Чэнду, 2024 жылғы 1 желтоқсан – Бүгін Қазақстан, Қырғызстан, Тәжікстан, Түрікменстан, Өзбекстан және Қытайдың сыртқы саяси ведомстволарының басшыларын біріктірген «Орталық Азия – Қытай» форматындағы Сыртқы істер министрлерінің бесінші кездесуі өтті.Қазақстандық делегацияны Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу басқарды.Іс-шара серіктестікті нығайту, өңірлік және халықаралық маңызы бар негізгі мәселелерді талқылау үшін маңызды алаң болды.Кездесуде тараптар саяси диалогты тереңдетуге, экономикалық байланыстарды дамытуға және мәдени-гуманитарлық алмасуларды нығайтуға өз міндеттемелерін растады. Министрлер «Өңірдің тұрақтылығы, қауіпсіздігі және орнықты дамуы» тұжырымдамасы шеңберінде бірлескен жұмысты жалғастырудың маңыздылығын атап өтті.Талқылаудың негізгі тақырыптары экономикалық ынтымақтастық, аймақтағы қауіпсіздік мәселелер, көлік-логистикалық ынтымақтастық, климат және экология, сондай-ақ мәдени-гуманитарлық байланыстарды кеңейту болды.Отырысқа қатысушылар бірлескен инфрақұрылымдық жобаларды іске асыру, сауда рәсімдерін оңайлату және «Бір белдеу, бір жол» бастамасы шеңберінде инвестицияларды ынталандыру қажеттігін атап өтті. Министрлер терроризмге, экстремизмге және трансұлттық қылмысқа қарсы шараларды күшейтуді, сондай-ақ киберқауіпсіздік саласындағы күш-жігерді үйлестіруді талқылады.Кездесу барысында су ресурстарын, жаңартылатын энергетиканы және қоршаған ортаны қорғауды қоса алғанда, экологиялық тұрақтылық саласындағы ынтымақтастықты арттыру уағдаластығына қол жеткізілді. Сондай-ақ, халықтар арасындағы өзара түсіністікті нығайту үшін білім, туризм және мәдениет саласындағы алмасу бағдарламаларын тереңдету туралы шешім қабылданды.ҚР Сыртқы саяси ведомствосының басшысы тараптарға сындарлы диалог және Орталық Азия елдері мен Қытай арасындағы өзара іс-қимылды одан әрі дамыту үшін жаңа векторларды талқылау мүмкіндігі үшін алғысын білдірді. «Қазақстан бұл форматты біздің ортақ болашағымызды нығайтудың маңызды платформасы ретінде қарастырады. Біз экономика, қауіпсіздік және экология саласындағы ынтымақтастықты тереңдету бүкіл өңірде тұрақтылық пен өркендеуге қол жеткізуге мүмкіндік беретініне сенімдіміз», – деп мәлімдеді М.Нұртілеу.ҚХР Сыртқы істер министрі Ван И Орталық Азия Қытайдың тұрақтылық пен өркендеуді ілгерілетудегі басты серіктесі болып қала беретінін атап өтті. «Біздің формат стратегиялық басымдықтарды үйлестіру және өзара тиімді жобаларды ілгерілету үшін маңызды алаң ретінде қызмет етеді», – деді Қытай министрі.Кездесуге қатысушылар 2025 жылы Қазақстанда өтетін «Орталық Азия – Қытай» форматындағы II Саммитке дайындықтың негізгі аспектілерін талқылады. Орталық Азия елдерінің өкілдері кездесуді өткізу бастамасы үшін алғыстарын білдіріп, бірлескен мақсаттарды іске асыру үшін осы форматты жалғастыру қажеттігін атап өтті.Сонымен қатар, «Тяньфу-Сычуань» трансшекаралық магистралі арқылы 5000-шы жүк көлігінің жөнелту мен Орталық Азияға 500-ші пойыз жіберу рәсімі форматтың практикалық өзара іс-қимылының жарқын көрінісі болды.Кездесудің қорытынды құжаты сыртқы саяси ведомстволардың басшылары қабылдаған бірлескен мәлімдеме болды. Онда қол жеткізілген уағдаластықтар көрсетіліп, өңіраралық ынтымақтастықты одан әрі дамыту бағыты белгіленді.Тараптар 2025 жылы «Орталық Азия – Қытай» форматындағы келесі кездесуді Қазақстанда Саммит қарсаңында өткізуге келісті.Ақпарат көзі : https://www.gov.kz/memleket/entities/mfa/press/news/details/893731

Чэнду, 2024 жылғы 30 қараша – «Орталық Азия – Қытай» форматындағы Сыртқы істер министрлерінің 5-ші кездесуіне қатысу үшін Қытай Халық Республикасына жұмыс сапары барысында Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Сычуань өлкесінің Партия комитетінің хатшысы Ван Сяохуэймен кездесу өткізді.Тараптар Қазақстан мен Қытай арасындағы өңіраралық ынтымақтастықты одан әрі дамыту перспективаларын талқылады. Сауда-экономикалық және мәдени-гуманитарлық салалардағы, сондай-ақ жоғары технологиялар, қаржы, инвестиция және жасыл энергетика саласындағы өзара іс-қимыл мәселелеріне ерекше назар аударылды.М.Нұртілеу екі елдің өңірлері арасындағы өзара байланысты, атап айтқанда көліктік-логистикалық ынтымақтастықты кеңейту, инвестиция тарту және адам алмасуы арқылы жұмысты күшейту қажеттігін атап өтті. Қазақстандық тараптың өзара тиімді әріптестік байланыстарды орнатуға деген жоғары қызығушылығын білдірді.Өз кезегінде, Партиялық комитеттің хатшысы өңірдің мүмкіндіктері туралы айтып, ашықтық саясаты шеңберінде Сычуань өлкесі мен Қазақстанның облыстары арасындағы сауда-экономикалық байланыстарды тереңдетуді жалғастыруды ұсынды.Сол күні Қазақстан СІМ басшысы ірі қытайлық компаниялардың басшылығымен бірқатар кездесулер өткізіп, олардың барысында инвестициялық және сауда-экономикалық ынтымақтастықты одан әрі дамыту жоспарлары талқыланды.Қытай бизнесмендері Қазақстанда жүзеге асырылып жатқан саяси және экономикалық реформалармен, инвестициялық ахуалмен және елімізде бизнес жүргізудің артықшылықтарымен танысты.Жасыл энергетика, жаңартылатын энергия көздері, машина жасау, агроөнеркәсіптік кешен және құрылысқа маманданған компаниялар қазақ әріптестерімен өзара тиімді серіктестік құруға жоғары қызығушылық танытып, ҚР Үкіметі олардың Қазақстандағы қызметіне барынша жәрдем көрсетеді деп үміт білдірді.Кәсіпкерлер күн модульдерін, ауыл шаруашылығында қолданылатын ұшқышсыз ұшу аппараттарын өндіру, астықты және басқа да дақылдарды терең өңдеу, сондай-ақ қалалық инфрақұрылым салу бойынша өз мүмкіндіктерімен таныстырды.Ақпарат көзі : https://www.gov.kz/memleket/entities/mfa/press/news/details/893697

Тәуелсіздік күні қарсаңында Алматы облысының Балқаш ауданында жастарға арналған заманауи коворкинг орталығы ашылды.Бұл орталық аудан жастары үшін көптен күткен маңызды оқиға болды. Балқаш ауданындағы халықтың үштен бірін құрайтын жастардың жан-жақты дамуына, бос уақытын тиімді өткізуіне және қажетті ақпарат алуына мүмкіндік жасайтын орталық енді қызмет көрсетеді.Орталықта жастарға білікті мамандар психологиялық және заңгерлік көмек береді, қаржылық сауаттылық бойынша кеңестер ұсынады, сондай-ақ жұмысқа орналасуға қолдау көрсетеді.Жастар орталықтарының дамуыЖастар орталықтары Алматы облысында жыл басынан бері қарқынды дамып келеді. Бұған дейін Қонаев қаласы мен Кеген ауданында осындай орталықтар іске қосылса, желтоқсан айында Райымбек ауданында тағы бір орталық ашылмақ. Ал келесі жылы Қаскелең қаласында жаңа орталықтың құрылысы жоспарлануда.Облыстық жастар саясаты мәселелері басқармасының басшысы Мәди Ахметов бұл бағыттағы жұмыстардың маңыздылығын атап өтті:«Қазіргі таңда Алматы облысында 14 пен 35 жас аралығындағы 420 мыңнан астам жас бар. Бұрын жастарға арналған, қиын кезде көмек көрсетіп, бас қосатын орталықтар болмаған еді. Біз бұл мәселені кезең-кезеңімен шешіп жатырмыз. Алдағы уақытта облыстың барлық ауданында жастар үшін заманауи инфрақұрылым құруды жоспарлап отырмыз. Бұл жастармен жүйелі жұмыс жүргізуге мүмкіндік береді», – деді ол.Жастарға арналған жаңа мүмкіндіктерКоворкинг орталықтары өңір жастарын әлеуметтендірудің маңызды алаңына айналуда. Мұнда бизнес-тренингтер, шеберлік сабақтары, көрмелер, кездесулер мен түрлі үйірмелер тегін өткізіледі.Қонаев қаласы мен Кеген ауданында ашылған орталықтарда жыл басынан бері 9 мыңнан астам жасты қамтыған 700-ге жуық іс-шара ұйымдастырылды. Шаралар негізінен интеллектуалды, IT және креативті салаларға бағытталған. Сондай-ақ, бұл орталықтарда бизнес желі құру бойынша кездесулер, танымал тұлғалармен сұхбаттар және шеберлік сабақтары өткізілді.Балқаш ауданында ашылған жаңа орталық осы бағыттағы жұмыстарды жалғастыра отырып, жастардың әлеуетін арттыруға ықпал ететін болады.Ақпарат көзі : https://www.gov.kz/memleket/entities/almobl/press/news/details/892772

HR Enbek еңбек ресурстары порталында пікірлерді орналастыру бойынша жаңа функционал пайда болды. Онда жұмыскерлер – қазіргі және бұрынғы жұмыс орындары туралы, ал жұмыс берушілер – жұмыс жасайтын және жұмыстан шыққан жұмыскерлері туралы пікір қалдыра алады.Пікірлер бес жұлдызды бағалау (өте нашардан өте жақсыға дейін) мен мәтіндік сипаттаманы қамтиды. Функционалдылық жұмыскер мен жұмыс берушінің өзара әрекеттесуінің оң немесе теріс тәжірибесін бағалауға мүмкіндік береді, бірақ бұл міндетті емес.Пікір қалдырып, оның түпнұсқалығына кепілдік беру үшін оған электрондық цифрлық қолтаңба арқылы қол қою керек. Сіз өзіңіздің жазбаларыңызды «Менің пікірлерім» (пайдаланушы қалдырған) және «Мен туралы пікірлер» (пайдаланушы алған) салымдарындағы тиісті бөлімде көре аласыз. Жасалған және алынған пікірлер туралы барлық деректерді құжат форматында жүктеуге болады.Сондай-ақ, қызметкер мен жұмыс беруші бір пікір қалдыра алады, бұл ынтымақтастық туралы ақпаратты толықтыруға немесе нақтылауға мүмкіндік береді.Қазіргі уақытта жұмыс берушілер жұмысқа орналасуға үміткерлерді іріктеу кезінде «Жұмыскерлер» бөлімінде олар бойынша бұрынғы жұмыс орындарынан кері байланыс сұрай алады. Бұл ретте кандидатқа 1414 нөмірінен SMS арқылы немесе порталдағы жеке кабинетке, сондай-ақ HR Enbek мобильдік қосымшасында келісуге сұрау салу жіберіледі. Жұмыс беруші ақпаратқа келісім алғаннан кейін ғана қол жеткізе алады.Enbek.kz электрондық еңбек биржасының порталында жұмыс берушілер туралы пікірлерді көру мүмкіндігі барлық ізденушілер үшін 2025 жылы қолжетімді болады.Бұл функционал жұмыс берушілер мен жұмыскерлер арасындағы қарым-қатынастардың ашықтығын арттыруға, жұмыс іздеу және қызметкерлерді жұмысқа алу процесін жеңілдетуге бағытталған.Пайдаланушы берілген ақпарат үшін толық жауап беретінін ескеру маңызды. Осы онлайн-платформаларда дәйексіз ақпарат қалдырған жағдайда заңдық тұрғыдан жауапкершілік қарастырылған. Жалған ақпаратты тарату әкімшілік жауапкершілікке әкеп соғады.Ақпарат көзі : https://www.gov.kz/memleket/entities/enbek/press/news/details/892779

Астана, 2024 жылғы 28 қараша – Қазақстан Республикасының төрағалығымен Ұжымдық қауіпсіздік туралы шарт ұйымының Сыртқы істер министрлері кеңесінің, Қорғаныс министрлері кеңесінің және Қауіпсіздік кеңестері хатшылары комитетінің бірлескен отырысы өтті.Іс-шараға Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу, Қауіпсіздік Кеңесінің Хатшысы Ғизат Нұрдәулетов және Қорғаныс министрі Руслан Жақсылықов құрамындағы қазақ делегациясы қатысты.Кездесу барысында ҰҚШҰ ұжымдық қауіпсіздік аймақтарындағы әскери-саяси ахуал және Ұйымның сессияаралық кезеңдегі қызметі талқыланды.халықаралық күн тәртібіне ерекше назар бөлінді, Таяу Шығыстағы және Ауғанстандағы ахуал бойынша егжей-тегжейлі пікір алмасу өтті.Іс-шара қорытындысы бойынша ҰҚШҰ Ұжымдық қауіпсіздік кеңесіне қол қоюға шығарылатын құжаттардың жобалары мақұлданды.Олардың ішінде – Ұжымдық қауіпсіздік кеңесінің декларациясы, Ұлы Отан соғысындағы Жеңістің 80-жылдығына байланысты ҰҚК мәлімдемесі және іс-шаралар жоспары.Әскери және басқа да құралымдарды, жылжымалы мүлікті, әскери мақсаттағы өнімді тасымалдау саласындағы халықаралық шарттар және Ұжымдық қауіпсіздік кеңесінің ҰҚШҰ одақтастық қатынастарды одан әрі нығайту туралы шешімінің жобасы мақұлданды.Сыртқы саяси ведомстволарының басшылары Ауғанстандағы жағдай, сондай-ақ ҰҚШҰ-ға БҰҰ Бас Ассамблеясының жанында байқаушы мәртебесін берілгеніне 20-жылдығы туралы мәлімдемелерді қабылдады.Қорғаныс министрлері және қауіпсіздік кеңестерінің хатшылары ЖДҚК-ын дайындау және қолдану негіздерін, сондай-ақ ҰҚШҰ Әскерлерін медициналық қамтамасыз ету бойынша ұсынымдарды бекітті.Бірлескен отырысқа қатысушылар 28 қарашаның екінші жартысында Астанада өтетін ҰҚШҰ Ұжымдық қауіпсіздік кеңесі сессиясы күн тәртібінің жобасын келісті.ҰҚШҰ-дағы төрағалық Қырғыз Республикасына ауысатынына орай СІМК, ҚМК және ҚКХК кезекті отырыстары келесі жылдың бірінші жартысында Қырғызстанда өтеді.Ақпарат көзі : https://www.gov.kz/memleket/entities/mfa/press/news/details/892004

2024 жылдың басынан бері Қазақстанның барлық өңірлерінде мемлекеттік әлеуметтік қорғау инспекторлары 2 474 тексеру жүргізді, оның 629-ы профилактикалық бақылау шеңберінде, 655-ы жоспардан тыс, 1 190-ы прокуратураның талабы бойынша.Тексеру қорытындысы бойынша анықталған бұзушылықтарды жою туралы 949 ұйғарым берілді, сондай-ақ жалпы сомасы 215,8 млн теңгеден астам айыппұл түрінде 961 әкімшілік жаза қолданылды.Мемлекеттік бақылаумен: әкімдіктер – 174, арнаулы әлеуметтік қызметтер көрсету орталықтары – 99, ДК – 49, мектептер – 802, дүкендер – 21, жергілікті атқарушы органдардың бөлімдері мен басқармалары – 110, мәдениет үйі – 12, мұрағаттар, мұражайлар – 12, банктер – 12, балабақшалар – 468, колледждер, лицейлер – 144, кафелер, мейрамханалар, қонақ үйлер – 33, нотариустар – 4, мемлекеттік мекемелер-114, ауруханалар, емханалар-88, санаторийлер – 8, сауда үйлері – 39, «Қазпошта» АҚ бөлімшелері – 9, полиция пункттері – 8, стомалогия – 4, оңалту орталықтары – 11, автобус паркі, авто/теміржол вокзалдары, әуежайлар – 9, кітапхана – 4, БЖСМ, спорт мектептері – 16 және басқалар қамтылды.Мәселен, Абай облысында қоғамдық бірлестіктің өтініші бойынша мүгедектігі бар адамдар үшін қолжетімді ортаның болмауына байланысты сауда үйлерінің біріне жоспардан тыс тексеру жүргізілді. Тексеру қорытындысы бойынша субъект айыппұл түрінде әкімшілік жауапкершілікке тартылды, сондай-ақ бұзушылықтарды жою туралы нұсқама енгізілді.Бұл ретте инспекторлар мүгедектігі бар адамдар үшін әлеуметтік инфрақұрылымды бейімдеудегі оң өзгерістерді атап өтеді.«Жылдан жылға мүгедектігі бар адамдар үшін жағдай жақсарып келеді. Жаңа объектілірде пандустар, тұтқалар, тактильді құралдар, лифттер қарастырылып, қол жетімді болуда. Бұрыннан жұмыс істейтін нысандар да жаңғыртылуда. Мысалы, Grand Bazar базарында мүгедектігі бар адамдарға арналған 20 тұрақ бар, енді ешкімнің көмегінсіз екінші қабатқа көтерілуге болады. Барлық халыққа қызмет көрсету орталықтарыт да қол жетімді болды: пандустар талаптарға сай жасалып, есіктер кеңейтіліп, табалдырықтар алынып тасталды. Бұл бағыттағы жұмыс тиісті деңгейде жүргізіліп жатыр деп санаймын», – деп атап өтті Тараз қаласының тұрғыны, екінші топтағы мүгедектігі бар Астанағұл Керімқұлов.Естеріңізге сала кетейік, 2023 жылғы 1 шілдеде ҚР Әлеуметтік кодексі күшіне енген кезден бастап, елімізде мемлекеттік әлеуметтік қорғау инспекторларының институты енгізілді. Олардың құзыретіне мүгедектігі бар адамдарды әлеуметтік қорғау, арнаулы әлеуметтік қызметтер көрсету және әлеуметтік қамсыздандыру саласындағы заңнаманың сақталуын бақылауды жүзеге асыру кіреді.Ақпарат көзі : https://www.gov.kz/memleket/entities/enbek/press/news/details/891703

Астана, 2024 жылғы 27 қараша – Қазақстан мен Словенияның сыртқы істер министрліктері арасында саяси консультациялардың үшінші раунды ҚР Сыртқы істер министрлігінде өтті.Консультациялар барысында екі елдің дипломаттары саяси ынтымақтастық, сауда-экономикалық байланыстар, мәдени-гуманитарлық қарым-қатынастар сияқты кең ауқымды мәселелерді талқылап, 2025 жылға жоспарланған екіжақты іс-шаралар мен сапарлардың күнтізбесін қарастырды.Өз сөзінде ҚР Сыртқы істер министрінің орынбасары Роман Василенко Қазақстанның Словенияны Еуропалық одақтағы маңызды саяси және экономикалық серіктес ретінде қарастыратынын атап өтіп, екіжақты және көпжақты ынтымақтастықты одан әрі дамытуға дайындығын білдірді. Ол Қазақстанның Словенияда жаңадан ашылған елшілігінің екіжақты қатынастарды нығайтудағы маңыздылығын ерекше атап өтті.Словения делегациясының басшысы Сыртқы және еуропалық істер министрлігінің мемлекеттік хатшысы Марко Штуцин Қазақстанды Словенияның Орталық Азиядағы негізгі серіктесі ретінде атап өтіп, әр түрлі салалардағы ықпалдастықты одан әрі тереңдетуге сенім білдірді.Қазақстан мен Еуропалық одақ арасындағы байланысты талқылау барысында Словения дипломаты Қазақстан мен ЕО арасындағы визалық режимді жеңілдету бойынша қолдауын растады.Сонымен қатар тараптар халықаралық және өңірлік күн тәртібіндегі өзекті мәселелер бойынша пікір алмасып, көпжақты құрылымдар мен халықаралық ұйымдар аясындағы тығыз өзара іс-қимылды жалғастыруға бейілділіктерін білдірді.Сұхбаттастар сыртқы істер министрліктері арасында белсенді және нәтижелі диалогты жалғастыруға, сондай-ақ сауда-экономикалық және инвестициялық байланыстарды жандандыру бағытында бірлескен жұмысты жалғастыруға келісті.2005 жылдан бастап қазіргі уақытқа дейін Словениядан Қазақстанға тікелей инвестициялардың жалпы көлемі 36 млн АҚШ долларына жетті. 2023 жылы Қазақстан мен Словения арасындағы тауар айналымы 111,5 млн долл. құрап, 2024 жылғы қаңтар-қыркүйек кезеңінде тауар айналымы 92,5 млн долларға жетті, оның ішінде экспорт 4,4 млн долл., импорт 88,1 млн долл.Ақпарат көзі : https://www.gov.kz/memleket/entities/mfa/press/news/details/891540

WorldSkills Kazakhstan 2024 ұлттық чемпионаты еліміздің түкпір-түкпірінен келген жүздеген талантты жастарды, сарапшылар мен тәлімгерлерді бір алаңда тоғыстырды. Жас мамандар арасында кәсіби шеберлікті дамытуға бағытталған бұл дода Қазақстанның білім беру саласындағы жаңа жетістіктерді көрсетті.Көптеген күндер бойы қатысушылар 30-дан астам құзыреттілік бойынша өз білімдерін, дағдыларын және шеберліктерін көрсете отырып, жоғары дайындық деңгейін, кәсібилікті және жеңіске деген ұмтылысты дәлелдеді. Бұл чемпионат тек қана кәсіби мамандардың арасындағы бәсекелестік емес, сонымен қатар жастардың болашақта ел экономикасына қосар үлесін арттырудың маңызды кезеңі болды.Алматы облысының жеңімпаздарыАлматы облысының қатысушылары бұл додада жоғары нәтижелер көрсетіп, 1 алтын, 1 күміс, 1 қола және 5 медальон иеленді. Бұл облыстың кәсіби білім беру жүйесінің дамып келе жатқанын, жастардың ерекше қабілеттері мен күш-жігерін білдіреді.Толыбек Нұрсултан – Алматы облыстық қызмет көрсету және тамақтандыру саласындағы инновациялық колледжінің 3-курс студенті, «Аспаз ісі» құзыреттілігі бойынша 1-орын жеңіп алды. Оның кәсіби шеберлігі мен шығармашылық қиялы жоғары деңгейде бағаланды. Толыбек Нұрсултанның табысы – бұл бүкіл Қазақстан үшін үлкен мақтаныш.Қожамбердиев Ертас – Алматы экономикалық колледжінің 3-курс студенті, «Наубайхана ісі» құзыреттілігі бойынша 2-орын иеленді. Ертас өзінің кәсіби біліктілігін және наубайханашы ретіндегі шеберлігін ерекше деңгейде көрсетті.Аметов Таиржан – Талғар политехникалық колледжінің 3-курс студенті, «Веб технология» құзыреттілігі бойынша 3-орын алды. Ол веб-технологиялар саласында өз дағдыларын жоғары деңгейде дәлелдеп, болашақта бұл салада үлкен жетістіктерге жететініне сенімділік ұялатады.Толыбек Нұрсултан чемпионаттың жеңімпазы ретінде 2025 жылы Дания елінде өтетін EuroSkills халықаралық чемпионатында Қазақстанның намысын қорғауға аттанады. Бұл халықаралық деңгейде талантын көрсетуге үлкен мүмкіндік болып табылады. Ол елімізді әлемдік ареналарда жоғары дәрежеде танытуға зор үлес қосады деп сенеміз.WorldSkills Kazakhstan 2024 чемпионаты – бұл тек қана кәсіби шеберлік байқауы емес, жастардың өз болашағын қалыптастырудағы маңызды кезең. Қазақстанның болашақ мамандары мен кәсіпкерлері осы секілді шаралар арқылы өз білімдері мен дағдыларын жетілдіріп, халықаралық деңгейде үлкен жетістіктерге жетуге мүмкіндік алады.WorldSkills Kazakhstan 2024 чемпионатының жеңімпаздары мен барлық қатысушыларға үлкен табыс тілейміз! Бұл доданың нәтижелері жастардың кәсіптік білімге деген қызығушылығын арттырып, еліміздің экономикалық дамуына зор үлес қосатыны сөзсіз.Ақпарат көзі : https://www.gov.kz/memleket/entities/almobl/press/news/details/891003

2024 жылдың тоғыз айындағы жұмыс берушілер 4 млн 363,2 мың жұмыскердің пайдасына 170 млрд теңге сомасына міндетті зейнетақы жарналарын аударды.Бұған дейін хабарланғандай, 2024 жылғы 1 қаңтардан бастап Қазақстанда өз жұмыскерлерінің пайдасына өз қаражаты есебінен жұмыс берушінің міндетті зейнетақы жарналарын (бұдан әрі – ЖМЗЖ) кезең-кезеңімен, биыл 1,5 %-дан 2028 жылға қарай 5%-ға дейін енгізу басталды.Жұмыс берушілердің ЖМЗЖ аударуы жұмыскерлерді қартайған шағында өмір бойы қосымша жинақтаушы зейнетақы төлемімен қамтамасыз етуге мүмкіндік береді.Аталған шара қазақстандықтардың жас ұрпағын қолдауға бағытталған, олардың зейнетақы мөлшері олардың зейнетақы аударымдарына тікелей байланысты болады. Олардың зейнетақысы үш компоненттен құралады: мемлекеттен базалық зейнетақы, Бірыңғай жинақтаушы зейнетақы қорындағы аударымдар есебінен – жинақтаушы жұмыс берушілердің жарналары есебінен – зейнетақы және шартты-жинақтаушы зейнетақы.ЖМЗЖ төлеуді жұмыс берушілер 1975 жылғы 1 қаңтардан кейін туылған адамдар үшін ғана жүзеге асырады.ҚР Салық кодексіне сәйкес ЖМЗЖ төлеу бойынша жұмыс берушінің шығыстары салық салынатын табыстан шегерімге жатқызылғанын атап өту қажет. Тиісінше, жұмыс берушіге жүктеме қолайлы деңгейде қалады.Ақпарат көзі : https://www.gov.kz/memleket/entities/enbek/press/news/details/890882

2024 жылғы 25 қарашадағы жағдай бойынша 12 835 азаматқа зиянды еңбек жағдайларында ұзақ уақыт жұмыс істеген адамдарға арналған арнаулы әлеуметтік төлем (бұдан әрі – АӘТ) тағайындалды. Аталған төлемді тағайындауға жалпы 13 673 адам өтініш білдірген.Екі көзден төленетін арнаулы әлеуметтік төлемге (республикалық бюджет және Бірыңғай жинақтаушы зейнетақы қоры) 3 151 адам жүгінді, оның ішінде 3 037 адамға тағайындалды.Төрт қаржыландыру көзінен берілетін АӘТ (республикалық бюджет, Бірыңғай жинақтаушы зейнетақы қоры, жұмыс беруші және өмірді сақтандыру ұйымы) тағайындауға 10 522 адам өтініш білдіріп, оның 9 798-іне тағайындалған.Сондай-ақ, 351 азамат сақтандыру компаниясымен зейнеткерлік аннуитет шартының жасалуын күтуде, 119 азамат СМС хабарламаға жауап бермеген. Міндетті шарттарды орындамағандықтан, 368 өтініш берушіге АӘТ тағайындаудан бас тартылды.Өңірлер бойынша арнаулы әлеуметтік төлемдерді алуға өтініш білдіргендердің ең көп саны Қарағанды (2 көзден – 538 адам, 4 көзден – 1 835 адам), Қостанай (2 көзден – 340 адам, ал 4 көзден – 1 151 адам) және Шығыс Қазақстан (2 көзден – 283 адам, ал 4 көзден – 1 173 адам) облыстарында тіркелген.Бұрын хабарланғандай 2024 жылдың 1 қаңтарынан бастап Қазақстанда зиянды еңбек жағдайларында ұзақ уақыт жұмыс істеген адамдарға арнаулы әлеуметтік төлем енгізілді.Арнаулы әлеуметтік төлем тағайындау үшін 55 жасқа толу және Бірыңғай жинақтаушы зейнетақы қорында (бұдан әрі – БЖЗҚ) кемінде 7 жыл кәсіптік зейнетақы аударымдарының болуы міндетті шарттар болып табылады. Төлем зейнеткерлік жасқа дейін төленеді. Арнаулы әлеуметтік төлемдерді алу үшін еңбек жағдайлары зиянды жұмыстармен айналыспауға тиіс. Жұмыскерлер жеңіл жұмысқа ауыса алады, содан кейін олар жалақы мен төлем алады немесе демалысқа шығып, зейнетке шыққанға дейін арнаулы әлеуметтік төлем алады.БЖЗҚ деректері бойынша арнаулы әлеуметтік төлемді тағайындау үшін міндетті шарттарды ескере отырып, оған 2024 жылы 37 мыңнан астам жұмыскер үміткер бола алады, жалпы төлемнің орташа мөлшері 208 мың теңгеден асады. Әрбір жұмыскер үшін төлем мөлшері БЖЗҚ-дағы жинақтарына байланысты болады.Әлеуметтік кодекске сәйкес жұмыс берушілер кәсіптері мен қызмет түрлері Еңбек жағдайлары зиянды жұмыстармен айналысатын жұмыскерлердің, өндірістердің, жұмыстардың, кәсіптердің тізбесіне енгізілген жұмыскерлер үшін міндетті кәсіптік зейнетақы жарналарын аударады, олардың 2,3 мыңнан астам позициясы бар. Осылайша, арнаулы әлеуметтік төлемді экономиканың 17 саласында, оның ішінде тау-кен өндіру және өңдеу өнеркәсібінде және өзге де салаларда жұмыс істейтін қазақстандықтар ала алады.Ақпарат көзі : https://www.gov.kz/memleket/entities/enbek/press/news/details/890915

Астана, 2024 жылғы 25 қараша – Қазақстан Республикасы Сыртқы істер министрінің орынбасары Роман Василенко өз миссиясының аяқталуына орай Қазақстанға сапармен келген Еуропалық одақтың Орталық Азия жөніндегі арнаулы өкілі Терхи Хакаланы қабылдады.Тараптар екіжақты және өңірлік ынтымақтастықты нығайтуда қол жеткізілген ілгерілеуді атап өтіп, көпжақты өзара іс-қимылға қуатты серпін берген Астана мен Шолпан-Атада Орталық Азия елдері мен ЕО басшылары кездесулерінің ерекше маңызын атап өтті. 2023 жылы Люксембургте өткен ОА-ЕО сыртқы істер министрлерінің кездесуінде қабылданған Орталық Азия елдері мен Еуропалық одақ арасындағы ауқымды бірлескен іс-қимыл жоспары аталып өтті.Р. Василенко Транскаспий халықаралық көлік бағытын дамыту жөніндегі үйлестіру платформасының іске қосылуын құптап, Каспий теңізі порттарын жаңғырту және цифрландыру мәселелерімен қатар, бірлескен практикалық қадамдарды қабылдау қажеттігіне тоқталды.Министрдің орынбасары Еуропалық одақ арнаулы өкілінің назарын Астана мен Брюссель арасында Қазақстан азаматтары үшін ЕО визалық режимін жеңілдету туралы келісімге қатысты келіссөздерді жуық арада бастаудың маңызына аударды.Өз тарапынан Т. Хакала Еуроодақтың Қазақстанмен ұзақ мерзімді ынтымақтастықты, соның ішінде климаттың өзгеруімен күрес, су ресурстары, ғылым мен білім, сондай-ақ өңірлік байланыстарды тереңдетуге бейілдігіне сендірді.Кездесу соңында Р. Василенко Т. Хакалаға Астана мен Брюссель арасындағы достық қарым-қатынастарды нығайтуға қосқан үлесі үшін ҚР Президенті Қасым-Жомарт Тоқаевтың алғыс хатын және «Барыс» төсбелгісін табыстады.Ақпарат көзі : https://www.gov.kz/memleket/entities/mfa/press/news/details/890798

Қазақстан Республикасының Еңбек және халықты әлеуметтік қорғау министрлігі «Жергілікті атқарушы органдардың еңбек қызметін жүзеге асыру үшін шетелдік жұмыс күшін тартуға рұқсаты талап етілмейтін адамдардың тізбесіне» өзгерістер әзірледі. Құжат 2024 жылғы 10 желтоқсанға дейін жария талқылау үшін «Ашық НҚА» порталында орналастырылған.Осы түзетулер шетелдік қатысудың үлесі жүз пайыз болатын заңды тұлғаларды құрушы шетелдік инвесторларды қоса алғандағы тұлғалар санатын нақтылауға бағытталған. Өзгерістерге сәйкес, мұндай заңды тұлғалардың бірінші басшысы мен оның орынбасары еңбек қызметін жергілікті атқарушы органдардан рұқсат алмай жүзеге асыра алады.Жоба мәтінімен және ұсынылған өзгерістермен «Ашық НҚА» порталында https://legalacts.egov.kz/npa/view?id=15310429 сілтемесі бойынша танысуға болады.Ақпарат көзі : https://www.gov.kz/memleket/entities/enbek/press/news/details/890466

Астана, 2024 жылғы 26 қараша – Қазақстан Республикасы Сыртқы істер министрінің орынбасары Әлібек Бақаев Қазақстандағы миссиясының аяқталуына орай Оңтүстік Африка Республикасының Елшісі Кийтуметци Мэттьюсті қабылдады.Сұхбат барысында Ә.Бақаев К.Мэттьюске екі ел арасындағы өзара тиімді серіктестікті нығайтуға күш салғаны үшін алғыс білдірді.Атап айтқанда, Ә.Бақаев африкалық дипломаттың Астана мен Претория арасындағы саяси, сауда-экономикалық және мәдени-гуманитарлық ынтымақтастықтың дамуына қосқан үлесін ерекше атап өтті.Кездесу соңында ОАР Елшісіне Қазақстан Республикасы Премьер-Министрінің орынбасары – Сыртқы істер министрі Мұрат Нұртілеудің атынан алғыс хат табысталды.Ақпарат көзі : https://www.gov.kz/memleket/entities/mfa/press/news/details/890402

Жаңа 2024-2025 жылғы жылыту маусымына облыс бойынша халыққа көмір қажеттілігі 714 мың тоннаға, яғни 10 352 вагонға тең болады.Бүгінде темір жол көлігімен 404,1 мың тонна көмір жеткізілді. Сонымен қатар, Райымбек ауданындағы "Ойқарағай" кенішінен 21,7 мың тонна көмір сатылды. Қазіргі уақытта теміржол тұйықтары мен қоймаларында 47,4 мың тонна көмір жинақталған.Әлеуметтік нысандарды сұйық отынмен қамтамасыз ету қажеттілігі 15 млн литрді құрайды, бүгінде бұл қажеттілік толық көлемде жабылған. Қазіргі таңда Заречный ауылындағы қазандық пен Қонаев қаласының қазандықтарына 2 900 тонна мазут отыны дайындалған (жоспар бойынша 3 800 тонна). Сонымен қатар, облыс бойынша барлық қазандықтар жөндеуден өтіп, штаттық режимде жұмыс істеуде, жылу өндіруші ұйымдар тәулік бойы жұмыс істейтін диспетчерлік қызметтермен қамтамасыз етілген.2024 жылдың қазан-қараша айларында Жамбыл ауданының Ақтерек және Бірлік, Талғар ауданының Қайнар және Ұйғыр ауданының Шарын ауылдары газға қосылды. Бұл шара 11 582 тұрғынға табиғи газға қолжетімділік берді. Жоспар бойынша ағымдағы жылдың соңына дейін Талғар ауданының Көктал және Арқабай, Ұйғыр ауданының Тасқарасу және Бахар ауылдары да газбен қамтылады. Бұл жобалар 8 553 тұрғынды газбен қамтамасыз етуге мүмкіндік береді.«Таза Қазақстан» бағдарламасы аясында айтарлықтай жұмыстар атқарылуда. Бағдарламаға 751 мыңнан астам адам мен 8,8 мың кәсіпорын қатысып, 27,4 мың тонна қоқыс жиналып, 79 мың көшет отырғызылды. Телеграм-бот арқылы 485 өтініш түскен, оның 373-і орындалып, 98-і қайтарылған, 14 өтініш орындалу үстінде. Стихиялық қоқыс үйінділерін жою жұмыстары жалғасуда. Қазіргі уақытта 223 рұқсат етілмеген қоқыс үйіндісінің 25-і әлі жойылмаған, бұл мәселені шешу үшін аудан және қала әкімдері жұмысты күшейтуі тиіс.Қазбек бек және Шелек индустриалды аймақтары бойынша 25 инженерлік инфрақұрылым жобасы әзірленуде. 4 жоба сараптама қорытындысын алған, ал 10 жоба жобалау жұмыстары аяқталып, ведомствадан тыс сараптамаға ұсынылған. Қалған 11 жобаның жобалау-сметалық құжаттамасы әзірленуде және ағымдағы жылдың 20-шы желтоқсанына дейін сараптамаға ұсынылуы жоспарлануда.Қорыта айтқанда, облыс әкімі аппараты мен жергілікті басқару органдарының алдында тиімді басқару, қаржылық жауапкершілік және экологиялық мәселелерді шешу бойынша күрделі міндеттер тұр. Әсіресе, коммуналдық берешектер мен экологиялық жұмыстарға қатысты жұмыстарды жандандыру маңызды.Ақпарат көзі : https://www.gov.kz/memleket/entities/almobl/press/news/details/890141

Өткен айда Алматы облысының Мемлекеттік сәулет-құрылыс бақылау басқармасы (ГАСК) инспекторлары ауқымды тексерістер жүргізіп, құрылыс нормалары мен ережелерін бұзудың жүздеген фактісін анықтады. Тексерістердің қорытындысы бойынша 78 әкімшілік материал әзірленді. Олардың 28-і облыстық соттарға жолданды, ал қылмыстық іс қозғалмаған құқықбұзушыларға жалпы сомасы 14 644 140 теңге айыппұл салынды.Тексерістер барысында 23 заңсыз құрылыс нысаны анықталды. Олардың материалдары да сотқа жолданды. Заңсыз салынған құрылыстар, оның ішінде Талғар ауданындағы көпқабатты тұрғын үй кешені, бұзылуға жатады. Қазіргі уақытта 4 сабан үй бұзылды, ал 7 нысанға бұзу туралы талап-арыздар жолданды.Қонаев қаласындағы оқу корпусы, «Eco-Park Alatau» ТК-ның кәріз жүйелері және Райымбек ауданындағы су бөгеттері құрылысы барысында көптеген бұзушылықтар анықталды. Жауапқа тартылған мердігерлер мен техникалық қадағалау ұйымдарына қатысты шаралар қабылданды. 61 құрылыс компаниясы жауапқа тартылды, оның екіуі — ТОО «Sheberbuild» және ТОО «Жаңарту» — сот шешімімен лицензиясынан айрылған.«Алматы облысындағы құрылыс саласын тәртіпке келтіру бойынша жұмыстар жүргізіліп жатыр. Біздің тексерістеріміз тек рәсім ғана емес, қауіпсіздік пен заңдылықты қамтамасыз ету үшін күрес, — деді Алматы облысы сәулет-құрылыс бақылау (ГАСК) басшысының міндетін атқарушы Өзенбаев Ғабиден. — Құрылыс нормаларын бұзушылар заң арқылы қатал жазаланатын болады. Біз облыс бойынша, әрбір құрылыс нысаны барлық талаптар мен стандарттарға сай болғанша алған беттен қайтпай тексеруді жалғастыра береміз!»Алматы облысы мемлекеттік сәулет-құрылыс бақылау басқармасы (ГАСК) облыстағы құрылыс нормалары мен ережелерінің сақталуын қамтамасыз ету жұмысын жалғастыра береді.Ақпарат көзі : https://www.gov.kz/memleket/entities/almobl/press/news/details/890045

2024 жылғы 1 қарашадағы жағдай бойынша жергілікті атқарушы органдардың рұқсатымен Қазақстан аумағында 13 246 шетел азаматы еңбек етеді.Шетел жұмыс күшін (бұдан әрі – ШЖК) тартуға рұқсаттардың арасында мынадай санаттар бар: басшылар мен олардың орынбасарлары үшін 543 рұқсат (бірінші санат), құрылымдық бөлімшелердің басшылары үшін 2 514 рұқсат (екінші санат). Тартылған ШЖК негізгі бөлігі үшінші (мамандар) және төртінші (білікті жұмысшылар) санаттарға жатады – тиісінше олар 4 859 және 917 адам. Сондай-ақ маусымдық жұмыстарға 1 120 адам, ал корпоративтік ауыстыру аясында 3 293 адам тартылды.Қазіргі уақытта Қазақстанда ШЖК пайдаланатын 1 789 жұмыс беруші бар. Оларда 389,8 мыңнан астам Қазақстан азаматы жұмыс істейді, бұл қызметкерлердің жалпы санының 96,8% - ы.Экономикалық қызмет түрлері бойынша ең көп жұмыс істейтіндер құрылыс саласында – 5 155 адам, өңдеу өнеркәсібі – 1 387 адам, әкімшілік және көмекші қызметтер – 1 363 адам, тау – кен өнеркәсібі және карьерлерді қазу – 1 359 адам, ауыл, орман және балық шаруашылығы – 1 168 адам.Еңбек мигранттары келетін негізгі елдер: Қытай – 4 664 адам, Өзбекстан – 1 230 адам, Түркия – 1 150 адам, Үндістан – 1 108 адам.Ішкі еңбек нарығын қорғау мақсатында ҚР Еңбек және халықты әлеуметтік қорғау министрлігі жыл сайын республикаға шетел мамандарын тартуға квота белгілейді және бөледі. 2024 жылы жалпы квота республикадағы жұмыс күшінің санына қатысты 0,23% немесе 17,2 мың бірлік мөлшерінде белгіленді.Ақпарат көзі : https://www.gov.kz/memleket/entities/enbek/press/news/details/890105

Астана, 2024 жылғы 22 қараша – Қазақстан Республикасы Сыртқы істер министрінің орынбасары Әлібек Бақаев Түркі Академиясының Президенті Шахин Мұстафаевты қабылдады.Кездесу барысында тараптар ұйымның ағымдағы қызметі мен 2025 жылы жоспарланған іс-шараларды талқылап, ынтымақтастықтың басым бағыттары бойынша пікір алмасты.Бұдан бөлек, қазақстандық тарап ү.ж. 9-11 қыркүйекте Бакуда тиісті комиссия бекіткен Ортақ түркі әліпбиін қабылдау бойынша Академия жұмысының маңыздылығын атап өтті.Ә.Бақаев Академияның жұмысы түркі мемлекеттерінің ғылым, білім және мәдениет саласындағы ынтымақтастығын тереңдетуге, ортақ тарихи-мәдени мұраны нығайтуға көмектесуге, сондай-ақ оның бүкіл ТМҰ әлемінде танытуға бағытталуы керек екенін атап өтті.Түркі Академиясы 2010 жылғы 25 мамырда Қазақстан Республикасының бастамасымен құрылған. Академияны құру туралы келісімге 2012 жылғы 23 тамызда Бішкек қаласында (Қырғызстан) Түркі мемлекеттері ынтымақтастық кеңесінің ІІ-ші саммиті барысында қол қойылды. Мүшелері: Әзербайжан, Қазақстан, Қырғызстан және Түркия. Бақылаушы мемлекеттер: Мажарстан, Өзбекстан.Ақпарат көзі : https://www.gov.kz/memleket/entities/mfa/press/news/details/889829

2024 жылы 16 535 этникалық қазақ тарихи отанымен табысып, қандас мәртебесін алды. Жалпы 1991 жылдан бері республикаға 1 млн 144,9 мың этникалық қазақ оралды.Жыл басынан Қазақстанға келген қандастардың 45,9%-ы Қытайдан, 39,2% – Өзбекстаннан, 5,8% – Моңғолиядан, 5,2% – Түрікменстаннан, 2,8% – Ресейден және 1,1% басқа елдерден.Осы жылғы 1 қарашадағы жағдай бойынша еңбекке қабілетті жастағы этникалық қоныс аударушылар саны 57,4%-ды, еңбекке қабілетті жастан кіші 33,2%-ды және зейнеткерлер 9,4%-ды құрайды.Еңбекке қабілетті жастағы қандастардың ішінен білім деңгейі бойынша 17,8%-ы жоғары білімді, 24,8%-ы орта кәсіби білімді, 54,4%-ы жалпы орта білімді, және 3% білім жоқ.Қоныс аударған этникалық қазақтар республиканың түрлі өңірлеріне қоныстанды.Сонымен бірге, қандастарды қоныстандыру үшін келесідей еңбек күші тапшы өңірлер анықталды: Ақмола, Абай, Қостанай, Павлодар, Шығыс және Солтүстік Қазақстан облыстары.Қоныстандыру өңірлерінде 2024 жылға арналған қандастарды қабылдау квотасы 3 033 адамды құрайды. 2024 жылғы 1 қарашадағы жағдай бойынша қоныстандыру өңірлеріне 2 841 қандас қоныс аударды.Жоғарыда аталған өңірлерде қоныстанған қандастарға көшуге субсидия түрінде мемлекеттік қолдау шаралары ұсынылады – бір мезгілде отағасына және отбасының әрбір мүшесіне 70 АЕК (258,4 мың теңге) мөлшерінде; тұрғын үй жалдауға және коммуналдық қызметтерге ақы төлеуге – бір жыл ішінде 15-тен 30 АЕК (55,3-ден 110,7 мың теңгеге дейін) мөлшерінде.Жыл басынан бері 2 390 қандасқа түрлі қолдау шаралары көрсетілді. Атап айтқанда, 763 адам тұрақты жұмысқа орналастырылды.Сонымен қатар ерікті қоныс аударудың тиімділігін арттыру мақсатында азаматтарды солтүстік өңірлерге қоныс аударуға қатысатын жұмыс берушілерді қолдау бойынша институционалдық шаралар қабылданды. Тұрғын үй сатып алу, салу үшін немесе ипотекалық тұрғын үй қарыздары бойынша бастапқы жарнаның бір бөлігін жабу үшін экономикалық ұтқырлық сертификаты тұрғын үй құнының 50%-ы немесе бір отбасына 4,28 млн теңгеге дейін мөлшерінде біржолғы өтеусіз және қайтарымсыз негізде енгізілді.Естеріңізге сала кетейік, өткен жылда пилоттық режимде Қазақстан елшіліктері арқылы «бір терезе» қағидаты бойынша қандас мәртебесін беру тетігі іске асырылды. Пилоттық жоба шеңберінде елімізге бару, жұмыс орны, тұрғын үй беру мүмкіндіктері туралы мәселені шешуге және республика аумағына кірмей-ақ қандас мәртебесін алуға болады. Бүгінгі таңда этникалық қазақтардан жаңа форматта 21 166 өтініш қабылданды.Ақпарат көзі : https://www.gov.kz/memleket/entities/enbek/press/news/details/889235

Загреб, 2024 жылғы 22 қараша – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Хорватия Республикасына ресми сапары аясында экономиканың түрлі секторларын ұсынатын жетекші хорват компанияларының басшыларымен кездесу өткізді.Атап айтқанда, іс-шараға келесі фирмалардың өкілдері қатысты: «INA» – Балқан өңіріндегі ең ірі мұнай кәсіпорындарының бірі; «JANAF» – «Jadranski naftovod» мұнай құбырлары жүйесінің операторы; әртүрлі жүк түрлерін ауыстырып тиеуді қамтамасыз ететін Риека порты; «JGL» – дәрілік препараттардың кең желісін өндіруші Ядран-Гален зертханасы. Сондай-ақ кездесуге Хорватия экономика палатасының құрамына кіретін әрі туризм, сауда және консалтингтік қызметтер саласында жұмыс істейтін компаниялардың өкілдері қатысты.Кездесудің негізгі мақсаты екіжақты іскерлік серіктестіктің перспективаларын талқылау және ағымдағы геосаяси және геоэкономикалық шындықтарды ескере отырып, оны дамытудың жаңа бағыттарын айқындау болды.ҚР СІМ басшысы сұхбаттастарға Қазақстанда жүргізіліп жатқан негізгі саяси және әлеуметтік-экономикалық реформалар туралы ақпарат берді. Еліміздегі жүйелі қайта құрулар, сондай-ақ инфрақұрылымды, көлік пен логистиканы дамытуға ауқымды инвестициялар, цифрландырудың жоғары деңгейі Қазақстанда бизнес жүргізу үшін қолайлы жағдайларды қамтамасыз ететіні аталып өтті.Министр хорват компанияларын қазақстандық серіктестермен ынтымақтастық орнату мен дамытуға және іскерлік байланыстарды кеңейтуге шақырды. Іскерлік байланыстарды кеңейтудің негізі екі ел арасындағы барлық деңгейлерде жүргізілетін саяси диалогтың оң динамикасы болып табылатынына назар аударылды.Қазақстан мен Хорватияның тиімді геостратегиялық орналасуын назарға ала отырып, сауда-экономикалық және инвестициялық серіктестікті дамытуға екі тараптың Еуропа мен Азия арасындағы негізгі көлік-транзиттік хаб ретінде өз позицияларын нығайтуға ұмтылуы ықпал етеді.Кездесуге қатысушылар энергетика, көлік және логистика, агроөнеркәсіптік кешен, IT-технологиялар, білім беру, туризм сияқты салаларда өзара тиімді бірлескен жобалардың елеулі әлеуетінің бар болуы туралы ортақ пікірге келді.Осыған байланысты хорват компанияларына перспективалы жобаларды айқындау жөніндегі екіжақты тетіктері – Экономикалық ынтымақтастық жөніндегі үкіметаралық комиссия мен «Қазақстан-Хорватия» Іскерлік кеңесінің мүмкіндіктерін пайдалану ұсынылды, олардың келесі отырыстары Астанада 2025 жылы жоспарлануда.Кездесу қорытындысы бойынша өзара тиімді барлық салаларда екіжақты ынтымақтастықты дамыту мақсатында екі елдің үкіметтері мен іскер топтары арасында байланысты қолдау уағдаластығына қол жеткізілді. Ақпарат көзі : https://www.gov.kz/memleket/entities/mfa/press/news/details/889104

Загреб, 2024 жылғы 22 қараша – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Хорватияға ресми сапарының екінші күні Хорватия Республикасының Премьер-министрі Андрей Пленковичтің қабылдауында болды.Қазақстан Президенті Қасым-Жомарт Тоқаевтың 2024 жылғы қарашада Бакуде СОР29 алаңында өткен Хорватия үкіметінің басшысымен екіжақты келіссөздерін жалғастыра отырып, тараптар саяси диалогты нығайтуға және екі ел арасындағы іскерлік байланыстарды кеңейтуге бағытталған алдағы қадамдарды талқылады.Атап айтқанда, Министр сұхбаттасын Мемлекет басшысының бастамасымен Қазақстандағы институционалдық саяси және әлеуметтік-экономикалық реформалармен таныстырды. Іске асырылып жатқан шаралар елімізде бизнесті ашуға және жүргізуге қолайлы жағдай жасауға ықпал ететіні аталып өтті.М. Нұртілеу хорват компанияларды Қазақстанмен сауда-инвестициялық әріптестікті орнатуға және дамытуға шақырып, энергетика, көлік және логистика, ауыл шаруашылығы, ақпараттық технологиялар, білім беру, туризм сияқты перспективалы бағыттарды атап өтті.Осы тұрғыда тараптар іскерлік байланыстарды арттыруға Экономикалық ынтымақтастық жөніндегі қазақ-хорват үкіметаралық комиссиясының және «Қазақстан-Хорватия» Іскерлік кеңесінің жұмысы ықпал етуі тиіс деген ортақ пікір білдірді, олардың келесі отырыстары Астанада 2025 жылы жоспарланып отыр.Өз кезегінде А. Пленкович сенім мен өзара қолдауға негізделген Астана мен Загреб арасындағы саяси диалог пен өзара тиімді әріптестікті нығайтуға деген өзара ұмтылысын растады.Кездесу қорытындысы бойынша тараптар екі ел арасындағы сындарлы өзара іс-қимылды, оның ішінде аса жоғары және жоғары деңгейдегі сапарларды ұйымдастыру және өткізу арқылы жалғастыру уағдаластығына қол жеткізді.Ақпарат көзі : https://www.gov.kz/memleket/entities/mfa/press/news/details/889037