ІІМ басқару академиясындағы Ұлттық ұлан аудиториясында алғаш рет полиция департаменттері бастықтарының орынбасарларына арналған сабақ өтті.Дәрісті Ұлттық ұлан Бас қолбасшысының орынбасары, философия докторы (PhD), қауымдастырылған профессор, Қазақстан Ғылым Академиясының корреспондент-мүшесі, ІІМ еңбек сіңірген қызметкері генерал-майор Бауыржан Әбжанов өткізді.Сабақ "Ұлттық ұланның қоғамдық қауіпсіздік жүйесіндегі рөлі мен орны және қазіргі жағдайдағы даму бағыттары" тақырыбын кең қамтыды.Өз сөзінде Бауыржан Садықұлы Ұлттық ұланның алдында тұрған стратегиялық міндеттерге егжей-тегжейлі тоқталып, оның құқық тәртібін қамтамасыз етудегі және полиция органдарымен өзара іс-қимылдағы шешуші рөлін атап өтті. Сондай-ақ жеке құрамды кәсіби даярлау, материалдық-техникалық базаны жетілдіру және қазіргі заманғы сын-тегеуріндер жағдайында бірлескен жұмыстың жаңа форматтарын енгізу мәселелеріне ерекше назар аударылды.Сабақ тыңдаушылардың қызығушылығын тудырды. Полиция департаменттерінің өкілдері аталған тәсілдердің жоғары практикалық маңыздылығын атап өтіп, қоғамдық қауіпсіздік деңгейін арттыру мақсатында ынтымақтастықты одан әрі нығайтуға дайын екендіктерін білдірді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1073012?lang=kk

Қостанай облысы бойынша Мемлекеттік кірістер департаменті жаңа форматтағы түсіндіру жұмыстарын бастайдыЕнді салықтарға қатысты ең жиі қойылатын сұрақтар мен өмірлік жағдайларды біз кейс түрінде Instagram парақшасында жариялаймыз.Кейстер – бұл Налог кодексінің нормалары әртүрлі жағдайларда қалай қолданылатынын қарапайым тілмен түсіндіретін нақты мысалдар: пәтер сату, резидент еместен жалға алу, ҚҚС бойынша тіркелу және басқа да тақырыптар.Мақсат – салық заңнамасын баршаға түсінікті әрі қолжетімді ету.Жаңалықтарды жіберіп алмау үшін жазылыңыздар#ҚостанайМКД #Қазақстансалықтары #кейстер #түсіндіру #СалықкодексіАқпарат көзі : https://www.gov.kz/memleket/entities/kgd-kostanay/press/news/details/1073043?lang=kk

Қазақстан Республикасы Қарулы күштері Бас штабының бастығы генерал-лейтенант Сұлтан Қамалетдинов «Айбалта-2025» жедел-стратегиялық оқу-жаттығуы өтіп жатқан ауданда болды.Жұмыс сапары барысында ол оқу процесінің ұйымдастырылуымен танысып, басқару пункттерін, тіршілікпен қамтамасыз ету нысандарын және жеке құрамның орналасу жағдайларын тексерді. Әскерлерді басқару, байланыс және материалдық-техникалық қамтамасыз ету мәселелеріне ерекше назар аударылды.Сондай-ақ, бөлімшелер арасындағы өзара іс-қимыл тәртібі мен алдағы іс-қимыл жоспарлары туралы командирлердің баяндамалары тыңдалды.Тексеру нәтижесінде әскерлер мен әскери инфрақұрылымның тактикалық міндеттерді орындауға дайындығының жоғары деңгейде екені расталды.Ақпарат көзі : https://www.gov.kz/memleket/entities/mod/press/news/details/1073052?lang=kk

Ескельды ауданы бойынша Мемлекеттік кірістер басқармасында азаматтар мен кәсіпкерлерді салық заңнамасындағы алдағы өзгерістер туралы хабардар ету мақсатында "Ашық есік күні" ұйымдастырылды.Іс-шараның негізгі мақсаты — қатысушыларды 2026 жылдан бастап күшіне енетін жаңа Салық кодексінің негізгі ережелерімен егжей-тегжейлі таныстыру.Өткізілген "Ашық есік күні" салық төлеушілерге алдағы салық реформасына уақытында дайындалуға көмектесуге бағытталған ақпараттық науқанның бір бөлігі болды. Ақпарат көзі : https://www.gov.kz/memleket/entities/kgd-zhetysu/press/news/details/1073055?lang=kk

Алматы облысында Алатау қаласының маңындағы қоқыс полигонындағы өртті сөндіруге қатысқан мамандарға алғыс хаттар мен естелік сыйлықтар табысталды.Алматы облысының әкімі Марат Сұлтанғазиевтің атынан Алатау қаласы маңындағы қоқыс полигонындағы өртті сөндіруге атсалысқан мамандарға Алғыс хаттар мен естелік сыйлықтар табысталды. Құрметке өрт сөндірушілер, құтқарушылар, дәрігерлер, әскери қызметшілер, волонтерлер және коммуналдық қызмет мамандары ие болды. Олар бірнеше тәулік бойы күрделі әрі қауіпті жағдайда жұмыс атқарды.Өрт 34 гектар аумақты шарпыды. Оның ерекшелігі — жалынның ашық беткі қабатта ғана емес, тереңдігі он метрге дейін жеткен түнектегі тұтануларда болуы. Қоқыс массасында жиналған метан жалынды күшейтіп отырды. Сонымен қатар бос әрі тұрақсыз топырақ, опырылып кету қаупі және желдің бағытының өзгеруі жағдайды қиындатты.Алғашқы сағаттардан бастап облыстық және Алматы қаласының ТЖД күштері, МЧС-тің арнайы бөлімшелері, полиция, әскери бөлімдер, әкімдіктер мен коммуналдық қызметтер жұмылдырылды. Кейбір күндері апат аумағында 1,5 мыңға жуық адам мен 500-ден астам техника жұмыс істеді. Жәрдемге Абай, Қарағанды, Жамбыл, Түркістан облыстары, Жетісу өңірі мен Шымкент қаласының бөлімшелері қосылды. Ортақ күшпен өрт полигон аумағынан тысқары кетпеуі қамтамасыз етілді.Тлінняның таралуына жол бермеу үшін аумақ бірнеше учаскеге бөлініп, жыртылды, үстіне топырақ пен қиыршық тас төселді. Тереңқара өзенінен су айдау станциялары орнатылып, ондаған өрт сөндіру құбырлары арқылы магистральді желі жүргізілді. Бұл қажетті су көлемін және қысымды қамтамасыз етті. Жұмыс тәулік бойы, ауысыммен үздіксіз атқарылды.Барлық қатысушылар жеке қорғаныс құралдарымен қамтамасыз етілді. Жергілікті кәсіпорындар су, азық-түлік және арнайы киім жеткізді. Құтқарушылар үшін тамақтану және тынығу шатырлары құрылып, тәулігіне төрт мезгіл ыстық тамақ ұйымдастырылды.Алматы облысы ТЖД бастығы Даурен Оразбеков мамандардың аса қауіпті жағдайда еңбек еткенін атап өтті:– Ерлік дегеніміз – апат жағдайында тапсырманы мүлтіксіз орындау. Жылу, түтін мен тұрақсыз топыраққа қарамастан, біздің қызметкерлер тактиканы үнемі өзгертіп, ошақтарды қабат-қабатпен сөндіріп отырды. Әрқайсысына алғыс айтамын, – деді ол.Облыстық жұмылдыру дайындығы, аумақтық және азаматтық қорғаныс басқармасының басшысы Асқар Тойчубеков те мамандардың кәсібилігі мен жауапкершілігін жоғары бағалады.Алатау қаласының әкімі Аркен Утенов көрші облыстар мен аудандардың айрықша қолдау көрсеткенін атап өтті.Ақпарат көзі : https://www.gov.kz/memleket/entities/almobl/press/news/details/1073085?lang=kk

          «Архив және болашақ ұрпақ» республикалық жобасы аясында 2025 жылдың 19 қыркүйегінде Рудный қалалық мемлекеттік архивінде Ашық есік күні өтті.  Архившілер өз қонақтарына — Рудный қаласының № 13, 17, 18 және 21 мектептерінің оқушыларына алға қойған мақсаттар туралы айтып берді. Архив қызметінің міндеттері және жеке құжаттардың қалай жиналып, мемлекеттік сақтауға қабылданатындығы, олар тұрақты, жеке құжаттардан тұратын және тақырыптық «Өткенге саяхат» көрмесін көрсетті. Архив құжаттарының сақталуын түсіндіріп, көрсетіп, архивке экскурсия жасалды. Іс-шараның мақсаты өскелең ұрпақты Қазақстан мен туған жерінің тарихын зерттеуге тарту, сонымен қатар архив құжаттарын насихаттау және архив қызметінің имиджін арттыру болды. Іс-шараға барлығы 53 адам қатысты.Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1073092?lang=kk

2025 жылы 22 қыркүйекте Алакөл ауданы бойынша Мемлекеттік кірістер басқармасында салық төлеушілердің өзекті мәселелері бойынша, сыбайлас жемқорлықтың алдын алу мақсатында салық төлеушілерден сауалнамалар алыну арқылы және жаңа Салық кодексін түсіндіру бойынша ашық есік күні өтті. Ақпарат көзі : https://www.gov.kz/memleket/entities/kgd-zhetysu/press/news/details/1073107?lang=kk

Өтетін орны: Шығыс Қазақстан облысы, Өскемен қаласы, Үстел теннисі орталығы, Сәтпаев даңғылы, 82/8Өтетін күні: 2025 жылғы 26 қыркүйек«Altai Invest–2025» халықаралық инвестициялық форумы аясында қатысушыларға инвестициялық бастамаларды іске асыру тетіктерін, сондай-ақ Шығыс Қазақстан аумағында бірлескен бизнес-идеяларды құру перспективаларын талқылау мүмкіндігі ұсынылады.Форум бағдарламасында өзекті мәселелер бойынша B2B кездесулер, өнеркәсіп, ауыл шаруашылығы, энергетика және туризм салаларындағы инвестициялық жобалардың көрмесі, пленарлық отырыс, панельдік сессиялар, сондай-ақ меморандумдар мен келісімдерді қол қою рәсімдері өтеді.Форумның мақсаты:Форумды өткізу мақсаты – Шығыс Қазақстан облысының инвестициялық және экспорттық әлеуетін жан-жақты таныстыру, бірлескен жобаларды жүзеге асыру тетіктерін талқылау, экономиканың негізгі салаларында жаңа өсу нүктелерін қалыптастыру, сондай-ақ аймақты халықаралық аренада сенімді және тартымды серіктес ретінде ілгерілету.Форумның міндеттері:Ортақ бастамаларды жүзеге асыру және институционалдық диалогты дамыту арқылы өзара тиімді экономикалық қатынастарды орнату мен достық серіктестік байланыстарды нығайту үшін қолайлы жағдай жасау.Халықаралық, өңіраралық және шекаралас инвестициялық ынтымақтастықты кеңейту, тікелей инвестициялардың өсуін ынталандыру және өзара туризм алмасуын дамыту.Сауда-экономикалық байланыстарды нығайту және транзиттік тасымалдардың көлемін арттыру мен өңіраралық көлік дәліздеріне интеграцияны қоса алғанда, көлік-логистикалық серіктестікті дамытуға қолайлы ортаны қалыптастыру.Форумға Қытай Халық Республикасы, Түрік Республикасы, Өзбекстан Республикасы, Әзербайжан Республикасының Төтенше және Өкілетті елшілері, Ресей Федерациясының Бас консулы, Ресей Федерациясы Федералдық Одақ Кеңесі мен Қазақстан Республикасы Парламенті Сенатының өкілдері, Қытай Халық Республикасының Шыңжаң-Ұйғыр автономиялық ауданының өңірлері, Моңғолияның Хов аймағы өкілдері, шетелдік және қазақстандық компаниялар, сондай-ақ АҚШ, Германия Федеративтік  және Қытай Халық Республикасынан блогерлер, қаржылай институттар, квазимемлекеттік ұйымдар және т.б. қатысады. «Altai Invest-2025» Халықаралық инвестициялық форумыныңБАҒДАРЛАМАСЫ2025 жылғы 26 қыркүйек, Өскемен қаласы,Үстел теннисі орталығы, Сәтпаев даңғылы, 82/82025 жылғы 26 қыркүйек  08.00-09.00Тіркеу/Кәсіпорындардың көрмесі – 1-қабат.09.00-09.45Салтанатты ашылу. 3-қабат.09:45 – 11:00Пленарлық отырыс. 3-қабат.Тақырып: «Шығыс Қазақстан облысын 2030 жылға дейін дамыту стратегиясы» Тақырып: 2030 жылға дейін ШҚО дамыту стратегиясының негізгі бағыттары Тақырып: «Өнеркәсіп – ШҚО экономикасының негізі» Тақырып: «Шығыс Қазақстан – Қазақстан Республикасының 500 ірі компаниясы картасында» Тақырып: ШҚО-ның инвестициялық артықшылықтары мен перспективалары11:00 – 11:15Кофе-брейк. 11:15 – 12:30№ 1 панельдік пікірталас. ШҚО іскерлік кеңесі. 3-қабат.Тақырып: «ШҚО дамуына жергілікті бизнес көшбасшыларының көзқарасы» Пікірталас қатысушылары:-«Қазцинк» ЖШС-нің басқарушы директоры – Лазарев Андрей Павлович-«AITAS» компаниясының өкілі-«Шығыс-Сүт» ЖШС-нің бас директоры – Сайлаубаев Сейілжан Жіренұлы-«Эмиль» ЖШС-нің басшысы – Аберле Анна Эрвинқызы-«Бес жұлдыз» ЖШС-нің директоры және құрылтайшысы – Тойбазаров Мұхтар Серікұлы- ЕДҚБ / IFC / Eurobak өкілі14.00 – 14.102023–2024 жж. «ШҚО-дағы үздік инвестициялық жоба» жеңімпаздарын ШҚО әкімінің марапаттау рәсімі.14.10-14.25Ынтымақтастық туралы құжаттарға қол қою рәсімі. 3-қабат.14:30 – 15:15№ 2 панельдік сессия. 3-қабат.Тақырып: «Шығыс Қазақстан — тұрақты өсім аймағы» Тақырып: ШҚО-ның өңірлік ерекшеліктері мен артықшылықтары Тақырып: Аймақтың перспективалық инвестициялық жобалары Тақырып: Май және майлы өнімдер саласының инвестициялық мүмкіндіктері Тақырып: «Шетелдік қатысуы бар компанияларға преференциялар»15:15 – 15:30Кофе – брейк. 15:30 – 16:45 № 3 панельдік сессия. 3-қабат. Тақырып: Аймақтың болашақ өсуінің практикалық мәселелері Панель қатысушылары: CRC, жергілікті бизнес, университет/сарапшы, СПК Ертіс АҚ, Мемлекеттік-жекешелік әріптестік центрі  Инвестиция тарту құралдары мен әдістері. Мемлекеттік және жекеменшік инвестициялар: қатынасы, басымдықтары мен маңызы. ШҚО еңбек ресурстары: мүмкіндіктері мен тәуекелдері. Шағын бизнес: аймақ дамудағы маңызы мен рөлі.15:30 – 16:45№ 4 панельдік сессия. 3-қабат.Тақырып: Шығыс Қазақстанның салалық басымдықтары Тақырып: Майды терең өңдеудің перспективалары. Тақырып: Гастротуризм және элиталық туризм. Шаңғы туризмі мүмкіндіктері. Тақырып: ШҚО су және орман ресурстары – өсу мүмкіндіктері ретінде. Тақырып: Шетелдік қонақтың көзқарасымен күтулер мен мүмкіндіктер.15:30 – 16:45B2B кездесулер. 3-қабат.17:00 – 17:15Қорытынды сөз. Форум нәтижелері. «Altai Invest-2025» Халықаралық инвестициялық форумының БАҒДАРЛАМАСЫАқпарат көзі : https://www.gov.kz/memleket/entities/vko-bilim/press/news/details/1073108?lang=kk

Электр желілерінің күзет аймағы – электр желілерін сақтауын қамтамасыз ету, пайдаланудың қалыпты жағдайларын жасау, олардың зақымдануының, сондай-ақ осы желілердің күзет аймағында қалған тұрғындар арасында жазатайым оқиғалардың алдын алу мақсатында бөлінген жер учаскелері, су және әуе кеңістігі.Электр желілерінің күзет аймақтары жер учаскесі түрінде және шеткі сыымдардың кескіндерінің екі жағынан жер бетінде тұрған (олардың ауытқымаған қалпында) тіктүзу қоршаулармен шектелген әуе кеңістігі түрінде электр беру желісінің бойымен (ғимаратқа кіретін тармақтарды қосқанда) белгіленеді.Күзет аймақтары белгіленеді, халықтың қауіпсіздігін қамтамасыз ету, электр желілерін пайдаланудың қалыпты жағдайларын жасау және жазатайым оқиғалардың алдын алу үшін жер учаскелері бөлінеді.Электр желілерінің күзет аймақтары жер учаскелерінің иелері мен жер пайдаланушылардан жер учаскелерін иемдемей, белгіленеді.Ауыл және қала құрылыс шектерінде әуе және кабель желілері өткенде жергілікті атқарушы органдарға ауданның құрылысын рұқсат беру кезінде электр желілерінің күзет аймақтарының құрылысын тыйым салады.Электр желілерінің күзет аймақтары төмендегідей белгіленеді:Кернеуі 1 киловольтқа (бұдан әрі – кВ) дейінгі жалаң сымды әуе желілері үшін – 2 метрден (бұдан әрі - м);Кернеуі 1 кВ-қадейінгі өздігінен оқшауланған сымдар үшін – 1 м;1-ден 20 кВ-ға дейінгі әуе желілері үшін 10 м кем емес;35 кВ әуе желілері үшін 15 м кем емес;110 кВ әуе желілері үшін 20 м кем емес;220 кВ әуе желілері үшін 25 м кем емес;330-дан 500 кВ-ға дейінгі әуе желілері үшін 30 м кем емес;1150 кВ әуе желілері үшін 55 м кем емес.Қарамағында электр желілері бар ұйымның келісімінсіз электр және жылу желілері жолдарының күзет аймақтарында құрылыс, монтаждау, жер қазу, тиеу-түсіру жұмыстарын, ұңғымалар мен шурфтарды орнатылуына байланысты іздеу жұмыстарын жүргізуге, алаңдарды, автомобиль көлігі тұрақтарын жайластыруға, базарларды, құрылыстарды, ғимараттарды орналастыруға, материалдарды жинап қоюға, қоршаулар мен дуалдарды соғуға, күйдіргіш коррозиялық заттар мен жанар-жағармай материалдарын шығарып тастауға және төгуге жол берілмейді.Электр желілерінің күзет аймақтарында көрсетілген жұмыстарды жүргізуге жазбаша келісім алған жеке және заңды тұлғалар өздерінің жеке қаражаты есебінен желілердің сақталуын қамтамасыз ететін жағдайларды сақтай отырып, оларды орындайды.Күзет аймағында жер жұмыстарын жүргізетін жеке және заңды тұлғалар жұмыс өндірісінің техникалық құжаттамасында көрсетілмеген кабельді анықтаған кезде осы жұмыстарды дереу тоқтатып, кабельдің сақталуы мен тұтастығын қамтамасыз етушараларын қабылдайды және бұл туралы иелігінде электр желілері орналасқан жақын энергия беру ұйымынан немесе жергілікті атқарушы органдарға хабарлайды.Жеке және заңды тұлғалар электр желілерінің күзет аймақтарындағы қарауында электр желілері орналасқан ұйымдардың электр желілерінің сақталуын және жазатайым жағдайлардың алдын алуды қамтамасыз етуге бағытталған талаптарын орындайды. Қарауында электр желілері бар ұйымдар электр желілерінің күзет аймағында жеке және заңды тұлғалар жұмыстар жүргізу кезінде адам өміріне қауіп төнген жағдайда бұл қауіпті жойғанға дейін жұмыстарды тоқтата тұрады.Электр желілерін жеке және заңды тұлғалардың кінәсі бойынша зақымдаған кезде ұқсанды өтеу қарауында осы желілер бар ұйыммен жасалған авариялық-қалпына келтіру жұмыстарын орындаушы ұйымдардың келісілген сметасы бойынша толық көлемде олардың есебінен жүргізіледі.ҚР ӘҚБтК-нің 305-бабына сәйкес, құрылыс, монтаждау, жер қазу, тиеу-түсіру жұмыстарын, ұңғымалар мен шурфтарды орнатуға байланысты іздестіру жұмыстарын жүргізгені, алаңдарды, автомобиль көлігі тұрақтарын жайластырғаны, базарларды, құрылыстарды орналастырғаны, материалдарды жинағаны, қоршаулар мен қоршаулар салғаны, каустикалық коррозиялық заттар мен жанармай құю және төгу үшін - электр және жылу желілері желілерінің, газбен жабдықтау жүйелері объектілерінің күзет аймақтарында ғимараттар мен материалдарын ұйыммен келіспей-ақ, қарауында электр немесе жылу желілері не газбен жабдықтау жүйелерінің объектілері бар жеке тұлғаларға – он, шағын кәсіпкерлік субъектілеріне – он бес, орта кәсіпкерлік субъектілеріне – жиырма, ірі кәсіпкерлік субъектілеріне – жүз айлық есептік көрсеткіш мөлшерінде айыппұл көзделген.Қолда бар мәселелер бойынша жеке және заңды тұлғалар Қазақстан Республикасы Энергетика министрлігі Мемлекеттік энергетикалық қадағалау және бақылау комитетінің Қостанай облысы бойынша аумақтық департаментіне Қостанай қаласы, Гоголь көшесі, 75 ғимарат, № 320 кабинет мекенжайы бойынша +7 (7142) 50 02 60 телефоны арқылы немесе «E –Otinish» ақпараттық жүйесі арқылы жүгіне алады. Ақпарат көзі : https://www.gov.kz/memleket/entities/kostanai-kalasy-akimat/press/news/details/1073117?lang=kk

Панфилов ауданы бойынша Мемлекеттік кірістер басқармасы салық заңнамасындағы алдағы өзгерістер туралы азаматтар мен кәсіпкерлерді хабардар ету мақсатында «Ашық есік күнін» өткізді.Іс-шара 2026 жылдан бастап күшіне енетін жаңа Салық кодексінің негізгі ережелерін егжей-тегжейлі түсіндіруге арналды.Кездесуге қатысушылар, соның ішінде шағын және орта бизнес өкілдері, салықтық әкімшілендіруді жеңілдетуге және бюрократиялық кедергілерді азайтуға бағытталған жаңалықтар туралы толық ақпарат алды.Ақпарат көзі : https://www.gov.kz/memleket/entities/kgd-zhetysu/press/news/details/1073121?lang=kk

 15 қыркүйек, Доха. Мемлекет басшысы Қасым-Жомарт Кемелұлы Тоқаевтың тапсырмасымен Мәжіліс спикері Ерлан Қошанов Қатар астанасы Дохада өткен төтенше Араб-Ислам саммитіне қатысты. Алқалы жиында Палата төрағасы сөз сөйлеп, халықаралық қақтығыстарды реттеу бойынша мемлекетіміздің ұстанымдарын ортаға салды.Саммит барысында Ерлан Қошанов Қатар Әмірі шейх Тәмим бен Хамад Әл Тәнимен жеке кездесіп,  Қазақстан Президенті Қасым-Жомарт Тоқаевтың шынайы сәлемі мен ізгі тілектерін жеткізді.Қатар Әмірі Израиль билігі жасаған әскери әрекетке қатысты Қазақстанның ұстанымын жоғары бағалап, ризашылығын білдірді.Қазақстанның бұл әрекетті алғашқы болып айыптап, Қатарға қолдау білдіргенін жақсы білемін. Сол үшін алғысымыз зор. Қазақстан Президентімен ерекше бауырлық, достық қарым-қанытасымыз бар. Соны мен мақтан тұтамын. Бүгінгі саммитке қазақ делегациясының осындай жоғары деңгейде қатысқаны біз үшін өте маңызды, – деді Қатар Әмірі.Саммит отырысында сөз сөйлеген Мәжіліс төрағасы қазіргі таңда Таяу Шығыс аймағы үлкен геосаяси қиындықтарға тап болғанын айтып, бүгінгі саммит халықаралық ахуалдың күрт нашарлауымен байланысты екеніне назар аударды.– Қазақстан Израильдің Қатар Мемлекеті аумағындағы әскери іс-әрекетін қатаң айыптайды. Бұл ұстанымды Президентіміз Қасым-Жомарт Кемелұлы Тоқаев алғашқы болып мәлімдеп, Қатар мемлекетіне табанды қолдауын білдірді. Жасалған шабуыл қандай мақсатты көздесе де, мұндай әрекеттерге жол берілмеуге тиіс. Бұл Қатар Мемлекетінің егемендік құқығын бұзады және халықаралық құқық қағидаттарына қайшы келеді. Осындай шабуыл мемлекеттің қауіпсіздігіне ғана емес, халықаралық тәртіптің негізін басшылыққа алатын мемлекеттердің теңдігі мен егемендігіне де нұқсан келтіреді, – деді Ерлан Қошанов.Мәжіліс спикері Қатардың өз бітімгершілік саясаты арқасында жаһандық тұрақтылық пен қауіпсіздікті қамтамасыз етуге орасан үлес қосып келетінін атап өтіп,  халықаралық қақтығыстар мен жанжалдарды реттеу мәселесі бойынша Қазақстанның ұстанымдарын ортаға салды.– Кез-келген дағдарыс Біріккен Ұлттар Ұйымының Жарғысы мен халықаралық құқық нормалары негізінде бейбіт диалог арқылы шешілуі керек. Қазақстан Президенті қақтығыстарды шешуде осы қағидаларды толыққанды қолдануға, олардың мызғымастығын қамтамасыз етуге шақырып келеді. Әскери күш қолдану тек зорлық-зомбылықтың жаңа толқынын туғызады, бейкүнә жандардың қазасына әкеп соқтырады, – деді Ерлан Қошанов.Осы орайда Мәжіліс төрағасы Газада болып жатқан қайғылы оқиғаларға да тоқталып өтті.Қазақстан Президенті әуел бастан Газа секторындағы әскери әрекеттерді дереу тоқтатуға және оның тұрғындарына гуманитарлық көмек көрсетуге тұрақты түрде шақырып келеді. Еліміз Газаға қаржылай және материалдық көмек көрсетуде.Бұл үрдіс биыл қаңтар айында штаб-пәтері Астанада орналасқан Азық-түлік қауіпсіздігі жөніндегі Ислам ұйымы арқылы да жалғасты. Осы тұрғыда Ерлан Қошанов Палестина халқына гуманитарлық көмекті арттыру үшін ислам елдерін аталған ұйымның әлеуетін пайдаланудың маңыздылығын атап өтті.Сонымен бірге саммит алаңдарында Мәжіліс спикері Қатар Мемлекетінің Премьер-министрі – Сыртқы істер министрі шейх Мұхаммед бен Абдулрахман Әл Тәнимен пікір аламасып, екі ел арасындағы ынтымақтастықты жоғары бағалады.Ақпарат көзі : https://www.gov.kz/memleket/entities/mfa-doha/press/news/details/1073129?lang=kk

Исламабад, 2025 жылғы 22 қыркүйек – Қазақстанның Пәкістандағы Елшілігінде ҚР Президенті Қ.Тоқаевтың саяси бағытына арналған баспасөз брифингі өтті.Іс-шара барысында Елші Е. Қыстафин Мемлекет басшысы Қ.Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауының негізгі тұстары мен басты қағидалары туралы баяндады.Елші брифинг қатысушыларының назарын Мемлекет басшысының Тургунди - Герат темір жолын салу және Пәкістан нарығына шығу жөніндегі тапсырмасына ерекше аударды.Дипломатиялық миссия басшысы бұл жобаның Пәкістан үшін тиімді артықшылықтарына айрықша мән бере отырып, жан-жақты таныстырылым жасады.Қазақстанның цифрлық күн тәртібі аясында Елші ІТ және телекоммуникациялар саласындағы бірлескен қазақстан-пәкістандық жұмыс тобы шеңберінде атқарылып жатқан жұмыстар туралы хабардар етті.Сонымен қатар қатысушыларға 2025 жылғы 17 қыркүйекте Қазақстан астанасында өткен Әлемдік және дәстүрлі діндер лидерлерінің VIII съезінің қорытындылары жеткізілді. Аталған жиынға дәстүрлі түрде Пәкістанның діни істер және конфессияаралық үйлесім жөніндегі федералды министрі Сардар Мұхаммад Юсуф бастаған делегация қатысты.Осыған қоса Елші Қазақстан-пәкістандық ынтымақтастықты дамыту шеңберінде жүргізіліп жатқан жұмыс туралы атап өтті. Атап айтқанда, үстіміздегі жылдың сәуір айында Исламабад қаласында өткен Қазақстан-Пәкістан бірлескен үкіметаралық комиссиясының 13-ші отырысы мен Карачи қаласындағы бизнес-форум, сондай-ақ 8–9 қыркүйекте Исламабадта ҚР Премьер-Министрінің орынбасары – Сыртқы істер министрі М. Нұртілеудің алғашқы ресми сапары туралы мәлімет берілді.Елші Қазақстанның сыртқы саяси ведомствосы басшысының сапары және оның барысында өткен келіссөздердің нәтижелері үстіміздегі жылы Исламабад қаласында өтетін ҚР Президенті Қ. Тоқаевтың мемлекеттік сапарын табысты ұйымдастыруға берік негіз қалағанын атап өтті.Ақпарат көзі : https://www.gov.kz/memleket/entities/mfa-islamabad/press/news/details/1073130?lang=kk

Мемлекеттік қызметте кәсіби әдеп нормаларын сақтау жөніндегі профилактикалық іс-шаралар қоғамның қаржы жүйесіне деген сенімін нығайтуға, сыбайлас жемқорлық көріністерінің тәуекелдерін және азайтуға және мүдделер қақтығысын төмендетуге көмектеседі. Бұл бағыттағы жұмысты Қазақстан Республикасының Қаржы министрлігінде Әдеп жөніндегі уәкіл Камшат Арыстанбекова өңірлерге барған кезде жүргізеді.Мәселен, ол 2025 жылғы қыркүйекте Ақмола, Шығыс Қазақстан, Павлодар, Солтүстік Қазақстан облыстарында және Абай облысында Мемлекеттік кірістер, Қазынашылық, Мемлекеттік мүлік және жекешелендіру, Ішкі мемлекеттік аудит комитеттерінің аумақтық департаменттері қызметкерлерімен кездесулер өткізді. Бұдан басқа, аталған өңірлердің мемлекеттік кірістер және қазынашылық басқармаларының қызметкерлерімен: Ұлан, Жарма, Қызылжар, Тайынша, Зеренді, Бұланды, Ерейментау аудандарында, сондай-ақ Екібастұз қаласында көшпелі семинарлар ұйымдастырылды.Өңірлерде Камшат Арыстанбекова мемлекеттік қызметшілерге Қазақстан Республикасының мемлекеттік қызмет және сыбайлас жемқорлыққа қарсы                     іс-қимыл туралы заңнамасын сақтау мәселелері бойынша кеңес берді. Жұмыс кездесулері барысында мемлекеттік қызметшілердің құқықтық мәртебесі, қызметтік тәртіп, кәсіптік әдеп нормалары, мүдделер қақтығысының алдын алу және реттеу, сондай-ақ азаматтармен және әріптестермен қарым-қатынас мәдениетін арттыру сияқты тақырыптар талқыланды.Бұл кездесулер нормативтерді талқылау ғана емес, мемлекеттік қызметтің құндылықтары: адалдық, ашықтық, азаматтарға құрметтеу туралы ашық диалог болды. Шынында да, қателіктердің алдын алу және олардың күнделікті жұмысында мамандарды қолдау сыбайлас жемқорлыққа орын жоқ кәсіби ортаны қалыптастыруға мүмкіндік береді.«Біздің міндетіміз - мәселе туындамай тұрып қызметкерлерге кеңес беру. Біз мүдделер қақтығысы немесе қызметтік тәртіпті бұзу тәуекелі болуы мүмкін жағдайдан дұрыс шығуға көмектесеміз. Бұл тек мемлекеттік қызметшілердің өзі үшін ғана емес, азаматтардың сенімін нығайту және мемлекеттік қызметтің оң имиджін қалыптастыру үшін де маңызды», – екенін ҚР Қаржы министрлігінің Әдеп жөніндегі уәкілі Камшат Арыстанбекова атап өтті.Ақпарат көзі : https://www.gov.kz/memleket/entities/minfin/press/news/details/1073141?lang=kk

Доха, 2025 жылғы 23 қыркүйек – Қазақстан Республикасының Қатар Мемлекетіндегі Елшісі Арман Исағалиев Қатардың мемлекеттік Hassad Food компаниясының бас атқарушы директоры Әли Хиләл Әл-Кауаримен кездесті.Кездесу барысында тараптар ауыл шаруашылығы саласындағы бірлескен жобаларды жүзеге асыру перспективаларын және азық-түлік қауіпсіздігін нығайту жолдарын талқылады. Осы ретте, Қатардың 2030 жылға дейінгі ұлттық азық-түлік қауіпсіздігі стратегиясы аясында Қазақстан өнімдерін жеткізуді кеңейту жолдарына ерекше назар аударылды.Елші Арман Исағалиев Қазақстан Қатардың сенімді серіктесі ретінде нарықта сұранысқа ие ауыл шаруашылық өнімдерін тұрақты жеткізуді қамтамасыз ете отырып, өзара ұзақ мерзімді тиімді ынтымақтастықты құруға дайын екенін атап өтті.Сондай-ақ, Елші Қазақстан Президенті жуырдағы Жолдауында агроөнеркәсіптік кешенді стратегиялық басымдық ретінде анықтағанын, өңдеуге, цифрлық технологияларға және агрохабтарды дамытуға басты мән бергенін хабарлады. Қазақстандық дипломаттың айтуынша, бұл бағыттар Қатардың азық-түлік қауіпсіздігі мен инновациялық ауыл шаруашылығы саласындағы мақсаттарымен үйлесім тауып, бірлескен жобалар мен тәжірибе алмасуға жаңа мүмкіндіктер ашады.Тараптар Қазақстан Президентінің 2024 жылы Дохаға мемлекеттік сапары барысында және биыл Астанада өткен Бірлескен үкіметаралық комиссияның 7-ші отырысында сауда айналымын арттыру және ынтымақтастық бағыттарын кеңейту жөнінде қол жеткізілген уағдаластықтардың екіжақты байланыстарды дамытуға қосымша серпін бергенін атап өтті.  Сонымен қатар, кездесуде Қазақстандағы инвестициялық климаттың ауыл шаруашылығы саласында ірі жобаларды іске асыруға және инвестиция тартуға қолайлы екені айтылды.Кездесудің қорытындысы бойынша тараптар ынтымақтастықты дамыту жөнінде практикалық қадамдарды, соның ішінде жеткізу маршруттарын және логистикалық шешімдерді оңтайландыруды жалғастыруға келісті. Ақпарат көзі : https://www.gov.kz/memleket/entities/mfa-doha/press/news/details/1073153?lang=kk

Жаңа Салық кодексі бойынша ақпараттық науқан аясында Жетісу облысы бойынша Мемлекеттік кірістер департаментінің қызметкерлері Текелі қаласының кәсіпкерлері мен тұрғындары үшін көшпелі семинар өткізді.2026 жылдан бастап күшіне енетін жаңа Салық кодексі салықтық әкімшілендіруді едәуір жеңілдетуге бағытталған. Семинарға қатысушылар – жеке кәсіпкерлер, шаруа қожалықтарының басшылары және бухгалтерлер – алдағы өзгерістер туралы толық ақпарат алды.Семинарда негізгі жаңалықтар, соның ішінде:салық есептілігі нысандарын қысқарту;арнаулы салық режимдерін өзгерту;ҚҚС-ты реформалау;жалпыға ортақ декларациялау;салықтық әкімшілендіруді цифрландыру мәселелері егжей-тегжейлі қаралды.Ашық диалогтың арқасында қатысушылар алдағы өзгерістер туралы біліп қана қоймай, салық реформасына дайындық бойынша практикалық ұсыныстар да алды. Бұл Текелі кәсібіне жаңа ережелерге сенімді бейімделуге көмектеседі. Ақпарат көзі : https://www.gov.kz/memleket/entities/kgd-zhetysu/press/news/details/1072778?lang=kk

26-қыркүйекте Қарттар күні мерекесінде жергілікті бюджет қаражаты есебінен 75 жасқа толған және одан асқан адамдарға 20 мың теңгеден әлеуметтік көмек төленді. Барлық сұрақтар бойынша 79077 немесе 76804 телефонына жүгінуге болады.Ақпарат көзі : https://www.gov.kz/memleket/entities/social-saran/press/news/details/1078687?lang=kk

Қазіргі уақытта мемлекеттік кірістер органдары халыққа, сондай-ақ бизнес субъектілеріне мемлекеттік қызметтердің 42 түрін көрсетеді.Оның 39-ы электрондық форматқа ауыстырылды. Мемлекеттік қызметтердің 37-і егов порталы арқылы көрсетіледі Мемлекеттік қызметтерді электронды түрде ұсыну, салық төлеушіге мемлекеттік қызметті сапалы және қысқа мерзімде айтарлықтай артықшылықтарды пайдалана отырып, мүмкіндік алуға береді: қызметті кеңседен және үйден шықпай-ақ тәуліктің кез келген уақытында онлайн режимде алу мүмкіндігі. Мемлекеттік кірістер органдары мемлекеттік қызметтерді одан әрі электрондық форматқа көшіру бойынша жұмысты жалғастыруда. Ақпарат көзі : https://www.gov.kz/memleket/entities/kgd-akmola/press/news/details/1072819?lang=kk

Атырау облыстық аумақтық сайлау комиссиясының ғимаратында үстіміздегі жылдың 22 қыркүйегінде Астана қаласында 2025 жылдың                     11-12 қыркүйек күндері өткізілген «Сайлау процесін өткізудің ұйымдастырушылық аспектілері мен тәжірибесі» тақырыбындағы оқыту семинарына қатысқан Жылыой, Индер, Исатай, Мақат аудандарының аумақтық сайлау комиссияларының төрағалары З.Калмуханова, Б.Сапаров, Қ.Губашев Р.Мақсотов Атырау облысы бойынша аумақтық сайлау комиссияларының өкілеттіктерін тұрақты кәсіби негізде жүзеге асыратын мүшелерін каскадтық оқыту бағытында семинар өткізілді.  Семинарды Атырау облыстық аумақтық сайлау комиссиясыныңның төрағасы Әсия Баянқызы Қыстаубаева ашып, одан әрі Қазақстанның сайлау заңнамасындағы өзекті өзгерістер мен новеллалар, Сайлау процесі кезінде ақпараттандыру, үгіттеу, байқаудың кейбір мәселелері, Ұлттық жасанды интеллект платформасымен жұмыс істеу негіздері, Сайлау науқанын қаржыландыруды ұйымдастыру, 2025 жылдың бірінші жартыжылдығындағы сайлау процесіндегі сот дауларына шолу және тағы басқа тақырыптарында спикерлер дәріс беріп, семинарға қатысушылар арасында кеңінен талқылады.Кәсіби дағдыларды арттыру мақсатында дайындалған тәжірибелік кейстер қаралып, семинар қорытындысымен қатысушылар тестілеуден өтті. Тестілеудің нәтижесімен қатысушылардың 39%  қойылған сұрақтардың барлығына дұрыс жауап берсе, 56% «жақсы» деп бағаланды, ал тек бір тыңдаушы «қанағаттанарлық» көрсеткішке қол жеткізді.Ақпарат көзі : https://www.gov.kz/memleket/entities/atyrau/press/news/details/1072822?lang=kk

2025 жылғы 21 қыркүйекте Тұңғыш Президент саябағында жыл сайынғы қала күніне арналған «Alma Fest» фестивалі өтті. «Біріккен Ұлттар» аллеясында Алматы қ. Бас консулдықтар өкілдерінің 7 шатыры орналасқан, олар өздерінің ұлттық бұйымдарын, тағамдары мен кәдесыйларын көрмеге қойды. Қатысушы елдер Германия, Иран, Қытай, Корея, Польша, Түркия және Өзбекстанның Бас консулдықтары болды. Сондай-ақ, фестивальге Алматы қ. Әкімі Дархан Сатыбалды мен Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы, Жәнібек Әбдрашов, қатысты.Ақпарат көзі : https://www.gov.kz/memleket/entities/mfa-almaty/press/news/details/1072837?lang=kk

Астанада кезекті ауыл шаруашылығы жәрмеңкесі өтті. Бұл жолы елордаға Абай және Атырау облыстарының шаруалары келіп, жалпы көлемі 400 тоннаға жуық өнім ұсынды, деп хабарлайды қала әкімдігінің ресми сайты.Сауда сөрелерінде 140 тонна ет және ет өнімдері, 80 тонна көкөніс пен жеміс-жидек, 70 тонна бал, 50 тонна бақша өнімдері, 25 тонна балық, 15 тонна сүт өнімдері және тағы 20 тоннадай түрлі дәмді тағамдар сатылымға шығарылды.«Жыл сайын келеміз, алдағы уақытта да келеміз. Әртүрлі бал түрін алып келдік. Сұраныс жақсы, жұртшылық алады, көңілдерінен шығып жатыр. Біз өте ризамыз», – деді Абай облысының бал өндірушісі Руслан Рыбакин.Жәрмеңке тауарлары тікелей өндірушілерден жеткізілгендіктен, бағалар да қолжетімді болды. Іс-шараға Абай мен Атырау облыстарынан келген шығармашылық ұжымдар ұйымдастырған концерттік бағдарлама мерекелік көңіл-күй сыйлады.Іс-шара «Қазанат» ипподромы аумағында өтті. Қонақтардың ыңғайлығы үшін №18, 37 және 303 автобустар арнайы қатынады.Келесі жәрмеңке 27-28 қыркүйекте өтеді. Дереккөз: https://www.instagram.com/p/DO5fi1yDWi6/Ақпарат көзі : https://www.gov.kz/memleket/entities/astana-uir/press/news/details/1072842?lang=kk