Алматы облысы еліміздегі «Жасыл» энергетиканы дамыту бойынша көшбасшы өңірлердің бірі ретінде өз позициясын нығайтып келеді. Бүгінде өңірде жалпы қуаты 328,1 МВт болатын 23 жаңартылатын энергия көздері нысаны жұмыс істейді. Олардың қатарында – қуаты 25,78 МВт болатын 8 шағын су электр станциясы, 142 МВт-тық 9 жел электр станциясы және 160,365 МВт-тық 6 күн электр станциясы бар.Өңірдегі электр энергиясын орташа тұтыну көлемі 550–630 МВт аралығында. 2024 жылы бұл көрсеткіш 608,4 МВт-қа жетті. Оның 303,31 МВт-ы – облыс ішінде өндірілген, оның ішінде 62,36 МВт – жаңартылатын энергия көздерінің үлесі (Іле және Шарын өзендеріндегі ірі СЭС-терді есептемегенде). Қалған 305,09 МВт басқа өңірлерден сатып алынады.Жаңа жобалар мен инвестициялар2024 жылы Жамбыл ауданында қуаты 3 МВт болатын жаңа су электр станциясының құрылысы аяқталып, пайдалануға берілді. Жобаның инвестициялық көлемі – 1,9 млрд теңге, 5 тұрақты жұмыс орны ашылды.Сондай-ақ, биыл жаңартылатын энергия көздері нысандарын салуға арналған екі аукцион өткізілді. Қонаев қаласындағы қуаты 100 МВт болатын КЭС жобасы бойынша жеңімпаз ретінде «Дамона» ЖШС анықталып, құрылыс жұмыстары 2026 жылы аяқталады деп жоспарлануда. Жамбыл ауданында қуаты 20 МВт болатын ұқсас жобаны «Dala Solar» ЖШС жүзеге асырып жатыр – қазіргі таңда жобалық-сметалық құжаттама дайындалуда, нысан да 2026 жылы іске қосылады деп күтілуде.2025 жылға арналған Энергетика министрлігінің жоспарына Қонаев қаласында қуаты 40 МВт болатын екі КЭС салу бойынша тағы екі аукцион енгізілген.Инвесторлардың қызығушылығы және салалық кедергілер2023–2024 жылдары облыстық энергетика басқармасына жалпы қуаты шамамен 1400 МВт болатын жаңартылатын энергия көздері нысандарын салуға ниетті 20-ға жуық инвестордан өтінім түсті. Бұл жобалар бойынша күтілетін инвестиция көлемі – 1 триллион теңгеден асады.Алайда, жобалардың іске асырылуын тежейтін негізгі кедергілердің бірі – өндірілген электр энергиясын сатып алу кепілдігінің болмауы. Жергілікті атқарушы органдар мұндай кепілдік бере алмайды, бұл ірі инвесторлардың келуіне тосқауыл болып отыр.Энергетика министрлігінің аукциондық саудасы арқылы 2030 жылға дейін Алматы облысында іске асырылатын 14 жаңартылатын энергия көздері жобасы айқындалған. Бұл жобалардың жалпы қуаты – 184 МВт. Оның ішінде 100 МВт-тық бір күн электр станциясы, 9,4 МВт-тық екі биоэлектр станциясы және 74,9 МВт-тық он бір шағын су электр станциясы бар.- «Алматы облысы жаңартылатын энергия көздерін дамыту бойынша елеулі әлеуетке ие. Инвесторлардың жоғары қызығушылығын байқап отырмыз. Ендігі мақсатымыз – жобаларды жүзеге асыру үшін барынша ашық әрі болжамды жағдай жасау. Бүгінгі таңда тек өндіріс көлемін арттыру ғана емес, сонымен қатар ЖЭК-ті жалпы энергетикалық жүйеге тиімді интеграциялау үшін сенімді инфрақұрылым қалыптастыру маңызды», – деді Алматы облысының энергетика басқармасының басшысы Айдын Бегімбеков.Алматы облысында жаңартылатын энергетиканы дамыту – өңірдің орнықты болашағына қосылған үлес қана емес, сонымен қатар елдің энергетикалық қауіпсіздігін қамтамасыз етудегі маңызды фактор. Өңірдің әлеуеті зор, инвесторлардың қызығушылығы жоғары, ал әкімшілік кедергілер жойылған жағдайда Алматы облысы Қазақстандағы «таза» энергия өндірудің жетекші орталықтарының біріне айнала алады.Мемлекет тарапынан заңнамалық және тарифтік саясат деңгейінде дер кезінде көрсетілетін қолдау осы мүмкіндіктерді нақты энергетикалық және экономикалық жетістіктерге айналдырудың кілті болмақ.Ақпарат көзі : https://www.gov.kz/memleket/entities/almobl/press/news/details/996722?lang=kk

2025 жылғы 29 мамырда Астана қаласында «AI және креативті индустриялар дәуіріндегі зияткерлік меншік: сын-қатерлер мен мүмкіндіктер» тақырыбында панельдік сессия өтеді. Іс-шара Астана Халықаралық форумы аясында ұйымдастырылады.Форумның ресми ашылуы Қазақстан Республикасының Президенті – Қасым-Жомарт Кемелұлы Тоқаевтың төрағалығымен өтеді.Астана Халықаралық форумы — жаһандық өзекті мәселелерді шешуге бағытталған практикалық ұсыныстар әзірлеу мақсатында халықаралық ұйымдар мен академиялық мекемелердің өкілдерін, сондай-ақ жетекші халықаралық сарапшыларды біріктіретін алаң.Панельдік сессияда сөз сөйлейтін спикерлер:Қазақстан Республикасының Әділет министрі — Сарсембаев Ерлан Жақсылықұлы;Дүниежүзілік зияткерлік меншік ұйымының Бас директоры — Дарен Танг;Малайзия Парламенті Сенаты Төрағасының орынбасары — Мохамед Датук Нур Джазлан бин Тан Шри;Еуразиялық патент ведомствосының Президенті — Ивлиев Григорий Петрович;Еуразиялық экономикалық комиссияның Экономика және қаржы саясаты жөніндегі Алқа мүшесі (Министр) — Сұлтанов Бахыт Тұрлыханұлы;және басқа да мәртебелі қонақтар.Форумға қатысу үшін тіркеуден өту қажет: www.astanainternationalforum.orgБАЙЛАНЫС:Қазақстан Республикасы Әділет министрлігінің  баспасөз қызметіТелефон: +7 (7172) 74-06-21Электрондық пошта: a.lurova@adilet.gov.kzАқпарат көзі : https://www.gov.kz/memleket/entities/adilet/press/news/details/996698?lang=kk

Алматы облысында фермерлерды жеңілдетілген несиелеу бағдарламасы – «Кең дала 2»-ге қатысу үшін өтінімдер қабылдау басталды. Аймақта бұл бағдарламаны жүзеге асырушы оператор – «Қонаев» әлеуметтік-кәсіпкерлік корпорациясы» АҚ.Несиелеу бағдарламасы көктемгі егіс және күзгі жиын-терін жұмыстарын (КЕЖТЖ) жүргізуге ауыл шаруашылығы өндірушілерін қолдауға бағытталған. Жеңілдетілген қаржыландырудың мақсатты арналуы – егіс және жиын-терін жұмыстарын жүргізу үшін айналым қаражатын толықтыру.Несиелер 18 айға дейінгі мерзімге, жылдық 5 % жеңілдетілген мөлшерлемемен беріледі. Қарыз сомасы егістік алқаптың 1 гектарына шаққандағы шығын нормативтері негізінде жеке есептеледі.Бағдарлама шарттарына сәйкес несие қамсыздандыру ретінде:жылжымайтын мүлік;немесе «Даму» кәсіпкерлікті дамыту қорының қарыз сомасының 85 %-ына дейінгі кепілдігі қабылданады.Қарызды өтеу кестесі:негізгі қарыздың 50 %-ы – ауыл шаруашылығы жұмыстары жүргізілген жылдың 1 желтоқсанына дейін;қалған 50 %-ы – келесі жылдың 20 ақпанына дейін.Қарызды мерзімінен бұрын ішінара немесе толық өтеуге болады. Сыйақы сол мерзімдерде немесе несие комитетінің шешімімен жеке кесте бойынша төленеді.Қарыз алушыларға қойылатын негізгі талаптар:аграрлық салада кемінде 3 жылдық тәжірибе;егістік алқаптарының болуы (меншікте, жалға алу немесе бірлесіп пайдалану шарттары бойынша);соңғы 24 айда 180 күннен астам мерзімі өткен берешектің болмауы;соңғы есептілік бойынша оң қаржылық нәтиже;100 % кепілзат қамтамасыздығының болуы.Барлық қарыз қаражаты қаржыландыру жылының 1 тамызына дейін игерілуі тиіс.«Кең дала 2» бағдарламасы агроөнеркәсіптік кешенді мемлекеттік қолдау аясында жүзеге асырылып, фермерлердің қаржылық тұрақтылығын арттыруға, өнімділікті көтеруге және азық-түлік қауіпсіздігін қамтамасыз етуге бағытталған.Ақпарат көзі : https://www.gov.kz/memleket/entities/almobl/press/news/details/996408?lang=kk

Алматы облысының Талғар ауданында еліміздегі ең ауқымды индустриялық жобалардың бірі — «Қайрат» индустриялық аймағының кеңейтілген құрылысы басталды. Жоба Мемлекет басшысы Қасым-Жомарт Тоқаевтың жедел индустрияландыру, өңірлік өндірістік кластерлерді дамыту және тікелей инвестиция тарту жөніндегі тапсырмалары аясында іске асырылып жатыр.Жоба әлемдегі ең ірі құрылыс корпорацияларының бірі — China State Construction Engineering Corporation (CSCEC) компаниясымен бірлесіп жүзеге асырылуда. 177 гектар аумақта 20-дан астам жаңа өндіріс орындарын орналастыру жоспарланған. Жалпы инвестиция көлемі 1 миллиард АҚШ долларын құрайды. Бұл «Қайратты» елімізде мұндай көлемдегі қаржы мен кәсіпорынды бір мезгілде тартуға қол жеткізген бірегей индустриялық аймаққа айналдырып отыр.Жобаның басты ерекшелігі — ішкі инженерлік инфрақұрылым толықтай инвесторлар есебінен салынады. Ал сыртқы желілерді тарту облыс әкімдігінің міндетіне жатады. Бұл тәсіл мемлекеттік бюджетті айтарлықтай үнемдеуге мүмкіндік береді.China Construction компаниясының ресми өкілі Чэнь Сяоюнь: «Біз мамыр айында құрылыс жұмыстарына кірістік. Жоба аясында өндірістік нысандар, логистикалық және қоймалық кешендер, саябақтар, павильондар, дата-орталық, әкімшілік ғимараттар мен қонақүйлер салынады. Құрылысты үш жыл ішінде аяқтауды жоспарлап отырмыз. Инвестиция көлемі 1 миллиард доллардан асады, ал іске 20 компания тартылған», — деді ол.Жобаның негізгі бағыттарының бірі — Geely автоконцернінің қатысуымен машина жасау кластерін құру. Автомобиль компоненттері мен тораптарын жергілікті жерде өндіру жоспарланған. Бұл Қазақстандағы автокөлік өнеркәсібінің дамуына тың серпін береді.Алматы облысының әкімі Марат Сұлтанғазиев: «Қайрат» жобасы — Мемлекет басшысы айқындаған стратегиялық мақсаттарға толық сәйкес келеді. Біз заманауи индустриялық платформа қалыптастырып, жаңа жұмыс орындарын ашып, экспортты арттырып, тұрақты экономикалық өсімді қамтамасыз етудеміз. 1 миллиард долларлық инвестиция — жүйелі жұмыстың және халықаралық әріптестердің сенімінің нәтижесі», — деп атап өтті.Бүгінде «Қайрат» индустриялық аймағында бірнеше кәсіпорын табысты жұмыс істеп жатыр:•ТехноНИКОЛЬ Орталық Азия – жылу оқшаулағыш материалдар өндіреді;•Safa Industrial – құйма өнімдер шығарады;•QazMetProduct – метиз өнімдерін өндіреді;•SUNLONG – тау-кен саласына арналған компоненттер жасайды;•Hong Shun – сұйық шыны шығарады.Жалпы инвестиция көлемі 146,7 млрд теңгеден асып, 3600-ден астам жаңа жұмыс орны ашылды.Индустриялық аймақтың басшысы Ербол Шокаев: «Қайрат» — бұл жай ғана өндірістік алаң емес, толыққанды индустриялық экожүйе. Біз инвесторлар үшін жобаларды жедел іске асыруға барынша қолайлы жағдай жасап отырмыз. Әкімшілік кедергілерді азайтып, жан-жақты қолдау көрсетеміз», — деді.Жоба Алматы облысындағы жалпы көлемі 1786,7 гектарды құрайтын алты индустриялық аймақты дамыту бағдарламасы аясында іске асып жатыр. Сонымен қатар, 96,6 мың гектар аумақта орналасқан «Алатау» арнайы экономикалық аймағын дамыту жалғасуда. Мұнда 3,7 трлн теңге инвестиция тартылып, 34 мың жұмыс орны ашылады деп жоспарланған.Ақпарат көзі : https://www.gov.kz/memleket/entities/almobl/press/news/details/994544?lang=kk

Жазғы демалыс– әрбір оқушы асыға күтетін ерекше кезең. Балалардың бұл уақытты пайдалы, қауіпсіз әрі қызықты жағдайда өткізуі үшін 2025 жылы өңірде кең ауқымды жазғы демалыс пен сауықтыру науқаны ұйымдастырылады.Жалпы білім беретін мектептер жанынан тамақсыз жұмыс істейтін 408 жазғы алаң мен қосымша білім беру ұйымдары жанынан 30 алаң ашу жоспарланып отыр. Жазғы лагерьмен 295 410 бала қамтылады деп күтілуде. Бұл – былтырғы көрсеткіштен 23 мыңға көп. 2024 жылы 400 алаң жұмыс істеп, оларда 271 918 оқушы демалған болатын.Әлеуметтік осал топтағы балаларға ерекше көңіл бөлінеді. Әлеуметтік жағдайы төмен 128 566 оқушының 111 850-сі, яғни 87%-ы жазғы демалыспен қамтылады. Олардың қатарында жетім балалар, қорғаншылық пен қамқоршылықтағы балалар, мүмкіндігі шектеулі балалар, аз қамтылған және көпбалалы отбасылардан шыққан оқушылар, девиантты мінез-құлыққа бейім жасөспірімдер бар.Жазғы науқанға дайындық аясында лагерь басшылары, мемлекеттік және жекеменшік құрылымдардың өкілдері, сондай-ақ Кәсіпкерлер палатасының қатысуымен семинарлар өткізіледі. Жауапты тұлғаларға барлық нұсқаулықтар мен ұсыныстар жеткізілді.Биыл Қазақстан Республикасы Үкіметінің 2008 жылғы 25 қаңтардағы №64 қаулысына сәйкес міндетті білім беру қорынан бөлінетін қаржы есебінен облыстық бюджеттен жекелеген санаттағы балалардың жазғы демалысын ұйымдастыруға 282 млн 310 мың теңге бөлінді. Сонымен қатар, әрбір ата-ана баласын лагерьге өз қаражаты есебінен жібере алады. Өткен жылы мемлекеттік қаржыландырудың арқасында 1275 бала демалса, «Қазақстан халқына» қайырымдылық қорының қолдауымен тағы 2421 бала жазғы демалыспен қамтылды.Маусымдық лагерьлердің барлығы 1 маусымнан бастап жұмысын бастайды және 31 тамызға дейін жалғасады. Балаларға тамақтану ақылы негізде ұсынылады, егер олардың әлеуметтік санатына сәйкес өзгеше көзделмесе. Жазғы демалыстың маңызды бөлігі – мазмұнды іс-шаралар бағдарламасы болады: спорттық жарыстар, эстафеталар, шахмат және үстел ойындары бойынша турнирлер, шығармашылық байқаулар, шеберлік сабақтары, экскурсиялар, зияткерлік ойындар, квесттер, тақырыптық кештер, концерттер, театр қойылымдары мен би кештері ұйымдастырылады. Негізгі мақсат – балалардың белсенді, қауіпсіз және пайдалы демалысына қолайлы жағдай жасау.Ойын-сауық және танымдық іс-шаралар вожатыйлармен, қосымша білім беру педагогтерімен, сондай-ақ мәдениет, спорт, кітапхана, музей, медицина және құқық қорғау органдарының мамандарымен ұйымдастырылады. Лагерь бағдарламасы аясында балаларды экскурсияларға шығару жоспарланған: музейлер мен мәдени орталықтарға бару, табиғи көрнекі орындармен танысу, кәсіпорындар мен шаруа қожалықтарына сапарлар, фестивальдер мен жарыстарға қатысу. Барлық сапарлар қауіпсіздік талаптарын сақтай отырып, педагогтер мен медицина қызметкерлерінің ілесуімен өтеді, ал балаларды тасымалдау лицензиясы бар тасымалдаушылар арқылы жүзеге асырылады.Барлық лагерьлерде тәулік бойы медициналық қызмет көрсетіледі. Медициналық кабинеттер жабдықталып, фельдшер немесе медбике тұрақты негізде жұмыс істейді, санитарлық жағдай бақылауға алынып, алдын алу тексерістері жүргізіледі. Қажет болған жағдайда балалар шұғыл түрде медициналық мекемелерге жеткізіледі. Сонымен қатар, балалармен денсаулық, жеке гигиена және судағы қауіпсіздік мәселелері бойынша профилактикалық әңгімелер ұйымдастырылады.Балалардың қауіпсіздігі – әр лагерьдің басымдығы. Лагерь аумағында кіру-шығу тәртібі бақыланып, мүмкіндігінше бейнебақылау орнатылады, тәулік бойы күзет қызметі ұйымдастырылады. Өрт қауіпсіздігі, құқықбұзушылықтың алдын алу және төтенше жағдайлардың алдын алу бойынша нұсқаулықтар өткізіліп, санитарлық-эпидемиологиялық талаптар толық сақталады. Балалардың суға шомылуына тек арнайы жабдықталған жерлерде, құтқарушылар мен медицина қызметкерлерінің бақылауымен ғана рұқсат етіледі.Белсенді демалыстан бөлек, лагерьлерде білім беру және шығармашылық іс-шаралар да ұйымдастырылады. Зияткерлік викториналар, экологиялық тақырыптағы әңгімелер, көркем әдебиет оқу, қолданбалы өнермен айналысу, театр және музыкалық қойылымдар, шақырылған мамандармен дәрістер мен кездесулер – барлығы балалардың ой-өрісін кеңейтуге және қабілеттерін дамытуға бағытталған. Сабақтар ойын түрінде, балалардың жас ерекшелігі мен қызығушылықтарын ескере отырып өткізіледі, бұл өздерін көрсетуге тағы бір мүмкіндік береді.Осылайша, 2025 жылғы жазғы сауықтыру науқаны ондаған мың баланы қамтып, әрбір баланың демалысын тек қызықты ғана емес, пайдалы етуге мүмкіндік береді. Бұл – өскелең ұрпақтың денсаулығын нығайтуға, олардың шығармашылық және зияткерлік әлеуетін дамытуға қосылған маңызды үлес, ең бастысы – ел болашағына жасалған қамқорлық.Ақпарат көзі : https://www.gov.kz/memleket/entities/almobl/press/news/details/994219?lang=kk

ҚР VI жастар спорттық ойындарында елордалық Едіге Емберді күміс жүлдегер атанды, деп хабарлайды елорда әкімдігінің ресми сайты.Алматы қаласында ауыр атлетикадан VI Жастар спорттық ойындары басталды. Төрт жылда бір рет өтетін бұл ауқымды жарысқа еліміздің 17 өңірінен 212 спортшы қатысуда.Астана қаласының намысын қорғаған Едіге Емберді 81 келіге дейінгі салмақ дәрежесінде сынға түсіп, қоссайыс қорытындысы бойынша 334 кг (149+185) көтеріп, күміс жүлдеге ие болды.Жастар спорттық ойындарында елордалық тағы бір спортшы жарыс жолына шығады.Айта кетейік, VI Жастар спорттық ойындары 6 наурызға дейін жалғасады.Ақпарат көзі : https://www.gov.kz/memleket/entities/astana/press/news/details/950406

Қазақстан Республикасының Төтенше жағдайлар министрі генерал-майор Шыңғыс Әрінов еліміздің батысына барып, өңірдің көктемгі су тасқынына дайындығын тексеруде. Шыңғыс Әрінов су тасқыны қаупі бар учаскелерді аралап, өткен жылы су тасқыны тіркелген Орал қаласының бес ауданы мен жайылмалы аумақтарына ерекше назар аударды. Министр қарды шығару, мұзды босату үшін сулардың бетін бұрғылау, мұз кесу жұмыстары мен қамысты шабу сияқты су тасқынының алдын алуға бағытталған шаралармен танысты. Осы іс-шаралардың барлығы су деңгейін төмендетуге және су басу қаупін азайтуға бағытталған."Су тасқыны кезеңіне дайындық халықтың қауіпсіздігін қамтамасыз ету үшін барлық қызметтердің барынша жұмылдыра отырып, іс — қимылдарын үйлестіруді талап етеді", - деп атап өтті министр өзінің жұмыс сапары барысында. Ведомство басшысы жергілікті атқарушы органдардың өкілдерімен кездесіп, халықты қорғау және өңірдің су тасқыны кезеңіне дайындығын жақсарту үшін бірлесе қабылданып жатқан шараларды талқылады. Кездесу барысында туындаған проблемаларды тиімді шешу үшін әртүрлі мемлекеттік және жергілікті құрылымдар арасындағы өзара іс-қимылдың маңыздылығы атап өтілді. Шыңғыс Әрінов өңірдің төтенше жағдайлар департаментінің күштері мен құралдарының дайындығын, авариялық материалдар мен жабдықтардың резервтерін тексерді. Ол Жайық өзенінің маңындағы аудандар және Орал қаласындағы саяжай учаскелері сияқты елді мекендерді су тасқыны қаупінен қорғауға арналған қорғаныс инженерлік құрылыстарын аралады. Теректі ауданының Подстепное ауылындағы бөгетке ерекше назар аударылды, онда құрылыстарды нығайту үшін геокаркастар мен бетондалған беткейлер пайдаланылды. Елімізде су тасқынына қарсы жұмыстардың белсенді кезеңі жүріп жатыр. Өңірлерде өзен арналарын тазарту, қорғаныш бөгендерін нығайту, қар жамылғысы мен су деңгейін бақылау жалғасуда. Су басу қаупін азайту және елді мекендерді қорғау үшін алдын ала шараларға ерекше назар аударылады.Ақпарат көзі : https://www.gov.kz/memleket/entities/emer/press/news/details/951695

Біріккен Ұлттар Ұйымының Даму Бағдарламасы (БҰҰДБ) Қазақстанда ҚР Ауыл шаруашылығы министрлігі және ҚР Экология және табиғи ресурстар министрлігінің Орман шаруашылығы және жануарлар дүниесі комитетімен серіктестікте, сондай-ақ Жаһандық экологиялық қордың қаржылық қолдауымен, Солтүстік Қазақстандағы ауыл шаруашылығы өндірісінің тұрақтылығын дамыту және экожүйелерді сақтау бойынша жобаны іске асыруды бастады.Қазақстанда ауыл шаруашылығында пайдаланылатын жерлердің шамамен 75%-ы түрлі деградация түрлеріне ұшыраған. Олардың қатарында шөлейттену, тұздану, эрозия, жердің ұзақ мерзімді пайдаланылуынан тозуы және басқа да факторлар бар.Қазақстан Үкіметі бұл мәселелерді шешу үшін заңнаманы жетілдіруде. Жердің тозуы мәселелері Жер және Экологиялық кодекстерге енгізілген, сондай-ақ жерді қорғау және қалпына келтіруге бағытталған «Топырақты қорғау туралы» заң жобасында қарастырылған.«АӨК дамыту тұжырымдамасына сәйкес, 2030 жылға дейін еңбек өнімділігін арттыруға, өнімділікті ұлғайтуға, ауыл шаруашылығы техникасы мен тұқыммен қамтамасыз етуге, өңделген өнім үлесін көбейтуге және экспорт мәселелерін шешуге ерекше назар аударылады. Сонымен қатар, ауыл шаруашылығы алқаптарындағы эрозияға ұшыраған жерлердің көлемін азайту шаралары қарастырылуда», – деп атап өтті ҚР Ауыл шаруашылығы вице-министрі Ермек Кенжеханұлы.ҚР АШМ мен БҰҰДБ бірлескен жобасы аясында Ақмола, Қостанай, Солтүстік Қазақстан және Павлодар облыстарында тұрақты жер пайдалану әдістері мен тәжірибелері сыналады.«Жердің тозуымен күресу үшін экономикалық даму мен табиғи ресурстарды сақтаудың теңгерімін қамтамасыз ететін кешенді орнықты аумақтық жоспарлау қажет», – деді БҰҰДБ-ның Қазақстандағы Тұрақты өкілі Катаржина Вавьерния.Жоба аясында ауыл шаруашылығы өнімдерін тұрақты өндіруді, маңызды өндірістік-өткізу тізбектерін қолдау, жайылымдарды қалпына келтіру және аумақтық жоспарлауды оңтайландыру үшін агроэкологиялық ынталандырулар мен қаржылық құралдар енгізу жоспарланған.Жоба Қазақстанның жер ресурстарын қалпына келтіруге, орнықты ауыл шаруашылығының дамуына және ұзақ мерзімді экологиялық тұрақтылықты қамтамасыз етуге бағытталған.Ақпарат көзі : https://www.gov.kz/memleket/entities/moa/press/news/details/952045

Оқу-жаттығу 2025 жылғы 6-7 наурыз аралығында өтеді. Өңірдің азаматтық қорғау қызметтері мен мүдделі органдардың алдында су тасқынына байланысты көктемгі кезеңдегі төтенше жағдайлар кезіндегі іс-қимылдарды пысықтау міндеті тұр.ШҚО ТЖД дағдарыс орталығында авариялық-құтқару жұмыстарын жүргізу кезінде азаматтық қорғау қызметтерін басқаруды және өзара іс-қимылды қамтамасыз ететін штаб жедел түрде орналастырылды. Оқу-жаттығу барысында облыста құлақтандыру жүйесін тексеру және шұғыл ден қою жасағының дайындығын қарау жүргізілді. Жаттығудың практикалық бөлігі Самар ауданында өтті. Алдын ала ойластырылған оқиға бойынша, Лайлы су қоймасындағы шлюздің ақаулығына байланысты платина арқылы су тасқыны болды, Самар ауылын су басу қаупі туындады. "112" қызметіне тұрғындардан аула аумағы мен шаруашылық құрылыстарын су басу туралы қоңыраулар түсе бастады.ТЖ орнына полиция экипаждары келеді, олар дауыс зорайтқыш байланыстың көмегімен тұрғындарды алдағы эвакуация туралы хабардар етеді.ШҚО ТЖД құтқарушылары жоғары өтімді техникамен азаматтарды қауіпсіз аймаққа тасымалдайды, эвакуациялау үшін көлік қызметінің техникасы да жұмылдырылған. Азаматтарды зардап шеккен халықты қабылдау пункттеріне жеткізеді, онда медициналық қызмет тексеруді жүзеге асырады. Тамақтану және азаматтарды бірінші қажеттіліктегі тауарлармен қамтамасыз ету ұйымдастырылды. ТЖД психологтары зардап шеккен халыққа көмек көрсетеді. Қоғамдық тәртіп қызметі зардап шеккендерді орналастыру орындарының күзеті мен қауіпсіздігін қамтамасыз етті.Су басу аймағынан үй жануарларын қауіпсіз жерлерге жеткізеді.Коммуналдық қызметтер электр беру желілерін ажыратады, жағалауды нығайту жұмыстарын, қапшықтарды төсеуді жүзеге асырады. Арнайы жабдық суды су қоймасынан Ешкебай су қоймасына тасымалдау каналына жүргізеді. Оқу-жаттығудың екінші күні еліміздің басқа өңірлерінде зардап шеккендерге көмек көрсету үшін жіберілетін инженерлік техниканы тиеу пысықталатын болады. Ақпарат көзі : https://www.gov.kz/memleket/entities/akimvko/press/news/details/952249

Халықаралық әйелдер күніне орай су саласының 21 маманы мемлекеттік және ведомстволық наградалармен марапатталды.Мемлекет басшысы Қасым-Жомарт Тоқаев Жамбыл облысының «Қазсушар» филиалы «Шу» өндірістік бөлімшесінің инженері Тілеукүл Әбдірайымоваға «Құрмет» орденін табыстады.Президент атынан Су ресурстары және ирригация министрі Нұржан Нұржігітов «Қазсушар» кәсіпорынының Қ.Сәтбаев атындағы канал филиалының Павлодар пайдалану басқармасының инженер-гидрологы Татьяна Авдееваға «Құрмет» орденіін табыстады. «Құрмет» орденімен Қазақ су шаруашылығы ғылыми-зерттеу институтының бас экономисі Цой Роза марапатталды.«Ерен еңбегі үшін» медалімен «Қазсушар» кәсіпорынының «Оңтүстікауызсу» филиалы өндірістік бөлімінің басшысы Әлия Құлжабаева және Батыс Қазақстан филиалы «Камен» өндірістік учаскесінің зертхана меңгерушісі Светлана Түменова марапатталды.Бұдан бөлек, 4 қызметкер «Су шаруашылығының үздігі» төсбелгісімен, 12 маман Құрмет грамотасы және Алғыс хатпен марапатталды.Қазақстанда су саласында екі жарым мыңға жуық әйел жұмыс істейді. Оның ішінде 2258 адам «Қазсушар» кәсіпорнында, 142 маман Су ресурстары және ирригация министрлігі мен Комитеттерде және 119 әйел бассейндік инспекцияларда қызмет атқарады.«Су саласында еңбек етіп жүрген барша аруларымызды «Халықаралық әйелдер күнімен» шын жүректен құттықтаймын. Сіздерге қажырлы және адал еңбектеріңіз үшін алғыс айтамын. Қызметте де, жеке өмірде де мол табыс, зор денсаулық және бақыт тілеймін. Еліміздің су ресурстарын сақтау және қорғау бағытындағы ортақ мақсатқа сіздердің білім-тәжірибелеріңіз, күш-жігерсіз қол жеткізу мүмкін емес. Дәл осы ажарлы күнде гүлдей жайнап, ерекше құлпырып жүре беріңіздер. Отбасында жылылық пен махаббат ұялап, жақын адамдарыңыз әрдайым жаныңызда болсын», – деді Су ресурстары және ирригация министрі Нұржан Нұржігітов.Ақпарат көзі : https://www.gov.kz/memleket/entities/water/press/news/details/953193

Су ресурстары және ирригация министрлігінің қолдауымен Түркістан облысында «Бәйдібек ата» және «Қарақуыс» су қоймалары салынып жатырАқтөбе су қоймасын реконструкциялау аяқталдыБиыл 4 жаңа су қоймасының құрылысы басталады. Ақмола, Қалғұты (Жамбыл облысы), Қараөзек (Қызылорда облысы) және Үлкен Өзен (БҚО)Жеке инвестиция есебінен Жетісу облысында Покатилов су қоймасын салу мәселесі пысықталуда6 облыста 12 су қоймасын салу үшін жобалық-сметалық құжаттама әзірленіп жатыр (Ақмола, БҚО, Жетісу, Түркістан, Ақтөбе, ШҚО)Жыл соңына дейін топтық су құбырын салу бойынша 12 жоба аяқталады. Нәтижесінде 423 мың тұрғыны бар 153 ауыл сапалы ауызсумен қамтамасыз етіледі және 52 елді мекен орталықтандырылған сумен жабдықтау жүйесіне қосыладыСу ресурстары және ирригация министрлігі Ақтөбе облысындағы «Көкжиде» жерасты суы орнынан Атырау және Маңғыстау облыстарының елді мекендеріне дейін топтық су құбырын салу мүмкіндігін пысықтап жатырҚ.Сәтбаев атындағы каналдың 19 сусорғы агрегаты мен электр жабдықтарын ауыстыру жұмысы басталды. 17 трансформаторды жеткізуге келісімшарт жасалды, 9 бірлік жиынтықтаушы жабдық сатып алындыСу тасқынына дайындық аясында 74 гидротехникалық нысан жөнделді2024 жылы 84 гидротехникалық нысанға көп факторлы зерттеу жүргізілді. Биыл 105 коммуналдық және 29 республикалық нысан зерттеледіБылтыр 158 мың гектар жерде жаңбырлатып және тамшылатып суару, лазерлік тегістеу қолданылды. Бұл 30%-ға дейін су үнемдеуге мүмкіндік берді2024 жылы Министрлік суды заңсыз пайдаланудың 268 фактісін анықтады. Құқық бұзушылар жауапқа тартылдыӨткен жылы трансшекаралық су мәселелері бойынша 66 іс-шара өтті. Биыл 48 бірлескен комиссия отырысы жоспарланғанСу ресурстары және ирригация министрлігі су саласы мамандарының еңбекақысын 50%-ға дейін ұлғайту үшін жұмыс жасауда. Ведомство сушылардың айлығын электр және жылу энергетикасы салалары қызметкерлерінің жалақысы деңгейіне дейін сәйкестендіруге ниетті«Қазсушар» филиалдарының материалдық-техникалық базасын жаңарту мақсатында 150 бірлік арнайы техника сатып алынды16 облыста коммуналдық меншіктегі гидротехникалық құрылысжайларға жауапты мамандандырылған ұйымдар құрылып, олардың иелігіне 809 нысан берілдіҚызылорда облысында су бекеттерін реконструкциялау және жалпы ұзындығы 232 шақырым болатын 5 каналда суды есепке алудың автоматтандырылған жүйесін орнату жобасы іске асырылудаБұдан бөлек, жалпы ұзындығы 2600 шақырымнан асатын 16 магистральдық және шаруашылықаралық каналдарды автоматтандыру үшін жобалау-сметалық құжаттама әзірленуде. Түркістан облысында Қызылқұм магистральдық каналын автоматтандыру жоспарланып отырАқпарат көзі : https://www.gov.kz/memleket/entities/water/press/news/details/952984

Көкшетауда Қазақстан Республикасы Денсаулық сақтау вице-министрі Ержан Нұрлыбаев және Ақмола облысының әкімінің орынбасары Алтынай Әмренованың төрағалығымен босандыру қызметін жетілдіру мәселелері бойынша үйлестіру кеңесінің республикалық көшпелі отырысы өтті.Ақмола облысының денсаулық сақтау басқармасы басшысының орынбасары Елена Иванова облыстағы босандыру қызметін ұйымдастыру туралы баяндады. Ол 2024 жылы облыстағы перзентханаларға 90 бірлік құрал-жабдық сатып алынғанын атап өтті. 2024 жылдың тамыз айында «Бір күндік клиника» жобасы іске қосылды, онда жүкті әйелдер бір күн ішінде «бір терезе» принципі бойынша пренатальды диагностиканың барлық түрінен өтіп, тез әрі нақты тест нәтижелерін ала алады. Өткен мерзімде 1867 жүкті әйел акушер-гинекологтардың қарауынан өтті.Акушерлік көмекке кешенді көзқарасты қамтамасыз ету үшін 2025-2026 жылдарға арналған ана өлімін азайту жоспарының жобасы әзірленді. Ол тек мамандармен қамту мен жаңа құрал-жабдықтарды сатып алуды ғана емес, сонымен қатар акушерлік қызметте органдарды сақтау операциялары бойынша үздіксіз кәсіби біліктілігін арттыруды көздейді.Ержан Нұрлыбаев әйелдер денсаулығы – ұлт саулығы, адами ресурстардан бастап техникалық ресурстарға дейін әйелдер денсаулығын сақтау мен жақсарту мәселелерін шешуге, сондай-ақ профилактикалық шараларға бағытталуы керектігін атап өтті.Келген мамандар медициналық ұйымдарда жүкті әйелдерге көрсетілетін медициналық көмектің сапасына қатысты сұрақтар қойды. Инфекциялық қауіпсіздікті қамтамасыз ету жағдайы, сондай-ақ ана өлімін азайтудағы республикалық орталықтың рөлі талқыланды.Бүгінде 7300 ақмолалық әйел сәби күтуде.Денсаулық сақтау вице-министрі Көкшетауға сапары барысында перинаталдық орталықта болып, «Бір күндік клиника» консультативтік-диагностикалық бөлімшесінің қызметімен танысты; реанимация және жаңа туған нәрестелер патологиясы бөлімдері, сондай-ақ жағдай орталығының жұмысы. Басты назар тәуекелдерді азайтуға және халықтың медициналық көмектің уақтылы және сапалы көлеміне қанағаттануын арттыруға мүмкіндік беретін осы мониторинг жүйесін жетілдіру қажеттілігіне аударылды. Ақпарат көзі : https://www.gov.kz/memleket/entities/aqmola/press/news/details/953560

Сот жер учаскесінің жеке меншікке берілуін заңсыз деп танып, оны мемлекет меншігіне қайтарды.Жер учаскесі мұнай өңдеу зауытын қайта құру аясында мемлекеттік қажеттіліктер үшін алынуы жоспарланған болатын. Алайда, ҚР АШМ ЖРБК Шымкент қаласының Жер ресурстарын басқару департаментінің жоспардан тыс тексеруі ҚР Жер кодексінің 48-бабын бұзу арқылы жер учаскесі жеке меншікке берілгенін анықтады. Аталған бапқа сәйкес, жер учаскелерін мемлекет тарапынан беру тек бәсекелестік негізде, яғни аукциондар мен конкурстар арқылы жүзеге асырылуы тиіс.Бұл жағдайда жер учаскесі қажетті рәсімдер өткізілмей берілген, бұл заңнаманы тікелей бұзу болып табылады.Департаменттің талабын Шымкент қаласының мамандандырылған ауданаралық экономикалық соты қанағаттандырды. Шешім заңды күшіне енді.Уақытылы қабылданған шаралардың арқасында тек заңдылықты қалпына келтіріп қана қоймай, мемлекеттік бюджеттен 164,2 млн теңге көлемінде негізсіз шығындардың алдын алу мүмкін болды.Ақпарат көзі : https://www.gov.kz/memleket/entities/moa/press/news/details/954021

Сіздерді көктемнің жарқын мерекесі – Амал күнімен шын жүректен құттықтаймын!Көрісу күні – халқымыздың сан ғасырлық салт-дәстүрін дәріптейтін, береке мен бірлікті, мейірім мен ізгілікті ту еткен мейрам. Бұл күні адамдар бір-біріне жылы лебізін білдіріп, үлкенге құрмет, кішіге ізет көрсетеді.Алматы облысы – ынтымағы жарасқан, ырысы мол өңір. Ортақ шаңырағымыздағы татулық пен бірлік одан әрі нығайып, әр отбасыға құт-береке, бақ-дәулет әкелсін!Ұлыс оң болсын, ақ мол болсын! Ақпарат көзі : https://www.gov.kz/memleket/entities/almobl/press/news/details/956741

2025 жылды жұмысшы кәсіптер жылы деп жариялаған Қазақстан Республикасы Президентінің Жарлығын іске асыру шеңберінде Төтенше жағдайлар министрлігі әскери қызметшілерді қажетті мамандықтарға оқытуды жалғастыруда. Бауыржан Момышұлы атындағы 28237 әскери бөлімі, Ж. Жабаев атындағы кәсіптік колледжі және Мектепаралық оқу-өндірістік комбинаты арасында жасалған меморандум негізінде мерзімді әскери қызметшілер, аспазшы, автомеханик, слесарь, шаштараз, газ дәнекерлеуші, электрик сияқты мамандықтар бойынша оқудан өтеді. Мерзімді қызмет аяқталғаннан кейін әскери қызметшілер біліктілік туралы куәлік алады, бұл оларға мансаптарын сенімді құруға және қазіргі еңбек нарығының талаптарына бейімделуге мүмкіндік береді. «Біз жастарды әскери қызметке дайындап қана қоймаймыз, сондай-ақ оларға болашақ үшін берік негіз болатын білім мен дағдыларды үйретеміз. Бұл олардың армиядан кейінгі кәсіби қалыптасуы мен табысты өміріне қосылатын маңызды үлес», — деп төтенше жағдайлар министрі генерал-майор Шыңғыс Әрінов атап өтті. Қазақстан ТЖМ бастамасы жастарды қолдауға және жұмысшы кәсіптерінің беделін арттыруға, олардың одан әрі кәсіби өсуі мен өзін-өзі жүзеге асыруына жағдай жасауға бағытталған.Ақпарат көзі : https://www.gov.kz/memleket/entities/emer/press/news/details/956550

Шаңырақ күні жалпыұлттық Наурызнаманың онкүндігі аясында атап өтілді. Мереке отбасылық дәстүрлер мен құндылықтарды насихаттауға бағытталды. Бұл күні облыстық перинаталдық орталықта «Бесік тарту» атты ерекше іс-шара өтті, онда он жаңа туған нәрестелерге ұлттық өрнектермен бедерленген бесіктер тарту етілді. Денсаулық сақтау басқармасының басшысы Ерлан Сұлтангереев мереке қарсаңында нәрестелі болған аналарды құттықтап, жылы лебізін білдірді. «Бүгін біз жылулыққа, қамқорлыққа және ежелгі дәстүрлерімізге құрметпен қарайтын ерекше күнді атап өтудеміз. «Бесік тарту» акциясы арқылы сәбиге қамқорлық жасап, оның денсаулығы мен әл-ауқатына ерекше маңыз беретін ұлттық құндылықтардың бірін жандандырдық десек артық етпес.Мемлекет басшысы өз сөзінде дәстүрлерімізді сақтау мен дамытудың, отбасылық құндылықтарды нығайтудың және ана мен баланы қолдаудың маңыздылығын үнемі алға тартады. Соның негізінде өмірде өз жолын енді ғана бастаған – жаңа туған нәрестелер мен олардың аналары басты назарда. Бесік - бұл жай ғана құрал емес, әр үйдегі, әр отбасындағы бейбітшілік, жайлылық пен амандықтың символы іспеттес. Балаларыңыз сау, бақытты және сүйіспеншілікке бөленіп өссін. Үйлеріңізден сәбидің күлкісі кетпесін, ал дәстүрлер ұрпақтан-ұрпаққа жалғаса берсін», - деді Ерлан Сұлтангереев.Облыс бойынша Мемлекеттік басқару академиясы филиалының директоры Саида Сәдуақасова мен айтыскер ақын Жұлдыз Қожабекова да аналарға деген өз ізгі тілектерін жеткізді. Олар «Бесікке салу» дәстүрінің жай ғана салт емес, баланың денсаулығы мен ананың жан тыныштығына деген қамқорлықтың көрінісі екенін тілге тиек етті. Айта кету керек, облыста наурыздың 15-нен 16-сына қараған түні он бес бала дүниеге келді. Сәбилер мен аналардың денсаулығы қалыпты. Бақытты аналардың арасында 28 жастағы Айсара Қарамырза бар. Ол 16 наурызда таңғы сағат бесте үшінші сәбиін дүниеге әкелді.«Менің ұлым мен қызым бар, ал бүгін тағы бір батырдың анасы атандым. Екі үлкенім де бесікте өсті, өз басым оны дұрыс деп есептеймін. Бесікте жату сәби үшін өте ыңғайлы және жылы. Мұндай құнды сыйлық үшін алғысым шексіз», - деп қуанышымен бөлісті ол. Жас ана Інжу Жолдыбайқызы тұңғыш қызы Сафураны дүниеге әкелді. «Дәрігерлер мен акушерлерге рахмет, бәрі ойдағыдай өтті. Менің бірінші нәрестемнің дүниеге келуіне орай осындай сыйлық алу өте тамаша. Бұл қамқорлық пен қолдаудың көрінісі, мен бұл әдемі дәстүрдің біздің отбасымызда жалғасатынына қуаныштымын», - деді Інжу.Құттықтаулардан бөлек, жас аналарға денсаулық пен тәрбие тұрғысынан ежелгі дәстүрлердің пайдасы туралы кеңірек айтылды. Ұйымдастырушылар «Бесік тарту» халықтың бірлігін, жылуы мен қамқорлығын насихаттайтын игі дәстүрге айналатынына сенім білдірді. Шаңырақ күні мерекесі отбасы құндылықтарын, ата-баба мұрасын құрметтеуді және дәстүрлерге ұқыпты қараудың маңыздылығын тағы бір еске салды. Өйткені, берік шаңырақ - болашақ ұрпақ үшін мықты іргетас.Ақпарат көзі : https://www.gov.kz/memleket/entities/aktobe/press/news/details/957733

Су тасқынына дайындық аясында Қазақстан мен Ресей екі ел арасындағы барлық трансшекаралық өзендер бойынша күнделікті ақпарат алмаса бастады. Деректермен алмасу су тасқыны кезеңі аяқталғанға дейін жалғасады.Жыл басынан бері су тасқыны кезеңіндегі өзара іс-қимыл жөніндегі Қазақстан-Ресей бірлескен жұмыс тобының екі отырысы өтті. Кездесуде тараптар су қоймаларының белгіленген және жоспарланған жұмыс режимдері туралы дерек алмасты, сондай-ақ су қоймаларына су ағыны және трансшекаралық өзендердегі күтілетін су деңгейі бойынша болжамдармен бөлісті.«Қазіргі уақытта Қазақстанның өзендері мен су қоймаларындағы су деңгейіне тұрақты бақылау жүргізілуде, тәулік бойы кезекшілік ұйымдастырылды. Су қоймаларында тасқын суды қабылдау және қауіпсіз өткізу үшін бос сыйымдылықтар қамтамасыз етіледі. Ресей Федерациясының аумағы арқылы өтетін Ертіс пен Жайықты қоса алғанда 240 шақырым өзен арнасы тазартылды», - деді Су ресурстары және ирригация вице-министрі Нұрлан Алдамжаров.Ақпарат көзі : https://www.gov.kz/memleket/entities/water/press/news/details/959147

Алматы облысында Ұлы Отан соғысындағы Жеңістің 80 жылдығы кең көлемде аталып өтті.Алматы облысы аумағында тұратын соғыс ардагерлеріне ҚР Президенті Қасым-Жомарт Тоқаевтың атынан құттықтаулар келіп түсті. Жеңісті жақындатқан ардагерлерге атаулы күнге орай ыстық лебізге толы хаттар, естелік сыйлықтар және Жеңістің 80 жылдығына арналған мерекелік медальдар берілді. Бұл күнгі басты қуанышты жаңалықтың бірі - бейбіт өмір сыйлаған соғыс ардагерлеріне мемлекет тарапынан көрсетілген қамқорлық пен құрмет ретінде Қонаев қаласында салынған тұрғын үйлерден демеушілердің атынан баспана кілтінің табыс етілуі болды. Сонымен бірге, облыс әкімі Марат Сұлтанғазиевтің тапсырмасымен аймақта тұратын көзі тірі бес соғыс ардагеріне бес миллион теңгеден әлеуметтік көмек берілді. Жеңіс күніндегі салтанатты шара облыс орталығындағы "Даңқ" мемориалына гүл шоқтарын қоюдан басталды. Шараға облыс басшылығы мен әр деңгейдегі мәслихат депутаттары, ардагерлер ұйымы мен түрлі мекеме өкілдері қатысты.Салтанатты рәсімге соғыс ардагерлері арнайы көлікпен жеткізілді. Облыстық төтенше жағдайлар департаментінің оркестрі шараны музыкамен әрлеп, мереке көркін қыздырды. Шараға қатысқандардың арасында Екінші дүниежүзілік соғыс ардагерлері Солтанбай Жарықбасов пен Алым Кибиров та болды.Солтанбай ата шарада: "Жеңіс - біздің баршамызға ортақ тағылымды тарихымыз, біздің өміріміздің өзегі әрі даңқымыз, абырой-беделіміздің көрінісі!" - десе, ал А. Кибиров Жеңістің қадір-қасиетін кейінгі жас ұрпақ жадына тұтып, сезініп өссе деген тілегін жеткізді."Жеңістің 80 жылдық мерекесі тек ардагерлерге құрмет көрсетумен шектелмейді. Бұл күннің болашақ ұрпақ үшін де маңызы зор", - деді облыс әкімі.Мереке күні аймақ басшысы ардагер Оксана Бетебаеваға ҚР Президентінің атынан Құттықтау хат, естелікке сыйлық ұсынып, жаңа пәтер кілтін табыстады.Мерекелік іс-шаралар бүкіл облыстың бүкіл аймағын қамтыды. Облыс мұражайларында, кітапханаларда және Мәдениет үйлерінде көрмелер, еске алу кештері мен әдеби-танымдық кездесулер ұйымдастырылды.Мәселен, облыстық кітапханада қайсарлық пен батырлық тақырыбында игі шара өтсе, ал Қарасай ауданындағы "Атамекен" орталығында жиналған қауым Халық қаһарманы, генерал-полковник Сапарғали Тоқпақбаевтың тағылымды әңгімесін тыңдады.Жеңіс күнін мерекелеу 9 мамырмен шектелмесі анық. Облыс жастарының бастамасымен "80 жылға – 80 игі іс" акциясы қолға алынды. Бұл акция аясында 200-ден астам ардагерге көмек көрсетіледі. Еріктілер тыл еңбеккерлері мен жалғыз басты қариялардың шаңырақтарына бас сұғып, үй жинауға және ауласын абаттандыруға қол ұшын созуда. Мектеп оқушылары мен студенттер үшін де әскери бөлімдер мен шекара заставалары отаншылдық рухты көтеретін экскурсиялар өткізеді.Ал 10 мамыр күні Жеңістің 80 жылдығына орай "Ұлы дала жорығы" атты V халықаралық марафон өтеді. Ауқымды жарысқа 500-ден астам спортшы қатысып, 5 мың көрерменді қамтиды деп күтілуде. Сондай-ақ, Талғар ауданындағы Нұра ауылында бәйге өтіп, жарыста 100-ге жуық шабандоз өнер көрсетті. Жеңіс күніндегі игі шара Райымбек ауданы Талас ауылындағы соғыс ардагерлеріне арналған ескерткіштің ашылуымен түйінделді.Ақпарат көзі : https://www.gov.kz/memleket/entities/almobl/press/news/details/992664?lang=kk

2025 жылғы 1 мамырдағы жағдай бойынша 2024 жылдың 1 ақпанынан бастап "БЖЗҚ" АҚ (бұдан әрі – БЖЗҚ, Қор) 11,49 млн аса АҚШ долларына 97 615 өтініш орындады (өтініш берушілердің банктік шоттарына аудару үшін уәкілетті операторларға аударылды). Оның ішінде тұрғын үй жағдайларын жақсарту мақсатында 6,70 млн астам АҚШ долларына 56 937 өтініш, білім алу ақысын төлеу үшін шамамен 4,79 млн АҚШ долларына 40 678 өтініш орындалды. Естеріңізге сала кетейік, нысаналы жинақтарды алушы барлық соманы немесе оның бір бөлігін пайдалануға құқылы, ақшаның пайдаланылмаған қалдығы нысаналы жинақтау шотында (НЖШ) қала береді. Тұрғын үй жағдайларын жақсарту аясында қазақстандықтар қаржыларын көбінесе мынадай мақсатта пайдаланды: одан әрі жинақтау үшін тұрғын үй құрылысы жинақтарындағы салымды толықтыру (6,55 млн жуық АҚШ долларына 55 539 өтініш орындалды), тұрғын үй сатып алуға ипотекалық тұрғын үй қарызын алу үшін бастапқы жарнаны енгізу – шамамен 49,94 мың АҚШ долларына 442 өтініш, азаматтық-құқықтық мәмілелер бойынша меншікке тұрғын үй сатып алу (түпкілікті есеп айырысу) – 38,57 мыңнан аса АҚШ долларына 370 өтініш. Білім алу ақысын төлеу бойынша ең танымал қосалқы мақсаттар: Қазақстан Республикасының аумағында орналасқан білім ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе бір рет толық көлемде (бүкіл оқу мерзімі үшін) ақы төлеу (шамамен 4,24 млн АҚШ долларына 35 617 өтініш орындалды), білім алу үшін жинақтау салымы туралы шарт бойынша білім алу жинақтау салымын толықтыру (412,21 мыңнан аса АҚШ долларына 3 789 өтініш орындалды), шетелдік білім беру ұйымдарының оқыту қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеу (114,96 мыңнан аса АҚШ долларына 1 067 өтініш орындалды).           Нысаналы жинақтар төлемін тұрғын үй жағдайларын жақсарту және (немесе) білім алу ақысын төлеу мақсатында пайдалану бойынша уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады. Естеріңізге сала кетейік, "Ұлттық қор - балаларға" бағдарламасына сай Қазақстан Республикасы Ұлттық қорының инвестициялық кірісінің 50%-ы жылына бір рет 2006 жылы және одан кейін туған, Қазақстан Республикасының азаматы болып есептелетін балалар арасында бөлінеді. 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға ағымдағы жылы 3,04 АҚШ доллары мөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағы 100,52 АҚШ долларына тең болса, 2007 жылы туған баланың НЖШ-да 232,94  АҚШ доллары жинақталды. Кәмелетке толған азаматтар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы өз бетінше алуы тиіс, содан кейін уәкілетті операторға АҚШ долларында банктік шот ашып, тұрғын үй жағдайларын жақсарту және (немесе) білім алу ақысын төлеу үшін НЖ төлеміне онлайн-өтініш беру үшін жүгіне алады. kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен, қажетті нұсқаулықтармен танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OM  сілтемесі бойынша көруге болады.  БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/abay/press/news/details/992303?lang=kk

Алматы облысы Өңірлік коммункикациялар қызметі алаңында 2025 жылғы қаржыландыру мен жаңашылдықтар тақырып аясында «Әлеуметтік медициналық сақтандыру қоры» облыстық филиалының директоры Тілеухан Әбілдаев, Алматы облыстық денсаулық сақтау басқармасының басшысы Ержан Сүлейменов, Қонаев қалалық көпсалалы ауруханасы ота бөлімшесінің меңгерушісі, дәрігер хирург Айдос Қизатов қатысуымен баспасөз маслихаты өтті.2025 жылы Алматы облысының денсаулық сақтау саласына 135,7 млрд теңге көлемінде бюджет бөлінді. Оның ішінде 59,2 млрд теңге – Міндетті әлеуметтік медициналық сақтандыру (МӘМС) жүйесі аясында, ал 76,5 млрд теңге – Тегін медициналық көмектің кепілдік берілген көлемі (ТМККК) шеңберінде қарастырылған. Бюджет құрылымы өңірдегі медициналық инфрақұрылымды дамыту мен тұрғындардың денсаулығын қорғауға негізделген. 2024 жылы Алматы облысында 957 968 тұрғын алғашқы медициналық-санитариялық көмек аясында консультативтік-диагностикалық қызметтерді алған. Бұл қызметтерге 28,2 млрд теңге жұмсалды. Стационарлық көмекке – 34 млрд теңге, күндізгі стационарларға – 900 млн теңге бөлінді. МӘМС аясында ай сайын бірнеше миллион теңгеге дейін жететін жоғары технологиялы операциялар жүргізілуде, жалпы бұл қызметтерге 1,5 млрд теңге бағытталған. Сонымен қатар, медициналық оңалту қызметтеріне сұраныс артып, 2,8 млрд теңгеге қызмет көрсетілді. Амбулаториялық дәрілік қамтамасыз етуге 13,3 млрд теңге қарастырылып, 3,7 млрд теңгеге рецепттер берілді, – деді Тілеухан Әбілдаев.2025 жылғы 1 мамырдан бастап жедел медициналық көмек көрсету ережелерінің жаңа редакциясы күшіне енді. Өзгерістер ҚР Денсаулық сақтау министрінің 4 сәуірдегі №32 бұйрығына сәйкес енгізілді. Негізгі мақсат – медициналық көмектің жеделдігін, қауіпсіздігін және шалғай өңірлерде қолжетімділігін арттыру. Жаңа талаптарға сәйкес, 4-санаттағы шақыртуларды жұмыс уақытында АМСК мамандары орындайды, мобильді бригадалар бейнетіркегіштермен жабдықталады, ал келу уақыты нақты уақытпен шектелді: 1-санат бойынша – 10 минутқа дейін, – деп мәлімдеді Ержан Сүлейменов.2024 жылы еліміздің 20 өңірі бойынша 772 медициналық ұйым рейтингтік бағалауға қатысқан. Қонаев қалалық көпсалалы ауруханасы – Салидат Қайырбекова атындағы Ұлттық денсаулық сақтауды дамыту ғылыми орталығы жүргізілген рейтинг нәтижесінде өткен жылы ересектерге медициналық қызмет көрсету деңгейі бойынша 84 озық көпбейінді стационардың ішінде үздік үштікке енді.2024 жылы Қонаев қалалық көпбейінді ауруханасында 10 000-ға жуық науқас жоспарлы және шұғыл түрде, тәулік бойы және күндізгі стационар жағдайында міндетті әлеуметтік медициналық сақтандыру (МӘМС) аясында медициналық көмек алды.Аурухана заманауи құрал-жабдықтармен қамтылған. Науқастарға диагностика жасау барысында МРТ, КТ, УДЗ, стационарлық рентген-аппарат, маммография сияқты озық медициналық технологиялар қолданылады. Науқастарға ем-дом сырқат дәрежесіне сай жүргізіледі. Заманауи әдістердің арқасында науқастар отадан кейін аз уақыт ішінде қалыпты жағдайға келеді, - дейді Айдос Қизатов.Аталмыш медициналық ұйымда міндетті әлеуметтік медициналық сақтандыру (МӘМС) мен тегін медициналық көмектің кепілдік берілген көлемі (ТМККК) бойынша бастапқы гипертензия, жүрек гипертензиялық ауруы, ишемиялық кардиомиопатия, бел және омыртқаның басқа бөліктеріндегі диск зақымдануы радикулопатиямен, инсулинге тәуелсіз қант диабеті сияқты диагнозы бар науқастарға және травматология ортопедия, гинекология, жалпы хирургия бойынша түрлі дәрежедегі оталар жасалады.Ақпарат көзі : https://www.gov.kz/memleket/entities/almobl/press/news/details/991581?lang=kk