Астана, 2026 жылғы 16 ақпан – Қазақстан Республикасының Сыртқы істер министрлігінде Орталық Азия елдерінің Ауғанстан бойынша арнайы өкілдерінің Өңірлік байланыс тобының кезектен тыс отырысы өтті.Кездесуге Қазақстан, Қырғызстан, Тәжікстан және Өзбекстан өкілдері қатысты.Қазақстан Республикасы Президентінің Ауғанстан жөніндегі арнайы өкілі Еркін Тұқымов Қазақстанның Кабулмен өзара іс-қимылының өзекті мәселелері бойынша сындарлы пікір алмасуға және практикалық шешімдер іздеуге мүдделі екенін атап өтті.Тараптар Ауғанстандағы қазіргі жағдайды және практикалық өзара әрекеттестік мәселелерін, оның ішінде сауда-экономикалық ынтымақтастықты дамыту, Ауғанстан аумағы арқылы транзиттік-көлік дәліздерді кеңейту, сондай-ақ өңірлік қауіпсіздік мәселелерін талқылады.Қатысушылар Ауғанстанның тұрақтылығы мен орнықты дамуын қамтамасыз ету мүддесінде Орталық Азия мемлекеттерінің күш-жігерін үйлестірудің маңыздылығын атап өтті.Кездесу қорытындысы бойынша тараптар Өңірлік байланыс тобы аясында тұрақты консультацияларды жалғастыруға және жұмыс байланыстарын қолдауға дайын екендерін растады.Ақпарат көзі : https://www.gov.kz/memleket/entities/mfa/press/news/details/1162699?lang=kk

2026 жылғы 16 ақпандағы облыс әкімінің өкімімен Байғалық Ернат Елүбайұлы Алматы облысының мемлекеттік сатып алу басқармасының басшысы болып тағайындалды.Ернат Елүбайұлы 1983 жылы туған, білімі жоғары. 2004 жылы Әл-Фараби атындағы Қазақ ұлттық университетін «экономика және менеджмент» мамандығы бойынша, 2006 жылы аталған университеттің «құқық және экономика негіздері» мамандығы бойынша бітірген.  2006 жылы Тұран университетін «құқықтану» мамандығы бойынша тәмамдаған.Еңбек жолын 2005 жылы Алматы қаласы Алмалы ауданы бойынша Салық комитетінде салық инспекторы болып бастаған.Әр жылдары Алмалы ауданы бойынша Салық басқармасының бөлім басшысы, Алматы облысы бойынша қаржылық бақылау инспекциясының бас маманы – бас бақылаушы-тексерушісі, Алматы облысы бойынша Ішкі мемлекеттік аудит департаментінің бөлім басшысы, басшының орынбасары қызметтерін атқарған.2022 жылдың тамыз айынан бастап Алматы облысы бойынша тексеру комиссиясының мүшесі лауазымында қызмет етті.Сондай-ақ облыс әкімі аппараты басшысының орынбасары қызметін атқарған.Ақпарат көзі : https://www.gov.kz/memleket/entities/almobl/press/news/details/1162537?lang=kk

Облыс әкімі Марат Сұлтанғазиевтің төрағалығымен Қонаев қаласының әлеуметтік-экономикалық дамудың кешенді жоспары аясындағы іс-шараларды орындау мәселелері бойынша кеңес өтті. Жиында қалалық жобалардың орындалу барысы талқыланып, өзекті проблемалық мәселелер қаралды.Қонаев қаласының әкімі Асхат Бердіханов баяндама жасап, соңғы үш жылдағы даму бағыттары, қол жеткізілген нәтижелер, экономикалық өсім көрсеткіштері, жүзеге асқан инвестициялық жобалар, сондай-ақ туризм, құрылыс және сәулет салаларының дамуы туралы ақпарат берді.2022–2025 жылдары Қонаев қаласында 12 инвестициялық жоба жүзеге асырылып, жалпы сомасы 46,3 млрд теңгені құраған 350-ден астам жаңа жұмыс орны құрылды. Биылғы жылы 4 жоба 5,1 млрд теңге көлемінде аяқталып, 190 жаңа жұмыс орны құрылуы жоспарлануда.№ 6 -7-ші жағажайларды және демалыс аймақтарын реконструкциялау үшін 2,3 млрд теңге қажет. «Көшпенділер қаласы» бизнес-объектілерін электрмен жабдықтау жобасы бойынша жобалық-сметалық құжаттарға түзетулер енгізу қажет, бұл мақсатқа биыл 350 млн теңге сұралуда. Иледен өтетін 300 метрлік жаяу жүргінші көпірін салу жобасы әзірленуде, ол «Көшпенділер қаласы» мен «Тамғалы-Тас» туристік нысандарын байланыстырады. Сонымен қатар, «Қонаев – Баканас» тас жолынан «Тамғалы-Тасқа» дейін 8,2 км автожол салу жоспарлануда.Энергетика саласында негізгі жоба - «Арна» түйіндік қосалқы станциясы, ол Қонаев пен Алатау қалаларының дамуына серпін береді. Жаңа Іле мен 10-шы шағынаудан аймақтарында тағы төрт қосалқы станция салу жоспарлануда.Қала газдандыру жобасы біртіндеп дамып келеді. Жоба Спутник, Рауан, Арна, 12А, 12Б, 19–20 шағынаудандарын қамтиды, сонымен қатар Шеңгелді ауылдық округі мен демалыс массивтері үшін желілер жобалануда. Сол уақытта тұрғындар мен кәсіпкерлік субъектілерінен газ желілерін қосу, күтіп-ұстау қызметтері мен инвестициялық бағдарлама аясындағы желілерді дамытуға қатысты шағымдар түскені хабарланды.Құрылыс саласында соңғы үш жылда атқарылған жұмыстар көлемі 35,9 млрд теңгені құрап, 94 474 шаршы метр тұрғын үй пайдалануға берілді. Әлеуметтік осал топтар үшін 456 пәтер 10,3 млрд теңгеге алынған.Облыс әкімінің бірінші орынбасары Қанат Есболатов 2023 жылы ҚР Үкіметінің қаулысымен Қонаев қаласының 2023–2027 жылдарға арналған әлеуметтік-экономикалық кешенді жоспары бекітілгенін хабарлап, онда 187 іс-шара қарастырылғанын айтты. 2026 жылдан бастап жоспар күшін жойып, шаралар облыстың даму жоспарына біріктірілген, оның ішінде 18 іс-шара жеке инвестициялар есебінен жүзеге асырылады.Облыс әкімінің орынбасары Әсет Масабаев әкімшілік ғимараттар, әлеуметтік нысандар және инженерлік инфрақұрылымды дамыту туралы баяндады. Басымдық бойынша Департаменттер үйі, облыстық сот ғимараты, Ұлттық қауіпсіздік комитеті және басқа әкімшілік нысандар салу жоспарлануда. Мәдениет пен спорт саласында «Самұрық-Қазына» АҚ қаражаты есебінен драмалық театр салу, жеке инвестициялар арқылы «Қонаев-Арена» стадионы, Мектеп оқушылары сарайы мен зерттеу зертханасы бар мұражай салу жоспарлануда.Тұрғын үй құрылысы бойынша 2022 жылы басталған үш 60-пәтерлік үй 2024 жылы жұмыстар тоқтағаннан кейін ТОО «Sanur Stroy-A» арқылы жалғастырылды. Аяқталуы биылғы жылдың қыркүйек айына жоспарланған. Тағы 7 үйдің жобалық-сметалық құжаттары дайындалған. Мемлекеттік-жеке әріптестік аясында 438 га аумақта кәріз-шаю құрылыстары жүргізіліп, инвестиция 33,4 млрд теңге болады. «Энергетика және коммуналдық секторды жаңғырту» ұлттық бағдарламасы бойынша 15 жоба 74,92 млрд теңгеге әзірленген, бұл 98,26 км су, жылу және электр желілерін жаңартуға мүмкіндік береді.Облыс әкімінің орынбасары Бақытнұр Бақытұлы жер ресурстарын тиімді пайдалану және агроөнеркәсіп кешенін дамыту туралы баяндады. 2022 жылдан бастап 47,8 мың га пайдаланылмаған жер (188 учаске) анықталып, оның 27,8 мың га мемлекет меншігіне қайтарылып, 12,2 мың га айналымға енгізілген. Конкурс арқылы 63 учаске беріліп, 8 жайылым учаскесі бекітілген. Биыл 17 мың га жерді айналымға енгізу жоспарлануда.Ауыл шаруашылығында 2026 жылға физикалық көлем индексі 104,8% белгіленген. Егістік жерлер 13 528 га дейін артты, мал азықтық дақылдар қысқарып, майлы дақылдар, жүгері және арпа егіледі. Соңғы үш жылда су үнемдейтін технологияларды қолдану 1,4 мыңнан 5,2 мың га дейін өсті, бұл егістік жерлердің 41%-ын қамтиды. 2025 жылы ет өндірісі 3 848 тоннаға, сүт 3 643 тоннаға, жұмыртқа 77 мың данаға артқан. 3 295 га жер бөлінген екі сүт фермасын салу жоспарлануда, іске қосу 2027–2028 жылдарға жоспарланған.Қорытындысында проблемалық мәселелерді шешу жолдары қаралып, облыс әкімі Марат Сұлтанғазиев нақты тапсырмалар беріп, олардың орындалуын қатаң бақылауды қамтамасыз етуді басты назарға алды.Ақпарат көзі : https://www.gov.kz/memleket/entities/almobl/press/news/details/1162493?lang=kk

Облыс әкімі төрағалығымен құқықбұзушылықтардың алдын алу және сыбайлас жемқорлыққа қарсы іс-қимыл мәселелері бойынша ведомствоаралық комиссияның отырысы өтті. Жиынға құқық қорғау органдары мен прокуратураның өкілдері, тиісті басқармалар басшылары, сондай-ақ аудан және қала әкімдері онлайн режимде қатысты.Күн тәртібінде электронды темекінің заңсыз айналымын болдырмау, ақша бопсалау фактілерін алдын алу, интернет-алаяқтыққа қарсы іс-қимыл, сондай-ақ кәмелетке толмағандар арасындағы және оларға қатысты құқық бұзушылықтардың алдын алу мәселелері қаралды. Облыстық полиция департаментінің бірінші орынбасары Бағдат Әшімов аймақтағы жасөспірімдер арасындағы құқықбұзушылық деңгейінің төмендегенін хабарлады, алайда шешілмеген мәселелердің де бар екенін атап өтті. Оның айтуынша, құқық бұзған балалардың жартысына жуығы алдын ала есепте болмаған, бұл білім беру ұйымдарында девиантты мінез-құлықты ерте анықтау жұмысының жеткіліксіздігін көрсетеді. Сонымен қатар, тәуекел топтарымен жұмысты тиімді жүргізу қажеттігіне назар аударылды.Облыстық білім басқармасының міндетін атқарушы Ақмарал Әтенбекова кәмелетке толмағандарға қатысты құқық бұзушылықтарды алдын алу кешенді тәсілді қажет ететінін айтты. Приоритетті міндеттердің қатарында мектеп психологтарының жұмысын жетілдіру және жергілікті атқарушы органдар мен білім ұйымдары арасындағы ведомствоаралық өзара іс-қимылды нығайту көзделген.Жиынды қорытындылай келе, облыс әкімі Қонаев қаласының әкімдігіне, аудан әкімдеріне, облыстық полиция департаментіне және білім басқармасына жүйелі шараларды әзірлеу мен іске асыру бойынша нақты тапсырмалар берді.Сондай-ақ, биылғы жылдың бірінші тоқсанында сыбайлас жемқорлыққа қарсы іс-қимыл мәселелері бойынша ведомствоаралық комиссияның алғашқы отырысы өткізілді. Жиында ветеринариялық станса қызметі, жер қатынастары саласы және бюджеттік процестердің ашықтығын қамтамасыз ету бағытындағы сыбайлас жемқорлық құқық бұзушылықтарының алдын алу шаралары қаралды.Облыс әкімі сыбайлас жемқорлықпен күрес әр мемлекеттік қызметкердің жауапкершілігі екенін және ол барлық деңгейде жүйелі әрі нәтижелі жүргізілуі қажет екенін атап өтті.Ақпарат көзі : https://www.gov.kz/memleket/entities/almobl/press/news/details/1161841?lang=kk

Арқалық қаласында мемлекеттік тұрғын үй кезегінде тұрған азаматтарға арналған 55 пәтерлі тұрғын үй пайдалануға берілді.2025 жылы Байтұрсынов көшесі, 13 мекенжайында орналасқан 48 пәтерлі тұрғын үй жөндеуден өткізіліп, халықтың әлеуметтік осал топтарына берілген болатын. Биыл аталған бағыттағы жұмыс жалғасып, Байтұрсынов көшесі, 12 мекенжайындағы 55 пәтерлі тұрғын үй баспанаға мұқтаж азаматтарға табысталды.Жаңа тұрғын үйде 1 бөлмелі – 17 пәтер, 2 бөлмелі – 20 пәтер, 3 бөлмелі – 18 пәтер бар.Пәтер кілттері көпбалалы отбасыларға, жетім балаларға, I–II топтағы мүгедектігі бар азаматтарға, толық емес отбасыларға және мүгедек бала тәрбиелеп отырған отбасыларға берілді.Бұл бастама – әлеуметтік қолдауға мұқтаж азаматтарды баспанамен қамту бағытындағы жүйелі жұмыстың нақты нәтижесі.Ақпарат көзі : https://www.gov.kz/memleket/entities/kostanay/press/news/details/1161836?lang=kk

Алматы облысында әлеуметтік кәсіпкерлікті қолдау мақсатында 200 миллион теңге бөлінді. Бұл туралы облыстық кәсіпкерлік және индустриялық-инновациялық даму басқармасы хабарлады.Гранттар әлеуметтік маңызы бар жобаларды жүзеге асыратын кәсіпкерлерге бағытталған. Атап айтқанда, әлеуметтік осал топтарды жұмыспен қамтып отырғандар, мүмкіндігі шектеулі жандарға қызмет көрсетіп, арнайы тауар өндіретіндер және қоғамға пайдалы өзге де іспен айналысатын кәсіпкерлер қатыса алады.Бір жобаға берілетін максималды қаржы көлемі – 5 миллион теңге. Грантқа қатысу үшін үміткерлер әлеуметтік кәсіпкерлік субъектілерінің тізіміне тіркелуі қажет. Өтінімдер KEZEKTE.KZ ақпараттық жүйесі арқылы қабылданады.Мысалы, өткен жылы өңірде 28 жобаға 140 миллион теңге бөлінген. Мамандардың айтуынша, мұндай қолдау жаңа бизнес бастамаларды іске асыруға және жастардың кәсіпкерлікке қызығушылығын арттыруға мүмкіндік береді.Облыстық кәсіпкерлік және индустриялық-инновациялық даму басқармасының бөлім басшысы Райымбек Иемберді құжат қабылдау мерзімін нақтылады.«Наурыз айының 1 мен 15 аралығында әлеуметтік кәсіпкерлік реестріне тіркелу үшін құжаттар қабылданады. Кәсіпкерлерді Алматы облысының кәсіпкерлік және индустриялық-инновациялық даму басқармасына келіп, құжаттарын қолма-қол тапсыруға шақырамыз. Реестрге тіркелу арқылы грант иегері атануға үлкен мүмкіндік бар екенін хабарлаймыз», – деді ол.Ақпарат көзі : https://www.gov.kz/memleket/entities/almobl/press/news/details/1161838?lang=kk

Бішкек, 2026 жылғы 13 ақпан – Қазақстан Республикасының Сыртқы істер министрі Ермек Көшербаев Бішкек қаласына ресми сапары аясында Қырғыз Республикасының Сыртқы істер министрі Жээнбек Кулубаевпен кездесті.Келіссөздер барысында сыртқы саяси ведомстволардың басшылары қазақ-қырғыз ынтымақтастығының кең ауқымды мәселелерін талқылады.Қазақстан Сыртқы істер министрі мемлекеттер басшыларының саяси ерік-жігерінің арқасында екіжақты қатынастар өзара іс-қимылдың сапалы жаңа деңгейіне көтерілгенін атап өтті.«Жоғары деңгейдегі өзара сапарлардың қорытындысы бойынша бауырлас қазақ-қырғыз қатынастарын одан әрі нығайтудың нақты бағыты айқындалды. Өз тарапымыздан Қазақстан мен Қырғызстан арасындағы ынтымақтастықты мәңгілік достық пен тату көршілік рухында жан-жақты дамыту үшін бар күш-жігерімізді салуға ниеттіміз», – деді Е.Көшербаев.Өз кезегінде Ж.Кулубаев бауырластық пен тату көршілік қағидаттарына негізделген екі мемлекет арасындағы одақтастық қатынастардың дәйекті дамып келе жатқанын растады.Тараптар соңғы жылдары жоғары деңгейде қол жеткізілген уағдаластықтарды іс жүзінде іске асыру шараларын жан-жақты талқылап, үкіметаралық өзара іс-қимыл желісі бойынша байланыстарды одан әрі нығайтуға дайын екендерін білдірді.«Қазақ-қырғыз қатынастары қарқынды дамып келеді. Екіжақты сауда-экономикалық және инвестициялық ынтымақтастық жылдан жылға нығаюда, және Қырғызстанмен одақтастық қатынастарды жан-жақты тереңдетуге ниеттіміз», – деп атап өтті Е.Көшербаев.ҚР СІМ басшысы Қазақстан Қырғызстанның ең ірі үш сауда серіктесінің қатарында берік орын алып отырғанын айтты. Өзара сауда көлемі 2 млрд АҚШ долларын құрады, және бұл көрсеткішті 3 млрд долларға дейін арттыру мақсаты қойылған. Бұған тауар айналымы номенклатурасын әртараптандыру, өңіраралық байланыстарды одан әрі дамыту және жаңа бірлескен жобаларды іске қосу, оның ішінде трансшекаралық Индустриялық сауда-логистикалық кешен құру ықпал ететін болады, оның іске қосылуының мультипликативтік әсері қазақ-қырғыз ынтымақтастығының барлық бағыттарына таралады.Е.Көшербаев соңғы 20 жылда қазақстандық компаниялардың қырғыз экономикасына салған инвестициялары 1,4 млрд АҚШ долларын құрағанын атап өтті, сонымен қатар екі елдің мүддесіне инвестициялық өзара іс-қимыл аясын кеңейту сәйкес келеді. Осыған байланысты сыртқы саяси ведомстволардың басшылары ынтымақтастықтың елеулі әлеуетін атап өтіп, энергетика, көлік, логистика және ауыл шаруашылығы салаларында өзара тиімді ықпалдастықты дамытуға жәрдемдесуге дайын екендерін білдірді.Екі бауырлас халық арасындағы берік әрі ұзақ мерзімді қатынастардың негізі – мәдени-гуманитарлық байланыстарды тереңдету перспективалары жеке қарастырылды. Тараптар өткізілетін іс-шаралардың қарқындылығына қанағаттанушылық білдірді. Өткен жылы Қырғызстанда Қазақ киносының күндері, Қазақстан-Қырғызстан Жастар форумының 3-отырысы, сондай-ақ Бішкек қаласында «Алтын көпір» ескерткішінің салтанатты ашылуы өтті. Қазақстанда Ш.Айтматовтың аттас повесі негізінде қойылған «Жәмилә» мюзиклінің премьерасы өтті. Биылғы қаңтар айында Астанада Қырғыз киносының күндері табысты ұйымдастырылды.Кездесу барысында министрлер өңірлік және халықаралық күн тәртібінің өзекті мәселелері бойынша да пікір алмасты. БҰҰ аясында тығыз өзара іс-қимылға бейілділіктерін және екі мемлекеттің халықаралық бастамаларын ілгерілету барысында өзара қолдау көрсетуге дайын екендерін растады.Кездесу қорытындысы бойынша Қазақстан мен Қырғызстан Сыртқы істер министрлері кеңесі алаңында да ведомствоаралық өзара іс-қимылды одан әрі нығайтуға дайындық расталды.Ақпарат көзі : https://www.gov.kz/memleket/entities/mfa/press/news/details/1161450?lang=kk

«Әділетті және Прогрессивті Қазақстанның Халықтық Конституциясы үшін!» Жалпыұлттық коалициясын құру жөніндегі республикалық бастама аясында Алматы облыстық коалициясы құрылды.Облыста коалиция құрамына 300-ден астам адам кірді. Олардың қатарында мәслихат төрағалары мен депутаттары, саяси партия филиалдарының жетекшілері, заңгерлер, қоғамдық ұйымдар мен бұқаралық ақпарат құралдарының өкілдері, сарапшылар, кәсіподақ және жастар бірлестіктерінің мүшелері бар.Өңірлік коалиция жетекшісі Қуат Байғожаевтың айтуынша, коалицияның басты мақсаты – Конституциялық өзгерістердің мән-маңызын тұрғындарға кеңінен түсіндіру, қоғамдық пікір алмасу алаңдарын ұйымдастыру және реформаларды қолдауға бағытталған бірлескен іс-шараларды өткізу.«Жаңа Конституция саяси жүйені жаңғыртуға бағытталған. Құжатты әзірлеу барысында азаматтар мен сарапшылардан мыңдаған ұсыныс түсті. Бұл оның ашық форматта дайындалғанын көрсетеді. Өңірде біз халықпен кездесулер өткізіп, негізгі өзгерістер туралы ақпарат береміз», – деді Қуат Байғожаев.Алатау қалалық коалиция жетекшісі Роза Абилова да Негізгі заң жобасының маңызына тоқталды.- «Құжатта азаматтардың құқықтары мен бостандықтарын қорғау мәселесіне ерекше мән берілген. Сонымен қатар мемлекеттік институттардың тиімділігін арттыру көзделген. Сондықтан тұрғындардың референдум қарсаңында ұсынылып отырған өзгерістермен танысуы маңызды», – деді Роза Абилова.Өңірлік коалиция алдағы уақытта облыс аумағында ақпараттық-түсіндіру кездесулерін, ашық диалог алаңдарын және қоғамдық талқылауларды ұйымдастыруды жоспарлап отыр. Сонымен қатар шалғай елді мекендердегі тұрғындармен де кездесулер өткізу көзделген.Айта кету керек, жаңа Конституция бойынша республикалық референдум 15 наурызда өтеді.Ақпарат көзі : https://www.gov.kz/memleket/entities/almobl/press/news/details/1161422?lang=kk

Бішкек, 2026 жылғы 13 ақпан – Бішкекке ресми сапары аясында Қазақстан Республикасының Сыртқы істер министрі Ермек Көшербаевты Қырғыз Республикасының Президенті Садыр Жапаров қабылдады.Әңгімелесу барысында С.Жапаров Қазақстан мен Қырғызстан арасындағы одақтастық қатынастарды одан әрі тереңдетудің маңыздылығын айқындап, екі мемлекет арасындағы жан-жақты ынтымақтастықтың дамуындағы оң серпінді қанағаттанушылықпен атап өтті.Өз кезегінде Е.Көшербаев Қазақстан Республикасы Президенті Қасым-Жомарт Тоқаевтың атынан жылы лебіз бен ізгі тілектерді жеткізіп, жоғары және аса жоғары деңгейлерде қол жеткізілген уағдаластықтардың іске асырылу барысы туралы ақпарат берді.«Қазақ-қырғыз қарым-қатынастарының әлеуеті зор әрі олар жыл сайын жаңа сапалы мазмұнмен толыға отырып, жыл сайын өрлеу бағытында дамып келе жатқанын атап өткім келеді. Бұған, ең алдымен, Сіздің Президент Қасым-Жомарт Тоқаевпен арадағы тұрақты саяси диалогыңыз ықпал етуде», – деп атап өтті Е.Көшербаев.Сондай-ақ, Министр Қазақстан екіжақты сауда-экономикалық байланыстарды одан әрі кеңейтуді өзара ықпалдастықты тереңдетудің негізгі факторларының бірі ретінде қарастыратынын айтты. Ол біздің еліміздің Қырғызстанның ірі сауда серіктестерінің үштігінде берік орын алып отырғанын атап өтті. Өзара сауда көлемі 2 млрд АҚШ долларын құрады және бұл көрсеткішті 3 млрд долларға дейін жеткізу мақсаты қойылған.Кездесуге қатысушылар екі елдің көпжақты форматтағы ынтымақтастығын жоғары бағалап, өңірлік және халықаралық күн тәртібіндегі өзекті мәселелерді талқылады.Кездесу қорытындысы бойынша тараптар бауырлас мемлекеттердің одақтастық қатынастарды дәйекті түрде нығайту бағытына бейілділігін растады.Ақпарат көзі : https://www.gov.kz/memleket/entities/mfa/press/news/details/1161357?lang=kk

Балқаш ауданы бойынша 2025 жылы жаңа бизнес-идеяларды іске асыруға арналған 400 айлық есептік көрсеткіш (АЕК) мөлшеріндегі қайтарымсыз мемлекеттік грант беру бағытында тиісті жұмыстар атқарылуда.Аталған мемлекеттік грант халықтың әлеуметтік осал топтарына жататын азаматтарға арналған. Атап айтқанда, атаулы әлеуметтік көмек алушыларға, көпбалалы отбасыларға, асыраушысынан айырылғандарға, мүгедектігі бар азаматтарға, қандастарға және өзге де әлеуметтік санаттағы азаматтарға кәсіпкерлік бастамаларынжүзеге асыруға қолдау көрсетіледі.Бағдарлама аясында барлығы 23 өтінім қабылданып, конкурстық комиссияның шешімі негізінде 19 азаматқа грант беру туралы оң шешімқабылданды.Қазіргі уақытта грант иегерлері өз жобаларыніске асырып, кәсіпкерлік қызметтерін жүргізуде. Грант қаражаты жаңа жұмыс орындарын ашуға, табыс көзін қалыптастыруға және азаматтардың экономикалық белсенділігін арттыруға бағытталған.Балқаш аудандық Мансап орталығы тарапынангрант қаражатының мақсатты әрі тиімді игерілуінетұрақты мониторинг жүргізілуде. Жобалардың орындалу барысы бақылауға алынып, әдістемелік және консультациялық қолдау көрсетілуде.Сонымен қатар, 2026 жылға аудан бойынша 75 азаматқа қайтарымсыз мемлекеттік грант беру жоспарлануда. Аудан көлемінде аталған грант бойынша халық арасында кең көлемді түсіндіру жұмыстары жүргізілуде. Тұрғындарға грант алушарттары, талаптары және құжаттарды тапсырутәртібі бойынша ақпараттық-кеңес беру жұмыстары тұрақты түрде ұйымдастырылуда.Аталған шаралар аудан тұрғындарының кәсіпкерлік белсенділігін арттыруға және халықты жұмыспен қамту деңгейін көтеруге бағытталған.Ақпарат көзі : https://www.gov.kz/memleket/entities/almobl/press/news/details/1160528?lang=kk

Қостанай облысы әлеуметтік-экономикалық даму қарқыны бойынша республикадағы жетекші өңірлердің бірі ретінде оң динамиканы сақтап келеді. Мемлекет басшысы алға қойған жыл сайынғы экономикалық өсімді кемінде 6 пайыз деңгейінде қамтамасыз ету міндетін Тобыл өңірі 8 пайыздық нәтижемен орындап, жоспарлы көрсеткіштен жоғары межеге қол жеткізді.Соңғы үш жылда облыс бюджеті 1,5 есеге ұлғайды. Орташа жалақы көлемі де 1,5 есеге өссе, негізгі капиталға салынған инвестициялар 1,6 есеге артты. Осы кезеңде өңірге тартылған шетелдік инвестициялар көлемі 1,5 млрд АҚШ долларына жетті. 2025 жылдың қорытындысы бойынша да облыс экономикасының өсімі республикалық деңгейден жоғары қалыптасты.Жұмыспен қамту саласында да оң өзгерістер бар. Өткен кезеңде 47 мыңнан астам адам жұмыспен қамтылып, 26,4 мың жаңа жұмыс орны ашылды. Нәтижесінде атаулы әлеуметтік көмек алатын отбасылар саны 23,7 пайызға қысқарды.Өнеркәсіп саласында өндіріс көлемі 3,5 трлн теңгеге жетті. Өңірде жалпы құны 322 млрд теңгені құрайтын жеті ірі инвестициялық жоба іске асырылды. Солардың ішіндегі ең ауқымдысы – КІА автозауыты. Кәсіпорында кореялық брендтің 13 түрлі моделі құрастырылып, 1500 жаңа жұмыс орны құрылды.2025 жылы тағы екі ірі жоба – жүк көлігі бөлшектерін шығаратын зауыт пен өндірісті желіліктендіру орталығы пайдалануға берілді. Аталған жобалар аясында 650 адам тұрақты жұмыспен қамтылды.Қазіргі уақытта облыс орталығында «Тобыл» халықаралық көлік-логистика кешенінің құрылысы жүргізілуде. Жобаның жалпы инвестиция көлемі 64 млрд теңгені құрайды. Бүгінде оның 6 млрд теңгесі игеріліп, 26 мың шаршы метр жүк тиеу-түсіру алаңы салынды, 2,7 шақырым теміржол желісі төселді. Аталған кешен іске қосылғаннан кейін жүк тасымалы көлемін 20 пайызға арттыруға мүмкіндік береді.Ауыл шаруашылығы саласында да бірқатар инвестициялық жобалар жүзеге асырылуда. Өңірде 7 заманауи өнеркәсіптік сүт-тауар фермасы ашылды. Биыл тағы 5 ферма пайдалануға беріледі. Бұл шаралар сүт өндірісін екі есеге арттыруға ықпал етеді.Сонымен қатар, елдегі ең ірі кондитерлік кәсіпорын – «Кондитерлік астана» фабрикасының құрылысы аяқталуға жақын. Жаңа өндіріс орны өңірдің азық-түлік қауіпсіздігін нығайтып, экспорттық әлеуетін арттыруға серпін бермек.Қостанай облысында жүзеге асырылып жатқан ауқымды жобалар өңір экономикасын әртараптандыруға, жаңа жұмыс орындарын ашуға және халықтың әл-ауқатын арттыруға бағытталған.Ақпарат көзі : https://www.gov.kz/memleket/entities/kostanay/press/news/details/1159784?lang=kk

Еңбекшіқазақ ауданының денсаулық сақтау жүйесінде маңызды басқару оқиғасы орын алып отыр, атап айтар болсақ Есік қаласының № 1 перинаталдық орталығы дербес медициналық ұйым ретінде ресми түрде жұмысын бастады. Осы кезеңге дейін аталған орталық Еңбекшіқазақ көпсалалы орталық аудандық ауруханасының құрамында қызмет көрсетіп келген, ал жеке мәртебе алу босандыру қызметін қайта ұйымдастырудың және оның өңірлік денсаулық сақтау жүйесіндегі институционалдық рөлін арттырудың маңызды кезеңі болып табылады.Ресми шара барысында Алматы облысы Денсаулық сақтау басқармасының басшысы Ержан Әбілқасымұлы Сүлейменов Есік қаласының № 1 Перинаталдық орталығының жаңа директоры Дәурен Жұмазыұлы Иманалиевті ұжымға таныстырды.Денсаулық сақтау басқармасының өкілдері перинаталдық орталықты дербес құрылымға бөлінуі нәтижесінде ана мен бала денсаулығын жақсарту мен өлім-жітімге жол бермеу мен көрсеткіштерін бақылауды күшейтуге, босандыру қызметін басқарудың тиімділігін арттыруға, сондай-ақ кадрлық және материалдық-техникалық ресурстарды неғұрлым ұтымды пайдалануға бағытталған стратегиялық басқару шешімі болып табылатынын атап өтті.Дәурен Жұмазыұлы Иманалиев мамандандырылған медициналық көмекті дамыту, акушерлік пен неонатология жүйесінде қазіргі заманғы технологияларды енгізу және дербес мекеме ретінде медициналық ұйымның материалдық-техникалық базасын дәйекті нығайту міндеттері айқындалған жетекші ретінде таныстырылды.Еңбекшіқазақ ауданының тұрғындары үшін орталықтың жаңа мәртебесі - әйелдердің репродуктивті денсаулығын сақтау, жүктілік пен босану кезіндегі қауіпсіздігін қамтамасыз ету, сондай-ақ жаңа туған нәрестелерді күту кезіндегі мәселелерді жүзеге асыру үшін медициналық, кадрлық және ұйымдастырушылық ресурстарды шоғырландыру қажеттілігі.Алматы облысы Денсаулық сақтау басқармасы № 1 Перинаталдық орталықтың дербес түрде қызмет атқаруы аналарды босандыру қызметін одан әрі дамытуға жаңа серпін беретіндігіне және Есік қаласының базасында орналасуы өңірдегі жетекші мамандармен мамандандырылған орталығын құруға мүмкіндік беретініне сенім білдірді.Ақпарат көзі : https://www.gov.kz/memleket/entities/almobl/press/news/details/1159216?lang=kk

Астана, 2026 жылғы 9 ақпан – Қазақстан Республикасының Сыртқы істер министрі Ермек Көшербаев Қазақстандағы Түркия Республикасының Елшісі Мұстафа Капуджуды қабылдады.Тараптар саяси, сауда-экономикалық, инвестициялық және мәдени-гуманитарлық салалардағы Қазақстан-Түркия ынтымақтастығының қазіргі жай-күйі мен оны одан әрі дамыту перспективаларын талқылады.Кездесу барысында екі ел арасындағы кеңейтілген стратегиялық серіктестікті жан-жақты нығайтуға бағытталған уағдаластықтарды іске асыру мәселелеріне, сондай-ақ алдағы биік және жоғары деңгейдегі сапарлардың дайындық барысына ерекше назар аударылды.Сонымен қатар тараптар Қазақстан-Түркия үкіметаралық экономикалық комиссиясының 14-ші отырысын ұйымдастыру мәселелерін талқылап, сауда-экономикалық, инвестициялық және көлік-логистикалық салалардағы практикалық өзара іс-қимылды күшейту мен бірлескен жобаларды іске асырудың маңыздылығын атап өтті.Қазақстан мен Түркия арасындағы достық қатынастардың жоғары деңгейін растай отырып, тараптар Түркі мемлекеттері ұйымы аясында тығыз ынтымақтастықты одан әрі жалғастыруға өзара мүдделілігін білдірді.Ақпарат көзі : https://www.gov.kz/memleket/entities/mfa/press/news/details/1158114?lang=kk

Астана, 2026 жылғы 9 ақпан – Қазақстан Республикасының Сыртқы істер министрі Ермек Көшербаев Үндістан Республикасының Елшісі Сайлас Тангалды қабылдады.Сұхбат барысында тараптар Қазақстан мен Үндістан арасындағы стратегиялық серіктестікті одан әрі нығайтуға өзара мүдделілігін, сондай-ақ БҰҰ, ШЫҰ және АӨСШК-ті қоса алғанда, көпжақты алаңдар аясында тығыз өзара іс-қимылды жалғастыруға дайын екендіктерін растады.«Орталық Азия – Үндістан» диалогын өңірлік ынтымақтастықтың өзекті мәселелерін талқылауға арналған маңызды платформа ретінде одан әрі ілгерілетудің маңыздылығы аталып өтті.Министр Үндістанды Оңтүстік Азиядағы негізгі серіктес ретінде атап өтіп, Қазақстан мен Үндістан арасындағы ынтымақтастықты дамытудың ерекше маңыздылығын айтты. Сауда-экономикалық және инвестициялық өзара іс-қимылдың басымдығына, көлік-логистикалық байланыстарды дамытуға, сондай-ақ мәдени-гуманитарлық ынтымақтастық пен туризмді нығайтуға ерекше назар аударды.Өз кезегінде Елші кездесу үшін алғысын білдіріп, Нью-Делидің Қазақстанмен көпформатты ынтымақтастықты белсендетуге қызығушылығын растады.Кездесу қорытындысы бойынша сұхбатттастар екіжақты және көпжақты өзара қарым-қатынастың өзекті мәселелері бойынша тұрақты байланыста болуға уағдаласты.  Ақпарат көзі : https://www.gov.kz/memleket/entities/mfa/press/news/details/1157958?lang=kk

 Астана, 2026 жылғы 9 ақпан – Қазақстан Республикасы Сыртқы істер министрінің орынбасары Әлібек Қуантыров Сербия Республикасы үкіметінің халықаралық экономика мәселелеріне жауапты министрі Ненад Поповичпен кездесу өткізді.Кездесу барысында саяси ынтымақтастық және сауда-экономикалық ықпалдастықты қоса алғанда кең ауқымды мәселелер талқыланып, 2026 жылға жоспарланған екіжақты іс-шаралар мен сапарлардың күнтізбесі қарастырылды.«Сербия – Балқан өңіріндегі біздің ең маңызды серіктестеріміздің бірі. Біз аса жоғары және жоғары деңгейлердегі тұрақты саяси диалогты, екі ел парламенттеріндегі достық топтарының өзара іс-қимылын, сондай-ақ Сауда-экономикалық ынтымақтастық жөніндегі үкіметаралық комиссияның жұмысын қамтитын тиімді институционалдық ынтымақтастық архитектурасын қалыптастырдық», – деп атап өтті Ә.Қуантыров.Кездесу барысында Қазақстан Республикасының Президенті Қасым-Жомарт Тоқаевтың 2024 жылғы 18-19 қарашада Сербияға жасаған ресми сапарының қорытындылары бойынша қол жеткізілген уағдаластықтарды, сондай-ақ 2025 жылғы 8 тамызда Алматы қаласында өткен Сауда-экономикалық ынтымақтастық жөніндегі үкіметаралық комиссияның 4-отырысының шешімдерін іске асыру мәселелеріне ерекше назар аударылды. Атап айтқанда, Астана мен Белград арасындағы тікелей әуе қатынасының іске қосылуына қанағаттанушылық білдіріліп, бұл қадам екі ел халықтары мен бизнес қауымдастықтары арасындағы өзара іс-қимылды дамытуға ықпал ететіні аталып өтті.Кездесу қорытындысы бойынша тараптар өзара сенім мен өзара тиімді ынтымақтастық негізінде қазақ-серб қатынастарын одан әрі дамытуға ниетті екендерін растады.Ақпарат көзі : https://www.gov.kz/memleket/entities/mfa/press/news/details/1157937?lang=kk

Рудный қаласында "Келешек мектептері" ұлттық жобасының аясында 900 орынға арналған мемлекеттік тілде оқытатын №8 жалпы білім беретін жаңа мектеп ашылды. Осы айтулы күнді оқушылар және олардың ата-аналары асыға күткен болатын. Жаңа мектепте оқушылардың қабілеттерін ашуға барлық жағдайлар жасалған. Кіші, орта және жоғары буын үшін жеке блоктар қарастырылған. Химия, биология, физика, информатика, робототехника пәндік кабинеттері, сондай-ақ STEAM-зертхана оқушылардың зерттеу мәдениетін дамытуға мүмкіндік береді. Оқу кабинеттері компьютерлік жабдықтармен, интерактивті тақталармен, шет тілдер кабинеттері - лингафондармен жарақталған. Мектепте қажетті құралдарымен 3 спорт залы, хореография залы, жайлы асхана бар. Еңбекке баулу шеберханаларында станоктар және тігін жабдықтары қойылған.Аулада оқушыларды жан-жақты дамыту үшін қозғалыс ойындарға және демалуға арналған алаңдар орнатылған.Мектеп Қостанай облысы бойынша Қазақстандық Ұлттық ЮНЕСКО клубтары федерациясының өңірлік үйлестірушісі қызметін атқарып, осы салада халықаралық тәжірибе алмасу бойынша белсенді жұмыс жүргізуді жоспарлап отыр. Кеншілер қаласы үшін мектепте 62 жаңа жұмыс орнының ашылуы маңызды. Оның 34-і педагогтер, оларға сапалы білім беру және оқушылардың зияткерлік, спорттық және шығармашылық қабілеттерін дамыту үшін жасалған қолайлы жағдайларды толығымен пайдалану міндеті қойылып отыр.Естеріңізге сала кетейік, Ұлттық жоба аясында 4500 орындық 6 мектеп ашылды: Арқалық қаласында (300 орын), Қостанай ауданының Заречный ауылында (900 орын), екі мектеп Қостанай қаласында (1200 және 900 орын), Әулиекөл ауданының Құсмұрын ауылында (300 орын) және Рудный қаласында (900 орын).Ақпарат көзі : https://www.gov.kz/memleket/entities/kostanay/press/news/details/1157603?lang=kk

Әулиекөл ауданына барған жұмыс сапары барысында Қостанай облысының әкімі Құмар Ақсақалов әлеуметтік осал санаттағы тұрғындарға жаңа пәтер кілттерін табыстады.Әулиекөлде өрттен кейін салынған тұрғын үйлерді есептемегенде, ұзақ жылдардан кейін алғаш рет жаңа көппәтерлі тұрғын үй пайдалануға берілді.Баспаналар мемлекеттік тұрғын үй саясатын іске асыру аясында коммуналдық тұрғын үй қорынан берілді. Осылайша, барлығы 24 пәтер жаңа қоныстанушыларға табысталып отыр. Бюджет қаражаты есебінен жүзеге асырылған жобаның жалпы құны 356,3 млн теңгені құрады. Мердігер – «Елорда Инвест Строй» ЖШС.Облыс әкімі тұрғын үй құрылысының дамуы мемлекеттік саясаттың басым бағыттарының бірі екенін атап өтті. Сондай-ақ баспаналар салу тек қалаларда ғана емес, аудан орталықтары мен ауылдарда да қарқынды дамып келе жатқанын, бұл олардың өмір сүруі мен еңбек етуіне қолайлы жағдай екенін атап өтті.«Мемлекет басшысы тұрғын үй құрылысы саласына ерекше көңіл бөлуде. Қостанай облысында бұл жұмыс жүйелі түрде жүргізіліп келеді, баспана тапсыру көлемі жыл сайын артып отыр. 2025 жылдың қорытындысы бойынша облыста 517,4 мың шаршы метр тұрғын үй пайдалануға берілді, оның 63,7 мың шаршы метрі – ауылдық жерге тиесілі. Бұл 5,4 мыңнан астам отбасын тұрғын үймен қамтамасыз етуге мүмкіндік берді», – деді өңір басшысы.Жаңа пәтерлердің жалпы ауданы 1 228,8 шаршы метрді құрайды. Үш қабатты тұрғын үйде ауданы 37-ден 64 шаршы метрге дейінгі 9 бір бөлмелі және 15 екі бөлмелі пәтер бар. Дайын күйінде тапсырылған пәтерлерде барлық инженерлік коммуникациялар тартылған.Салтанатты рәсімді қорытындылай келе, облыс әкімі жаңа қоныстанушыларды құттықтап, оларға амандық пен береке тіледі.Өңірде жастарды қолдауға да ерекше назар аударылып жатқанын айта кету керек. «Қостанай жастары» бағдарламасы аясында соңғы үш жылда 340-тан астам жас отбасы баспаналы болды.Ақпарат көзі : https://www.gov.kz/memleket/entities/kostanay/press/news/details/1157583?lang=kk

Күрделі жөндеуден кейін Әулиекөл ауданы Аманқарағай станциясының вокзалы қайта пайдалануға берілді.Президенттің тапсырмасы бойынша республикада теміржол вокзалдарын жаңғыртуға бағытталған ауқымды бағдарлама жүзеге асырылуда. Қостанай облысында Қостанай, Арқалық, Рудный қалалары, Тобыл, Аманқарағай және Құсмұрын елді мекендеріндегі алты вокзал қайта жаңартылуда.Аманқарағай станциясының вокзалы күрделі жөндеуден кейін өз жұмысын қайта бастады. Ғимаратты жаңарту жұмыстары «Қазақстан теміржолы» ҰК» АҚ тапсырысы бойынша жүзеге асырылды. Бас мердігер – «СЕРВИССТАЛЬ» ЖШС.Әулиекөл ауданына жұмыс сапары барысында Қостанай облысының әкімі Құмар Ақсақалов Аманқарағай теміржол вокзалы маңызды көлік қатынасы нысандарының бірі екенін атап өтті.«Вокзал ғимараты жаңартылып, оның аумағы 403 шаршы метрден 435 шаршы метрге дейін ұлғайтылды. Инженерлік желілер, күту залдары мен касса аймақтары, санитарлық тораптар толықтай жаңғыртылды, сондай-ақ заманауи қауіпсіздік жүйелері орнатылған. Реконструкция барысында кедергісіз орта қалыптастыруға ерекше назар аударылды. Мүмкіндігі шектеулі жандарға, қарт адамдарға және балалары бар жолаушыларға барлық қажетті жағдай жасалды. Жолаушыларға көрсетілетін қызметтің сапасы мен жайлылық деңгейі едәуір артты», – деді облыс әкімі Құмар Ақсақалов.Реконструкция кезеңінде жолаушылар мен қызметкерлер электрлік орталықтандыру постының ғимаратына уақытша орналастырылды. Бұл ғимарат 40 орындық күту залы және жылыту жүйесімен жабдықталып, күзгі-қысқы кезеңде қолайлы жағдай қамтамасыз етеді.Ақпарат көзі : https://www.gov.kz/memleket/entities/kostanay/press/news/details/1157568?lang=kk

Облыс әкімдігінде Қазақстан халқы Ассамблеясы Төрағасының орынбасары, ҚР Президенті Әкімшілігінің ҚХА хатшылығының меңгерушісі Марат Әзілхановтың қатысуымен жаңа Конституция жобасы талқыланды. Аталған алқалы отырысқа облыс әкімінің бірінші орынбасары Қанат Есболатов, ҚХА жанындағы этномәдени бірлестіктердің төрағалары және қоғамдық құрылымдардың жетекшілері қатысты.Кеңес барысында Марат Әзілханов Конституциялық реформалар жөніндегі комиссияның жұмысына жан-жақты тоқталып, жаңа заң жобасының ел дамуындағы маңыздылығын атап өтті.- «Ынтымақ пен бірегейлік – мемлекеттілікті қалыптастырып, нығайтудың, дамытудың маңызды тетігі. Мұны татулық пен келісім саясаты дәлелдеді. Ассамблея құрылғаннан кейінгі алғашқы жылдарда ел этностарының мүдделерін білдіруді көздесе, қазір ол мақсат пен міндет тұтастығын көздейтін азаматтық қағидатында, сондай-ақ ортақ біріктіруші құндылықтар негізінде этностарды біртұтас халық ретінде одан әрі интеграциялау жұмысын жалғастырып келеді. Жалпы, елімізде татулық пен келісім саясатын іске асыруға Ассамблеямен қатар барлық орталық мемлекеттік, жергілікті атқарушы органдар мен үкіметтік емес бірлестіктер тартылған. Осы жылдар ішінде Қазақстанда қоғамдық келісім мен жалпыұлттық бірлікті нығайтудың заңнамалық, мемлекеттік-басқарушылық, қоғамдық және басқа да институционалдық тетіктері құрылды. Бұл тұрғыда Алматы облысы өте өнімді жұмыс атқарды. Ал жаңа Конституциялық жобадағы «Халық кеңесі» секілді алаңның құрылуы қоғамдағы өзекті мәселелерді кең ауқымда талқылауға, консенсусқа негізделген шешімдер қабылдауға және түрлі этностар мен әлеуметтік топтардың мүдделерін институционалдық деңгейде ескеруге мүмкіндік береді» – деді Марат Алмасұлы.Кеңес отырысында жаңа Конституция жобасын өңірдегі этномәдени бірлестіктер бірлесе талқылап, қоғамдық ұйым өкілдері өздерінің ой-пікірлерін ортаға салды. Сонымен қоса қатысушылар жаңа Конституция жобасындағы Қазақстан Халық Кеңесінің құрылуы бойынша бірқатар ұсыныстар және қоғамдық келісімді нығайтуда ел азаматтарының ортақ жауапкершілігі екенін айтысты. Кеңеске қатысқан өңіріміздің этномәдени бірлестік жетекшілері жаңа заң жобасын қолдайтындықтарын білдірді.Ақпарат көзі : https://www.gov.kz/memleket/entities/almobl/press/news/details/1157407?lang=kk

Еңбекшіқазақ ауданында жаңартылатын энергия көздерін пайдаланудың сәтті үлгісі жүзеге асырылып отыр. Қайназар ауылында Жаңабаевтар әулеті күн энергиясын пайдалану арқылы тұрғын үйін толықтай электр қуатымен және ыстық сумен қамтамасыз етіп, артық өндірілген электр энергиясын ортақ желіге өткізуде.«Жасыл» технологияларды қолдану жарықтандыру және ыстық сумен қамту жүйелерінің үздіксіз жұмыс істеуіне мүмкіндік береді. Елді мекенде электр қуаты уақытша өшірілген жағдайларда да Жаңабаевтар отбасының үйі автономды режимде қалыпты жұмысын жалғастырады.Отбасылық күн электр станциясын құру жобасын кәсіпкер Темірхан Жаңабаев екі жыл бұрын бастап, өз үйінің шатырына күн панельдерін орнатқан. Алғашқы кезеңде 24 панель қойылып, бұл жалпы желіден тұтынылатын электр энергиясының көлемін 90 пайызға дейін қысқартуға мүмкіндік берген.Кәсіпкердің айтуынша, күн панельдерінің қызмет ету мерзімі 25 жылға дейін жетеді.Оның сөзінше, бастапқыда белгілі бір көлемде инвестиция қажет болғанымен, панельдер жоғары сенімділігімен ерекшеленеді. Олар шыңдалған берік әйнектен жасалған және бұршаққа, қар мен жаңбырға төзімді.Қазіргі таңда шаруашылықта әрқайсысының қуаты 670 ватт болатын 42 күн панелі орнатылған. Жалпы өндірілетін электр энергиясының көлемі сағатына шамамен 30 киловаттқа жетеді. Сонымен қатар үйде тек күн энергиясымен жұмыс істейтін су жылытқыш қондырғы қолданылады. Оның сыйымдылығы 250 литрді құрайды, ал күндіз қыздырылған су арнайы жылу оқшаулау жүйесінің арқасында тәулік бойы жылуын сақтайды.Отбасының таулы аймақ етегінде орналасуы да энергиямен тұрақты қамтылуына оң әсерін тигізіп отыр.Темірхан Жаңабаев күн панельдері қосымша табыс көзіне айналғанын да атап өтті. Күніне шамамен 25 киловатт артық электр энергиясы «Алатау Жарық Компаниясына» сатылып, нәтижесінде жобаға салынған 5 миллион теңгенің жартысына жуығы қайтарылған.Кәсіпкердің айтуынша, жаз мезгілінде күн сәулесі мол болғандықтан, ай сайынғы табыс 200 мың теңгеге дейін жетеді. Ал қыс айларында күннің қысқа әрі бұлтты болуына байланысты кіріс 50–60 мың теңге шамасында болады.Алдағы уақытта Темірхан Жаңабаев бұрын алма бағы орналасқан 1,5 гектар жер теліміне қосымша күн панельдерін орнатуды жоспарлап отыр. Қолданыстағы заңнамаға сәйкес, тәулігіне 200 киловаттқа дейін электр энергиясын сатуға мүмкіндік бар, бұл жобаны кеңейтуге жол ашады.Мұндай жобалардың жүзеге асырылуы Еңбекшіқазақ ауданында «жасыл» энергетиканы дамытуға және ауылдық елді мекендердегі энергия тиімділігін арттыруға ықпал етеді.Ақпарат көзі : https://www.gov.kz/memleket/entities/almobl/press/news/details/1157353?lang=kk