Алматы облысының цифрлық технологиялар басқармасы ұйымдастыруымен «Кәсіби қызметте жасанды интеллект технологияларын қолдану» тақырыбындағы оқыту семинарлары кезең-кезеңімен жалғасуда.Оқытудың екі кезеңі аясында семинарларға мемлекеттік органдардың, білім беру ұйымдарының, құқық қорғау құрылымдарының өкілдері, сондай-ақ мәслихат аппаратының мемлекеттік қызметшілері қатысты.Іс-шара барысында қатысушылар жасанды интеллект технологияларының түрлі саладағы мүмкіндіктерімен танысып, AI құралдарын күнделікті жұмыс барысында тиімді пайдалану жолдарын талқылады. Сонымен қатар, цифрлық шешімдерді жұмыс процестеріне енгізу, ақпаратты өңдеу, құжаттармен жұмыс істеу және қызмет тиімділігін арттыру бағыттары бойынша тәжірибелік ақпарат ұсынылды.Семинарлар барысында мемлекеттік басқару, білім беру және құқық қорғау салаларында жасанды интеллектті қолданудың перспективалары қарастырылып, цифрлық құзыреттер мен цифрлық сауаттылықты дамыту мәселелеріне ерекше назар аударылды.Аталған оқыту семинарлары мемлекеттік органдардың цифрлық трансформациясын жеделдету және заманауи технологияларды тиімді енгізу мақсатында алдағы уақытта да кезең-кезеңімен жалғасатын болады.Барлық қатысушыларға белсенді қатысқандары және цифрлық дағдыларды дамытуға қызығушылық танытқандары үшін алғысымызды білдіреміз.Ақпарат көзі : https://www.gov.kz/memleket/entities/almobl-tehnologiya/press/news/details/1231718?lang=ru

Қазақстан Республикасы ІІМ Ұлттық ұланын жүйелі жаңғырту шеңберінде өңірлердегі автопарктар едәуір жаңартылды. Ақтау, Жаңаөзен, Алматы, Тараз және Түркістан қалаларында жаңа техника кілттерін табыстаудың салтанатты рәсімдері өтті. Бұл материалдық-техникалық базаны нығайтуға, бөлімшелердің мобильдігін арттыруға және қоғамдық қауіпсіздікті тиімді қамтамасыз етуге бағытталған қадам. Ақтаудағы Каспий теңізінің жағалауындағы Амфитеатр аумағында "Батыс" өңірлік қолбасшылығына қарасты 6656 әскери бөлімінің әскери қызметшілеріне жаңа қызметтік автомобильдер табысталды. Жеке құрам отандық өндірістегі 15 жаңа автокөліктің кілтін алды. Сондай-ақ, Жаңаөзенде жергілікті полкқа да 15 жаңа көлік берілді, бұл өңірдегі құқықтық тәртіп пен қоғамдық қауіпсіздікті айтарлықтай нығайтуға мүмкіндік береді. Елдің батысында көлік жаңарту бағдарламасы әлі де жалғаспақ: жақын арада Ақтөбе, Атырау және Оралдағы Ұлттық ұлан бөлімшелеріне де жаңа көліктер беріледі. "Оңтүстік" өңірлік қолбасшылығының Алматы, Түркістан және Тараз қалаларындағы әскери бөлімдеріне жалпы саны 150-ден астам заманауи автомобиль берілді. Нақтырақ айтсақ, жеке құрамды тасымалдау, жанар-жағармай материалдарымен қамтамасыз ету, су тасымалдау және көлік-шаруашылық, жауынгерлік міндеттерді орындау үшін Алматыға 53, Тараз қаласындағы 5513 әскери бөліміне 21, ал Түркістан қаласында орналасқан 5574 әскери бөліміне 5 техника алынды. Құқықтық тәртіп әскерінің автопарктарының техникалармен толығуы  әскердің жауынгерлік әлеуетін арттырудағы маңызды кезеңі болды. Себебі, бұл ұландықтарға азаматтардың қауіпсіздігін қамтамасыз ету жөніндегі міндеттерді одан әрі жедел орындауға мүмкіндік береді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1231740?lang=ru

Балалар мерекесі қарсаңында ҚР ІІМ Ұлттық ұланы әлеуметтік бастама көтеріп, Астана қаласындағы «Ана мен бала» ұлттық ғылыми орталығында ем қабылдап жатқан бүлдіршіндерге арналған мерекелік іс-шара өткізді. Ізгі шара балаларға шаттық сыйлап, олардың жүздеріне күлкі ұялатуды мақсат етті. Оған Ұлттық ұланның әскери қызметшілері, орталық қызметкерлері, ата-аналар мен балалар қатысты. Іс-шара барысында Ұлттық ұланның Бас қолбасшысы генерал-лейтенант Аңсаған Балтабековтің атынан медициналық орталыққа және онда ем алып жатқан бүлдіршіндерге түрлі сыйлықтар табысталды. Арнайы ұйымдастырылған мерекелік бағдарламада құқықтық тәртіп әскерінің үлгілі-көрсетілім оркестрі көрермендердің зор қошеметіне бөленді. Әсіресе, әскери оркестрдің «Қуырмаш», «Қошақаным» секілді туындыларды, сондай-ақ балалар арасында кеңінен танылған шетелдік шығармаларды орындауы бүлдіршіндерге ерекше әсер сыйлады. Бұдан бөлек, көпшілік алдында Ән-би ансамблі де өнер көрсетті. Бұл концерт ем қабылдап жатқан балалар үшін күтпеген әрі қуанышты сый болды. Сонымен қатар балалар мен ата-аналар қару-жарақтың, брондалған және жеке қорғаныс құралдарының көрмесін тамашалады. Қонақтар әскери техникамен жақын танысып, естелік суреттерге түсу мүмкіндігіне ие болды. Осылайша, Балаларды қорғау күніне арналған мерекелік іс-шара бүлдіршіндердің жүздеріне қуаныш сыйлап, оларға жарқын әсер қалдырды. Айта кетейік, Ұлттық ұлан осындай іс-шаралар арқылы өскелең ұрпақты Отанды құрметтеуге шақырып, патриоттық рухта тәрбиелеуді дәстүрге айналдырған. Мұның дәлелі ретінде оркестрдің бұған дейін жүзеге асырған Guard Next жобасын атауға болады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1231747?lang=ru

Атырауда мүмкіндігі шектеулі жандарға арналған заманауи «Алмалы» оңалту орталығының салтанатты ашылу рәсімі өтті. Әлеуметтік маңызы зор нысан Мемлекет басшысының Ұлттық құрылтайдың IV отырысындағы тапсырмасы негізінде пайдалануға берілді.Іс-шараға Атырау облысының әкімі Серік Шәпкенов, мемлекеттік органдар өкілдері, ардагерлер мен өңір тұрғындары қатысты.Жалпы аумағы 22 мың шаршы метрді құрайтын үш қабатты орталықтың құрылысы 2023 жылы басталған. Бір мезетте 150 адамды қабылдай алатын мекеме балалар мен ересектерге кешенді оңалту қызметін көрсетеді. Жаңа орталықтың ашылуы нәтижесінде өңірде көрсетілетін қызмет көлемі едәуір артпақ. Бұған дейін жыл сайын шамамен 1100 ерекше қажеттілігі бар азамат оңалту көмегін алса, енді олардың саны 2300 адамға дейін көбейеді.Салтанатты рәсімде сөз сөйлеген облыс әкімі әлеуметтік инфрақұрылымды дамыту мен ерекше қажеттілігі бар азаматтарды қолдау мемлекеттік саясаттың басым бағыттарының бірі екенін атап өтті.– Бұл орталық мүмкіндігі шектеулі азаматтарға жан-жақты қолдау көрсетеді. Осындай маңызды әлеуметтік нысанның іске қосылуы – облысымыз үшін үлкен қуаныш. Бұл – әр адамға тең мүмкіндік беретін инклюзивті қоғам қалыптастыру жолындағы маңызды қадам. Жобаның жүзеге асуына үлес қосқан барша азаматқа алғыс айтамын. Ұжымға табысты еңбек, ал орталық көмегіне жүгінушілерге мықты денсаулық пен тезірек сауығып кетуді тілеймін, – деді Серік Шәпкенов.Орталықта тірек-қимыл аппараты бұзылған, балалар церебралды сал ауруына шалдыққан, Даун синдромы мен аутизм спектріндегі ауытқулары бар 3 пен 18 жас аралығындағы балаларға кешенді оңалту қызметі көрсетіледі. Мұнда АВА-терапия кабинеттері, механотерапия залдары, сенсорлық интеграция бөлмелері, сондай-ақ еңбек және арт-терапия шеберханалары бар.Ересектерге, оның ішінде І және ІІ топтағы мүгедектігі бар азаматтарға да қолайлы жағдай жасалған. Орталықта физиотерапия кабинеттері, заманауи құрылғылармен жабдықталған емдік дене шынықтыру залы, бассейн және су емдеу кешені жұмыс істейді.«Алмалы» мүгедектігі бар адамдарды әлеуметтік оңалту орталығының директоры Анар Қаюпованың айтуынша, қызметі алты негізгі бағыт бойынша ұйымдастырылған. Олар – әлеуметтік-тұрмыстық, медициналық, психологиялық, педагогикалық, әлеуметтік-еңбек және мәдени оңалту жұмыстары.– Орталық кешенді оңалтуға арналған заманауи құрал-жабдықтармен қамтамасыз етілген. Әрбір қызмет алушыға жеке оңалту және әлеуметтік бейімдеу бағдарламасы әзірленеді. Дәрігерлер, мейіргерлер, психологтар, логопедтер, дефектологтар және басқа да мамандарды қоса алғанда, 189 қызметкер еңбек етеді, – деді Анар Қаюпова.Қазіргі таңда Атырау облысында 27 мыңнан астам мүмкіндігі шектеулі азамат тұрады. «Алмалы» орталығының ашылуы — әлеуметтік саладағы елеулі жаңалық және ерекше қажеттілігі бар жандарға жайлы орта құру бағытындағы кезекті бір маңызды қадам.Ақпарат көзі : https://www.gov.kz/memleket/entities/atyrau/press/news/details/1231802?lang=ru

КТП-О42 (ӘЖ жұмыстар) Тепличная көш. 22 мекенжайындағы «1+1» дүкені. Жеке сектор: Тепличная көш. 11-31, Гольдаде көш. 1-7, 19, 5а, 2/1-2/6, 34-39, Геологическая көш. 63-69, 101.27-31 шілде 2026 ж 10:00-18:00КТП-DS Corporation (Трансформаторлық кіші станциядағы жөндеу жұмыстары) Ш.Ш. Жәнібек батыр көш. 50а мекенжайындағы «DS Corporation» ЖШС.27 шілде 2026 ж 10:00-13:00КТП-DS Corporation (Трансформаторлық кіші станциядағы жөндеу жұмыстары) РП-27-ден қосылған «DS Corporation» ЖШС.27 шілде 2026 ж 14:00-17:00РП-1 (Әуе желілеріндегі жөндеу жұмыстары) «Лента» дүкені, ЖК Сапбеков, ЖК Сейтенов, ЖК Ахчин Г, ЖК Ахметова, Қайырбеков көш. 420 б мекенжайындағы құрылыс алаңы – «Сара КЗ» ЖШС.27,28 шілде 2026 ж 10:00-18:00@qostanai.ikomekАқпарат көзі : https://www.gov.kz/memleket/entities/kostanai-kalasy-akimat/press/news/details/1264096?lang=ru

Ақпарат көзі : https://www.gov.kz/memleket/entities/vko-samar-sarybel/press/news/details/1231814?lang=ru

Алматы облысында 602 мыңнан астам баланың денсаулығы тұрақты бақылауда. Бұл туралы Балаларды қорғаудың халықаралық күніне арналған брифингте Алматы облысы Денсаулық сақтау басқармасы басшысының орынбасары Лейла Серікбаева мәлімдеді.Оның айтуынша, өңірде ана мен бала денсаулығын қорғау бағытында кешенді жұмыстар жүргізілуде. 2026 жылдың алғашқы 4 айында әйелдерді прегравидарлық дайындықпен қамту көрсеткіші 46,7%-ға жетіп, жоспарланған межеден асты.Қазіргі таңда облыста 13 босандыру ұйымы жұмыс істейді. Сонымен қатар, шала туған нәрестелерге сапалы көмек көрсету, жүкті әйелдер мен балаларға патронаждық бақылау жүргізу, ерте араласу орталықтарының жұмысын күшейту бағытында жүйелі шаралар қолға алынған.«Балалардың денсаулығы — ел болашағының берік негізі. Сондықтан біз профилактикаға, ерте диагностикаға және сапалы медициналық көмектің қолжетімді болуына ерекше мән береміз», — деді Лейла Серікбаева.Брифинг барысында балалар арасында жиі кездесетін аурулар құрылымы, иммунопрофилактика, стоматологиялық көмекті дамыту және жазғы демалыс кезіндегі қауіпсіздік шаралары туралы да айтылды.Сондай-ақ 25 мамыр мен 5 маусым аралығында облыста «Шекарасыз медицина», «Қауіпсіз жаз» акциялары, ашық есік күндері және шалғай ауылдарға жылжымалы медициналық кешендердің шығуы ұйымдастырылады.Ақпарат көзі : https://www.gov.kz/memleket/entities/almobl-densaulyk/press/news/details/1231852?lang=ru

Халықаралық балаларды қорғау күні қарсаңында Атырау облыстық балалар ауруханасына Алматы қаласындағы Medical Park орталығынан жоғары санатты бет-жақ хирургі, медицина ғылымдарының докторы, профессор Серік Нұрмағанов арнайы шақырылды. Бұл туралы Өңірлік коммуникациялар қызметі хабарлады.Маманның қатысуымен өңір дәрігерлеріне арналған шеберлік сабағы ұйымдастырылып, туа біткен бет-жақ ақаулары бар балаларға күрделі операциялар жасау тәсілдері көрсетілді.Алғашқы операция бүгін 1 жас 9 айлық балаға жасалды. Дәрігерлер ота сәтті өткенін айтып, мұндай тәжірибе алдағы уақытта да жалғасатынын жеткізді.-Қазір облыста бет-жақ сүйектерінде түрлі ауытқуы бар 300-ге жуық бала есепте тұр. Соның ішінде таңдай жырығы диагнозы қойылған балаларға дер кезінде ота жасау олардың дұрыс тамақтануы мен сөйлеу қабілетінің қалыптасуына оң әсер етеді.28-30 мамыр аралығында өтетін шеберлік сабағы аясында жалпы саны 12 операция жасау жоспарланған. Күніне төрт ота жасалады. Сонымен қатар, 28-29 мамыр күндері профессор Серік Нұрмағанов пациенттерді қабылдап, кеңес береді, - деді облыстық денсаулық сақтау басқармасының басшысы Қайсар Абдалиев.Айта кетейік, бұл бастама Халықаралық балаларды қорғау күні қарсаңында былтыр басталып, дәстүрлі жобаға айналуда.Ақпарат көзі : https://www.gov.kz/memleket/entities/atyrau/press/news/details/1231859?lang=ru

Астана, 2026 жылғы 1 маусым – «KazAID» Қазақстандық халықаралық даму агенттігі басқарма төрағасының м.а. Ж. Асановтың БҰҰ Есірткі және қылмыс жөніндегі басқармасының Қазақстандағы Бағдарламалық кеңсесінің басшысы М. Сариевамен кездесуі өтті.Әңгімелесу барысында KazAID-тің басым географиялық және секторлық бағыттары, басқа да даму агенттіктерімен бірлескен бағдарламалары мен іс-шаралары туралы ақпарат ұсынылды. БҰҰ Есірткі және қылмыс жөніндегі басқармасының өкілдері ұйымның Орталық Азия мен Қазақстандағы қызметі туралы айтып берді. Сондай-ақ KazAID және БҰҰ Есірткі және қылмыс жөніндегі басқармасының арасында пенитенциарлық және сыбайлас жемқорлыққа қарсы іс-қимыл салаларында іске асырылған бірлескен жобаларға ерекше назар аударылды.Орталық Азиядағы дамуға ресми көмектің (ДРК) жалғыз операторы бола отырып, KazAID серіктес елдерде Тұрақты даму мақсаттарына қол жеткізуге жәрдемдесуге өзінің бейілділігін білдіреді.Ақпарат көзі : https://www.gov.kz/memleket/entities/kazaid/press/news/details/1231860?lang=ru

ҚР Өнеркәсіп және құрылыс вице-министрі Рахымжан Исақұлов бастаған Астаналық делегация Қытайдың Сямын қаласында өткен BRICS PartNIR Forum 2026 «Advancing the Network of Partner Cities on New Industrial Revolution» форумына қатысты.Делегация құрамына елорданың Инвестициялар және кәсіпкерлікті дамыту басқармасының, сондай-ақ «Astana Invest» қалалық инвестицияларды дамыту орталығы өкілдері де кірді.«Advancing the Network of Partner Cities on New Industrial Revolution» панельдік сессиясы аясында отандық мамандар Астананың даму перспективалары мен инвестициялық тартымдылығы туралы баяндама жасады.Сондай-ақ жетекші қытайлық кәсіпорындардың өнімдері қойылған көрмені аралап, заманауи технологиялық және өнеркәсіптік шешімдермен танысты.Форум барысында «Golden Dragon» брендіне тиесілі жолаушылар автобустарын шығаратын зауытқа да барды. Делегация өкілдері шасси құрастырудан бастап дайын автобусты шығаруға дейінгі өндірістің толық циклімен танысты.Аталған зауыт Қытайдың автомобиль өнеркәсібіндегі жетекші кәсіпорындардың бірі болып табылады және жолаушылар автобустарын Қазақстанды қоса алғанда, әлемнің 100-ден астам еліне экспорттайды.Халықаралық ынтымақтастықты кеңейту мақсатында саммит аясында «Beijing Gongxin International» және «Zijin Gold International Company Limited» компанияларының өкілдерімен B2B форматындағы кездесулер өтті. Келіссөздер барысында жаңа өнеркәсіптік революция серіктес қалалары желісін дамыту, өнеркәсіптік ынтымақтастықты нығайту, сондай-ақ Қазақстан астанасына инвестиция тарту мәселелері талқыланды.Ақпарат көзі : https://www.gov.kz/memleket/entities/astana-uir/press/news/details/1231869?lang=ru

Астана, 2026 жылғы 19 мамыр – ҚР Президенті Қасым-Жомарт Тоқаевтың қатысуымен «Алтын Орда – дала өркениетінің моделі: тарих, археология, мәдениет, бірегейлік» атты халықаралық симпозиумның ашылу рәсімі өтті.19-20 мамыр аралығында ЮНЕСКО қамқорлығымен өтіп жатқан ауқымды халықаралық форум Жошы ұлысының тарихи мұрасын және оның Орталық Еуразия кеңістігіндегі өркениеттік үдерістердің қалыптасуындағы рөлін жан-жақты зерделеу мақсатында отандық және шетелдік жетекші ғалымдарды, сарапшылар мен халықаралық ғылыми қауымдастық өкілдерін бір алаңға біріктірді.Симпозиумның мақсаты – Қазақстан Республикасын Алтын Орда мұрасын зерттейтін жетекші халықаралық орталық ретінде таныту, сондай-ақ Жошы ұлысының саяси, экономикалық, мәдени және рухани мұрасын кешенді пәнаралық талдау арқылы Орталық Еуразия өркениеттерін зерттеу саласындағы елдің ғылыми әлеуетін көрсету және оның Еуразиядағы қазіргі интеграциялық үдерістер үшін маңызын айқындау.Симпозиум аясында Алтын Орданың дала өркениетінің моделі ретіндегі мұрасына арналған тақырыптық көрме де ұйымдастырылды. Экспозицияға археологиялық, жазба және мәдени жәдігерлер қойылған.Көрменің құрылымы бірнеше негізгі тақырыптық бөлімдерді қамтиды: мемлекет және билік, дала сәні мен киім үлгілері, әскери іс, дала және қала өркениеттерінің өзара ықпалдастығы, мәдениет, ғылым және өнер. Ерекше назар 70 археологиялық және сәулет ескерткішін қамтитын интерактивті картаға аударылған. Оның ішінде 17 нысанға кеңейтілген сипаттама, әуеден түсірілген фотосуреттер мен 3D-визуализация ұсынылған.Симпозиумда сондай-ақ ЮНЕСКО-ның мәдениет жөніндегі Бас директоры орынбасарының міндетін атқарушы, ЮНЕСКО-ның Бүкіләлемдік мұра орталығының директоры Элунду Лазар, Қырғыз Республикасының Мемлекеттік хатшысы Арслан Койчиев, Татарстан Республикасының мәдениет министрі Ирада Аюпова, «La France s’engage» қорының президенті Одрэ Азуле, Моңғолия Ғылым академиясының президенті Содносамбуу Дэмбэрэл, Өзбекстан Республикасы Ғылым академиясының президенті Шавкат Аюпов, сондай-ақ Татарстан Республикасы Ғылым академиясы Ш. Маржани атындағы Тарих институтының М.А. Усманов атындағы Алтын Орда және татар хандықтарын зерттеу орталығының жетекшісі Ильнур Миргалиев құттықтау сөз сөйледі.Симпозиум барысында Алтын Орданың этносаяси тарихы, оның мұрасының қазіргі заманғы маңызы, болашақ зерттеу бағыттары, материалдық және рухани мәдени мұра, жазба және ауызша дереккөздер, сондай-ақ Ұлы Жібек жолы бойындағы өркениеттік ықпалдастық мәселелеріне ерекше назар аударылады.Форум аясында Алтын Орданың тарихи-мәдени мұрасын пәнаралық зерттеуге, археологиялық жаңалықтарға, тарихи жады мен бірегейлікті қалыптастыру мәселелеріне арналған мамандандырылған ғылыми секциялар өтеді.Халықаралық форумның маңызды қорытындыларының бірі – халықаралық ғылыми ынтымақтастықты дамытуға, зерттеу бастамаларын біріктіруге және түрлі елдердің ғылыми орталықтары мен сарапшылық қауымдастықтары арасындағы өзара байланысты нығайтуға бағытталған Алтын Орда мұрасы жөніндегі Астана декларациясының қабылдануы болды.Қазақстанда халықаралық симпозиумның өтуі елдің Орталық Азия тарихы мен мұрасын зерттейтін жетекші орталықтардың бірі ретіндегі халықаралық беделін одан әрі нығайтуға, ғылыми диалогты кеңейтуге және еуразиялық өркениеттің қалыптасуында маңызды рөл атқарған тарихи үдерістерді объективті зерделеуге ықпал етеді. Ақпарат көзі : https://www.gov.kz/memleket/entities/mfa-dubai/press/news/details/1231939?lang=ru

2026 жылғы 21 мамыр күні Тараз қаласында «Заң мен тәртіп» тұжырымдамасы және «Қоғаммен байланыс» жобасы аясында азаматтарды қабылдау іс-шарасы ұйымдастырылды. Іс-шара Тараз қаласының прокуратурасы бастамасымен, Жамбыл облысының прокуратурасы басшылығының қатысуымен өтті.Қабылдау Қайрат Рысқұлбеков саябағы аумағында ұйымдастырылып, оған бірқатар мемлекеттік органдардың өкілдері қатысты. Аталған шараға Жамбыл облысы әкімдігінің табиғи ресурстар және табиғат пайдалануды реттеу басқармасы тарапынан бас маман Сатенов Абылхан Александрович қатысып, азаматтарды жеке мәселелері бойынша қабылдады.Қабылдау барысында тұрғындар экологиялық мәселелер, табиғатты пайдалану, жасыл аймақтарды күтіп ұстау және қоршаған ортаны қорғау бағытындағы сауалдарын қойып, тиісті түсіндіру жұмыстарын алды. Сонымен қатар азаматтардың өтініштері назарға алынып, заң аясында шешу жолдары түсіндірілді.Іс-шараның негізгі мақсаты — халықпен ашық байланыс орнату, азаматтардың өзекті мәселелерін тыңдау және құқықтық көмек көрсету. Мұндай кездесулер мемлекеттік органдар мен тұрғындар арасындағы өзара сенімді нығайтуға мүмкіндік береді. Ақпарат көзі : https://www.gov.kz/memleket/entities/zhambyl-tabigat/press/news/details/1231955?lang=ru

2026 жылғы 29 мамыр күні Тараз қаласында құқықтық мәдениетті арттыруға және азаматтардың құқықтық сауаттылығын дамытуға бағытталған бірқатар маңызды іс-шаралар ұйымдастырылды. Атап айтқанда, сағат 10:00-де Достық үйінде медиаторлар форумы өтсе, сағат 15:00-де «Mart» сауда-ойын-сауық орталығында «Халық заңгері» акциясы өткізілді.Аталған іс-шаралардың негізгі мақсаты – тұрғындардың құқықтық сауаттылығын арттыру, азаматтардың құқықтарын қорғау тетіктерін түсіндіру, сондай-ақ қоғамда медиация институтын кеңінен насихаттау болып табылады.Медиаторлар форумына медиаторлар, заңгерлер, нотариустар, сот орындаушылары, үкіметтік емес ұйымдардың өкілдері, мемлекеттік органдардың мамандары және Тараз қаласының тұрғындары қатысты. Форумның ашылуында «Заңды сыйлау – өзіңді сыйлау» республикалық жобасының ұлттық сарапшысы, «Ұлттық медиаторлар палатасы» РҚБ басқарма төрайымы С.Ю. Романовская сөз сөйлеп, медиаторлардың қоғамдағы рөлі, дауларды сотқа жеткізбей шешудің маңызы және медиация институтының тиімділігі жөнінде атап өтті.Сондай-ақ «Жамбыл облысының ҮЕҰ қауымдастығы» ЗТБ төрайымы А.О. Заурбекова сөз алып, өңірдегі медиаторлардың атқарып отырған жұмыстарына тоқталып, азаматтар арасындағы дауларды бейбіт жолмен шешуде медиацияның маңызын ерекше атап өтті.Форум барысында қатысушылар «Жамбыл облысының үздік медиаторы – 2026» байқауы туралы ақпаратпен танысып, өңірде медиация саласын дамытуға бағытталған бастамалар жөнінде мәлімет алды.Бүгінгі таңда медиация институтының қоғамдағы рөлі артып келеді. Медиаторлар азаматтық, еңбек және өзге де дауларды сотқа жеткізбей шешуге ықпал етіп, қоғамдағы тұрақтылық пен өзара түсіністікті нығайтуға үлес қосуда.Осы күні өткен «Халық заңгері» акциясы аясында тұрғындарға мемлекеттік органдардың өкілдері тарапынан тегін құқықтық кеңестер берілді. Азаматтар өздерін толғандырған сұрақтарын қойып, құқықтық көмек алды.Аталған шара барысында Жамбыл облысы әкімдігінің табиғи ресурстар және табиғатты пайдалануды реттеу басқармасының бас маманы Абылхан Александрович Сатенов азаматтарды жеке мәселелері бойынша қабылдап, экология, табиғатты пайдалану, жасыл аймақтарды күтіп ұстау және қоршаған ортаны қорғау салаларына қатысты сұрақтарға заң аясында түсіндіру жұмыстарын жүргізді.Тұрғындар көтерген мәселелер назарға алынып, оларды шешудің құқықтық жолдары түсіндірілді.Өткізілген іс-шаралар өңір тұрғындарының құқықтық мәдениетін арттыруға және мемлекет пен азаматтар арасындағы кері байланысты нығайтуға ықпал етті.Ақпарат көзі : https://www.gov.kz/memleket/entities/zhambyl-tabigat/press/news/details/1231959?lang=ru

Алматы облысында экологиялық туризмді дамыту және жасыл аймақтардың көлемін ұлғайту бағытында бірнеше ірі экопарк жобасы жүзеге асырылуда. Жаңа нысандарға тартылатын инвестиция көлемі 22 млрд теңгеден асады.Қазіргі таңда облыс аумағында жалпы көлемі 69 мың гектардан асатын 20-дан астам экопарк жұмыс істейді. Алдағы жылдары олардың қатары жаңа демалыс және рекреациялық аймақтармен толықпақ.Ірі жобалардың бірі – аумағы 10 гектар болатын «Барыс» экопаркі. Жобаның құны шамамен 1,5 млрд теңгені құрайды. Болашақта парк аумағында 7 мыңнан астам ағаш отырғызу жоспарланған.Сонымен қатар жеке инвестициялар есебінен тағы екі ірі жоба іске асырылуда. Аумағы 5,5 гектар болатын «Tal Resort» экопаркінің құны шамамен 5 млрд теңгені құрайды. Құрылыс жұмыстары екі кезеңмен жүргізіледі. Жобаның бірінші кезеңін 2026 жылдың соңында аяқтау, ал нысанды толық пайдалануға беруді 2027 жылға жоспарланған.Сондай-ақ құны 5 млрд теңге болатын «Aykan Resort» экопаркінің құрылысы да жүргізілуде. Жобаның жалпы аумағы 8,5 гектарды құрайды. Нысанды 2027 жылы пайдалануға беру көзделген.Бұдан бөлек, 2027–2028 жылдары облыста тағы екі жоба жүзеге асырылады. Атап айтқанда, «Көшпенділер» экопаркіне шамамен 700 млн теңге, ал «Орталық саябақ» жобасына шамамен 10 млрд теңге инвестиция тарту жоспарланып отыр.Алматы облысы тұрғын үй-коммуналдық шаруашылық және абаттандыру басқармасының мәліметінше, аталған жобалар өңірдің туристік әлеуетін арттырып, жасыл аймақтарды кеңейтуге және халық үшін қолайлы демалыс инфрақұрылымын қалыптастыруға мүмкіндік береді.Ақпарат көзі : https://www.gov.kz/memleket/entities/almobl/press/news/details/1231982?lang=ru

ЖОЛ ҚАЗЫЛМАЙДЫ: КӘРІЗ ЖЕЛІЛЕРІ ЗАМАНАУИ ӘДІСПЕН ЖАҢАРТЫЛУДАШымкентте инженерлік инфрақұрылым көшені қазбай-ақ, заманауи технология арқылы жаңартылуда. Бүгінде тозығы жеткен кәріз желілерін жаңарту барысында шетелдік Hebei HUANSHUI Pipe Industry Co., Ltd. компаниясының кеңінен қолданылып жүрген спиральді бұрау технологиясы пайдаланылуда. Бұл әдіс жол жабынын бұзбай және қалалық инфрақұрылымға зиян келтірмей ескі құбырларды қалпына келтіруге мүмкіндік береді. Технологияның мәні – арнайы жабдықтың көмегімен қолданыстағы тозған құбырдың ішінен жаңа полимерлі құбыр қалыптастыру. Ол спиральді бұрау әдісі арқылы жүзеге асырылады. Нәтижесінде инженерлік желілердің ұзақ жылдар бойы сенімді жұмыс істеуін қамтамасыз ететін берік әрі төзімді құрылым пайда болады. Технологияның басты артықшылығы – жұмысты ауқымды жер қазбай-ақ жүргізу мүмкіндігінде. Бұл жол жабынын сақтауға, көлік қозғалысын шектемеуге және қала тұрғындарына келетін қолайсыздықтарды барынша азайтуға мүмкіндік береді. Сонымен қатар, жұмыс мерзімі едәуір қысқарып, абаттандыруды қалпына келтіру мен жер қазуға кететін шығын төмендейді. Қазіргі таңда «Су ресурстары – Маркетинг» ЖШС мамандары технологияны қытайлық серіктестерден меңгеріп, іс жүзінде қолданып жатыр. Жергілікті мамандарды оқыту, тәжірибе алмасу және кәріз желілерін қайта жаңартудың заманауи әдістерін енгізу тұрақты жүргізіліп отырады. Алдағы уақытта бұл технологияны Шымкент қаласының инженерлік инфрақұрылымын жаңарту барысында кезең-кезеңімен кеңінен қолдану жоспарлануда. Заманауи траншеясыз әдісті пайдалану кәріз желілерінің сенімділігін арттырып, пайдалану шығындарын азайтуға және қала тұрғындарына қолайлы жағдай жасауға мүмкіндік береді.  Ақпарат көзі : https://www.gov.kz/memleket/entities/shymkent-energetika-kommunal/press/news/details/1232011?lang=ru

2026 жылғы 22 мамырда Қарағанды қаласында, «А. Ермеков атындағы мектеп-лицейі» КММ базасында үш өлшемді компьютерлік модельдеу бойынша чемпионат өтті. Іс-шара «Болашақ инженерлері» облыстық жобасы аясында ұйымдастырылды. Жарыс қорытындысы бойынша түрлі санаттардағы жеңімпаздар анықталды:• Модельдеу (10-13 жас):ІІІ орынды Харитониди Николай иеленді («№9 гимназия базасындағы тірек мектебі (ресурстық орталық)» КММ, жетекшісі — Ю.В. Федоров).Арнайы номинациялар:«Жас инженер» – Кожин Артем («Жастар» балалар-жасөспірімдер орталығы» КҚКМ, жетекшісі — А.В. Пак),«Болашақ инженер» – Дулат Нұрдәулет («№9 гимназия базасындағы тірек мектебі (ресурстық орталық)» КММ, жетекшісі — Ю.В. Федоров).• Модельдеу (14-17 жас):ІІІ орын Насонова Дарьяға берілді («№12 тірек мектебі (ресурстық орталық)» КММ, жетекшісі — А.В. Пак).ІІІ орынды Сафин Максим иеленді («№9 гимназия базасындағы тірек мектебі (ресурстық орталық)» КММ, жетекшісі — Ю.В. Федоров).• Прототиптеу (10-17 жас):ІІ орынды Райкова Яна мен Ленганг Давид құрамындағы «№12 тірек мектебі (ресурстық орталық)» КММ оқушылар командасы иеленді (жетекшісі — А.В. Пак).Жеңімпаздарды құттықтаймыз!!!Ақпарат көзі : https://www.gov.kz/memleket/entities/edu-osakarovka/press/news/details/1232036?lang=ru

 1 маусым – Халықаралық балаларды қорғау күніне орай Қарулы күштердің Ұлттық әскери-патриоттық орталығында әскери қызметшілердің отбасымен жұмысты ұйымдастыру қызметінің бастамасымен өткен «Отан отбасынан басталады» байқауының жеңімпаздары мен жүлдегерлерін марапаттау салтанаты өтті.Іс-шара орталықтың фойесінде «Менің әкем қаһарман» тақырыбында балалар салған суреттер көрмесінің ашылуынан басталды. Көрмеге еліміздің әр өңірінен қатысқан балалардың шығармашылық жұмыстары қойылды.Шығармашылық байқау жеңімпаздарын марапаттау рәсімінде Қарулы күштер Ұлттық әскери-патриоттық орталығының бастығы, Қазақстан Республикасының еңбек сіңірген қайраткері Арман Әсенов құттықтап сөз сөйледі.– Қорғаныс министрінің атынан барша бүлдіршіндерді айтулы мерекемен құттықтаймын. Бүгін «Отан отбасынан басталады» байқауының үздіктерін марапаттағалы тұрмыз. Таланттар осылайша бала кезден танылады. Сендерге әрі қарай да шығармашылық шабыт пен жетістіктер тілеймін. Сендер елдің болашағысыңдар, – деді Арман Әсенов.Байқау бірнеше жас санаты бойынша өтті. 4 жастан 9 жасқа дейінгі балалар арасында «Менің әкем – қаһарман» тақырыбында салынған суреттер бағаланса, 10-13 жас аралығындағы қатысушылар «Менің Отаным» тақырыбында өлең жазудан бақ сынады. Ал 14-16 жас аралығындағы жасөспірімдер «Ешкім де, ешнәрсе де ұмытылмайды» тақырыбында бейнероликтер дайындады.Дүбірлі доданың жеңімпаздары төмендегідей орындарды еншіледі. «Менің әкем қаһарман» байқауы бойынша 4 жастағылар арасында жеңіске жеткен Мадияр Аянұлы (ҚӘ ӘИ, Алматы қ.), 5 жас – Айару Байтас (68665 ә/б Астана қ), 6 жас –  Асқар Арлан (21751 ә/б Талдықорған қ.), 7 жас – Айсұлу Хасен (32363 ә/б Қонаев қ.), 8 жас – Ералы Ернұрұлы (18404 ә/б Талдықорған қ.), 9 жас – Айдария Русланқызы (18404 ә/б Талдықорған қ.), «Менің отаным» тақырыбына өлең шығару байқауында 10 жастағы балалар арасында бірінші орын Айдын Нұрмаханға (85395 ә/б Тараз қ.), 11 жастағы Ибрахим Асқарұлына (55765 ә/б Астана қ.), 12-дегі Заңғар Асанға (83205 ә/б Астана қ.), 13 жастағы Жанель Тоқтасынға (ҚӘ ӘИ Алматы қ.) бұйырды. 14 жастан 16 жасқа дейінгі балалар арасында өткен «Ешкімде, еш нәрсе де ұмытылмайды» тақырыбында түсірген бейнероликтер бойынша жеңіске 16 жастағы Ақмарал Бақыт (68665 ә/б Астана қ.) жетті.– Осы байқауға үш балам қатысты. Екеуі әр жас ерекшеліктеріне қарай «Менің Отаным» тақырыбында өлең жазудан жүлделі орындар алды. Қуаныштымыз. Былтыр бір балам «Балдәурен» сауықтыру орталығында демалып келген. Әскери қызметшілердің балаларына жасалып жатқан шаралар үшін Қорғаныс министрлігіне алғысымды айтамын, – деді қатысушылардың анасы Гүлнұр Кемелова. «Шығармашылық байқаудың жеңімпаздары дипломдармен, грамоталармен және сыйлықтармен марапатталды.  Марапаттау рәсімінен кейін аниматорлар шоуы, «Жас сарбаз» балалар шығармашылық студиясының бүлдіршіндері концерті мен «Алтын адам» мультфильмі балалардың мерекелік көңіл-күйін көтере түсті.  Шара соңы тәтті балмұздақ үлестірумен аяқталды.Мұндай іс-шаралар жас ұрпақтың шығармашылық қабілетін дамытуға, патриоттық тәрбие беруге және балалардың жан-жақты дамуына қолайлы орта қалыптастыруға бағытталған.Ақпарат көзі : https://www.gov.kz/memleket/entities/mod/press/news/details/1232059?lang=ru

В рамках форума «Билет в будущее» с 18 по 20 мая прошли конкурсы по направлениям: «Лучший профориентатор», лучшие видеофильмы «Атлас новых профессий», «Лучший бизнес стартап проекты учащихся», творческий конкурс «ACTIV CREATIVE» в рамках областного проекта в области креативных индустрий «Креативное мышление».Победители конкурса «Лучший профориентатор»:3 место - Бирибаева Елена Николаевна – КГУ «Опорная школа (РЦ) имени Абая»Победители конкурса видеороликов «Атлас новых профессий»:3 место - Асылболатқызы Ақбота, Мереке Айару, ученицы КГУ «Опорная школа (РЦ) им.Алихана Бокейхана» Осакаровского района, руководитель: Мукушева Гульмира Серикпековна.Победители конкурса «Лучший бизнес стартап проекты обучающихся»:2 место. Пискунов Владислав, КГУ «Общеобразовательная школа №13» Осакаровского района.Победители творческого конкурса «ACTIV CREATIVE» в рамках областного проекта в области креативных индустрий «Креативное мышление»:Номинация «Комиксы»:3 место - Жантупова Меруерт Оразгалымовна, учитель русского языка и литературы КГУ «Общеобразовательная школа №11» Осакаровского района. Проект: «Письмо себе».Ақпарат көзі : https://www.gov.kz/memleket/entities/edu-osakarovka/press/news/details/1232075?lang=ru

Прага, 2026 жылғы 28 мамыр - Қазақстан Республикасының Чех Республикасындағы Төтенше және Өкілетті Елшісі Қайрат Әбдірахманов Еуропадағы қауіпсіздік және ынтымақтастық ұйымы (ЕҚЫҰ) Парламенттік Ассамблеясындағы Чех Республикасы Парламентінің Тұрақты делегациясының басшысы Михал Ратиборскиймен кездесу өткізді. Сенімге негізделген әңгімелесу барысында тараптар Қазақстан мен Чехия арасындағы достық қатынастардың өзекті мәселелері, сондай-ақ ЕҚЫҰ аясындағы, оның ішінде аталған беделді өңірлік ұйымның Парламенттік Ассамблеясы шеңберіндегі табысты өзара іс-қимыл жөнінде пікір алмасты.Кездесу барысында Қазақстан Елшісі Тұрақты делегациясының басым бағыттағы қызметімен танысты. Тараптар парламентаралық ынтымақтастықтың негізгі мақсаты диалогты дамытуға, өзара түсіністікті нығайтуға және ЕҚЫҰ кеңістігіндегі жанжалдарды бейбіт жолмен реттеу тетіктерін іздестіруге жәрдемдесу екенін атап өтті. Осы тұрғыда Қ. Әбдірахманов 2010 жылы Астанада өткен, осы ғасырдағы жалғыз ЕҚЫҰ Саммитін шақыру үдерісінде Парламенттік Ассамблеяның ерекше рөл атқарғанына назар аударды.Сонымен қатар Елші ЕҚЫҰ-ның Ұлттық азшылықтар істері жөніндегі Жоғарғы комиссары қызметін атқарған кезеңде Ұйымға қатысушы мемлекеттердің парламент мүшелерімен қалыптасқан сындарлы әрі нәтижелі өзара іс-қимыл тәжірибесімен бөлісті. Қазіргі жағдайда Қазақстан ЕҚЫҰ қызметінің барлық үш өлшемі бойынша теңгерімді ұстаным қағидаттарын басшылыққа ала отырып, өзара тиімді ынтымақтастықты жалғастыруға дайын екенін растады.Екіжақты қатынастарға қатысты тараптар парламенттік дипломатияны Қазақстан мен Чехия арасындағы байланыстарды кеңейту мен нығайтудың, өзара сенім ахуалын қалыптастырудың және тәжірибе алмасудың маңызды құралы ретінде бағалайтынын атап өтті. Осы ретте Қазақстан Республикасы мен Чехия Республикасы парламенттеріндегі достық топтарының қызметіне ерекше мән берілетіні айтылды.Кездесу барысында Қ. Әбдірахманов чехиялық парламентарийді Қазақстанда жүзеге асырылып жатқан конституциялық реформалар туралы хабардар етіп, сондай-ақ 2026 жылғы сәуірде Чехия Республикасының Премьер-Министрі Андрей Бабиштің Астанаға жасаған ресми сапары барысында қол жеткізілген уағдаластықтардың іске асырылу барысы жөнінде ақпарат берді.Кездесу жылы әрі сындарлы жағдайда өтті және тараптардың парламентаралық байланыстар шеңберінде, сондай-ақ халықаралық ұйымдар аясында Қазақстан-Чехия ынтымақтастығын одан әрі нығайтуға өзара мүдделі екенін тағы да растады.Ақпарат көзі : https://www.gov.kz/memleket/entities/mfa-prague/press/news/details/1232092?lang=ru

 Еуразиялық экономикалық комиссия Кеңесінің 2026 жылғы 24 ақпандағы №35 шешіміне сәйкес, 2022 жылғы 28 наурыз бен 2025 жылғы 31 желтоқсан аралығында кедендік баждар мен салықтарды төлеуден босатыла отырып Еуразиялық экономикалық одақтың кедендік аумағына әкелінген электромобильдерге қатысты шектеулер енгізілді.Жаңа талаптарға сәйкес, мұндай электромобильдерді Ресей Федерациясының азаматтарына және (немесе) Ресей Федерациясында тұрақты тұратын тұлғаларға иеленуге, пайдалануға немесе билік етуге беруге жол берілмейді.Аталған шектеу көлік құралы еркін айналымға шығарылған күннен бастап үш жыл ішінде немесе кедендік баждар мен салықтар толық көлемде төленгенге дейін қолданылады. Егер меншік иесі үш жылдық мерзім аяқталғанға дейін электромобильді сатуды, пайдалануға беруді, сенімхат рәсімдеуді, жалға беруді немесе оған қатысты өзге де құқықтарды жоғарыда аталған тұлғаларға беруді жоспарласа, кедендік баждар мен салықтарды заңнамада белгіленген тәртіппен алдын ала төлеуі қажет. Электромобильдерді сату, пайдалануға беру, сенімхат рәсімдеу, жалға беру және өзге де мәмілелер жасау кезінде аталған талаптарды ескерулеріңізді сұраймыз.Ақпарат көзі : https://www.gov.kz/memleket/entities/kgd-astana/press/news/details/1232105?lang=ru