Бүгін Almaty Management University-де (AlmaU) қала құрылысы және өнеркәсіптік саясат мәселелеріне арналған «Think Tank» форматындағы сараптамалық кездесу өтті. Іс-шара ҚР Өнеркәсіп және құрылыс министрі Қанат Шарлапаевтың университетке сапары аясында ұйымдастырылды. Кездесуге Өнеркәсіп және құрылыс вице-министрі Жәннат Дүбірова және AlmaU Президенті Асылбек Қожахметов модераторлық етті.Талқылауға қалаларды жоспарлау, аумақтық даму, инфрақұрылым және құқықтық реттеу саласындағы жетекші мамандар, сондай-ақ бизнес-қоғамдастық пен білім беру мекемелерінің өкілдері қатысты. Пікірталас Қазақстандағы құрылыс саласын тұрақты дамыту үшін шешімдер іздеуге бағытталды.Сараптамалық кездесу алаңы ретінде AlmaU-ды таңдаудың себебі - Университет тұрақты дамудың негізгі мәселелері бойынша диалогқа бастамашы болып қана қоймай, білім беру, кәсіпкерлік және басқару салаларына озық тәсілдерді белсенді енгізіп келетін білім ордасы. AlmaU көп жыл бойы аумақтарды дамытуға, инфрақұрылымды жаңартуға және қалалық ортаның сапасын арттыруға бағытталған стратегияларды әзірлеу мақсатында үздік мамандар мен практиктерді біріктіре отырып, білім мен инновацияның экожүйесін қалыптастырып келеді.Кездесу барысында физика-математика ғылымдарының кандидаты, МҚБ бағдарламасының ғылыми жетекшісі Марат Мырзахмет «Қазақстанның жеделдетілген технологиялық әртараптандыру стратегиясын және жаңа өнеркәсіптік саясатын әзірлеу» тақырыбында және қала құрылысында стратегия мен үздік әлемдік тәжірибені ұсынған «Алматыгенплан» ҒЗИ бас директоры Асхат Садуов баяндама жасады. ҒЗИ басшысы қазақстандық қалаларды дамытуға инновациялық және тұрақты тәсілдерді енгізудің маңыздылығына назар аударды. Өз сөзінде ол инфрақұрылымдық объектілер мен тұрғын аудандарды үйлесімді интеграциялауға жаңа шешімдерді ұсынды, сондай-ақ әлемдік үрдістерді қазақстандық мегаполистердің бірегей ерекшеліктері мен қажеттіліктеріне бейімдеу қажеттігін атап өтті.Пікірталас барысында қатысушылар Қазақстандағы құрылыс саласы мен қала құрылысының алдында тұрған негізгі сын-қатерлерді қарастырды.Іс-шараға қатысушылар «Think tank» жұмысының нәтижелері бойынша өнеркәсіптік саясат пен қала құрылысы саласындағы нормативтік-құқықтық актілерді үйлестіру бойынша ұсынымдар әзірледі, сарапшылар қауымдастығымен өзара іс-қимылды жақсарту үшін шаралар ұсынды, сондай-ақ құрылыс пен аумақтық жоспарлауда құқықтық және экономикалық механизмдердің тиімділігін арттыру жолдарын талқылады.«Think tank» сараптамалық кездесуі Қазақстанның инфрақұрылымын тұрақты дамытуды және жаңартуды ілгерілетудегі, сондай-ақ құрылыс саласының өзекті мәселелерін шешудегі маңызды қадам болды. Ақпарат көзі : https://www.gov.kz/memleket/entities/mps/press/news/details/943832

Бүгін ҚР Өнеркәсіп және құрылыс министрі Қанат Шарлапаев Алматы қаласына жұмыс сапары аясында «HARMONY CABLE» ЖШС зауытында болды.Кәсіпорын «Алматы» индустриялық аймағында орналасқан. «HARMONY CABLE» ЖШС әртүрлі үлгідегі және өлшемдегі кабель және сым өнімдерін шығарады.Өндірістік қуаттылығы жылына 8,1 млрд теңгені құрайтын 21 600 млн метрге дейін электр сымдары мен әртүрлі үлгідегі кабельдерді құрайды.Ақпарат көзі : https://www.gov.kz/memleket/entities/mps/press/news/details/943834

Қанат Шарлапаев Алматы қаласында орналасқан «Astana Motors Manufacturing Kazakhstan» ЖШС өндірісімен танысты.Бұл жобалық қуаттылығы жылына 90 000 дана болатын мультибрендті автомобиль шығаратын зауыт. Аумақта дәнекерлеу және бояу цехтары, бөлшектер қоймасы және құрастыру цехтары бар.2025 жылдың бірінші тоқсанында пайдалануға беру жоспарланған. Зауыт Changan, Chery және Haval көліктерін шығаратын болады.Ақпарат көзі : https://www.gov.kz/memleket/entities/mps/press/news/details/943839

Мемлекет басшысының бастамасымен жүзеге асырылып жатқан «Таза Қазақстан» республикалық экологиялық іс-шарасы Сайрам ауданында қарқынды қолдау тауып келеді. Бүгінгі өткен шарада аймақтағы саябақтар, скверлер мен аллеялар аумақтарын абаттандыру, қоқыстардан тазарту жұмыстары белсенді жүргізілді. Елді мекендерде жүргізілген тазалық жұмыстарын аудан әкімінің орынбасары Сержан Дауылбайұлы қадағалап, қажетті тапсырмалар мен ұсыныстарын берді.– Тазалық - әр адамның жеке басынан, үйінің ауласынан басталады. Тазалық мәдениет қалыптасқан жағдайда ғана айналамызға қоқыс тасталмайды. Сондықтан қоғамдық мәдениетті қалыптастырайық- деді аудан тұрғыны Сұлтан Раев.Айта кетейік, «Таза Қазақстан» республикалық экологиялық іс-шарасына Сайрам ауданынан 1 мыңнан аса адам қатысып, көше бойларын, арық атыздарды, кәсіпорындар мен мемлекеттік мекемелердің аумақтарын күл- қоқыстардан тазартты. Жұмыс барысында 15 техника жұмылдырылып, полигон аумағына 5,6 тонна қатты тұрмыстық қатты қалдықтар тасымалданды.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/943824

Созақта «Таза Қазақстан» шарасы аясында жалпыаудандық тазалық жұмыстары ұйымдастырылды. Игі іс-шараға барлық мекемелер мен аудан тұрғындары белсене қатысып, тазалық шарасына қолдау көрсетті.Шара барысында саябақтар, ішкі көшелер және ауыл маңындағы сай-сала тұрмыстық қалдықтардан толықтай тазартылды. Сонымен қатар, арнайы техникалармен көше бойлары мен аяқжолдар да тазаланып, көркейту жұмыстары жүргізілді.- Тазалық жұмыстары біздің ауданда жүйелі атқарылып келеді. Республикалық экошара басталғалы барлық елдімекендерде тазалық шаралары бірнеше рет өтті. Қазір саябақтар, көше бойлары, қоғамдық орындар таза кейіпке енді. Бұл - қоғамның тазалыққа деген ынтасы деп білемін, - деді аудан тұрғыны Ғалымжан Ерланов.«Таза Қазақстан» бағдарламасы аясында ұйымдастырылған шараға 5 000-нан астам аудан тұрғыны мен 29 техника жұмылдырылды. Нәтижесінде 40 шақырым көше бойы және 22 шақырым аяқжол тазартылып, 140 тоннадан астам күл-қоқыс шығарылды.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/943826

Бүгін Түркістан қаласында «Таза Қазақстан» бағдарламасы аясында жалпықалалық тазалық шарасы өтті. Шара - қаланың экологиялық жағдайын жақсарту, тұрғындардың белсенді азаматтық ұстанымдарын дамыту және табиғатты қорғау мәдениетін қалыптастыру мақсатында ұйымдастырылған.Қаладағы тазалық жұмыстары таңғы сағат 9:00-ден басталып, оған қала тұрғындары мен түрлі ұйымдардан 1100 адам және 28 арнайы техника жұмылдырылды. Сенбілік барысында қаланың көшелері мен қоғамдық орындар, шет аймақтар қоқыстан тазартылды. Дәл қазіргі сәтте Шауғар тұрғын алқабындағы 45 көше бойында сенбілік өтіп жатыр.- Ауламыз бен ауылымызды таза ұстау - әрбір тұрғынның міндеті. Әр аула таза болса, ауыл таза болады. Ал ауыл таза болса, ауданның тазалығы. Аудан тұрғындарын денсаулық кепілі болған тазалықты сақтауға шақырамын, - деді шауғарлық тұрғын Фатима Құдайбергенова.Бұл бастама тек қаланың айналасын ғана емес, тұрғындардың экологиялық санасын да қалыптастыруға бағытталған. Алдағы уақытта қалада тазалық жұмыстары дәстүрлі түрде ұйымдастырылмақ.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/943827

Кентау қаласында ұйымдастырылған тазалық шарасына барлық мекеме қызметкерлері, тұрғындар мен жастар белсене атсалысты.Шара барысында 300-ге жуық адам көше бойларын, арық-атыздарды қоқыстардан тазартты. Жиналған қоқыс пен кесілген ағаштарды тасымалдауға 6 техника жұмылдырылды. Нәтижесінде 20 тонна қоқыс жиналып, полигонға шығарылды.-Қала тазалығын сақтау-әрбір тұрғын үй іргелік жерлерін күл-қоқыстардан тазартудан басталады. Шара тек бір күндік тазалықпен шектелу емес, қоғамды қоршаған ортаға жанашырлықпен қарауға, туған жерімізді таза әрі көрікті ұстауға шақырады,-деді қала тұрғыны Жанна Қазыбекова.Жалпы қала әкімі Жандос Тасов тазалық жұмыстарын ұдайы жүзеге асыруды тапсырған болатын. Бекітілген тапсырма барысында көпқабатты үйлердің аулаларын күтіп-ұстау шаралары тұрғындарға түсіндірілуде. Одан бөлек, қала тазалығын сақтауда белсенділікті арттыру қажеттілігі ескерілуде.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/943828

Түркістан өңірінде облыс әкімінің тапсырмасына сәйкес, кәсіпкерлікті мемлекеттік қолдау бағдарламаларын аудан, қалаларда кеңінен түсіндіру жұмыстарын жүргізу мақсатында жұмысшы топ құрылып, қарқынды жұмыс жүргізуде.Жұмысшы топ құрамы Облыстық кәсіпкерлік және өнеркәсіп басқармасы, ауыл шаруашылығы басқармасы, «Даму» кәсіпкерлікті дамыту қоры «Оңтүстік» АИО» ЖШС, «Ырыс» МҚҰ» ЖШС-ның басшылық құрамы қызметкерлерінен құралды.Негізгі мақсат – аудандарда кәсіпкерлерді қолдау шаралары бойынша түсіндіру жұмыстарын жүргізу.Қазіргі таңда, түсіндіру жұмыстары Мақтаарал, Жетісай, Шардара, Келес, Сарыағаш, Қазығұрт, Сауран, Ордабасы, Отырар аудандары мен Түркістан, Кентау, Арыс қаласында өтті. Онда аудан тұрғындары өздерін алаңдатқан сауалдарды жауапты мамандарға қойып ұтымды жауап алды, сондай-ақ кәсіпкерлікті дамытуға арналған мемлекеттік бағдарламалар мен қаржылай қолдау тетіктері таныстырылды.Түсіндіру жұмыстары қалған аудан, қалаларда да өткізіледі.Кәсіпкерлерге көрсетілетін қолдау шаралары:Мемлекеттік гранттар мен субсидиялар – жас және ісін жаңа бастаған кәсіпкерлерге қайтарымсыз қаржы алу мүмкіндігі.Жеңілдетілген несие беру – «Бизнестің жол картасы – 2025», «Қарапайым заттар экономикасы» бағдарламалары аясында төмен пайыздық мөлшерлемемен несие алу.Кепілдік беру және қаржылық қолдау – «Даму» қоры арқылы несие кепілдігін алу.Кәсіпкерлік негіздерін оқыту – «Bastau Business» жобасы арқылы бизнес-жоспар жасау және кәсіпті тиімді жүргізу бойынша білім алу.Инфрақұрылымдық қолдау – өндірістік аймақтар мен индустриалды парктерде жеңілдетілген шарттармен жұмыс істеу мүмкіндігі.Экспортты қолдау – сыртқы нарыққа шығуға көмек көрсету және логистика шығындарын субсидиялау.Жиын барысында кәсіпкерлер ауыл шаруашылығы, өңдеу өнеркәсібі, сауда және қызмет көрсету салаларындағы өзекті мәселелерін көтеріп, сала мамандарынан нақты жауап алды. Әсіресе, ауыл шаруашылығы кооперативтерін дамыту, мемлекеттік тапсырыстарға қатысу және жер телімдерін рәсімдеу тақырыптары қызу талқыланды.Кәсіпкерлер мен шаруалар үшін мұндай кездесулер бизнесті дамытуда маңызға ие. Басқарма өкілдері өңірдегі кәсіпкерлікті өркендету бағытындағы жұмыстары алдағы уақытта да жалғасатынын атап өтті.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/943569

Түркістанда ҚР Парламенті Сенатының қолдауымен, Қазақстанның шахмат федерациясының ұйымдастыруымен ірі шахмат турнирі – «Senat Open» ІІ Кубогы басталды.Осы шараны өткізу жөнінде Сенат Төрағасы Мәулен Әшімбаев бастама көтерген болатын. Қазақстан шахмат федерациясының президенті Тимур Турлов оның идеясына қолдау білдіріп, бұл сайыс жұртшылықты қызықтыра білді.Шахмат ойынын кеңінен насихаттау мақсатында ұйымдастырылған жарысты ҚР Парламенті сенатының депутаты Мұрат Қадырбек, облыс әкімінің орынбасары Ертай Алтаев, Түркістан облыстық мәслихатының депутаты Бекарыс Шойбеков және онлайн бейнеролик арқылы Қазақстан шахмат федерациясының президенті Тимур Турлов құттықтау сөз сөйлеп, ашып берді.Мемлекеттік қызметшілер, ардагерлер, мәслихат депутаттары, қоғамдық кеңестердің мүшелері мен БАҚ өкілдері келесі кезеңге өту үшін бақ сынасып жатыр.Жарыс үш кезеңнен тұрады. Алдымен іріктеу кезеңі өткізіледі. Екінші кезең жартылай финал болса, үшінші кезең, яғни, республикалық финалдық турнир өтеді.Кубок мемлекеттік құрылымдар мен жұртшылық арасында шахмат ойынын кеңінен таратуға, сондай-ақ аймақтар мен жергілікті өкілді органдар арасындағы байланысты нығайтуға бағытталған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/943573

Түркістан қаласында орналасқан «Мұз сарайына» Қытайдың Харбин қаласында өткен қысқы Азия ойындарының жеңімпазы және күміс жүлдегері Абзал Әжіғалиев келіп, Түркістан облысының қысқы спорт түрлерімен айналысатын жас спортшыларымен кездесіп, шеберлік сабағын өтті.Аталған шараға Түркістан облысы әкімінің орынбасары Ертай Алтаев қатысып, рухани шаһарға арнайы келіп, жас спортшылармен кездесіп жатқан Абзал Абайұлына алғыс білдірді.Қысқы Азия ойындарының жеңімпазы және күміс жүлдегерінің келуі аймақтың жас спортшылары үшін үлкен маңызға ие болды. Себебі, жас өрендер чемпионмен сұхбаттасып, жігерленеді. Абзал өңірде қысқы спорттың дамуына үлес қосып, жас спортшылармен шеберлік сабағын өткізді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/943581

Бүгін облыс әкімінің бірінші орынбасары Зұлпыхар Жолдасов өзі жетекшілік ететін салалар бойынша жергілікті тұрғындарды жеке қабылдады. Қабылдауға Түркістан және Кентау қалаларының, Сарыағаш ауданынының тұрғындары келді. Олардың көпшілігі баспана алу, тұрғын үй кезегіне тұру мәселелерін қозғады. Зұлпыхар Жолдасов тұрғын үй заң аясында кезек реттілігімен берілетінін түсіндіріп, мемлекет тарапынан 4 санат бойынша тұрғын үйлерді жалдау ақысының 50 пайызын субсидиялау тетіктері қарастырылғанын жеткізді. Тұрғын үй кезегі бойынша жауапты басқарма тарапынан тексеру жұмыстары жүргізілетін болды.Сонымен қатар сарыағаштық тұрғын өңірдегі туризм саласын дамыту бағытында ұсыныстарын жеткізіп, саяхатшыларға сапалы қызмет көрсету, көрсетілетін қызметтерді лицензиялау мәселесін ортаға салды. Алдағы уақытта Облыстық туризм басқармасы тарапынан демалыс аймақтарының басшыларына түсіндіру жұмыстары атқарылады.Одан бөлек, жер алу, қоғамдық көлік бағытын реттеу, көпқабатты тұрғын үйлердің сапасы, жылу жүйесіне тариф бағасының қымбаттауы, апатты үй сияқты мәселелер көтеріліп, ұсыныстар айтылды.Облыс әкімінің бірінші орынбасары жауапты тұлғаларға халықпен ашық диалог орната отырып жұмыс істеуді, көтерілген мәселелерді заң аясында шешуді тапсырды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/943583

Бүгін Сарыағаш ауданында Дәулет Серікбаев атындағы ШҚТУ ректорының гранты үшін «EKTU QUIZ» зияткерлік сайысы өтті.Аталған сайыстың мақсаты – дарынды жастарды анықтап, олардың білім деңгейін көтеру және жұмысшы мамандықтарына қызығушылықты арттыру.26 команда зияткерлік ойынның 5 кезеңінде білімдерін сынады. Жастардың зияткерлік әлеуетін арттырып, болашақ мамандарды қалыптастыруға бағытталған сайыс тартысты өтті.Біліктілікті анықтайтын сайыс нәтижесінде Алыбай батыр атындағы №14 мектебінің «Шабыт», №4 мамандандырылған мектеп-интернатының «Infinity» командасының қатысушылары жеңіске жетті.Тартысты ойын соңында жеңімпаздар анықталып, 10 оқушыға ШҚТУ ректорының грант сертификаттары табысталды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/943586

Төлеби ауданында күрделі жөндеу жұмыстары аяқталған «Жастар ресурстық орталығы» ғимаратының лентасы қиылып, салтанатты жағдайда ашылды.Орталық ғимаратының күрделі жөндеу жұмыстарын мердігер мекеме «Construction Group SAMRUK» ЖШС жүргізді. Құрылыс жұмыстары бюджет есебінен 142 млн. теңге қаржы жұмсалған. Жаңадан жаңартылған мекеменің ашылуына орай, «Лудомания – ғасыр дерті» тақырыбында форум өтті.Жиынға Түркістан облысы бойынша экономикалық тергеу департаментінің бастығы Ерболат Балғабаев арнайы қатысып, лудомания – бұл жай ғана әуесқойлық емес, бұл адам өмірін, отбасын және бүкіл қоғамды қирататын ауыр тәуелділік екенін атап өтті.Мемлекет басшысы Қасым-Жомарт Кемелұлы «Адал адам – адал еңбек – адал табыс» атты Ұлттық Құрылтайдың үшінші отырысында сөйлеген сөзінде «Лудомания сансыз қайғы – қасірет әкеледі, мыңдаған отбасына ойрандатып, көптеген адамдарды түрлі қылмыстарға итермелейді» деп атап өткен болатын.Тақырып аясында аудан әкімі Еркеғали Әлімқұлов, аудандық сот төрағасы Ғани Байарыстан, аудан прокуроры Дастан Мырзағали, ҚР Президенті жанындағы Парламентаризм институтының аға сарапшысы Шырынбек Оңғаров баяндама жасады.Басқосуда лудоманияның тек бір адамның мәселесі емес, бүкіл қоғамды қамтитын және біздің дереу назар аударып, шешім қабылдауымызды қажет ететін ауыр әлеуметтік проблема екені айтылып, жастарды құмар ойындардан аулақ болуға шақырды.Жиын қорытындысымен, жоғарғы сыныптан, арнаулы және жоғары оқу орындарында құқықтық, қаржылық сауаттылық бойынша білікті маманның дәріс беруін енгізуді сұранды. Сондай-ақ ҚР-ның 18 жасқа дейінгі азаматтарына және жалпы смартфон арқылы жылдам несие рәсімдеуді заң аясында тоқтатуды ұсынды. Халық пайдаланып отырған интернет желісіндегі шет мемлекеттердің қаржыландырып отырған түрлі ойын сауық бағдарламаларды мемлекеттік деңгейде сүзгіден өткізу, зерттеп зерделеу қажеттігі айтылды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/943590

Түркістан облысы, Ордабасы ауданында мемлекеттік грант алып, кәсіп ашқан тұрғындар саны артып келеді.2024 жылдың 2 легі бойынша өз бизнес-жоспарын сәтті қорғап, оң шешімін тапқан Ордабасы ауданы, Темірлан ауылының тұрғыны Әлия Әшімбекова үй іргелік жерінен іс ашып, кәсіппен айналысуда. Ол жергілікті тұрғындарды сапалы ұнмен, құнарлы жеммен қамтамасыз етіп келеді.Әлия Әшімбекованың отбасылық кәсіпкерлік бастамасы ауыл шаруашылығын дамытуға және өңірдің азық-түлік қауіпсіздігін арттыруға өз үлесін қосып отыр. Тәулігіне 3 тонна бидайды өңдеп, 1,5 тонна ақ ұн, 150-200 келі қара ұн және 900 келі жем өндіреді. Бұл өнімдер сапасымен және қолжетімді бағасымен ерекшеленіп, жергілікті нарықта сұранысқа ие.Кәсіпкер өнім сапасын одан әрі арттыру және өндіріс көлемін ұлғайту мақсатында заманауи технологияларды енгізуді жоспарлап отыр. Бұл қадам оның бизнесін өркендетіп қана қоймай, ауданның ауыл шаруашылығы секторын дамытуға серпін бермек.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/943594

Түркістан облысында жергілікті тұрғындардың жаңа бизнес-идеялар қолдау тауып, қайтарымсыз гранттар арқылы іске асырылуда. Мемлекет қолдауымен іс бастаған тұрғындар Бәйдібек ауданында да бар.Бәйдібек ауданы, Шаян ауылының тұрғыны Калдаш Туленов биыл мемлекеттік грантқа үміткер ретінде комиссия отырысында жобасын таныстырып, оң шешімін алды. Нәтижесінде, мемлекеттен 1 млн 476 800 теңге көлемінде қаржы алып, қайтарымсыз грант иегері атанды.Ол бөлінген қаржыға бөдене құсын сатып алып, құс шаруашылығын жолға қойған. Сапалы әрі қолжетімді құс өнімдері ауыл тұрғындары арасында үлкен сұранысқа ие. Кәсіпкер алдағы уақытта кәсібін кеңейтуді, құс санын көбейтуді жоспарлап отыр. Осылайша, 3 топтағы мүмкіндігі шектеуелі азамат іс бастап, көмекшісімен бірге кәсібін дөңгелетіп отыр.Айта кетейік, Бәйдібек ауданында Қазақстан Республикасының «Еңбек нарығын дамытудың 2024-2029 жылдарға арналған тұжырымдамасы» аясында жаңа бизнес-идеяларды іске асыруға гранттар беру қағидаларына сәйкес, 2024 жылы 1 және 2 легі бойынша грант алуға 180 азамат үміткер ретінде тіркелді. 73 азамат 1 476 800 теңге көлемінде қайтарымсыз грант ұтып алған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/943596

Республика бойынша көпбалалы аналардың төрттен бір бөлігі – Түркістан облысының тұрғындары. Оның ішінде, 117 927 адам – 18 жасқа дейінгі төрт және одан көп баласы бар аналар болса, «Батыр аналар» – 2 175, «Алтын алқа» иегерлері – 18 570, «Күміс алқа» иегерлері – 43 413, I және II дәрежелі «Ана даңқы» орденімен марапатталған аналар саны – 3 264.8 наурыз – Халықаралық әйелдер күніне арналған мерекелік іс-шаралар жоспарына сәйкес, өңір тұрғындарының әлеуметтік аз қамтылған бөлігін, көпбалалы және толық емес отбасыларға қаржылай және заттай қолдау көрсету жоспарланған.Мереке қарсаңында «Алтын алқа», «Күміс алқа» иегерлері, «Ардақты ана» атағын алған, сондай-ақ I және II дәрежелі «Ана даңқы» орденімен марапатталған көпбалалы аналарға бірреттік көмек қарастырылмақ. Аудандық және қалалық бюджет есебінен жалпы 63 мыңнан астам адамға 484,8 млн. теңгеге жуық қаржы қаралып, орташа есеппен 7864 теңгеден біржолғы материалдық көмек көрсетіледі.Айта кетейік, бүгінгі таңда облыс бойынша 31 933 адам немесе 5265 отбасы атаулы әлеуметтік көмек алады. Оның 62 пайызы немесе 3252-сі көпбалалы отбасы.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/943598

Мемлекет басшысы Қасым-Жомарт Тоқаев Түркістан өңіріне жасаған жұмыс сапарында халықпен кездесуінде Түркістан қаласына ерекше мәртебе беру бастамасын көтерген болатын. Осы бағытта нақты жұмыстар қолға алынды. «Түркістан қаласының ерекше мәртебесі туралы» заң жобасы ҚР Парламенті Мәжілісі мен Сенатынан қолдау тауып, бүгінгі таңда Мемлекет басшысына қол қоюға ұсынылды. Аталған заң жобасы 13 баптан тұрады. Түркістан облысының әкімі Нұралхан Көшеров арнайы мәжіліс өткізіп, осы маңызды заң жобасын тиімді пайдаланып, жүктелген міндеттерді сапалы орындау жолдарын, шаһарды дамыту жоспарларын талқылады. Жауапты басшыларға тиісті тапсырмалар берді.– Түркістан қаласының тарихи мәні өте жоғары екенін білесіздер. Әлемде қала көп, бірақ Түркістан қаласы жалғыз және орны айрықша. Сондықтан бұл заң жобасы шаһардың ғана емес, тұтас өңірдің дамуына серпін береді. Қаланың туристік әлеуетін көтеруге, инвестиция тартуға және қаланың тарихи-мәдени мұрасын сақтауға мүмкіндік туады. Заң жобасында көзделген нормативтік құқықтық актілерді сапалы әзірлеу мақсатында арнайы комиссия құру қажет. Бекітілген іс-шара жоспарын жоғары деңгейде өткізу бойынша тиісті шаралар қабылдауды тапсырамын. Туризм, мәдениет салалары бойынша ауқымды жоспар әзірлеңіздер. Қала әкімдігі мен басқармалар бірлесе жұмыс атқаруы тиіс. Тағы да іс-шаралар мен жоспарларды жүйелеп, толықтырыңыздар, – деді Нұралхан Көшеров.Түркістан облысы әкімі аппараты басшысының орынбасары Әділ Бектұрғанов пен Түркістан қаласының әкімі Әзімхан Пазылбекұлы заң жобасы мен заң жобасының іске асырылуы және өткізілетін іс-шаралар туралы баяндады.Заң жобасын әзірлеуге Түркістан қаласының түркі әлемінің рухани астанасы деп тануы, қаланың тарихи келбетін және оның аумағындағы 25 тарихи-мәдени ескерткішті сақтау қажеттілігі, Мемлекет басшысының өңірге жасаған жұмыс сапарындағы тапсырмасы негіз болған.Заң жобасының мақсаты – Түркістанды ҚР рухани, тарихи-мәдени, туристік орталығы және сәулет мұрасы ретінде дамыту және оның жұмыс істеуі үшін жағдай жасау. Қаланың тарих және мәдениет ескерткіштері мен тарихи-мәдени мұрасы объектілерін, оның ішінде Қожа Ахмет Ясауи кесенесінің қорғау аймақтарында орналасқан объектілерді басқарудың, сақтаудың және олардың бүтіндігін сақтап тұрудың тиімді жүйесін құру, тарихи-мәдени мұраны сақтау, дамыту, қайта жаңғырту және ұлттық қолөнерді дамыту. Жаңа құжат аясында Түркістанда археология ескерткіштерінің резерваты құрылады. Қожа Ахмет Ясауи мұрасы зерттеліп, кесенесінің маңындағы құрылыстар заңмен шектеледі. Бірегейлігі қорғалып, заңсыз ғимараттар салуға жол берілмейді. Шаһардың дизайн коды қалыптасады. Қолөнершілер шығындарының бір бөлігі бюджеттен өтеледі. Жалпы қалалық әкімдік пен мәслихатқа 44 құзірет беріледі. «Тарихи-мәдени мұраны қорғау, қалпына келтіру және пайдалану орталығы» КММ құру жоспарланған. Қала құрылысы кеңесі жасақталып, құрамына білікті мамандар енгізіледі. Халықаралық, республикалық және облыстық деңгейдегі мәдени, туристік және спорттық іс-шаралар ұйымдастырылады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/943725

Қарағанды индустриалды университетінде Alive экоклубы ашылды. Оның қатарында ғаламшарды тазартуға ұмтылған 50-ге жуық студент бар.Клубтың ашылуында эколог және «Отражение» ҚБ жетекшісі Елена Варганова тұрақты даму туралы дәріс оқып, тұрақты жоспарлауға арналған шеберлік дәрісін өткізді.– Әрине, клубқа кірген студенттердің идеялары мен жобалары көп. Мысалы, біздің ЖОО-да қоқысты бөлек жинау бұрыннан жұмыс істейді, ал химия және экология кафедрасында студенттер экологиялық таза сабын, кәмпиттер, жөтелге қарсы шәрбаттарды өздері дайындайды. Экоклуб осындай бастамаларды дамытуға және жаңаларын құруға көмектеседі, – деп есептейді ҚарИУ баспасөз хатшысы Лидия Пороховая.Alive экоклубының мүшелері ЖОО аумағын көгалдандыру бойынша бірнеше іс-шараларды жоспарлаған. Сондай-ақ, студенттерге автобустар мен автокөліктермен жүруден бас тарту ұсынылатын веложолдар салу да жоспарланған.КарИУ экоклубының мүшелері де бір реттік пластикті пайдаланудан бас тарту бағдарламасын белсенді түрде ілгерілетуде.– Университетте кофе-автоматтар бар, бірақ олардың жанында бір рет қолданылатын стакандар жоқ. Студенттер өз кеселерін, термостарын алып келеді. Буфетте пластикалық түтіктер, аспаптар, бір рет қолданылатын ыдыстар мен контейнерлер жоқ, – деді Лидия Пороховая.Ынта білдірушілер Экоклубқа кіріп, экоакциялар мен жобалар бойынша өз идеяларын ұсына алады.Ақпарат көзі : https://www.gov.kz/memleket/entities/karaganda/press/news/details/942371

Қарағанды облысында мемлекеттік қолдау мүгедектігі бар тұрғындарды жұмысқа орналастыру үшін мүмкіндіктер жасалуда. Есту қабілеті нашар тігінші Лидия Гонкина мамандығы бойынша жұмыс істейді. Ол егер ниетің болса, жұмысқа кедергі болмайды деп сенеді.Бір жыл бұрын Лидия «Дедал» тігін цехына мүгедектер үшін арнайы жұмыс орнына орналасқан.– Бұған дейін мен ательенің бірінде тігінші болып жұмыс істедім. Тапсырыстар біткенде, маған басқа орын іздеуге тура келді. Мансап орталығына бардым. Маған қалада немесе Майқұдықта жұмыс ұсынылды. Мен осы ауданда тұрғандықтан Пришахтинсктен орын тауып берулерін сұрадым. Маған жұмыс ұсынды, – дейді Лидия. – Біздің ұжымымыз керемет. Бәрі бір-біріне көмектеседі. Тіпті қыздар маған сәлем беріп, шай ішуге шақыру үшін ымдап сөйлесуді де үйренді.«Дедал» тігін цехы арнайы киім тігумен айналысады. Бұл кәсіпорындағы алғашқы арнайы жұмыс орны емес. Мүгедектігі бар қызметкерлердің қолайлылығы мен қауіпсіздігі үшін сыртқы және ішкі құлақтандыру жабдығы, соның ішінде сандық табло мен «ақылды» қол сағаттар орнатылған. Кәсіпорын – түрлі мемлекеттік бағдарламалардың тұрақты қатысушысы. «Дедал» мүгедектігі бар адамдар үшін тағы бір жұмыс орнын құруды жоспарлап отыр.Табысты еңбек интеграциясының тағы бір мысалы - Ардақ Ысқақова. ІІІ топ мүгедектігін алғаннан кейін оған жұмыстан кетуге тура келген. Сол кезде ол Еңбек ұтқырлығы орталығына жүгініп, оған мемлекеттік бағдарлама бойынша Rakhat-Med клиникасына әкімші болып жұмысқа орналасуға көмектескен. Медициналық ұйымның басшылығы арнайы пернетақтасы және қажетті бағдарламалық жасақтамасы бар компьютер сатып алды.– Жұмыс істей алатын мүмкіндігі шектеулі адамдарға Мансап орталығына жүгінуге кеңес беремін. Жұмыс бар, ол біздер үшін мүлдем қиын емес, – дейді Ардақ.Қарағанды облысының еңбек ұтқырлығы орталығының директоры Нұрлан Сыздықовтың айтуынша, кәсіпорындар мүмкіндігі шектеулі жандарды жұмысқа алуға ниетті. Бұған мемлекет жұмыс берушілерге субсидия төлей отырып ықпал етеді.– Өткен жылы Еңбек ұтқырлығы орталығы екі бағыт бойынша 13 арнайы жұмыс орнын құрды. Биыл мүгедектігі бар адамдарды үш санат бойынша жұмысқа орналастыру жоспарланған: есту, көру қабілеті бұзылған және тірек-қимыл аппаратында проблемалары бар адамдар, – деп түсіндірді Нұрлан Сыздықов. – Жұмыс берушінің басты міндеті – ерекше қажеттіліктері бар қызметкерлерге қолайлы жағдай жасау. Ал мемлекет өз тарапынан олардың ниеттерін қолдайды.Жұмыс берушіге арнайы жұмыс орындарын жабдықтау үшін құрылғылар сатып алу және орнату шығындары өтеледі. Сондай-ақ, мемлекет мүгедектігі бар адамдар жалақысының бір бөлігін өзіне алады. Субсидиялар ай сайын үш жыл бойы төленеді: бірінші жылы – жалақының 70%-ы (бірақ 30 АЕК-тен аспайтын), екінші жылы – жалақының 65%-ы, үшінші жылы – 60%-ы.11 жұмыс орнын ұйымдастыруға бес өтінім келіп түсті, олардың бір бөлігі мақұлданды. Бұл Қарағандыда пластикалық терезе жинаушылар үшін алты бос орын, Саранда бір түптеуші орны және Абай ауданында есту қабілеті нашар адамдар үшін буып-түю орны ашылды. Сондай-ақ Қарағандыда тірек-қимыл аппараты проблемалары бар адамдарға арналған маркетинг жөніндегі менеджердің бос орны мақұлданды.Облыста қазір 55 мың мүгедек адам тұрады, олардың 32 мыңнан астамы еңбекке жарамды жастағы адамдар. Бүгінгі таңда олардың үштен бірі өз бетінше немесе мансаптық орталықтардың көмегімен жұмыс тапты. Оларға барлығы 1200 мүмкіндігі шектеулі жан жүгінді. 700-не түрлі бағдарламалар мен бағыттар бойынша жұмыс орындары таңдалды. Ақпарат көзі : https://www.gov.kz/memleket/entities/karaganda/press/news/details/942852

Қарағандыда енді тек студенттік батон ғана емес, студенттік нан, бәліш, тіпті круассан да пісіріледі. Қарағанды тамақтану және сервис колледжінің базасында «Нан time» студенттік шағын наубайханасы ашылды.Шағын наубайхана Жұмысшы мамандықтар жылы және «Баршаға қолжетімді сапалы білім беру» ұлттық баяндамасын іске асыру шеңберінде құрылған оқу-өндірістік цех болып табылады.Шағын наубайхананың ашылуында ұстаздар нан, круассан және десерт дайындау бойынша шеберлік сабақтарын өткізді.Қазір онда «аспаз» және «кондитер-безендіруші» біліктіліктері бойынша студенттер қамырмен жұмыс жөніндегі модульдерді зерделеу кезінде айналысады. Алдағы уақытта «наубайшы» мамандығын ашу жоспарлануда. Енді бұл үшін білікті оқытушылар ғана емес, толық жабдықталған тәжірибелік кеңістік те бар.Наубайхананы құру үшін кәсіби жабдықтар сатып алынды: қамыр кесетін және қамыр жаятын машиналар, бу конвекторлық, ротациялық және табандық пештер, тоңазытқыш шкаф, стеллаждар және т. б.Колледж директорының оқу-өндірістік жұмыс жөніндегі орынбасары Диляра Апсалямова шағын наубайхана студенттерге кәсіби дағдыларын жетілдіріп қана қоймай, кәсіпкерлік негіздерін меңгеруге мүмкіндік беретінін атап өтті.– Біз студенттерді қамырмен жұмыс істеуді үйретіп қана қоймай, өз өнімдерімізді колледждің әлеуметтік серіктестері арқылы сатуды жоспарлап отырмыз, – деді Диляра Апсалямова. – «Нан time» сауда маркасымен Қарағанды дүкендеріне 58 нан-тоқаш өнімдері жеткізіледі. Олардың арасында түрлі қамыр, ашытқы және ашытқысыз нан, тәтті нан, круассан және көптеген дәмділер бар.Наубайхананың ашылуы колледждің мерейтойына орайластырылған. Оның құрылғанына 85 жыл болды. Ақпарат көзі : https://www.gov.kz/memleket/entities/karaganda/press/news/details/942853