Вена, 2026 жылғы 19 ақпан. Қазақстан Республикасының Венадағы халықаралық ұйымдар жанындағы Тұрақты өкілі Мұхтар Тілеуберді ЕҚЫҰ Парламент Ассамблеясының (ЕҚЫҰ ПА) қысқы сессиясы аясында ЕҚЫҰ ПА-ның Орталық Азия жөніндегі Арнайы өкілі Эвангелос Сиригоспен кездесті. Тараптар ЕҚЫҰ ПА аясында парламентаралық ынтымақтастықты нығайту перспективаларын талқылады.Елші Тілеуберді ағымдағы жылдың 15 наурыз айында белгіленген Қазақстанның жаңа Конституциясын қабылдау бойынша алдағы ұлттық референдум туралы хабардар етті. Ол жаңа Конституция жобасының негізгі ережелерін таныстырды және ұсынылған конституциялық реформа Қазақстан Республикасының Президенті Қасым-Жомарт Тоқаевтың дәйекті саяси өзгерістерінің логикалық жалғасы болып табылатынын атап өтті. Ол Қазақстан Республикасының Негізгі Заңына енгізілген тұжырымдамалық түзетулер мемлекеттің адами бағдарлануын арттыруға, Қазақстан халқының қазіргі құндылықтары мен қағидаттарын көрсетуге және республиканың саяси институттарының тиімділігін арттыруға бағытталғанын атап өтті.Өз кезегінде, Арнайы өкіл Сиригос Қазақстан-Грекия парламенттік достық тобының тең төрағасы екенін атап өтіп, Қазақстанның конституциялық реформаларына қызығушылық танытты.Ақпарат көзі : https://www.gov.kz/memleket/entities/mfa-vienna/press/news/details/1166575?lang=kk

Вена, 2026 жылғы 19 ақпан. Қазақстан Республикасының Венадағы халықаралық ұйымдар жанындағы Тұрақты өкілі Мұхтар Тілеуберді ЕҚЫҰ Парламент Ассамблеясының (ЕҚЫҰ ПА) қысқы сессиясы аясында ТүркПА Бас хатшысы Рамиль Гасанмен кездесу өткізді. Тараптар ТүркПА аясында парламентаралық ынтымақтастықты нығайту перспективаларын талқылады.Елші Тілеуберді сұхбаттасын ағымдағы жылы 15 наурызда жоспарланған Қазақстанның жаңа Конституциясын қабылдау бойынша алдағы ұлттық референдум туралы хабардар етті. Ол жаңа Конституция жобасының негізгі ережелерін таныстырды және ұсынылған конституциялық реформа Қазақстан Республикасының Президенті Қасым-Жомарт Тоқаевтың дәйекті саяси өзгерістерінің логикалық жалғасы екенін атап өтті. Ол Қазақстан Республикасының Негізгі Заңына енгізілген тұжырымдамалық өзгерістер мемлекеттің адами бағдарлануын арттыруға, Қазақстан халқының қазіргі құндылықтары мен қағидаттарын көрсетуге және республиканың саяси институттарының тиімділігін арттыруға бағытталғанын атап өтті.Өз кезегінде, Бас хатшы Р.Гасан Қазақстандағы конституциялық реформаларды қолдайтынын білдіріп, ТүркПА-ның наурыз айында өтетін конституциялық референдумды байқауға қатысу жоспары туралы мәлімдеді. Ақпарат көзі : https://www.gov.kz/memleket/entities/mfa-vienna/press/news/details/1166580?lang=kk

Гаага, 2026 жылғы 20 ақпан – Академиялық және сараптамалық ынтымақтастықты жүйелі түрде кеңейту аясында Қазақстан Республикасының Елшісі Ақан Рахметуллин Лейден университеті жанында қызмет ететін және халықаралық қатынастар, құқық және жаһандық басқару салаларына маманданған студенттерді біріктіретін SIB-Leiden студенттік қауымдастығының мүшелерімен кездесу өткізді. 1947 жылы құрылған SIB-Leiden Нидерландтағы SIB желісінің ең көне бөлімшесі болып табылады және студенттердің әртүрлі мемлекеттердің елшілерімен және дипломатиялық өкілдерімен тікелей пікір алмасуына мүмкіндік беретін зияткерлік пікірталас форматтарымен кеңінен танымал.                                                          Мазмұнды диалог барысында Елші Қазақстанның сыртқы саяси басымдықтарын, Қазақстан–Нидерланд ынтымақтастығының даму динамикасын, еліміздің Орталық Азиядағы өңірлік архитектурадағы рөлін, сондай-ақ көпжақты халықаралық алаңдардағы қызметін таныстырды.      Кездесудің жеке бір бөлігі Қазақстан Республикасындағы конституциялық реформаға арналды. Жаңа Конституция жобасының тұжырымдамалық негіздері, саяси жүйені трансформациялаудың логикасы мен негізгі параметрлері жан-жақты түсіндірілді.                                           1575 жылы негізі қаланған Лейден университеті Нидерландтағы ең көне жоғары оқу орны болып табылады және Коимбра тобына, Europaeum қауымдастығына және Еуропаның зерттеу университеттері лигасына кіреді.Ақпарат көзі : https://www.gov.kz/memleket/entities/mfa-hague/press/news/details/1166590?lang=kk

2026 жылдың 23 ақпанынан бастап жеке сектор мен тұрғын аудандарда жоспарлы түрде электр қуатын ажырату жүргізіледі.23 және 24 ақпан (10:00–18:00)КТП-21 (әуе желілеріндегі жұмыстар)Мекенжайлар:Баймағамбетов көшесі, 192 — «Фрукты» дүкеніЖеке сектор:Қозыбаев көшесі: 172–218, 218/1–218/10, 283Баймағамбетов көшесі: 190–297Байтұрсынов көшесі: 143–176, 149/1–149/13Пролетарская көшесі: 112–134Назарбаев даңғылы: 98–130Бағдаршам: Назарбаев даңғылы – Баймағамбетов көшесі қиылысы23 ақпан (10:00–18:00)ТП-101 (трансформаторлық қосалқы станциядағы жұмыстар)Победы көшесі, 68 — «Саябак-2018» ЖШС24 ақпан (10:00–18:00)КТП «Технополис»Уральская көшесі, 42 — «Технополис» ЖШС25 ақпан (10:00–18:00)ТП-205 (қосалқы станциядағы жұмыстар)Нысандар:«12 Месяцев» дүкені«Корзина КСТ» дүкені«Восток» дүкені«Аурум» дүкені«Мастер-Умелец» дүкені«Кристалл» дүкені«Ахчин Г» ЖШСТұрғын үйлер:Северная көшесі, 3Абай даңғылы, 305Алтынсарин көшесі, 230Лермонтов көшесі: 10, 14, 14/1, 18Жеке сектор:Лермонтов 3-ші өткелі: 1–20Лермонтов 4-ші өткелі: 1–14Лермонтов 5-ші өткелі: 1–17, 17/1–17/3Абай даңғылы: 287–303 25 және 26 ақпан (10:00–18:00)ТП-247 (әуе желілеріндегі жұмыстар)Жеке сектор:Карбышев көшесі: 19–33Западная көшесі: 23–48Сибирская көшесі: 37–41, 96–133, 110–110/16, 183Лесная көшесі: 26–42Строительная көшесі: 26–40Ленинградская көшесі: 24–77, 29/1–29/9, 55/1–55/11, 27/4–27/626 және 27 ақпан (10:00–18:00)ТП-231 (қосалқы станциядағы жұмыстар)Нысандар:«Тандыр» кафесі«Зара» дүкені«Лана» дүкені«Пивная №1» дүкені«Низкоцен» дүкеніЖК БаязитоваТұрғын үйлер:Ш. Жәнібек батыр көшесі: 2, 2а, 4/1, 6, 8Ш. Жәнібек батыр тұйық көшесі: 4, 6/1, 8Мәуленов көшесі: 18/326 ақпан (10:00–18:00)ТП-252 (әуе желілеріндегі жұмыстар)Нысандар:Рудненская көшесі, 98а — ТЖО (СТО)«Табыс» дүкеніЖеке сектор:Рудненская көшесі: 21/1, 23/1, 89–115, 111/1–111/9, 113/2–113/12, 115/1–115/9Гагарин көшесі: 24–38, 28/2–28/14Ленинградская көшесі: 87, 87/1–87/10К. Маркс көшесі: 3–20, 18/2–18/8, 20/1–20/5, 24/2–24/6, 26/1–26/5Соколовская көшесі: 100–112Бағдаршам: Гагарин – Рудненская көшелері қиылысы26 ақпан – 3 наурыз (10:00–18:00)ТП-572 (әуе желілеріндегі жұмыстар)Нысан:«Вундеркинд» балалар студиясыЖеке сектор:Нариманов көшесі: 101–120Кооперативная көшесі: 4–59Баймағамбетов көшесі: 124–142, 134/1–134/12Фролова көшесі: 111–117Л. Беда көшесі: 30–575 Декабря көшесі: 33–63, 55/1–55/9Алтынсарин көшесі: 13–51Бағдаршамдар:Алтынсарин – Л. БедаАбай даңғылы – Л. Беда27 ақпан (10:00–14:00)ТП-696 №1 (әуе желілеріндегі жұмыстар)Нысандар:«Гелиос №2» жанармай бекетіТЖО (СТО)«TTS» көлік жуу орны«KST trade №14» жанармай бекеті«Таир» кафесі«Инструмент» дүкеніЭлектр қуатын уақытша ажыратуға байланысты тұрғындардан түсіністікпен қарауды сұраймыз.Ақпарат көзі : https://www.gov.kz/memleket/entities/kostanai-kalasy-akimat/press/news/details/1166591?lang=kk

Қазақстан Республикасының Салық кодексіне және өзге де заңнамалық актілерге сәйкес салықтық тіркеу бойынша міндеттемелер белгілен. Атап айтқанда, мыналар көзделген:       – жеке кәсіпкер (ЖК) ретінде тіркелу;       – жеке практикамен айналысатын тұлғаларды тіркеу (адвокаттар, нотариустар, медиаторлар);       – ҚҚС бойынша міндетті тіркеу есебіне қою;       – қызметтің жекелеген түрлерін жүзеге асырған кезде тіркелу.        Қазақстан Республикасы Қаржы министрлігінің Мемлекеттік кірістер комитеті аталған талаптардың сақталмау белгілері бар тұлғаларға қатысты мониторинг жүргізілетінін хабарлайды.        Бұзушылықтар анықталған жағдайда тіркеу есебіне қою қажеттілігі туралы хабарлама жолданады. Оны орындау мерзімі табысталған күннен бастап 30 жұмыс күні. Хабарлама орындалмаған жағдайда банктік шоттар бойынша шығыс операциялары тоқтатылады.       Келіспеген жағдайда салық төлеуші растайтын құжаттарды қоса тіркей отырып, жазбаша түсіндірме ұсынуға құқылы. Егер ұсынылған дәлелдер негізделмеген деп танылса, 20 жұмыс күні ішінде хабарламаны орындалмаған деп тану және тақырыптық салықтық тексеру тағайындау туралы шешім қабылданады.       Сонымен қатар, салық органдары тарапынан алдын алу шаралары да қолданылады. Атап айтқанда, «Салық төлеушінің кабинеті» арқылы ҚҚС бойынша міндетті тіркеу шегіне жақындау туралы хабарламалар жолданады. Қосымша хабарлаймыз, 2026 жылғы 1 қаңтардан бастап енгізілген «таза парақтан» салықтық әкімшілендіру саясаты шеңберінде микро және шағын бизнес субъектілері көрсетілген күнге дейін ҚҚС бойынша тіркелмей жүзеге асырылған айналымдар үшін әкімшілік айыппұлдардан босатылған.      Мемлекеттік кірістер комитеті салық төлеушілерді салық міндеттемелерін уақтылы және адал орындауға шақырады.Ақпарат көзі : https://www.gov.kz/memleket/entities/kgd-akmola/press/news/details/1166533?lang=kk

2026 – 2028 жылдарға бюджеттік бағдарлама паспортына қоғамдық талқылау басталғанын жариялаймыз. «Жетісу облысының мемлекеттік сатып алу басқармасы» ММКөру және талқылау үшін бюджеттік бағдарлама паспорты бойынша сілтемелер беріледі: 001 Жергілікті  деңгейде мемлекеттік сатып алуды басқару саласындағы мемлекеттік саясатты іске асыру жөніндегі қызметтерhttps://budget.egov.kz/budgetprogram/budgetprogram?govAgencyId=23360638&budgetId=4138801&budgetState=PROJECTАқпарат көзі : https://www.gov.kz/memleket/entities/zhetysu-sp/press/news/details/1166476?lang=kk

Қазақстанда теміржол инфрақұрылымына арналған дайын өнім экспорты өсіп жатыр. Отандық кәсіпорындар рельстік бекіткіштер мен темірбетон шпалдарын Орталық Азия елдеріне және Ресейге жеткізуде. Қазір жаңа нарықтарға шығу бойынша келіссөздер жүргізілуде. Бұл жайлы Алматыда өтіп жатқан Экспортшылар форумында белгілі болды. Форумда шикізатқа тәуелділікті азайтып, дайын өнім экспортын арттыру мәселесі көтерілді. Қазақстан экономикасын әртараптандыру және шикізатқа тәуелділікті азайту – Мемлекет басшысы Қасым-Жомарт Тоқаев қойған негізгі міндеттердің бірі. Президент өңделген, қосылған құны жоғары өнім экспортын ұлғайтуды тапсырған болатын.«Бент» компаниясының президенті Дінмұхаммед Кузиевтің айтуынша, рельстік бекіткіштердің толық жиынтығы бүгінде негізгі экспорттық бағытқа айналған. Сондай-ақ олар жақында QazTrade көмегімен өнімдерін Пәкістан нарығына экспорттамақшы. «Біз Орталық Азияда рельстік бекіткіштердің толық жиынтығын шығаратын жалғыз өндірушіміз. Сауда және интеграция министрлігі мен QazTrade қолдауының арқасында Қырғызстан мен Өзбекстанға тұрақты жеткізілім жолға қойылды. Ресейге де экспорт басталды. Өткен жылы Иран мен Түрікменстанға сауда-экономикалық миссиямен бардық. Қазір белсенді келіссөздер жүріп жатыр. 2025 жылы экспорт көлемі шамамен 5 млн доллар болды. 2026 жылы оны 8 млн долларға жеткізуді жоспарлап отырмыз», — деді ол.QazTrade бас директоры Айтмұхаммед Алдажаровтың айтуынша, бұл бағыт Мемлекет басшысы қойған экономиканы әртараптандыру міндетімен тікелей байланысты.«Біз әр саланың экспорттық әлеуетін, әлемдік сұранысын жеке талдап отырамыз. Қазіргі күні өңделген, бәсекеге қабілетті өнімдердің экспортын арттыруды қолға алдық»,-деді ол.QazTrade өкілдері мұндай жобалар елдегі дайын өнім экспортының жаңа кезеңге өткенін көрсетеді дейді. Орталық кәсіпорындарға сауда миссияларынан бастап, келіссөз жүргізуге, шетелдік нарықтарға шығуда жүйелі қолдау көрсетіп келеді.Ақпарат көзі : https://www.gov.kz/memleket/entities/mti/press/news/details/1166489?lang=kk

Мемлекет башысының үкіметі Берік Шолпанқұлұлы Шолпанқұлов берген отыніне сәикес Қазақстан Республикалары Ұлттық банктері Торағасының орынбасарлары лауазымынан босатты. Мемлекет басшысының Өкімімен Берік Шолпанқұлұлы Шолпанқұлов берілген өтінішіне сәйкес Қазақстан Республикасы Ұлттық банкі төрағасының орынбасары қызметінен босатылды.

Мемлекет басшысының өкімімен Берік Шолпанқұлұлы Шолпанқұлов берген өтінішіне сәйкес Қазақстан Республикасы Ұлттық Банкі Төрағасының орынбасары лауазымынан босатылды.Распоряжением Главы государства Шолпанкулов Берик Шолпанкулович освобожден от должности заместителя Председателя Национального Банка Республики Казахстан согласно поданному заявлению.

Баянды ауылы әкімі Қадырбек Құдабайұлы көпбалалы аналарды «Күміс алқа» және «Алтын алқа» мемлекеттік наградаларымен марапаттады.Марапат иелерін шын жүректен құттықтаймыз.⚜️Баянды ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-bayandy/press/news/details/1166358?lang=kk

2025 жылы Қазақстан тарихында алғаш рет балмұздақ экспорты импорт көлемінен асты. Жыл қорытындысы бойынша экспорт көлемі 14 167 тоннаны құраса, импорт 12 194 тонна болды. Бұл көрсеткіш саладағы жүйеліөзгерістерді және отандық өндірушілердің халықаралықнарықтардағы позициясының нығаюын айқындайды.«Шин-Лайн» компаниясының корпоративтік мәселелержөніндегі вице-президенті Омарбек Жұлдыздың айтуынша, қол жеткізілген нәтиже ұзақмерзімді жаңғырту стратегиясымен экспорттық экспансияның жемісі. «2005 жылы Қазақстан небәрі 12 тонна балмұздақ экспорттап, 12 мың тоннадан астам өнім импорттаған болатын. Бүгінде жағдай түбегейлі өзгерді: жеткізу географиясы 10 елге дейін кеңейді, ал экспорт алғаш рет импорттан басым түсті. Бұл қазақстандық өнімнің жоғары бәсекеге қабілеттілігін және саланың кемелденгенін көрсетеді», — деді ол.Оның сөзінше, өсімнің негізгі факторлары — заманауи өндірістік қуаттарды құруға бағытталған ауқымды инвестициялар, озық технологияларды енгізу, сондай-ақ отандық өндірушілерді жүйелі мемлекеттік қолдау. Экспорттық түсімнің артуы және орташа экспорттық бағаның өсуі баға бәсекесінен сапа мен брендтер бәсекесіне көшу үдерісін айқын дәлелдейді.Қазақстандық балмұздақ экспортының негізгі үлесін қамтамасыз ететін «Шин-Лайн» компаниясы халықаралық нарықтағы позициясын нығайтуды жалғастырып, отандық кәсіпорындардың тұрақты экспорттық үрдіс қалыптастыру және «Қазақстанда жасалған» брендін жаһандық нарықтарда ілгерілету әлеуетін көрсетуде.Ақпарат көзі : https://www.gov.kz/memleket/entities/mti/press/news/details/1166365?lang=kk

Қазақстан Республикасы Сыртқы істер министрінің орынбасары Арман Исетов ЕҚЫҰ-ның Демократиялық институттар және адам құқықтары жөніндегі бюросының (ДИАҚБ) Қажеттіліктерді бағалау миссиясының басшысы Улви Ахундлумен кездесу өткізді.Аталған миссия 2026 жылғы 15 наурызда өтетін Қазақстан Республикасының жаңа Конституциясын қабылдау жөніндегі республикалық референдумға дайындық және оны өткізу процесін бағалау мақсатында Қазақстанға сапарын жасауда.Кездесу барысында әріптестер халықаралық байқаушыларды, оның ішінде ЕҚЫҰ ДИАҚБ-ны референдумға шақыру мәселесін талқылады.Қазақ тарапы халықаралық ұйымдарға ресми шақыру жолдау тәжірибесіне бейілділігін растап, бұл мемлекетіміздің демократиялық рәсімдерді қамтамасыз етудегі ашықтығын, айқындығын және жүйелілігін көрсететінін жеткізді.Өз кезегінде, У.Ахундлу ЕҚЫҰ ДИАҚБ-ны байқаушы ретінде шақырғаны үшін, сондай-ақ мемлекеттік органдар мен ведомстволардың өкілдерімен кездесулер ұйымдастыруға көрсетілген қолдау үшін алғысын білдірді.Кездесу қорытындысы бойынша тараптар халықаралық міндеттемелер мен Қазақстан Республикасының ұлттық заңнамасына сәйкес электоралдық процестерді жетілдіру жөніндегі жүйелі жұмысты жалғастырып, серіктестікті одан әрі дамытуға өзара мүдделілігін растады.Ақпарат көзі : https://www.gov.kz/memleket/entities/mfa/press/news/details/1166367?lang=kk

024–2025 жылдары Қазақстанның май саласы әлемдік нарықта орнын айтарлықтай нығайтты. Өсімдік майы мен шрот экспорты 1,3 млн тоннадан асып, экспорт көлемі 837 млн долларды құрады. Биыл Қазақстан күнбағыс майын экспорттау бойынша әлемде 6-орынға көтеріліп, Еуроодақ елдеріне күнбағыс шротын жеткізетін негізгі 3 мемлекеттің қатарына кіріп отыр.Аграрлық экспорттың жалпы көрсеткіштері де осы үрдісті растайды. QazTrade мәліметінше, 2025 жылы ауыл шаруашылығы өнімдерінің экспорты 37,8 %-ға өсіп $7,13 млрдқа жеткен. Бұл кездейсоқ өсім емес. Сала біртіндеп шикізаттық бағыттан терең өңдеуге көшіп жатыр. Қазақстанда өсірілетін майлы дақылдардың 90 пайыздан астамы ел ішінде өңделеді. Яғни сыртқы нарыққа дайын, қосылған құны жоғары өнім шығарылуда.Ұлттық майлы дақылдарды өңдеушілер қауымдастығының төрағасы Ядыкар Ибрагимовтың айтуынша, соңғы жылдары сала түбегейлі трансформациядан өтті.«Бұрын Қазақстан негізінен шикізат экспорттайтын. Қазір біз шетел нарықтарына өңделген өнім шығарып отырмыз. Кәсіпорындарды жаңғырту, жұмыс қуатын арттыру және логистиканы дамыту нәтижесінде күнбағыс майының экспорты әлемде көшбастап тұр. Алдағы мақсатымыз үздік үштікке ену және саланың валюталық түсімін 2 млрд долларға дейін жеткізу»,-деді ол Алматыда өткен дөңгелек үстелде.2021 жылдан бері саланың жұмыс қуаты 2,5 есе өсті. Негізгі экспорттық бағыттар - Қытай, Орталық Азия елдері және Еуроодақ. Бұл нарықтарда өсімдік майы мен шрот импорты жылына 40 млн тоннадан асады. Бұл Қазақстан үшін үлкен мүмкіндік. Саланың бүгінгі қарқыны Мемлекет басшысы белгілеген терең өңдеуді дамыту және елдің сыртқы нарықтағы позициясын нығайту бағытымен толық үйлеседі. Ақпарат көзі : https://www.gov.kz/memleket/entities/mti/press/news/details/1166376?lang=kk

Өткен жылы «Орталық Азия – Италия» саммиті кезінде Қазақстан Президенті Қасым-Жомарт Тоқаев Алматыда итальяндық сауда үйін ашу ұсынды. Бүгін, 2026 жылдың 20 ақпанында, Президенттің тапсырмасы аясында, Алматыда Қазақстан–Италия сауда үйінің салтанатты ашылуы өтті. Жаңа орталық Қазақстан мен Италия арасындағы сауда-экономикалық және инвестициялық ынтымақтастықты дамытуға арналған платформа болмақ.Ашылу рәсімін Қазақстан Республикасының Сауда және интеграция министрі Арман Шаққалиев ашты. Оған Италия Сыртқы істер вице-министрі Эдмондо Чирелли, Made in Italy бағдарламасы бойынша вице-министр Валентино Валентини, Қазақстан Республикасының Италиядағы елшісі Ерболат Сембаев және Италияның Қазақстандағы елшісі Антонелло ди Риу қатысты.Арман Шаққалиев Қазақстан мен Италия арасындағы сауда, инвестиция және өнеркәсіп саласындағы берік серіктестікке назар аударды. Италия Қазақстанның Еуропадағы негізгі серіктестерінің бірі болып саналады. Сауда үйі компаниялар үшін жұмыс алаңына айналмақ. Мұнда кәсіпкерлер кеңес алып, серіктестерін тауып, бірлескен жобаларға қатысып, тәжірибе алмастыра алады.Сауда үйі экспорт пен инвестицияны қолдауға бағытталған. Ол кәсіпорындарға бірлескен кәсіпорындар мен өнеркәсіп жобаларын құруға көмектеседі. Мұнда өндірістік ынтымақтастықты орнатып, технологиялармен тәжірибе алмасуға болады. Орталық Made in Italy белгісі бар өнімдерді ілгерілетуге және Қазақстанның шикізатқа тәуелсіз экспортын дамытуға ықпал етеді.Сауда үйінің инфрақұрылымына іскерлік кездесулер, келіссөздер, конференциялар мен таныстырылымдарға арналған бөлмелер кіреді. Мұнда онлайн байланыс пен гибридтік іс-шараларды ұйымдастыруға арналған цифрлық шешімдер жұмыс істейді. Кәсіпкерлікті қолдау үшін орталықта Қазақстанның даму институттарының ақпараттық нүктелері орналастырылады. Олар ынтымақтастық мүмкіндіктері және мемлекеттік қолдау шаралары туралы өзекті ақпарат береді.Арман Шаққалиев сауда үйі іскерлік диалогты нақты нәтижеге айналдыруға көмектесетінін атап өтті. Ол мемлекеттік органдар мен бизнестің өзара әрекеттесу орталығына айналып, жобалар мен инвестицияларға қол жеткізуді жеңілдетеді, сауда байланыстарын дамытуға және инвестиция тартуға жаңа мүмкіндіктер ашады.2025 жылы Қазақстан мен Италия арасындағы өзара сауда көлемі 16,9 млрд АҚШ долларын құрады. Қазақстаннан Италияға экспортталатын негізгі өнімдерге шикі мұнай, өңделмеген алюминий, бидай, ферроқоспалар, тас көмір, кептірілген бұршақ дақылдары және пропилен полимерлері жатады.Италиядан Қазақстанға импорт 2025 жылы 1,28 млрд АҚШ долларын құрады. Негізгі импорт тауарлары қатарында дәрі-дәрмек өнімдері, құбыр арматуралары, қара металдан жасалған құбырлар мен профильдер, материалдарды термиялық өңдеуге арналған жабдықтар, басқа да азық-түлік өнімдері, зергерлік бұйымдар және вакциналар бар. Ақпарат көзі : https://www.gov.kz/memleket/entities/mti/press/news/details/1166392?lang=kk

Найроби, 2026 жылғы 20 ақпан – ҚР Кения Республикасындағы Елшісі, ҚР Найробидегі БҰҰ Бөлімшесі жанындағы Тұрақты өкілі Барлыбай Садықовтың Кенияның Дінаралық кеңесінің (IRCK) Атқарушы директоры Лайнус Нтигаимен және ұйым басшылығының мүшесі, епископ Джон Варари, және Кения Үнді кеңесінің Төрағасы Суджата Котамраджумен кездесу өткізді.Кездесу барысында Елші Б.Садықов кениялық тарапты Қазақстанның этносаралық және конфессияаралық келісімнің бірегей моделі туралы егжей-тегжейлі хабардар етті. Ерекше назар Қазақстанның әлемдік диалогты ілгерілету жөніндегі бастамаларына, оның ішінде Әлемдік және дәстүрлі діндер көшбасшыларының Съезі аясындағы жұмыстарға, сондай-ақ бұл процеске Кения өкілдерінің қатысуына ерекше назар аударылды.Тараптар діни негіздегі қақтығыстардың алдын алу және жастар ортасында толеранттылық құндылықтарын ілгерілету бойынша практикалық тәсілдерді талқылады.Өз кезегінде, Лайнус Нтигаи Қазақстанның халықаралық аренадағы күш-жігерін жоғары бағалап, өркениетаралық диалогты дамыту жөніндегі қазақстандық институттармен тәжірибе алмасуға зор қызығушылық білдірді.Кездесуге қатысушылар климаттың өзгеруінен бастап әлеуметтік теңсіздікке дейін — қазіргі жаһандық сын-қатерлерді шешуде діни көшбасшылардың бірлігінің маңыздылығын атап өтті.Кенияның Дінаралық кеңесі-сенушілердің моральдық және әлеуметтік ресурстарын жұмылдыру және ортақ мәселелерді шешу, Кениядағы тұрақты бейбітшілік пен дамуға жәрдемдесу мақсатында конфессияаралық диалог пен ынтымақтастықты тереңдетуге бағытталған елдің негізгі діни қауымдастықтарының коалициясы.Кенияда христиандық, атап айтқанда протестантизм мен католицизм басым. Халықтың едәуір бөлігі ислам мен жергілікті дәстүрлі нанымдарды ұстанады.Кенияның Дінаралық кеңесінің Төрағасы Епископ Виллибард Китого Лагхо 2025 жылғы 17-18 қыркүйекте Қазақстанға келіп, Әлемдік және дәстүрлі көшбасшылар съезінің VIII отырысына қатысты.Ақпарат көзі : https://www.gov.kz/memleket/entities/mfa-nairobi/press/news/details/1166402?lang=kk

Қонаев қаласында «Жаңа Конституция: орнықты дамудағы қоғамдық диалог пен жастардың рөлі» тақырыбында жастармен кездесу өтті. Іс-шараға «Әділетті және Прогрессивті Қазақстанның Халықтық Конституциясы үшін!» жалпыұлттық коалициясының мүшелері және облыстың қоғамдық-саяси өміріне белсенді араласып жүрген өңірдің жас буыны қатысты.Кездесу барысында 15 наурызға белгіленген республикалық референдумда ұсынылатын жаңа Конституция жобасының негізгі бағыттары талқыланды. Қатысушылар жаңа Ата Заңның адамға бағдарланған сипаты, әділеттілік қағидаттарын нығайту, заң үстемдігін күшейту және жастардың ел дамуына қатысу мүмкіндіктерін кеңейту мәселелеріне тоқталды.Жиынды ашқан ҚР Парламенті Мәжілісінің депутаты, жалпыұлттық коалиция мүшесі Анас Баққожаев жаңа Конституцияның қоғам сұранысынан туындаған құжат екенін атап өтті.«Бұл реформа – қоғаммен жүргізілген кең диалогтың нәтижесі. Мыңдаған ұсыныс ескеріліп, жаңа Конституция жобасы ашық талқылау негізінде әзірленді. Онда мемлекеттің басты құндылығы – адам және оның құқықтары екені нақты бекітіледі. Жастар үшін бұл – тең мүмкіндіктерге, әділ бәсекеге және заң үстемдігіне негізделген болашақтың кепілі», – деді Анас Баққожаев.Өз кезегінде өңірлік коалиция жетекшісінің орынбасары Серік Нұрқадіров жаңа Конституцияның стратегиялық басымдықтарына тоқталды.«Жоба мемлекеттің даму моделін жаңғыртады. Басты назар адам капиталына – білімге, ғылымға, инновацияға аударылады. Жастардың сапалы білім алуы, кәсіби қалыптасуы және азаматтық бастамаларын еркін жүзеге асыруы конституциялық деңгейде қолдау табады. Сондай-ақ цифрлық ортадағы құқықтарды қорғау нормасының енгізілуі – жаңа дәуір талаптарына берілген нақты жауап», – деді ол.Сонымен қатар, коалиция мүшелері Қазыбек Дауталиев пен Сергей Горяной конституциялық реформаның қоғамдық келісімді нығайтудағы рөліне және азаматтардың, әсіресе жастардың белсенді қатысуының маңыздылығына тоқталды.Кездесу барысында жастар өз ұсыныстарын білдіріп, жаңа Конституция жобасына қолдау танытты. Қатысушылар алдағы референдум – ел дамуының жаңа кезеңін айқындайтын маңызды саяси науқан екенін атап өтті.Айта кетейік, «Әділетті және Прогрессивті Қазақстанның Халықтық Конституциясы үшін!» жалпыұлттық коалициясы өңірлерде ақпараттық-түсіндіру жұмыстарын жалғастырып, азаматтардың барлық сауалына жауап беруге дайын екенін мәлімдеді.Ақпарат көзі : https://www.gov.kz/memleket/entities/almobl/press/news/details/1166410?lang=kk

Алға ауылында тұратын Екінші дүниежүзілік соғыс ардагері Солтанбай Жарықбасов туған күнінде Еңбекшіқазақ ауданы қорғаныс істері жөніндегі бөлімінің әскери қызметшілері мен жергілікті әкімдік өкілдерімен кездесті. Қорғаныс министрінің атынан құттықтау хат пен естелік сыйлықтар тапсырған Еңбекшіқазақ ауданы қорғаныс істері жөніндегі бөлімінің бастығы майор Болат Смайылов майдангерге зор денсаулық және ұзақ ғұмыр тіледі.– Ардагерді жеке құттықтау біз үшін үлкен мәртебе. Мұндай кездесулер өте маңызды. Көзі тірі тарихтан тағылым алып, ұрпақтар сабақтастығын сезіндік, – деп атап өтті ол.Солтанбай Жарықбасов 1925 жылы 17 ақпанда Еңбекшіқазақ ауданы Алға ауылында дүниеге келген. 1943 жылы қызыл әскер қатарына шақырылды. Ташкентте мергендер даярлайтын курсты бітіріп, пулемет бөлімінің командирі ретінде Байкал майданының 25-ші Қызыл ту механикаландырылған бригадасына жіберілді.Ғасыр жасаған қарияның естеліктерін тыңдасақ, әкесі де, екі ағасы да соғысқан. Солтанбай Жарықбасов 1950 жылы ғана елге оралды. Педагогикалық білім алып, туған жерінде мұғалім болып жұмыс істейді де, кейін мектепті басқарды.Жұбайымен 60 жылдан аса бірге ғұмыр кешіп, сегіз бала тәрбиелеп өсірді. Қария 78 немере-шөбере және төрт шөпшек сүйді.Отан алдындағы қызметі үшін Солтанбай Жарықбасов I дәрежелі Отан соғысы және «Құрмет» ордендерімен, «Жапонияны жеңгені үшін» және «1941-1945 жылдардағы Ұлы Отан соғысындағы Германияны жеңгені үшін» медальдарымен марапатталған. Ардагер Еңбекшіқазақ ауданы мен Бәйтерек ауылдық округінің құрметті азаматы.Қонақтарды жылы қарсы алған майдангер көрсетілген ықылас-ілтипатқа ризашылығын білдіріп, құттықтап келгендерге қол жайып ақ батасын берді.Ақпарат көзі : https://www.gov.kz/memleket/entities/mod/press/news/details/1166320?lang=kk

 Қостанай облысы бойынша Мемлекеттік кірістер департаменті сыраны таңбалауды енгізу бойынша түсіндіру жұмыстарын жалғастыруда.Бүгін, 20 ақпанда, 1 ақпаннан бастап енгізілген сыраны таңбалау мәселелері бойынша Zoom-конференция өтті.Спикер ретінде акциздерді әкімшілендіру бөлімінің басшысы Самат Бигужин сөз сөйледі. Кездесу барысында қатысушыларға таңбалауды енгізу тәртібі, айналымға қатысушыларға қойылатын талаптар, ақпараттық жүйеде тіркелу қағидалары және бұзушылықтар үшін жауапкершілік жан-жақты түсіндірілді.Таңбалау өнім айналымының ашықтығын қамтамасыз етуге, акциздердің уақтылы төленуін бақылауға және көлеңкелі нарықтың алдын алуға бағытталған. Әрбір өнім бірлігі міндетті түрде сәйкестендіру құралдарымен таңбаланып, қадағалау жүйесінде көрсетілуі тиіс.Қатысушылар тарапынан көптеген сұрақтар қойылды Қосымша сұрақтар үшін Telegram желісінде арнайы топ құрылды. Онда барлық мүдделі тұлғалар кеңес алып, өз сұрақтарын қоя алады.https://t.me/+gLUyLLCX5Fo0YWM6Ақпарат көзі : https://www.gov.kz/memleket/entities/kgd-kostanay/press/news/details/1166280?lang=kk

ҚР ІІМ Ұлттық ұланының 3656 әскери бөлімінің ұшқышы Берікболсын Хабиболла әуе кемесінің командирі. Ол әуе кеңістігінде 900 сағат ұшқан. Тоғызыншы сыныптан бастап майор Астана қаласындағы ұшқыштарды даярлайтын оқу-техникалық мектебінде оқып,  әуе кемесін басқаруда алғашқы тәжірибесін жинаған. Кейін білім жолын Алматыдағы Азаматтық авиация академиясында жалғастырады.Жас ұшқыш оқу барысында шетелде тәжірибеден өту мүмкіндігіне ие болды. Латвия, Литва және Эстония, Германия, Испания сынды мемлекеттерде тағылымдамадан өтті.- Аспан қателікті кешірмейді. Ол сенен тәртіпті, сабырды және толық дайындықты талап етеді. Әрбір көкке көтерілу бұрынғыдан да мұқият болуға үйретеді. Ұшақ кабинасына отырған сәттен бастап сен ұшақпен бір тұтас механизмге айналасың, - дейді Ұлттық ұлан ұшқышы.Ұшқыштың кәсіби жолы тек оқу-жаттығуларымен шектелмейді. Ол адам өмірі сынға түскен сәттерде де әуеде болды.Түркия мен Сирияда орын алған жойқын жер сілкінісі кезінде Берікболсын Хабиболла Президент тапсырмасын орындауға атсалысты. 3656 әскери бөлімінің авиациялық экипаж құрамында алты рет апат аймақтарына гуманитарлық көмек жеткізді.Майор Хабиболла төтенше жағдайда көрсеткен батылдығының арқасында «Жауынгерлік ерлігі үшін» медалімен марапатталды.Айта кетсек, ұландық ұшқыштар қандай жағдай болмасын елге адал қызмет етуді басты мақсат санайды. 3656 әскери бөлімі құрылғаннан бері олар 100 мыңнан астам адам мен 8 миллион тоннадан астам жүкті тасымалдады. ҚР ІІМ Ұлттық ұланының баспасөз қызметі  Ақпарат көзі : https://www.gov.kz/memleket/entities/kvv/press/news/details/1166236?lang=kk

ЭШФ АЖ-да техникалық жұмыстарды жүргізутуралы Құрметті салық төлеушілер!ҚР ҚМ Мемлекеттік кірістер комитеті 2026 жылғы 20 ақпанда сағат 11:05-тен бастап «Электрондық шот-фактуралар» ақпараттық жүйесі техникалық себептерге байланысты қолжетімсіз екендігін хабарлайды.Келтірілген қолайсыздықтар үшін кешірім сұраймыз!Бұл ретте, қажет болған жағдайда салық 20-ақпан үшін төлеушілер 2026 жылғы ТІЖ, ЭШФ рәсімдеуге және «ЭШФ» АЖ енгізуге құқылы екенін хабарлайды:2026 жылғы 21-ақпаннан бастап күнтізбелік 15 (он бес) күн ішінде қағаз тасығышта жазып берілген шот-фактура;- 2026 жылғы 23-ақпаннан бастап 3 (үш) жұмыс күні ішінде қағаз жеткізгіште жазылған тауарларға ілеспе жүкқұжат.Бұл ретте қолданылмайды. айыппұл санкцияларыАқпарат көзі : https://www.gov.kz/memleket/entities/kgd-kostanay/press/news/details/1166200?lang=kk