Берлин, 2026 жылғы 28 қаңтар – Бүгін Германия астанасында «Қазақстандағы шикізат өндіру жөніндегі жаңа жобалар: өзекті, реалистік және қаржылық тұрғыдан іске асырылатын» тақырыбында Дөңгелек үстел өтті.Іс-шараға Германия Федеративтік Республикасының мемлекеттік органдарының, ғылыми және сараптамалық орталықтардың, іскерлік қауымдастықтардың 50-ден аса өкілдері, сондай-ақ Deutsche Bank, Commerzbank, KfW қаржы институттарының басшылары мен жетекші неміс салалық компанияларының мүшелері қатысты.ҚР-ның ГФР-дағы Төтенше және Өкілетті Елшісі Нұрлан Онжанов алғы сөзінде Қазақстанның көптеген жылдар бойы Германия мен Еуропа үшін энергетикалық ынтымақтастық саласындағы сенімді әріптес болып келе жатқанын атап өтті. Жаһандық энергетикалық өзгерістер жағдайында қазақстандық тарап әлемдік экономиканы декарбонизациялау мақсаттарына қол жеткізу үшін қажетті сындарлы маңызы бар шикізат түрлерін тасымалдау саласындағы өзара іс-қимылды одан ары дамыту мүмкіндіктерін қарастырып отыр. Дипломат Қазақстанда тұрақты тасымалдау тізбектерін қалыптастыру үшін барлық қажетті алғышарттар жасалғандығын, соның ішінде әртараптандырылған минералдық-шикізат базасы, дамыған инфрақұрылым, білікті кадрлар мен өнеркәсіптік әлеует бар екенін атап өтті.Панельдік пікірталас барысында Германияның ресурстар агенттігінің (DERA) басшысы Петер Буххольц, Германия экономикасының Шығыс комитетінің атқарушы директоры Михаэль Хармс, Шетелдік тау-кен өнеркәсібі және халықаралық шикізат қызметі қауымдастығының (FAB) атқарушы директоры Мартин Ведиг сөз алды. Спикерлер ресурстық қауіпсіздік саласындағы өзекті сын-қатерлерге назар аударып, Қазақстанмен әріптестіктің маңыздылығын, атап айтқанда шикізатты өңдеу саласындағы бірлескен жобаларды дамыту, тасымалдардың ашық болуын арттыру және заманауи технологияларды енгізу қажеттігін атап өтті.Іс-шара аясында сындарлы маңызы бар шикізат материалдарын өндіру және өңдеу, сондай-ақ шикізат жобаларын қаржыландыру мәселелеріне арналған үш тақырыптық сессия өтті. Сараптамалық және іскерлік орта өкілдері «шикізатты – технологияларға алмасуы» формуласы бойынша ынтымақтастықты кеңейтуге өзара мүдделіліктерін атап өтіп, Қазақстанда аталмыш бастамаларды іске асыру үшін қолайлы инвестициялық жағдай мен тиімді нормативтік-құқықтық база қалыптасқанын айтты.Германия тарапының Қазақстанды индустрияландыру үдерісіне белсенді түрде қатысып отырғаны, өз инвестицияларының 90 пайыздан астамын өңдеу секторына бағыттайтыны ерекше атап өтілді. Өзара толықтырушы сипат іскерлік әріптестікті одан ары нығайту үшін берік негіз қалыптастырады деген тұжырымға келді.Дөңгелек үстел мен тараптардың бірлескен жұмысы Қазақстан мен Германия арасындағы жаңа жобаларды іске асыруға және стратегиялық әріптестікті нығайтуға ұмтылысын көрсетті.Ақпарат көзі : https://www.gov.kz/memleket/entities/mfa-berlin/press/news/details/1150742?lang=kk

🔰 «Халық бухгалтері» акциясы — Қазақстан Республикасындағы шағын бизнес пен жеке кәсіпкерлерге бухгалтерлік есеп пен салық салу мәселелері бойынша тегін консультациялық көмек көрсетуге бағытталған республикалық бастама.📅 Өткізілу мерзімі• Акция 2026 жылғы 5 қаңтардан 30 маусымға дейін өткізіледі.👥 Кімдер үшін пайдалы• Жеке кәсіпкерлерге (ЖК).• Шағын бизнес субъектілеріне.• Өз ісін енді бастап жатқан немесе есептілікті тапсыру барысында қиындықтарға тап болып жүрген тұлғаларға.📍 Қандай көмек алуға болады📌 Төмендегі мәселелер бойынша түсінікті әрі практикалық консультациялар беріледі:• бухгалтерлік есеп жүргізу;• салықтық есептілік;• салық органдарының электрондық ақпараттық жүйелерінде жұмыс істеу.📍 Көмек көрсету форматы• Қалалар мен облыс орталықтарындағы vемлекеттік кірістер басқармаларында бетпе-бет консультациялар — өткізу орындары «Халық бухгалтері» деген маңдайшалармен белгіленеді.• Басқа елді мекендерде орналасқан азаматтар үшін бейнеқоңыраулар және телефон арқылы консультациялар.• Бірқатар өңірлерде вебинарлар мен онлайн-сессиялар өткізу көзделген.🧑‍💼 Кімдер кеңес береді• кәсіби бухгалтерлер мен аудиторлар;• бухгалтерлік қауымдастықтардың өкілдері;• мемлекеттік кірістер органдарының тәжірибелі қызметкерлері.🎯 Акцияның негізгі мақсаты — салық төлеушілерге қатысты қатаң бақылаудан сервистік сүйемелдеуге көшу, кәсіпкерлердің салықтық сауаттылығын арттыру және салық заңнамасын бұзудың алдын алу.⏰ Консультациялар кестесіне сәйкес, Қарағанды қаласында акция келесі мекен-жай бойынша өткізіледі:Ермеков көшесі, 73, Қазыбек би атындағы аудан бойынша МКБ @qazybek_bi_mkb ғимараты:▪️ 2026 жылғы қаңтар–ақпан — аптасына 3 рет (дс, ср, жм) сағат 10:00–13:00аралығында.▪️ 2026 жылғы наурыздан бастап — аптасына 2 рет.Ақпарат көзі : https://www.gov.kz/memleket/entities/kgd-karaganda/press/news/details/1150751?lang=kk

        2026 жылғы 13 қаңтар, Сэджон қ. (Корея Республикасы) – ҚР ҚМ Мемлекеттік кірістер комитетінің Корея Республикасындағы өкілі Бибарыс Шапетов Корея Республикасының Ұлттық салық қызметінің халықаралық ынтымақтастық жөніндегі директоры Мин Ходжун мырзамен кездесу өткізді.       Кездесу барысында салық саласындағы өзара іс-қимылдың басым бағыттары, оның ішінде жұмыс байланыстарын дамыту, өзара қызығушылық тудыратын мәселелер бойынша ақпарат алмасу және ынтымақтастықтың қолданбалы форматтарын айқындау мәселелері қаралды. Қазақстан тарапы ҚР ҚМ МКК-нің кореялық әріптестермен диалогты жандандыруға және олардың тәжірибесін, соның ішінде салықтық әкімшілендірудің ашықтығы мен тиімділігін арттыруға бағытталған тәсілдерін зерделеуге мүдделі екенін атап өтті.       Кореяның Ұлттық салық қызметі өңірдегі цифрлық салықтық әкімшілендірудің ең озық тәсілдерінің біріне ие: электрондық сервистерді дамыту, рәсімдерді автоматтандыру және талдамалық құралдарды қолдану. Осыған байланысты тараптар салықтық әкімшілендіру тиімділігін арттыруға және салық төлеушілерге көрсетілетін қызмет сапасын жақсартуға бағытталған заманауи технологиялар мен басқарушылық шешімдерді енгізу бойынша тәжірибе алмасу мүмкіндіктерін, соның ішінде деректерді талдау және бақылауда тәуекелге бағдарланған тәсілдерді қолдануды талқылады.     Кездесу қорытындысы бойынша тараптар ҚР ҚМ МКК басшылығы мен Корея Республикасының Ұлттық салық қызметі басшылығы арасында екіжақты кездесуді ұйымдастыру мәселесін пысықтауға келісті. Мұндай кездесу жақын кезеңге арналған нақты басымдықтарды айқындауға, тұрақты консультациялар тетіктерін келісуге және ынтымақтастыққа неғұрлым қолданбалы сипат беруге мүмкіндік береді деп күтілуде.     Сонымен қатар, тараптар салықтық әкімшілендіруді цифрландыру саласындағы ынтымақтастық туралы екіжақты меморандумды дайындау және қол қою мүмкіндігін қарастыруға мүдделілік танытты. Мүмкін болатын бағыттар ретінде электрондық сервистер мен интеграцияланған платформаларды дамыту бойынша тәжірибе алмасу, электрондық шот-фактуралар және тауарларды қадағалау (прослеживаемость) шешімдерін енгізу, тәуекелдерді басқару үшін деректер талдамасын қолдану, сондай-ақ ақпараттық қауіпсіздік және деректерді қорғау мәселелері белгіленді.     Сондай-ақ тараптардың бейінді бөлімшелерінің қатысуымен бірлескен сараптамалық консультациялар мен тақырыптық іс-шаралар өткізу перспективалары талқыланды.     Тараптар байланыстарды жалғастыруға және ынтымақтастықты одан әрі дамыту бойынша нақты ұсыныстарды пысықтауға дайын екендіктерін білдірді.    Ақпарат көзі : https://www.gov.kz/memleket/entities/kgd/press/news/details/1150784?lang=kk

Сенаторлар Қазақстан Үкіметі мен ОРЕС Халықаралық даму қоры арасындағы жеке сектордағы операцияларды ұйымдастыру туралы негіздемелік келісімді ратификациялады. Келісім ұзақмерзімді қаржыландыруға, инвестицияларды қорғауға және ынтымақтастықтың икемді шарттарына кепілдік береді.Қаралған заң Қазақстан мен OPEC Халықаралық даму қоры арасындағы ынтымақтастықты дамыту мақсатында әзірленді. Келісім халықаралық қор қаражаты есебінен ел мүддесіне сай келетін жобаларды қаржыландыруға мүмкіндік береді. Осыған байланысты қаржыландыру тетігін жан-жақты реттеу көзделген. Ұлттық экономика вице-министрі Асан Дарбаев сенаторлардың сұрақтарына жауап бере отырып, OPEC Халықаралық даму қоры Қазақстандағы бизнес-жобаларды қаржыландыра алатынын айтты. "Қор шетел валютасымен, әдетте, доллар немесе еуромен жұмыс істейді. Өзара іс-қимылға келетін болсақ, жеке субъектілер тікелей жұмыс істейді. Өйткені оларда электрондық платформа бар. Платформаға ОРЕС Халықаралық даму қоры Қазақстаннан келісімді ратификациялау туралы хабарлама алғаннан кейін қол жеткізуге болады. Сондай-ақ, OPEC қоры өзінің өтімділігі бойынша ең жоғарғы шекті бес жыл ішінде 400 миллион долларға дейін белгілегенін атап өткім келеді. Әрі қарай бәрі бизнестің белсенділігіне байланысты", - деді ол. Заң нормаларына сәйкес, ОРЕС қоры әр қаржыландырудың алдында біздің елдің Үкіметіне жобаны қаржыландыру туралы хабарлайды. Пайыздық мөлшерлеме жылдық 2,5%-дан 5%-ға дейін, ал жеңілдікті кезең 6 айдан 24 айға дейін. Қарыз алу мерзімі 22 жылға дейін жасалады.https://www.gov.kz/memleket/entities/economy/press/news/details/1150843?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1151290?lang=kk

2026 жылғы 29 қаңтарда Қарағанды облысы бойынша барлық аумақтық мемлекеттік кірістер басқармаларында салық төлеушілер үшін Ашық есік күндері өткізілді, олардың мақсаты салық заңнамасындағы өзекті өзгерістерді ақпараттандыру және түсіндіру болып табылады.Іс-шаралар шеңберінде салық төлеушілерге 2026 жылғы 1 қаңтардан бастап енгізілген Салық кодексіндегі инновациялар бойынша егжей-тегжейлі кеңес беріледі.Кездесулер барысында қатысушылар салық заңнамасындағы алдағы өзгерістермен танысуға, бұл инновациялардың олардың бизнесіне немесе жеке міндеттемелеріне қалай әсер ететінін түсінуге, сондай-ақ өз сұрақтарын қоюға және жауап алуға мүмкіндік алды. Бұл іс-шаралар жұмыстың ашықтығын және қаржылық сауаттылық деңгейін арттыруға ықпал ететін салық төлеушілермен ашық қарым-қатынас үшін диалог алаңын құруға ұмтылысын көрсетеді.Ақпарат көзі : https://www.gov.kz/memleket/entities/kgd-karaganda/press/news/details/1150608?lang=kk

2026 жылғы 29 қаңтарда Саран, Шахтинск қалалары бойынша Мемлекеттік кірістер басқармалары салық төлеушілер үшін көшпелі семинарлар өткізді, олардың мақсаты салық заңнамасындағы өзекті өзгерістерді ақпараттандыру және түсіндіру болып табылады. Іс-шара аясында салық төлеушілерге 2026 жылдың 1 қаңтарынан бастап енгізілген Салық кодексіндегі инновациялар бойынша егжей-тегжейлі кеңес берілді.Кездесу барысында қатысушылар салық заңнамасындағы алдағы өзгерістермен танысуға, бұл инновациялардың олардың бизнесіне немесе жеке міндеттемелеріне қалай әсер ететінін түсінуге, сондай-ақ өз сұрақтарын қоюға және жауап алуға мүмкіндік алды. Іс-шаралар жұмыстың ашықтығын және қаржылық сауаттылық деңгейін арттыруға ықпал ететін салық төлеушілермен ашық қарым-қатынас үшін диалог алаңын құруға ұмтылысын атап өтті.Ақпарат көзі : https://www.gov.kz/memleket/entities/kgd-karaganda/press/news/details/1150618?lang=kk

31 қаңтарда Қарулы күштердің барлық әскер бөлімдерінде мерзімді қызметтегі әскери қызметшілердің туыстары мен жақындары үшін «Ашық есік» күні өткізіледі.Іс-шара аясында ата-аналар ұлдарының қызмет жағдайын көзбен көріп, әскери қызметшілердің күнделікті қызметімен жақынырақ таныса алады.«Ашық есік» күні бағдарламасына қару-жарақ пен әскери техника үлгілерін көрсету, мерзімді қызметтегі әскери қызметшілердің көрсетілімдік жаттығулары, олардың тұрмыстық жағдайларын, казармалар мен асханаларды көрсету кіреді.Әскер бөлімдер мен бөлімше командирлері мерзімді әскери қызметке қатысты кез келген сұраққа жауап береді. «Ашық есік» күнін өткізудің мақсаты армия мен қоғам арасындағы сенімді нығайтуға, ашықтықты арттыруға және мерзімді әскери қызметтің нақты жағдайын таныстыруға бағытталған.Іс-шара қорытындысы бойынша ең үздік мерзімді әскери қызметшілерге адал қызметі мен үлгілі әскери тәртібі үшін марапат ретінде бір күндік сейілдеме беріледі.Әр әскери бөлім «Ашық есік» күнін өткізу уақытын өзі белгілейді. Ал ата-аналарға ақпаратты әскери бөлімдердің қолбасшылығы жеткізеді.Қарулы күштердің әскери бөлімдерінде ата-аналар мен шақырылуға дейінгі жастар үшін «Ашық есік» күндерін тұрақты түрде өткізіп тұру тәжірибеге айналған. Ол әскери қызметтің ашықтығын қамтамасыз етуге және ата-аналарды хабардар етуге бағытталған. Осы мақсатта бөлім командирлері WhatsApp мессенджерінде арнайы чаттар ашады. Сондай-ақ, «Отбасымен бейне қоңырау» сервисі арқылы ата-аналармен тұрақты бейнеқоңырау байланысы ұйымдастырылған. Сол үшін арнайы планшеттер сатып алынған. Сонымен қатар, әскери бөлімдерде «Аналардың жүрегі» сарбаз аналары комитеті республикалық қоғамдық бірлестігінің өкілдеріне тұрақты түрде толық қолжетімділік берілген. Олар әскери бөлімдердегі сарбаздардың қызмет ету жағдайын үнемі тексеріп, ол жердегі жағдай туралы Қарулы күштердің басшылығы мен ата-аналарға ақпарат беріп тұрады.Ақпарат көзі : https://www.gov.kz/memleket/entities/mod/press/news/details/1150597?lang=kk

ТУНИС, 2026 жылғы 28 қаңтар – Қазақстан Республикасының Тунис Республикасындағы Елшісі қызметін қоса атқарушы Әнуарбек Ахметов Сыртқы істер, көші-қон және шетелдегі тунистердің министрі Мұхамед Әли Нафтиге сенім грамоталарының көшірмелерін табысты.Қазақстан туралы жылы естеліктерін атап өткен Тунис Сыртқы істер министрі Елшіні жаңа қызметке тағайындалуымен құттықтап, екі ел арасындағы қарым-қатынастардың одан әрі жан-жақты нығая түсетініне сенім білдірді.Ә.Ахметов министрге ізгі тілегі үшін алғыс айтып, ынтымақтастықты сапалы жаңа деңгейге көтеру үшін бар күш-жігерін салатынын атап өтті.Кездесу барысында тараптар екіжақты саяси диалогты жандандыруға және сауда-экономикалық ынтымақтастықты кеңейтуге өзара мүдделі екенін растады.Екі елдің көпжақты форматтағы өзара іс-қимылдарына қатысты Мұхамед Әли Нафти «Тунис тарапы БҰҰ, ИЫҰ және басқа да халықаралық ұйымдар аясында бауырлас Қазақстанның бастамаларына қолдау көрсетуді жалғастырады» деп атап өтті.Екі елдің бизнес-қауымдастығы арасындағы өзара іс-қимыл мәселелеріне, сондай-ақ экономиканың басым секторларында бірлескен жобаларды жүзеге асыру мүмкіндіктеріне ерекше назар аударылды.Кездесу соңында сұхбаттасушылар сындарлы диалогты жалғастыруға және екі ел халықтарының игілігі үшін екіжақты ынтымақтастықты жандандыруға дайын екендіктерін білдірді.Ақпарат көзі : https://www.gov.kz/memleket/entities/mfa-algeria/press/news/details/1150574?lang=kk

Қазақстанның Мароккодағы Елшісі Сәулекүл Сайлауқызын Марокко Королінің Экономика және өркениеттер диалогы мәселелері жөніндегі бас кеңесшісі Андре Азуле қабылдады.Кездесу барысында тараптар екіжақты қарым-қатынастардың дамуы және екі елдің стратегиялық мүдделерінің сәйкес келетінін атап өтті. С.Сайлауқызы Ұлттық құрылтайдың V отырысында Қазақстан Президенті Қасым-Жомарт Тоқаев жариялаған Қазақстандағы ауқымды конституциялық реформалар туралы мәлімет берді.Марокколық тарап Қазақстанның Әлемдік және дәстүрлі діндер лидерлерінің съезі аясында конфессияаралық диалогтың жаһандық алаңы ретіндегі рөлін ерекше атап айтты. Елші Қазақстан мен Марокко арасындағы өркениетаралық өзара іс-қимылды жалғастырудың маңыздылығына тоқтап, 2025 жылғы қыркүйекте Астанада өткен VIII Съездің қорытындыларымен таныстырды.Корольдің кеңесшісі Қазақстанға тәнті қарайтынын және қазақстандық сыртқы саяси бағыт пен саяси жаңғырту тәжірибесіне жоғары баға беріп, жүргізіліп жатқан реформалардың прагматизмі мен теңдестірілгендігін атап өтті. Ол сондай-ақ бейбітшілікті сақтау, төзімділік, мәдениеттер мен өркениеттер диалогы мәселелері бойынша Астана мен Рабаттың ұстанымдарының тұжырымдамалық ұқсастығына назар аударды.Осы тұрғыда тараптар Астананың «Ибраһим келісімдеріне» қосылу шешімі, сондай-ақ жақында Қазақстан мен Марокконың АҚШ Президенті Дональд Трамп бастамасымен құрылған «Бейбітшілік кеңесіне» қосылуы қазақстандық-марокколық ынтымақтастықты нығайту үшін жаңа мүмкіндіктер ашатынын атап өтті.А.Азуле жаһандық фрагменттеу және өркениетаралық қарама- қайшылықтар кезеңінде Әл-Фарабидің интеллектуалдық және философиялық мұрасының өзектілігін атап, ұлы ойшылдың идеяларын әлемдік деңгейде насихаттау жөніндегі Қазақстан Президенті Қ.К.Тоқаевтың бастамасына жоғары баға берді.Сонымен қатар, кездесу барысында екіжақты өзара іс-қимыл мәселелері және саяси, сауда-экономикалық және мәдени-гуманитарлық байланыстарды кеңейту перспективалары талқыланды. Қазақстан Сыртқы істер министрі мен Парламенті Мәжілісі төрағасының 2025 жылы жасаған сапарларының қорытындылары бойынша келісімдерді жүзеге асыруға, оның ішінде өзара сауда көлемін арттыруға, оңтайлы құрлықаралық көлік-логистикалық бағыттарды құруға және бірлескен инвестициялық жобаларды іске қосудың маңыздылығына ерекше назар аударылды.Ақпарат көзі : https://www.gov.kz/memleket/entities/mfa-rabat/press/news/details/1150576?lang=kk

2026 жылғы 28 қаңтарда Қазақстан Республикасының Сауда және интеграция вице-министрі Айдар Ахметбекұлы Әбілдабековтың төрағалығымен ішкі нарықты қорғау мәселелеріне арналған Ситуациялық штабтың отырысы өтті. Жиын отандық сүт өнімдерін өндірушілерді қолдау тақырыбына арналды. Отырыста сүт саласын мемлекеттік қолдау тетіктері, отандық сүт өнімдерінің сауда желілеріндегі ұсынылу деңгейі, сауда үстемелерінің мөлшері, сондай-ақ жалған (фальсификацияланған) өнімдердің айналымына қарсы іс-қимыл мәселелері талқыланды. «Қазақстанның ет-сүт одағы» заңды тұлғалар бірлестігі, «Зенченко және К» коммандиттік серіктестігі, сондай-ақ Қазақстан Республикасының Ұлттық кәсіпкерлер палатасы «Атамекен» өкілдері мемлекеттік қолдау шараларының өндірушілерге жеткізілуі, сауда сөрелерінен орын бөлу талаптарының сақталуы және бөлшек саудадағы нақты сауда үстемелеріне қатысты бірқатар өзекті мәселелерді көтерді. Талқылау қорытындысы бойынша вице-министр Сауда комитетіне отандық өндірушілермен бірлесіп сүт өнімдеріне баға қалыптастыру жағдайын зерделеуді және тиісті ұсыныстар енгізуді тапсырды. Сондай-ақ Ақтөбе облысының Сүт және сүт өнімдерін өндірушілер қауымдастығы көтерген жалған сүт өнімдерін әкелу және өткізу мәселесіне ерекше назар аударылды. Осыған байланысты Ақтөбе облысында уәкілетті мемлекеттік органдар мен жергілікті атқарушы органдардың өкілдері қатысатын өңірлік ведомствоаралық жұмыс тобын құру туралы шешім қабылданды. Жұмыс тобы аталған мәселелерді кешенді түрде зерделеп, оларды шешу бойынша нақты шаралар әзірлейді. Отырыс қорытындысы бойынша бейінді құрылымдық бөлімшелерге қабылданған шешімдер мен ұсынымдарды жүйелеп, отандық өндірушілерді қорғау және ішкі нарықты дамыту бағытындағы әрі қарайғы жұмыста басшылыққа алу тапсырылды.Ақпарат көзі : https://www.gov.kz/memleket/entities/mti/press/news/details/1150571?lang=kk

Дубай қаласында өткен Gulfood 2026 халықаралық көрмесінің алаңында экспорттық және инвестициялық құжаттарға рекордтық 335,4 млн АҚШ доллары сомасына қол қойылды. Келісімдер сауда саясатын дамыту орталығы QazTrade ұйымдастырған дөңгелек үстел аясында жасалып, Қазақстанның әлемдегі ең ірі азық-түлік өнеркәсібі көрмесіне қатысуының негізгі практикалық нәтижелерінің біріне айналды. Іс-шараға 35-тен аса қазақстандық бизнес өкіл және БАӘ, Парсы шығанағы елдері, Түркия, Қытай және өзге елдерден 50-ден астам шетелдік компания мен ұйым қатысты. Дөңгелек үстел өндірушілерді, трейдерлерді, дистрибьюторларды, желілік ритейл, HoReCa және инвестициялық құрылымдар өкілдерін біріктіріп, нақты коммерциялық уағдаластықтарға қол жеткізуге бағытталды. Жалпы алғанда 19 құжатқа қол қойылды. Олар астық пен оны терең өңдеу өнімдерінің, майлы-май өнімдерінің, кондитерлік тауарлардың, бұршақ дақылдары мен күріштің экспортына, сондай-ақ қазақстандық азық-түлік өнімдерін БАӘ нарығында дистрибуциялауға қатысты. Ең ірі келісімдер астық жеткізілімдерімен байланысты: БАӘ мен Оман серіктестерімен 800 мың тоннаға дейін астық экспорттау параметрлері бекітіліп, олардың жалпы құны 240 млн АҚШ долларынан асты. Жекелеген келісімшарттар қатты бидай (дурум), жемдік ұн, бұршақ дақылдары мен күріш жеткізуді, сондай-ақ жергілікті сауда желілері мен мамандандырылған дистрибьюторлар арқылы өткізу арналарын дамытуды көздейді. Бірқатар меморандум логистикадан бастап сервистік шешімдерге және қосылған құны жоғары өнімдерді ілгерілетуге дейінгі бағыттар бойынша өңірде қазақстандық компаниялардың тұрақты қатысу инфрақұрылымын қалыптастыруға бағытталған. QazTrade ұйымдастырған дөңгелек үстел өндірушілер мен шетелдік серіктестер арасындағы мазмұнды әрі нақты диалогқа арналған жұмыс алаңына айналды. Талқылаулардың негізгі тақырыптары біржолғы жеткізілімдерден ұзақ мерзімді келісімшарттарға көшу, GCC елдері нарықтарының сапа мен сертификаттауға қоятын талаптары, логистика мәселелері, сондай-ақ делдалсыз тікелей B2B тізбектерін құру болды. Іскерлік бағдарлама аясында Қазақстан Республикасының Сауда және интеграция министрі Арман Шаққалиевтің Таяу Шығыс пен Азиядағы ірі бөлшек сауда желілерінің бірі LuLu Group International басшылығымен жұмыс кездесуі өтті. Тараптар LuLu сауда желісінде қазақстандық тауарлардың қатысуын кеңейту, отандық өндірушілермен тікелей келісімшарттарды дамыту және қосылған құны жоғары өнімдер жеткізілімін арттыру мәселелерін талқылады. Сондай-ақ Қазақстандағы логистикалық және қойма инфрақұрылымды дамыту, қаптау және экспорттық нарыққа дайындау жобалары, ұзақ мерзімді сатып алу бағдарламаларын қалыптастыруды қоса алғанда, инвестициялық мүмкіндіктерге ерекше назар аударылды. Қол қойылған келісімдер мен өткізілген келіссөздер Қазақстанның Gulfood көрмесіне алғаш рет біртұтас Ұлттық павильонмен қатысуы аясында өтті. 26–30 қаңтар аралығында Дубайда өтіп жатқан көрме азық-түлік пен сусындар саласындағы халықаралық сауданың басты жаһандық платформаларының бірі болып саналады. Қазақстандық компаниялар үшін Gulfood 2026 көрмесіне қатысу витриналық форматтан гөрі, Таяу Шығыс, Африка және Оңтүстік Азия нарықтарына шығудың қолданбалы құралына айналып, экспорттық ниеттердің нақты келісімшарттар мен ұзақ мерзімді серіктестіктерге ұласуына мүмкіндік берді.Ақпарат көзі : https://www.gov.kz/memleket/entities/mti/press/news/details/1150553?lang=kk

Бангкок, 2026 жылғы 27 қаңтар – Қазақстанның Таиландтағы Елшісі Марғұлан Баймұхан Бангкок қаласының Губернаторы Чадчарт Ситтипунтпен кездесті.Кездесу барысында Қазақстан мен Таиланд арасындағы екіжақты ынтымақтастықты дамыту перспективалары, сондай-ақ Бангкок пен Қазақстан өңірлері және іскерлік топтары арасындағы өзара іс-қимылды кеңейту мәселелері талқыланды.Туризм, қалалық инфрақұрылым, тұрақты даму, «ақылды қала» шешімдерін енгізу, логистика және қалалық қызметтерді цифрландыру салаларындағы ынтымақтастық мүмкіндіктеріне ерекше назар аударылды. Инвестициялық тартымдылықты арттыруға және кәсіпкерлікті дамытуға бағытталған бірлескен жобаларды іске асыруға өзара қызығушылық бар екені атап өтілді.Қазақстандық дипломат Қазақстан Республикасының әлеуметтік-экономикалық дамуының негізгі бағыттары, сондай-ақ ҚР Президенті Қасым-Жомарт Тоқаев бастамашы болған конституциялық реформалар туралы ақпарат берді. М. Баймұхан Қазақстанның көпвекторлы және прагматикалық сыртқы саясатқа берік екенін, сондай-ақ Таиландпен жан-жақты ынтымақтастықты одан әрі кеңейтуге дайын екенін атап өтті.Губернатор Ч. Ситтипунт Астана және Қазақстанның басқа да өңірлерімен байланыстарды жандандыруға қызығушылық білдіріп, Бангкоктың өңірдегі жетекші экономикалық, қаржылық және туристік орталықтардың бірі ретіндегі әлеуетін атап өтті. Ол қалалық басқару, цифрландыру, жасанды интеллект, тұрақты даму және инфрақұрылымды жаңғырту салаларында тәжірибе алмасудың маңыздылығын ерекше атап өтті.Тараптар тұрақты байланыстарды қолдауға және екі елдің қалалары мен өңірлерінің жергілікті өзін-өзі басқару органдары, іскерлік топтары мен сарапшылық қауымдастықтары арасында тікелей байланыстар орнатуға жәрдемдесуге ниетті екенін растады.Кездесу соңында диалогты жалғастыру және нақты бастамалар мен жобаларды пысықтау, соның ішінде Қазақстанның сауда-экономикалық және инвестициялық мүмкіндіктерін таныстыру шараларын ұйымдастыру, сондай-ақ өзара сапарлар өткізу жөнінде уағдаластыққа қол жеткізілді.Анықтама үшін: Бангкок қаласында шамамен 10-11 млн адам, ал Үлкен Бангкок агломерациясы құрамында 16-17 млн-нан астам адам тұрады. Бұл Таиландттың ең маңызды экономикалық және мәдени орталығы ғана емес, сонымен қатар әлемдегі ең көп баратын қалалардың бірі. Халықаралық туристік рейтингтердің, соның ішінде Euromonitor International Top 100 City Destinations Index деректеріне сәйкес, Бангкок соңғы жылдары халықаралық туристер саны бойынша әлемде бірінші орын алып келеді. Қала жыл сайын шамамен 35 млн шетелдік туристі қабылдайды.Ақпарат көзі : https://www.gov.kz/memleket/entities/mfa-thailand/press/news/details/1150387?lang=kk

2026 жылғы 27 қаңтарда Теміртау қаласы бойынша Мемлекеттік кірістер басқармасымен салық заңнамасындағы өзекті өзгерістерді ақпараттандыру және түсіндіру болып табылатын салық төлеушілер үшін БАҚ (теледидар) қатысуымен баспасөз конференциясын өткізді.Іс-шара аясында салық төлеушілерге 2026 жылдың 1 қаңтарынан бастап енгізілген Салық кодексіндегі инновациялар бойынша егжей-тегжейлі кеңес берілді.Баспасөз конференциясы барысында қатысушылар салық заңнамасындағы алдағы өзгерістермен танысуға, бұл инновациялардың олардың бизнесіне немесе жеке міндеттемелеріне қалай әсер ететінін түсінуге, сондай-ақ өз сұрақтарын қоюға және жауап алуға мүмкіндік алды. Іс-шара жұмыстың ашықтығын және қаржылық сауаттылық деңгейін арттыруға ықпал ететін салық төлеушілермен ашық қарым-қатынас үшін диалог алаңын құруға ұмтылысын атап өтті.Ақпарат көзі : https://www.gov.kz/memleket/entities/kgd-karaganda/press/news/details/1150376?lang=kk

26–30 қаңтар аралығында мектепке дейінгі ұйымдарда ЗИП бойынша жылдық жоспар аясында «Бағдаршам — біздің сенімді көмекшіміз» атты танымдық сағат өткізілді. Іс-шара қолжетімді әрі ойын түрінде ұйымдастырылып, балалардың жолдағы қауіпсіз мінез-құлықтың бастапқы дағдыларын қалыптастыруға бағытталды. Сабақ барысында бағдаршам сигналдарының маңызына, жаяу жүргіншілер өткелінің рөліне және жол жүрісі маңында қарапайым қауіпсіздік ережелерін сақтау қажеттілігіне ерекше назар аударылды. Балалар ойындар мен әңгімелерге белсенді қатысып, алған білімдерін тәжірибе жүзінде бекітті.Ақпарат көзі : https://www.gov.kz/memleket/entities/edu-osakarovka/press/news/details/1150367?lang=kk

2026 жылғы 14 ақпанда Ақмола облысы Бурабай ауданының Щучинск-Бурабай курорттық аймағында орналасқан Бурабай көлінің мұзында жыл сайынғы спорттық іс-шара — Burabay Ice – 2026 мұзды жүгірісі өтеді.Іс-шара Ақмола облысының туризм басқармасының қолдауымен оқиғалық туризмді дамыту, салауатты өмір салтын насихаттау және Бурабай курортының туристік әлеуетін жыл бойы жұмыс істейтін бағыт ретінде ілгерілету жөніндегі міндеттер аясында ұйымдастырылады.Burabay Ice — ұлттық табиғи парк аумағындағы көл мұзымен өтетін, әлемдік тәжірибеде баламасы жоқ бірегей спорттық жоба. Жарыс форматы спорттық бәсекені өңірдің табиғи ерекшеліктерімен ұштастырып, Ақмола облысының оң имиджін республикалық және халықаралық деңгейде қалыптастыруға ықпал етеді. Іс-шараның негізгі ұйымдастырушысы — «Экстремалды атлетика» қоғамдық бірлестігі.Жарысқа 1000-нан астам спортшы, оның ішінде шетелдік қатысушылар да қатысады. Бұл іс-шараның халықаралық мәртебесін және Қазақстанда қысқы жүгіру түрлеріне деген қызығушылықтың артып келе жатқанын айқындайды. Burabay Ice – 2026 өткізілуі Ақмола облысының туризм басқармасының оқиғалық іс-шараларды дамыту, өңірдің туристік тартымдылығын арттыру және қысқы кезеңде белсенді демалыс үшін қолайлы орта қалыптастыру жөніндегі жүйелі жұмысының бір бөлігі болып табылады.Жарыс форматыҚатысушыларға келесі қашықтықтар ұсынылады:Snowstorm — 7 кмNordic Storm — 7 кмBlizzard — 14 кмWhite-Out — 21 кмҚашықтықтар спортшылардың дайындық деңгейіне қарай қарастырылған. Бағыт көлдің тегіс мұз бетімен өтеді, биіктік айырмасы минималды, бұл жарыстың қолжетімді әрі қауіпсіз өтуін қамтамасыз етеді.Іс-шара бағдарламасы09:30 — старт қалашығының ашылуы09:30 – 14:00 — сақтау камерасының жұмысы10:45 — құттықтау сөзі, жалпы қыздыру жаттығулары11:00 — White-Out 21 км қашықтығының басталуы11:10 — Blizzard 14 км қашықтығының басталуы11:20 — Snowstorm 7 км қашықтығының басталуы11:25 — Nordic Storm 7 км қашықтығының басталуы13:30 — жеңімпаздарды марапаттау14:00 — іс-шараның аяқталуыЖарысқа қатысу үшін іс-шараның ресми сайтында алдын ала тіркеуден өту қажет: https://athletex.kz/competitions/burabice26Ақпарат көзі : https://www.gov.kz/memleket/entities/aqmola-tourism/press/news/details/1150371?lang=kk

Қазақстан Республикасы Сыртқы істер министрінің бірінші орынбасары Ержан Ашықбаев Халықаралық Қызыл Крест Комитетінің (ХҚКК) Орталық Азиядағы Өңірлік делегациясының басшысы Биляна Милошевичті қабылдады.Б.Милошевич ХҚКК-ның гуманитарлық миссиясын жүзеге асыруға көрсетіліп жатқан тұрақты қолдауы үшін Қазақстан тарапына алғысын білдірді. Ол еліміздің Халықаралық гуманитарлық құқыққа саяси бейілдікті күшейту жөніндегі жаһандық бастаманы ілгерілетудегі жұмысын, сондай-ақ гуманизм құндылықтарын қорғауға, орнықты даму мақсаттарын, өңірлік және халықаралық алаңдарда халықаралық бейбітшілік пен қауіпсіздікті ілгерілетуге қосқан үлесін жоғары бағалады.Е.Ашықбаев Қазақстанның ХҚКК-мен тығыз ынтымақтастыққа бейілдігін және халықаралық гуманитарлық құқық нормаларының толық сақталуын қамтамасыз етуге, ұжымдық этикалық және заңдық жауапкершілікті нығайтуға бағытталған жаһандық күш-жігерге одан әрі қолдау көрсетуге дайын екенін растады.Сұхбаттастар Халықаралық гуманитарлық құқыққа саяси бейілдікті күшейту жөніндегі жаһандық бастаманының аясындағы одан әрі болатын іс-қимылдарды, сондай-ақ 2026 жылдың соңында Иорданияның Амман қаласында өтетін Соғыс кезіндегі гуманизм мәселелері жөніндегі жоғары деңгейдегі конференцияға дайындық мәселелерін талқылады.Тараптар Қазақстан мен ХҚКК арасындағы ұзақ мерзімді ынтымақтастықты жаһандық, өңірлік және ұлттық деңгейлерде одан әрі нығайтуға өзара мүдделі екендіктерін растады.ХҚКК – соғыс, зорлық-зомбылық және гуманитарлық апаттар құрбандарына көмек көрсетуді негізгі мақсаты еткен тәуелсіз үкіметтік емес ұйым. ХҚКК 1992 жылдан бері Орталық Азияда жұмыс істеп келеді, Өңірлік өкілдігі Ташкент қаласында орналасқан. 2019 жылы ХҚКК Миссиясы Астана қаласында өз өкілдігін ашты.Халықаралық гуманитарлық құқыққа саяси бейілдікті күшейту жөніндегі жаһандық бастама 2024 жылғы қыркүйекте Нью-Йорк қаласында өткен Біріккен Ұлттар Ұйымы Бас Ассамблеясының 79-сессиясы аясында Қазақстан, Бразилия, Иордания, Қытай, Франция және Оңтүстік Африка тарапынан Халықаралық Қызыл Крест Комитетімен бірлесіп іске қосылды.Ақпарат көзі : https://www.gov.kz/memleket/entities/mfa/press/news/details/1150373?lang=kk

«Өрлеу» лизинг бағдарламасы кәсіпкерлерге елде өндірілген отандық жабдық, арнайы техника, коммерциялық көлік пен жеңіл автомобильдерді бөліп төлеу арқылы сатып алуға мүмкіндік береді.📌 Негізгі шарттары:✔️ Қаржы 1 млрд теңгеге дейін беріледі✔️ Алдын-ала төлем – лизинг құнының 15%-ынан басталады✔️ Сыйақы мөлшерлемесі - жылына 17% дейін✔️ Лизинг мерзімі - 7 жылға дейін✔️ Қолда бар лизинг қарыздарын қайта қаржыландыру – қалдық мерзім ішінде✔️ Сыйақы бойынша жеңілдікті кезең - 1 жылға дейін Бұл құрал алғашқы жылдардағы қаржылай жүктемені азайтып, айналым қаражатын сақтауға және дамуға бет бұруға жағдай жасайды. Бұнымен қатар бағдарлама қазақстандық өндірушілердің өнімдеріне сұраныс туғызып, отандық бизнестің дамуына ықпал етеді. Егжей-тегжейлі кеңес алу үшін Қостанай облысы бойынша «Даму» Қорының аймақтық филиалына мына мекенжай бойынша хабарласуларыңызды сұраймыз: Қостанай қ., Әл-Фараби даңғылы, 65, «СТИ Қостанай» бизнес орталығы, 2-қабат, 209-кабинет. Тел. 8 (7142) 990-305. Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1150333?lang=kk

2026 жылғы 28 қаңтарда Дүниежүзілік сайлау күнін мерекелеу аясында «№5 орта мектеп»» КММ «Не? Қайда? Қашан?» - «Менің дауысым - менің болашағым». Қатысушылар сайлау құқығы мен сайлау тақырыбына үлкен назар аудара отырып, заң сұрақтарына қызығушылықпен және толқумен жауап берді. Ойын тек эрудицияның сынағы ғана емес, сонымен қатар белсенді азаматтық ұстанымды қалыптастыруға, оның жауапкершілігі мен елдің болашағындағы әрбір дауыстың рөлін түсінуге бағытталған маңызды қадам болды. Риддер қалалық сайлау комиссиясының төрағасы Е. В. Агешкина болашақ сайлаушылардың назарын саналы таңдау елдің болашағына қалай әсер ететініне аударды.Ақпарат көзі : https://www.gov.kz/memleket/entities/vko-ridder/press/news/details/1150318?lang=kk

Студент жастар арасында «Адал азамат», «Заң мен тәртіп», «Таза Қазақстан» бастамаларын іске асыру және оларды кеңінен насихаттау алдағы кезеңдегі негізгі бағыттардың бірі ретінде белгіленді. Аталған бастамалар жастардың құқықтық мәдениетін арттыруға, азаматтық ұстанымын нығайтуға, адал еңбек пен қоғам алдындағы жауапкершілікті қалыптастыруға бағытталған.Қостанай облысында техникалық, кәсіптік және орта білімнен кейінгі бағытта жұмыс істейтін 33 білім беру ұйымы бар. Аталған оқу орындарында бүгінде шамамен 22 мың студент білім алуда. Бұл білім беру мекемелері өңірдің кадрлық әлеуетін қалыптастыруда маңызды рөл атқарады.2025–2026 оқу жылында колледждердегі тәрбие жұмысы еңбекқорлықты, кәсібилікті, патриотизмді, азаматтық жауапкершілікті және заңға құрметті қалыптастыруға басымдық беріп отыр. «Заң мен тәртіп» жобасы аясында 5 мыңнан астам студентті қамтыған 120-дан аса профилактикалық және ағартушылық іс-шара ұйымдастырылды. Атап айтқанда, бірінші жартыжылдықта криминалистердің қатысуымен өткен кейс-коворкингтер, пікірталас клубтарының отырыстары, буллингтің алдын алу бойынша тренингтер мен ашық диалог алаңдары өткізілді.Сонымен қатар, студенттердің бос уақытын тиімді ұйымдастыру және шығармашылық әлеуетін дамыту мақсатында облыс колледждерінде 230 үйірме жұмыс істейді. Бұл үйірмелерге 6 мыңнан астам студент тартылған. Дәстүрлі шығармашылық және спорттық бағыттармен қатар, қазіргі заман талаптарына сай робототехника мен 3D-модельдеу секілді инновациялық бағыттар да белсенді дамып келеді.Жастардың көшбасшылық қабілеттерін дамыту мен сыни ойлауын қалыптастыруда дебаттық қозғалыстың маңызы ерекше. «Ұшқыр ой алаңы» дебат клубтары өңірдегі барлық колледждерде жұмыс істеп, шамамен 900 студентті біріктіруде.2026 жылға жоспарланған маңызды іс-шаралардың қатарында Studentvision шығармашылық жобасының 10 жылдығын атап өту, сондай-ақ халықаралық деңгейде тәжірибе алмасуға және ғылыми әлеуетті арттыруға бағытталған үш халықаралық студенттік конференция өткізу көзделген.Ақпарат көзі : https://www.gov.kz/memleket/entities/kostanay/press/news/details/1150276?lang=kk

Бүгін аудандық мәслихаттың №4 сайлау округының депутаты Ж. Сыдыкова азаматтарды жеке қабылдау өткізді.Қабылдау барысында Жұлдыз ауылының тұрғындары өздерінің бірқатар маңызды мәселелерімен жүгінді. Атап айтқанда, «Ауыл аманаты» бағдарламасы арқылы несие алу, қоғамдық жұмысқа орналасу, сондай-ақ Қаратал баба ескерткішін орнату мәселелері көтерілді.Әрбір өтініш мұқият тыңдалып, тиісті құзырлы органдарға жолданды, кейбір сұрақтар бойынша сол жерде нақты түсіндірмелер берілді. Көтерілген мәселелер бақылауда болып, алдағы уақытта да жүйелі жұмыс жалғасады.Тұрғындармен ашық диалог — басты міндетіміз.#депутатқабылдауы#ауыламанаты #халықпенбіргеАқпарат көзі : https://www.gov.kz/memleket/entities/maslikhat-ulken-naryn/press/news/details/1150241?lang=kk