Оңтүстік-Шығыс пен Майқұдықты абаттандыру схемасы Урбанистика орталығымен бірлесіп әзірленді. Қала әкімі Мейрам Қожухов өңір басшысы Ермағанбет Бөлекпаевтың төрағалығымен өткен облыс орталығын дамыту жөніндегі кеңесте алдағы жоспарлар жайлы айтты.– Оңтүстік-Шығыс пен Майқұдықты абаттандыру схемасы Урбанистика орталығымен бірлесіп әзірленді. Осыған байланысты жаяу жүргіншілер жолдары, ретке келтіруді қажет ететін бос орындарды абаттандыру – орындықтар, урналар, шағын архитектуралық нысандар орнату, тротуарлар салу, – деді Мейрам Кожухов.Сонымен қатар, аулалар мен гүлзарларды абаттандыру, сондай-ақ көгалдандыру жалғасады.Абаттандыру жоспарында өзінің тиімділігін көрсеткен "Халық қатысатын бюджет" бағдарламасына баса назар аударылды. Биыл оны қаржыландыру үш есеге ұлғайтылды, жалпы қала бойынша тұрғындардың өздері ұсынған және таңдаған 65 жобаны іске асыру көзделген.Оңтүстік-Шығыста "Сары-Арқа" гүлзарын абаттандыру жалғасады. Кеншілер даңғылындағы гүлзарды ағымдағы жөндеу жоспарланған.Әлихан Бөкейхан ауданында Күзембаев және Сталелитейная көшесінің гүлзарлары ретке келтірілетін болады.Қала орталығы да назардан тыс қалмайды. Бұқар жырау даңғылындағы жаяу жүргіншілер аймағын абаттандыруды, К. Станиславский атындағы театр алдындағы алаңды қайта жаңартуды аяқтау қажет.Мейрам Кожухов сонымен қатар субұрқақтағы жаңа музыкалық шамды ауыстыра отырып, каскадты алаңды қайта құру жоспарлары туралы айтты.Жол қозғалысы қауіпсіздігі үшін "Ақылды бағдаршам" жүйесін енгізу жалғасады. Қала әкімі қажетті құрал-жабдықтар күтіліп, жүйе биыл толық көлемде іске қосылатынын айтты.– Біздің міндетіміз – облыс орталығына демалу және серуендеу үшін көбірек аймақтар қосу. Жол бойындағы, аулалардағы, орталық көшелердегі бос жерлерді де абаттандырыңыздар. Тұрғындардың үміттері зор және біз оларды ақтауға міндеттіміз. Біз бірге қаланы жайлы, заманауи және өмір сүруге ыңғайлы етуге тиіспіз, – деп атап өтті Ермағанбет Бөлекпаев.Ақпарат көзі : https://www.gov.kz/memleket/entities/karaganda/press/news/details/915392

Өңір басшысы Ермағанбет Бөлекпаев Қарағанды қаласының екі аудан әкіміне қар тазалау бойынша ескерту жасады. Ол қала таза әрі көгалданған болуы үшін "Таза Қазақстан" бастамасын іске асыру бойынша бірқатар ойымен бөлісті.– Өкінішке қарай проблема бар. Әлеуметтік желілерде қар шығару және тазалау бойынша шағымдар шығып жатыр. Мен мұны өзім де көріп отырмын, – деді Ермағанбет Бөлекпаев облыс орталығын дамыту жөніндегі кеңесте.Тәртіп барлық жерде болуы керек: орталықта да, шетте де, деп атап өтті ол. Бұл аудан әкімдерінің жауапкершілік аймағы, тәртіпті үнемі қадағалап отыру қажет екенін өңір басшысы тілге тиек етті.Ол қала басшылығына автомобиль жолдарын, сондай-ақ тротуарларды, гүлзарларды, саябақтарды сапалы тазалау және күтіп ұстау бойынша жұмысты үзбей ұйымдастыруды тапсырды. Сондай-ақ барлық меншік нысандарындағы ұйымдардың санитарлық нормаларды сақтауын қадағалау үшін полицияға жүгінді.Ермағанбет Бөлекпаев қоқыстарын жинамайтын құрылыс компанияларына назар аударды. Ол Пришахтинскідегі Оқушылар сарайын енгізгеннен кейін қоршаған аумақты ретке келтіріп қана қоймай, көгалдандыруға үлес қосқан мердігерді үлгі ретінде келтірді.Қала әкімі Мейрам Кожухов тұрғын үй салушылардың көгалдандыруға қатысуы туралы келіссөздер жүргізіліп жатқанын хабарлады. Оларға пәтер саны бойынша үйдің жанына ағаш отырғызып, содан кейін оларға күтім мен қауіпсіздікті қамтамасыз ету ұсынылады. Ақпарат көзі : https://www.gov.kz/memleket/entities/karaganda/press/news/details/915461

2025 жылы «Астана Опера» театры көрермендерін мазмұнды бағдарламамен қуантпақ. Жоспарда төрт премьера бар.Жыл Ролан Петидің балет премьерасымен ашылады. Бағдарламаға әйгілі француз хореографының үш үздік туындысы «Кармен», «Арлезианка» және «Бозбала және өлім» енген. Бұл драматургия мен айқын экспрессияға толы туындылар әлемдік балетте ерекше орын алады.Көптен күткен оқиғалардың бірі – Петр Чайковскийдің «Ұйқыдағы ару» балетінің премьерасы. Классикалық балеттің символы саналатын шығарманы Ресейдің Халық әртісі Алтынай Асылмұратованың балет труппасы жаңаша сахналайды. Сәнді костюмдер, тамаша декорация және таңғажайып музыка көрерменді ертегі әлеміне жетелейді.Опера өнерін сүйіп тыңдайтын көрерменді түрлі стильдегі қойылымдар күтуде. Олардың бірі – Джузеппе Вердидің атақты «Риголетто» операсы. Махаббат туралы қайғылы оқиға керемет сюжеті мен шебер арияларымен танымал. Туынды әлем көрермендерінің жүрегін баурап келеді.Репертуардан ерекше орын алатын туындылардың бірі – Серікжан және Әліби Әбдінұровтардың «Қыпшақ қызы Аппақ» операсы. Сюжетте Низами есімімен белгілі ұлы әзербайжан ақыны мен 17 жасар қыпшақ қызы Аппақтың кездесуі баяндалады.Әр қойылым «Астана Опера» театрының режиссерлері, хореографтары, сценографтары, костюм суретшілері және әртістерінің үлкен еңбегінің нәтижесі болмақ. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/914304

Бүгін өңірдің спорт сүйер қауымы Азия чемпионы Наталья Богдановаға құрмет көрсетті. Тайландта өткен финалда біздің спортшы турнир қожайынын сенімді жеңіп, Азия құрлығында ең үздік атанды. "Бұл үлкен еңбек, тәртіп пен жеңіске деген ерік-жігердің жарқын дәлелі. Өткен жылы Наталья Қытайда өткен Азия ойындарында қола медаль алғанын еске сала кетейін. Боксшының бапкері Дастан Кабденовқа бірлескен жұмыс пен спорттық жетістіктері үшін зор алғысымды білдіремін. Біздің атлеттердің арқасында облыс бен еліміздің халықаралық аренадағы беделі өсуде. Алда көптеген жеңістер мен жарқын сәттер болсын, рингте жаңа шыңдарды бағындыруға жазсын", - деп атап өтті облыс әкімі Ғауез Нұрмұхамбетов. Мемлекет біздің спортшыларға әрдайым қолдау көрсетуде. Өңірде спорт инфрақұрылымы дамытып жатыр. Былтыр 4 спорт кешені, 3 жабық хоккей корты, 23 мини-футбол алаңы салынды. Қазір бір спорткешені, 2 хоккей корты мен және жабық жүзу бассейнінің құрылысы жалғасуда.Ақпарат көзі : https://www.gov.kz/memleket/entities/sko/press/news/details/914277

Қарулы күштердің «Шығыс» түраралық оқу-жаттығу полигонында инженерлік-саперлік полктің әскери қызметшілері жарылыс жұмыстарының алгоритмдерін тәжірибеде алғаш рет пысықтады.Алдымен тәжірибелі нұсқаушылар жас жауынгерлерге қауіпсіздік ережелері мен оларды өткізу ерекшеліктерін жеткізді.– Жақсы теориялық дайындық – қойылған міндеттерді сәтті орындаудың кепілі. Тәжірибелік бөлімнің алдында әрбір сапер жауынгерлік жарылғыш заттардың жіктелуін, дайындау тәсілдері мен олардың құрамдас бөліктерін пән бойынша зерделеді, – деп түсіндірді инженерлік-саперлік батальон командирі майор Қуатбек Мәулетқажин.Жарылыс жұмыстары отпен және электрлік тәсілмен жүргізілді. 54770 әскери бөлімінің әскери қызметшісі Жасұлан Нүсіпжан практикалық сабақтар туралы өз әсерімен бөлісті.– Мен екі айдан астам уақыт қызмет етіп келемім. Бүгін жарылыс жұмыстарын жүргізудегі алғашқы тәжірибені алдым. Мұқият дайындықтың арқасында бәрі жақсы өтті. Іс жүзінде командирлеріміздің нұсқауларын орындаудың қаншалықты маңызды екеніне көз жеткіздім, – деді ол.Қауіпті кәсіп өкілдерінің жауынгерлік оқуы жалғасуда. Болашақта бөлімшелер құрамында сарбаздар әртүрлі инженерлік оқ-дәрілерді орнату, түрлі конструкциялардың элементтерін жою немесе бұзу үшін есептоптар жасау ережелерін игеруге кіріседі.Ақпарат көзі : https://www.gov.kz/memleket/entities/mod/press/news/details/914613

Елорда әкімдігінің «Шарапат» әлеуметтік қызмет көрсету орталығында тұратын Ұлы Отан соғысының ардагері ғасыр жасаған Раиса Егоровна Сафоничева өмірден озды. Аза тұту жиынына Қорғаныс министрлігінің, қалалық мәслихаттың, ардагерлер ұйымдарының, «Шарапат» әлеуметтік мекемесінің өкілдері және марқұмның шөбересі Виталий Смирнов қатысты. Келгендер Раиса Егоровнаны бір минут үнсіздікпен еске алды. Мәслихат депутаты Асқар Смағұлов, жұмыспен қамту және әлеуметтік қорғау басқармасының басшысы Илья Скуба, қалалық ардагерлер кеңесінің төрағасы Сансызбай Есілов және «Қарулы Күштердің ардагерлері» РҚБ Астана филиалының төрағасы авиация генерал-майоры Алсай Жұманов естеліктерін айтты.Естеріңізге сала кетсек, Раиса Сафоничева 1943 жылы Минскіде қысқа мерзімді байланыс курсын аяқтағаннан кейін 2-ші Украина майданына барды. Жауынгерлік жолы Киевтен Будапештке дейін жалғасты, сол жерде Жеңіс күнін қарсы алды.Раиса Егоровна Сафоничеваның жауынгерлік еңбегі «II дәрежелі Отан соғысы» орденімен, «Украинаны азат еткені үшін», «Германияны жеңгені үшін» медальдарымен және басқа да наградалармен атап өтілді. Өткен жылы өскелең ұрпақты әскери-патриоттық тәрбиелеу ісіне қосқан үлесі үшін ол ІІІ дәрежелі «Айбын» орденімен марапатталды.Раиса Егоровнаға Қорғаныс министрлігінің, Қарулы Күштер Ұлттық әскери-патриоттық орталығының әскери қызметшілері мен «Жас сарбаз» балалар-жасөспірімдер қозғалысының тәрбиеленушілері үнемі келіп тұратын. Онымен қоштасу рәсімі әскери рәсімдерді сақтай отырып, құрмет қарауыл ротасының сүйемелдеуімен өтті. Жеңіс күні Раиса Егоровна үшін басты мереке еді. Өкінішке орай, соғыс ардагері мерейтой күніне жетпеді, дегенмен ол өзін білетіндердің жадында сақталары анық.Ақпарат көзі : https://www.gov.kz/memleket/entities/mod/press/news/details/914853

Ақтау гарнизонының 29011 әскери бөлімінде Әскери-теңіз күштері бас қолбасшысының орынбасары 1-ші дәрежелі капитан Данияр Хайрушевтің басшылығымен қорытынды шара өтті. Оған Әскери-теңіз күштері бас қолбасшысы басқармасының өкілдері, әскери бөлімдердің командирлері, тәрбие және идеологиялық жұмыс жөніндегі командирлердің орынбасарлары, сондай-ақ жекелеген батальондар мен дивизиондардың командирлері қатысты.1-ші дәрежелі капитан Данияр Хайрушев өткен оқу жылында жауынгерлік дайындықты сақтауға бағытталған бірқатар шаралар өткізілгенін атап өтті. Әскери-теңіз күштері халықаралық стратегиялық жаттығуларға белсенді қатысты. Одан бөлек Ресей Федерациясының Каспий флотилиясымен екіжақты оқу-жаттығу өткізілді.Сонымен қатар, әскери қызметшілер үшін Түркия, Әзербайжан, Ресей, АҚШ, Үндістан, Италия және Бахрейнде оқу-жаттығу жиындары да ұйымдастырылды. Жедел дағдылануды нығайтуға және қойылған міндеттерді орындау тиімділігін арттыруға Каспий теңізінің қазақстандық секторының айлағында өткен жорық-жиын ықпал етті. – 2024 жылы Әскери-теңіз күштері жаңа заманауи кемемен – елімізде шыққан жылдам жүзетін «Шапшаң» көлік-десанттық катерімен толықтырылды. Сатып алынған жарақтар біздің алға қойған міндеттерді орындаудағы ұтқырлығымыз бен жылдамдығымызды айтарлықтай арттырады, – деп атап өтті Әскери-теңіз күштері бас қолбасшысының орынбасары.Жыл қорытындысы бойынша үздік бөлімшелер мен әскери қызметшілер анықталды. Әскери бөлімдер мен мекемелердің арасында әр текті корабльдер дивизионы жеңіске жетті. Келесі санатта бірінші орын 2-ші дәрежелі капитан Шахрах Абдуразаков басшылық ететін «Орал» зымыранды-артиллериялық корабліне берілді. Майор Нұржан Жүсіпов басқарған материалдық-техникалық қамтамасыз ету батальоны да үздік деп танылды. Әскери-теңіз күштері бас қолбасшысының атынан көзге түскен әскери қызметшілерге грамоталар, алғыс хаттар және бағалы сыйлықтар табыс етілді. Шара соңы көркемөнерпаздар ұжымы мен Әскери-теңіз күштері оркестрі дайындаған концертпен аяқталды.Ақпарат көзі : https://www.gov.kz/memleket/entities/mod/press/news/details/914963

ҚР Қорғаныс министрлігі Армия орталық спорт клубының нұсқаушы спортшысы Нариман Құрбанов Әуе қорғанысы күштерінің 78460 және 97617 әскери бөлімдерінде болды. Нариман Құрбанов әскери бөлімдердің қызмет ерекшелігімен, сарбаздар үшін жасалған әлеуметтік-тұрмыстық жағдайлармен танысты. Сонымен бірге олардың дене шынықтыруын ұйымдастыруға да ерекше қызығушылық танытты. Танымал спортшы әскери қызметшілерге гимнастикалық жаттығулардан шеберлік сабағын өткізді. Нариман Құрбанов Париждегі 2024 жылғы Олимпиада ойындарында табысқа жетуге мүмкіндік берген бірегей әдістерді көрсетті. Сарбаздар көп жылдық жаттығулардың арқасында керемет нәтижеге қол жеткізген гимнастың өнерін үлкен қызығушылықпен тамашалады.Армия спортшысы әскери қызметшілердің жауынгерлік рухын қалыптастырудағы әскери тәртіптің маңыздылығына тоқталып, дене шынықтырудың жоғары жауынгерлік дайындықтың маңызды құрамдас бөлігі екенін айтты.Емен-жарқын жүздесу барысында сарбаздар Нариман Құрбановтың спорттық мансабының қалай қалыптасқаны, төрт жылдық ойындарға дайындық барысы туралы білді.Ақпарат көзі : https://www.gov.kz/memleket/entities/mod/press/news/details/914995

Жыл басынан бастап әскери қызметшілердің балаларының алғашқы легі «Балдәурен» республикалық оқу-сауықтыру орталығының филиалдарына аттанып жатыр.Оқушылардың демалысы мен оқуы 2030 жылға дейінгі жастарды әскери-патриоттық тәрбиелеу тұжырымдамасын іске асырудың бірлескен жоспарын қабылдаған Қорғаныс және Оқу-ағарту министрліктері арасындағы келісім шеңберінде жүзеге асырылуда.ҚР Қарулы күштері Құрлық әскерлерінің бас қолбасшысы генерал-майор Мереке Көшекбаев Ақмола облысының Щучинск қаласындағы «Балдәурен» орталығының филиалына демалысқа баратын балалармен кездесті.Оқушыларды жан-жақты дамытуға бағытталған әлеуметтік бастаманың маңыздылығына тоқталған ол демалыс жасөспірімдердің денсаулығын нығайтуға ықпал ететінін атап өтті.Сол күні Қарағанды қаласының теміржол вокзалында да әскери қызметшілердің балаларын «Балдәурен» лагерінің Балқаш қаласындағы филиалына шығарып салу рәсімі өтті.– Лагерьде балалардың демалуы мен сауығуына барлық жағдай жасалған. Жаңа маусымда түрлі спорттық жарыстар, шеберлік сыныптары, экскурсиялар мен тақырыптық іс-шаралар ұйымдастырылады. Ауысымның өте қызықты өтетініне сенімдімін, – деді «Астана» өңірлік қолбасшылығы әскерлері қолбасшысының орынбасары полковник Ерболат Шерімбетов.«Балдәурен» орталығының филиалдарында балалардың демалысын ұйымдастыру әскери қызметшілердің отбасыларын қолдауға арналған мемлекеттік бағдарлама аясында жүзеге асады. Соның арқасында оқушылар табиғаты көркем жерде уақыт өткізіп, шығармашылықпен және спортпен айналысады. Бұл ретте өскелең ұрпақты патриотизмге тәрбиелеуге және салауатты өмір салтын қалыптастыруға ерекше көңіл бөлінеді.Өткен жылы «Балдәурен» орталығы мен оның филиалдарында әскери қызметшілердің мыңнан астам балалары демалғанын айта кету керек.Ақпарат көзі : https://www.gov.kz/memleket/entities/mod/press/news/details/915009

Мемлекет басшысының Жарлығымен 2025 жыл жұмысшы мамандықтарының жылы болып жарияланды. Техникалық және кәсіптік білім беру жүйесін реформалауды жүзеге асыру мақсатында Үкіметпен жұмысшы мамандықтар жылын ұйымдастыру жөніндегі республикалық жоспар бекітілді, сондай-ақ Министрлікпен кәсіптік-техникалық білім беруді трансформациялаудың 2025-2027 жылдарға арналған Жол картасы қабылданды.Атап өту керек, еліміздің барлық өңірлерінде жұмысшы мамандықтарының имиджін ілгерілету, кадрлар даярлаудың сапасын арттыру, жұмыс берушілермен ынтымақтастықты кеңейту шаралары қамтылған Жұмысшы мамандықтарының жылына арналған жоспарлар әзірленді.Бүгінде Қазақстанда кәсіптік-техникалық білім беру жүйесінде 772 колледж жұмыс істейді, онда 565 мың студент оқиды. 2024 жылдың қорытындысы бойынша техникалық және кәсіптік білім берудегі мемлекеттік тапсырыс көлемі 143 мың орынды құрады, ал студенттердің стипендиясы екі есеге өсті.Іс-шаралар жоспарында өңірлік ерекшеліктер ескеріле отырып жасалған Жаңа кәсіптер мен құзыреттер атласы, техникалық және кәсіптік білім беруді трансформациялау, халықаралық деңгейдегі сертификатталған мамандарды дайындау, жұмысшы орындарын құру, жұмысшы мамандардың құқықтарын қорғау және мәртебесін көтеру қамтылған. Кәсіпорындармен бірлесіп еліміздің мектептерінде 1000 бейінді сынып ашылады.«Кәсіптік бағдар берудің реформасы оқушыларға еңбек нарығындағы жаңа талаптар туралы білуге, экономиканың нақты секторларындағы мансап перспективаларын бағалауға және мамандықтарды дұрыс таңдауға мүмкіндік береді. Бұл үшін мектептердегі кәсіби бағдарлау қызметі күшейтіледі, осы арқылы оқушылар толығымен кәсіби диагностикамен қамтылады. Жоғары сынып оқушыларын практикалық дағдыларға және колледждер базасында алғашқы жұмыс кәсібіне оқыту тәжірибесі енгізіледі», - деп атап өтті оқу-ағарту министрі Ғани Бейсембаев.Мемлекет колледжерді жан басына шаққандағы қаржыландырудың жаңа нормативін қабылдады. Қазіргі уақытта бір студентті оқытуға бөлінетін қаражаттың орташа мөлшері 437 мың теңгені құраса, келесі оқу жылынан бастап нақты көрсеткіштерге жеткен колледждер үшін ол орташа есеппен 912 мың теңгені құрайтын болады.«Бәсекеге қабілетті мамандар даярлау, білім ұйымдарын заманауи материалдық-техникалық құралдармен жабдықтау және педагогтердің біліктілігін арттыру біз үшін басты басымдық», – деді оқу-ағарту министрі. Дуальды оқыту жүйесін дамыту және кәсіпорындардың мақсатты тапсырысы негізінде мамандар даярлау үшін бизнес-құрылымдар мен инвесторларды белсенді түрде тарту жоспарлануда.Қазіргі уақытта колледждерге 518 кәсіпорын шефтік қамқорлық көрсетеді, олардың санын 4 мыңға дейін жеткізу жоспарлануда, кәсіптік стандарттардың, МЖМБС және WorldSkills стандарттарының талаптарын ескере отырып, 8 мыңға жуық білім беру бағдарламасы әзірленді. Биыл колледждер мен жұмыс берушілер 2 мыңнан астам білім беру бағдарламасын дайындайды, сондай-ақ өндірістік базада 1,5 мың педагогтің тағылымдамадан өтуі жоспарлануда.Техникалық және кәсіптік білім беруді трансформациялау барысында Қазақстанның 10 колледжі интернационалдандырылады.Шетелдік колледждермен тәжірибе алмасу педагогтердің кәсіби құзыреттіліктерін арттыруға, сондай-ақ студенттердің академиялық ұтқырлық шеңберінде өз білімдерін жетілдіруіне мүмкіндік береді.Мемлекет басшысы бастамашылық еткен Жұмысшы мамандықтарының жылы аясында Астанада техникалық және кәсіптік білім беру студенттерін қолдау және дамыту үшін Ұлттық құзыреттілік орталығы құрылады.«Орталық студенттердің кәсіби құзыреттіліктері мен дағдыларын дамытуға ықпал етеді, сондай-ақ мамандарды қайта даярлау, олардың біліктілігін арттыру және WorldSkills чемпионаттарын өткізу базасына айналады», – деп атап өтті Ғани Бейсембаев. Жұмысшы мамандықтар жылындағы маңызды шаралардың бірі - биылғы жылы Ақтау қаласында түркітілдес елдер арасында Turkiskills – 2025 алғашқы кәсіби шеберлік чемпионаты өтеді.Ақпарат көзі : https://www.gov.kz/memleket/entities/ontustik/press/news/details/914489

Облыс орталығында мәдениет үйі мен жаңа медициналық нысандардың құрылысы қарқынды жүріп жатыр. Түркістан облысының әкімі Нұралхан Көшеров облыс орталығында бой көтеріп жатқан бірқатар әлеуметтік нысандардың құрылыс алаңында болып, атқарылып жатқан жұмыс барысын пысықтады. Мердігерлермен кездесіп, бірқатар тапсырма жүктеді.– Өңірдегі құрылыс қарқыны бәсеңдемейді. Сапа басты назарда болу керек. Әлеуметтік нысандардың құрылысын бекітілген кестеге сәйкес аяқтап, тапсырыңыздар. Жұмыс барысында кедергілер болмауы тиіс, – деді облыс әкімі.Түркістан қаласында Оңалту орталығы бой көтерді. Нысанның құрылысы 2023 жылдың қыркүйек айында басталған болатын. Жаңа орталық қажетті жабдықтармен толық қамтылады. Мұнда балаларға арналған ойын алаңы да қарастырылған. Жаңа нысан жақында ел игілігіне берілмек.Бұдан бөлек, облыс орталығында Мәдениет үйі салынуда. Ғимараттың жалпы ауданы – 10 мың шаршы метр. Құрылыс жұмыстарын биыл аяқтау жоспарланған.Сонымен қатар облыс әкімі 570 төсек - орындық көпбейінді облыстық аурухана құрылысының барысымен танысты. Заманауи үлгіде салынып жатқан ғимаратта тұрғындардың ем алуына барлық жағдай жасалады. Өңір басшысы Түркістан облысында 2 млн-нан астам адам тұратынын, сондықтан жаңа әлеуметтік нысандарды іске қосу маңызды екенін атап өтті. Жұмыс қарқынын күшейтуді, құрылысқа сапалы материалдарды қолдануды тапсырды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/914984

Түркістан қаласының әлеуметтік-экономикалық дамуында оң өсім байқалады. Өткен жылы облыс орталығының жалпы өңірлік өнім көлемі 421,7 млрд теңгені құраған. Бұл туралы Түркістан облысының әкімі Нұралхан Көшеровтың төрағалығымен өткен жиында айтылды.Аймақ басшысы жауапты тұлғаларға Түркістанды дамыту бағытындағы жұмыстарды жандандыруды, жаңа жобаларды қолға алуды тапсырды.– Мемлекет басшысы Қасым-Жомарт Кемелұлының тікелей бастамасымен дайындалған «Түркістан қаласының Ерекше мәртебесі» туралы Заң жобасы жуырда Парламент Мәжілісінде мақұлданды. Бұл заң киелі Түркістан қаласының одан әрі дамуына оң ықпал етпек. Жұмысты күшейтіңіздер. Тиімді жобаларды қолға алған жөн, – деді Нұралхан Көшеров.Түркістан қаласында өндіріс орындарының саны артып келеді. Бүгінде қаладағы 180 гектар аумақта Арнайы экономикалық аймақ орналасқан. Одан бөлек, 190 гектар жерде Индустриалды аймақ іске қосылған. Бұл аймақта 10,5 млрд теңгені құрайтын 21 жоба іске асырылды. Нәтижесінде, мыңға жуық жаңа жұмыс орны құрылды. Алдағы уақытта 19 жобаны іске асыру жоспарланып отыр. Олардың қатарында бетон бұйымдарын жасау, есіктер шығару, битум өндіру, жұмсақ жиһаздарды жасау, әк өндіру сияқты жобалар бар.Облыс орталығында халықты жұмыспен қамту шаралары да қарқынды жүзеге асырылып келеді. 2024 жылы 10 мыңнан астам жұмыс орны құрылып, жоспар 116,2 пайызға орындалған.Тұрғындарды баспанамен қамту жұмыстары жалғасады. Өткен жылы 961 пәтер пайдалануға берілсе, биыл 944 пәтерді ел игілігіне беру жоспарланып отыр.Түркістан қаласын дамыту бағытындағы жұмыстар жалғасын табады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/914627

Түлкібас ауданының әкімі Асқар Естібаев аудан аумағында әк өндіруге қызығушылық танытып отырған Қытай елінің «Fujian Yonghuan New Material Techology Co. Ltd» компаниясының өкілі Ван Жиангты арнайы қабылдап, келіссөздер жүргізді.Қытай елінен келген кәсіпкер аудан аумағында көп жылдан бері қызмет атқарып келген «ҮМІТ-СД» ЖШС-нің жұмысын жандандыру мақсатында кәсіпорынға инвестиция құйып, жаңа технологияларды енгізу арқылы жылына 150 мың тонна әк өндіруді көздеп отыр. Қазіргі таңда аудандық кәсіпорынның кен орнынан жер сынамасын алып, ондағы әк құрамын анықтау жұмыстарын жүргізуде.Асқар Сұлтанұлы шет елдік инвесторымен сұқбаттасу барысында аймақта туризм және ауыл шаруашылығының әлеуеті жоғары екеніне тоқталып, бұл бағытта қызығушылық танытқан жағдайда мемлекет тарапынан қолдаулар көрсетілетіндігін жеткізді. Сонымен қоса, аудан әкімі жоспарлар іске асқан жағдайда жаңадан ашылатын жұмыс орындарының 95 пайызын аудан тұрғындарынан қабылдау керектігін атап өтті.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/914821

Абай гарнизонының инженер-саперлері «Шығыс» өңірлік әскери қолбасшылығының далалық жаттығу полигонында жауынгерлік дайындық сабақтарын пысықтады. 54770 әскери бөлімі жауынгерлік дайындық жоспарына сәйкес жас сарбаздарға алғаш рет жарылысқа қатысты дайындықты іске асыртып көрді.Аталған шара алдымен тәжірибелі нұсқаушылардың жетекшілігімен қауіпсіздік шараларын жеткізумен басталды. Инженерлер қалашығындағы оқу нүктелерінде жарылыс жұмыстарын жүргізу барысындағы қауіпсіздік ережелері, арнайы құралдарды қолдану мен тәсілдері жете түсіндірілді. Сондай-ақ оттық және электр тәсілдерімен жарылыс жұмыстарының барысы мен ерекшеліктері баяндалды.Сарбаздар осы уақытқа дейін алған теориялық білімдерін тәжірибе жүзінде іске асырып, жару жұмыстарына қызығушылықпен және ыждағаттылықпен қатысты. Солардың бірі – мерзімді әскери қызметін өтеуші қатардағы жауынгер Жасұлан Нүсіпжан. Жас сарбаз жару жұмыстарына тікелей қатысып, өз көзімен көру басқаша әсер қалдыратынын айтты.– Отан алдындағы борышымды атқарып жатқаныма екі айдан астам уақыт болып қалыпты. Бүгін алғаш рет жару жұмыстарына қатыстық. Осыған дейін алған білімімізді іс жүзінде іске асырып көрдік. Барлығы ойдағыдай өтті. Білімімізді шыңдап, барлығын үйретіп жатқан офицерлер мен сержанттар құрамына алғысым шексіз. Алдағы уақытта да жауынгерлік даярлығымызды шыңдап, батылдығымызды баптаймыз, – дейді жас сарбаз Жасұлан Нүсіпжан.Жарылыс жұмыстары кезінде қауіпсіздік ережелері қатаң сақталды. Айта кетуіміз керек, жас сарбаздардың жауынгерлік даярлығы еліміздің қорғаныс қабілетін одан әрі арттыруға бағытталады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/914822

Кентау қаласының №5 Жылу энерго орталығы қайта жаңғыртудан өтіп, қазіргі таңда қаланы толық жылумен қамтып отыр.Түркістан облысының әкімі Нұралхан Көшеров Кентау қаласындағы Жылу энерго орталығында болып, жұмысымен танысты. Жауапты тұлғаларға жылудан мәселе туындамау керек екенін ескертіп, жағдайды бақылауда ұстауды тапсырды.Мемлекет басшысының тапсырмасы бойынша Кентау тұрғындарын және әлеуметтік нысандарды сапалы жылумен қамтамасыз ету мақсатында «Кентау қаласы ЖЭО-ның «№7,8,9,10,11,12 қазандықтарын күрделі жөндеу» жобасы әзірленіп, жылу көздерін жаңғыртуға Үкімет резервінен қаражат бөлінді. Жарты ғасырдан астам уақыт жөндеу көрмеген Жылу энерго орталығында қазандықтардың қайта құру жұмыстары қолға алынды.Нақтырақ айтқанда, 6 қазандықтың қайта құру жұмыстары жүргізілуде. Оның ішінде 5 қазандықта қайта құру жұмыстары аяқталды. Ал бір қазандық қайта құрудан соң жақын күндері іске қосылады. Бұдан бөлек, 2 қазандыққа ағымдағы жөндеу жұмыстары аяқталды. №5 қазандық бюджет есебінен, №6 қазандық демеушілер есебінен жөнделді.Сонымен қатар облыс аумағындағы 300 шақырымға жуық жылу желілеріне толық техникалық зерттеу жұмыстары жүргізілді. Жылу желілерінің тозуы 49 пайызды құрады. Кентау қаласындағы 6,6 шақырым магистральды жылу желілері қайта жаңартылды. Одан бөлек, 14,5 шақырым жылу желілерін реконструкциялау бойынша жоба әзірленіп, бюджеттік өтінім министрлікке ұсынылды.Айта кетейік, қаладағы 14 мыңға жуық абонент орталықтандырылған жылу жүйесіне қосылған. Оның ішінде 108 бюджеттік мекеме, 2 мыңнан астам жеке сектордағы тұрғын үй, 347 көпқабатты тұрғын үй және 441 коммерциялық нысан бар.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/915251

Ішкі туризмді дамыту мақсатында Қостанай –Түркістан және Қарағанды – Түркістан бағыттары бойынша Түркістанға екі субсидияланатын әуе рейстері ашылады.QAZAQ AIR әуе компаниясы әуе сапарларының қолжетімділігін арттыру және ішкі туризмді дамыту мақсатында 4 қаңтардан бастап Қостанай – Түркістан бағыты бойынша және 13 қаңтардан бастап Қарағанды – Түркістан бағыты бойынша Түркістанға екі субсидияланатын әуер ейстерін іске қосты. Сондай-ақ 13 қаңтардан бастап Астанадан Түркістанға әуе сапарларын бастау жоспарланған.Қостанай – ТүркістанРейстер аптасына 2 рет дүйсенбі және сенбі күндері орындалады:IQ 361 Қостанай (15:00) – Түркістан (17:20)IQ 362 Түркістан (17:50) – Қостанай (20: 00).Субсидияланатын әлеуметтік маңызы бар әуе рейстерінің құны бір бағытта 31000 теңге.Қарағанды – ТүркістанРейстер аптасына 2 рет орындалады:Дүйсенбі күндері:IQ 441 Түркістан (09:50) – Қарағанды (11:40)IQ 442 Қарағанды (12:20) – Түркістан (14: 00)Сәрсенбі күні:IQ 441 Түркістан (12:10) – Қарағанды (14: 00)IQ 442 Қарағанды (14:40) – Түркістан (16:40).Субсидияланатын әуе рейстерінің құны бір бағытта 20 000 теңге.Астана – ТүркістанРейстер аптасына 2 рет орындалады:Дүйсенбі күндері:IQ 369 Астана (07:05) – Түркістан (09: 05)IQ 370 Түркістан (14:40) – Астана (16:55)Сәрсенбі күні:IQ 369 Астана (09:50) – Түркістан (11:40)IQ 370 Түркістан (17:20) – Астана (19:20).Субсидияланатын әлеуметтік маңызы бар әуе рейстерінде 14 жасқа дейінгі балаларға әуекомпания 50% көлеміндегі жеңілдік ұсынады.Ақпарат көзі : https://www.gov.kz/memleket/entities/ontustik/press/news/details/915441

Биыл алғаш рет түркітілдес елдер арасында болашақ жұмысшы мамандардың кәсіби шеберлігін арттыруға бағытталған TurkicSkills кәсіби шеберлік чемпионаты өтеді, деп хабарлайды Қазақстанның Оқу-ағарту министрлігінің баспасөз қызметі. Бұл шара Мемлекет басшысы жариялаған Жұмысшы мамандықтары жылы аясында өтетін негізгі іс-шаралардың біріне айналмақ. Бастама түркітілдес елдердің жастары мен студенттері арасында кәсіби шеберлікті дамыту мен ілгерілетуге, түрлі салалардағы үздік тәжірибелерді анықтауға, экономикасы өзара байланысқан елдермен инновациялық шешімдер бойынша тәжірибе алмасуға және оларды іске асыру үшін платформа құруға бағытталған. Чемпионат Түрксой ұйымының 2025 жылғы мәдени астанасы болып таңдалған Ақтау қаласында өтеді деп күтілуде. Анықтама үшін: WorldSkills қозғалысы кәсіби құзыреттіліктер мен дағдыларды жетілдіру үшін бірлесіп жұмыс істейтін 89 елді біріктіретін әлемдегі жұмысшы кәсіптерінің беделін арттырудың негізгі құралдарының бірі болып табылады. Қазақстан 2014 жылдан бастап WorldSkills International халықаралық қозғалысының толыққанды мүшесі болып табылады. 10 жыл ішінде елімізде 30 құзыреттілік бойынша 200-ге жуық өңірлік және 8 республикалық чемпионат өткізілді. Өткен жылы ұлттық құрама WorldSkills Lyon 2024 әлем чемпионатында ел тарихында үздік нәтижелерге қол жеткізіп, «Ұлттың үздігі» номинациясы бойынша 6 медаль мен марапатқа ие болды.Ақпарат көзі : https://www.gov.kz/memleket/entities/edu/press/news/details/915415

Бүгінгі аймақ басшысы Нұрлыбек Нәлібаевтың қатысуымен өткен облыстық мәслихаттың XІX сессиясының күн тәртібінде «Қызылорда облысының Құрметті азаматы» атағын беру, ономастика комиссиясының дербес құрамын бекіту туралы мәселелер талқыланды. Сессияға Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Ергешбаев, Мұрат Әбенов қатысты.Облыс әкімі Жаңа жыл халқымыз, аймағымыз үшін берекелі жыл болуына тілектестік білдірді.«Өздеріңізге белгілі, жыл сайын Сыр елінің әлеуметтік-экономикалық, мәдени-рухани дамуына үлес қосқан лайықты азаматтарымызды «Қызылорда облысының құрметті азаматы» атағына ұсынып, өздеріңізбен келісеміз. Аталған тұлғалардың барлығы өздеріңізге таныс. «Қызылорда облысының Құрметті азаматы» атағына лайық деп есептейміз. Барлығы да мол тәжірибесімен, біліктілігімен Тәуелсіз Қазақстанның өсіп-өркендеуіне, өңірдің дамуына ерекше үлес қосқан, еңбек сіңірген. Ұсынылған кандидаттарды қолдағандарыңызға алғысымды білдіремін», – деді Н.Нәлібаев.Қызылорда облыстық мәслихатының 2012 жылғы 6 желтоқсандағы № 63 шешімімен «Облыстың, (қаланың, ауданның) Құрметті азаматы» атағын беру қағидасы бекітілген. Аталған қағидаға сәйкес облыстың әлеуметтiк-экономикалық, ғылыми-мәдени, қоғамдық өмiрдiң басқа да салаларының дамуына, қайырымдылық жасау қызметiнде, азаматтарды қазақстандық патриотизм рухында тәрбиелеуде, бейбiтшiлiк пен достықты, ұлтаралық келiсiм мен татулықты нығайтуға қомақты үлес қосқан азаматтарға «Қызылорда облысының Құрметті азаматы» атағы облыс әкімінің ұсынысымен, облыстық мәслихаттың шешімімен беріледі.Бүгінде осындай азаматтарды ардақтап, құрмет көрсету дәстүрге айналды. Осы уақытқа дейін 70 адам «Қызылорда облысының құрметті азаматы» атағына ие болған.Мәслихат сессиясында қоғамдық даму басқармасының басшысы Р.Каюпов облыстық ономастика комиссиясының дербес құрамын бекіту туралы хабарлама жасады. Мәдениет және ақпарат министрінің бұйрығымен «Облыстық ономастика комиссиялары және республикалық маңызы бар қалалардың, астананың ономастика комиссиялары туралы үлгілік ережеге» сәйкес «Облыстық ономастика комиссиясының кейбір мәселелері туралы» Қызылорда облысы әкімдігінің қаулысына өзгерістер енгізілді. Сонымен қатар, комиссия құрамы жаңа редакцияда жазылып, оны бекіту ұсынылды.Сессияда Парламент мінберінде еліміздің өзекті мәселелерін көтеріп, аймақтың әлеуметтік-экономикалық дамуына, халықтың әл-ауқатын арттыруға аянбай еңбек етіп жүрген Парламент Сенаты мен Мәжілісінің депутаттары «Қызылорда облысының дамуына қосқан үлесі үшін» медалімен марапатталды.Ақпарат көзі : https://www.gov.kz/memleket/entities/kyzylorda/press/news/details/914844

Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде «Жұмысшы мамандықтар жылын» өткізу шаралары мен Үкімет қаулыларының жобалары қаралды. Жиынға облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысының төрағалығымен аталған мәселелер бойынша міндеттер айқындалған мәжіліс өтті. Қызылорда қаласы, аудан әкімдері мен жауапты сала басшыларына тапсырмалар жүктелді.«Мемлекет басшысы Қасым-Жомарт Кемелұлы Тоқаевтың Жарлығымен биыл «Жұмысшы мамандықтар жылы» деп жарияланды. Осыған орай, облыстық іс-шаралар жоспары мен комиссия құрамы бекітілді. Жоспарды жүзеге асыру үшін жергілікті бюджеттен 899,9 млн теңге қаралды. Бұл қаржы колледждерді күрделі жөндеуге, материалдық-техникалық базаларын жабдықтауға, мектептерде кәсіби бағдар беру кабинеттерін ашуға, «Кәсіби бағдар беру педагогі» штат бірлігін енгізуге және жұмысшы мамандықтарын дәріптейтін түрлі шараларды жүзеге асыруға бағытталады.Колледждерге кәсіпорындардан өндіріс шеберлерін тартуды, шетелдіктерді жергілікті кадрлармен алмастыруды ұйымдастырыңыздар. Бөлінген қаражат мақсатты әрі тиімді жұмсалуы керек.Ірі кәсіпорындардың, орта бизнес өкілдерінің қатысуымен тоқсан сайын бос жұмыс орындары жәрмеңкелерін өткізуді тапсырамын. Жұмысшы және орта буын мамандықтары бойынша білім алуға ниетті 9-сыныпты бітірушілерді 100 пайыз тегін кәсіптік біліммен қамту үшін 5 308 орын мемлекеттік тапсырыс бөлуге құжат әзірлеңіздер. Колледждерді үздік бітіруші 100 студентке тұрақты жұмысқа орналасуға жолдама беру үшін өңірдің ірі кәсіпорындарымен арнайы келісімді үйлестіріңіздер.Қоғамда еңбек адамына деген құрметті дәріптеу, жұмысшы мамандықтарын насихаттау, беделін көтеру, жастардың қызығушылығын арттыру бағытында Мемлекет басшысының, Үкіметтің берген барлық тапсырмалары толық орындалуы қажет», – деді Н.Нәлібаев.Айта кетейік, өңірде 28 колледж 97 мамандық, 158 біліктілік бойынша еңбек нарығына қажетті кадрлар, оның ішінде, 19 колледжде 45 мамандық, 49 біліктілік бойынша жұмысшы кадрлар даярлануда.Бүгінде жобалық кеңсе, аймақтық штаб құру, «Адал еңбек – Адал табыс» тақырыбында «Жұмысшы мамандықтар жылының» салтанатты ашылуын ұйымдастыру бойынша тиісті жұмыстар жүргізілуде.Басты мақсат – техникалық және кәсіптік білім беру саласын трансформациялау, колледждерді салаландыру, дуальды оқыту, модульдік білім беру, халықаралық стандарттарға сай, еңбек нарығына қажетті, сұранысқа ие жұмысшы мамандар даярлау. Бұл аймақтағы кәсіптік білім беру деңгейін арттырады.Ақпарат көзі : https://www.gov.kz/memleket/entities/kyzylorda/press/news/details/914859

Облыс әкімі Нұрлыбек Нәлібаевтың қатысуымен Шиелі ауданының "Ортақшыл" ауылында "Ауылдық денсаулық сақтауды жаңғырту" ұлттық жобасымен салынған дәрігерлік амбулатория ашылды. Рәсімге Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Ергешбаев, Мұрат Әбенов, жауапты сала басшылары, қоғам қайраткерлері мен ауыл тұрғындары қатысты.Аймақ басшысы жиналған қауымды Жаңа жылмен құттықтап, өңірдің әлеуметтік-экономикалық дамуындағы, құрылыс, денсаулық сақтау салаларындағы жаңашылдықтарды атап өтті.«Президентіміз Қасым-Жомарт Кемелұлы қоғамдағы денсаулық сақтау саласының маңызын айқындап, медицина мамандарының мәртебесі мен беделін арттыру үшін жағдай жасауды тапсырды.2024 жылы облыстың денсаулық сақтау саласының бюджеті 146 млрд. 200 млн.теңгеге жетті.Ұлттық жоба аясында барлық ауданда 10 млрд. 200 млн. теңгеге 27 медициналық нысан салынды. Оның ішінде, Шиелі ауданында 2023 жылы 3 дәрігерлік амбулатория Досбол би, Бала би, "Бұланбай бауы" ауылдарында бой көтерді. Тәуелсіздік күні "Тартоғай" және "Алмалы" елді мекендерінде дәрігерлік амбулаториялар ел игілігіне табысталса, күні кеше Әбділда Тәжібаев және "Бестам" ауылдарындағы медицина мекемелері іске қосылды. Бүгін, "Ортақшылда" жаңа дәрігерлік амбулатория ашылуда. Ұлттық жоба аясындағы ғимаратты сапалы салып, мерзімінде аяқтаған «Бақ Береке – 2030» мекемесінің ұжымына Сыр жұртшылығы атынан шынайы ризашылығымызды білдіреміз!Жаңа амбулаторияда ауыл тұрғындарына бастапқы медициналық көмек сапалы әрі дер кезінде көрсетіледі деп сенеміз. Егемен еліміздің еңсесі биік,Тәуелсіздігіміз тұғырлы болғай! Жаңа 2025 жыл құтты болсын!»,- деді Нұрлыбек Машбекұлы.Жиында Сенат депутаты Руслан Рүстемов жиналған жұртшылықты құттықтады. Ауданның өсіп-өркендеуіне еңбек сіңірген аға буын ардагерлер мен құрылысшылар облыс әкімінің Алғыс хатымен марапатталды.Ақпарат көзі : https://www.gov.kz/memleket/entities/kyzylorda/press/news/details/914907