-шараға Албания тұрғындары мен қонақтары, сондай-ақ мемлекеттік және мәдени мекемелерінің өкілдері, дипломатиялық корпус пен Қазақстандықтар қатысты.Оған қоса 20-21 қазанда Қазақстан мәдениеті күндері аясында Тирананың «Agimi» арт-орталығында қазақ фильмдердің көрсетілімімен жалғасты. Бағдарламаға «Қазақфильм» киностудиясының үш көркем фильмі енді: режиссер Ақан Сатаевтың «Мың бала: Даланың жауынгерлері» тарихи драмасы, Рашид Сүлейменовтің «Набат операциясы» драмалық экшн-фильмі және қазақ халқының ән өнерін әлемге танытқан Әміре Қашаубаевтың өмірі мен шығармашылығына арналған «Әміре» биографиялық драмасы.Әсіресе «Набат операциясы» фильмі көрермендердің ерекше қызығушылығын тудырды. Көрсетілімнен кейін басты рөлді ойнаған актер Бақыт Хаджибаев келген қонақтармен кездесіп, олардың сұрақтарына жауап берді және албан БАҚ өкілдеріне сұхбат берді. Бұл ашық диалог албан жұртшылығының қазақ киносы мен мәдениетіне деген шынайы қызығушылығын көрсетті.Албаниядағы Қазақстан мәдениеті күндері екіжақты гуманитарлық байланыстарды дамыту жолындағы маңызды қадам болды. Іс-шара халықтар арасындағы достық қарым-қатынасты нығайтуға және мәдени алмасуға жол ашты.Ақпарат көзі : https://www.gov.kz/memleket/entities/mfa-albania/press/news/details/1092173?lang=kk

Исламабад, 2025 жылғы 22 қазан – Қазақстан Республикасының мемлекеттік егемендігі туралы Декларацияның 35 жылдығына орай Пәкістанның Нарықтық экономика зерттеу институтымен (PRIME) бірлесіп және Қазақстанның Сауда-экономикалық стратегиялар орталығының (CTES) қатысуымен «Мемлекеттік егемендік Декларациясы тұрғысынан Қазақстан мен Пәкістан арасындағы өңірлік өзара байланыс және экономикалық ынтымақтастық» тақырыбында дөңгелек үстел өтті.Іс-шараға екі елдің мемлекеттік органдарының, іскер топтарының және сарапшылық қауымдастықтың өкілдері қатысты.Қазақстанның Пәкістандағы Елшісі Ержан Қыстафин Мемлекеттік егемендік туралы Декларацияның 35 жылдығының тәуелсіздік пен жаңғырудың символы ретіндегі маңызын атап өтіп, саяси, сауда-экономикалық және мәдени-гуманитарлық салалардағы екіжақты күн тәртібінің негізгі бағыттары туралы айтып өтті, сондай-ақ 2025 жылы өткен және жоспарланып отырған іс-шаралар туралы қатысушыларды хабардар етті.Елші Қазақстан мемлекетінің қалыптасу тарихы мен Пәкістанмен екіжақты қатынастардың негізгі кезеңдері арасында өзара сабақтастық пен параллельдер жүргізді.Негізгі баяндамаларды Сауда-экономикалық стратегиялар орталығы төрағасының орынбасары Бауыржан Тәжібаев пен PRIME институтының директоры доктор Али Салман ұсынды.Өз сөздерінде олар экономикалық байланыстарды нығайтудың, көлік-логистика инфрақұрылымын дамытудың және Орталық пен Оңтүстік Азия арасындағы цифрлық өзара іс-қимылды кеңейтудің маңыздылығын атап өтті.Талқылау барысында қатысушылар тұрақты көлік-логистика дәліздерін қалыптастырудың, цифрлық сауда алаңдарын дамытудың, өзара инвестицияларды арттырудың және энергетикалық байланыстарды жолға қоюдың өзектілігіне назар аударды.Жалпы, іс-шара қатысушылары Қазақстанның даму деңгейіне және оның егемен тәуелсіз мемлекет ретінде қалыптасуына жоғары баға берді.Ақпарат көзі : https://www.gov.kz/memleket/entities/mfa-islamabad/press/news/details/1092175?lang=kk

Қазақстан Республикасы Ұлттық кітапханасында Қазақстан қолжазбатанушылар қауымдастығының ІІІ отырысы өтті. Жиынға шығыстанушы ғалымдар, сала мамандары, кітапхана қызметкерлері мен оқырмандар қатысты.Кездесу барысында шетел архивтерінде сақталған қазақ халқының тарихы мен мәдениетіне қатысты сирек қолжазбалар мәселелері талқыланды.Сонымен қатар журналист, жазушы Тынышбек Дайрабай Ұлттық кітапхана қорына филология ғылымдарының докторы Алма Қыраубаеваның «Қисса Дандан» қолжазбасын, фольклортанушы Мардан Байділдаевтың еңбектерін және өзінің жеке мұрағатынан  материалдар топтамасын ресми түрде табыстады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/1092160?lang=kk

Астанада мемлекеттік органдар мен азаматтық қоғам өкілдерінің салалық волонтерлікті дамытуға арналған кездесуі өтті. Жиын барысында ҚР Мәдениет және ақпарат министрлігі Ұлттық волонтерлік желімен бірлесіп, мемлекет пен азаматтық сектор арасындағы стратегиялық серіктестік аясында әзірленген әдістемелік құралдарды таныстырды.Іс-шараға волонтерлікті дамытуға жауапты салалық ведомствалар қатысты. Олардың қатарында Ішкі істер министрлігі, Туризм және спорт министрлігі, Экология және табиғи ресурстар министрлігі, Ғылым және жоғары білім министрлігінің өкілдері бар.Қатысушылар мемлекет пен волонтерлік ұйымдар арасындағы өзара тиімді ыртымақтастықты талқылап, тәжірибе алмасты және салалық волонтерлікті ұлттық деңгейде енгізу бойынша практикалық ұсыныстар берді.Әдістемелік құралдарда нұсқаулықтар мен үздік тәжірибелер жинақталған. Аталмыш басылым түрлі секторлардағы волонтерлік қозғалысты жүйелі дамытуға бағытталған. Бұл – мемлекеттік органдарға волонтерлермен ашық әрі нәтижелі байланыс орнатуға арналған көмекші кұрал.Салалық гранттар жобасы аясында төтенше жағдайлар, экология, медицина, әлеуметтік қорғау, мәдениет және зооволонтерлік салалары бойынша 60 шағын грант бөлінді. Салалық волонтерлік мемлекет пен қоғам арасындағы серіктестікті нығайтып, әлеуметтік маңызды мәселелерді шешуге ықпал етеді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/1092159?lang=kk

Бүгін Республика күні қарсаңында облыс әкімінің қатысуымен екі жаңа қоғамдық кеңістік ашылды — Ахмет Байтұрсынұлы атындағы Қостанай өңірлік университеті жанындағы саябақ және Темірбаев көшесіндегі сквер.Екі нысан да «Таза Қазақстан» бағдарламасы аясында салынды. Университет аумағындағы саябақта спорт және демалыс аймақтары, балалар алаңдары, веложол, амфитеатр және көгалдандырылған серуен жолдары бар.Темірбаев көшесіндегі скверде жарық шамдары, орындықтар мен автотұрақтар орнатылып, ағаштар мен гүлдер егілді.Жаңа орындар қала тұрғындарына жайлы демалыс пен серуендеуге мүмкіндік береді.Ақпарат көзі : https://www.gov.kz/memleket/entities/kostanai-kalasy-akimat/press/news/details/1092126?lang=kk

2025 жылдың 22 қазан күні Алматы облысы Қарасай ауданының жалпы білім беретін мектептерінде Қазақстан Республикасының «Халық денсаулығы және денсаулық сақтау жүйесі туралы» Кодексінің 2-тарауы, 1-тармағы – «АИТВ инфекциясының профилактикасы мәселелерін білім беру жүйесіне және жұмыс орындарына интеграциялау» аясында «Жастар – денсаулық пен АИТВ-сыз болашақ үшін!» тақырыбында дөңгелек үстел өткізілді.Дөңгелек үстел Алматы облыстық ЖИТС-ның алдын алу және оған қарсы күрес орталығының және Қарасай клиникалық көпбейінді аудандық ауруханасының ұйымдастыруымен өтті.Іс-шараның мақсаты – педагогтардың АИТВ инфекциясының алдын алу, репродуктивті денсаулықты сақтау және жастар арасында салауатты өмір салтын қалыптастыру мәселелері жөніндегі білім деңгейін арттыру болды.Дөңгелек үстел жұмысына биология пәні мұғалімдері, мектеп директорлары, тәрбие ісі жөніндегі орынбасарлар мен мектеп мейірбикелері қатысты. Барлығы – 70 қатысушы.Іс-шара барысында бірнеше дәрігер баяндама жасады. Атап айтқанда «Жастар арасында АИТВ инфекциясының алдын алу» тақырыбында – Алматы облыстық ЖИТС орталығының алдын алу жұмыстары бөлімінің эпидемиологы А. Сұлтанова. «Ерте жүктіліктің алдын алу» – Қарасай клиникалық көпбейінді аудандық ауруханасының акушер-гинеколог дәрігері А. Өтепбергенова. «Ер балалардың репродуктивті денсаулығын сақтау» – уролог дәрігер Е. Абуов. «Жыныстық жолмен берілетін инфекциялардың (ЖЖБИ) алдын алу» – дерматовенеролог дәрігер Т. Кузьмина. «Нашақорлық – қоғам дерті» тақырыбында – психолог С. Сұлтанғалиева.Қатысушылар мұндай кездесулердің педагогтардың АИТВ инфекциясының алдын алу саласындағы білімін кеңейтуге және жастардың өз денсаулығына жауапкершілікпен қарау мәдениетін қалыптастыруға ықпал ететінін атап өтті. Ақпарат көзі : https://www.gov.kz/memleket/entities/almobl-densaulyk/press/news/details/1092052?lang=kk

Көксу ауданы бойынша Мемлекеттік кірістер басқармасында 2026 жылғы 1 қаңтардан бастап күшіне енетін жаңа Салық кодексінің негізгі ережелерін түсіндіруге арналған «Ашық есік күні» ұйымдастырылды.Іс-шара барысында азаматтар мен кәсіпкерлер үшін ақпараттық кездесу өткізіліп, басқарма мамандары салық заңнамасындағы өзгерістердің басты бағыттары мен жаңашыл тұстарын кеңінен түсіндірді.Кездесу кезінде қосылған құн салығы, корпоративтік және жеке табыс салығы бойынша енгізілетін негізгі жаңалықтарға ерекше көңіл бөлінді. Сондай-ақ, кәсіпкерлерге салықтық әкімшілендіруді жеңілдету, шағын және орта бизнес субъектілеріне арналған жаңа мүмкіндіктер, әкімшілік жүктемені азайту және салықтық рәсімдердің ашықтығын арттыру бағытындағы шаралар туралы ақпарат берілді.Ақпарат көзі : https://www.gov.kz/memleket/entities/kgd-zhetysu/press/news/details/1092042?lang=kk

Республика күні қарсаңында 16–25 қазан аралығында еліміздің барлық өңірлерінде «Жанашыр жүрек» атты ауқымды акция өтіп жатыр. Игі бастама азаматтық белсенділікті дамытуға, көмекке мұқтаж жандарды қолдауға, мейірімділік пен көмек көрсету мәдениетін нығайтуға бағытталған.Алматы қаласында бастама аясында 20-дан астам қайырымдылық іс-шара жүзеге асты. Соның бірі – «Qamqor bol» акциясы. Волонтерлер баспанасы жоқ адамдарға ыстық тағам мен сусын таратты. Ұйымдастырушылар қарттар үйінде шығармашылық кеш өткізіп, қарияларға ерекше көңіл-күй сыйлады.Жетісу облысында волонтерлер түрлі қайырымдылық іс-шараларға қатысып, ардагерлерге қамқорлық жасап, тұрмыстық және әлеуметтік көмек көрсетті.Қарағанды облысында волонтерлер «Луч» нейрореабилитация орталығына, ауыр науқастарға арналған клиникаға және облыстық балалар психиатриялық орталығына барып, мәдени және тәрбиелік мәні бар бағдарламалр ұсынды.«Жанашыр жүрек» акциясына волонтерлік ұйымдар, жастар бірлестіктері мен белсенді азаматтар белсенді қатысып, атсалысуда. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/1091978?lang=kk

«Таза Қазақстан» экологиялық акциясы аясында Кеген ауданында ағаш егу шарасы өткізілді.Аудан жұртшылығы қызу қолдаған айтулы шараға Кеген аудандық мәслихатының төрағасы А. Нұғман, аппарат басшысы У. Ақжігіт және аппарат қызметкерлері қатысты. Орталық алаңдағы сахна маңайына және З. Нұрқаділов атындағы өнер мектебінің ауласына шырша және балқарағай көшеттері отырғызылды.Ақпарат көзі : https://www.gov.kz/memleket/entities/maslihat-kegen/press/news/details/1091986?lang=kk

Тирана, 2025 жылғы 21 қазан – Албания астанасында Қазақстан Елшілігінің салтанатты ашылу рәсімі өтті. Іс-шараға Қазақстанның Албаниядағы Елшісі Искандер Айсариев, Албанияның Еуропа және сыртқы істер жөніндегі министрінің орынбасары Меги Фино, Тирана қаласының әкімі, Қазақстанның Құрметті консулы, сондай-ақ Албания үкіметі мен Сыртқы істер министрлігінің өкілдері, дипломатиялық корпус, бизнес топтар, БАҚ өкілдері мен қоғам қайраткерлері қатысты. Дәстүрлі түрде символикалық лентаның қиылу сәті, Қазақстан мен Албания арасындағы екіжақты қатынастардың жаңа кезеңінің басталуын жарқын көрінісі болды.Өз сөзінде И.Айсариев Елшіліктің ашылуы тарихи маңыздылығын атап өтіп, бұл қадам екі мемлекет арасындағы жан-жақты ынтымақтастықты одан әрі тереңдеуіне жол ашатынын жеткізді. Ол аса жоғары және жоғары деңгейдегі тұрақты саяси диалогтың жолға қойылғанын, парламенттер мен үкіметтер арасындағы байланыстардың белсенді дамып жатқанын, сондай-ақ мәдени-гуманитарлық алмасулардың біртіндеп кеңейіп жатқанын атап өтті.Албания Сыртқы істер министрінің орынбасары Меги Фино Тирана қаласында ҚР Елшілігін ашу туралы Қазақстан Президенті Қасым-Жомарт Тоқаевтың шешімін жоғары бағалап, бұл қадамды өзара сенім мен ортақ құндылықтарға негізделген серіктестікті нығайтуға деген ұмтылыстың дәлелі екенін айтты. Сонымен бірге ол елдеріміз арасындағы саяси және сауда-экономикалық ынтымақтастықты дамытуға деген өзара қызығушылық, сондай-ақ халықаралық аренада өзара қолдау бар екенін айтты.Ақпарат көзі : https://www.gov.kz/memleket/entities/mfa-albania/press/news/details/1091987?lang=kk

Республика күніне орай Жетісу облысының мемлекеттік архивінде «Байрағымыз желбіреп, биік етсін сенімді» атты дөңгелек үстел ұйымдастырылды. Іс-шараның мақсаты — жастардың патриоттық рухын көтеру, мемлекеттік рәміздердің маңызын насихаттау және архив құжаттары арқылы ел тарихына терең үңілу. Шараға архив қызметкерлері мен Талдықорған инновациялық колледжінің орыс тілі мен әдебиеті мамандығының 3 курс студенттері және кураторлары Р.Т. Габдуллина  қатысты. Құжаттарды пайдалану және ғылыми-анықтамалық аппарат бөлімінің басшысы Л.А. Ануарханова қатысушыларға тәуелсіз Қазақстанның қалыптасу жолы, мемлекеттік рәміздердің тарихы мен мәні туралы баяндап, тарихи құжаттармен таныстырды. Дөңгелек үстел барысында студенттерге сұрақтар қойылды, пікір алмасты. Ұлттық мерекеге орай өткен шара жастардың тарихи санасын қалыптастыруға және елжандылықты арттыруға бағытталған маңызды алаңға айналды. Ақпарат көзі : https://www.gov.kz/memleket/entities/zhetysu-archive/press/news/details/1091950?lang=kk

2025 жылғы 22 казан күні Осакаров ауданының білім бөліміне қарасты «№11 жалпы білім беретін мектеп» КММ командасы Қарағанды қаласында өткен 7-8 сынып ұлдары арасындағы асық ату бойынша областық жарысқа қатысты.Облыстың 11 ең мықты командасы арасында біздің оқушылар жоғары дайындық деңгейі мен командалық рухты көрсетіп, 1-орынды иеленді.Біз өз спортшыларымызды мақтан тұтамыз және бапкерлеріміз – Аульбеков К.И. пен Дюсенбаев Д.А.-ға кәсіби шеберліктері мен өз ісіне адалдығы үшін алғыс айтамыз.Бұл жеңіс жаңа табыстар мен жетістіктерге жетелеуші ынта болсын!Ақпарат көзі : https://www.gov.kz/memleket/entities/edu-osakarovka/press/news/details/1091918?lang=kk

Республика күні мен Қазақстан Республикасының мемлекеттік егемендігі туралы Декларацияның қабылданғанына 35 жыл толуына орай Солтүстік Қазақстан облысы бойынша ҚАЖ департаментінде салтанатты іс-шара ұйымдастырылды.Іс-шараға департамент қызметкерлері мен олардың отбасылары, ҚАЖ ардагерлері, сондай-ақ мемлекеттік органдар мен күштік құрылымдардың өкілдері қатысты. Патриоттық сезім мен азаматтық жауапкершілікті қалыптастыру мақсатында шараға қаладағы жоғары оқу орындары мен колледждердің студенттері де шақырылды.Салтанатты жиында 50-ден астам адам марапатталды. Министрдің, ішкі істер Министрінің орынбасары – ҚАЖ комитеті төрағасының және департамент бастығының бұйрықтарымен қызметкерлерге грамоталар, төсбелгілер және алғыс хаттар табыс етілді. Үздік қызметкерлердің ата-аналарына балаларының абыройлы тәрбиесі үшін алғыс білдірілді, ал ҚАЖ ардагерлеріне естелік медальдар табысталды.Сөз сөйлеген департамент бастығы, әділет полковнигі Мұрат Нәкенов қылмыстық-атқару жүйесі қызметкерлерінің құқықтық тәртіпті, заңдылық пен қоғам қауіпсіздігін қамтамасыз етудегі маңызды рөлін атап өтті. Сондай-ақ ол Республика күні – ел бірлігі мен тәуелсіздіктің, Қазақстан халқының даму мен өркендеуге деген ұмтылысының нышаны екенін ерекше айтты.Іс-шара соңында Солтүстік Қазақстан облыстық филармониясының әртістері мерекелік концерт қойып, көрермендерге көтеріңкі көңіл-күй мен Отанға деген мақтаныш сезімін сыйлады.Ақпарат көзі : https://www.gov.kz/memleket/entities/duissko/press/news/details/1091919?lang=kk

25 қазан - Республика күні қарсаңында Қостанай облысы Әділет департаментінің басшысы Алия Аманжулова Департаменттің қаржы және материалдық-техникалық қамтамасыз ету бөлімінің бас маманы Бибигүл Мухитқызы Есекееваның ұлы, 3-сынып оқушысы Әділет Рүстемұлы Берікпен кездесті.Кездесу барысында Департамент басшысы Абай Құнанбайұлының 180 жылдық мерейтойына орай Департаментте өткізілген іс-шараға белсене қатысып, Абай шығармашылығына арналған танымдық бейнеролик дайындағаны үшін Әділетке алғысын білдіріп, естелік сыйлық табыстады.Айта кетерлігі, баланың аты - Әділет, бұл өз кезегінде Әділет департаменті қызметімен үндес, әділдік пен парасаттылықтың нышаны іспеттес болды. Қостанай облысыӘділет департаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/1091920?lang=kk