Қонаев қаласында нашақорлық пен есірткі бизнесіне қарсы күрес мәселелері бойынша мемлекеттік органдардың ведомствоаралық штаб отырысы өтті. Жиынға өңір басшылығы, аудан әкімдері және салалық мемлекеттік органдардың өкілдері қатысты.Отырыста 2025 жылдың қорытындылары қаралып, жастар арасында нашақорлықтың таралуына жол бермеу және алдын алу шараларын күшейту мәселелері кеңінен талқыланды. Полиция департаментінің мәліметінше, қазіргі таңда есірткі заттарын тарату көбіне интернет пен әлеуметтік желілер арқылы жүзеге асырылуда. Осыған байланысты заңсыз онлайн контентке және күмәнді қаржылық операцияларға бақылау күшейтілген.Қабылданған кешенді шаралардың нәтижесінде өткен жылы облыс аумағында 11 тоннаға жуық түрлі есірткі заттары тәркіленіп, синтетикалық есірткі дайындайтын екі жасырын зертхана жойылған. Сонымен қатар есірткі қылмысына қатысы бар төрт кәмелетке толмаған жасөспірім анықталды.Жиын барысында өңір басшысы бұл мәселені шешу үшін барлық сала өкілдерінің бірлескен жұмысы қажет екенін атап өтті.Марат Сұлтанғазиев,Алматы облысының әкімі:«Полиция департаменті, прокуратура, білім басқармасы, жастар саясаты саласы – бәрі бірлесе жұмыс істемесе, бұл проблема жойылмайды. Біз көбіне тек сатушылармен айналысып келеміз, ал тұтынушылармен жүйелі жұмыс жеткіліксіз. Бұл – тек құқық қорғау органдарының ғана емес, барлық мектептердің, мемлекеттік органдардың, қоғамдық ұйымдардың және ата-аналардың ортақ міндеті».Әкімнің айтуынша, әсіресе білім беру ұйымдарында профилактикалық жұмысты күшейту маңызды. Осы орайда мектептер мен колледждерде түсіндіру шараларын тұрақты өткізу, жастар мен жасөспірімдерді кеңінен қамту, сондай-ақ интернет пен әлеуметтік желілердегі есірткі жарнамаларына қарсы бақылауды арттыру тапсырылды.Штаб отырысының қорытындысы бойынша нашақорлықтың алдын алу тек құқық қорғау органдарының емес, бүкіл қоғамның ортақ жауапкершілігі екені атап өтілді. Алдағы уақытта мемлекеттік органдар, білім беру ұйымдары, ата-аналар мен қоғамдық бірлестіктердің бірлескен жұмысы күшейтіліп, жастарды зиянды әдеттерден қорғауға бағытталған кешенді шаралар жалғасын таппақ.Ақпарат көзі : https://www.gov.kz/memleket/entities/almobl/press/news/details/1150213?lang=kk

Тбилиси, 26 қаңтар – ҚР Елшісі Мәлік Мырзалин APM Terminals Өңірлік директоры Игорь ван ден Эссен және APM Terminals Poti басқарушы директоры Кристиан Родермен кездесу өткізді.Әңгімелесу барысында тараптар Поти портындағы логистика және көлік саласындағы ынтымақтастықтың қазіргі жағдайы мен перспективаларын, сондай-ақ «Орта дәліз» аясындағы өзара іс-қимылды кеңейтудің ықтимал бағыттарын талқылады.Транскаспий халықаралық көлік бағдарының әлеуетіне және тұрақты логистикалық тізбектерді қамтамасыз етудегі Грузияның қара теңіз порттарының рөліне ерекше назар аударылды. Атап айтқанда, порт инфрақұрылымының өткізу қабілетін арттыру, логистикалық процестерді цифрландыру және көлік секторына инвестициялар тарту мәселелері қарастырды.Елші М.Мырзалин Қазақстанның халықаралық логистикалық операторлармен ынтымақтастықты тереңдетуге мүдделі екенін атап өтіп, APM Terminals-пен өзара іс-қимылдың маңыздылығын ескертті.Кездесу қорытындысы бойынша тараптар диалогты жалғастыруға, сондай-ақ Қазақстанның халықаралық нарықтардағы сауда-экономикалық байланыстарын кеңейтуге бағытталған бірлескен бастамаларды іске асыруға дайын екендіктерін білдірді.Ақпарат көзі : https://www.gov.kz/memleket/entities/mfa-tbilisi/press/news/details/1150184?lang=kk

Амман, 2026 жылғы 28 қаңтар – Қазақстан Республикасының Иордан Хашимит Корольдігіндегі Елшісі Талғат Шалданбай Иорданияның Сыртқы істер және экспатрианттар істері жөніндегі министрлігі Азия және Океания департаментінің директоры Мұхаммед Абу Вендимен кездесті.Кездесу барысында тараптар Қазақстан-Иордания ынтымақтастығының жоғары және серпінді дамып келе жатқан деңгейіне қанағаттанушылықтарын білдіріп, екіжақты өзара іс-қимылды әрі қарай нығайту перспективаларын талқылады. Мемлекет басшылары деңгейінде бұрын қол жеткізілген, оның ішінде сауда-экономикалық және гуманитарлық салалардағы уағдаластықтарды іс жүзінде іске асыруға ерекше мән берілді. Тікелей әуе қатынасын іске қосудың, сондай-ақ фармацевтика, фосфат, көлік-инфрақұрылым және цифрлық салалардағы ынтымақтастықты дамытудың маңыздылығы атап өтілді. Сонымен қатар, саяси консультациялар өткізу тәжірибесін жандандыру арқылы саяси диалогты институционалдандыру және кезең-кезеңімен дамыту қажеттілігіне назар аударылды.Қазақстан Елшісі иордан тарапына Ислам ынтымақтастығы ұйымы шеңберіндегі сындарлы диалог пен тығыз өзара іс-қимыл үшін, оның ішінде күтілудегі Азық-түлік қауіпсіздігі жөніндегі ислам ұйымы жарғысын Иорданияның ратификациялауы, сондай-ақ Халықаралық Қызыл Крест комитетімен ынтымақтастық пен Халықаралық гуманитарлық құқыққа саяси бейілділікті күшейту жөніндегі жаһандық бастаманы іске қосуды қамтитын бірлескен гуманитарлық бастамаларды қолдағаны үшін алғыс білдірді.Кездесу барысында екіжақты күн тәртібін практикалық мазмұнмен толықтыру перспективалары, атап айтқанда, 2026 жылы Қазақстанның Иорданияға сауда миссиясын өткізу ниеті, сондай-ақ сімаралық консультациялар өткізу, Үкіметаралық комиссия мен Іскерлік кеңестің кезекті отырыстарын ұйымдастыру және басқа да бірлескен іс-шараларды, оның ішінде мәдени-гуманитарлық сипаттағы іс-шараларды іске асыру мүмкіндігі талқыланды.Кездесу қорытындысы бойынша тараптар екіжақты ынтымақтастықты кезең-кезеңімен дамытуға бағытталған тұрақты байланыстар мен тығыз өзара іс-қимылды қолдауға дайын екендіктерін растады.Ақпарат көзі : https://www.gov.kz/memleket/entities/mfa-amman/press/news/details/1150185?lang=kk

2026 жылғы 28 қаңтарда Қазақстан Республикасының Қасиетті Тақ жанындағы Елшісі Т.Пірімбетов Қасиетті Тақтың Мәдениет және білім беру істері жөніндегі Дикастериясының мәдениет мәселелері бойынша Хатшысы монсеньор Пол Тиглемен кездесті.Әңгіме барысында тараптар Қазақстан Республикасы мен Қасиетті Тақ арасындағы рухани-мәдени ынтымақтастықтың перспективаларын талқылады. Гуманитарлық байланыстарды дамытуға, мәдени және білім беру салаларындағы байланыстарды кеңейтуге, рухани мұраны сақтау жөніндегі бірлескен бастамаларды қолдауға, сондай-ақ дінаралық және мәдениетаралық диалогты нығайтуға ерекше назар аударылды.Кездесудің жеке тақырыбы ретінде өзара түсіністікті дінаралық және конфессияаралық диалог арқылы нығайтуға ықпал ететін халықаралық диалог алаңы ретіндегі Әлемдік және дәстүрлі діндер лидерлерінің Съезі күн тәртібін ілгерілету мәселесі қарастырылды.Монсеньор П.Тигле қоғамдар арасындағы сенімді қалыптастыруда мәдени өлшемнің маңыздылығын растап, диалог пен ынтымақтастықты нығайтатын алаңдарға сұраныстың жоғары екенін атап өтті және Дикастерия желісі бойынша ынтымақтастыққа дайын екенін білдірді.Кездесу қорытындысы бойынша өзара іс-қимылдың нақты форматтарын айқындау мақсатында жұмыс байланыстарын жалғастыруға уағдаласты.Ақпарат көзі : https://www.gov.kz/memleket/entities/mfa-vatican/press/news/details/1150192?lang=kk

Вашингтон, Колумбия аймағы, 2025 жылғы 27 қаңтар – АҚШ астанасында «Қазатомөнеркәсіп» ҰАК АҚ-ның қолдауымен ұйымдастырылып, коммерциялық ядролық энергетика саласындағы саясат пен технологиялар жөніндегі АҚШ-тағы жетекші салалық ұйымы Nuclear Energy Institute алаңында «Nuclear Fuel Supply Forum» өтті.Іс-шараға Қазақстан Республикасының АҚШ-тағы Елшісі Мағжан Ілиясов және «Қазатомөнеркәсіп» ҰАК АҚ-ның коммерция жөніндегі бас директоры Владислав Байғожин қатысты.Форум жаһандық ядролық отын циклының өзекті мәселелері мен даму мүмкіншіліктерін, сондай-ақ аталған стратегиялық шикізат жеткізілімдерінің тұрақтылығы мен сенімділігін қамтамасыз ету тақырыптарын талқылауға арналды.Өз сөзінде Елші биыл орнағанына 35 жыл толып отырған Қазақстан-АҚШ қатынастарының жоғары деңгейін атап өтті. Ол Қазақстанның әлемдегі ең ірі уран өндіруші ретіндегі рөлін, оның үлесіне әлемдік бастапқы өндіру көлемінің шамамен 40 пайызы тиесілі екенін, сондай-ақ АҚШ нарығына негізгі жеткізушілердің бірі ретіндегі маңызын ерекше көрсетті.Сонымен қатар, форум аясында Владислав Байғожин компанияның әлемдік уран нарығындағы қазіргі жағдайына шолу жасап, оның ұзақ мерзімді даму жоспарлары және басым бағыттарымен таныстырды.Форум жұмысына АҚШ пен өзге де елдерден 100-ден астам қатысушы, оның ішінде ядролық отын циклының негізгі сегменттерінің өкілдері, АҚШ мемлекеттік органдарының қызметкерлері және салалық сарапшылар қатысты.Ақпарат көзі : https://www.gov.kz/memleket/entities/mfa-washington/press/news/details/1150199?lang=kk

2026 жылғы 22 қаңтарда Давоста Қазақстан Республикасының Президенті Қасым-Жомарт Тоқаев АҚШ Президенті Дональд Трамптың бастамасымен құрылған Бейбітшілік кеңесінің Жарғысына қол қойды.Қазақстан Президентімен қатар қол қою рәсіміне 18 елдің басшылары мен өкілдері қатысты.Қасым-Жомарт Тоқаев алғашқылардың бірі болып Дональд Трамптан Газа жөніндегі Бейбітшілік кеңесінің құрамына кіруге ресми шақыру алды. Онда Қазақстанға құрылтайшы мемлекеттердің бірі болу ұсынылды.Ақпарат көзі : https://www.gov.kz/memleket/entities/mfa-minsk/press/news/details/1150177?lang=kk

Рияд, 2026 жылғы 28 қаңтар – Қазақстан Республикасының Сауд Арабиясы Корольдігіндегі Елшісі Мадияр Меңілбеков Рияд қаласы Сауда-өнеркәсіп палатасының төрағасы, «Obeikan Investment Group» компаниясының Бас атқарушы директоры Абдалла Әл-Обейканмен кездесу өткізді.Сұхбат барысында тараптар Қазақстан мен Сауд Арабиясының іскер топтары арасындағы сауда-экономикалық ынтымақтастықты нығайту жолдарын талқылады.М.Меңілбеков Қазақстандағы қолайлы инвестициялық ахуал, шетелдік инвесторларды қолдауға бағытталған мемлекеттік шаралар туралы ақпарат беріп, елдің Орталық Азия мен Еуразия нарықтарына шығуға арналған өңірлік хаб ретіндегі әлеуетін атап өтті.Өз кезегінде, А.Әл-Обейкан екі ел кәсіпкерлері арасында тікелей байланыстар орнатуға жәрдемдесуге дайын екенін білдіріп, бизнес-миссиялар мен бірлескен іс-шараларды ұйымдастыру жөніндегі бастамаларды қолдайтынын жеткізді.Кездесу қорытындысы бойынша тараптар жұмыс байланыстарын жалғастыруға және өзара тиімді әріптестікті дамытуға бағытталған алдағы қадамдар туралы келісті.Ақпарат көзі : https://www.gov.kz/memleket/entities/mfa-riyadh/press/news/details/1150178?lang=kk

Қазақстан Республикасының Сыртқы істер министрі Ермек Көшербаев пен Израиль Мемлекетінің Сыртқы істер министрі Гидеон Саар Астанада өткен Холокост құрбандарын еске алудың халықаралық күніне арналған салтанатты рәсімге қатысты. Бұл атаулы күн БҰҰ Бас Ассамблеясының 2005 жылғы резолюциясымен бекітілген және жыл сайын бүкіл әлемде аталып өтеді.Іс-шараға Қазақстандағы дипломатиялық миссиялардың өкілдері, мемлекеттік органдар, діни қауымдастықтар, халықаралық ұйымдар мен жұртшылық қатысты. Рәсімді Израиль Елшілігі, Германия Елшілігі және Халықаралық конфессияаралық және дінаралық диалог орталығы бірлесіп ұйымдастырды. Бұл тарихи жадты сақтау жолындағы халықаралық ынтымақтастықтың маңызын айқындады.Министр Е. Көшербаев өз сөзінде Қазақстан Президенті Қасым-Жомарт Тоқаевтың арнайы үндеуін оқып берді. Онда нацизм құрбаны болған миллиондаған адамдарды еске алу – бүкіл адамзаттың ортақ моральдық парызы екені атап өтілді. Сонымен қатар, Қазақстан саясатының негізінде толеранттылық, өзара құрмет және адам қадір-қасиетін қорғау қағидаттары берік орныққаны айтылды.Ақпарат көзі : https://www.gov.kz/memleket/entities/mfa-geneva/press/news/details/1150162?lang=kk

2026 жылғы 27 қаңтарда Қазақстан Республикасының Өзбекстан Республикасындағы Елшілігінде Қазақстан Республикасы Президенті Қасым-Жомарт Тоқаевтың 2026 жылғы 20 қаңтарда өткен Қазақстан Республикасының Ұлттық құрылтайының V отырысында ұсынған конституциялық реформалары мен Мемлекет басшысының «Turkistan» газетіне берген жуырдағы сұхбатын талқылауға арналған дөңгелек үстел өтті.Іс-шараға Өзбекстан Республикасы Олий Мәжілісінің Заң шығару палатасы мен Сенатының депутаттары, шет мемлекеттердің елшілері мен дипломатиялық миссиялардың өкілдері, сондай-ақ сараптамалық орталықтардың мамандары, сарапшылар мен журналистер қатысты.Өз сөзінде Елші Бейбіт Атамқұлов қатысушыларды конституциялық реформалардың негізгі бағыттарымен таныстырып, Конституциялық комиссия жұмысының басталғаны туралы хабарлады. Бірпалаталы Парламентке көшу, «Халық кеңесі» атты Халық кеңесін құру және Вице-президент лауазымын енгізу мәселелеріне ерекше назар аударылды.Сонымен қатар Елші Қазақстанның сыртқы саяси басымдықтарына тоқталып, дипломатияның өңірлік және жаһандық тұрақтылықты қалыптастырудағы рөлін атап өтті. Осы тұрғыда Қазақстанның Авраам келісімдеріне қосылуы және Жаһандық бейбітшілік кеңесінің құрылуы диалогты дамыту мен сенімді нығайту жолындағы маңызды қадам ретінде бағаланды.Дөңгелек үстел аясында Өзбекстан Республикасы Олий Мәжілісінің Заң шығару палатасының депутаттары, дипломатиялық корпус өкілдері және сарапшылар сөз сөйледі. Олардың мазмұнды пікірлері мен практикалық ұсыныстары пікірталасқа конструктивті сипат берді.Қатысушылар Мемлекет басшысы Қ.Тоқаев ұсынған реформалардың ауқымдылығын атап өтіп, олардың елдің саяси жүйесін жаңғыртуға ғана емес, бүкіл Орталық Азияның ұзақмерзімді даму бағытын қалыптастыруға ықпал ететінін атап көрсетті. Депутаттар мен сарапшылар реформалардың іске асырылу барысын мұқият қадағалауға жоғары қызығушылық білдіріп, олардың жүйелілігі мен қазіргі жағдайдағы өзектілігін атап өтті.Олий Мәжілістің Заң шығару палатасы атынан мазмұнды пікірлер мен бағалауларды депутаттар Дилором Файзиева мен Илхом Абдуллаев ұсынды.Ғылыми-сараптамалық қауымдастық атынан Журналистика және бұқаралық коммуникациялар университетінің ректоры Шерзодхон Қудратходжа, Өзбекстан Республикасы Президенті жанындағы Стратегиялық және өңіраралық зерттеулер институты директорының бірінші орынбасары Акрамжон Неъматов, Орталық Азия халықаралық институты директорының орынбасары Шерзод Файзиев және «Ижтимоий фикр» Қоғамдық пікірді зерделеу республикалық орталығы басшысының орынбасары Мансур Сеитов сөз сөйледі.Дипломатиялық корпус атынан Әзербайжан Республикасының Өзбекстандағы Төтенше және Өкілетті Елшісі Гусейн Гулиев жарияланған реформалар аясындағы өңірлік күн тәртібіне қатысты өз көзқарасын білдірді.Іс-шара қорытындысында белгілі сарапшылар Равшан Назаров пен Бахтиёр Эргашевтің белсенді қатысуымен мазмұнды пікірталас өтті.Кездесу соңында Елші Бейбіт Атамқұлов Өзбекстанның 2023 жылғы конституциялық реформасы барысында жинақталған тәжірибесінің маңыздылығын атап өтіп, ашық сараптамалық диалог теңгерімді әрі тиімді шешімдер қабылдауға ықпал ететініне сенім білдірді.Ақпарат көзі : https://www.gov.kz/memleket/entities/mfa-tashkent/press/news/details/1150165?lang=kk

Үкіметте Премьер-министрдің орынбасары – ұлттық экономика министрі Серік Жұманғариннің төрағалығымен Ауғанстанмен ынтымақтастықты дамыту жөніндегі ведомствоаралық жұмыс тобының бірінші отырысы өтті.Вице-премьер атап өткендей, жұмыс тобы ауған бағытындағы келісілген жүйелі жұмысты қамтамасыз ету үшін құрылған. Ауған тарапымен ағымдағы өзара іс-қимыл мәселесін үйлестіру жұмыс тобы төрағасының орынбасары – Қазақстан Республикасы Президентінің Ауғанстан бойынша арнайы өкілі, ҚР СІМ-нің Ерекше тапсырмалар жөніндегі елшісі Еркін Тұқымовқа жүктелді.Серік Жұманғарин Мемлекет басшысы көлік дәлізін дамыту, өзара сауда-экономикалық, гуманитарлық іс-қимыл бойынша нақты міндет қойғанын атап өтті. Бұл ретте ағымдағы қарқынды жұмыс ведомствоаралық үйлестіруді күшейтуді, бастамаларды неғұрлым терең пысықтауды талап етеді. Жұмыс тобының негізгі міндеті – біртұтас жүйелі тәсілді қалыптастырып, артық бюрократиялық рәсімдерді қысқарту. Ауғанстанмен ынтымақтастық барынша толық көлемде пайдаланылмай жатқаны атап өтілді. Жұмыс тобы бірыңғай келіссөз алаңына айналып, мәселелерді жедел шешуі тиіс.Отырыс барысында көлік және логистика, энергетика, денсаулық сақтау мен білім беру саласындағы өзара іс-қимыл перспективасы, сондай-ақ тау-кен металлургия саласындағы бірлескен жобаларды жүзеге асыру жайы қаралды. 2025 жылы Ауғанстанға екі рет гуманитарлық көмек көрсетілген. Соңғы бес жылдағы жеткізген жүктердің жалпы көлемі – 6,4 млрд теңге.Көлік вице-министрі Жәнібек Тайжанов жоспарлы режимде жүзеге асырылып жатқан Ауғанстан аумағы арқылы өтетін «Тургунди – Герат – Қандағар – Спин – Болдак» теміржол құрылысы жобасының (CASA) барысы туралы хабардар етті. Қазақстандық тарап БАӘ-нің Энергетика және инфрақұрылым министрлігіне үшжақты меморандум жобасын әзірлеп, жолдаған. Оған биыл ақпанда қол қою жоспарланып отыр. Сондай-ақ Пәкістан теміржол министрлігімен жекелей меморандумға қол қою пысықталуда. Пәкістан жағы ұсынылған маршрутты қолдайды.Ғылым және жоғары білім вице-министрі Гүлзат Көбенова қазіргі уақытта Қазақстанның 34 жоғары оқу орнында 610 ауған студенті білім алып жатқанын хабарлады. Қазіргі меморандум бойынша жыл сайын 30 білім беру гранты бөлінеді. Квотаны жылына 60 грантқа көбейту жайы қарастырылуда.Отырыс соңында Серік Жұманғарин ведомствоаралық жұмыс тобының жұмысын тұрақты етіп, оның отырысын тоқсан сайын өткізуді тапсырды.Ақпарат көзі : https://www.gov.kz/memleket/entities/economy/press/news/details/1150167?lang=kk

             Астана,  2026 жылғы 27 қаңтарда - Қазақстан Республикасы Қаржы министрлігі Мемлекеттік кірістер комитетінде КГД Төрағасы Жандос Дүйсембиевтің Қазақстан Республикасындағы Қырғыз Республикасының Төтенше және Өкілетті Елшісі Құдайберген Базарбаевпен жұмыс кездесуі өтті.Кездесу барысында тараптар кедендік және салықтық әкімшілендіру саласындағы екіжақты ынтымақтастықтың қазіргі жай-күйі мен даму перспективаларын, оның ішінде Еуразиялық экономикалық одақ аясындағы өзара іс-қимылды талқылады.           Қазақстан мен Қырғызстанды тарихи жақындыққа, өзара сенімге және стратегиялық әріптестікке негізделген берік бауырластық қатынастар байланыстыратыны атап өтілді. Тараптар өзара сауданы дамытуға, бизнес үшін рәсімдерді жеңілдетуге және екі ел арасындағы экономикалық байланыстарды нығайтуға бағытталған ынтымақтастықты одан әрі тереңдетудің маңыздылығын атап өтті.          Кездесу қорытындысы бойынша тараптар сындарлы диалогты жалғастыруға, практикалық өзара іс-қимылды кеңейтуге және кедендік әрі салықтық әкімшілендірудің заманауи әрі тиімді тетіктерін дамыту бойынша бірлескен жұмысқа дайын екендіктерін растады.Ақпарат көзі : https://www.gov.kz/memleket/entities/kgd/press/news/details/1150113?lang=kk

Алматы облысында Жұмысшы мамандықтары жылының қорытындысына арналған «ЖҰМЫСШЫ МАМАНДЫҒЫ – ТАБЫСТЫ ЕЛДІҢ ТІРЕГІ» атты салтанатты іс-шара өтті. Іс-шараның мақсаты – еңбек адамына құрмет көрсету, жұмысшы мамандықтарының беделін арттыру және кәсіби шеберлігімен, адал еңбегімен көзге түскен азаматтарды марапаттау.Бүгінде Алматы облысындағы әрбір бесінші оқушы жұмысшы мамандығын тұрақты жұмыспен қамтылу мен кәсіби дамудың саналы таңдауы ретінде қарастырады. Бұған ауқымды кәсіби бағдар беру бағдарламалары мен мектеп–колледж–еңбек нарығы арасындағы жүйелі байланыстың қалыптасуы ықпал етті.Іс-шараға Алматы облысының әкімі Марат Сұлтанғазиев, облыстық мәслихат депутаттары, білім беру ұйымдарының басшылары, колледж директорлары, еңбек ардагерлері, кәсіпкерлер, халықаралық грант иегері атанған студенттер, сондай-ақ WorldSkills Kazakhstan республикалық чемпионатының жүлдегерлері қатысты.Құттықтау сөз сөйлеген өңір басшысы еңбек адамына қолдау көрсету тақырыптық жыл аяқталғаннан кейін де өңірлік саясаттың басым бағыты болып қала беретінін атап өтті.«Білікті маман мен еңбекқор азамат экономиканың стратегиялық маңызы бар тірегі болып табылады. Сондықтан еңбек адамына қолдау жүйелі түрде жалғасын табады», – деді Марат Сұлтанғазиев.Өңірде бүгінде 41 колледж жұмыс істейді, онда шамамен 22 мың студент білім алуда. Кадр даярлау еңбек нарығының сұранысына бағытталған: 950 студент жұмыс берушілердің өтінімі бойынша оқиды, 60 оқушы аттестатымен қатар колледж дипломын қатар алуда. 19 колледж дуальды оқыту жүйесі бойынша 238 кәсіпорынмен ынтымақтастықта жұмыс жасайды, 23-тен астам компания колледждерге шефтік қамқорлық көрсетуде.«Гидротехникалық мелиорация», «Лифт шаруашылығы және эскалаторлар», «Қашықтықтан басқарылатын авиациялық жүйе», «Газбен қамтамасыз ету жабдықтары мен жүйелерін құрастыру және пайдалану», «Жиһаз өндірісі» сынды жаңа мамандықтар ашылды.Халықаралық ынтымақтастық та дамып келеді: 32 бірлескен іс-шараның нәтижесінде 35 студент пен 14 педагогты Қытай еліне тағылымдамадан өткізу жоспарлануда.Студенттердің әлеуметтік жағдайын жақсартуға ерекше көңіл бөлінуде. Қазіргі таңда облыста 16 жатақхана жұмыс жасайды, ал биыл жалпы құны 6 млрд теңге болатын, 711 орынға арналған тағы 4 жатақхананы пайдалануға беру көзделген.Жүргізіліп жатқан жұмыстың тиімділігі республикалық деңгейде де расталды: WorldSkills Kazakhstan X чемпионатында Алматы облысының өкілдері 12 жүлделі орынға ие болды.Іс-шара аясында марапаттау рәсімі өтті. Атап айтқанда:– «Қазақстан Республикасының білім беру ісінің құрметті қызметкері» төсбелгісімен 2 адам;– Алматы облысы әкімінің Құрмет грамотасымен 11 адам;– Алматы облысы әкімінің Алғыс хатымен 9 адам;– WorldSkills Kazakhstan чемпионатының 13 жүлдегер студенті марапатталды.Салтанатты жиын концерттік бағдарламамен қорытындыланды.Жұмысшы мамандықтары жылының қорытындысы еңбек адамына жасалған қолдаудың нақты нәтижелер беріп отырғанын және жұмысшы кәсіптердің Алматы облысы жастары үшін болашағы зор, сұранысқа ие таңдау екенін айқын көрсетті.Ақпарат көзі : https://www.gov.kz/memleket/entities/almobl/press/news/details/1150124?lang=kk

2026 жылғы 26 қаңтарда Қостанай қалалық мәслихатының төрағасы Арман Исмаиловтың жетекшілігімен қалалық мәслихаттың тұрақты комиссияларының бірлескен отырысы өтті.Отырыс барысында қала дамуының өзекті мәселелері, әлеуметтік-экономикалық көрсеткіштер, коммуналдық шаруашылықтың жай-күйі, сондай-ақ тұрғындардың өмір сүру сапасын арттыруға бағытталған бірқатар мәселелер қаралды. Тұрақты комиссия мүшелері күн тәртібіндегі мәселелер бойынша баяндамаларды тыңдап, ұсыныстар мен пікірлер алмасты.Сонымен қатар, жергілікті атқарушы органдардың атқарған жұмыстары туралы ақпараттар қаралып, алдағы кезеңге арналған жоспарлар талқыланды. Отырыс қорытындысы бойынша тиісті ұсыныстар мен ұсынымдар қабылданды.Ақпарат көзі : https://www.gov.kz/memleket/entities/kostanai-kalasy-akimat/press/news/details/1150130?lang=kk

№28 мекеме қызметкерлері: әділет майоры Миржан Кайыржанович Мендигалиев, әділет аға лейтенанты Максат Муратович Утегенов, әділет лейтенанты Ирина Валентиновна Галимова №17 мектептің оқушыларымен құқық бұзушылықтың алдын алу және заңға бағынатын мінез-құлықты қалыптастыру мақсатында профилактикалық әңгіме өткізді. Іс-шара барысында оқушыларға қоғамдағы заңның маңызы, құқықтық нормаларды сақтаудың қажеттілігі, сондай-ақ құқыққа қайшы әрекеттердің салдары түсіндірілді. Өз әрекеттері үшін жеке жауапкершілік пен өмірлік таңдаудың маңыздылығына ерекше назар аударылды. Кездесу аясында оқушыларға сотталған азаматтың бейнеүндеуі көрсетілді. Бейнеүндеуде ол өз өмір жолы, қылмысқа апарған себептер туралы айтып, жастарды еркіндікті бағалауға, заңды құрметтеуге, теріс ортадан аулақ болуға және өз қателіктерін қайталамауға шақырды. Аталған бейнежазба оқушылардың қызығушылығын тудырып, профилактикалық жұмыстың маңызды бөлігіне айналды. Қылмыстық-атқару жүйесі қызметкерлері мұндай кездесулер жасөспірімдерге құқық бұзушылықтың нақты салдарын көрсетуге және олардың өз әрекеттеріне саналы көзқарас қалыптастыруға ықпал ететінін атап өтті. Іс-шара соңында оқушылар өздерін қызықтырған сұрақтарын қойып, құқықтық мәселелер бойынша толық жауаптар алды. Өткізілген кездесу тәрбиелік және алдын алу бағытында өтіп, жас ұрпақтың құқықтық мәдениетін арттыруға бағытталды. #заңментәртіп #законипорядок   Ақпарат көзі : https://www.gov.kz/memleket/entities/duis-uralsk/press/news/details/1150095?lang=kk

Мемлекеттің біртұтастығы, Қазақстан аумағының тұтастығы, бөлінбейтіндігі және оған қол сұғылмаушылығы туралы норма өзгеріссіз қалады – Конституциялық комиссияҚазақстан Республикасының Конституциясына белгілі бір аумақтарға қаржы саласында арнайы құқықтық режим енгізу немесе «жылдам даму қалалары» деп аталатын қалаларды құру мүмкіндігін қарастыратын норманы енгізу ұсынылуда. Бұл туралы Конституциялық комиссияның төртінші отырысында Конституциялық Сот төрағасының орынбасары Бақыт Нұрмұханов мәлімдеді.Оның айтуынша, бұл Астанадағы Халықаралық қаржы орталығының қызметі және Алатау қаласын дамытуға қатысты. Аталған шаралар республиканың тиімді экономикалық дамуын қамтамасыз етуге бағытталған.Бұл ретте, Бақыт Нұрмұханов ұсынылып отырған норманы Конституцияның негізгі ережелерімен тығыз байланыста қарастыру қажеттігін атап өтті. Аталған ережелерге сәйкес елдің әкімшілік-аумақтық құрылымы тек қана конституциялық заңмен анықталады.«Мемлекеттің біртұтастығы, Қазақстан аумағының тұтастығы, бөлінбейтіндігі және оған қол сұғылмаушылығы туралы норма өзгеріссіз қалады», — деп атап өтті Конституциялық Сот төрағасының орынбасары.

Қазақстан экономикасының «қызып кету» ықтималдығы қаупін көрсететін Халықаралық валюта қорының бағалауы елде болып жатқан құрылымдық өзгерістерді ескере отырып, қосымша контекстті талап етеді. Негізгі макроэкономикалық көрсеткішті талдау экономиканың шамадан тыс артуда емес, дұрыс трансформация кезеңінде екендігін айқын көрсетеді.«Қызып кету» ұғымы ресурс тапшылығына әкелетін ықтимал мүмкіндіктен артық өсуді білдіреді. Қазіргі уақытта Қазақстанда мұндай белгі байқалмайды.2023 жылдан бастап жұмыссыздық деңгейі тұрақты, 4,6-4,7% деңгейінде. Жалақының өсу қарқыны ЖІӨ динамикасынан артта қалып отыр. Бұл қызып кеткен экономикаға тән емес.Нақты сектордың немесе тауар өндірісінің өсуі (2025 жылы 8,7%-ға) қызмет көрсету секторының өсуінен (5,3%-ға) айтарлықтай озып кетті. «Қызып кету» кезіндегі классикалық көрініс керісінше жүріп, қызметтер мен сатылмайтын секторлар нақты секторға қарағанда тез өспек.Қазақстанда қалпына келтіру және құрылымдық өсу байқалады. Өткен жылы экономиканың 6,5%-ға өсуі және 2026 жылы жоспарланған динамика 5,0%-дан кем емес деңгейде өндірістік қуаттың нақты артуымен, өндірістік және инфрақұрылымдық жобаларды іске асырумен нығайтылды. Бұл ұзақмерзімдік перспективада экономиканың сапалы өсу әлеуетін қалыптастырады.Бұл ретте 2025 және 2026 жылдардағы экономиканың негізгі драйвері мұнайға жатпайтын сала, атап айтқанда, өңдеу өнеркәсібі, ауыл шаруашылығы, құрылыс, логистика және ішкі сауда болып қала береді.2025 жылы өңдеу 6,4%-ға өсті. Ол машина жасау өндірісінің 12,9%-ға, оның ішінде автомобиль жасаудың 17,5%-ға, металл бұйымын өндірудің 13,6%-ға, тамақ өнімін өндірудің 8,1%-ға, химия өнеркәсібінің 9,8%-ға, сусынның 9,7%-ға, резеңке мен пластмасса өндірісінің 7,6%-ға ұлғаюы есебінен қамтамасыз етілді.Ортамерзімдік перспективадағы экономикалық саясатта сауда секторын дамытуға, өңдеу өнеркәсібін қолдауға, инфрақұрылымды дамытуға баса назар аударылады.Тау-кен өндіру секторы, атап айтқанда мұнай-газ секторы экономика өсуінің негізгі көзі ретінде қарастырылмайды. Өңдеудегі өсу тау-кен секторындағы өсуден едәуір асып түсуі ықтимал. Өңдеуші өнеркәсіпте инвестициялық жобаларды іске асыру мен жаңа өндірістерді енгізу есебінен өсу қарқыны 2026 жылғы 6,2%-дан 2028 жылы 6,6%-ға дейін артуы мүмкін.Экономиканы әртараптандырудың жалғасуы инвестицияны негізгі капиталға өңдеу өндірісі мен көлік-логистикалық кешеннің пайдасына қайта бөлумен қатар жүреді. Бұл экономиканы сыртқы күйзелістерге, энергия ресурсы бағасының өзгеруіне төзімді етеді.Инфляцияға келетін болсақ, өткен жылы Үкімет қабылдаған тарифтік саясатты түзету мен ӘМАТ бағасының өсуін тежеу шарасының арқасында 2025 жылғы қазаннан бастап, жылдық инфляцияны бәсеңдетудің нақты тренді байқалды (қыркүйекте 12,9%-дан желтоқсанда 12,3%-ға дейін). 2025 жылғы ең жоғары мәндерден кейін (қыркүйекте 12,9%) инфляция жоспарлы төмендеу кезеңіне өтті. Болжам бойынша, ағымдағы жылы инфляция деңгейі төмендей береді. Ағымдағы жылдың соңына қарай 9-11% таргеттелетін дәлізде қалыптасады.Биылғы жылғы маңызды дезинфляциялық фактор 2026 жылғы бюджет пен бюджеттік ережелерді, оның ішінде Ұлттық қордың трансфертін, бюджеттік шығыстың өсуі мен борыштың деңгейін қатаң сақтауға негізделген фискалдық саясат параметрі болмақ.2026 жылғы бюджетте Ұлттық қордан нысаналы трансферт тарту көзделмеген. Кепілдендірілген трансферт 2 770 млрд теңге мөлшерінде қатаң шектелген.2026-2028 жылдарға арналған республикалық бюджетке сәйкес мұнайға жатпайтын тапшылықты 2025 жылғы 7,3%-дан биыл ЖІӨ-ге 4,9%-ға төмендету жоспарланған.Осылайша, бүгінгі таңда қазақстандық экономика – өсуді ынталандыру мен макроэкономикалық тұрақтылықты қолдау арасындағы прагматикалық теңгерімнің мысалы. Ағымдағы динамика «қызып кетуді» емес, үдемелі құрылымдық трансформацияны көрсетеді: еліміз тек тұтынып қана қоймай, негізгі қаржылық көрсеткішті бақылап, бюджеттік тәртіптің белгіленген ережесін сақтай отырып, өз болашағына белсенді инвестиция салуда.Ақпарат көзі : https://www.gov.kz/memleket/entities/economy/press/news/details/1150049?lang=kk

Қазақстан Республикасы Сыртқы істер министрінің орынбасары Арман Исетов «Орталық Азия – Германия» форматы аға лауазымды тұлғаларының отырысына қатысты. Іс-шараға Германия, Қырғызстан, Тәжікстан, Түрікменстан және Өзбекстан СІМ басшылары қатысты.Отырысқа қатысушылар сауда-экономикалық, көлік, экологиялық және гуманитарлық салалардағы өңірлік қарым-қатынастардың жай-күйін және оларды одан ары күшейту әлеуетін нақты талқыға салды.А.Исетов өз сөзінде «Соңғы жылдары Орталық Азия елдері мен Германия арасындағы ынтымақтастық жаңа деңгейге көтерілді. Қазіргі уақытта орнықты даму мен елдердің өзара байланыстылығын арттыру шеңберіндегі ынтымақтастықтың жаңа бастамаларға арналған басым бағыттары айқындалды», – деп атап өтті.Отырыс соңында тараптар барлық өзекті мәселелер бойынша жұмыс қарым-қатынастарын жалғастыруға келісті.  Ақпарат көзі : https://www.gov.kz/memleket/entities/mfa/press/news/details/1150029?lang=kk

Әл-Кувейт, 2026 жылғы 28 қаңтар – Қазақстан Республикасының Кувейт Мемлекетіндегі Елшісі Ержан Елекеевтің Халықаралық валюта қорының Таяу Шығыс экономика және қаржы орталығының (IMF CEF) директоры Сами Бен Насермен кездесуі өтті.Кездесу барысында тараптар әлемдік экономикадағы ағымдағы үрдістер мен сын-қатерлер туралы пікір алмасты, сондай-ақ жаһандық тұрақсыздық жағдайында тұрақты экономикалық өсуді және азық-түлік қауіпсіздігін қамтамасыз етудің өзекті мәселелерін талқылады.Талқылау шеңберінде қазақстандық тарап агроөнеркәсіптік кешен, азық-түлік өнімдерін экспорттау және ауыл шаруашылығы тауарларын тұрақты жеткізуді қамтамасыз ету саласындағы елдің әлеуетін таныстырып, Қазақстанның азық-түлік қауіпсіздігі саласындағы сенімді әріптес ретіндегі өсіп келе жатқан рөлін атап өтті.Кувейтте азық-түлік қауіпсіздігі мәселелеріне және Қазақстан Республикасының Таяу Шығыс елдерінің, оның ішінде Кувейт Мемлекетінің азық-түлік тұрақтылығын қамтамасыз етуге қосатын үлесіне арналған бірлескен сараптамалық іс-шараны өткізу мүмкіндіктеріне ерекше назар аударылды.Тараптар ынтымақтастықты дамытуға, сараптамалық диалогты жалғастыруға және бейінді ведомстволар мен халықаралық ұйымдардың қатысуымен өзара іс-қимылдың ықтимал форматтарын пысықтауға өзара мүдделілік білдірді.Халықаралық валюта қорының Таяу Шығыс экономика және қаржы орталығы (IMF CEF) – Кувейтте орналасқан экономикалық саясат пен қаржылық басқару саласында 22 араб мемлекетіне қолдау көрсететін аймақтық орталық. Орталық экономикалық тұрақтылықты нығайтуға және өңір елдерінің институционалдық әлеуетін дамытуға ықпал ете отырып, оқытумен, тәжірибе алмасумен және сараптамалық қолдаумен айналысады.Ақпарат көзі : https://www.gov.kz/memleket/entities/mfa-kuveyt/press/news/details/1149988?lang=kk

21 января 2026 года подведены итоги первого этапа областного конкурса «Шаги в цифровой мир», в рамках которого были рассмотрены 49 работ конкурсантов. Учитывая установленные требования к оценкам творческих работ, были распределены следующие места: Растровая графика 1-3 класс II место – Киямова Есения КГУ «Общеобразовательная школа №3» (руководитель – Кореновский Ф.Н.)II место – Ибрагимов Алим Асхатович КГУ «Общеобразовательная школа №25» (руководитель – Бирюкова Н.А.)4-5 класс I место – Каширина Арина КГУ «Общеобразовательная школа №31» (руководитель – Оспанов Д.А.)II место – Лукинова Ангелина КГУ «Опорная школа (ресурсный центр) имени К.Сатпаева» (руководитель - Төлеутаева Ұ.Қ.)II место – Хуатбекқызы Кәмшәт КГУ «Общеобразовательная школа №2» (руководитель – Кинат К.)III место – Фархатқызы Ясин КГУ «Общеобразовательная школа №25» (руководитель – Бирюкова Н.А.) Векторная графика6-7 класс I место – Сапар Заңғар КГКП «Детско-юношеский центр «Жастар» (руководитель - Пак А.В.)III. Коллаж 1-4 класс II место – Супрунов Данил КГУ «Общеобразовательная школа №3» (руководитель – Кореновский Ф.Н.)5-8 класс I место – Мигулович Аделина КГУ «Общеобразовательная школа №16» (руководитель Жетписбаева А.К.)II место – Дорохов Вячеслав КГУ «Основная средняя школа №30» (руководитель – Оспанов Д.А.)II место – Назаров Виктор Витальевич КГУ «Опорная школа(ресурсный центр) №12» (руководитель – Пак А.В.)III место – Захаров Кирилл КГУ «Основная средняя школа №31» (руководитель – Оспанов Д.А.)III место – Бирюкова Ангелина Никитична КГУ «Общеобразовательная школа №25» (руководитель – Бирюкова Н.А.)III место – Булдабай Айдана КГУ «Общеобразовательная школа имени Жамбыла» (руководитель – Кинат К.)9-11 класс I место – Шторк Снежана Владиславовна КГУ «Основная средняя школа №34» (руководитель – Гумханова Н.В.)II место – Куаныш Кәусәр КГУ «Общеобразовательная школа №2» (руководитель – Кинат К.)III место – Ванюкова Ульяна Ильинична КГУ «Общеобразовательная школа №25» (руководитель – Бирюкова Н.А.)  Компьютерная анимация (мультипликация) созданная с помощью ИИ9-11 классI место – Казанцева Когершин Талгатовна КГУ «Опорная школа (ресурсный центр) имени Абая» (руководитель – Карташова С.И.)II место – Вахатова Анита КГУ «Общеобразовательная школа №2» (руководитель – Кинат К.)II место – Асылболат Ақжол КГУ «Опорная школа (ресурсный центр» имени А.Бокейхана» (руководитель – Хутбай Э.)III место – Винниченко Артем Вячеславович КГУ «Общеобразовательная школа №13» (руководитель – Аксенова О.С.)III место – Қасымшан Ақшуақ КГУ «Опорная школа (ресурсный центр» имени А.Бокейхана» (руководитель – Муратбек А.)III место – Карапиди Арина КГУ «Общеобразовательная школа №7» (руководитель – Казакова М.Н.) Графический дизайн 5-8 класс II место – ГорбачеваАлександра Викторовна КГУ «Общеобразовательная школа №13» (руководитель – Аксенова О.С.)III место – Туякбаева Айсана Куаншевна КГУ «Общеобразовательная школа №25» (руководитель – Бирюкова Н.А.)9-11класс II место – Райкова Яна Сергеевна КГУ «Опорная школа (ресурсный центр) №12» (руководитель – Пак А.В.) 3D графика(6-8 класс)II место – Вальчинский Илья Сергеевич КГУ «Опорная школа (ресурсный центр) №12» (руководитель – Пак А.В.) Создание изображений с помощью ИИ 6-8 классI место – Абаханов Давид Дарханович КГУ «Основная средняя школа №34» (руководитель – Гумханова Н.В.)II место – Тарабрина Наталья Николаевна КГУ «Основная средняя школа №32» (руководитель – Сазонов Н.А.)II место – Черноудова Арина Валерьевна КГУ «Общеобразовательная школа №6» (руководитель – Сазонов Н.А.)III место – Ветютнев Игорь Викторович КГУ «Опорная школа (ресурсный центр) №12» (руководитель – Пак А.В.)III место – Штранский Максим Евгеньевич и Дундукова Кира Витальевна КГУ «Общеобразовательная школа №20» (руководитель – Морозова К.В.)9-11 классI место – Кеңшілікұлы Мұхаммедәли КГУ «Общеобразовательная школа имени А.Байтурсынова» (руководитель – Абилгазина Ш.А.II место – Бейсемхан Батыржан КГУ «Общеобразовательная школа имени Жамбыла» (руководитель – Кинат К.)II место – Назаркин Никита Сергеевич КГУ «Опорная школа (ресурсный центр) №12» (руководитель – Пак А.В.)III место – Сапарбеков Ерназар КГУ «Опорная школа (ресурсный центр) имени К.Сатпаева» (руководитель - Төлеутаева Ұ.Қ.)III место – Манастырская Вероника Ивановна КГУ «Общеобразовательная школа №25» (руководитель – Бирюкова Н.А.)III место – Қадыр Аңсар КГУ «Общеобразовательная школа №16» (руководитель – Жетписбаева А.Н.)Желаем учащимся дальнейших побед! Ақпарат көзі : https://www.gov.kz/memleket/entities/edu-osakarovka/press/news/details/1149993?lang=kk

Әл-Кувейт, 2026 жылғы 28 қаңтар – Қазақстан Республикасының Кувейт Мемлекетіндегі Елшісі Ержан Елекеевтің Кувейттің Коммуникациялар және ақпараттық технологиялар саласындағы реттеу басқармасының (CITRA) төрағасы Халед Әл-Замельмен кездесуі өтті.Кездесу барысында тараптар цифрландыру, ақпараттық-коммуникациялық технологияларды, жасанды интеллектті, электрондық үкіметті және цифрлық мемлекеттік сервистерді дамыту саласындағы екіжақты ынтымақтастықтың ағымдағы жай-күйі мен перспективаларын талқылады.Қазақстан Елшісі Қазақстан Республикасындағы цифрлық трансформацияның басымдықтары, электрондық үкіметтің экожүйесін дамыту, сондай-ақ жасанды интеллект және «ақылды» технологиялар саласындағы ұлттық бастамалар туралы хабардар етті.Өз кезегінде, CITRA басшылығы қазақстандық тәжірибені зерделеуге және аталған бағыттар бойынша практикалық өзара іс-қимылды жолға қоюға қызығушылық білдірді.Тараптар а.ж. 4-5 ақпанында Кувейтте өтетін Цифрлық ынтымақтастық ұйымының (Digital Cooperation Organization) 5-ші Бас Ассамблеясы шеңберіндегі күш-жігерді үйлестірудің маңыздылығын атап өтіп, ынтымақтастықты одан әрі нығайтуға, сараптамалық тәжірибе алмасуға және цифрлық экономика саласындағы әріптестікті дамытуға өзара мүдделілікті растады.Ақпарат көзі : https://www.gov.kz/memleket/entities/mfa-kuveyt/press/news/details/1150000?lang=kk