Жыл сайынғы қысқы санаққа Жетісу облыстық орман шаруашылығы және жануарлар дүниесі аумақтық инспекциясы, «Охотзоопром» РМҚК, Зоология институты, Қазақстандағы биоалуантүрлілікті сақтау ассоциациясы ұйымының өкілдері қатысты. Аталмыш жұмыстар ашық, желсіз күні жиырма есепшіден тұратын жеті топпен жүргізілді.Екі күндік жұмыстың нәтижесінде ұлттық парк аумағында 5,5 мыңға жуық қарақұйрық және 190-ға жуық арқар мекен ететіні анықталды. Ал, Алтынемелдегі құландар саны 3,6 басты құрады. Айта кету керек, бұл Қазақстандағы ең көп құлан популяциясы. Тұяқтылар санының тұрақты өсуі жануарларды басқа тарихи мекендеу орындарына қайта жіберуге мүмкіндік береді.Мәселен, былтыр 87 бас жануар "Алтын дала", "Іле-Балқаш" резерваттарына және "Созақ" орманшылығына аттандырылды.Естеріңізге сала кетейік, іс-шараның негізгі мақсаты-еліміздің Қызыл кітабына енгізілген арқар, құлан және қарақұйрық популяциясын түгендеу.Дереккөз: ҚР Экология және табиғи ресурстар министрлігінің ресми сайты Алтын-Емел ұлттық паркінде жабайы аң санағы өттіАқпарат көзі : https://www.gov.kz/memleket/entities/zhetysu-oblysy/press/news/details/936184

Өскемен қаласының әкімі Алмат Ақышов тыл еңбеккері Анна Васильевна Андрееваны 100 жас мерейтойымен құттықтады.  Қала басшысы мерейтой иесіне еліміздің дамуы мен тарихи негізін нығайтуға қосқан баға жетпес үлесі үшін алғысын білдірді. Анна Васильевна 1925 жылдың 10 ақпанында Алтай өлкесінің Чадырка ауылында дүниеге келген. Балалық және жастық шағы Жаңасібір облысының Поспелиха ауылында өтті. Еңбек жолын 17 жасында бастап, трактор зауытында күзетші болып жұмыс істеген.   Оның ғұмыры еліміздің тарихымен тығыз байланысты. Жұбайы Екінші дүниежүзілік соғыста майданға аттанып, аман-есен оралған. Алайда 1992 жылы өмірден өтті. 1960 жылдан бастап отбасы Серебрянск қаласында тұрды. Еден жуушы болып жұмыс істеп, үш баланы тәрбиелеп өсірді. 1973 жылдың 15 маусымында «Коммунистік ерен еңбек екпіндісі» атағы берілді.  Анна Васильевна 1998 жылдан бері Өскеменде тұрады. Бүгінде балалары мен немерелеріне тағылымды тәрбие беріп отыр.  ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/936196

«Халықтың құқықтық сауатын дәйекті түрде арттырып, қоғам санасына адами құндылықтарды сіңірген жөн. Әрбір азамат өз сөзі мен әрекетіне заң тұрғысынан есеп беруі тиіс», - ҚР Президенті Қасым-Жомарт Тоқаев.Мемлекет басшысының тапсырмаларын орындау аясында Әділет министрлігі тұрақты негізде халықтың құқықтық сауаттылығын арттыру бойынша түсіндіру жұмыстарын жүргізуде.Мәселен, 2024 жылы «Халық заңгері», «Әділет кеңес береді», «Ашық есік күні», «Тегін заң көмегі күндері» акциялары іске қосылды. Өткен жылы республиканың барлық өңірлерінде жалпы саны 100 000 мыңнан астам адамды қамтитын 1 310 консультативтік-түсіндіру іс-шаралары өткізілді.Ауылдық елді мекендер тұрғындарының құқықтық сауаттылығын арттыру мақсатында 2000-ға жуық «Құқық кабинеттері» ашылды, олар аудандық, ауылдық клубтардың ғимараттарында, демалыс орталықтарында және т. б. «Egov» бұрыштарының базасында жұмыс істейді. Кабинеттерде қолданыстағы нормативтік құқықтық актілермен танысу үшін «Әділет» АҚЖ, «Заң» ДБ қолжетімділігімен, сондай-ақ ақпараттық жүйелерге (e-otinish, «Ашық НҚА» порталы және т.б.) қолжетімділігімен толық техникалық жабдықталған.«Әрбір цифрлық реформа, әсіресе, заң көмегіне қол жеткізу шектелген шалғай аймақтардағы адамдар үшін неғұрлым қолжетімді сот төрелігіне жасалған қадам.», - ҚР Президенті Қасым-Жомарт Тоқаев.Еup.kz. сайты арқылы онлайн режимінде заң қызметтерін ұсынуға және алуға арналған «E-ZanKomegi» заң көмегінің бірыңғай ақпараттық жүйесі іске қосылды, сондай-ақ, азаматтар өздерін қызықтыратын құқықтық сұрақтарға бейне қоңырау арқылы жауап алуға болатын «Zan Komegi» мобильді қосымшасы да қолжетімді. «Zan Komegi» жүйесінде 2000 мыңнан астам адвокат пен заң кеңесшілері арқылы 472 мыңнан астам азаматбілікті заң көмегін алды.Бұдан басқа, бейнеқоңырау арқылы онлайн режимде мүлікті басқаруға қатысты сенімхаттарды қоспағанда, сенімхаттар мен ерлі-зайыптылардың келісімдерінің барлық түрлерін беруге мүмкіндік беретін «Е-нотариат» бірыңғай нотариаттық ақпараттық жүйесі жұмыс істейді. Бұл қызметті 176 мың азамат пайдаланды.Бұдан бөлек, заңсыз әрекеттердің алдын алу мақсатында клиенттерді биометриялық сәйкестендіру қолданылады, өтініштерге қол қою кезінде QR-қол қою сервисі қолданылып, қызмет нәтижелері 24/7 режимінде EgovMobile «Цифрлық құжаттар» сервисінде қолжетімді. Осылайша, осы қызмет арқылы Қазақстан азаматтары нотариусқа бармай-ақ 168 мыңға жуық сенімхат пен ерлі-зайыптылардың 67,5 мың. келісімін заңды түрде ресімдей алды.Тағы бір маңызды жетістік – «Сот орындаушысы роботын» енгізу болып табылады. Мәселен, 20 АЕК-ке дейінгі әкімшілік айыппұлдар уақытылы төленбеген жағдайда уәкілетті орган мәліметтерді жеке сот орындаушының қатысуынсыз іс жүргізуді қозғайтын Робот сот орындаушысына береді. Іс қозғалғаннан кейін азаматтар іс туралы егжей-тегжейлі ақпараты бар EGov Mobile-да 1414-тен SMS хабарлама және push-хабарлама алады, сол арқылы азаматтар айыппұл сомасының 25% қосымша төлеуден және сот орындаушысына барудан босатылады, өйткені барлық әрекеттер онлайн режимінде жүргізіледі.Цифрлық сот орындаушысы іске қосылған сәттен бастап бүгінгі күнге дейін 2,2 млрд.теңге сомасын құрайтын 109 мыңнан астам атқарушылық іс қозғалды. Азаматтардың пайдасына үнемделген сома550 млн. теңгені құрады.2025 жылы адамдардың өмірін цифрлық дәуірде жеңілдету және ыңғайлы ету, сондай-ақ уақыт пен ақшаны үнемдеу үшін әділет органдарының жұмысын жақсарту жоспарлануда. Негізгі өзгерістер:2025 жылы 300 мыңнан астам азаматты құқықтық сауаттылығын оқыту жоспарлануда;ЖИ – «Әйтеке» көмекшісі- қарапайым заңгерлік кеңестер беруге және құжаттарды жинауға көмектесуге арналған чат-бот.Робот-сот орындаушысының құзыреті кеңейіп, ол айналысатын берешек мөлшерінің шегі 20-дан 40 АЕК-ке дейінартады, бұл азаматтардың пайдасына жылына 12,2 млрд. теңгеге дейін үнемдеуге мүмкіндік береді.Бұл құралдар тәуліктің кез келген уақытында пайдалануға мүмкіндік бере отырып, қарапайымдылығымен, жеделдігімен және қолжетімділігімен ерекшеленеді.Қабылданған шаралар азаматтардың құқықтық сауаттылығын арттырып, өз құқықтары мен міндеттерін мейлінше білуге ықпал етеді. Қызмет көрсетуді жеңілдету жұмысының нәтижесінде қазақстандықтардың уақыты мен қаражаты үнемделеді, аталған қызметтерді алудың қолжетімділігі мен ыңғайлылығы артып, сондай-ақ әкімшілік кедергілер жойылады, бұл процесті неғұрлым ашық және тиімді етеді.Ақпарат көзі : https://www.gov.kz/memleket/entities/akimvko/press/news/details/936202

Аудан әкімдігі әлеуметтік маңызы бар азық-түлік тауарларының бағасын тұрақтандыру шаралары бойынша кеңес өткізді.Аудан әкімі Ренат Құрмамбаев негізгі әлеуметтік маңызы бар азық-түлік бағаларын реттеу және тұрақтандыру үшін бірқатар шара жүзеге асырылатынын мәлімдеді.Атап айтқанда, ауылдық округтерден тікелей картоп жеткізілімін ұйымдастыру қолға алынбақ. Әр апта сайын төмендетілген бағамен ауыл шаруашылық жәрмеңкелері өтеді. Сондай-ақ Алтай қаласында әлеуметтік дүкендер ашылған.Депутаттар тауарлар құнын сақтау үшін фискалдық және құқық қорғау органдарын тарту арқылы мониторингтік топтардың жұмысын күшейту қажеттігін атап өтті.Сондай-ақ кеңесте әлеуметтік маңызы бар азық-түлік өнімдерін сату талаптарының сақталуын мемлекеттік бақылау нәтижелері белгілі болды.ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/936206

А.ж. 10 ақпанында террористік тұрғыдан осал (бұдан әрі-ТТО) объектілерді терроризмге қарсы қорғауды (бұдан әрі-ТҚҚ) зерттеу кезінде алынған тәжірибені талқылау шеңберінде Шығыс Қазақстан облысының облыстық, қалалық және аудандық терроризмге қарсы комиссияларының жұмыс топтарының онлайн-кеңесі өткізілді.Іс-шара барысында:- орталық мемлекеттік органдар деңгейінде бекітілген ТТО объектілерді ТҚҚ бейінді нұсқаулықтарының негізгі айырмашылықтарының сипаттамалары;- құлақтандыру, бейнебақылау, сигнализация, кіруді бақылау және басқару жүйелеріне, терроризмге қарсы қорғау паспортына, ТТО объектілерін инженерлік-техникалық жабдықтармен жарақтандыруды қаржыландыруды жоспарлауға қойылатын талаптар;- қолдан жасалған және штаттық жарылғыш құрылғының белгілері және табылған жағдайдағы іс-әрекет алгоритмі;- ТТО объектілердің басшылығы жүргізетін персоналмен теориялық және практикалық сабақтарды тексеру бойынша пратикалық ұсынымдар;- Қазақстан Республикасы Үкіметінің 2021 жылғы 12 сәуірдегі №234 қаулысымен бекітілген өлшемшарттарға сәйкес келмейтін ТТО объектілерді тізбеден алып тастау жөніндегі ұсыныстарды негіздей отырып, талдамалық анықтама жасау тәртібі туралы ақпарат берілді.Кеңеске қатысушылар бірқатар өзекті сұрақтарға жауап алды.Ақпарат көзі : https://www.gov.kz/memleket/entities/akimvko/press/news/details/936211

Бүгін IX қысқы Азия ойындарында шаңғы жарысынан әйелдер командасы арасындағы эстафета өтті.Бұл сында (4×5 км) Ұлттық құрама мәреге Қытайдан кейін келді. Үздік үштікті Жапония шаңғышылары түйіндеді.Жарыс жолына Камила Елғазинова, Ксения Шалыгина (классикалық әдіс), Ангелина Шурыга мен Надежда Степашкина (еркін әдіс) шықты.Мұнда барлығы 6 елдің құрамасы жүлдеге таласты. Енді Астана уақытымен сағат 10:00-де ерлер арасындағы (4×7.5 км) эстафета басталады.Айта кетейік, бұл шаңғы жарысынан Харбин-2025 бәсекесінде Қазақстан қоржынына түскен 3-жүлде. Осыған дейін жекелей сында Константин Борцов күміс, Олжас Климин қола олжалаған.Фото: Тұрар ҚАЗАНҒАПОВАқпарат көзі : https://www.gov.kz/memleket/entities/tsm/press/news/details/936052

Облыс әкімі Асхат Шахаровтың төрағалығымен өткен аппарат мәжілісінде суармалы жерлерді ұтымды пайдалану және ауыл шаруашылығы мақсатындағы пайдаланылмайтын жерлерді қайтару мәселелері қаралды.Ақтөбе облысының жер қатынастары басқармасының басшысы Нұрбол Ержанов айтып өткендей, биыл мемлекет меншігіне 160 мың га ауыл шаруашылығы мақсатындағы пайдаланылмай жатқан жерді қайтару жоспарланып отыр. Былтыр 219,063 мың га жер қайтарылды. Мұның есебінен облыстағы жайылымдық жерлердің көлемін кеңейту жоспарлануда. Қазіргі уақытта мал басының көбеюіне байланысты елдімекен жерлерінде жайылымдық жерлердің жетіспеушілігі 97,0 мың га құрайды.Сондай-ақ, 100 метрлік шекара белдеуінде орналасқан жерлерді мемлекет меншігіне қайтару жұмыстары қолға алынған. Әйтеке би, Қобда, Хромтау және басқа да бірқатар ауданда учаскелерді ерікті түрде беру үшін шаруашылық құрылымдарымен келіссөздер жүргізілуде.Айта кету керек, жер учаскелері конкурс арқылы беріледі. Мысалы, 2024 жылы мемлекеттік сатып алулар арқылы жалпы ауданы 467,7 мың га құрайтын 376 учаске, оның ішінде ауыл шаруашылығы мен коммерциялық мақсаттарға арналған учаскелер берілді. Бюджетке 161,1 млн теңге түсті.Бұдан өзге, өңірде 125 қалпына келтіру жобасы аясында 3 млн 903,1 га жерді қалпына келтіру жұмыстары жүргізіліп жатыр. Топырақ құнарлылығын арттыру жөніндегі Жол картасына сәйкес биыл Мәртөк және Қобда аудандарында 7 мың гектар жерге геоботаникалық зерттеулер жүргізу жоспарланған.Асхат Шахаров аудандар мен облыс орталығының әкімдері суармалы жерлердің ұтымды пайдаланылуына жауапты екенін атап өтті.«Жер мәселесі өте маңызды және жауапты. Кәсіпкерлер мен ауыл шаруашылығы өндірушілері жер учаскелерін алу процесі нақты рәсіммен реттелетінін нақты түсінуі тиіс. Біз жерді мақсатсыз бере алмаймыз, ол үшін конкурстар мен аукциондар бар. Аудан әкімдері жергілікті жерлерде осы мәселе бойынша түсіндіру жұмыстарын жүргізуі керек, яғни тұрғындар қайда және қандай конкурстар өткізілетіні, сондай-ақ жер учаскелерін бөлу қалай жүргізілетіні туралы хабардар болуы қажет. Біз үшін ең алдымен көкөністерді, жем-шөптерді өсіру және мал шаруашылығына жайылымды қамтамасыз ету үшін жерді тиімді пайдалануға назар аудару маңызды. Сонымен қатар, жерді қалпына келтіру және оны мемлекеттік қорға қайтару жұмыстарын жалғастыру қажет. Жер бар, алайда біздің міндетіміз – оны барлық көзделген нормалар мен рәсімдерді сақтай отырып, мақсаты бойынша пайдалану», - деп атап өтті әкім жиын барысында.Ақпарат көзі : https://www.gov.kz/memleket/entities/aktobe/press/news/details/936098

Премьер-министр Олжас Бектеновтің төрағалығымен өткен Үкімет отырысында еліміздің салық заңнамасына жаңа түзетулер ұсынылды.Премьер-министрдің орынбасары – ұлттық экономика министрі Серік Жұманғарин ҚҚС мөлшерлемесін салалар бойынша саралаумен 12%-дан 16%-ға дейін ұлғайту, арнаулы салық режимдерін реформалау, ҚҚС бойынша міндетті тіркеу есебіне қою үшін шекті 80 млн теңгеден 15 млн теңгеге дейін төмендету ұсынылып отырғанын айтты. Сондай-ақ денсаулық сақтау саласы үшін 10% төмендетілген мөлшерлеме ұсынылады. Ауыл шаруашылығы тауарын өндіруші заңды тұлғалар бюджетке төлеуге тиісті ҚҚС-ның 30%-ын төлейтін. Енді олар төлемейтін болады.Бүгіннен бастап өңірлердегі бизнес-қоғамдастықпен Үкіметтің бастамаларын талқылайтын алты жұмыс тобының жұмысы басталады. Қазіргі уақытта топтар өңірлерге шығып, жергілікті жерлерде бизнеспен кездесулер өткізуде. Жаңа Салық кодексінің жобасына түзетулерді осы жылдың 20 ақпанына дейін Мәжіліске енгізу жоспарлануда. Ақпарат көзі : https://www.gov.kz/memleket/entities/aktobe/press/news/details/935853

Маңғыстау облысының Ақтау қаласындағы бұрынғы Ақтау пластикалық масса зауытының аумағында орналасқан, республикалық меншікке берілген қауіпті қалдықтарды (химиялық қалдықтарды, материалдарды, реагенттерді, шикізатты) қатысушылар мәлімдеген баға бойынша сату жөніндегі конкурс өткізілген жоқ деп танылған.Ақпарат көзі : https://www.gov.kz/memleket/entities/ecogeo/press/news/details/935767

Аталмыш мерекені БҰҰ Бас Ассамблеясы 2015 жылдың желтоқсанында әйелдердің ғылымға қосқан үлесінің маңыздылығын атап өту мақсатында құрды. Қазіргі таңда әйелдер қауымы инновациялық технологияларды әзірлеуге, экологиялық зерттеулерге, сондай-ақ тұрақты даму және климаттың өзгеруі мәселелерін шешуге белсенді түрде қатысуда.Экономика ғылымдарының докторы, академик Гүлбазар Медиева Халықаралық жасыл технологиялар және инвестициялық жобалар орталығындағы білім беру және ғылым бағытын, сондай-ақ ғылыми-қоғамдастықтың жұмысын үйлестіруші. Гүлбазар Ақылқызының негізгі жетістіктерінің бірі жасыл технологиялар саласындағы 98 жетекші сарапшыны біріктірген ғылыми-техникалық кеңесті (ҒТК) құруы болды.Оның кәсібилігінің арқасында ең озық қолжетімді технологиялар (ЕҚТ) салалық анықтамалықтарын сараптау процесі ұйымдастырылды. Бұл Қазақстанда жасыл экономиканы дамытудың ғылыми негізделген тәсілдерін қалыптастырудағы маңызды қадам.Ботаника және фитоинтродукция институтындағы 102 ғылыми қызметкердің 75-і әйелдер. Аталмыш Институтты биология ғылымдарының докторы – Ситпаева Гүлнар Тоқбергенқызы басқарады.10 жыл бойы ол Тянь-Шань флорасын зерттеу бойынша "Орталық Азияның жасыл жолы" жобасының жетекшісі болды, оған бірнеше Орталық Азия елдерінің өкілдері қатысты. Сондай-ақ Гүлнар Тоқбергенқызы түрлі экспедицияларға, соның ішінде халықаралық экспедицияларға да қатысады.Ал Қазақ орман шаруашылығы ғылыми-зерттеу институтының қызметкері Надежда Чеботько орман ғылымының дамуына елеулі үлесін қосты. Ол қарапайым қарағайды сұрыптаумен және сорттық сынаумен, сондай-ақ селекцияны, интродукцияны және биотехнологияны қолдана отырып, ағаш-бұта түрлерінің биоәртүрлілігін сақтаумен айналысады. 40 жылдық ғылыми қызметі барысында 90-нан астам ғылыми еңбектер жариялап, 5 патент және 4 авторлық куәлік алды. "Аракарагайская" және "Чебаркульская" кәдімгі қарағай популяцияларының сорттарының соавторы, сондай-ақ - "Боровская-22", "Боровская-44" клондарының және "Төзімді қарағай" гибридінің авторы.Басқа әйел ғалым Тамара Стехареваның зерттеулері Қазақстанның ормандылығын арттыруға және бірегей экожүйелерді сақтауға ықпал етті. Биология ғылымдарының кандидаты, профессор орман экожүйелерін геоботаникалық зерттеуге, орман түрлерін, оның ішінде сирек кездесетін және ерекше қорғалатын табиғи аумақтарда жойылып кету қаупі төнген түрлерді сақтауға айтарлықтай үлес қосты.Қазіргі таңда елімізде ғылыми-зерттеу жұмыстарына қатысатын ғалым әйелдердің үлесі 10 мыңнан астам адамды құрайды. Бүгінгі мереке ғылымның жетістіктері әйелдердің белсенді қатысуынсыз мүмкін еместігін және ғылымдағы әйелдерді қолдау бүкіл адамзаттың алға жылжуына ықпал ететіндігін еске салады.Ақпарат көзі : https://www.gov.kz/memleket/entities/ecogeo/press/news/details/935817

Арал теңізінің құрғаған табанының жалпы ауданы шамамен 6 млн.гектарды құрайтыны баршаға мәлім, оның ішінде 2,8 млн. га Қазақстанға тиесілі.Біздің еліміздегі Арал теңізінің құрғаған табаны құмды және сортаңды шөлдердің аумағы болып табылады, мұнда фитомелиоративтік жұмыстар жүргізу үшін аумақтардың орман жарамдылығын ескеру қажет.2021 жылы Мемлекет басшысы экологиялық жағдайды жақсарту мақсатында АТҚТ 1,1 млн га аумағына орман мелиорациялық жұмыстарды жүргізу міндетін қойды.4 жыл ішінде 475 мың га алаңға сексеуіл отырғызылды, оның ішінде:- 2021 жылы-73,5 мың га (ЖАО — 20,9 мың га, ЭТРМ-52,6 мың га);- 2022 жылы-108,5 мың га (ЖАО-44 мың га, ЭТРМ-64,5 мың га);- 2023 жылы — бөлінген қаражат аясында 166 мың га (ЖАО-100 мың га, ЭТРМ-66 мың га).Сонымен қатар, 2021-2023 жылдары табиғи жаңаруға жәрдемдесу 197,0 мың га алаңда жүргізілді.2024 жылы — 127 мың. га (ЖАО-100 мың га, ЭТРМ-27 мың га).Дүниежүзілік банк қаржыландыратын жобаны іске асыру аясында АТҚТ – дағы жұмыстарды отырғызу материалымен қамтамасыз ету үшін Қазалы қаласында ауданы 33 гектар питомниктің құрылысы аяқталды. Жоба бойынша сексеуіл және галофитті бұталардың көшеттері одан әрі Арал теңізінің құрғаған табанына отырғызу үшін өсірілетін болады. Питомниктің қуаттылығы жылына 3 млн. дана көшет.Сондай-ақ, Арал теңізінің құрғаған табанында жаңа орман питомнигін құру жоспарда бар. Ол питомниктен алынған отырғызу материалы құрғақ жағдайларға бейімделеді, бұл отырғызу материалдарының сапасын арттырады.Бұдан басқа, жұмыстардың сапасын арттыру және тұрақты ғылыми көмек көрсету үшін Қазақ орман шаруашылығы және агроорман мелиорациясы ғылыми-зерттеу институтының Қызылорда қаласында филиалы ашылмақ.Институт мамандары АТҚТ-дағы күзгі-көктемгі орман өсіру жұмыстары кезінде агротехникалық іс-шараларды сақтау (егу және отырғызу схемаларын дұрыс жүргізу, орман тұқымдарын жинау және өңдеу, өсімдік көшеттерін қазу және тасымалдау), Арал теңізінің құрғаған табанында орман екпелерін құруды ғылыми мониторингілеу және талдау бойынша жұмыстар жүргізетін болады.Ақпарат көзі : https://www.gov.kz/memleket/entities/ecogeo/press/news/details/935847

Қазақстан Республикасы Экология және табиғи ресурстар министрлігі «Қоршаған ортаны қорғаудың ақпараттық-талдау орталығы» республикалық мемлекеттік кәсіпорны бас директорының бос лауазымына орналасуға конкурс жариялайды.«Қоршаған ортаны қорғаудың ақпараттық-талдау орталығы» республикалық мемлекеттік кәсіпорнының (бұдан әрі-Кәсіпорын) мекен-жайы:010000, Астана қаласы, Мәңгілік Ел даңғылы, 11/1.Кәсіпорын қызметінің мәні: Қазақстан Республикасының мемлекеттік экологиялық ақпарат қорын және табиғи ресурстардың мемлекеттік кадастрларын жүргізу.Функционалдық міндеттері: Кәсіпорынның құрылымдық бөлімшелерінің жұмысын ұйымдастырады және тиімді өзара іс-қимылын қамтамасыз етеді. Кәсіпорынның даму және жұмыс, бюджеттеу жоспарын әзірлейді, сондай-ақ олардың орындалуын қамтамасыз етеді. Кәсіпорынның қаржы-экономикалық және өндірістік-шаруашылық қызметінің мәселелерін шешеді. Кәсіпорынның міндеттемелері мен функцияларын орындауды қамтамасыз етеді. Қызметкерлер орындайтын есептердің, хаттардың, ақпараттардың уақытылы ұсынылуын және сапасын бақылайды. Қызметкерлердің жоспарларды орындауын ұйымдастырады. Ресурстарды ұтымды пайдалануды бақылауды жүзеге асырады. Жұмыстың жаңа және қазіргі заманғы әдістерін жетілдіру, жоспарлау және енгізу жөніндегі жұмысты талдайды және ұйымдастырады. Мемлекеттік билік және басқару органдары мен басқа да мүдделі ұйымдардың табиғи ресурстар және қоршаған ортаны қорғау саласындағы ақпараттық-консультациялық қызметтері бойынша жұмысты ұйымдастырады. Кәсіпорын қызметінде заңнама талаптарының сақталуын қамтамасыз етеді және бақылайды. Қазақстан Республикасының экология және табиғи ресурстар министрлігі алдындағы кәсіпорынның барлық міндеттемелерінің орындалуын қамтамасыз етуді бақылайды.Конкурсқа қатысушыларға қойылатын талаптар: Жоғары немесе жоғары оқу орнынан кейінгі білім: құқық (халықаралық құқық және/немесе құқықтану); әлеуметтік ғылымдар, экономика және бизнес (экономика және/немесе әлемдік экономика және/немесе мемлекеттік және жергілікті басқару); жаратылыстану ғылымдары (химия және/немесе экология).Мамандығы бойынша кәсіпорынның бейініне сәйкес басшы лауазымдардағы жұмыс өтілі кемінде 5 жыл.Мүмкіндігінше «Іскерлік әкімшілендіру магистрі» дәрежесінің немесе басқару (менеджмент) саласында қосымша білімінің болуы.Конкурс Қазақстан Республикасы Ұлттық экономика министрінің 2015 жылғы 2 ақпандағы № 70 бұйрығымен бекітілген мемлекеттік кәсіпорынның басшысын тағайындау және аттестаттау, сондай-ақ оның кандидатурасын келісу Қағидалары негізінде өткізіледі.Конкурсқа қатысу үшін мынадай құжаттар тапсырылады:1) конкурсқа қатысу туралы өтініш;2) мемлекеттік және орыс тілдерінде түйіндеме;3) еркін нысанда жазылған өмірбаян;4) білімі туралы құжаттардың көшірмелері;5) еңбек кітапшасының (ол болған кезде) немесе еңбек шартының көшірмесі не соңғы жұмыс орнынан жұмысқа қабылданғаны және еңбек шартының тоқтатылғаны туралы бұйрықтардың көшірмелері;6) "Денсаулық сақтау ұйымдарының бастапқы медициналық құжаттама нысандарын бекіту туралы" Қазақстан Республикасы Денсаулық сақтау министрі міндетін атқарушысының 2010 жылғы 23 қарашадағы № 907 бұйрығымен (Нормативтік құқықтық актілерді мемлекеттік тіркеу тізілімінде № 6697 болып тіркелді) бекітілген нысан бойынша денсаулық жағдайы туралы анықтама.Конкурсқа қатысу үшін қажетті құжаттар осы хабарландыру Қазақстан Республикасы Экология және табиғи ресурстар министрлігінің ресми сайтында жарияланған сәттен бастап 15 күнтізбелік күн ішінде Астана қаласы, Мәңгілік Ел даңғылы, 8, Министрліктер үйі, 15 кіреберіс, 4 қабат, 435 кабинет, анықтама үшін телефоны: 8 (7172)74-12-19, e-mail: me.alipbaeva@ecogeo.gov.kz Меруерт Бердібайқызы Алипбаева, мекенжайы бойынша тапсырылуы тиісАқпарат көзі : https://www.gov.kz/memleket/entities/ecogeo/press/news/details/935892

2024 жылдың қыркүйегінде қаланың су тасқыны қаупі бар учаскелері комиссиялық тексерілді, 18 учаске бойынша аудан әкімдеріне қажетті шараларды қабылдау туралы ұсынымдар берілді, яғни каналдарды тазалау және төсеу, арық-науа жүйесін орнату және т.б. Бұл туралы елорданың Коммуникациялар қызметінде өткен брифингте қалалық Төтенше жағдайлар департаментінің Төтенше жағдайлардың алдын алу басқармасының бастығы Қуаныш Тоқсарин мәлім етті, деп хабарлайды елорда әкімдігінің ресми сайты.«Қаңтар айында су тасқынына қарсы іс-шаралар айлығы басталды, тұрғын үй секторының тұрғындарына түсіндіру жұмыстарын жүргізіп, үгіт материалдарын тапсыра отырып, ықтимал қауіпті учаскелерде 51 рейд жүргізілді.Бүгінгі таңда коммуналдық қызметтер қала аумағынан 5,5 млн текше метрден астам қар шығарды, 16,4 мыңнан астам метр арық-науа желісі, 10 522 метр коллекторлар, 573 дана жаңбыр қабылдау құдықтары тазартылды», - деді Қуаныш Тоқсарин.Спикердің айтуынша, су тасқыны құбылыстарына уақтылы ден қою мақсатында жеке құрамның 581 адамынан, 505 бірлік техникадан, 131 мотопомпадан тұратын азаматтық қорғау қызметтерінің жалпы тобы құрылды.Төтенше жағдайлар департаменті елорда тұрғындары мен қонақтарына қалың қар еріген кезде сақтық шараларын сақтау керектігін ескертеді. Ведомство тез арада үйдің айналасын қардан тазартып, көшенің жол жиегіне қарай шығаруды ұсынады.Су тасқыны болған жағдайда дереу 109 iKomek қалалық мониторинг және жедел әрекет ету орталығына немесе 112 құтқару қызметіне хабарласу керек.Ақпарат көзі : https://www.gov.kz/memleket/entities/astana/press/news/details/935896

Астана қаласының Тұрғын үй және тұрғын үй инспекциясы басқармасының қызметкерлері «Таза Қазақстан» акциясы аясында қала аудандарын аралап, МИБ төрағаларымен кездесті, деп хабарлайды елорда әкімдігінің ресми сайты. Тексеру барысында қазіргі мәселелер талқыланды, олар – қарды уақытылы шығару, іргелес аумақтарды тазалау, санитарлық нормаларды сақтау, сондай-ақ газ ұстағыштар мен аулалардың газбен жабдықтау желілерінің жағдайын қадағалау. «Біз тұрғындарға әркім өз үйінің айналасындағы тазалыққа жауапты екенін үшін түсіндіру жұмыстарын жалғастырамыз», - деп атап өтті басқарма басшысының орынбасары Еркебұлан Мәлік. Ол бейнебақылау камералары санитарлық нормаларды бұзушыларды анықтауға көмектесетінін баса айтты. «Барлық жерде камера бар және ол бақыланады. Тәртіп бұзғаны үшін жауапкершілік бар», - деп қосты ол. Ведомствоның мәліметінше, қала тұрғындары жаңа талаптарға бейімделіп, тазалық олардың күнделікті өмірінің маңызды бөлігіне айналуда. Белгіленген нормалар мен заңдарды ұстанатындар көбейіп келеді. «Таза Қазақстан» акциясы таза және қауіпсіз қала ортасын құруға ықпал етеді. Елорда тұрғындарымен түсіндіру жұмыстарын жалғастыру ең маңызды міндет болып қала береді. Ақпарат көзі : https://www.gov.kz/memleket/entities/astana/press/news/details/935882

Қазақстан Республикасының Энергетика министрлігі (бұдан әрі – Министрлік) барлық мүдделі тұлғаларды жаңартылатын генерация объектілерін салу жобаларын іріктеу бойынша аукциондық сауда-саттыққа қатысуға шақырады.Министрлік жаңартылатын энергетика жобаларын іріктеу бойынша аукциондарға қатысуға инвесторлардың жобаларын дайындау және егжей-тегжейлі пысықтау мақсатында 2025 жылға арналған аукциондық сауда-саттықты өткізу графигін әзірлеп, бекітті.Мүдделі тараптар Министрліктің, «Жаңартылатын энергия көздерін қолдау жөніндегі қаржы-есеп айырысу орталығының» ЖШС (https://rfc.kz/ru/res-sector/auctions/selection-of-res/) және «KOREM» АҚ (https://www.korem.kz/rus/linksts/) ресми сайттарынан түсініктеме сұрата алады.Аукциондарды ұйымдастыру және өткізу қағидаларына сәйкес (Қазақстан Республикасы Энергетика министрінің 2017 жылғы21 желтоқсандағы № 466 бұйрығымен бекітілген) Аукциондық сауда-саттықты өткізу графигі Қазақстан Республикасы Энергетика министрлігінің ресми сайтында жарияланған (https://www.gov.kz/memleket/entities/energo/documents/details/795552?lang=kk).2025 жылға арналған аукционға қойылған жалпы белгіленген қуат1 810 МВт құрайды және мынадай электр станцияларының түрлері бойынша бөлінеді:- күн электр станциялары (КЭС) – 90 МВт;- жел электр станциялары (ЖЭС) – 1200 МВт;- гидроэлектр станциялары (ГЭС) – 500 МВт;- биогаз электр станциялары (БиоЭС) – 20 МВт.Ақпарат көзі : https://www.gov.kz/memleket/entities/energo/press/news/details/935909

Қалалық полиция департаментінің қызметкерлері осы жылдың бірінші айында есірткіге байланысты 47 құқық бұзушылықты анықтады. Оның ішінде 10 синтетикалық есірткі сату жайты. Департамент бастығының бірінші орынбасары Арман Бейсенбаевтың айтуынша, заңсыз айналымнан 35 келіден астам түрлі есірткі заттары тәркіленді, оның ішінде 1 келіден астамы синтетикалық есірткі бар.Бейсенбаев ішкі істер министрі 2025 жылды Профилактика жылы деп жариялағанын еске салды. Осыған байланысты құқық бұзушылықтардың, оның ішінде есірткі қылмыстарының алдын алу шаралары күшейтілді.Рейдтер барысында полицейлер есірткіге масаң күйінде көлік тізгіндеген 18 жүргізушіні анықтады, олар заңға сәйкес жауапкершілікке тартылды.Қала аумағындағы ғимарат қабырғаларында граффити түрінде есірткі жарнамаларын жоюға бағытталған профилактикалық жұмыстар ұйымдастырылып, нәтижесінде есірткі заттарын сататын сайттарды жарнамалайтын 500-ге жуық жазба жойылды.Есірткі қылмысына қарсы іс-қимыл басқармасының қызметкерлері 74 есірткі сайтын бұғаттады.Полиция есірткі заттарын сақтау және сату қылмысы үшін заңмен қатаң жаза қарастырылғанын ескертеді.Ақпарат көзі : https://www.gov.kz/memleket/entities/qriim/press/news/details/935608

Еңбек және халықты әлеуметтік қорғау министрлігі Цифрлық даму, инновациялар және аэроғарыш өнеркәсібі министрлігімен бірлесіп «Әрекетке қабілетсіз немесе әрекет қабілеті шектеулі кәмелетке толған адамдарға қорғаншылық немесе қамқоршылық белгілеу» және «Әрекетке қабілетсіз немесе әрекет қабілеті шектеулі кәмелетке толған адамның мүлкіне билік ету, шотына түскен зейнетақыларды, жәрдемақыларды, әлеуметтік төлемдерді алу бойынша және соттың шешімімен әрекетке қабілетсіз немесе әрекет қабілеті шектеулі деп танылған азаматтардың мүлкін иеліктен шығаруға рұқсат беру» мемлекеттік қызметтерін «Электрондық үкімет» порталы арқылы көрсетуді іске асырдыБұған дейін сот әрекетке қабілетсіз деп таныған кәмелетке толған адамдарға қорғаншылық немесе қамқоршылық белгілеуге, сондай-ақ қорғаншылықтағы немесе қамқорлықтағы адамдардың мүлкіне билік етуге рұқсат беру үшін құжаттарды қабылдау тек қағаз түрінде жүзеге асырылған болатын.Жоғарыда көрсетілген қызметтерді «Электрондық үкімет» порталы арқылы алу мүмкіндігі өтініштер мен құжаттарды қағаз жеткізгіште беру қажеттілігін болдырмайды, сонымен бірге қызмет көрсетудің бизнес-процестерін жеңілдетуге ықпал етеді, әрі көрсетілетін қызметті алушылардан дәйексіз деректерді ұсыну бойынша тәуекелдерді азайтататын болады. Бұл оларды көрсету үшін қажетті мәліметтер (цифрландырылған деректер болған жағдайда) мемлекеттік органдардың интеграцияланған ақпараттық жүйелерінен келіп түсетіндігіне байланысты болып отыр.Қорғаншылықты/қамқоршылықты белгілеуге не әрекетке қабілетсіз немесе әрекет қабілеті шектеулі адамның мүлкіне билік ету бойынша рұқсат беруге арналған өтініштерді қарау қорытындылары бойынша «Электрондық үкімет» порталында өтініш берушінің жеке кабинетіне көрсетілетін қызметті берушінің уәкілетті тұлғасының электрондық цифрлық қолтаңбасымен қол қойылған электрондық құжат нысанында тиісті бұйрық не болмаса дәлелді бас тарту түріндегі хабарлама жіберіледі.Ақпарат көзі : https://www.gov.kz/memleket/entities/enbek/press/news/details/935710

Қазақстанда вирустық гепатиттермен сырқаттанушылықты төмендету мақсатында 18 жастан асқан адамдардың арасында В және С гепатиттерін анықтауға толық скрининг жүргізу жоспарлануда.В және С вирустық гепатиттерімен инфекцияны ерте анықтау жөніндегі пилоттық бағдарламаны іске асыру қорытындылары, сондай-ақ елдегі сырқаттанушылықты төмендету жөніндегі іс-шараларды іске асыру жөніндегі одан арғы қадамдар Денсаулық сақтау министрі Ақмарал Әлназарованың ауруларды талдау орталығы (CDAF) қорының директоры доктор Хоми Разавимен кездесуі барысында талқыланды.ДДҰ-ның 2030 жылға дейінгі вирустық гепатиттерді жою бағдарламасының негізгі және маңызды мақсаттарының бірі - оларды уақтылы диагностикалау болып табылады.В және С вирустық гепатиттері негізінен жасырын (асимптоматикалық) болғандықтан, 65% жағдайда олар цирроздың немесе бауыр обырының дамуымен аяқталады, бұл өз кезегінде жұқтырған халықтың өліміне және мүгедектігіне әкеледі. Сондықтан инфекция тасымалдаушыларын ерте сатысында анықтауды және емдеуді қамтамасыз ету маңызды, өйткені олар айналасындағылар үшін вирустық гепатит көзі болып табылады.Пилоттық бағдарламаның нәтижелері бойынша Қазақстанда тиімді диагностикалық шешімдердің көмегімен 18 жастан асқан адамдардың арасында В және С вирустық гепатиттерін анықтауға арналған жалпы скринингті бастау туралы шешім қабылданды.Ақпарат көзі : https://www.gov.kz/memleket/entities/dsm/press/news/details/935924

Бүгін Шымкентте балалар қалалық клиникалық ауруханасының базасында жаңа кардиохирургия бөлімшесі ашылды.Қалада балалар санының көптігін ескере отырып, бөлімшенің ашылуы операцияларды күту уақытын қысқартуға және жақын маңдағы өңірлерден күрделі диагнозы бар балаларға көмек көрсетудің қолжетімділігін арттыруға мүмкіндік береді.Бүгінде Шымкентте 500 мың бала тұрады, оның 1400-і жүрек кемістігі бар диспансерлік есепте тұр. Биыл 67 балаға операция жасалды, 43 балаға шұғыл хирургиялық түзету қажет.«Денсаулық сақтау министрлігі 2024 жылы білікті мамандарды даярлауға, жаңа бөлімшелер ашуға, клиникалық хаттамаларды әзірлеуге бағытталған 2024-2026 жылдарға арналған балалар кардиохирургиялық көмегін жетілдіру жөніндегі Жол картасын» бекітті. Біз жүрекке немесе медициналық көмектің басқа түрлеріне операция жасауды қажет ететін әрбір баланың оны уақтылы және толық көлемде алуына ұмтылуымыз керек», - деп атап өтті Денсаулық сақтау министрі Ақмарал Әлназарова бүгін Шымкент қаласында ашылған кардиохирургиялық және онымен байланысты қызметтер жөніндегі халықаралық конференцияға қатысушыларға арналған құттықтау сөзінде.Ақтөбе және Түркістан облыстық балалар ауруханаларының базасында өңіраралық балалар кардиохирургиясы орталықтарын құру жоспарлануда. Бүгінде балалар кардиохирургиялық көмегі еліміздің 6 өңірінің 10 бөлімшесінде, ал облыстық деңгейде Ақтөбе, Түркістан және Қарағанды облыстық балалар ауруханаларында көрсетіледі.Қазақстан - Орталық Азиядағы туғаннан бастап кардиохирургиялық операциялар жүргізілетін жалғыз ел. 2024 жылы республикада 2474 операция, оның ішінде 317 жаңа туған нәрестеге жасалды. Барлық операциялардың жартысы бір жасқа дейінгі балаларға тиесілі.Оң жақ жүрекшенің құлақшасынан өкпе артериясының неоқақпақшасын жасауды қоса алғанда, озық технологияларды енгізу арқылы біздің мамандар Фалло тетрад және өкпе атрезиясы сияқты ең қиын жағдайларды сәтті шешуде. Биыл осындай 23 операция жасалды.Халықаралық конференцияның жұмысына Беларусь Республикасының, Өзбекстанның, Ресей Федерациясының, Қырғызстанның мамандары, ғылыми және республикалық орталықтар, практикалық дәрігерлер қатысады.Форумның шеңберінде қалалық балалар клиникалық ауруханасының базасында мастер-класс өтеді, онда бүгін кадр ресурстарын дайындап, медициналық жабдықтар мен медициналық мақсаттағы бұйымдарды сатып алғаннан кейін кардиохирургия бөлімшесі өзінің кардиореанимациясымен және операциялық блогымен ашылады.Ақпарат көзі : https://www.gov.kz/memleket/entities/dsm/press/news/details/935985

Жамбыл облысында 2024 жылы 115 спорт нысаны пайдалануға берілді. Оның ішінде 9 дене шынықтыру-сауықтыру кешені, 3 спорт кешені және 103 спорт алаңшасы бар. Бұл туралы Жамбыл облысының әкімі Ербол Қарашөкеевтің төрағалығымен өткен аппарат кеңесінде айтылды.Жиында спорт саласында атқарылған жұмыстар мен алдағы мақсат-міндеттер талқыланды.Дене шынықтыру және спорт басқармасының басшысы Ернар Ибраимовтың хабарлауынша, 2024 жылы 15 дене шынықтыру-сауықтыру кешенінің құрылысы жүргізілді. Оның 9-ы қолданысқа беріліп, биыл қалған 6 спорт нысаны табысталады.Бұдан бөлек, Тараз қаласы мен аудандарда 103 спорт алаңшасы ел игілігіне тапсырылды. Демеушілердің есебінен 3 ауылдық елді мекенде спорт кешені ашылды.Нәтижесінде облыс халқының спорттық инфрақұрылыммен қамтамасыз етілу деңгейі 68,3 пайызды құрады.Жалпы облыста 2 353 спорт нысаны бар.Биыл 8 жаңа спорт кешенінің құрылысы қарқын алады деп күтілуде.Өткен жылы спорт саласының шығындарына 15,8 млрд. теңге бөлінсе, биыл 17,6 млрд. теңге қарастырылып отыр.Ағымдағы жылы бұқаралық спортты дамытуға 460, 9 млн. теңге жұмсалады.Бүгінде 28 872 спортшымен 1 195 жаттықтырушы тұрақты түрде жұмыс жүргізуде.18 спорт түрі бойынша 6 871 бала (5-17 жас аралығындағы) спорт секцияларына тегін қатысып жүр.Бұқаралық спорттың дамуына тың серпін беру, тұрғындарды дене шықтыру және спортпен жүйелі айналысуға тарту мақсатында облыста 285 спорт нұсқаушысы жұмыс істейді.2024 жылдың қорытындысы бойынша 4 034 спорттық іс-шара ұйымдастырылып, 363 мың жамбылдық қамтылды.503 мың адам немесе облыс халқының 41,2 пайызы спортпен жүйелі түрде шұғылданады.Облыс спортшылары 1 797-і медальді қанжығасына байлады (алтын - 658, күміс - 570, қола - 569).Парижде өткен ХХХІІІ жазғы Олимпиада ойындарында дзюдодан Елдос Сметов чемпион атанса, XVII жазғы Паралимпиада ойындарында пара жүзуден Нұрдаулет Жұмағали күміс жүлдеге ие болды.V Дүниежүзілік көшпенділер ойындарында 17 жамбылдық спортшы сегіз спорт түрі бойынша ел намысын қорғады. Нәтижесінде қоржынға 7 алтын, 7 күміс, 4 қола медаль түсті.Сондай-ақ басқарма басшысы баяндамасында спортшылар мен жаттықтырушыларды қолдау, байрақты бәсекелерді жоғары нәтижеге қол жеткізу, бәсекелестікті арттыру, олимпиадалық және ұлттық спорт түрлерін дамыту, бюджет қаражатын ұтымды пайдалану мәселелеріне кеңінен тоқталды.Облыс әкімі бұқаралық спортты дамыту мәселесіне көңіл бөліп, спортпен шұғылданушылар санын және халықтың спорттық инфрақұрылыммен қамтамасыз етілу деңгейін одан әрі арттыру бойынша жұмысты жандандыруды жүктеді. Спорт нысандары халыққа қолайлы әрі қолжетімді болуы тиіс.Ербол Қарашөкеев өңірдегі спорт нысандарының жай-күйіне ерекше назар аударды. Ол дене шынықтыру және спорт басқармасына құрылысы жүріп жатқан және қолданыстағы спорт нысандарын жүйелі түрде зерделеуді, ондағы анықталған кемшіліктерді қалпына келтіруді, сондай-ақ 2028 жылы өтетін Олимпиада және Паралимпиада ойындарына дайындықты қазірден күшейтуді тапсырды.Басқосу барысында Тараз қаласы мен аудан әкімдерінің спорт саласын дамыту туралы есебі тыңдалды.Сондай-ақ облыс әкімінің Шу ауданы халқымен кездесуде және жеке қабылдауда берген тапсырмаларының орындалуы барысы қаралды.- Халық көтерген мәселелерге құлақ асып, шешу жолдарын қарастыруды қатаң бақылауға алуды тапсырамын, – деп облыс әкімі кеңесті түйіндеді.Ақпарат көзі : https://www.gov.kz/memleket/entities/zhambyl/press/news/details/935998