Астанада Қазақстан Республикасы Көлік министрлігінің кеңейтілген алқа отырысы өтті. Шара барысында 2024 жылғы Министрлік жұмысына қорытынды жасалып, 2025 жылға арналған жоспарлар айқындалды.Іс-шараға Қазақстан Республикасы Премьер-Министрінің орынбасары Роман Скляр, Қазақстан Республикасы Парламентінің депутаттары, Қазақстан Республикасы Көлік министрі Марат Қарабаев, Қазақстан Республикасы Президенті Әкімшілігі мен Үкіметі аппаратының өкілдері, вице-министрлер, аппарат басшысы, комитеттердің төрағалары, департамент директорлары, Қазақстан Республикасы Көлік министрлігінің ведомстволық бағынысты ұйымдарының басшылары, жергілікті атқарушы органдардың өкілдері қатысты.«2024 жылы жол саласында жөндеу жұмыстары рекордтық 12 мың шақырымды қамтыды, оның 7 мың шақырымы аяқталды. Негізгі күш «Алматы – Қарағанды»(879 шқ), «Талдықорған – Өскемен» (768 шқ) және «Ақтөбе – Атырау – Астрахань» (607 шқ) ірі транзиттік дәліздеріндегі қайта құру жұмыстарын аяқтауға бағытталды. Бүгінгі күні бұл бағыттар бойынша жұмыстар аяқталды. Темір жол көлігі саласында жүк тасымалының өсімі 2% немесе 303 млн тоннаны құрады (2023 ж. – 297,4 млн., 2025 ж. – 310). Бұл тарихи максимум. Темір жол көлігімен 21 млн жолаушы тасымалданып, 4%-ға өсті. Өткен жылы 185 локомотив, 2350 жүк вагоны және 143 жолаушы вагоны сатып алынды. Теңіз көлігімен тасымалдау көлемі 7,5 млн тоннаны құрап, 4%-ға өсті. Азаматтық авиация саласында қазақстандық әуе компаниялар өткен жылы 14,7 млн жолаушы тасымалдады, бұл 2023 жылғы көрсеткішпен салыстырғанда 11%-ға (13,3 млн) артық. Әуежайларда жолаушыларға қызмет көрсету көрсеткіштері 14% өсіп 29,7 млн адамды құрады (2023 жылы 26,1 млн), жүк өңдеу 18% өсіп 171 мың тоннаны құрады (2023 жылы 145 мың). Автомобиль көлігі басқа көлік түрлерімен салыстырғанда жүк тасымалдаудың ең үлкен өсімін көрсетуде. Жыл сайын экспорт-импорт тасымалының өсу динамикасы 20%-дан астам, транзиттік 40%-ға жуықты көрсетеді. Бұл ретте Қытайдың транзиттік тасымалы 2 және одан да көп есеге артты. Өткен жылы біз Қытай және Өзбекстан елдерімен рұқсат қағаздарын толығымен электронды форматқа көшірдік. Соның нәтижесінде соңғы 2 жылда Өзбекстанмен рейстер саны 6 мыңнан 36 мыңға дейін, Қытаймен – 50 мыңнан 230 мыңға дейін өсті», – деді көлік министрі Марат Қарабаев.Министр өз сөзінде 2025 жылға арналған жоспарларға кеңінен тоқталды. Атап айтқанда биылғы жылы жол-құрылыс жұмыстарының қамтылуы 13 мың шақырымды құрайды деп күтілуде. Жалпы ұзындығы 1045 шақырымды құрайтын жаңа жобаларды жүзеге асыру басталады. Оның ішінде «Ақтөбе – Ұлғайсын» (234 км), «Қарағанды – Жезқазған» (572 км), «Атырау – Доссор» (86 км) учаскелері және Сарыағаш (102), Қызылорда (26 км), Рудный (17 км) және Петропавл (8 км) қалаларының айналма жолдары. Достық-Мойынты және Алматы айналма темір жолдарының құрылысы аяқталып, Қызылжар-Мойынты нысанының құрылысы басталады. Биылғы жылы 54 вокзал жөндеу және қайта құру жұмыстарымен қамтылады. Ақтау портында 250 мың контейнерлік хабтың құрылысы аяқталып, тереңдету жұмыстары жүргізіледі. Рим, Мюнхен, Будапешт, Шанхай, Гуанчжоу және Пусан қалаларына 16 жаңа әуе бағыттары жоспарлануда. 4 жаңа шетелдік лоукостер SpiceJet (Үндістан), Eastar Jet және T’way Air (Корея), ThayAirAsia (Тайланд) келуіне байланысты жолаушыларға арналған бюджеттік бағыттар кеңейеді. Шетелдік рұқсат беру бланкілерін электрондық форматқа көшіру аясында адами факторлар, сәйкесінше сыбайлас жемқорлық тәуекелдері толығымен жойылды. Қазірдің өзінде Түркі Мемлекеттері ұйымымен (Түркия, Әзірбайжан, Қырғызстан) және Балтық жағалауы елдерімен (Ресей, Латвия, Литва) шетелдік рұқсат бланкілерін электронды түрде алмасуға көшу жұмыстары жүргізілуде.Отырыс қорытындысы бойынша Қазақстан Республикасы Премьер-Министрінің орынбасары Роман Скляр еліміздің көлік-логистика саласын дамыту аясындағы жұмыстарды одан әрі жетілдіру мақсатында бірқатар нақты тапсырма берді.Ақпарат көзі : https://www.gov.kz/memleket/entities/transport/press/news/details/948677

«Бірлік пен ынтымақ басты құндылығымыз әрі мемлекеттік саясаттың бұлжымас бағдары болып қала береді», - Қазақстан Республикасының Президенті Қасым-Жомарт Тоқаев.Бүгінде Қазақстанда 124-тен астам этнос өкілдері татулық пен келісімде өмір сүреді. Олар елдің толыққанды азаматтары және мемлекеттің дамуына елеулі үлес қосып келеді. Қазақстандық бірегейлікті нығайту, этносаралық шиеленістің мен қақтығыстардың алдын алу – мемлекеттік саясаттың негізгі басымдықтары.Қазақстан Республикасының Мәдениет және ақпарат министрлігі 2024 жылы этносаралық келісімді нығайтуға, қақтығыстардың алдын алуға, этномедиацияны дамытуға, мамандарды даярлауға және этносаралық саладағы мемлекеттік саясатты жүзеге асыруға бағытталған кешенді шараларды іске асырды.Солардың бірі – 1 наурызда «Алғыс айту» күніне орай ұйымдастырылған республикалық телекөпір. Оған 1000-нан астам адам қатысты. Іс-шара аясында «Қайырымдылық керуені» республикалық акциясы және «Шаңырақ» шығармашылық байқауы өтті.Жылдың маңызды оқиғаларының бірі – 25 сәуірде өткен Қазақстан халқы Ассамблеясының (ҚХА) «Бірлік. Жасампаздық. Прогресс» XXXIII сессиясы. Оған Мемлекет басшысы төрағалық етті. Сонымен қатар, 28 сәуірде «Бірлік жүгірісі» атты жартылай марафон өтті. Оған 15 өңірден 15 мың адам қатысты.2024 жылы ҚХА жанынан «Жомарт жан» қоғамдық орталықтары құрылды. Олар бірнеше волонтерлік және қайырымдылық акциялар ұйымдастырды. Атап айтсақ, «Жүректен жүрекке» және «Мектепке жол» акциялары өтті. Жалпы, өткен жылы ҚХА мүшелері мұқтаж азаматтарға 1,3 млрд теңге көлемінде көмек көрсетті.«Жомарт жан» орталықтары негізгі 4 бағыт бойынша қызмет етеді.1. Мектепке жол – бұл көпбалалы және аз қамтылған отбасылардан шыққан балаларды жыл сайын мектепке дайындауға көмек көрсететін қайырымдылық акциясы. 2024 жылы 6,5 мыңнан астам бала мектепке қажетті құрал-жабдықтар мен киімдермен қамтамасыз етілді. Жалпы, 260 млн теңге қаржы жұмсалды.2. Жүректен жүрекке – бұл табиғи апаттар мен төтенше жағдайлар кезінде азаматтарға қолдау көрсетуге бағытталған жоба. Жоба аясында волонтерлердің көмегімен зардап шеккен өңірлерге 1700 тоннадан астам азық-түлік, дәрі-дәрмек және бірінші кезекте қажетті тауарлар жеткізілді. Гуманитарлық көмектің жалпы сомасы 805 млн-нан астам қаржы жұмсалды.3. Мейірім – инклюзивті топтар мен әлеуметтік осал азаматтарды қолдау бағыты. 2024 жылы жоба аясында 1320 отбасы және 483 азаматқа әлеуметтік көмек көрсетілді.4. Қамқор – спорттық және әлеуметтік инфрақұрылымды дамытуға бағытталған қайырымдылық жобалары. 2024 жылы өңірлерде жаңа спорт алаңдары құрылды, спортпен шұғылдануға арналған орталықтар ашылды, сондай-ақ мектептер заманауи білім беру құралдарымен жабдықталды (мысалы, интерактивті тақта және т.б.).Сонымен қатар, былтыр ҚХА 13 арнайы қоғамдық жобаны жүзеге асырды. ҚХА-ның 10 қоғамдық құрылымы белсенді жұмыс атқаруда. Олардың қатарында Ақсақалдар кеңесі, Аналар кеңесі, «Ассамблея жастары» республикалық қоғамдық бірлестігі, Журналистер клубы, Ғылыми сарапшылар кеңесі, «Жомарт жан» орталықтары, Этномедиация кеңесі, Шығармашылық ұжымдар қауымдастығы, Студенттік ҚХА, Жас ғалымдар клубы бар.ҚХА мыңнан астам этномәдени бірлестікпен тығыз байланыс орнатқан.Еліміз бойынша 35 Достық үйі мыңнан астам этномәдени бірлестік үшін заманауи комьюнити-орталықтар ретінде қызмет етеді. 2024 жылы бұл орталықтарда 2 757 іс-шара ұйымдастырылып, оған шамамен 300 мың адам қатысты.2024 жылы ҚХА құрылымдарының қатысуымен 15 000-нан астам әлеуметтік маңызы бар іс-шара өтті, 700 мың адам қатысты.Елдегі төрт университеттің журналистика факультетінде «Этносаяси сауаттылық» атты арнайы курс енгізілді.Этносаралық қатынастар саласындағы маңызды бағыттардың бірі – қақтығыстардың алдын алудың тиімді тетігі ретінде этномедиацияны дамыту. 2024 жылы 233 кәсіби этномедиатор республикалық, өңірлік және жергілікті деңгейде даярлықтан өтті. Сондай-ақ 30 семинар мен тренинг өткізіліп, 1 207 адам оқытылды.Этносаралық қатынастардың жай-күйін объективті бағалау мақсатында 2 социологиялық зерттеу жүргізілді, өңірлерге 10 мониторингтік сапар жасалып, олардың қорытындысы бойынша мемлекеттік органдарға тиісті ұсыныстар берілді.Зерттеу нәтижелері бойынша ел азаматтарының 97,3%-ы этносаралық жағдайды тұрақты және қолайлы деп бағалады.Этносаралық мәселелер бойынша 80 өңірлік ақпараттық-түсіндіру тобы 160 мыңнан астам адам қатысқан 3 000-нан астам іс-шара өткізді. Олар конференциялар, кездесулер, семинарлар, кеңестер, дөңгелек үстелдер және басқа да форматтарда өтті.Министрлік нәсілдік кемсітушіліктің барлық түрлерін жою туралы халықаралық конвенцияны орындау және антидискриминациялық заңнаманы талқылау мәселелері бойынша тұрақты ведомствоаралық жұмыс тобын құрды. Жұмыс қорытындысы бойынша осы саладағы заңнаманы жетілдіруге арналған ұсыныстар әзірленді.Қазақстанда қоғамдық келісім мен этносаралық өзара іс-қимылды нығайту жөніндегі жүйелі жұмыс 2025 жылы да жалғасын табады. Қазақстан Республикасының Президенті Қ.К.Тоқаевтың төрағалығымен ҚХА-ның XXXIV мерейтойлық сессиясы өткізіледі. Бұл – ұлттық бірлікті дамытудағы басым бағыттарды айқындайтын негізгі іс-шаралардың бірі болмақ.ҚХА-ның 30 жылдығына дайындық аясында 400-ден астам ірі іс-шараны ұйымдастыру бойынша жоспар әзірленіп, бекітілді. Сонымен қатар, ҚХА Антологиясы мен мерейтойлық медалі шығарылады.Биыл ақпараттық-түсіндіру жұмыстарына, мемлекеттік органдар мен қоғамдық құрылымдардың этностарды қазақстандық қоғамға интеграциялау тиімділігін арттыруға, сондай-ақ этносаралық тұрақтылықты қамтамасыз етуде азаматтық қоғамның рөлін күшейтуге ерекше назар аударылады.Бұл саладағы кәсіби мамандарды дамыту үшін ҚХА Журналистер клубы аясында 200-ден астам журналист оқытылады, ал этносаралық қатынастар саласындағы 1000-нан астам кәсіби келіссөз жүргізушінің біліктілігі арттырылады.2025 жылғы негізгі басымдықтардың бірі – салалық кадрларды даярлау. «Этносаясаттану» және «Этножурналистика» мамандықтары бойынша оқытылған мамандардың санын арттыру жоспарда бар.Сонымен қатар, ҚХА жобалары, Достық үйлері, лингвистикалық кабинеттер және басқа да мамандандырылған құрылымдар арқылы мемлекеттік тілді этносаралық қатынас тілі ретінде қалыптастыру жұмыстары күшейтіледі.Бұл міндеттер Қазақстан Республикасында қазақстандық патриотизмге, азаматтық бірлікке және ел халқының рухани-мәдени тұтастығына негізделген қоғамдық келісім мен жалпыұлттық тұтастықты қамтамасыз етуге мүмкіндік береді.ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/akimvko/press/news/details/948497

Л. Н. Гумилев атындағы Еуразия ұлттық университетінде Алғыс айту күніне орай Қазақстан Республикасы Мемлекеттік Елтаңбасының авторы, сәулетші, профессор Жандарбек Мәлібековпен кездесу өтті.Іс-шараны ҚР Мәдениет және ақпарат министрлігінің қолдауымен «Геральдикалық зерттеулер орталығы» ұйымдастырды.Алқалы жиынға мемлекеттік орган өкілдері, ғылыми қауымдастық мүшелері, жоғары оқу орындарының оқытушылары мен студенттері қатысты.Кездесу барысында Жандарбек Мәлібекұлының шығармашылық жолы, оның мемлекеттік рәміздерді әзірлеудегі идеялық ұстанымдары сөз болды.Қатысушылар өз сөздерінде мемлекеттік рәміздердің ұлттық бірегейлікті нығайтудағы маңызын атап өтті.Сонымен қатар, кездесуде «Жандарбек Мәлібекұлы және Елтаңба» деректі фильмі көрсетілді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/948267

2025 жылғы 28 ақпанда Қазақстан Республикасы Энергетика министрлігінің ресми интернет-ресурсында көмірсутектер бойынша жер қойнауын пайдалану құқығын беру жөніндегі аукционды өткізуге берілген өтініштер негізінде аукцион өткізу туралы және оны өткізу шарттары туралы хабарлама орналастырылдыhttp://www.gov.kz/memleket/entities/energo/documents/details/805565?lang=kkӨтініштерді қарау нәтижелері бойынша аукционға 11 жер қойнауы учаскесі шығарылды.Аукционға қатысуға өтініштерді беру үшін берілетін мерзім аукцион өткізу туралы хабарлама жарияланған күннен бастап екі айды құрайды.Хабарламада «Жер қойнауы және жер қойнауын пайдалану туралы» ҚР Кодексінің (бұдан әрі – Кодекс) 95-бабының 2-тармағында көзделген ақпарат қамтылады.Осыған байланысты, Жер қойнауы құқығын алуға мүдделі барлық тұлғалар аукцион өткізуге арналған өтінішті «Ақпараттық-есептеу орталығы» АҚ электрондық аукциондар операторының сайтында бере алады (сілтеме: www.e-kazyna.kz). Аукцион негізінде көмірсутектер бойынша жер қойнауын пайдалану құқығын берудің шарттары мен тәртібі Кодексінің 93-99-баптарында және Көмірсутектер бойынша жер қойнауын пайдалану құқығын беруге арналған электрондық аукциондар операторының интернет-ресурсын пайдалана отырып, электрондық нысанда аукцион өткізу қағидаларында (ҚР Энергетика министрлігінің 2020 жылғы 30 шілдедегі № 269 бұйрығы) көзделген.Осылайша, осы баспасөз хабарламасы Энергетика министрлігі өткізетін жер қойнауын пайдалану құқығын беруге арналған аукционға қатысуға ниет білдірушілердің барлығын хабардар ету мақсатында жарияланады.Барлық мәселелер бойынша мына телефондарға хабарласуға болады: 8 (7172) 78-68-95, 78-69-48.Ақпарат көзі : https://www.gov.kz/memleket/entities/energo/press/news/details/948559

Атырау қаласында мұнай-газ саласына арналған жабдықтар шығаратын «Beruseal Caspian» зауытының ресми ашылуы өтті. Бұл – отандық өндірісті дамыту және ірі мұнай-газ жобаларындағы қазақстандық тауарлардың үлесін арттыру жолындағы маңызды қадам.Іс-шараға Энергетика министрлігінің, Атырау облысы әкімдігінің, Мұнай-газ машина жасауын дамыту жөніндегі халықаралық орталықтың өкілдері, сондай-ақ ірі мұнай-газ компаниялары қатысты.Бұған дейін Мемлекет басшысы отандық өндірісті дамыту, жаңа технологияларды тарту және жұмыс орындарын құру міндетін айтқан болатын. Бұл зауытты іске қосу импортқа тәуелділікті төмендетуге және жергілікті кәсіпорындарды дамытуға маңызды қадам болып табылады.Жаңа кәсіпорында құбырларға арналған жылдам ажыратылатын қысқыштар мен оларды жөндеуге арналған композициялық материалдар өндіріледі. Бұрын бұл жабдық шетелден сатып алынатын, енді ол Қазақстанда шығарылатын болады.Энергетика министрлігі Beruseal компаниясымен, сондай-ақ ірі мұнай-газ компаниялары және Мұнай-газ машина жасауын дамыту жөніндегі халықаралық орталықпен бірлесіп, локализация жоспарын әзірледі, онда технологияларды беру және бірлескен кәсіпорын ашу көзделген.Айта кету керек, 2021 жылдан бастап Қазақстан мұнай-газ саласындағы отандық өндіріс үлесін ұлғайту бойынша белсенді жұмыс жүргізіп келеді. Бүгінгі таңда халықаралық инвесторлар мен жабдық өндірушілерімен 24 келісім жасалып, 27 локализация жобасы әзірленді, олардың ішінде 7 зауыт іске қосылды.Ақпарат көзі : https://www.gov.kz/memleket/entities/energo/press/news/details/948660

2024 жылы дәрігерлердің тапшылығы 19%-ға - 4 864-тен 3 954 маманға дейін қысқарды, ал орта медицина қызметкерлерінің тапшылығы 7%-ға, 4 820-дан 4 505-ке дейін төмендеді, деп хабарлады Денсаулық сақтау министрлігінің алқа отырысында.Ең тапшы мамандардың тізімінде терапевттер, жалпы практика дәрігерлері, акушер-гинекологтар, анестезиологтар-реаниматологтар, хирургтар мен педиатрлар қалуда.Денсаулық сақтау саласының кадрлық ресурстарын заңнамалық деңгейде бекіту мақсатында ауылда әлеуметтік қолдау шаралары қабылданды. Бүгінгі таңда өткір тапшы мамандықтар бойынша 207 медицина қызметкеріне біржолғы төлемдер жүргізілді.Сонымен қатар, тұрақты жұмыс орнына келген 544 дәрігер, оның ішінде 2024 жылғы 226 түлек әлеуметтік қолдау шараларын алды.Медицина қызметкерлерін, оның шеңберінде 164 мың маманды құқықтық қорғау мақсатында кәсіби жауапкершілікті сақтандыру туралы Заң қабылданды.Денсаулық сақтау министрлігі арнайы мамандарды даярлауға квоталарды 1500-ден 2500 орынға дейін ұлғайтты және мамандарды өңірлер бойынша біркелкі бөлу үшін кадрларды есепке алудың ұлттық жүйесін (КЕЖ 2.0) енгізуде. Ақпарат көзі : https://www.gov.kz/memleket/entities/dsm/press/news/details/948092

Облыс әкімі Қобда ауданына жұмыс сапары кезінде Кеңес Одағының Батыры Әлия Молдағұлованың туған жері «Әлия» ауылында болды.Әлия ауылы Ақтөбе қаласынан 70 шақырым жерде орналасқан. Елді мекенде мыңнан астам тұрғын бар. 100 жылдық мерейтойға орай ауылдағы Мәдениет үйі жөндеуден өтті. Бұған облыстық бюджеттен 74,4 млн теңге бөлінді. Мәдени ошақтың есіктері жаңаланып, едені мен шатыры ауыстырылды, қабырғалар әктеліп, жаңа плиткалар төселді, бейнебақылау камералары орнатылды, көше жарығы қойылып, тротуарлары алынып, ауласы абаттандырылды.Ауылдық модельдік кітапхана да осы мәдени нысанның ішінде орналасқан. Халықтың бос уақытын тиімді өткізу үшін мұнда түрлі тақырыптық іс-шаралар өткізіледі, театрландырылған қойылымдар ұсынылып, көрмелер ұйымдастырылады.Кітапханашы Кенжегүл Князова мерген қыздың 100 жылдығын мерекелеу аясында кітапханада батырға арналған еске алу кешін және өзге де танымдық іс-шараларды өткізуді жоспарлап отырғанын жеткізді.Сондай-ақ, өңір басшысы Асхат Шахаров облыстық «Әлия» патриоттық тәрбие орталығында жүргізілген күрделі жөндеу жұмыстарын қарап шықты.Орталық 2005 жылы Әлия Молдағұлованың 80 жылдығына орай ашылды. Мұнда батыр қыздың өмірі мен ауыл тарихына арналған жәдігерлер қойылған мұражай бар.Жөндеу барысында орталық ғимараты толығымен жаңғыртылды. Қасбеті жаңартылып, шатыры ауыстырылды, су және электрмен жабдықтау жүйесі ретке келтірілді, ішкі әрлеу жұмыстары жүргізілді. Плиталар төселіп, жылыту қазандығы жаңаланды.Аймақ басшысы бұл орталықтың жастарға патриоттық тәрбие беруде және даңқты батыр қыз туралы құнды тарихты сақтап қалуда маңызы зор екенін атап өтті. Мәдени орда жас ұрпақ арасында азаматтық жауапкершілік пен олардың бойында патриотизмді тәрбиелеуде орасан зор рөл атқарып келеді.Ақпарат көзі : https://www.gov.kz/memleket/entities/aktobe/press/news/details/948146

Механикалық тазарту - бұл каналдарды саз-балшық пен қоқыстан, балдырлар және су өткізуге кедергі келтіретін басқа да шөгінділерден тазарту. Ол үшін каналдардың түбін тереңдетіп, қабырғаларын тазартатын экскаваторлар, жерснарядтар және басқа да арнайы техника пайдаланылады. Бұл жұмыс каналдардың суару, дренаж және өндіріс үшін су өткізу мүмкіндігін арттырып, елді мекендерді су басу қаупін азайтады.Ақпарат көзі : https://www.gov.kz/memleket/entities/water/press/news/details/948481

Ақтөбе облысы бойынша «Қазсушар» филиалы су тасқыны кезеңіне дайындық аясында Сазды су қоймасының су тастайтын бөлігін күрделі жөндеуден өткізді. Қарғалы су қоймасына көп факторлы тексеріс жүргізіліп, қақпасының шынжырлары мен электр қозғалтқыштары ауыстырылды, қоршаудың зақымдалған бөлігі жөнделді. Облыстағы Ақтөбе, Қарғалы, және Сазды су қоймалары штаттық кестеге сай жұмыс істеп тұр және су тасқыны кезеңіне дайын.Ақпарат көзі : https://www.gov.kz/memleket/entities/water/press/news/details/948491

Бұл туралы ҚР АШМ алқасының кеңейтілген отырысында вице-министр Аманғали Бердалин мәлімдеді. Қазақстанның балық саласы агроөнеркәсіптік кешеннің перспективалы бағыттарының бірі болып табылады. 2024 жылы балық өсіретін шаруашылықтар өсірілген тауарлық балық көлемін 24 мың тоннаға дейін ұлғайтты, бұл 2023 жылмен салыстырғанда 28%-ға өскенін көрсетеді.Саланы одан әрі дамыту үшін бірқатар маңызды бастамалар іске асырылды. Атап айтқанда, балықты өсіру және қайта өңдеу жөніндегі жобаларды қолдау үшін 2,5% мөлшерлеме бойынша бюджеттік кредиттеу енгізілді, ірі су айдындарындағы учаскелерді конкурс өткізбей инвесторларға бекіту тәртібі енгізілді, бұл аквамәдениетті дамыту үшін қолайлы жағдайлар жасайды. Каспий теңізінде шабақ өндіру лимиті 8-ден 30 мың тоннаға дейін ұлғайтылды. Каспий итбалығын сақтау үшін табиғи резерват құрылды. Маңызды қадамдардың бірі мемлекеттік ақпараттық жүйелермен интеграцияны қамтамасыз ететін және балықтың заңсыз айналымына кедергі келтіретін "е-fish" қадағалау ақпараттық жүйесін енгізу болды. Көксерке мен жайын балықтарының өңделмеген экспортына уақытша шектеулер енгізілді. Бұл тыйым қайта өңделген өнім көлемін 699 тоннаға ұлғайта отырып, балық өңдеу кәсіпорындарын жүктеуге мүмкіндік берді, бұл 2023 жылмен салыстырғанда 23%-ға артық. 2025 жылдың 14 ақпанынан бастап тыйым салу тағы алты айға ұзартылды. Су биоресурстарының көбеюіне де маңызды назар аударылады. Табиғи мекендеу орындарына бекіре, ақ балық және сазан балықтарын қоса алғанда, әртүрлі балық түрлерінің 53,8 миллион шабақтары жіберілді. 2025 жылы саланы дамыту жөніндегі жұмыс жалғастырылатын болады.Ақпарат көзі : https://www.gov.kz/memleket/entities/moa/press/news/details/948357

Астана, 2025 жылғы 28 ақпан – Қазақстан Республикасы мен Аустрия Республикасы дипломатиялық паспорт иелерін визалық талаптардан босату және заңсыз жүрген тұлғаларды реадмиссиялау жөніндегі үкіметаралық келісімдерге қол қойды.Қазақстан тарапынан құжаттарға ҚР Ішкі істер министрі Ержан Сәденов пен ҚР Сыртқы істер министрінің орынбасары Әлібек Бақаев қол қойды. Аустриялық тарапынан рәсімге Аустрияның Қазақстандағы Елшісі Андреа Бахер қатысты.Жасалған келісімдер Қазақстан мен Аустрия арасындағы шарттық-құқықтық базаны кеңейтіп, екіжақты ынтымақтастықты нығайтуға, ресми сапарларды жеңілдетуге және көші-қон саясаты саласындағы өзара іс-қимылды нығайтуға ықпал етеді.Бұл қадам екі мемлекет арасындағы жоғары деңгейдегі өзара сенімділікті көрсетеді және олардың саяси, экономикалық және гуманитарлық салалардағы әріптестік қатынастарды одан әрі дамытуға дайындығын айқындайды.Ақпарат көзі : https://www.gov.kz/memleket/entities/mfa/press/news/details/948532

Қазақстан Республикасының Төтенше жағдайлар министрі генерал-майор Шыңғыс Әрінов Қарағанды облысының Шет ауданына жұмыс сапарымен барып, жергілікті атқарушы органдар салған өрт сөндіру бекетін аралап шықты. Сапар аясында ТЖМ басшысы жұмыс барысымен, бөлімшенің техникалық жарақтандырылуымен танысып, жеке құраммен сөйлесті. Ол ауылдық елді мекендердің қауіпсіздігін қамтамасыз ету үшін өрт сөндіру бекеті жұмысының маңыздылығын атап өтіп, ауылдағы өртке қарсы қорғаныс шараларын одан әрі нығайту қажеттігін атап өтті. Министр материалдық-техникалық базаны жаңғырту мәселелеріне ерекше назар аударды. Ведомство бекетті өрт сөндіру автокөлігімен, арнайы техникамен, нысанды киім-кешекпен және жеке қорғаныс құралдарымен жарақтандыру мәселесіне көмектесті. Сондай-ақ, ЕӨҚ-ны қажетті байланыс құралдарымен қамтамасыз ету жоспарда. Сонымен қатар, Шыңғыс Әрінов ерікті өртке қарсы құралымдар жұмысының маңыздылығын атап өтті:«Ерікті өрт сөндіру құралымдары - жергілікті жерлерде, әсіресе шалғайдағы елді мекендерде қауіпсіздікті қамтамасыз етуде маңызды қолдау көрсетуде. Олардың өрттің алдын алуға және жоюға қосатын үлесін орасан зор. Ал біздің міндетіміз — осы бағытта тиімді жұмыс істеуі үшін барынша қолайлы жағдайлар жасау». Бүгінгі таңда Қарағанды облысында қоғамдық бірлестіктер нысанындағы 9 ерікті өрт сөндіру құралымы жұмыс істейді, олардың құрамына 186 команда және 4 355 адам кіреді. Оларда жедел әрекет ету үшін өрт сөндіру машиналары, бейімделген техника және мотопомпалар бар. Өртке қарсы қорғанысты күшейту үшін әкімдіктер қосымша 57 өрт сөндіру бекетін салды. Министр мүмкіндігінше көп елді мекендерді қамту және азаматтардың қауіпсіздік деңгейін арттыру үшін өрт сөндіру бөлімшелерінің желісін кеңейту бойынша жұмысты жалғастыруды тапсырды.Ақпарат көзі : https://www.gov.kz/memleket/entities/emer/press/news/details/947672

Ерлер, әйелдер мен жасөспірім ұлдар арасындағы өрт сөндіру-құтқару спорты бойынша Қазақстан Республикасының қысқы чемпионаттарының екінші кезеңі қарқынды өтті. Спортшылардан күш пен зейіннің жоғары шоғырлануы талап етілетін кедергілері бар 100 метрлік жолақтан өту дисциплинасында күрес қызықты болды. Сөреден 23 метрде спортшы биіктігі екі метр қоршаудан өтіп, жалпы салмағы 5 кг болатын 2 өрт сөндіру жеңін алып, бум бойымен жүгіреді, содан кейін бір жеңді тармақталуға бекітеді және мәре жармасын өтеді. Ең жылдам спортшылар жаттығуды 16 секундтан аз уақытта орындайды. Қысқы Чемпионаттардың екінші кезеңінде 120-дан астам жүгіріс болды. Халықаралық және ұлттық біліктілік санатты 30 төреші барлық кедергілерді орындау мен еңсерудің дұрыстығын мұқият қадағалады. Екінші кезеңнің қорытындысы бойынша командалық есепте нәтижелер келесідей бөлінді:Ерлер арасында:1 орын - Астана қаласы ТЖД құрама командасы2 орын – Шымкент қаласы ТЖД құрама командасы3 орын – Маңғыстау облысы ТЖД құрама командасыЖасөспірім ұлдар арасында:1 орын - Шығыс-Қазақстан облысы ТЖД құрама командасы2 орын - Батыс-Қазақстан облысы ТЖД құрама командасы3 орын - Шымкент қаласы ТЖД құрама командасыЖеке біріншіліктегі орындар:Ерлер арасында:1 орын - 16,57 секунд нәтижесімен Әбдібек Еркін, Қызылорда облысы2 орын - 16,70 секунд нәтижесімен Абильбаев Динмухаммед, Алматы қаласы3 орын - 17,91 секунд нәтижесімен Мухамедали Асхат, Ақмола облысыАға топ жасөспірім ұлдар арасында (17-18 жас):1 орын - 17,23 секунд нәтижесімен Каримов Радмир, Шығыс-Қазақстан облысы2 орын - 17,65 секунд нәтижесімен Насибуллин Ернур, Батыс-Қазақстан облысы3 орын - 17,90 секунд нәтижесімен Мұратұлы Юсуф, Астана қаласы.Ақпарат көзі : https://www.gov.kz/memleket/entities/emer/press/news/details/947811

2025 жылғы 26 ақпанда Астанадағы «ABYROY» спорт кешенінде қоян-қолтық ұрыстан Қазақстан чемпионаты басталды. Чемпионат аясында әр түрлі салмақ дәрежесінде «Жекпе-жек» және «Өзін-өзі қорғау» бағыттарында жекпе-жектер өтті. ҚР ТЖМ қызметкерлерінің әйелдер арасындағы «Жекпе-жек» санатындағы нәтижелері:48 кг дейінгі салмақ дәрежесінде:1-орын-Жүсіпова Томирис (Ақмола облысы ТЖД);2-орын - Асылбекова Сағыныш (Астана қ. ТЖД);53 кг дейінгі салмақ дәрежесінде:2-орын - Ларионова Эмилия (Қарағанды облысы ТЖД);58 кг дейінгі салмақ дәрежесінде:2-орын - Юлдашева Юлтуз («Қазселденқорғау» ММ);64 кг дейінгі салмақ дәрежесінде:1-орын - Чеботарева Мария (Қарағанды облысы ТЖД);70 кг дейінгі салмақ дәрежесінде:3-орын - Жұматаева Талшын (Абай облысы ТЖД);+70 кг жоғары салмақ дәрежесінде:1-орын - Беркинбаева Аружан (Түркістан облысы ТЖД). ҚР ТЖМ қызметкерлерінің әйелдер мен ерлер арасындағы «Жекпе-жек» санатындағы нәтижелері:50 кг дейінгі салмақ дәрежесінде:1-орын - (жекелей) - Жұмадинова Ақерке (Қызылорда облысы ТЖД);1-орын - (1+1) - Гордиенко Кристина (Павлодар облысы ТЖД);2-орын - (жекелей) - Гордиенко Кристина (Павлодар облысы ТЖД);3-орын - (1+1) - Сверитюк Ольга (Қостанай облысы ТЖД);+ 70 кг жоғары салмақ дәрежесінде:2-орын - (1+1) - Жарасова Әйгерім (Қарағанды облысы ТЖД);2-орын - (жекелей) - Жарасова Әйгерім (Қарағанды облысы ТЖД);80 кг дейінгі салмақ дәрежесінде:3-орын - (жекелей) - Сарғазин Ілияс (Ақмола облысы ТЖД);95 кг дейінгі салмақ дәрежесінде:2-орын - (жекелей) - Тукушев Өміржан (Қостанай облысы ТЖД). Ақпарат көзі : https://www.gov.kz/memleket/entities/emer/press/news/details/947918

Шығыс Қазақстан облысында Глубокое ауданындағы тау шаңғысы курортында жыл бойы 3000-ға жуық адам демалатын құтқару қызметтерінің ауқымды жаттығулары өтті. Құтқарушылар түрлі төтенше жағдайларда әрекет ету алгоритмдерін пысықтады. Жаттығудың бірінші кезеңінде қысқа тұйықталу салдарынан қонақүй бөлмесіндегі өрттің болуы көрсетілді. Қызметкерлер оқиға туралы «112» қызметіне жедел хабарлап, демалушыларды эвакуациялауды ұйымдастырды. Келген құтқарушылар түтін аймағында зардап шеккендерді тауып, оларды таза ауаға шығарды. Содан кейін Апаттар медицинасы орталығының бригадасы реанимациялық шаралар өткізді. ТЖД психологтары эвакуацияланған азаматтарға қолдау көрсетті. Өрт сөндірушілер өртті қысқа мерзімде жойды. Оқу-жаттығудың екінші кезеңі авариялық-құтқару жұмыстарына арналды. Өртті сөндіру кезінде электрмен жабдықтау тоқтатылды. Соның салдарынан адам тұрған аспалы жол тоқтады. Құтқарушылар альпинистік жабдықтың көмегімен жәбірленушіге жетіп, оны жерге қауіпсіз түсіріп, дәрігерлерге тапсырды. Қар көшкіні кезінде құтқару операциясы да пысықталды. ТЖМ екінші құтқару батальонының әскери қызметшілерімен бірлесіп мамандар арнайы техниканы пайдалана отырып, қар үйінділерінен зардап шеккендерді шығарып алды. Оқу-жаттығудың барлық кезеңдері құтқару қызметтерін даярлаудың жоғары деңгейін, олардың ТЖ жағдайындағы жеделдігі мен үйлесімділігін көрсетті. «Оқу-жаттығулар біздің құтқарушыларымыздың дайындығының жоғары деңгейін көрсетті. Төтенше жағдайларда ТЖ салдарын барынша азайту және мүмкіндігінше көп адамның өмірін сақтап қалу үшін тез, үйлесімді және кәсіби әрекет ету маңызды», — деп атап өтті облыстық ТЖД бастығының орынбасары Исхар Савазов. Ақпарат көзі : https://www.gov.kz/memleket/entities/emer/press/news/details/948001

Түркістан облысының Төтенше жағдайлар департаменті Білім басқармасымен бірлесіп Сайрам ауданының Қайнарбұлақ ауылдық округінде орналасқан «Green school» инновация мектебінде «Жас құтқарушылар» бірінші кадет сыныбының салтанатты ашылуын өткізді. Жаңа кадет сыныбы оқушылардың жұмысшы кәсіптерінің қағидаттарына негізделген құтқарушы мамандығына деген қызығушылығының артып келе жатқанын көрсетеді. Бағдарламада балаларға төтенше жағдайлардағы мінез-құлық ережелерін үйретуге ерекше назар аударылады, бұл жас кезінен бастап өмірге қауіпсіз және жауапкершілікпен қараудың негізін қалады. Жас курсанттар саптық дайындықтан өтеді, қауіпсіздік негіздерін үйренеді және ішкі және ведомстволық іс-шараларға белсенді қатысады. ТЖД қызметкерлері жас ұрпақпен жүйелі жұмыс жүргізіп, білімдерін ғана емес, сонымен қатар төтенше жағдайларда дұрыс әрекет ету үшін қажетті өмірлік маңызды дағдыларды да береді. Сыныптың ашылуы ТЖ жағдайында жедел және кәсіби әрекет етуге қабілетті азаматтарды тәрбиелеуге бағытталған кадет бағдарламаларын дамытудағы маңызды кезең болды. «Жас құтқарушылар» кадет сыныптары арасында жарыстар өткізіліп, балаларға алған білімдері мен дағдыларын шындыққа жақын жағдайларда көрсетуге мүмкіндік берілді. «Кадет сыныбының ашылуы – төтенше жағдайларда жедел әрекет етуге дайын азаматтардың жаңа буынын қалыптастырудағы маңызды қадам. Балаларды қауіпсіздік негіздеріне үйрете отырып, біз қоғамымызды қорғау үшін берік іргетас қалаймыз», - деп атап өтті облыс ТЖД бастығы Асқар Төлешев. Осылайша, өңірдің ТЖМ кез келген жағдайда азаматтардың өмірі мен денсаулығын қорғауға дайын мамандардың жаңа буынын қалыптастыра отырып, балалармен және жастармен жұмыс істеуге өзінің адалдығын растайды. Ақпарат көзі : https://www.gov.kz/memleket/entities/emer/press/news/details/948428

Премьер-министрдің орынбасары – ұлттық экономика министрі Серік Жұманғарин Әли Джавад Әл-Эйдті 2025 жылғы 28 қаңтарда ХВҚ миссиясының басшысы лауазымына тағайындалуымен құттықтап, Қазақстан ХВҚ-ның сараптамалық қорытындысы мен ұсынымдарын әрдайым жоғары бағалайтынын, бұл еліміздің экономикалық саясатын қалыптастыру мен маңызды стратегиялық шешімдер қабылдау үшін таптырмас ресурсқа айналғанын атап өтті.«Қазақстан Қормен 30 жылдан астам уақыт жемісті ынтымақтастық орнатып, айрықша қолдауға ие болды. Біздің ХВҚ-мен ұзақмерзімді әріптестігіміз экономикалық тұрақтылықты қамтамасыз етіп, Қазақстан экономикасының сапалы әрі орнықты өсуі үшін өте маңызды», — деп атап өтті Серік Жұманғарин. Кездесуге қатысушылар құрылымдық реформаларды жүзеге асыру, салық-бюджет саясатын жетілдіру және ұлттық қаржы нарығын дамытуға бағытталған жобалардың оң нәтижелерін атап өтті. Бұл жобаларды іске асыру барысында ХВҚ-ның тәжірибесі мен ұсынымдары ескерілгені айтылды. Сондай-ақ 2021 жылдан бері Алматыда жұмыс істеп келе жатқан ХВҚ-ның Кавказ, Орталық Азия және Моңғолия әлеуетін дамыту жөніндегі өңірлік орталығының өңірлік ынтымақтастықты нығайтуға қосқан елеулі үлесі ерекше атап өтілді.Сонымен қатар вице-премьер мен миссия басшысы мемлекеттің экономикалық нақты секторын қаржыландыру, бюджет-салық реформасын іске асыру жөніндегі жоспарларын, сондай-ақ өзара іс-қимылдың басқа да аспектілерін талқылады.Ақпарат көзі : https://www.gov.kz/memleket/entities/economy/press/news/details/947794

ҚР Еңбек және халықты әлеуметтік қорғау вице-министрі Асқар Биахметов ҚР Президенті жанындағы Орталық коммуникациялар қызметінің алаңында өткен баспасөз мәслихатында жұмыспен қамтуға жәрдемдесу шараларын іске асыру туралы айтты. 2024 жылдың қорытындысы бойынша Қазақстанда 979 мың азамат жұмысқа орналастырылды.Асқар Биахметов ҚР Еңбек және халықты әлеуметтік қорғау министрлігі (бұдан әрі – Еңбекмині) қызметінің негізгі бағыттарының бірі азаматтарды сапалы жұмыс орындарымен қамтамасыз ету болып табылатынын атап өтті. Еңбек нарығын дамытудың 2030 жылға дейінгі тұжырымдамасында 2029 жылға қарай сапалы жұмыс орындарының санын 3,8 млн бірлікке дейін ұлғайту көзделеді. 2024 жылдың қорытындысы бойынша 2,5 млн-ға жетті.«2024 жылдың қорытындысы бойынша Қазақстанда 979 мың азамат жұмыспен қамтылды, оның 714 мыңы тұрақты жұмыс орындарына орналастырылды. Ұлттық жобалар мен салалық тұжырымдамалар аясында 65 мыңға жуық азамат жұмысқа орналастырылды. Мемлекет басшысының «10 мың тұрғынға шаққанда 100 жұмыс орны» бастамасы аясында – 314 мыңнан астам адам, жұмыс берушілер ұсынған бос жұмыс орындарына – 359 мың адам және тағы 241 мыңнан астам адам жұмыспен қамтуға жәрдемдесудің белсенді шаралары аясында жұмысқа орналасты», – деді вице-министр.Сондай-ақ Асқар Биахметов ай сайын Еңбекминінің ақпараттық жүйелері арқылы жұмысқа орналасқандардың міндетті зейнетақы жарналарының бар-жоғын тексеру және олармен электрондық еңбек шарттарын жасасу арқылы жұмысқа орналасуға мониторинг жүзеге асырылатынын айтты.Жұмыс орындарын құру мониторингінің нәтижелері бойынша зейнетақы жарналары жұмысқа орналастырылғандардың жалпы санының 85%-на түскені, шамамен 60%-да электрондық еңбек шарттарының болғаны анықталды.2024 жылы жұмыспен қамтуға жәрдемдесудің белсенді шараларына 325 мың азамат тартылды.67,5 мың адам үшін қысқа мерзімді кәсіптік оқыту курстары ұйымдастырылды, оның ішінде: білім беру ұйымдарында – 7,8 мың адам, жұмыс берушіде – 1,9 мың адам, Skills Enbek платформасында онлайн-оқытумен 57,7 мың адам қамтылды. Оқудан кейін барлығы 14,6 мың адам жұмысқа орналастырылды.«Онлайн курстардан өткен азаматтардың жалпы санының 52 мыңнан астамы немесе 91%-ы оқуды сәтті аяқтап, тиісті сертификаттар алды.Бүгінде Skills Enbek-те жаңа дағдыларды игеруге немесе біліктілігін арттыруға ниет білдіретін кез келген азамат үшін 858 курс бар, оның ішінде 311-і тегін. Осы жылы VR және AR-технологияларды пайдалана отырып, жаңа практикалық курстар да қолжетімді болады», – деді Асқар Биахметов.«Бастау Бизнес» жобасы бойынша кәсіпкерлік негіздерін оқытумен 60 мың адам қамтылды.Субсидияланатын жұмыс орындарына 188 мыңнан астам адам жұмысқа орналастырылды, оның ішінде: қоғамдық жұмыстарға – 110 мың адам, әлеуметтік жұмыс орындарына – 15,5 мың адам, жастар практикасына – 33 мың адам, «Алғашқы жұмыс орны» жобалары шеңберінде – 9,6 мың адам, «Ұрпақтар келісімшарты» – 420 адам, «Күміс жас» – 19,1 мың адам.Жұмыспен қамтуға жәрдемдесу жөніндегі шаралардың тағы бір бағыты азаматтардың кәсіпкерлік бастамаларын қолдау үшін халықтың әлеуметтік осал санаттарына мемлекеттік гранттар беру болып табылады.«2024 жылы гранттар екі ағынмен берілді, жоспарланған 9 мың адамның 8 941-і қамтылды. Бұл ретте грант алушылардың 64%-дан астамы ауылдық жерлердің тұрғындары болып табылады», – деп толықтырды Асқар Биахметов.Грант алушылардың негізгі үлесі технологиялық жабдықты сатып алуға ақшалай қаражатты пайдаланды (44%), мұнда қатысушылардың ең көп саны Түркістан (923 адам) және Қызылорда (602 адам) облыстарында, сондай-ақ Алматы қаласында (211 адам) байқалды.«Грантқа өтініш берген кезде үміткер міндетті түрде бизнес-жобаны іске асыру нәтижелері бойынша жұмыс орындарын құрудың жоспарлы көрсеткішін көрсетеді. Осылайша, грант алған тұлғалар өздерін жұмыспен қамтамасыз ете отырып, қосымша 3 мыңнан астам тұрақты жұмыс орнын құрды. Жұмыс орындарының көбі Жамбыл (941 бірлік), Қызылорда (920 бірлік) және Түркістан (482 бірлік) облыстарында құрылды», – деп атап өтті вице-министр.Ол сондай-ақ халықты жұмыспен қамту саласында іске асырылған цифрлық жобалар туралы егжей-тегжейлі айтты.Еңбекмині «Жобалардың инновациялық навигаторы» платформасын құрды, ол кадрларға қажеттілікті талдау мен болжауды және барлық іске асырылатын жобалардың тиімділігіне уақтылы мониторингті қамтамасыз етеді. Қазіргі уақытта жүйеде 168 мың жұмыс орнын құру жоспарымен 906 инвестициялық жоба бойынша мониторинг жүргізілуде.Оқушыларға болашақ кәсіпті таңдауға мүмкіндік беретін «Мансап компасы» платформасы енгізілді. Платформада сұранысқа ие 400-ден астам кәсіп туралы ақпарат бар.«ТжКБ және ЖОО студенттері үшін Электрондық еңбек биржасында өндірістік практикадан өту орнын таңдауға мүмкіндік беретін функционал іске асырылды. Студенттер нақты дағдыларды игеріп қана қоймай, кейін практикадан өткен кәсіпорында жұмыс қарастыра алады. Бүгінде 610 жұмыс беруші практикадан өту үшін 3,8 мың бос орын орналастырды, 130 ТжКБ ұйымдары тартылды, студенттерден 15 мың сауалнама алынды», – деді Асқар Биахметов.Бұдан басқа, брифинг барысында вице-министр Мемлекет басшысының Жұмысшы мамандықтары жылын өткізу жөніндегі тапсырмаларын орындау мақсатында 2025 жылға жоспарланған іс-шаралар кешені туралы айтып берді.«Алдағы 6 жылда кадрларға жиынтық сұраныс 1,6 млн адам санында бағаланады, оның ішінде кәсіптік-техникалық білімі бар қызметкерлерге шамамен 900 мың және жұмысшы мамандықтары бар мамандарға 400 мыңнан астам. Жұмысшы кадрлар құрылыс, ауыл шаруашылығы, өңдеу өнеркәсібі және денсаулық сақтау салаларында сұранысқа ие. Бұл салаларда жұмысшы мамандықтарға сұраныс 56%-ды құрайды», – деді Асқар Биахметов.Орталық мемлекеттік органдар мен әкімдіктер жұмысшы кәсіптер жылын өткізу шеңберінде іс-шаралар жоспарын іске асыру бойынша бірлескен жұмысты бастады. Мемлекеттік органдардың салалық жоспарлары жаңа кәсіпорындар ашу және жаңа жұмыс орындарын құру (тұрақты және уақытша) бойынша негізгі көрсеткіштерді қамтиды.«Жастар практикасы» жобасы аясында жас мамандарды даярлау үшін кемінде 35 мың тәлімгерді тарту, сондай-ақ тәлімгермен жұмыс орнында кәсіптік оқыту жоспарланған. Жұмыс берушіде жұмыссыздарды жұмыс орындарында ұзақтығы 6 айдан аспайтын кәсіптік оқыту ұйымдастырылады.Осы жылы 100 кәсіптік стандарт әзірленіп, жаңартылатын болады. Біліктілікті тануды бағалау 4 тәуелсіз орталықтың базасында басталды, тағы 5-інші орталықты ашу жоспарлануда, оның ішінде халықаралық стандарттар бойынша 2 орталық болады.«Жыл ішінде кемінде 500 мың оқушы мен ТжКБ студенттері «Электрондық еңбек биржасы» бірыңғай цифрлық платформасын пайдалана отырып, жұмыс іздеу және жұмысқа орналастыру дағдыларына оқытумен қамтылатын болады. ТжКБ-ның үздік 1 мың түлегін елдің жетекші компанияларына жұмысқа орналастыру жоспарланған. «Мансап компасы» платформасының базасында 100 мың адамды қамти отырып, кәсіптік бағдар беру жұмыстары жүргізілетін болады.Жоғарыда аталған шараларды қабылдау кірістерді арттыруға, іскерлік белсенділікті жандандыруға, халықтың әлеуметтік әл-ауқатын жақсартуға мүмкіндік береді», – деп түйіндеді вице-министр.Ақпарат көзі : https://www.gov.kz/memleket/entities/enbek/press/news/details/948129

Риддер қаласындағы «Синегорье» демалыс базасында үш күнге созылған республикалық «Ассамблея Жастары» лагері – «ЭТНО WINTER CAMP» өтті. Бұл шара елдің түкпір-түкпірінен келген белсенділер мен еріктілерге өзара тәжірибе алмасып, жаңа білім алу мүмкіндігін сыйлады.Лагерьге Алматы, Шымкент қалалары мен Алматы, Атырау, Жамбыл, Қарағанды, Түркістан, Қостанай, Шығыс Қазақстан және Абай облыстарынан келген «Ассамблея Жастары» ұйымының белсенділері қатысты.Биылғы кездесу Қазақстан халқы Ассамблеясының 30 жылдығы мен Алғыс айту күніне орайластырылды. Үш күн бойы қатысушылар танымдық және ойын-сауықтық бағдарламаларға белсене атсалысты.- Лагерь ерекше әсерлі өтуде. Ұжымдық жұмысқа баулитын тренингтер, шешендік өнерді дамыту сабақтары, қызықты шеберлік сағаттары – мұның бәрі Шығыс Қазақстанның көркем жерінде, «Синегорье» демалыс базасында ұйымдастырылды! Мен көптеген талантты жастармен таныстым. Біз өңірлердегі экологиялық, патриоттық, қайырымдылық шараларын ұйымдастыру тәжірибесімен бөлісіп, жаңа идеялармен шабыттандық. Бұл кездесулеріміз әлі де жалғасын табады деп сенемін! – деді Жамбыл облысынан келген «Ассамблея Жастары» мүшесі Әзиза Исманова.Кездесулер мен интерактивті тренингтердің негізгі бөлігі нашақорлық, алкоголь және құмар ойындарға тәуелділіктің алдын алу тақырыбына арналды. Жастарға зиянды әдеттерден қалай сақтану керектігі және тәуелді адамдарға қандай көмек көрсетуге болатыны жөнінде тәжірибелі психолог-тренерлер кеңес берді.Сондай-ақ, табысты кәсіпкер Михаил Лунев жас қатысушыларға өз кәсібін ашу жөнінде практикалық семинар өткізіп, кәсіпкерлік қабілеттерді дамытуға көмектесетін әдебиеттерді ұсынды.Лагерьдің басты қонақтарының бірі – отандық актер, Қазақстан халқы Ассамблеясының белсендісі, домбырашы-ақын Даниэль Джеймс болды.Лагерьдің жабылу салтанатына Ішкі саясат басқармасының басшысы Ернұр Бурахан мен Риддер қаласы әкімінің орынбасары Қаныбек Төлеуханов қатысып, жастарды толғандырған экология, туризмді дамыту және басқа да маңызды сұрақтарға жауап берді.Бұл шара жастардың бірігуіне, жаңа бастамаларды дамытуға және ұлттық бірлікті нығайтуға бағытталған маңызды қадам болды.Ақпарат көзі : https://www.gov.kz/memleket/entities/akimvko/press/news/details/947906

Аймақтағы студенттерді Қазақстан халқы Ассамблеясының қызметіне тарту, ел жастарының өзіндік тұлғасын қалыптастыру және олардың бастамаларын қолдау мақсатында облыстағы үш жоғары оқу орны мен төрт колледжде «БІРЛІК POWER» студенттік ассамблеялары ашылды.Ассамблеяларды ашу аясында Өскемендік студенттер Дәулет Серікбаев атындағы Шығыс Қазақстан техникалық университетіндегі зертханаларға экскурсия жасап, ондағы технологиялық жетістіктермен танысты. Сонымен қатар, Қазақстан-Американдық еркін университетінде өткен студенттік ассамблеяның салтанатты ашылу рәсіміне қатысып, аймақтың белсенді жастарымен және «Ассамблея жастары» республикалық қоғамдық бірлестігінің төрағасы Тимур Жұмырбаевпен кездесті. Кездесу барысында ұйым төрағасы студенттерге студенттік ассамблея жастарының қызметі туралы баяндады.«БІРЛІК POWER» студенттік ассамблеяларының ашылуы аясында «Достық үйі – қоғамдық келісім орталығында» концерттік бағдарлама ұйымдастырылып, ассамблея қатарына қабылданған жастарға куәліктер табысталды.- Биыл Қазақстан халқы Ассамблеясының 30 жылдығы. Ассамблея жастардың бастамалары мен әлеуетін дамытуға ерекше көңіл бөліп келеді. Бүгін біз Шығыс Қазақстан облысында жеті жаңа студенттік ассамблея аштық. Қазіргі уақытта еліміздегі 50-ден астам ЖОО мен колледждерде осындай ассамблеялар құрылып, белсенді жұмыс істеп жатыр. «Ассамблея жастары» қозғалысы және жаңадан ашылған студенттік ассамблеялар жастарды қоғамдық келісім мен бірлікті сақтауға, жаңа бастамаларға ұмтылуға бағыттайды деп сенемін, – деді «Ассамблея жастары» бірлестігінің төрағасы Тимур Жұмырбаев.Ақпарат көзі : https://www.gov.kz/memleket/entities/akimvko/press/news/details/947910