Қызылорда облысы бойынша тексеру комиссиясының ұжымы ағымдағы жылдың 14 маусымында "Таза Қазақстан" республикалық экологиялық акциясы аясында сенбілік іс-шараларына белсене қатысып, белгіленген аймақта тазарту жұмыстарын жүргізді.Ақпарат көзі : https://www.gov.kz/memleket/entities/revkomkyzylorda/press/news/details/1017972?lang=kk

Тараз қаласының аумағында және «Жамбыл» шекаралық басқармасының мемлекеттік шекара учаскесінде жедел топтар басшылары мен облыстық жедел штаб мүшелерінің қатысуымен жоспарлы жедел-тактикалық оқу-жаттығу сәтті өткізілді.Оқу-жаттығулардың мақсаты террористік қауіптер туындаған кезде үйлестірілген әрекеттерді пысықтау, мемлекеттік билік органдары, жергілікті өзін-өзі басқару, төтенше жағдайлар қызметтері мен құқық қорғау құрылымдары арасындағы өзара іс-қимылдың дайындық, үйлесімділік және жеделдік деңгейін арттыру болды.Оқу-жаттығу барысында шартты түрде жасалған лаңкестік актінің салдарын жою, халықты эвакуациялау, медициналық көмекті ұйымдастыру және өмірлік маңызды инфрақұрылым объектілерін қалпына келтіруді қоса алғанда, төтенше жағдайлардың әртүрлі сценарийлері модельденді. Штаб мүшелері жоғары дайындық деңгейін, өзгеретін жағдайға тез бейімделуді және күрделілік жағдайында тиімді шешім қабылдауды көрсетті.Оқу-жаттығулардың қорытындысы бойынша қызметтер арасындағы өзара іс-қимыл тетіктерін жетілдіру бойынша ұсыныстар берілді, сондай-ақ қойылған міндеттерді орындау барысында анықталған үздік тәжірибелер атап өтілді.Жедел-тактикалық оқу-жаттығулар облыстық штабтың шынайы қауіп-қатер мен төтенше жағдайлар жағдайында өз функцияларын орындауға толық дайын екендігін көрсетті. Терроризмге қарсы күрес жөніндегі Жамбыл облыстық жедел штабыАқпарат көзі : https://www.gov.kz/memleket/entities/antiterrosticheskiy-centr/press/news/details/1017973?lang=kk

              Ағымдағы жылдың 16 маусымында Э.Б. Алмаганбетованың төрайымдылығымен Ұзынкөл аудандық мәслихатының бюджет және аудан экономикасын дамыту мәселелері жөніндегі мәслихат шешімдерінің жобаларын алдын ала қарау жөніндегі тұрақты комиссиясының отырысы өтті.    Отырыс күн тәртібінің негізгі мәселесі: Ұзынкөл ауданының 2025-2027 жылдарға арналған ауданының, ауылдарының және ауылдық округтерінің бюджеттерін нақтылау туралы болды.    Отырыс жұмысына аудандық мәслихат төрағасы, экономика және бюджеттік жоспарлау бөлімінің басшысы, Пресногорьков, Өбаған ауылдық округтерінің әкімдері, Сатай ауылы әкімінің міндетін уақытша атқарушы және аудандық мәслихат аппаратының қызметкерлері қатысты.     Күн тәртібі мәселесі бойынша негізгі баяндамашылар экономика және бюджеттік жоспарлау бөлімінің басшысы, ауылдық округ әкімдері, Сатай ауылы әкімінің міндетін уақытша атқарушы болды.  Аудан, ауыл және ауылдық округ бюджеттерін нақтылаудың негізгі себебі (4-деңгей) ағымдағы жылдың басында пайда болған бос қалдықты бөлу және жоспарланған шығыстарды қайта бөлу болып табылады. Бюджеттік бағдарламалардың әкімшілері ақшалай қаражатты қайда және қандай қажеттіліктерге бағыттау ұсынылатыны туралы ақпаратты өз баяндамаларында айтты. Депутаттардың барлық сұрақтарына тиісті түсініктемелер алынды.      Комиссия отырысының қорытындысы бойынша ауданның, ауылдардың және ауылдық округтердің бюджеттерін нақтылау туралы мәселе (4-деңгей) депутаттардың айтылған ескертулері мен ұсыныстарын ескере отырып, аудандық мәслихат сессиясының  бекітуіне енгізілді.    Ақпарат көзі : https://www.gov.kz/memleket/entities/maslihat-uzunkol/press/news/details/1017975?lang=kk

Біздің жасақ ауыл еріктілерімен бірге #ТазаҚазақстан бағдарламасы аясында "Ешкім ұмытылмайды, ештеңе ұмытылмайды"обелиск аумағын абаттандыру бойынша жұмыс жүргізді✅ Шамамен 600 кг шөп шабылды✅ Ескерткіштің аумағы ретке келтірілгенБіз батырларды еске алып, туған жерлеріміздің тазалығы мен жайлылығына қамқорлық жасаймыз! 💚🇰🇿#ЖасылЕл #ТазаҚазақстан # Экология #Патриотизм #Еріктілер  #ЖасылЕл #ТазаҚазақстан #Экология  #ВолонтерыАқпарат көзі : https://www.gov.kz/memleket/entities/kostanai-denisov-sverdlov/press/news/details/1017951?lang=kk

Сыбайлас жемқорлық тәуекелдерін ішкі талдау нәтижелерін жария талқылау туралы хабарландыруды23.06.2025 жылы сағат 15:00-де Боголюбово ауылы, Қызылжар көшесі, 44 мекенжайы бойынша «СҚО Куйбышев ауылдық округі әкімінің аппараты» КММ қызметінде өткізілген сыбайлас жемқорлық тәуекелдеріне ішкі талдауды жария талқылау өткізу жоспарлануда.Барлық мүдделі тұлғалар талқылауға қатыса алады, талқылауға қатысу мәселелері бойынша келесі телефон нөмірлері бойынша хабарласуға болады:2-36-87Ақпарат көзі : https://www.gov.kz/memleket/entities/kzh-kuibyshev/press/news/details/1017978?lang=kk

”Жыланды Fest: Болашаққа бастар жол!”14.06.2025ж Жыланды дарынды балаларға арналған лицей интернатында ”Жыланды Fest” фестивалінің салтанатты ашылуы өтті! 🌟 Ғылым мен технологияны ұштастырған, болашақ мамандықтармен таныстыратын бұл фестиваль – еліміздің жас буынына жаңа мүмкіндік, жаңа шабыт! 🔹 Фестиваль халықаралық деңгейде ұйымдастырылды; 🔹 Қонақтар – Қазақстан мен Қырғызстаннан келді;🔹 Университеттер жәрмеңкесі ұйымдастырылды;🔹 Робототехника, шеберлік сабақтары, заманауи жобалар көрсетілді.🌍 Қазақстанның түкпір-түкпірінен жиналған қонақтармен бірге, Қырғызстаннан да қатысушылар келіп, шараның ауқымын кеңейтті.🎓 Фестиваль аясында University Open Day – университеттер жәрмеңкесі ұйымдастырылып, Жетісу облысының түлектері Қазақстанның жетекші жоғары оқу орындарымен танысты.Сонымен қатар, 14 маусым күні Жыланды дарынды балаларға арналған мамандандырылған лицей-интернатында заманауи бағыттағы Future Race атты электромобильдер жарысы өткізілді!🏁 Жарыс Dakar Жыланды-Төңкеріс бағыттары бойынша ұйымдастырылып, жас өнертапқыштар өз қолдарымен құрастырған экокөліктерін жарыс жолына шығарды.👥 Барлығы 9 команда қатысып – әрқайсысы техникалық тапқырлық пен шығармашылықтың үлгісін көрсетті. 🌱 Бұл жарыс – экологиялық ойлау, инженерлік дағды және командалық рухты дамыту алаңы болды!Ақпарат көзі : https://www.gov.kz/memleket/entities/zhetysu-alakol-zhylandy/press/news/details/1017979?lang=kk

Алматы қаласының терроризмге қарсы жедел штабының бастамасымен Алматы метрополитенінде терроризмге қарсы оқу-жаттығу шаралары өткізілді. Оқу-жаттығу кезінде метро пойыздарының қозғалыс кестесіне ешқандай шектеулер енгізілген жоқ.Іс-шараның мақсаты – келіссөз жүргізу дағдыларын жетілдіру, кепілге алынған адамдарды босату және қылмыскерлерді залалсыздандыру бойынша арнайы операция өткізу.Сонымен қатар, көлік инфрақұрылымы нысанының терроризмге қарсы қорғалу жүйесі мен ықтимал дағдарыстық жағдайларға ден қою мүмкіндігі тексерілді.Жалпы, өткізілген оқу-жаттығу шарасы террорлық қауіп төнген жағдайда қойылған міндеттерді сапалы орындауға және мамандардың кәсіби дайындығын арттыруға оң әсерін тигізді. Алматы қаласының ТҚК Ақпарат көзі : https://www.gov.kz/memleket/entities/antiterrosticheskiy-centr/press/news/details/1017981?lang=kk

Қазақстан Республикасы Президентінің «Әкімдердің халықпен кездесулерін өткізу туралы» 2022 жылғы 3 наурыздағы №826 Жарлығына сәйкес, 2025 жылдың I жарты жылдығында Жалағаш ауданының және кент, ауылдық округі әкімдерінің халықпен кездесу кестесіАқпарат көзі : https://www.gov.kz/memleket/entities/kyzylorda-zhalagash/press/news/details/1017935?lang=kk

Актөбе облысы бойынша мемлекеттік кірістер департаменті, заңсыз алкоголь өнімдерінің айналымын анықтау мақсатында тақырыптық салықтық тексерулер жүргізіліп жатқаны туралы хабарлайды. Ағымдағы жылдын 5 ай мерзімінде жүргізілген тексерулер барысында тауарларға арналған ілеспе жүкқұжаттарсыз алкоголь өнімдерінің заңсыз айналымы анықталып, жалпы саны 6 309 шөлмек (9 254,41 литр) алкоголь өнімі тәркіленді.Жоғарыда аталған бұзушылық бойынша ҚР ӘҚБтК 283-1 бабының 5 бөлігіне сәйкес әкімшілік құқық бұзушылық жасаудың тiкелей нысаналары болып табылатын алкоголь өнімі тәркiлене отырып, жеке тұлғаларға – жиырма, шағын кәсіпкерлік субъектілеріне – елу, орта кәсіпкерлік субъектілеріне – бір жүз, ірі кәсіпкерлік субъектілеріне екі жүз айлық есептік көрсеткіш мөлшерінде айыппұл салуға әкеп соғатынын хабарлаймыз.Ақпарат көзі : https://www.gov.kz/memleket/entities/kgd-aktobe/press/news/details/1017984?lang=kk

В г.Алматы периодически проводятся мероприятия, направленные              на повышение уровня готовности Алматинского городского оперативного штаба (далее - АГОШ) по борьбе с терроризмом. Так, в период с 16 по 26 мая т.г. отделом АТЦ ДКНБ по г.Алматы организованы теоретические занятия с сотрудниками специализированного батальона, полка патрульной полиции и дежурных служб районных управлений полиции на тему: «Алгоритм действий сил первичного реагирования государственных органов и служб при угрозе террористического характера и/или совершении акта терроризма».   Занятия направлены на обеспечение постоянной готовности сил и средств АГОШ к нейтрализации угроз террористического характера.Мероприятиями охвачен весь личный состав специализированного батальона и полка патрульной полиции всех восьми районных управлений полиции в количестве свыше 400 сотрудников. Доведены требования Алгоритма действий сил первичного реагирования, а также разъяснен порядок действий дежурных служб.Кроме того, личному составу патрульной полиции доведены основные действия экипажа при совершении акта терроризма, рекомендуемые зоны эвакуации и оцепления при обнаружении взрывного устройства или подозрительного предмета.Для проверки доведенных навыков в течении года запланирована организация проверочных мероприятий экипажей полка патрульной полиции и специализированного батальона на предмет определения уровня знаний функциональных обязанностей. В целом, подобные мероприятия способствуют повышению уровня профессиональной подготовки сил первичного реагирования к минимизации возможных угроз и последствий акта терроризма.Следует отметить, что аналогичные мероприятия в указанные сроки также проведены со всеми районными управлениями ДЧС.  АТЦ ДКНБ по г.АлматыАқпарат көзі : https://www.gov.kz/memleket/entities/antiterrosticheskiy-centr/press/news/details/1017985?lang=kk

🏢 СПОРТ САЛАСЫНДАҒЫ БОС ОРЫНДАРСолтүстік Қазақстан облысының дене шынықтыру және спорт басқармасы мемлекеттік қызметке іріктеу жариялайды!Егер сіз тұрақты құрылымда жұмыс істеп, өңір спортының дамуына үлес қосқыңыз келсе және кәсіби тұрғыда өсуге ұмтылсаңыз — біздің командаға қосылыңыз!📌 Конкурс келесі лауазымдарға жарияланды (санаты D-O-4, мемлекеттік қызмет):– Заңгер (226 000 – 260 000 теңге)– Мемлекеттік сатып алулар жөніндегі маман (226 000 – 260 000 теңге)– Жоспарлау және қаржы бөлімі бойынша бас маман (226 000 – 260 000 теңге)– Спорт бөлімі бойынша бас маман (263 000 – 302 000 теңге)– Бұқаралық спорт және инфрақұрылым бөлімі бойынша бас маман (263 000 – 302 000 теңге)📌 Қосымша бос орын (санаты D-O-3, мемлекеттік қызмет):– Спорт бөлімінің басшысы (305 000 – 350 000 теңге)💼 Еңбекақы мөлшері еңбек өтілі мен біліктілігіне байланысты белгіленеді.📞 Барлық сұрақтар бойынша келесі телефондар арқылы хабарласыңыз:4660408 (777) 656-58-45Ақпарат көзі : https://www.gov.kz/memleket/entities/sko-sport/press/news/details/1017986?lang=kk

Алматы облысының Дін саласындағы мәселелерді зерттеу орталығы терроризм мен экстремизмге қарсы іс-қимыл тақырыбында спортшыларға арналған профилактикалық іс-шара ұйымдастырды.Іс-шараның басты мақсаты – жастар арасында құқықтық сауаттылықты арттыру және сыни ойлау қабілетін дамыту. Бұл – радикалды ұйымдарға тартылудың алдын алудағы маңызды қадамдардың бірі.Кездесуге «Жігер» спорт кешенінің спортшылары қатысты. Негізгі спикер ретінде ақпараттық-түсіндіру тобының мүшесі, дінтанушы Сәрсенбаев Руслан Мейіржанұлы сөз сөйледі. Ол радикалды идеологияның белгілері, экстремистік ұйымдардың қолданатын манипуляциялық әдістері және оларды тану жолдары туралы кеңінен айтып берді.Спикер әсіресе интернет пен әлеуметтік желілер арқылы таралатын ақпаратқа сыни көзқараспен қараудың маңыздылығын атап өтті. Себебі мұндай платформаларда радикалды топтардың белсенділігі жоғары. Сондай-ақ, қатысушыларға идеологиялық қысым немесе вербовка әрекеттерімен бетпе-бет келген жағдайда не істеу керектігі жөнінде нақты ұсыныстар берілді.Жастар, соның ішінде спортшылар арасында өткізілетін мұндай алдын алу шаралары қоғамдық қауіпсіздік пен құқықтық сауаттылықты қамтамасыз етудегі мемлекеттік саясаттың маңызды құрамдас бөлігі болып табылады. Материал Алматы облысының ТҚК мәліметі негізінде дайындалдыАқпарат көзі : https://www.gov.kz/memleket/entities/antiterrosticheskiy-centr/press/news/details/1017987?lang=kk

Мазмұны:Тәуелсіз Мемлекеттер Достастығы Экономикалық сотының жаңа төрағасын сайлау туралы;Қазақстан Республикасы Сыртқы істер министрінің Америка Құрама Штаттарына ресми сапары туралы;Қытай Халық Республикасы Төрағасының Астанаға жұмыс сапары туралы;«Қытай – Орталық Азия» индустриялық-инвестициялық ынтымақтастық форумы туралы;«Орталық Азия – Қытай» екінші саммиті туралы;Қазақстан Республикасы Премьер-министрінің бірінші орынбасарының Санкт-Петербург халықаралық экономикалық форумына қатысуы туралы;Қарусыздану саласындағы БҰҰ стипендиаттарының Қазақстанға сапары туралы;Ұжымдық қауіпсіздік туралы шарт ұйымы Қауіпсіздік кеңесі хатшылары комитетінің отырысы және ҰҚШҰ-ның киберқауіпсіздік жөніндегі халықаралық конференциясы туралы;Ислам ынтымақтастығы ұйымы Сыртқы істер министрлері кеңесінің 51-ші сессиясы туралы. Тәуелсіз Мемлекеттер Достастығы Экономикалық сотының жаңа төрағасын сайлау туралы2025 жылғы 10 маусымда Минск қаласында Тәуелсіз Мемлекеттер Достастығы (ТМД) Экономикалық сотының Пленум отырысы барысында Қазақстан Республикасының өкілі – ҚР Жоғарғы Сотының судьясы Герман Кәрімұлы Нұрбаев бірауыздан ТМД Экономикалық сотының жаңа төрағасы болып сайланды.Қазақстан өкілінің ТМД-ның негізгі құқықтық институттары бірінің басшылығына сайлануы – Достастыққа мүше мемлекеттердің еліміздің құқықтық жүйесіне деген жоғары сенімінің көрінісі әрі ТМД кеңістігінде құқықтық ынтымақтастықты нығайтудағы Қазақстанның сындарлы үлесін растайды.Қазақстанның ТМД құрылымдарындағы институционалдық қатысуын кеңейту еліміздің стратегиялық мүдделеріне сай келеді және көпжақты өзара іс-қимыл тетіктерін одан әрі жетілдіруге ықпал етеді. Қазақстан Республикасы Сыртқы істер министрінің Америка Құрама Штаттарына ресми сапары туралы2025 жылғы 12 маусымда Қазақстан Республикасы Премьер-министрінің орынбасары – Сыртқы істер министрі Мұрат Нұртілеу бастаған қазақ делегациясы Вашингтон қаласына ресми сапармен барды.Сапар барысында ҚР Сыртқы істер министрі АҚШ Мемлекеттік хатшысы Марко Рубиомен кездесті. Тараптар өзара сыйластық пен прагматикалық тәсілге негізделген кеңейтілген стратегиялық серіктестікті одан әрі дамытуға мүдделілігін растады. Кездесу барысында екіжақты ынтымақтастықтың басым бағыттары – сауда көлемін арттыру, америкалық технологияларды тарту, сондай-ақ Орталық Азия мен АҚШ арасындағы тұрақты диалог алаңы ретінде «C5+1» форматындағы өзара іс-қимылды ілгерілету мәселелері талқыланды. Трансұлттық қауіп-қатерлерге қарсы күресті қоса алғанда, халықаралық және өңірлік қауіпсіздікке қатысты мәселелерге ерекше назар аударылды.Экономикалық күн тәртібі бойынша диалог АҚШ Сауда өкілі Джеймисон Грирмен кездесуде жалғасын тапты. Келіссөздер барысында энергетика, көлік, сирек жер металдары мен жоғары технологиялар салаларындағы ынтымақтастықты қамтитын сауда-экономикалық және инвестициялық байланыстарды тереңдету мәселелері қаралды. Тараптар тарифтік және тарифтік емес кедергілерді жою тетіктерін, сондай-ақ көлік-логистикалық бағыттарды әртараптандыру жолдарын талқылады. Қазақ тарапы шетелдік инвесторлар үшін қолайлы жағдай жасауға және жетекші америкалық компаниялардың қатысуымен бірлескен жобаларды іске асыруға бейілділігін растады.Сапар аясында АҚШ заң шығару органдарының өкілдерімен кездесулер ерекше маңызға ие болды. Сенаттың Халықаралық қатынастар комитетінің төрағасы Джеймс Ришпен кездесуде қазақ-америкалық стратегиялық серіктестігінің маңыздылығы мен парламентаралық диалогты жандандыру қажеттігі аталып өтті. Сенатор Риш Қазақстанның сындарлы сыртқы саяси бағытын жоғары бағалап, екіжақты қарым-қатынастарды одан әрі тереңдетуге ниетті екенін білдірді.М.Нұртілеу сондай-ақ ҚР-АҚШ парламентаралық кокусының тең төрағасы, конгрессмен Роберт Адерхольтпен және Өкілдер палатасының Сауда жөніндегі кіші комитетінің мүшесі Кэрол Миллермен жеке кездесулер өткізді. Келіссөздер барысында америкалық заң шығарушылар Джексон-Вэник түзетулерінің Қазақстанға қатысты күшін жоюға қолдау көрсетуге дайын екенін білдірді. Бұл шешім екі ел арасындағы сауда-экономикалық ынтымақтастықты одан әрі тереңдетуге ықпал ететін болады.Сапар қорытындысы бойынша жан-жақты ынтымақтастықты нығайтуға және жаңа бірлескен бастамаларды іске асыруға бағытталған нақты уағдаластықтарға қол жеткізілді. Бұл қазақ-америкалық стратегиялық серіктестігінің барлық негізгі бағыттар бойынша дәйекті дамуын айғақтайды. Қытай Халық Республикасы Төрағасының Астанаға жұмыс сапары туралы2025 жылғы 16-17 маусымда Қазақстан Республикасының Президенті Қасым-Жомарт Тоқаевтың шақыруымен Қытай Халық Республикасының Төрағасы Си Цзиньпиннің Астана қаласына жұмыс сапары өтеді.Сапар барысында жоғары деңгейдегі екіжақты келіссөздер өткізу жоспарлануда. Қазақстан мен Қытай арасындағы жан-жақты стратегиялық серіктестікті тереңдету, сауда-экономикалық және инвестициялық ынтымақтастықты кеңейту, көлік-логистикалық байланыстарды нығайту, сондай-ақ гуманитарлық алмасу мәселелері талқыланады.Индустрияландыру, инновациялар және «жасыл» экономиканы дамыту салаларындағы өзара іс-қимыл, сондай-ақ екі елдің стратегиялық бастамаларын өзара ұштастыру мәселелеріне ерекше көңіл бөлінеді.Сонымен қатар мемлекет басшылары «Орталық Азия – Қытай» екінші саммитіне қатысады. Саммит барысында өңірлік ынтымақтастықты ілгерілету, орнықты даму, қауіпсіздікті қамтамасыз ету және трансшекаралық сын-тегеуріндерге бірлескен ден қою мәселелері бойынша пікір алмасу көзделіп отыр. «Қытай – Орталық Азия» индустриялық-инвестициялық ынтымақтастық форумы туралыБүгін, 2025 жылғы 16 маусымда Астана қаласында «Қытай-Орталық Азия» индустриялық-инвестициялық ынтымақтастықтың екінші форумы өтуде. Форум жұмысына қазақ делегациясын Қазақстан Республикасы Премьер-министрінің бірінші орынбасары Роман Скляр, ал қытай тарапын ҚХР Даму және реформалар жөніндегі мемлекеттік комитеті төрағасының орынбасары Чжоу Хайбин бастап келеді. Іс-шараға Орталық Азия елдерінің ресми өкілдері қатысуда.Форум аясында салалық сарапшылардың қатысуымен IT, көлік және логистика, агроөнеркәсіптік кешен мен тау-кен металлургия салаларына арналған панельдік сессиялар өткізіліп, коммерциялық құжаттарға қол қою жоспарланған.Аталған форумның алғашқы отырысы 2023 жылғы 16 ақпанда Қытайдың Циндао қаласында гибридті форматта өткен болатын. Іс-шараны ҚХР Даму және реформалар жөніндегі мемлекеттік комитеті мен Шаньдун провинциясының халық үкіметі ұйымдастырған. Оның қорытындысы бойынша «Қытай – Орталық Азия» индустриялық-инвестициялық ынтымақтастық жөніндегі Циндао бастамасы және «Ынтымақтастықтың табысты мысалдары» каталогы қабылданды.Форум 2022 жылғы 25 қаңтарда қабылданған «Орталық Азия және Қытай мемлекеттері басшыларының бірлескен мәлімдемесіне» сәйкес, «Қытай – Орталық Азия» форматындағы индустриялық-инвестициялық ынтымақтастық платформасын дамытуға бағытталған уағдаластықтар шеңберінде жүзеге асырылуда. Бұл бастама дипломатиялық қатынастардың орнағанына 30 жыл толуына орай қабылданған шешімдердің жалғасы. «Орталық Азия – Қытай» екінші саммиті туралы2025 жылғы 17 маусымда Астана қаласында Қазақстан Республикасының Президенті Қасым-Жомарт Тоқаевтың төрағалығымен «Орталық Азия – Қытай» форматындағы екінші саммит өтеді.Іс-шараға Қазақстан, Қырғызстан, Тәжікстан, Түрікменстан және Өзбекстан президенттері, сондай-ақ Қытай Халық Республикасының Төрағасы Си Цзиньпин қатысады.Саммит аясында өңірлік өзара іс-қимылды нығайту, саяси диалогты кеңейту, сауда-экономикалық байланыстарды тереңдету, көлік-транзиттік ықпалдастықты, энергетика, инновациялар мен тұрақты даму салаларын дамыту мәселелері талқыланатын болады.Өңірлік қауіпсіздікті қамтамасыз ету, трансұлттық сын-қатерлерге қарсы күрестегі бірлескен күш-жігерді үйлестіру, сондай-ақ мәдени-гуманитарлық алмасуларды ілгерілету мәселелеріне ерекше назар аударылады.Саммит қорытындысы бойынша Астана декларациясына және Мәңгілік достық, тату көршілік және ынтымақтастық туралы шартқа қол қою жоспарланып отыр. Бұл құжаттар тараптардың өзара құрмет, сенім мен ортақ жауапкершілік қағидаттарына негізделген жан-жақты серіктестікті одан әрі тереңдетуге бейілділігін бекітеді. Қазақстан Республикасы Премьер-министрінің бірінші орынбасарының Санкт-Петербург Халықаралық экономикалық форумына қатысуы туралы2025 жылғы 18-21 маусым аралығында Санкт-Петербург қаласында Петербург Халықаралық экономикалық форумы (ПМЭФ-2025) өтеді. Форум жұмысына Қазақстан Республикасы Премьер-министрінің бірінші орынбасары Роман Скляр бастаған қазақ делегациясы қатысады.Аталған Форум дәстүрлі түрде Ресей мен басқа мемлекеттердің мемлекеттік құрылымдары, іскер топтары мен сарапшылық қауымдастығы арасындағы диалог үшін беделді халықаралық алаң ретінде танылған.ПМЭФ-2025-тің басты бағыты – жаһандық турбуленттілік жағдайында даму үшін ортақ бағдарларды әзірлеу, өзара іс-қимылдың қазіргі модельдерін қайта қарау және орнықты даму қағидаттарын қалыптастыру. БҰҰ стипендиаттарының қарусыздану саласындағы Қазақстанға сапары туралы2025 жылғы 18-22 маусым аралығында Біріккен Ұлттар Ұйымының қарусыздану саласындағы бағдарламасына қатысушылардың Қазақстан Республикасына танысу сапары өтеді.Аталған бағдарлама БҰҰ Қарусыздану мәселелері жөніндегі басқармасының қолдауымен жүзеге асырылып, әртүрлі елдерден келген жас мамандарды даярлауға бағытталған. Бағдарламаға қатысушылардың кәсіби қызметі болашақта қарусыздану, жаппай қырып-жоятын қаруды таратпау және халықаралық қауіпсіздік салаларымен тығыз байланысты болмақ.Сапар барысында стипендиаттар Қазақстанның жаһандық және өңірлік қауіпсіздікті қамтамасыз етуге бағытталған негізгі бастамаларымен, оның ішінде бейбітшілік, сенім және ядролық қарусыздану идеяларын ілгерілетудегі көшбасшылық рөлімен танысады. Бағдарлама шеңберінде олар Абай облысындағы Курчатов қаласында орналасқан Қазақстан Республикасының Ұлттық ядролық орталығына барып, сондай-ақ ядролық қарусыздану жолындағы халықаралық күш-жігердің символына айналған бұрынғы Семей ядролық сынақ полигонының аумағына барады.Аталған сапар – осы бағдарлама аясында Қазақстанда өткізілетін жетінші іс-шара болып табылады. Бұған дейін мұндай таныстыру сапарлары 2013, 2015, 2017, 2019, 2022 және 2023 жылдары өткен болатын. Бұл – халықаралық қоғамдастықтың Қазақстанның бейбітшілікті, тұрақтылықты және ядросыз әлем құру ісіндегі тәжірибесіне тұрақты түрде қызығушылық танытып отырғанының айғағы. Ұжымдық қауіпсіздік туралы шарт ұйымы Қауіпсіздік кеңесі хатшылары комитетінің отырысы және ҰҚШҰ-ның киберқауіпсіздік жөніндегі халықаралық конференция туралы2025 жылғы 19 маусымда Қырғыз Республикасының Шолпан-Ата қаласында Ұжымдық қауіпсіздік туралы шарт ұйымы (ҰҚШҰ) Қауіпсіздік кеңестері хатшылары комитетінің кезекті отырысы өтеді. Іс-шараға Қазақстан Республикасының делегациясын Қауіпсіздік Кеңесінің Хатшысы Ғизат Нұрдәулетов басқарады.Кездесу барысында ҰҚШҰ жауапкершілік аймағындағы қазіргі заманғы қауіп-қатерлерге қарсы іс-қимылдың өзекті мәселелері қаралады. Атап айтқанда, халықаралық терроризмге, есірткі айналымының заңсыздығына, заңсыз көші-қонға қарсы күрес, сондай-ақ мүше мемлекеттердің киберқауіпсіздігін қамтамасыз етуге бағытталған шаралар талқыланбақ.Отырыс қорытындысы бойынша ҰҚШҰ аясындағы өзара іс-қимыл тетіктерін одан әрі жетілдіруге және ұжымдық қауіпсіздік саласындағы үйлестіруді күшейтуге бағытталған бірқатар құжаттарға қол қою жоспарлануда.Сол күні Ғ.Нұрдәулетов ҰҚШҰ-ның киберқауіпсіздік жөніндегі халықаралық конференциясына қатысады. Халықаралық салалық ұйымдар мен сараптамалық қауымдастықтың өкілдері қатысатын бұл іс-шарада киберқауіпсіздікті қамтамасыз етудегі халықаралық ынтымақтастық, осы саладағы құқықтық реттеу, сондай-ақ жасанды интеллектті қоса алғанда, заманауи цифрлық технологиялардың жаһандық және өңірлік қауіпсіздікке ықтимал әсері мәселелері қаралады. Ислам ынтымақтастығы ұйымының Сыртқы істер министрлері кеңесінің 51-ші сессиясы туралы2025 жылғы 21-22 маусым аралығында Ыстамбұл қаласында «Өзгермелі әлемдегі Ислам ынтымақтастығы ұйымы» тақырыбымен Ислам ынтымақтастығы ұйымының (Ұйым) Сыртқы істер министрлері кеңесінің 51-ші сессиясы өтеді.Сессия жұмысына Қазақстан Республикасының Премьер-министрінің орынбасары – Сыртқы істер министрі Мұрат Нұртілеу бастаған ресми делегация қатысады.Іс-шара барысында ислам әлеміндегі қазіргі саяси жағдай, мүше мемлекеттер арасындағы мемлекетаралық өзара іс-қимылды нығайту, сондай-ақ сауда-экономикалық, мәдени және гуманитарлық ынтымақтастықты дамыту жолдары талқыланады.Халықаралық қауіпсіздік, қарусыздану саласындағы бастамаларды ілгерілету, исламофобия мен дінді қорлауға (диффамация) қарсы күрес, сондай-ақ әлемнің түрлі өңірлеріндегі мұсылман азшылықтарының құқықтары мен жағдайына ерекше назар аударылатын болады.Күн тәртібіндегі маңызды мәселелердің бірі – ұйымның институционалдық реформасын жалғастыру және қазіргі геосаяси жағдайда Ұйымның тиімділігін арттыруға бағытталған нақты шараларды қарастыру.Ақпарат көзі : https://www.gov.kz/memleket/entities/mfa/press/news/details/1017991?lang=kk

 "Ауыл құтқарушылары" республикалық бағдарламасы аясында Ұзынкөл ауданына 5 текше метр цистернамен жабдықталған жаңа өрт сөндіру көлігі — КАМАЗ 5-40 келіп түсті.Арнайы техника Пресногорьков ауылдық округінде орналасқан жергілікті атқарушы органның өрт сөндіру бекетіне берілді.Күрделі жол жағдайлары, шалғай ауылдарға апаратын маршруттардың нашар өтуі және аудан орталығынан қашықтығы өрттер мен басқа да төтенше жағдайларға уақтылы ден қоюды қиындатады. Өрт қаупі жоғары және аумақтық қашықтық жағдайында техниканы жаңғырту мәселесі ерекше өзекті болды.Жаңа машина жауап беру тиімділігін едәуір арттыруға, орман алқаптарын, сондай-ақ 2000-нан астам тұрғыны бар жеті елді мекенді қорғауды күшейтуге арналған.Ауылдық округтерге келіп түсетін заманауи жарақтандыру өңірдің шалғайдағы елді мекендерінде қауіпсіздікті нығайтуға жасалған маңызды қадам болып табылады. Қостанай облысы ТЖДАқпарат көзі : https://www.gov.kz/memleket/entities/emer-kostanay/press/news/details/1017994?lang=kk

 «Әлия – ғұмыр» атты шараға облыс әкімі Асхат Шахаров пен Қазақстан Республикасы Президентінің кеңесшісі Мәлік Отарбаев қатысты. Көпшілікке айырықша әсер қалдырған визуалды бейнелер шоуы аңыз тұлғаның мерейтойын атап өтуде ұмытылмастай әсер сыйлады. Мерейтойдың басты салтанаты «Қазақ халқына мың алғыс» стеласы алаңында өтті. Көпшілік керемет кештің куәсі болды. Сахна төрінде жергілікті өнерпаздар мен арнайы шақыртумен келген эстрада жұлдыздары мен әртістер өнер көрсетті. Аллаберген Жақсыбаев, Рита және Дулат Айтжановтар, Қанат пен Светлана Айтбаевтар, Мирас пен Құралай Бекжановтар, Марат Әйтімов, Әлихан Зейнолла және өзге де өнерлі жерлестеріміз бар. Жұлдыздар саханаға шықпас бұрын, телекөпір арқылы байланысқа шығып, ақтөбеліктерге жылы лебіздерін арнады. Содан соң, өнер иелері сахнада көптің жүрегін жаулаған сүйікті әндердіорындады.Көпке танымал әнші Садраддин, қазақ өнерінің аңызға айналған тұлғасы Роза Рымбаеваның ән шырқауы мереке көркін одан әрі қыздырды. Садраддин «Үйге», «Қанша күн?», «Бақыт», «Жауап бар ма?» көпке белгілі хит әндерін орындаса, халық әртісі Роза Рымбаева көрерменнің сүйікті «Любовь настала», «Сол бір кездер», «Шақырады көктем», «Балдәурен» әндерін шырқады. Кеш әншінің орындауындағы батырлықтың нышанын әспеттейтін «Әлия» әнімен қорытындыланды.  Ал Ақтөбе аспанына синхронды түрде көтерілген 550 дана дронның шоуы таңғажайып көріністерді бейнеледі. Көпшілік Әлия Молдағұлова, Димаш Құдайберген, Ақтөбе өңірінің көрікті жерлерін және өзге де визуалды композицияларды тамашалады. Ел байрағы көрсетілгенде, 40 мыңнан аса көрермен Мемлекеттік Гимнді бір мезетте орындады. Жарық шоу лазермен және әсем әуендермен сүйемелденді. Дрондар шоуын Aspan Galaxy ұсынды. Жыл басынан бері Әлия Молдағұлованың 100 жылдығына арналған іс-шаралар тарихымыз бен мәдениетіміз үшін бірлік пен мақтаныштың нағыз символына айналды. Екі күнге жалғасқан мерейтойлық шаралар ауқымды бағдарламамен аяқталды. Оның аясында спорттық жарыстар, мерекелік концерттер, театрландырылған қойылымдар және Батыр ескерткіштеріне гүл шоқтарын қою рәсімдері өтті. Бұл шаралар облыс тұрғындары мен қонақтардың басын біріктірді, жастарға рух берді және баршаға қазақтың мерген қызының ұлы өшпес ерлігін еске салып, оның келер ұрпаққа мәңгілік бағдар болып қала беретінін көрсетті.Әлия Молдағұлованы ұлықтау және оған деген құрмет ақтөбеліктердің жүрегінде мәңгіге сақталмақ, ал мерейтойлық іс-шаралар жерлесіміздің өшпес мұрасының жарқын айғағына айналды.Ақпарат көзі : https://www.gov.kz/memleket/entities/aktobe/press/news/details/1017495?lang=kk

2025 жылғы 12 маусымда Екібастұз қалалық мәслихатының төрағасы Нияз Макраев тұрғын үй инспекциясы бөлімі басшысының міндетін атқарушы Е. Е. Ақылтаевпен бірлесіп азаматтарды жеке қабылдауды өткізді. Төрағаның қабылдауына Бауыржан Момышұлы көшесіндегі көппәтерлі тұрғын үйдің тұрғыны жүгінді. Азамат шатырды жөндеу қажеттілігі туралы хабарлады және осы мәселені шешуге көмек сұрады. Қабылдау барысында өтініш берушіге жөндеу жұмыстарын жүргізудің ықтимал тетіктері, соның ішінде тұрғындар арасында нысаналы алымдарды ұйымдастыру туралы толық түсініктемелер берілді. Қабылдау қорытындысы бойынша мәслихат төрағасы жақын арада тұрғын үй инспекциясы бөліміне шатырды жөндеуге арналған мақсатты алымды қалыптастыру тәртібін түсіндіру мақсатында үй тұрғындарымен жиналыс ұйымдастыруды ұсынды. Жиналысқа мәслихат төрағасы Нияз Макраев те қатысады. Белгіленген мәселе бақылауға алынды және оны шешу бойынша жұмыс белгіленген тәртіппен жалғастырылатын болады.Ақпарат көзі : https://www.gov.kz/memleket/entities/maslihat-pavlodar-ekibastuz/press/news/details/1017998?lang=kk

Қарағанды облысында алғаш рет ауладағы балаларға арналған ойын алаңдарында бейнекамералар орнатыла бастады. Алғашқылардың бірі болып жақсы үрдісті Балқаш коммуналдық қызметкерлері бастады. Бұл жерде бейнебақылау жүйесі әзірге төрт аумақта пайда болды, ал болашақта көпқабатты үйлердің жанындағы 44 алаңды қамту жоспарланған.Тұрғындар жаңашылдыққа дән риза. Ең алдымен бұл балалардың серуендеу кезіндегі қауіпсіздігі. Сондай-ақ бейнебақылау тазалық пен тәртіпті жақсы қадағалауға көмектеседі, бұзу немесе қирату жағдайларын қысқартуға мүмкіндік береді.Бұл бастаманы «Балқаш универсал» ЖШС ұсынды.-  Бізді тұрғындардың бірнеше мәрте өтініштері түрткі етті. Жыл сайын қалада балалар алаңдарын абаттандыруға бюджет қаражаты көп жұмсалады. Олардың сақталуын қамтамасыз ету, тазалық пен тәртіпті сақтау маңызды. Біз алаңдарға қызмет көрсетуді жоспарлап отырмыз, - дейді кәсіпорын директоры Олжас Сармантаев.Бейнекамералар орнатылған мекен-жайлар: Сәбитова ықшам ауданы, 2 үй; Бөкейханов көшесі, 7А үйі; Сванқұлов кварталы, 6 үй; Калмыков тұйық көшесі, 4 үй. Әрбір балалар алаңына жауапты адам тағайындалады - бұл міндетті ПИК төрағасы атқаратын болады. Ол арнайы мобильдік қосымша арқылы бейнебақылау жүйесіне қосыла алады - онлайн режимде болып жатқан оқиғаларды қадағалап, қажет болған жағдайда жедел шаралар қабылдайды.Балқаш қаласының тұрғын үй қатынастары және тұрғын үй инспекциясы бөлімінің басшысы Оңалбек Мәдіғалиевтің айтуынша, қаладағы қалған балалар алаңдарына да бейнекамералар орнату үшін барлық ПИК-термен жұмыс жүргізіледі.Ақпарат көзі : https://www.gov.kz/memleket/entities/karaganda/press/news/details/1017999?lang=kk

            Партиялық бақылау мақсатында аудандық мәслихат депутаты С. Уабов "AMANAT" партиясы аудандық филиалының атқарушы хатшысы Г. Қалижановамен бірлесіп Қызылағаш ауылындағы мәдени-демалыс орталығының құрылыс барысымен танысты. Алдағы уақытта мониторинг жалғасатын болады. Ақпарат көзі : https://www.gov.kz/memleket/entities/maslihat-pavlodar-ertis/press/news/details/1018000?lang=kk

      Елімізде мемлекеттік қызмет қоғам өмірінде ерекше рөл атқарады. Ол қоғамның тыныс-тіршілігін қамтамасыз етуді және қоғамдық мүдделерді ең үздік және тиімді тәсілмен қанағаттандыруды білдіреді. Яғни, ел мүддесіне адалдық, оның алдындағы борышын сезіну сияқты мызғымас құндылықтар мемлекеттік қызметті атқару ерекшеліктерімен және «Адал азамат» идеалдарымен тығыз байланысты. Бұл жерде мемлекеттік қызметшілердің қызметінде мүдделер қақтығысына жол бермеу мәселесі ерекше назарда. Мемлекеттік қызмет туралы заңнамаға сүйенсек, мүдделер қақтығысы - мемлекеттік қызметшінің жеке басының мүдделері өзінің лауазымдық өкілеттіктерін орындамауына әкеп соғуы мүмкін оның лауазымдық өкілеттіктері арасындағы қайшылық болып табылады. Оған қоса, мемлекеттік қызметшілерінің Әдеп кодексімен мемлекеттік қызметшілердің мүдделер қақтығысын болдырмау талаптары қойылады. Ал, егер мүдделер қақтығысы орын алған болса, мемлекеттiк қызметшiнің лауазымдық міндеттерін жүзеге асыруына тыйым салынады. Мемлекеттiк қызметшi туындаған мүдделер қақтығысы немесе оның туындау мүмкiндiгi туралы өзiне белгiлi болған сәтте өзiнiң тiкелей басшысын немесе мемлекеттiк органның басшылығын ол жөнінде жазбаша түрде хабардар етуге мiндеттi. Олар өз тараптарынан мүдделер қақтығысын реттеу бойынша уақытылы шараларды қабылдауға, оның iшiнде:- мемлекеттiк қызметшiнiң лауазымдық өкілеттіктерін атқаруды басқа қызметшіге тапсыруға;- лауазымдық мiндеттерiн өзгертуге;- мүдделер қақтығысын жою жөніндегі өзге де шараларды қабылдауға тиіс.Мемлекеттiк қызметшi, оның тiкелей басшысы және мемлекеттiк органның басшылығы өздерiне белгiлi болған мүдделер қақтығысы жағдайларын болғызбау және реттеу жөніндегі шараларды қабылдамағаны үшiн тәртiптiк жауаптылықта болады. Осыған қарамастан, Павлодар облысында 4 мемлекеттік органдардың бірінші басшыларымен мүдделер қақтығысына жол беру фактісі орын алып, аталған тұлғаларға қатысты тиісті тәртіптік шаралар қолданылды, сондай-ақ барлық фактілер бойынша мүдделер қақтығысын жою бойынша шаралар қабылданды. Көрсетілген тұлғалар жұмысқа өзінің туыстарын алып, мүдделер қақтығысын болғызбау жөніндегі шараларды мүлдем қабылдамаған және тікелей басшыларына хабарламаған. Мемлекеттік қызметтегі мүдделер қақтығысының тағы бір жарқын мысалы ретінде туысқандардың бір органда мемлекеттік лауазымда қызмет атқаруын айтуға болады. Атап айтқанда, Павлодар облысында 42 мемлекеттік қызметшілердің бір мемлекеттік орган аясында туыстық қарым-қатынас болуы фактілері анықталды. Бұл арада, 38 мемлекеттік қызметшілер арасында мүдделер қақтығысының орын алу белгілері байқалмайды, яғни 20 мемлекеттік қызметшілер әртүрлі құрылымдық бөлімдерде қызмет атқарса, 18 қызметші басқа мемлекеттік қызметшінің қызмет ету саласына әсер ете алмайды. Өз кезегінде, 4 мемлекеттік қызметшілер тікелей мүдделер қақтығысының болуына байланысты жұмыстан шығарылғаны туралы атап өту қажет. Осы орайда, мемлекеттік қызметшілермен мүдделер қақтығысын болдырмау және реттеу мемлекеттік қызметтегі адал ниеттілік, адалдық және әділдік қағидаттарына, сондай-ақ Ұлы Абайдың «Толық адам» ілімінен бастау алатын «Адал азамат» тұжырымдамасымен сәйкес келеді.                                                                Қазақстан Республикасы                                                               Мемлекеттік қызмет істері                                                               агенттігінің Павлодар облысы                                                                 бойынша департаментінің                                                               басшысы -                                                               Әдеп жөніндегі кеңес төрағасы                                                               А. Б. ИскендировАқпарат көзі : https://www.gov.kz/memleket/entities/maslihat-pavlodar-ertis/press/news/details/1018003?lang=kk

📢 Құрметті Шемонаиха қалаларының тұрғындары!2025 жылғы 1–30 маусым аралығында Ұлттық ауыл шаруашылығы санағына дайындық аясында листинг кезеңі – яғни, тұрғын үйлерді алдын ала аралау жұмыстары жүргізіледі.Мақсат - өсірілетін дақылдар немесе төрт түлік туралы ақпаратты нақтылау. Санақ жүргізетін қызметкерлер көрсетілген мекенжайларға барып, негізгі санаққа қатысатын үй шаруашылықтарының тізімін өзектендіреді.Листинг - бұл санақ емес, бірақ санақтың дәл әрі тиімді өтуі үшін қажет дайындық кезеңі.Ұлттық статистика бюросының барлық өкілінің бейдж-куәлігі мен планшеті болады.📞 Сұрақтар бойынша 1446 байланыс орталығына қоңырау шалыңыз немесе sanaq.gov.kz сайтына кіріңіз.Ынтымақтастығыңыз үшін рақмет!Ақпарат көзі : https://www.gov.kz/memleket/entities/vko-shemonaiha-shemonaiha/press/news/details/1018005?lang=kk