Алматы энергетика және электронды технологиялар колледжінің студенттері оқу шеберханасында алғашқы күн панельдерін өндіруді іске қосты. Олар өз жобаларын Жұмысшы мамандықтар қаласында таныстырды. «Біз күн панельдерін толықтай өз қолымызбен жасаймыз. Алдымен фотоэлементтерді өзара жалғап, арнайы негізге дәнекерлейміз. Кейін панельді сыртқы әсерлерден қорғау үшін ламинация жасаймыз және оны алюминий корпусқа бекітеміз. Соңғы кезеңде жүйені қосып, оның күн энергиясын электр қуатына қаншалықты тиімді айналдыратынын тексереміз», — деп бөлісті колледждің 3-курс студенті Мәди Жанболат. Бұл жоба студенттерге жаңартылатын энергетика саласындағы заманауи технологияларды игеруге көмектесіп қана қоймай, Қазақстанда күн панельдерінің өз өндірісін дамыту үшін перспективалар ашады. Бұдан басқа, колледждің жоғары курс студенттері жетекші компанияларында ақы төленетін практикадан өту мүмкіндігіне ие болады.Ақпарат көзі : https://www.gov.kz/memleket/entities/edu/press/news/details/936876

Қазіргі таңда облыcта 2,3 миллионнан астам мал бар, оның 500 мың басқа жуығы мүйізді ірі қара, 1,6 млн. бас ұсақ мүйізді мал, 200 мыңнан астам бас жылқы. Олардың барлығы «Ауыл шаруашылығы жануарларын бірдейлендіру деректер қоры» мемлекеттік ақпараттық жүйесінде тіркелген. Жалпы облыс көлемінде ветеринария саласына көп көңіл бөлініп келеді. Мәселен, соңғы екі жарым жылда өңірде 49 ветеринарлық пункт пен 1 ветстанция салынды. Биыл тағы 20 осындай нысан салынады деп жоспарланып отыр. Оған қоса осы салаға цифрландыру кеңінен енгізіліп, қолданылуда, - деп хабарлайды Жетісу облысы әкімінің баспасөз қызметі.Облыстық ветеринария басқармасының мәліметіне қарағанда, ветеринариялық процестерді цифрландыру барысында «Ауыл шаруашылығы жануарларын бірдейлендіру деректер қоры» мемлекеттік ақпараттық жүйесінің iszh.gov.kz Веб-порталына енгізілген аса қауіпті аурулардың диагностикасы бойынша «VetLab», «ISZH-Mobile» модулдері өңірде кеңінен қолданылуда. Сол сияқты қазіргі таңда облыс бойынша бірдейлендіру деректер қорында тіркелген 34 763 мал иесінің бәрі де толық «TortTulik» мобильді қосымшасын қолданып отыр.Осы орайда ветеринар мамандар жұмысының сапасы мен тиімділігін арттыру үшін материалдық-техникалық базаны нығайтуға ерекше мән берілуде. Мысалы, облыс құрылғаннан бері 45 арнайы автокөлік, 217 компьютер, сол сияқты 238 дана планшеттер сатып алынып берілді.- Қазір ауыл шаруашылығы жануарларын бірдейлендіру деректер қорының «ISZH-Mobile» мобильді қосымшасы іске қосылғаннан кейін ветеринар дәрігерлерге планшеттер сатып әперілді. Планшетпен жұмыс істеу біздің жұмысымызды біршама жеңілдетті әрі жеделдетті деуге болады. Үлкен шаруашылықтарды, жеке аулаларды аралау барысында атқарылған жұмыс, яғни малды тіркеу, профилактикалық іс-шаралар, екпе жасау бірден сол жерде планшет арқылы базаға енгізіледі. Тіпті интернет ұстамайтын жерлерде планшетке енгізілген деректер интернет байланысы бар жерде бірден тиісті базаға автоматты түрде жөнелтіледі, - дейді Ветеринарлық пункттері бар Талдықорған қаласының ветеринарлық станциясының ветеринар дәрігері, осы салада он үш жылға жуық уақыттан бері еңбек етіп келе жатқан Айгерім Бекбосынова. Бұған қоса, Жетісу облысының цифрлық технологиялар басқармасы тарапынан «Жетісу облысының Ахуалдық орталығы» электронды картасына сібір жарасы көмінділері мен мал қорымдары және ветеринариялық пункттер енгізілген. Қазіргі кезде ведомствоаралық комиссия қорытындысы негізінде электронды картаға мал қорымдарының санитариялық-қорғаныш аймақтары кіргізілуде. Жетісу облысы әкімінің баспасөз қызметі.Фотосуреттер облыс әкімі баспасөз қызметінің архивінен алындыАқпарат көзі : https://www.gov.kz/memleket/entities/zhetysu-oblysy/press/news/details/936892

Астанада Қаржы министрінің, Ұлттық экономика және Қаржы вице-министрлерінің, «Атамекен» Ұлттық кәсіпкерлер палатасы төрағасы мен Өңірлік кеңесінің, бірлестіктер мен қоғамдық ұйымдар өкілдерінің, мәслихат депутаттарының, елорда әкімдігі басшылығының қатысуымен бизнес-қоғамдастықпен кездесу өтті, деп хабарлайды елорда әкімдігінің ресми сайты.Кездесуге қатысушылар жоспарланған салық және бюджет реформасын талқылады. Үкімет өкілдері негізгі өзгерістер, олардың мақсаттары мен нәтижелері туралы жан-жақты түсіндірме берді.Ашық микрофон форматында кәсіпкерлер реформа бойынша сұрақтар қоюға, оны іске асыру перспективалары мен ықтимал тәуекелдерді талқылауға мүмкіндік алды. Келіп түскен сұрақтарға орталық мемлекеттік органдар мен Ұлттық Кәсіпкерлер палатасы тарапынан толық түсініктеме берілді.Бұл шара кәсіпкерлердің ұсыныстарын ескере отырып, салық және бюджет саясатын реформалау үдерісінде ашықтықты қамтамасыз ететін бизнес пен үкімет арасындағы сындарлы диалогтың маңызды алаңына айналды.Ақпарат көзі : https://www.gov.kz/memleket/entities/astana/press/news/details/936907

Саланы дамытуға қатысты бизнес өкілдерімен талқылау аясында Ауыл шаруашылығы министрі А. Сапаров етті мал шаруашылығы өкілдерімен кездесті. Кездесу барысында жеңілдетілген қаржыландыру, саланы дамытуға арналған фискалдық құралдар, сондай-ақ тірі мал нарығын реттеудің артықшылықтары мен кемшіліктері талқыланды. ҚР АШМ мемлекеттік қолдаудың тиімділігі мен ашықтығын арттыру бойынша жоспарлы жұмыстар жүргізуде. Осыған байланысты селекциялық-асылдандыру жұмыстарына берілетін субсидияларды басқа қолдау құралдарымен алмастыру жоспарлануда. Атап айтқанда, ет комбинаттары мен бордақылау алаңдарына мал өткізуді субсидиялау нормативтерін өзгерту және саланы жеңілдетілген қаржыландырумен қамту мәселелері қарастырылып жатыр. Етті мал шаруашылығы, аграрлық сектордың басқа да салалары сияқты, қолжетімді айналым қаражатына мұқтаж. Сондықтан биыл министрлік 15 ай мерзімге 5% жеңілдетілген несие беру бағдарламасын іске қосуды жоспарлап отыр. Бұдан бөлек, инвестициялық мақсаттағы несиелерді де жеңілдетілген мөлшерлеме бойынша қаржыландыру мүмкіндігі талқылануда. Тағы бір маңызды мәселе – фискалдық шаралар.«Қазіргі уақытта белсенді талқыланып жатқан ҚҚС (Қосылған құн салығы) мәселесінен бөлек, фискалдық құралдардың ауыл шаруашылығы өнімдері нарығының “көлеңкеден шығуына” ықпал ететінін ескеру қажет. Әсіресе, дайындау кәсіпорындары үшін салықтық ынталандырулар артықшылыққа айналып, жүн, тері, жеміс-көкөніс өнімдерін жинау мен өңдеуге серпін бере алады», – деп түсіндірді «MB4» ЖШС директоры Азамат Шалмағамбетов. Министр салықтық өзгерістерді мемлекеттік органдар мен бизнес өкілдерімен жан-жақты талқылау қажеттігін атап өтті. Сонымен қатар, ауыл шаруашылығы өнімдерін саудалауды “көлеңкеден шығару” шараларын ынталандыру – басым бағыттардың бірі екенін жеткізді.Талқылаудың маңызды тақырыптарының бірі – ет, әсіресе сиыр еті бағасының өсуі болды.«Бұған дейін енгізілген әкімшілік тыйымдар мен шектеулер салаға кері әсерін тигізді. Тыйымдар мен квоталау салдарынан мал шаруашылығының рентабельділігі төмендеп, кей фермерлер мал өсіруді тоқтатуда», – деді «Ангус Қазақстан» республикалық палатасының директоры Дәурен Салықов. «Ет бағасының өсуі ең алдымен алыпсатарлардың белсенділігімен байланысты. Олар түрлі жолдармен малды сыртқа шығарып отыр. Біз әкімшілік тыйымдардың саланың дамуына кедергі келтіретінін түсінеміз. Бірақ ІҚМ (ірі қара мал) нарығын ашу үшін ішкі нарықтың тұрақтылығын қамтамасыз ету маңызды. Шешу жолдарын бірге талқылаймыз, сіздердің ұсыныстарыңыз қарастырылады», – деді А. Сапаров. Кездесу қорытындысы бойынша ҚР АШМ жанынан құрылған етті мал шаруашылығын дамыту жөніндегі жұмыс тобы аясында бизнес өкілдерімен кеңейтілген талқылаулар өткізіледі.Ақпарат көзі : https://www.gov.kz/memleket/entities/moa/press/news/details/936933

Скринингтік зерттеп-қараудың ауқымды бағдарламасының шеңберінде Қазақстанда 2024 жылы 3,2 миллионнан астам азамат зерттеліп-қаралды.Нәтижелер аурудың 120 мыңнан астам жағдайы ерте кезеңде анықталғанын көрсетті, бұл ерте диагностикалау жүйесін жақсарту бойынша ағымдағы шаралардың тиімділігін растайды.Скринингтің барысында мыналар анықталды:Артериялық гипертензияның 118 497 жағдайы - егер уақтылы анықталмаса және бақыланбаса, инсульт пен инфарктқа әкелуі мүмкін ең көп таралған аурулардың бірі.•Қант диабетінің 24 901 диагнозы — бұл соңғы жылдары елдегі өзекті мәселеге айналып келе жатқан ауру.* Глаукоманың 6265 жағдайы - емделмеген жағдайда соқырлыққа әкелуі мүмкін аурулар.Скринингтік жүйеде не өзгерді?Кейбір ескірген және ақпаратсыз зертханалық-аспаптық әдістер дәлелденген дәлдікпен заманауи және жоғары тиімді әдістерге ауыстырылды.- қант диабетін диагностикалау үшін гликатталған гемоглобин (HbA1c), (бұрын қандағы глюкозаны анықтау жүргізілген) ;- бүйрек ауруларын ерте анықтауға арналған шумақтық сүзілу жылдамдығы;- жүрек-қан тамырлары ауруларының даму қаупін бағалау үшін қан сарысуындағы төмен тығыздықтағы липопротеидтер.- жатыр мойны обырын ерте анықтауға арналған сұйық ПАП тесті.Бұл тәсілдер:- асқынулардың санын азайту, мүгедектікке немесе өлімге әкелуі мүмкін асқынулардың алдын алу;- скринингті қол жетімді ету (нысаналы топтарды кеңейту).Сонымен қатар, 2025 жылдан бастап 50-70 жастан асқан ер адамдар үшін 2 жылда 1 рет ми қан айналымы бұзылыстарының даму қаупін (УДДГ БЦА) ертерек анықтауға арналған скрининг енгізіледі.15-17 жас аралығындағы қыздар үшін жұлын-бұлшықет атрофиясын тасымалдауға молекулалық-генетикалық тестілеу енгізіледі.Қазақстанда мынадай ең көп таралған 8 ауруды ерте анықтауға скринингтік зерттеулер жүргізілуде:✅артериялық гипертензия (2 жылда 1 рет)✅жүректің ишемиялық ауруы (2 жылда 1 рет)✅қант диабеті (2 жылда 1 рет)✅глаукома (2 жылда 1 рет)жатыр мойны обыры (4 жылда 1 рет)✅сүт безінің обыры (2 жылда 1 рет)✅колоректалдық обыр (2 жылда 1 рет)✅вирустық гепатит (3-6 айда 1 реттен артық емес).Денсаулық сақтау министрлігі барлық азаматтарды өз денсаулығына қамқорлық жасауға және үнемі тегін скринингтерден өтуге шақырады.Ақпарат көзі : https://www.gov.kz/memleket/entities/dsm/press/news/details/936851

Облыс әкімі Нұрлыбек Нәлібаев су шаруашылығының жағдайын және су тасқынының алдын алу жұмыстарын тексерді.Мемлекет басшысының Жолдауында ирригация жүйелері, жалпы су шаруашылығы мәселесімен мұқият айналысу, көктемгі қарқын суды жинап, оны диқандардың қажетіне жарату мақсатында гидрология бекеттерін жөндеп, жаңғырту тапсырылғаны белгілі. Бұл бағытта облыста бірқатар жұмыс атқарылды.Атап айтқанда, Үкімет қаулысымен бекітілген «Қазақстан Республикасының су саласын дамытудың 2024 - 2028 жылдарға арналған кешенді жоспарына» Қызылорда облысын суармалы сумен қамтамасыз етуге бағытталған 112 жоба енгізілді.Олар аймақтың әлеуметтік- экономикалық жағдайының жақсаруына оң әсерін тигізеді.Кешенді жоспарға енгізілген жобалар ішіндегі «Қараөзек» су қоймасын салуды Ислам Даму банкі есебінен қаржыландыру үшін Су ресурстары және ирригация министрлігімен бірлескен жұмыс жүргізілуде. Бұл 31 мың гектар суармалы, 120 мың гектар шабындық пен жайылымдық жерді және вегетациялық кезеңде Арал теңізін суландыруға мүмкіндік береді.«Келінтөбе» магистралды каналына су беретін канал» жобасын жүзеге асыруға 2024 жылға республикалық және облыстық бюджеттен қаржы бөлініп, 6,1 шақырым айналма канал қазылды. Сағасына гидротехникалық құрылыс салу қажеттілігі туындауына байланысты жоба-сметалық құжаты әзірленіп, мемлекеттік сараптамадан өткізу үшін өтінім ұсынылды.Жоба іске асқанда, Жаңақорған ауданының 30 мың гектар егістік жерін вегетациялық кезеңде суландыруға мүмкіндік береді.Су үнемдейтін технологияны енгізуді 2028 жылға дейін 24,2 мың гектарға жеткізу (2024 ж. - 4,4 мың гектар, 2025 ж. - 9,2 мың гектар, 2026 ж. -14,2 мың гектар, 2027 ж. - 19,2 мың гектар, 2028 ж. - 24,2 мың гектар) көзделген.Өткен жылы су үнемдеу технологияларын пайдалану көлемі 4,4 мың гектарға жеткізіліп, 2023 жылмен салыстырғанда 3,5 мың гектарға артты.Күріш шаруашылығында су үнемдеудің бірден-бір жолы - егістікті лазерлік тегістеу. Өткен жылы күріш егістігінің 55 мың гектарына лазерлік тегістеу жүргізілсе, алдағы 5 жылда 72 мың гектарға жеткізу жоспарлануда.Сонымен қатар, өткен жылы «Арна» мекемесінің теңгеріміндегі 107 су нысанына, 1 қорғаныс бөгеті және 69 канал бойындағы гидротехникалық құрылыстарға ағымдағы ұстап тұру жұмыстары жүргізілді.Биыл 5 каналды тазалау жоспарлануда.Сол сияқты, «Көлтоған» су қоймасының апаттық жағдайының уақытша алдын алу және «Ақүйік» ауылдық округі тұрғындарын аяқ сумен қамтамасыз ету үшін «Арна» мекемесі арқылы су беретін каналды тазалау, дамбысын көтеру, су тоспаларын жөндеу, қойманың бөгетін уақытша қалпына келтіру жұмыстары атқарылды.Аймақ басшысы су үнемдеу технологияларын кеңінен қолдану, су тасқынының алдын алу мәселесі күн тәртібінен түспеуі керек екенін ескертті.Ақпарат көзі : https://www.gov.kz/memleket/entities/kyzylorda/press/news/details/935489

Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде көктемгі егіс жұмыстарына дайындық, агроөнеркәсіп кешенін цифрландыру мәселелері қаралды. Жиынға облыс әкімі Нұрлыбек Нәлібаев селекторлық режим арқылы қатысты.Биыл облыста 190 мың гектар жерге ауыл шаруашылығы дақылдары егіледі. Үкіметтің Жол картасына сәйкес күріш егісі 80 900 гектар болып бекітілді. Қосымша 5 мың гектар күрішті қашыртқы сумен, жерді лазерлік тегістеу арқылы үнемделген сумен суару көзделуде. Ауыл шаруашылығы құрылымдары тұқыммен 100 пайыз қамтамасыз етілген. Қажетті 64 600 тонна тыңайтқыштың 11 300 тоннасы отандық өнім.Шаруашылықтар есебіндегі 4046 техниканың 82,2 пайызы жөндеуден өтті. Қалғаны 1 наурызға дейін 100% дайын болады. Энергетика министрлігі 10 мың тонна дизель отынын бекітті. Бүгінде жеткізуші операторлар айқындалып, ақпан айына бөлінген дизель отынына төлем жүргізілуде. Жоспарланған егіс көлемі Мемлекетаралық су шаруашылығын үйлестіру комиссиясы отырысынан кейін қайта нақтыланбақ.Агроөнеркәсіп кешенін цифрландыруда және салаға озық технологияларды енгізуде бірқатар шара атқарылуда. Егін, мал шаруашылығы саласындағы субсидиялау процестері «ГосАгро» порталы арқылы онлайн жүргізілуде. Жер учаскелерін сату, жалға беру веб-портал арқылы электронды түрде өтеді.Саланы цифрландыру, жаңа жобаларды жүзеге асыруда шетелдік компаниялармен бірлескен жобалар іске асырылуда. «Ер-Әлі» шаруа қожалығы күріш алқаптарын суаруды цифрландыру, су шығынын азайту үшін аустралиялық «Рубикон Уотер» компаниясының автоматтандырылған су өлшеу жабдықтарын орнатты. Бұл арқылы суармалы су көлемін 20 пайызға дейін үнемдеуге, өнімділікті арттыруға қол жетті.Аталған компаниямен бірлесіп, облыс аумағындағы егіс алқаптарының 60 пайызын сумен қамтамасыз ететін «Сол жаға магистралды каналына су бөлуді және есепке алуды цифрландыру» жобасы қолға алынды. Қазіргі таңда жоба-сметалық құжаттары әзірленіп, сараптамадан өтуде. Егін шаруашылығын цифрландыру бағытында «Абзал и К» толық серіктестігі құны 1 млрд. теңге, қуаты сағатына 12 тонна цифрлық күріш өңдеу зауытын биыл іске қосады.Ақпарат көзі : https://www.gov.kz/memleket/entities/kyzylorda/press/news/details/936495

Шығыс Қазақстан облысының әкімі Ермек Көшербаев төтенше жағдайлар жөніндегі жедел штабтың отырысын өткізді. Айта кетейік, 1 ақпаннан бастап өңірде жоғары дайындық режимі жарияланды. Ауа температурасының күрт көтерілуіне байланысты облыстағы су басу қаупі бар 72 аймақта бақылау күшейтілді. Өңір басшысы қала мен аудан әкімдеріне барлық қажетті ресурстарды дайындап, өзендердегі су деңгейін бақылауды тапсырды. Жауапты қызмет өкілдері ТЖ жағдайындағы іс-қимыл реті туралы егжей-тегжейлі нұсқаулар беруі керек. Қазгидромет болжамы бойынша наурызда ауа температурасы мен жауын-шашын мөлшері нормадан жоғары болады. Жағдай нашарлаған кезде су тасқынымен күресуге 2511 адам, 935 техника, 46 жүзу құралы, 242 мотопомпа жұмылдырылады. Сондай-ақ азаматтарды эвакуациялау үшін жалпы сыйымдылығы 21 мыңнан асатын 182 пункт белгіленді. Жуықта облыстағы гидротехникалық нысандардың дайындығы тағы бір мәрте тексеріледі. Оларға күнделікті мониторинг жүргізіледі. Жедел штаб жағдайды толық бақылауға алды.Ақпарат көзі : https://www.gov.kz/memleket/entities/akimvko/press/news/details/936831

Өскемен тұрғындары фристайлшылар Анастасия Городко, Аяулым Әмренова, Антон Бондарев және Павел Колмаковты қарсы алды.Шығысқазақстандық спортшылар Әлем чемпионаты, Қысқы Универсиада мен Әлем кубогында ел намысын қорғап, тамаша өнер көрсетті.Анастасия Городко Қысқы Универсиаданың екі дүркін чемпионы атанды. Сондай-ақ Әлем чемпионатында ел қоржынын бір алтын және бір күміс медальмен толықтырды.- Мен өз нәтижелеріме ризамын. Әрине, қиындықтар болды. Онсыз бәсекелестік болмайды. Бәріне дайын болуы мүмкін емес, бірақ қолымнан келгеннің бәрін жасадым, - деді Анастасия Городко.Аяулым Әмренова мен Антон Бондарев Универсиаданың күміс медалін иеленіп, жоғары нәтижелерге қол жеткізді.- Шығыс Қазақстанда қысқы спорттың барлық түрімен айналысуға мүмкіндік бар. Біз өз спортшыларымызды мақтан тұтамыз. Болашақта олар талай белесті бағындырады деп сенемін, - дейді ШҚО Дене шынықтыру және спорт басқармасы басшысының орынбасары Серік Құсымбаев.ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/936833

Республикада жарылыс-өрт қауіпті объектілерде ауқымды өрт-тактикалық оқу-жаттығулар өткізілуде. Мұнай базалары мен резервуарлық парктердегі шартты өртті сөндіру кезінде жеке құрамның іс-қимылдарын пысықтауға басты назар аударылады. Алғашқы 9 күнде 20 оқу-жаттығу өткізілді. Іс-шараларға ТЖД жеке құрамынан 1200-ге жуық адам, мемлекеттік емес өртке қарсы қызметтердің 95 бөлімшесі жұмылдырылды және 300-ден астам өрт техникасы тартылды. Мұнай базалары жоғары қауіпті объектілер болып табылады, онда тез жанатын және жанғыш сұйықтықтардың үлкен көлемі сақталады. Мұндай объектілерде өрт қауіпсіздігінің тиімді шараларын әзірлеу ықтимал төтенше жағдайлардың алдын алу үшін өте маңызды. «ТЖМ жоғары қауіпті объектілерде қауіпсіздікті қамтамасыз ету үшін мұнай базаларында оқу-жаттығуларды жиі өткізеді. Біз мемлекеттік емес өртке қарсы қызметтермен бірлесіп, нақты ТЖ кезінде үйлесімді және тиімді жедел әрекет ету үшін барлық мүмкін сценарийлерді пысықтап жатырмыз. Мұндай оқу-жаттығулар мемлекеттік және жеке қауіпсіздік қызметтерінің кәсіби дайындық деңгейін арттыруға, сондай-ақ әртүрлі бөлімшелер арасындағы өзара іс-қимылды жақсартуға мүмкіндік беретінін атап өткен жөн. Біз жеке құрамның дағдыларын жетілдіріп, еліміздің қауіпті нысандарында барынша қорғауды қамтамасыз ете отырып, осы бағытта жұмыс істеуді жалғастырамыз», - деп ТЖМ Өртке қарсы қызмет комитеті төрағасының орынбасары Қанат Доспаев атап өтті. Оқу-жаттығулар мемлекеттік емес өртке қарсы қызметтерді тарта отырып өткізілуде және «PetroRetail» ЖШС, «Кармет» АҚ Шахтинск базасының Шахтинск ЖЖМ қоймасы, Sinooil мұнай базасы, «Мунай Company» ЖШС, «Falcon&M» ЖШС, «ЛУКОЙЛ Лубрикантс Центральная Азия» ЖШС, «Мунай Инвестмент Груп» ЖШС сияқты ірі мұнай базаларын қамтиды. Осы бағыттағы жұмыс жалғасуда, мұндай оқу-жаттығулар қауіпті объектілердегі ықтимал өрттерді жоюға дайындық деңгейін арттыруға көмектеседі.Ақпарат көзі : https://www.gov.kz/memleket/entities/emer/press/news/details/936755

Бүгінде Тұран ауданында тұрғындар үшін қолайлы демалыс аймақтарын құру мақсатында абаттандыру жұмыстары қарқынды жүргізілуде. Былтыр Желтоқсан көшесінің бойында (Аэровокзал аумағында) және “Мадлен” мейрамханасы жанында (“Шымкент” қонақ үйі) екі демалыс аймағы пайдалануға беріліп, жасыл желекпен көмкерілген гүлзарлар салынды.Бұл жұмыстар биыл да жалғасып, Арғынбеков және Бәйтереков көшелері қиылысында жалпы аумағы 0,15 гектарды құрайтын жаңа гүлзардың құрылысы қолға алынады. Гагарин көшесі бойындағы жаңа сквердің және инвестициялық жоба аясында Қабылбеков көшесі бойында заманауи гүлзардың құрылысы жоспарланған.Бұл жобалар тұрғындардың демалысын, бос уақытын тиімді өткізуге ықпал етеді.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/936706

Шымкент қаласы әкімдігінің қаулысымен 14 санаттағы азаматтарға қоғамдық көліктерде тегін жүру құқығы берілді. Ол үшін бұл жолаушылар көлік карталарын алып жүру қажет. Осыған байланысты Абай, Тұран аудандары әкімдіктерінде және Avtobys жүйе кеңсесінде көлік карталары сатылуда. Карта бағасы - 550 теңге. Тегін жүретін қала тұрғындары «Avtobys» жүйесінің жаңа карталарын 5-10 минутта оңай ала алады.Сонымен қатар, жүйенің операторы әлеуметтік картаны сатып алмай, барлық жеңілдік санаттары үшін тегін виртуалды тарифке қосылу мүмкіндігін ұсынады.І және ІІ топтағы мүмкіндігі шектеулі әлеуметтік мәртебесі бар тұлғаларға көлік карталары тегін беріледі.Көлік картасын алу үшін қажетті құжаттар:- Жеке куәлік түпнұсқасы.- Шымкент қаласының жергілікті атқарушы органының мөрі басылған жәрдемақыны алғанын растайтын құжаттың көшірмесі (түпнұсқасы жеке басын куәландыру үшін ұсынылады).- 1 дана 3х4 көлеміндегі фотосурет.- Өтініш берушінің жеке деректерін жинауға және өңдеуге келісім беруі қажет.Көлік карталары төмендегі мекен-жайларда сатылады:Тұран ауданы әкімдігі, Байтұлы Баба көшесі №12а.Абай ауданы әкімдігі, Тәуке хан даңғылы №3.Avtobys жүйе кеңсесінде, Бәйдібек би даңғылы №24Б.Колл-орталық: +7 (775) 007 50 50Ақпарат көзі : https://www.gov.kz/memleket/entities/shymkent/press/news/details/936713

Қаланың оңтүстік бағытындағы жалғыз кірме-шығыс жолында жүктемені азайту мақсатында 16,3 шақырымдық Қонаев даңғылының жалғасы салынуда. Бұл қаламыздың жол инфрақұрылымын дамытуда іске асырылып жатқан ірі нысандардың бірі.Бүгінде қаланың күретамыры саналатын Қонаев даңғылының бір бөлігі, Оңтүстік айналма жолына дейінгі аралығында құрылыс жұмыстары аяқталып, көше жарықшамдары толық іске қосылды. Жобаға сәйкес 6 -кезеңнің ұзындығы 2 шақырым, 6 қозғалыс жолағы бар.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/936724

Мегаполистің даму жоспарына сәйкес аудан аумағында тұрғындарға қолайлы орта қалыптастыруда ауқымды жұмыстар атқарылуда. Аудандағы жалпы саны 626 көп қабатты үй 210 аулаға біріктірілген. Өткен жылы аулаларға 21 ойын алаңшасы салынса, биыл осындай 27 нысанды қолданысқа беру жоспарлануда. Жаңа ойын алаңшалары Сайрам, Нұртас,Тассай, Қызылсу, Тұран, Бозарық, Нұрсәт, Мирас, Шапағат елді мекендерінде бой көтереді.Нұрсәт, Шапағат, Нұртас шағынаудандарында биыл үш ашық спорт алаңшасы салынады. Жергілікті халықтың өтініші бойынша Нұртас,Тассай, Таскен, Сайрам, Шапырашты, Өтеміс, Мәртөбе,Мирас, Шапағат, Қайтпас елді мекендерінде 16 орынға ирригациялық жүйелер жүргізіледі.Қала көркін арттыратын нысандардың бірі - гүлзарлар. Былтыр ауданда 7 гүлзар салынған, биыл 11 нысанның құрылысын бастау жоспарлануда. Өткен жылдың басты жетістігі ауданда 320 көшенің жарықтандырылуы болса, биыл 351 көшеге жарық жүйелері жүргізіледі. Онымен қоса осы жылы Тұран,Мирас, Шапағат, Нұртас, Мәртөбе, Алтын Орда және Сайрам елді мекендерінде жалпы саны 138 көшеге асфальт төселеді.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/936730

1992 жылы дүниеге келген. А.Мырзахметов атындағы Көкшетау университетін «Халықаралық қатынастар» мамандығы бойынша бітірген.Еңбек жолын 2015 жылы Көкшетау қаласы әкімінің аппаратында нұсқаушы болып бастаған.2016-2020 жылдары Көкшетау қаласы әкімінің аппаратында ұйымдастыру-бақылау бөлімінің бас маманы, қала әкімінің көмекшісі қызметтерін атқарған.2020-2024 жылдары Ақмола облысы әкімі аппаратының ұйымдастыру-инспекторлық жұмыс бөлімінде бас маман-инспектор, кейін бас инспектор болып қызмет еткен.2024 жылдың ақпан айынан бастап облыс әкімі аппаратының ұйымдастыру-инспекторлық жұмыс бөлімінің басшысы лауазымын атқарды.Ақпарат көзі : https://www.gov.kz/memleket/entities/aqmola/press/news/details/936300

Щучинскте әлеуметтік осал топ өкілдеріне 40 пәтердің кілтін табыстау рәсімі өтті, деп хабарлайды Ақмола облысы әкімдігінің баспасөз қызметі.Циалковский көшесі, 13 үй мекенжайында орналасқан 8 пәтерлі тұрғын үй 1924 жылы салынған. Ескірген ғимараттың меншік иелері 2022 жылдың қыркүйегінде Бурабай ауданының әкімдігіне жүгініп, баспананың апатты жағдайда екенін мәлімдеді.Сараптама жүргізілгеннен кейін, 2023 жылы ғимарат апатты деп танылып, оны бұзу туралы шешім қабылдандыЖергілікті атқарушы органдар апатты үйді реновация бағдарламасына енгізу туралы шешім қабылдады. Бұрынғы тұрғындар баспаналарын «Tasu Company» ЖШС құрылыс компаниясына босатып берді. Осылайша, жоба бюджет қаражатын тартпай, тек жеке инвестициялар есебінен жүзеге асырылды. Мердігер компания ескі ғимараттың орнына 48 пәтерден тұратын заманауи 6 қабатты тұрғын үй кешенін салды.Айта кетейік, бұл үй – Мемлекет басшысының тапсырмасымен жүзеге асырылып жатқан реновация бағдарламасы аясында Ақмола облысында салынған алғашқы тұрғын үй. Жаңа үйдің салынуы азаматтардың өмір сүру жағдайын жақсартумен қатар, қала келбетін өзгертіп, қосымша инженерлік инфрақұрылым салу қажеттілігінсіз қаланы жаңартуға мүмкіндік береді.Ескі пәтерлер жаңа, кең әрі жайлы баспанаға ауыстырылды. Бұрынғы тұрғындардың барлығы жаңа тұрғын үй кешенінен биік төбелі, жарық дәліздері бар заманауи пәтерлерге ие болды. Сондай-ақ, үйде лифт орнатылған, бұл тұрғындардың өмір сүру сапасын айтарлықтай арттырады. Кешен барлық қажетті жағдайлармен қамтылған және жайлы өмір сүруге толық мүмкіндік береді.Қалған 40 пәтерді Бурабай ауданының әкімдігі сатып алып, әлеуметтік осал топтағы ондаған азаматты баспанамен қамтамасыз етті.Ақмола облысының әкімі Марат Ахметжанов жаңа тұрғындарға кілт тапсыру барысында мұндай бағдарламалардың халықтың өмір сүру сапасын жақсартудағы маңыздылығын атап өтті. Ол реновация тек апатты үйлер мәселесін шешіп қана қоймай, сонымен бірге халық үшін қолайлы әрі заманауи жағдайлар жасауға бағытталған маңызды қадам екенін айтты. «Мемлекет басшысы ең алдымен қазақстандықтардың өмір сүру сапасын арттыруға бағытталған әлеуметтік жобаларды жүзеге асыруға ерекше назар аударады. Солардың бірі – тұрғын үймен қамтамасыз ету мәселесі. Өткен жылы бюджет қаражаты есебінен 28 тұрғын үй салынып, 850 пәтер сатып алынды. Нәтижесінде шамамен 2,5 мың отбасының тұрғын үй жағдайы жақсарды. Олардың 1,5 мыңы – әлеуметтік осал топтардағы отбасылар. Жалпы, облыс бойынша 6 мыңнан астам ақмолалық жаңа, жайлы баспанаға ие болды. Дайын пәтерлерді сатып алу арқылы тұрғын үй кезегін азайтуға мүмкіндік туды. Бұған қоса, бұл тұрғын үйлер бюджет есебінен салынған баспаналарға қарағанда әлдеқайда сапалы. Бұл шара көпбалалы отбасылардың, жетім балалардың, мүгедектігі бар азаматтардың және басқа да әлеуметтік осал санаттағы адамдардың тұрғын үй жағдайын жақсартуға мүмкіндік береді», – деді М.Ахметжанов.Жаңа үйден пәтер алған көпбалалы ана Элина Шмидт өз қуанышымен бөлісті:«Тұрғын үй-коммуналдық шаруашылық қызметкерлері қоңырау шалып, бізге пәтер берілетінін айтқанда сенбедім. Алғашында алаяқтар деп ойлап, әкімдікке хабарластым. Олар маған өз қызметкері байланысқа шыққанын растады және құжаттарды тапсыруға болатынын айтты. Сол кезде жылап жібердім. Біз 14 жыл күттік, енді ешқашан үй ала алмайтын шығармыз деп ойладық. Пәтерді көрген кезде тағы да жыладық – өйткені бұл біздің баспанамыз! Өте әдемі, мұндай жақсы жөндеуді күткен жоқпын. Осындай бағдарлама үшін мемлекетімізге алғысымыз шексіз. Біз өте бақыттымыз!» – деді Э.Шмидт.Бурабай ауданында реновация бағдарламасын іске асыру – өңірдегі тұрғын үй жағдайын жақсартуға жасалған маңызды қадам. Сонымен қатар, бұл заманауи құрылыс пен халықтың қажеттіліктеріне деген қамқорлықтың үйлесімді үлгісі болып табылады.Бұл бағдарлама өңірдің басқа қалаларын да қамтиды. Атап айтқанда, Көкшетау қаласында осы бастама аясында жаңа тұрғын үй құрылысы басталды. Ақпарат көзі : https://www.gov.kz/memleket/entities/aqmola/press/news/details/936396

«Алатау» дәстүрлі өнер театры театр әлеміндегі беделді байқаулардың бірі - Чехов фестиваліне жолдама алды. Онда шығармашылық ұжым саундрама жанрындағы «Mamluk. Сұлтан Бейбарыс» қойылымын сахналайды. Бұл туралы театр директоры Мақсат Нұралиев Өңірлік коммуникациялар қызметінің брифингінде мәлімдеді.«Біздің театр үшін осындай маңызды іс-шарада қазақ театр өнерін көрсету – зор жетістік. Мен «Mamluk. Сұлтан Бейбарыс» спектакліне өз жанын салған дарынды әртістерімізді, режиссерларымызды, музыканттарымызды, жалпы барлық шығаршашылық құрамды мақтан тұтамын», - деді Мақсат Нұралиев.Сондай-ақ, театр труппасын Франциядағы Авиньон фестиваліне «Алтыбақан» премьералық спектаклімен шақыруы мүмкін. Айта кетерлігі, «Алатау» театры соңғы жылдары халықаралық қатынас бағытындағы жұмысты белсенді дамытуда. 2024 жылы театр әртістері Қытайда өнер көрсетті, сондай-ақ Алматы әкімдігінің қолдауымен жетекші шетелдік мәдени орталықтарда оқудан өтті.Биыл театр Нұрғиса Тілендиевтің 100 жылдығына және Абай Құнанбайұлының 180 жылдығына орай тарихи тұлғалардың өмірі мен шығармашылығын дәріптейтін жаңа қойылымдар ұсынады.Ақпарат көзі : https://www.gov.kz/memleket/entities/almaty/press/news/details/936122

Алматыда қалалық Мәслихаттың кезектен тыс XXVII сессиясы өтті. Күн тәртібіндегі мәселелердің бірі-жаңадан құрылған қоғамдық көлік маршруттарын халыққа қолжетімді ету үшін әлеуметтік маңызы бар деп тану.Қалалық Мәслихат депутаттарының алдында сөйлеген сөзінде Алматының мобилділік басқармасының басшысы Сағындық Телібаев қала маңындағы тұрғындардың едәуір бөлігінің қоғамдық көліктің жетіспеушілігі проблемасына тап болып отырғанын, бұл оларды жеке тасымалдау қызметтерін пайдалануға мәжбүр ететінін атап өтті.«Күн сайын қала аумағына 300 мыңнан астам көлік келеді. Қала аумағына кіретін көлік құралдарының жоғары ағынын қысқарту және қала тұрғындарының мобилділігін арттыру мақсатында бүгінде Алматы әкімдігі 147 қалалық және 54 қала маңындағы маршруттарды ұйымдастырды. Оның ішінде әлеуметтік маңызы бар қатынастар тізбесіне тек 178 маршрут енгізілген. Халық үшін қалған 23 маршруттың қолжетімділігін қамтамасыз ету мақсатында оларды әлеуметтік маңызы бар қатынастар тізбесіне енгізу қажет», - деп атап өтті басқарма басшысы.Отырыс қорытындысы бойынша депутаттар бұл ұсынысты қолдады.Айта кетейік, 2024 жылы Алматы әкімі Ерболат Досаевтың тапсырмасымен қалада қала маңындағы 20 және 2 қалалық маршрут іске қосылды. Ағымдағы жылы қоғамдық көліктің қолжетімділігін арттыру және дамыту мақсатында 800 экологиялық таза автобус сатып алу жоспарлануда.Ақпарат көзі : https://www.gov.kz/memleket/entities/almaty/press/news/details/936163

Алматыда қала әкімінің тапсырмасы бойынша «2040 жылға дейін перспективада қаланы жылумен жабдықтауды дамытудың 2030 жылға дейінгі жоспары» әзірленді. Бұл туралы Алматы энергетика басқармасы басшысының м.а. Нұрбақыт Серікбай Мәслихаттың кезектен тыс XXVII сессиясында хабарлады.Құжат жылу желілерін жаңғырту мен реконструкциялауды, ескірген технологиялар мен жабдықтарды ауыстыруды, сондай-ақ перспективалы құрылыс аудандарында жаңа қазандықтар салуды көздейді.Жобаны әзірлеу кезінде алдағы онжылдықтарға ресурстарды ұтымды бөлуге мүмкіндік беретін және ұзақ мерзімді перспективада жылумен жабдықтаудың тұрақтылығына кепілдік беретін болжам жүзеге асырылды.Айта кетерлігі, бүгінде Алматыда қолданылуы 25 жылдан асқан жылу желілерінің үлесі қаланың балансына иесіз желілерді беру есебінен өсуде. Жыл сайын 39 км құбырды қайта жаңарту кезінде 2040 жылға қарай желілердің тозу деңгейін 20% - дан астамға дейін төмендету жоспарлануда.Жаңғырту аясында апатты жағдайлардың туындау тәуекелдерін едәуір төмендетуге және көрсетілетін қызметтердің сапасын жақсартуға мүмкіндік беретін жаңа технологиялар мен шешімдерді енгізу көзделген.Сондай-ақ, ескі құбырларды қашықтан басқарылатын оқшауланған құбырларға ауыстыру жоспарланған, бұл жылу шығыны мен техникалық қызмет көрсету шығындарын азайтады. Сондай-ақ, ескірген бекіту арматуралары заманауи шар клапандарымен ауыстырылады.«Қабылданған шаралар жылумен жабдықтау сенімділігін арттыруға, жаңа тұтынушыларға үздіксіз жылу беруді қамтамасыз етуге және пайдалану шығындарын азайтуға мүмкіндік береді», - деп түйіндеді сөзін Нұрбақыт Серікбай.Ақпарат көзі : https://www.gov.kz/memleket/entities/almaty/press/news/details/936169

«Алматы» ӘКК» АҚ еншілес ұйымы, «Almaty Finance» ЖШС «Askar Development» ЖШС-на Тұйық Су шатқалында заманауи туристік орталықтың құрылысына 380 млн.теңге бөлді.Жобаны қаржыландыру басым бағыттардың бірі ретінде туризмді қолдау шеңберінде «Almaty Business-2025» кәсіпкерлікті дамытудың өңірлік бағдарламасы бойынша жүзеге асырылады. Қарыз бойынша сыйақы мөлшерлемесі жылдық 6% (ЖТСМ), қаржыландыру мерзімі - 5 жылды құрайды.Визит-орталық қонақ үймен, кафемен, дәріханамен, жабдықтарды сатып алуға және жалға алуға арналған дүкенмен, кәдесый дүкенімен және шығармашылық іс-шаралар өткізуге арналған аймақпен жабдықталады. Орталық сонымен қатар Медеуге және кері бағытта электромобильмен туристерді тасымалдау қызметтерін, квадроциклдер мен велосипедтерді жалға алуды, көршілес топтық экскурсияларды, жеке экскурсияларды, тақырыптық дәрістер мен мастер-класстарды қамтамасыз етеді.Жобаның негізгі мақсаты-жергілікті экотуризмді дамыту үшін жағдай жасау, халықты жайлы рекреациялық демалыспен қамтамасыз ету, Алматының туристік тартымдылығын арттыру.Жеңілдікті қаржыландыру аясында «Askar Development» ЖШС бірқатар әлеуметтік міндеттемелерді өз мойнына алады. Компания кешен аумағында тазалықты сақтауды қамтамасыз етеді, қалдықтарды басқару жүйесін енгізеді, маршруттарды сипаттайтын интерактивті ақпараттық панельдер орнатады, құтқару қызметтері мен туристерді қолдау орталықтарының контактілері бар қалқандарды орналастырады, шұғыл байланыс аймағын құрады.Орталықты салу және жайластыру кезінде қарыз алушы экологиялық таза материалдарды пайдаланады, туристерді олардың маршруттарының бағыттарын қадағалау функциясымен тіркеу жүйесін ұйымдастырады, тегін қоғамдық дәретхананы көздейді және тау маршруттарында қауіпсіз жүріс-тұрыс бойынша тұрақты дәрістер мен нұсқамалар жоспарлайды. Кешен аумағында сыйымдылығы 8 адамға дейін құтқару қызметінің қызметкерлеріне арналған екі үй-жайды орналастыру мүмкіндігі Қосымша қарастырылуда.«Алматының туристік тартымдылығын арттырумен қатар, жоба аясында 22 жаңа тұрақты жұмыс орны құрылады, сондай-ақ жергілікті бюджетке түсетін түсімдер ұлғайтылады. Компанияның жыл сайынғы салық төлемдері 170 млн. теңгені құрайды деп күтілуде», - деп атап өтті «Almaty Finance»ЖШС Басқарма төрағасының орынбасары Жұлдыз Игенов.Ақпарат көзі : https://www.gov.kz/memleket/entities/almaty/press/news/details/936182