Радиоэлектроника және байланыс әскери-инженерлік институтында үміткерлерді іріктеу кезеңі аяқталды. Мандаттық комиссияның қорытындысы бойынша 230-ға жуық азамат әскери жоғары оқу орнында білім алады. Олардың қатарында «Срочники 2.0» бағдарламасы аясында төрт мерзімді әскери қызметші бар. Радиоэлектроника және байланыс әскери-инженерлік институты Қарулы күштерден бөлек басқа да күштік құрылымдар үшін білікті мамандар дайындайды.Мемлекеттік квота шеңберінде мұнда Қазақстан Республикасы Ұлттық қауіпсіздік комитетінің Шекара қызметі мен Ішкі істер министрлігінің Ұлттық ұланына байланыс, автоматтандырылған басқару жүйелері, радиоэлектрондық барлау, мемлекеттік құпияларды қорғау және радиотехникалық әскерлер бағыттары бойынша әскери мамандар оқытылады. Үміткерлердің барлығы бірнеше кезеңнен тұратын іріктеуден өтті. Келесі кезеңде олар бір айлық бастапқы әскери даярлық курсынан өтеді. Онда саптық, дене және атыс дайындығы, жалпыәскери жарғыларды зерделеу, сондай-ақ практикалық атыстар қарастырылған.– Іріктеу талаптары қатаң болғандықтан, нәтижесін алаңдап күттік. Мен үшін әскери жоғары оқу орнына түсу – офицер болам деген арманымның орындалуы. Сондықтан барлық сынақтан өтуге дайын болдым, – деді кандидат Георгий Зазуляк.Курс аяқталып, даярлықтан сәтті өткеннен кейін жас сарбаздар әскери ант қабылдайды. Ұжымдық қауіпсіздік туралы шарт ұйымына (ҰҚШҰ) мүше мемлекеттер арасындағы әскери ынтымақтастық аясында институтта Қырғыз Республикасы мен Тәжікстан Республикасының азаматтары да білім алады.Шетелдік курсанттар өз елдерінде жас жауынгер курсынан өтіп, әскери ант қабылдағаннан кейін институтқа келеді. Сонымен қатар қазақстандық үміткерлердің бір бөлігі Ресей Федерациясының Санкт-Петербург, Череповец, Краснодар және Смоленск қалаларындағы бейінді әскери жоғары оқу орындарында білімін жалғастырады.Ақпарат көзі : https://www.gov.kz/memleket/entities/mod/press/news/details/1277444?lang=ru

Міндетті зейнетақы жарналары мен міндетті кәсіптік зейнетақы жарналары есебінен қалыптастырылған зейнетақы жинақтарын 100% инвестициялық портфельді басқарушыға (ИПБ) беру мүмкіндігіне қатысты заңнамалық өзгерістерді кімдер пайдалана алады? Беру үрдісі қалай жүзеге асырылады?Қазіргі уақытта салымшылар міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған жинақтарының 50%-на дейінгі бөлігін инвестициялық портфельді басқарушыға (ИПБ), сондай-ақ ерікті зейнетақы жарналары (ЕЗЖ) есебінен қалыптастырылған жинақтарының 100%-на дейінгі бөлігін ИПБ-ға бере алады. 2026 жылғы 7 қыркүйектен бастап салымшылардың міндетті зейнетақы жинақтарын ИПБ-ға беру мүмкіндігі 100%-ға дейін кеңейеді. Салымшыларға ИПБ-ны таңдау кезінде қолайлы болуы үшін зейнетақы активтерін инвестициялық басқару жөніндегі invest.enpf.kz интернет-платформасында ай сайын барлық қажетті ақпарат жарияланады. Атап айтқанда, онда қаржылық көрсеткіштер, зейнетақы активтерінің кірістілігі, сенімгерлік басқарудағы зейнетақы активтерінің көлемі, инвестициялық портфельдің құрылымы және оның динамикасы көрсетіледі.Зейнетақы жинақтарын ИПБ-ның сенімгерлік басқаруына беру үшін салымшы зейнетақы активтерін басқаруға жіберілген ИПБ тізілімінен қажетті ИПБ-ны таңдауы қажет. Бұл туралы толық ақпарат БЖЗҚ сайтындағы «Қызметтер – Сенімгерлік басқаруға беру – Инвестициялық портфельді басқарушылар тізілімі» бөлімінде орналастырылған. Одан кейін белгіленген нысан бойынша өтініш беру қажет. Мұны БЖЗҚ сайтындағы жеке кабинет арқылы электрондық цифрлық қолтаңбаны пайдалана отырып немесе БЖЗҚ-ның кез келген бөлімшесіне барып жасауға болады.Зейнетақы жинақтарын сенімгерлік басқаруға беру туралы берілген өтініштің мәртебесін БЖЗҚ сайтындағы жеке кабинеттен немесе БЖЗҚ мобильді қосымшасындағы «Менің төлемдер/аударымдар/ЕЗЖ қайтаруға қатысты өтініштерім» бөлімінен бақылауға болады.ИПБ-ға беру туралы өтініштерді қабылдау, сондай-ақ оларды БЖЗҚ-да өңдеу үрдістері толық автоматтандырылған. БЖЗҚ зейнетақы активтерін ИПБ-ның сенімгерлік басқаруына беруді нормативтік-құқықтық актілерде белгіленген мерзім ішінде жүзеге асырады. ИПБ салымшыларға не ұсына алады?2023 жылғы 1 шілдеден бастап салымшылар міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ) есебінен қалыптастырылған жинақтарының 50%-на дейінгі бөлігін және ерікті зейнетақы жарналары (ЕЗЖ) есебінен қалыптастырылған жинақтарының 100%-на дейінгі бөлігін ең төменгі жеткіліктілік шегін есепке алмай, ИПБ-ға аудару мүмкіндікке ие болды. Сонымен қатар, егер сақтандыру компаниясымен зейнетақы аннуитеті шарты жасалған болса, МЗЖ және/немесе МКЗЖ бойынша жинақтардың бүкіл сомасын аударуға болады.2026 жылғы 7 қыркүйектен бастап салымшылардың міндетті зейнетақы жинақтарын ИПБ-ға беру мүмкіндігі 100%-ға дейін кеңейеді.Зейнетақы жинақтарының 100%-на дейінгі бөлігін ИПБ басқаруына беру салымшыларға ИПБ-лардың көрсеткіштері мен инвестициялық стратегияларын зерделеу негізінде, өздерінің жеке қалауларын ескере отырып, капиталды ұзақ мерзімді перспективада көбейтуге мүмкіндік береді. Қандай компанияларға зейнетақы активтерін басқаруға рұқсат берілуі мүмкін?Зейнетақы активтерін басқаруға, қолданылатын стратегиясына қарамастан, Қазақстан Республикасының Қаржы нарығын реттеу және дамыту агенттігінің зейнетақы активтерін басқаруға жіберілген ИПБ тізіліміне енгізілген компанияларға ғана рұқсат беріледі.ҚР Қаржы нарығын реттеу және дамыту агенттігі ИПБ-ларға арнайы талаптар әзірлеген. Атап айтқанда, олардың инвестициялық портфельді басқаруға лицензиясы, нарықта және клиенттердің активтерін басқаруда табысты жұмыс тәжірибесі, соңғы бірнеше жылдағы қаржы-шаруашылық қызметінің оң нәтижелері, зейнетақы активтерін инвестициялауға байланысты шығындарды өтеуге жеткілікті меншікті капиталы және т.б. болуы тиіс.Сонымен қатар, ИПБ БЖЗҚ-мен зейнетақы активтерін сенімгерлік басқару туралы шарт жасасуы, сондай-ақ БЖЗҚ және кастодиан-банкпен үшжақты кастодиандық шарт жасасуы қажет.Қазіргі уақытта зейнетақы активтерін басқаруға алты компания жіберілген. Олар:«Alatau City Invest» АҚ;«BCC Invest» АҚ;«Halyk Global Markets» АҚ;«Halyk Finance» АҚ;«Сентрас Секьюритиз» АҚ;«Tansar Capital» АҚ.«Halyk Global Markets» АҚ 2025 жылғы 30 желтоқсанда БЖЗҚ-ға 2027 жылғы 1 қаңтардан бастап ИПБ бастамасымен шартты бұзу туралы хабарлады. Осыған байланысты БЖЗҚ 2026 жылғы 1 қаңтардан бастап салымшылардың зейнетақы активтерін оның басқаруына аудару туралы жаңа өтініштерін қабылдамайды. Компания тізілімнен шығарылған жағдайда, салымшылардың жинақтары Қазақстан Республикасының Ұлттық Банкінің басқаруына қайтарылады. Зейнетақы жинақтарын басқаруды қай компанияға сеніп тапсыру керектігін қалай таңдауға болады?Зейнетақы жинақтарын сенімгерлік басқаруға беру туралы шешім қабылдамас бұрын, нарықтағы ИПБ-лардың қолданыстағы тізімімен мұқият танысып, олардың БЖЗҚ сайтында орналастырылған инвестициялық декларацияларын зерделеуді ұсынамыз. Сондай-ақ ИПБ-лардың қаржылық көрсеткіштерін, сонымен бірге ИПБ-ға қатысты реттеуші орган — ҚР Қаржы нарығын реттеу және дамыту агенттігі тарапынан қолданылған әкімшілік шаралар, санкциялар және ықпал ету шаралары туралы ақпаратты (егер олар болған жағдайда) талдау қажет.ИПБ-ны таңдау – салымшының дербес шешімі.БЖЗҚ-ның invest.enpf.kz порталында әртүрлі ИПБ қызметінің тиімділігін сипаттайтын маңызды көрсеткіштерді салыстыруға болады. Олардың қатарында: кірістілік, УЕ (зейнетақы активтерінің инвестициялау нәтижесінде өзгеруін сипаттау үшін пайдаланылатын зейнетақы активтері құнының үлестік шамасы, оның бағамы есептелген инвестициялық кіріске (залалға) байланысты болады), портфельдің құрылымы және ИПБ-ның қаржылық көрсеткіштері бар.Инвестициялық басқару жөніндегі бірыңғай ақпараттық интернет-платформа — салымшыларға зейнетақы инвестицияларын онлайн режимде талдауға мүмкіндік беретін заманауи цифрлық ресурс.Жеке кабинетте салымшы, сондай-ақ:ИПБ-ға/ИПБ-дан/ҚР Ұлттық Банкіне беруге немесе қайтаруға қолжетімді соманы тексере алады;ИПБ-ны таңдау (өзгерту) туралы немесе ИПБ-ның сенімгерлік басқаруындағы зейнетақы жинақтарын ҚР Ұлттық Банкінің сенімгерлік басқаруына қайтару туралы өтініш беру ережелерімен және шарттарымен таныса алады;ИПБ-ны таңдау (өзгерту) немесе ҚР Ұлттық Банкіне қайтару туралы өтініш бере алады және оның мәртебесін бақылай алады;басқа да қолжетімді зейнетақы қызметтерін пайдалана алады.Осылайша, invest.enpf.kz бірыңғай интернет-платформасы зейнетақы жүйесіндегі цифрлық сервистерді дамытудың маңызды элементіне айналып, салымшылардың зейнетақы капиталын басқаруға неғұрлым саналы түрде қатысуына және өздерінің қаржылық болашағын қалыптастыруына ықпал етеді.Сондай-ақ таңдалған ИПБ инвестициялық портфелі бойынша өзекті ақпаратпен БЖЗҚ сайтындағы тиісті бөлімнен (Зейнетақы жинақтарын басқарушы компанияларға аудару) танысуға болады. БЖЗҚ-ның дерекқорлары зейнетақы жинақтарының ірі сомаларын аударуға және болашақта бірнеше портфельді жүргізуге/есепке алуға бейімделген бе? ИПБ жүйелерімен интеграция қалай жүзеге асырылады?БЖЗҚ-ның әртүрлі мемлекеттік бағдарламалар шеңберінде өз ақпараттық жүйелерін интеграциялау бойынша мол тәжірибесі бар екенін атап өткен жөн. Осыған сәйкес, БЖЗҚ-ның ақпараттық жүйелері ИПБ-мен өзара іс-қимыл барысында барлық деректерді есепке алуға мүмкіндік береді.Бұл ретте БЖЗҚ барлық салымшылар үшін бірыңғай есептік және ақпараттық орталық, сондай-ақ активтерді кім басқаратынына қарамастан (салымшының таңдауы бойынша ҚР Ұлттық Банкі және/немесе ИПБ), олардың жеке зейнетақы шоттарының операторы болып қала береді.    Ақпарат көзі : https://www.gov.kz/memleket/entities/abay/press/news/details/1277376?lang=ru

19 тамызда Астанада ISO/TC 34/SC 6 «Ет, құс еті, балық, жұмыртқа және олардан жасалған өнімдер» техникалық комитетінің пленарлық отырысы аясында ет өнімдерінің сапасына арналған форум өтті.Іс-шараны ҚР Сауда және интеграция министрлігінің Техникалық реттеу және метрология комитеті мен «ҚазСтандарт» РМК ұйымдастырды. Форум жұмысына ISO өкілдері, мемлекеттік органдар, бизнес өкілдері, ғылыми ұйымдар мен салалық сарапшылар қатысты.Негізгі тақырыптардың бірі Қазақстанның халықаралық стандарттау жұмысына қатысуын кеңейту болды. Биыл еліміз ISO Кеңесінің сайлауына қатысып, халықаралық техникалық комитеттердегі қазақстандық сарапшылардың санын арттыруды көздеп отыр.Қазақстанның басты бастамасы – жылқы етінен дайындалатын өнімдерге арналған алғашқы халықаралық ISO стандартын әзірлеу туралы ұсыныс болды. Бүгінде бұл өнімдер санатына арналған бірыңғай халықаралық құжат жоқ. Соның салдарынан терминологияға, жіктеуге, таңбалауға және сапаны бағалауға қойылатын талаптарда айырмашылықтар туындап, экспортқа кедергі келтіруі мүмкін.Болашақ стандарттың негізіне ГОСТ 34921–2023 «Ұлттық жылқы етінен жасалған өнімдер. Техникалық шарттар» құжатын алу ұсынылды. Стандарт дәстүрлі өнімдерді – қазы, шұжық, жал, жая, сондай-ақ ысталған және шұжық өнімдерін қамтуы мүмкін.Қазақстан стандарт жобасын әзірлеу үшін халықаралық жұмыс тобын құрып, оған жетекшілік етуге және құжатты өндіруші елдермен одан әрі талқылауға дайын.ҚР СИМ ТРМК төрағасының орынбасары Қанат Қабылбеков Қазақстанның ISO Кеңесі сайлауына қатысуы халықаралық шешімдер қабылдау үдерістеріне белсенді араласуға және отандық экономиканың мүддесіне сай келетін бастамаларды ілгерілетуге мүмкіндік беретінін атап өтті.Форум аясында Қазақстан мен Қытайдың стандарттау және сәйкестікті бағалау саласындағы ынтымақтастығын дамыту мәселелері де талқыланды. Оның ішінде бірлескен зерттеулер жүргізу, зертханааралық салыстырулар ұйымдастыру және сынақ жүргізу әдістерін жетілдіру мәселелері қаралды.Форум қорытындысы бойынша өзара іс-қимылдың алдағы бағыттары айқындалды: жылқы етінен жасалған өнімдерге арналған ISO стандартын әзірлеу, қазақстандық сарапшылар мен бизнестің халықаралық стандарттау жұмыстарына қатысуын кеңейту, зертханалық базаны дамыту және халықаралық ынтымақтастықты нығайту.Ақпарат көзі : https://www.gov.kz/memleket/entities/mti/press/news/details/1277178?lang=ru

Қазақстанда белгіленген мерзімді әскери қызметін өтеген 1 745 азаматқа еліміздің жоғары оқу орындарында білім алу үшін мемлекеттік білім беру гранттары берілді. Ең көп сұранысқа ие ақпараттық технологиялар болып отыр. Бұл мамандықты 234 адам, яғни грант иегерлерінің 13,4 пайызы таңдаған. Екінші орында – орман шаруашылығы. 136 адам (7,8%) болашақ мамандығын табиғатты қорғау саласына арнағысы келеді. Үшінші орында 134 адаммен (7,7%) коммуникациялар және коммуникациялық технологиялар мамандығы тұр. Ал тағы 119 адам (6,8%) ақпараттық қауіпсіздік бағытын таңдаған. Жоғары оқу орындары арасында Қазақ ұлттық аграрлық зерттеу университеті көш бастап тұр. Мұнда 156 грант иегері (8,9%) білім алуға ниет білдірген. Л.Н. Гумилев атындағы Еуразия ұлттық университетін 144 адам (8,3%) таңдаған. Үшінші орынды әл-Фараби атындағы Қазақ ұлттық университеті мен М. Әуезов атындағы Оңтүстік Қазақстан университеті бөлісті. Олардың әрқайсысына 134 адамнан (7,7%) түскен.Мемлекеттік білім беру гранты иегерлерінің бірі – Әлихан Жамбылов. Ол ақпараттық қауіпсіздік мамандығын таңдаған.– Ақпараттық қауіпсіздік мамандығын саналы түрде таңдадым. Бүгінде цифрлық технологиялар барлық салада қолданылады. Сондықтан ақпаратты қорғау саласы маманына сұраныс жоғары. Әскери қызметті өтегеннен кейін грант алу мүмкіндігі мен үшін үлкен ынталандыру болды. Ендігі міндетім – сапалы білім алып, білікті маман атану, – деді Әлихан Жамбылов.Әскери қызметшілерді іріктеу «Срочники 2.0» цифрлық жобасы аясында жүргізіледі. Мерзімді қызмет барысында әскери қызметшінің цифрлық рейтингі қалыптастырылады. Онда жауынгерлік даярлық нәтижелері, әскери тәртібі және басқа да көрсеткіштері ескеріледі. Рейтинг қорытындысы бойынша ақпараттық жүйе білім беру гранттарын автоматты түрде бөледі. Бұл іріктеу үдерісінің ашықтығын қамтамасыз етіп, адами фактордың ықпалын болдырмайды.2024 жылы мерзімді әскери қызметшілерге шәкіртақы төленетін мемлекеттік білім беру гранттарын алу және жатақханадан орын беруде басым құқыққа ие болу мүмкіндігі заңнамалық тұрғыда бекітілді. Сонымен қатар белгіленген мерзімді әскери қызметін өтеген азаматтар тікелей әскери қызмет барысында өткен іріктеу нәтижелері бойынша жоғары әскери оқу орындарына түсу мүмкіндігіне ие.Білім алуға берілетін жеңілдіктер мерзімді әскери қызметтің беделін арттыруға бағытталған шаралардың бірі болып табылады. Олар жастардың запасқа шыққаннан кейін білім алып, кәсіби тұрғыдан дамуына қосымша мүмкіндік береді.Ақпарат көзі : https://www.gov.kz/memleket/entities/mod/press/news/details/1277057?lang=ru

«Даму» кәсіпкерлікті дамыту қоры» АҚ Президенттің тапсырмасымен іске қосылған шағын бизнесті қолдаудың «Іскер аймақ» бірыңғай бағдарламасы аясында жүзеге асырылып жатқан мобильді фронт-офистер жобасын дамытуды жалғастыруда. Мобильді фронт-офистердің жұмысы мемлекеттік қолдау шараларын кәсіпкерлер үшін барынша қолжетімді етіп, шалғайдағы қалалар мен ауылдарда жұмыс істейтін кәсіпкерлерге облыс орталықтарына бармай-ақ, бизнеске арналған қолданыстағы бағдарламалар бойынша кеңес алуға мүмкіндік беріп отыр.Мобильді фронт-офистер Қазақстанның барлық 17 өңірінде жұмыс істейді (Астана, Алматы және Шымкент қалаларын қоспағанда). Жоба іске қосылғаннан бері (2026 жылғы 17 тамыздағы жағдай бойынша), Қор мамандары 2 439 бірегей кәсіпкерлік субъектісіне 2 657 консультация өткізді.Мобильді фронт-офистердің қызметіне ең белсенді жүгінгендердің қатарында - Түркістан облысының кәсіпкерлері. Бұл өңірде 252 консультация өткізілді. Одан кейін Ақтөбе облысы - 222, Солтүстік Қазақстан облысы - 220, Павлодар облысы - 217 және Атырау облысы - 215 консультациядан келеді. Қалған 12 өңірде тағы 1 531 консультация өткізілді. Мобильді фронт-офистің көшпелі тобы 80-ге жуық аудан орталығында болды.Ең көп сұранысқа ие болған консультация бағыттарының қатарында «Бәйтерек» холдингінің Бірыңғай фронт-офисі ұсынатын бағдарламалар мен өнімдер болды - осы бағыт бойынша 721 өтініш түсті. Сондай-ақ кәсіпкерлер «Іскер Аймақ» субсидиялау бағдарламасына - 593 өтініш, Бірінші кепілдік қоры аясындағы кепілдік беру құралдарына - 480 өтініш, «Өрлеу» бағдарламасы бойынша жеңілдікті кредиттеуге - 329 өтініш, сондай-ақ моно- және шағын қалалардағы, ауылдық елді мекендердегі ішкі сауда субъектілерін қолдау шараларына - 177 өтініш білдірді.Мобильді фронт-офис - кәсіпкерлерге бизнестің орналасқан жеріне қарамастан мемлекеттік қолдау шараларына тең қолжетімділікті қамтамасыз ететін көшпелі консультациялық орталық. Көшпелі топ құрамына «Даму» қорының мамандары, әкімдіктердің, банктердің, «Атамекен» ҰКП-ның, «Аграрлық несие корпорациясы» АҚ-ның, «ҚазАгроҚаржы» АҚ-ның және консалтингтік компаниялардың өкілдері кіреді. Олар кәсіпкерлерге «Бәйтерек» холдингі тобының бизнеске арналған мемлекеттік қолдаудың барлық бағдарламалары, соның ішінде «Өнеркәсіпті дамыту қоры» АҚ, «Қазақстанның Даму Банкі» АҚ, «Қазақстанның экспорттық-кредиттік агенттігі» АҚ және «Qazaqstan Investment Corporation» АҚ ұсынатын мүмкіндіктер туралы толық ақпарат береді. Мұндай формат кәсіпкерлерге Холдинг тобының қолданыстағы қаржылық құралдары бойынша бір жерден кешенді кеңес алуға мүмкіндік береді.Бұған дейін мобильді фронт-офистердің негізгі міндеті кәсіпкерлерге консультациялық қолдау көрсету болса, қазір Қор жобаларды қаржыландыру туралы шешім қабылданғанға дейін сүйемелдеуге кезең-кезеңімен көшіп жатыр. Әрбір кезеңде мамандар кәсіпкерге ең қолайлы қаржыландыру құралын таңдауға көмектесіп, бағдарламаларға қатысу талаптарын түсіндіреді және жобаны қарау барысында қолдау көрсетеді. Қазіргі таңда қаржыландыруға 4 өтінім қабылданды.Мобильді фронт-офистер желісін дамыту - бизнеске арналған мемлекеттік қолдау шараларының қолжетімділігін арттыруға бағытталған жүйелі жұмыстың бір бөлігі. Осы бағытта Бизнесті қолдау және сүйемелдеу орталықтарын (БҚСО) іске қосу да жоспарлануда.Пилоттық жоба аясында мұндай орталықтар Астана, Алматы, Шымкент қалаларында, сондай-ақ Солтүстік Қазақстан және Ақтөбе облыстарында жұмыс істейді. Солтүстік Қазақстан және Ақтөбе облыстарының кәсіпкерлері БҚСО қызметтерін стационарлық форматта ғана емес, мобильді фронт-офистердің көшпелі сапарлары кезінде де ала алады.Мобильді фронт-офистердің өзекті жұмыс кестесімен «Даму» қорының www.damu.kz ресми сайтындағы «Мобильді фронт-офис» бөлімінен танысуға болады. Егер қажетті аудан немесе елді-мекен кестеде көрсетілмесе, кәсіпкерлер Online Damu порталы арқылы көшпелі сапар ұйымдастыруға өтінім қалдыра алады. Барлық өтініштер Қордың өңірлік филиалдарында қаралып, кейінгі маршруттарды қалыптастыру кезінде ескеріледі.Қосымша ақпаратты «Даму» қорының 1408 бірыңғай байланыс орталығының нөмірі арқылы алуға болады.Ақпарат көзі : https://www.gov.kz/memleket/entities/economy/press/news/details/1277020?lang=ru

Шығыс Қазақстан тұрғындары денсаулығына көңіл бөліп, уақыт үнемдеп, тамақ дайындауды кәсіби мамандарға сеніп тапсырмақ болған. Олар жеке кәсіпкермен дұрыс тамақтану рационын жеткізу туралы келісімшарттар жасап, адал клиенттер ретінде қызмет ақысын толықтай алдын ала төлеген. Алайда кәсіпкер тамақты жеткізуді себепсіз тоқтатқан.Уәде етілген рациондар жеткізілмесе де, тұтынушылардың төлеп қойған ақшасын кәсіпкер қайтаруға асықпаған. Біреуге бұл сома аса үлкен болып көрінбеуі мүмкін. Бірақ жапа шеккен адамдардың саны көбейгенде, мәселе жекелеген тұрмыстық дау емес, тұтынушылардың құқықтарын жаппай бұзуға фактісіне ұласады.Өңір тұрғындары көмек сұрап, жаппай ШҚО бойынша Сауда және тұтынушылардың құқықтарын қорғау департаментіне жүгінді. Нәтижесінде бұл оқиғаға бір ғана наразы клиент емес, дәл осындай жағдайға тап болған бірден 21 тұтынушы қатысты.Департамент тұтынушылардың мүддесін қорғауға кірісті. Алдымен мәселені сотқа жеткізбей шешуге әрекет жасалған. Тұтынушылар кәсіпкердің өзіне тікелей жүгініп, Департамент кәсіпкерлік субъектісіне сотқа дейінгі талап та жолдады. Алайда бұл өтініштер де, ақшаны қайтару туралы талаптар да нәтиже бермеді. Осыдан кейін іс сотқа жетті.Қазақстан Республикасының «Тұтынушылардың құқықтарын қорғау туралы» заңы азаматтардың қызметтердің тиісті сапасын талап етуге құқылы екенін тікелей қарастырады. Ал қызмет тиісті деңгейде көрсетілмеген немесе орындаушы өз міндеттемелерін орындамаған жағдайда, тұтынушы шартты бұзып, төлеген ақшасын қайтаруды талап ете алады. Сонымен қатар заңнама уәкілетті органға бірдей құқық бұзушылық оннан астам адамның құқықтарына қатысты болған жағдайда, тұтынушылардың белгісіз тобының құқықтарын қорғау үшін сотқа жүгінуге мүмкіндік береді. Бұл жағдайда олардың саны 21 адам болды.Департамент зардап шеккен клиенттердің құқықтарын қорғауды және көрсетілмеген қызметтер үшін ақшаларын қайтаруды талап етіп, Өскемен қаласының азаматтық істер жөніндегі ауданаралық сотына ұжымдық талап-арыз берді. 2026 жылдың 16 шілдесінде сот Департаменттің талап-арызын қанағаттандырып, бұл іске нүкте қойды.Енді кәсіпкер 21 тұтынушыға көрсетілмеген қызметтердің ақшасын ғана емес, талаптарды орындау мерзімін бұзғаны үшін тұрақсыздық айыбын да төлеуге міндетті. Негізгі материалдық залал 3 055 138 теңгені құрады, тағы 611 028 теңге тұрақсыздық айыбы ретінде өндірілді.Ақпарат көзі : https://www.gov.kz/memleket/entities/mti/press/news/details/1276780?lang=ru

Қарағанды қаласындағы дүкендердің бірі күріштің келісін 205 теңгеден сатып алып, оны тұтынушыларға 556 теңгеден сатқан. Яғни тауарға 160%-дық сауда үстемесі қосылған. ҚР СИМ Қарағанды облысы бойынша Сауда және тұтынушылардың құқықтарын қорғау департаментінің мемлекеттік бақылауы барысында бұл жағдай анықталып, кәсіпкер әкімшілік жауапкершілікке тартылды. Нәтижесінде күріштің бағасы 235 теңгеге дейін төмендетілді.Бұл – Қарағанды облысында әлеуметтік маңызы бар азық-түлік тауарларының бағасына жүргізілген бақылау кезінде анықталған жағдайлардың бірі ғана.Мәселен, қатты ірімшіктің сатып алу бағасы 3 353 теңге болғанымен, сауда желілеріне ол 5 517 теңгеден жеткізілген. Осылайша сауда үстемесі 64%-ды құраған. Тексеру нәтижесінде тауардың бағасы 3 855 теңгеге дейін төмендетіліп, айырмашылық 1 662 теңгені құрады.Қара шай бойынша да айтарлықтай айырмашылық анықталды. Сатып алу бағасы 472 теңге болған өнім 1 079 теңгеден сатылған. Сауда үстемесі 130%-ға жеткен. Әкімшілік жауапкершілік қолданылғаннан кейін оның бағасы 496 теңгеге дейін төмендетіліп, 583 теңгеге арзандады.Тауық фаршының бағасы да сәйкестендірілді. Әу баста кәсіпкер 1 655 теңгеге сатып алып, 45 пайызға дейін сауда үстемесін заңсыз арттырып, 2 400 теңгеден сатқан. Бақылау шараларынан кейін тауардың бағасы 1 903 теңгеге дейін төмендетілді.Жыл басынан бері Қарағанды облысында сауда саласындағы заңнаманың сақталуына қатысты 170 кәсіпкерлік субъектісіне тексеру жүргізіліп, оның 155-і әкімшілік жауапкершілікке тартылды.Жауапкершілікке тартылғандардың қатарында сауда базарларында қызметін жүзеге асыратын 44 көтерме жеткізуші және 11 көтерме-бөлшек сауда дүкені бар. Бұл өткен жылдың сәйкес кезеңімен салыстырғанда 39,6%-ға көп. 2025 жылы осы кезеңде 111 кәсіпкерлік субъектісі әкімшілік жауапкершілікке тартылған. Ал биыл салынған әкімшілік айыппұлдардың жалпы сомасы 4 млн теңгеден асты.Бақылау шаралары барысында мәселе тек азық-түлікке белгіленетін сауда үстемесімен шектелген жоқ. Көтерме-бөлшек сауда базарларында сауда саласына қатысты 11 және салық заңнамасына қатысты 11 бұзушылық анықталды. Сонымен қатар санитариялық-эпидемиологиялық бақылау органдары тарапынан 2 жедел әрекет ету шарасы қабылданды.Тексеру кезінде бақылау-касса машиналарын қолдану, тауарларда баға белгілерінің болуы, әлеуметтік маңызы бар азық-түлік тауарларына белгіленген шекті сауда үстемесін сақтау, сондай-ақ тамақ өнімдерін таңбалау және өткізу талаптары қаралды. Анықталған бұзушылықтар жойылып, заңнама талаптарына сәйкестік қамтамасыз етілді.Жүргізілген бақылау нәтижесінде әлеуметтік маңызы бар азық-түлік тауарларының бірқатары бойынша баға төмендетілді. Бұл ретте департаменттің жұмысы тек анықталған бұзушылықтарды жоюмен шектелмейді.Қарағанды облысында баға мониторингі, негізсіз делдалдық буындарды анықтау және әлеуметтік маңызы бар азық-түлік тауарлары бағасының негізсіз өсуіне жол бермеу бойынша жұмыстар жалғасуда. Бұл бағыт Қарағанды облысы бойынша Сауда және тұтынушылардың құқықтарын қорғау департаментінің тұрақты бақылауында.Ақпарат көзі : https://www.gov.kz/memleket/entities/mti/press/news/details/1276768?lang=ru

Алматы қаласы Наурызбай ауданының Қорғаныс істері жөніндегі басқармасының әскери қызметшілері Екінші дүниежүзілік соғысының ардагері Леонид Никитович Подколзинді 100 жылдық мерейтойымен құттықтады.Қорғаныс министрінің атынан ардагерге зор денсаулық, амандық және ұзақ ғұмыр тілеген құттықтау хаты табысталды.Мерейтой иесіне ерекше сый – музыкалық құттықтау болды. Ұлттық әскери-патриоттық орталықтың Алматы филиалының әскери оркестрі ардагер үйінің алдында соғыс жылдарындағы әндерді орындады.Леонид Подколзин Новосібір облысының Тула ауылында дүниеге келген. Екінші дүниежүзілік соғысы жылдарында Беларусь майданында артиллериялық бөлімше құрамында шайқасқан. Ерлігі мен батылдығы үшін II дәрежелі Отан соғысы орденімен, Георгий Жуков медалімен және басқа да наградалармен марапатталған.Жеңістен кейін ардагер Кенигсбергте әскери қызметін жалғастырып, жас сарбаздарды даярлаумен айналысты. 1952 жылы Алматыға қоныс аударды. Мұнда ұзақ жылдар бойы теміржол саласында еңбек етіп, машинист көмекшісі, жүргізуші және депо шеберханасының басшысы қызметтерін атқарды.Бүгінде ардагердің жанында балалары, немерелері мен шөберелері бар. Леонид Никитович соғыс туралы естеліктері мен өмір, Отан және адамзаттық құндылықтар жайлы толғаныстарын өлеңдері мен прозалық шығармаларында сақтап келеді.Ардагердің 100 жылдық мерейтойы – ел тарихымен тығыз байланысты ғұмыр иесіне және Ұлы Жеңіске үлес қосқан аға буынға деген құрмет.Ақпарат көзі : https://www.gov.kz/memleket/entities/mod/press/news/details/1276722?lang=ru

Алматы облысында соңғы үш жылда 50-ге жуық ауылдың көшелеріне алғаш рет асфальт төселді. Жаңарған көшелердің жалпы ұзындығы 66,5 шақырымды құрайды. Бұл жұмыстарға жергілікті бюджеттен 1,64 млрд теңгеге жуық қаржы бөлінді – деп хабарлайды Алматы облысы әкімінің баспасөз қызметі.Жаңа жолдар Еңбекшіқазақ ауданындағы Саймасай, Ақтоған, Амангелді, Алмалы, Қорам және Сатай ауылдарында, Ұйғыр ауданындағы Шонжы, Рахат, Ақтам ауылдарында, Талғар ауданындағы Береке, Тұздыбастау, Төңкеріс, Қызылту, Жаңалық және Түзусай ауылдарында, Жамбыл ауданындағы Қарғалы, Үлкен, Шиен, Беріктас, Шолаққарғалы, Үңгіртас және Ынтымақ ауылдарында, Іле ауданындағы Байкент, Жәпек батыр, Казцик, Ақсай, Әли ауылдарында, сондай-ақ Балқаш, Кеген, Райымбек және Қарасай аудандарындағы ауылдардың бірқатар көшесіне төселді. Бұл елді мекендердің кейбірінде тұрғындар асфальт жолды 30 жылдан астам уақыт күткен. Жолдың жаңаруы аталған елді мекендердегі 50 мыңнан астам тұрғынның күнделікті қатынасын жақсартты.«Биыл ауылымызға алғаш рет асфальт төселіп, көптен күткен мәселеміз шешілді. Жаңбыр жауса, жолдың жағдайы қиындап, көлікпен жүру де, жаяу жүріп-тұру да оңай болмайтын. Енді міне, көптен күткен жолымызға асфальт төселді. Бұл – ауыл тұрғындары үшін үлкен қуаныш. Осы мәселені шешуге атсалысқан азаматтарға алғысымызды айтамыз», – деді Жамбыл ауданы Үңгіртас ауылының тұрғыны Бейбіт Есімбеков.Жол мәселесі әсіресе халқы көп елді мекендер үшін маңызды. Мәселен, Ұйғыр ауданындағы Шонжы ауылында 20 мыңнан астам тұрғын бар. Биыл мұнда бұрын асфальт болмаған тағы алты көшеге алғаш рет жол төселеді. Жалпы, облыстағы елді мекендердің басым бөлігінде көшелер асфальтталған. Дегенмен, кейбір ауылдарда қиыршық тас пен шағал төселген жолдар әлі де жеткілікті. Оларды да асфальттау жұмыстары жалғасады.«2026-2027 жылдары облыста тағы 100 шақырымнан астам көшеге асфальт төсеу жоспарланған. Жоспарға Еңбекшіқазақ, Ұйғыр, Іле, Жамбыл, Қарасай, Кеген, Райымбек, Балқаш және басқа да аудандардағы елді мекендердің көшелері енгізілген. Яғни алдағы кезеңде де бұған дейін асфальт төселмеген көшелерге жол салу жалғасын табады. Бұл жұмыстарға қарастырылған қаржы көлемі 4,67 млрд теңгеге жуық», – деді Алматы облысының Жолаушылар көлігі және автомобиль жолдары басқармасының басшысы Ермек Баймұхамбетов.Жолдардың жаңаруы ауыл тұрғындарының күнделікті жүріп-тұруын жеңілдетті. Бұған дейін көлік жүруі қиындаған көшелерде қатынас жақсарып, мектептерге, медициналық мекемелерге және аудан орталықтарына жету уақыты орта есеппен 10 - 20 минутқа қысқарған.Ақпарат көзі : https://www.gov.kz/memleket/entities/almobl/press/news/details/1276644?lang=ru

Қостанай облысында сөре мен кассадағы бағаның сәйкес келмеу фактісі анықталды. «А-Маркет» супермаркетінде шоколад плиткасы сөреде 445 теңге деп көрсетілген. Алайда кассада тауардың бағасы 460 теңге болған.Тексеру нәтижесінде сауда субъектісі әкімшілік жауапкершілікке тартылды. Іс қысқартылған тәртіппен қаралып, 140 562,5 теңге көлемінде айыппұл салынды.Бұл – сауда орындарында бағаның дұрыс көрсетілуі қаншалықты маңызды екенін көрсететін мысал. ҚР СИМ Қостанай облысы бойынша Сауда және тұтынушылардың құқықтарын қорғау департаменті жыл басынан бері 141 кәсіпкерді әкімшілік жауапкершілікке тартқан.Олардың 135-і «Сауда қызметін реттеу туралы» Қазақстан Республикасы Заңының 9-бабы 1-тармағын, яғни сауда үстемесінің белгіленген мөлшерден асып кетуіне жол берген. Тағы 6 кәсіпкер сөрелерде баға белгілерінің болмауына байланысты жауапкершілікке тартылды.Мемлекеттік бақылау жұмысының нәтижесінде Департамент әлеуметтік маңызы бар азық-түлік тауарларының бағасын төмендетті: картоп 235 тг/кг-нан 170 тг/кг-ға дейін немесе 38,2%, пияз 330 тг/кг-нан 200 тг/кг-ға дейін немесе 65%, қырыққабат 230 тг/кг-нан 195 тг/кг-ға дейін немесе 17,9%, сәбіз 420 тг-дан 360 тг/кг дейін немесе 16,7%, "Рава" қияры 1900 тг/кг-нан 1380 тг/кг-ға дейін немесе 37,7%, "Миринда" қияры 650 тг/кг-нан 550 тг / кг-ға дейін немесе 18,2%, қызанақ 1560 тг/кг-нан 1260 тг/кг-ға дейін немесе 23,8%, алма 850 тг/кг-нан 840 тг/кг-ға дейін немесе 1,2% - ға дейін, ұн бірінші сорт 165 тг/кг-нан 144 тг/кг-ға дейін немесе 14,6% - ға дейін, жұмыртқа с-1 65 тг/данадан 60 тг/данаға дейін немесе 8,3% - ға дейін, қант 530 тг/кг-нан 490 тг/кг-ға дейін немесе 8,2%, қарақұмық 370 тг/кг-нан 310 тг/кг-ға дейін немесе 19,4%, күріш 470 тг/кг-нан 460 тг/кг-ға дейін немесе 2,2%, рожки 450 тг/кг-нан 370 тг/кг-ға дейін немесе 21,6%, күнбағыс майы 799 тг/дана 776 тг/дана дейін немесе 3%, шай 1350 тг/дана 1265 тг/дана дейін немесе 6,7%, ірімшік 4655 тг/кг бастап 4490 тг/кг дейін немесе 3,7%, айран 1 кг 2,5% май 470 тг/дана дейін 380 немесе 23,7%, тауық еті 1241 тг/кг-нан 921 тг/кг-ға дейін немесе 34,7%.Департамент әлеуметтік маңызы бар азық түлік тауарларына сауда үстемесінің заңнамада белгіленген мөлшерден асып кетуіне жол бермеу бойынша жұмысты жалғастыруда.Ақпарат көзі : https://www.gov.kz/memleket/entities/mti/press/news/details/1276507?lang=ru

Радиоэлектроника және байланыс әскери - инженерлік институтының оқу орталығында әскери мамандықтар бойынша үш айлық даярлық курсынан өткен мерзімді әскери қызметшілердің оқу бітіру рәсімі өтті.Күзгі шақырылымнан 75-тен астам әскери қызметші әскери мамандықтарды меңгергені туралы куәлік алды. Алдағы уақытта олар Қазақстан Республикасы Қарулы күштерінің әуе шабуылына қарсы қорғаныс әскерлерінің әскери бөлімдерінде қызметін жалғастырады.Оқу-жаттығу курсын сәтті аяқтаған әскери қызметшілерді РЭБӘИИ бастығының орынбасары полковник Жолшыбек Нұрлыбеков құттықтап, алдағы әскери қызметтеріне табыс және Отан алдындағы әскери борышын абыроймен атқаруды тіледі.Үш ай бойы әскери қызметшілер жауынгерлік, арнайы және техникалық пәндер бойынша теориялық және практикалық даярлықтан қарқынды өтті. Курс аяқталған соң олар сынақ тапсырып, таңдаған әскери мамандықтарын меңгеру деңгейін растады. Оқу барысында үздік нәтиже көрсеткен әскери қызметшілерге әскери институт басшылығының атынан алғысхаттар табысталды.Даярлықтан радиотехникалық әскерлер мен арнайы байланыс мамандары, радиолокациялық станциялар мен зениттік-зымырандық кешендердің операторлары, сондай-ақ дизельші-электриктер өтті. Биылдан бастап оқу бағдарламасына ұшқышсыз ұшу аппараттарын басқару курсы да енгізілді.– Үш ай ішінде көптеген жаңа білім алып, практикалық дағдыларды меңгердік. Мен С-300 зениттік-зымырандық кешеніне қатысты мамандықты игердім. Алған біліміміз алдағы уақытта қызметімізді жалғастырып, еліміздің әуе шебін қорғау міндеттерін орындайтын әскери бөлімдерде қажетімізге жарайтынына сенімдімін, – деді мерзімді әскери қызметші Едіге Есімханов.Биылғы түлектерді есепке алғанда РЭБӘИИ оқу орталығы мерзімді және келісімшарт бойынша әскери қызметшілер қатарынан 300-ге жуық кіші маман даярлап шығарды.Ақпарат көзі : https://www.gov.kz/memleket/entities/mod/press/news/details/1276476?lang=ru

Қазақстан Республикасы Сыртқы істер министрінің орынбасары Арман Исағалиев Корея Республикасының Қазақстан Республикасындағы Төтенше және Өкілетті Елшісі Чжон Кихонды қабылдады.Кездесу барысында қазақ-корей ынтымақтастығының өзекті мәселелері бойынша пікір алмасылды. Тараптар кеңейтілген стратегиялық серіктестікті одан әрі нығайтудың және тұрақты саяси диалогты қолдаудың маңыздылығын атап өтті.Тараптар ағымдағы жылы биік және жоғары деңгейлерде жоспарланған өзара сапарлар мен іс-шаралар кестесіне, сондай-ақ өңірлік ынтымақтастықты дамытуға қосымша серпін беруге бағытталған «Орталық Азия – Корея Республикасы» алғашқы Саммитін өткізуге дайындыққа ерекше назар аударды.Кездесу қорытындысы бойынша дипломаттар сындарлы диалогты және Қазақстан мен Корея арасындағы қатынастарды одан әрі нығайту жөніндегі бірлескен жұмысты жалғастыруға дайын екендіктерін білдірді. Ақпарат көзі : https://www.gov.kz/memleket/entities/mfa/press/news/details/1276463?lang=ru

Премьер-министрдің орынбасары – ұлттық экономика министрі Серік Жұманғариннің төрағалығымен өткен Салық Кодексін енгізу жөніндегі жобалық кеңсенің 25-ші отырысында жер асты суларын пайдалану кезінде ауыл шаруашылығы тауарын өндірушілерге жүктемені азайту мәселесі, жеке тұлғалардың несиесін есептен шығару кезіндегі салық салу қағидаты және борыштық бағалы қағаз бойынша дисконтты есепке алу тәртібі қаралды.Су ресурстары және ирригация министрлігі 2027-2040 жылдарға арналған жер асты суларын кешенді пайдалану және басқару тұжырымдамасы шеңберінде жер асты көздерін шаруашылық айналымға тарту үшін салық тетіктерін оңтайландыруды ұсынды. Қазір еліміздің жер асты суларының әлеуеті 3,5%-дан аз, ал суару саласында 2%-дан аз пайдаланылады.Бұл ретте, СРИМ ақпараты бойынша, пайдалы қазбаларды өндіруге салынатын салықтың (ПҚӨС) қолданыстағы ставкалары  және жазылу бонусы аграрлық шығындар құрылымында маңызды құрамдас болып қала береді. Осы міндеттерді шешу және су пайдаланушыларды заңды алаңға ауыстыру үшін министрлік 1 текше метр үшін 0,0006 АЕК (2,6 теңге) мөлшерінде жерасты суларын өндіруге арналған жеке төмендетілген ПҚӨС мөлшерлемесін белгілеуді және жер асты суларын тек суару үшін пайдаланатын ауыл шаруашылығы тауарын өндірушілерді жазылу бонусын төлеуден босатуды ұсынады.СРИМ бағалауы бойынша жер асты суларының бекітілген қорларының кемінде 10%-ын тарту айналымға шамамен 116,7 мың га суармалы жерді енгізуге, агроиндустриялық кластерлерге инвестиция тартуға және жоғары қайта өңдеу өндірісінің көлемін арттыруға мүмкіндік береді.Вице-премьер Серік Жұманғарин жер асты су көздерін пайдалануды ынталандыруды қолдап, кешенді және теңдестірілген тәсіл қажет екенін атап өтті.«Біз жер асты суларын пайдалануды ынталандыру тәсілін қолдаймыз. Ол әсіресе жер үсті су көздері тапшы өңірлерде қажет. Дегенмен, түпкілікті шешімдер судың құнына ғана емес, сонымен қатар өнімділікті, инвестиция көлемін және жұмыс орындарын құруды қосқанда, барлық экономикалық әсерге негізделуі керек. Су шектеулі ресурс, сондықтан оны ұтымды есепке алу өте маңызды. Үкімет суаруды дамыту жөніндегі жол картасын құрып, онда су көздерінің барлық түрі ескерілетін болады. Бұл механизмді алдымен сараптамалық және ғылыми қоғамдастықпен талқылау қажет. Ғалымдар экономикалық өсім экологияға зиян келтірмеуі үшін қорлардың қайта толуы мен өндірудің қауіпсіз деңгейіне нақты баға беруі керек», — деп атап өтті вице-премьер.Талқылау қорытындысы бойынша мәселені пысықтау, оны ғалымдардың есептеуімен және бағалауымен нығайту, содан кейін ғана суаруды дамыту жөніндегі Жол картасына енгізу тапсырылды. Екінші мәселе жеке табыс салығын (ЖТС) банктер кешірген кезде азаматтардың несиелік берешегі сомасына салық салу туралы болды. Қолданыстағы Салық кодексі бойынша есептен шығарылған борыш сомасы қарыз алушының табысы болып саналып, бұл ЖТС төлеу міндетіне алып келеді. Бұл ретте босату 368-бап бойынша кейбір жағдайларда ғана қарастырылады. Қаржы нарығын реттеу және дамыту агенттігі Қазақстан қаржыгерлерінің қауымдастығымен бірлесіп, алаяқтық қарыздарды қоса алғанда, үмітсіз кредиттерді есептен шығару кезінде азаматтарды ЖТС-тан толық босатуды ұсынды.Серік Жұманғарин банктердің коммерциялық тәуекелдері мен қарыз алушылардың қиын өмірлік жағдайларын саралау қажеттігін атап өтті. Мұндағы әңгіме адамға тәуелсіз себептермен несиеге қызмет көрсету мүмкіндігін объективті түрде жоғалтқан жағдайлар туралы болып отыр.«Алаяқтардың әрекетінен зардап шеккен азаматтар, сондай-ақ өмірлік қиын жағдайға тап болған қарыз алушылар қарызын есептен шығарту кезінде ЖТС төлеуден толық босатылуы тиіс. Мұндағы мемлекеттің ұстанымы айқын. Алайда, егер банк өзінің балансын оңтайландыру және провизияларды тарату үшін коммерциялық несиені есептен шығарса, бюджет салық түсімдерін автоматты түрде жоғалтпауы керек. Тәсіл теңдестірілген болуы керек», — деп атап өтті Серік Жұманғарин.Отырысқа қатысушылар банктерді сауықтыру және берешекті өндіріп алу рәсімдерін белсенді қолдануға ынталандыру қажеттігін атап өтті. Жиын қорытындысы бойынша вице-премьер уәкілетті мемлекеттік органдарға ҚНРДА-мен бірлесіп егжей-тегжейлі есептеу жүргізуді, «өмірлік қиын жағдай» (мүгедектік, еңбекке қабілеттілігінен айырылу, мүлік пен кірістің болмауы) өлшемдерінің толық тізбесін заңнамалық тұрғыдан бекітуді және келесі отырысқа келісілген ұстанымды ұсынуды тапсырды.Отырыс барысында, сондай-ақ борыштық бағалы қағаздар бойынша дисконтқа салық салу тәртібі қаралды. Салық кодексінің жалпы анықтамасы бойынша дисконт сыйақыны білдіреді. Бірақ бағалы қағазды өтеу кезінде ол сату фактісінің жоқтығына қарамастан, шын мәнінде құн өсімі ретінде қарастырылады. Бұл экономикалық жағынан бірдей табыс алу үшін салық салдарының айырмашылығын тудырады. Құқықтық қайшылықты жою үшін Салық кодексінің 378-бабының редакциясын пысықтау және борыштық бағалы қағаздар бойынша сыйақы құрамында өтеу кезінде дисконтты сақтау ұсынылды. Бұл купон мен дисконттан түсетін табыстарға салық салудың бірыңғай ашық тәсілін, сондай-ақ қазақстандық биржалық алаңдардағы инвесторлар үшін тең жағдайларды қамтамасыз етуге мүмкіндік береді.Талқылау қорытындысы бойынша отырысқа қатысушылар борыштық құралдар бойынша табыстарға салық салудың бірыңғай тәсілінің қажеттілігін қолдап, Салық кодексі жобасының тиісті нормаларын нақтылауға келісті.Ақпарат көзі : https://www.gov.kz/memleket/entities/economy/press/news/details/1276279?lang=ru

Қостанай облысының әкімі Құмар Ақсақаловтың төрағалығымен 2026-2027 жаңа оқу жылына дайындық тақырыбына арналған облыс әкімдігінің отырысы өтті.Мемлекет басшысы білім мен жас ұрпаққа ерекше көңіл бөліп келеді. Облысымызда соңғы үш жылда 10 мектеп салынды, оның алтауы – «Келешек мектептері». Келешек мектептер әлемдік талаптарға сай толық жабдықталған. Ғылыми жобалар мен зерттеулерде жасанды интеллект пайдаланады.«Мектептердегі орын тапшылығы 7 500-ден 2 500-ге дейін 3 есеге азайды. Қалған 2,5 мың тапшылықты шешу үшін 2 мектеп салынады», – деді аймақ басшысы.2023 жылдан бастап бастауыш сынып оқушылары тегін ыстық тамақпен қамтылады. Сапалы тамақтануды қамтамасыз ету үшін бірде-бір білім беру нысандарында санитарлық-эпидемиологиялық қорытындысы жоқ асхана болмауы тиіс.«Мектепке жол» акциясын сапалы әрі ашық түрде өткізіп, көмекке мұқтаж балаларды толық қамтуды қамтамасыз ету қажет. Бизнес өкілдерін аталған акцияға белсенді қатысуға шақырамын. Мұның барлығы балалардың жайлы білім алуына, жан-жақты дамуына және жақсы нәтижелерге қол жеткізуіне жасалып отырған жағдай», – деп атап өтті Құмар Ақсақалов.Соңғы екі жылда облыс экономикасының өсу қарқыны орташа республикалық көрсеткіштен жоғары болды. Бұл тек инвестиция тартудың, жаңа зауыттар мен фабрикаларды іске қосудың нәтижесі ғана емес, білікті мамандардың – білім беру ұйымдары түлектерінің де еңбегінің жемісі.Айта кетейік, қазіргі таңда жаңа өндірістердегі жұмысшылардың 50-70%-ін 35 жасқа дейінгі жастар құрайды.Ақпарат көзі : https://www.gov.kz/memleket/entities/kostanay/press/news/details/1276174?lang=ru

Алматы облысының әкімі Марат Сұлтанғазиев Үкімет отырысында жаңа оқу жылына дайындық барысы туралы баяндады. Айтуынша, үш ауысымды оқытуды жою мақсатында соңғы төрт жылда 75 жаңа мектеп ашылып, 6 қосымша жапсаржай салынған. Соның ішінде мемлекет қолдауының нәтижесінде 24 900 орынды 26 «Келешек мектеп» есігін айқара ашты. Қазіргі таңда жоспарға сәйкес он мектептің күрделі жөндеуі аяқталды, тағы екі нысан жыл соңына дейін пайдалануға беріледі, – деп хабарлайды Алматы облысы әкімінің баспасөз қызметі.Жаңа оқу жылында 502 мектепте 385 мыңға жуық бала білім алады. Ал бірінші сыныпқа 32 мыңнан астам оқушы қабылданды. Олардың саны жыл сайын артып келеді. Сондықтан жаңа мектеп салу – басты міндеттердің бірі. Осыған орай өңірде ЕРС+F тетігі арқылы 5 100 оқушыға арналған бес жалпы білім беретін мектептің тізімі бекітілді. Алматы агломерациясы ауылдарында Алматы қаласының бюджеті есебінен бес білім ошағын салу бойынша келіссөздер жүргізілді. Сондай-ақ биыл 200 орынды бір жатақхананың құрылысы тәмамдалса, жыл аяқталғанға дейін 500 орынға шақталған үш жатақхана ашылады.Марат Елеусізұлы өз сөзінде биыл білім беру саласына 458 млрд теңге қаржы бөлінгенін айтты. Әсіресе оқулық қорының жеткілікті болуына ерекше назар аударылған. Оған бөлінген қаражат – 3,3 млрд теңге. Жаңа оқу жылында жекелеген санаттағы 63 мың оқушыға мектеп формасы және оқу құралдары беріледі. «Мектепке жол» акциясы аясында демеушілер есебінен 18 мың балаға көмек көрсетіледі. Сондай-ақ 185 мың бала тегін ыстық тамақпен қамтамасыз етіледі. Шалғай елді мекендердегі оқушыларды тасымалдау үшін үш млрд теңге бөлінген. Мұның игілігін 29 мыңнан астам бала көрейін деп тұр.Бүгінде облыстағы барлық мектеп интернет желісіне қосылған. Олардың 87,9%-ында жаңа модификациялы оқу кабинеттері бар. Биыл 78 мектепте 203 заманауи кабинет ашылады. Сондай-ақ 2020 педагог біліктілігін арттыру курсынан өтеді.Оқушылардың қауіпсіздігі үшін білім беру ұйымдарында жедел басқару орталығына қосылған 27 мың бейнебақылау камерасы орнатылған. 213 мектепке арнайы күзет қызметі ұйымдастырылған.Сөз соңында облыс әкімі жаңа оқу жылына дайындық жұмысы жоспарға сәйкес жүргізіліп жатқанын және тұрақты бақылауда екенін жеткізді.Ақпарат көзі : https://www.gov.kz/memleket/entities/almobl/press/news/details/1276117?lang=ru

Қазақстанның барлық әлем елдерімен шикізаттық емес тауарлар бойынша тауар айналымы 2026 жылдың  қаңтар–маусым айларының  қорытындысы бойынша $43,9 млрд-қа жетті. Өткен жылдың сәйкес кезеңімен салыстырғанда көрсеткіш 7,6%-ға немесе $3,1 млрд-қа өсті. Бұл ретте экспорт айтарлықтай жоғары қарқын көрсетті. 2026 жылдың алғашқы алты айында қазақстандық кәсіпорындар сыртқы нарықтарға $15,2 млрд сомасына өңделген тауар жөнелтті, бұл бір жыл бұрынғы көрсеткіштен 17,6%-ға көп.2026 жылдың алғашқы алты айы Қазақстанның шикізаттық емес және өңделген тауарлар сыртқы саудасының өсуі жалғасқан кезекті кезең болды. Импорттың қалыпты өсуі аясында оң динамиканың негізгі көзі экспорт болды. Бір жыл ішінде экспорттық жеткізілімдер $2,3 млрд-қа өсіп, $12,9 млрд-тан $15,2 млрд-қа жетті, ал импорт 3%-ға, $27,9 млрд-тан $28,7 млрд-қа дейін өсті.Осылайша, 2026 жылдың қаңтар–маусымда шикізаттық емес және өңделген тауарлар экспорты импортқа қарағанда алты есеге жуық жылдам өсті. Сонымен қатар сауда балансының теріс сальдосы $14,9 млрд-тан $13,5 млрд-қа дейін қысқарып, $1,4 млрд-қа жақсарды.Әсіресе, соңғы 7 жылдағы динамика айқын көрінеді. 2019 жылдың қаңтар–маусымда шикізаттық емес және өңделген тауарлардың тауар айналымы $23,6 млрд,  ал экспорт $7,72 млрд болды. 2026 жылдың  қаңтар–маусымда бұл көрсеткіштер тиісінше $43,9 млрд және $15,2 млрд-қа жетті. Осылайша, 7 жыл ішінде тауар айналымы 1,9 есеге жуық, ал экспорт іс жүзінде екі есеге өсіп, шамамен 97%-ға артты. Бұл ретте $15,2 млрд көлеміндегі қазіргі экспорт көлемі осы жылдар ішіндегі ең жоғары көрсеткіш.Жеткізілімдердің өсуі қазақстандық өнімнің бірден бірнеше ірі әрі перспективалы нарықтарға шығуының себібененболды. Ең елеулі өсім Түркия бойынша тіркелді: 2026 жылдың қаңтар–маусымда бұл елге экспорт екі есеге өсіп, $950 млн-нан $1,91 млрд-қа жетті. Осылайша, тек түрік бағыты бойынша Қазақстан қосымша шамамен $960 млн экспорттық түсім алды.Ұлыбритания бойынша одан да айқын динамика байқалды. Мәселен, экспорт 2,7 есеге өсіп, $248,9 млн-нан $671,8 млн-ға жетті. Қытайға жеткізілімдер 12,1%-ға өсіп, $3,67 млрд болды, бұл 2025 жылдың сәйкес кезеңімен салыстырғанда шамамен $400 млн қосымша экспортты қамтамасыз етті.Өзбекстан, Франция, Ауғанстан және Гонконг нарықтарында да айтарлықтай өсім байқалды. Өзбекстанға экспорт 23,5%-ға өсіп, $1,39 млрд-қа, Францияға 2,4 есеге өсіп, $385,4 млн-ға, Ауғанстанға 2,1 есеге өсіп, $344,9 млн-ға, ал Гонконгқа 2,9 есеге өсіп, $220 млн-ға жетті.Әсіресе маңыздысы, тек Түркия, Ұлыбритания және Қытай өткен жылдың бірінші жартыжылдығымен салыстырғанда шамамен $1,8 млрд қосымша экспортты қамтамасыз етті. Бұл жеткізілімдердің физикалық көлемінің өскенін ғана емес, қазақстандық компаниялардың ірі халықаралық нарықтардағы мүмкіндіктерінің кеңейгенін де көрсетеді.Бүгінде экспорттық себеттің негізін мыс және мыс катодтары  $2,84 млрд, уран  $1,51 млрд, ферроқорытпалар  $1,1 млрд, күміс  $781,3 млн, күнбағыс майы  $533 млн, жануарларға арналған азық өнімдері  $438 млн сияқты тауарлар құрайды.Өсу қарқындарының арақатынасы да маңызды нәтиже болып отыр. Экспорт 17,6%-ға артқан кезде, шикізаттық емес және өңделген тауарлар импорты небәрі 3%-ға өсті. Нәтижесінде экспорт пен импорт арасындағы айырмашылық біртіндеп қысқарып, сауда балансы бір жыл ішінде $1,4 млрд-қа жақсарды.Ақпарат көзі : https://www.gov.kz/memleket/entities/mti/press/news/details/1275987?lang=ru

Қарағандыда Кеңес Одағының Батыры Нұркен Әбдіров атындағы Қарағанды авиациялық базасының 25 жылдығына арналған салтанатты іс-шара өтті.Мерейтойлық шараға әскери бөлімнің жеке құрамымен қатар Әуе қорғанысы күштері Әскери-әуе күштерінің қолбасшысы авиация генерал-майоры Асқар Ізбасов, әскери бөлімнің бұрынғы командирлері, Қарулы күштердің ардагерлері және әскери қызметшілердің отбасы мүшелері қатысты.Жеке құрам алдында сөз сөйлеген Асқар Ізбасов авиабазаның еліміздің әуе кеңістігінің қауіпсіздігін қамтамасыз етуге қосып отырған елеулі үлесін атап өтті.– 25 жыл ішінде әуе базасы қалыптасу мен даму жолынан өтті. Оның тарихында ұшқыштардың, инженерлік-техникалық құрамның және ұшуды қамтамасыз ету мамандарының бірнеше буынының кәсібилігі мен өз ісіне деген адалдығы жатыр. Бүгінде жеке құрам әскери бөлімнің дәстүрін жалғастырып, заманауи авиациялық техниканы меңгеріп, кәсіби шеберлігін жетілдіріп келеді, – деді қолбасшы.Мерекелік бағдарламаның ерекше бөлігі әскери қызметшілердің отбасы мүшелеріне арналған ашық есік күні болды. Балалар әскери ұшақтарды тамашалап, кабиналарына отырып, әуе қырандарының шлемдерін киіп көрді. Көптеген бала үшін бұл әскери авиация әлемімен алғашқы танысу болды.Мерекелік шара әрі қарай Достық үйінде жалғасты. Мұнда әскери қызметшілерге кезекті әскери атақтар табысталып, қызметтік міндеттерін мінсіз атқарған әскери қызметшілерге алғыс хаттар мен бағалы сыйлықтар берілді. Әуе базасының қалыптасуы мен дамуына үлес қосқан ардагерлер мен бұрынғы командирлерге де алғыс айтылды.Іс-шара концерттік бағдарламамен қорытындыланды. Ол әскери бөлімнің бастауында тұрған ардагерлерден бастап, бүгінде оның тарихын жалғастырып келе жатқан әскери қызметшілерге дейінгі бірнеше буын авиация мамандарын бір ортаға тоғыстырды.Әуе базасының тарихы 2001 жылғы 16 тамыздан басталады. Сол күні алғашқы ұшақтар «Жаңа Семей» әуе айлағынан Қарағандыдағы «Сарыарқа» әуе айлағына ұшып келді. Ал сол жылдың 18 қыркүйегінде жеке құрам еліміздің әуе шебін күзету бойынша тәулік бойы жауынгерлік кезекшілік атқаруға кірісті. 2002 жылы әуе базасына жерлесіміз, аты аңызға айналған ұшқыш Нұркен Әбдіровтің есімі берілді.Ширек ғасыр ішінде Қарағанды авиациялық базасы Қазақстанның әуе кеңістігінің қауіпсіздігін қамтамасыз ету жүйесінің маңызды буынына айналды. Әскери бөлім өзінің басты дәстүрлерін – кәсібилік, әскери борышқа адалдық және ұрпақтар сабақтастығын берік сақтап келеді.Ақпарат көзі : https://www.gov.kz/memleket/entities/mod/press/news/details/1275714?lang=ru

2027 жылдың 1 қаңтарынан бастап Қазақстан Республикасының аумағында ресми бекітілген «Органикалық тыңайтқыштар. Өнеркәсіптік өндіріске қойылатын жалпы техникалық талаптар» ҚР СТ стандарты қолданысқа енгізіледі. Құжат өндірушілер үшін бірыңғай ережелерді қалыптастырып, отандық өнімдердің жалпы сапасын арттыруға және елдегі органикалық егіншілік экожүйесін дамытуға негізгі бағыт-бағдар береді.Жаңа стандарт аясында мал шаруашылығы қалдықтарын, атап айтқанда мал қиын, құс саңғырығын, компосттарды, биогумусты және өзге де шикізат түрлерін өнеркәсіптік қайта өңдеу процестері жүйелі түрде регламенттелді.Құжатта биогаз қондырғыларынан алынатын дигестатты қайта өңдеуге ерекше көңіл бөлініп, аэробты және вермикомпосттау, метантенктердегі анаэробты ферменттеу, сондай-ақ кептіру және түйіршіктеу процестері үшін нақты технологиялық нормалар бекітілді. Бұл отандық кәсіпорындарға өндірістік қуаттарды тиімді пайдаланып, халықаралық талаптарға сай жоғары сапалы тыңайтқыштар шығаруға мүмкіндік береді.Өнімдердің қауіпсіздігін қамтамасыз ету мақсатында стандартта қатаң ветеринариялық-санитариялық көрсеткіштер қарастырылған. Дайын органикалық тыңайтқыштарда патогенді микрофлораның, соның ішінде сальмонеллалардың және гельминт жұмыртқаларының болуына толықтай тыйым салынады.Сонымен қатар, қорғасын, кадмий, сынап және күшәла сияқты ауыр металдардың шекті рұқсат етілген концентрациялары мен өнімнің радиациялық фонына қойылатын талаптар гигиеналық нормативтерге сәйкестендірілді. Белгіленген гигиеналық нормативтерден аспайтын өнімнің табиғи және жасанды радиациялық фоны да нормаланады. Құжат өндірістік алаңдарды, биореакторларды, вентиляция жүйелерін жабдықтауға және қоршаған ортаның ластануын болдырмауға қойылатын талаптарды егжей-тегжейлі түсіндіреді. Бұдан бөлек, стандарт тыңайтқыштарды өлшеп-орау, таңбалау, тасымалдау және сақтау тәртібін айқындайды.Құжатты әзірлеу «Тыңайтқыштардың қауіпсіздігіне қойылатын талаптар» Техникалық регламентінің (ҚР Ауыл шаруашылығы министрінің № 26 бұйрығы) нормаларын тікелей іске асыру шеңберінде орындалды. Бұл ретте экологиялық заңнаманың талаптары, өрт және санитариялық-гигиеналық қауіпсіздік нормалары ескерілді.Ақпарат көзі : https://www.gov.kz/memleket/entities/mti/press/news/details/1275715?lang=ru

18 тамыз – Қазақстанның ұлттық мүдделерін қорғап, әуе кеңістігінің қауіпсіздігін қамтамасыз етуге отыз жылға таяу сенімді үлес қосып келе жатқан Әуе қорғанысы күштерінің күні.Әуе қорғанысы күштерінің құрамына Әскери-әуе күштері мен Әуе шабуылына қарсы қорғаныс әскерлері кіреді. Олардың басты міндеті елдің әуе кеңістігін тәулік бойы қорғау, стратегиялық маңызды нысандар мен әскери топтарды бүркемелеу, сондай-ақ Қарулы күштердің түрлері мен әскер тектеріне, басқа да әскерлеріне авиациялық қолдау көрсету болып табылады.Қару-жарақ құрамында заманауи авиациялық және зениттік-зымырандық кешендер, радиолокациялық станциялар, ұшқышсыз басқарылатын авиациялық жүйелер бар. Автоматтандырылған басқару жүйелері кезең-кезеңімен енгізіліп, жауынгерлік даярлық әдістері жетілдірілуде, қару-жарақ пен әскери техника паркі жаңартылуда.Кәсіби кадрларды даярлау басты назарда. Ұшу және инженерлік-техникалық құрамды Ақтөбедегі екі мәрте Кеңес Одағының Батыры Талғат Бигелдинов атындағы Әуе қорғанысы күштерінің әскери институты даярлайды. Әуе шабуылына қарсы қорғаныс әскерлері мен байланысқа арналған инженерлік кадрлар Алматыдағы Радиоэлектроника және байланыс әскери-инженерлік институтында оқытылады.Әскери қызметшілер өздерінің жоғары шеберлігін әскер түрлері арасындағы және халықаралық оқу-жаттығулар барысында дәлелдеп, кез келген жағдайда міндеттерді орындауға дайындығын ұдайы көрсетіп келеді. Армия авиациясының экипаждары бірнеше рет халыққа көмек көрсетуге және төтенше жағдайлардың салдарын жоюға жұмылды. Сонымен қатар Абай облысындағы ауқымды орман өрттерін сөндіруге де қатысты.Бүгінде Әуе қорғанысы күштері – заманауи қару-жарақпен жабдықталған, жоғары технологиялы, аса ұтқыр әрі білікті мамандармен жасақталған Қарулы күштердің маңызды құрамдас бөлігі. Олар жауынгерлік кезекшілікте, практикалық сабақтар мен оқу-жаттығулар барысында өздерінің кәсіби шеберлігі жоғары екенін дәлелдеп жүр.Әрбір ұшудың, жауынгерлік кезекшіліктің және оқу-жаттығудың артында әуе кеңістігін қорғауға және ел қауіпсіздігін көздің қарашығындай сақтауға әркез дайын әскери қызметшілердің күнделікті еңбегі тұр.Ақпарат көзі : https://www.gov.kz/memleket/entities/mod/press/news/details/1275532?lang=ru

Астана, 2026 жылғы 17 тамыз – Қазақстан Республикасы Сыртқы істер министрінің орынбасары Арман Исетов Словения Республикасының Қазақстанға  жаңадан тағайындалған Елшісі Бранко Раковецтен (резиденциясы Люблянада) сенім грамотасының көшірмеcін қабылдады.А. Исетов Елшіні жаңа қызметіне тағайындалуымен құттықтап, оның дипломатиялық миссиясы Астана мен Любляна арасындағы ынтымақтастықты одан әрі дамытуға ықпал ететініне сенім білдірді.Тараптар Қазақстанның  Люблянадағы Елшілігінің 2024 жылы ашылуы және Словения Президенті Наташа Пирц-Мусардың 2025 жылы Қазақстанға жасаған ресми сапары екіжақты байланыстардың нығая түскенін және екі елдің өзара қарым-қатынастарды сапалы жаңа деңгейге көтеруге деген ортақ ұмтылысын айқын көрсеткенін атап өтті.Ең жоғары деңгейде қол жеткізілген келісімдерді іс жүзінде жүзеге асыруға, сондай-ақ Сауда-экономикалық, ғылыми-техникалық ынтымақтастық жөніндегі үкіметаралық комиссия қызметінің маңызына жеке назар аударылды.Елші Б. Раковец жылы қабылдау үшін алғыс білдіріп, екі ел арасындағы әріптестікті одан әрі нығайтуға күш-жігерін салатынын жеткізді.Тараптар өзара қызығушылық тудыратын барлық салалар бойынша сындарлы өзара іс-қимылды жалғастыруға келісті.Ақпарат көзі : https://www.gov.kz/memleket/entities/mfa/press/news/details/1275461?lang=ru