Бұл мемлекеттік қызметті Қазақстан Республикасы Қаржы министрлігі Мемлекеттік кірістер комитетінің облыстардағы және республикалық маңызы бар қалалардағы аумақтық органдары (Департаменттері) Қазақстан Республикасының Салық кодексі шеңберінде және Қазақстан Республикасы Цифрлық даму, инновациялар және аэроғарыш өнеркәсібі министрінің 2020 жылғы 31 қаңтардағы №39 «Мемлекеттік көрсетілетін қызметтер тізілімін бекіту туралы» бұйрығына сәйкес көрсетеді.2026 жылғы 1 қаңтардан бастап мемлекеттік қызмет көрсету тәртібі Қазақстан Республикасы Қаржы министрінің 2025 жылғы 11 қарашадағы №689 «Резиденттікті растауға және мемлекеттік кірістер органдарының ресми құжаттарына апостиль қоюға байланысты кейбір мәселелер туралы» бұйрығымен реттеледі. Аталған бұйрықпен мемлекеттік қызмет көрсету қағидалары бекітілген.Резиденттікті растауды алуға құқылы тұлғалар:жеке тұлғалар – Қазақстан Республикасының азаматтары;шетелдіктер және азаматтығы жоқ адамдар– Қазақстан Республикасының аумағында тұрақты тұратын адамдар, сондай-ақ тұруға ықтиярхаты бар адамдар;Қазақстан Республикасының заңнамасына сәйкес құрылған заңды тұлғалар.Қазақстан Республикасы Салық кодексінің 224-бабына сәйкес резиденттікті растайтын құжатты салық органы қосарланған салық салуды болдырмау туралы халықаралық шарттарды және Қазақстан Республикасынан тыс жерлердегі өзге де мақсаттарды қолдану үшін береді.2026 жылдан бастап Қазақстан Республикасының аумағында салықтық шегерімдерді немесе төмендетілген мөлшерлемелерді қолдану үшін резиденттік сертификаты талап етілмейді. Резидент мәртебесін салық агенті (жұмыс беруші) Қазақстан Республикасы Салық кодексінің 222-бабы негізінде дербес айқындайды.Резиденттікті растау үшін өтініш беруші мынадай құжаттарды ұсынуы қажет:-резиденттікті растау туралы салықтық өтініш;- жеке басын куәландыратын құжат не сәйкестендіру үшін цифрлыққұжаттар сервисіндегі электрондық құжат;- заңды тұлғалар үшін – тіркеуді және тиімді басқару орнын растайтын құжаттар;- резидент болып табылатын шетелдіктер мен азаматтығы жоқ адамдар үшін – тұлғаның сәйкестендіру деректері және Қазақстан Республикасына келген және Қазақстан Республикасынан кеткен күндері туралы мәліметтер көрсетілген шетел паспортының немесе азаматтығы жоқ адамның куәлігінің беттерінің нотариат куәландырған көшірмелері;- Қазақстан Республикасында болу мерзімін растайтын құжат (Қазақстан Республикасында болған және Қазақстан Республикасынан кеткен күндері көрсетілген визалар немесе өзге де құжаттар). Мұндай құжаттың түпнұсқасы ұсынылған жағдайда нотариаттық куәландыру талап етілмейді;- «Астана» халықаралық қаржы орталығының инвестициялық резиденттері болып табылатын шетелдіктер мен азаматтығы жоқ адамдар үшін – Қағидаларға 1-қосымшаның 8-тармағының 6) тармақшасында көзделген құжаттар топтамасы.Мемлекеттік қызмет көрсету мерзімі қызмет алушы құжаттарды ұсынған күннен бастап 2 жұмыс күнін құрайды.Мемлекеттік қызмет көрсету нәтижесі – Қазақстан Республикасының резиденттігін растау туралы сертификатты беру не Қағидаларға 1-қосымшаның 9-тармағында көрсетілген жағдайларда және негіздер бойынша мемлекеттік қызмет көрсетуден уәжді бас тарту туралы шешім шығару.Мемлекеттік қызмет электрондық форматта электрондық үкімет порталы және Мемлекеттік кірістер комитетінің ақпараттық жүйелері арқылы қолжетімді. (1. Онлайн: Egov.kz порталы немесе ЭЦҚ пайдалана отырып, Салық төлеушінің кабинеті knp.kgd.gov.kz арқылы. 2. Офлайн: Халыққа қызмет көрсету орталығы (ХҚКО) / «Азаматтарға арналған үкімет» мемлекеттік корпорациясы комерциялық емес Акционерлік қоғамы» (КЕАҚ) арқылы). Ақпарат көзі : https://www.gov.kz/memleket/entities/kgd-vko/press/news/details/1275371?lang=ru

Мәскеу қаласында 18 елдің өкілдерін біріктірген әскери қызметшілер арасындағы самбодан алғашқы халықаралық турнир мәресіне жетті.Қазақстан құрамасы сапында 11 спортшы өнер көрсетті. Олардың жетеуі – ерлер, төртеуі – әйелдер. Құрама сапына Қазақстан Қарулы күштерінің әскери қызметшілері мен Ұлттық ұланның спортшысы кірді.Жарыстың командалық есебінде бірінші орынды Ресей, екінші орынды Қазақстан құрамасы, үшінші орынды Иран құрамасы иеленді.Қазақстан Қарулы күштерінің әскери қызметшілері өз салмақ дәрежелерінде алтын медальдарға ие болды:58 келіге дейін – қатардағы жауынгер Жасұлан Нариманов;64 келіге дейін – кіші сержант Жандос Бейсенбаев;71 келіге дейін – ефрейтор Арнұр Қуатай.Күміс жүлдегер атанғандар:79 келіге дейін – ефрейтор Нұрсейіт Санжар;88 келіге дейін – қатардағы жауынгер Мұхаметжан Жұман;98 келіден жоғары – қатардағы жауынгер Болат Сапар;әйелдер арасында 50 келіге дейін – лейтенант Айжан Жылқыбаева;әйелдер арасында 54 келіге дейін – лейтенант Санат Байғараева;әйелдер арасында 72 келіге дейін – лейтенант Роза Нысантайқызы;әйелдер арасында 80 келіге дейін – капитан Зәмзәгүл Файзолланова.Қазақстан құрамасының өнер көрсетуі әскери қызметшілер арасындағы самбодан өткен алғашқы халықаралық турнирдегі лайықты нәтиже болды. Спортшылар жоғары деңгейдегі даярлығын көрсетіп, үш алтын және жеті күміс медаль жеңіп алды.Қазақстандық самбошыларды сәтті өнер көрсетуімен құттықтаймыз! Жаңа жеңістер мен биік спорттық жетістіктер тілейміз!Ақпарат көзі : https://www.gov.kz/memleket/entities/mod/press/news/details/1275347?lang=ru

Белград, 2026 жылғы 17 тамыз – Қазақстанның Сербиядағы Елшісі Болат Иманбаев Сербия Республикасының Президенті Александр Вучичке сенім грамоталарын тапсырды.Сербия Президенті А. Вучич Астанаға жасаған жуырдағы сапарын жылы лебізбен еске алып, Қазақстан Республикасының Президенті Қасым-Жомарт Тоқаевқа ізгі тілектерін жеткізді. Ол Сербия мен Қазақстан арасындағы өзара іс-қимылды одан әрі нығайтуға және жоғары деңгейде қол жеткізілген уағдаластықтарды бірлесіп іске асыруға берік бейілділігін растады.Қазақстандық дипломат Астананың екі ел арасындағы өзара сенімге негізделген әріптестікті сақтауға және тереңдетуге, сондай-ақ көпқырлы қазақ-серб ынтымақтастығын одан әрі дамытуға бағытталған ұстанымын растады.Кездесу барысында тараптар екіжақты күн тәртібіндегі бірқатар өзекті мәселелерді талқылады. Биылғы жыл Қазақстан Республикасы мен Сербия Республикасы арасында дипломатиялық қатынастардың орнағанына 30 жыл толуымен ерекшеленетінін атап өтіп, ауыл шаруашылығы, энергетика, цифрландыру және құрылыс салаларындағы, сондай-ақ мәдениет, ғылым, денсаулық сақтау, білім беру және туризм бағыттарындағы өзара тиімді ынтымақтастықты одан әрі дамытуға назар аударды. Бұл ретте екі елдің астаналары арасында тікелей әуе қатынасының болуы да атап өтілді.Кездесу соңында А. Вучич Қазақстанның Белградта өтетін EXPO 2027 халықаралық мамандандырылған көрмесіне қатысуын құптап, Елші Б. Иманбаевқа Сербиядағы дипломатиялық қызметіне табыс және жемісті жұмыс тіледі.Ақпарат көзі : https://www.gov.kz/memleket/entities/mfa-belgrad/press/news/details/1275338?lang=ru

По состоянию на 1 января 2026 года численность населения Казахстана составила около 20,5 млн человек: из них в возрасте до 25 лет - 8,79 млн чел. (42,9%), от 25 до 65 лет – 9,73 млн чел. (47,5%), старше 65 лет – 1,98 млн чел. (9,6%)[1]. Согласно демографическим прогнозам к 2050 году она увеличится до 26,5 млн человек.Наряду с ростом численности населения Казахстана меняется его возрастная структура: увеличивается продолжительность жизни, снижается рождаемость, растет доля граждан старшего возраста и сокращается соотношение трудоспособного населения к числу пенсионеров. Данные изменения оказывают все более ощутимое влияние на социально-экономическую систему страны, в том числе на пенсионную систему.С учетом глобальных тенденций в демографии и на рынке труда Главой государства в своем послании поставлена задача «принять меры для укрепления финансовой устойчивости пенсионной системы, обеспечения долгосрочного баланса и достойного уровня пенсий». Продолжительность жизни и доля пожилых людейОжидаемая продолжительность жизни (ОПЖ)[2] после снижения в 2020 - 2021 годах, вызванного пандемией COVID-19, увеличилась с 70,23 в 2021 году до 75,97 лет в 2025 году.Подобная тенденция наблюдается и в глобальном масштабе: по оценкам ВОЗ среднемировое значение ОПЖ, снизившееся на фоне пандемии до 71,4 лет, к 2025 году вернулась к допандемийному уровню и составила в среднем 73,8 года. Таким образом, Казахстан движется в русле общемирового тренда по росту показателей ОПЖ (см. таблицу): Год20152016201720182019202020212022202320242025Все население (лет)71,9772,4172,9573,1573,1871,3770,2374,4475,0975,4475,97Мужчины (лет)67,4967,9968,7268,8468,8267,0966,3370,2670,9971,3372,91Женщины (лет)76,2676,6176,9277,1977,375,5374,0378,4179,0679,4279,8 При этом прогнозируется существенное увеличение доли населения пожилого возраста. Согласно прогнозам ЕНПФ и ООН к 2050 году доля граждан в возрасте 60 лет и старшедостигнет 18,8% от общего объема населения в Казахстане, что по международной классификации уже соответствует показателю «очень высокий уровень демографической старости». Иными словами, уже к середине века в среднем каждый шестой казахстанец будет в возрасте 60 лет и старше.   Факт и прогноз доли людей в возрасте 60 лет и старше в общем объеме населенияСуммарный коэффициент рождаемости Значительное влияние на структуру населения оказывает суммарный коэффициент рождаемости (СКР), который показывает, сколько в среднем родила бы одна женщина на протяжении всего репродуктивного периода (т. е. примерно от 15 до 50 лет).После умеренного роста СКР в 2020 - 2021 годахфиксируется устойчивое снижениеСКР: с 3,32 в 2021 году до 3,06 в 2022 году и до 2,57 в 2025 году. Согласно долгосрочному прогнозу ООН к 2050 году в Казахстане ожидается снижение СКР до уровня 2,39 ребенка на одну женщину. Фактические значения СКР в Казахстане за 2015 - 2025 годы представлены в таблице ниже: Год201520162017201820192020202120222023 20242025СКР2,742,772,752,842,903,133,323,062,97 2,802,57 Снижение рождаемости является общемировым трендом. В сочетании с увеличением продолжительности жизни оно ведет к сокращению доли населения трудоспособного возраста, вследствие чего возрастает демографическая нагрузка на экономически активное население. Сальдо миграции[3]Представительство UNFPA (Фонд ООН в области народонаселения) в Казахстане в отчете «Анализ положения в области народонаселения Республики Казахстан» прогнозирует постепенное достижение нулевого сальдо миграции (0 на 1000 человек) к 2050 году. Этот прогноз основан на экономическом развитии республики, сопровождаемом высоким спросом на рабочую силу, постепенным исчерпанием потенциала этнической эмиграции, а также быстрым ростом населения в странах к югу от Казахстана.Ниже приведено количество иммигрантов и эмигрантов за 2021 - 2025 годы: Год2 0212 0222 0232 0242 025Прибыло11 03917 42525 38729 28223 761Выбыло32 25624 14716 09412 7327 608Сальдо миграции-21 217-6 7229 29316 55016 153             Таким образом, после пандемии ежегодная численность прибывающих в Казахстан с 2021 года выросла в 2,15 раз, тогда как число выбывших снизилось в 4,24 раза. Коэффициент потенциальной поддержки Коэффициент потенциальной поддержки (КПП),рассчитываемый в мире как количество людей трудоспособного возраста (от 25 до 64 лет), поделенное на количество людей в возрасте 65 лет и старше, продолжает тенденцию снижения.Соотношение людей трудоспособного возраста (25-64 лет) к людям пожилого возраста (65+ лет) снизилось с 7,68 в 2012 году до 4,95 в 2025 году. Ожидаемый рост численности пожилого населения в сочетании с сокращением доли населения в возрасте от 25 до 64 лет (см. диаграмму), означает, что согласно прогнозам (как ЕНПФ, так и ООН), в Казахстане за период 2025 - 2050 годыКПП снизится в более, чем 1,4 раза: на 1 человека в возрасте 65+ будет приходится лишь 3,42 человека трудоспособного возраста. Факт и прогноз коэффициента потенциальной поддержкиТаким образом, также, как и в мире, демографические изменения в Казахстане будут усиливать социальную нагрузку на бюджет страны. В этих условиях возрастает значение накопительной пенсионной системы, в котором будущая пенсияформируется за счет взносовработника и работодателя, не формируя долгосрочные отложенные обязательства для бюджета, обеспечивая сбалансированность и финансовую устойчивость пенсионной системы, снижая ее зависимость от демографических факторов.Личное пенсионное планирование в условиях демографических измененийВ условиях демографических изменений (старение населения, рост продолжительности жизни, снижение рождаемости)повышается роль личного пенсионного планирования.Накопительная пенсионная система позволяет гражданам самостоятельно влиять на свой будущий пенсионный доход за счет регулярных взносов и инвестиционного дохода.Дополнительные возможности для управления пенсионными накоплениями предоставляют изменения в Социальный кодекс Республики Казахстан, вступающие в силу с 7 сентября 2026 года. Вкладчики ЕНПФ смогут передавать в доверительное управление управляющим инвестиционным портфелем (УИП) до 100% своих пенсионных накоплений. Кроме того, каждый УИП сможет предложить до трех инвестиционных портфелей (консервативный, умеренный и рискованный), отличающихся уровнем риска, ожидаемой доходностью и структурой инвестиций. Это позволит вкладчикам выбирать инвестиционную стратегию, соответствующую их финансовым целям.Получить полную информацию о результатах инвестирования НБРК и УИП можно на специальном портале ЕНПФ invest.enpf.kz. Для прогнозирования и планирования пенсии ЕНПФ предлагает два удобных сервиса: «Пенсионный калькулятор» и «Персональный пенсионный план». Они доступны на сайте и в мобильном приложении ЕНПФ. С их помощью можно рассчитать будущую пенсию и определить возможные способы увеличения будущего пенсионного дохода. Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1275540?lang=ru

Ақпарат көзі : https://www.gov.kz/memleket/entities/vko-ridder/press/news/details/1275301?lang=ru

Қостанайда УЕФА Конференция лигасы аясында «Тобыл» мен белградтық «Партизан» командалары арасында кездесу өтті. Аталмыш спорттық шараға Қазақстан футбол федерациясының бас хатшысы Скотт Энтони Манн арнайы қатысты.Шара барысында мәртебелі қонаққа өңірде бой көтеріп жатқан жаңа стадионның құрылыс барысы мен болашақ жобасы таныстырылды. Заманауи спорт нысанының концепциясы ҚФФ бас хатшысы тарапынан үлкен қызығушылық тудырды. Жоба аясында стадионның ең басты артықшылығы – оның қаланың барлық тұрғындары үшін толықтай қолжетімді болатындығы атап өтілді.Сонымен қатар, жаңа нысанды Қазақстан футбол федерациясының бірінші санаты бойынша сертификаттауға ұсыну жоспарланып отыр. Бұл болашақта мұнда балалар мен жасөспірімдер арасындағы республикалық әрі ауқымды футбол жарыстарын жоғары деңгейде өткізуге кең мүмкіндік береді.Жаңа стадион шаһар тұрғындары үшін тағы бір тартымды орынға айналып, Қостанайдың спорттық инфрақұрылымын өркендетуге елеулі үлес қосады деп күтілуде.Ақпарат көзі : https://www.gov.kz/memleket/entities/kostanai-kalasy-akimat/press/news/details/1275305?lang=ru

2026 жылғы 14 тамызда Қазақстан Республикасы Қаржы министрлігінің Мемлекеттік кірістер комитетінде мемлекеттік кірістер органдарының құрылғанына 12 жыл толуына орай Спартакиада өтті.    Спорттық шараға Мемлекеттік кірістер комитеті мен аумақтық мемлекеттік кірістер департаменттерінің 400-ге жуық қызметкері қатысты.     Спартакиаданың ашылу салтанатына Олимпиада чемпионы әрі қоғам қайраткері Серік Сәпиев қатысып, құттықтау сөз сөйледі және қатысушыларға сәтті өнер көрсетуді, командалық рух пен жаңа спорттық жеңістер тіледі.     Ашылу салтанатына «Жеңіс» клубының капитаны әрі Қазақстан ұлттық құрамасының ойыншысы, қазақстандық футболшы Қуат Исламбек те қатысты.           Мемлекеттік кірістер комитетінің төрағасы Жандос Дүйсембиев те құттықтау сөз сөйледі. Ол қызметкерлерді мемлекеттік кірістер органдарының құрылғанына 12 жыл толуымен құттықтап, мұндай іс-шаралардың ұжымдық рухты нығайтуда, өзара қарым-қатынасты дамытуда және біртұтас команда қалыптастырудағы маңыздылығын атап өтті.     «Бүгін мұнда еліміздің барлық өңірінен қызметкерлер жиналды. Бұл – бәсекелестік рухты көрсетуге ғана емес, сонымен қатар біртұтас команда екенімізді сезінуге таптырмас мүмкіндік. Соңғы 12 жыл ішінде мемлекеттік кірістер органдары үлкен жолдан өтті, ал бүгінде біздің алдымызда жаңа міндеттер тұр», – деп атап өтті Жандос Дүйсембиев.     Спартакиаданың басты мақсаты – Мемлекеттік кірістер комитеті жүйесінде дене шынықтыру мен спортты дамыту, салауатты өмір салтын насихаттау, сондай-ақ командалық өзара іс-қимылды нығайту және ұжымдық бірлікті қалыптастыру.      Жарыстар алты спорт түрі мен дисциплинаны қамтыды: футбол, шахмат, волейбол, үстел теннисі, Counter-Strike және Dota. Нәтижелер негізінде командалық жарыстардың жеңімпаздары мен үздік жеке ойыншылар анықталды.⚽ ФутболI орын - МККII орын - Түркестан облысы бойынша МКДIII орын - Алматы қаласы бойынша МКД♟Шахмат I орын - МККII орын - Шымкент қаласы бойынша МКДIII орын - Жетісу облысы бойынша МКД🏐 ВолейболI орын - «DSR Company» ЖШСII орын - Ақмола облысы бойынша МКДIII орын - Алматы қаласы бойынша МКД🏓 Үстел теннисіI орын – Шығыс Қазақстан облысы бойынша МКД II орын - МККIII орын - Ақтөбе облысы бойынша МКД 🎮 «Counter-Strike» I орын – Астана қаласы бойынша МКДII орын – Абай облысы бойынша МКДIII орын – Алматы қаласы бойынша МКД   🎮 «Dota»I орын - Астана қаласы бойынша МКДII орын - Шымкент қаласы бойынша МКДIII орын - Жетісу облысы бойынша МКД Командалық жалпы нәтижелер:I орын – МКК (2 алтын, 1 күміс)II орын – Астана (2 алтын)III орын – Шығыс Қазақстан облысы және DSRC (1 алтыннан)Ақпарат көзі : https://www.gov.kz/memleket/entities/kgd-akmola/press/news/details/1275415?lang=ru

Ақтау қаласында Қазақстанның Әскери-теңіз туының алғаш көтерілгеніне 30 жыл толуына орай салтанатты шара өтті. 1996 жылғы 17 тамызда Әскери-теңіз туы әскери кемелерде алғаш рет көтерілді. Ал Қазақстанның Әскери-теңіз күштері 1993 жылғы 2 сәуірде Қазақстан Республикасы Президентінің Жарлығымен құрылды.Салтанатты рәсімге Әскери-теңіз күштерінің қолбасшылығы, Маңғыстау облысының әкімі Нұрдәулет Қилыбай, Ақтау гарнизонының әскери қызметшілері, ҚР ҚК Әскери-теңіз күштерінің ардагерлері және қоғам өкілдері қатысты. Әскери қызметшілер жауынгерлік даярлық элементтерін көрсетті. Қонақтар заманауи теңіз техникасымен, қару-жарақпен және жарақтандыру құралдарымен танысты.«Бүгін біз Қазақстанның Каспий теңізі секторында ұлттық мүдделерді қорғауды қамтамасыз ететін Әскери-теңіз күштерінің қалыптасуына негіз болған маңызды оқиғаны атап өтіп жатырмыз. Әскери қызметшілердің қазіргі буыны алғашқы теңізшілер қалыптастырған дәстүрлерді бағалайды, Әскери-теңіз күштерінің жауынгерлік әлеуетін нығайтып, халықаралық ынтымақтастықты жүйелі түрде дамытып келеді», – деді Әскери-теңіз күштерінің Бас қолбасшысы, 1-сыныпты капитан Қанат Ниязбеков.Бүгінде Әскери-теңіз күштері – Қазақстан Қарулы күштерінің дербес әскері. Ол Каспий теңізінің қазақстандық секторындағы қауіпсіздікті қамтамасыз етуге жауап береді. Қазақстанның әскери-теңіз күштерінің кемелері теңіз шекарасын, порттарды, аса маңызды инфрақұрылым нысандарын күзетіп, суасты диверсияларына қарсы іс-қимыл жүргізеді.Әскери-теңіз күштерінің судағы құрамының негізін «Қазақстан», «Орал», «Сарыарқа» және «Маңғыстау» зымырандық-артиллериялық кемелері құрайды. Олардың барлығы Қазақстанда Орал қаласындағы «Зенит» зауытында жасалған.Кемелер теңізүсті нысандарын жоюға арналған және Каспий теңізінде дербес түрде 10 тәулікке дейін әрекет ете алады.Флот құрамында миналарды және басқа да суасты қауіптерін анықтап, залалсыздандыру міндеттерін орындайтын «Алатау» рейдтік тралы да бар. Навигациялық және гидрографиялық қамтамасыз ету үшін арнайы кемелер, оның ішінде «Жайық» кемесі пайдаланылады.Қазақстан өз әскери корабльдерін жасауды одан әрі дамытып келеді. Негізгі өндірістік алаң – Орал қаласындағы «Зенит» зауыты. Мұнда 1990 жылдардан бері патрульдік және жауынгерлік катерлер мен кемелер жасалады.Әскери-теңіз күштері Каспий маңы мемлекеттерімен бірлесіп халықаралық оқу-жаттығуларға қатысады. Оның негізгі мақсаты – қауіп-қатерлерге бірлесіп ден қою, теңіз инфрақұрылымын қорғау және жауынгерлік әзірлікті арттыру.Соңғы отыз жылда Қазақстанның әскери флоты алғашқы бөлімшелердің қалыптасу кезеңінен бастап Қарулы күштердің дербес әскер түріне дейінгі даму жолынан өтті. Бүгінде ол Каспий теңізінің акваториясы мен Қазақстанның теңіз шекарасын сенімді қорғауға қабілетті.Ақпарат көзі : https://www.gov.kz/memleket/entities/mod/press/news/details/1275277?lang=ru

Ақпарат көзі : https://www.gov.kz/memleket/entities/kegen-kegen/press/news/details/1275142?lang=ru

Алматы аймақтық көпсалалы клиникасында онкологиялық ауруларды ерте анықтау және заманауи емдеу мүмкіндіктеріне арналған көшпелі баспасөз мәслихаты өтті. Іс-шара аясында өкпе обырының алдын алу және ерте анықтауға арналған Ашық есік күні ұйымдастырылып, тұрғындарға мамандардың кеңесі мен қажетті медициналық тексерулерден өту мүмкіндігі берілді.Қазіргі таңда Алматы облысында қатерлі ісіктерді ерте анықтауға бағытталған үш скринингтік бағдарлама жүзеге асырылады. Олар – жатыр мойны, сүт безі және тоқ ішек обырын анықтау скринингтері. Барлық тексерулер тегін жүргізіледі және алғашқы тесттен бастап, көрсеткіш бойынша тереңдетілген диагностика мен морфологиялық зерттеуге дейінгі медициналық көмекті қамтиды.2026 жылдың алғашқы жеті айында облыста онкологиялық скринингпен 178 464 адам қамтылды. Оның ішінде жатыр мойны обыры бойынша – 46 820, сүт безі обыры бойынша – 59 724, тоқ ішек обыры бойынша 71 920 ер және әйел азамат тексерілді. Нәтижесінде жатыр мойны обырының 20, сүт безі обырының 64 және колоректалдық обырдың 13 жағдайы анықталды. Анықталған жағдайлардың 40 пайыздан астамы бірінші сатыда тіркелген. Сонымен қатар, обыр алды жағдайлар мен басқа да созылмалы аурулар анықталып, пациенттер әрі қарай емделуге және динамикалық бақылауға жіберілді.«Онкологиялық ауруларды емдеуде ең маңызды факторлардың бірі – уақыт. Ауру неғұрлым ерте анықталса, емнің тиімділігі де соғұрлым жоғары болады. Сондықтан скринингке қатысу, алғашқы белгілерге мән беру және профилактикалық тексеруден уақытылы өту – онкологиялық аурулардан болатын асқынулар мен өлім-жітімді төмендетудің негізгі жолдарының бірі. Біздің міндетіміз – заманауи диагностика мен емдеу әдістерін өңір тұрғындарына қолжетімді етіп, медициналық көмектің сапасын тұрақты арттыру», – деді Алматы аймақтық көпсалалы клиникасы директорының орынбасары Бауыржан Аджибаев.Клиникада онкологиялық көмекті жетілдіру диагностикадан бастап хирургиялық, дәрілік және сәулелік емге дейінгі кешенді тәсілге негізделген. Медициналық ұйымда әл-Фараби атындағы Қазақ ұлттық университетінің хирургия кафедрасы, сондай-ақ онкология, урология, маммология және химиотерапия бағыттары бойынша оқу базалары жұмыс істейді. Бұл мамандардың кәсіби біліктілігін арттыруға және заманауи клиникалық тәсілдерді тәжірибеге енгізуге мүмкіндік береді.Онкогинекология саласында лапароскопиялық хирургия, гистероскопия, ICG технологиясы арқылы лимфа түйіндерінің картографиясы және көрсеткіш бойынша сентинелдік лимфа түйіндерін анықтау әдістері қолданылуда. Эндометрий обыры кезінде молекулалық диагностика жүргізіліп, MMR және p53 маркерлері зерттеледі. Бұл ісіктің ерекшелігін нақты бағалап, пациентке жеке емдеу тактикасын таңдауға мүмкіндік береді.Сүт безі обыры бойынша да ерте диагностикаға ерекше мән берілуде. Клиника мамандары скринингтің маңыздылығы тек ауруды анықтаумен шектелмейтінін, оның бастапқы кезеңде емді уақытылы бастауға мүмкіндік беретінін атап өтті.«Сүт безі обыры ерте анықталған жағдайда емдеу нәтижесі айтарлықтай жоғары болады. Сондықтан әйелдердің скринингке уақытылы қатысуы өте маңызды. Кез келген күмәнді өзгеріс анықталған жағдайда пациентті қосымша тексеруге бағыттап, диагнозды нақтылау қажет», – деді онкомаммолог Дәулет Айдаров.2025 жылғы көрсеткіштер де онкологиялық қызметті одан әрі дамыту қажеттігін көрсетеді. Жатыр мойны, жатыр денесі және аналық без обыры бойынша жаңа жағдайлар саны 240-тан 252-ге дейін өскен. Осы үш нозология бойынша диспансерлік есепте тұрған пациенттер саны 2177-ден 2307 адамға артқан.Алдағы кезеңде онкологиялық ауруларды ерте анықтауды күшейту, молекулалық диагностиканы кеңейту, аз инвазивті хирургияны дамыту, заманауи дәрілік емдеу әдістерін енгізу және медициналық кадрлардың практикалық біліктілігін арттыру басты бағыттардың бірі болмақ.Сонымен қатар, өкпе обырының скринингін келесі жылдан бастап енгізу жоспарлануда. Бұл бағыттың маңызы жоғары, өйткені өкпе обыры онкологиялық аурулардан болатын өлім-жітім құрылымында бірінші орында тұр.Алматы облысының онкологиялық қызметі үшін негізгі мақсат – ауруды мүмкіндігінше ерте анықтап, заманауи технологиялар мен мамандардың тәжірибесін біріктіре отырып, әр пациентке сапалы әрі жекелендірілген медициналық көмек көрсету.Ақпарат көзі : https://www.gov.kz/memleket/entities/almobl-densaulyk/press/news/details/1275122?lang=ru

Аукцион 2026 жылғы 1 қыркүйекте сағат 15:00-де Қазақстан Республикасының Таиланд Корольдігіндегі Елшілігінде (Бангкок қ.) өтеді. Сауда-саттықтың нысаны мен әдісі:Бағаны көтеру әдісімен өткізілетін аукцион. Сату объектісі:2013 жылғы 28 қарашада шығарылған, ақ түсті «Toyota Ventury» қызметтік шағын автобусы. Ауыртпалықтар жоқ. Бастапқы баға:8 066,44 АҚШ доллары (Сегіз мың алпыс алты АҚШ доллары 44 цент). Кепілдік жарна (15%):1 209,97 АҚШ доллары (Бір мың екі жүз тоғыз АҚШ доллары 97 цент).Кепілдік жарна 2026 жылғы 31 тамызды қоса алғандағы мерзімде міндетті түрде төленуі тиіс. Банк деректемелері туралы ақпарат қосымша ұсынылады. Сауда-саттыққа қатысуға өтінімдерді қабылдау мерзімі мен орны:2026 жылғы 31 тамыз, сағат 09:30-дан 13:00-ге дейін.Қатысу үшін ұйымдастырушының мекенжайына мынадай құжаттарды ұсыну қажет:Белгіленген нысандағы өтінім.Жеке тұлғалар үшін – жеке басын куәландыратын құжаттың көшірмесі.Заңды тұлғалар үшін – заңды тұлға өкілінің жеке басын куәландыратын құжаттың көшірмесі және Таиланд Корольдігінің заңнамасына сәйкес заңды тұлғаның мемлекеттік тіркелгенін растайтын құжаттың көшірмесі.Кепілдік жарнаның төленгенін растайтын төлем құжатының көшірмесі.                                                                                                                                                                                                                                                                         6.Аукционды өткізу және жеңімпазды анықтау тәртібі:Аукцион бағаны көтеру әдісімен өткізіледі. Сату объектісі үшін ең жоғары баға ұсынған қатысушы жеңімпаз болып танылады.Жеңімпаз аукцион өткізілгеннен кейін 5 күнтізбелік күн ішінде сатып алу-сату шартына қол қоюға міндетті. Кепілдік жарна сатып алу құнының төлеміне есептеледі. Анықтама алу және автокөлікті қарап-тексеру үшін байланыс деректері:Тел.: +66 63 268 99 02WhatsApp: +66 63 268 99 02Email: kazconsulbangkok@gmail.comМекенжайы: P23 Building, 20 floor, 11/2 Soi Sukhumvit 23, Khlong Toei Nuea, Watthana District, Bangkok 10330 Қосымша шарттар:Автокөлік өзінің ағымдағы техникалық күйінде («бар күйінде», as is) сатылады.Сауда-саттыққа қатысушылар кепілдік жарнаны төлеуге және өтінім беруге дейін осы хабарландырумен, сатып алу-сату шартының жобасымен мұқият танысуға, сондай-ақ автокөліктің техникалық жағдайын қарап-тексеруге міндетті.Қатысушылар автокөлікті қандай да бір жақсартуды, түзетуді немесе жөндеуді талап ете алмайды, сондай-ақ қандай да бір салықтар мен алымдарды және автокөлікті қайта тіркеуге немесе меншік құқығын қайта рәсімдеуге байланысты өзге де шығыстарды төлеуден босатуды талап ете алмайды.Жеңімпаз шартқа қол қойылған күннен бастап 30 күн ішінде автокөлік құнының қалған бөлігін толық көлемде және барлық салықтарды төлеуге міндетті. ҚҚС, кедендік баждар және қайта рәсімдеуге байланысты шығыстарды Сатып алушы төлейді.Егер аукцион жеңімпазы белгіленген мерзімде шарт талаптарын орындамаса, ол автокөлікті сатып алу құқығынан бас тартқан болып есептеледі және оның енгізген барлық төлемдері, оның ішінде кепілдік жарнасы да қайтарылмайды.Кепілдік жарнаны аудару кезінде ұсталған банк комиссиясы сауда-саттыққа қатысушыларға қайтарылмайды.Сауда-саттық кезінде сөз байласуға (bid rigging) және заңсыз араласудың кез келген өзге де нысандарына қатаң тыйым салынады.Мүдделі тұлғалар автокөлікті Қазақстан Республикасының Таиланд Корольдігіндегі Елшілігінде 2026 жылғы 17-30 тамыз аралығында сағат 10:00-ден 17:00-ге дейін, тек алдын ала жазылу арқылы қарап-тексере алады.Автокөлікті қарап-тексеруге жазылу туралы өтініштерді және барлық сұрақтарды Елшілікке мына телефон нөмірі арқылы жолдауға болады: +66 63 268 9902.Ақпарат көзі : https://www.gov.kz/memleket/entities/mfa-thailand/press/news/details/1275123?lang=ru

Ақпарат көзі : https://www.gov.kz/memleket/entities/kegen-kegen/press/news/details/1275102?lang=ru

Маңғыстау облысы бойынша Мемлекеттік кірістер департаменті бейрезиденттің алынған аванстар (алдын ала төлемдер) бойынша міндеттемелерін кіріс ретінде тану мерзімдерін қолдану тәртібін түсіндіреді.2026 жылғы 1 қаңтарға дейін салық заңнамасына сәйкес бейрезиденттің алынған аванс (алдын ала төлем) бойынша, аванс төленген күннен бастап 24 ай ішінде орындалмаған міндеттемелері Қазақстан Республикасындағы көздерден алынған бейрезиденттің кірісі болып танылды.2026 жылғы 1 қаңтардан бастап Қазақстан Республикасының Салық кодексі 679-бабының 1-тармағымен көрсетілген мерзім 24 айдан 12 айға дейін қысқартылды.Осылайша:- бейрезидентке 2026 жылғы 1 қаңтарға дейін төленген аванстарға (алдын ала төлемдерге) қатысты аванс (алдын ала төлем) төленген күннен бастап 24 айлық мерзім қолданылады;- бейрезидентке 2026 жылғы 1 қаңтардан бастап төленген аванстарға (алдын ала төлемдерге) қатысты аванс (алдын ала төлем) төленген күннен бастап 12 айлық мерзім қолданылады.Тиісінше, егер бейрезидент алынған аванс бойынша міндеттемелерді белгіленген мерзім ішінде орындамаса, мұндай орындалмаған міндеттемелердің сомасы салық заңнамасында көзделген тәртіппен Қазақстан Республикасындағы көздерден алынған бейрезиденттің кірісі болып танылады.Мысал. Егер бейрезидентке аванс 2025 жылғы шілдеде төленген болса, кірісті тану мақсатында 24 айлық мерзім қолданылады. Егер аванс 2026 жылғы шілдеде төленсе, 12 айлық мерзім қолданылады.Мемлекеттік кірістер департаменті салық төлеушілердің назарын қолданылатын мерзімді айқындау кезінде аванстың (алдын ала төлемнің) төленген күнін ескеру қажеттілігіне аударады.Ақпарат көзі : https://www.gov.kz/memleket/entities/kgd-mangistau/press/news/details/1276556?lang=ru

Қазақстанға сапары қарсаңында Murdoch University делегациясын басқарып отырған университеттің жаһандық ынтымақтастық жөніндегі вице-канцлерінің орынбасары Саймон МакКирдимен кездесу өтті.Кездесуге сондай-ақ проректор, Food Futures Institute басшысы Питер Дэвис және Murdoch University Dubai атқарушы директоры Мохамед Абдулхалек Баматраф қатысты.Кездесу барысында жоғары білім және ғылым саласындағы ынтымақтастықтың перспективалары, сондай-ақ Қазақстанда бірлескен білім беру және ғылыми-зерттеу жобаларын іске асыру мүмкіндіктері талқыланды.Ақпарат көзі : https://www.gov.kz/memleket/entities/mfa-dubai/press/news/details/1275081?lang=ru

Будапешт, 2026 жылғы 14 тамыз – ҚР Мажарстандағы Елшілігінде жаңадан тағайындалған Елші Анель Бақытбекқызының осы елде жоғары оқу орындарында білім алып жүрген қазақстандық студенттермен алғашқы танысу кездесуі өтті.Кездесу барысында Қазақстанның ішкі және сыртқы саясатының өзекті мәселелері, алдағы Құрылтай депутаттарының сайлауы, Елшілік қызметінің негізгі бағыттары, сондай-ақ қазақстандық жастардың Мажарстанда білім алуы мен тұруына қатысты мәселелер талқыланды.Құрылтай депутаттарының алдағы сайлауына ерекше назар аударылды. А.Бақытбекқызы студенттерді дауыс беру тәртібі туралы хабардар етіп, жастардың елдің қоғамдық-саяси өміріне саналы түрде қатысуының маңыздылығын атап өтті.Елші 2026 жылғы 23 тамызда сағат 7:00-ден 20:00-ге дейін Қазақстанның Будапешттегі Елшілігі жанындағы №407 сайлау учаскесі жұмыс істейтінін хабарлады. Онда сайлау құқығына ие және Мажарстан аумағында тұрақты немесе уақытша тұрып жатқан Қазақстан Республикасының азаматтары дауыс бере алады.Ішкі саяси күн тәртібі аясында жаңа Конституцияның қабылдануы, Парламентті реформалау және елдің жаңа жоғары өкілді органы - Құрылтайдың құрылуы мәселелері сөз болды.Халықаралық күн тәртібіне тоқталған А.Бақытбекқызы студенттерге Қазақстанның сыртқы саясатының негізгі бағыттары мен қазіргі халықаралық ахуал туралы айтып берді. Сондай-ақ халықаралық қатынастар мен дипломатиялық қызмет мәселелері бойынша пікір алмасу өтті.Шетелдегі қазақстандық жастардың білім алуы мен өмір сүру мәселелеріне де айрықша назар аударылды. Елші сапалы білім алудың, кәсіби тұрғыдан дамудың және жинақталған білім мен дағдыларды тиімді пайдаланудың маңыздылығын атап өтті. Сонымен қатар ол студенттердің шетелдегі Қазақстан өкілдері ретіндегі ерекше рөліне тоқталып, оларды қабылдаушы елдің заңнамасы мен дәстүрлерін құрметтеуге шақырды.Өз кезегінде қазақстандық студенттер Мажарстан университеттеріндегі оқу үдерісі, таңдаған мамандықтары, кәсіби қызығушылықтары мен болашақ жоспарлары туралы айтып, бірлескен бастамалар мен іс-шараларды ұйымдастыру жөніндегі ұсыныстарымен бөлісті.Кездесу ашық әрі сындарлы ахуалда өтіп, қатысушылар тұрақты диалогты жалғастыруға және Елшілік пен Мажарстандағы қазақстандық студент жастар арасындағы өзара іс-қимылды одан әрі дамытуға мүдделілік білдірді.Ақпарат көзі : https://www.gov.kz/memleket/entities/mfa-budapest/press/news/details/1275069?lang=ru

Ақпарат көзі : https://www.gov.kz/memleket/entities/kegen-kegen/press/news/details/1275061?lang=ru

Жаңа оқу жылы қарсаңында Қарағанды облысы білім беру қызметкерлерінің «Жаңа халықтық Конституцияның нормалары мен құндылықтары: Адами капиталды дамыту – білім беру жүйесінің стратегиялық негізі» атты тамыз конференциясында адами капиталды дамыту және өскелең ұрпақтың құқықтық мәдениетін қалыптастыру мәселелері талқыланды.Іс-шараға Қарағанды облысының әкімі Ермағанбет Бөлекпаев, Оқу-ағарту бірінші вице-министрі Шынар Ақпарова, білім беру ұйымдарының басшылары, мемлекеттік органдар мен сарапшылық қоғамдастық өкілдері қатысты.Педагогтер алдында сөз сөйлеген Конституциялық Соттың судьясы Айжан Жатқанбаева Конституция тек оқып-үйрену пәні болып қана қоймай, баланың күнделікті құқықтық мәдениетінің ажырамас бөлігіне айналуға тиіс екенін атап өтті.«Бала – құқықтары мен мүдделерін қорғауға бүкіл мемлекет жұмылдырылатын жоғары конституциялық құндылықтардың бірі. Мемлекет шешім қабылдау кезінде баланың ең үздік мүдделерін басшылыққа алуға тиіс», – деп атап өтті ол.Оның айтуынша, конституциялық мәдениетті қалыптастыру тек бейіндік сабақтардың міндеті емес. Әрбір педагог оқушылардың өз құқықтары мен міндеттерін түсініп қана қоймай, басқа адамдардың қадір-қасиеті мен бостандығын құрметтеуіне ықпал ете алады.«Заң және тәртіп» қағидатына, сыни ойлауды дамытуға, цифрлық мәдениетке, қауіпсіздік пен дербес деректерді қорғауға ерекше назар аударылды.«Конституция бізге азаматтың жеткілікті дәрежеде айқын бейнесін береді. Ол – өз құқықтары мен міндеттерін білетін, өзгенің бостандығын құрметтей отырып, өз бостандығын пайдалана алатын және қабылдаған шешімдерінің салдары үшін жауапкершілікті өз мойнына алатын заманауи адам», – деп атап өтті Айжан Жатқанбаева.Ақпарат көзі : https://www.gov.kz/memleket/entities/ksrk/press/news/details/1275047?lang=ru

Ақпарат көзі : https://www.gov.kz/memleket/entities/kegen-kegen/press/news/details/1275039?lang=ru

«SHAIQAS-2026» ұлттық инженерлік чемпионатында ҚР ІІМ  Ұлттық ұланының «Burkit Team» командасы Назарбаев Университетінің өкілдерімен бірлесіп, табысты өнер көрсетті.Чемпионат барысында команда бірнеше бағыт бойынша сынға түсті. «Киберқауіпсіздік» бағыты бойынша «Burkit Team» құрамында азаматтық сала мамандары мен Ұлттық ұланның киберқауіпсіздік бөлімшелерінің штаттағы әскери қызметшілері бірлесіп жұмыс істеді.Азаматтық мамандардың тәжірибесі мен әскери қызметшілердің кәсіби даярлығы үйлесіп, аталған бағытта жоғары нәтиже көрсетуге мүмкіндік берді.Жарыс қорытындысы бойынша «Burkit Team» жалпы командалық есепте 4-орынға ие болды. Команда «Тактика» және «Киберқауіпсіздік» бағыттарында 1-орынды жеңіп алса, «Квадрокоптерден граната тастау» сайысында 2-орынға табан тіреді.Заманауи чемпионаттағы жеңістері үшін командаға кубоктар мен ақшалай сертификат табысталды.«SHAIQAS-2026» чемпионатындағы нәтижелер Ұлттық ұланның «Burkit Team» командасының тактикалық даярлық, заманауи технологиялар және киберқауіпсіздік бағыттарындағы кәсіби деңгейін көрсетті. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1275042?lang=ru

«Қазақстан Республикасы азаматтарының төлем қабілеттілігін қалпына келтіру және банкроттығы туралы» Қазақстан Республикасының Заңына сәйкес банкроттық немесе төлем қабілеттілігін қалпына келтіру рәсімдері аяқталғаннан кейін де тоқтатылуға (есептен шығарылуға) жатпайтын міндеттемелер тізілімі бар.Мұндай борыштарға мыналар жатады:Алименттер: Алименттерді алуға құқығы бар тұлғаларға оларды төлеу жөніндегі міндеттемелер.Өмірге немесе денсаулыққа келтірілген зиян: Адамның өміріне немесе денсаулығына келтірілген зиянды өтеу.Қылмыстық құқық бұзушылықтар: Қылмыстық құқық бұзушылықтар жасау салдарынан туындаған залалды өтеу.Бюджетке төленетін төлемдер: Сот шешімі бойынша өндіріп алынатын бюджетке түсетін түсімдер.Ұлттық Банк желісі бойынша талаптар: «Қазақстан Республикасының Ұлттық Банкі туралы» ҚР Заңына сәйкес туындайтын талаптар.Басқарушының сыйақысы: Рәсімді жүргізген қаржылық басқарушының төленбеген (толық немесе ішінара) сыйақысы.Бұдан бөлек, міндеттемелерді тоқтату үшінші тұлғалардың міндеттемелері бойынша кепілгерлер, кепіл болушылар немесе кепіл салушылар ретінде әрекет ететін борышкерлерге қолданылмайды.Төлем қабілеттілігін қалпына келтіру рәсімі сәтті аяқталғаннан кейін де борышкердің жоғарыда аталған талаптарды (алименттер, өмірге келтірілген зиян және т.б.) орындау міндеті толық көлемде сақталатынын атап өту маңызды.Ақпарат көзі : https://www.gov.kz/memleket/entities/kgd-zhetysu/press/news/details/1275023?lang=ru