Посмотреть эту публикацию в Instagram           Публикация от Ассоциация молодых депутатов (@associationpvl) Ақпарат көзі : https://www.gov.kz/memleket/entities/maslihat-pavlodar-obl/press/news/details/984908?lang=kk

Ақпарат көзі : https://www.gov.kz/memleket/entities/turkestan-tolebi-audany/press/news/details/984943?lang=kk

    Мемлекеттік қызметтерді цифрлық форматта алу мүмкіндігі: Бозой ауылдық округіндегі “Өз-өзіне қызмет көрсету бұрышының” жұмысы  Қазақстан Республикасының «Мемлекеттік қызметтер туралы» Заңын іске асыру мақсатында, мемлекеттік қызмет көрсету сапасын арттыру және азаматтардың мемлекеттік қызметтерге қолжетімділігін қамтамасыз ету үшін Шалқар ауданы, Бозой ауылдық округі әкімі аппаратында “Өз-өзіне қызмет көрсету бұрышы” жұмыс істеуде.  “Өз-өзіне қызмет көрсету бұрышы “– азаматтарға электрондық үкімет порталы (www.egov.kz), e-Otinish электрондық өтініштер жүйесі, E-license порталы және басқа да электрондық сервистер арқылы мемлекеттік қызметтерді өздігінен алу мүмкіндігін ұсынатын арнайы жабдықталған орын болып табылады. Бұрыш барлық қажетті техникалық құралдармен – компьютермен, интернет желісімен, сканер және принтермен толық қамтамасыз етілген.Ауыл тұрғындары өз-өзіне қызмет көрсету бұрышында электрондық цифрлық қолтаңба (ЭЦҚ) алу, әртүрлі анықтамалар мен куәліктерге тапсырыс беру, мемлекеттік тіркеу және әлеуметтік қызметтерге өтініш жолдау сияқты қызметтерді өздігінен ала алады. Сонымен қатар, қажет болған жағдайда Бозой ауылдық округі әкімі аппаратының жауапты қызметкерлері азаматтарға әдістемелік көмек көрсетеді.Бұрыштың негізгі мақсаты – тұрғындардың мемлекеттік қызметтерді алуын жеңілдету, уақыт пен қаржы шығындарын азайту, сондай-ақ электрондық қызметтерді пайдалануға үйрету арқылы халықтың цифрлық сауаттылығын арттыру.Бүгінгі күні тұрғындар “Өз-өзіне қызмет көрсету бұрышы” арқылы 700-ден астам мемлекеттік қызмет түрін электрондық форматта алуға мүмкіндік алып отыр. Бұл ауыл тұрғындарына аудан орталығына немесе басқа мемлекеттік органдарға бармай-ақ, қажетті қызметтерді орнында шешуге мүмкіндік береді.Бозой ауылдық округі әкімі аппараты “Өз-өзіне қызмет көрсету бұрышы” арқылы мемлекеттік қызметтерді алу мүмкіндігін пайдалану әрбір азаматтың өмірін жеңілдететінін атап өтеді және ауыл тұрғындарын осы мүмкіндікті белсенді пайдалануға шақырады.Мемлекеттік қызметтер – қолжетімді, ашық және сапалы болуы тиіс. Уақытыңызды үнемдеңіз, электрондық қызметтерді пайдаланыңыз!Бозой ауылдық округі әкімі аппаратыАқпарат көзі : https://www.gov.kz/memleket/entities/aktobe-shalkar-bozoy/press/news/details/985047?lang=kk

    2025 жылдың 24 - сәуір күні Аягөз аудандық оқу, ғылыми,  ұйымдастырушылық әдістемелік кабинетінің математика пәні әдіскері К. А. Тусипованың және математика пәні қауымдастығының жылдық жоспарына сәйкес  "Мектеп жанындағы интернаты бар жалпы орта білім беретін №6 мектебі" КММ -де "Жас маманның ізденісі - сапалы білім кепілі" атты аудандық  жас мамандар семинары өтті. Семинар мақсаты: жас мамандардың кәсіби құлшынысы арттыру, топпен жұмыс жасауға бейімдеу, жігерлендіру.   Семинар барысында "Тарбағатай  жалпы орта білім беретін  мектебі" КММ математика пәні мұғалімі Берікова Жансұлу  Берікқызы  6 "А" сыныбында "Екі айнымалысы бар сызықтық теңдеулер " тақырыбында және "№4 жалпы орта білім беретін аралас  мектебі" КММ  математика пәні мұғалімі Қапасов Досжан Қахарманұлы  5 "А" сыныбында "Бұрыш" тақырыбында ашық сабақ өткізді.Ақпарат көзі : https://www.gov.kz/memleket/entities/ayagoz-roo/press/news/details/985272?lang=kk

Бүгін Шалқар аудандық қоғамдық кеңесінің отырыс өтті.Қоғамдық кеңес отырысының жұмысына кеңес мүшелері қатысты.Қоғамдық кеңес отырысынң күн тәртібіне сәйкес:1)Қоғамдық кеңестің төралқасын сайлау;2)Қоғамдық кеңес мүшелерін қала,ауылдық округтерге бекіту туралы;3)Қоғамдық кеңестің 2025 жылдың II,III,IV тоқсандарына арналған жұмыс жоспарын бекіту туралы.Отырыс соныңда бірқатар ұсыныстар айтылып,тиісті шешімдер қабылдандыАқпарат көзі : https://www.gov.kz/memleket/entities/maslihat-shalkar/press/news/details/985292?lang=kk

2025 жылдың I тоқсанының қорытындысы бойынша 1940 азаматқа зиянды еңбек жағдайларында ұзақ уақыт жұмыс істеген адамдарға арналған арнаулы әлеуметтік төлем тағайындалды. Аталған төлемді тағайындауға жалпы 1957 адам өтініш білдірген, деп хабарлайды ҚР Еңбек және халықты әлеуметтік қорғау министрлігі.Екі көзден төленетін арнаулы әлеуметтік төлемге (республикалық бюджет және Бірыңғай жинақтаушы зейнетақы қоры) 128 адам жүгінді, оның 127-не арнаулы әлеуметтік төлем тағайындалды.Төрт қаржыландыру көзінен берілетін АӘТ (республикалық бюджет, Бірыңғай жинақтаушы зейнетақы қоры, жұмыс беруші және өмірді сақтандыру ұйымы) тағайындауға 1829 адам өтініш білдіріп, оның 1813-іне тағайындалған.Міндетті шартқа сәйкес келмеуіне байланысты 1 өтініш берушіге АӘТ тағайындаудан бас тартылды, сондай-ақ 16 азаматтың өтініштері қарау сатысында тұр.Сондай-ақ, 74 азамат сақтандыру компаниясымен зейнеткерлік алдындағы аннуитет шартының жасалуын күтуде, 50 азамат СМС хабарламаға жауап бермеген.Өңірлер бөлінісінде арнаулы әлеуметтік төлемге өтініш білдіргендердің ең көп саны Қарағанды (2 көзден – 17 адам, 4 көзден – 217 адам), Шығыс Қазақстан (2 көзден – 16 адам, 4 көзден – 180 адам) және Қостанай (2 көзден – 2 адам, 4 көзден – 180 адам) облыстарында тіркелді.2024 жылдың 1 қаңтарынан бастап Қазақстанда зиянды еңбек жағдайларында ұзақ уақыт жұмыс істеген адамдарға арнаулы әлеуметтік төлем енгізілді.Арнаулы әлеуметтік төлем тағайындау үшін 55 жасқа толу және Бірыңғай жинақтаушы зейнетақы қорында кемінде 7 жыл кәсіптік зейнетақы аударымдарының болуы міндетті шарттар болып табылады. Төлем зейнеткерлік жасқа дейін төленеді. Арнаулы әлеуметтік төлемдерді алу үшін еңбек жағдайлары зиянды жұмыстармен айналыспауға тиіс. Жұмыскерлер жеңілірек жұмысқа ауыса алады, содан кейін олар жалақы мен төлем алады немесе демалысқа шығып, зейнетке шыққанға дейін арнаулы әлеуметтік төлем алады.ҚР Әлеуметтік кодексіне сәйкес жұмыс берушілер кәсіптері мен қызмет түрлері Еңбек жағдайлары зиянды жұмыстармен айналысатын жұмыскерлердің, өндірістердің, жұмыстардың, кәсіптердің тізбесіне енгізілген жұмыскерлер үшін міндетті кәсіптік зейнетақы жарналарын аударады, олардың 2,3 мыңнан астам позициясы бар. Осылайша, арнаулы әлеуметтік төлемді экономиканың 17 саласында, оның ішінде тау-кен өндіру және өңдеу өнеркәсібінде және өзге де салаларда жұмыс істейтін қазақстандықтар ала алады.2024 жылдың қорытындысы бойынша АӘТ 13 568 азаматқа, оның ішінде 2 көзден – 3 093 алушыға, 4 көзден – 10 475 алушыға тағайындалды. Төлемнің орташа мөлшері 208 мың теңгеден асты.Ақпарат көзі : https://www.gov.kz/memleket/entities/aktobe-shalkar-bozoy/press/news/details/985429?lang=kk

Жамбыл облысы Шу аудандық мәслихаты тұрақты комиссияларының жұмыс жоспарларына сәйкес 2025 жылғы 28 сәуір  күні комиссиялардың бірлескен отырысы өтті.          Отырысқа мәслихат төрағасы Ж. Әбенов, аудан әкімінің орынбасарлары Н.Сұлтанбаев, С.Пернеш,  ауданның қоғамдық кеңесінің төрағасы Т.Әрістеев,  жекелеген әкімдік бөлімдерінің басшылары,  мекеме басшылары, Шу қаласы, ауылдық округтердің әкімдері қатысты.Бірлескен отырысты тұрақты комиссия төрағасы М.Сұлтанғазиев жүргізіп отырды.Отырыстың күн тәртібінде 2 мәселе қаралды:«Дипломмен ауылға» бағдарламасының орындалу барысы туралы.«Ауданда шағын, орта және ірі кәсіпкерлікті қолдау бойынша жүргізіліп жатқан жұмыстар туралы».Күн тәртібіндегі  бірінші мәселе бойынша аудан әкімдігінің экономика және бюджеттік жоспарлау бөлімінің басшысы Д.Ақылбекова есеп берді. Есепті талқылау барысында депутаттар Н.Разимбеков, А.Айтжанов, М.Маткаримов, А.Комаев, Б.Ниязбеков сұрақтар қойды, оларға тиісті жауаптар қайтарылды.Күн тәртібіндегі екінші мәселе бойынша аудан әкімдігінің кәсіпкерлік және өнеркәсіп бөлімінің басшысы Ж.Нұрғалиев ауданда кәсіпкерлікті қолдау бойынша атқарылып жатқан жұмыстар бойынша есеп беріп, әлеуметтік маңызы бар азық-түлік бағаларын тұрақтандыру мәселесінде орын алып отырған проблемаларға тоқталды.Қаралып отырған мәселе бойынша мәслихат депутаттары Н.Разимбеков, Б.Ниязбеков, А.Айтжанов, А.Комаев, Ұ.Абуов сұрақтар қойып, ұтымды ұсыныстар айтты. Мәслихат депутаттары ауданда әлеуметтік маңызы бар азық-түлік бағаларын тұрақтандыру мақсатында облыстағы тұрақтандыру қорынан сапалы ұн және басқа азық-түлік түрлерін ауданға жеткілікті көлемде бөлдіру үшін облыс әкімдігіне, «Тараз» әлеуметтік-кәсіпкерлік корпарация басшылығына сұраныс хат жолдау жөнінде уағдаласты.Комиссияның бірлескен отырысын комиссия төрағасы қорытындылады және депутаттармен қаралған мәселелер бойынша тиісті қаулылар қабылданды.Осымен тұрақты комиссиялардың бірлескен отырысы өз жұмысын аяқтады. Ақпарат көзі : https://www.gov.kz/memleket/entities/maslihat-shu/press/news/details/985462?lang=kk

Қазақстанда ауыл шаруашылығы дақылдары егілген жалпы алаң 908,5 мың гектарға жетті, деп хабарлайды ҚР Ауыл шаруашылығы министрлігі.Қазіргі таңда егіс жұмыстары әсіресе елдің оңтүстік өңірлерінде қарқынды жүргізілуде. Алматы облысында — 123 мың гектар, Түркістан облысында — 263,5 мың гектар, Жамбыл облысында — 295,5 мың гектар, Қызылорда облысында — 33,4 мың гектар, Батыс Қазақстан облысында — 30,1 мың гектар, Атырау облысында — 2,7 мың гектар, Жетісу облысында — 142,2 мың гектар, ал Шымкент қаласында — 15,7 мың гектар жерге егін егілді.Дәнді дақылдар 459,4 мың гектарға, мал азықтық дақылдар 159,9 мың гектарға, көкөністер 46,9 мың гектарға, картоп 18,2 мың гектарға, бақша дақылдары 35,3 мың гектарға, майлы дақылдар 114 мың гектарға, ал мақта 43,9 мың гектарға егілді.Көктемгі дала жұмыстарының маңызды кезеңдері де орындалды: 10,7 млн гектар жерде ылғал жабылды, 2,5 млн гектарда себуге дейінгі топырақ өңдеу жүргізілді, 1,1 млн гектарда көктемгі жырту жұмыстары аяқталды.Ауыл шаруашылығы өндірушілерін қажетті ресурстармен қамтамасыз ету жұмыстары жалғасуда. Биыл тыңайтқыш енгізу жоспары 1,9 млн тоннаны құрайды. Қазіргі таңда 752,8 мың тонна тыңайтқыш сатып алуға келісімшарттар жасалып, оның 504,9 мың тоннасы жеткізілді. Сонымен қатар, 152,3 мың тонна дизель отыны жөнелтілді.Тұқым қажеттілігі 2,3 млн тоннаны құрайды. Оның ішінде 1,6 млн тоннасы сапа сараптамасынан өтіп, тексерілген тұқымдардың 99%-ы стандартқа сай деп танылды.Ауыл шаруашылығы маусымы белгіленген жоспарға сәйкес өтіп жатыр. Егіс науқанын сәтті аяқтау үшін барлық қажетті шаралар қабылданған.Ақпарат көзі : https://www.gov.kz/memleket/entities/aktobe-shalkar-bozoy/press/news/details/985443?lang=kk

2025 жылдың І тоқсанының қорытындысы бойынша Департаментке 661 өтініш келіп түсті, 2024 жылдың ағымдағы кезеңімен салыстырғанда өтініштердің жалпы санының өсуі 26,4%  құрады (2024 жылы 523 өтініш түсті).  Әкімшілік құқық бұзушылық бойынша жалпы сомасы 9 525 720 теңгеге 43 хаттама жасалды (2024 жылдың І тоқсанында жалпы сомасы 3 424 330 теңгеге 35 хаттама жасалды). Сондай-ақ, 2025 жылдың І тоқсанында 6 597 мемлекеттік қызмет көрсетілді, қызмет көрсетудің 60,8% - ға ұлғаюы байқалады (2024 жылдың І тоқсанында 4 103 қызмет көрсетілді).Шағымдардың жалпы санының үздіксіз өсуі медициналық ұйымдар деңгейінде пациенттерді қолдау және ішкі аудит қызметінің жұмысы тиімсіз екенін, ал халықтың көрсетілетін қызметтердің сапасына қанағаттану деңгейі жыл сайын төмендеп келе жатқанын көрсетеді.  Медициналық көмек көрсету сапасын жақсарту үшін Департамент Астана қаласы әкімдігінің базасында Қоғамдық денсаулық сақтау басқармасының, елорданың медициналық ұйымдарының бірінші басшыларының қатысуымен кеңес өткізді. Кеңес шеңберінде Департамент 2025 жылғы 1 тоқсандағы өтініштердің жалпы санының өсуі, сондай-ақ пациенттерді қолдау қызметі мен медициналық ұйымдардың ішкі аудиті жұмысының тиімділігі; медициналық ұйымдар деңгейінде тәуелсіз сараптама комиссиясын өткізу тәртібі мәселелерін;  медициналық және фармацевтикалық қызметті бақылау саласындағы әкімшілік іс жүргізу;  халықтың медициналық қызметтер көрсету сапасына қанағаттануы; дәрілік заттарды таңбалау; GPP және мемлекеттік қызметтер көрсету мәселелерін күн тәртібіне шығарды. Департамент басшысының м.а. Г. Габбасова келіп түскен өтініштер үшін Бірінші басшылардың дербес жауапкершілігіне назар аударды, сондай-ақ пациенттермен жұмыс кезінде этикалық нормаларды қатаң сақтау бойынша ұйымдардың медицина қызметкерлерімен профилактикалық жұмыс жүргізу қажеттігін атап өтті.Сондай-ақ, Департамент денсаулық сақтау саласында мемлекеттік қызметтер көрсету, тиісті дәріханалық практика GPP енгізу және өтініш беру мәселелері бойынша Ашық есік күндерін, ZOOM-кеңестер мен тікелей эфирлер өткізеді.Ақпарат көзі : https://www.gov.kz/memleket/entities/dkmfk-astana/press/news/details/985494?lang=kk

2025 жылғы 26 сәуірде Қазақстан Республикасы медициналық және фармацевтикалық бақылау комитетінің Шығыс Қазақстан облысы бойынша департаментінің ұжымы сенбілікке қатысып, қоғамдық белсенділік танытты.Ақпарат көзі : https://www.gov.kz/memleket/entities/dkmfk-vko/press/news/details/985511?lang=kk

Сәуірдің 22-сі мен 26-сы аралығында Шымкенттегі «Бадам» су қоймасында байдарка мен каноэде есуден жастар арасындағы Қазақстан чемпионаты өтті.Жарысқа еліміздің 11 аймағынан 2007-2008 жылы туған 112 спортшы қатысты. Түркістан облысының намысын 16 ескекші қорғады.Түркістан облыстық су спорт түрлері мектебінің спортшылары бағдарламаның түрлері бойынша 10 жүлде, оның ішінде 3 алтын, 3 күміс және 4 қола медаль еншіледі.Атап айтқанда, Руслан Федотов 1000 метр қашықтықта бірлік каноэден алтын жүлде еншілеп, Азия чемпионатына жолдама алды. Дәулет Шалдар мен Руслан Федотов 500 метр қашықтықта төрттік каноэда жүзуден облыс қоржынына тағы екі алтын әкелді. Зоя Прядкатөрттік байдаркада 500 метр қашықтықта күміс жүлде жеңіп алды. Сонымен бірге байдарка бірлік пен байдарка екілікте 5000 және 500 метр қашықтықта екі қола медаль жеңіп алды.Ол 12-16 маусым аралығында Паттайяда (Тайланд) өтетін Азия чемпионатына қатысатын болды.          Ақпарат көзі : https://www.gov.kz/memleket/entities/turkestan-kalasy/press/news/details/985530?lang=kk

Қазақстан халқы Ассамблеясының 30 жылдығы және 1 мамыр — Қазақстан халқының бірлігі күні мерекесіне орай Сауран ауданының тұрғындары арасында кіші футболдан ашық біріншілік пен аудандық әуесқойлар футбол лигасының жазғы маусымының ашылу салтанаты өтті.Шараны аудан әкімі Мақсат Таңғатаров ашып, қатысушыларды айтулы мерекемен құттықтап, сәттілік тіледі. Өз сөзінде аудан әкімі:“Бірлік пен татулық — еліміздің басты құндылығы. Бүгінгі спорттық дода – тек жарыс қана емес, достықтың, ынтымақ пен татулықтың көрінісі. Әрбір командаға әділ ойын мен үлкен жетістіктер тілеймін,” – деді.Салтанатты жиында сондай-ақ, аудан прокуроры Алмаз Асылбеков пен Сауран ауданы өзбек этномәдени орталығының төрағасы Құрбанбай Рысбеков сөз алып, қатысушыларға жеңіс пен биік жетістіктер тіледі. Олар спорттың халықтар арасындағы достық пен түсіністікті нығайтудың тиімді құралы екеніне тоқталды.Жалпы жарысқа 12 ауылдық округтен 15 құрама команда қатысып, тартысты әрі қызықты ойын үлгісін көрсетті. Әр команда өз шеберлігін танытып, аудандық лиганың жаңа маусымын жоғары деңгейде бастады.Мұндай ауқымды спорттық іс-шаралар жастар арасында салауатты өмір салтын насихаттауға, достық байланыстарды нығайтуға, сондай-ақ аудандағы этносаралық татулықты одан әрі арттыруға ықпал етеді.Сауран ауданы әкімдігінің баспасөз қызметіАқпарат көзі : https://www.gov.kz/memleket/entities/sauran-turkestan/press/news/details/985569?lang=kk

  Қарашық ауылында ел тарихындағы маңызды оқиғаларға арналған волейболдан облыстық турнир өтті. Іс-шара Қазақстан халқы Ассамблеясының 30 жылдығы, 1 мамыр – Қазақстан халқының бірлігі күні және Ұлы Жеңістің 80 жылдығына арналды.Турнирдің ашылу салтанатына аудан әкімінің кеңесшісі Мұхаммеджан Ергешбайұлы қатысып, жарысқа қатысушыларға сәттілік тілеп, турнирді ресми түрде ашты. Өз сөзінде ол мерекелердің ел бірлігін арттырудағы маңыздылығына тоқталды.Облыс көлемінде ұйымдастырылған сайысқа аудандардан келген 7 команда қатысты. Әр команда жоғары деңгейде өнер көрсетіп, тартысты ойын өрнегін көрсетті. Қатысушылардың шеберлігі мен ынтымағы турнирдің негізгі рухын айшықтай түсті.Жарыс қорытындысы бойынша:• 1-орынды Қарабұлақ командасы,• 2-орынды Сауран ауданының командасы,• 3-орынды Сайрам ауданының командасы жеңіп алды.Жеңімпаз командалар арнайы дипломдармен және сыйлықтармен марапатталды. Іс-шара ауыл тұрғындары мен қонақтарға мерекелік көңіл-күй сыйлап, спорт арқылы достық пен бірлікті нығайтуға өз үлесін қосты.Сауран ауданы әкімдігінің баспасөз қызметіАқпарат көзі : https://www.gov.kz/memleket/entities/sauran-turkestan/press/news/details/985581?lang=kk

Облыс әкімінің орынбасары Бейсенбай Тәжібаев Түркістан қаласындағы Әл-Фараби атындағы №10 және Н.Төреқұлов атындағы №8 жалпы білім беретін мектептеріне арнайы барып, жай-күйімен танысты. Аралауға облыстық мәслихат депутаты Сүлеймен Арыстанов, облыстық білім басқармасы басшысының орынбасары Жандос Нұрпейісов, Түркістан қаласы білім бөлімінің басшысы Бақытжан Төлімбет қатысты. Білім ұяларының басшылары мектептердің инфрақұрылымы және материалдық-техникалық ахуалын баяндады. Оқушылар мен ұстаздарға жасалған жағдайлар сөз болды.Аталған мектептер қайта жөндеуді қажет етеді. Бейсенбай Дәулетұлы білім беру ұйымдары әрдайым назарда екенін және мектептің кез келген мәселесін шешу бағытында жұмыс жалғасатынын жеткізді. Облыс басшылығы көтерілген мәселелерді оң шешуге атсалысады. Ағымдағы және күрделі жөндеу барысындағы ғимараттардың құрылыс барысы қатаң бақыланады.Ақпарат көзі : https://www.gov.kz/memleket/entities/turkestan-kalasy/press/news/details/985611?lang=kk

Түркістандағы «Яссы» спорт кешенінде Қазақстан халқы Ассамблеясының 30 жылдығы аясында 1 мамыр – Қазақстан халқының бірлігі күні мерекесіне орай облыстағы этнос өкілдері арасында «Бірлік» спорттық сайыстары өтті.Достық пен салауатты өмірді насихаттаған спорт додасы Түркістан облысы қоғамдық даму басқармасы «Қоғамдық келісім» КММ-нің қолдауымен ұйымдастырылды.Сайысқа жалпы 11 команда қатысты. Атап айтсақ, Кентау, Арыс қалалары және Сауран, Сайрам, Түлкібас, Төлеби, Жетісай, Мақтаарал, Келес, Сарыағаш аудандарының этнос жастарынан құралған командалар мен «Ассамблея жастары» РҚБ Түркістан облысы өкілдігі мүшелері жиналды. Онда жастар спорттың 4 түрінен, атап айтқанда, шағын футбол, қол күресі, арқан тарту, кір тасын көтеруден бақ сынады.Спорттық шараның салтанатты ашылуында Түркістан облыстық қоғамдық даму басқармасы басшысының орынбасары Нұрсұлтан Сейтжанов және «Қоғамдық келісім» КММ-нің басшысы Эльмира Жанғазиева сөз сөйлеп, елдегі татулықты көздің қарашығындай сақтау әрі нығайту – мемлекеттік саясаттың маңызды бөлігі екенін атап өтті.Таң азаннан кешке дейін жалғасқан тартысты бәсекеде қол күресінен Улугбек Нишантаев қарсылас шақ келтірмей чемпион атанды. Ал Якуб Эльмаз 2-орынды иеленсе, Бобиржан Рустамбеков 3-орынды жеңіп алды.Арқан тарту сайысы жұрттың қиқу салып, қызу қолдау танытқан жарысы болғанын айта кеткен жөн. Бұл сайыста «Ассамблея жастары» РҚБ-нің Түркістан облыстық өкілдігі жеңіс тұғырынан көрінді. Ал 2-орынды Жетісай ауданы, 3-орынды Сарыағаш ауданының құрамасы иеленді.Сондай-ақ кір тасын көтеруде Мухамадрасул Расулов топ жарды. Бұл сайыста Абдулло Анаркулов 2-орынды алды. Ал 3-орынды Мухторжан Сайдиганиев еншіледі.Ал шағын футбол бәсекесінде Төлеби ауданының құрамасы жеңімпаз атанды. Жүлделі 2-орынды Сарыағаш ауданы, 3-орынды Келес ауданы құрамасы иеленді.Жарыстың қорытындысында жеңімпаздар арнайы марапатталып, жүлдегерлерге қаржылай сыйлықтар мен дипломдар табысталды.Ақпарат көзі : https://www.gov.kz/memleket/entities/turkestan-kalasy/press/news/details/985617?lang=kk

Биыл Шәмші Қалдаяқовтың туғанына 95 жыл толды. Осыған орай Түркістан облыстық Шәмші Қалдаяқов атындағы филармония ұжымы Алматы қаласындағы Республика сарайында «Ән аға – жан аға» атты концерт ұйымдастырып, әнсүйер көрерменнің ықыласына бөленді.«Тұмар» этно-фольклорлық ансамблі фойеде Шәмші әндерін ойнап көрерменді қарсы алды. Әнсүйер қауым Шәмшінің өзі қолданған бұйымдары, киімдері қойылған ерекше көрмені тамашалады. Сондай-ақ Шәмші ауылынан алынған ұлттық тағамдардан арнайы дайындалған фуршет дастарханы арқылы дәм ауыз тиді. Арнайы тақтайшалардан Шәмші әндерінің шығу тарихынан хабардар болды.Кеште алпыс жылдан астам тарихы бар өнер ордасының әртістері мен эстрада жұлдыздары ұлы композитордың таңдаулы шығармаларын орындады. Концерт барысында ән еркесінің өмірі мен шығармашылығына арналған бейнероликтер көрерменге жол тартты.Республика сарайының үш мың орындық залы көрерменге толып, қошеметі асқан шабыт сыйлады. Өнер ордасының келесі концерті бұрынғы кештерден де өзгеше және әсерлі болады деп жоспарланып отыр.Ақпарат көзі : https://www.gov.kz/memleket/entities/turkestan-kalasy/press/news/details/985625?lang=kk

Президенттің «Халық үніне құлақ асатын мемлекет» қағидасын жүзеге асыру мақсатында Түркістан облысының «Цифрлық даму орталығы» КММ-де 109 бірыңғай байланыс бөлімі тәулік бойы тұрғындардың арыз-шағымдарын қабылдайды.Call-орталықтың жұмысын жандандыру мақсатында мекеме басшысы Арман Асхатұлы Астана қаласына арнайы іссапармен барып, iKomek109-дың жұмысымен танысты. Ондағы мамандармен тәжірибе алмасып алдағы жоспарларды талқылады.– 2025 жылдың басынан бері 40 874 өтінім түсіп, 40 583-і дер кезінде жабылды. Ал 391-і орындалу барысында тұр. Облыс әкімінің хаттамасы негізінде «109 мониторинг» тобы өтініштердің сапалы орындалуын қадағалау үшін шалғай елді мекендерге барып, тұрғындармен кездесу өткізуде. Сондай-ақ насихаттау жұмыстары жүргізіліп жатыр. Алдағы уақытта iKOMEK орталығымен бірлесе атқаратын жұмыстар ауқымды болмақ, – деді мекеме басшысы.Өтініштер 109 номерінен бөлек, Байланыс орталық turkistan_oblysy.109 инстаграм желісі, +7 701 13 13 109 whatsapp номері және «aikey-109» мобильді қосымшасы арқылы қабылданады.Ақпарат көзі : https://www.gov.kz/memleket/entities/turkestan-kalasy/press/news/details/985629?lang=kk

Өздеріне бөлініп берілген Бауыржан Момышұлы атындағы көше бойына орналасқан 24, 26, 28 үйлердің маңын түрлі қалдықтан тазартты.Тазалықты сақтау — әрбір саналы азаматтың негізгі міндеті. Қоршаған ортамызды таза ұстайық!Ақпарат көзі : https://www.gov.kz/memleket/entities/karaganda-til-damytu/press/news/details/985666?lang=kk

Бүгін Назарбаев университетінде профессор Зейнехан Күзекованың 70 жылдық мерейтойына орай «Қазақ лингвистикасы: теория мен тәжірибе интеграциясы» атты халықаралық ғылыми-тәжірибелік конференция ұйымдастырылды.Конференция жұмысына елімізге танымал Т.Аяпова, З.Ерназарова, Е.Оразалиева, М.Жолшаева, Г.Құрманбай сынды белгілі ғалымдар, Тіл комитетінің төрағасы Е.Тілешов; «Қазтест», Ш.Шаяхметов атындағы «Тіл-Қазына» республикалық ғылыми-тәжірибелік орталығы және «Қазтелеком» өкілдері, сондай-ақ онлайн түрде шетелдік ғалымдар қатысты. Қарағанды облысы атынан да бір топ делегация әдіскер-ғалымды арнайы құттықтап қайтты.Қазақ тілі оқытушыларының халықаралық қауымдастығының Қарағандыдағы өкілдігінің басшысы ретінде қарағандылықтар атынан сөз алған Жұпар Рысқұлқызы басқарма басшысының құттықтау хатын табыстап, игі тілегін білдірді. Зейнехан апайдың әдістеме ғылымын дамытудағы еңбегін Қарағандыдағы мемлекеттік тілді оқыту үдерісімен байланыстыра отырып, сөзін сабақтады. Делегация өкілдері арнайы апарған сыйлығын, сондай-ақ Ж.Жақан апайдың әлеуметтік желідегі оқырманы екеніне ризалық білдіріп, «Чипси мен шибауырсақ» жинағын табыстады.Ақпарат көзі : https://www.gov.kz/memleket/entities/karaganda-til-damytu/press/news/details/985673?lang=kk

 Еңбек ресурстарын дамыту орталығының сарапшылары 2025 жылға арналған бос жұмыс орындарының қысқа мерзімді болжамын дайындады және жариялады, оған сәйкес Enbek.kz электрондық еңбек биржасында 1,09-дан 1,25 млн-ға дейін бос жұмыс орындары жарияланады, оның 243-350 мыңы жұмысшы мамандықтарына тиесілі болады, деп хабарлайды ҚР Еңбек және халықты әлеуметтік қорғау министрлігі.2025 жылдарға арналған қысқа мерзімді болжам негізінде 2023-2024 жылдарға арналған Электрондық еңбек биржасының деректері пайдаланылды. Осы кезеңде Enbek.kz 2,1 млн бос жұмыс орны, оның ішінде білікті жұмысшылар үшін 1,5 млн бос жұмыс орны және жұмысшы мамандықтар үшін 524 мың бос жұмыс орны жарияланды.«Enbek.kz-тегі бос жұмыс орындарының ішінде Ұлттық кәсіптік жіктеуішіне енгізілген 2 232 мамандық қарастырылды. Бос жұмыс орындарының шамамен 40%-ы білім беру және денсаулық сақтау салаларына, 8%-ы өңдеу өнеркәсібі, ауыл шаруашылығы және сауда салаларына, 7%-ы құрылыс салаларына жатады», – деді ЕРДО Болжау департаментінің директоры Дмитрий Шумеков.Оның айтуынша, өңірлер арасында Алматы (бос жұмыс орындарының 10%) және Астана (9%) қалалары, сондай-ақ Қарағанды (8%), Түркістан (7%), Павлодар және Қостанай (әр облыста 6%) облыстары көш бастады.«Егер біз тек білікті жұмысты ескеретін болсақ, онда білім беру және денсаулық сақтау салалары бос жұмыс орындарының 45%, өңдеу өнеркәсібі – 9%, ал құрылыс, мемлекеттік басқару және сауда-әрқайсысына 6% құрайды. Айта кету керек, білікті қызметкерлер арасында әлеуметтік ғылымдар бойынша орта мектеп мұғалімдері, мектепке дейінгі білім берудегі тәрбиешілер, күтушілер, мейірбике қызметкерлері мен күзетшілер жиі ізделді», – деп бөлісті Шумеков.Толығырақ https://ortcom.kz/kk/novosti/1745986986 сайтында.Ақпарат көзі : https://www.gov.kz/memleket/entities/turkestan-tolebi-audany/press/news/details/987757?lang=kk