«Мемсараптама» РМК мамандары құрылыс саласының сарапшылары арасында өтетін халықаралық спартакиадаға қатысып, Қазақстан намысын қорғайды.Астанада «Мемсараптама» РМК қызметкерлері арасында іріктеу турнирі өтті. Оған 6 филиал мен орталық аппараттың 36 қызметкерінен жасақталған 4 команда қатысты. Олардың құрамында сарапшылар, филиал, басқарма директорлары, әкімшілік және өндірістік қызмет мамандары бар.Екі күн бойы спортшылар шахмат, үстел теннисі, волейбол және футзал бойынша үздіктерді анықтады.Турнирдің ашылуында бас директор Тимур Қарағойшин қатысушыларға сәттілік тілеп, әр спорт түрінде бар күш-жігерлерін салуға шақырды. Себебі, тек ең мықты спортшылар ғана Қазақстан атынан баратын команда құрамына еніп, халықаралық спартакиадада ел намысын қорғайтынын атап өтті.Іріктеу турнирінде Nomad, Sunkar, Barys және DreamTeam командалары бақ сынасты. Шахматтан DreamTeam, ал үстел теннисінен Nomad командасының мүшелері жеңіске жетсе, волейболда Sunkar командасы үздік атанды. Футзалда алдына қарсылас салмаған Nomad командасы жалпыкомандалық есепте I орын алды. II орынды Barys иеленсе, III орынды DreamTeam және Sunkar командалары бөлісті. Айтса кетсек, Қазақстан құрамасының қатарына командаға қарамай, әр спорт түрі бойынша ең мықты спортшылар ғана іріктеліп, таңдалады.Құрылыс саласы сарапшыларының II халықаралық спартакиадасы Ресей Федерацияссында өте деп жоспарланған. Оған ЕАЭО мүше елдерінің командалары қатысады.«Әріптестеріміз дәстүрлі жалғастырып, ауыспалы эстафетаны Ресей Федерациясы қабылдады. Спартакиаданың негізігі бастамашысы – Қазақстан, яғни «Мемсараптама» мекемесі. Мемлекетаралық алғашқы турнир 2023 жылы Түркістан облысында ұйымдастырылған болатын. Жалпы, бұл іс-шара сарапшылар арасында спорт пен салауатты өмір салтын насихаттау мақсатында өткізіледі», – деді «Мемсараптама» РМК бас директорының орынбасары Саламат Серікқалиев. Ақпарат көзі : https://www.gov.kz/memleket/entities/mps/press/news/details/948814

Құрметті отандастар!ҚР Өнеркәсіп және құрылыс министрлігінің атынан барша азаматтарды Алғыс айту күнімен құттықтаймыз!Қазақстан Республикасының Президенті атап өткендей, халқымыздың уақыт сынынан өткен жанашырлық, қамқорлық, мейірімділік сияқты асыл қасиеттері, әсіресе қиын-қыстау кездерде айқын көрінеді. Бүгінде мемлекетімізде ауқымды өзгерістер болып, Әділетті Қазақстанды құру жолында нақты қадамдар жасалып жатыр. Осындай сындарлы сәтте елдік мүддені бәрінен биік қойып, ырыс-ынтымағымызды сақтау өте маңызды.Осы мейірімділік, ынтымақ пен достықтың мерекесінде Қазақстанның дамуы мен гүлденуіне үлес қосып жүрген қазақстандықтарға алғыс айтамыз. Сіздерге зор денсаулық, бақыт, амандық тілейміз.Ақпарат көзі : https://www.gov.kz/memleket/entities/mps/press/news/details/948797

Құрметті ақмолалықтар!Сіздерді шын жүректен Алғыс айту күнімен құттықтаймын!Бұл - бірегейлік пен бірліктің қазақстандық үлгісін нығайтуға, жалпыұлттық құндылықтарды ілгерілетуге және тарихи жадты сақтауға ықпал ететін маңызды мереке.Бір-бірімізге ризашылық пен құрмет көрсете отырып, біз достық, мейірімділік және ынтымақтастық сияқты негізгі құндылықтарды насихаттаймыз.Биыл біз Қазақстан халқы Ассамблеясының құрылғанына 30 жыл толуын атап өтеміз. Қоғамдағы этносаралық тұрақтылықтың негізгі факторларының бірі ретіндегі өзінің маңызын іс жүзінде растайтын бірегей бейбітшілік және келісім институты өзіне жүктелген миссияны лайықты орындауда.«Ел алғысын алсаң, елеулісі боларсың» деген дана өсиетке сай, өзінің кәсіби және азаматтық борышын адал атқарып жүрген барлық ақмолалықтарға, Қазақстан Республикасының дамуына қосқан баға жетпес үлесі үшін алғысымды білдіремін.Әр отбасына бақыт, амандық, бейбітшілік тілеймін!Ақпарат көзі : https://www.gov.kz/memleket/entities/aqmola/press/news/details/948784

2024 жылы құрылыс материалдарын өндіру көлемі 1 336 млрд теңгені құрап, 2023 жылмен салыстырғанда (1 249 млрд теңге) 6,9 %-ға артты. Бұл туралы «QazIndustry» АҚ Жеңіл өнеркәсіп, ағаш өңдеу, жиһаз өнеркәсібін және құрылыс материалдары өндірісін дамыту дирекциясы хабарлады. Саладағы өсім негізінен ескерткіштерге арналған өңделген тас өндірісінің 24,8 %-ға, минералды және шлак мақта өндірісінің 22,4 % - ға, отқа төзімді емес керамикалық кірпіш өндірісінің 7,7 % - ға ұлғаюы есебінен қамтамасыз етілді.Жалпы алғанда, саладағы өндіріс көлемінің өсуі құрылыс жұмыстарының 18,5%-ға артуымен байланысты. Бұған белгілі дәрежеде инвестициялар да ықпал етті. Өткен жылы тұрғын үй құрылысына 3 542,5 млрд теңге инвестиция бағытталып, 2023 жылмен салыстырғанда 14,7%-ға жоғары болған.Өндірістің ең үлкен көлемі Астана қаласына (жалпы өндірістің 13,5%), Қарағанды облысына (9,3%) және Алматы облысына (9,1%) тиесілі болды.Құрылыс материалдарының экспорты 276,3 млн АҚШ долларын құрап, 2023 жылмен салыстырғанда ақшалай мәнде 11,8%-ға өсті. Экспорттың негізгі тауарларының қатарында отқа төзімді цемент, портландцемент, арматура, керамикалық оқшаулағыш бұйымдар, керамикалық плиткалар және басқа да өнімдер болды.Құрылыс материалдары өнімдерінің импорты 1 300,2 млн АҚШ долларын құрап, 2023 жылмен салыстырғанда 8,8%-ға өсті. Негізгі импорттық тауарлар қатарында цементтен жасалған бұйымдар, шлак пен минералды силикатты мақта, керамикалық плитка, портландцемент және басқа да өнімдер бар.Салаға негізгі капиталға салынған инвестиция көлемі 180 млрд теңгені құрады. 2024 жылы Алматы облысында жылу оқшаулағыш материалдар шығаратын «ТехноНиколь-Казахстан» ЖШС зауыты, Жамбыл облысында цемент өндіретін «Korcem» ЖШС зауыты, Шымкентте керамикалық плиткалар шығаратын «Wang Sheng Ceramic» ЖШС зауыты және басқа да жобалар іске қосылды.Саладағы өндіріс көлемінің тұрақты өсуіне «Энергетика және коммуналдық секторды жаңғырту» ұлттық жобасын жүзеге асыру, сондай-ақ 2029 жылға дейін 111 млн шаршы метр тұрғын үйді пайдалануға беру жоспары серпін береді.Ақпарат көзі : https://www.gov.kz/memleket/entities/mps/press/news/details/947953

Ақмола облысы әкімінің өкімімен Сахиев Серік Қанатұлы негізгі қызметкердің оқу демалысы кезеңіне Ақмола облысы денсаулық сақтау басқармасының басшысы болып тағайындалды.Серік Қанатұлы – Ақмола облысы, Степногорск қаласының Қырық Құдық ауылында дүниеге келген. 2007 жылы Қазақстан мемлекеттік медицина академиясын «дәрігер-биохимик» мамандығы бойынша тәмамдаған. 2013 жылы А.Мырзахметов атындағы Көкшетау университетінде экономика және бизнес бакалавры дәрежесін алған.Еңбек жолын 2007 жылы Зеренді аудандық емханасында дәрігер-биохимик ретінде бастады. Әр жылдары Ақмола облысының санитарлық-эпидемиологиялық сараптама және денсаулық сақтау салаларында басшылық қызметтер атқарды.Осы тағайындауға дейін «Красный Яр ауылының бастапқы медициналық-санитарлық көмек көрсету орталығы» ШЖҚ КМК директоры қызметін атқарған.Ақпарат көзі : https://www.gov.kz/memleket/entities/aqmola/press/news/details/948600

Ақмола облысының аудандары мен қалаларының әкімдіктеріне инвестициялар бойынша жеткізілген KPI-ды орындау тапсырылды Облыс әкімі Марат Ахметжановтың төрағалығымен өткен Ақмола облысы әкімдігінің отырысында инвестицияларды тарту бойынша қабылданып жатқан шаралар туралы мәселелер қаралды.Инвестицияларды тарту бойынша ағымдағы жағдай және олардың тиімділігі туралы Кәсіпкерлік және өнеркәсіп басқармасы басшысының м.а. Бақытжан Сапар және «Ақмола Инвест» инвестицияларды дамыту орталығы» КММ директоры Айдос Жүргінов баяндады.Бақытжан Сапардың ақпаратына сәйкес, 2024 жылдың қорытындысы бойынша облыс экономикасына негізгі капиталға салынған инвестициялар көлемі 562,8 млрд теңгені құрады. Жеке меншік үлесі инвестициялардың жалпы көлемінің 59,6% құрады.Бүгінгі таңда өңірде инвестиция тарту үшін бірқатар шаралар қабылдануда. Әр өңірдің үлесіне қарай 3 жылдағы орташа жылдық динамиканың болжамын ескере отырып, KPI-ге қол жеткізу үшін өңірлер бөлінісінде есептеу жүргізілді. 2025 жылы ШОБ саласын қоса алғанда, барлық салаларда 2,7 мың жұмыс орнын құра отырып, 279,3 млрд теңгеге 221 жобаны іске қосу жоспарлануда. Олардың ішінде Аршалы ауданында забутовка кірпішін өндіру, Зеренді ауданында Алексеев кен орнының каолин базасында тау-кен байыту комбинатын салу және т.б. жобалар бар. 2025 жылдан кейінгі инвестициялық жобалар пулына 720 млрд теңге сомасына «Dalian Hesheng Holdings» ЖШС қуаттылығы 1 млн тонна натрий глутаматын өндіретін астықты терең өңдеу өндірістік кешенін салу, Көкшетау қаласында 180 млрд. теңге сомасына «Ренэлл Көкшетау» ЖШС 630 орындық көпбейінді облыстық аурухана салу және басқа да жобалар кіреді. «Aqmola» республикалық аймағын дамытумен қатар облыста Целиноград ауданында және Көкшетау қаласында өңірлік индустриалдық аймақтар құрылуда. Бүгінде облыс орталығының әкімдігі болашақта Орта Азиядағы ең ірі мұнай сығынды зауытын салу үшін индустриялық аймақ шегінде жер белгіледі.Сондай-ақ, Ақмола облысының өңірлік инвестициялық бағдарламасы әзірленді, ол барлық шетелдік елшіліктерге таргеттелетін болады. Оған қоса облыста Өңірлік инвестициялық штаб құрылды.«Ақмола Инвест» инвестицияларды дамыту орталығы» КММ директоры Айдос Жүргінов облысқа инвесторларды тарту бойынша атқарылған жұмыстарды егжей-тегжейлі таныстырды. Атап айтқанда, инвестицияларды тарту орталығы облыстың инвестициялық тартымдылығын жеке және дербес дамытатын осындай жалғыз орталық болып табылады.«Мемлекет басшысы Үкіметтің кеңейтілген отырысында экономиканың барлық секторларына инвестиция тартудың маңыздылығын атап өтті. Бүгінгі таңда сіз көрсеткен барлық инвестициялар әлі іске кіріспеді, нақты экономиканың дамуы жоқ. Инвестиция - бұл жай ғана қол жеткізу керек көрсеткіш емес, бәрі нәтижеге бағытталуы шарт. Инвестициялар бойынша беталысты түбегейлі өзгерту қажет. Қазір тез әрі батыл әрекет ету керек», - деп атап өтті өңір басшысы. Облыс әкімі инвестициялық белсенділік облыс дамуының, оның қазақстандық және шетелдік бизнес үшін тартымдылығының индикаторы екенін атап өтті.Отырыс қорытындысы бойынша кәсіпкерлік және өнеркәсіп басқармасына аудандар, қалалар әкімдіктерімен, салалық басқармалармен бірлесіп, негізгі капиталға инвестициялар бойынша жеткізілген KPI орындалуын, жер учаскесін алу кезеңінен бастап жобалық қуатқа шығуға дейін барлық инвестициялық жобаларды уақытылы іске асыруды және оларды сүйемелдеуді, 2025 жылға мәлімделген жалпыұлттық пулдың жобаларын пайдалануға беруді қамтамасыз ету, «Ақмола Инвест» орталығының толыққанды жұмысын қамтамасыз ету, басым секторларға инвесторларды тарту, өңірлерде жұмыс істеп тұрған бизнестің ірі субъектілерінің жаңа инвестициялық бастамаларын іске асыру тапсырылды.Ақпарат көзі : https://www.gov.kz/memleket/entities/aqmola/press/news/details/948735

Қарағандылық Әмір Омарханов Монастирдегі (Тунис) ITF санатындағы теннис турнирінің 1/4 финалына жолдама алды, деп хабарлайды olympic.kz.Екінші айналымда ол италияндық Лука Констаньоланы (738 АТР) жеңді. Кездесу 7:5, 6:2 есебімен аяқталды.Ширек финалда Әмір неміс Том Гентцпен (472 АТР) ойнайды.Ақпарат көзі : https://www.gov.kz/memleket/entities/karaganda/press/news/details/948067

Теміртауда қазіргі заманғы техника және жабдықтармен жабдықталған жаңа өрт сөндіру депосы ашылды, бұл құтқарушыларға төтенше жағдайларға жедел ден қоюға мүмкіндік береді. Онда 48 маман жұмыс істейтін болады.Депо ашу қажеттілігі бұрыннан бар. Қалалық өрт сөндіру бөлімінің жүктемесі үлкен. Жазғы кезеңде құтқарушылар шақыруларға тәулігіне 30–35 рет шығады. Мәселе облыс әкімдігінің қолдауымен шешілді. 1993 жылы салынған бұрынғы өрт сөндіру бөлімінің ғимаратын күрделі жөндеуге қаражат бөлінді.Депоның ашылуына Қарағанды облысының әкімі Ермағанбет Бөлекпаев пен Төтенше жағдайлар министрі Шыңғыс Арынов қатысты.– Қосымша қаражат депоны заманауи техникамен және жабдықтармен жарақтандыруға, сондай-ақ құтқарушылардың жұмыс істеуі үшін қолайлы жағдай жасауға мүмкіндік берді. Біз ТЖ қызметінің материалдық-техникалық базасын одан әрі нығайтуды жалғастырамыз, – деді Ермағанбет Бөлекпаев.Төтенше жағдайлар министрі құтқарушыларға жаңа арнайы техниканың кілтін табыс етті. Депо паркі төрт автоцистернамен, жедел әрекет етуге арналған екі қызметтік автомобильмен, қайықпен, сондай-ақ заманауи автосатымен толықтырылды.– Теміртауда мұндай өрт сөндіру бөлімі болған емес. Көлемі, техникамен жабдықталуы, атқарылған жұмыстардың деңгейі мен сапасы тұрғысынан да мұнда құтқарушыларға жағдай жасалған, пәтерлер, жатақхана бар. Осының бәрі жедел әрекет етуге серпін беріп, қызметтеріміздің сапасын арттыруға тиіс, – деп атап өтті Шыңғыс Арынов. – Жаңа өрт сөндіру депосының ашылуы – қаланың, оның тұрғындарының және өнеркәсіптік кешеннің қауіпсіздігіне қосқан үлесі.Ғимаратты қайта жөндеу кезінде өрт сөндіру депосының қызметкерлері үшін қолайлы жағдай жасауға ерекше назар аударылған. Үшінші қабатта әкімшілік блок орналасқан.Бірінші және екінші қабаттар оқу сыныптарына, акт және тренажер залдарына, жуыну бөлмелеріне, асханаға берілген. Сондай-ақ, депо ғимаратында екі қызметтік пәтер бар, олар толық жабдықталған.Онда екі жас отбасы тұрады.– Енді барлық құтқарушылар бір жерде тұрады. Мұнда Теміртау ТЖ басқармасының қызметкерлері, өртке қарсы қызмет, өнеркәсіптік қауіпсіздік, тау-кен құтқарушылары болады. Бұл барлық міндеттерді жедел шешуге мүмкіндік береді, – деп атап өтті Теміртау ТЖБ бастығының орынбасары Владислав Карушулаков.Жаңа өрт сөндіру депосы Теміртаудың шығыс және оңтүстік-батыс бөлігі тұрғындарының қауіпсіздігін қамтамасыз етеді, соның ішінде көп пәтерлі және жеке тұрғын үйлер, әлеуметтік маңызы бар нысандар, Qarmet болат департаменті және Шығыс аймағының өнеркәсіптік кәсіпорындары бар.Сондай-ақ, депоның орналасқан жерін ескере отырып, ол республикалық трассаға жақын орналасқан, қызметкерлер жолда қиын жағдайға тап болған адамдарға тез арада көмек көрсетуге бара алады. Ақпарат көзі : https://www.gov.kz/memleket/entities/karaganda/press/news/details/948071

Қарағандылық биатлоншы Владислав Киреев Қытайдың Харбин қаласында өткен қысқы Азия ойындарында екі медаль жеңіп алды. Ол 10 шақырымдық спринтте жеңіске жетіп, жеке жарыста чемпион атанды. Ал квартет құрамында күміс алды. Алтын медаль жеңіп алған Қазақстанның ерлер құрамасының құрамында қарағандылық Александр Борисевич ойнады.Қарағанды облысының әкімдігінде Азия ойындарының чемпиондары мен олардың жаттықтырушыларына құрмет көрсетілді.Олар ақшалай сертификаттармен марапатталды.Аймақ басшысы мен қарағандылықтардың атынан спортшыларды облыс әкімінің орынбасары Әлібек Әлденей құттықтады.– Сіздер Қарағанды өңірінің спорттық дәстүрі мықты екенін тағы да дәлелдедіңіздер. Сіздердің жетістіктеріңіз - өңірдің жақсы имиджі ғана емес, сонымен қатар ең алдымен өскелең ұрпақ үшін үлгі және спортпен айналысуға ынталандыру. Болашақта да біздің облысымызды, елімізді ұлықтауды жалғастырасыздар деп күтеміз, – деп атап өтті Әлібек Әлденей.Теміртау тумасы, Қарағанды облысының жоғары спорт шеберлігі мектебінің өкілі Владислав Киреев биатлонмен 16 жыл айналысып келеді. Ол Раис Хайрутдиновтың жетекшілігімен жаттығады. Республикалық және халықаралық жарыстардың бірнеше мәрте жүлдегері және жеңімпазы. 2022 жылы Пекинде өткен XXIV қысқы Олимпиада ойындарына қатысқан.– Харбиндегі жеке жарыстарда жеребе тастау нәтижесінде соңғы болып өнер көрсететін болдым. Бұл тиімді позиция болды. Мәреге жеткен бетте құттықтай бастады. Бірақ толқуым ұзаққа созылды. Подиумға шыққаннан кейін ғана «жеңдім!» дегенге сене бастадым. Оның үстіне бұл күні Қазақстанда екі медаль болды, – деп бөлісті Владислав Киреев. – Астана әуежайында бізге салтанатты кездесу ұйымдастырылды. Бізді қолдағаны қуантады. Одан әрі нәтижелер тек өседі деп үміттенемін.Басты мақсат – 2026 жылғы қысқы Олимпиадаға қатысу. Алда биатлоннан Әлем кубогының үш кезеңі күтіп тұр – Чехия, Словения және Норвегияда. Алдағы халықаралық жарыстар 6 наурызда басталады.Александр Борисевич қарағандылық хоккейдің барлық жүйесінен өткен. Кезінде түрлі халықаралық турнирлерде Қазақстан жастар құрамасының намысын қорғаған. Ұлттық құраманың құрамында ол алғаш рет өнер көрсетіп отырған жоқ және ұзақ уақыт тұрақтауға үміттенеді.– Қысқы Азия ойындарында бірінші орын алу міндетіміз болды, оны орындадық. Финалда жапондармен ауыр ойын болды, бірақ біз жеңдік. Бұған дейін турнир иелері - Қытай құрамасын жеңген болатынбыз. Мамыр айында Швеция мен Данияда хоккейден әлем чемпионаты өтеді. Ұлттық құрамаға іріктеуден өтуге үміттенемін, – деді Александр Борисевич. Ақпарат көзі : https://www.gov.kz/memleket/entities/karaganda/press/news/details/948083

Астанада Қазақстан Республикасы Көлік министрлігінің кеңейтілген алқа отырысы өтті. Шара барысында 2024 жылғы Министрлік жұмысына қорытынды жасалып, 2025 жылға арналған жоспарлар айқындалды.Іс-шараға Қазақстан Республикасы Премьер-Министрінің орынбасары Роман Скляр, Қазақстан Республикасы Парламентінің депутаттары, Қазақстан Республикасы Көлік министрі Марат Қарабаев, Қазақстан Республикасы Президенті Әкімшілігі мен Үкіметі аппаратының өкілдері, вице-министрлер, аппарат басшысы, комитеттердің төрағалары, департамент директорлары, Қазақстан Республикасы Көлік министрлігінің ведомстволық бағынысты ұйымдарының басшылары, жергілікті атқарушы органдардың өкілдері қатысты.«2024 жылы жол саласында жөндеу жұмыстары рекордтық 12 мың шақырымды қамтыды, оның 7 мың шақырымы аяқталды. Негізгі күш «Алматы – Қарағанды»(879 шқ), «Талдықорған – Өскемен» (768 шқ) және «Ақтөбе – Атырау – Астрахань» (607 шқ) ірі транзиттік дәліздеріндегі қайта құру жұмыстарын аяқтауға бағытталды. Бүгінгі күні бұл бағыттар бойынша жұмыстар аяқталды. Темір жол көлігі саласында жүк тасымалының өсімі 2% немесе 303 млн тоннаны құрады (2023 ж. – 297,4 млн., 2025 ж. – 310). Бұл тарихи максимум. Темір жол көлігімен 21 млн жолаушы тасымалданып, 4%-ға өсті. Өткен жылы 185 локомотив, 2350 жүк вагоны және 143 жолаушы вагоны сатып алынды. Теңіз көлігімен тасымалдау көлемі 7,5 млн тоннаны құрап, 4%-ға өсті. Азаматтық авиация саласында қазақстандық әуе компаниялар өткен жылы 14,7 млн жолаушы тасымалдады, бұл 2023 жылғы көрсеткішпен салыстырғанда 11%-ға (13,3 млн) артық. Әуежайларда жолаушыларға қызмет көрсету көрсеткіштері 14% өсіп 29,7 млн адамды құрады (2023 жылы 26,1 млн), жүк өңдеу 18% өсіп 171 мың тоннаны құрады (2023 жылы 145 мың). Автомобиль көлігі басқа көлік түрлерімен салыстырғанда жүк тасымалдаудың ең үлкен өсімін көрсетуде. Жыл сайын экспорт-импорт тасымалының өсу динамикасы 20%-дан астам, транзиттік 40%-ға жуықты көрсетеді. Бұл ретте Қытайдың транзиттік тасымалы 2 және одан да көп есеге артты. Өткен жылы біз Қытай және Өзбекстан елдерімен рұқсат қағаздарын толығымен электронды форматқа көшірдік. Соның нәтижесінде соңғы 2 жылда Өзбекстанмен рейстер саны 6 мыңнан 36 мыңға дейін, Қытаймен – 50 мыңнан 230 мыңға дейін өсті», – деді көлік министрі Марат Қарабаев.Министр өз сөзінде 2025 жылға арналған жоспарларға кеңінен тоқталды. Атап айтқанда биылғы жылы жол-құрылыс жұмыстарының қамтылуы 13 мың шақырымды құрайды деп күтілуде. Жалпы ұзындығы 1045 шақырымды құрайтын жаңа жобаларды жүзеге асыру басталады. Оның ішінде «Ақтөбе – Ұлғайсын» (234 км), «Қарағанды – Жезқазған» (572 км), «Атырау – Доссор» (86 км) учаскелері және Сарыағаш (102), Қызылорда (26 км), Рудный (17 км) және Петропавл (8 км) қалаларының айналма жолдары. Достық-Мойынты және Алматы айналма темір жолдарының құрылысы аяқталып, Қызылжар-Мойынты нысанының құрылысы басталады. Биылғы жылы 54 вокзал жөндеу және қайта құру жұмыстарымен қамтылады. Ақтау портында 250 мың контейнерлік хабтың құрылысы аяқталып, тереңдету жұмыстары жүргізіледі. Рим, Мюнхен, Будапешт, Шанхай, Гуанчжоу және Пусан қалаларына 16 жаңа әуе бағыттары жоспарлануда. 4 жаңа шетелдік лоукостер SpiceJet (Үндістан), Eastar Jet және T’way Air (Корея), ThayAirAsia (Тайланд) келуіне байланысты жолаушыларға арналған бюджеттік бағыттар кеңейеді. Шетелдік рұқсат беру бланкілерін электрондық форматқа көшіру аясында адами факторлар, сәйкесінше сыбайлас жемқорлық тәуекелдері толығымен жойылды. Қазірдің өзінде Түркі Мемлекеттері ұйымымен (Түркия, Әзірбайжан, Қырғызстан) және Балтық жағалауы елдерімен (Ресей, Латвия, Литва) шетелдік рұқсат бланкілерін электронды түрде алмасуға көшу жұмыстары жүргізілуде.Отырыс қорытындысы бойынша Қазақстан Республикасы Премьер-Министрінің орынбасары Роман Скляр еліміздің көлік-логистика саласын дамыту аясындағы жұмыстарды одан әрі жетілдіру мақсатында бірқатар нақты тапсырма берді.Ақпарат көзі : https://www.gov.kz/memleket/entities/transport/press/news/details/948677

Көлік министрлігі ғимаратында Марат Қарабаев пен Канаданың Қазақстандағы Төтенше және Өкілетті елшісі Кристофер Дагганның кездесуі өтті.Келіссөз барысында авиация саласындағы ынтымақтастықты одан әрі дамыту мәселесі талқыланды. Атап айтқанда, тараптар әуе қатынасын кеңейту, заманауи технологияларды енгізу және авиациялық тасымалдардың қауіпсіздік деңгейін арттыру мүмкіндіктерін қарастырды.Сондай-ақ, Қазақстанда шағын авиацияны дамыту үшін De Havilland ұшақтарын сатып алу перспективалары талқыланды.Кездесу қорытындысы бойынша тараптар бірлескен бастамаларды одан әрі талқылап, келесі қадамдарды нақтылау үшін байланыста болуға келісті.Ақпарат көзі : https://www.gov.kz/memleket/entities/transport/press/news/details/947728

QAZAQ AIR авиакомпаниясы Астанадан Самарқандқа Түркістан транзитімен тұрақты рейстер ашады. Бұл бағыт бойынша алғашқы ұшу 1 мамырға жоспарланған.Ұшақтар аптасына екі рет – бейсенбі және жексенбі күндері келесі кесте бойынша ұшады:- бейсенбі:IQ369 Астана 16:15 – Самарканд 20:00 (Түркістандағы түйісу 1 сағат);Самарқанд IQ510 21:00 – Астана 01:30 (Түркістандағы түйісу 50 мин.);жексенбі:IQ369 Астана 07:25 – Самарканд 11:00 (Түркістандағы түйісу 50 мин.);Самарқанд IQ510 12:00 – Астана 15:30 (Түркістандағы түйісу 40 мин.).Рейстер канадалық De-Havilland Dash 8-Q400 өндірісінің жайлы және заманауи ұшақтарымен орындалады. Ақпарат көзі : https://www.gov.kz/memleket/entities/karaganda/press/news/details/946724

Аз ғана үзілістен кейін Ten Qogam мүгедектігі бар адамдарды әлеуметтік бейімдеу орталығы қызмет көрсете бастады. Әлеуметтік тапсырысты тағы да Qamqor Plus мүгедектер қоғамдық бірлестігі алды. Бұл мүмкіндігі шектеулі жандар алдағы үш жыл бойы қажетті көмекті тегін ала береді дегенді білдіреді.Орталықтың негізгі мақсаты – Қарағандыда тұратын 18 жастан асқан мүгедектерге ақпараттық және ресурстық қолдау көрсету. Орталық үш жылдан бері мүмкіндігі шектеулі жандардың қоғам мен еңбек ортасына кірігуіне жағдай жасау үшін белсенді жұмыс істеп келеді. Жұмыс бірнеше бағыт бойынша жүргізілуде: мүгедектігі бар адамдарды жұмысқа орналастыру, әлеуметтік және психологиялық қолдау, заң көмегі.– Орталық бір терезе қағидаты бойынша жұмыс істейді, – деп түсіндірді орталық басшысы Нияз Сүндеталиев. – Бұл жерге өзінің проблемасымен келген мүмкіндігі шектеулі адам шешім қабылдай алады. Біз жұмыспен қамтуды үйлестіру бөлімімен және басқармасымен, қалалық және облыстық әкімдіктермен, Еңбек ұтқырлығы орталығымен тікелей өзара іс-қимыл жасаймыз.Өмірдің түрлі аспектілері бойынша көмек алуға болатын бірыңғай кеңістік құру идеясы мүгедектігі бар адамдардың өмірін жеңілдету ниетінен туындады. Олардың бірі бола тұра, Нияз Сүндетәлиев мүгедектер үшін «қолжетімді» ортаның қаншалықты қол жетімсіз екенін сезінді.Қалалық жұмыспен қамту және әлеуметтік бағдарламалар бөлімі мамандарының пікірінше, мүгедектігі бар адамдар жұмыс істейтін қоғамдық бірлестік көмек сұрап келгендермен жедел байланыста бола алады.– Бұл жоба мемлекеттік органдар мен мүгедектігі бар адамдардың сұраныстарын біріктіру және проблемаларды жедел шешу үшін көпір болып табылады, – деп есептейді Қарағанды жұмыспен қамту және әлеуметтік бағдарламалар бөлімі басшысының орынбасары Бақытнұр Талипова. – Болашақта бұл жоба бұдан да жақсы нәтижелер көрсетеді деп ойлаймын.Орталық жұмысының құрамдас бөлігінің бірі психологиялық көмек көрсету және қолдау көрсету. Психолог қатысушыларға олардың мықты жақтарын анықтауға, мансаптық жоспар әзірлеуге және жаңа жұмыс орнында жұмыс іздеуге немесе бейімделуге байланысты ішкі кедергілерді еңсеруге көмектесетін жеке кездесулер өткізеді.Ашылу күні орталықта кеңес алуға келгендерге психологиялық тренинг өткізілді.– Бізге ең бастысы қарым-қатынас жетіспейді. Көбісі төрт қабырғаға қамалып, үйінен ешқайда шықпайды, – дейді мүгедектігі бар қарағандылық Меруерт Смағұлова. – Мүгедектікке дейін мен әдеттегідей өмір сүріп, жұмыс істедім. Қазір де жұмыс істегім келеді, сондықтан осы жерге көмек сұрап келдім.Ten Qogam-ды үлгі етіп, Қарағанды облысының басқа қалалары мен аудандарында осындай орталықтар құрылады.Ten Qogam мүгедектігі бар адамдарды әлеуметтік бейімдеу орталығы Қарағанды қаласы, Мемлекеттік және сервистік қызметтер орталығының ғимараты, Тәттімбет көшесі, 709, 5 кеңсе мекенжайы бойынша орналасқан.Ақпарат көзі : https://www.gov.kz/memleket/entities/karaganda/press/news/details/946884

«Мұрагер» МЛИ-ның екі командасы бірден Гран-при мен робототехника бойынша беделді әлемдік турнирге жолдамаға ие болып, 1–11 (12) сынып оқушылары арасында First Robotics Almaty Tech Cup 2025 – Central Asia FIRST Championship халықаралық жарыстарында жеңіске жетті.Чемпионат 2014 жылдан бері өткізіліп келеді, осы уақыт ішінде командалар саны 20-дан 400-ге дейін өсті. Жарысқа Әзірбайжан, Моңғолия, Қырғызстан, Тәжікстан, Үндістан, Түрікменстан, Өзбекстан, БАӘ, Сауд Арабиясы және Қазақстанның барлық өңірлерінен мықты командалар қатысты.Биыл чемпионат робототехника, инженерия және дрондар жарысы бойынша жарыстарды біріктірді, олардың арасында Aspan Cyber Race, Aspan Drone Competition, Aspan Whoop Race және Aspan Drone Race бар. Қатысушылар First Lego League (4–16 жас) және First Tech Challenge (16–18 жас) сияқты бағыттарда машықтарын көрсетті.Су ресурстары мен су асты әлемін зерттеудің жаһандық проблемаларына арналған жарыстарға Қарағанды облысының «Мұрагер» мамандандырылған мектеп-лицей-интернатының төрт командасы қатысты. FIRST LEGO League Challenge санатында «M2T» командасы Autonomous genius award номинациясын алды, ал Rasslexx командасы Гран-при мен Хьюстондағы (АҚШ) әлемдік кезеңге жолдаманы жеңіп алды.– Біз Rasslexx командасымен бірге инновациялық жобаны - адамның кеме бортынан құлауын қадағалайтын GPS-трекерді ұсындық. Егер ол орын алса, трекер капитанға белгі беріп, дәл координаттарын береді, ал детектор-камера арқылы суға құлаудың қайдан және қалай болғаны көрінеді, – деді оқушыларды чемпионатқа алып барған мектеп менторы Жанәділ Шәкәрім.FIRST Tech Challenge категориясында FTC роботтарының сайысы қызу өтті. Бірақ мектептің Jeltoqsun командасы Inspire award және Winning alliance partner award номинацияларынан басқа, Хьюстонда өтетін әлемдік кезеңге жолдама алды.– Біздің командада қазылар алқасын бағалаудың барлық критерийлері бойынша үздік болып шыққан инновациялық жоба болды, – дейді Жанәділ Шәкәрім. – Біздің жобаның ерекшелігі роботтың өзінде ғана емес, сауатты жазылған кодтарда, соның арқасында ол өз миссияларын тұрақты орындады. Бір тапсырмаға сәйкес, біздің роботтарымыз картадан өтіп, екі жарым минут ішінде 15 миссияны орындауға тиіс болатын. Бұл жерде біздің команданың нәтижесі үздік үштікке енді.Сонымен қатар, мектеп жоғары жетістіктері үшін Recognition award номинациясы бойынша марапатталды, ал 11-сынып оқушылары Руслан Огай мен Алина Әнірова Қазақстан-Британ техникалық университетінде оқуға төрт жылдық грант алды. Қазір оқушылар қандай факультетке оқуға баруды таңдау алдында тұр.Ал Jeltoqsun командасының капитаны Ақбар Ермеков АҚШ-тың жоғары оқу орындарының бірінде оқу грантына бүкіл әлем бойынша іріктелген жиырма үміткерлердің қатарына енді.– Мен робототехникалық жарыстарға 8-сыныптан бастап қатысамын және қазірдің өзінде үлкен табыстарға қол жеткіздім. Қарағандыдағы Roboland байқауына қатысып, Алматыға, Астанаға, американдық Вустер қаласына бардым. Біз барлық жерде сәтті өнер көрсетіп, марапаттарға ие болдық. Осының бәрі болашақтағы өмірлік жолдарды да анықтауға көмектесті: ІТ саласында жұмыс істегім келеді, – деп бөлісті Ақбар Ермеков.– Біздің оқушылар тек мектепті ғана емес, біздің облысты да 3 мыңнан астам оқушы қатысқан халықаралық жарыстардағы жетістіктерімен танымал етті, – деп атап өтті «Мұрагер» МЛИ директоры Нұрғазы Өтебаев.Қазақстандық оқушылар халықаралық аренада бірнеше рет әлем алтынын жеңіп алды: жас инженерлер Женевада (2022), Сингапурда (2023) және Афинада (2024) үздік деп танылды.Ақпарат көзі : https://www.gov.kz/memleket/entities/karaganda/press/news/details/946984

Қарағанды облыстық мәслихатының депутаттары кезектен тыс ХХІІІ сессиясында өңірді басқарудың жаңа схемасын бекітті. Қайта ұйымдастыру жергілікті мемлекеттік басқарудың тиімділігін арттыру және шығыстарды оңтайландыру үшін жүргізіледі.— Өңірді басқарудың қолданыстағы схемасына өзгерістер енгізу шығыстарды оңтайландыруды, бейінді емес функцияларды қысқартуды және бюджет қаражатын үнемдеуді көздейді, — деп атап өтті Қарағанды облысы әкімі аппаратының басшысы Ерлан Ғалиев.Бiрнеше басқарма бiрiктiрiледi: ауыл шаруашылығы және жер қатынастары; кәсіпкерлік және өнеркәсіп; қаржы және мемлекеттік активтер. Сондай-ақ сыртқы байланыстар функциясы бар туризмді басқару құрылады.Ақпарат көзі : https://www.gov.kz/memleket/entities/karaganda/press/news/details/947093

Қарағанды облысының Балқаш қаласында жергілікті билік туристер ағынын арттыру үшін жағдай жасауға тырысып жатыр. Өткен жылы үш жаңа демалыс аймағы пайда болды, биыл тағы алтауы қосылуы мүмкін.Бұл туралы Балқаш әкімі Сапар Сатаев Өңірлік коммуникациялар қызметінде өткен брифингте хабарлады.Оның айтуынша, өткен жылы Балқаш курорттық аймағында демалушылар саны 30%-ға жуық өсіп, 121 мың адамды құраған. Туристерді 99 нысан қабылдады.— Өткен жылы үш демалыс аймағы пайдалануға берілді. Биыл жалпы инвестиция сомасы 2,4 млрд теңгені құрайтын алты туризм нысанын іске қосу жоспарланған, — деді Сапар Сатаев.Тораңғалық және Шұбартүбек курорттық ауылдарында су құбыры желілерінің құрылысы басталады. Демалыс аймақтары орталық сумен жабдықталады.Сонымен қатар, биыл жағажай мен қала жағалауын қайта жөндеу жұмыстары аяқталуы тиіс.Балқаш әуежайын қайта жаңарту жалғасуда. Қазір арнайы көлік қызметі ғимаратының құрылысы және аэровокзалды қайта жаңарту жүріп жатыр. Жөндеу жұмыстары биыл аяқталады деп жоспарланған.«БалқашTourfest» фестивалі дәстүрге айналды. Өткен жылы оған 30 мыңнан астам адам жиналды. Биыл одан да көп болады деп күтілуде.— Фестивальдің басты мақсаты — Балқаш қаласының брендін туристік орталық ретінде қалыптастыру және ілгерілету, — деп атап өтті қала әкімі.Ақпарат көзі : https://www.gov.kz/memleket/entities/karaganda/press/news/details/947219

Қазақстанда 1 наурыз – Алғыс айту күні. Ол 2016 жылы қазақ халқына өткен ғасырдың 30–40-шы жылдары қоныс аударушыларға көрсеткен қонақжайлылығына алғыс білдіру үшін құрылған болатын. Қарағанды облысында бұл күні концерттер, қайырымдылық акциялар, фестивальдар, көрмелер, дөңгелек үстелдер және т. б. шаралар өтеді. Қарағанды28 ақпанда сағат 12:00 Қарағанды облыстық бейнелеу өнері мұражайында «Қолөнер – рухани жан серігің» көрме-жәрмеңкесі ашылады. Ол 28 ақпанда сағат 18:00-ге дейін, сондай-ақ 1 және 2 наурызда сағат 10:00-ден 18:00-ге дейін жұмыс істейді.1 наурызда сағат 10:00 Қазақстан халқы Ассамблеясының 30 жылдығына және Алғыс айту күніне арналған «Адамгершілік – асыл қасиет» өңірлік форумы басталады. Форумда «Мейірімділік керуені» республикалық байқауының басталуы ресми түрде жарияланады.Осы күні сағат 12:00-де қаланың орталық алаңында Тәуелсіздік стеласына гүл қою рәсімі өтеді.Сағат 14:00 Достық үйінде «Мэрцишор-2025» XI румын фольклорының фестивалі басталады. Фестивальдің хедлайнері Молдованың еңбек сіңірген әртісі Ленуца Георгицэ болады. Сонымен қатар, гала-концерт, румындардың ұлттық киімдері мен дәстүрлі тұрмыс заттарының көрсетілімі, кітаптар мен фотосуреттер көрмесі ұйымдастырылады. Кіру тегін.1 наурызда сағат 12:00 теміржолшылар мәдениет сарайында Қазақстан халқы Ассамблеясының құрылғанына 30 жыл толуына арналған «Бір ел – бір халық» халық тұрмысы фестивалі өтеді.Жаңа Майқұдық мәдениет сарайында «Рахмет саған – туған ел» концерттік бағдарламасы ұсынылады. Теміртау28 ақпанда сағат 15:00 Теміртау тарихи-өлкетану мұражайында Қазақстан халқы Ассамблеясының 30 жылдығына және Алғыс айту күніне орайластырылған фестиваль ашылады. Іс-шара қонақтары заманауи Қазақстан аумағында тұратын түрлі этностардың тағамдарымен, киімімен, тұрмысымен және дәстүрлерімен интерактивті түрде таныстырылады.1 наурызда сағат 11:00 Металлургтер мәдениет сарайында FOLK SYMPHONY этнофолькоркестрінің қатысуымен «Алғысым шексіз еліме» атты мерекелік концерт өтеді. Сарань1 наурыз күні сағат 11:00 Мәдениет үйінде «Жақсылық жаса» атты салтанатты концерт өтеді.1 наурызда Орталықтандырылған кітапхана жүйесінде Алғыс айту күніне арналған «Біз Қазақстанның біртұтас халқымыз» атты іскерлік конференция өтеді. Шара барысында Қазақстан халқы Ассамблеясы мен этномәдени бірлестіктер жұмысының қорытындылары талқыланады.Осы күні қалада «Мың алғыс!» акциясы өтеді. Шахтинск1 наурызда «Жүректен жүрекке» меценаттарға құрмет көрсету рәсімі өтеді.Осы күні «Ақсүйек» спорт клубында ұлттық және үстел ойындарынан жарыстар өтеді.Сондай-ақ, Алғыс айту күні қалада мұқтаж жандарға қажетті заттар мен азық-түлік жиынтықтарын тарату және жалғыз басты зейнеткерлердің ауласын қардан тазарту бойынша қайырымдылық акциялары өтеді. Қарқаралы28 ақпанда Жандарбекова атындағы мәдени-ойын-сауық орталығының сахнасында «Мың алғыс саған, Қазақ елі» атты концерт өтеді.Сонымен қатар, 1–3 наурыз аралығында Алғыс айту күніне орайластырылған бес асық ойыны, шаңғымен жүгіру және волейбол жарыстары өтеді.Аудан ауылдарында дөңгелек үстелдер, мерекелік концерттер, жарыстар ұйымдастырылады. Абай ауданы28 ақпанда «Достық, бірлік және келісім ою-өрнегі» фестиваль-байқауының жеңімпаздары марапатталады.Сондай-ақ, 1 наурызға қарай ауданда көрмелер, қайырымдылық акциялары мен челлендждер өтеді. Ақтоғай ауданы28 ақпанда аудандық мәдени-демалыс орталығында Алғыс айту күніне орайластырылған мерекелік концерт өтеді.Сондай-ақ, аудан ауылдарында дөңгелек үстелдер, кездесулер, концерттер мен қайырымдылық акциялары өтеді. Нұра ауданы28 ақпан күні сағат 11:00-де «Қазақстан халқы Ассамблеясы – мәдени диалогтың бірегей үлгісі» тақырыбында дөңгелек үстел өтеді. Бұқар жырау ауданы28 ақпанда «Әртүрліліктегі бірлік» атты дөңгелек үстел өтеді. Сондай-ақ, мерекеге орай қайырымдылық акциялары мен челлендждер ұйымдастырылады. Приозерск1 наурызда қала көшелерінде тұрғындарға ыстық шай таратылады. Сондай-ақ, Алғыс айту күніне орай сурет байқауы өткізіледі.Ақпарат көзі : https://www.gov.kz/memleket/entities/karaganda/press/news/details/947269

Дүниежүзілік азаматтық қорғаныс күні қарсаңында Қарағандыдағы Мартбек Мамыраев атындағы 52859 әскери бөлімінде ТЖ министрі Шыңғыс Арынов пен облыс әкімі Ермағанбет Бөлекпаев болып қайтты. Әскери қызметшілерге жауынгерлік әзірлік пен жеделдікті арттыратын жаңа арнайы техниканың кілті табыс етілді.Бөлімге КамАЗ және Toyota Hilux базасындағы әскери-құтқару автомобильдері берілді. Бұл отандық өндіріс техникасы. Өтімділігі жоғары машиналар заманауи талаптарға сай жабдықталған.– Ведомствоның құтқару әскери құралымдарын заманауи техникамен және жабдықпен қамтамасыз ету – бұл төтенше жағдайлармен күрестегі жеделдіктің және тиімділіктің кепілі. Біз кез келген сын-қатерлерге, соның ішінде алдағы су тасқыны кезеңіне дайын болу үшін материалдық-техникалық базаны нығайту бойынша жүйелі жұмысты жалғастырудамыз, –деп атап өтті Шыңғыс Арынов.Министр азаматтық қорғанысты жаңғырту және техникалық жарақтандыру басымдыққа ие болып қалатынын атап өтті. Биыл 72 бірлік техника, соның ішінде ұшқышсыз ұшу аппараттары, сондай-ақ жеке құрамға арналған заманауи киім-кешек, керек-жарақ сатып алынды.– Бүгінгі таңда біздің әскери бөлімге 22 заманауи техника берілді. Бұған дейін парк 2015 жылы жаңартылған болатын. Қазір бізде даму бойынша жұмыстар жүріп жатыр, келесі жылы тағы да жаңа техниканың легі күтілуде, – деді М. Мамраев атындағы 52859 әскери бөлімінің командирі Бағлан Кенбейлов.Шыңғыс Арынов пен Ермағанбет Бөлекпаев офицерлер мен сарбаздардың қызмет жағдайымен танысты.ТЖМ азаматтық қорғанысының әскери бөлімдері халықты, объектілер мен аумақтарды табиғи және техногендік ТЖ-дан қорғау, сондай-ақ авариялық-құтқару және кезек күттірмейтін жұмыстарды жүргізу жөніндегі міндеттерді орындайды.Дүниежүзілік азаматтық қорғаныс күні жыл сайын 1 наурызда атап өтіледі. Мереке Халықаралық азаматтық қорғаныс ұйымы Бас ассамблеясының қарарымен бекітілді. Оның мақсаты – азаматтық қорғаныс туралы білімді насихаттау және ұлттық құтқару қызметінің беделін көтеру.    Ақпарат көзі : https://www.gov.kz/memleket/entities/karaganda/press/news/details/947684

Қарағандыда ҰОС Жеңісінің 80 жылдығына арналған «Ұлы Жеңіске дейін 100 күн» атты музыкалық челлендж қарқын алуда. Жобаның бастамашысы – Қали Байжанов атындағы концерт бірлестігі.Челлендж аясында бірінші болып Қарағанды джаз оркестрі өнер көрсетті, ол қаланың сауда орталықтарының бірінде соғыс жылдарындағы композицияларды орындады. Олардың музыкасы тыңдаушыларға өткенді еске алып, атмосфераны жылумен және батырлардың ерлігіне деген құрметпен толтырды. Эстафетаны Тәттімбет атындағы қазақ халық аспаптар академиялық оркестрі қабылдады. Акцияның келесі қатысушысы «Арқа сазы» фольклорлық ансамблі.Қарағанды облысының Мемлекеттік және сервистік қызметтер орталығының ғимаратында ұжым қазақтың дәстүрлі күйлері мен әндерін ұсынды. Еңбек сіңірген мәдениет қайраткері Ержан Базарбеков өзінің ерекше орындауымен көрермендерді тәнті етті, ал халықаралық конкурстардың лауреаттары Дулат Аханов пен Нұрлытаң Саятқызы орындаушылық шеберлігімен көрермендердің көңілінен шықты.Концерттен кейін ансамбль эстафетаны Еркеғали Рахмадиев атындағы академиялық симфониялық оркестрге табыстады.Ұйымдастырушылар жобаға қатысқысы келетіндерді ардагерлерге музыка арқылы алғыс білдіріп, өткеннің ерлік оқиғаларын еске түсіруге шақырады.Ақпарат көзі : https://www.gov.kz/memleket/entities/karaganda/press/news/details/947691

Қарағандыдағы Әлихан Бөкейхан ауданын биыл кезекті өзгерістер күтуде. «Елді мекендерді абаттандыру және көгалдандыру» бағдарламасы бойынша 20 аула аумағы жаңартылады, кіреберіс жолдар асфальтталады, екі спорттық және үш балалар ойын алаңы орнатылады.Сондай-ақ, Костенко шахтасы маңындағы зираттың қоршауы жасалып, рұқсат етілмеген қоқыс үйінділері жиналады. Шалғайдағы шағын аудандарға ерекше назар аударылады.Майқұдықта 10 аула жөнделіп, екі спорт алаңы пайда болады (13-ші шағын ауданда – 10, 11, 12 үйлер жанында және 17-ші шағын ауданда – 40 үйлер жанында), сондай-ақ 14-ші шағын ауданда гүлзар жаңартылады. Әлихан Бөкейхан ауданындағы Сталелитейная көшесіндегі және Т. Күзембаев көшесіндегі гүлзарлардың кіреберістері ретке келтіріледі. Қосымша 10 мың шаршы метр тротуар салынады, оның 6 мыңы Майқұдықта.Орта жөндеу жұмыстары Бирюзов көшесін (Майлин көшесінен Магнитогорскаяға дейін, 16-шы шағын аудандағы орамішілік жолды қоса алғанда), «ҚазМетиз» өнеркәсіптік аймағына баратын жолды, сондай-ақ Карл Маркс көшесінен № 77 мектепке дейінгі учаскені қамтиды. Тұрғындардың өтініші бойынша Шахтер шағын ауданындағы, Сахалин және Курьяновка ауылдарындағы жеке сектор көшелеріне асфальт төселеді.Өткен жылы «Халық қатысатын бюджет» бойынша 24 жоба іске асырылды, биыл олардың саны екі есе көп болады – 43.– Ойын элементтері мен қолданылатын материалдардың сапасына ерекше назар аударылады: егер бұрын олар пластикалық болса, енді балалар алаңдары мен тренажерлар ағаш пен металдан жасалған. Сонымен қатар, жасанды шөптің орнына тартан жабыны пайдаланылады, – деді аудан әкімі Досбол Күлекеев.Тұрғындар сондай-ақ ауданда футбол және әмбебап шағын алаңдар, воркаут алаңдары мен баскетбол ойындары пайда болуын қалайды.Досбол Күлекеев атап өткендей, биыл қоғамдық орындарды абаттандыру бойынша көптеген жобалар бар, олардың қатарында - тоғыз гүлбақты абаттандыру, үш көшеде жаяу жүргіншілер жолын салу және көше жарығын монтаждау жұмыстары бар. Мысалы, Зелинский көшесінің тұрғындары рұқсат етілмеген қоқыс үйінділерін жоюды және Тихонов зиратына қоқыс контейнерлерін орнатуды ұсынды. Жалпы, әкімнің айтуынша, Пришахтинск «Халық қатысатын бюджет» жобасын іске асыруға белсенді қатыса бастады. Биыл онда 28 жаңа нысан ашу жоспарланған. Бұдан басқа, келесі жылы бағдарламаға қатысуға 170 өтінім берілді.Қоғамдық кеңістікке келетін болсақ, Майқұдықтың көптеген тұрғындары 14-ші шағын аудандағы саябақта жарық сақиналарының алынып тасталғанын байқады. Олар ізсіз жоғалып кеткен жоқ. Ол жерде ауқымды қайта құру жоспарланған.– 2,4 мың шаршы метр қырлы тас төселіп, жаңа орындықтар, қоқыс жәшіктері орнатылып, жарықтандырылады. Сақиналар басқа жерге ауыстырылады. Бірнеше жылдан кейін көлеңкелі аймақ құрылуы үшін ол жерге ағаш отырғызамыз, – деді аудан әкімі.Сондай-ақ, биыл осы 14-ші шағын ауданда скейт-алаң құрылысына келісім қайта жасалады. Бұрынғы мердігер жұмысты атқара алмады, енді жаңа конкурс өткізіледі. Аудан әкімінің айтуынша, жоба соңына дейін жеткізіледі.Биыл балалар мен спорт алаңдарын салу, жарықтандыру, аялдама павильондарын, орындықтарды және т.б. жөндеу жалғасады.Ақпарат көзі : https://www.gov.kz/memleket/entities/karaganda/press/news/details/947839