Курчатов қаласы әкімдігінің Интернет-ресурсында «Халықтың қатысуымен бюджет» порталы ашылды.«Халықтың қатысуымен бюджет» жобасының мақсаты азаматтардың бастамалары мен ұсыныстары негізінде Курчатов қаласының аумағын дамыту мен абаттандыру болып табылады.2027 жылға арналған жобалық ұсыныстар 2026 жылғы 01 наурызға дейін қабылданады.Толығырақ ақпаратпен Курчастов қаласы әкімідігінің Интернет-ресурсында мына мекенжай бойынша танысуға болады: www.gov.kz немесе 3-48-23 телефоны бойынша (экономика және қаржы бөлімі), 3-42-18 (ТҮКШ, ЖК және АЖ бөлімі), 7-90-88 (техникалық қолдау).Белсенді қатысуыңызды және қаланы абаттандыру бойынша жобалық ұсыныстарды жіберулерінізді сұраймыз.Ақпарат көзі : https://www.gov.kz/memleket/entities/abay-kurchatov/press/news/details/1145735?lang=kk

   Қарағанды облысы Осакаров ауданы қорғаныс істері жөніндегі бөлімінің әскери қызметшілері Ұлы Отан соғысының ардагері, майдан медбикесі Анна Никаноровна Котованы 102 жасқа толуымен құттықтады.  Ардагерге Қорғаныс министрінің атынан құттықтау хат, гүл шоқтары мен естелік сыйлықтар табысталды. Қорғаныс ведомствосының өкілдері оның ерлігі, жауынгерлерге көрсеткен жанқиярлық көмегі мен талай адамның өмірін сақтап қалғаны үшін ризашылықтарын білдірді.  Осакаров ауданы қорғаныс істері жөніндегі бөлім бастығының міндетін уақытша атқарушы аға лейтенант Әділ Жамалов Анна Никаноровнаның өмір жолын ерлік пен мейірімнің, Отанға адал қызмет етудің жарқын үлгісі деп атап өтті.  Анна Котова Воронеж облысында дүниеге келген. 1943 жылы 2-ші Украина майданының 65-ші эвакуациялық госпиталіне жіберіліп, жараланған жауынгерлерге көмек көрсетті. Жас медбике ауыр жағдайда қызмет атқарып, дәрігерлерге операция кезінде жәрдемдесті, жаралыларды күтті.  Майдандағы ерлігі үшін Анна Котова II дәрежелі Отан соғысы орденімен, «Ұлы Отан соғысындағы Германияны жеңгені үшін» медалімен, «Санитарлық қызметтің үздігі» белгісімен және өзге де марапаттармен наградталған.  Жеңіс күнін ол Венгрияда қарсы алып, 1946 жылы Қазақстанға қоныс аударды. Зейнетке шыққанға дейін Қарағанды облысы Осакаров ауданындағы денсаулық сақтау мекемелерінде еңбек етті.  Отбасында жұбайымен бірге 50 жылдан астам ғұмыр кешіп, бір қыз тәрбиелеп өсірді. Бүгінде Анна Никаноровнаның төрт немересі мен он шөбересі бар.Ақпарат көзі : https://www.gov.kz/memleket/entities/mod/press/news/details/1145765?lang=kk

Астана, 2026 жылғы 21 қаңтар – Қазақстан Республикасы Сыртқы істер министрінің бірінші орынбасары Ержан Ашықбаев БҰҰ Босқындар ісі жөніндегі Жоғарғы комиссары (БҰҰ БЖК)  басқармасының Орталық Азиядағы өкілінің жаңадан тағайындалған басшысы Махир Сафарлимен кездесті.Кездесу барысында халықаралық күн тәртібіндегі өзекті мәселелердің бірі ҚР Президенті Қасым-Жомарт Тоқаевтың Алматыда БҰҰ Орталық Азия мен Ауғанстанға арналған Орнықты даму мақсаттары жөніндегі Өңірлік орталығын ашу бастамасы талқыланды. 2025 жылғы сәуірі айынан бастап Қазақстан төрағалық етіп келе жатқан Алматы процесін дамытуға ерекше назар аударылды.БҰҰ өкілі Қазақстан тарапына сындарлы серіктестік пен ашық диалог үшін алғыс білдірді. Кездесуге қатысушылар көпжақты ынтымақтастықты нығайту мен тұрақты дамуды ілгерілету, сондай-ақ өңірлік және жаһандық деңгейде гуманитарлық және көші-қон мәселелерінің толыққанды шешімдерін табуда күш-жігерді үйлестірудің маңыздылығын атап өтті.2013 жылы құрылған Алматы процесі – Орталық Азияны қамтитын босқындарды қорғау және халықаралық көші-қон бойынша өңірлік консультативтік платформа бола отырып, озық тәжірибелермен алмасу және көші-қон үрдістерін бақылау тетіктерін әзірлеуге ықпал етеді. 2025-2027 жылдар аралығындағы төрағалық Әзербайжаннан Қазақстанға ауысты. Қатысушы мемлекеттер Әзербайжан, Қазақстан, Қырғызстан, Тәжікстан және Түркия. ХКҰ және БҰҰ БЖК Алматы процесінің хатшылығы қызметін атқарады. Ақпарат көзі : https://www.gov.kz/memleket/entities/mfa/press/news/details/1145809?lang=kk

2026 жылғы 21 қаңтарда ГУ «Осакаров ауданының білім бөлімі» базасында математика пәні мұғалімдеріне арналған «Математикалық регата – 2026» республикалық олимпиадасының аудандық кезеңі өтті.Олимпиадаға ауданның жалпы білім беретін ұйымдарынан 11 педагог қатысты.Аудандық кезеңнің қазылар алқасының шешімімен облыстық кезеңге төмендегі педагогтер командасы жолдама алды:Рамзия Шынарбек — «№33 негізгі орта мектебі» КММБайғабулов Мерген Расуллович — «Қаныш Сәтбаев атындағы тірек мектебі (ресурстық орталығы)» КММШакирова Дарья Игоревна — «Абай атындағы тірек мектебі (ресурстық орталығы)» КММТөлегенова Мөлдір — «№24 негізгі орта мектебі» КММҚатысушыларды құттықтаймыз және облыстық кезеңде сәттілік тілейміз!Математика пәні мұғалімдеріне арналған «Математикалық регата – 2026» республикалық олимпиадасының хаттамасы https://www.gov.kz/memleket/entities/edu-osakarovka/documents/details/957255?lang=ruАқпарат көзі : https://www.gov.kz/memleket/entities/edu-osakarovka/press/news/details/1145833?lang=kk

2026 жылдың 12-16 қаңтар аралығында Осакаров ауданындағы мектептерінде іс-шара жоспарына сәйкес «Құқықтық навигатор» құқықтық сауаттылық апталығы өтті.Мақсаты: Құқықтық сана мен құқықтық мәдениетті дамыту, құқықтық сауаттылығын арттыру, заңға құрметпен қарауға тәрбиелеу.«Құқықтық навигатор» құқықтық апталығы аясында оқушылардың құқықтық сауаттылығын арттыруға бағытталған іс-шаралар өткізілді.«Құқықтық навигатор» құқықтық сауаттылық апталығы «Бала құқығы әлемі» тақырыбындағы апталық ашылды. Оқушылар «Мектеп оқушылары құқықтар туралы» тақырыптық көрмені тамашалады. Сынып сағаттарында олар Бала құқықтары туралы конвенция бойынша балалардың құқықтары мен міндеттері туралы «Мен және менің құқығым» атты пікірталасқа қатысты.3 және 4 сынып оқушылары «Бала құқығы» тақырыбында бейнероликтер тамашалады. Олар адам құқықтары мен мектеп оқушыларының құқықтары мен міндеттері туралы білді.Мектеп кітапханашылары 1-11 сынып оқушылары үшін «Бала құқығы» атты иллюстрациялар мен кітаптар көрмесін ұйымдастырып, балалардың құқықтарын қорғайтын негізгі заңдарға шолу жасады.1-11 сынып оқушыларымен келесі тақырыптар бойынша пікірталас өткізілді:Бұзақылық, жалған қоңыраулар, вандализм, ұрлық, жол қозғалысы ережелерін бұзуБалалардың құқықтары мен міндеттері, есірткі және психотроптық заттарды қолдану, қоғамдық орындарда темекі шегу.«Құқықтық навигатор» Құқықтық білім апталығы, Құқықтық тәртіп айлығы, «Адал азамат» бағдарламасы аясында 9-сынып оқушыларымен «Мектептегі оқушының міндеттері» тақырыбында пікірсайыс өткізілді.Пікірсайыстың мақсаты студенттердің коммуникативтік әрекетін ұйымдастыру болды.Мақсаттары:Тәрбиелік-оқушыларды азаматтық қоғамның құндылықтарымен және нормаларымен таныстыру;- құқықтық базаны білу негізінде өз мүдделерін қорғау қабілетін және алған білімін қолдана білу қабілетін дамыту;- конструктивті диалог жүргізу құралдарын әзірлеу.15 қаңтарда ауданның 12 мектебінің 7-11 сыныптарының 42 оқушысы «Құқықтық Әліппе» атты аудан көлеміндегі онлайн викторинаға қатысты. Викторинаға қатысу құқықтық сауаттылықты дамытуға, алған білімдерін іс жүзінде қолдана білуге және құқық қорғау қызметінің маңыздылығын түсінуге көмектесті.Информатика пәнінің мұғалімдері 8-9-сынып оқушыларына «Ақпараттық қауіпсіздік» тақырыбында презентация сабағын өткізді. Мұғалімдер балалардың онлайн режимінде ақпараттық қауіпсіздігін қамтамасыз етуге назар аударды.10-11 сынып оқушыларымен кәсіптік бағдар беру жұмысы аясында заңды ұйымдарға: аудандық ішкі істер бөліміне, прокуратураға экскурсия ұйымдастырылды.«Құқықтық навигатор» құқықтық білім апталығын қорытындылай келе, апталықтың белсенді қатысушылары түрлі байқауларда дипломдармен марапатталды.Ақпарат көзі : https://www.gov.kz/memleket/entities/edu-osakarovka/press/news/details/1145843?lang=kk

Пхукет, 2026 жылғы 22 қаңтар – Пхукет провинциясына жұмыс сапары аясында Қазақстанның Таиландтағы Елшісі Марғұлан Баймұхан Пхукет провинциясының Губернаторы Нират Понгситтаворнмен кездесу өткізді.Кездесу барысында тараптар өзара құрмет пен сенімге негізделген қазақстандық-таиландтық қатынастардың жоғары деңгейде әрі жүйелі түрде дамып келе жатқанын атап өтті. Туризм, сауда-экономикалық байланыстар, инвестициялар және гуманитарлық байланыстар салаларында екіжақты ынтымақтастықтың белсенді түрде дамып отырғаны айтылды. Қазақстан тарапы ұлттық және өңірлік деңгейлерде өзара іс-қимылды одан әрі нығайтуға мүдделі екенін білдірді.Қазақстандық дипломат Пхукет провинциясының қазақстандық азаматтар үшін ең танымал туристік бағыттардың бірі ретіндегі ерекше маңызын атап өтті. Оның айтуынша, 2025 жылы Таиландқа шамамен 200 мың қазақстандық турист барған, олардың едәуір бөлігі Пхукетті таңдаған.Осыған байланысты Пхукетте Қазақстан Республикасының Консульствасының ашылғаны туралы ақпарат берілді. Консульство қазақстандық азаматтардың құқықтары мен мүдделерін қорғауға, сондай-ақ екіжақты ынтымақтастықты дамытуға жәрдемдесуге бағытталған.Провинция Губернаторы консулдық мекеменің ресми ашылу салтанатына қатысуға шақырылды.Өз кезегінде Н. Понгситтаворн мырза Қазақстанның Пхукет провинциясында консульство ашуы туристік алмасудың одан әрі дамуына, азаматтарға көрсетілетін консулдық қолдаудың деңгейін арттыруға, сондай-ақ инвестициялық ынтымақтастық пен іскерлік байланыстарды кеңейту үшін қолайлы жағдайлар жасауға ықпал ететінін атап өтті.Тараптар Қазақстан мен Пхукет провинциясы арасындағы практикалық ынтымақтастықты дамыту перспективаларын, оның ішінде туризм, мәдени алмасу, бизнес, инвестициялар және цифрландыру салаларындағы бірлескен жобаларды іске асыру мүмкіндіктерін талқылады.Қазақстанның Елшілігі мен Консульдігінің тікелей байланыстар орнатуға және өзара тиімді бастамаларды қолдауға жәрдем көрсетуге дайын екені атап өтілді.Кездесуде көлік қатынасы мәселелеріне ерекше назар аударылды. Қазіргі таңда Қазақстан мен Таиланд арасында аптасына 34 тікелей әуе рейсі жүзеге асырылатыны, оның ішінде Пхукетке 21 рейс бар екені айтылды. Бұл туристік ағынның өсуіне, іскерлік байланыстардың дамуына және гуманитарлық қатынастардың кеңеюіне ықпал етуде.Қазақстан тарапы Пхукет провинциясы билігінің шетелдік туристердің, соның ішінде Қазақстан азаматтарының қауіпсіздігін қамтамасыз ету және қолайлы жағдай жасау жөніндегі күш-жігері үшін алғысын білдірді.Төтенше жағдайларды қоса алғанда, жергілікті билік органдарымен тығыз өзара іс-қимыл мен жедел байланысты қолдаудың маңыздылығы атап өтілді.Кездесу қорытындысы бойынша тараптар Қазақстанның Пхукеттегі Консульствасының ашылуы Қазақстан мен Таиланд арасындағы достық пен өзара тиімді ынтымақтастықты нығайтуға, сондай-ақ Пхукет провинциясымен байланыстарды кеңейтуге қосымша серпін беретініне сенім білдірді.Анықтама үшін:Пхукет – Оңтүстік-Шығыс Азиядағы жетекші туристік орталықтардың бірі және халықаралық туризмнің ең танымал бағыттарының қатарында.Жыл сайын Таиландқа шамамен 35 млн шетелдік турист келеді, олардың 12 млн-ға жуығы Пхукет аралына тиесілі. 2025 жылы Таиландқа шамамен 200 мың Қазақстан азаматы барған.Провинцияның тұрақты халқы шамамен 450 мың адамды құрайды, ал уақытша келетін туристерді есепке алғанда өңір аумағында бір мезгілде 2 млн адамға дейін болуы мүмкін. Пхукет провинциясының жалпы өңірлік өнімі шамамен 7,5 млрд АҚШ долларына бағаланады. Өңір экономикасының негізін кірістің едәуір бөлігін қамтамасыз ететін туристік сала құрайды. Сондай-ақ көлік және логистика, сауда мен қызмет көрсету, жылжымайтын мүлік және құрылыс салалары негізгі секторлар қатарында.Ақпарат көзі : https://www.gov.kz/memleket/entities/mfa-phuket/press/news/details/1178227?lang=kk

Кездесу барысында Қостанай облысы полиция департаменті криминалдық полиция басқармасы бөлім бастығының орынбасары О. А. Магыпаров және Қостанай қалалық прокуратурасының сотқа дейінгі тергеу және қылмыстық қудалау заңдылығын қадағалау бөлімінің аға прокуроры А. А. Қастай қатысты. Интернет-алаяқтықтың неғұрлым кең таралған схемалары мен тәсілдері, күдікті қоңыраулар мен хабарламалар түскен кездегі іс-қимыл алгоритмі, құқық қорғау органдарына жүгіну тәртібі, сондай-ақ ақпараттық қауіпсіздікті сақтау және дербес деректерді үшінші тұлғаларға беруге жол бермеу жөніндегі шаралар туралы кездесуге қатысушыларға жеткізілді.Мұндай іс-шаралар құқықтық сауаттылықты арттыруға және цифрлық ортада қауіпсіз мінез-құлық мәдениетін қалыптастыруға бағытталған.  Ақпарат көзі : https://www.gov.kz/memleket/entities/kostanay/press/news/details/1145875?lang=kk

Аудан әкімі Берік Сәрменбаев аудандық мәслихат төрағасы Ержан Әжікеновпен бірге аудандық аурухананың медициналық қызмет көрсету сапасын арттыру бағытында атқарылып жатқан жұмыстарымен танысты.Бүгінде ауданда медицина саласын дамыту және тұрғындарға көрсетілетін медициналық қызметтің сапасын арттыру бағытында бірқатар жұмыстар атқарылуда. Оның ішінде жақында ғана ауруханаға «PHILIPS» маркалы компьютерлік-томографиялық аппарат жеткізіліп, бүгінде науқастардың диагнозын анықтауда септігін тигізуде.– Мемлекет басшысының тапсырмасымен медициналық қызмет сапасын арттыру бағытында облысымызда нақты жұмыстар атқарылып жатыр. Аймақ басшысы Нұрлыбек Машбекұлы Нәлібаевтың қолдауымен облысымызда көптеген медициналық нысандар пайдалануға берілуде. Медициналық нысандар заманауи, сапалы қызмет көрсететін құрал-жабдықтармен қамтамасыз етіліп жатыр. Осыған орай, аймақ басшысының ерекше қолдауымен аудандық ауруханаға науқастардың емін жедел анықтауға бағытталған медициналық аппарат жеткізіліп отыр. Бұл аудан тұрғындары үшін тиімділігі зор. Алдағы уақытта да медициналық қызмет сапасын арттыру бағытындағы жұмыстарды жүргізе беру керек,– деді Берік Әбдіғаппарұлы.Қазіргі таңда медициналық аппаратпен қызмет көрсететін мамандарды арнайы оқыту және біліктілігін арттыру курстарынан өткізу жоспарлануда. Аталған аппаратпен бүгіннің өзінде науқастардың диагнозын нақты анықтау жұмыстары жүргізілуде.Ақпарат көзі : https://www.gov.kz/memleket/entities/kyzylorda-syrdarya/press/news/details/1145603?lang=kk

Бүгін облыс әкімі Нұрлыбек Нәлібаев, Байқоңыр қаласы әкімшілігінің басшысы Константин Бусыгин, облыс прокуроры Ризабек Ожаров, зиялы қауым өкілдері, ардагерлердің қатысуымен Байқоңыр қаласындағы 250 пәтерлік 5 тұрғын үйді табыстау рәсімі өтті.Рәсімде аймақ басшысы жаңа қоныс иелерін құттықтап, өңіріндегі құрылыс, әсіресе, тұрғын үй құрылысының қарқынын атап өтті.«Кеше өткен Ұлттық құрылтайда Мемлекет басшымыз Қасым-Жомарт Кемелұлы: «Соңғы жылдары Қызылорда облысы заман талабына сай өсіп-өркендеп жатыр» деп, Cыр өңірінде атқарылған жұмыстарға оң бағасын берді.Ұлттық құрылтайдың осыдан 100 жыл бұрын Алаш қайраткерлерінің бастамасымен қазақ атауы қайтарылған Қызылорда қаласында өтуі тарихи мәнге ие.Мемлекет басшымыздың, Үкіметтің қолдауымен аймағымыз қарқынды құрылыс алаңына айналды. 2022 жылдан бері 200-ге жуық әлеуметтік нысан салынып, ел игілігіне айналды. Тұрғындарды баспанамен қамтамасыз етуге бағытталған мемлекеттік әлеуметтік саясат нәтижелі іске асуда.Қармақшы ауданында 2023-2024 жылдары 2 млрд. 848 млн. теңгеге 207 пәтерлік 103 тұрғын үй сатып алынып, кезекте тұрған азаматтарға берілді. Өткен жылдың соңында Жосалы кентіндегі 50 пәтерлік 25 жаңа тұрғын үйдің кілтін табыстадық.Бірнеше жыл бұрын басталған, мердігердің салғырттығынан құрылысы тоқтап қалған Байқоңыр қаласындағы 50 пәтерлік 5 тұрғын үйдің құрылысын аяқтау үшін облыстық бюджеттен 2 млрд. 433 млн. теңге қаржы бөлінді. Бүгін сол жұмыс толық бітіп, пәтерлердің кілтін өздеріңізге беруге жиналдық.Жаңа қоныс – игіліктің бастауы. Баспаналарыңыздың іргетасы берік, қабырғасы мығым, әр отбасының шаңырағы татулық пен берекеге толы болғай!», – деді Н.Нәлібаев.Жиында аймағымыздың әлеуметтік-экономикалық дамуына үлес қосқан азаматтар Қызылорда облысының Құрмет грамотасымен, Қармақшы ауданының, Байқоңыр қаласының өркендеуіне еңбегі сіңген ардагерлер, тұрғын үйлерді салған мердігер мекеме қызметкерлері облыс әкімінің Алғыс хатымен марапатталды. Константин Бусыгин сөз сөйлеп, ізгі тілегін жеткізді.Еске салайық, Президенттің, Үкіметтің қолдауымен, Қызылорда облысының әкімдігі Байқоңыр қаласы әкімшілігімен бірлесіп, қаланың, оған іргелес орналасқан Төретам мен Ақай елді мекендерінің әлеуметтік-экономикалық дамуына айрықша мән беріп келеді.Қазіргі таңда Байқоңыр қаласында ауқымды инфрақұрылымдық жобалар іске асырылуда. Көпқабатты тұрғын үйлер газға қосылды. Мемлекеттік бағдарламамен 50 пәтерлік бес тұрғын үй салынып, жаңа шағын аудан құрылды. Қаланың 95 шақырым су құбыры мен 85 шақырым кәріз желілері қайта жаңғыртылуда. Тұрғындардың бұқаралық спортпен шұғылдануына қажетті дене-шынықтыру кешені бой көтеріп келеді.Мемлекет басшысының тікелей бастамасымен құрылған «Қазақстан халқына» қоғамдық қорымен тығыз әріптестік байланыс орнатылып, бірлескен жобалар қолға алынған. Қор 12 млрд. 851 млн. теңгеге әлеуметтік маңызды жобаларды жүзеге асыруда.Ақпарат көзі : https://www.gov.kz/memleket/entities/kyzylorda-karmakshy/press/news/details/1145595?lang=kk

Қазақстанның Десанттық-шабуылдау әскерлерінде ұшқышсыз авиациялық жүйелерді дамыту бағытында тұрақты ілгерілеу байқалады.Бүгінде дрондарды жинақтау, баптау, сынақтан өткізу және оларды әскер бөлімдеріне тапсырудың толық циклі жолға қойылған. Ұшқышсыз авиациялық жүйелер бөлімшелері Десанттық-шабуылдау әскерлері құрамында екі жыл бұрын құрылған.Осы уақыт ішінде әскери қызметшілер дрондарды практикалық қолдануды меңгеріп қана қоймай, оларды өз күшімен жинақтау мен жөндеу жұмыстарын да жолға қойды. Бұл әскердің ішкі қажеттіліктерінің едәуір бөлігін өз бетімен қамтамасыз етуге мүмкіндік берді. Дрондарды жасау, жинау және жөндеу шеберханасы 2025 жылдың желтоқсанында жұмысын бастады. Онда арнайы дайындықтан өткен келісімшарт негізіндегі әскери қызметшілер қызмет етеді. Жақында мұнда жүзінші ұшқышсыз ұшу аппараты құрастырылды.Барлық дрондар міндетті түрде бақылау сынақтарынан өткізіліп, кейін әскери бөлімдерге тапсырылуда. Мамандардың айтуынша, бұл бағытты дамыту қазіргі заманғы соғыс жүргізу талаптарынан туындап отыр. Қазіргі қарулы қақтығыстарды талдау ұшқышсыз аппараттардың барлау, атысты түзету және бөлімшелерді басқарудағы рөлінің артқанын көрсетеді.Биыл Десанттық-шабуылдау әскерлерінің оқу орталығы базасында ҰҰА операторларын даярлау басталады. Оқытуды арнайы курстардан өткен, әртүрлі үлгідегі дрондарды қолдану тәжірибесі бар нұсқаушылар жүргізеді. Ұшқышсыз авиациялық жүйелер бөлімшелері «Десант-2025» оқу-жаттығулары барысында алғашқы «жауынгерлік сынақтан» өтті. Олар әуе барлауын жүргізіп, авиация мен артиллерияның атысын түзетті, соққы беруге қатысып, бөлімшелерді нақты уақыт режимінде басқаруды қамтамасыз етті.Қазіргі таңда Десанттық-шабуылдау әскерлерінің қару-жарағында отандық және шетелдік өндірістегі тактикалық ұшқышсыз авиациялық жүйелер бар. Бұл бағытты одан әрі дамыту, жаңғырту және жетілдіру жұмыстары жоспарлы түрде жалғасып келеді.Ақпарат көзі : https://www.gov.kz/memleket/entities/mod/press/news/details/1145571?lang=kk

Стокгольм, 2026 жылғы 21 қаңтар – Қазақстанның Швециядағы Елшісі Олжас Сүлейменов Стокгольм қоршаған орта институтының (Stockholm Environment Institute, SEI) стратегиялық өзара іс-қимыл жөніндегі директоры Анника Марковичпен кездесу өткізді.Кездесу барысында тараптар Қазақстан мен SEI арасындағы экологиялық жаңғырту және тұрақты даму саласындағы басым бағыттар бойынша ынтымақтастықты дамыту мәселелері жөнінде жан-жақты пікір алмасты. Атап айтқанда, климаттық күн тәртібі, табиғи ресурстарды орнықты басқару және су қауіпсіздігі тақырыптарына ерекше назар аударылды.Елші Қазақстан үшін су ресурстарын ұтымды әрі орнықты басқару мәселелерінің айрықша маңызға ие екенін атап өтіп, сондай-ақ су саласындағы халықаралық үйлестіруді күшейтудің өзектілігін көрсетті. Осы тұрғыда Біріккен Ұлттар Ұйымы жүйесінде Халықаралық су ұйымын құру жөніндегі Қазақстан бастамасының маңыздылығы ерекше аталып өтті.Кездесу аясында Елші SEI басшылығын 2026 жылғы сәуір айында Астана қаласында өтетін Өңірлік экологиялық саммитке қатысуға шақырды.Кездесу қорытындысы бойынша тараптар тұрақты байланыстарды сақтауға және тұрақты даму саласындағы бірлескен жобаларды қалыптастыру мүмкіндігін қоса алғанда, ынтымақтастықтың перспективалы бағыттарын практикалық тұрғыдан бірлесіп пысықтауды жалғастыруға өзара мүдделілігін растады.Анықтама: Stockholm Environment Institute (SEI) – 1989 жылы құрылған, климат, экология және тұрақты даму салаларында жұмыс істейтін халықаралық тәуелсіз коммерциялық емес зерттеу институты. SEI Еуропа, Азия, Африка, Латын Америкасы және АҚШ-та орналасқан орталықтарды қамтитын жаһандық желі болып табылады. SEI қызметінің негізгі бағыттарына климатқа бейімделу және парниктік газдар шығарындыларын азайту, энергетикалық ауысым, су ресурстары, ауа сапасы, жер пайдалану және тұрақты даму мәселелері жатады.Ақпарат көзі : https://www.gov.kz/memleket/entities/mfa-stockholm/press/news/details/1145562?lang=kk

Чонджу, 2026 жылғы 20 қаңтар – Чонджу қаласында Қазақстан Республикасының Корея Республикасындағы Елшісі Нұрғали Арыстанов пен Корея Республикасының Чунчхонбук-до провинциясының Губернаторы Ким Ён Хванның кездесуі өтті. Кездесу барысында Қазақстан мен Корея Республикасы арасындағы өңіраралық ынтымақтастықты дамыту мәселелері талқыланды.Тараптар сауда-экономикалық және мәдени-гуманитарлық өзара іс-қимылдың кең ауқымды мәселелерін қарастырып, екіжақты байланыстар мен туристік алмасудың оң серпінін атап өтті.Чунчонбук-до провинциясы Корея Республикасының серпінді дамып келе жатқан өңірлерінің бірі болып табылады және өнеркәсіп, инновациялар мен туризм салаларында айтарлықтай әлеуетке ие. Бұл Қазақстан өңірлерімен өзара тиімді ынтымақтастықты дамыту үшін қосымша мүмкіндіктер ашады.Сапар аясындағы ерекше шаралардың бірі Чонджу қаласында ұйымдастырылған, Қазақстанның тарихына, мәдениетіне және қазіргі дамуына арналған фотовыставканың ресми ашылуы болды. Ашылу салтанатында сөз сөйлеген Қазақстан Елшісі мәдени бастамалардың Қазақстан мен Корея халықтары арасындағы өзара түсіністік пен жақындасуды нығайтудың тиімді құралы ретіндегі маңызын атап өтті.Экспозиция Қазақстан халқы Ассамблеясының Достық елшісі Ким Сан-уктың шамамен 50 фотожұмысын қамтиды. Автордың объективі арқылы келушілерге қазақстандық қалалардың заманауи келбеті мен елдің бай мәдени мұрасы ұсынылған. Көрме Чонджу өнер орталығында өтіп жатыр және 2026 жылғы 25 қаңтарға дейін жалғасады.Ақпарат көзі : https://www.gov.kz/memleket/entities/mfa-seoul/press/news/details/1145546?lang=kk

Прага, 2026 жылғы 21 қаңтар – Шетелдік инвестициялар мен жаңа технологияларды тартуға бағытталған экономикалық дипломатияның басымдықтарына сәйкес, Қазақстанның Чехиядағы Елшілігі екі елдің іскер топтары арасындағы өзара тиімді байланыстарды жолға қоюға және тереңдетуге тұрақты түрде қолдау көрсетіп келеді. Осы бағыттағы алғашқы кездесулері аясында Қазақстанның Чехиядағы Елшісі Қайрат Әбдірахманов чехиялық «TATRA» және «ZETOR» машина жасау компанияларының, сондай-ақ тау-кен жабдықтарын өндіретін озық «FERRIT», өнеркәсіптік жабдықтар шығаратын «ZVVZ Engineering» және шыны ыдысын дайындауға арналған жабдықтар шығаратын «SKLOSTROJ» компанияларының өкілдерімен кездесті.Кездесулер барысында чехиялық кәсіпкерлер Қазақстан Республикасындағы әріптестерімен қалыптасқан серіктестікті жоғары бағалап, өзара ынтымақтастыққа қанағаттанушылық білдірді. Сондай-ақ олар Қазақстанда инвестициялық ахуалды одан әрі жетілдіруге бағытталған өзекті шаралар туралы ақпарат алды. Аталған реформалар Президент Қасым-Жомарт Тоқаевтың бастамасы және басшылығымен іске асырылып жатқан жаңғыртудың жаңа кезеңі шеңберінде жүзеге асырылуда.Қазақстандық дипломаттарға компаниялар тарапынан іске асырылып жатқан жобалардың қазіргі жай-күйі, бірлескен өндірісті жолға қою және ҚР-дың бірқатар өңірлерінде локализациялау перспективалары жөнінде мәлімет ұсынылды. Чех бизнесі ұсынатын заманауи технологиялар өнеркәсіптің түрлі салаларында, оның ішінде тау-кен секторында өндірістің тиімділігі мен қауіпсіздігін арттыруға мүмкіндік береді.Кездесулер қорытындысы бойынша Чехия өңірлерінде орналасқан аталған компаниялардың өндірістік алаңдарына барып көру, бизнес-форумдар ұйымдастыру, сондай-ақ инвестициялық жобаларды іске асыру мүмкіндіктері жөнінде тұрақты ақпарат алмасуды қамтамасыз ету туралы уағдаластыққа қол жеткізілді.Ақпарат көзі : https://www.gov.kz/memleket/entities/mfa-prague/press/news/details/1145543?lang=kk

Үкіметте Премьер-министрдің орынбасары – ұлттық экономика министрі Серік Жұманғариннің төрағалығымен жаңа Салық кодексін енгізу жөніндегі жобалық кеңсенің жұмысын ұйымдастыру жөніндегі бірінші кеңес өтті.Жобалық кеңсе Салық кодексінің және кәсіпкерлікті реттеушінің жаңа нормаларын қолдануға байланысты бизнес өтініштерін жүйелеу және жедел қарау үшін бірыңғай үйлестіру орталығы ретінде құрылады. Оның міндеті – мемлекеттік органдардың келісілген іс-қимылын қамтамасыз ету және кәсіпкерлік қоғамдастықпен тұрақты кері байланыс орнату.Жобалық кеңсенің бірінші отырысына «Атамекен» ҰКП басшылығы, кәсіпкерлердің құқықтарын қорғау жөніндегі уәкіл Қанат Нұров, орталық мемлекеттік органдардың өкілдері қатысты.Жобалық кеңсе жұмысының негізгі логикасы – «бір терезе» принципі. Салық органдарының call-орталығы, SalykBot Telegram-арнасы, Мемлекеттік кірістер комитетінің бөлімшелері, «Атамекен» ҰКП, әлеуметтік желілер мен басқа да коммуникация арналары арқылы түсетін бизнестің барлық өтініші бір орталықта жинақталады. Өтініштерге жауап берудің нақты мерзімдері белгіленеді. Күрделі және ведомствоаралық сипаттағы мәселелер салалық мемлекеттік органдардың қатысуымен жобалық кеңсенің отырыстарына шығарылады.Жобалық кеңсенің отырысын апта сайын өткізу жоспарлануда. Олар бизнестің ең өзекті және жиі көтеретін мәселелерін қарастырып, шешімдер әзірленеді, түсініктемелер беріледі. Жобалық кеңсе жұмысының қорытындысы мемлекеттік органдар мен бұқаралық ақпарат құралдарының коммуникация арналары арқылы жалпы жұртшылыққа үнемі жеткізіледі.Қаржы вице-министрі Ержан Біржановтың айтуынша, 1-20 қаңтар аралығында салық жүйесінде 22 мың жаңа салық төлеуші тіркелген. Оның 20 мыңнан астамы жеке кәсіпкер, 2 мыңға жуығы заңды тұлға. Жаңа ҚҚС төлеушілердің саны – 7100.«Өзін-өзі жұмыспен қамтушылар режимін 137 708 салық төлеуші таңдады. Оның 100 мыңнан астамы бұрын салықтық әкімшілендіру саласында болмаған жеке тұлға. Жаңа режим ЖК тіркеусіз және кассалық аппаратты қолданбай, салық төлемей, табыстың 4% мөлшерінде әлеуметтік төлемдер бойынша ғана міндеттемемен жұмыс істеуге мүмкіндік береді», — деп атап өтті Ержан Біржанов.Имплементация кезеңі объективті қиындықтармен бірге жүретіні атап өтілді. Қаңтардың басында салықтық әкімшілендірудің интеграцияланған жүйесін (СӘИЖ) іске қосу кезінде техникалық мәселелер тіркелді. Бүгінгі таңда барлық әдістемелік және техникалық мәселелер реттелді. СӘИЖ елдегі ең ірі ақпараттық жүйе болып саналады. Ол бір уақытта 250 мың салық төлеушіге қызмет көрсетеді.Бүгінгі таңда бизнестің негізгі өтініштері қолданбалы сипатқа ие және салық салу режимін таңдауға, хабарламалар беруге, деректерді өңдеудің дұрыстығына, ЭҚЖЖ таңдауға, электрондық шот-фактураларды толтыруға және басқа да рәсімдік мәселелерге қатысты. Салық төлеушілерді жедел қолдау үшін МКД жанындағы консультация кеңселері, call-орталық және SalykBot Telegram-арнасы тұрақты жұмыс істейді.5 қаңтардан бастап барлық облыс орталығы мен республикалық маңызы бар қалаларда аптасына үш рет «Халық бухгалтері» акциясы өткізілуде. Оған жеті салалық қауымдастықтың атынан 100-ден аса бухгалтер қатысуда. 3 мыңнан астам адам тегін кеңес алды.Отырыс соңында Серік Жұманғарин реформа кезеңінде Салық кодексінің нормаларын қалыптастыруға және талқылауға баса назар аударылғанын, ал имплементация кезеңінде оларды қолданудың нақты мерзімі, түсінікті тетіктері мен болжамдылығы түйінді мәнге ие болатынын атап өтті.«Жүзеге асыру барысында сұрақ сөзсіз туындайтыны белгілі. Егер оларға түсініксіз жауап берілсе, ведомстволарда күрделі мәселелер жиналып қалады. Жобалық кеңсе бизнес мәселелерін жедел және жүйелі түрде шешу үшін құрылады», — деді ол.Жобалық кеңсенің құрамына Қаржы министрлігінің, Мемлекеттік кірістер комитетінің, Ұлттық экономика министрлігінің, «Атамекен» ҰКП, Цифрлық даму министрлігі мен Әділет министрлігінің өкілдері кірді. Жобалық кеңсенің жұмысына салалық қауымдастықтар, жеке салық кеңесшілері мен сарапшылар қауымдастығы да араласады.Ақпарат көзі : https://www.gov.kz/memleket/entities/economy/press/news/details/1145531?lang=kk

Алматы облысында көктемгі егіс науқанына дайындық мәселелері кең көлемде талқыланды. Облыс әкімінің орынбасары Бақытнұр Бақытұлының төрағалығымен өткен жиында агроөнеркәсіп кешеніндегі өзекті міндеттер, қаржыландыру тетіктері мен ресурстық қамтамасыз ету мәселелері күн тәртібіне шығарылды.Жиынға облыстық ауыл шаруашылығы басқармасының басшылығы мен жауапты мамандары, «Аграрлық несие корпорациясы» АҚ директорының орынбасары, сондай-ақ бейнебайланыс (ВКС) арқылы аудан және қала әкімдерінің орынбасарлары, салалық бөлім басшылары мен шаруа қожалықтарының жетекшілері қатысты.Кеңес барысында төрт негізгі бағытқа басымдық берілді. Атап айтқанда, көктемгі дала жұмыстарына дайындықтың нақты барысы, «Кең Дала» бағдарламасының іске асырылуы, су үнемдеу технологияларын енгізу және ауыл шаруашылығы тауар өндірушілерін дизель отынымен қамтамасыз ету мәселелері талқыланды.Алғашқы баяндама облыстық ауыл шаруашылығы басқармасының басшысы Ғалым Қасымұлы Тоқпейісовке ұсынылып, ол егіс науқанына дайындықтың қазіргі жай-күйі мен алдағы кезеңдегі негізгі міндеттерге тоқталды. Оның айтуынша, егіс жұмыстарын уақытында бастау үшін техника, тұқым, тыңайтқыш және жанар-жағармай мәселелері кезең-кезеңімен шешіліп жатыр.Ал «Аграрлық несие корпорациясы» АҚ директорының орынбасары Нұрмади Нұрланұлы Алибаев «Кең Дала» бағдарламасы аясында шаруаларды қаржыландыру тетіктерін түсіндіріп, жеңілдетілген несие мен қолдау шараларының қолжетімділігі туралы баяндады.Жиын қорытындысында облыс әкімінің орынбасары Бақытнұр Бақытұлы көктемгі егіс науқаны өңір экономикасы мен азық-түлік қауіпсіздігі үшін стратегиялық маңызға ие екенін атап өтті.«Көктемгі дала жұмыстары – ауыл шаруашылығының ғана емес, тұтас өңір экономикасының іргетасы. Сондықтан дайындық жұмыстары тұрақты әрі қатаң бақылауда болуы тиіс. Біз үшін басты міндет – егіс науқанын уақытында, сапалы өткізу және шаруаларды барлық қажетті ресурстармен толық қамтамасыз ету. Әсіресе, су үнемдеу технологияларын енгізу мен қаржыландырудың ашық әрі тиімді тетіктері маңызды», – деді ол.Сондай-ақ әкімнің орынбасары аудан және қала әкімдерінің орынбасарларына келесі жиында «Кең Дала» бағдарламасы бойынша нақты келісімшарттар мен қаржыландырудың барысы, дизель отыны мен минералды тыңайтқыштарды сатып алу, су үнемдеу технологияларын енгізу бойынша егжей-тегжейлі ақпарат ұсынуды тапсырды.Жиын соңында ауыл шаруашылығы басқармасына берілген тапсырмалардың орындалуын тұрақты бақылауда ұстау жүктелді. Өңірде көктемгі егіс жұмыстарын сапалы әрі уақтылы өткізу үшін барлық күш пен мүмкіндік жұмылдырылатыны атап өтілді.Ақпарат көзі : https://www.gov.kz/memleket/entities/almobl/press/news/details/1145520?lang=kk

On 20 January 2026, President Kassym-Jomart Tokayev addressed the National Kurultai (Congress) held in Kyzylorda, outlining a new stage in Kazakhstan’s political development, alongside priorities in foreign policy, economic governance and digital transformation.In his speech, President Tokayev presented a package of constitutional and institutional reforms aimed at modernising the state system, clarifying governance architecture and strengthening long-term political stability. Central to the address were proposals to formalise presidential succession rules, establish the position of Vice President, and transition to a fundamentally new constitutional model following a national referendum.The President also addressed Kazakhstan’s foreign policy posture in a changing global environment, reaffirming a balanced, pragmatic and interest-driven diplomacy, as well as economic integration priorities, food security concerns, and the strategic importance of digitalisation and artificial intelligence for national competitiveness. President Kassym-Jomart Tokayev’s SpeechKey Points of Specific Interest to Europe and the United StatesForeign Policy in a Changing Global EnvironmentPresident Tokayev noted that international relations are undergoing profound changes, marked by declining trust, erosion of international law, and rising global militarisation.In this context, Kazakhstan’s foreign policy must remain balanced, cautious and firmly anchored in national interests.He stressed that diplomatic decisions carry long-term consequences and must be made with professionalism and restraint.Diplomacy, he said, should function as a tool for compromise rather than confrontation, reinforcing Kazakhstan’s role as a predictable and responsible international actor.Human Rights, Rule of Law and Civic ResponsibilityPresident Tokayev reaffirmed Kazakhstan’s commitment to building a rule-of-law state, emphasising that legal reform must go hand in hand with the strengthening of civic responsibility and national self-awareness.He highlighted the impact of the 2022 constitutional reforms, including the establishment of the Constitutional Court, the creation of cassation courts, and the granting of constitutional status to the Human Rights Commissioner (Ombudsman), as key steps in strengthening the protection of citizens’ rights.The President noted that reforms to administrative justice and judicial procedures have improved citizens’ and entrepreneurs’ ability to defend their lawful interests before the courts.Tokayev stressed that the principle of “Law and Order” applies equally to all.He reiterated the state’s obligation to protect the rights, freedoms, dignity and security of all citizens.Key Points of Specific Interest to Russia and the CISEconomic Integration and Protection of National InterestsPresident Tokayev reaffirmed Kazakhstan’s support for economic integration, while stressing that it will firmly defend its national interests, particularly amid global trade tensions.As chair of the Eurasian Economic Union (EAEU) in 2026, Kazakhstan will prioritise:Elimination of trade barriersCombating unjustified protectionismExpanding the use of artificial intelligence to improve integration efficiencyHe expressed concern over pressure on Kazakhstan’s agricultural processing sector from subsidised imports within the EAEU, describing the issue as one of food security and calling for more decisive government action to protect domestic producers.Key Points of Specific Interest to China and Asia, including Central Asia  Transport Connectivity and Transit PotentialPresident Tokayev reaffirmed Kazakhstan’s ambition to position itself as a key international transport and logistics hub connecting East–West and North–South corridors.Major highway and railway projects were announced to eliminate bottlenecks and shorten transit routes, including the acceleration of the Beineu–Sekseuil highway, which will reduce the length of the Middle Corridor by approximately 900 kilometres.The President highlighted the expansion and modernisation of key rail lines, including Kyzylzhar–Moyynty, Darbaza–Maktaaral, Altynkol–Zhetygen, and Zhezkazgan–Sekseuil.Kazakhstan aims to significantly strengthen cargo aviation, with the President signalling openness to greater private-sector involvement to improve competitiveness, including on jet fuel pricing.Energy, Water Security and Environmental DiplomacyPresident Tokayev identified water as a strategic national and regional resource,Emphasis on transboundary river governance and cooperation with Central Asian neighbours.He proposed to promote an International Water Organisation within UN reform discussions.He reminded that Kazakhstan will host the International Ecological Summit in Astana in April, focused on the Aral Sea.Tokayev instructed the preparation of a comprehensive national map of water and energy resources.Kazakhstan’s coal reserves, estimated at around 33 billion tonnes, were identified as a strategic asset to be utilised using modern technologies to minimise environmental impact.The President instructed that the development of coal-fired power generation be granted the status of a National Project, with implementation decisions to be finalised by 20 March.He instructed QazaqGaz, the Government and the Samruk-Kazyna Fund to accelerate geological exploration, develop new gas fields using a mix of state and private investment, and strengthen oversight of major gas-processing projects. Additional Key Points of Significant InterestIntroduction of the Office of Vice PresidentPresident Tokayev proposed the establishment of the position of Vice President, to be appointed by the President with the consent of Parliament.The Vice President would represent Kazakhstan internationally, engage with Parliament, work with domestic and foreign organisations, and perform duties assigned by the President.These responsibilities would be explicitly enshrined in the Constitution, providing legal clarity and institutional stability.The President stressed that this reform is intended to strengthen governance coherence, not dilute presidential authority. Kazakhstan will continue to function as a presidential republic.Clear Constitutional Rules for Presidential SuccessionPresident Tokayev underscored the importance of unambiguous constitutional regulation of presidential succession.In the event of early termination of a presidential term, presidential elections must be held within two months, ensuring that any head of state comes to power exclusively through elections.He described this principle as fundamental and non-negotiable, reinforcing Kazakhstan’s commitment to electoral legitimacy and political predictability.Transition to a New Constitutional Model and Strengthening Checks and BalancesTokayev stated that the reforms launched in 2022, together with upcoming initiatives to be submitted to a national referendum, mark a transition away from the 1995 constitutional model toward a fundamentally new political system.Public endorsement of these reforms, he said, would lead to a renewal of the political system and strengthen long-term stability.He noted that 26 laws have already been adopted based on proposals from previous National Kurultai sessions, demonstrating the forum’s growing institutional relevance.It is proposed that the appointment of members of the Constitutional Court, Supreme Audit Chamber and Central Election Commission be carried out exclusively with the consent of Parliament.Parliament would also receive the power to elect all judges of the Supreme Court upon nomination by the President, marking a significant step in strengthening checks and balances between branches of power.Reconfiguration of Parliamentary and Advisory InstitutionsThe proposed reforms include a move toward a unicameral parliament (to be called “Kurultai”), designed to streamline legislative processes and governance efficiency.The new Parliament is proposed to consist of 145 deputies, with up to three deputy speakers and no more than eight standing committees, prioritising efficiency and professionalism over numerical expansion.Deputies will be elected exclusively on a proportional basis, strengthening the institutional role and responsibility of political parties. Deputies will be elected for a five-year term, with a revised three-stage legislative procedure: conceptual approval, amendment approval, and final adoption of laws.A new Khalyk Kenesi (People’s Council) would be established, assuming key functions of the Assembly of the People of Kazakhstan in the areas of interethnic and interfaith harmony.The People’s Council would also:Develop proposals to improve domestic policyPromote and explain matters related to state ideologyBe granted the right of legislative initiativeOrganise the Congress of Leaders of World and Traditional Religions and other major humanitarian forumsThe reforms also envisage the abolition of certain administrative structures supporting the current Parliament, the elimination of the post of State Counsellor, and adjustments to the Presidential Administration to better reflect practical governance needs.Digitalisation and Artificial Intelligence as Strategic PrioritiesPresident Tokayev emphasised that digitalisation and artificial intelligence are reshaping global realities, reducing the importance of population size and rewarding countries that adapt quickly.Kazakhstan, he said, has chosen a path of accelerated digital and AI adoption across all sectors of the economy and public administration.At the same time, he cautioned that technology alone cannot compensate for weak governance.Effective digital transformation requires streamlined management processes, improved organisational culture, and modern public-sector management practices.Infrastructure for the Future Digital EconomyTokayev highlighted the need to build a strong infrastructure base to support a future digital and energy-intensive economy.President Tokayev proposed enshrining in the Constitution the institutional and legal foundations of digitalisation, reflecting its growing impact on daily life and fundamental rights.He called for the early designation of zones for high-capacity data centres, equipped with:Reliable power supplyAdvanced cooling systemsRobust physical and cyber securityThese measures, he said, are essential for Kazakhstan to remain competitive in emerging digital industries and global value chains.President Tokayev stressed that only states that successfully digitise and integrate their history and culture into global digital civilisation will retain agency.The President supported the creation of a national digital repository of memory and knowledge, (National Digital Heritage), aimed at systematising archival materials, museum collections, scholarly research and works of art in digital form.Cultural and Spiritual DevelopmentPresident Tokayev emphasised that cultural and spiritual development is a strategic priority of state policy, noting that the success of political and economic reforms depends on the transformation of public consciousness and the strengthening of national values.He highlighted large-scale plans to develop cultural infrastructure, modernise museums, theatres and libraries, and support the creative industries.The President underscored the importance of promoting Kazakhstan’s cultural and historical heritage internationally, including through UNESCO mechanisms, noting Kazakhstan’s strong standing in the number of elements inscribed on UNESCO’s Intangible Cultural Heritage list.He stressed the need to deepen scholarly research into Kazakhstan’s history and civilisation, including the publication of a seven-volume academic history of Kazakhstan, and the organisation of international conferences on the Golden Horde and Turkic civilisation.He also linked cultural policy to digital transformation, stressing that only states that successfully digitise and integrate their cultural heritage into the global digital space will retain agency in the modern world.  Ақпарат көзі : https://www.gov.kz/memleket/entities/mfa-ljubljana/press/news/details/1145525?lang=kk

Венада өткен Түркі апталығының бейнежазбасы (2026 жылғы 12–15 қаңтар). Венадағы Түркі апталығы Түркі мемлекеттері ұйымының (ТМҰ) айтулы іс-шараларының бірі болып, Ұйымның көпжақты деңгейдегі көрінімділігін және халықаралық деңгейдегі көпжақты өзара ықпалдастығын едәуір нығайтты.Толық ақпаратты оқу үшін: https://turkicstates.org/kz/news/turkic-week-in-vienna-strengthens-the-turkic-worlds-global-visibility-and-multilateral-engagement

Ұлттық құрылтайдың бесінші отырысы Қазақстанның саяси тарихындағы жаңа кезеңнің бастауы болды. Президент елдің болашағына тікелей әсер ететін ауқымды конституциялық және парламенттік реформаларды ұсынды. Бұл өзгерістердің түпкі мақсаты – әділетті, тиімді және тұрақты мемлекеттік жүйе қалыптастыру.Мемлекет басшысы бір палаталы Парламент құру бастамасын жариялап, жаңа заң шығарушы органға «Құрылтай» атауын беруді ұсынды. Бұл атау халқымыздың тарихи дәстүрімен сабақтасып, ұлттық мемлекеттіліктің символына айналмақ. Жаңа Парламент 145 депутаттан тұрып, ықшам әрі кәсіби құрылым ретінде елдегі реформаларды заңнамалық тұрғыда жедел қолдауға мүмкіндік береді.Президент ұсынған маңызды жаңалықтардың бірі – Қазақстанның Халық Кеңесін құру. Бұл орган қоғам мен мемлекет арасындағы тұрақты диалог алаңына айналып, этносаралық келісім, қоғамдық саясат және ұлттық бірлікті нығайту мәселелеріне жүйелі түрде атсалысады. Кеңеске заң шығаруға бастамашылық ету құқығы берілуі оның мәртебесін айтарлықтай арттырады.Сонымен қатар Вице-президент институтын енгізу туралы ұсыныс мемлекеттік басқару жүйесінің тұрақтылығын күшейтуге бағытталған. Вице-президент Президенттің тапсырмасы бойынша халықаралық келіссөздерге қатысып, Парламент пен қоғам алдында мемлекет мүддесін қорғайды. Бұл қадам билік иерархиясын нақтылап, басқару тиімділігін арттырады.Президент Конституцияның Преамбуласын жаңартып, онда ұлттық құндылықтар мен «Әділетті Қазақстан» қағидатын бекітуді ұсынды. Сондай-ақ азаматтардың дербес цифрлық деректерін қорғау мәселесін Ата заң деңгейінде нақтылау қажеттігін атап өтті. Бұл – заман талабына сай құқықтық мемлекетті қалыптастыру жолындағы маңызды қадам.Ұсынылған реформаларды іске асыру үшін Конституциялық комиссия құрылып, барлық өзгерістер жалпыхалықтық референдумға шығарылмақ. Бұл – халықтың тікелей қатысуымен қабылданатын тарихи шешім.Президенттің бастамалары Қазақстанның саяси жүйесін түбегейлі жаңғыртып, мемлекеттік институттардың тиімділігін арттыруға бағытталған. Бұл реформалар елдің бірлігін нығайтып, Тәуелсіз Қазақстанның ұзақ мерзімді дамуына берік негіз қалайды.

Ұлттық құрылтайдың бесінші отырысында Мемлекет басшысы Қазақстанның алдағы даму бағытын айқындайтын стратегиялық бастамаларды жариялады. Президент өз сөзінде цифрландыру, жасанды интеллект және энергетикалық қауіпсіздік мәселелеріне ерекше тоқталып, ел экономикасын жаңа сапалы деңгейге көтерудің нақты жолдарын көрсетті.Президент атап өткендей, XXI ғасыр – цифрлық технологиялар дәуірі. Қазақстан бұл үдерістен шет қалмай, цифрландыру мен жасанды интеллектіні мемлекеттік басқарудың, экономиканың және әлеуметтік саланың барлық бағытына енгізуді бастады. Бұл – сән қуған ұран емес, нақты нәтижеге бағытталған стратегиялық шешім. Жасанды интеллект басқару тиімділігін арттырып, шешім қабылдау мерзімін қысқартып, еңбек өнімділігін еселейтін негізгі құралға айналмақ.Мемлекет басшысы білім, ғылым және жоғары технология салаларына қомақты инвестиция салу арқылы адам капиталының сапасын арттыруды басты міндет ретінде белгіледі. Бұл қадам Қазақстанның жаһандық бәсекеге қабілеттілігін күшейтіп, жаңа буынның әлеуетін толық ашуға мүмкіндік береді.Экономиканың тұрақты дамуы үшін сенімді энергетикалық база қажет. Осыған байланысты Президент көмірді заманауи, экологиялық қауіпсіз технологиялар арқылы пайдалану мәселесін көтеріп, көмір энергетикасына Ұлттық жоба мәртебесін беруді тапсырды. Қазақстанда 33 миллиард тоннаға жуық көмір қоры бар, бұл – елдің стратегиялық артықшылығы. Сонымен қатар жаңа газ кен орындарын игеру, гидроэнергетика әлеуетін тиімді пайдалану және атом энергетикасын дамыту бағытында жүйелі жұмыстар жүргізілмек.Цифрлық экономиканы қолдайтын инфрақұрылымға да баса назар аударылды. Екібастұз бассейнінің энергетикалық қуатын пайдалана отырып, «Деректерді өңдеу орталығы алқабын» құру бастамасы – Қазақстанды аймақтық цифрлық хабқа айналдыру жолындағы маңызды қадам. Мұндай дата-орталықтар елдің ІТ-инфрақұрылымын нығайтып, халықаралық инвестиция тартуға жол ашады.Президенттің бұл бастамалары Қазақстанның жаңа экономикалық моделін қалыптастырып, жоғары технологияға негізделген, энергия тиімді әрі бәсекеге қабілетті мемлекет құруға бағытталған. Бұл – ұзақ мерзімді өсім мен тұрақтылықтың берік негізі.

Тбилиси, 20 қаңтар – Қазақстан Республикасының Грузиядағы Елшілігінде елінің түрлі өңірлерінде тіркелген Құрметті консулдармен кезекті кездесу өтті.Іс-шара барысында Құрметті консулдар 2025 жылдың екінші жартысында қазақстандық азаматтар мен ұйымдардың құқықтары және мүдделерін қорғау, Қазақстан мен Грузия арасындағы сауда-экономикалық және мәдени-гуманитарлық ынтымақтастықты дамыту саласындағы қызмет нәтижелерін жариялап, атқарылған жұмыстар туралы есептерін берді.Алдағы жылға арналған жұмыс жоспарларын талқылауға, сондай-ақ оларды іске асырудың басым бағыттары мен нақты шараларын айқындауға ерекше назар аударылды.Жұмыс кездесуінің қорытындысы бойынша Құрметті консулдарға Қазақстанның Грузия өңірлеріне қатысуын кеңейту мақсатында олардың қызметінің басым бағыттары бойынша нақты тапсырмалар берілді.Ақпарат көзі : https://www.gov.kz/memleket/entities/mfa-tbilisi/press/news/details/1145473?lang=kk