Түркістан облысында 1 мыңнан астам мектеп директоры бар. Әрқайсысы мектептің абыройын асырып, бала тәрбиесіне, білім беру ісіне жауапкершілікпен қарап, үнемі еңбектеніп жүрген, жаңашыл көшбасшылар. Солардың бірі де, бірегейі – Сарыағаш аудандық білім бөліміне қарасты №61 жалпы білім беретін мектебінің директоры Әсел Арапова. Үздіксіз ізденіс жолы мен өмір бойы оқуды мақсат тұтқан ол 2024 жылы 23 желтоқсандағы шетелде кадрлар даярлау жөніндегі республикалық комиссия отырысының шешімімен «Болашақ» халықаралық стипендиясын жеңіп алды.Сарыағаштық мектеп директор 2025 жылдың 1 қыркүйегінен бастап әлемнің үздік жоғары оқу орны АҚШ-тың California State University Chico университетінде білім алып, 1 жыл ғылыми тағылымдамадан өтеді.Айта кетсек, Әсел Әбдірахымқызы Сарыағаш ауданында ұстаздар отбасында дүниеге келген. Ең алғаш еңбек жолын Оңтүстік Қазақстан Гуманитарлық академиясында оқытушы болып бастады. 22 жыл бойы педагогика саласында тынымсыз еңбек етіп жүрген ұлағатты ұстаз 2016 жылдың 10 қазан күні аудандағы №3 М.Ломоносов атындағы жалпы орта білім беретін мектебінің директоры қызметіне тағайындалады. Сондай-ақ «Білім-инновация лицейлерінің» құндылықтарға негізделген тәрбие жұмысын және олимпиадалық резерв тобымен жұмыс істеу жүйесін, 20-дан аса ұлт өкілдері оқитын мектеп оқушылары арасында толеранттылықты және ата-аналарымен ынтымақтастықты арттыру мақсатында НЗМ-нің «Шаңырақ», «Әке өндірісіндегі бір күн», «TEDx» тағы басқа жобаларын мектептің оқу-тәрбие жұмысына ендірді. Мектеп оқушыларының аудандық пән олимпиадасы қорытындысы бойынша «№3 М.Ломоносов атындағы жалпы орта білім беретін мектебі» ең үздік мектептер қатарынан көрініп, әр жылы 20-ға жуық олимпиада жүлдегерлерін дайындады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/939868

Қазақстан Республикасы Мәдениет және ақпарат министрінің 2024 жылғы 30 қазандағы № 503-НҚ бұйрығымен бекітілген Өңірлік нышан жобасын әзірлеу қағидаларына сәйкес, Түркістан облысының өңірлік нышанын әзірлеу үшін өтініштер 3 ай мерзімде (2024 жылғы 30 желтоқсан - 2025 жылғы 30 наурыз арылғында) қабылданады.Өңірлік нышан жобасына қойылатын талаптар:1. Жобаны әзірлеу:- қоғамдық келісім мен жалпы ұлттық бірлікті нығайту,- геральдикалық белгілерді сақтау,- өңірдің ұлттық дәстүрлерін, тарихи, мәдени, географиялық, әлеуметтік-экономикалық ерекшеліктерін есепке алу қағидаларына негізделеді.2. Жобаны әзiрлеу кезiнде Қазақстан Республикасының Мемлекеттiк Туы мен Мемлекеттiк Елтаңбасының бейнесін, сондай-ақ дiни, рулық және тайпалық белгiлердiң бейнесін пайдалануға тыйым салынады.3. Жобаны әзірлеу кезінде мыналар ескерілерді:- жоба бұрын пайдаланылмаған және өзінің ерекшелігімен жергілікті жердің болашақ даму бағытын құруды айқындайтын жаңа жұмыс болып табылады;- жобаның визуалды құрамдас бөлігі, үш өлшемді кескіні және (немесе) моделі анық бедері бар;- жобада ресми атаулар, жазулар және басқа да мәтіндер қазақ тілінде жазылады;- жобаны әзірлеу кезінде авторлық құқықты және (немесе) сабақтас құқықты бұзуға, плагиатқа жол берілмейді.4. Жобаның авторы Қазақстан Республикасының азаматтары болып танылады.5. Жобаны жасауға бірнеше жеке тұлға қатысқан, жағдайда олардың барлығы оның авторлары (бірлескен авторлары) болып саналады.6. Жобаны әзірлеу кезінде ұлттық этнографиялық элементтерді (ою-өрнектерді) пайдалануға рұқсат етіледі.Конкурсқа қатысуға өтінім қазақ және орыс тілдерінде қабылданады және жобаның сипаттамасын қамтиды.Конкурсқа қатысуға өтінімдерді облыстық қоғамдық даму басқармасына (электронды көшірмесі russ_pl4@mail.ru почтасына) қағаз және электронды тасымалдағышта 2025 жылғы 30 наурыздан кешіктірілмей ұсынылуы тиіс!Сұрақтар туындаған жағдайда 87775581553 (Айгуль Рустемова) номеріне хабарласуға болады!Ақпарат көзі : https://www.gov.kz/memleket/entities/ontustik/press/news/details/939869

Түркістан облысының аудан, қала әкімдіктері мен басқармалардың жұмысын бағалау мақсатында арнайы рейтингті есептеу жүйесі әзірленді. Сонымен бірге мемлекеттік сатып алу саласындағы жоспарлардың орындалуына да қадағалау күшейтіледі. Аталған мәселелер облыс әкімі аппаратының апталық мәжілісінде талқыланды. Түркістан облысының әкімі Нұралхан Көшеров жауапты басшыларға өз міндеттерін уақтылы әрі сапалы атқару міндет екенін қаперлеріне салды.– Аудан, қала әкімдері мен басқарма басшыларының жұмыс қарқыны тұрақты түрде қадағаланады. Индикаторлардың орындалуын аппарат мәжілістерінде жүйелі талқылаймыз. Сондықтан аудан, қала әкімдері осы мәселені назарда ұстап, индикаторлардың толық орындауға күш салсын. Индикаторларды тағы да зерделеп, қажетті тармақтарды қосыңыздар. Барлық сала түгел қамтылуы тиіс. Мемлекеттік сатып алу процестерін уақтылы жүзеге асыруды тапсырамын. Сылбырлыққа жол бергендердің жауапкершіліктері қаралады. Бюджеттің мүмкіндігін, құрылыс жұмыстарының маңыздылығы мен экономикалық тиімділігін ескеріп, әр жобаны әділ әрі нақты бағалау қажет. Артық қаржы жұмсауға жол берілмейді, – деген Нұралхан Көшеров экономикалық көрсеткіші төмен әрі мемлекеттік сатып алу процесінде кемшілік анықталған басқарма басшылары мен аудан, қала әкімдерінің есебін тыңдап, тиісті тапсырмалар берді.Мәжілісте Облыстық экономика және бюджеттік жоспарлау басқармасының басшысы Қанат Қайыпбек пен Түркістан облысының мемлекеттік сатып алу басқармасының басшысы Нұрлан Аманқұловтың есептері тыңдалды.Өңірде негізгі экономикалық көрсеткіштер жақсарған. Оң динамика бар. Осы қарқынды түсірмеу үшін аудан қала әкімдері қызметінің тиімділігін бағалайтын 67 көрсеткіш әзірленді. Көрсеткіштердің маңыздылығын ескеріліп, ол 9 блокқа жинақталған. Бағалау жүйесіндегі 67 көрсеткіштің 2-еуі облыс деңгейінде қалыптасады. Әсіресе, өндіріс орындарын ашу, өнеркәсіпті дамыту, ішкі кірістерді ұлғайту бағыттарына басымдық беріледі. Экономикалық даму индикаторы ай сайын есептелетін болса, барлық 9 индикатор бойынша аудан қала әкімдерінің рейтингі тоқсан сайын шығарылады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/939887

Түркістан облысының әкімі Нұралхан Көшеровтің төрағалығымен өткен апталық аппарат мәжілісінде «Таза Қазақстан» бағдарламасы аясында атқарылып жатқан жұмыстар мен жоспарлар баяндалып, қыс мезгілінде жолдардағы қауіпсіздік пен жолдардың сапасы, жылыту маусымының өту барысы сараланды.Аймақ басшысы тазалық, абаттандыру және көгалдандыру бағытындағы жұмыстарды жандандыруды, түсіндіру жұмыстарын күшейтуді тапсырды.– Мемлекет басшысының бастамасымен қолға алынған бағдарламалардың іске асуы қатаң бақылауда тұр. Әрбір істі аса жауапкершілікпен орындау керек. Өткен аптада 6 ауданды аралап шығып, тазалығын да зерделедік. Алдағы уақытта да тұрақты түрде қадағалап тұрамыз. «Таза Қазақстан» бағдарламасын сапалы үйлестіре алмаған басшылардың жауапкершілігі қаралады. Тәртіп пен жауапкершілікті күшейтіп, экологиялық сауаттылықты көтеру қажет, – деді Нұралхан Көшеров.Түркістан облысы әкімінің бірінші орынбасары Зұлпыхар Жолдасовтың баяндауынша, қыс мезгілінде жолдардың қауіпсіздігі мен жүріс сапасы тұрақты бақылауда. Облыс аумағындағы 4669 шақырым жолға 145 арнайы техника, 382 жұмысшы тартылып, 6 мың текше метрден астам құм мен 4 мың тоннадан астам тұз қолданылды. Қосымша техникалар мен жұмыс күшін жұмылдыру арқылы қиын жағдайларда тез арада әрекет ету шаралары қолға алынды.Биыл облыс аумағында «жасыл белдеу» құру, елді мекендерді көгалдандыру бағытында 1 257 700 түп ағаш отырғызу көзделуде. Оның ішінде, көктем мезгілінде 631100 түп және күз мезгілінде 626 600 түп ағаш отырғызу жоспарланған. Ағаш отырғызу жұмыстары ақпан айының соңында басталмақ. Жалпы, өңірде Сирия розасы, өрік, тұт, ива, айлант, қарағаш, катальпа, қаратал, терек, шаған, үйенкі, арша ағаштарын егу көзделіп отыр.«Таза Қазақстан» бағдарламасын тиімді іске асыру бойынша мемлекеттік коммуналдық кәсіпорындарға қатты тұрмыстық қалдықтарды жинау және шығару, санитариялық тазарту, абаттандыру жөніндегі қызметті жүзеге асыру құқығын беру тапсырмасы берілген болатын. Тапсырма аясында тиісті жұмыстар атқарылып, нәтижесінде, қауіпсіз қалдықтарды жинау бойынша толық келісім алынды. Бүгінгі таңда 5 аудан, қала әкімдіктері тарапынан Жарғыға өзгерістер енгізіліп, 8 ауданда тіркеу жұмыстары жүргізілуде. Қалған аудандарда бұл жұмыстар енді басталмақ.Айта кетейік, өңірде «Taza Qazaqstan» платформасы сәтті іске асырылуда. Тазалық жұмыстарына қатысты өтінімдер @TazaQazBot telegram-бот арқылы қабылданып, тұрғындармен кері байланыс орнатылуда. Бүгінгі күнге платформаға 1 125 өтінім түскен. Оның ішінде, 1 104 өтінім орындалса, 21 өтінім орындалу барысында.Аппарат мәжілісінде «Жайлы мектеп» жобасының жүзеге асырылу барысы, көктемгі дала жұмыстары мен орындаушылық тәртіп жөніндегі есептер тыңдалып, тиісті тапсырмалар берілдіТүркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/939891

Бүгін 17 ақпан күні Түркістан қаласында облыстық жастар ресурсттық орталығында «Жасыл ел» жастар ұйымы мен, жастар ісі белсенділері бас қосып жылдық жоспарды талқылады. 17 аудан, қала жастар орталықтарының басшылығы ZOOM жүйесі арқылы қосылды.Түркістан облысында «Жасыл ел» бағдарламасымен жұмыс істейтін жастардың саны 1300-ден асады. Түркістан облысында «Таза Қазақстан» экологиялық акциясының аясында 2025 жылы «Жасыл ел» студенттік жастар жасақтары 1300 жас жұмыс атқарады деп күтілуде. Аталған жастар тек жазғы демалыс маусымында ғана емес, Наурыз айынан бастап ағаш, гүлдер көшеттерін отырғызуға белсенді араласатын болады. Сонымен қатар, Түркістан облысының аудандарындағы орман және көгалдандыру мекемелерімен меморандумға отыру жұмыстары талқыланды.Жылдағы дәстүр бойынша жастарды ынталандыру, Отанға деген патриоттық сезімдерін оятып еңбек жасақтарының белсенділігін арттыру мақсатында «Жасыл ландшафт», «Үлгілі ауыл», «Туған жер», «Үздік түлек» байқаулары ұйымдастырылып, жеңімпаздар марапатталатын болады. «Таза Қазақстан» экологиялық акциясы Түркістан өңірінде қарқынды жүргізіліп жатыр. Аталған акцияға облыс жастары мен еріктілері белсенді атсалысуда.Жастар ресурстық орталықтардың басшыларына өңірде «Таза Қазақстан» акциясы аясында ақпараттық-түсіндіру жұмыстарын белсенді жүргізу, тұрғындардың экомәдениетін қалыптастыру мен қоршаған ортаны таза ұстау бойынша түрлі тиімді жобалар жасап, тазалық шарасы аясында жұмыстарды, өскелең ұрпақты мектептерде, бала бақшаларда ашық сабақтар арқылы тәрбиелеуді тапсырды.Түркістан облысы Жастар ресурстық орталығының бастамасымен «Жас Түркістан» еріктілер ассоциациясының ұйымдастырумен «Бұл сенің туған өлкең» акциясы негізінде 1000 жастың қатысуымен экологиялық акция ұйымдастырылу көзделуде.Ақпарат көзі : https://www.gov.kz/memleket/entities/ontustik/press/news/details/939912

 Өңір басшысының төрағалығымен өткен аппарат мәжілісінде авиация саласын цифрлық трансформациялау және халықаралық әуежайда жолаушыларға қызмет көрсету сапасын арттыру мәселелері қаралды.«Әлия Молдағұлова халықаралық әуежайы» АҚ Басқарма төрағасы Дастан Малиев жолаушылар ағынын арттыру, инновациялық шешімдерді енгізу және инфрақұрылымды жаңғырту бағытында қандай шаралар қабылданып жатқанын айтты.Оның сөзінше, жыл сайын Ақтөбе әуежайының жолаушылар ағыны орта есеппен 10%-ке артып келеді. 2024 жылдың қорытындысы бойынша қызмет көрсетілген жолаушылар саны іс жүзінде 1 млн-ға жетіп, 985 мың адамды құрады, ал өңделген жүк көлемі 11 мың тоннадан асты.Әуежай Астана, Алматы, Ақтау, Атырау, Түркістан, Шымкент, Стамбул, Анталья, Шарм-Эш-Шейх, Доха, Пхукетке тұрақты және маусымдық рейстерді қоса алғанда, 11 бағыт бойынша жолаушылардың саяхаттауына мүмкіндік бере отырып, негізгі қалалар және елдермен байланысты дамытуды жалғастыруда.Атап айтқанда, 2024 жылы Air Cairo және FlyArystan әуе компанияларының жаңа жиіліктерді қосуы арқасында Шарм-Эш-Шейхке рейстер саны артты. Келер жылы Антальяға аптасына 12 рейске дейін көбейту жоспарланып отыр.Сонымен қатар, биылғы жылдың 2 мамырынан бастап SCAT әуекомпаниясы Ақтөбеден Шымкентке аптасына 4 рет жиілікпен рейстер ашады, ал FlyArystan әуе компаниясы осы бағыттағы рейстерді 1 маусымнан бастап қайта бастайды. Барлығы Шымкентке аптасына 6 рейс қолжетімді болмақ.  «Ақтөбе әуежайы жүк ағынының өсуін қамтамасыз ету және жолаушыларға қызмет көрсету сапасын жақсарту үшін инфрақұрылымды жаңғырту жобаларын белсенді түрде іске асыруда. Басым жобалардың қатарында отын кешенін жаңғырту, заманауи қойма инфрақұрылымын салу және объектінің аумағын қамтитын арнайы экономикалық аймақ құру бар. Бұл қадамдар әуежайдың маңызды жүк хабы ретіндегі позициясын нығайтуға және болашақ кеңейту үшін жағдайды жақсартуға мүмкіндік береді», - деді Дастан Малиев.Қазіргі уақытта әуежайда ішкі рейстер жолаушыларына арналған цифрлық құжаттар сервисі жұмыс істейді, жолаушыларға жылдам әрі ыңғайлы қызмет көрсетуге мүмкіндік беретін CUTE жүйесі орнатылды, сондай-ақ былтыр төлқұжат пен жеке куәліктерді оқу құрылғылары сатып алынды, соның арқасында жолаушыларды тіркеу процесі жеделдетілді. Жүктермен жұмыс тиімділігін арттыру мақсатында әуежай мұнай өнімдерінің қоймасын жаңғыртуға арналған бағдарламалық қамтамасыз ету мен бақылау аспаптарын енгізді. Жүк тасымалын рәсімдеу және сүйемелдеу үшін қазір E-Freight ақпараттық жүйесі пайдаланылады, ол жүк авиациялық тасымалдау процесін автоматтандырды және жүктерді өңдеуді жеделдетті.Отырғызу талондарын және «E-Gate» бағдарламалық-аппараттық кешенін енгізу әуежайдың 2025-2026 жылдарға арналған жоспарында бар. Бұл ұшатын және ұшып келетін жолаушыларды автоматты шекаралық бақылауды жүзеге асыруға мүмкіндік береді.Облыс әкімі Ақтөбе халықаралық әуежайын өңірдің негізгі көлік торабы ретінде одан әрі дамытудың маңыздылығын алға тартты. Асхат Шахаров ел Президентінің тапсырмасымен Әлия Молдағұлова атындағы халықаралық әуежайды халықаралық әуе торабына айналдыру қажеттігін атап өтті. Осы тапсырмаға байланысты әуежай аумағында логистикалық орталық құру және отын-жанармай құю станциясын ашу бойынша екі инвестициялық жобаны іске асыру жоспарлануда. Қазіргі уақытта ұшу-қону жолағы жабындысының сапасы мен пайдалану қауіпсіздігін жақсарту үшін ПАГ 18 тақтасы сатып алынды. Сондай-ақ, арнайы техника сатып алу жұмыстары жүргізілуде.«Халықаралық аренада әуежайды дамыту үшін бізге инфрақұрылымды жаңғыртуды жалғастырып, цифрландыру саласында жаңа технологиялар мен шешімдерді енгізу қажет. Әуежайдағы барлық процестер мүмкіндігінше автоматтандырылған және жолаушыларға ыңғайлы болуы маңызды. Біз жүк ағынының өсуіне, әсіресе жүк хабы жобасын іске асыру аясында заманауи жағдайлар жасау бойынша белсенді жұмыс істеуіміз керек. Ақпараттық қауіпсіздік мәселелеріне ерекше назар аудару керек. Сондай-ақ, әуежайды облыстың логистикалық инфрақұрылымының маңызды элементі ғана емес, сонымен қатар туристік тартымдылық орталығы ету үшін маршруттық желіні кеңейту, ішкі және халықаралық жаңа рейстерді ашу қажет», - деп атап өтті әкім.Ақпарат көзі : https://www.gov.kz/memleket/entities/aktobe/press/news/details/939716

Астанада 19 ақпан мен 30 қазан аралығында Дінмұхамед Қонаев көшесімен жүретін №№ 12, 29, 29А, 35, 305, 312 бағдарларының қозғалыс сызбасы уақытша өзгереді, деп хабарлайды елорда әкімдігінің ресми сайты.Осы кезеңде «Астана Опера» Мемлекеттік опера және балет театры маңындағы жерүсті жаяу жүргіншілер өткелін қайта жаңарту жұмыстарына байланысты Дінмұхамед Қонаев көшесінің Қабанбай батыр даңғылынан Тұран даңғылына дейінгі бөлігі жабылады.Өзгертілген қозғалыс сызбасы суретте көрсетілген. Сапарыңызды жоспарлау кезінде бұл өзгерістерді ескерген жөн.Ақпарат көзі : https://www.gov.kz/memleket/entities/astana/press/news/details/940049

Астанада жүзеге асырылып жатқан JOLTAP жобасы елорда тұрғындарына жаңа мамандықтарды игеруге, білімдерін жетілдіруге және табыстарын арттыруға ерекше көмектеседі. Жоба түлегі Ақбаян Болат JOLTAP оның хоббиін тұрақты табысқа айналдыруға қалай көмектескенін айтып берді, деп хабарлайды қала әкімдігінің ресми сайты.Ақбаян өз мамандығы бойынша 10 жылдан астам еңбек етті. Бірақ үш декреттік демалыс пен ұзақ үзілістен кейін ол кәсіпке қайта орала алмады. Осы жылдар ішінде – 12 жылдан астам – ол тігіншілікпен айналысып, бірте-бірте хоббиін кәсіби қызметке айналдырды.«Мен хобби ретінде тігін тігумен айналыстым және арасында шағын тапсырыстар алып тұрдым. Уақыт өте келе бұл салада дамығым келетінін түсіндім, сондықтан тігінші, сәнгер мамандығын меңгеруді жөн көрдім», – дейді Ақбаян.Ол JOLTAP жобасы туралы SMM оқып жүрген көршісінен білген. Осыдан кейін Ақбаян «Баршаға Мүмкіндік» модульдік пунктіне барып, тігін және киім дизайны курстарына жазылды.«Бұған дейін онлайн шеберлік сабақтарына қатысқанмын. Тікелей жаттығудың пайдалырақ екендігі дәлелденді. Мұғалімдерге сұрақ қою маңызды, олар өз кезегінде материалды барынша жақсы меңгеруіміз үшін бәрін жасайды», - дейді астаналық.Ақбаян оқытушылардың жоғары кәсібилігін және оқудың ыңғайлы форматын атап өтті.«Тіпті курстар аяқталғаннан кейін де мұғалімдер бізге көмектесуді тоқтатқан жоқ. Сабақта біз қажетті, нақты білім алдық. Екі сағаттық сабақ әп-сәтте зымырап өтіп, екі апталық жаттығу керемет қарқынды болып шықты. Бірде-бір сабақтан қалмадым, әйтпесе барлық материалды меңгеру қиынға соғатын еді. Бар назарым оқуға бөлінді», - деп есіне алды ол.Оқуын бітіргеннен кейін Ақбаян тігін өндірісінде белсенді жұмыс істей бастады, барған сайын үлкен тапсырыстар қабылдайтын болды. Қазір түрлі көйлектердің дизайнын жасап, үйден тапсырыс қабылдайды. Жақында керекті техникаларымды толықтай жаңарттым: тұрмыстық машиналарды өнеркәсіптік машиналарға ауыстырдым, бұл көтерме тапсырыстарды орындауға мүмкіндік берді.Қазір ол өзінің жеке студиясын ашуды жоспарлап отыр.«Курстар маған күшті серпін берді. Бар болғаны 15 күн ішінде болашағымды түбегейлі өзгерткен білім алдым. Бұл жоба тек Астанада ғана емес, бүкіл Қазақстанда дамиды деп сенемін», - деді Ақбаян.Ақпарат көзі : https://www.gov.kz/memleket/entities/astana/press/news/details/939505

Елорданың Есіл ауданында заңсыз салынған 32 дүңгіршек бұзылды. Олардың иелері жер заңнамасы талаптарын көбінесе осындай сауда орындары бұзады, деп хабарлайды елорда әкімдігінің ресми сайты.Заңсыз қойылған сауда нысандары тек жер заңнамасын бұзу ғана емес, сонымен қатар аудан тұрғындары үшін де бірқатар қолайсыздықтар тудырады. Мәселен, қоғамдық кеңістіктердің бірінде орналасқан көкөніс дүңгіршегі жаяу жүргіншілердің қозғалысына кедергі келтіріп, тұрғындар үшін қолайсыз жағдай тудырған болатын. Бұған қоса, мұндай нысандар қаланың сәулеттік келбетіне кері әсерін тигізеді, санитарлық талаптарға сәйкес келе бермейді және кейбір жағдайларда қауіпсіздік нормаларын өрескел бұза отырып орнатылады.2024 жылы әкімдік мамандары тұрғындар шағымымен мониторинг жүргізу барысында мемлекет меншігіндегі жер телімдерін заңсыз иемденген 32 нысанды анықтады. Жыл соңына дейін олардың барлығы да алынып тасталды.Дегенмен, бұл мәселенің толық шешімін тапқанын білдірмейді:«Есіл ауданы әкімдігі ретсіз құрылысқа жол бермеу және кәсіпкерлерге заң аясында жұмыс істеу үшін қолайлы жағдай жасау мақсатында жүйелі жұмыс жүргізіп келеді. Басты міндетіміз – жер қатынастарын ретке келтіріп, қаланың қолайлы әрі заманауи келбетін қалыптастыру. Десе де, кейбір кәсіпкерлер білместікпен заңға қайшы әрекеттер жасайды. Оларға айыппұл салынып, заңдастыру бойынша түсіндірме жұмыстары жүргізіледі», – деп атап өтті аудан әкімінің кеңесшісі Құралай Слямбекова.Есіл ауданының әкімдігі уәкілетті органдармен бірлесіп, аумақты тұрақты түрде тексеріп, заңсыз нысандарды анықтайды. Сол уақытта меншік иелеріне нысандарды өз еркімен алып тастау туралы нұсқама беріледі, ал талап орындалмаған жағдайда тиеп алып кетеді.Еске сала кетейік, мемлекеттік жер телімдерін заңсыз иелену – әкімшілік құқықбұзушылыққа жатады. Әкімшілік құқықбұзушылық туралы кодекстің 136-бабына сәйкес, заңбұзушылық үшін:• жеке тұлғаларға – 75 АЕК,• шағын кәсіпкерлік субъектілеріне – 100 АЕК,• ірі кәсіпорындарға – 700 АЕК мөлшерінде айыппұл салынады.Сауда нысанын орнатуды жоспарлап отырған кәсіпкерлер алдымен тиісті рұқсат құжаттарын алуы қажет. Ол үшін «СПК Astana» АҚ-ға жүгінуге болады.Аудан әкімшілігі заңсыз құрылыстардың алдын алу, шағын және орта бизнеске заң шеңберінде жұмыс істеу үшін жағдай жасау бағытында өз жұмысын жалғастыра береді.Ақпарат көзі : https://www.gov.kz/memleket/entities/astana/press/news/details/939573

Елорда прокуратурасының үйлестіруімен «Заң және тәртіп» шарасын іске асыру аясында полиция және жергілікті атқарушы органдар вандализмге қарсы күрес жүргізіп жатыр, деп хабарлайды Астана әкімдігінің ресми сайты.2024 жылы бөтеннің мүлкін қасақана жою және бүлдіру бойынша 337 адам әкімшілік жауапкершілікке тартылып, оның 139-ы қамауға алынды, сол сияқты 198 адамға жалпы сомасы 17,8 миллион теңгеден астам айыппұл салынды.Мәселен, 26 қарашаға қараған түні есірткіге мас күйінде автобус аялдамасының терезесін темірмен ұрып, әдейі сындырған Астана тұрғыны 30 тәулікке қамауға алынды.Тағы бір жағдайда, 37 жастағы қала тұрғыны 12 маусым күні түс ауа подъездің пластикалық есігін сындырған. Ол 25 тәулікке қамауға алынды.Осыған ұқсас тағы бір оқиға 16 қазан күні сағат 14:30 шамасында Әуезов көшесінде болды. 50 жастағы қала тұрғыны ЖШС кеңсесінің турникетін қасақана бүлдіріп, 60 мың теңге көлемінде шығын келтірген. Ол 25 тәулікке қамауға алынып, келтірілген шығын өтелді.Прокуратура елорда тұрғындары мен қонақтарына егер әрекетінде қылмыстық құқық бұзушылық белгілері болмаса, бөтеннің мүлкін қасақана жойғаны немесе бүлдіргені үшін 60 АЕК мөлшерінде айыппұл салу немесе 30 тәулікке дейін қамауға алу жазасы қолданылатынын ескертеді.Ақпарат көзі : https://www.gov.kz/memleket/entities/astana/press/news/details/939745

Мемлекет басшысының Жарлығымен Нұрымбет Аманұлы Сақтағанов Шығыс Қазақстан облысының әкімі лауазымына тағайындалды.t.me/aqorda_resmi Ақпарат көзі : https://www.gov.kz/memleket/entities/akimvko/press/news/details/939513

Мемлекет басшысының тапсырмасы бойынша Премьер-министр Олжас Бектенов пен Президент Әкімшілігінің басшысы Айбек Дәдебай Шығыс Қазақстан облысы мәслихаттары депутаттарының жиналысына қатысты.Жиналыс барысында депутаттарға Мемлекет басшысының Шығыс Қазақстан облысының әкімі лауазымына екі кандидат – ШҚО әкімінің бірінші орынбасары Нұрымбет Сақтағанов пен ШҚО Ұлан ауданының әкімі Арман Бекбосыновты ұсыну туралы хаты оқылды.Ашық дауыс беру нәтижесі бойынша депутаттар Нұрымбет Сақтағановтың кандидатурасын қолдады, оған 148 депутаттың 104-і дауыс берді, Арман Бекбосыновты 41 депутат жақтады.Мемлекет басшысы Шығыс Қазақстан облысының әкімі Нұрымбет Аманұлы Сақтағановты тағайындау туралы Жарлыққа қол қойды.ШҚО әкімінің баспасөз қызметі Ақпарат көзі : https://www.gov.kz/memleket/entities/akimvko/press/news/details/939514

Соңғы жылдары Шығыс Қазақстан облысына шамамен 1,5 трлн теңге инвестиция тартылғаны атап өтілді. Бұл жаңа жұмыс орындарын ашуға, экономикалық өсімді қамтамасыз етуге мүмкіндік берді. Облыста инфрақұқрылымдық және әлеуметтік жаңа нысандар іске қосылды.Жаңа әкімді таныстырған Премьер-министр Мемлекет басшысының Шығыс Қазақстан облысы басшылығы алдына қойған міндеттерге тоқталды. Іске асыру халықты жұмыспен қамтамасыз етіп, өңір экономикасының дамуына серпін беретін перспективалы бағыттар айқындалды. Басым жобалар қатарына шағын және орта бизнесті қолдау, ауыл шаруашылығы өнімдерін қайта өңдеу, цифрлық шешімдерді енгізу жатады. Халықты сапалы ауыз сумен қамтамасыз ету, инженерлік инфрақұрылымды жаңғырту жұмыстарын күшейтудің маңыздылығы атап өтілді.ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/939515

2025 жылғы 20 ақпанда сағат 10-00-де Шығыс Қазақстан облысы әкімдігінің кезекті отырысы Өскемен қаласы, М.Горький көшесі, 40, №108 залда өтеді.Отырыс ашық түрде өтеді, онлайн режимде трансляцияны YouTube арнасынан көруге болады.Онлайн, оффлайн түрде қатысуға ниет білдіргендер отырыс өткізілетін күннен екі (2) жұмыс күні бұрын, қағаз немесе электрондық түрде өтініш беруге болады. Өтініште тегі, аты, әкесінің аты, туған жылы және байланыс телефоны көрсетіледі.Өтінішті М.Горький көшесі, 40, облыс әкімдігінің ғимараты, 440 кабинетте, тел.71-31-53 бойынша қабылдайды, электрондық түрде r.balapanova @akimvko.gov.kz поштасына жіберуге болады.Отырысқа қатысуға жіберілгендер объект ішіндегі және ғимаратқа кіргізу тәртібін сақтауға міндетті.Ақпарат көзі : https://www.gov.kz/memleket/entities/akimvko/press/news/details/939883

Шығыс Қазақстан облысының әкімі Нұрымбет Сақтағанов қала және аудан әкімдері, басқарма басшыларымен жиын өткізді.Жиналыс барысында өңір басшысы шағын индустриялық аймақтарды дамытуға ерекше назар аударды. Ол жергілікті кәсіпкерлерге көңіл бөліп, қандай мемлекеттік бағдарламалар мен қолдау шараларының бар екенін нақты түсіну қажет екенін айтты.- Әріптестер, біз сіздермен көптен бері таныспыз. Бүгін мен берген ант - ол менің ғана емес, барлығымыздың ортақ антымыз деп қабылдаңыздар. Онда айтылған әрбір сөздің жауапкершілігін сезініңіздер. Халыққа адал қызмет ету деген ұғымның астарында терең мағына бар. Бірінші кезекте Мемлекет басшысының тапсырмаларын уақтылы орындауға көңіл бөлу маңызды. Осыған дейін жоспарланған жобалар іске асырылуы тиіс, - деді ШҚО әкімі Нұрымбет Сақтағанов.Сондай-ақ аймақ басшысы су тасқынына дайындық шараларына тоқталып өтті. Ол облыстағы ТЖ бойынша жедел штаб өз жұмысын жалғастыратынын айтты.Ақпарат көзі : https://www.gov.kz/memleket/entities/akimvko/press/news/details/939925

2025 жылғы 17 ақпанда Астанада Қазақстан Республикасының Энергетика министрі Алмасадам Сатқалиев пен Венгрияның Сыртқы экономикалық байланыстар және сыртқы істер министрі Петер Сияртоның кездесуі өтіп, оның барысында тараптар энергетика саласындағы екіжақты ынтымақтастықтың негізгі бағыттарын талқылады.Кездесу барысында министрлер екі елдің энергетика саласының қазіргі жағдайы мен даму перспективаларын талқылады. «ҚазМұнайГаз» мен MOL Group компаниялары арасындағы мұнай-газ саласындағы ынтымақтастық мәселелеріне ерекше назар аударылды.Тараптар екі компания қатысатын Рожковское газ конденсаты кен орнын тиімді игерудің маңыздылығын атап өтті. «Дружба» құбыры арқылы Венгрияға қазақ мұнайын жеткізу мәселелері көтерілді. 2025 жылға дейін сынақ жеткізілімдері туралы келісімге қол жеткізілді.Қазақстандық тарап венгриялық әріптестердің атом электр станцияларына, атап айтқанда, MVM Group компаниясына арналған құрғақ салқындату мұнараларын өндірудегі тәжірибесіне қызығушылық танытты.«Қазақстан Венгриямен стратегиялық әріптестікті жоғары бағалайды. Біз мұнай-газ секторында да, атом энергиясын бейбіт мақсатта пайдалану саласында да энергетика саласындағы ынтымақтастықты кеңейту үшін үлкен потенциалын көріп отырмыз. Бірлескен жұмыс елдеріміздің энергетикалық жүйелерінің тұрақты дамуына және энергетикалық қауіпсіздікті нығайтуға ықпал ететініне сенімдімін», - деді Қазақстан Республикасының Энергетика министрі Алмасадам Сәтқалиев.Кездесу соңында тараптар энергетика саласындағы өзара тиімді қарым-қатынастарды одан әрі дамытуға дайын екендіктерін айтып, қол жеткізілген уағдаластықтарды жүзеге асыру жоспарларын белгіледі.Ақпарат көзі : https://www.gov.kz/memleket/entities/energo/press/news/details/939977

Еліміздің әртүрлі өңірлерінде су басу қаупін азайтуға бағытталған алдын алу және инженерлік жұмыстар белсенді жүргізілуде. Бұл іс-шараларды ТЖМ бөлімшелері республикалық және өңірлік бағдарламалар шеңберінде үйлестіреді. Орындалған жұмыстардың қатарында қорғаныш бөгеттері мен біліктерін салу және нығайту, сондай-ақ дренаж жүйелерін жөндеу және салу бар. Жолдардың астындағы жаңа су өткізу құрылыстары ауыстырылды және орнатылды, сондай-ақ каналдар мен арықтар жабдықталды. Қауіпті аймақтарда жағалауларды тереңдету және нығайту жұмыстары жүргізілуде, өзен арналары тазартылуда. Бұл шаралардың барлығы халықтың қауіпсіздігін арттыруға және ықтимал су тасқынынан болатын зиянды азайтуға бағытталған. Абай облысында су тасқыны кезеңіне дайындық тексерілуде. ТЖД және облыс әкімі аппаратының қызметкерлерінен құрылған жұмыс тобы жергілікті атқарушы органдардың су тасқыны кезеңіне дайындығын тексеруде. Аралау шеңберінде инженерлік және арнайы техниканың болуына, жарамдылығына, уақытша орналастыру пункттерінің жай-күйіне, жүргізілетін қар тазалау жұмыстарының сапасына, сондай-ақ ЖЖМ, инертті материалдар мен қапшықты қоса алғанда, қажетті материалдарды дайындауға ерекше назар аударылады. Ақмола облысында мемлекеттік инспектор бастаған жұмыс тобы су тасқыны қаупі төнген бірқатар аудандарды аралады. Топ мүшелері айналма арналарды орнату, бөгеттер мен үйінділер салу бойынша іс-шаралар жүргізіліп жатқан объектілерде болды. Шағалалы, Жабай, Қалқұтан өзендерінің арналарын тереңдету және тазарту бойынша жұмыстар жүргізілуде. Алты шақырымдық бөген салынып жатқан Аршалы ауданына барды. Жұмыс учаскелеріне бару барысында су тасқынына қарсы іс-шаралар бір мезгілде талқыланды. Облыс ТЖД бастығының орынбасары Асхат Ақылжанов ТЖ департаментінің күштері мен құралдарының су тасқынына дайындығы туралы баяндады. Сондай-ақ ол алдын алу шаралары туралы айтты. Жұмыс тобы көктемгі су тасқынына дайындық жүріп жатқан әрбір учаскеде болды. Мемлекеттік инспектордың айтуынша барлық ескертулер мен қорытындылар бақылауға алынады. Ақтөбе облысында құрамында мемлекеттік инспектор бар ТЖ министрлігінің және басқа құзыретті уәкілетті органдар қызметкерлерімен, облыс әкімінің орынбасарымен бірлескен жұмыс тобы Ойыл, Қаратал, Қобда, Ақтөбе елді мекендеріндегі ықтимал қауіпті учаскелерде аралау жұмыстарын жасады, бөгеттердің жағдайы да қаралды. Сонымен қатар жұмыс тобы облыс орталығының негізгі Елек және Қарғалы өзендерінің бойындағы ықтимал қауіпті учаскелерді және Сазды су қоймасын аралады. Қазіргі уақытта ұзындығы 1300 метрді құрайтын Елек өзенінің бойында жағалауды нығайту жұмыстары жүргізілуде. Бұдан басқа қауіп-қатер аймағына түскен Ақтөберентген-14, 16, Урожайный, Зеленстрой бау-бақша ұжымдарында еріген қар суын бұру бойынша іс-шаралар жүзеге асырылуда. Бұл жерлерде Заречный көпірінен Кірпішті көпіріне дейін Елек өзенінің бойымен үйінді жасалады. Шығыс Қазақстан облысының әкімі Ермек Көшербаев пен ТЖД бастығы Рашид Блялов Алтай ауданындағы су тасқынына қарсы іс-шаралардың барысымен танысты. Биылғы жылы өңірде қардың көп болуына қарамастан, топырақтың қату деңгейі өткен жылдан төмен, бұл су басу қаупін азайтады. Мамандар толассыз судың кедергісіз өтуі үшін өзендерде 19 мұз жару жұмысын жүргізу орнын анықтады. Әрбір елді мекен және су тасқыны қаупі бар учаске бойынша іс-қимыл алгоритмдері пысықталды. Осыған ұқсас аэровизуалды мониторинг су басудың алдын алу бойынша жедел шараларды уақтылы қабылдау үшін өңірде жалғасатын болады. Сондай-ақ Рашид Блялов Зайсан ауданында болып, Кенсай, Шалқар, Қаратал және Дайыр елді мекендерінде, Зайсан қаласында орналасқан су тасқыны қаупі бар учаскелерді аралады. Аудандағы ағымдағы жағдаймен танысты. Батыс Қазақстан облысында су тасқынының алдын алу бойынша белсенді жұмыстар жүргізілуде. Облыс әкімі Нариман Төреғалиев ТЖД бастығының орынбасары Ернар Жалеловпен, сондай-ақ комиссиямен бірге Шыңғырлау және Бөрлі аудандарында болып, су тасқынының алдын алу шараларымен танысты. Бірінші кезекте Сегізсай ауылы ауданындағы су өткізу сақинасы және Шыңғырлау және Бөрлі аудандары ауылдарындағы су қорғау бөгеттері қаралды. Сондай-ақ арық жүйесімен, инертті материалдар мен қаптардың қорларымен, уақытша эвакуациялық пункттердің дайындығымен танысты. Елек және Шыңғырлау өзендерінен ықтимал қауіпті азайту мақсатында Шыңғырлау ауданының үш ауылында және Бөрлі ауданының 5 ауылында арнайы қорғаныш бөгендері салынды. Сонымен қатар қосымша су өткізгіш құбырлар орнатылды. Қарағанды облысында мемлекеттік инспектор су басу қаупі жоғары елді мекендердің дайындық деңгейін тексеруде. Тексеру барысында қорғаныш бөгендерінің, гидротехникалық құрылыстардың жағдайы, инженерлік жұмыстар жоспары аясында атқарылған шаралардың орындалуы, инертті материалдардың, қаптардың, жанар-жағармай мен азық-түліктің қоры, елді мекендерден қар шығару жұмыстарының ұйымдастырылуы, халықты хабардар ету жүйелерінің бар-жоғы мен жарамдылығы қарастырылады. Қызылорда облысында су тасқыны қаупін бағалау үшін өзен мен гидротехникалық құрылыстарға кешенді тексеру жүргізілді. ТЖД бастығы Руслан Қайрақбаев облыс әкімі басқаратын делегация құрамында су ресурстарын басқарумен айналысатын ұйымдардың мамандарының қатысуымен өзеннің жай-күйін су тасқыны қаупіне кешенді тексеру және тікұшақпен әуе тексеруді және жер үсті инспекциясын қоса алғанда, гидротехникалық құрылыстардың жай-күйін бағалау жүргізді. ТЖД басшылығы Павлодар облысы әкімінің міндетін атқарушы Серік Батырғожиновпен бірлесіп өңірдің бірқатар елді мекендерін аралап шықты. Іс-шара барысында мамандар су тасқыны салдарын жоюға арналған техниканың жай-күйін, сондай-ақ ықтимал су тасқынынан қорғау үшін кедергілерді нығайту және жасау үшін пайдаланылуы мүмкін инертті материалдардың болуын тексерді. Азаматтық қорғау қызметтерін ықтимал төтенше жағдайларға дайындауға ерекше назар аударылады. Тексеру шеңберінде су тасқынының алдын алу және төтенше жағдайлар туындаған жағдайда жедел ден қою үшін инфрақұрылымды жақсарту бойынша қажетті шаралар белгіленді. Ұлытау облысында су тасқынының алдын алу шаралары күшейтілді. Кеңгір су қоймасындағы жеті шлюз толық дайын. Өзен арналары мен жағалаулар тазартылып, стратегиялық объектілер бақылауға алынды. Құтқарушылар су тасқыны қаупі жоғары аймақтарды бақылауда ұстап, жағалауларды тазарту және қауіпсіздік шараларын күшейтуде. Сонымен қатар стратегиялық объектілердің жұмысы қадағалануда, коммуналдық қызметтермен және «Қазақмыс» корпорациясымен өзара әрекеттестік нығайтылды. Шымкент қаласында су басу ықтимал учаскелерді партиялық бақылау комиссиясымен бірлескен аралау жұмыстары жүргізілді. «Amanat» партиясы Шымкент қалалық филиалының Партиялық бақылау комиссиясының және Сыбайлас жемқорлыққа қарсы іс-қимыл жөніндегі кеңестің өкілдері, көктемдегі су тасқынына қарсы атқарылып отырған іс-шаралармен танысу жұмыстарын жүргізді. Аралау барысында су тасқыны қауіпі бар кезеңнің қауіпсіз өтуін қамтамасыз ету және ықтимал төтенше жағдайларға дайындықты арттыру бойынша алдын алу шаралар талқыланды. Ақпарат көзі : https://www.gov.kz/memleket/entities/emer/press/news/details/939810

15 ақпан, сенбі күні Маңғыстау облысының әкімі Нұрдәулет Қилыбай Мұнайлы ауданының орталығында салынып жатқан 150 орындық көпсалалы жаңа аурухананың құрылыс жұмыстарымен танысты.Жұмыс барысында ғимараттың жалпы құрылысы мен жабдықтарды орналастыру жұмыстары талқыланды.Бүгінде медициналық орталықтың құрылыс жұмыстары аяқталып, технологиялық жабдықтар толық жеткізіліп, оларды бөлмелерге орналастыру жұмыстары жүргізілуде. Сонымен қатар, медициналық жабдықтар кезең-кезеңімен жеткізіліп бөлмелерге қондырылуда.Құрылыс алаңында 300-ден астам құрылысшы еңбек етуде. Мұнайлы ауданының орталығында салынып жатқан 3 қабатты аурухананың жалпы ауданы 28 500 шаршы метр, 6 корпустан тұрады.Нұрдәулет Қилыбай аудандық ау­­ру­хананы қолданысқа беру ке­­зек күттірмейтін мәселе екенін айтып, құрылыстың сапасына мән бере отырып, жұмысты тез арада аяқтауды тапсырды. Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/939276

Бүгін, 17 ақпанда Мемлекеттік қызмет істері агенттігінде Премьер-министрдің орынбасары Қанат Бозымбаев пен Мемлекеттік қызмет істері агенттігінің төрағасы Дархан Жазықбайдың қатысуымен сайланған аудан, ауыл әкімдерінің біліктілігін арттыру бағдарламасы бастау алды.Іс-шараның ашылу салтанатына Маңғыстау облысының әкімі Нұрдәулет Қилыбай, ҚР Мемлекеттік қызмет істері агенттігінің Маңғыстау облысы бойынша департамент басшысы Тоқтамыс Жұмағұлов, «AMANAT» және елдегі өзге де саяси партиялардың өкілдері видеобайланыс арқылы қатысты.Әкімдердің біліктілігін арттыру бағдарламасы Мемлекет басшысы Қасым-Жомарт Тоқаевтың тапсырмасына сәйкес орындалып жатыр. Оқыту 17 модуль арқылы жүргізіледі. Нақтыласақ, жергілікті бюджетті тиімді пайдалану, мемлекеттік сатып алулар мен салық, коммуналдық меншікті басқару, экология мен қоршаған ортаны қорғау, кәсіпкерлікті дамыту және мемлекеттік қолдау, аймаққа инвестиция тарту, мемлекеттік басқарудағы цифрлық технологиялар, жасанды интеллект құралдарын қолдану, тиімді коммуникациялар және өзге де дағдыларды дамыту бойынша білім беріледі.Аймақ басшысы Нұрдәулет Қилыбай кәсіби біліктілігін арттыруға келген әкімдерге сәттілік тілеп, алған білімі мен тәжірибесін өңірді өркендету жолына жұмсауды тапсырды.«Мемлекет басшысы Қасым-Жомарт Тоқаев Үкіметтің кеңейтілген отырысында әкімдердің біліктілігін арттыруды тапсырған болатын. Бұл барлық деңгейдегі әкімдердің жауапкершілігін нығайтып, тәжірибесін шыңдауға мүмкіндік береді. Республика деңгейінде өткізіліп жатқан жоба елдің дамуы мен өркендеуіне жол ашатыны анық. Сондықтан берілген мүмкіндікті тиімді пайдаланыңыздар. Бұл өз кезегінде жергілікті басқаруда жаңа серпін әкеледі деген сенімдемін», - деді облыс әкімі Нұрдәулет Қилыбай.Айта кетейік, бағдарлама практикалық жаттығулар, интерактивті пікірталастар, тренингтер, экономика, мемлекеттік басқару, құқықтану салалары бойынша сарапшылармен кездесу және оффлайн, онлайн форматта 240 академиялық сағат оқытуды қамтиды. Оқыту соңында әкімдер өңірлерді экономикалық дамытуға қатысты жобасын қорғайды.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/939951

Теміртауда ірі компаниялар мен шағын және орта бизнесті біріктіретін Қазақстандағы алғашқы өнеркәсіптік кластер құру бойынша жұмыс жүргізілуде. Qarmet креативті технологиялар орталығының алаңында «Өнеркәсіптік кластерді және ел ішіндегі құндылықтарды дамыту» бизнес-форумы өтіп, онда ішкі нарықты күшейту, бәсекеге қабілеттілікті арттыру, өндірістерді оқшаулау және ШОБ-ты ірі бизнес құрылымдарға біріктіру мәселелері талқыланды.Қарағанды облысының әкімі Ермағанбет Бөлекпаев форумның ашылуында өңірдің өнеркәсіптік әлеуетін дамытудың маңыздылығын атап өтті.– Біздің облыс – үлкен мүмкіндіктер аумағы. Біз бизнестің өсуіне және инвестиция тартуға жағдай жасаудамыз. 2025 жылы 1,5 трлн теңгеден астам инвестиция тартуды жоспарлап отырмыз, оның 90%-ға жуығы – жеке меншік инвестициялар, – деді облыс әкімі. – Qarmet-пен бірге металлургиялық кластерді дамытуға, соның ішінде қалдықтарды қайта өңдеуге ерекше көңіл бөлеміз. Компаниямен бірге мәселелерді жедел шешу үшін жобалық офис құратын боламыз. Ал біздің ең басты байлығымыз – адамдар. Жұмысшы мамандықтар жылы аясында біз жаңа салалар үшін кадрларды белсенді дайындап жатырмыз. Қарағанды техникалық университетінің базасында өңірлік инновациялық-индустриялық хаб құрып жатырмыз.Qarmet индустриялық кластерді дамыта отырып, тауарлар мен қызметтерді жеткізушілерге офтейк-келісімшарттар мен ұзақ мерзімді шарттарды ұсынады. Облыс әкімдігі Qarmet-пен бірлесіп бастама аясында 20 мың шаршы метр дайын үй-жайға арналған шағын өнеркәсіптік аймақ құрады. Жаңа жұмыс орындары құрылады, сондай-ақ өндірістік тізбектер нығайтылады және сыртқы жеткізілімдерге тәуелділік қысқарады.– Біз барлық өндірілген құндылықтар Қазақстанның игілігі үшін жұмыс істейтіндей етіп жұмыс жасауымыз керек. Ол үшін бізде барлық ресурстар бар. Көптеген дамыған елдер осылай жұмыс істейді, – дейді Qarmet компаниясының бас директоры Вадим Басин. – Жергілікті атқарушы билік тарапынан әлеует пен қолдау бар.Өнеркәсіптік кластерді дамыту өндірістің өсуін ғана емес, сонымен қатар цифрлық шешімдерді енгізуді, өнімнің өзіндік құнын төмендетуді және бизнестің мемлекеттік органдармен өзара іс-қимылын оңтайландыруды көздейді.– Форум – Qarmet сияқты бір ірі кәсіпорынның айналасында ШОБ ынталандыру және дамыту үшін маңызды сәт, – деп атап өтті ҚР өнеркәсіп және құрылыс вице-министрі Иран Шархан. – Министрлік ірі компаниялардың жергілікті жеткізушілермен өзара іс-қимылы бойынша белсенді жұмыс жүргізуде. Біз бұл өнеркәсіптің тұрақты өсуінің кепілі екеніне сенімдіміз.Форумда Қарағанды облысының әкімдігі мен «Qarmet» АҚ арасында ел ішіндегі құндылықтарды дамыту бойынша меморандумға қол қойылды. Бұл құжат өңірдегі шағын және орта бизнестің ұстанымын күшейтуге бағытталған бастамаларды қолдауға кепілдік береді.Сондай-ақ, Qarmet орналасқан басқа да қалаларда шағын өнеркәсіптік аймақтар құру жоспарланып отыр.Ақпарат көзі : https://www.gov.kz/memleket/entities/karaganda/press/news/details/939032