Облыс әкімі Мұрат Ергешбаев, облыстық мәслихат төрағасы Мұрат Тлеумбетов және ел ағалары Сексеуіл теміржол вокзалы құрылысының барысымен танысты.Жоба «Қазақстан Темір жолы» ҰК» АҚ тапсырысымен жүзеге асырылуда. Бас мердігер «Техоснастка-Ремсервис» серіктестігі қолға алған жобаға 700 млн теңге бөлінген.Қазір құрылыс алаңында 15 жұмысшы, 4 арнайы техника жұмылдырылған. Нысанның сырты қапталып, ішкі әрлеуі біткен, есік орнатылған. Бүгінде аумағын абаттандыру, жаяу жүргіншілер жолын ретке келтіру және инфрақұрылымдық жұмыстар атқарылуда.Жаңа вокзалда жолаушыларға қолайлы жағдай жасалады, қызмет көрсету сапасы артады.Нысан пайдалануға берілгеннен кейін өңірдің көлік-логистикалық әлеуетіне, жолаушы тасымалына оң әсерін тигізеді.Айта кетейік, облыс аумағынан ұзындығы 1051,7 шақырым магистральдық теміржол желісі өтеді. Теміржол инфрақұрылымында 8 вокзал мен 2 қызмет көрсету пункті жұмыс істейді. Тәулігіне 15 жұп жолаушылар пойызы қатынайды. Қызылорда қаласынан Астана, Петропавл, Павлодар, Көкшетау, Семей және Түркістан қалаларына 6 жұп жолаушылар пойызы ұйымдастырылған.Сонымен қатар, әлеуметтік маңызы бар «Қызылорда – Бесарық – Түркістан» жолаушылар пойызы облыстың оңтүстік бағытындағы 26 елді мекен тұрғындарын көлік қызметімен қамтамасыз етіп келеді.Ақпарат көзі : https://www.gov.kz/memleket/entities/kyzylorda/press/news/details/1236118?lang=ru

Облыс әкімі Мұрат Ергешбаев, облыстық мәслихат төрағасы Мұрат Тлеумбетов және ел ағалары Шижаға елді мекеніндегі дене шынықтыру-сауықтыру кешенінің ашылу рәсіміне қатысты.Соңғы жылдары өңірде әлеуметтік инфрақұрылымды дамыту бағытында жүйелі жұмыс жүргізілді. Нәтижесінде 2022-2026 жылдары 200-ден астам әлеуметтік нысан бой көтерді. Оның 25-і - спорт нысаны. Аймақ басшысы тұрғындарды құттықтап, спорт саласындағы жетістіктерді атап өтті.«Президентіміз Үкімет пен облыс әкімдеріне мемлекет қолдауын тиімді, мақсатты пайдаланып, ауыл халқының табысын арттыру міндетін қойды.Бүгінде Арал ауданында серпінді жобалар сәтті жүзеге асуда.Күні кеше Аманөткел ауылындағы 150 орындық мәдениет үйінің жаңа ғимаратын ел игілігіне табыстадық.Бүгін Сексеуіл кентінде «Қазақстан Темір жолы» ұлттық компаниясының демеушілігімен 1 млрд. теңгеге салынатын «Оқушылар үйі» мен «Өнер мектебінің» іргетасын қаладық.Сонымен қатар, Абай елді мекенін орталықтандырылған сапалы ауызсуға қосамыз. Осындай игі істердің жалғасы ретінде Өздеріңізбен бірге «Ауыл – ел бесігі» бағдарламасы аясында салынған Шижаға ауылындағы дене шынықтыру-сауықтыру кешенін табыстаймыз.Жаңа спорт кешені дені сау ұлт қалыптастыруға қызмет етіп, осы жерден әлемдік ареналарда Қазақстанның көк Туын көкте желбірететін чемпиондар шығады деп сенеміз»,- деді Мұрат Нәлқожаұлы.Рәсімде қоғам қайраткері Айтбай Көшербай сөз сөйлеп, Аққұм ауылдық округі ардагерлер кеңесінің төрағасы Бақытжан Сматуллаев ақ батасын берді. Ауданың әлеуметтік-экономикалық дамуына үлес қосқан азаматтар мен ғимарат құрылысын сапалы салған мердігер мекеме өкілдері облыс әкімінің Алғыс хатымен марапатталды.Айта кетейік, өткен жылы Президент қолдауымен Қызылорда қаласында 11 мың орындық стадион, «Теннис орталығы» және инклюзивті спорт кешені пайдалануға берілді. «Қазақстан халқына» қорының қолдауымен Шиелі және Жалағаш аудандарында спорт кешендері ашылды.Жергілікті кәсіпкерлердің демеушілігімен құрылған 80 спорт-ойын алаңы балалар игілігіне айналды. Бүгінде облыс орталығында «Қызылорда Арена» көпбейінді спорт кешені, «Қайсар» футбол клубының академиясы салынуда.Ақпарат көзі : https://www.gov.kz/memleket/entities/kyzylorda/press/news/details/1236161?lang=ru

Облыс әкімі Мұрат Ергешбаев, облыстық мәслихат төрағасы Мұрат Тлеумбетов және ел ағалары Қазалы ауданындағы «Қарлаң» көпірінің құрылысымен танысты.«Қазалы–Қожабақы–Бозкөл–Кәукей» автомобиль жолының 16-шақырымында орналасқан Қарлаң учаскесіндегі Сырдария өзені арқылы өтетін темір-бетон көпір құрылысы қарқынды жүргізілуде.Жоба өңірдің көлік инфрақұрылымын дамытуға, елді мекендер арасындағы қатынасты жақсартуға және жол қауіпсіздігін арттыруға бағытталған.«Нұрлы-Тау ЛТД» серіктестігі салып жатқан көпірдің ұзындығы – 248,29 метр, 6,3 млрд теңге бөлінген. Құрылыс жұмыстары кезең-кезеңімен жүргізілуде. Толық аяқталғаннан кейін ауданаралық көлік қатынасы тұрақтанып, логистикалық байланыс едәуір жақсарады.Облыс әкімі құрылыс сапасын назарда ұстап, белгіленген кестеге сәйкес аяқтаудың маңызын атап өтті. Мердігер мекемеге барлық талапты қатаң сақтай отырып, көпірді уақытылы пайдалануға беру міндеті жүктелді.Ақпарат көзі : https://www.gov.kz/memleket/entities/kyzylorda/press/news/details/1236178?lang=ru

Облыс әкімі Мұрат Ергешбаев, облыстық мәслихат төрағасы Мұрат Тлеумбетов және ел ағалары Қазалы ауданына жұмыс сапары аясында Жанкент ауылының тұрғындарымен кездесіп, «Руханият орталығында» аудан активін өткізді.Кездесуде өңірдің әлеуметтік-экономикалық даму көрсеткіштері мен алдағы негізгі міндеттер талқыланды.Аймақ басшысы аудан әкімдігіне инвестиция тарту жұмыстарын жандандыруды, су үнемдеу технологияларын тиімді пайдалануды, құрылыс сапасы мен мерзімін қатаң бақылауды, инфрақұрылымдық жобалардың уақытылы аяқталуын қадағалауды тапсырды.Соңғы төрт жылда Қазалы ауданында 280 пәтер тұрғындар игілігіне берілді. Осы ретте салаға жетекшілік ететін аудан әкімінің орынбасары мен құрылыс бөлімінің басшысы тұрғын үйлер мен әлеуметтік нысандар құрылысының сапасына ерекше назар аударып, тұрақты бақылауы қажет.Қазалы ауданын газдандыру деңгейі бүгінде 75 пайызға жеткен. Биыл Жанқожа батыр, Бекарыстан би, Майдакөл және Түктібаев елді мекендерін газдандыруға республикалық бюджеттен 680 млн теңге бөлініп, жұмыс басталды. Сонымен қатар құжаттары дайын алты ауылды газдандыру жобасын энергетика және тұрғын үй-коммуналдық шаруашылық басқармасымен, салалық министрліктермен бірлесіп үйлестіру тапсырылды.Аудандағы маңызды инфрақұрылымдық жобалардың бірі – «Қарлаң» көпірінің құрылысы. Былтыр оған 6,3 млрд теңге, биыл облыстық бюджеттен 2,2 млрд теңге бөлініп, жұмыс жоспарға сәйкес жүргізілуде. Мұрат Нәлқожаұлы жауапты сала басшыларына жұмыс барысын тұрақты бақылауды, белгіленген мерзімде пайдалануға беруді тапсырды.Әрі қарай аймақ басшысы «Руханият орталығында» ауданның белсенді жастарымен кездесіп, олардың тың жобаларымен танысты.Ақпарат көзі : https://www.gov.kz/memleket/entities/kyzylorda/press/news/details/1236198?lang=ru

Облыс әкімінің орынбасары Ардақ Зебешев, облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, қала әкімі Нұржан Ахатов Қызылорда қаласына арнайы келген әлемге танымал блогерлер Дастан Мұхамедрахым мен Джо Хаттабқа (HATAB JEHAD JAMAL TAWFIQ) қайта жаңғыртылған Президент саябағын таныстырды. Қала тұрғындары мен қонақтарының сүйікті демалыс орындарының біріне айналған Президент саябағының аумағында заманауи субұрқақтар, амфитеатр, спорт және ойын алаңдары, би және шахмат аймақтары, баскетбол мен футбол алаңдары орналасқан. Сондай-ақ мұнда биіктігі 50 метрлік айналмалы шолу дөңгелегі, велосипед және жүгіру жолақтары, санитарлық пункттер салынған.Жалпы аумағы 31 гектар саябаққа 2 мыңнан астам ағаш, 50 мыңнан астам сәндік бұта және 17 түрлі көпжылдық гүл егілген.Саябақ аумағын тиімді пайдалану мақсатында бірқатар маңызды жоба жүзеге асырылуда. Атап айтқанда, 300 орындық заманауи балалар лагері мен Ботаникалық білім беру орталығы пайдалануға берілген. Сонымен қатар 8,2 гектар аумақта тоғыз қабатты 15 тұрғын үй салынып жатыр. Бұдан бөлек, 200 төсектік жаңа перинаталдық орталық, жаңа драма театр және заманауи Президенттік кітапхана бой көтеруде.Кездесуде қонақтарға өңірдің туристік әлеуеті, Қызылорданың әлеуметтік-экономикалық даму қарқыны және қаладағы ауқымды инфрақұрылымдық жобалар таныстырылды.Айта кетейік, Джо Хаттаб – халықаралық деңгейде кеңінен танылған араб тревел-документалисі, режиссер, бейнеграф және YouTube блогері. Қазіргі уақытта оның әлеуметтік желілердегі жалпы аудиториясы 25 миллионнан асады.Ол жай ғана туристік орындарды таныстыратын блогер емес, деректі фильмдер түсіретін контент авторы ретінде танымал. Шығармашылығының негізгі бағыты – сирек мәдениеттер мен әлемнің шалғай өңірлеріндегі адамдардың өмірін көрсету. Джо Хаттаб Эверест тауларындағы шерпалардың тұрмысы, Амазонка джунглилеріндегі тайпалардың өмір салты, сондай-ақ әлемдегі ең оқшауланған мемлекеттердің бірі саналатын Солтүстік Корея мен Куба туралы бірегей жобалар әзірлеген.Сонымен қатар ол түрлі елдердегі ерекше кәсіп иелерінің өмірін, тағдырлы адамдардың оқиғаларын және экология, кедейлік секілді жаһандық мәселелерді арқау еткен деректі фильмдерімен танылған. Блогердің Joe Hattab Production жеке медиа өндірістік компаниясы жұмыс істейді. Ол түсірілім барысында ең заманауи техникалар мен дрондарды пайдаланып, бейнематериалдарына кинематографиялық стиль береді.Джо Хаттаб халықаралық деңгейдегі бірқатар ірі компаниялардың, атап айтқанда Sony, Emirates, Samsung, Facebook және Google брендтерінің ресми амбассадоры болған. Оның Қазақстан, Сауд Арабиясы және Жапония туралы түсірген бейнежобалары халықаралық аудиторияның қызығушылығын арттырып, аталған елдерге шетелдік туристер ағынының көбеюіне ықпал еткен.Алдағы екі күнде танымал блогерлер Қармақшы ауданындағы Қорқыт ата мемориалдық кешеніне бармақ. Сондай-ақ, Байқоңыр ғарыш айлағында деректі фильм түсіруді жоспарлауда.Ақпарат көзі : https://www.gov.kz/memleket/entities/kyzylorda/press/news/details/1236234?lang=ru

Қарулы күштердің Ұлттық әскери-патриоттық орталығында Қазақстан Республикасы Ұлттық қорғаныс университетінің «Бас штаб академиясы» факультетінің офицер-түлектері мен докторанттарын салтанатты түрде марапаттау рәсімі өтті.Іс-шараға Ұлттық қорғаныс университетінің басшылығы мен профессор-оқытушылар құрамы, өзге күштік құрылымдар басшылығының өкілдері, Қарулы күштердің ардагерлері және түлектердің туыстары қатысты.Қорғаныс министрі авиация генерал-лейтенанты Дәурен Қосанов Ұлттық қорғаныс университетінің елдің кадрлық әлеуетін нығайтудағы маңызды рөлін атап өтіп, мамандарды жоғары деңгейде даярлаған оқытушылар құрамына алғыс білдірді.– Әскери-стратегиялық ахуалдың қарқынды өзгеруі жағдайында мемлекетке терең білімді, стратегиялық ойлай алатын және ұлттық қауіпсіздік мүддесі жолында жедел әрі салмақты шешім қабылдауға қабілетті жоғары білікті әскери басшылар қажет. Сіздердің алған білімдеріңіз бен кәсіби дағдыларыңыз ең күрделі әрі жауапты міндеттерді абыроймен орындауға, Қарулы күштердің дамуына және елдің қорғаныс қабілетін нығайтуға қызмет етеді деп сенемін, – деді ведомство басшысы.Салтанатты жағдайда қорғаныс министрі авиация генерал-лейтенанты Дәурен Қосанов «Бас штаб академиясы» факультетінің түлектері мен Ұлттық қорғаныс университетінің докторанттарына оқу орнын тәмамдағаны туралы дипломдарды табыс етті.Түлектер атынан үздік диплом иегері, топ командирі полковник Ержан Ембергенов сөз сөйлеп, оқу орны ұжымына ризашылығын білдірді.– Ұлттық қорғаныс университетінде оқу біз үшін кәсіби әрі тұлғалық дамудың маңызды кезеңіне айналды. Біз білім мен тәжірибе жинақтап, еліміздің үздік оқытушылары мен әскери мамандарынан тәлім алдық. Мемлекет сенімін ақтап, Отанымыздың игілігі жолында қызмет ету әрбіріміз үшін – үлкен мәртебе әрі жауапкершілік, – деді Ержан Ембергенов.Түлектердің жақындары үшін де бұл күн қуанышқа толы болды. Нұрбаевтар отбасында ерлі-зайыптылардың екеуі де әскери қызметке өмірін арнаған. «Бас штаб академиясы» факультетінің магистрі подполковник Мерген Нұрбаев диплом алу бүкіл отбасы үшін маңызды оқиға болғанын атап өтті. Оның кәсіби жолында жұбайы – кіші сержант Жанар Нұрбаева әрдайым қолдау көрсетіп келеді.Магистр полковник Асхат Ұлубаевтың анасы Нұрипа Назарымбетова да қуанышын бөлісті.– Менің педагогикалық еңбек өтілім – 40 жыл. Балаларымның бойына әрдайым патриоттық сезімді сіңіріп, оларды Отан қорғауға дайын, елге адал азамат етіп тәрбиелеуге тырыстым. Бүгін отбасымыз үшін ерекше қуанышты күн. Ұлымның еліміздің жетекші әскери жоғары оқу орындарының бірі – Ұлттық қорғаныс университетін тәмамдап, магистр дәрежесін алғанын мақтан тұтамыз. Осы жылдарда оған қолдау көрсеттік. Бүгін міне, оның жетістігіне бірге куә болып отырғанымызға қуаныштымыз, – деді ол.Іс-шара Орталық әскери оркестрдің сүйемелдеуімен және Құрмет қарауыл ротасы әскери қызметшілерінің қатысуымен өтті. Салтанатты рәсімнен кейін қонақтар Әскери-тарихи музейге экскурсия жасады.Айта кетсек, ҚР Ұлттық қорғаныс университеті құрылғаннан бері жоғары буындағы әскери кадрларды даярлайтын маңызды білім ордасына айналды. Оқу орны Қарулы күштерге, басқа да әскерлер мен әскери құралымдарға мыңдаған офицер даярлады. Мұнда шетелдік әскери қызметшілер де білім алады.Ақпарат көзі : https://www.gov.kz/memleket/entities/mod/press/news/details/1236289?lang=ru

Алматы облысының Райымбек ауданында алғаш рет ауыл шаруашылығы форумы өтті. Шара ауданның 90 жылдық мерейтойы қарсаңында ұйымдастырылды. Онда тыңайтқыштар, дрондар және өсімдік шаруашылығына арналған заманауи технологиялар көрмесі ұсынылды. Жергілікті кәсіпкерлер өз өнімдерін таныстырып, шаруашылықтар ғылыми зерттеу институттарымен меморандумға қол қойды. Форумға шаруа қожалықтарының өкілдері, сала мамандары, ғалымдар мен аудан тұрғындары қатысты. Іс-шара ауыл шаруашылығы саласының әлеуетін арттыруға, кәсіпкерлер мен ғалымдар арасындағы байланысты нығайтуға бағытталды, – деп хабарлайды Алматы облысы әкімінің баспасөз қызметі. Райымбек ауданының тыныс-тіршілігі ауыл шаруашылығымен тікелей байланысты. Табиғат жағдайы, жердің құнарлылығы бұл бағытты дамытуға толық мүмкіндік береді. Форумда түрлі мемлекеттік бағдарламаларға қатысып, кәсібін дөңгелетіп отырған кәсіпкерлер өз жұмыстарын таныстырды. Олар ет, сүт, бал, балық өнімдерін өңдеп, халыққа ұсынып отыр. Солардың бірі – «Әшірақын Диас» ауылшаруашылық өндірістік кооперативі. Кәсіпорын 2025 жылдан бері жұмыс істейді. «Ауыл аманаты» бағдарламасы арқылы 27 млн теңге несие алып, осы қаражатқа қора-жай салып, 3000 бас тауық сатып алған. Қазіргі таңда Райымбек, Кеген аудандарын экологиялық таза тауық етімен, сапасы жоғары жұмыртқамен қамтамасыз етуде. Ал «Райымбек омарташылары» өндірістік кооперативі табиғи, қантсыз бал өнімін өндірумен айналысады. Қазіргі таңда онда 100-ден астам омарта бар. Балдан бөлек емдік қасиеті бар 15 түрлі өнім алынады. Болашақта омарта санын 500-ге дейін көбейтуді жоспарлап отыр. Кооператив басшысының айтуынша, бұл жаңа жұмыс орындарын ашуға, пайдалы әрі таза өнім көлемін арттыруға септігін тигізеді.Форум барысында ауыл шаруашылығы зерттеу институттары бұл саладағы топырақ деградациясы, мал ауруы және өзге де қауіп-қатерлердің алдын алуға бағытталған жобалары жайлы баяндады. Шаруалар институттармен келісімге келіп, бірігіп жұмыс істеуге уағдаласты. Сондай-ақ кәсіпкерлерге лизингке ауыл шаруашылығы техникалары берілді.Райымбек ауданының әкімі Дастан Құдабаевтың айтуынша, бүгінде бұл саланы дамытуға бағытталған тың бастамалар қолға алынған. Атап айтқанда, «Altyn DAN» ЖШС Орта Азиядағы танымал «PepsiCo Central Asia» компаниясы және «Magnum» сауда желісімен ірі жобаларды іске асыруда.  Бүгінгі таңда ауданда 2500 гектардан астам жерде су үнемдеу қондырғылары пайдаланылуда. Биыл тағы 1800 гектар аумаққа заманауи технологиялар орнатылмақ.Ирригация саласында 6 су қоймасы, 8 магистральдық канал мен 13 ішкі шаруашылық каналын қалпына келтіру бойынша жұмыстар жүргізілуде. Бұл ауданның ауыл шаруашылығы саласын әртараптандыруға,  экспорт әлеуетін арттыруға және су ресурстарын ұтымды пайдалануға жол ашады.Қазіргі таңда ауданда 66 мың ірі қара, 267 мың қой мен ешкі, 42 мың бас жылқы бар. 2316 шаруа қожалығы тіркеліп, жұмыс атқаруда.«Райымбек ауданында ірі қара малын асылдандыру және мал шаруашылығы өнімдерінің сапасын арттыру бағытында жүйелі жұмыстар жүргізілуде. Бүгінгі таңда ірі қара мал тұқымын асылдандырумен 12 шаруа қожалық, ал асыл тұқымды ұсақ мүйізді мал өсірумен 6 шаруа қожалық айналысуда. Онда «Ангус», «Герефорд», «Қазақтың ақ бас сиыры», «Қалмақ» тұқымды ірі қара, сондай-ақ «Архар меринос» және «Иль-де-Франс» тұқымды қойлары өсірілуде. Осы бағыттағы жұмысты жүйелеу мақсатында биыл аудан әкімдігі мен Қазақ ұлттық аграрлық университеті арасында мал тұқымын асылдандыру жөніндегі өзара ынтымақтастық туралы меморандум жасалды. Бұл келісімнің нәтижесінде университет ғалымдары шаруашылықтарда мал тұқымын жақсарту ісіне ғылыми жетекшілік жасап, әдістемелік қолдау көрсететін болады», – деді Дастан Сұлтанмұратұлы. Сондай-ақ шаруашылықтардың материалдық-техникалық базасына да тоқталып өтті. Айтуынша, соңғы жылдары ауданда 200-ге жуық трактор, 100-ден аса агрегат алынып, жаңарту көрсеткіші 60%-дан асқан. Алдағы уақытта мал бордақылау алаңдарын құру, егін және мал шаруашылығын жаңғырту жұмыстарын жандандыру жоспарланған.Форум ауыл шаруашылығы саласындағы өзекті мәселелерді талқылап, ғылым мен өндіріс арасындағы байланысты нығайтуға ықпал етті. Сондай-ақ шаруалардың тәжірибе алмасуына, жаңа жобалармен танысуына жағдай жасады. Сондықтан бұл форум алдағы уақытта дәстүрлі түрде жалғасын таппақ.Ақпарат көзі : https://www.gov.kz/memleket/entities/almobl/press/news/details/1236313?lang=ru

Бүгін Атырауда Парламент Сенатының Спикері Мәулен Әшімбаевтың төрағалығымен Қазақстан Республикасында Орнықты даму саласындағы ұлттық мақсаттар мен міндеттердің іске асырылуына мониторинг жүргізу жөніндегі Парламенттік комиссияның XII отырысы өтті. Жиында қатысушылар Орнықты даму мақсаттарына қол жеткізу аясында Каспий теңізі мен Жайық өзенінің су экожүйелерін орнықты басқару мәселелерін талқылады. Сондай-ақ сенаторлар өңір жұртшылығымен және бірқатар әлеуметтік, өндірістік нысандардың еңбек ұжымдарымен кездесті.Комиссия отырысында өңірдегі су бассейндерінің экологиялық ахуалына қатысты өзекті мәселелер қозғалды. Сенат Төрағасы ластану деңгейінің артуы, балық қорының азаюы және өңірдің экожүйесіне антропогендік әсердің күшеюі ерекше назар аударуды қажет ететінін атап өтті.- Президентіміз Қасым-Жомарт Кемелұлы Тоқаев Каспий теңізі деңгейінің төмендеуі әлдеқашан өңірлік шеңберден шығып, жаһандық сипат алғанын әрдайым айтып келеді. Осы сын-қатерді еңсеру үшін Қазақстан Каспий теңізінің су ресурстарын сақтау жөніндегі мемлекетаралық бағдарлама әзірлеуге бастамашы болды. Мемлекет басшысы су мәселері бойынша халықаралық күн тәртібін ілгерілету мақсатымен Шанхай ынтымақтастық ұйымы аясында Астанада Су проблемаларын талдау орталығын құруды да ұсынды. Сондай-ақ БҰҰ-ның мамандандырылған агенттігі ретінде Халықаралық су ұйымын құру бастамасын көтерді. Жайық өзеніне қатысты мәселе де аса өзекті. Бұл түйткілдерді бір-бірінен бөлек қарастыруға болмайды. Оларды шешу үшін ведомствоаралық үйлестіру, ғылыми негізделген шешімдер, сондай-ақ, жергілікті атқарушы органдардың, сарапшылар қауымдастығының, экологиялық қоғамдық ұйымдардың және халықаралық серіктестердің белсенді атсалысуы қажет, – деді Мәулен Әшімбаев.Кездесуде Каспий теңізіне қатысты мәселеде жүйелі тәсілдің жеткіліксіз екені де айтылды. Жайық өзенінің атырауы мен Маңғыстау облысының жағалауы маңында теңіз 30-35 шақырымға дейін шегініп, соның салдарынан топырақтың тұздануы, экожүйелердің тозуы және балықтардың уылдырық шашу орындарының қысқаруы байқалып отыр. Құрамында улы шөгінділері бар шаңды дауылдардың туындау қаупі артып отырғанына да мән берілді. Парламенттік комиссияның Төрағасы Каспий теңізі мен Жайық өзенін сақтау мәселесі ұзақмерзімді экологиялық қауіпсіздіктің, азаматтардың өмір сүру сапасының және бүкіл Каспий маңы өңірінің орнықты дамуының кепілі екенін тілге тиек етіп, Орнықты даму мақсаттарына қол жеткізу жолында мемлекет, ғылым, азаматтық қоғам, бизнес және халықаралық серіктестердің алдағы бірлескен жұмысының негізгі бағыттарын айқындап берді.Парламенттік комиссияның отырысына Парламент Сенаты мен Мәжілісінің депутаттары, Су ресурстары және ирригация министрі Нұржан Нұржігітов, Атырау облысының әкімі Серік Шәпкенов, сондай-ақ, Ауыл шаруашылығы, Экология және табиғи ресурстар, Ұлттық экономика министрліктерінің өкілдері қатысты.Іс-шарада БҰҰ Даму бағдарламасының Қазақстандағы Тұрақты өкілі Катаржина Вавьерниа, су ресурстарын басқару және климаттың өзгеру мәселелері жөніндегі халықаралық сарапшы, Орталық Азия су ресурстарын басқару және климаттың өзгеруі жөніндегі платформаның үйлестірушісі Болат Есекин, өңір әкімдіктерінің басшылығы, қоғамдық және халықаралық ұйымдардың өкілдері баяндама жасады.Мемлекеттік органдардың өкілдері мен сарапшылар алдағы бірлескен жұмысты ұйымдастыруға қатысты ұсыныстар мен бастамаларын ортаға салды. Сенат Төрағасы олардың іске асырылу барысы қоғамның және барлық мүдделі тараптың бақылауында болатынын атап өтті.Ақпарат көзі : https://www.gov.kz/memleket/entities/atyrau/press/news/details/1236361?lang=ru

Қазақстан Республикасы Парламенті Сенатының Төрағасы Мәулен Әшімбаев Атырау өңіріне жұмыс сапары аясында жастармен кездесті. Жиында Сенат Спикері жаңа Конституцияның негізгі қағидаттарына тоқталып, оны мемлекетті дамытудың және саяси жүйені жан-жақты жаңғыртудың ұзақмерзімді бағытын айқындайтын стратегиялық құжат деп атады. Сенат Төрағасы елімізде жүргізіліп жатқан ауқымды жаңғыртулардың қазіргі сын-қатерлерге жедел жауап бере алатын икемді мемлекеттік жүйе қалыптастыруға мүмкіндік беретінін айтты. Сонымен қатар ол жаңа Ата Заңның табысты іске асырылуы жастардың белсенділігіне, біліміне және жауапкершілігіне де байланысты екеніне тоқталды.- Президентіміз Қасым-Жомарт Кемелұлы Тоқаевтың бастамасымен 15 наурызда республикалық референдум өтті. Нәтижесінде халық Мемлекет басшысының бастамасын қолдап, еліміздің жаңа Конституциясы қабылданды. Жаңа Ата Заң биылғы 1 шілдеден бастап ресми түрде күшіне енеді. Шын мәнінде, бұл – нағыз Халық Конституциясы. Ол Тәуелсіздік, Мемлекеттілік және азаматтардың құқықтары мен мүдделері ең жоғары құндылық саналатын Әділетті Қазақстан құрудың жаңа кезеңіне жол ашты. Бүгінде жүзеге асырылып жатқан ауқымды реформалар мен жаңартылған институционалдық ортаның барлығы өскелең ұрпақтың игілігі үшін жасалып отыр. Жаңа Конституция жастарға зор мүмкіндіктер береді әрі үлкен жауапкершілік жүктейді. Сондықтан жас буын осы реформалардың тарихи маңызын терең түсініп, оны жүзеге асыруға белсенді қатысуы қажет, – деді Сенат Төрағасы.Мәулен Әшімбаев Әділетті Қазақстан құруда жастардың белсенді рөлі ерекше мәнге ие екенін айтып, мемлекет тарапынан көрсетіліп жатқан қолдау шараларына және ұлттың жаңа келбетін қалыптастыратын құндылықтарға назар аударды. Оның айтуынша, бұл бағыттағы басты бағдар – Мемлекет басшысы Қасым-Жомарт Тоқаевтың Абайдың «Толық адам» іліміне негізделген «Адал азамат» тұжырымдамасы. Аталған тұжырымдамада еңбекқорлық, адалдық, кәсіби біліктілік, үздіксіз білім алу және отаншылдық әр азамат үшін басты құндылықтар ретінде айқындалған.Ақпарат көзі : https://www.gov.kz/memleket/entities/atyrau/press/news/details/1236369?lang=ru

Атырау облысында Қазақстан Республикасы Ұлттық экономика вице-министрі Ерлан Сағнаевтың қатысуымен орнықты даму, кәсіпкерлікті қолдау және инвестициялар тарту мәселелеріне арналған бірқатар іс-шаралар өтті.Негізгі алаңдардың бірі ҚР Парламенті Сенатының Төрағасы Мәулен Әшімбаевтың төрағалығымен өткен Тұрақты даму саласындағы ұлттық мақсаттар мен міндеттердің іске асырылуын мониторингтеу жөніндегі Парламенттік комиссияның XII көшпелі отырысы болды. Талқылаудың басты тақырыбы Тұрақты даму мақсаттарына қол жеткізу аясында Каспий теңізі мен Жайық өзенінің су экожүйелерін орнықты басқару мәселесі болды.Қатысушылар су ресурстарын сақтау, өңірдің экологиялық тұрақтылығын қамтамасыз ету және Тұрақты даму мақсаттарының қағидаттарын еліміздің батыс өңірлерінің әлеуметтік-экономикалық дамуына ықпалдастыру мәселелерін қарастырды.Сонымен қатар, жұмыс сапары аясында вице-министр Атырау облысының бизнес өкілдерімен кездесті.Өңір кәсіпкерлерімен өткен кездесуде бизнесті мемлекеттік қолдаудың қолданыстағы шаралары, сондай-ақ іскерлік ахуалды одан әрі жетілдіру жөніндегі жоспарлар таныстырылды. Іс-шараға Атырау облысы әкімінің орынбасары Марат Мурзиев қатысты.Бүгінде өңірде 57,5 мың кәсіпкерлік субъектісі жұмыс істейді. 2026 жылғы қаңтар–сәуір айларында тартылған инвестициялар көлемі 408,3 млрд теңгені құрады. Жыл соңына дейін жалпы құны 717 млрд теңге болатын 21 инвестициялық жобаны іске асыру жоспарлануда.Ерлан Сағнаев атап өткендей, Ұлттық экономика министрлігі шағын және орта бизнесті дамыту үшін қолайлы жағдайлар жасау бағытындағы жұмысты жүйелі түрде жалғастыруда.«Министрлік шағын және орта бизнес үшін барынша ашық әрі ынталандырушы орта қалыптастыруға бағытталған. Биыл мемлекеттік қолдау құралдары аясында Атырау облысына 10 млрд теңге бөлініп, сондай-ақ 12,1 млрд теңге көлемінде кредиттік кепілдіктер берілді. Бұл – іскерлік белсенділікті арттыруға және жаңа өндірістерді іске қосуға бағытталуы тиіс нақты ресурстар», – деп атап өтті вице-министр.Ашық диалог барысында бизнес өкілдері «Іскер аймақ» өңірлік бағдарламасын іске асыру, әлеуметтік кәсіпкерлікті дамыту, салық заңнамасын жетілдіру, қаржылық қолдау тетіктері және отандық өндірушілердің мемлекеттік сатып алуларға қолжетімділігін кеңейту мәселелерін көтерді.Өнеркәсіп секторын дамыту мәселелеріне де ерекше назар аударылды. «Гранд Материк» ЖШС, «Талшықтекс» ЖШС және «Кенен Интернешнл Кетринг» ЖШС кәсіпорындарының алаңдарында өндірістерді жаңғырту, жергіліктендіру деңгейін арттыру және отандық компаниялардың экспорттық мүмкіндіктерін кеңейту перспективалары талқыланды.Кездесулер қорытындысы бойынша кәсіпкерлікті одан әрі дамытуға, инвестициялар тартуға және өңір экономикасының бәсекеге қабілеттілігін арттыруға бағытталған бірқатар ұсыныстар әзірленді.Ақпарат көзі : https://www.gov.kz/memleket/entities/economy/press/news/details/1236499?lang=ru

Астанада Қазақстан Республикасы Ұлттық қорғаныс университетінің түлектеріне диплом тапсыру сәті салтанатты түрде өтті.Іс-шараға Қорғаныс министрінің бірінші орынбасары – Қарулы күштер Бас штабының бастығы генерал-лейтенант Қаныш Әбубәкіров, Қырғызстан, Тәжікстан және Өзбекстан дипломатиялық корпусының өкілдері, Қарулы күштер түрлерінің бас қолбасшылары, әскер тектерінің қолбасшылары, өзге де күштік құрылымдардың басшылығы, Қарулы күштердің ардагерлері сондай-ақ түлектердің туған-туыстары мен жақындары қатысты.– Сіздер кәсіби тұрғыда қалыптасудың тағы бір маңызды кезеңінен өттіңіздер. Меңгерген білімдеріңіз бен жинаған тәжірибелеріңіз Отанға адал қызмет етуге, елдің қорғаныс қабілетін нығайту және ұлттық қауіпсіздікті қамтамасыз ету міндеттерін жемісті орындауға ықпал етеріне сенімдімін. Сіздерге зор денсаулық, жаңа кәсіби жетістіктер, мансаптық өсу және Отан қорғаушының жоғары миссиясын абыроймен атқаруға тілектеспін, – деді генерал-лейтенант Қ. Әбубәкіров.Дәстүр бойынша түлектер әскери ұжымның қасиетті нышаны, ар-намыс, ерлік пен даңқтың символы саналатын университеттің Жауынгерлік Туымен қоштасты.– Екі жылғы қарқынды оқу, сабақтар мен емтихандар артта қалды. Осы уақыт ішінде алған біліміміз бен дағдыларымыз кәсіби құзіреттерімізді едәуір арттырып, қауіпсіздік пен қорғаныс саласындағы заманауи сын-қатерлерге стратегиялық көзқарасымызды кеңейтті. Осы жолда бізге қолдау көрсетіп, кәсіби қалыптасуымызға үлес қосқан барша жанға алғысымды білдіремін, – деді Әуе қорғанысы күштерінің әскери қызметшісі, магистрант майор Саян Қөпбосынов.Қазақстан Республикасының Ұлттық қорғаныс университеті – Қарулы күштер, басқа да әскерлер мен әскери құралымдар үшін жедел-тактикалық және жедел-стратегиялық басқару буындарына жоғары білікті кадрлар даярлайтын еліміздің жетекші әскери оқу орны. Биыл білім ордасын 161 магистрант тәмамдады. Олардың қатарында Ұжымдық қауіпсіздік туралы шарт ұйымына мүше мемлекеттерден: Тәжікстаннан – 10, Қырғызстаннан – 5 түлек болды. Сонымен қатар, Өзбекстан елінің 2 өкілі де оқуды тәмамдады.– Университеттің профессорлық-оқытушылық құрамына жоғары кәсібилігі, баға жетпес тәжірибесі, қолдауы мен тәлімгерлігі үшін алғыс айтамыз. Біз, шетелдік тыңдаушылар үшін, бұл уақыт Ұлттық қорғаныс университетінде білім алу жаңа құзіреттерді игерудің және практикалық тәжірибе жинақтаудың маңызды кезеңіне айналды. Өзімізбен бірге білім ғана емес, екі ел арасындағы ынтымақтастықты одан әрі дамытуға ықпал ететін кәсіби байланыстарды да алып кетеміз, – деді Өзбекстаннан келген әскери қызметші майор Рустам Якушкин.Салтанатты шара түлектердің саптық алаң бойымен салтанатты маршпен өтуімен жалғасты. Құрмет қарауыл ротасының әскери қызметшілері қарумен дефиле көрсетіп, жоғары саптық даярлық пен іс-қимыл үйлесімділігін көрсетті.Қонақтарға Қарулы күштер Ұлттық әскери-патриоттық орталығы Орталық ансамблінің өнерпаздары концерттік бағдарлама қойды.Ақпарат көзі : https://www.gov.kz/memleket/entities/mod/press/news/details/1236500?lang=ru

Алматы облысының Райымбек ауданында өңірде алғаш рет кендір (лен) дақылын өсіру ісі қолға алынды. Жобаны жергілікті шаруалар Қытай инвесторларымен бірлесіп іске асыруда. Былтыр жер жырту жұмыстары жүргізілсе, биылғы көктемде 250 гектар аумаққа аталған дақылдың тұқымы егілді. Егер жақсы өнім берсе, жер аумағын 3000 гектарға дейін кеңейтіп, терең өңдейтін зауыт салу жоспарлануда, – деп хабарлайды Алматы облысы әкімінің баспасөз қызметі.Облыс әкімі Марат Сұлтанғазиев егістік алқабына арнайы барып, жұмыс барысымен танысты. «Кендір көбіне еліміздің солтүстік өңірлерінде егіледі. Ал Алматы облысында бірінші рет тәжірибеден өтуде. Бұл – өте жақсы бастама. Себебі тұқым ауданның табиғи ерекшелігіне бейім екенін байқап отырмыз. Күзде жақсы өнім алынады деген ойдамыз. Оның үстіне алқапта заманауи технологиялар жұмыс істеп тұр. Бұл тек бастамасы ғана. Алдағы уақытта ауқымы бірнеше есе көбеюі мүмкін. Жобаға жалпы құны 4 млрд теңге инвестиция салынады. Ал әкімдік тарапынан тиісті қолдау көрсетілетін болады», – деді аймақ басшысы.Мамандардың айтуынша, кендір – экологиялық таза, қайта өңдеуге бейім, адам денсаулығына пайдалы табиғи өнім. Оның тұқымынан май, косметикалық өнімдер мен мал азығы алынады. Ал сабағынан киім-кешек, тоқыма бұйымдары, қап және орау материалдары дайындалады. Егер жоба толық іске қосылса, бұл жаңа жұмыс орындарының ашылуына мүмкіндік береді. Қазірдің өзінде алқапта 10 адам еңбек етуде. Сондай-ақ бастама урбанизацияны азайтып, халықтың туған жерінде тұрақтап қалуына септігін тигізеді.Ақпарат көзі : https://www.gov.kz/memleket/entities/almobl/press/news/details/1236620?lang=ru

Бүгін облыс әкімі Мұрат Ергешбаевтың төрағалығымен кадрлық өзгерістерге байланысты мәжіліс өтті. Онда әріптестері осы уақытқа дейін облыс әкімінің орынбасары қызметін атқарған Ардақ Темірханұлы Зебешевті Қазақстан Республикасы Сыртқы істер министрлігі Инвестиция комитетінің төрағасы лауазымына тағайындалуына байланысты құрметпен шығарып салды.Аймақ басшысы Ардақ Темірханұлының өңірдің әлеуметтік-экономикалық дамуына, инвестициялық әлеуетін арттыруға және кәсіпкерлікті қолдауға қосқан елеулі үлесін атап өтіп, жаңа қызметіне сәттілік тіледі.«Ардақ Темірханұлы 2024 жылдың ақпан айынан бері облыс әкімінің орынбасары ретінде инвестиция тарту және кәсіпкерлік салаларына жетекшілік етті. Оның үйлестіруімен өңірдің инвестициялық ахуалын жақсартуға бағытталған жүйелі жұмыс жүргізіліп, Мемлекет басшысының инвестициялық экожүйені қалыптастыру жөніндегі тапсырмаларын іске асыруда нақты нәтижелерге қол жетті.Осы кезеңде өңірге 1,4 трлн теңгеден астам инвестиция тартылып, соңғы екі жылда жалпы құны 339 млрд теңгеден асатын 48 инвестициялық жоба жүзеге асты. Нәтижесінде жаңа өндіріс орындары ашылып, халықаралық әріптестік байланыстар аясы кеңейді», – деді Мұрат Нәлқожаұлы.Ардақ Зебешевтің жетекшілігімен «Қорқыт Ата» арнайы экономикалық аймағын құру жұмыстары жоғары деңгейде ұйымдастырылды. Шетелдік инвесторлармен нәтижелі келіссөздер жүргізіліп, испаниялық «Roca Group» компаниясының санитарлық-техникалық өнімдер шығаратын зауыты мен швейцариялық «Harvest Group» компаниясының агроиндустриялық кластер құру жобалары бастау алды.Қытай Халық Республикасымен ауыл шаруашылығы, құрылыс салаларына озық технологиялар енгізуге бағытталған 9 келісімшартқа қол қойылды. Энергия үнемдейтін шыны өндірісі, заманауи кірпіш зауыты, кондитерлік және макарон өнімдерін шығаратын өндірістік кешендер іске қосылды.Бұдан бөлек, Сыр өңірінің мәдениетін халықаралық деңгейде насихаттау және ынтымақтастықты дамыту бағытында Финляндия, Эстония, Испания, Швейцария және Франция мемлекеттерінде өткен өнер күндерінің жоғары деңгейде ұйымдастырылуына үлес қосты.Ардақ Темірханұлына Премьер-министрдің бірінші орынбасары Нұрлыбек Машбекұлының Алғыс хаты, Сыр елінің әлеуметтік-экономикалық дамуына қосқан ерекше үлесі үшін Қызылорда облысының Құрмет грамотасы және «Қызылорда облысының дамуына қосқан үлесі үшін» медалі табысталды.Сонымен қатар, мәжілісте Қызылорда облысы прокурорының бірінші орынбасары Исламбек Төлегеновтің құрметті зейнет демалысына шығуына орай, Қазақстан Республикасы Бас прокурорының бұйрығымен облыс прокурорының бірінші орынбасары болып тағайындалған Дүйсенбаев Нұрболат Серікұлы таныстырылды.Ақпарат көзі : https://www.gov.kz/memleket/entities/kyzylorda/press/news/details/1236743?lang=ru

Премьер-министрдің орынбасары – ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсесінің 17-ші отырысында Мемлекеттік кірістер комитетінің Салық төлеуші кабинетіндегі жаңа сервистің жобасы таныстырылды. Ол еңбекақы төлеу қорынан есеп айырысу мен міндетті төлемді жұмыс берушінің бір рет қолмен басу арқылы орындауына мүмкіндік береді.Еңбекақы төлеу қорынан салықтар мен әлеуметтік төлем тетігін жеңілдету мәселесін кәсіпкерлер мен бухгалтерлік қауымдастық бірнеше рет көтеріп, ол бұрын Жобалық кеңсе алаңында қарастырылған болатын.Бүгінгі таңда жұмыс берушілер жұмысшыларға арнап, шамамен 7-8 түрлі әлеуметтік төлемді жүзеге асырады. Олардың әрқайсысы жеке әдістемемен есептеледі. Жаңа сервис қолданыстағы жеңілдіктер мен қызметкерлердің жекелеген санатының ерекшелігін ескере отырып, барлық қажетті төлемді автоматты түрде есептеуге, сондай-ақ төлем құжатын банкке жіберуге мүмкіндік береді.Мемлекеттік ақпараттық жүйелерге интеграцияның арқасында сервис қызметкерлердің мәртебесіне сай тиісті есептеу режимін қолдана алады. Сондай-ақ, жұмыс уақытының табелін жүргізу мүмкіндігі қарастырылған, соның негізінде қажетті есептеулер автоматты түрде орындалады.Сервисті енгізу шағын және орта бизнес субъектілерінің әкімшілік жүктемесін айтарлықтай төмендетеді, мәселен, 200.00 нысанын ұсыну қажеттілігінен бас тартуға болады.Мемлекеттік кірістер комитетінің төрағасы Жандос Дүйсембиев атап өткендей, сервисті енгізу толығымен ерікті түрде жүргізіледі. Бірінші кезеңде сервисті шағын және орта бизнес субъектілері пайдаланса, кейіннен бухгалтерлік жүйемен интеграцияланып, ірі кәсіпорындарға да таратылады.Сервис әлеуметтік төлем бойынша есеп айырысуды автоматтандыруға, құжатты толтыру кезінде қатені азайтуға және жұмыс беруші мен қызметкердің арасындағы есеп айырысудың ашықтығын арттыруға мүмкіндік береді.Бұл қызмет осы жылы қыркүйекте пилоттық жоба ретінде іске қосылады. Сынақтан сәтті өткен жағдайда, 2027 жылғы қаңтардан бастап тұрақты енгізіледі.Сондай-ақ отырыста Ипотекалық тұрғын үй қарызын қайта қаржыландыру бағдарламасы шеңберінде жеке тұлғаның кредит (қарыз) бойынша міндеттемесі тоқтатылған жағдайда жеке табыс салығы салынбайтын кірістер тізбесін кеңейту мәселесі қаралды.Мемлекеттік органдар толықтырулар енгізу қажеттілігі тұрғысынан, оның ішінде отбасының әлеуметтік картасы бойынша базалық тәсілді, сондай-ақ кредиттер (қарыздар) беру кезінде алаяқтық схемалар салдарынан зардап шеккен жеке тұлғалардың болуын ескере отырып, қолданыстағы ерекшеліктерге орай, кірістерге салық салуды бірлесіп қарайды.Бұдан басқа, отырысқа қатысушылар салық органдарының шетелдік азаматтарға Қазақстан Республикасының резиденті деген сертификат беруін қайтадан бастау туралы ұсынысты қолдады. Бұрын қолданыста болған тетікке қайта оралу қажеттілігі шетелдік клиенттердің салық мәртебесін айқындау және банк салымы бойынша тиісті салық салу режимін қолдану кезінде екінші деңгейлі банктерде туындайтын мәселелерге байланысты болып отыр.Отырысқа қатысушылар екінші деңгейлі банктердің ұсынысын қолдады.Ақпарат көзі : https://www.gov.kz/memleket/entities/economy/press/news/details/1236819?lang=ru

Алматыда өткен III республикалық сарбаз аналары форумында мерзімді әскери қызметшілер арасында жүргізілген сауалнама нәтижелері таныстырылды. Оның негізінде командирлер рейтингі жасалды.Бастама әскери ұжымдарда қолайлы ахуал жасаудағы офицерлердің рөлін арттыруға, командирлер мен жеке құрам арасындағы сенімді нығайтуға, сондай-ақ әскери қызметшілермен озық жұмыс тәжірибелерін таратуға бағытталған.Армия үйінде өткен III республикалық сарбаз аналары форумы әскери-патриоттық тәрбие мен мерзімді әскери қызметшілермен жүргізілетін жұмыстың өзекті мәселелерін талқылау алаңына айналды.Іс-шара 28 гвардияшы-панфиловшылар саябағындағы Мәңгілік алауға гүл шоқтарын қою рәсімінен басталды. Қатысушылар қаза тапқан батырларды бір минут үнсіздікпен еске алды.Қоғамдық диалогқа Қорғаныс министрінің тәрбие және идеологиялық жұмыс жөніндегі орынбасары генерал-майор Асқар Мұстабеков қатысты. Ол бұл кездесу мемлекеттік органдар мен қоғамдық ұйымдар арасында тәжірибе алмасуға, өзара іс-әрекеттің жаңа тетіктерін іздеуге және әскери-патриоттық тәрбиені ілгерілетуге бағытталған ұсыныстар әзірлеуге ықпал ететініне сенім білдірді.Бұл форум Қарулы күштер, Ұлттық ұлан, ҰҚК Шекара қызметі, Төтенше жағдайлар министрлігі, әскери прокуратура органдары, қоғамдық ұйымдар мен бұқаралық ақпарат құралдарының өкілдерін біріктірген ашық диалог алаңына айналды.Қорғаныс министрінің кеңесшісі Айгерім Ағылтаева өз сөзінде сындарлы диалогты дамыту арқылы әскердің оң имиджін нығайтудың маңызын атап өтті. Оның пікірінше, проблемалық мәселелерді атқарушы органдармен, білім беру және денсаулық сақтау ұйымдарымен қоса, ата-аналар қауымдастығымен бірлесіп қарастырып, оларды шешу жолдарын бірге іздеу қажет.Әскерге шақыру науқанын ұйымдастыру, әскери-патриоттық тәрбие беру және сарбаздардың отбасыларымен өзара іс-қимыл жасау тәжірибесімен мемлекеттік органдар мен күштік құрылымдардың өкілдері бөлісті.Кездесуге қатысушылар командирлердің тәртіпті сақтау, моральдық-психологиялық ахуалды қамтамасыз ету және әскери ұжымдардың бірлігін нығайтудағы рөлі мен жауапкершілігіне ерекше назар аударды.«Аналар жүрегі» сарбаз аналары комитетінің төрайымы Лилия Хайруллина форумның «Патриотизм мен Отанға деген сүйіспеншілік – әрбір командирдің міндеті» деп аталуы кездейсоқ емес екенін атап өтті.– Биыл мерзімді әскери қызметшілер арасында сауалнама жүргіздік. Нәтижесінде сарбаздар құрметтейтін әрі жоғары бағалайтын командирлер анықталды, – деді ол.Лилия Хайруллинаның сөзінше, бұл рейтинг үздік офицерлер тізімі ғана емес, сонымен қатар жеке құрамның командирлерге деген сенім деңгейін және бөлімшелерде қолайлы жағдай жасау жолындағы күнделікті еңбегін көрсетеді.Моральдық-психологиялық ахуалды нығайтуға қосқан үлесі, қоластындағыларға деген қамқорлығы және сарбаздардың сеніміне ие болған үздік командирлерге «Аналар жүрегі» сарбаз аналары комитетінің алғыс хаттары табысталды.Шара соңы Қарулы күштер Ұлттық әскери-патриоттық орталығының, Ұлттық ұланның және ҰҚК Шекара қызметінің шығармашылық ұжымдары дайындаған концерттік бағдарламамен аяқталды.Ақпарат көзі : https://www.gov.kz/memleket/entities/mod/press/news/details/1237052?lang=ru

 Арнайы мақсаттағы бөлімшелер елдің күштік құрылымдарындағы элиталық топ саналады. Оларды жоғары деңгейдегі кәсіби даярлық, мінсіз машық, ең күрделі жағдайларда әрекет ету қабілеті және бірнеше секунд ішінде шешім қабылдай білу ерекшелейді.Арнайы жасақ әскери қызметшілері мен қызметкерлеріне ұлттық қауіпсіздікті қамтамасыз ету, терроризм мен экстремизмге қарсы күрес, мемлекеттің егемендігін қорғау және азаматтардың қауіпсіздігін сақтау сияқты маңызды міндеттер жүктелген.Арнайы берет кию құқығына арналған біліктілік сынақтары арнайы мақсаттағы бөлімшелер әскери қызметшілерінің кәсіби шеберлігі мен жоғары жауынгерлік дайындық деңгейінің символы болып табылады. Бұл күштік құрылымдардағы ең күрделі сынақтардың бірі саналады және үміткерлерден ерекше төзімділікті, психологиялық тұрақтылықты, тактикалық, атыс және арнайы дайындықтың жоғары деңгейін талап етеді. Арнайы беретті кию құқығына тек ең үздіктер ғана ие болады. Сол арқылы олар ең жауапты міндеттерді орындауға дайын екенін дәлелдейді.Қазақстандық арнайы жасақтың жоғары дайындық деңгейі халықаралық аренада да мойындалған. Қарулы күштер мен елдің басқа да күштік құрылымдары арнайы мақсаттағы бөлімшелерінің әскери қызметшілері беделді халықаралық жарыстар мен оқу-жаттығуларда үнемі жоғары нәтижелер көрсетіп келеді. Осы жетістіктердің ішінде Дубайда өткен арнайы бөлімшелердің халықаралық жарыстарындағы қазақстандық командалардың табысты өнер көрсетуі ерекше орын алады. Онда біздің әскери қызметшілер ең мықты қатысушылар қатарынан көрініп, жауынгерлік дайындықтың жоғары деңгейін, іс-қимылдардың үйлесімділігін және кәсіби шеберліктерін дәлелдеді.Биылғы жылы әлемнің ең үздік арнайы мақсаттағы бөлімшелерін біріктірген халықаралық UAE SWAT Challenge 2026 турнирінде қазақстандық командалар үздік нәтиже көрсетті. Жарысқа 48 мемлекеттің 109 командасы қатысты. Соның ішінде Қазақстан өкілдері жалпы есепте бірінші және екінші орындарды иеленді. Сонымен қатар, «Томирис» командасы турнирдегі әйелдер командалары арасында үздік атанып, жоғары дайындық деңгейін көрсетіп, көптеген ерлер бөлімшелерінен де озып шықты.Бүгінгі таңда арнайы мақсаттағы бөлімшелер өз дағдыларын жетілдіруді жалғастырып, заманауи технологияларды меңгеріп, жауынгерлік әлеуетін нығайтып келеді. Олар қазіргі заманғы қауіп-қатерлер жағдайында мемлекеттің сенімді қалқаны болып қала береді.Арнайы мақсаттағы бөлімшелер күніне орай барлық әскери қызметшілер мен арнайы жасақ қызметкерлеріне ерлігі, жанқиярлығы және борышына адалдығы үшін шынайы алғыс білдіреміз. Оларға мықты денсаулық, амандық, жаңа кәсіби жетістіктер және Қазақстан Республикасына қызмет етуде табыс тілейміз.Ақпарат көзі : https://www.gov.kz/memleket/entities/mod/press/news/details/1237308?lang=ru

Алматы облысында әлеуметтік маңызы бар азық-түлік тауарларының бағасын тұрақтандыру бағытындағы бақылау жұмыстары барысында бірқатар ірі сауда субъектілерінің заң талаптарын бұзғаны анықталды. Атап айтқанда, ЖК «Омаров», «Iceberg Distribution» ЖШС және «Ар Диас» ЖШС әлеуметтік маңызы бар азық-түлік өнімдерін төмен бағада сатып алып, оларды басқа сауда субъектілеріне 17%-дан 86%-ға дейінгі негізсіз сауда үстемесімен қайта сатқан.Аталған фактілер бойынша жоспардан тыс тексерулер жүргізіліп, заңнама талаптарын бұзған субъектілерге айыппұл салынды. Жыл басынан бері жүргізілген бақылау іс-шаралары нәтижесінде 171 сауда субъектісіне қатысты 643 әкімшілік хаттама толтырылып, жалпы сомасы 3,4 миллион теңгеден астам айыппұл салынды. Оның 467-сі әлеуметтік маңызы бар азық-түлік тауарларына белгіленген шекті сауда үстемесін асыру фактілері бойынша рәсімделсе, 176 хаттама сауда қызметі туралы заңнама талаптарын бұзуға қатысты толтырылған.Жыл басынан бері тексеру барысында бір сауда желісі, бір көтерме сауда орны және 11 сауда субъектісі әлеуметтік маңызы бар азық-түлік тауарларына 40%-дан 203,8%-ға дейін негізсіз үстеме қосқаны анықталды.Сонымен қатар, өңірлік комиссияның жұмысы аясында «Алтын Орда» базарындағы 13 сауда субъектісіне жоспардан тыс тексеру жүргізіліп, нәтижесінде азық-түлік бағасының өсуіне әсер еткен 7 тиімсіз делдалдың қызметі тоқтатылды.Қазіргі уақытта өңірде өндірушілер мен ірі жеткізушілердің тізімі қалыптастырылып, электрондық шот-фактуралар арқылы делдалдық схемаларды анықтау және жою жұмыстары жалғасуда. Бұл шаралар нарықтағы ашықтықты арттыруға, бағаның негізсіз өсуіне жол бермеуге және тұрғындарды қолжетімді азық-түлікпен қамтамасыз етуге бағытталған.Ақпарат көзі : https://www.gov.kz/memleket/entities/mti/press/news/details/1237358?lang=ru

Премьер-министр Олжас Бектеновтің төрағалығымен өткен Үкімет отырысында туристік саланы дамыту мәселелері қаралды. Жиында туризм және спорт министрі Ербол Мырзабосынов, көлік министрі Нұрлан Сауранбаев, экология және табиғи ресурстар министрі Ерлан Нысанбаев, ішкі істер министрі Ержан Сәденов, төтенше жағдайлар министрі Шыңғыс Әрінов, сондай-ақ «Kazakh Tourism Development» АҚ басқарма төрағасы Ержан Еркінбаев және Қарағанды, Ақмола, Маңғыстау, Жетісу облыстарының әкімдері баяндама жасады.Олжас Бектенов Президент туризм саласын және тиісті инфрақұрылымды дамыту мәселелеріне ерекше көңіл бөліп отырғанын баса айтып, еліміздің инвестициялық тартымдылығы үшін аталған саланың маңызды екеніне тоқталды.«Туристік саланы дамыту мәселесі Мемлекет басшысының тұрақты бақылауында. Президент Алатау қаласын дамыту жөніндегі кеңесте туризм инвестициялық тартымдылықтың өте маңызды бөлігі екенін атап өтті. Ол үшін жұрт жаз айларында ғана емес, жыл бойы демалатындай жағдай жасап, тиісті инфрақұрылымды дамыту қажет», — деп атап өтті Премьер-министр.Туризм және спорт министрлігінің мәліметі бойынша, 2025 жылы орналастыру орындары қызмет көрсеткен ішкі туристер саны 8,7 млн адамды құраған, бұл өткен жылғы көрсеткіштен 12%-ға артық. Шетелдік келушілер саны 2024 жылмен салыстырғанда 500 мың адамға артып, 15,7 млн адамға жеткен. 2025 жылдың қорытындысы бойынша салаға тартылған инвестиция көлемі 33%-ға өсіп, 1,3 трлн теңгені құрады.Елімізде Президенттің саланы дамыту жөніндегі тапсырмаларын жүзеге асыру мақсатында Премьер-министрдің орынбасары – мәдениет және ақпарат министрі Аида Балаеваның төрағалығымен Жедел үйлестіру кеңесі жұмыс істейді. Туристік нысандардағы инфрақұрылым мен қызмет көрсету саласына тұрақты негізде тексерулер жүргізіліп келеді.Сонымен қатар, Премьер-министр өңірлерде оң серпін бар екенін, бірақ ол қарқынның жеткіліксіз екенін атап өтті. Мемлекет басшысы жуырда Алматы облысына барған жұмыс сапарында туристік саланың дамуын сынға алды. Президент өңірдің туристік әлеуеті мен инфрақұрылымын жедел қарқынмен дамыту қажеттігін атап өтті. Мұндай жағдай басқа облыстарда да байқалады.Сондықтан Премьер-министр барлық әкімдікке туристердің жайлы әрі қауіпсіз демалысын қамтамасыз етіп, көрсетілетін қызметтердің сапасын жақсартуға бағытталған тиісті инфрақұрылымды жедел қарқынмен дамытуды тапсырды. Туристік саланың жай-күйі әкімдердің тұрақты бақылауында болуы тиіс.Үкімет отырысында туристік ірі жобаларды жүзеге асыруға ерекше назар аударылды. Атап айтқанда, Almaty SuperSki тау шаңғысы кластерін құру жобасын жүзеге асыру барысы қаралды. «Kazakh Tourism Development» АҚ басқарма төрағасы Ержан Еркінбаевтың деректері бойынша жоба аясында күніне 10 мың адамнан асатын 60 шақырым тау-шаңғы трассасы, заманауи 11 аспалы жолын, сондай-ақ инфрақұрылым нысандарын салу жоспарланған. Экология және табиғи ресурстар министрі Еран Нысанбаев ғалымдар және жетекші эколог мамандармен бірлесіп жан-жақты зерттеу жұмысы жүргізілгенін, оның қорытындысы бойынша жобаны жүзеге асыру қоршаған ортаға кері әсер етпейтіні анықталғанын айтты.Олжас Бектенов жобаны уақтылы жүзеге асырудың маңыздылығын атап өтті. Премьер-министр жобаны жүзеге асырудың барлық кезеңінде жұртшылық арасында тұрақты негізде түсіндіру жұмыстарын жүргізіп отыруды тапсырды. Премьер-министр сонымен қатар әлемдік туристік индустрияның қарқынды дамып келе жатқан бағыттарының бірі ретінде экотуризмді дамыту жөнінде шаралар қабылдау қажеттігіне назар аударды. Халықаралық сарапшылардың бағалауынша, жаһандық экологиялық туризм нарығы 2034 жылға қарай $660 млрд-тан асуы мүмкін. Былтыр Қазақстандағы экотуристер саны 3,6 млн адамнан асты. Бұл ретте елімізде Шарын шатқалы, Көлсай көлдері, сондай-ақ Алтын-Емел, Іле-Алатауы, Бурабай, Баянауыл ұлттық табиғи парктері мен басқа да керемет табиғи байлықтарымыз бар.Олжас Бектенов бұл аумақтарды дамыту және инвесторларды тарту жұмыстары қосымша назар аударуды қажет ететінін атап өтті. Туристік әлеуетті одан әрі аша түсу үшін жаңа заманауи жобаларды жүзеге асыру қажет екені атап өтілді. Осыған байланысты Туризм және спорт, Экология және табиғи ресурстар министрліктері мен әкімдіктерге бір ай мерзімде нақты ұсыныстар енгізу тапсырылды.Жазғы туристік маусымға дайындық маңызды бағыт болып қала береді. Олжас Бектенов демалушылардың қауіпсіздігін қамтамасыз ету бойынша қосымша алдын алу шараларын қабылдау қажеттігін атап өтті. Су айдындарындағы қауіпсіздік ережелері мен өрт қауіпсіздігі талаптарын сақтау бойынша түсіндіру жұмыстарын жүйелі негізде жүргізу және Барлық жедел әрекет ету қызметтері жоғары дайындық және мониторинг режиміне көшірілуі тиіс екенін атап өтілді. Сонымен қатар Премьер-министр туристер үшін бағыт-бағдар көрсеткіштері, демалыс аймақтарында санитариялық талаптардың сақталуы және жауапты қызметтердің жұмысын үйлестіру мәселелеріне ерекше назар аударды. Барлық демалыс орындарында, саябақтарда және жағажай аймақтарында әртүрлі тілдерде арнайы ақпараттық белгілер, схемалар мен бағыт-бағдар көрсеткіштері орнатылуға тиіс. Туристердің қауіпсіз әрі жайлы демалысы осы саланың негізгі стандартына айналуға тиіс.Осыған байланысты Жедел үйлестіру штабына мұны ерекше бақылауға алу тапсырылды.Отырыс қорытындысы бойынша Премьер-министр мемлекеттік органдар мен мүдделі ұйымдарға бірқатар тапсырма берді.«Бірінші. Халықтың тарапынан танымал әрі шалғайдағы туристік бағыттарға көлікпен қатынаудың қиындығы туралы шағымдар келіп түсуде. Әуе және теміржол билеттерінің тапшылығы мен бағасының қолжетімділігі де алаңдаушылық туғызады», — деп атап өтті Олжас Бектенов.Көлік министрлігіне әуе компанияларымен және «Қазақстан темір жолымен» бірлесіп, демалушылар үшін қолайлы бағамен танымал курорттық бағыттарға рейстердің және орындар санын арттыру шараларын қабылдау тапсырылды.Екінші. Экология министрлігі 10 облыста инвестициялық әлеуеті жоғары негізгі ұлттық парктерді айқындады. Сондай-ақ парктерді дамытуға мүдделі инвесторлар да бар.Барлық тиісті мемлекеттік органдарға басы артық бюрократиясыз, оларды тез арада жүзеге асыру үшін жан-жақты қолдау көрсету тапсырылды.Үшінші. Туристік маусымның нағыз қызған шағында демалушыларды орналастыру үшін орын тапшылығы қатты байқалады.Көптеген адамдар арнайы жабдықталмаған демалыс орындарын пайдалануға мәжбүр.Өңір әкімдіктері шұғыл түрде шатырлар мен автоүйлерде кемпингтік демалысқа арналған тұрақтардың немесе алаңдардың тиісті инфрақұрылымын қамтамасыз етуі қажет.«Қорытындай келе, тағы бір маңызды мәселеге назар аударамын. Туризм саласы қарқынды дамыған елдерде демалыс сапасы көбіне жайлы қонақ үйлермен немесе әралуан туристік бағыттармен, экскурсиялық бағдарламалармен ғана емес, келушілерге күнделікті қызмет көрсететін мамандардың кәсіби деңгейімен де айқындалады. Бұл жергілікті тұрғындардың қонақжайлық қасиетіне де тікелей байланысты», — деп атап өтті Премьер-министр.Осы орайда, Туризм министрлігіне әкімдіктермен және туристік компаниялармен бірге өз жұмыстарында демалушыларға көрсетілетін қызмет сапасын арттыруға баса назар аудару тапсырылды. Дәл осы қызмет көрсету сапасы туристік саланың тартымдылығына және еліміздің беделіне тікелей әсер ететіні атап өтілді.Жалпы үйлестіру Премьер-министрдің орынбасары – мәдениет және ақпарат министрі Аида Балаеваға жүктелді.https://primeminister.kz/news/prezidenttin-turistik-salany-damytu-zonindegi-tapsyrmalaryn-zuzege-asyru-ukimette-zazgy-turistik-mausymga-daiyndyk-maseleleri-karaldy-31488 Ақпарат көзі : https://www.gov.kz/memleket/entities/ecogeo/press/news/details/1237403?lang=ru

Қазақстанда 2030 жылға дейінгі Инвестициялық саясат тұжырымдамасы шеңберінде инвестициялар тарту жүйесін жетілдіру жалғасуда. Инвестиция тарту бойынша қолданыстағы барлық шара сақталады, сонымен бірге инвесторлармен жұмыс істеу тиімділігін арттыру үшін жаңа тетіктер енгізілуде. Бұл туралы ОКҚ-да өткен баспасөз конференциясында Ұлттық экономика вице-министрі Арман Қасенов мәлімдеді.Спикер атап өткендей, әлемнің негізгі инвестициялық орталықтарында шетелдік өкілдіктер ашу есебінен инвестиция тартудың сыртқы контурын күшейту жоспарда бар. Олар инвесторлар мен әлеуеті бар жобаларды сүйемелдеу бойынша фронт-офистердің функцияларын атқарады. Сондай-ақ даму институттарын трансформациялау жүргізілуде.«Бәйтерек» холдингінің құрылымында төрт салалық инвестициялық дирекцияны қамтитын Инвестициялық қызмет құрылды. Оның міндеті – өңірлердің қажеттіліктерін ескере отырып, инвестициялық жобаларды сапалы дайындау және кейіннен бұл жобаларды Kazakh Invest компаниясына беру», - деп хабарлады Арман Қасенов.Бұдан бөлек, Kazakh Invest базасында «бір терезе» принципі бойынша кешенді қызметтер көрсететін инвесторларды қолдаудың бірыңғай орталығы – «Kazakhstan Investment House» құрылады.«Жаңа инвестициялық жобаларды қалыптастыруға ерекше назар аударылуда. Бизнес-қоғамдастықпен бірлесіп, импортты алмастыру және экспорттық әлеуеті жоғары перспективалы бағыттар айқындалуда. Сондай-ақ инвесторларға нарықтар, инфрақұрылым, ресурстық база және мемлекеттік қолдау шаралары туралы толық ақпарат беруді көздейтін «инвестицияларға тапсырыс» тетігі жетілдіріліп жатыр», - деп толықтырды спикер.Басқа шаралардың қатарында әлеуметтік-кәсіпкерлік корпорацияларды өңірлік даму институттарына трансформациялау, арнайы экономикалық және индустриялық аймақтарды жаңғырту, сондай-ақ инвестициялық қызметті одан әрі цифрландыру бар.Арман Қасенов атап өткендей, жобалардың іске асырылуын нақты уақыт режимінде қадағалауға және туындаған мәселелерді жедел шешуге мүмкіндік беретін Ұлттық цифрлық инвестициялық платформаның рөлі күшейтіледі.Инвесторлардың құқықтарын қорғауды нығайту үшін Бас прокуратура жанынан дауларды сотқа дейін реттеудің арнайы алаңы құрылады. Сонымен қатар әрбір өңірде инвесторларға құқықтық қолдау көрсетуді және инвестициялық жобаларды сүйемелдеуді қамтамасыз ететін инвестициялық прокурорлар пайда болады. Ақпарат көзі : https://www.gov.kz/memleket/entities/economy/press/news/details/1237418?lang=ru

Бүгін Премьер-министр Олжас Бектеновтің төрағалығымен өткен Үкімет отырысында туризмді дамыту мәселелері қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейін осы және өзге де мәселелерге орай жауапты сала басшыларына нақты тапсырмалар жүктелді.Аймақ басшысы туристік аймақтарда төтенше жағдайдың алдын алу үшін құтқару топтары мен алғашқы медициналық көмек көрсету пункттерінің жұмысын ұйымдастыруды тапсырды. Демалыс орындарын қауіпсіздік нұсқаулықтарымен қамтамасыз ету, санитарлық талаптардың сақталуын қатаң бақылау, туристік аймақтарды байланыс арналарымен қамту жөнінде ұсыныстар әзірлеу керек.Қауіпсіздік шараларын кеңінен насихаттау үшін телеарналарда, әлеуметтік желілерде және интернет ресурстарда ақпараттық-түсіндіру жұмыстарын күшейту, демалыс орындары мен рұқсат етілмеген су айдындарында рейдтік іс-шараларды тұрақты өткізу маңызды.Жиында су тасқынының алдын алу бағытында атқарылған жұмыстар да сараланды. Өткен қыс-көктем кезеңінде облыстағы ахуал тұрақты болды. 2024 жылы өңірде 27 нысанда қорғаныс бөгеті қалпына келтірілсе, өткен жылы 13 нысан жөнделді. Қазіргі уақытта жөндеу және қалпына келтіруді қажет ететін 12 нысан анықталған.Осыған байланысты «Құмсай», «Көлтоған», «Қыраш», «Манап» су қоймаларын жөндеу, «Жиделі» су қоймасын қайта жаңғырту, Сырдария ауданындағы «Тереңөзек-Шаған» көпірі тұсындағы қорғаныс нысандарын қалпына келтіру қажет.Жауапты мамандарға «Ақшақыз» каналының су тоспасы мен қорғаныс бөгетін, «Қалғандария» учаскесіндегі су тоспасының қақпақтары мен бөгеттерін жөндеу, Сырдария өзенінің «Қорқыт Ата» учаскесіндегі қорғаныс бөгетін қалпына келтіру жүктелді.Бұдан бөлек, «Келінтөбе» магистральді каналына су жеткізетін каналға су тоспасын салу, «Рисмаш» учаскесіндегі, «Болашақ» университеті маңындағы қорғаныс бөгеттерін қалпына келтіру бойынша нақты тапсырмалар берілді.Бүгінде облыста 6 индустриялық аймақ жұмыс істейді. Өткен жылы Үкімет қаулысымен Қызылорда қаласында «Қорқыт Ата» арнайы экономикалық аймағы құрылды. Осы мүмкіндіктерді тиімді пайдалану үшін қала және аудан әкімдеріне отандық және шетелдік инвесторларды тарту, жаңа өндірістік жобаларды орналастыру тапсырылды.Ақпарат көзі : https://www.gov.kz/memleket/entities/kyzylorda/press/news/details/1237430?lang=ru