Қостанай облысы «Таза Қазақстан» жалпыұлттық бағдарламасы аясында Қасым-Жомарт Тоқаев қатысуымен өткен ауқымды республикалық экологиялық акцияға телемост форматында қосылды. Бұл бастама елдің заманауи экологиялық күн тәртібін қалыптастырудың негізгі құралдарының бірі ретінде қарастырылуда.Тікелей қосылым барысында Мемлекет басшысы жобаның стратегиялық маңызын айқындап, оның қос бағыттылығын атап өтті — аумақтарды практикалық тұрғыда абаттандыру және қоғамда экологиялық мәдениетті қалыптастыру. Президенттің айтуынша, елді мекендерді көгалдандыру — ұлт денсаулығына және тұрақты болашаққа бағытталған ұзақ мерзімді инвестиция.Өңірдегі акцияның орталық алаңы Қостанай қаласындағы Триатлон-парк болды — бұл қалалық ортадағы тартымды нүктелердің бірі ретінде экологиялық бастаманың кең қоғамдық ауқым алуына мүмкіндік берді. Мұнда ағаш отырғызу жұмыстарына билік өкілдері, бизнес қауымдастығы, еріктілер қозғалысы және қала тұрғындары қатысты. Жұмыстарды облыс әкімі Құмар Ақсақалов басқарды. Қатысушылар қатарында өнеркәсіп секторының өкілдері, соның ішінде автомобиль және жеңіл өнеркәсіп кәсіпорындары, сондай-ақ ауыл шаруашылығы өндірушілері болды.«Президент тапсырмасы бойынша біз өңірде тек акция өткізумен шектелмей, жүйелі жұмыс жүргізіп келеміз. «Таза Қазақстан» біз үшін — нақты нәтиже: таза көшелер, жаңа ағаштар, абаттандырылған аулалар. Біз Қостанай облысының тұрғындары бұл өзгерістерді күн сайын көріп, өздері де осы үдерістің бір бөлігіне айналғанын қалаймыз», — деп атап өтті өңір басшысы.Облыс тұрғындары экологиялық бастамаларды қолдап, нақты өзгерістерді атап өтуде.«Қала шынымен де таза әрі жайлы болып келеді. Жұмыс бір реттік емес, тұрақты түрде жүргізіліп жатқанын көруге болады: жаңа ағаштар отырғызылып, аулалар абаттандырылуда. Біз де жасалып жатқан дүниеге ұқыпты қарауымыз керек», — деді Қостанай қаласының тұрғыны Дана Тоқжанова.Акцияның символдық әрі практикалық нәтижесі ретінде бір күннің ішінде шамамен 12 мың ағаш отырғызылды. Сонымен қатар өңір деңгейінде негізгі басымдық тек отырғызу көлеміне ғана емес, жасыл желектерге жүйелі күтім жасауды қамтамасыз етуге де беріліп отыр.Жалпы алғанда, өңірдегі экологиялық трансформация нақты нәтижелер көрсетуде. 2024–2025 жылдары салалық жобаларды іске асыруға 40,3 млрд теңге бағытталды. Осы кезеңде 400-ден астам қоғамдық кеңістік абаттандырылып, 250-ден астам балалар және спорт алаңы салынды, 600-ге жуық заңсыз қоқыс орындары жойылып, 1 250-ден астам апатты нысан бұзылды. Сонымен қатар 277 мыңға жуық ағаш отырғызылып, 1,3 мың гектар аумақ тазартылып, шамамен 50 мың тонна қалдық шығарылды.Сапалы қалалық ортаның маңызды элементі ретінде қоғамдық кеңістіктерді дамытуға ерекше назар аударылуда. Бүгінде өңірде 80 осындай нысан қалыптасқан, ал 2026 жылы тағы 25 жобаны іске асыру жоспарланып отыр. Соңғы үш жылда қосымша 94 парк пен сквер салынды, бұл тұрғындардың демалыс және бос уақыт инфрақұрылымын едәуір кеңейтті.Кешенді жаңғырту тұрғын үй қорын да қамтыды. Облыста 180 көпқабатты тұрғын үйдің шатыры мен қасбеті жөнделді. Алдағы жоспарларда тағы 77 мың көшет отырғызу, 63 тұрғын үйдің шатыры мен қасбетін жөндеу, 31 жаңа балалар және спорт алаңын орнату, сондай-ақ ескі тұрғын үйлерді бұзу жұмыстарын жалғастыру көзделген.Халық пен бизнестің жоғары белсенділігі қалыптасып келе жатқан экологиялық мәдениеттің тұрақтылығын көрсетеді: санитарлық іс-шараларға 105 мыңнан астам адам және шамамен 1,9 мың кәсіпорын қатысты.Осылайша, Қостанай облысында «Таза Қазақстан» бастамасын жүзеге асыру жекелеген акциялар шеңберінен шығып, аумақты дамытудың жүйелі тәсіліне айналуда. Бұл тек экологиялық өзгерістер ғана емес, сонымен қатар қалалық ортаны жаңғырту, өмір сапасын арттыру және өңірдің ұзақ мерзімді инвестициялық тартымдылығын нығайтуға бағытталған кешенді үрдіс.Ақпарат көзі : https://www.gov.kz/memleket/entities/kostanay/press/news/details/1208764?lang=kk

Доха, 2026 жылғы 26 сәуір – Қатар Мемлекетіне ресми сапары аясында Қазақстан Республикасының Сыртқы істер министрі Ермек Көшербаев Қатар Мемлекетінің Премьер-Министрі – Сыртқы істер министрі шейх Мұхаммед бен Абдулрахман Әл Танимен келіссөздер жүргізді.Кездесу барысында тараптар қазақ-қатар стратегиялық серіктестігінің қазіргі жай-күйі мен даму перспективаларын талқылап, саяси диалогтың одан әрі нығайтылуы, сауда-экономикалық және инвестициялық ынтымақтастықтың кеңейтілуі, сондай-ақ мәдени-гуманитарлық байланыстардың тереңдетілуіне ерекше назар аударды.Жоғары және биік деңгейлердегі белсенді саяси диалог екіжақты қатынастарды ілгерілету мен қол жеткізілген уағдаластықтарды дәйекті іске асыруда маңызды рөл атқаратыны аталып өтті.Инвестициялық ынтымақтастық мәселелеріне ерекше көңіл бөлінді. Тараптар энергетика, телекоммуникациялар, цифрлық технологиялар, ауыл шаруашылығы, көлік-логистика және өзара қызығушылық тудыратын өзге де басым салалардағы бірлескен жобалардың уақтылы әрі сапалы іске асырылуының маңыздылығын атап өтті.«Қатар Қазақстанның араб әлеміндегі жақын да сенімді әріптесі болып табылады. Біз қалыптасқан саяси диалог деңгейін, өзара сенім ахуалын және екіжақты қатынастардың стратегиялық сипатын жоғары бағалаймыз», – деп атап өтті Е.Көшербаев.Өз кезегінде, шейх Мұхаммед бен Абдулрахман Әл Тани Қазақстан мен Қатар арасындағы қатынастардың даму қарқынын жоғары бағалап, Доханың стратегиялық серіктестікті одан әрі нығайтуға және екіжақты ынтымақтастықтың негізгі бағыттары бойынша бірлескен бастамаларды ілгерілетуге деген бейілділігін растады.Мәдени-гуманитарлық ынтымақтастыққа да ерекше назар аударылды. Ағымдағы жылдың ақпан айында Қатарда өткен Қазақстанның мәдениеті күндері екі ел халықтары арасындағы түсіністікті нығайтуға және олардың өзара жақындасуына маңызды үлес қосқаны қанағаттанушылықпен аталып өтті.Келіссөздер барысында тараптар туристік ағындардың өскенін атап өтіп, Қазақстан мен Қатар арасындағы тікелей әуе қатынасын одан әрі дамыту маңыздылығына тоқталды.Халықаралық және өңірлік күн тәртібіндегі өзекті мәселелер бойынша, ең алдымен Таяу Шығыстағы ағымдағы жағдай контексінде мазмұнды пікір алмасу өтті. Е.Көшербаев Қазақстанның барлық қақтығыстарды халықаралық құқық қағидаттары мен БҰҰ Жарғысы негізінде тек саяси-дипломатиялық жолмен реттеу жөніндегі ұстанымының өзгермейтінін атап өтті.Осы тұрғыда Министр өңірде бейбітшілік пен тұрақтылықты қалпына келтіруге бағытталған бейбіт диалогты ілгерілету жөніндегі Катар басшылығының күш-жігерін Қазақстан тарапы құптайтынын атап өтті. Сондай-ақ Қазақстанның Түркістан қаласында бейбіт келіссөздер өткізу үшін алаң ұсынуға дайын екеніне назар аударды.Сұхбаттастар БҰҰ, ИЫҰ және АӨСШК сияқты халықаралық және өңірлік ұйымдар шеңберіндегі өзара іс-қимылды одан әрі үйлестірудің маңыздылығын атап өтіп, жаһандық және өңірлік күн тәртібінің негізгі мәселелері бойынша ұстанымдарының жақындығын растады.Кездесу қорытындысы бойынша тараптар қазақ-қатар көпқырлы ынтымақтастығын одан әрі нығайтуға, бірлескен жобаларды іске асыруға және екіжақты қатынастарға жаңа серпін беруге деген өзара мүдделілікті растады.Ақпарат көзі : https://www.gov.kz/memleket/entities/mfa/press/news/details/1208761?lang=kk

Алматы облысында Қазақстан Республикасының Президенті бастамасымен жүзеге асырылып жатқан «Таза Қазақстан» экологиялық бағдарламасы аясында ауқымды экологиялық іс-шара ұйымдастырылды. Күннің басты оқиғасы Бердібек Соқпақбаев атындағы Орталық саябақ аумағында өткен, Мемлекет басшысы Қасым-Жомарт Тоқаевтың қатысуымен өткен телекөпір болды.Тікелей эфир барысында еліміздің өңірлеріндегі экологиялық даму, көгалдандыру және абаттандыру, экологиялық күн тәртібін іске асыру, жануарларға қамқорлық көрсету, сондай-ақ азаматтарды тазалық мәдениеті мен қоршаған ортаға ұқыпты қарауға баулу мәселелері қаралды.Мемлекет басшысы өз сөзінде: «“Таза Қазақстан”, “Заң және тәртіп”, “Адал азамат” қағидаттары біртұтас құндылықтар жүйесін құрайды және қоғамдық өмірде берік орнығуы тиіс. Бұл бастамаларды кеңінен насихаттауға танымал және беделді азаматтарды белсенді тарту қажет. Ал осы идеяның негізгі насихатшылары – жастар. Экологиялық мәдениетті ерте жастан қалыптастыру маңызды. “Таза Қазақстан” халықтың өмір сапасы мен әл-ауқатын арттыруға бағытталған ұлттық идеяға айналуы тиіс», – деп атап өтті.Сондай-ақ Астанада «Таза Қазақстан» экологиялық акциясына белсене қатысқан азаматтарды марапаттау рәсімі өтті.Алматы облысындағы іс-шараға облыс әкімі Марат Сұлтанғазиев, мемлекеттік органдар өкілдері, мәслихат депутаттары, қоғам қайраткерлері, жастар ұйымдары, волонтерлер, бизнес өкілдері және облыс тұрғындары қатысты. Телемостты тамашалағаннан кейін қатысушылар ағаш отырғызу жұмыстарына кірісті. Акция аясында саябақ аумағына 100 түп жас көшет егілді.Облыс әкімі өз сөзінде экологиялық бастамалардың маңыздылығына тоқталды:«Бүгін экологиялық акция республика көлемінде өтті. Тазалық әр адамның өзінен басталады. Мемлекет басшысы атап өткендей, ниеті таза адам туған жеріне қиянат жасамайды. Көгалдандыру – халық денсаулығын жақсартуға, экологиялық ахуалды оңалтуға және келешек ұрпаққа қолайлы орта қалыптастыруға қосылған үлес. Мұндай акциялар тұрғындарды біріктіріп, қоршаған ортаға жауапкершілікті арттырады», – деді Марат Сұлтанғазиев.Сол күні Қонаев қаласында да ауқымды сенбілік ұйымдастырылды. «Алматы – Өскемен» тасжолы бойында санитарлық тазалау жұмыстары жүргізілді. Сонымен қатар «Әсемтас» пен «Жұлдыз» шағынаудандары арасында, әскери бөлімдер аумағында қосымша 1000 түп ағаш отырғызылды.Алматы облысында елді мекендерді көгалдандыру, аумақтарды абаттандыру және экологиялық мәдениетті қалыптастыру бағытындағы жүйелі жұмыс жалғасуда. Өткізілген сенбіліктер аясында өңір бойынша шамамен 40 мың адам қатысып, 19 мыңға жуық көшет отырғызылды, 300 гектар аумақ тазартылды. Барлығы 7 ауқымды сенбілік өткізіліп, нәтижесінде 2 мың тоннаға жуық қоқыс шығарылды. Экологиялық іс-шараларға 200 мыңнан астам тұрғын қатысты.Жалпы, «Таза Қазақстан» бағдарламасы аясында 2026 жылғы 28 ақпаннан 23 сәуір аралығында Алматы облысында 700-ге жуық іс-шара өткізіліп, оған 344 мыңнан астам адам қамтылды. Осы кезеңде 60 мыңға жуық ағаш отырғызылды.Өңірдің 2026–2030 жылдарға арналған көгалдандыру жоспарына сәйкес, жыл сайын шамамен 220 мың түп ағаш отырғызу көзделіп отыр.Елімізде өткен экологиялық акция тағы да бір мәрте табиғатты қорғау мен туған өлкені көркейту ісі әртүрлі буын мен кәсіп өкілдерін біріктіріп, болашақ ұрпақ үшін қолайлы әрі таза орта қалыптастыруға бағытталған жүйелі жұмыстың маңызды бөлігі екенін дәлелдеді.Ақпарат көзі : https://www.gov.kz/memleket/entities/almobl/press/news/details/1208566?lang=kk

Астана, 2026 жылғы 24 сәуір – Қазақстан Республикасы Сыртқы істер министрінің бірінші орынбасары Ержан Ашықбаев Қазақстанға Өңірлік экологиялық саммитке (ӨЭС) қатысу үшін келген БҰҰ-ның Қоршаған орта жөніндегі бағдарламасының (ЮНЕП) Еуропалық өңірлік кеңсесінің директоры Арнольд Крейлхуберді қабылдады.Е.Ашықбаев ЮНЕП өкілін саммит аясында ҚР Үкіметі мен Ұйым арасындағы стратегиялық серіктестік жөніндегі негіздемелік келісімге қол қойылуымен құттықтады. Аталған құжат  ұзақ мерзімді бірлескен бастамаларды іске асыру үшін институционалдық негіз қалыптастырады.Қазақстандық дипломат еліміздің орнықты даму, қоршаған ортаны қорғау және өңірлік өзара іс-қимылды нығайту салаларындағы дәйекті саясатты ұстанатынын атап өтіп, экологиялық күн тәртібін іске асыруға және экологиялық форумды өткізуге атсалысқаны үшін ЮНЕП-ке алғыс білдірді.Өз кезегінде, А.Крейлхубер келісім аясында ЮНЕП-тің Алматы қ. Орталық Азияға арналған субөңірлік кеңсесінің негізінде құрылғын Өңірлік экологиялық хабты Орталық Азиядағы күш-жігерді шоғырландыруға арналған платформа, сондай-ақ озық тәжірибе мен ғылыми сараптама орталығы ретінде қарастыратынын атап өтті.Кездесу қорытындысы бойынша тараптар Саммиттің қорытындылары мен қабылданған құжаттарды іс жүзінде іске асыру, сондай-ақ қоршаған ортаны қорғау және табиғи ресурстарды сақтау саласындағы екіжақты ынтымақтастықты одан әрі кеңейту бағытында тығыз өзара іс-қимылды жалғастыруға келісті.Ақпарат көзі : https://www.gov.kz/memleket/entities/mfa/press/news/details/1208482?lang=kk

23 сәуір, Астана – Қазақстан Республикасы Сыртқы істер министрлігінде «Орнықты дамуға бірлесіп қол жеткізу: Қазақстан Республикасы мен Германия Федеративтік Республикасының «жасыл» болашақ жолындағы стратегиялық серіктестігі» тақырыбында Берлин Еуразиялық клубының кезекті отырысы өтті. Іс-шара Өңірлік экологиялық саммит аясында екі елдің мемлекеттік органдары, іскер топтары мен халықаралық ұйымдарының қатысуымен ұйымдастырылды.Өз сөзінде Қазақстан Республикасы Сыртқы істер министрінің бірінші орынбасары Ержан Ашықбаев 2012 жылдан бері Берлин Еуразиялық клубы диалогтан нақты бірлескен жобаларды іске асыруға мүмкіндік беретін тиімді алаң ретінде өзін танытқанын атап өтті. Оның айтуынша, Қазақстан мен Германия арасындағы қатынастар сенімге, прагматизмге және ұзақ мерзімді мүдделердің үндестігіне негізделген стратегиялық серіктестік деңгейіне жетті. Германия Еуропа одағындағы Қазақстанның негізгі серіктестерінің бірі, ал Қазақстан Орталық Азиядағы өңірлік ынтымақтастықтың маңызды орталығы.Е.Ашықбаев климаттың өзгеруі жағдайында су экономикалық дамуға, азық-түлік қауіпсіздігіне және өңірлік қауіпсіздікке тікелей әсер ететін стратегиялық ресурсқа айналуда, әсіресе Орталық Азияда. Қазақстан су қауіпсіздігін мемлекеттік саясаттың басым бағыты ретінде қарастырып, тиісті министрлікті құру, инфрақұрылымды жаңғырту және цифрлық әрі су үнемдеу технологияларын енгізуді қоса алғанда, жүйелі шараларды жүзеге асыруда.Қазіргі уақытта Қазақстан БҰҰ аясында Халықаралық су ұйымын құру бастамасын ілгерілетіп, халықаралық әріптестердің қолдауына үміт артады. Осы тұрғыда оның ішінде «Орталық Азия – Германия» форматы мен «Green Central Asia» бастамасы шеңберінде өңірлік ынтымақтастықты нығайтудың маңыздылығы атап өтілді.Германия экономикасының Шығыс комитеті басқарма төрайымы Катрина Клаас-Мюльхойзер Қазақстанның реформалардың серпінін жоғары бағалап, су секторындағы ынтымақтастықтың перспективаларын атап өтті. Мысал ретінде инновациялар, цифрландыру және кадр даярлау алаңы болатын Kazakh-German Water Hub құру бастамасы аталды.Отырыс барысында тараптардың практикалық ынтымақтастықты тереңдету үшін елеулі әлеуетке ие екені, соның ішінде инфрақұрылымдық және экологиялық жобаларды бірлесіп іске асыру, ғылыми-зерттеу бастамаларын дамыту және өңірлік климаттық күн тәртібін нығайту мүмкіндігі айтылды.Екі панельдік сессия барысында қатысушылар азық-түлік қауіпсіздігі, су ресурстарын басқару, климаттық орнықтылық мәселелерін, сондай-ақ өңірлік қауіпсіздік пен экологиялық ынтымақтастықты нығайту құралы ретіндегі «Green Central Asia» бастамасын іске асыруды талқылады. Озық технологиялармен алмасуға және салааралық өзара іс-қимылды дамытуға ерекше назар аударылды.Отырыс қорытындысы бойынша Қазақстан Республикасы Экология және табиғи ресурстар министрлігі мен Германияның Қоршаған орта мәселелері жөніндегі тәуелсіз институты; Қазақстан Республикасы Су ресурстары және ирригация министрлігі мен Германияның Қоршаған орта мәселелері жөніндегі тәуелсіз институты; Су ресурстарын ақпараттық-талдау орталығы мен Германияның Қоршаған орта мәселелері жөніндегі тәуелсіз институты; сондай-ақ «Қазақстандық тұрғын үй-коммуналдық шаруашылығын жаңғырту және дамыту орталығы» АҚ, «German Water Partnership» Германия су қауымдастығы және «System S&P GmbH» компаниясы арасында ынтымақтастық туралы меморандумдарға қол қойылды.Ақпарат көзі : https://www.gov.kz/memleket/entities/mfa/press/news/details/1208489?lang=kk

Астана, 2026 жылғы 24 сәуір – Қазақстан Республикасы Сыртқы істер министрінің Бірінші орынбасары Ержан Ашықбаев БҰҰ Халықтың қоныстануы қорының (ЮНФПА) Шығыс Еуропа және Орталық Азия елдері бойынша өңірлік директоры Флоренс Бауэрмен кездесу өткізді.Кездесу барысында қазақстандық дипломат Ф.Бауэрге Өңірлік экологиялық саммитке қатысқаны үшін алғыс білдіріп, сондай-ақ ЮНФПА Өңірлік кеңсесінің қазақстандық бейінді мемлекеттік органдардың қатысуымен өткен Саммит аясындағы панельдік сессиялар мен іс-шараларды ұйымдастыруға белсенді қолдау көрсеткені үшін ризашылығын жеткізді.Ол экологиялық күн тәртібі мәселелері жаһандық климаттың өзгеруінен туындаған табиғи апаттар мен техногендік төтенше жағдайлар алдында аса осал болатын балалар мен жастардың денсаулығы мен әл-ауқатымен тікелей байланысты екенін назар аударды.Ф.Бауэр Саммит алаңында демографиялық орнықтылық, ана мен бала өлімі, климат өзгерісінің өңірдегі өлім-жітім көрсеткіштеріне әсері, сондай-ақ экологиялық күн тәртібіне белсенді тартылған жастар ұйымдарының әлеуетін арттыру мәселелері сияқты өзекті өңірлік тақырыптар талқыланғанын атап өтті.ЮНФПА өкілі Түркістан облысындағы Отбасын қолдау орталықтарының әлеуетін арттыру жөніндегі қазақстандық тәжірибе өзге өңірлерде де қолданылып жатқанын, ал Түрікменстан мен Қырғызстан қазақстандық орталықтар негізінде гендерлік зорлық-зомбылықтың алдын алу саласында тәжірибе алмасуға дайын екенін атап өтті.Кездесу қорытындысы бойынша тараптар жастардың репродуктивтік денсаулығы мен әл-ауқатын қамтамасыз ету мәселелері бойынша сындарлы диалогты жалғастыруға, сондай-ақ ЮНФПА-ның Орталық Азия елдері мен Ауғанстан үшін Алматы қаласындағы БҰҰ-ның Орнықты даму жөніндегі өңірлік орталығының негізінде қатысуын кеңейтуге келісті.Ақпарат көзі : https://www.gov.kz/memleket/entities/mfa/press/news/details/1208469?lang=kk

Астана, 2026 жылғы 24 сәуір – Қазақстан Республикасы Сыртқы істер министрінің бірінші орынбасары Ержан Ашықбаев ЮНИСЕФ-тің Еуропа және Орталық Азия елдері бойынша Өңірлік директордың орынбасары Октавиан Биволмен кездесу өткізді.Кездесу барысында қазақстандық дипломат О.Биволға Өңірлік экологиялық саммитке қатысқаны үшін алғыс білдіріп, сондай-ақ ЮНИСЕФ-тің Өңірлік кеңсесінің қазақстандық мемлекеттік органдардың қатысуымен өткен Саммиттің панельдік сессиялары мен іс-шараларын ұйымдастыруға белсенді қолдау көрсеткені үшін ризашылығын жеткізді.Ол экологиялық күн тәртібі мәселелері балалардың әл-ауқатымен тікелей байланысты екенін атап өтті, себебі балалар жаһандық климаттың өзгеруінен туындаған табиғи апаттар мен техногендік төтенше жағдайлар алдында ең осал топтардың бірі болып табылады.О.Бивол Саммит алаңы өңірлік экологиялық күн тәртібіне жаңа қырынан қарауға мүмкіндік беріп, өңірлік экологиялық ынтымақтастықтың ең өзекті мәселелері бойынша ұстанымдарды үйлестіруге жол ашқанын атап өтті.ЮНИСЕФ өкілі Саммит аясында білім беру бағдарламаларына экологиялық тәрбие қағидаттарын енгізуге, қоршаған ортаға ұқыпты әрі саналы көзқарасты қалыптастыруға және өскелең ұрпақтың табиғи ресурстарды ұтымды әрі үнемді пайдалану дағдыларын дамытуға негізделген «Жасыл мектеп» атты бірегей өңірлік жобаның бастау алғанын ерекше атап өтті.О.Бивол Қазақстан Үкіметі мен ЮНИСЕФ арасындағы 2026–2030 жылдарға арналған жаңа елдік ынтымақтастық бағдарламасы балалардың әл-ауқатын қамтамасыз ету және олардың құқықтарын қорғауға қатысты Қазақстанның негізгі ұлттық басымдықтарын көрсететінін айтты.Кездесу қорытындысы бойынша тараптар балалар құқықтары мәселелері бойынша сындарлы диалогты жалғастыруға және ЮНИСЕФ-тің Алматы қаласындағы Орталық Азия елдері мен Ауғанстанға арналған БҰҰ-ның Орнықты даму жөніндегі өңірлік орталығының негізінде қатысуын кеңейтуге келісті.  Ақпарат көзі : https://www.gov.kz/memleket/entities/mfa/press/news/details/1208461?lang=kk

Астана, 2026 жылғы 24 сәуір – Өңірлік экологиялық саммит аясында Қазақстан Республикасының Сыртқы істер министрі Ермек Көшербаев Біріккен Ұлттар Ұйымының Азық-түлік және ауыл шаруашылығы ұйымы (ФАО) Бас директорының орынбасары – Еуропа және Орталық Азия бойынша өңірлік өкілі Виорел Гуцумен кездесу өткізді.Кездесу барысында сыртқы саяси ведомствоның басшысы ФАО-ның Еуропа және Орталық Азия өңірінде орнықты экологиялық тәжірибелерді ілгерілетуге, азық-түлік қауіпсіздігін қамтамасыз етуге және табиғи ресурстарды ұтымды пайдалануға қосып отырған елеулі үлесін атап өтті.Е.Көшербаев Қазақстан мен ФАО арасындағы серіктестік бағдарламасы аясында бірлескен жобалардың табысты жүзеге асырылып жатқанын атап өтіп, ынтымақтастықты одан әрі кеңейтуге дайын екенін білдірді. Атап айтқанда, ауыл шаруашылығының климаттық орнықтылығын арттыру, экожүйелерді қорғау және өңірлік бастамаларды дамыту мәселелеріне басымдық берілетіні айтылды.Қазақстан тарапы ФАО ұсынымдары негізінде ұлттық сертификаттау стандарттарын әзірлеудің маңыздылығын атап өтті. Өз кезегінде В. Гуцу лецитин өндірісін дамыту және стандарттау мәселелерін қоса алғанда, жан-жақты әдіснамалық қолдау көрсетуге ФАО-ның дайын екенін жеткізді.Сондай-ақ, ФАО-ның Өңірлік экологиялық саммиттің негізгі серіктесі ретінде белсенді қатысуына және форум аясында бірқатар жоғары деңгейдегі іс-шараларды ұйымдастыруына ерекше назар аударылды.Тараптар өзара іс-қимылды одан әрі тереңдету мүмкіндіктерін, оның ішінде су ресурстарын тиімді басқару және жерді тұрақты пайдалану мәселелерін талқылады.Ақпарат көзі : https://www.gov.kz/memleket/entities/mfa/press/news/details/1208400?lang=kk

Бас прокуратураның Құқықтық статистика және арнайы есепке алу жөніндегі комитетінің Қоғамдық қауіпсіздік пен қылмыстық қауіп-қатерлерді болжау орталығы бұлттық сервистерді пайдаланушыларға бағытталған интернет-алаяқтықтың жаңа схемасы туралы ескертеді.Шетелдік дереккөздердің мәліметтері бойынша (https://www.theguardian.com/money/2026/apr/12/apple-icloud-storage-scam-emails, https://lenta.ru/news/2026/04/13/apple-scam/, https://www.obozrevatel.com/ekonomika-glavnaya/economy/moshenniki-atakuyut-vladeltsev-iphone-kak-dejstvuet-novaya-shema.htm) алаяқтар iPhone пайдаланушыларына iCloud бұлттық қойманың толып кеткені туралы жалған электрондық хаттар, SMS-хабарламалар және хабарландыруларды жаппай таратуда. Хабарламаларда аккаунттың бұғатталатыны және фотосуреттер, бейнелер мен құжаттардың жойылуы мүмкін екені көрсетіледі. Бұл хабарламалар бұлттық платформаларды қоса алғанда танымал сервистердің, ресми ескертулерін толықтай қайталайды, бұл олардың шынайы екеніне сенім тудырып, пайдаланушыны әрекет жасауға итермелейді. Шұғылдық әсерін күшейту үшін пайдаланушыларға сілтеме арқылы өтіп, сақтау көлемін ұлғайту, төлем деректерін жаңарту немесе қолжетімділікті қалпына келтіру ұсынылады. Сілтемені басқан кезде ықтимал құрбандар түпнұсқа сервистерді көшіретін фишингтік сайтқа түседі, онда енгізілген логиндер, құпиясөздер және банк деректері киберқылмыскерлердің қолына түседі.Осындай жолмен түрлі бұлтты сақтау сервистері (Google Drive, Mail.ru бұлты, Яндекс Диск және т.б.) туралы хабарламалар жіберілуі мүмкін.Қауіп-қатердің осы түрі тарала бастағанын ескере отырып, ескере отырып, мыналар ұсынылады:• SMS, электрондық пошта және мессенджерлердегі «шұғыл» хабарламалардағы сілтемелерге өтпеу;• бұлттық қойманың жағдайын тек ресми қосымшалар немесе сайттар арқылы тексеру;• бөгде парақшаларда логиндер, құпиясөздер және банк деректерін енгізбеу;• барлық бұлттық және пошталық аккаунттарда екі факторлы аутентификацияны қосу;• әртүрлі сервистер үшін бірегей және күрделі парольдерді пайдалану;• бұзып кіру күдігі болған жағдайда дереу құпия сөзді ауыстырып, барлық белсенді сессияларды аяқтау қажет.Сақ болыңыз: деректердің жойылуы немесе аккаунттың бұғатталуы туралы кез келген хабарламаны тек ресми сервистер арқылы тексеріңіз Комитеттің Қылмыстық қауіпқатердің және қоғамдық қауіпсіздіктің тәуекелдерін болжау орталығынАқпарат көзі : https://www.gov.kz/memleket/entities/kostanay/press/news/details/1208275?lang=kk

Қазақстан Республикасы Сыртқы істер министрінің орынбасары Әлібек Бақаев Ресей Федерациясы Сыртқы істер министрінің орынбасары Андрей Руденкомен кездесу өткізді.Кездесу барысында тараптар Азиядағы ынтымақтастықтың кең ауқымды мәселелері бойынша, оның ішінде Шанхай ынтымақтастық ұйымы (ШЫҰ) және Азиядағы өзара іс-қимыл және сенім шаралары кеңес (АӨСШК) сияқты өңірлік ұйымдар шеңберінде жан-жақты пікір алмасты.АӨСШК-ні одан әрі дамытуға, оның ішінде оны кезең-кезеңімен толыққанды халықаралық ұйымға трансформациялау мәселесіне ерекше назар аударылды.Ә.Бақаев өз сөзінде АӨСШК қызмет еткен жылдар ішінде өңірдегі қақтығыс әлеуетін төмендетуге бағытталған сенім шараларын кеңейтуге және нығайтуға ықпал ететін тиімді көпжақты тетік ретінде өзін дәлелдегенін атап өтті. Осыған байланысты Азиядағы қалыптасып келе жатқан инклюзивті және бөлінбейтін қауіпсіздік архитектурасының маңызды элементі ретінде оны одан әрі институционализациялаудың маңыздылығы аталып өтті.Сондай-ақ Қазақстан Сыртқы істер министрінің орынбасары басқа ресейлік әріптесі Дмитрий Любинскиймен кездесу өткізіп, оның барысында адам құқықтары саласындағы көпжақты алаңдардағы ынтымақтастықты одан әрі дамыту мәселелері талқыланды.  Ақпарат көзі : https://www.gov.kz/memleket/entities/mfa/press/news/details/1208188?lang=kk

Мәскеу, 2026 жылғы 24 сәуір – Шанхай ынтымақтастық ұйымының халықаралық қызметі және өңірлік қауіпсіздік мәселелері бойынша ШЫҰ-ға мүше мемлекеттердің сыртқы істер министрлерінің орынбасарлары деңгейінде консультациялар өтті.Қазақстан делегациясын Қазақстан Республикасы Сыртқы істер министрінің орынбасары Әлібек Бакаев басқарды.Іс-шара барысында қатысушылар қазіргі халықаралық жағдай жағдайында өңірлік қауіпсіздікті нығайту, сондай-ақ ШЫҰ шеңберіндегі көпсалалы ынтымақтастықты кеңейту мәселелері бойынша пікір алмасты.ШЫҰ қызметін жетілдіруге бағытталған уағдаластықтарды одан әрі іске асыруға, сондай-ақ Бішкектегі Мемлекет басшыларының саммитіне дайындықты қоса алғанда, 2026 жылы өткізілетін биік және жоғары деңгейдегі кездесулерді мазмұнды толықтыруға ерекше назар аударылды.Ә.Бақаев халықаралық құқық пен БҰҰ Жарғысының қағидаттары мен нормалары негізінде өңірдегі ахуалды тұрақтандыру жөніндегі әлемдік күш-жігерге Қазақстанның қолдау білдіргенін, сондай-ақ Еуразияда бейбітшілікті, қауіпсіздікті және орнықты дамуды қамтамасыз етудегі ШЫҰ-ның артып келе жатқан рөлін атап өтті.   Ақпарат көзі : https://www.gov.kz/memleket/entities/mfa/press/news/details/1208219?lang=kk

Қостанай облысында негізгі шикізат ретінде биоэтанолға негізделген экологиялық таза тұрақты авиациялық отын өндіретін зауыт салынады. Сонымен қатар экологиялық таза биоэтанол отынын өндіру бойынша инновациялық жоба жүзеге асырылуда. Бұл жөнінде Қостанай облысының әкімі Құмар Ақсақалов мәлімдеді.Астанада өткен RES 2026 EXPO жасыл технологиялар және тұрақты шешімдер халықаралық көрмесі аясында «ҚазМұнайГаз» ҰК» АҚ, «KazFoodProducts» ЖШС және KBR (АҚШ) компаниясы Қостанай облысында тұрақты авиациялық отын (SAF – Sustainable Aviation Fuel) өндіру зауытын салуды базалық жобалау туралы келісімге қол қойды.Тұрақты авиациялық отын (SAF) – бұл мұнай емес шикізаттан өндірілетін, әуе көлігінен шығатын көміртек қалдықтарын азайтатын экологиялық таза авиациялық отын. Қарастырылып отырған жоба аясында SAF өндіру үшін негізгі шикізат ретінде биоэтанол («этанолдан авиакеросинге» немесе «alcohol-to-jet» процесі) қолдану көзделуде.Еуропалық одақтың «жасыл» экономиканы дамыту және көміртек ізін азайту саясаты аясында SAF үлесін кезең-кезеңімен арттырудың міндетті нормалары белгіленген: 2025 жылы 2%-дан 2050 жылға қарай 70%-ға дейін.«KazFoodProducts» ЖШС сондай-ақ жылына 412 мың тонна бидайды терең өңдеуге арналған қуаты бар биоэтанол өндіретін жаңа зауыттың құрылысын бастады.Бұл зауытта өндірілетін биоэтанол SAF өндіруде шикізат ретінде пайдаланылатын болады.Жоғарыда аталған зауыттарды салуға 151 млрд теңге бағытталады.KBR компаниясы әлем бойынша мемлекеттік құрылымдар мен компанияларға ғылыми, технологиялық және инжинирингтік шешімдер ұсынады. Компания 80-нен астам елдегі клиенттерге қызмет көрсетеді және 29-дан астам елде операциялық қызмет жүргізеді.«Жасыл» энергия – экономикалық өсім мен экологиялық қауіпсіздіктің негізі«Жасыл» энергетика саласындағы тағы бір жоба – қуаты 1000 МВт болатын жел электр станциясының құрылысы. Жобаны «Turan Wind Energy» ЖШС жүзеге асырады. Ол жаңартылатын энергия көздерін дамытуға бағытталған. Құрылыс аясында әрқайсысының қуаты 6,25 МВт болатын 160 жел генераторын орнату жоспарлануда. Инвестиция көлемі 468 млрд теңге деп бағаланып отыр.«Ең маңыздысы, жел электр станциялары жоғарыда аталған биоэтанол және авиациялық отын өндіретін зауыттарды энергиямен қамтамасыз етеді», – деп атап өтті өңір басшысы.Осылайша, Қостанай облысында «жасыл» экономикаға тиімді көшу – бірегей жобаларды жүзеге асырудың арқасында мүмкін болмақ. Биоэтанол, SAF және ЖЭС салуға бағытталатын 620 млрд теңгеге жуық қаражат өңірдің экологиялық тазалығын қамтамасыз етуге, табиғи әлеуетін сақтауға, сондай-ақ болашақта өңіріміз бен еліміздің экономикалық жағынан тұрақты дамуына салынған инвестиция болмақ.Ақпарат көзі : https://www.gov.kz/memleket/entities/kostanay/press/news/details/1208179?lang=kk

Астана, 2026 жылғы 24 сәуір – Қазақстан Республикасының Сыртқы істер министрі Ермек Көшербаев Палестина Мемлекетінің Елшісі, дипломатиялық корпустың дуайені Монтасер Абу Зейдті қабылдады.Жылы әрі сындарлы жағдайда өткен кездесу барысында тараптар Қазақстан мен Палестина арасындағы ынтымақтастықтың қазіргі жай-күйі мен даму перспективаларын талқылап, екіжақты қатынастардың тұрақты даму серпінін және оларды одан әрі ілгерілетуге өзара мүдделілікті атап өтті. Саяси, гуманитарлық және өзге де өзара қызығушылық тудыратын салалардағы өзара іс-қимылды кеңейту мәселелеріне ерекше назар аударылды.Сұхбаттастар өңірлік және халықаралық күн тәртібіндегі негізгі мәселелер бойынша мазмұнды пікір алмасып, тұрақтылық пен қауіпсіздікті нығайту үшін күш-жігерді біріктірудің маңыздылығын атап өтті.Кездесу қорытындысы бойынша тараптар серіктестікті тереңдетуге және бірлескен бастамаларды тиімді ілгерілетуге бағытталған тұрақты әрі сенімді диалогты қолдауға бейілділігін растады.  Ақпарат көзі : https://www.gov.kz/memleket/entities/mfa/press/news/details/1208099?lang=kk

Астана, 2026 жылғы 24 сәуір – Қазақстан Республикасының Сыртқы істер министрі Ермек Көшербаев 2026 жылғы Өңірлік экологиялық саммитке қатысу үшін Астанаға сапармен келген БҰҰ Бас хатшысының апаттар тәуекелін азайту мәселелері жөніндегі Арнайы өкілі – БҰҰ-ның Апаттар тәуекелін азайту басқармасының (UNDRR) басшысы Камал Кишормен кездесті.Кездесу барысында Министр Қазақстанның 2015–2030 жж. арналған Апаттар қаупін азайту жөніндегі Сендай негіздемелік бағдарламасын іске асыруға бейілділігін растады. Атап айтқанда, халықаралық міндеттемелер аясында превентивтік шараларды енгізу, тәуекелдерді талдау және қалалық инфрақұрылымды климаттың өзгеруіне бейімдеу бағытындағы жұмысқа назар аударылды.Е.Көшербаев Орталық Азия елдерінің 2022 - 2030 жж. арналған апаттар қаупін азайту саласындағы ынтымақтастығының Өңірлік стратегиясын әзірлеуге UNDRR-дың қатысуын ерекше атап өтті. Бұл құжат өңір мемлекеттерінің үйлестірілген іс-қимылына негіз қалады.К.Кишор қазақстандық тарапқа жылы қабылдау көрсеткені және Өңірлік экологиялық саммиттің мазмұнды бағдарламасы үшін алғыс білдірді. Саммит аясында UNDRR делегациясы табиғи және техногендік апаттардың алдын алу және олардың салдарын жою бойынша бірлескен шараларды, атап айтқанда, су және энергетикалық қауіпсіздікті арттыру, климат өзгеруіне төзімділікті және экономикалық дамуды күшейту, сондай-ақ Орталық Азияның төтенше жағдайлар органдары мен БҰҰ арасындағы өзара іс-қимылды нығайту мәселелерін талқылады.Тараптар сондай-ақ төтенше жағдайлар кезіндегі инклюзивтілік мәселесіне және осал топтарды қорғау, климаттық сын-қатерлер мен су күн тәртібіне, сондай-ақ Алматы қаласындағы Төтенше жағдайлар және апаттар қаупін азайту орталығының (CESDRR) қызметіне ерекше тоқталды.Кездесу қорытындысы бойынша тараптар төтенше жағдайлардың алдын алу саласында озық тәжірибелерді енгізу бойынша диалогты жалғастыруға келісті.Ақпарат көзі : https://www.gov.kz/memleket/entities/mfa/press/news/details/1207877?lang=kk

Аким Алматы Дархан Сатыбалды и аким Алматинской области Марат Султангазиев провели заседание Местного совета Алматинской агломерации. В ходе совещания были рассмотрены вопросы строительства социальных объектов в пригородной зоне, улучшения экологии и повышения транспортной связанности. Стороны отметили, что одной из ключевых задач остается улучшение экологической обстановки. В настоящее время из 188 населенных пунктов агломерации газифицировано 74%, что охватывает более 1,1 млн человек. В текущем году планируется увеличить этот показатель до 89,4%.В рамках развития транспортной инфраструктуры обсуждены вопросы определения земельных участков для строительства транспортно-пересадочных узлов. Также ведется разработка проектно-сметной документации по возведению автодороги от аэропорта до БАКАД протяженностью 6,4 км. Для реализации проекта предусмотрен выкуп 52 земельных участков, из которых 23 расположены на территории области.Особое внимание уделено реализации проектов по пробивке шести радиальных дорог, обеспечивающих выход на БАКАД, что позволит значительно повысить транспортную доступность и снизить нагрузку на дорожную сеть.В связи с ростом численности населения и увеличением количества детей в ряде населенных пунктов агломерации в 2026–2028 годах запланировано строительство новых образовательных учреждений. В частности, акиматом Алматинской области предусмотрено возведение 21 школы в наиболее густонаселенных районах — Илийском, Карасайском и Талгарском — с целью ликвидации трехсменного обучения и сокращения дефицита ученических мест.Подводя итоги заседания, аким города Алматы отметил, что принятые решения направлены на устойчивое развитие агломерации. «Мы видим рост нагрузки на инфраструктуру и понимаем важность системного планирования как на уровне города, так и всей агломерации с акцентом на комплексное развитие территорий и повышение качества жизни людей», - сказал Дархан Сатыбалды.В свою очередь аким Алматинской области Марат Султангазиев подчеркнул, что вопросы, рассмотренные на совещании, позволили более чётко определить общие направления развития Алматинской агломерации. «Газификация, развитие транспортной инфраструктуры и снижение нагрузки на социальные объекты — всё это взаимосвязанные задачи, требующие комплексного решения», - отметил он.Ақпарат көзі : https://www.gov.kz/memleket/entities/almobl/press/news/details/1207880?lang=kk

Мәскеу, 2026 жылғы 23 сәуір – Қазақстан Республикасы Сыртқы істер министрінің орынбасары Әлібек Бақаев африкалық мемлекеттердің Ресей Федерациясында аккредиттелген елшілерімен кездесу өткізді.Іс-шара барысында Ә.Бақаев кездесуге қатысушыларды елімізде жүргізіліп жатқан ауқымды экономикалық және саяси реформалармен таныстырды. Бүкілхалықтық референдум қорытындысы бойынша қабылданған жаңа Конституция әділеттілік, заң үстемдігі қағидаттарын нығайтуға, инклюзивті қоғам құруға бағытталғаны аталып өтті.Қазақстан-Африка ынтымақтастығын дамытуға ерекше көңіл бөлінді. Қазақс дипломаты Африка Қазақстанның теңгерімді сыртқы саясатының басым бағыты болып саналатынын, құрлықтағы елдермен өзара іс-қимыл Африка мемлекеттері және Африка Одағы ұйымымен 2025-2030 жылдарға арналған ынтымақтастық тұжырымдамасына негізделгенін атап өтті.Тараптар саяси диалогты, оның ішінде жоғары деңгейдегі сапарлармен алмасуды, сыртқы істер министрліктері арасындағы кеңейтілген консультацияларды, парламентаралық ынтымақтастықты дамытуды атап өтті. Құқықтық базаны нығайтуға және Қазақстанның Африка құрлығындағы дипломатиялық қатысуын кеңейтуге ерекше назар аударылды.Сауда-экономикалық ықпалдастықтағы тұрақты оң динамика аталып өтті. 2025 жылдың соңына қарай Қазақстан мен Африка елдері арасындағы тауар айналымы 1,172 млрд АҚШ долларын құрап, рекордтық көрсеткішке жетті. Көлік-логистикалық байланысты одан әрі дамытудың, сондай-ақ бизнес-форумдар мен сауда миссиялары арқылы іскер топтар арасындағы тікелей байланыстарды кеңейтудің маңыздылығы туралы сөз көтерілді.Көпжақты күн тәртібі шеңберінде Қазақстан тарапы БҰҰ, ИЫҰ және Африка Одағы ұйымы аясындағы үйлестіруді тереңдетуге, сондай-ақ өзара мүдделі мәселелер бойынша бірлескен бастамаларды ілгерілетуге мүдделі екенін растады.Кездесу қорытындысы бойынша Қазақстан мен Африка елдері арасындағы өзара тиімді және ұзақ мерзімді серіктестікті дамытуға бағытталған саяси диалог пен сауда-экономикалық байланыстарды одан әрі тереңдету міндеттемесі расталды.Ақпарат көзі : https://www.gov.kz/memleket/entities/mfa/press/news/details/1207743?lang=kk

55 мыңнан астам адамды біріктірген ауқымды жобаға облыстың 16 ауданы мен 4 қаласынан 300-ден астам білім беру ұйымы қатысты.Қостанай облысында 23 сәуір – Ұлттық кітап күніне орай «Кітап оқитын ұлт» жобасының қорытындысы шығарылып, жеңімпаздар салтанатты түрде марапатталды. Өңірде жүзеге асқан ауқымды бастама 55 мың қатысушыны қамтып, кітап оқу мәдениетін кеңінен насихаттаған ірі қоғамдық қозғалысқа айналды.Қостанай – ағартушылық пен білімнің тамыры тереңге кеткен қасиетті өлке. Бұл – қазақ даласында алғаш мектеп ашып, білім шамын жаққан Ыбырай Алтынсарин мен ұлт руханиятының іргесін қалаған Ахмет Байтұрсынұлының ізі қалған өңір. Осындай тарихи сабақтастық аясында Мемлекет басшысы Қасым-Жомарт Тоқаевтың кітап оқитын ұлт қалыптастыру жөніндегі бастамасы Қостанай облысында жүйелі түрде жүзеге асып келеді.Салтанатты рәсімде сөз сөйлеген облыс әкімі Құмар Ақсақалов кітап оқудың қоғам дамуы үшін маңызын атап өтті:«Кітап оқитын адам – әрқашан білімімен озық, ойы ұшқыр және кез келген ортада бәсекеге қабілетті болады. Біздің басты мақсатымыз – жастарды тек білімді ғана емес, сонымен бірге терең ойлайтын, рухани бай тұлға ретінде тәрбиелеу. Дәл осы жоба – болашақ зияткер ұлтты қалыптастыру жолындағы маңызды қадам», – деді өңір басшысы.Іс-шараға арнайы қатысқан Мемлекеттік сыйлықтың лауреаты, Қазақстанның еңбек сіңірген қайраткері, ТҮРКСОЙ Жазушылар одағының төрағасы Ұлықбек Есдәулет жобаның рухани мәніне тоқталып, өңірдегі оқырман мәдениетінің дамуына жоғары баға берді.Жоба Қостанай облысының 16 ауданы мен 4 қаласын қамтып, 300-ден астам білім беру ұйымын біріктірді.Жалпы, 1200-ден астам интеллектуалдық іс-шара (квиздер, дебаттар, кітап талқылаулар) өткізілді. Нәтижесінде  кітапханаларға келушілер саны мен жаңа оқырмандар қатары айтарлықтай артты. Бұл көрсеткіштер өңірде кітап оқу мәдениетінің тұрақты қоғамдық құндылыққа айналып келе жатқанын көрсетеді.Жобаның нәтижелілігін қамтамасыз еткен басты факторлардың бірі – педагогикалық қауымдастықтың белсенді қатысуы.Жобаға 11 мыңнан астам педагог қатысып, мұғалімдер кітапханалармен тығыз байланыста жұмыс істей отырып, оқушыларды жүйелі түрде кітап оқуға баулыды және оқу процесін тұрақты сүйемелдеді. Нәтижесінде балалардың жобаға қатысу деңгейі айтарлықтай артты. Бұл тәжірибе «мектеп – педагог – кітапхана» өзара іс-қимылының тиімді моделін қалыптастырды.Аталған жобаға 400-ден астам мемлекеттік қызметші қатысып, әртүрлі мемлекеттік құрылымдардың өкілдері кеңінен қамтылды. Қатысушылар мемлекеттік қызметтегі жоғары жұмыс қарқынына қарамастан кітап оқуға тұрақты қызығушылық танытып, жобаның ой-өрісті кеңейтуге және шешім қабылдау сапасын арттыруға ықпал ететінін атап өтті. Нәтижесінде кітап оқу мәдениетінің мемлекеттік қызмет жүйесінде де орныға бастағаны байқалды.Жоба нәтижесінде қатысушылардың оқу белсенділігі бірнеше есеге артты.Салтанатты кеште үздік қатысушылар дипломдармен және 1 миллион, 600 мың, 400 мың теңге көлеміндегі сертификаттармен марапатталды. Жалпы жүлде қоры – 40 млн теңгені құрады.Ауқымды жобаның жүзеге асуына «AMANAT» партиясы мен Қостанай өңіріндегі ірі агроөнеркәсіптік құрылым – «Олжа Агро» ЖШС-нің белсенді қолдауы серпін берді. Бұл серіктестік мемлекет пен бизнестің аймақтағы адами капиталды дамыту ісіндегі ортақ жауапкершілігін айқын аңғартады.«Кітап оқитын ұлт» – бұл жоба ғана емес. Бұл – білім мен парасатты құндылыққа айналдыратын ұлттық қозғалыс.Қостанай облысының тәжірибесі Кітап оқитын ұлт қалыптастыру идеясының нақты жүзеге асатынын дәлелдеп отыр.Аймақта «Кітап оқитын ұлт» жобасы Аманат партиясы мен Олжа Агро компаниясының қолдауымен жүзеге асырылды.Ақпарат көзі : https://www.gov.kz/memleket/entities/kostanay/press/news/details/1207676?lang=kk

Астана, 2026 жылғы 23 сәуір – Қазақстан Республикасының Сыртқы істер министрі Ермек Көшербаев Түркі мемлекеттері ұйымының (ТМҰ) Бас хатшысы Кубанычбек Омуралиевті қабылдады.Министр Қазақстан ТМҰ-ның құрылуына бастамашы мемлекет ретінде түркі интеграциясын одан әрі дамыту мен нығайтуға ерекше мән беретінін атап өтті. Осы тұрғыда, өзара іс-қимылдың басым бағыттары бойынша іс жүзіндегі ынтымақтастықты тереңдетудің және бірлескен жобаларды іске асырудың маңыздылығына көңіл аударды.Бас хатшы Өңірлік экологиялық саммиттің (ӨЭС) жұмысын жоғары бағалап, мұндай ауқымды іс-шараның қорытындылары орнықты тәжірибелерді енгізуге және қоршаған ортаны қорғау саласындағы бірлескен бастамаларды іске асыруға қосымша серпін беретініне сенім білдірді.Сонымен бірге К.Омуралиев ӨЭС аясында өткен ТМҰ-ға мүше мемлекеттердің Қоршаған орта және экология министрлерінің 2-отырысының нәтижелері туралы хабардар етті.Кездесудің күн тәртібі Қазақстан Республикасының ТМҰ-мен өзара іс-қимылының мәселелерін және әлемдік өзекті проблемалар мен өңірдегі ахуал бойынша пікір алмасуды қамтыды.  Ақпарат көзі : https://www.gov.kz/memleket/entities/mfa/press/news/details/1207468?lang=kk

Астана, 2026 жылғы 23 сәуір – ҚР Сыртқы істер министрі Ермек Көшербаев Астанаға Өңірлік экологиялық саммитке қатысу үшін сапармен келген Еуропадағы қауіпсіздік және ынтымақтастық ұйымының Бас хатшысы Феридун Синирлиоғлымен кездесті.«Климаттың өзгеруінің өзекті мәселелеріне арналған Өңірлік экологиялық саммитке белсенді қатысқаныңыз үшін алғыс айтамыз. Бұл іс-шараның күн тәртібі ЕҚЫҰ-ның экономикалық және экологиялық өлшеміне сәйкес келеді», - деп атап өтті министр.Е.Көшербаев Орталық Азияның «жасыл» күн тәртібін ілгерілетуге үлкен мән беретініне назар аударды. Осы орайда, саммит климаттың өзгеруін азайтуға, су ресурстарын сақтауға және өңір алдында тұрған басқа да экологиялық мәселелерді шешуге бірлескен тәсілдерді әзірлеу үшін маңызды платформаға айналды.Бұл тұрғыда Мемлекет басшысының Халықаралық су ұйымын құру бастамасының өзектілігі атап өтілді.Сыртқы істер министрі Қазақстанның ЕҚЫҰ-мен серіктестігін дамытуға маңызды мән беретінін, Ұйымның негізін қалаушы қағидаттарына бейілділігін қайта растады.Өз кезегінде, Ф. Синирлиоғлы Қазақстан тарапына жылы қабылдау үшін алғыс айтты. Ол ЕҚЫҰ-ның өңір елдеріне климаттың өзгеруіне бейімделуде және таза энергияға көшуде қолдау көрсетуді жалғастыруға дайын екенін растады және Ұйым қызметінің барлық үш өлшемі бойынша ЕҚЫҰ-ның сенімді серіктесі ретіндегі Қазақстанның белсенді рөлін жоғары бағалады.Тараптар Қазақстан мен ЕҚЫҰ арасындағы ынтымақтастықтың негізгі бағыттарын талқылады және өңір мен халықаралық күн тәртібіндегі өзекті мәселелер бойынша пікір алмасты.Кездесуден кейін тараптар ЕҚЫҰ өңірінде қауіпсіздікті, тұрақтылықты және тұрақты дамуды нығайтуға бағытталған ынтымақтастықты одан әрі тереңдетуге өзара мүдделіліктерін растады.Ақпарат көзі : https://www.gov.kz/memleket/entities/mfa/press/news/details/1207472?lang=kk

Астана, 2026 жылғы 23 сәуір – Қазақстан Республикасының Сыртқы істер министрі Ермек Көшербаев Өңірлік экологиялық саммитке қатысуға келген БҰҰ Бас хатшысының орынбасары, БҰҰ Даму бағдарламасы Әкімшісінің орынбасары Хаолян Сюймен кездесті.Кездесу барысында Е.Көшербаев Қазақстанның БҰҰДБ-мен ынтымақтастығының маңыздылығына тоқталып, оның орнықты даму басымдықтарын іске асырудағы және өңірлік өзара іс-қимылды нығайтудағы рөлін жоғары бағалады.Сондай-ақ сыртқы саяси ведомствоның басшысы БҰҰДБ-ға ӨЭС-ті ұйымдастыруға көрсеткен қолдауы мен іс-шараға белсенді қатысқаны үшін алғыс білдіріп, ұйымның су ресурстары, экология және климаттық күн тәртібі бойынша өңірлік диалогты ілгерілетудегі елеулі үлесін атап өтті.Орталық Азия мен Ауғанстан үшін орнықты даму мақсаттары бойынша БҰҰ өңірлік орталығының желісі бойынша үйлестіруді дамыту мәселелері мен өңірлік синергияны күшейтуге бағытталған Алматыда БҰҰДБ-ның субөңірлік кеңсесін құру перспективаларына ерекше назар аударылды.Кездесу барысында БҰҰДБ-ның Қазақстан үшін 2026-2030 жылдарға арналған Елдік бағдарламасы, Арал теңізінің жай-күйі мен БҰҰ құрылымында Халықаралық су ұйымын құруды қоса алғанда, су ресурстарын басқару мәселелері, сондай-ақ сондай-ақ ҚР бастамасымен БҰҰ Бас Ассамблеясы жариялаған 2026 жылғы Орнықты даму мүддесі үшін халықаралық еріктілер жылы шеңберіндегі бірлескен жұмыстары талқыланды.Кездесу қорытындысы бойынша тараптар ортақ мақсаттарға қол жеткізу мүддесінде әріптестікті дамытуды жалғастыру ниетін растады.Ақпарат көзі : https://www.gov.kz/memleket/entities/mfa/press/news/details/1207446?lang=kk