Өнеркәсіп және құрылыс министрлігі Қазақстандық тауар өндірушілердің тізілімін жүргізу қағидаларының жаңа жобасын түсіндіру үшін кездесу өткізді.Онлайн кеңес 25 қаңтарда ҚР Парламенті Мәжілісінің депутаты Айтуар Қошмамбетовпен бірлесіп «QazIndustry» ҚИЭО базасында ұйымдастырды.Іс-шараға 500-ге жуық бизнес пен қоғам өкілдері қатысты.Кездесу барысында кәсіпкерлерге жобаның негізгі аспектілері, оның ішінде отандық тауар өндіруші мәртебесін растау тетігі жан-жақты түсіндірілді.Құжат жобасы отандық бизнесті қолдау мен оның бәсекеге қабілеттілігін арттырудың маңызды қадамы болып табылатын қазақстандық тауар өндіруші мәртебесін растаудың нақты тәртібін айқындауға арналғанын еске саламыз.Министрлік егжей-тегжейлі талқылау және бизнес өкілдері мен басқа да мүдделі тұлғалармен әрі қарай жұмыс істеу үшін бірқатар қосымша кездесулер өткізілетінін хабарлайды. Ақпарат көзі : https://www.gov.kz/memleket/entities/mps/press/news/details/924589

Абай облысында балалардың құқықтарын қорғауға бағытталған ауқымды реформалар мен бастамалар іске асырылуда. Ел Президенті Қасым-Жомарт Тоқаев әрбір баланың бақыты және қауіпсіздігі үшін жағдай жасаудың маңызын атап өтті. Осыған байланысты бүгінгі таңда балалардың құқықтарын қорғауға қатысты заңнамалық және стратегиялық шаралар іске асырылуда.Балалар халқымыздың үштен бірін яғни, 6,8 миллион адамды құрайтындығын ескере отырып, мемлекет олардың құқықтарын қорғауға, әл-ауқаты мен қауіпсіздігін қамтамасыз етуге айтарлықтай күш салуда. Қабылданған үш Заң ата-ана қамқорлығынсыз қалған балаларды қоғамға бейімдеуге бағытталған.Мәселен, 2024 жылғы ақпанда «Бала құқықтары туралы» Заңға жетім және ата-ана қамқорлығынсыз қалған балаларға арналған тәлімгерлік институт енгізуді көздейтін өзгерістер енгізілді. Абай облысында мұндай балаларды кәсіби бағдарлауға, әлеуметтендіруге және бос уақытын ұйымдастыруға жәрдемдесетін 5 жеке және 7 корпоративтік тәлімгер көмек көрсетеді. Желтоқсан айында «кәсіби қабылдаушы отбасы» институтын енгізетін Заң қабылданды. Бұл қиын өмірлік жағдайға тап болған балаларды үйде тәрбиелеуге мүмкіндік береді. Ал кәсіби ата-аналарға әр бала үшін 10 АЕК - тен 70 АЕК мөлшерінде жәрдемақы төленеді.Балаларға қатысты зорлық-зомбылық үшін жауапкершілік күшейтілді. Ал шұғыл көмек көрсететін «111» байланыс орталығының жұмысы заңнамалық деңгейде бекітілді. Қысым көрсетуге әкімшілік жауапкершілік енгізіліп, балаларды қоғамдық көліктен түсіруге тыйым салынды.2026-2027 оқу жылынан бастап жекеменшік мектептерде оқитын халықтың әлеуметтік осал топтарынан шыққан балаларға тамақ және оқу құралдары тегін беріле бастайды. Абай облысында қорғаншылық және қамқоршылық бойынша 22 маман жұмыс істейді. Алайда қосымша 15 маман қажет.«2024 жылдың ақпан айынан бастап өңірде жетім және ата-ана қамқорлығынсыз қалған балаларды қолдауға бағытталған «Мейірім» акциясы өткізілуде. Бүгінгі таңда 222 бала мемлекеттік мекемелер мен ұйымдарға бекітіліп, 144 баланың шотына 37 млн теңгеден астам қаражат аударылды», — деп атап өтті Абай облысы әкімінің орынбасары Жасұлан Сәрсебаев.Абай облысында балаларды қосымша біліммен қамту көрсеткіші 92,4% -. құрады. 11 мыңнан астам бала білім беру мекемелері және өзге де шығармашылық үйірмелерде, сондай — ақ 6 мыңнан астам бала спорт секцияларында өз қалаулары бойынша айналысады. 309 жалпы білім беретін мектептерде оқушыларды сабақтан тыс уақытта қамту 50 666 оқушыны құрады (49,3%): 1129 үйірмеде 20773 бала (20,3%), 1760 спорт секцияларында 29 893 бала (29%) қамтылды. Әскери-патриоттық тәрбиені дамыту үшін өңірде 234 клуб және 59 «Жас сарбаз» сыныптары жұмыс істейді. Экологиялық клубтар, сондай-ақ мектеп мұражайлары мен өлкетану жасақтары белсенді жұмыс істейді. 2024 жылдың жазғы кезеңінде 12 сауықтыру лагері 5 мыңнан астам баланы қабылдады. Қала сыртындағы лагерьлердің жетіспеушілігін жою үшін әлеуметтік-экономикалық дамудың Кешенді жоспары шеңберінде Кеңгірбай ауылында жаңа лагерь құрылысы жүргізілуде.«Өңірдің барлық білім беру мекемелері бейнебақылау камералары, дабыл түймелері және турникет сынды заманауи қауіпсіздік жүйелерімен жабдықталған. Ұлттық бейнемониторинг жүйесіне қосылу аясында 23 мыңнан астам камера орнатылды. Өңірде отбасы мен балаларды қолдау орталықтары құрылды. Онда психологтар, әлеуметтік педагогтар және қамқоршылық органдарының қызметкерлері жұмыс істейді. Қосымша білім беру үшін ауылдық клубтар мен мәдениет үйлерін пайдалану ұйымдастырылды. 2024 жылы 113 өтініш бойынша көмек көрсетіліп, олардың әрқайсысы жедел шешілді», — деп толықтырды облыс әкімінің орынбасары.Аймақта бір жылда буллинг, нашақорлықтың және экстремизмнің алдын алу бойынша мыңнан астам іс-шаралар өткізілді. 2024 жылдың тамыз айында облыс мамандары үшін балалардың құқықтарын қорғау мәселелеріне арналған оқыту семинары ұйымдастырылды.Бір сөзбен айтқанда, Абай облысында әр балаға қолайлы жағдай жасау бойынша жұмыс жалғасуда.Ақпарат көзі : https://www.gov.kz/memleket/entities/abay/press/news/details/924567

2024 жылғы 24 қаңтарда Эстония астанасы Таллинде Қазақстан тарапынан Көлік министрі М.Қарабаевтың және Эстония тарапынан Сыртқы істер министрі М.Цахкнаның төрағалығымен Экономикалық және ғылыми-техникалық ынтымақтастық жөніндегі Қазақстан-Эстония Үкіметаралық комиссиясының 7-ші отырысы өтті.Іс-шараға Қазақстаннан мемлекеттік органдар, ұлттық компаниялар мен бизнестен 50-ге жуық делегат қатысты. Тараптар сауда-экономикалық ынтымақтастық, көлік және логистика, ауыл шаруашылығы, цифрландыру, сондай-ақ білім беру саласындағы екіжақты өзара іс-қимылдың негізгі бағыттарын талқылады.Отырыс аясында Эстония инфрақұрылым министрі В. Светпен екіжақты кездесу өткізілді. Транзиттік мүмкіндіктерді кеңейтуге және Қазақстан мен Эстония арасындағы, оның ішінде, теңіз порттары арқылы логистикалық байланыстарды жақсартуға ерекше назар аударылды.Сондай-ақ, Көлік министрі бірқатар эстониялық Eesti Raudtee, Muuga Grain Terminal, Skinnest Groupp сияқты ірі компанияларының, сондай-ақ Sillamae және Таллин порттарының басшыларымен екіжақты кездесулер өткізді. Кездесулердің қорытындысы бойынша Эстондық бизнеспен дамудың перспективалық бағыттары айқындалды.Отырыс қорытындысы бойынша көлік-логистика саласындағы бірлескен жобаларды іске асыру жөніндегі нақты қадамдарды, сондай-ақ экономикадағы, цифрландырудағы, білім берудегі және басқа да салалардағы өзара іс-қимылды нығайту жөніндегі уағдаластықтарды қамтитын Хаттамаға қол қойылды.Комиссияның келесі отырысын 2026 жылы Астана қаласында өткізу жоспарлануда.Ақпарат көзі : https://www.gov.kz/memleket/entities/transport/press/news/details/924576

2025 жылдың 25 қаңтарында «QAZAQSTAN RUGBY» заңды тұлғалар бірлестігінің кезектен тыс жалпы жиналысы барысында қазіргі Қазақстан Республикасының Өнеркәсіп және құрылыс министрі Қанат Бисимбайұлы Шарлапаев Федерацияның жаңа президенті болып бірауыздан сайланды.Қанат Шарлапаевтың тағайындалуы Қазақстанда регбиді танымал ету, жастарды осы спорт түріне тарту және регби қауымдастығында еліміздің халықаралық мәртебесін нығайту үшін жаңа перспективалар ашады.Регбиді дамыту жоспарларыҚанат Шарлапаевтың жетекшілігімен Регби федерациясы келесі іс-шараларға назар аударуды көздеп отыр:• республика бойынша балалар мен жасөспірімдер секцияларының қолжетімділігін кеңейту;• әлемдік аренада айтарлықтай жетістіктерге жеткен әйелдер командаларына қолдау көрсету;• мамандандырылған инфрақұрылымды салу және жаңғырту;• әлеуметтік желілер, медиа жобалар және ауқымды спорттық іс-шаралар арқылы регбиді белсенді түрде насихаттау.Жастар арасындағы регбиді дамытуға, оларды спортқа тартуға ерекше көңіл бөлінетін болады.Қазақстандағы регбиҚазақстанда регби өз дамуын жалғастыруда, әсіресе әйелдер құрамасының жетістігі байқалады - ол әлемдік рейтингте 19-шы орында және беделді халықаралық турнирлерде бірнеше рет жеңіске жеткен. Бұл ретте ерлер құрамасы мен жастар құрамасы да халықаралық аренада атын шығаруда.Регби федерациясы жастарды қолдап, жаңа ұрпақты салауатты және белсенді өмір салтына тарту үшін жағдай жасай отырып, осы спорт түрін белсенді түрде дамытуды жоспарлап отыр. Ақпарат көзі : https://www.gov.kz/memleket/entities/mps/press/news/details/924581

2024 жылдың қорытындысы бойынша Мемлекеттік әлеуметтік сақтандыру қорынан (бұдан әрі – МӘСҚ) жұмысынан айырылуына байланысты әлеуметтік төлем алушылардың саны 293,6 мың адамды құрады, бұл ретте өткен жылы 258,6 мың адамға төлем алғаш рет тағайындалды. Төлемдердің жалпы сомасы 88,3 млрд теңге болды.Қолданыстағы заңнамаға сәйкес жұмыстан босатылған жұмыскерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша әлеуметтік төлемдер алады. Төлем жоғалған кірістің 45%-ына дейінгі мөлшерде МӘСҚ қаражаты есебінен жүзеге асырылады.Төлем тағайындау үшін жұмыстан босатылған жұмыскерге:- eGov.kz порталында авторизациялану;- «Жұмысқа орналастыру және жұмыспен қамту» бөлімінде «Жұмыс іздеуші адамдарды тіркеу» қызметін таңдау;- онлайн-қызметке тапсырыс беріп, барлық жолдарды толтыру және оған ЭЦҚ-мен қол қойып, өтінімді жіберу қажет;- бір күн ішінде тұрғылықты жеріңіздегі мансап орталығы (бұдан әрі – МО) бос жұмыс орындарын ұсынады;- егер жұмыс табылмаса, 3 жұмыс күні ішінде қашықтықтан жұмыссыз мәртебесі беріледі (қажет болған жағдайда сізге МО қызметкері қосымша ақпарат жинау үшін хабарласады);Бұл қызметті онлайн режимінде Электрондық еңбек биржасы (enbek.kz) арқылы да алуға болады.Жұмыссыз ретінде тіркелу туралы мәліметтер болған кезде Еңбекминінің ақпараттық жүйесі проактивті форматта МӘСҚ-тан төлемді тағайындау бойынша қызмет көрсетуге келісу үшін мобильді телефонға SMS-хабарлама жібереді. Келіскен жағдайда SMS-хабарламаға жауап беру қажет. Төлем автоматты түрде тағайындалады.Естеріңізге сала кетейік, МӘСҚ қаражаты есебінен жұмыстан айырылған жағдайда төленетін әлеуметтік төлем жұмыстан шығу себептеріне қарамастан жүзеге асырылады және жұмыссыз адамды ол жұмыс іздеген кезеңде қолдауға арналған.Ақпарат көзі : https://www.gov.kz/memleket/entities/enbek/press/news/details/922872

Облыс әкімі Асхат Шахаровпен кездесуде Мұғалжар ауданының жастары өңірдегі экологиялық жағдайды жақсарту және абаттандыруға бағытталған республикалық акцияның өткізілуін талқылады.Жастар жыл бойы сенбіліктерге және жасыл желектерді отырғызуға белсене атсалысты.«Біз «Таза Қазақстан» акциясын қолдаймыз, себебі соның арқасында ауыл таза әрі әдемі күйге енді. Барлығы қоршаған ортаға қамқорлық жасауы керек және жастардың осы процестерге белсенді қатысуы маңызды. Осындай бастамалармен біз экожүйені жақсартып, өмір сүруге қолайлы жағдай жасай аламыз, сондай-ақ жастардытабиғатқа деген жауапкершілігін арттыруға тәрбиелейміз. Тазалық пен тәртіп әрқайсымыздан басталады», - деді аудандық жастар ресурстық орталығының басшысы Дәулет Серікбаев.Облыс әкімі жас ауыл тұрғындарына белсенді азаматтық ұстанымдары үшін алғысын білдірді.«Таза Қазақстан» акциясы - бұл жай ғана бастама емес, бұл біздің өмір сүру үшін таза және жайлы орта құруға қосқан ортақ үлесіміз. Президент еліміздің әрбір өңірі өз аумақтарының экологиясын жақсартуға және абаттандыруға қатысу керек деген міндет қойды. Жастардың осы өзгерістердің алдыңғы қатарында болуы маңызды, өйткені сіздер – еліміздің болашағысыздар. Сенбіліктер мен көгалдандыру шараларына қатысып қана қоймай, сонымен қатар қоқыстарды бөлек жинау, жасыл аймақтарды құру және қоғамдық кеңістіктерді жақсарту бастамаларына белсенді қатысу қажет.Өзіміздің және басқа да тұрғындардың табиғатқа деген жауапкершілік сезімін тәрбиелеу маңызды, өйткенібалаларымыздың болашағы бізге байланысты. Осындай жобаларға қатысу арқылы сіздер өзгелерге үлгі көрсетернағыз көшбасшы боласыздар. Сіздердің көмектеріңізбен біз өңірімізді және елімізді таза әрі әдемі ететінімізге сенімдімін», - деп атап өтті облыс әкімі.Ақпарат көзі : https://www.gov.kz/memleket/entities/aktobe/press/news/details/924582

2025 жылғы 21 қаңтарда Шығыс Қазақстан облысының жеке меншік білім беру объектілерінің басшыларына жергілікті атқарушы органдары, ҚР Ұлттық қауіпсіздік комитеті және полиция департаментері өкілдерінің қатысуымен «Кәмелетке толмағандар арасында экстремизм мен терроризмнің алдын алу жөніндегі 2024-2026 жылдарға арналған жол картасы» және Қазақстан Республикасы Білім және ғылым министрінің 2022 жылғы 30 наурыздағы №117 бұйрығымен бекітілген білім беру саласындағы террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулық бойынша түсіндірме жұмыстары жүргізілді.Соңымен қатар, іс-шара барысында келесі тақырыптар талқыланды:- экстремизм және терроризм желісі бойынша ұғымдық аппарат;- саяси, ұлттық және діни экстремизмді насихаттау белгілері бар аудио-, бейнематериалдардың үлгілері;- экстремизм мен терроризмнің алдын алуда қолдануға ұсынылатын танымал теологтар мен тарихшылардың аккаунттары;- кәмелетке толмағандар жасаған зорлық-зомбылық әрекеттерінің мысалдары;- жеке басты жете тексеруді және жеке тұлғаның өзімен бірге алып жүрген заттарын жете тексеру қойылатын талаптар;- жалған ақпарат әдістері, оның ішінде жасанды интеллектті қолдану. Жалған ақпарат орналастыру, тарату үшін жауапкершілік;- Қазақстан Республикасы Білім және ғылым министрінің 2021 жылғы 25 мамырдағы № 235 бұйрығымен бекітілген білім беру ұйымдарына және олардың аумақтарына әкелуге тыйым салынған, оларда пайдаланылуы шектелген нәрселер мен заттардың тізбесі;- Қазақстан Республикасы Үкіметінің 2021 жылғы 6 мамырдағы № 305 қаулысымен бекітілген террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар;- Қазақстан Республикасы Ұлттық қауіпсіздік комитеті Төрағасының 2020 жылғы 27 қазандағы № 69-қе бұйрығымен бекітілген Ұлттық бейнемониторинг жүйесінің жұмыс істеу қағидалары;- Террористік тұрғыдан осал объектілердің терроризмге қарсы қорғалуының паспортын Қазақстан Республикасы Ішкі істер министрінің 2023 жылғы 14 маусымдағы № 481 және Қазақстан Республикасы Ұлттық қауіпсіздік комитеті Төрағасының 2023 жылғы 26 маусымдағы № 51/қе бірлескен бұйрығымен бекітілген үлгісіне сай өзектендіру;- көрінеу жалған хабарлама үшін жазаның бұлтартпастығы;- қолдан жасалған жарылғыш құрылғының белгілері және табылған жағдайдағы іс-әрекет алгоритмі;- террористік сипаттағы қатерлердің салдарын азайту мен жоюды мақсатында кезекші қызметтерге хабарлау схемасы;- терроризм актісін болғызбауға немесе жолын кесуге көмектескен ақпарат үшін сыйақы белгілеу және төлеу қағидалары.Білім беру мекеменің басшылары біқатар өзекті сұрақтарға жауап алды. Ақпарат көзі : https://www.gov.kz/memleket/entities/akimvko/press/news/details/924565

17 жастағы Назарбаев зияткерлік мектебінің оқушысы Иманәлі Көксал Пенсильвания университетінде тегін оқуға мүмкіндік алды. Бұған оның оқудағы жетістігі мен робототехникаға деген құштарлығы себеп болды — деп хабарлайды ҚР Оқу-ағарту министрлігінің баспасөз қызметі. Иманәлінің робототехникаға деген қызығушылығы 7-сыныпта басталған. Ал халықаралық First Global Challenge (FGC) байқауына қатысуы оның бұл құштарлығын еселей түскен. «Сингапурдағы FGC 2023-те инженер болудан бөлек, матчтар кезінде жүргізуші болдым және роботты басқардым. Бұл стресске төзімділікті қажет етеді. Жарыста 194 елдің арасында өнер көрсетіп, бірінші орын алдық. Бұл команданың ауызбіршілігі және табандылығы мен еңбек етуінің нәтижесі екенін көрсеттік», — деді Иманәлі. Дәл сол уақытта Қазақстан құрамасы робототехника бойынша екінші рет әлем чемпионы атанды. Дарынды оқушы инновациялық жобаларды әзірлеумен де белсенді айналысады. Мәселен, ол есту қабілеті нашар адамдарға арналған ақылды сағат жасап шығарды. «Бұл сағат есту қабілеті нашар адамдарға вибрация арқылы күмәнді немесе қауіпті дыбыстар туралы ескертеді. Мен мұқтаж адамдардың өмірін жақсартатын технологияны жасағанымды мақтан тұтамын», — дейді 17 жастағы чемпион. Иманәлі болашақта Қазақстанның технологиясы мен экономикасын дамытуға үлес қосқысы келеді. Сондықтан Пенсильвания университетін таңдағанын айтады. «Wharton School бизнес мектебі әлемде бірінші орында болғандықтан осы университетті таңдадым. Университет тек білім беріп қана қоймай, студенттердің әлеуметтік өмірін дамытады, бұл мен үшін өте маңызды. Мен алған білімімді өз елімнің дамуына жұмсау үшін еліме қайтып оралуды жоспарлап отырмын. Менің оқиғам жастарды өз армандарына ұмтылуға және ешқашан берілмеуге шабыттандырады деп үміттенемін», — деп қорытындылады оқушы.Ақпарат көзі : https://www.gov.kz/memleket/entities/edu/press/news/details/922659

Білім алушылардың білім жетістіктерін мониторингілеу ұлттық құралы (ББЖМ) халықаралық аккредитациядан өтті. Бүгін Оқу-ағарту министрі Ғани Бейсембаев пен Халықаралық сараптама және сертификаттау ғылыми-зерттеу орталығының (RCEC) директоры Арнольд Брауердің кездесуі өтті.ББЖМ - оқушылардың білім сапасын, мемлекеттік жалпыға міндетті білім беру стандарттарын (МЖМБС) меңгеру деңгейін айқындайтын ұлттық құрал болып табылады. 2023-2024 жылдар аралығында Қазақстан Республикасының Оқу-ағарту министрлігі ББЖМ халықаралық аккредиттеу процесіне бастамашылық етті.Ғани Бейсембаевтың айтуынша, ББЖМ ұлттық құралының халықаралық аккредитациядан өтуі оның сенімділігін, шынайылығын және халықаралық сапа стандарттарына сәйкестігін растайды. ББЖМ-нің барлық кезеңдері мен процедуралары PISA, TIMSS және PIRLS сияқты белгілі зерттеулерде қолданылатын ғылыми тәсілдерге негізделген.«Қазақстан білім сапасын арттыру жолында сенімді қадамдар жасауда. ББЖМ-нің халықаралық танылуы – озық тәсілдер мен стандарттарды енгізуге бағытталған бағдарымыздың дұрыстығын дәлелдейді. Біз уақыттың сын-қатерлеріне төтеп бере алатын және жаһандық білім беру қауымдастығына сәтті интеграциялануға қабілетті жүйе құрудамыз. Бұл жетістік білім сапасын одан әрі арттыруда маңызды кезең болатынына сенімдіміз», – деді министр.Халықаралық сараптама және сертификаттау ғылыми-зерттеу орталығының (RCEC) директоры Арнольд Брауер атап өткендей, Қазақстанның ұлттық бағалау жүйесі Орталық Азия аймағындағы бірлескен бағалау жобаларының негізі немесе бір бөлігі бола алады.«Қазақстандық білім беру жүйесі қазірдің өзінде жақсы нәтиже көрсетуде. Ынтымақтастықтың екі жылында ББЖМ аккредитациясының 7 кезеңі жүзеге асырылды, олар бағалау жүйесін әзірлеуді, тест сұрақтарының базасын құруды, барлық қатысушылар үшін нұсқаулық әзірлеуді, цифрлық платформада тестілеуді әкімшілендіруді, халықаралық стандарттарға сәйкес нәтижелерді талдауды қамтиды. Бұл білімді бағалау жүйесін дамытудағы маңызды қадам», – деп атап өтті Арнольд Брауер.Еске салайық, ББЖМ – мектеп оқушыларының білім сапасын зерделейтін қазақстандық ұлттық зерттеу, ол оқу-тәрбие процесіндегі күшті және әлсіз тұстарды анықтауға мүмкіндік береді. Оның түпкі нәтижесі – білім сапасын арттыру үшін әр өңірге кешенді талдау жасай отырып, әдістемелік ұсыныстар әзірлеу болып табылады.Ақпарат көзі : https://www.gov.kz/memleket/entities/edu/press/news/details/922867

Оқу жылының басынан бері алғаш рет 254 мың оқушы орны пайдалануға берілді, ал 2025 жылдың соңына дейін олардың саны 460 мың орынға жетеді.Ақпарат көзі : https://www.gov.kz/memleket/entities/edu/press/news/details/923195

2025 жылғы 25-26 қаңтарда Астанада 800-ден астам оқушы мен олардың жаттықтырушыларының қатысуымен FIRSТ робототехника чемпионатына іріктеудің қорытынды кезеңі өтеді. Биылғы FIRSТ чемпионатының басты тақырыбы – жаһандық экологиялық проблема болып табылатын су асты әлемін зерттеу. Іріктеу екі кезеңді қамтиды:• FLL Challenge – төменгі сынып оқушылары инженерлік тапсырмаларды шешу үшін LEGO роботтарын бағдарламалайды.• ⁠FIRST Tech Challenge – жоғары сынып оқушылары күрделі тапсырмаларды орындау үшін металл конструкциялардан роботтар жасайды. FIRST чемпионаты 1980 жылдан бері өткізіліп келеді. Аталған чемпионатқа Қазақстан 2017 жылдан бері белсенді қатысуда. Осы уақыт ішінде ұлттық құрама FIRST Global Challenge-де үш дүркін (2022, 2023, 2024) әлем чемпионы атанды. Айта кетейік, 20-23 ақпан аралығында Алматыда Almaty Tech Cup жарысы Дүниежүзілік FIRST бағдарламасы аясында Орталық Азия робототехника бойынша чемпионаты өтеді. Оған 5000-нан астам оқушы мен олардың жаттықтырушылары қатысады деп жоспарлануда.Ақпарат көзі : https://www.gov.kz/memleket/entities/edu/press/news/details/923577

"Адамның бойындағы балалық ар-ұжданы - дәндегі бүршік сияқты: бүршіксіз астық өспейді. Әлемде бізді не күтіп тұрса да, адамдар туылып, өліп жатқанда шындық мәңгі сақталады... " – жазушы Шыңғыс Айтматовтың әйгілі «Ақ кеме» повестінен үзінді. Дәл осы шығармадан үзінді орындағаны үшін Қарағандының № 95 мектеп-гимназиясының оныншы сынып оқушысы Богдан Багиров ІІІ қалалық Айтматов оқулықтарында Гран-при алды.Богдан әдебиетті жақсы көреді және түрлі үйірмелерге белсенді қатысады. Ол театр студиясында шұғылданады және ондағы сабақтар зияткерлік жарыстарда жеңіске жетуге септігін тигізгенін айтады.– Бұл байқау маған көптеген жағымды эмоциялар сыйлады. Барлығы достық атмосферада, өте жоғары деңгейде өтті, – дейді жеңімпаз. – Басқа қатысушылардың оқыған үзінділері арқасында Айтматов шығармаларының мағынасын сезіне алдым.Айтматов оқулары әл-Фараби атындағы мектеп-гимназияда өтті. Байқауға Шыңғыс Айтматовтың шығармашылығына деген сүйіспеншілік біріктірген қала мектептерінің 24 оныншы сынып оқушылары қатысты. Байқауға қатысушылар бірнеше критерийлер бойынша бағаланды: оқу шеберлігі, мәтін көңіл-күйін жеткізу, тәсілдің бірегейлігі және жалпы әсер. Сонымен қатар, барлық қатысушылар Айтматовтың шығармалары бойынша тестілеуден өтті. Жеңімпаз балл сомасы бойынша анықталды.Байқауға қатысу үшін Богдан Багиров өзінің орыс тілі мен әдебиеті пәнінің мұғалімі Ирина Назыровамен бірге «Ақ кеме» повестінен үзінді таңдаған.– Мен Шыңғыс Айтматовтың шығармаларын ұнатамын, олар терең мағынаға ие, – дейді оқытушы. – Онда автор балалардың тағдырын іштей бастан өткергендей көрсетеді. Айтматов шығармаларының даналығы мен сұлулығы маңызды өмірлік құндылықтарға – мейірімділікке, махаббат пен өзара түсіністікке үйретеді.Қазылар алқасы Богданның сөзіндегі мәтінді түсіндірудің эмоционалдылығы мен тереңдігін бағалады.Ақпарат көзі : https://www.gov.kz/memleket/entities/karaganda/press/news/details/924333

Бүгін Жетісу облысында кезекте тұрған 19 көпбалалы отбасы Талдықорған қаласындағы «Береке» коттедж қалашығынан баспаналы болды. Өткен жылдың соңынан бері мұнда 74 отбасы қоныс тойын тойлады, - деп хабарлайды Жетісу облысы әкімінің баспасөз қызметі.Облыс әкімі Бейбіт Исабаевтың тапсырмасы бойынша аталған коттедж қалашығының проблемалық мәселелерін шешу бойынша шаралар қабылдануда. Ол негізінен құрылыс сапасына байланысты мәселелер. Атап айтқанда, жөндеу жұмыстары жүргізіліп, салынып бітпеген үйлердің құрылысы аяқталуда. Барлығы 204 проблемалық коттедж анықталды. Барлық ескертулер мен кемшіліктер жойылғаннан кейін 25 коттедж өткен жылдың соңында кезекте тұрғандарға тапсырылды, ал тағы 30 коттедж өткен аптада тапсырылды. Бүгін кезекте тұрғандарға тағы 19 кілт табыс етілді. Қалғандары кезең-кезеңмен пайдалануға берілетін болады. Жалпы, биыл коттедж қалашығының құрылысын толық аяқтау жоспарланған.Бақытты қоныс иелерінің арасында жеті баланың анасы Әлия Аталықова да бар. Оның отбасы бүгін армандаған кілтке ие болды:- Баспана кезегінде 15 жыл тұрдым. Бала-шағаммен бір жалдамалы пәтерден екіншісіне үнемі көшу қиын болды. Біз ұзақ күткенімізге қарамастан, бүгін біздің отбасымызда үлкен және бақытты қоныс тойы өтті. Сол үшін барлық қатысушыларға шынайы алғысымды білдіремін. Жаңа қоныс иелеріне амандық тілеймін, - деді көпбалалы ана.Айта кететін жайт, Жетісу облысында тұрғындарды баспанамен қамтамасыз ету жұмыстары қарқынды жүргізілуде. Талдықорған қаласының өзінде өткен жылы кезекте тұрғандардың ішінен 1283 отбасы тұрғын үймен қамтамасыз етілді, ал биыл 1400-ден астам тұрғынды қамту жоспарланған. Жалпы, биыл облыс орталығында жаңа шағынаудандарда тұрғын үй салу, жолдарды жөндеу, жылу желілерін, арық желілерін қайта жөндеу және жаңа әлеуметтік нысандарды салу жұмыстары жалғасады. Қаланың ескі шағынаудандарының архитектуралық келбетін жаңартуға, үйлердің шатыры мен қасбетін қайта жаңартудан бастап, аула аумақтарына дейін назар аударылатын болады. Оның үстіне Талдықорғанды жаңа саябақтар мен скверлер көріктендіре түседі.Жетісу облысы әкімінің баспасөз қызметі. Фототілші: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/924146

Эдуард Саламат былтыр «Ауыл аманаты» бағдарламасына қатысуға ниет білдіріп, несиеге 16 миллион теңге рәсімдеп, голландиялық құлпынай сортын өсіретін «Nazberry» жылыжай кешенін ашты. Бір маусымда ол 0,8 тонна жидекжинаған. Қазір бүкіл отбасымен жылыжай жұмысын жүргізуде.«Ұзақ уақыт бойы өз ісіммен айналысуға бел будым. Ешқандай өкінбеймін. Барлық уақытымды жылыжайды дамыту ісіне арнаймын. Мұнда суару жүйесі автоматтандырылған. Жидектерге сұраныс көп. Біз өнімді негізінен Қандыағашта сатамыз, бірақ кейде Ақтөбеге де тасымалдаймыз. Болашақта кеңейтуді жоспарлап отырмын. «Ауыл аманаты» бағдарламасы - өз бизнесіңді ашуға жақсымүмкіндік. Ең бастысы, өз ісіңнен пайда алу үшін аянбайжұмыс істеу керек», - деді облыс әкіміне жылыжай иесі.Өңір басшысы Мұғалжар ауданына сапары барысында кәсіпкердің жұмысын бағамдап, оның ісімен танысып,сәттілік тіледі.«Ауыл аманаты» бағдарламасы аудан тұрғындары үшін үлкен мүмкіндік. Бұл бағдарлама ауыл тұрғындарын қолдауға, жұмыс орындарын құруға және елді мекендерде өмір сүру жағдайларын жақсартуға бағытталған. Біз ауданда тұру үшін қолайлы жағдай жасай отырып, ауылдарда инфрақұрылымды жақсарту және тұрғын үй салу бойынша белсенді жұмыс жүргізіп келеміз. Ауыл тұрғындарының осы мүмкіндіктерді пайдаланып, туған өлкенің дамуы мен өркендеуіне өз үлестерін қосуы маңызды», - деді әкім.Ақпарат көзі : https://www.gov.kz/memleket/entities/aktobe/press/news/details/924546

ҚР Туризм және спорт министрлігінің Қоғамдық кеңес мүшелері нормативтік құқықтық актілерді, заң жобаларын әзірлеуге және туризм, спорт, ойын бизнесі мен лотерея қызметі саласын дамытуға байланысты өзекті мәселелерді шешуге белсенді қатысып келеді.Жұмыстың негізгі бағыттарының бірі – дене шынықтыру және спорт саласындағы заңнаманы жетілдіру. Қоғамдық кеңес «Қазақстан Республикасының құрама және штаттық құрама командаларының құрамын қалыптастыру қағидаларын бекіту туралы» бұйрықты қарастырып, мақұлдады. Атап айтқанда, құрамаларға қабылдану үшін қажетті құжаттар тізімі өзгертілді. Енді аккредиттелген спорт федерациялары спортшылардың бірінші және жеке жаттықтырушыларын көрсете отырып, нотариуспен куәландырылған өтініштерді ұсынуға тиіс.Тағы бір маңызды шешім – спорт резервін даярлайтын және жоғары білікті спортшыларды тәрбиелейтін спорт ұйымдарында спортшылардың жас санын реттейтін бұйрықтың өзгеруі.Ондағы негізгі өзгерістер:Грек-рим күресі: жастар жасы 18-23-тен 18-20 жасқа, ересектер жасы 23-тен 21 жасқа дейін төмендеді;Дзюдо: жасөспірім шақ жасы 12-18-ден 13-17 жасқа, жасөспірімдер жасы 18-21-ден 18-20 жасқа, жастар жасы 21-23-тен 21-22 жасқа дейін төмендеді;Шорт-трек: балалар жасы 7-10-нан 5-7 жасқа дейін, жасөспірімдер жасы 11-15-тен 8-15 жасқа дейін қысқарды.Сондай-ақ балалар мен жасөспірімдер спорт мектептерінде, ерекше жандарға арналған мамандандырылған мектептерде оқитын 18 жасқа дейінгі балалар үшін жас шектеулері алынып тасталды.Ақпарат көзі : https://www.gov.kz/memleket/entities/tsm/press/news/details/924150

2025 жылдың 7-14 ақпаны аралығында Харбинде өтетін ойындарда табысталатын медаль ерекше дизайнмен таңқалдырады.Медаль ерекшеліктері:Алдыңғы жағында – жарыс жолының иілген пішіні мен Азия ойындарының эмблемасы.Артқы жағында – Ябулидің тау-ормандары және Азия Олимпиада кеңесінің күн бейнесіндегі логотипі бейнеленген.Ақпарат көзі : https://www.gov.kz/memleket/entities/tsm/press/news/details/924355

ҚР Туризм және спорт министрінің орынбасары Ержан Еркінбаевтың төрағалығымен Цифрлық үкіметті қолдау орталығы алаңында туристерді есепке алу және туризм саласын цифрландыру әдістемелерін жетілдіру бойынша жұмыс кездесуі өтті.Жиынға ҚР Парламенті Мәжілісінің депутаттары, ҚР Цифрлық даму, инновациялар және аэроғарыш өнеркәсібі министрлігінің, ҚР Ұлттық қауіпсіздік комитетінің, ҚР ІІМ Көші-қон қызмет комитеті комитетінің, ҚР Стратегиялық жоспарлау және реформалар агенттігінің, ҚР Ұлттық банкінің, «Атамекен» ҰКП және Kazakh Tourism ҰК АҚ өкілдері қатысты.Кездесу барысында мемлекеттік ұйым өкілдері абоненттер туралы деректерді ұялы байланыс операторларынан алу мүмкіндігін ұсынды. Яғни, аталған деректер негізінде туристердің белгілі бір қызметтерді алу кезінде өзара іс-қимылын неғұрлым егжей-тегжейлі қалыптастыруға мүмкіндік береді.Сондай-ақ отырыста Ұлттық банк пен екінші деңгейлі банктердің төлем карталары бойынша деректерді ұсынудағы рөлі, шетелдіктерге қатысты көші-қонды бақылау мәселелері, eQonaq жүйесінің туристік ағынды жинау және есепке алу мүмкіндіктері талқыланды.Кездесудің соңында шетелдік қонақтар туралы деректерді жинау жүйесін жақсарту мен оңтайландыру, туристік ағынды талдау құралдары, сондай-ақ проблемалық мәселелерді шешу үшін ведомствоаралық жұмыс тобын құру бойынша ұсыныстар қарастырылды.Ақпарат көзі : https://www.gov.kz/memleket/entities/tsm/press/news/details/924376

Цифрландыру министрлігінде маңызды кездесу өтті. Оған Цифрландыру министрі Жаслан Хасенұлы Мәдиев, Оқу-ағарту министрі Ғани Бектаұлы Бейсембаев және Спорттық бағдарламалау федерациясының президенті Бағдат Батырбекұлы Мусин қатысты. Кездесуде жасанды интеллект саласындағы білім беруді дамыту бойынша шаралар талқыланды.Кездесудің негізгі оқиғасы ынтымақтастық туралы меморандумға қол қою болды. Бұл құжат еліміздегі жасанды интеллект бойынша білім берудің жаңа кезеңін бастауға негіз қалады. Осы келісімнің маңызды нәтижесі ретінде мектеп оқушылары арасында алғашқы республикалық жасанды интеллект бойынша AI Olymp олимпиадасын өткізуді шешті.Олимпиада жасанды интеллект және оған жақын салаларға (спортивтік бағдарламалау, математика, деректерді талдау) қызығушылық танытатын талантты оқушыларды анықтап, қолдауға, сондай-ақ оқушыларды Халықаралық жасанды интеллект олимпиадасына дайындауға бағытталған.«Бұл шараны біз болашақ қоғамды құруға деген ұмтылысымызды білдіретін "Generative Nation" бастамасы аясында ұйымдастырып отырмыз. Мемлекет ретінде біз жас таланттарымызды қолдауға және олардың идеяларын іске асыруға жағдай жасауға қуаныштымыз. Спорттық бағдарламалау – бұл тек интеллектуалдық жарыс емес, ол ойлау мен табандылық мектебі. Мұнда жас мамандар күрделі тапсырмаларды еңсере отырып, шынайы өмірдің қиындықтарына дайындалады. Алғашқы республикалық мектеп оқушыларына арналған жасанды интеллект бойынша AI Olymp олимпиадасы – талантты оқушылар үшін бағдарламалау, математика және деректерді талдау салаларында өзін-өзі көрсетуге тамаша мүмкіндік. Бұл Қазақстанның жасанды интеллект экожүйесін дамыту мен халықаралық жетістіктерге жол ашатын алғашқы қадам болады», – деп атап өтті ҚР Цифрлық даму, инновациялар және аэроғарыш өнеркәсібі министрі Жаслан Мадиев.«Қазақстан бүгінгі таңда білім беру үдерісіне озық технологияларды батыл енгізіп, уақытпен бірге ілесіп келеді. AI Olymp олимпиадасын өткізу – дарынды оқушыларымыздың әлеуетін ашуға және жаңа буын жоғары білікті мамандарды дайындауға стратегиялық қадам. Біздің жастар өздерін қолдауды сезінуі маңызды», – деп атап өтті ҚР Оқу-ағарту министрі Ғани Бейсембаев.Олимпиада көктемде екі кезеңде өтеді. Елдің түкпір-түкпірінен келген оқушылар бағдарламалау, математика және классикалық машиналық оқыту тапсырмаларын шешетін онлайн іріктеу кезеңіне қатыса алады. Ең үздік 30-40 қатысушы машиналық оқыту алгоритмдері, деректерді талдау және жасанды интеллект концепцияларымен байланысты практикалық тапсырмаларды шешетін финалдық кезеңге шақырылады.Ең жақсы нәтижелер көрсеткен қатысушылар 2025 жылдың 2-9 тамызында Қытай Халық Республикасының Бейжің қаласында өтетін Халықаралық жасанды интеллект олимпиадасында (IOAI) Қазақстан құрамасының құрамын анықтау үшін арнайы дайындықтан өту мүмкіндігіне ие болады.«Еліміздің спорттық бағдарламалау құрамасына қатысу – тек бедел ғана емес, сонымен қатар жеке және кәсіби өсудің бірегей мүмкіндігі. Спорттық бағдарламалау қазіргі IT нарығында сұранысқа ие дағдыларды дамытады: күрделі мәселелерді тез әрі тиімді шешу, алгоритмдік ойлау және қысым жағдайында жұмыс істеу қабілеті. Сонымен қатар, бұл IT экожүйесінің бір бөлігі болу, еліміздің болашағын қалыптастыру және әлемдегі үздік университеттер мен компаниялардың есігін ашу мүмкіндігі», – деп атап өтті Спорттық бағдарламалау федерациясының президенті Бағдат Мусин. Ақпарат көзі : https://www.gov.kz/memleket/entities/mdai/press/news/details/924436

Бүгін ҚР Президенті жанындағы Орталық коммуникациялар қызметінің алаңында алдағы Digital Almaty 2025 туралы баспасөз конференциясы өтті. Жасанды интеллект және инновацияларды дамыту комитетінің төрағасы Ғиззат Байтұрсынов атап өткендей, жылдың ең ірі цифрлық оқиғасы – Digital Almaty 2025 VII халықаралық форумының басталуына бір апта қалды.Digital Almaty 2025 өнеркәсіптегі серпінді өзгерістерге және ai жаһандық индустрияның болашағына әсеріне арналған. AI технологиялары өндірістік процестердің тиімділігі, қауіпсіздігі мен тұрақтылығының негізгі драйверіне айналуда. Екі күндік цифрлық іс-шараға 40 мыңнан астам адам қатысады деп күтілуде."Digital Almaty 2025 форумы – BigTech компанияларын халықаралық ЖИ орталығына тарту үшін тамаша алаң. Ол жыл сайын өткізіледі, бұл қазірдің өзінде жетінші Digital Almaty. Digital Almaty 2025 жеке инвестициялар қаражаты есебінен жүргізіліп жатқанын атап өту маңызды", - деді Ғиззат Байтұрсынов.Digital Almaty-ге жеке қатыса алмағандардың барлығына алғаш рет бірегей виртуалды көрме ұсынылады. Көрмеге сілтеме форумның ресми сайтында орналастырылады almatydigital.kz.VII Digital Almaty AI-ны өнеркәсіптік экожүйелерге, экономика мен қаржыға, ESG, медицина, білім беру және киберқауіпсіздікке интеграциялау тақырыптарын ашатын ауқымды іскерлік бағдарламаны ұсынады. инновациялық технологиялар» Автономды кластерлік қорының Басқарушы директоры Дания Ахметова форум бағдарламасының мәліметтерімен бөлісті.Форум аясында ЕАЭО елдері премьер-министрлерінің пленарлық отырысы өтеді. Биыл форумға Әзірбайжан, Беларусь, Қырғызстан, Ресей, Тәжікстан, Өзбекстан, Армения, Иран үкіметтерінің басшылары, сондай-ақ Еуразиялық экономикалық комиссия басшылары жиналады. Кейін дәстүрлі Digital Awards 2025 сыйлығы беріледі."Форумда Astana Hub - AI Movement бастамасының қорытындысы шығарылады, сондай-ақ first Tech Challenge республикалық кезеңі өтеді, онда үздік 24 мектеп командасы Digital Ministry Cup үшін жарысады. Форумның басты оқиғаларының бірі Industry AI Battle болады — AI және цифрлық трансформация саласындағы стартаптар шайқасы. Қатысушылар форум серіктестерінің гранттарымен қатар $60 000 жүлде қоры үшін жарысады", - деді Дания Ахметова. Дәстүрлі стартаптар аллеясы 80 халықаралық инновациялық жобаны ұсынады, бұл мыңдаған қонақтарға, соның ішінде инвесторларға жаңа идеялар туралы білуге мүмкіндік береді. "Индустрия X" аймағында қазақстандық технологиялық компаниялар ірі өнеркәсіптік кәсіпорындарда іске асырылған табысты жобаларды ұсынады. АҚШ, Ресей, Беларусь, Тәжікстан және Ираннан келген отандық жер қойнауын пайдаланушылар мен технопарктер панельдік сессиялар аясында Жасанды интеллект өндірістік процестерде қалай қолданылатынын айтып береді.Биыл форумға Ричард Стирлинг (CEO Oxford Insights), Эндрю Ын (DeepLearning.AI негізін қалаушы), Ян Лекун (Тьюринг сыйлығының лауреаты), Каан Терзиоглу (VEON тобының бас атқарушы директоры), Тодзю Дюк (Bedrock AI және Diverse AI компанияларының негізін қалаушы және бас директоры), Ник Давыдов (венчурлық инвестор, DVC қорының негізін қалаушы және серіктесі), Йорам Вийнгаарде (Dealroom компаниясының негізін қалаушы және CEO), сондай-ақ IT және технологиялар саласындағы басқа да жетекші компаниялар мен ұйымдардың өкілдері қатысады.Естеріңізге сала кетейік, Digital Almaty ұйымдастырушылары – ҚР Цифрлық даму, инновациялар және аэроғарыш өнеркәсібі министрлігі, ҚР Сыртқы істер министрлігі, Алматы қаласының әкімдігі және "Инновациялық технологиялар паркі" Дербес кластерлік қоры.Форум 2025 жылдың 31 қаңтарынан 1 ақпанына дейін Атакент көрме кешенінің алаңында өтеді.Ақпарат көзі : https://www.gov.kz/memleket/entities/mdai/press/news/details/924448

Қазақстанда «Энергетикалық және коммуналдық секторларды жаңғырту» Ұлттық жобасы шеңберінде генерациялау объектілерін, жылу және электрмен жабдықтау желілерін кешенді жаңғырту жоспарлануда.Бүгінгі таңда елдің электр желілерінің жалпы ұзындығы шамамен 470 мың км құрайды, оның 27 мың км ұлттық маңызы бар.Жоғары тозуды (70%-дан астам) назарға ала отырып, 77,5 мың км электр желілерін жаңғыртуға 2,7 трлн теңге тартылады, бұл тозу көрсеткішін 45%-ға дейін төмендетуге мүмкіндік береді.Сонымен қатар, белгіленген электр қуатын ұлғайту және ел экономикасы мен халқын сенімді электрмен жабдықтауды қамтамасыз ету мақсатында 2029 жылға қарай 6 208 млрд.теңге сомасына 7,3 ГВт (29 жоба) қосымша генерациялау көздері енгізілетін болады.Жоғарыда аталған жобаларды іске асыру электр станцияларының орташа тозуын 57%-дан 40%-ға дейін төмендетуге мүмкіндік береді.Сонымен қатар, жылумен жабдықтау саласына 1622 км тозған желілерді ауыстыру және қайта жаңарту үшін жалпы сомасы 1 257 млрд.теңге инвестициялар тартылуда, бұл орташа тозуды 10%-ға төмендетеді және еліміздің 12 млн. астам азаматының өмір сүру сапасын жақсартады.Ақпарат көзі : https://www.gov.kz/memleket/entities/energo/press/news/details/924095