Қазақстан Республикасының Қорғаныс министрлігі әскери оқу орындарына құжаттар тапсырудың цифрлық механизмін енгізді. 2026 жылғы 1 ақпаннан бастап ҚР Қорғаныс министрлігінің әскери оқу орындарына қабылдау туралы өтініштер eGov.kz порталында онлайн режимде қабылданады.  Құжат тапсыруға 18-24 жас аралығындағы ер азаматтар қатыса алады. Өтініштерді қабылдау 2026 жылғы 10 маусымға дейін жалғасады.  Өтініш беру үшін eGov.kz порталында авторизациядан өтіп, «Азаматтарға» – «Әскери есеп және қауіпсіздік» – «Әскери қызмет» , бөлімдеріне кіру қажет. Содан кейін «Әскери оқу орындарына қабылдау өтініштерін беру» қызметін таңдап, электрондық форманы толтыру керек. Үміткер негізгі мәліметтерді көрсетіп, оқу орнын таңдап, жеке деректерді өңдеуге келісім береді және өтінішті қол қоюдың қолжетімді тәсілдерінің бірі арқылы растайды.  Өтініш беруші туралы ақпарат автоматты түрде тексеріледі. Жүйе психоневрологиялық, наркологиялық және туберкулез диспансерлерінен, сондай-ақ соттылығы мен мүгедектік мәртебесі туралы деректерді сұрайды. Жеке куәліктер, білім туралы мәліметтер және ҰБТ нәтижелері мемлекеттік ақпараттық жүйелерден үміткердің қатысуынсыз алынады.  Өтініштің қаралу нәтижесі пайдаланушының жеке кабинетінде «Қызмет алу тарихы» бөлімінде көрсетіледі. Қабылданған жағдайда өкілетті тұлғаның цифрлық қолымен расталған электрондық құжат беріледі; бас тарту жағдайында негізделген хабарлама жіберіледі.  Құжаттарды онлайн тапсырудың жаңа форматы қабылдау процесін қолжетімді әрі ашық етеді. Әскери оқу орындарында білім беру бакалавриат бағдарламалары бойынша тегін жүзеге асырылады және жұмысқа орналастыру кепілдігі қарастырылған. Оқу аяқталғаннан кейін институт түлектеріне «лейтенант», ал колледж түлектеріне «сержант» әскери атағы беріледі.  Бұрын құжаттар жергілікті әскери басқару органдары арқылы рәсімделіп, медициналық комиссиядан өтіп, ведомстволарға жеке баруды талап ететін. Қазіргі таңда негізгі рәсімдер автоматтандырылған.  ҚР Қорғаныс министрлігінің білім беру жүйесінде офицерлерді даярлайтын Құрлық әскерлерінің әскери институты (Алматы), Әуе қорғанысы күштерінің әскери институты (Ақтөбе), Радиоэлектроника және байланыс әскери-инженерлік институты (Алматы) секілді үш жоғары оқу орны, сондай-ақ сержанттар құрамын даярлайтын бес әскери колледж бар.  Оқу орындары мен мамандықтар туралы толық ақпаратты келесі сілтеме арқылы алуға болады.https://www.gov.kz/memleket/entities/mod/activities/136?lang=ru Ақпарат көзі : https://www.gov.kz/memleket/entities/mod/press/news/details/1152852?lang=kk

2026 жылғы 30 қаңтар, Алкмар қ. — Қазақстан Республикасының Нидерланд Корольдігіндегі Елшісі Ақан Рахметуллин мен нидерландтық REPA Conveyor Equipment компаниясының басшысы Ричард ван дер Лаанның кездесуі өтті. Кездесу барысында компанияның Қазақстандағы жаңа инвестициялық бастамаларын іске асыру перспективалары талқыланды.Кездесу аясында REPA Conveyor Equipment басшылығы Қазақстан Республикасында конвейерлік роликтер өндірісін іске қосуға бағытталған инвестициялық жобаның ағымдағы жағдайы туралы ақпарат берді. Аталған жоба компанияның жоғары технологиялы өндірістік қуаттарын жергіліктендірудің алғашқы кезеңі ретінде қарастырылып, тау-кен, металлургия және логистика салаларындағы өсіп келе жатқан сұранысты қанағаттандыруға бағытталған.Қазақстан нарығының жоғары әлеуетін атап өткен компания өкілдері елдің стратегиялық географиялық орналасуын, дамыған өнеркәсіптік базасын, сондай-ақ шетелдік инвестицияларды тартуға бағытталған жүйелі мемлекеттік саясатты ерекше атап өтті. REPA Conveyor Equipment басшылығының бағалауынша, Қазақстан тек перспективалы өткізу нарығы ғана емес, сонымен қатар Орталық Азия мен Еуразия өңіріне өнім экспорттауға арналған өңірлік өндірістік хаб ретінде де қарастырылады.Қолайлы инвестициялық ахуалды ескере отырып, компания елдегі өз қатысуын одан әрі кеңейту мүмкіндігін де қарастыруда. Алдағы уақытта конвейерлік роликтер өндірісімен қатар конвейерлік барабандар мен конвейерлік таспалар шығару желілерін іске қосу, сондай-ақ өнеркәсіптік кәсіпорындарға сервистік және инженерлік қолдау көрсету жоспарлануда.Елші Ақан Рахметуллин Қазақстанның жоғары технологиялы өндірістерді тартуға, жаңа жұмыс орындарын құруға және озық өнеркәсіптік технологиялар трансферіне мүдделі екенін атап өтіп, нидерландтық компаниялардың инвестициялық жобаларын іске асыруға жан-жақты қолдау көрсетуге дайын екенін растады.Кездесу қорытындысы бойынша тараптар өнеркәсіптік кооперация, өндірісті жергіліктендіру және технологиялық әріптестік мәселелері бойынша ынтымақтастықты одан әрі дамытуға және диалогты жалғастыруға өзара мүдделілік білдірді. Ақпарат көзі : https://www.gov.kz/memleket/entities/mfa-hague/press/news/details/1152856?lang=kk

Гонконг, 2026 жылғы 29 қаңтар – Қазақстан Республикасының Гонконг арнайы әкімшілік ауданындағы Бас консулы Бауыржан Досманбетов Қазақстанның инвестициялық жобалары аясында іскерлік ынтымақтастықты жандандыру мақсатында Гонконгтың іскер топтары мен даму институттарының өкілдерімен бірқатар кездесулер өткізді.Атап айтқанда, «China Kingstone Mining Holdings Limited» компаниясының өкілдерімен келіссөздер жүргізіліп, гонконгтық компанияға тау-кен өндіру саласындағы жобалар таныстырылды. Компанияның жобаларды әзірлеу кезеңінен бастап өндіру және өткізуге дейін басқарудағы тәжірибесін ескере отырып, одан әрі ынтымақтастық жөнінде алдын ала келісімге қол жеткізілді.China Kingstone Mining Holdings Limited – пайдалы қазбаларды өндірумен, сондай-ақ мәрмәрді өңдеу және сатумен айналысатын инвестициялық холдингтік компания. Компания Қытайдағы ең ірі мәрмәр кенішіне, сондай-ақ Чили мен Моңғолиядағы кен орындарына ие.Гонконгтың Сауданы дамыту жөніндегі кеңесінің (HKTDC) Орталық Азия және Еуропа бойынша өңірлік директоры Крис Лоумен және Гонконг АӘА Үкіметі жанындағы Инвестициялар тарту агенттігінің (InvestHK) халықаралық нарық, консулдықтар және сауда палаталары жөніндегі басшысының орынбасары Кейси Ламмен өткен келіссөздердің негізгі тақырыбы екіжақты іскерлік ынтымақтастықты жандандырудың практикалық қадамдары болды. Қазақстан мен Гонконг арасындағы тауар айналымын Қазақстан Республикасынан экспорт көлемін арттыру арқылы ұлғайту мәселелері бойынша жан-жақты пікір алмасу өтті. Бас консул «QazTrade» Сауда саясатын дамыту орталығы» АҚ ұсынған 200-ден астам экспорттық тауар таныстырды. Өз кезегінде, гонконгтық тарап қазақстандық өндірушілерді 2026 жылы HKTDC ұйымдастыратын «Hong Kong Food Expo» көрмесіне белсенді қатысуға шақырды.Hong Kong Food Expo – Азиядағы азық-түлік пен сусындар саласындағы ең ірі жыл сайынғы көрме болып табылады. Ол жаңа өнімдерді ілгерілетуге, сала қатысушылары арасында іскерлік байланыстар орнатуға және азық-түлік нарығындағы соңғы үрдістер жөнінде білім алмасуға бағытталған.Сонымен қатар, тараптар жасанды интеллект (ЖИ), ақпараттық-коммуникациялық технологиялар (АКТ), сондай-ақ заманауи сауда инфрақұрылымы мен логистиканы дамыту маңыздылығы артып келе жатқанын атап өтті. Осыған байланысты HKTDC өкілдері бірқатар қазақстандық компанияларды 2026 жылғы сәуір айында өтетін «InnoEX» форумына қатысуға шақырды.InnoEX – инновациялар мен озық технологияларға (AI, ақылды қалалар, цифрлық инфрақұрылым) арналған ірі гонконгтық көрме-форум. Ол болашақ үрдістерді талқылау және ынтымақтастық орнату мақсатында сарапшыларды, кәсіпкерлерді және инвесторларды біріктіреді.Бас консул алдағы жылдары Қазақстан Республикасына келетін шетелдік туристер санының айтарлықтай арта түсетінін атап өтті. Осыған байланысты «InvestHK» өкілдері Қазақстанда қонақүй кешендерін салуға қызығушылық білдіріп, бұл бағыттың туристік инфрақұрылымды дамытудағы әлеуетін ерекше атап өтті.Кездесулер қорытындысы бойынша 2026 жылдың бірінші жартысында Гонконг кәсіпкерлерінің Қазақстанға сапарын ұйымдастыру және бірлескен бастамаларды одан әрі ілгерілету жөнінде келісімге қол жеткізілді.Ақпарат көзі : https://www.gov.kz/memleket/entities/mfa-hongkong/press/news/details/1152865?lang=kk

Елордадағы ҚР ІІМ Ұлттық ұланының 6636 әскери бөлімінде 170–ке жуық сарбаз салтанатты түрде әскери ант қабылдады. Шараға сарбаздардың ата-аналары мен ардагерлер қатысып, жас жауынгерлерге ақ жол тіледі.Ант қабылдау рәсімінде әскери бөлім командирі полковник Ерлан Буранбаев сөз сөйлеп, жауынгерлерге жүктелетін жауапкершіліктің мәнін атап өтті. Сондай-ақ ардагерлер мен ата-аналар да құттықтау лебізін білдіріп,Отанға адал қызмет етудің абыройлы міндет екенін жеткізді.- Әскери қызмет – әр азамат үшін абырой. Сондықтан осы бір жылды бос өткізбеулеріңіз керек. Әр күнді өздеріңізді тәрбиелеуге, шыңдауға арнаңыздар. Бір-біріңізге сүйеніш болыңыздар. Өйткені саптағы бірлік – жеңістің кілті. Отан сенімін ақтаңыздар! Туымызды биік ұстаңыздар! Қазақстанның тыныштығы мен айбыны үшін қызмет етіңіздер!, - деді Ерлан Буранбаев.Іс-шара барысында аға буын сарбаздар өз тәжірибелерін ортаға салып, қоян-қолтық ұрыс тәсілдерінен көрсетілім жасады. Бұл көрініс жас жауынгерлер үшін тек әсерлі қойылым емес, алдағы қызметтің алғашқы «сабақтарының» бірі болды.Енді олар алдағы бір жыл бойы Астана қаласында Отан алдындағы борышын өтеп, белгіленген қызметтік міндеттерін атқарады.Айта кетейік, биыл 6636 әскери бөліміне еліміздің Ақмола, Ұлытау, Қостанай, Түркістан, Павлодар, Қарағанды және Шығыс Қазақстан облыстарынан 170-ке жуық сарбаз шақырылған. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1152873?lang=kk

ҚР Қаржы нарығын реттеу және дамыту агенттігі (бұдан әрі - Агенттік)  2025 жылғы Банк секторы активтерінің сапасын тұрақты бағалау (Asset Quality Review, AQR) нәтижелері бойынша есепті жариялады. Есепте тұрақты AQR нәтижелеріне негізделген несиелік тәуекелдің ағымдағы деңгейіне егжей-тегжейлі талдау берілген.2025 жылы Агенттік 1 қаңтар 2025 жылы жағдай бойынша банк жүйесінің активтері 86%-ды құраған 11 ірі банктің арасында тұрақты AQR өткізді. Бағалау көлемі 32,8 трлн теңгеге жетті, бұл өткен жылмен салыстырғанда 19,7%-ға артық. Берешектің негізгі бөлігі кепілсіз тұтынушылық қарыздарға (11 трлн теңге), сондай-ақ ірі бизнеске (4,7 трлн теңге), шағын бизнеске (4,5 трлн теңге) және инвестициялық жобалардың (3,6 трлн теңге) қарыз портфельдеріне тиесілі.Жеке негізінде 1 299 ірі қарыз алушы, сондай-ақ, 580 қосалқы қарыз алушы мен кепілгер бағаланып, жалпы қарызы 9,9 трлн теңгені құрады. Жалпы сомасы 22,9 трлн теңге 37,7 млн қарыз ұжымдық негізде талданды.Тұрақты AQR нәтижелері сектордың жүйелік деңгейдегі тұрақтылығын растады: 11 банк бойынша капиталдың жеткіліктілік деңгейі 17,7%-ды құрады, бұл белгіленген нормативтік ең төменгі деңгейден едәуір жоғары.Банктер мен AQR арасындағы резервтерді бағалаудағы айырмашылық 377,4 млрд теңгені құрады. Екінші сатыдағы берешектер 678,1 млрд теңгеге, 1,4%-дан 3,5%-ға дейін ұлғайды, ал үшінші сатыдағы берешектер 422,4 млрд теңгеге, 7,5%-дан 8,7%-ға дейін ұлғайды.Осылайша 2024 жылғы тұрақты AQR-мен салыстырғанда бағалаудың нәтижелері жақсарды: банктердің несие портфелі өсуіне қарамастан, резервтер бойынша түзетулер 37,7 млрд теңгеге азайды. Сондай-ақ үшінші сатыдағы берешектер үлесінің 1,1 п.т. төмендеуі байқалады.2025 жылғы тұрақты AQR қорытындылары бойынша банктердің кредиттік портфелінің сапасы жақсарғаны байқалады, бұл үшінші сатыдағы қарыздардың үлесінің төмендеуімен және қосымша провизиялар көлемінің қысқаруымен көрініс табады. 2024 жылғы AQR-мен салыстырғанда қосымша провизиялардың ең елеулі төмендеуі инвестициялық қарыздар портфелі бойынша тіркелді (61,6 млрд теңгеге), бұл негізінен ұжымдық негізде бағаланатын қарыздар есебінен орын алды. Аталған динамика Агенттіктің LGD параметрлерін есептеу жөніндегі ұсынымдарын енгізумен және портфель бойынша дефолт ықтималдығының (PD) жалпы төмендеуімен байланысты, бұл кредиттік тәуекелдерді бағалау сапасының артқанын растайды.2025 жылғы тұрақты AQR есебінде портфельдер, бағалау әдістері, экономика салалары және тәуекел көрсеткіштері бойынша егжей-тегжейлі нәтижелер берілген, сондай-ақ, өткен жылғы бағалау нәтижелерімен салыстырғанда ұсынылған.Есеп алғаш рет әрбір банк бойынша нәтижелерді қамтитын жеке бөліммен толықтырылды. Деректерді жекелеген банктер бөлінісінде ұсыну қадағалау ақпаратының ашықтығын арттыруға және банк секторындағы кредиттік тәуекел деңгейі туралы неғұрлым толық әрі салыстырмалы түсінік қалыптастыруға бағытталған. Аталған тәсіл сондай-ақ қадағалау қорытындыларының ашықтығын арттыруға және Агенттіктің нарық қатысушыларымен өзара іс-қимылының сапасын жақсартуға ықпал етеді.  Сыртқы коммуникациялар басқармасы:press@finreg.kz Ақпарат көзі : https://www.gov.kz/memleket/entities/ardfm/press/news/details/1152793?lang=kk

Шымкент қалалық әкімдігінде Қазақстан Республикасының жаңа Конституциясының жобасын талқылау және түсіндіру бойынша кездесу өтті. Іс-шараға аудан әкімдері, департаменттер мен мемлекеттік мекемелердің басшылары, Қоғамдық кеңес мүшелері және БАҚ өкілдері қатысты. Отырысты ашқан Шымкент қаласының әкімі Ғабит Сыздықбеков жаңа Конституция жобасының елдің одан әрі дамуы үшін ерекше маңыздылығын атап өтті. Ол өткен қыркүйектегі халыққа Жолдауында Мемлекет басшысы саяси жүйені кешенді қайта құруға және бүгінгі жаһандық қиындықтарға қарамастан әлеуметтік-экономикалық дамудың тұрақты моделін жасауға бағытталған парламенттік реформаны ұсынғанын еске салды. Қала әкімінің айтуынша, 8 қазанда Президент жетекші сарапшылардан, заңгерлерден, саяси партиялар мен қоғамдық ұйымдардың өкілдерінен тұратын Парламенттік реформа жөніндегі жұмыс тобын құру туралы бұйрыққа қол қойды. Реформа бойынша талқылаулар азаматтық қоғамның белсенді қатысуымен шамамен алты айға созылды. Жұмыс тобы жұмыс барысында азаматтардан келіп түскен 2000-нан астам ұсынысты қарап, қорытындылады. Бұл жұмыстың нәтижелерін Мемлекет басшысы 2026 жылдың қаңтарында өткен Ұлттық Құрылтайдың 5-ші отырысында қорытындылады, онда конституциялық реформаларды одан әрі жүргізуге арналған көзқарас та ұсынылды. 21 қаңтарда 130 мүшеден тұратын Конституциялық комиссия құрылғандығы атап өтілді. Комиссия мүшелері қолданыстағы Конституцияның 84 пайызын құрайтын барлық бөлімдер мен 77 бапты қамтитын Негізгі Заңға түзетулер енгізу туралы ұсыныстарды мұқият қарап шықты. Жұмыс нәтижелеріне сүйене отырып, олар Қазақстан Республикасы Конституциясының жаңа нұсқасын дайындауды қолдады. Кездесуде қалалық мәслихат төрағасы Бахадыр Нарымбетов, қалалық қоғамдық кеңес төрағасы Бұхарбай Парманов және заң ғылымдарының кандидаты, доцент Мақсат Елікбай баяндамалар жасады. Спикерлер Конституция жобасының негізгі ережелерін, парламенттік реформаны және мемлекеттің саяси жүйесін дамытуға және әлеуметтік-экономикалық негіздерін нығайтуға бағытталған басқа да конституциялық түзетулерді егжей-тегжейлі түсіндірді. Кеңесті қорытындылай келе, қала әкімі Конституцияның жаңа нұсқасы тұрақты, қауіпсіз және гүлденген Қазақстан үшін берік құқықтық негіз қалауға бағытталғанын атап өтті. Ол қатысушыларды Негізгі Заң жобасы қоғам мүдделерін толық көрсететінін қамтамасыз ету үшін талқылауларға белсенді қатысуға шақырды. Кездесу сындарлы және іскерлік атмосферада өтті. Кездесу қорытындысы бойынша қатысушылар Қазақстан Республикасының жаңа Конституциясының жобасын қолдайтындықтарын білдірді.

Шымкент қаласының әкімдігінде жаңа Конституция жобасы талқыландыШымкент қаласының әкімдігінде Қазақстан Республикасының жаңа Конституциясының жобасын талқылау және түсіндіруге арналған кеңес өтті.Іс-шараға аудан әкімдері, басқарма басшылары, мемлекеттік органдардың өкілдері, Қоғамдық кеңес мүшелері, сондай-ақ бұқаралық ақпарат құралдарының өкілдері қатысты.Кеңесті ашқан Шымкент қаласының әкімі Ғабит Сыздықбеков жаңа Конституция жобасының ел үшін стратегиялық маңызға ие екенін атап өтті. Оның айтуынша, өткен жылдың қыркүйек айында Мемлекет басшысы Қазақстан халқына Жолдауында бір палаталы Парламент құру бастамасын көтерген болатын. Бұл реформа саяси жүйені кешенді жаңғыртуға және жасанды интеллект дәуірінде елдің тұрақты әлеуметтік-экономикалық дамуына жағдай жасауға бағытталған.Қала әкімі 8 қазанда Президенттің парламенттік реформа жөніндегі Жұмыс тобын құру туралы өкімге қол қойғанын еске салды. Аталған топтың құрамына белгілі сарапшылар, заңгер-ғалымдар, саяси партиялар фракцияларының және қоғамдық ұйымдардың өкілдері енді. Реформаны талқылау үдерісіне белсенді азаматтар да қатысып, жұмыс шамамен алты айға созылған.Осы кезеңде Жұмыс тобы азаматтардан келіп түскен 2 мыңнан астам ұсынысты жинақтап, жан-жақты қарастырды. 2026 жылғы қаңтарда өткен Ұлттық құрылтайдың V отырысында Мемлекет басшысы аталған жұмыстың қорытындысын шығарып, алдағы конституциялық өзгерістерге қатысты өз көзқарасын ұсынды.Айта кетейік, 21 қаңтарда құрамына 130 адам енген Конституциялық комиссия құрылды. Комиссия мүшелері Ата заңға өзгерістер енгізуге қатысты ұсыныстарды мұқият зерделеп, Конституция мәтінінің 84 пайызын құрайтын 77 бапты қамтитын түзетулерді қарастырды. Жұмыс нәтижесінде Қазақстан Республикасының Конституциясының жаңа редакциясын әзірлеу қолдау тапты.Кеңес барысында қалалық мәслихаттың төрағасы Бахадыр Нарымбетов, Қоғамдық кеңестің төрағасы Бұхарбай Парманов және заң ғылымдарының кандидаты, доцент Мақсат Елікбай сөз сөйлеп, Конституция жобасының негізгі ережелеріне, парламенттік реформаның мәні мен елдің саяси жүйесін дамытуға, әлеуметтік-экономикалық негіздерін нығайтуға бағытталған конституциялық өзгерістерге жан-жақты тоқталды.Кеңесті қорытындылаған қала әкімі жаңа Конституция елдің тұрақты, қауіпсіз және орнықты дамуына берік құқықтық негіз қалыптастыратынын атап өтті. Ол жоба қоғам мүддесін толық қамтуы үшін барлық азаматтарды талқылау процесіне белсенді қатысуға шақырды.Кеңес іскерлік және сындарлы жағдайда өтті. Кездесу қорытындысы бойынша қатысушылар Қазақстан Республикасының жаңа Конституциясының жобасын қолдайтындықтарын білдірді.

Қазақстанда Конституциялық реформа аясында 2026 жылы жаңа Конституция қабылданбақ. Бұл құжат елдің құқықтық жүйесін жаңғыртып, мемлекеттің басқару құрылымын әрі қарай жетілдіруге бағытталған. Ескі Конституциямен (1995) салыстырғанда, жаңа Ата Заңның негізгі ерекшеліктері айқын көрініс табады. Стилі мен рухы: Ескі Конституция посткеңестік, транзиттік сипатқа ие болса, жаңа Конституция заманауи, ұлттық сипатқа негізделген. Ол мемлекетіміздің тарихи ерекшеліктері мен мәдени бірегейлігін айқын көрсетеді.Басымдық: Ескі Конституцияда мемлекет мүдделері басты назарда болса, жаңа Конституция адамға бағытталған. Онда құқықтар мен еркіндіктердің кепілдігі айқын көрсетілген.Бірегейлік: Жаңа Конституция ұлттық, тарихи бірегейлікті нақты бейнелейді. Атап айтқанда, «Ұлы дала» идеясы арқылы Қазақстанның мәдени-тарихи ерекшелігі Конституция деңгейінде бекітілді. Ал ескі Конституцияда бұл аспект айқын емес еді.Билік вертикалі: Ескі Конституцияда билік қатаң орталықтанған, суперпрезиденттік жүйеге негізделген болса, жаңа Конституцияда билік теңгерімді түрде ұйымдастырылып, тежем және тепе-теңдік жүйесі енгізілген.Билік институттары: Жаңа Конституцияда елдің саяси жүйесін нығайту мақсатында жаңа институттар қарастырылған: Конституциялық сот, Ұлттық құрылтай, Вице-президент. Ескі Конституцияда мұндай жаңашылдықтар жоқ еді.Президент отбасы: Ескі Конституцияда президенттің туыстарының мемлекеттік қызметке келуіне шектеу қойылмаған болса, жаңа Конституцияда туыстарына қатысты қатаң шектеулер енгізілген. Олар мемлекеттік қызметте лауазым атқара алмайды.Президенттік мерзім: Ескі Конституцияда президент 5–7 жылға сайланып, қайта сайлану құқығына ие болса, жаңа Конституция бойынша президент бір ғана мерзімге 7 жылға сайланады.Осылайша, жаңа Конституция елдің тарихи-мәдени құндылықтарын сақтай отырып, басқару жүйесін теңгерімді әрі заманауи стандарттарға сәйкестендіріп отыр.

Қазақстан 2026 жылы қабылданатын жаңа Конституцияда тарихта алғаш рет «Әділеттілік, Заң және Тәртіп» қағидаттары ресми түрде Конституция деңгейінде бекітілді. Бұл – елдің құқықтық жүйесін жаңа сапалық деңгейге көтеру және азаматтардың құқықтарын толық қорғау бағытындағы маңызды қадам. Жаңа Преамбулада адам құқықтары мен бостандықтары мемлекеттің басты басымдығы ретінде айқын көрсетілген. Бұл құжат бойынша мемлекет қызметінің негізгі бағыты – азаматқа қызмет ету.Құжатта қоғам бірлігі, ұлтаралық және конфессияаралық келісім мемлекеттің тұрақтылығын қамтамасыз ететін негізгі тірек ретінде танылды. Сондай-ақ, егемендік, тәуелсіздік, унитарлық құрылым және аумақтық тұтастық – өзгермейтін, мызғымас құндылықтар ретінде Конституцияда сақталған. Биліктің бастауы Қазақстан халқы болып табылады, яғни халық – мемлекеттік биліктің бірден-бір қайнар көзі.Жаңа Конституцияда алғаш рет «Миранда қағидасы» бекітілді, сонымен қатар азаматтардың құқықтары мен мүддесін қорғауға бағытталған бірқатар кепілдіктер қарастырылған: Заңдардың азаматтардың жағдайын нашарлатуына немесе жаңа міндеттер жүктеуіне жол жоқ. Сот төрелігі принциптері: кінәсіздік презумпциясы және бір құқық бұзушылық үшін қайта жазалауға тыйым салу.Құжат қоршаған орта мен табиғатты қорғау қағидатын конституциялық деңгейде бекітті. Сонымен қатар азаматтардың цифрлық кеңістіктегі құқықтарын қорғау нормасы енгізілді. Дәстүрлі құндылықтар да назардан тыс қалмады: неке ер мен әйелдің ерікті одағы ретінде айқындалған. Жаңа Конституция елдің тарихи дәстүрі мен заманауи талаптарын үйлестіре отырып, Қазақстанның құқықтық, әлеуметтік және мәдени даму бағыттарын айқындап отыр.

Ақтауда «Атамекен» Ұлттық кәсіпкерлер палатасының алаңында Маңғыстау облысы бойынша Мемлекеттік кірістер департаменті шағын және орта бизнес пен консалтингтік компаниялардың өкілдері үшін Қазақстан Республикасының жаңа Салық кодексінің нормаларын түсіндіруге арналған семинар өткізді.Семинар аясында салық салудың негізгі өзгерістері мен өзекті мәселелері, оның ішінде салықтық тексерулер, салық берешегін мәжбүрлеп өндіру, камералдық бақылау, сондай-ақ арнайы салық режимдерін (АСР) қолдану мәселелері бойынша негізгі өзгерістер мен өзекті тақырыптар қаралды.Сонымен қатар, салық төлеушілердің салықтық сауаттылығын арттыруға және салық заңнамасын тәжірибеде қолдану мәселелерін түсіндіруге бағытталған «Халық бухгалтері» акциясы туралы ақпарат берілді.Мұндай іс-шаралар кәсіби қоғамдастықпен ашық диалог орнатуға және бизнес өкілдерінің салық саласындағы өзгерістер туралы хабардар болу деңгейін арттыруға ықпал етеді.Ақпарат көзі : https://www.gov.kz/memleket/entities/kgd-mangistau/press/news/details/1152742?lang=kk

Қазақстанда 2026 жылы жүзеге асырылатын Конституциялық реформа – елдің саяси жүйесін жаңғыртуға бағытталған маңызды қадам болып отыр. Реформа кезеңінде ашықтық пен азаматтардың тікелей қатысуы басты назарға алынды.Реформа кезеңінің негізгі оқиғалары:08 қыркүйек 2025 – Президент Жолдауында бір палаталы Парламент құру бастамасын жариялады.08 қазан 2025 – Парламенттік реформалар жөніндегі жұмыс тобын құру туралы Жарлыққа қол қойылды.16 қазан 2025 – ҚР Президентінің төрағалығымен жұмыс тобының алғашқы отырысы өтті.Реформа аясында Otinish және eGov порталдары арқылы азаматтардан 2000-нан астам өтініш түсті. Барлық өтініштер 2025 жылғы қазаннан 2026 жылғы қаңтарға дейінгі кезеңде жұмыс тобының отырыстары аясында мұқият қаралды. Бұл – азаматтардың мемлекеттік саясатқа тікелей қатысуының нақты дәлелі.Жаңа Конституциялық реформа ел басқару жүйесін жетілдірумен қатар, халықтың пікірін ескере отырып, заңдардың ашықтығы мен әділеттілігін қамтамасыз етуді мақсат етеді.

Қазақстанда 2026 жылы қабылданған жаңа Конституция елдің құқықтық жүйесін жаңғыртып, мемлекеттің басқару құрылымын жетілдіруге бағытталған маңызды қадам болып отыр. Жаңа Преамбулада тарихта алғаш рет бірқатар негізгі қағидалар Конституция деңгейінде ресми түрде бекітілді.Жаңа Преамбулада адам құқықтары мен бостандықтары мемлекет қызметінің басты бағыты ретінде айқындалған. Бұл – азаматқа бағдарланған демократиялық елдің негізгі принципі.Құжатта ұлтаралық және конфессияаралық келісім, қоғамдағы бірлік мемлекеттің тұрақтылығын қамтамасыз ететін негізгі тірек ретінде танылды. Егемендік, тәуелсіздік, унитарлық құрылым және аумақтық тұтастық – Конституцияда өзгермейтін, мызғымас қағидаттар ретінде бекітілген.Жаңа Конституцияда әділеттілік, заңға бағыну және қоршаған ортаға қамқорлық қағидаттары алғаш рет конституциялық деңгейде бекітілді. Бұл – заманауи мемлекет пен құқықтық қоғам құрудағы жаңа қадам. Жаңа Конституция бойынша мемлекеттік билік халықтан бастау алады. Яғни, Қазақстан халқы – биліктің бірден-бір қайнар көзі. Осылайша, жаңа Преамбула елдің тарихи дәстүрлері мен заманауи құндылықтарын үйлестіре отырып, Қазақстанның құқықтық, әлеуметтік және экологиялық даму бағыттарын айқындайды.

2026 жылы қабылданған жаңа Конституция Қазақстанның дамуы мен әлеуметтік-экономикалық прогресін қамтамасыз ететін стратегиялық құжатқа айналды. Ол елдің болашағын білім, ғылым, инновация және адам капиталына негіздеуді басты мақсат ретінде белгілейді. Жаңа Конституцияда білім, ғылым және инновация мемлекеттік саясаттың өзегі ретінде анықталды. Елдің табысы табиғи ресурстарға емес, азаматтардың білімі мен кәсіби жетістіктеріне тікелей байланысты екені айқын көрсетілген.Құжат бойынша Қазақстанның болашағы азаматтардың білімділігі мен кәсіби шеберлігіне тәуелді. Бұл принцип мемлекеттік басқарудың негізгі қағидаларының бірі болып отыр. Жаңа Конституция өнертабыстар мен авторлық құқықты қорғауды күшейтуді қамтамасыз етеді. Бұл елдегі шығармашылық және инновациялық бастамаларды қолдаудың маңызды тетігі.Инновациялық даму мемлекеттік саясаттың ажырамас бөлігіне айналады. Құжат цифрлық технологияларды қолдану арқылы экономиканы, білім беру мен әлеуметтік саланы дамытуға бағытталған. Болашақ Қазақстан – білімге, технологияға және тең мүмкіндіктерге негізделген мемлекет. Жаңа Конституция бұл бағыттарды нақты бекітіп, елдің ұзақ мерзімді стратегиялық дамуының негізін қалайды.

Әскери форма, ақа мен марапаттары бар ер адамның портреті.Ақпарат көзі : https://www.gov.kz/memleket/entities/test-test/press/news/details/1152551?lang=kk

ҚР ІІМ Ұлттық ұланының 5573 әскери бөлімінің әскери қызметшілері елорданың Байқоңыр ауданында патрульдеу кезінде есірткіге қатысты қылмыстың жолын кесті.Қала көшелерін патрульдеу барысында әскери жасақ бастығы қатардағы Дәурен Өмірбек және патрульдеушілер қатардағы Дәуір Әшімбек пен Досымжан Дәулетхан күмәнді әрекет жасаған белгісіз тұлғаларға назар аударады. Көліктен түскен екі азамат айналасына жалтақтап, қардың астынан белгісіз затты алып, оқиға орнынан бой тасалауға тырысқан.Жағдайды жедел бағалаған ұландықтар  дереу оларды қууға кірісіп, күдіктілердің бірін ұстады. Ал қалған екеуі қашып үлгерген. Оқиға туралы әскери жасақтар кезекшісіне жедел түрде баяндалды. Кезекші 102 нөмірі арқылы полиция қызметкерлеріне хабарлады.Аталған факт бойынша материалдар тергеу-жедел тобына тапсырылып, ұсталған азамат заңнамаға сәйкес уақытша ұстау изоляторына қамалды.Бұл оқиға Ұлттық ұлан әскери қызметшілерінің жоғары даярлығы мен қырағылығын айқын көрсетеді. Күн сайын қоғамдық тәртіпті қамтамасыз етіп жүрген ұландықтар есірткінің заңсыз айналымына қарсы күреске елеулі үлес қосуда.Айта кетейік, 2025 жылы есірткі заттарын заңсыз сақтау және тасымалдаудың 56 дерегі құқықтық тәртіп әскерлерінің арқасында анықталып, тіркелген. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1152590?lang=kk

Қызылордада сотталған азаматқа сөмке бауына жасырып есірткі өткізбек болды Қызылорда облысы бойынша ҚАЖ департаментінің №60 мекемесінде жазасын өтеп жатқан азаматқа келген сәлем-сауқатты тексеру барысында тыйым салынған зат тәркіленді. Сотталғанның танысы сөмкенің бауына жасырған затты құйтырқы әрекетпен кіргізбек болған. Алайда қырағы қызметкерлердің арқасында тыйым салынған затты кіргізу әрекетінің жолы кесілді.Сәлемдемені ашып қарау барысында №5547 әскери бөлімінің аға нұсқаушысы Н.Меңлібек күдікті затты байқап, иісшіл итпен тексеру жүргізіп, сөмке бауынан полиэтилен пакетке аса ұқыптылықпен оралған, өткір иісті, шөп тәріздес зат табылды.Мекеменің жедел бөлімі қызметкерлері де тез арада жедел шаралар қабылдады. Қалалық полиция басқармасының жедел тергеу тобы шақыртылып, өзіне тән исі бар өткір зат тәркіленіп, сотталғанның танысымын деп таныстырған азаматқа қастысты хаттама толтырылды. Сот- химиялық сараптама қорытындысымен кептірілген марихуана екені анықталды.Тыйым салынған затты мекеме аумағына кіргізуге әрекеттенген азаматқа қатысты Қазақстан Республикасының Қылмыстық кодексінің 296-бабының 2-бөлігімен тергеу-тексеру амалдары жүргізілуде. ҚАЖ қызметкерлері, №5547 әскери бөлімінің қызметкерлерімен бірлесіп, сотталғандардың пайдалануы мен қолданылуына тыйым салынған заттардың мекеме аумағының өтуінің алдын алуда жүйелі жұмыстар атқаруда.Ақпарат көзі : https://www.gov.kz/memleket/entities/ps/press/news/details/1152595?lang=kk

Қазақстан Республикасының Үкіметі экономиканы және кәсіпкерлікті қолдау мақсатында микро және шағын бизнес субъектілеріне қатысты салықтық әкімшілендіруді түзету туралы шешім қабылдады.2025 жылғы 17 желтоқсандағы шешімге сәйкес мынадай құжаттарды бекіту көзделеді:- микро және шағын бизнес субъектілерін тарату және олардың қызметін тоқтату қағидалары;- 2026 жылғы 1 қаңтардағы жағдай бойынша қалыптасқан және 2026 жылғы 1 сәуірге дейін өтелген салық берешегі болған жағдайда өсімпұлдар мен айыппұлдарды, сондай-ақ қосылған құн салығы бойынша тіркеу есебіне уақтылы қойылмағаны үшін салынған айыппұлдарды есептен шығару қағидалары.Аталған қағидалар жобалары 2026 жылғы 12 қаңтарда «Ашық НҚА» порталында қоғамдық талқылау үшін жарияланды. Олардың күшіне енуінің жоспарланған мерзімі — 2026 жылғы ақпан айының басы.Қосымша ұйымдастырушылық-жедел шараларКамералдық бақылауКамералдық бақылау мынадай жағдайларды қоспағанда:бейрезиденттердің табыстарына салық салу;көрсетілген салық кезеңдері үшін 2025 жылғы 17 желтоқсаннан кейін қосымша салықтық есептілікті ұсыну;2025 жылғы 17 желтоқсаннан кейін салықтық есептіліктің кері қайтарып алынуы;салық төлеушінің салық заңнамасында көзделген, камералдық бақылауды жүргізуді талап ететін өтініштерді және (немесе) талаптарды ұсынуы;бюджеттен ҚҚС қайтару жөніндегі мемлекеттік қызмет көрсету шеңберінде қызмет алушының қызмет көрсетушілеріне қатысты жағдайларды қоспағанда,2025 жылғы 17 желтоқсанға дейін ұсынылған және 2026 жылғы 1 қаңтарға дейінгі салық кезеңдері үшін есептелген салықтық міндеттемелер бойынша берілген салықтық есептілікке қатысты жүргізілмейді.Бұл шектеу 2025 жылғы 17 желтоқсан күнін негізге ала отырып енгізілді және 2025 жылдың екінші жартыжылдығы үшін оңайлатылған декларацияны, сондай-ақ 2025 жылдың төртінші тоқсаны үшін өзге де декларацияларды салықтық міндеттемелерді көрсетпей ұсыну тәуекелдерін барынша азайту мақсатында белгіленді.Салықтық тексерулер2026 жылғы 1 қаңтарға дейінгі салық кезеңдері үшін салықтық тексерістер жүргізілмейді, мына жағдайларды қоспағанда:2026 жылғы 1 қаңтарға дейін тағайындалған тексерістер жүргізіледі;қарсы салықтық тексерістер жүргізіледі;мынадай жағдайда тағайындалған тексерістер:қылмыстық-процестік заңнамаға сәйкес;прокуратура органдарының актілері мен талаптарына сәйкес;дебиторлармен өзара есептеулерді анықтау мақсатында;кассадағы шығыстарды уақытша тоқтату жөніндегі тапсырмаларды орындау үшін;жер қойнауын пайдаланушыларға қатысты;салық төлеушілердің өтініштері мен талаптарына сәйкес;салықтық тексеріс нәтижелеріне қатысты шағымдарды қарау үшін;2025 жылғы 17 желтоқсаннан кейін салықтық есептілік ұсынылған немесе кері қайтарылған кезде;камералдық бақылау кезінде анықталған бұзушылықтарды растау мақсатында тағайындалған тексерістер жүргізіледі.Соттық талап-арыздармикро және шағын кәсіпкерлік субъектілері арасында 2026 жылғы 1 қаңтарға дейін жасалған мәмілелерді жарамсыз деп тану;2026 жылғы 1 қаңтарға дейін жүргізілген тіркеу (қайта тіркеу) әрекеттерін жарамсыз деп тану туралы талап-арыздар беру тоқтатылады.Құқық қорғау органдарының материалдары негізінде басталған талап-арыздар бұл шектеуге жатпайды.Әкімшілік жауапкершілік2026 жылғы 1 қаңтардан бастап:қосылған құн салығы бойынша тіркеуге уақтылы қоймағаны үшін;қосылған құн салығы бойынша тіркеуге қойылмаған кезеңдегі айналымдар үшін;2026 жылғы 1 қаңтарға дейінгі салық кезеңдері бойынша салықтық есептілікті тапсырамағаны үшінмикро және шағын кәсіпкерлік субъектілері бойынша әкімшілік құқық бұзушылықтар істерін қозғау тоқтатылады:«Таза парақ» тәсілін жүзеге асырудың мақсаты:әкімшілік және фискалдық жүктемені азайту;микро және шағын бизнесті қолдау;кәсіпкерлерді жүргізіліп жатқан салықтық және институционалдық реформаларға бейімдеуге жағдай жасау.      Ақпарат көзі : https://www.gov.kz/memleket/entities/kgd-pavlodar/press/news/details/1156557?lang=kk

Страсбург, 2026 жылғы 2 ақпан – Қазақстан Республикасының Бас консулдығының қолдауымен Страсбург қаласындағы жетекші халықаралық оқу орындарының бірі – Lycée International des Pontonniers алаңында Семей ядролық полигонында ядролық сынақтардың жойқын зардаптарына арналған фотокөрме ұйымдастырылды.Өз жобалық жұмысы аясында лицейдің қазақстандық оқушысы Әмірхан Толыбек оқушылар мен профессорлық-оқытушылық құрамға ХХ ғасырдың 50-жылдарындағы оқиғаларға жетелейтін және ядролық сынақтарға байланысты үрейлі шындықты ашатын экспозициясын ұсынды.«Ұсынылған суреттемелер бір мемлекеттің, қазақстандық халықтың тарихын, менің отандастарымның бірнеше буынының тағдыры мен қайғыларын сипаттайды. Бұл бейнелеулер Семей полигоны аумағында 40 жылдан астам уақыт бойы жүргізілген 450-ден артық ядролық сынақтың қайғылы салдарын дәлелдейді. Фотосуреттер арқылы қазіргі ұрпақтың бұл ажал құралына ешқашан қайта жолықпауына назар аудартқым келді, себебі сынақтардың салдарын қысқа мерзімде жою мүмкін емес, ал «жарылыстардың жаңғырығы» тіпті шөберелердің бойынан да сезіледі», – деп А.Толыбек қатысушылар алдында сөз сөйледі.Кеңінен ұсынылған презентация арқылы лицей оқушылары ядролық қарудың пайда болуының тарихымен және оның апатты салдарымен толыққанды танысуға, сондай-ақ қайғылы әрі ауыр тағдырлы Курчатов қаласының жағдайын сезінуге мүмкіндік алды.Көрермендерге Қазақстандағы «Невада-Семей» ядролық қаруға қарсы қозғалысының дамуы және БҰҰ шешімімен, Қазақстанның елеулі үлесін мойындай отырып, Ядролық сынақтарға қарсы халықаралық іс-қимыл күні ретінде атап өтілетін – 29 тамыз күнінің (1949 ж. алғашқы сынақ күні, сондай-ақ егемен Қазақстан 1991 ж. сынақ полигонын жапқан күн) маңыздылығы туралы баяндалды.Презентацияға қатысушылар тәуелсіз Қазақстанның сыртқы саясатының басымдықтарының бірі – ядролық қарусыздануға бейілділігі, сондай-ақ әлемдегі көлемі жағынан төртінші ядролық арсеналдан өз еркімен бас тартқан мемлекеттің маңызды халықаралық бастамалары туралы хабардар етілді.1902 жылы негізі қаланған Понтоннье халықаралық лицейі халықаралық секцияларға ие бакалавриат бағдарламасын жүзеге асыратын Страсбург академиясына қарасты оқу орны болып табылады. Лицей өз кең ауқымды академиялық бағдарламалары мен шет тілдерін терең оқытуы негізінде еуропалық және халықаралық бағыттағы білім беру мекемелеріне берілетін Euroscol белгісіне ие (Францияның Білім министрлігі тарапынан берілетін мемлекеттік сапа белгісі).Ақпарат көзі : https://www.gov.kz/memleket/entities/mfa-strasbourg/press/news/details/1152608?lang=kk

 Экономиканы және кәсіпкерлікті қолдау мақсатында Қазақстан Республикасы Үкіметі микро және шағын бизнес субъектілеріне қатысты салықтық әкімшілендіруді түзету туралы шешім қабылдады.2025 жылғы 17 желтоқсандағы шешімге сәйкес төмендегілерді бекіту көзделеді:— микро және шағын бизнес субъектілерін тарату және қызметін тоқтату қағидалары;— 2026 жылғы 1 қаңтардағы жағдай бойынша қалыптасқан және 2026 жылғы 1 сәуірге дейін өтелген салықтық берешек болған жағдайда өсімпұлдар мен айыппұлдарды, сондай-ақ қосылған құн салығы (ҚҚС) бойынша тіркеуге уақытында тұрмағаны үшін салынған айыппұлдарды есептен шығару қағидалары. Аталған Қағидалардың жобалары 2026 жылғы 12 қаңтарда «Ашық НҚА» порталында қоғамдық талқылау үшін жарияланды.Күшіне енуінің жоспарланған мерзімі — 2026 жылғы ақпан айының басы.   Қосымша ұйымдастырушылық-жедел шаралар Камералдық бақылауКамералдық бақылау 2025 жылғы 17 желтоқсанға дейін ұсынылған салықтық есептілікке, 2026 жылғы 1 қаңтарға дейінгі салық кезеңдері бойынша салықтық міндеттемелерге қатысты жүргізілмейді, келесі жағдайларды қоспағанда:— резидент емес тұлғалардың кірістеріне салық салу;— 2025 жылғы 17 желтоқсаннан кейін көрсетілген кезеңдер үшін қосымша салықтық есептілікті ұсыну;— 2025 жылғы 17 желтоқсаннан кейін салықтық есептілікті кері қайтарып алу;— салық заңнамасында көзделген, камералдық бақылауды жүргізуді талап ететін салық төлеушінің өтініштері және (немесе) талаптары;— бюджеттен ҚҚС қайтару бойынша мемлекеттік қызмет шеңберінде қызмет алушының жеткізушілеріне қатысты. 17 желтоқсан 2025 жыл мерзімі 2025 жылдың екінші жартыжылдығына арналған оңайлатылған декларацияны және 2025 жылдың төртінші тоқсанына арналған өзге де декларацияларды салықтық міндеттемелерді көрсетпей ұсыну тәуекелдерін азайту мақсатында белгіленді. Салықтық тексерулер2026 жылғы 1 қаңтарға дейінгі салық кезеңдері үшін салықтық тексерулер жүргізілмейді, келесі жағдайларды қоспағанда:— 2026 жылғы 1 қаңтарға дейін тағайындалған тексерулер;— қарсы (кездес) салықтық тексерулер;— келесі шеңберде тағайындалатын тексерулер:қылмыстық-процестік заңнама аясында;прокуратура органдарының актілері мен талаптары бойынша;дебиторлармен өзара есеп айырысуларды айқындау үшін;касса бойынша шығыс операцияларын тоқтата тұру туралы өкімдердің орындалуын бақылау үшін;жер қойнауын пайдаланушыларға қатысты;салық төлеушілердің өтініштері мен талаптары бойынша;салықтық тексерулер нәтижелеріне шағымдар бойынша;2025 жылғы 17 желтоқсаннан кейін салықтық есептілікті ұсыну немесе кері қайтарып алу кезінде;камералдық бақылау нәтижесінде анықталған бұзушылықтарды растау үшін. Сот талаптарыТөмендегілер бойынша талап қою тоқтатылады:— 2026 жылғы 1 қаңтарға дейін микро және шағын кәсіпкерлік субъектілері арасында жасалған мәмілелерді жарамсыз деп тану туралы;— 2026 жылғы 1 қаңтарға дейін жүргізілген тіркеуді (қайта тіркеуді) жарамсыз деп тану туралы.Ерекшелік — құқық қорғау органдарының материалдары негізінде бастамашылық етілген талаптар. Әкімшілік жауапкершілік2026 жылғы 1 қаңтардан бастап микро және шағын кәсіпкерлік субъектілеріне қатысты әкімшілік құқық бұзушылық істерін қозғау тоқтатылады:— ҚҚС бойынша тіркеуге уақытында тұрмағаны үшін;— ҚҚС бойынша тіркеуде тұрмаған кезеңде жасалған айналымдар үшін;— 2026 жылғы 1 қаңтарға дейінгі кезеңдер бойынша салықтық міндеттемелерге қатысты салықтық есептілікті ұсынбағаны үшін.  Шаралардың мақсаты «Таза парақ» тәсілін іске асыру мынаған бағытталған:— әкімшілік және фискалдық жүктемені азайтуға;— микро және шағын бизнесті қолдауға;— кәсіпкерлердің жүргізіліп жатқан салықтық және институционалдық реформаларға бейімделуіне жағдай жасауға. Сонымен қатар, Премьер-Министр Олжас Бектеновтің Мемлекеттік кірістер комитетінің ақпараттық жүйелерін цифрландыру және фискалдық саясатты дамыту мәселелері бойынша өткен кеңесте берген тапсырмасына сәйкес, Қаржы министрлігі бизнеске Салық кодексіндегі өзгерістерге бірқалыпты бейімделуді қамтамасыз ету мақсатында 2026 жыл ішінде микро және шағын бизнеске өсімпұлдар мен айыппұлдарды есептемеу мәселелерін қосымша пысықтауда.  Ақпарат көзі : https://www.gov.kz/memleket/entities/kgd-sko/press/news/details/1152658?lang=kk

📜 Соңғы уақытта азаматтарға жаппай салық органдарының атынан келгендей болып хабарламалар түсуде. Онда салық режиміне көшу, шұғыл хабарламалар, айыппұлдармен қорқыту және сілтеме арқылы өтуді сұрау жазылады. Бұл — алаяқтар.Олардың мақсаты қарапайым: сізді қорқыту, шатастыру және жеке деректеріңізді немесе ақшаңызды иемдену.Алаяқтардың айласына түспеу үшін үш қарапайым ережені есте сақтаңыз:Барлық ресми хабарламалар тек Салық төлеушінің жеке кабинетіне немесе тексерілген арналар арқылы келеді (ресми электрондық сервистер, push-хабарламалар және 1414 байланыс орталығы).СМС арқылы келетін ешқандай кодты айтпаңыз. Егер біреу «растау коды» немесе құпиясөзіңізді сұраса — бұл 100% алаяқ. МКК қызметкерлері мұндай деректерді ешқашан сұрамайды.Сілтемелерге өтпеңіз. Егер «салық органынан» келгендей күмәнді хатта «төлеу» немесе «тексеру» батырмасы болса — оны бірден өшіріңіз. ✅ Не істеу керек:күмәнді сілтемелерге өтпеңіз;бейтаныс жіберушілерге жауап бермеңіз;жеке және қаржылық деректеріңізді ешкімге бермеңіз;ақпаратты тек ресми арналар арқылы тексеріңіз. 🔰Оңайлатынған салық режиміне көшу туралы жеке ескерту. Оңайлатынған декларация негізіндегі арнайы салық режиміне (АСР) көшу туралы хабарламаны 2026 жылғы 1 қаңтардан бастап тапсыруға болады.Хабарламаны мына жолдармен беруге болады:ЭЦҚ арқылы Салық төлеушінің кабинетінде;E-Salyq Business мобильді қосымшасында;банктердің қосымшаларында (Kaspi, Halyk, БЦК);Мемлекеттік кірістер басқармасына қағаз түрінде жеке барып. 📌Салық органдары ешқандай кодтар, кезектер немесе «алдын ала жазылуларды» қалыптастырмайды және талап етпейді.Сақ болыңыз. Алаяқтар адамдардың қорқынышы мен асығыстығын пайдаланады. Ақпаратты тексеріңіз.Тек ресми дереккөздерге ғана сеніңіз.  Ақпарат көзі : https://www.gov.kz/memleket/entities/kgd-zhetysu/press/news/details/1152666?lang=kk