🌲Президент Қасым-Жомарт Кемелұлы Тоқаев өз Жолдауында 2025 жылды «Жұмысшы мамандықтары жылы» деп жариялады.Бұл бастама еңбек адамдарының қоғамдағы беделін арттыруға, олардың еңбегіне деген құрметті күшейтуге және жұмысшы мамандықтарының маңызын айқындауға бағытталған.🌲Осыған орай орман және жануарлар дүниесін қорғау мекемелері арасында Орман шаруашылығы қызметкерлері күніне арналған дәстүрлі спартакиада өткізілді.🌲Іс-шараның мақсаты – салауатты өмір салтын насихаттау, ұжымдық рухты нығайту және орман шаруашылығы саласында еңбек етіп жүрген қызметкерлердің бірлігін арттыру.🌲Қатысушылар футбол, волейбол, арқан тарту, үстел теннисі секілді спорт түрлерінен бақ сынасып, өздерінің ұйымшылдығы мен белсенділігін көрсетті.🌲Спартакиада жоғары деңгейде өтіп, орман шаруашылығы саласы қызметкерлерінің еңбекке деген құрметі мен кәсіби ынтымағын айқын көрсетті. Ақпарат көзі : https://www.gov.kz/memleket/entities/zhambyl-tabigat/press/news/details/1099270?lang=kk

Көкшетау қаласында  «Достар» мәдениет үйінде Ақмола облысы бойынша Мемлекеттік кірістер департаментінің басшының орынбасары  Бауыржан Шәйкеновтың қатысуымен жаңа Салық кодексіне енгізілген өзгерістер бойынша семинар өтеді.   Семинарда кәсіпкерлер арнайы салық режімдерінің үш санатқа дейін азаюына байланысты көкейдегі сұрақтар қарастырылады. Осы реформаға сәйкес салық есебін жүргізу мен бизнеске арналған салықты басқару қызметі жеңілдей түседі. Бұған қоса өзін-өзі жұмыспен қамтыған азаматтарға әлеуметтік жарналарды табыстың 4% мөлшерінде белгілей отырып, жеке табыс салығын төлемеу арқылы жылына 4080 АЕК-ке дейінгі кірістерді заңды түрде алуға мүмкіндік беріліп отыр. Шағын бизнес үшін белгілі бір шарттарды орындау кезінде (2% дейін төмендейтін) ең жоғары 4% мөлшерлемесі бар арнайы салық режімі белгіленді. Бұл амал кәсіпкерлерге жүктемені азайтып, салық салу жүйесінің ашықтығын арттыруға бағытталған.     Жаңа заң кәсіпкерлердің қызметін айтарлықтай жеңілдетіп, есеп-қисапты шамамен үштен біріне дейін азайтуға септесіп, декларация жылына бір рет қана өткізілетін болады. Ережелердің сақталуын бақылау тәуекелдерді бағалаудың автоматтандырылған жүйесі арқылы жүзеге асырылады. Қарыз сомасы аз болған жағдайда кәсіпорындардың шоттары автоматты түрде бұғатталмайды. Осының барлығы бизнеске қолайлы жағдай жасап, экономикалық дамуға жол ашады.Кездесуде Департамент өкілдері өзекті сұрақтарға жан-жақты жауап берді. Ақпарат көзі : https://www.gov.kz/memleket/entities/kgd-akmola/press/news/details/1099147?lang=kk

Исламабад, 2025 жылғы 4 қараша - – Ү.ж. қазан-қараша айларында Пәкістанға тоғызқұмалақ, теннис, шахмат федерацияларының делегациялары, сондай-ақ Әл-Фараби ат. Қазақ ұлттық университетінің өкілдері іссапармен келді.Қазақстанның «Тоғыз құмалақ» федерациясының қолдауымен Пәкістанның «Тоғыз құмалақ» федерациясын құру жұмыстары жүргізілуде. Аталған делегация Пәкістандық жаттықтырушылар үшін мастер-класстар ұйымдастырды, ПИР Провинцияаралық үйлестіру министрлігінің басшылығымен келіссөздер жүргізді, оның қорытындысы бойынша ынтымақтастық туралы Меморандумға қол қойды.Сондай-ақ, Қазақстан мен Пәкістан шахмат федерациялары арасындағы ынтымақтастық аясында Қазақстан шахмат федерациясының өкілі Ж.Аманов Исламабадта Пәкістан жастарына арналған онлайн және офлайн сабақтар мен шеберлік сабақтарын өткізді.Сонымен қатар, 25 қазаннан 9 қарашаға дейін ITF Pakistan J60 Islamabad теннисінен турнир өтуде. Бұл жарысқа Қазақстанның теннисшілері қатысуда. Чемпионат аясында біздің спортшылар жоғары нәтижелерге қол жеткізіп, жұптық ойында Каролина Лигай мен Полина Барабанова бірінші орынды иеленді.Өз кезегінде Әл-Фараби ат. Қазақ ұлттық университетінің өкілі Пәкістанның жетекші жоғары оқу орындарымен, атап айтқанда Қайд-е-Азам және GIKI университеттерімен келіссөздер жүргізді.Қазіргі уақытта Қайд-е-Азам университетінде Әл-Фараби ат. бірлескен орталықты ашу бойынша дайындық жұмыстары жүргізілуде.Өткен келіссөздер мен іс-шаралардың қорытындылары бойынша жоғарыда аталған спорт федерациялары мен ҚазҰУ өкілдері Қазақстанның Пәкістандағы Төтенше және Өкілетті Елшісі Е.Қыстафинмен кездесіп, оның барысында екі ел арасындағы спорттық және ғылыми-білім беру салаларындағы ынтымақтастықты нығайту жөніндегі алдағы жоспарларды талқылады, өзара іс-қимылды одан әрі дамыту үшін жоғары әлеуетті атап өтті және ынтымақтастықты практикалық тұрғыдан кеңейту жөніндегі жоспарларды белгіледі.Ақпарат көзі : https://www.gov.kz/memleket/entities/mfa-islamabad/press/news/details/1099069?lang=kk

Қарулы күштердің элиталық бөлімдерінде күзгі әскерге шақыру науқаны аяқталды. Алматы, Қонаев және Талдықорған қалаларында орналасқан Десанттық-шабуылдау әскерлерінің құрамалары мен әскери бөлімдеріне 1500-ден астам жас жауынгер келіп қосылды.Алғашқы күннен бастап оларға бейімделу кезеңіне арналған кешенді іс-шаралар өткізілуде. Жас сарбаздардың роталық оқу жиындарында әскери қызметтің негіздерін меңгеріп, саптық, атыс, тактикалық және дене даярлығынан өтіп жатыр. Сондай-ақ жалпыәскери жарғылар мен ішкі тәртіп ережелерін үйренуде.– Біздің басты міндетіміз – жас сарбаздардың тез бейімделуіне көмектесу, жауынгерлік дәстүрлермен таныстыру және оларды Әскери ант беруге дайындау, – деді 61993 әскери бөлімі командирінің тәрбие және идеологиялық жұмыстар жөніндегі орынбасары подполковник Дәурен Төленбаев. – Оқу үдерісі кешенді түрде ұйымдастырылып, дене және психологиялық дайындықты, сондай-ақ әскери-патриоттық іс-шараларды үйлестіріп жүргізіледі.Бейімделу барысында психологтар белсенді жұмыс атқаруда. Жас жауынгерлерге диагностикалық тестілер, топтық тренингтер және жеке кеңестер өткізіледі. Мұның бәрі бөлімдердегі салауатты моральдық-психологиялық ахуалдың қалыптасуына ықпал етеді.Жиын бағдарламасында жауынгерлік және атыс даярлығына ерекше мән берілген. Полигондарда жас десантшылар Калашников автоматынан алғашқы атыс жаттығуларын орындап, бөлімше құрамында іс-қимыл жасауды және бронетехниканы жүргізіп тексеріп көру  тәжірибесінен өтті.– Алғашқы атыстарда сәл толқыдым, бірақ кейін нысанаға дәл тигізе бастадым, тіпті «тоғыздыққа» тигіздім. Спорттық дайындық көп көмектесті, – деді 2024 жылы Канадада өткен Dageki World Full Contact Karate Championship әлем чемпионатының жеңімпазы, Астанадан шақырылған қатардағы жауынгер Тәтімбек Нөгербек. Күн өткен сайын жас десантшылар өздерін үлкен әскери отбасының бір бөлігі ретінде сезіне түсуде. Алда оларды парашютпен секіру, далалық жаттығулар және жауынгерлік оқудың жаңа кезеңдері күтіп тұр.Ақпарат көзі : https://www.gov.kz/memleket/entities/mod/press/news/details/1099075?lang=kk

Мемлекеттік қызмет көр­сету процестерін үнемі жетілдіру – Қазақстан Республикасы Мемлекеттік қызмет істері агенттігінің (бұдан әрі – Агенттік) және оның аумақтық департаменттерінің жұмы­сындағы негізгі ұс­таным­дардың бірі.Мемлекеттік көрсетілетін қызметтер жүйесін жетілдіру азаматтардың құқықтарын қорғап, қызмет көрсету сапасын арттыруға бағытталған.Осы ретте, "Сауда-саттықты (аукциондарды) өткізуді талап етпейтін, мемлекет меншігіндегі жер учаскелеріне құқықтарды сатып алу"  мемлекеттік қызметін көрсету тәртібін түсіндірсек.1.Көрсетілетін қызметті берушінің атауы: Ауылдық округ әкімі.Мемлекеттік қызметті көрсету тәсілі: "электрондық үкіметтің"веб-порталы арқылыМемлекеттік қызметті көрсету мерзімі: бірінші кезең: сұралып отырған жер учаскесін аумақтық аймақтарға бөлуге сәйкес мәлімделген нысаналы мақсаты бойынша пайдалану мүмкіндігін айқындау, жер учаскесін алдын ала таңдау, жер комиссиясының қорытындысын дайындау – 12 (он екі) жұмыс күні ішінде.Екінші кезең: жер учаскесіне құқық беру туралы шешім қабылдау және сатып алу-сату шартын немесе уақытша (қысқа мерзімді, ұзақ мерзімді) өтеулі (өтеусіз) жер пайдалану шартын жасасу – бекітілген жерге орналастыру жобасы келіп түскен күннен бастап 3 (үш) жұмыс күні ішінде.Мемлекеттік қызмет көрсету нысаны: электрондық (ішінара автоматтандырылған)/қағаз түрінде.5.Мемлекеттік қызметті көрсету нәтижесі: көрсетілетін қызметті берушінің жер учаскесіне құқық беру туралы шешімі және сатып алу-сату шартын жасасу не мемлекеттік қызметті көрсетуден дәлелді бас тарту.Қосымша ақпарат алу үшін: Шелек ауылы Жібек жолы көшесі, 40.Тел: 8/72776/ 2-14-30"Шелек ауылдық округі әкімінің аппараты" ММАқпарат көзі : https://www.gov.kz/memleket/entities/enbekshikazakh-shelek/press/news/details/1130295?lang=kk

Рияд, 2025 жылғы 4 қараша – Қазақстанның Сауд Арабиясындағы Елшісі Мадияр Меңілбеков Корольдіктің Қадағалау және сыбайлас жемқорлыққа қарсы іс-қимыл басқармасының басшысы Мазин Әл-Кахмуспен келіссөздер жүргізді.Кездесу барысында екі елдің сыбайлас жемқорлыққа қарсы күрес агенттіктері арасындағы институционалдық байланыстарды дамытуға, сондай-ақ сыбайлас жемқорлық құқық бұзушылықтардың алдын алу және тергеу бойынша тәжірибе алмасуға ерекше назар аударылды.Мадияр Меңілбеков сыбайлас жемқорлыққа қарсы күрес Қазақстан үшін басымдық болып табылатынын айтып, Сауд Арабиясының әріптестерімен ынтымақтастықты одан әрі нығайтуға дайын екенін білдірді.Өз кезегінде, Мазин Әл-Кахмус Корольдік Қазақстанмен тәжірибе алмасуға мүдделі екендігін және мемлекеттік басқарудың ашықтығын қамтамасыз ету шараларының тиімділігін арттыру үшін бірлескен күш-жігердің маңыздылығын атап өтті.Ақпарат көзі : https://www.gov.kz/memleket/entities/mfa-riyadh/press/news/details/1098996?lang=kk

Братислава, 2025 жылғы 4 қараша – Қазақстанның Словакиядағы Елшілігінің қолдауымен Қазақстан Республикасының Жасанды интеллект және цифрлық даму министрлігі мен Словак Республикасының Инвестициялар, аймақтық даму және информатизация министрлігі арасында онлайн-кездесу өтті.Келіссөздердің негізгі тақырыбы Қазақстан мен Словакия арасындағы цифрландыру және жасанды интеллект салаларындағы ынтымақтастықты дамыту болды. Тараптар IT саласындағы өзара іс-қимылдың перспективалы бағыттарын, сондай-ақ екі елдің уәкілетті ведомстволары арасында өзара түсіністік туралы меморандумға қол қою мүмкіндігін талқылады.Кездесу қорытындысы бойынша тараптар цифрлық даму және озық IT-шешімдерді енгізу жөніндегі бірлескен жобаларды жүзеге асыруға өзара мүдделілігін растады. Ақпарат көзі : https://www.gov.kz/memleket/entities/mfa-bratislava/press/news/details/1099002?lang=kk

Брюссель, 2025 жылғы 4 қараша – Қазақстан Республикасының Бельгия Корольдігіндегі Елшілігінде Елші Роман Василенконың Бельгия компанияларының өкілдерімен кездесуі өтті. Кездесу AWEX және FIT мемлекеттік агенттіктерінің 2025 жылғы 19–21 қарашада Алматы мен Астанада өтетін іскерлік миссиясына дайындық аясында ұйымдастырылды.Іс-шараға John Cockerill Group, Bimex Solutions, Hydrometal-JGI, IBA Proton Therapy, Libinvest, Belgo Multimodal, UAUcollectiv 4 Architecture, Ugani Prosthetics компанияларының басшылары мен өкілдері, сондай-ақ AWEX, FIT және Credendo агенттіктерінің өкілдері қатысты.Өз сөзінде Елші Василенко Қазақстан мен Бельгия арасындағы 33 жылдық дипломатиялық қатынастар кезеңінде қалыптасқан берік саяси және экономикалық байланыстарды атап өтіп, бүгінде екі елдің өзара іс-қимылы ынтымақтастықтың сапалы жаңа деңгейіне көтерілгенін атап өтті.Ол Қазақстанның тұрақты экономикасы, айқын ережелері бар сенімді серіктес екенін атап өтті: «Біз инвесторлар үшін инновацияға ашық, серпінді және болжамды бизнес-ортаны ұсынамыз, ол өнеркәсіптік кооперацияны дамытуға бағытталған», – деді ол.Елші, сондай-ақ, мемлекет инвестицияларды қорғауға және салық заңнамасының тұрақтылығына кепілдік беретінін, сонымен қатар инвесторлардың Үкіметпен тікелей инвестициялық келісімдер жасай алу мүмкіндігі бар екенін атап өтті.Дөңгелек үстел барысында ынтымақтастықтың басым бағыттары талқыланды: көлік және логистика, жаңартылатын энергетика, фармацевтика, металлургия, ақпараттық технологиялар, маңызды минералдарды өңдеу және құрылыс материалдарын өндіру.Сондай-ақ, қатысушылар Транскаспий халықаралық көлік бағытының (Middle Corridor) аясында Қазақстанның логистикалық әлеуетін талқылады. Бұл маршрут Еуропаны Орталық Азиямен және Қытаймен тікелей байланыстырады.Бельгиялық компаниялар Қазақстанның Орталық Азиядағы негізгі экономикалық және логистикалық орталық ретіндегі әлеуетін, сондай-ақ өнеркәсіптік және технологиялық ынтымақтастыққа ашықтығын жоғары бағалады.Кездесудің соңында Елші Василенко бельгиялық компанияларды AWEX және FIT іскерлік миссиясына белсенді қатысуға шақырып, бұл сапардың Қазақстан мен Бельгия арасындағы өнеркәсіптік және инвестициялық серіктестікті одан әрі нығайтудың маңызды қадамы болатынын атап өтті.Ақпарат көзі : https://www.gov.kz/memleket/entities/mfa-brussels/press/news/details/1099004?lang=kk

2025 жылдың 4 қараша күні арнайы құрылған жұмысшы топпен аудан орталығында орналасқан бір қатар кәсіпкерлік нысандарды аралап, көркейту-көгалдандыру, санитарлық тазалық сақтау және ғимараттарының қасбетін ретке келтіру бағытында түсіндірме жұмыстарын жүргізді. Жұмысшы топ Қызылорда облыстық мәслихатының 2024 жылғы 24 шілдедегі № 112 «Қызылорда облысындағы қалалар мен елді мекендердің аумақтарын абаттандырудың қағидаларын бекіту туралы» шешімінің талаптары бұзылған жағдайда Қазақстан Республикасы «Әкімшілік құқық бұзушылық туралы» Кодексінің 505-бабы бойынша шаралар қарастырылғандығы туралы кәсіпкерлік нысан иелеріне түсіндірді. Тиісті талаптар сақталмағанда айыппұлдар салынатыны ескертілді.Құрметті аудан кәсіпкерлері, баршаңызға көркейту-көгалдандыру, тазалық шараларына белсенді атсалысуға және сақтауға шақырамыз!Ақпарат көзі : https://www.gov.kz/memleket/entities/kyzylorda-syrdarya-terenozek/press/news/details/1098985?lang=kk

Ағымдағы жылдың 4 қарашасында облыс әкімдігінің терроризмге қарсы комиссиясының алаңында террористік тұрғыдан осал объектілерді терроризмге қарсы қорғау саласындағы заңнаманы түсіндіру бойынша аңшылық және шаруашылық дүкендерінің, дәріханалар мен құрылыс базарларының құрылтайшыларымен, басшыларымен және сатушыларымен жұмыс кездесуі өткізілді.Ақпарат көзі : https://www.gov.kz/memleket/entities/upr-ump-kostanay/press/news/details/1098990?lang=kk

«Сауда қызметін реттеу туралы» Қазақстан Республикасы Заңының 18-бабына, «Қазақстан Республикасының ұлттық қауіпсіздігі туралы» Қазақстан Республикасы Заңының 6-бабы 1-тармағының 11) тармақшасына және 22-бабы 2-тармағының 1) тармақшасына, Еуразиялық экономикалық одақ туралы шарттың 29-бабына, сондай-ақ Еуразиялық экономикалық одақ туралы шартқа 7-қосымшаның 10-бөліміне сәйкес Қазақстан Республикасының аумағынан көліктің барлық түрлерімен әкетуге алты ай мерзімге тыйым салу енгізіледі: ЕАЭО СЭҚ ТН кодтары 7404 00 - мыс қалдықтары мен сынықтарын, 7602 00 - алюминий қалдықтары мен сынықтарын, 7802 00 000 0 - қорғасынның қалдықтары мен сынықтарын, 8549 11 000 0 - қорғасын аккумуляторлардың, істен шыққан қорғасын аккумуляторлардың қалдықтары мен сынықтарын, 8549 12 000 0 - құрамында қорғасыны, кадмийі немесе сынабы бар өзгелерін, 8549 13 000 0 - химиялық типі бойынша сұрыпталғандарды және құрамында қорғасыны, кадмийі немесе сынабы жоқтарды, 8549 14 000 0 - сұрыпталмағандарды және құрамында қорғасыны, кадмийі немесе сынабы жоқтарды, 8549 19 000 0 - өзгелерін; Қазақстан Республикасының аумағына жөндеу үшін әкелінетін және кері әкетілетін, сондай-ақ Қазақстан Республикасының аумағынан жөндеу үшін әкетілетін және кері автомобиль көлігімен әкелінетін жылжымалы құрамның бұрын пайдаланылған элементтерін: ЕАЭО СЭҚ ТН кодтары 8607 19 100 1 - бұрын пайдалануда болғандарды, 8607 19 100 9 - өзгелерін, 8607 19 900 9 - өзгелерін, 8607 21 100 9 - өзгелерін, 8607 21 900 9 - өзгелерін, 8607 30 000 0 - ілмектерді және өзге шынжыр құрылғыларын, буферлерді, олардың бөліктерін, 8607 99 800 0 - өзгелерін, 8607 29 000 0 - өзгелерін, 8607 12 000 - өзге де арбаларды қоспағанда, ЕАЭО СЭҚ ТН коды 7204 - қара металдардың қалдықтары мен сынықтарын, қайта балқытуға арналған қара металдардың құймаларын (шихта құймаларын), бұрын қолданыста болған теміржол төсемі мен жылжымалы құрамның құбырларын, рельстерін, элементтерін: ЕАЭО СЭҚ ТН 7302 коды – теміржол немесе трамвай жолдары үшін пайдаланылатын қара металдардан жасалған бұйымдарды, рельстерді, қарсы рельстерді және тісті рельстерді, ауыспалы рельстерді, тұйық қиылыс айқаспаларды, ауыспалы штангаларды және өзге көлденең қосылыстарды, шпалдарды, түйіспе жапсырмалар мен төсемдерді, сыналарды, тірек тақталарын, ілгекті рельс бұрандаларын, төсемдер мен созғыштарды, тұғырларды, көлденең жақтаулар мен рельстерді қосуға немесе бекітуге арналған өзге де бөлшектерді, ЕАЭО СЭҚ ТН 7303 00 коды – шойынды құймадан жасалған құбырларды, түтіктерді және қуыс профильдерді, ЕАЭО СЭҚ ТН 7304 коды – жіксіз, қара металдардан жасалған құбырларды, түтіктерді және қуыс профильдерді (шойынды құймадан басқа), ЕАЭО СЭҚ ТН 7305 коды – дөңгелек қималы, сыртқы диаметрі 406,4 мм астам, қара металдардан жасалған құбырларды және өзге де түтіктерді, ЕАЭО СЭҚ ТН 7306 коды – қара металдардан жасалған өзге де құбырларды, түтіктерді және қуыс профильдерді, ЕАЭО СЭҚ ТН 8607 коды – теміржол локомотивтерінің немесе трамвайдың моторлы вагондарының немесе жылжымалы құрамның бөліктерін, арбаларды.Ақпарат көзі : https://www.gov.kz/memleket/entities/kgd-almaty/press/news/details/1098969?lang=kk

ҚР ҚМ МКК 2026 жылғы 10 шілдеде сағат 00:00-ден 02:00-ге дейін «Электрондық шот-фактуралар» ақпараттық жүйесінде техникалық жұмыстар жүргізілетінін хабарлайды. Осыған байланысты жүйе уақытша қолжетімсіз болады.Пайдаланушыларға қолайлы жағдай жасау мақсатында құжаттарды қағаз жеткізгіште рәсімдеп, кейіннен жүйеге айыппұл санкцияларын қолданбай енгізу мүмкіндігі қарастырылған.Ақпарат көзі : https://www.gov.kz/memleket/entities/kgd-karaganda/press/news/details/1257598?lang=ru

Астана, 2025 жылғы 3 қараша – Қазақстан Республикасының Сыртқы істер министрлігінде «Адами өлшемі жөніндегі диалог алаңы» консультативтік-кеңесші органының кезекті отырысы өтті.Іс-шараға ҚР Президенті жанындағы Адам құқықтары жөніндегі комиссия төрағасының орынбасары, ҚР Парламенті Сенаты жанындағы Инклюзия жөніндегі кеңестің төрағасы, мүдделі министрліктер, қазақстандық құқық қорғаушылар, үкіметтік емес ұйымдар, азаматтық сектор өкілдері, сондай-ақ, алаң қонақтары – БҰҰ Адам құқықтары жөніндегі Жоғарғы комиссары басқармасы мен БҰҰ Даму бағдарламасының өкілдері қатысты.Отырыс барысында қатысушылар зейнет жасындағы азаматтардың әлеуметтік-экономикалық және мәдени құқықтары, төтенше жағдайларда олардың құқықтарын қамтамасыз ету, сонымен қатар тұрмыстық зорлық-зомбылықтың өсуіне әсер ететін тұрғын үйдің тұрақсыздығы мен тәуелділік мәселелерін талқылады.ҚР СІМ Ерекше тапсырмалар жөніндегі елшісі Алуа Надиркулова Қазақстан Президенті Қасым-Жомарт Тоқаев атап өткен зейнет жасындағы азаматтарды қолдау, олардың еңбек қызметін жалғастыруына жағдай жасалу қажеттілігін және «күміс экономиканы» дамытудың өзектілігіне назар аударды.Елші Қазақстанда 2,5 миллионнан астам зейнеткер тұратынын, олардың медициналық көмекке қолжетімділігі Міндетті әлеуметтік медициналық сақтандыру жүйесі арқылы қамтамасыз етілетінін, ал 2025 жылы еліміздегі Белсенді ұзақ өмір сүру орталықтарының саны 127 мекемеге жеткенін мәлімдеді.ҚР Денсаулық сақтау министрлігінің Медициналық көмек көрсету департаментінің директоры Гүлнар Сәрсенбаева 2050 жылға қарай елімізде 65 жастан асқан азаматтардың үлесі 14%-дан асып, екі есеге ұлғайғанын атап өтті. Осыған байланысты скринингтік тексерулерден өтетін топтың жас шегі 76 жасқа дейін өскен. Сонымен қатар қарт адамдарға арнап мидың қан айналымы бұзылу қаупін ерте анықтау үшін жаңа скрининг енгізілген.Зейнеткерлер санының артуына байланысты, «Kumis Khasyr» қорының атқарушы директоры Әсия Ақанова денсаулық, белсенділік және цифрлық дағдыларды біріктіретін «ақылды ұзақ өмір» концепциясына көшу қажеттілігіне мән берді.Ә.Ақанова зейнет жасындағы адамдардың «үшінші жастағы» қоғамды қалыптастыруға, атап айтқанда, әлеуметтік бейімделу және қайта әлеуметтендіруді қамтамасыз етуге, спорт пен білімге, қаржылық, құқықтық және цифрлық сауаттылыққа қолжетімділікті кеңейтуге ерекше назар аударылуы қажет деп санайды.Күн тәртібінің екінші тармағы бойынша ҚР Төтенше жағдайлар министрлігінің Төтенше жағдайлардың алдын алу комитетінің басқарма бастығы Болат Құсаинов «Азаматтық қорғау туралы» ҚР заңы барлық азаматтарға, әсіресе, зейнеткерлерге, мүгедектерге және балаларға төтенше жағдай тәуекелдері туралы алдын ала хабардар болуға, өз өмірін, денсаулықты және мүлікті қорғау құқықтары туралы хабардар болуға ықпал ететінін атап өтті.Сонымен қатар елімізде азаматтарды төтенше жағдайлар туралы хабардар ету мақсатында «112» мобильді қосымшасын енгізу жұмыстары жүргізілуде. Қосымша қандай оқиғаның болғаны туралы, оқиғаның орны туралы және азаматтарға арналған ұсыныстар туралы «push-хабарламалар» алуға рұқсат бере отырып, еліміз бойынша 10-12 секунд ішінде жалпылай қамтитын «Mass Alert» жүйесіне интеграцияланатын болады.ҚР Ішкі істер министрлігінің Отбасы мен тұрмыстық зорлық-зомбылыққа қарсы басқармасының басшысы Ақмарал Серікбаева тұрғын үйдің тұрақсыздығы, тәуелділік пен тұрмыстық зорлық-зомбылықтың өсуі арасындағы тікелей байланысты атап өтті.А.Серікбаева «Тұрмыстық зорлық-зомбылықтың алдын алу туралы» ҚР заңы аясында агрессорды ортақ тұрғын үйден шығару, зардап шеккендерді дағдарыс орталықтарына орналастыру, психокоррекциялық бағдарламалар жүргізу және «ODARA» жүйесі арқылы рецидивтерді анықтау шаралары жүзеге асырылғанын мәлімдеді. Тұрмыстық зорлық-зомбылық бойынша өтініштер саны 18%-ға төмендегенін, алайда аталған салада жүйелі алдын алу жұмыстарының жалғасуы қажеттілігіне назар аударды.Жалпы, күн тәртібі мәселелері ашық және конструктивті форматта талқыланды. Қатысушылар зейнеткерлердің әлеуметтік қорғалуын күшейту, тұрмыстық зорлық-зомбылықтың алдын алу және қоғамның қазіргі замандағы қауіп-қатерлерге төзімділігін арттыруға ортақ мүдделілігін растады.«Адами өлшемі жөніндегі диалог алаңы» консультативтік-кеңесші органы 2013 жылы ҚР Сыртқы істер министрлігінің бастамасымен құрылды. Бұл алаң үкімет пен азаматтық сектор арасындағы диалогты дамытуға арналған тиімді құрал болып қызмет етеді. Алаң жұмысына адам құқықтарын қорғау саласындағы өзекті мәселелер талқылау мақсатында халықаралық ұйымдардың байқаушылары да қатысады.Ақпарат көзі : https://www.gov.kz/memleket/entities/mfa/press/news/details/1098898?lang=kk

Текелі қаласы бойынша Мемлекеттік кірістер басқармасында азаматтар мен кәсіпкерлер үшін "Ашық есік күні" ұйымдастырылып, онда жаңа Салық кодексінің негізгі бағыттары түсіндірілді.Іс-шара барысында қатысушыларға 2026 жылдан бастап қолданысқа енгізілетін салық заңнамасының ерекшеліктері таныстырылды. Жаңа құжатта көзделген өзгерістердің ішінде қосылған құн салығы, корпоративтік табыс салығы және жеке табыс салығы бойынша жаңашылдықтар ерекше атап өтілді.Кәсіпкерлер салықтық рәсімдерді жеңілдету, шағын және орта бизнеске арналған мүмкіндіктер, сондай-ақ бизнеске түсетін әкімшілік ауыртпалықты азайтуға бағытталған шаралар жөнінде кең көлемді ақпарат алды.Ақпарат көзі : https://www.gov.kz/memleket/entities/kgd-zhetysu/press/news/details/1098886?lang=kk

«Қостанай қаласы әкімдігінің тұрғын үй қатынастары бөлімі» мемлекеттік мекемесінің қызметкерлері Қостанай қаласының Төтенше жағдайлар бөлімімен бірлесіп «Көп пәтерлі тұрғын үйлерде сұйытылған газы бар тұрмыстық баллондарды қауіпсіз пайдалану ережелерінің талаптарын сақтау» тақырыбында профилактикалық іс-шара өткізді.Іс-шара барысында жадынамалар таратылып, сұйытылған газ баллондарын қауіпсіз пайдалану ережелері түсіндірілді.Мақсат – газ баллондарын пайдалану кезіндегі қауіпсіздік шаралары туралы халықтың хабардарлығын арттыру және төтенше жағдайлардың алдын алу.Ақпарат көзі : https://www.gov.kz/memleket/entities/kostanai-kalasy-akimat/press/news/details/1098889?lang=kk

Қостанай облысында қоршаған ортаны қорғау, аумақтарды абаттандыру және табиғатқа жауапкершілікпен қарау мәдениетін қалыптастыру мақсатында «Таза Қазақстан» республикалық бағдарламасы аясында ауқымды экологиялық іс-шаралар жалғасуда.Қарабалық ауданында туған өлкені таза ұстау мен қоршаған ортаны қорғау идеясы төңірегінде тұрғындарды біріктірген сенбіліктер мен экологиялық акциялар белсенді түрде өтуде. Солардың бірі – Қарабалық ауданының Жастар ресурстық орталығы ұйымдастырған «Жақсылық қақпағы» атты игі бастама. Бұл акция экологиялық және қайырымдылық мақсатты ұштастырады: жиналған пластик қақпақтар өңдеуге жіберіліп, түскен қаражат ауыр науқас балаларды емдеуге бағытталады.Игі іске қолдау көрсеткен белгілі волонтёр Екатерина Афанасьева өз пікірін былай білдірді:«Бұл – мен бірнеше жылдан бері айналысып жүрген тамаша бастама. Бұрын жиналған қақпақтар көрші елге жөнелтілетін, ал қазір оларды Қостанайдағы ұйымдар қабылдайды. Өңделген қалдықтардан түскен қаражат балалардың еміне жұмсалады. Барша бейжай қарамайтын жандарды осы игі іске атсалысуға шақырамын!»Аталмыш акция 27 қазан мен 4 қараша аралығында өтті. Нәтижесінде ондаған килограмм пластик қақпақ жиналып, аудан мектептері, балабақшалары, мекемелері мен тұрғындары белсенділік танытты. Ұйымдастырушылар барша қатысушыларға табиғатты қорғауға қосқан үлестері мен белсенділігі үшін алғыс білдіріп, әрбір қақпақ – бұл тек қайта өңделетін қалдық емес, ізгілік пен үміттің белгісі екенін атап өтті.«Таза Қазақстан» бағдарламасы аясындағы экологиялық бастамалардың жалғасы ретінде 2025 жылғы 4 қарашада Сарыкөл ауданындағы Сарыкөл кентінде «Табиғат үшін 5 минут» атты экологиялық флешмоб өтеді. Іс-шараны Сарыкөл ауданы әкімдігінің ішкі саясат бөліміне қарасты «Жастар ресурстық орталығы» КММ ұйымдастыруда. Акцияның мақсаты – тұрғындардың экологиялық мәдениетін арттыру, табиғатқа ұқыпты қарауға тәрбиелеу және жастардың экологиялық мәселелерге деген азаматтық жауапкершілігін қалыптастыру.Флешмоб аясында қатысушылар аулаларды, көпшілік демалатын аймақтарды, жасыл желектер мен қоғамдық орындарды тазалау жұмыстарын жүргізіп, туған жердің тазалығы әркімнің өз ауласынан және жеке үлгісінен басталатынын көрсете алады. Іс-шараға жастар ресурстық орталығының еріктілері, жұмысшы жастар, мектеп пен колледж оқушылары және белсенді ауыл тұрғындары қатысады.Ұйымдастырушылардың айтуынша, табиғатқа небәрі бес минут арнаудың өзі үлкен игі әсерін тигізіп, өзгелерге үлгі бола алады. Мұндай іс-шаралар экологиялық жауапкершілікті арттырып қана қоймай, қоғамда бірлік пен бейжай қарамау рухын нығайтады.«Таза Қазақстан» бағдарламасы Қостанай облысының тұрғындарын ізгі істерге біріктіріп, туған өлкенің тазалығы мен сұлулығын сақтау жолында нақты қадамдар жасауға шабыттандырып келеді.Ақпарат көзі : https://www.gov.kz/memleket/entities/kostanay/press/news/details/1098868?lang=kk

Салық есептілігі-салық төлеушінің салық салу объектілері, активтер мен міндеттемелер, салық міндеттемелерін есептеу және салық органына төленетін әлеуметтік төлемдер туралы ресми құжаты.Қазіргі уақытта, 2026 жылға дейін, салық есептілігін жасау бойынша түсіндірмесі бар салық есептілігінің нысандары және оларды ұсыну тәртібі Қазақстан Республикасы Қаржы министрлігінің (бұдан әрі-ҚР ҚМ) 20.01.2020 жылғы № 39 бұйрығымен бекітілген, 2026 жылдан бастап ҚР ҚМ жаңа Салық кодексі шеңберінде ҚР ҚМ жаңа бұйрығы әзірленді, ол мемлекеттік органдарда келісу сатысында тұр.Салық есептілігі саласындағы мемлекеттік көрсетілетін қызметтерге: салық есептілігін қабылдау; кеден одағы шеңберінде салық есептілігін қабылдау (328.00 СЕН); салық есептілігін кері қайтарып алу; салық есептілігін табыс етуді тоқтата тұру (қайта бастау); салық есептілігін табыс етуді ұзарту кіреді.Жоғарыда көрсетілген қызметтер ЦДжАӨМ 31.01.2020 жылғы №39/НҚ бұйрығымен бекітілген мемлекеттік көрсетілетін қызметтер тізіліміне енгізілген."Салық есептілігін қабылдау" мемлекеттік қызметі қызметті алушыларға  – заңды тұлғаларға, дара кәсіпкерлерге, жеке тәжірибемен айналысатын тұлғаларға және жеке тұлғаларға (ЗТ, ЖК, ЖТАТ, ЖТ) көрсетіледі.Салық есептілігі Салық кодексінде белгіленген тәртіппен/мерзімдерде және ҚР ҚМ 10.07.2020 жылғы №665 бұйрығымен бекітілген мемлекеттік қызметтер көрсету қағидаларының тәртібіне сәйкес мемлекеттік кірістер органдарына (бұдан әрі-МКО) беріледі.Салық есептілігін көрсетілетін қызметті алушы келесі таңдаулар бойынша МКО-ға:- келу тәртібімен қағаз тәсілімен (МКО орталықтары/Мемлекеттік корпорация орталықтары) не пошта арқылы;- электрондық тәсілмен салық төлеушінің кабинеті СӘИЖ, СЕӨЖ, ЭҮП egov, eGov mobile, e-Salyq Azamat, e-Salyq Business мобильдік қосымшалары, сондай-ақ екінші деңгейдегі банктердің мобильдік қосымшалары арқылы ұсына алады.МКО жүйесімен салық есептілігін қабылдау және өңдеу кезінде форматтық-логикалық бақылау (ФЛБ) - МКО жүйесімен салық есептілігін толтырудың толықтығы мен дұрыстығын тексеру жүргізіледі.2026 жылдан бастап салық есептілігі 30% - ға қысқартылатын болады, бұл ретте оған, мысалы, жеңілдіктер бойынша толтыру үшін міндетті жолдар қосылады.Салық кодексінің жаңа нұсқасында, егер міндеттемелер сомасы 1 млн.теңгеден аспаса, мүлік салығы бойынша есеп айырысу (701.01-нысан) жойылады. Егер төлемдер сомасы 1 млн. теңгеден кем болса, салық төлеуші декларацияны (700.00-нысан) жылына бір рет қана береді және осы декларация негізінде төлем жүргізеді. Сондай-ақ көлік салығы бойынша (701.00 нысан), жер салығы бойынша (701.01 нысан) есеп айырысулар алынып тасталады.                                                                   Жалпы қолданыстағы 39 СЕН-дан 11 нысанды алып тастауға болады. Бұл 101.01 (автоматтандыру), 180.00 (100.00 н. қосымша болады), 240.00 (270.00 н.), 421.00 (400.00 н. қосымша), 540.00 (150.00 н. қосымша), 560.00 (590.00 н. қосымша), 570.00 (590.00 н. қосымша), 701.00 (автоматтандыру), 871.00 (СЕН-дан алынып тасталады), 911.00, 912.00, 913.00 арнаулы салық режимі (АСР) шеңберінде алып тасталады.                                                                                                     Жаңа Салық кодексі шеңберінде "хабарлама бойынша қосымша" салық есептілігінің түрі "хабарлама бойынша" түріне өзгертілгеніне назар аударамыз.                                                                                                        "Салық есептілігін кері қайтарып алу" мемлекеттік қызметі 2026 жылдан бастап жаңа Салық кодексі шеңберінде алынып тасталды. 2026 жылдың 1 қаңтарынан бастап салық төлеушілер берілген салық есептілігін қайтарып ала алмайды. Жалғыз ерекшелік-ЕАЭО шеңберіндегі 328.00 нысаны (тауарларды әкелу және жанама салықтарды төлеу туралы өтініш).                                                                          Мемлекеттік қызметті алып тастаудың себебі-бұл жаңа Салық кодексінің шеңберінде салықты әкімшілендіруге тәсілдің өзгеруі.           Кері қайтарып алудың баламасы-егер қате табылса немесе өзгертулер енгізу қажет болса, салық төлеушінің нақтыланған салық есептілігін беруі.                                                                                             Бұрын берілген СЕН-дағы түзетулер қосымша салық есептілігі немесе хабарлама бойынша есептілік арқылы ғана мүмкін болады. Салық есептілігіне өзгерістер мен толықтырулар енгізуді салық төлеуші (салық агенті) ҚР Салық кодексінің 48-бабына сәйкес талап қою мерзімі ішінде енгізуге құқылы.                                                                        Өзгерістер мен толықтырулар енгізу тәртібі, сондай-ақ салық есептілігіне өзгерістер мен толықтырулар енгізуге жол берілмейтін жағдайлар Салық кодексінің 211-бабының нормаларында көзделген.         2026 жылдан бастап жаңа Салық кодексі шеңберінде осы тәртіп нормативтік-құқықтық актімен (ҚМ бұйрығы) белгіленетін болады, ол қазіргі уақытта мемлекеттік органдарда келісілуде."Салық есептілігін табыс етуді тоқтата тұру (ұзарту, қайта бастау)" мемлекеттік көрсетілетін қызметіСалық есептілігін ұсынуды тоқтата тұруды қызметті алушы қолданыстағы Салық Кодексінің 213, 214-баптарында белгіленген тәртіппен және мерзімдерде жүргізеді.2026 жылдан бастап жаңа Салық кодексі шеңберінде қызмет көрсету тәртібі бойынша нормалар қазіргі уақытта мемлекеттік органдарда келісуде тұрған нормативтік-құқықтық актімен (ҚМ бұйрығы) реттелетін болады.Қазіргі уақытта салық есептілігін ұсыну мерзімдерін ұзарту тәртібі Салық кодексінің 211-бабының нормаларымен реттеледі.Бұл ретте 2026 жылдан бастап жаңа Салық кодексі шеңберінде осы норма алынып тасталды, жаңа норманың енгізілуіне байланысты, егер салық төлеуші (СТ) салық есептілігін ұсынбаса, МКО жүйесі оны ұсынудың белгіленген мерзімі өткеннен кейін автоматты түрде нөлдік есептілікті қалыптастырады.Осыдан кейін, СЕН-нын сол кезеңде беру мүмкін емес, тек келесі жағдайларды қоспағанда: қосымша СЕН беру және СЕН-ны белгіленген мерзімде қағаз тасығышта беру.Егер салық төлеуші СЕН-ны қағаз жеткізгіште тапсырса және ол "Құжат қабылданды" мәртебесін алса, автоматты түрде қалыптасқан нөлдік СЕН жойылады. Бұл салық есептілігі пошта арқылы жіберілген жағдайда орын алады.Бұл өзгерістер қателерді азайтуға және салықтық әкімшілендірудің ашықтығын арттыруға бағытталған.Осы норманы енгізу сондай-ақ Қазақстан Республикасының салық заңнамасында (№ 17) белгіленген мерзімде салық есептілігін ұсынбағаны үшін хабарламаларды ұсыну, банк шоттары бойынша шығыс операцияларын тоқтата тұру туралы өкімдердің болмауына, "Әкімшілік құқық бұзушылық туралы" ҚР Кодексінің 272-бабы шеңберінде әкімшілік жауаптылыққа тартудың болмауына, яғни бизнес үшін жазалау шараларын азайтуға мүмкіндік береді.Бұл ретте, автоматты түрде қалыптастыру салық төлеушінің жеке кабинетіндегі (СТК СӘИЖ) құжаттамасында табыс етілуге тиіс салық есептілігінің нысандары алдын ала көрсетілген жағдайда ғана жүзеге асырылады. Егер құжаттамадағы нысандар анықталмаса-жүйе салық төлеуші үшін есептілікті қалыптастыра алмайды.Құжаттармен жұмыс жөніндегі нұсқама және салық төлеушінің жаңа кабинетінің функционалы Қолдау – Көмек – Салық төлеуші кабинетінің СӘИЖ анықтамалық ақпараты бөлімінде орналастырылған.Сұрақтар, техникалық проблемалар туындаған жағдайда пайдаланушы СӘИЖ қолдау қызметіне жүгіне алады:knpsd@ecc.kz электрондық мекенжайға8(7172)73 55 11 және +7(705) 956 53 71 телефондары бойынша;Қолдау - СТК СӘИЖ кері байланыс бөліміндегі өтініш формасын пайдалану.Сонымен қатар, қазіргі уақытта салық есептілігін қабылдау ескі СЕӨЖ-да ішінара жүзеге асырылатындығын ескере отырып, "СТК" АЖ, "СЕӨЖ" АЖ-да сұрақтар туындаған жағдайда пайдаланушы sonosd@ecc.kz электрондық мекенжай бойынша қолдау қызметіне жүгіне алады.Ақпарат көзі : https://www.gov.kz/memleket/entities/kgd-vko/press/news/details/1098869?lang=kk

Алматы облысында жылыту маусымы барлық аудан мен қалада басталды. Қысқы кезеңге дайындық жүйелі түрде жүргізіліп, инженерлік инфрақұрылымның барлық бағытын қамтыды.Жөндеу және жаңарту жұмыстары аясында 2,7 шақырым жылу желісі жаңартылып, 18 орталық және 75 модульдік қазандық жөнделді. Сондай-ақ 148 қосалқы станция мен 1 626 шақырым электр желісі жаңғыртылды. Оның ішінде 1 235 шақырымы — «Алатау Жарық Компаниясы» АҚ есебінен атқарылды.Халықтың көмірге деген қажеттілігі 696 мың тонна көлемінде айқындалған, соның 275,9 мың тоннасы бүгінде жеткізілді.Елді мекендерді газдандыру жұмыстары да қарқынды жүргізілуде. 2025 жылы 14 ауылда газ тарту жобалары жүзеге асырылуда. Бүгінде 9 ауылға газ берілді, тағы 10 елді мекен инвесторлар есебінен қосылуда. Жыл соңына дейін өңірдің газдандыру деңгейі 59,5 пайызға жетеді деп жоспарлануда.Таза ауыз сумен қамту бағытында да ауқымды іс атқарылып жатыр. 11 ауылда модульдік су тазарту кешендері орнатылуда. Жыл қорытындысы бойынша ауыл халқының 99,6 пайызы сапалы ауыз сумен қамтылмақ.Инженерлік инфрақұрылымды дамытуға «Бизнестің жол картасы – 2025» бағдарламасы аясындағы жобалар да серпін беруде. Бағдарлама бойынша 18 жоба іске асырылып, оның бесеуі толық аяқталды, қалғандары жоғары дайындық деңгейінде. Бұл жобалар өндірістік және логистикалық нысандарды газға, суға және электр энергиясына қосуға мүмкіндік беріп, кәсіпкерліктің дамуына және жаңа жұмыс орындарының ашылуына жол ашуда.Ақпарат көзі : https://www.gov.kz/memleket/entities/almobl/press/news/details/1098835?lang=kk

Саран қаласы полиция бөлімінің криминалдық полиция бөлімшесінің аға жедел уәкілі полиция капитаны М.Е. Майпасов «Саран қаласының жұмыспен қамту және әлеуметтік бағдарламалар бөлімі» ММ қызметкерлеріне «Абайлаңыз! Ғаламтордағы алаяқтар» атты профилактикалық іс-шаралар жүргізді.Кездесу барысында қатысушыларға онлайн-алаяқтықтың кең таралған схемалары және жеке деректерді қорғау тәсілдері туралы айтылды.🔒 Өзіңізге қамқорлық жасаңыз және желіде абай болыңыз!     Посмотреть эту публикацию в Instagram           Публикация от Саран қаласының жұмыспен қамту бөлімі (@zhumyspen_qamty_bolimi_saran) Ақпарат көзі : https://www.gov.kz/memleket/entities/social-saran/press/news/details/1098802?lang=kk

Құрметті Абай ауданының тұрғындары!Тұрғын үй көмегі – бұл Қазақстандағы аз қамтылған азаматтар мен отбасыларға арналған мемлекеттік төлем. Оның негізгі мақсаты – мемлекеттік тұрғын үй қорынан алынған тұрғын үй, коммуналдық қызметтер және тұрғын үйді жалға алу шығындарының бір бөлігін өтеу.Тұрғын үй көмегін қалай алуға болады: Тұрғын үй көмегі аз қамтылған азаматтарға және табысы төмен отбасыларға беріледі, ал тұрғын үйге, коммуналдық қызметтерге және тұрғын үйді жалға алуға арналған шығыстар (егер ол мемлекеттік тұрғын үй қорынан алынса) өңірде белгіленген шекті мөлшерден асып кетсе, онда бұл көмек беріледі.Тұрғын үй көмегін өзінің жалғыз тұрғын үйінде тұратын немесе мемлекеттік тұрғын үй қорынан жалға алған азаматтар ала алады.Коммуналдық қызметтер кімге өтеледі? Жаңа нормалар және тағайындау тәртібі Тұрғын үй көмегі аз қамтамасыз етілген азаматтарға келесі шығындардың бір бөлігін өтеуге арналған: • коммуналдық қызметтер: су, жарық, жылу, газ; • тұрғын үйді және үй маңындағы аумақты күтіп-ұстау;• күрделі жөндеу;• байланыс қызметтері (мысалы, телефон үшін абоненттік төлем);• мемлекеттік тұрғын үй қорынан алынған тұрғын үй үшін жалдау ақысы.Өтініш беру екі тәсілмен жүзеге асырылуы мүмкін:1. eGov.kz порталы арқылы (қызмет «Тұрғын үй көмегін тағайындау» деп аталады).2. Тұрғылықты жері бойынша Халыққа қызмет көрсету орталығында (ХҚКО) жеке өзі.Егер өтінішті электронды түрде берсеңіз, электрондық цифрлық қолтаңба (ЭЦҚ) қажет болады. Тұрғын үй көмегін рәсімдеу үшін мыналар қажет:• Жеке куәлік;  • Өтініш берер алдындағы тоқсанға отбасының табысын растайтын құжаттар;  • Сол тоқсандағы коммуналдық қызметтерге (жылу, су, жарық, газ және т.б.), тұрғын үйді күтіп-ұстау мен күрделі жөндеуге төленген түбіртектер;  • Байланыс қызметтері үшін (телефон және т.б.) түбіртек немесе келісімшарт;  • Егер баспана мемлекеттік қордан жалға алынған болса – жалға алу шарты және төлем мөлшері көрсетілген құжат;  • Банктік есепшот нөмері (IBAN).Кеңес алу үшін мына мекен-жайға жүгіне аласыз: Абай қалаАқпарат көзі : https://www.gov.kz/memleket/entities/social-abay/press/news/details/1122026?lang=kk