Құрметті ардагерлер мен тыл еңбеккерлері!Құрметті аудан тұрғындары!Сіздерді Ұлы Отан соғысындағы Жеңістің 80 жылдығымен шын жүректен құттықтаймын!Бұл ұлы күн — тек өткеннің ерлігі емес, сонымен қатар бүгінгі бейбіт өмірдің қадірін еске салатын маңызды дата. Қазақстан халқы Ұлы Жеңіске баға жетпес үлес қосты: бір миллионнан астам жерлесіміз майданға аттанып, жүздеген мыңы оралмады. Қазақ жерінде ірі эвакуациялық пунктер мен тылдық кәсіпорындар жұмыс істеді. Бүгінде Қазақстан – тәуелсіз мемлекет ретінде бейбітшілік, достық және ұлтаралық келісім құндылықтарын берік ұстанып, бірлік пен патриотизмнің үздік дәстүрлерін жалғастырып келеді.Жеңістің 80 жылдығы — жай ғана мерейтой емес, бұл — тарихымыздағы маңызды кезең. Ол ұрпақтарды біріктіріп, еркіндік пен тәуелсіздіктің бағасын еске салады. Ел болашағы үшін өмірін қиғандардың алдында бас иеміз. Жеңісті жақындатқан тыл еңбеккерлеріне ерекше алғысымызды білдіреміз.Бүгінгі таңда ауданымызда, өкінішке қарай, соғыс ардагерлері қалмады. Бірақ арамызда тыл еңбеккерлері мен соғыс балалары — сол дәуірдің тірі куәгерлері бар. Олардың жанқиярлық еңбегі Жеңістің негізіне айналды. Олардың өмір жолы — рухтың беріктігінің, ерліктің және болашаққа деген сенімнің үлгісі.Біз бүгінгі жас ұрпаққа ерекше мақтанышпен қараймыз. Олар ата-бабалардың ерлігін қастерлеп, патриоттық және еріктілік жобаларға белсенді қатысуда, азаматтық жауапкершілік пен парасаттылық танытуда. Дәл солар — ұлы дәстүрлердің жалғастырушысы, бейбіт және қуатты Қазақстанның құрылысшылары.Жеңістің 80 жылдығы әрқайсымыз үшін естелік, алғыс және шабыт күні болсын. Қоғамымызда әрдайым бейбітшілік, татулық, келісім және тарихқа құрмет үстемдік етсін!Мереке құтты болсын! Ұлы Жеңіс күнімен! Аудан әкімі                                                                      Қ. МыржақыповАқпарат көзі : https://www.gov.kz/memleket/entities/kostanai-bmalin-audany-akimat/press/news/details/992521?lang=kk

Женева, 2025 жылғы 6 мамыр – 2025 жылғы 5-6 мамырда Женевада ДСҰ Бас кеңесінің төрағасы мен Бас директоры бастамасымен тұрақты ауыл шаруашылығына арналған екі күндік бейресми ретрит өтті.Шараға мүше мемлекеттердің тұрақты өкілдері, халықаралық ұйым басшылары мен сарапшылар қатысты. Қатысушылар көпжақты сауда жүйесінің агроазық-түлік секторын тұрақты дамытудағы рөлін талқылады.Екінші күні Қазақстанның ДСҰ жанындағы Тұрақты өкілі Қайрат Төребаев бір уақытта өткен төрт тақырыптық сессияның бірін жүргізді. Сессияда тұрақты ауыл шаруашылығының қозғаушы күштері мен кедергілері және ДСҰ-ның ықтимал рөлі талқыланды.Басты назар саясаттардың келісімділігіне, халықаралық ережелердің икемділігіне, стандарттарды өзара тануға және техникалық көмек көрсетуге аударылды. Дамушы елдер, теңізге шыға алмайтын мемлекеттер және шағын өндірушілердің мәселелері ерекше атап өтілді.Қазақстанның Тұрақты өкілі тұрақты даму жаңа кедергілер туғызбауы керек екенін айтты. Ол ДСҰ органдары арасындағы үйлестіруді күшейтуді және субсидиялардың әсерін бағалау құралдарын әзірлеуді ұсынды.Ретрит мазмұнды пікір алмасуға арналған маңызды алаң болды. Біріккен Ұлттар Ұйымының Азық-түлік және ауыл шаруашылығы ұйымы (БҰҰ ФАО), Халықаралық азық-түлік саясаты зерттеу институты (IFPRI), Экономикалық ынтымақтастық және даму ұйымы (ЭЫДҰ), Біріккен Ұлттар Ұйымының Өнеркәсіптік даму ұйымы (ЮНИДО) және БҰҰ Сауда және даму конференциясы (ЮНКТАД) өкілдері тұрақтылықтың экономикалық, экологиялық және әлеуметтік қырлары қатар ескерілуі тиіс екенін атап өтті.Қатысушылар стандарттар мен сертификаттау талаптарының дамушы елдерге ауыртпалығын атап өтті. Олар халықаралық тәсілдердің үйлестірілуін, қаржы мен технологияларға қолжетімділікті кеңейтуді, сауда және ауыл шаруашылығы органдары арасындағы түсіністікті арттыруды қолдады.Сессия модераторлары талқылау нәтижелерін ұсынды. ДСҰ Бас директоры мен Бас кеңес Төрағасы қатысушыларға алғыс айтып, қорытынды құжаттың дайындалатынын хабарлады. Қазақстан делегациясы тұрақты даму мәселелеріне прагматикалық әрі инклюзивті көзқарасты қолдайтынын растады.Ақпарат көзі : https://www.gov.kz/memleket/entities/mfa-wto/press/news/details/992494?lang=kk

Триест, 8 мамыр 2025 жыл – Италияның аса ірі портты қаласы Триестте Қазақстан мен Италия арасындағы көліктік-логистикалық ынтымақтастықты дамыту мәселелеріне арналған «Орта дәліз: Еуропаны Триест және Монфальконе порттары арқылы Қазақстанмен байланыстыру мүмкіндігі» тақырыбында конференция өтті. Оған Еуропалық Парламент өкілдері, Италияның Триест және Монфальконе порттарының басшылығы, логистикалық компаниялардың басшылары қатысты.Қазақстандық тараптан іс-шараға ҚР Италиядағы Елшісі Е.Сембаев, ҚР Көлік министрлігі Теміржол және су көлігі комитетінің төрағасы Ж.Тайжанов, «Ақтау халықаралық теңіз сауда порты» ұлттық компаниясы» АҚ Басқарма төрағасының орынбасары И.Гончаров, сондай-ақ бірқатар қазақстандық көлік-логистикалық компаниялардың өкілдері қатысты.Конференцияға қатысушылардың басты назары қазіргі геосаяси жағдайда Азия мен Еуропа арасындағы баламалы сауда хабы ретінде қарастырылатын Транскаспий халықаралық көлік бағытының (ТХКБ) негізгі серіктесі және орталық торабы ретінде Қазақстанмен көліктік-логистикалық өзара іс-қимылды кеңейту мәселелеріне аударылды.Конференцияда сөз сөйлеген ҚР Италиядағы Елшісі Е.Сембаев Еуразия құрлығының ортасында орналасқан Қазақстан үшін халықаралық логистика мен тұрақты көлік дәліздерін дамыту стратегиялық басымдықтардың бірі екендігін атап өтті. Біздің еліміз Италияны сенімді саяси және экономикалық серіктес ретінде ғана емес, Еуразиялық интеграцияны кеңейтудегі маңызды буын ретінде де қарастырады.«Триест порты өзінің ерекше географиялық орналасуына және заманауи инфрақұрылымдық мүмкіндіктеріне байланысты Еуропалық Одақтың басты қақпасы ретінде қарастырылады. Осы тұрғыда Қазақстан Триест порты мен Каспий теңізіндегі қазақстандық порттар – Ақтау мен Құрық арасындағы тікелей және өзара тиімді ынтымақтастықты дамытуға мүдделі», - деп атап өтті Е.Сембаев.Сонымен бірге, Елші екі елдің логистикалық орталықтары арасындағы өзара іс-қимыл Еуропа мен Азия арасындағы саудаға, әсіресе Транскаспий халықаралық көлік бағытының маңыздылығының артуы аясында, сондай-ақ Триест жүк ағындарын қабылдау үшін ең перспективалы порт болып табылатын «Үндістан - Таяу Шығыс - Еуропа» жаңа Жаһандық инфрақұрылымдық бастамасы аясында тың серпін бере алатынын атап өтті.«Қазақстан қазірдің өзінде Қытай, Орталық Азия елдері мен Еуропа арасындағы сауда үшін транзиттік хаб болып табылады. Қытайдан Еуропаға құрлық транзитінің 80%-дан астамы Қазақстан аумағы арқылы өтеді. Біз итальяндық серіктестерге бірлескен жобаларды іске асыру үшін логистикалық инфрақұрылымды, инвестициялық мүмкіндіктер мен саяси тұрақтылықты ұсынуға дайынбыз», - деді қазақстандық дипломат. Өз кезегінде, ҚР Көлік министрлігі Теміржол және су көлігі комитетінің төрағасы Ж.Тайжанов конференцияға қатысушыларды Қазақстанның транзиттік-көліктік әлеуетті дамыту және көлік дәліздерін жаңғырту бойынша қабылдап жатқан шаралармен таныстырды. Атап айтқанда, Қазақстан өкілі 2027 жылға дейінгі ТХКБ-ны дамытудың жол картасы, сондай-ақ еліміздің теміржол және теңіз инфрақұрылымдық жобалары туралы айтып берді.Конференция жұмысында сөз сөйлеген Еуропалық Парламент депутаты А.М.Чизинт ТХКБ-ның Қазақстан мен жалпы Азия үшін ғана емес, Еуропа үшін де маңыздылығын атап өтті.«Қазақстан «Орта дәліздің» негізгі серіктесі және орталық торабы Оның белсенділігі мен осы стратегиялық бағытты дамытуға салған инвестициялары Еуропада өз үндестігін табады. Біз Триест және Монфальконе порттары өздерінің бірегей ерекшеліктерінің арқасында еуропалық нарыққа бағытталған қазақстандық тасымалдар үшін басты қақпа болуға өте қолайлы екендігіне сенімдіміз», - деп атап өтті А. М. Чизинт.Еуропалық Парламент Көлік комитетінің кеңесшісі К.Доннелли де Транскаспий халықаралық көлік бағытын дамытуда Қазақстанмен ынтымақтастықтың маңыздылығын атап өтті.«Еуропалық Одақ Қазақстанның «Орта дәліздің» шынайы тірегі ретіндегі аса маңызды рөлін айқын мойындайды. Оның стратегиялық географиялық жағдайы оны Азия мен Еуропа арасындағы тауарлар транзиті үшін таптырмас көпірге айналдырады, ал ЕО осы тұрғыда Астанамен диалог пен ынтымақтастықты нығайтуға ұмтылуда», - деді К.Донелли.Конференция аясында қазақстандық және итальяндық көліктік-логистикалық компаниялар өкілдері де өздерінің презентацияларын өткізді.Ақпарат көзі : https://www.gov.kz/memleket/entities/mfa-roma/press/news/details/992501?lang=kk

Триест, 8 мамыр 2025 жыл – Екінші дүниежүзілік соғыстағы Жеңістің 80-жылдығын мерекелеу аясында Қазақстанның Италиядағы Елшісі Ерболат Сембаев соғыс кезінде Италияның солтүстік өңірлерін, соның ішінде Триест қаласын азат ету кезінде қаза тапқан Югославия халық-азаттық армиясының тоғызыншы корпусы 30-шы дивизиясының 36 қазақстандық жауынгеріне арналған ескерткішке гүл шоқтарын қойды.Іс-шараға қатысушылардың алдында сөз сөйлеген Елші Е.Сембаев Қазақстанның фашистік басқыншыларды жеңуге қосқан зор үлесін атап өтті. Оның айтуынша, көптеген қазақстандықтар майданға өз еркімен аттанып, Отанының бостандығы мен тәуелсіздігі үшін өз өмірлерін қиды.«Бүгін Триест қаласындағы ескерткіштің арқасында біз жеңіс үшін жан тапсырған сарбаздардың есімдерін мақтанышпен еске аламыз. Италия жерінде қалған қазақстандық батырлардың есімдері мәңгі есте қалсын. Біздің жүздеген отандастарымыз өздерінің өлмес ерліктерімен Ұлы Жеңіс тарихына мәңгілікке өз есімдерін жазды. Триестті азат етуге қатысқан 36 қазақстандықтың және соғыстың басқа да батырларының есімдері біздің есімізде мәңгі сақталады», - деді Е.Сембаев.Ескерткіш 2010 жылғы 25 сәуірде ашылған. Оның авторы қазақстандық мүсінші А.Құтанов. Биылғы жылы ескерткіш Қазақстан Республикасының Италия Республикасындағы Фриули-Венеция-Джулия аймағындағы Құрметті консулы Лука Беллинеллоның көмегімен қалпына келтірілді. Ақпарат көзі : https://www.gov.kz/memleket/entities/mfa-roma/press/news/details/992502?lang=kk

Қазақстан Республикасының Сыртқы істер министрлігі Атом энергиясы жөніндегі халықаралық агенттігінің (АЭХА) Қиыр Шығыс өңірлік тобына Қазақстанды қабылдау бойынша Агенттіктің Басқарушылар кеңесінің бүгінгі отырысында жарияланған шешімді құптайды.Қазақстанның өңірлік топқа кіруі – Агенттіктің Жарғысына және еліміздің бастамасымен қабылданған АЭХА Бас конференциясының 2023 жылғы 29 қыркүйектегі GC(67)/RES/15 қарарына сәйкес мемлекеттердің АЭХА-дағы егемендік теңдігін қалпына келтіру мәселесіндегі маңызды қадам. Сонымен бірге бұл Астананың бейбітшілік пен жаһандық қауіпсіздікке қолдау көрсетуге, ядролық қарусыздану мен таратпау режимін нығайтуға бейілділігін растайды.Мүше мемлекеттердің АЭХА-дағы егеменді теңдікті қалпына келтірудегі іс-жігерін жоғары бағалаймыз және Қиыр Шығыс тобына қатысушы мемлекеттеріне қолдау мен жоғары сенім үшін ризашылығымызды білдіреміз.Бұл шешім Қазақстанға АЭХА басқарушы органдарының жұмысына толыққанды қатысуға мүмкіндік береді. Мемлекетіміз жаппай қырып-жою қаруы тәуекелдерінен азат әлем құруға бағытталған халықаралық іс-әрекеттердің белсенді қатысушысы ретінде атом энергиясын бейбіт мақсатта пайдалануға, ядролық технологияларды жауапкершілікпен қолдануға және сенім мен транспаренттіктің халықаралық механизмдерін нығайтуға өзінің конструктивтік үлесін әрі қарай ұсынуға әзірлігін білдіреді.Ақпарат көзі : https://www.gov.kz/memleket/entities/mfa/press/news/details/1110385?lang=kk

Варшава, 2025 жылғы 8 мамыр – Ұлы Отан соғысындағы Жеңістің 80 жылдығын атап өту аясында Варшавадағы совет жауынгерлерінің мемориалдық зиратында қазақ жауынгерлерінің қабірлеріне гүл шоғын қою рәсімі өткізілді. Бұл салтанатты шараға Қазақстанның Елшілігі мен Әскери атташенің қызметкерлері қатысты. Дипломаттар қаза тапқан совет жауынгерлерінің рухына бір минуттық үнсіздікпен тағзым етті.Ақпарат үшін: Варшавадағы Жвирки және Вигуры көшелерінде орналасқан совет жауынгерлерінің зираты 1950 жылы ашылды. Бұл жерде 19,2 гектар аумақта Варшаваны азат ету кезінде қаза тапқан 22 мың совет жауынгері жерленген, олардың арасында қазақ жауынгерлері де бар. Екінші дүниежүзілік соғыс кезінде Польшада 27 мың қазақстандық қаза тапқаны белгілі. Аталған зират Польшадағы совет жауынгерлерінің ең үлкен жерленімі болып табылады. Ақпарат көзі : https://www.gov.kz/memleket/entities/mfa-warsaw/press/news/details/992474?lang=kk

Жеңіс күні - бұл бәріміз үшін ерекше мереке! Майданда және тылда жанқиярлықпен, батырлықпен өткен ардагерлеріміз үшін Ұлы Жеңіс күні - аса ерекше күн!Құрметті ардагерлер! Отбасыларыңыз қамқорлыққа, сүйіспеншілікке және ырыс-берекеге толы болсын! Денсаулықтарыңыз мықты болып, бақыт пен отбасылық амандық тілейміз!Әрқашан ашық аспан, бейбітшілік болып, шаңырақтарыңыз мереке, қуаныш пен мейрімділікке толы болсын! Ұлы Жеңіс күні құтты болсын!Ақпарат көзі : https://www.gov.kz/memleket/entities/almobl-bilim/press/news/details/992476?lang=kk

Мадрид, 2025 ж. 6 мамыр – Қазақстанның Испаниядағы Елшісі Данат Мұсаев Испанияның Қоршаған орта мәселелері жөніндегі мемлекеттік хатшысы Уго Моранмен кездесу өткізді.Тараптар табиғатты қорғау саясаты саласындағы өзекті мәселелердің кең ауқымын, соның ішінде климаттық сын-қатерлерді, биоәртүрлілікті сақтау және экожүйелерді қалпына келтіру мәселелерін талқылады.Елші Қазақстанда жүзеге асырылып жатқан қоршаған ортаны қорғау саласындағы мемлекеттік бағдарламалар, жануарлар әлемін қорғау шаралары, сондай-ақ халықаралық табиғат қорғау ұйымдарымен әріптестік туралы испан тарабына ақпарат берді.Өз кезегінде Мемлекеттік хатшы Қазақстанның күш-жігерін қолдайтынын білдіріп, экологиялық мәселелерді шешуде кешенді тәсілдің маңыздылығын атап өтті. Сондай-ақ Испанияның табиғи аумақтарды қалпына келтіру және сирек кездесетін жануар түрлерін сақтау тәжірибесімен бөлісті.Келіссөздердің қорытындысы бойынша сұхбаттасушылар осы салада практикалық тетіктерді дамытуға ниетті екендерін растап, бірлескен бастамаларды ілгерілету үшін жұмыс байланысын қолдауға уағдаласты.Ақпарат көзі : https://www.gov.kz/memleket/entities/mfa-madrid/press/news/details/992480?lang=kk

Вена, 2025 жылғы 7 мамыр – ЕҚЫҰ-ның «Инклюзивтілік және құқықтар мен мүмкіндіктерді кеңейту арқылы тұрақтылықты құру» конференциясына Қазақстан Республикасы Сыртқы істер министрлігінің Ерекше тапсырмалар жөніндегі Елшісі Алуа Надирқұлова қатысып, Қазақстанның гендерлік теңдік пен адам құқықтарын ілгерілетудегі күш-жігерін таныстырды.Елші өз сөзінде Президент Қасым-Жомарт Тоқаевтың бастамасымен Қазақстанда жүзеге асырылып жатқан демократиялық реформалардың қайтымсыздығын және олардың ЕҚЫҰ, Еуропалық Одақ және Еуропа кеңесін қоса алғанда, халықаралық серіктестер тарапынан қолдауын атап өтті.Негізгі жетістіктердің қатарында – 2023 жылы БҰҰ ұсынымдарына сәйкес әзірленген Адам құқықтары мен заң үстемдігі жөніндегі іс-қимыл жоспарының бекітілуі, 2024 жылы әйелдердің құқықтарын қамтамасыз ету және балалардың қауіпсіздігі мәселелері бойынша кейбір заңнамалық актілерге өзгерістер мен толықтырулардың енгізілуі, сондай-ақ 2025 жылғы наурызда Алматы қаласында Орталық Азия мен Ауғанстан үшін Орнықты даму мақсаттары жөніндегі БҰҰ Өңірлік орталығын құру туралы БҰҰ Бас Ассамблеясының қарарының қабылдануы атап өтуге тұрарлық. Сонымен қатар Мадина Жарбосынованың 2025-2028 жылдарға Әйелдерге қатысты кемсітушілікті жою жөніндегі БҰҰ комитетіне (CEDAW) сайлануы өңір үшін маңызды қадам болды.Сонымен қатар Н.Надирқұлова Қазақстанның Стамбул конвенциясына қосылуға дайындықты, БҰҰ-ның мүгедек балалар мен адамдардың құқықтары жөніндегі хаттамаларын ратификациялауды, сондай-ақ «Әйелдер, бейбітшілік және қауіпсіздік» күн тәртібіне белсенді қатысуды қоса алғанда, халықаралық міндеттемелерге бейілділігін атап өтті (БҰҰ ҚК 1325 қарары).Ақпарат көзі : https://www.gov.kz/memleket/entities/mfa/press/news/details/992998?lang=kk

Ұлы Отан соғысындағы Жеңістің 80 жылдығы қарсаңында Ақмола облысы бойынша Мемлекеттік кірістер департаментінің ардагерлеріне құрмет көрсету рәсімі өтті.Мемлекеттік кірістер департаментінің басшысы Дулат Нұрмолдин мекеменің ардагерлерін мерекемен құттықтап, соғыстан кейінгі мемлекетті қалпына келтірудегі жетістіктер олардың ерен еңбегінің арқасында мүмкін болғанын атап өтті.Ардагерлердің кәсіби шеберлігі мен үлесі арқасында салық жүйесі дамыды.Олардың жомарттықпен бөліскен басты мұрасы – даналық пен өмірлік тәжірибе.Ақмола облысы бойынша Мемлекеттік кірістер органдары Ардагерлер кеңесінің төрағасы Теңбай Ыбыраев ардагерлер ұйымына үлкен қолдау көрсеткені үшін Мемлекеттік кірістер департаментінің басшылығына алғысын білдірді. Ақпарат көзі : https://www.gov.kz/memleket/entities/kgd-akmola/press/news/details/992431?lang=kk

Ұлы Жеңістің 80 жылдығына орай Шығыс Қазақстан облысындағы аты аңызға айналған партизан-жазушы Қасым Қайсенов кентінде жаңартылған Батырлар аллеясының салтанатты ашылуы өтті.Аллея осыдан он жыл бұрын Жеңістің 70 жылдығы қарсаңында «Туған жерге тағзым» акциясы аясында ашылған болатын. Биылғы мерейтойға орай алты ескерткіш жаңартылып, аты аңызға айналған партизан Қасым Қайсеновке арналған мурал жасалды. Іс-шараға Қасым Қайсенов атындағы 27943 әскери бөлімінің әскери қызметшілері белсенді қатысты.– Мұндай іс-шаралар жастардың жауынгерлік рухын көтеруде маңызды рөл атқарады. Батырлар аллеясы – өткеннің көрінісі ғана емес, тарихымызға деген құрметтің белгісі, – деп атап өтті 27943 әскери бөлімінің командирі полковник Азамат Әбікенов.Мерекеге Халық қаһарманы Қ. Қайсеновтың ұлы Болат Қайсеновтың қатысуы кент тұрғындары үшін маңызды оқиға болды.– Бүгінгі күн біз үшін өте маңызды. Әкемнің туған жерінде мурал мен оның есімімен аталатын жаңартылған аллеяның ашылуына қатысу үлкен мәртебе. Бұл жастарды патриотизм рухында тәрбиелеу сабағы, – деді Б. Қайсенов.Салтанатты рәсімге қатысушылар қаза тапқан жауынгерлерді бір минут үнсіздікпен еске алып, батырлар ескерткішіне гүл шоқтарын қойды.Шығыс Қазақстан облысының Ұлан ауданынан есімі ел шежіресіне алтын әріптермен жазылған 9 Кеңес Одағының Батыры және 1 Халық қаһарманы шыққан. Олардың арасында аты аңызға айналған партизан-жазушы Қасым Қайсенов ерекше орын алады.Ақпарат көзі : https://www.gov.kz/memleket/entities/mod/press/news/details/992435?lang=kk

Беларусь Республикасы Қарулы күштері Орталық офицерлер үйінде Қазақстан мен Беларусь қорғаныс ведомстволары өкілдерінің жұмыс кездесуі өтті.Қазақстан Қорғаныс министрінің орынбасары генерал-майор Шайх-Хасан Жазықбаев Қорғаныс министрінің Қарулы күштердегі идеологиялық жұмыс жөніндегі көмекшісі – Беларусь Қорғаныс министрлігі идеологиялық жұмыс бас басқармасының бастығы генерал-майор Леонид Касинскиймен келіссөздер жүргізді.Тараптар ақпараттық және әскери-патриоттық тәрбие саласындағы ынтымақтастықты ұйымдастыру мәселелерін талқылады. Шайх-Хасан Жазықбаев пен Леонид Касинский екіжақты өзара іс-қимылды дамытуға өзара қызығушылық білдіре отырып, жетекшілік ететін салада тәжірибе алмасуға бағытталған бірқатар бірлескен іс-шараларды белгіледі.Ақпарат көзі : https://www.gov.kz/memleket/entities/mod/press/news/details/992441?lang=kk

Жаңаөзен қаласында Ұлы Жеңістің 80 жылдығына орай «AMANAT» партиясының «Ардагерлерді ардақтайық» жобасы аясында тыл ардагерлеріне ерекше құрмет көрсетілді.Іс-шараға Жаңаөзен қаласының әкімі Жансейіт Қайнарбаев, қалалық мәслихат төрағасы Ғалым Байжанов, «AMANAT» партиясы Жаңаөзен қалалық филиалының атқарушы хатшысы Темір Мусаев, бастауыш партия ұйымдарының мүшелері мен мекеме қызметкерлері қатысты.Делегация мүшелері қаладағы тыл ардагерлерінің үйлеріне арнайы барып, мерекелік құттықтауларын жеткізіп, «Жеңіске 80 жыл» мерекелік медальдары мен естелік сыйлықтар табыс етті. Қала әкімі Жансейіт Қайнарбаев ардагерлерге ел үшін сіңірген еңбектері үшін алғыс білдіріп, салтанатты түрде медаль тапсырды.Құрмет көрсетілген ардагерлер қатарында 100 жасқа толған Биехан Қожағұлқызы (1925 ж.), 95 жастағы Жұмажан Сүйіндіков (1930 ж.), 90 жастағы Бектеген Аманов (1935 ж.), 88 жастағы Моқан Қожабергенов (1937 ж.), сондай-ақ Рейм Джайлыбаев, Қойлан Ибрашов, Сүгір Балғабайұлы сынды қадірлі ақсақалдар мен аналарымыз бар. Олар жас ұрпаққа ақ баталарын беріп, елге тыныштық пен амандық тіледі.— Бұл – ардагерлерімізге деген құрметіміздің бір ғана көрінісі. Ұрпақтар сабақтастығын қалыптастыру жолында мұндай тағылымды кездесулердің маңызы зор, – деді қала әкімі шара барысында.Ақпарат көзі : https://www.gov.kz/memleket/entities/akimat-goroda-zhanaozen/press/news/details/992395?lang=kk

Жаңаөзен қаласында Жеңіс күні қарсаңында тұрғын үй-коммуналдық инфрақұрылымды дамытудың 2023–2029 жылдарға арналған мемлекеттік бағдарламасы аясында тұрғын үй кезегінде тұрған 10 азаматқа пәтер кілті берілді. Олардың қатарында жетім санатындағы 6 азамат, 2 көпбалалы ана, 1 зейнеткер және апатты үйде тұрған 1 азамат бар.Пәтер кілтін табыстау іс-шарасына Жаңаөзен қаласының әкімі Жансейіт Қайнарбаев, қалалық мәслихат төрағасы Ғалым Байжанов, тұрғын үй кешенінің ақсақалы Сүймағанбет Бектілиев және қала тұрғындары қатысты. Арнайы безендірілген аумақта лента қию рәсімі өткізіліп, пәтер кілттері салтанатты түрде иелеріне табысталды.Баспаналы болғанның бірі – Райымбек Қалбеков. Өз ата-анасынан ерте айырылып, әжесінің қамқорлығында тәрбиеленіп келе жатқан Райымбек үшін бұл үлкен қуаныш. Оның әжесі Нұржамал Имашева да жүрекжарды алғысын білдірді.-Бүгін біздің отбасымыз үшін қуаныш пен көз жасы қатар келген күн. Немерем Райымбекті кішкентайынан өз қолыма алып өсірдім. Осы күнге жеткенімізге Аллаға шүкір. Мемлекетке, қала басшылығына, барша жанашыр азаматтарға алғысым шексіз, – деді Нұржамал Имашева.Тұрғын үй кешені заман талабына сай салынып, тұрғындарға қолайлы инфрақұрылыммен қамтамасыз етілген.Іс-шара соңында жаңа үй иелері пәтерлерімен танысып, қала тұрғындары мен қонақтарға арналған мерекелік концерт өтті.Жаңаөзен қаласы әкімдігінің баспасөз қызметіАқпарат көзі : https://www.gov.kz/memleket/entities/akimat-goroda-zhanaozen/press/news/details/992377?lang=kk

2025 жылғы 28-29 сәуірде департамент басшысы Е.Т. Темірхан Астана қаласында өткен «Қауіпсіз еңбек: жаңа сын-қатерлер мен цифрлық шешімдер» Форум-көрмесіне қатысты.Іс-шара жыл сайын 28 сәуірде әлемнің барлық елдерінде Халықаралық еңбек ұйымының бастамасымен өткізілетін Дүниежүзілік еңбекті қорғау күніне орайластырылған.Форум мемлекеттік органдардың, халықаралық ұйымдардың, кәсіподақтардың, сарапшылар қауымдастығы мен бизнестің өкілдерін біріктірді.Ақпарат көзі : https://www.gov.kz/memleket/entities/kostanai-enbek/press/news/details/992355?lang=kk

Құрметті Жаңаөзен қаласының тұрғындары!Ардақты Отан қорғаушылар!Сіздерді еліміздің ерлік пен елдікке толы айрықша мерекесі – 7 мамыр – Отан қорғаушылар күнімен шын жүректен құттықтаймын!Бұл күн – қайсарлықтың, елге адалдықтың, Отанға деген шексіз сүйіспеншілік пен отансүйгіштіктің символына айналған мерейлі мейрам.Бұл – мемлекетіміздің бейбіт тіршілігі мен тұрақтылығы үшін қалтқысыз қызмет етіп жүрген барлық азаматтарға, әскери сала мамандарына және ел тыныштығы жолында жан аямай еңбек етіп келе жатқан ардагерлерге көрсетілетін құрметтің көрінісі.Қазақстан Республикасының Қарулы Күштері – егемендігіміздің кепілі, халқымыздың қорғаны. Қарулы Күштердің сапында қызмет атқару – үлкен жауапкершілік пен құрмет. Бүгінгі таңда еліміздің тыныштығын қорғап, шекарамыздың шебінде тұрған ер-азаматтарымыз – нағыз батырлар!Біздің Отан қорғаушыларымыздың қатарында – Жаңаөзеннің де талай ұл-қыздары бар. Олар әскери борышын адал атқарып, Тәуелсіз Қазақстанның қауіпсіздігін нығайту жолында абыройлы еңбек етіп келеді. Біз олардың ерлігі мен еңбегін әрдайым жоғары бағалаймыз.Сонымен қатар, Ұлы Отан соғысының ардагерлеріне, тыл еңбеккерлеріне және әскери қызметін өткеріп, елге үлгі болып отырған зейнеткер сарбаздарымызға ерекше алғысымызды білдіреміз.Сіздердің ерліктеріңіз – елдің рухы, ұрпақтың үлгісі.Қымбатты жерлестер!Осы айтулы мерекеде баршаңызға зор денсаулық, бейбіт өмір, отбасы амандығы мен еліміздің тыныштығын тілеймін.Отанға деген махаббат пен адалдық әр жүректен орын алсын!Мемлекетіміздің айбыны асқақ, туы биік, келешегі кемел болсын!Ізгі ниетпен, Жаңаөзен қаласының әкіміЖансейіт Исаханұлы ҚайнарбаевАқпарат көзі : https://www.gov.kz/memleket/entities/akimat-goroda-zhanaozen/press/news/details/992366?lang=kk

27 мамыр күні Жаңаөзен қаласында ел демографиясын нығайтуға және ұлттық құндылықтарды сақтауға зор үлес қосып жүрген көпбалалы аналарға мемлекеттік наградалар салтанатты түрде табысталды.Қазақстан Республикасы Президентінің 2025 жылғы 3 сәуірдегі №829 Жарлығы негізінде Жаңаөзен қаласы бойынша 17 анаға «Алтын алқа» және «Күміс алқа» мемлекеттік марапаттары тапсырылды.Қала әкімінің орынбасары Жаңабай Аймағанбетов көпбалалы аналарды шын жүректен құттықтап, олардың қоғамдағы айрықша рөлін атап өтті.- «Ана – отбасының ғана емес, бүкіл қоғамның тірегі. Сіздердің ел демографиясын нығайтуға, ұлттық құндылықтарымызды дәріптеуге қосқан баға жетпес үлестеріңіз зор. Мемлекет сіздердің қажырлы еңбектеріңізді әрдайым жоғары бағалап, қолдау көрсететін болады,» - деді қала әкімінің орынбасары.Марапат иелері қала басшылығына көрсетілген құрмет үшін алғыстарын білдіріп, еліміздің өсіп-өркендеуі жолында балаларды тәрбиелеуді абыройлы міндет деп санайтындарын жеткізді.Ақпарат көзі : https://www.gov.kz/memleket/entities/akimat-goroda-zhanaozen/press/news/details/1005538?lang=kk

8 мамырдан бастап Ұлы Жеңістің 80 жылдығына арналған әскери парадқа қатысқан жеке құрам мен әскери техниканың Астанадан тұрақты орналасқан жерлеріне жоспарлы түрде оралуы басталды.Тасымалдау теміржол көлігімен де, өз жүрісімен де жүзеге асырылады. Іс-шаралар 14 мамырда аяқталады деп жоспарланып отыр.Қорғаныс министрлігі әскери техниканың қозғалысына байланысты азаматтарды жалған ақпарат таратудан аулақ болуға және тек ресми дереккөздеріне сенуге шақырады.Ақпарат көзі : https://www.gov.kz/memleket/entities/mod/press/news/details/992350?lang=kk

Алмалы ауданы тұрғындары, жеңістің 80 жылдығана арналған ауқымды экошараға қатысты.Шараға студенттер, ауданның комьюнити орталығының өкілдері, «Жасыл ел» жасақтары, шоу-бизнес өкілдері, қалалық Мәслихат депутаттары, сондай-ақ әріптестеріміз және ауданның белсенді тұрғындары қатысты.Алмалы ауданында бұл шара Амангелді көшесінен (Төле би көшесінен Қазыбек би көшесіне дейін) бастау алды. Экошараның басталғанын Қазақстан Республикасының халық әртістері Тұңғышбай Жаманқұлов пен Секен Тұрысбеков жариялады.Айрықша оқиға ретінде Амангелді көшесіндегі аллеяда алма ағаштарының отырғызылу рәсімін атап өтсе болады. Аллеяға 20-дан астам ағашты Алматы қалалық Мәслихатының депутаттары, қалалық басқарма және әкімшілік қызметкерлері, өнер қайраткерлері мен спортшылар отырғызды.Амангелді көшесімен қатар Төле би көшесінде де тазалық жұмыстары жүргізілді. «Солтүстік» скверін Қазақстан Ұлттық банкінің және Қазақстан Республикасы Сыртқы істер министрлігінің қызметкерлері тазалады.Коммуналдық қызмет өкілдері және еліміздің ҰҚК қызметкерлері «Биокомбинат» сквері мен Қарасу өзенінің бойын ретке келтірді.«Жұлдыз», «Тастақ» базарларының, «Саламат» және «Арена» сауда үйлерінің жұмысшылары да шараны қолдап, өз аумақтарын ретке келтірді.Сондай-ақ, Розыбакиев көшесі мен Абай даңғылы бойындағы кәсіпкерлерлік ұйымдар да бұл бастаманы қолдады.Акцияға қатысушылар мен ауданның коммуналдық қызметкерлері - ауданымыздағы жаяу жүргінші жолдарын тазалап, қоршауларды бояды, ағаштың артық бұталарын қысқартты және де жасыл аймақтарды қалпына келтірдіБүгінгі ауқымды экошараға 35 техника жұмылдырылып, 550 м³-ден астам қоқыс шығарылды. Тек Амангелді көшесі мен Төле би көшесінің бойында өткен экошараға 500-ден астам адам қатысты.Іс-шараға белсене қатысқан барлық азаматтарға алғысымызды білдіреміз! Қаламызды бірлесе таза әрі жайлы етейік!#ТазаҚазақстан #АлматыНашОбщийДом #Субботник #80летПобедыАқпарат көзі : https://www.gov.kz/memleket/entities/almaty-almaly/press/news/details/992318?lang=kk

2025 жылғы 1 мамырдағы жағдай бойынша 2024 жылдың 1 ақпанынан бастап "БЖЗҚ" АҚ (бұдан әрі – БЖЗҚ, Қор) 11,49 млн аса АҚШ долларына 97 615 өтініш орындады (өтініш берушілердің банктік шоттарына аудару үшін уәкілетті операторларға аударылды). Оның ішінде тұрғын үй жағдайларын жақсарту мақсатында 6,70 млн астам АҚШ долларына 56 937 өтініш, білім алу ақысын төлеу үшін шамамен 4,79 млн АҚШ долларына 40 678 өтініш орындалды. Естеріңізге сала кетейік, нысаналы жинақтарды алушы барлық соманы немесе оның бір бөлігін пайдалануға құқылы, ақшаның пайдаланылмаған қалдығы нысаналы жинақтау шотында (НЖШ) қала береді. Тұрғын үй жағдайларын жақсарту аясында қазақстандықтар қаржыларын көбінесе мынадай мақсатта пайдаланды: одан әрі жинақтау үшін тұрғын үй құрылысы жинақтарындағы салымды толықтыру (6,55 млн жуық АҚШ долларына 55 539 өтініш орындалды), тұрғын үй сатып алуға ипотекалық тұрғын үй қарызын алу үшін бастапқы жарнаны енгізу – шамамен 49,94 мың АҚШ долларына 442 өтініш, азаматтық-құқықтық мәмілелер бойынша меншікке тұрғын үй сатып алу (түпкілікті есеп айырысу) – 38,57 мыңнан аса АҚШ долларына 370 өтініш. Білім алу ақысын төлеу бойынша ең танымал қосалқы мақсаттар: Қазақстан Республикасының аумағында орналасқан білім ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе бір рет толық көлемде (бүкіл оқу мерзімі үшін) ақы төлеу (шамамен 4,24 млн АҚШ долларына 35 617 өтініш орындалды), білім алу үшін жинақтау салымы туралы шарт бойынша білім алу жинақтау салымын толықтыру (412,21 мыңнан аса АҚШ долларына 3 789 өтініш орындалды), шетелдік білім беру ұйымдарының оқыту қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеу (114,96 мыңнан аса АҚШ долларына 1 067 өтініш орындалды).           Нысаналы жинақтар төлемін тұрғын үй жағдайларын жақсарту және (немесе) білім алу ақысын төлеу мақсатында пайдалану бойынша уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады. Естеріңізге сала кетейік, "Ұлттық қор - балаларға" бағдарламасына сай Қазақстан Республикасы Ұлттық қорының инвестициялық кірісінің 50%-ы жылына бір рет 2006 жылы және одан кейін туған, Қазақстан Республикасының азаматы болып есептелетін балалар арасында бөлінеді. 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға ағымдағы жылы 3,04 АҚШ доллары мөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағы 100,52 АҚШ долларына тең болса, 2007 жылы туған баланың НЖШ-да 232,94  АҚШ доллары жинақталды. Кәмелетке толған азаматтар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы өз бетінше алуы тиіс, содан кейін уәкілетті операторға АҚШ долларында банктік шот ашып, тұрғын үй жағдайларын жақсарту және (немесе) білім алу ақысын төлеу үшін НЖ төлеміне онлайн-өтініш беру үшін жүгіне алады. kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен, қажетті нұсқаулықтармен танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OM  сілтемесі бойынша көруге болады.  БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/abay/press/news/details/992303?lang=kk