«Жасыл дәліз» механизмі Қазақстанда инвестициялық жобаларға мемлекеттік қызметтерді жедел әрі басым тәртіппен көрсету мақсатында енгізілген. Аталған функционал «Е-лицензиялау» ақпараттық жүйесінде іске асырылған және инвесторлардың мемлекеттік органдармен өзара іс-қимылында қолданылады. Шешім 2025 жылғы 7 маусымда іске қосылды.Бұл механизм инвестиция көлемін қоса алғанда, белгіленген талаптарға сәйкес келетін инвестициялық жобаларға қолданылады. Қолдану шарттарының толық тізбесі инвесторларға арналған «бір терезе» қағидатын ұйымдастыру ережелерінде көрсетілген.«Жасыл дәліз» механизмі мемлекеттік органдар тарапынан өтінімдерді басым тәртіппен қарау арқылы мемлекеттік қызметтерді қысқа мерзімде алуға мүмкіндік береді.Бұл тәсіл «Е-лицензиялау» платформасында цифрлық форматта іске асырылған және инвестициялық ахуалды жақсарту мен инвесторларға арналған «бір терезе» қағидатын енгізу жөніндегі мемлекеттік саясат аясында қолданылады.Қазіргі уақытта «Е-лицензиялау» жүйесінде «Жасыл дәліз» механизмі 400-ден астам мемлекеттік қызметке қолданылады. Инвестициялық жобаға «Жасыл дәліз» қатысушысы мәртебесі берілгеннен кейін өтінімдер жеделдетілген әрі басым тәртіппен қаралады, бұл ретте инвестор үшін өтінім беру тәртібі өзгеріссіз қалады.  «Жасыл дәліз» тетігін енгізу – қолайлы әрі ыңғайлы инвестициялық ортаны қалыптастыруға бағытталған жүйелі жұмыстың бір бөлігі. Бұл жобаларды сүйемелдеуді бір арнаға тоғыстыруға және цифрлық мемлекеттік сервистерде «бір терезе» қағидатын орнықтыруға мүмкіндік береді. Бүгінгі таңда elicense.kz платформасы арқылы осы механизм аясында 4,7 мыңнан астам мемлекеттік қызмет көрсетілді», – деді ҚР Жасанды интеллект және цифрлық даму министрлігінің Мемлекеттік қызметтер комитеті төрағасының орынбасары Айгерім Ерлан.Мемлекеттік органдар үшін жүйеде арнайы визуалды белгі қарастырылған. Өтінімдер тізімінде өтініш берушінің сәйкестендіру кодының жанында «Жасыл дәліз» қатысушысы мәртебесін растайтын белгі көрсетіледі. Бұл мұндай өтінімдерді қарау кезінде оларды жедел айқындауға мүмкіндік береді.Инвестициялық жобаларды «бір терезе» қағидаты бойынша сүйемелдеу Ұлттық цифрлық инвестициялық платформа (ҰЦИП) арқылы жүзеге асырылады. ҰЦИП-ті «Жасыл дәліз» функционалымен қатар қолдану инвестициялық жобаларды толық цифрлық форматта сүйемелдеуді қамтамасыз етеді. Бұл қолданыстағы мемлекеттік қызметтер аясында осындай жобалар бойынша өтінімдерді қараудың бірыңғай әрі болжамды тәртібін қалыптастыруға мүмкіндік береді.Ақпарат көзі : https://www.gov.kz/memleket/entities/aqmola-selinograd/press/news/details/1157013?lang=kk

Ақтау гарнизонында теңіз жаяу әскерінің десанттық-шабуылдау батальонында мерзімді әскери қызмет өткеріп жүрген матрос Бақдәулет Күздібаев әскери қызметті шығармашылықпен ұштастырып келеді. Атырау облысынан төрт ай бұрын Әскери-теңіз күштерінің қатарына шақырылған ол қазіргі уақытта механик-жүргізуші лауазымында қызмет атқарады. Бақдәулет Күздібаевтың сурет салуға деген қызығушылығы бала кезінен қалыптасқан. Мектеп және студенттік жылдары ол стендтерді, плакаттар мен қабырға суреттерін безендірген. Әскер қатарына келгеннен кейін өз әуестігі туралы командирлеріне айтып, олардың қолдауына ие болды. Қазіргі уақытта ол қызметтен бос уақытында сурет салады. Матростың айтуынша, басты мақсаты — туған әскери бөлімінде игі із қалдырып, өзінен кейін келетін әскери қызметшілердің ұлттық тарихтың батырларын танып, құрметтеуіне үлес қосу. Қызмет ету барысында Бақдәулет Күздібаев белгілі батырлар мен хандардың бейнесін қамтыған бірқатар ауқымды туындыларды дүниеге әкелді. Сонымен қатар ол аңызға айналған қолбасшы Бауыржан Момышұлына арналған жеке туынды да салды. Матрос Бақдәулет Күздібаевтың үлгісі қатаң күн тәртібі, жауынгерлік даярлық пен қарқынды жаттығуларға қарамастан, әскерде шығармашылық пен өзін-өзі дамытуға мүмкіндік бар екенін айқын көрсетеді.Ақпарат көзі : https://www.gov.kz/memleket/entities/mod/press/news/details/1156980?lang=kk

Еуразиялық экономикалық одаққа мүше мемлекеттер ақпараттық-телекоммуникациялық «Интернет» желісінде зияткерлік меншік объектілеріне қатысты құқықбұзушылықтарға қарсы күресте ортақ тәсілдер қалыптастыру туралы уағдаласты. Аталған тәсілдерді алдағы айларда мақұлдануы күтіліп отырған Келісім жобасында бекіту жоспарланып отыр.Келісім цифрлық ортада фильмдер, музыка, кітаптар және авторлық құқықтың өзге де объектілерін заңсыз пайдалануға қарсы іс-қимыл нормаларын қамтиды. Сондай-ақ құжатта контрафактілік контент заңсыз орналастырылған сайттар мен онлайн-ресурстарға қолжетімділікті шектеу мәселелері бойынша ЕАЭО-ға мүше мемлекеттердің үйлестірілген ұстанымдарын қалыптастыру көзделген.Келісімнің басты мақсаты – құқық иелерінің мүдделерін қорғау тетіктерінің тиімділігін арттыру және ЕАЭО елдері арасындағы өзара іс-қимылдың бірыңғай механизмдерін әзірлеу.Атап айтқанда, құқық бұзушылық орын алған ЕАЭО-ға мүше мемлекеттің сот шешімі негізінде интернет-ресурстарды бұғаттау мүмкіндігін қарастыру жоспарланып отыр. Бұл ретте сайт иелері, ақпараттық делдалдар және цифрлық ортадағы өзге де қатысушылар мұндай контентке қолжетімділікті шектеу бойынша тиісті шаралар қабылдауға міндетті болады.Сонымен қатар ЕАЭО елдерінде зияткерлік меншік құқықтарының бұзылуына байланысты қолжетімділігі шектелген интернет-ресурстардың ұлттық электрондық тізілімдерін құру көзделуде. Бұл тізілімдер бұғатталған ресурстарды есепке алу және уәкілетті органдар арасында ақпарат алмасу үшін пайдаланылатын болады.Мұндай тізілімдерді енгізу қабылданатын шаралардың ашықтығын арттырып, заңсыз контентті бұғаттауда бірыңғай ұстанымды қамтамасыз етуге, сондай-ақ цифрлық кеңістікте зияткерлік құқықтарды қорғау саласындағы іс-қимылды үйлестіруді күшейтуге мүмкіндік береді деп күтілуде.Келісімді іске асыру интернеттегі контрафактілік контенттің таралуын қысқартуға, цифрлық нарық қатысушылары үшін түсінікті әрі болжамды жағдай қалыптастыруға, сондай-ақ ЕАЭО шеңберінде адал бәсекелестіктің дамуына ықпал етпек.Ақпарат көзі : https://www.gov.kz/memleket/entities/mti/press/news/details/1156973?lang=kk

Денисов ауданының орталығында жаңа екі қабатты тұрғын үй пайдалануға берілді.Жаңа тұрғын үй Чапаев көшесі, 11А мекенжайында орналасқан. Екі қабатты көппәтерлі үй сапалы әрі төзімді құрылыс материалдарымен салынған. Ғимарат заманауи талаптарға сай инженерлік инфрақұрылыммен қамтамасыз етілген: су, газ және жылу желілері толық тартылған. Пәтерлер таза әрлеумен пайдалануға берілді.Нәтижесінде 11 отбасы жаңа баспанаға қол жеткізді. Олардың қатарында көп балалы отбасылар, жетім балалар, зейнеткерлер және мүгедектігі бар азаматтар бар.Пәтерлерді бөлу «Отбасы банкі» АҚ арқылы жүзеге асырылды. Тұрғын үй мемлекеттік қолдау шараларын іске асыру аясында салынды және азаматтардың тұрғын үй жағдайын жақсартуға бағытталған.Өңірде халықты тұрғын үймен қамтамасыз ету бағытындағы жұмыстар жүйелі түрде жалғасуда.Ақпарат көзі : https://www.gov.kz/memleket/entities/kostanay/press/news/details/1156968?lang=kk

Қазақстанда цифрлық кеңістіктегі азаматтардың құқықтарын қорғау конституциялық деңгейде алғаш рет заң жүзінде бекітілді. Негізгі заңға енгізілген бұл норма азаматтардың цифрлық ортадағы жеке деректерінің қауіпсіздігін қамтамасыз етуге және құқықтарының сақталуына бағытталған. Сонымен қатар, құқық қорғау жүйесін жетілдіру мақсатында ұстау кезінде «Миранда ережесі» енгізіліп, азаматты бір құқықбұзушылық үшін қылмыстық немесе әкімшілік жауапкершілікке қайта тартуға тыйым салынды. Бұдан бөлек, некені ер мен әйелдің одағы ретінде заңды түрде тану арқылы әйелдердің құқықтарын қорғау тетіктері күшейтілді. Бұл өзгерістер құқықтық мемлекеттің қағидаттарын нығайтып, азаматтардың бостандықтары мен заңды мүдделерін жаңа цифрлық талаптарға сай қорғауға мүмкіндік береді.

Жаңартылған Конституцияда биліктің бірден-бір бастауы – Қазақстан халқы екені нақты бекітіліп, азаматтардың ел басқару ісіне тікелей қатысу мүмкіндіктері кеңейтіледі. Осы мақсатта халықтың пікірін ескеруге және қоғамдық диалогты нығайтуға бағытталған жаңа институттар мен тетіктер қалыптастырылады. Соның бірі – Қазақстанның Халық Кеңесі, ол азаматтар атынан заңнамалық бастамалар көтеруге мүмкіндік беретін тиімді диалог алаңы ретінде құрылып, қоғам мен билік арасындағы өзара байланысты күшейтуді көздейді. Сонымен қатар Құрылтай институтының рөлі айқындалып, 145 депутаттан тұратын бірпалаталы Парламенттің тиімді жұмыс істеуіне негіз қаланады. Бұл өзгерістер мемлекеттік басқару жүйесінің ашықтығын арттырып, халықтың шешім қабылдау үдерісіне қатысуын күшейту арқылы демократиялық қағидаттарды одан әрі нығайтуға бағытталған.

Жаңартылған Конституция мемлекеттің даму бағытын айқындайтын негізгі құндылықтарды жаңа мазмұнмен толықтырып, қоғамдық өмірдің барлық саласына ортақ әділдік, заң және тәртіп қағидаттарын алғаш рет конституциялық деңгейде бекітеді. Бұл нормалар азаматтардың құқықтары мен бостандықтарын қорғауды күшейтіп, мемлекеттік басқарудың ашықтығы мен жауапкершілігін арттыруға бағытталған. Сонымен қатар қоршаған ортаны қорғау және табиғатқа ұқыпты қарау конституциялық принцип ретінде белгіленіп, экологиялық қауіпсіздікті сақтау мен болашақ ұрпақ алдындағы жауапкершілік мемлекеттің стратегиялық міндеті ретінде айқындалады. Қоғамдағы бірлік пен ынтымақтастықты нығайту, этносаралық келісім мен тұрақтылықты сақтау да негізгі құндылықтардың қатарына еніп, азаматтық татулық пен қоғамдық келісімді қамтамасыз етудің маңызды шарты ретінде қарастырылады. Конституциялық реформалар жобасы Негізгі заң мәтінінің 84 пайызын қамтып, елдің саяси-құқықтық жүйесін жаңғыртуға бағытталған, ал оның толық мазмұнымен ресми ақпараттық порталдар арқылы танысуға мүмкіндік бар.

Жаңартылған Конституция Қазақстанның стратегиялық дамуының жаңа бағытын айқындап, білім, ғылым және инновацияны мемлекеттің басты басымдығы ретінде бекітеді. Елдің тұрақты өсімі мен бәсекеге қабілеттілігі табиғи ресурстарға ғана емес, азаматтардың біліміне, кәсіби біліктілігіне және зияткерлік әлеуетіне тікелей байланысты екені нақты көрсетіледі. Осы орайда адам капиталы ұлттық дамудың негізгі тірегіне айналып, әр азаматтың мүмкіндігін толық іске асыруына жағдай жасау көзделеді. Сонымен қатар зияткерлік меншік құқықтарын қорғау тетіктері күшейтіліп, өнертабыстар мен ғылыми жетістіктерді қолдауға бағытталған құқықтық негіздер нығайтылады. Цифрландыру мен инновациялық даму мемлекеттік саясаттың ажырамас бөлігі ретінде белгіленіп, басқару тиімділігін арттыруға, экономиканы жаңғыртуға және қоғамның ашықтығын қамтамасыз етуге қызмет етеді. Осылайша жаңа Конституция білімге, технологияға және тең мүмкіндіктерге сүйенген заманауи әрі әділетті Қазақстанды қалыптастыруға бағытталған.

*«Мирас» университетінің жастары Жаңа Конституция жобасына қолдау білдірді*Шымкент қаласы әкімінің орынбасары Сәрсен Құранбек «Мирас» университетінде болып, Жаңа Конституция жобасын талқылау және түсіндіру мақсатында студент жастармен және профессор-оқытушылар құрамымен кездесу өткізді.Кездесу барысында қала әкімінің орынбасары қолданыстағы Конституцияның тәуелсіз Қазақстанның қалыптасуы мен дамуы кезеңінде елдегі қоғамдық келісім мен саяси тұрақтылықты қамтамасыз етуде маңызды рөл атқарғанын атап өтті. Оның айтуынша, Ата Заң осы уақытқа дейін өзіне жүктелген тарихи миссияны толық орындады. Қазіргі кезеңде қоғам мен мемлекеттің даму талаптарына сай, мемлекеттілікті одан әрі нығайтып, заманауи сын-қатерлерге жауап бере алатын жаңа Конституция қабылдау қажеттілігі туындап отыр.Сәрсен Құранбек Жаңа Конституция жобасында ұлттық мүдде мен ұлттық ерекшеліктерге айрықша мән берілгенін жеткізді. Сонымен қатар, құжатта әділеттілік пен теңдік қағидаттарын басшылыққа алатын, азаматтардың құқықтары мен бостандықтарын қорғауға бағытталған маңызды нормалар көзделгені атап өтілді.Іс-шара ашық диалог форматында өтіп, студент жастар тарапынан белсенділік танытылды. Қатысушылар Жаңа Конституция жобасына қатысты өз пікірлерін білдіріп, көтерілген бастамаларды қолдайтындарын жеткізді. Сондай-ақ, студенттер тарапынан қойылған сұрақтарға нақты жауаптар берілді.Кездесу барысында университеттің профессор-оқытушылар құрамы да сөз сөйлеп, Конституциялық реформаның ел дамуы үшін маңыздылығына тоқталды. Олар Жаңа Конституция жобасы мемлекет пен қоғам арасындағы өзара жауапкершілікті арттыруға және құқықтық мәдениетті нығайтуға бағытталғанын атап өтті.Жиын қорытындысы бойынша қатысушылар Жаңа Конституция жобасын қолдайтындарын білдіріп, мұндай кездесулер халықтың, әсіресе жастардың, ел болашағына белсенді қатысуына жол ашатынын және қоғам мен билік арасындағы өзара түсіністікті нығайтуға ықпал ететінін жеткізді.

Түркия мен Қазақстанның Стратегиялық жоспарлау жөніндегі бірлескен тобының 8-ші отырысыАнкарадағы Стратегиялық жоспарлау жөніндегі бірлескен топтың 8-ші отырысының қорытындысы бойынша Қазақстан мен Түркия кеңейтілген стратегиялық серіктестік мәртебесін ресми түрде растады және екі бауырлас ел арасындағы қарым-қатынастың жаңа кезеңін ашты. Кездесудің ерекше және терең эмоционалды бөлімі – 2023 жылғы қайғылы жер сілкіністерінен кейін Қазақстанның тұрақты бірлігін бағалап, Түркия тарапынан ризашылық білдіру болды. Осы бауырластықтың символы – Нұрдағы (Газиантеп) қаласында Қазақстан тарапынан толық қаржыландырылған жаңа мектептің салынуы.Бұл жоба, сондай-ақ KazAID пен TIKA агенттіктерінің табысты ынтымақтастығы, серіктестігіміздің жаңа деңгейге көтерілгенін көрсетеді. Күш біріктіре отырып, біздің елдер тек Орталық Азияның тұрақты дамуына үлес қосып қана қоймай, үшінші елдерге де бірлесіп көмек көрсетіп, халықаралық аренада біртұтас құрылымды күш ретінде әрекет етеді.Ақпарат көзі : https://www.gov.kz/memleket/entities/kazaid/press/news/details/1156920?lang=kk

The Constitutional Court of the Republic of Kazakhstan has published the draft of a new Constitution on January 31, following an extensive constitutional reform process initiated by President Kassym-Jomart Tokayev.The draft was formed following the discussions and debates among the members of the Constitutional Commission on the basis of the numerous proposals and suggestions received from the Kazakh society.The reform marks a transition from targeted amendments to a comprehensive constitutional transformation, reflecting changes across the political system, governance model, and the state’s value framework. The final decision on adopting the new Constitution will be taken by citizens through a nationwide referendum.Changes in the institutional and political system will affect the parliamentary system, the executive branch, and a new consultative body will be created.It is planned to create a unicameral parliament (Kurultai), consisting of 145 deputies (members of parliament), who will be elected according to a proportional electoral system with a term of five years, and the powers of parliament will be expanded.The new Consultative body presupposes the creation of the People's Council of Kazakhstan, the Highest national consultative body that will represent public interests and will be granted the right of legislative initiative.In the executive branch, the institution of Vice President will be introduced. The Vice President will act on behalf of the President in engagement with domestic and foreign socio-political, scientific, cultural, and educational organisations.The draft Constitution significantly strengthens legal safeguards and procedural rights.The draft Constitution reflects Kazakhstan’s evolving political system, social priorities, and international standing. The new Constitution places human rights and freedoms at the center of the state’s constitutional framework.Besides, the Constitution redefines the long-term development trajectory of the state by identifying education, science, culture, and innovation as central constitutional priorities. Digital transformation is explicitly addressed. For the first time, constitutional protection of citizens’ rights in the digital environment is introduced.The new Constitution reinforces the secular nature of the state, clearly separating religion from government and affirming the secular character of education and upbringing. The Basic Law will include measures to protect traditional values and strengthen the legal protection of women's rights.In general, the new text is positioned as an evolution, reflecting institutional maturity, accumulated international credibility, and a forward-looking governance model.Constitutional Commission will continue its debates.Background: The constitutional reform was launched following the President’s proposal, announced on 8 September 2025 in his annual Address to the Nation, to establish a unicameral Parliament as part of a broader political system reset.In January 2026, a Constitutional Commission was established, comprising 130 members representing all regions and social groups, including members of the National Kurultai (Congress), legal experts, government officials, media representatives, maslikhats (local executive bodies) chairs, and civil society.Ақпарат көзі : https://www.gov.kz/memleket/entities/mfa-skopje/press/news/details/1156921?lang=kk

Скопье, 2026 жылғы 2 ақпан – Қазақстан Республикасының Солтүстік Македониядағы Елшілігі Скопье қаласында туризм саласындағы екіжақты ынтымақтастықты кеңейту және македониялық туристердің Қазақстанға қызығушылығын арттыру мақсатында «Қазақстанның туристік әлеуеті» тақырыбында презентация өткізді.Іс-шараға Солтүстік Македонияның туристік компанияларының өкілдері (Elite Travel, Magelan, Mond Travel, Atlas), сондай-ақ Азия елдерімен ынтымақтастық жөніндегі Еуропалық экономикалық альянстың вице-президенті З.Эделински қатысты.Қазақстанның Елшісі Сатыбалды Бұршақов елдің туристік әлеуеті жөнінде жан-жақты презентация жасап, Қазақстанның бірегей өңірлік ерекшеліктері мен көрікті жерлері туралы баяндады.Қазақстандық дипломат кездесуге қатысушыларды екі ел арасындағы өзара туристік алмасу мен іскерлік байланыстардың деңгейін арттыру мақсатында Қазақстан Республикасының туроператорларымен өзара тиімді ынтымақтастықты жандандыруға шақырды.Македониялық туркомпания өкілдері Қазақстанға қызығушылық танытып, туризм саласындағы өзара тиімді әріптестікті кеңейтуге дайын екендіктерін білдірді.Кездесу қонақтарына Қазақстан Республикасының бай туристік әлеуеті туралы бейнероликтер көрсетіліп, Қазақстан жөніндегі ақпараттық туристік материалдар таратылды.Ақпарат көзі : https://www.gov.kz/memleket/entities/mfa-skopje/press/news/details/1156932?lang=kk

Будапешт, 2026 жылғы 5 ақпан – Қазақстан Республикасының Мажарстандағы Елшісі Абзал Сапарбекұлының «Oeconomus Economic Research Foundation» директоры Антон Бендаржевскиймен кездесуі барысында халықаралық және өңірлік күн тәртібіндегі өзекті мәселелер бойынша жан-жақты пікір алмасу өтті. Тараптар жаһандық экономикалық және саяси үдерістердің өзгермелі жағдайында сараптамалық диалог пен аналитикалық ынтымақтастықтың маңыздылығын атап өтті.Кездесу барысында Мажарстанның сыртқы экономикалық басымдықтарына, сондай-ақ елдің өңірлік өзара іс-қимыл форматтарындағы, оның ішінде Вишеград тобы аясындағы рөліне ерекше назар аударылды. Вишеград төрттігі елдерінің орнықты даму, экономикалық кооперация және өңірлік тұрақтылық мәселелері бойынша ұстанымдарын үйлестірудің маңыздылығы атап өтілді.Сондай-ақ, Орталық Азия мен Оңтүстік Кавказ елдерінде жүріп жатқан үдерістер, оның ішінде экономикалық серпін, инфрақұрылымдық бастамалар және өңіраралық ынтымақтастықты кеңейту перспективалары талқыланды. Еуропа мен Азия арасындағы байланыстарды нығайтуға және өңірдің транзиттік әлеуетін арттыруға ықпал ететін негізгі логистикалық бағыттардың бірі ретінде Транскаспий халықаралық көлік бағытын дамытуға ерекше назар аударылды.Кездесу кезінде Қазақстандағы ішкі саяси реформалар, оның ішінде саяси жүйені жаңғыртуға, демократиялық институттарды нығайтуға және азаматтардың мемлекеттік басқаруға қатысуын кеңейтуге бағытталған конституциялық реформаны іске асыру мәселелері бойынша да пікір алмасу болды.Қазақстанның Орталық Азиядағы негізгі мемлекеттердің бірі ретіндегі өңірлік тұрақтылықты, экономикалық интеграцияны және өңірдің транзиттік әлеуетін дамытуға қосып отырған елеулі үлесі ерекше атап өтілді. Орталық Азия мен Оңтүстік Кавказдың Еуропа мен Азия арасындағы жаңа байланыстарды қалыптастырудағы рөлінің артып келе жатқаны атап көрсетілді.Сонымен қатар, Мажарстанның Түркі мемлекеттері ұйымындағы рөліне, сондай-ақ оның Еуропалық одақ, Орталық Азия елдері және тұтастай түркі әлемі арасындағы диалогты дамытуға қосып отырған үлесіне жеке назар аударылды.Ақпарат көзі : https://www.gov.kz/memleket/entities/mfa-budapest/press/news/details/1156893?lang=kk

2026 жылғы 30 қаңтарда Қазақстан Республикасының Мажарстандағы Елшісі Абзал Сапарбекулы «John von Neumann» университетінің шақыруымен жұмыс сапарымен Кечкемет қаласына барып, білім беру, ғылыми және өңірлік ынтымақтастықты дамытуға арналған бірқатар іс-шараларға қатысты. Сапар барысында Елші университет ректоры Тамаш Фюлеппен, оқу орны басшылығы және халықаралық байланыстар офисінің өкілдерімен кездесті. Кездесу барысында университет қызметінің басым бағыттары, оның ішінде білім беру бағдарламалары, ғылыми-зерттеу бастамалары, Қазақстан Республикасының жоғары оқу орындарымен қоса алғанда, халықаралық академиялық ынтымақтастықты кеңейту перспективалары жан-жақты талқыланды.Жұмыс сапары аясында Абзал Сапарбекулы Кечкемет қаласының әкімдігіне барып, қала әкімі Клаудия Семерейне Патакимен, сондай-ақ қала әкімінің орынбасары әрі Бач-Кишкун медьесінің Сауда-өнеркәсіп палатасының Президенті Йожеф Гаалмен кездесті. Кездесу барысында тараптар екіжақты және өңірлік өзара іс-қимылдың өзекті мәселелері бойынша пікір алмасып, экономикалық, білім беру және іскерлік байланыстарды одан әрі дамытуға мүдделілік білдірді, сондай-ақ тұрақты жұмыс байланыстарын қолдауға уағдаласты.Кечкеметтегі іс-шаралар аяқталғаннан кейін Елші Карцаг қаласында AgroSprint мажар компаниясының жаңа орау зауытын ашу салтанатына қатысты. Ресми шара барысында Мажарстанның Сыртқы істер және сауда министрі Петер Сийярто құттықтау сөз сөйлеп, жобаның өңірлік экономиканы дамыту және инвестициялық климатты нығайтудағы маңыздылығын атап өтті. Ақпарат көзі : https://www.gov.kz/memleket/entities/mfa-budapest/press/news/details/1156881?lang=kk

Қазақстан Республикасы  Қаржы Министрлігі  Мемлекеттік кірістер комитетінің Оқу-әдістемелік орталығы Ақмола облысы бойынша Мемлекеттік кірістер департаментінің базасында МКД басқармалары, бөлім  басшылары, МКБ басшылары мен орынбасарлары,  кеден бекеттерінің басшылары үшін «Мемлекеттік кірістер органдарындағы тиімді басқару» бағдарламасы бойынша коучинг-тренинг өткізді.Коучинг-тренинг аясында қатысушылар жоспарлау, ұйымдастыру және бақылаудың негізгі тәсілдерімен танысты, командаға шабыт беріп, ынталандырып, басшылық етудің, сондай-ақ коммуникацияны дұрыс бағытта пайдаланудың жолдарын үйренді.Қатысушылар мемлекеттік басқарудағы коучингтің негіздеріне терең үңіліп, басқарудың негізгі модельдерін талдады, тиімді коммуникация дағдыларын тәжірибе жүзінде жетілдірді.Коучинг-тренинг қатысушылары коучинг қағидаттарына негізделген«5 жылдан кейінгі МКД-ның көрінісі» тақырыбындағы жобаны сәтті қорғады. Іс-шара қорытындысы бойынша қатысушылар сауалнамаға қатысып, «Мемлекеттік кірістер органдарында тиімді менеджмент» бағдарламасы бойынша біліктілікті сәтті арттырғаны жөнінде сертификаттар алды. Ақпарат көзі : https://www.gov.kz/memleket/entities/kgd-akmola/press/news/details/1156882?lang=kk

Будапешт, 2026 жылғы 2 ақпан – Қазақстан Республикасының Мажарстандағы Төтенше және Өкілетті Елшісі А.Сапарбекұлының Мажарстан Сыртқы істер министрлігінің Экспортты дамыту департаментінің директоры Н.Олах ханыммен кездесуі барысында Қазақстан мен Мажарстан арасындағы сауда-экономикалық ынтымақтастықтың қазіргі жағдайы мен даму перспективалары, сондай-ақ отандық өнімнің өзара экспортын кеңейту мәселелері талқыланды.Қазақ тарапы мажар әріптестерді елдің экспорттық әлеуетімен жан-жақты таныстырып, мажарстандық компаниялардың қатысуымен қазақстандық өнімді сыртқы нарықтарға ілгерілету бойынша табысты іске асырылып жатқан нақты жобалардың мысалдарын ұсынды. Кездесу барысында тараптар Мажарстанның Қазақстан экспортының Еуропалық одақ нарықтарына ілгерілеуі үшін «қақпа» («gateway») рөлін атқаруға айтарлықтай әлеуеті бар екенін атап өтті.Келіссөздер қорытындысы бойынша мажар тарапы екі ел компаниялары арасында іскерлік кездесулер өткізу және тікелей байланыстар орнату үшін платформа ұсынуға дайын екенін білдірді. Сондай-ақ өзара экспортты одан әрі кеңейту мақсатында Мажарстанның Экспортты ілгерілету агенттігі – «HEPA» мен экспортты дамыту жөніндегі ұлттық оператор «QazTrade» арасындағы өзара іс-қимылды жандандыру туралы уағдаластыққа қол жеткізілді.Тараптар өзара экспортты ілгерілету жөніндегі арнайы Жұмыс тобын құру, сондай-ақ Қазақстан мен Мажарстанның өндіруші компаниялары арасындағы сауда ынтымақтастығын дамытуға бағытталған бірлескен іс-шараларды ұйымдастыру мүмкіндігін талқылады.Қазақстан экономиканы әртараптандыруға, сондай-ақ қосылған құны жоғары өнімді қоса алғанда, шикізаттық емес экспортты кеңейтуге бағытталған саясатты дәйекті түрде іске асырып келеді. Осыған байланысты шағын және орта бизнесті дамытуға, инновацияларды енгізуге, өндірістік үдерістерді цифрландыруға және отандық компаниялардың экспорттық бағдарлануын арттыруға басымдық берілуде. Қаржылық, институционалдық және дипломатиялық құралдарды қамтитын экспортты мемлекеттік қолдау шаралары қазақстандық компаниялардың шетелдік нарықтарға шығуы үшін қолайлы жағдайлар қалыптастыруда.  Ақпарат көзі : https://www.gov.kz/memleket/entities/mfa-budapest/press/news/details/1156886?lang=kk

2026 жылдың 4 ақпанында «Ауыл шаруашылығына қадам» облыстық білім беру мекемесінің оқу-әдістемелік орталығының «Ауыл шаруашылығына қадам» облыстық жобасын іске асыру аясында Осакаров ауданының білім бөлімінің іс-шаралар жоспарына сәйкес «Ауылдың ұлы тұлғалары» тақырыбында жобалар қорғауы өткізілді.Жобаға қатысушылар туған өлкесінің өркендеуі мен даңқын арттыруға еңбегі, таланты мен адалдығымен үлес қосқан адамдарға арналған ғылыми-зерттеу және шығармашылық жұмыстарын ұсынды.Әрбір жоба мазмұнының тереңдігімен, ауыл тарихына шынайы қызығушылықпен, еңбек адамдарына деген құрметпен ерекшеленді. Оқушылар ақпаратты өңдеуге, материалдарды талдауға, көпшілік алдында сөйлеуге және өз көзқарастарын білдіруге қабілеттерін көрсетті.Жеңімпаздар мен жүлдегерлерді құттықтаймыз!I орын – Стасюк Артём, КММ «№3 жалпы білім беретін мектеп», жетекшісі Сусликова О. В.I орын – Әуесхан Марат, Өнерхан Жахин, КММ «№22 жалпы білім беретін мектеп», жетекшісі Баярбек МусадахимII орын – Круглова Альбина, КММ «№2 жалпы білім беретін мектеп», жетекшісі Сафина А. В.II орын – Кәртай Нұрали, КММ «№11 жалпы білім беретін мектеп», жетекшісі Слямова А. А.III орын – Роурбах Екатерина, КММ «№15 жалпы білім беретін мектеп», жетекшісі Тихомирова И. А.Ақпарат көзі : https://www.gov.kz/memleket/entities/edu-osakarovka/press/news/details/1156845?lang=kk

Жөндеу және профилактикалық жұмыстарды жүргізуге байланысты 2026 жылғы 9–13 ақпан аралығында жеке сектор мен жатын аудандарындағы кейбір тұтынушыларға электр энергиясын беру уақытша тоқтатылады.2026 жылғы 9 ақпанТП-192 (ТП-дағы жұмыстар)Уақыты: 10:00–18:00Мекемелер: «Балаларға арнайы қызмет көрсету орталығы» ММ, Красносельская көшесі, 20, «Бриз» кафесі, «Успех» ЖК, «Ким» ЖК, «Посейдон» дүкені, «Автозапчасти».Жеке сектор: Левобережная көшесі 1–25, 15/1–15/5, Мичурин көшесі 1–32, 32/1, Красносельская көшесі 1–46, Свобода көшесі 1–48.ТП-110 (ӘЖ-дегі жұмыстар)Уақыты: 10:00–18:00Жатын сектор: Назарбаев даңғылы 164, 166.ТП-102 (ӘЖ-дегі жұмыстар)Уақыты: 10:00–18:00Мекемелер: Назарбаев даңғылы 148, «Сапа+» дүкені, «Алима» дүкені.Жеке сектор: Қозыбаев көшесі 155–177, Пролетарская көшесі 140–150, 1 Мая көшесі 150–196, Назарбаев даңғылы 127–177, 184/2–184/6, 161/1–161/12, 200/1–200/14.КТП-115а (ӘЖ-дегі жұмыстар)Уақыты: 10:00–17:00Онкология (паллиативтік терапия), «Арман» дүкені, «Цветная» дәріханасы, «Қостанай-Су» сорғы станциясы (Кубеев көшесі), «Нуркин» ЖК.КТП – әскери бөлім (ТП-дағы жұмыстар)Уақыты: 10:00–17:00Челябинская көшесі 47 (әскери комендатура).2026 жылғы 10 ақпанТП-429 (ТП-дағы жұмыстар)Уақыты: 10:00–18:00Мекемелер: Облыстық орыс драма театры, Баймағамбетов көшесі 185, «Пума», «Тополек», «Торты», «Подиум», «Взгляд» шаштаразы, «Раузет» дүкені.Жатын сектор: Әл-Фараби даңғылы 91, 93, 97, Баймағамбетов көшесі 189.2026 жылғы 11 ақпанТП-455а (ТП-дағы жұмыстар)Уақыты: 10:00–18:00Мекемелер: «Мандарин» СҮ, «Вельт» ЖШС, «Лик» шаштаразы, «Зоомир» дүкені.Жатын сектор: С. Нұрмағамбетов көшесі 56, 58, 60, Майлин көшесі 57, 57а, 59.ТП-251 (ӘЖ-дегі жұмыстар)Уақыты: 2026 жылғы 11–13 ақпан, 10:00–18:00Мекемелер: «Тумар» ЖШС, Челябинская көшесі 3.Жеке сектор: Зеленая көшесі 5, 24–26, Спортивная көшесі 18, 20, 20/1, 20/2, 29, Штабная көшесі 1–10, 3/1, 3/2, 4/1, 4/2, 9/1, Челябинская көшесі 2–10, 8/1, 8/2, Рудненская көшесі 2–19, Водяная көшесі 1/1, 2–4, 3/2, 7/1, 7/2.КТП «Экос-Ан» (ТП-дағы жұмыстар)Уақыты: 10:00–17:00«Экос-Ан» ЖШС, Киевская көшесі 21.2026 жылғы 12 ақпанТП-КК (Шақшақ, Жәнібек көшелері) (ӘЖ-дегі жұмыстар)Уақыты: 10:00–17:00№40 КК, «Еңбек-Қостанай» ЖШС, «Агропромтрейд» ЖШС, Стецюк ЖК, КТП химсклад.КТП ПарутинУақыты: 10:00–17:00ЖК Парутин А.Ю., Дорожников көшесі 9.2026 жылғы 13 ақпанКТП «Әйгерім» (ТП-дағы жұмыстар)Уақыты: 10:00–17:00«LKW-TRANS» ЖШС, Шақшақ, Жәнібек көшесі 56/5.Ақпарат көзі : https://www.gov.kz/memleket/entities/kostanai-kalasy-akimat/press/news/details/1156798?lang=kk

2026 жылғы 6 ақпанда Осакаров ауданының білім бөлімі инклюзивті білім беру мәселелері бойынша ата - аналар жұртшылығымен кезекті онлайн-кездесу өткізді. Кездесуге 30-дан астам ата-ана қатысты. Кездесу барысында бүгінгі күннің өзекті мәселелері, атап айтқанда: «Ауданның білім беру ұйымдарында жүргізілетін кәсіптік бағдар беру жұмысы туралы» мәселелер қаралды. Барлық сұрақтарға толық және ашық жауаптар берілді. Қорытындысында ауданның ата-аналар жұртшылығы берілген ақпарат үшін алғыстарын білдірді.Ақпарат көзі : https://www.gov.kz/memleket/entities/edu-osakarovka/press/news/details/1156809?lang=kk

2026 жылғы 5 ақпанда сағат 20:30 шамасында Алатау қаласының Заречный шағынауданында, №20 көпқабатты тұрғын үйдің екінші қабатындағы пәтерде өрт шықты.Осы уақытта Қазақстан Республикасы Ұлттық ұланының 3660 әскери бөлімінің әскери қызметшілері – аға лейтенант Ербол Арыстанов, сержант Бауыржан Жайдарин және ефрейтор Нұржан Бекболатов қызметтен кейін үйлеріне қайтып бара жатқан. Олар пәтерден қою түтін шығып жатқанын байқап, дереу 101 және 103 қызметтеріне хабар берген, содан кейін тұрғындарды эвакуациялауға кіріскен.Әскери қызметшілер жедел әрекет етіп, подъезден шамамен 20 баланы, бірнеше әйелді, сондай-ақ мүмкіндігі шектеулі азаматтарды қауіпсіз жерге шығарған. Әсіресе бесінші қабаттағы жағдай ерекше қауіпті болды. Онда сыртынан құлыпталып қалған пәтерде үш кәмелетке толмаған бала болған. Қатты түтін мен көмірқышқыл газынан улану қаупіне қарамастан, әскери қызметшілер жоғарғы қабатқа көтеріліп, таза ауаның келуін қамтамасыз етіп, есікті бұзып, балаларды аман алып шықты.- Екінші қабаттағы пәтердің терезесінен жалын мен қою қара түтін шыққанын көріп, ең алдымен тұрғындарға көмектесуге тырыстық. Олардың арасында кішкентай балалар мен қарт адамдар көп болды. Подъезд қатты түтінге толып, тыныс алу мен бағдар алу қиынға соқты, сондықтан олар өздігінен ғимараттан шыға алмады, – деді аға лейтенант Ербол Арыстанов.Оқиға орнына келген өрт сөндіру қызметінің қызметкерлері өртті сөндіруге дереу кірісті. Облыстық ТЖД өрт сөндірушілерінің күшімен өрт толықтай ауыздықталды. Оқиғаның мән-жайы анықталуда.Ұлттық ұлан әскери қызметшілерінің жедел әрі батыл әрекеттерінің арқасында көптеген адамдардың өмірі сақталып қалды. Олардың кәсіби дайындығы мен азаматтық жауапкершілігі Ұлттық ұланға тән жоғары рух пен ерліктің айқын үлгісі болып табылады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1156819?lang=kk