Мектепке дейінгі білім беру саласындағы ынтымақтастықҮ.ж. 27 қарашасында KazAID Басқарма Төрағасы Аркен Арыстановтың БҰҰ Балалар қорының (ЮНИСЕФ) Тәжікстандағы Өкілі Артур ван Дизенмен оның Қазақстанға сапары аясында кездесуі өтті.Әңгімелесу барысында тараптар Тәжікстан Республикасындағы ынтымақтастықтың маңызды бағыттарын, мектепке дейінгі білім беру және ерте жастағы балаларға күтім жасау жүйесін қаржыландыру мәселелерін, сондай-ақ ұйымдар арасындағы әріптестік перспективаларын талқылады. Ақпарат көзі : https://www.gov.kz/memleket/entities/kazaid/press/news/details/1114456?lang=kk

Копенгаген, 2025 жылғы 26-28 қараша – Қазақстан Республикасы мен Дания Корольдігі арасындағы саяси диалогты нығайту және практикалық өзара іс-қимылды кеңейту мақсатында Қазақстанның Даниядағы Елшісі Олжас Сүлейменов Копенгаген қаласына жұмыс сапарымен барды.Сапар барысында Данияның ең ірі трансұлттық корпорацияларының бірі – Carlsberg Group компаниясының басшылығымен кездесу өтті. Тараптар компанияның Қазақстандағы инвестициялық қызметін кеңейту, өндірістік қуаттарды жаңарту және ынтымақтастықтың жаңа бағыттарын қарастырды.Сонымен қатар, LEGO Group компаниясының басшылығымен мазмұнды келіссөздер өтіп, Қазақстанда инновациялар, инженерлік дағдылар және білім беру әдістемелері саласындағы ықпалдастық перспективалары талқыланды.Экономикалық трек аясында Қазақстан Елшісі Дания өнеркәсіп конфедерациясының басшылығымен кездесу өткізді, онда сауда-экономикалық өзара іс-қимылды кеңейту, өнеркәсіптік кооперацияны тереңдету және дат компанияларын Қазақстандағы инфрақұрылымдық және технологиялық жобаларды іске асыруға тарту мәселелері қарастырылды.Бағдарламаның негізгі элементінің бірі – Дания Сыртқы істер министрлігіндегі келіссөздер болды. Қазақстан Елшісі Дания Мемлекеттік хатшысының орынбасары – СІМ-нің Саяси директоры Е.Барлосемен, сондай-ақ Дания СІМ-нің Еуропалық көршілестік департаментінің директоры П.Лассенмен кездесті. Тараптар екіжақты қатынастардың қазіргі жағдайын, халықаралық ұйымдардағы өзара іс-қимылды, сондай-ақ орнықты даму мәселелерін талқылады. Қазақстан-Дания диалогының конструктивті сипаты атап өтіліп, саяси, экономикалық және гуманитарлық ынтымақтастықты одан әрі ілгерілетуге әзірлік білдірілді.Жұмыс сапары аясында Қазақстан Елшісі Дания Салық министрлігінің басшылығымен де кездесті. Келіссөздердің өзегінде салықтық әкімшілендіру, кәсіпкерлік қызметті реттеу және мемлекеттік қызметтерді цифрландыру салаларындағы озық тәжірибемен алмасу мәселелері болды.Сапар барысында Қазақстан Елшісі «FC Copenhagen» – «FC Kairat» ойынына қатысып, оған дейін Даниядағы қазақ диаспорасының өкілдерімен кездесті. Олардың мәдени өзара ықпалдастықты ілгерілетуге және еліміздің шетелдегі жағымды бейнесін қалыптастыруға қосқан белсенді үлесі атап өтілді. Жастар бастамаларын, мәдени жобаларды және ағартушылық бағдарламаларды қамтитын әрі қарайғы өзара іс-қимылды тереңдету жоспарлары талқыланды.Ақпарат көзі : https://www.gov.kz/memleket/entities/mfa-stockholm/press/news/details/1114462?lang=kk

Мехико, 2025 жылғы 26 қараша – Қазақстан Республикасының және Мексика Құрама Штаттарының парламенттері Достық топтарының жаңартылған құрамдағы алғашқы кездесуі өтті.Кездесу онлайн форматта ұйымдастырылды. Ұзақ уақыт айырмашылығына қарамастан, қатысушылар өзара іс-қимыл бойынша бірқатар ұсыныстармен бөлісіп, ынтымақтастық перспективаларын талқылады.Тараптар бір-бірін Қазақстан мен Мексикада орын алған негізгі саяси үдерістермен таныстырды.Мексика Бас конгресі Төменгі палатасының (Депутаттар палатасы) Достық тобының басшысы Марибель Мартинес Руис ел Президенті Клаудия Шейнбаум жетекшілік ететін мексикалық коалициясы басшылыққа алған қағидаттарына — әділдікке, адалдыққа және сыбайлас жемқорлықпен күреске бағытталған, сондай-ақ әйелдердің құқықтарын ілгерілетуге арналған күн тәртібіне ерекше назар аударды.Төменгі палатаның халықаралық істер жөніндегі комиссиясының төрағасы Педро Васкес Гонсалес әлемдегі тұрақсыздық жағдайында екі ел арасындағы өзара іс-қимылды күшейтудің маңыздылығын атап өтті.Қазақстан Достық тобының жетекшісі, депутат Жарқынбек Амантайұлы мексикалық әріптестерін Қазақстандағы реформалар және бірпалаталық парламентке ауысу туралы үрдісі жөнінде хабардар етті. Ол сондай-ақ екі ел арасындағы келісімшарттық-құқықтық базаны кеңейтудің маңыздылығына назар аударды.Климаттық күн тәртібінің өзектілігін атап өтіп, қазақ парламентші 2026 жылы Қазақстанда өтетін Өңірлік климаттық саммит туралы ақпарат беріп, оның сәтті өтуіне мексикалық тараптың үлес қосуы ықтимал болатынын айтты.Депутаттар заңнамалық салада тәжірибе мен білім алмасудың кең перспективаларына тоқталды. Атап айтқанда, депута. Максим Рожин Қазақстан Парламенті тарапынан жасанды интеллект туралы заң жобасының мақұлданғаны туралы баяндап, бұл Орталық Азияда осы бағыттағы тұңғыш заңнамалық бастама болғанын айтты. Осыған байланысты ол тәжірибемен бөлісуге дайын екенін және мексикалық әріптестерден басқа салалардағы тәжірибе мен білімді қабылдауға дайын екенін растады.Сонымен қатар, қазақстандық парламентшілер Мексиканы 2026 жылғы футболдан Әлем чемпионатын өткізуімен құттықтап, осы бағытта табыс пен сәттілік тіледі.Екі тараптың да белсенді өзара іс-қимыл жасайтын ниетін ескеріп, Қазақстан Республикасының Мексикадағы Елшісі Алмұрат Турғанбеков кездесулерге тұрақты сипат беріп, парламенттер арасында сапарлар алмасуын ұйымдастыру мүмкіндігін ұсынды. Бастама бір ауыздан қолдауға ие болды. Келесі отырыс 2026 жылдың бірінші тоқсанында өткізілуі жоспарланған.Ақпарат көзі : https://www.gov.kz/memleket/entities/mfa-mexico/press/news/details/1114463?lang=kk

2025 жылғы 26 қарашада «Қазақстан–Малайзия» достық тобының кезекті кездесуі бейнеконференция форматында өтті. Малайзия тарапын Малайзия Сенаты Төрағасының орынбасары Нұр Джазлан Мохамад, қазақстандық тарапты Қазақстан Республикасы Парламенті Сенатының Экономикалық саясат, инновациялық даму және кәсіпкерлік комитетінің төрағасы Сүйіндік Алдашев басқарды.Кездесу барысында тараптар парламентаралық байланыстарды одан әрі нығайту мәселелері бойынша пікір алмасып, екіжақты ынтымақтастықтың перспективалы бағыттарын талқылады. Сауда-экономикалық өзара іс-қимылды дамытуға, логистикалық маршруттарды жетілдіруге және цифрлық интеграцияны ілгерілетуге, оның ішінде заманауи Жібек жолы бастамаларымен үйлестіру әлеуетіне ерекше назар аударылды. Екі елдің іскер топтары арасында тікелей байланыстар орнату және инвестициялық мүмкіндіктерді зерделеу мақсатында бизнес-делегациялар алмасудың маңыздылығы атап өтілді.Талқылаудың жеке бөлігі білім беру саласындағы ынтымақтастықты кеңейтуге арналды. Малайзия тарапы Қазақстанда жетекші малайзиялық университеттердің филиалдарын ашуға, сондай-ақ малайзиялық медицина студенттерін қазақстандық жоғары оқу орындарында оқытуға мүдделілік білдірді.Тараптар жаңа бастамаларды жүйелі түрде қолдауға және басым салалардағы өзара іс-қимылдың болжамдылығын арттыруға мүмкіндік беретін шарттық-құқықтық базаны одан әрі кеңейту қажеттігін атап өтті.Малайзия тарапы қазақстандық парламенттік делегацияны Куала-Лумпурға ресми сапармен келуге шақырып, мазмұнды диалогты жалғастыру және парламентаралық ынтымақтастықты одан әрі нығайту ниетін білдірді.Ақпарат көзі : https://www.gov.kz/memleket/entities/mfa-kuala-lumpur/press/news/details/1114464?lang=kk

Монреаль, 2025 ж. 26 қараша. – Халықаралық азаматтық авиация ұйымы (ИКАО) жанындағы Қазақстан Республикасының Тұрақты өкілі Тимур Тлегенов мырза ИКАО Кеңесінің 236-сессиясының 8-отырысына қатысты.Бұл отырыстың аясында ИКАО Кеңесінің Президентін сайлау өтті. Үміткерлер: Жапонияның ИКАО Кеңесіндегі Тұрақты өкілі, Төтенше және Өкілетті Елші Тошиюки Онума және Мысыр Араб Республикасының Азаматтық авиация министрі, ИКАО Кеңесіндегі Тұрақты өкілі доктор Самех Ахмед Зәки Әлхефни болды.Дауыс беру қорытындысы бойынша 36 дауыстың 22-сін жинаған елші Тошиюки Онума жеңіске жетті. Ол ИКАО Кеңесінің Президенті ретінде 2025 жылғы шілдеде Қазақстанға тарихи алғашқы сапар жасаған Сальваторе Шаккитано (Италия) мырзаның орнында болады.Т. Онуманың өкілеттік мерзімі 2026 ж. 1 қаңтардан 2028 ж. 31 желтоқсанға дейін белгіленді және ол екінші үш жылдық мерзімге қайта сайлану құқығына ие.Нәтижелер жарияланғаннан кейін ИКАО-ның Бас хатшысы Хуан Карлос Саласар мырза елші Т. Онуманы жеңіспен құттықтап, алдағы жұмыста қажетті қолдау көрсетуге дайын екенін білдірді. «Тошиюки Онума мырзаның ИКАО Кеңесінің Президенті болып сайлануы – әлемдік авиацияның трансформациялық кезеңінде халықаралық қауымдастықтың сенімі мен жоғары үміттерінің көрінісі», – деді Бас хатшы.С. Шаккитано атап өткеніндей: «Кеңестің Президенті 2050 жылға қарай – нөлдік өлім-жітім және нөлдік көміртек шығарындылары бар – баршаға арналған әуе көлігі жөніндегі ортақ көзқарастың айналасында ИКАО-ның 193 мүше мемлекетін біріктіруде шешуші рөл атқарады, сондай-ақ осы мақсатқа қол жеткізу үшін ынтымақтастықты, инновацияларды және кадрлар әлеуетін алға бастырады».«Консенсусқа қол жеткізу – көпжақты әрекеттестіктің басты тірегі және Президент үшін әрдайым басым бағыт болуы тиіс», – деді С.Шаккитано.Өз сөзінде Т. Онума алдындағы Президентке алғыс айтып, ИКАО-ның стратегиялық құжаттарында айқындалған міндеттерді орындау үшін бар күшін салатынын жеткізді.Сонымен қатар Аргентина, Аустралия, БАӘ, Белиз, Италия, Канада, Қатар, Марокко Оңтүстік Африка Республикасы, Сауд Арабиясы, Сингапур мен Эквадордың  тұрақты өкілдері Т. Онуманы құттықтады.Елші Т. Онума азаматтық авиация саласында 20 жылдан астам тәжірибеге ие. Ол ұлттық және халықаралық авиациялық саясатты қалыптастыруда, соның ішінде декарбонизация бастамаларын басқаруда маңызды рөл атқарған. Бұған дейін ол Жапонияның Жер, инфрақұрылым, көлік және туризм министрлігінде басшылық қызметтер атқарған. Токио университетінің заң факультетін бітірген, Пенсильвания университетінің Құқық мектебінен құқық магистрі дәрежесін алған.Ақпарат көзі : https://www.gov.kz/memleket/entities/kazakhstanicao/press/news/details/1114465?lang=kk

Астана, 2025 жылғы 27 қараша – Қазақстан Республикасы Сыртқы істер министрінің орынбасары Әлібек Бақаев Ресей Федерациясының Елшісі Алексей Бородавкинмен кездесті.Кездесу барысында Таяу Шығыс күн тәртібінің өзекті мәселелері, сондай-ақ халықаралық ұйымдар мен интеграциялық бірлестіктер шеңберіндегі өзара ықпалдастық мәселелері бойынша пікір алмасылды.Сұхбаттастар Астана мен Мәскеу арасындағы ынтымақтастықты екіжақты және көпжақты форматтарда одан әрі кеңейтудің маңыздылығын атап өтті.Ақпарат көзі : https://www.gov.kz/memleket/entities/mfa/press/news/details/1114423?lang=kk

Бүгін Шымкент қаласының әкімдігі мен бизнес өкілдері ынтымақтастық туралы меморандумдарға қол қойды. Келісімдер әлеуметтік маңызы бар азық-түлік тауарларының бағасын тұрақтандыруға және инфляцияны тежеуге бағытталған. Бұл бастамаға Gramad және F-Mart сияқты ірі сауда желілері, қаланың жетекші азық-түлік базарлары және ұн, ет, сүт, жұмыртқа және нан өнімдері сияқты қажетті тауарларды өндірушілер қосылды. Көтерме жеткізушілер де қосылды. Қала әкімінің бірінші орынбасары Айдын Кәрімовтің айтуынша, Меморандумдарға қол қою бір реттік шара емес, әкімдіктің бизнес қауымдастығымен бірлесіп атқарып жатқан жүйелі жұмысының жалғасы. "Бизнес әлеуметтік жауапкершіліктің жоғары деңгейін көрсетеді және бүгін біз бірлесіп жұмыс істеуге ниетті екенімізді тағы бір рет растадық. Біздің ортақ мақсатымыз - тұрақты бағаны, нарықтың ашықтығын және қала тұрғындарына қажетті өнімдердің қолжетімділігін қамтамасыз ету. Мұндай келісімдер нақты нәтиже беріп, азық-түлік нарығындағы кез келген ауытқуларға жедел ден қоюға мүмкіндік береді", - деді А.Кәрімов. Айта кетейік, Меморандумға 100-ден астам кәсіпорын қол қойды. Тараптар делдалдарды қысқарту, бағаның негізсіз өсуіне жол бермеу, инфляцияны төмендетуге көмектесетін бастамаларды бірлесіп ілгерілету бойынша жұмыс істеуге келісті. Бұл қадам шымкенттіктердің азық-түлік қауіпсіздігін қамтамасыз ету және әлеуметтік әл-ауқатын нығайту мақсатындағы жүйелі жұмыстың бір бөлігі. Айта кетерлігі, қала әкімдігі күн сайын бағаны қадағалап, кәсіпкерлермен бірге жағдайды тұрақты бақылауда ұстайды.

Бүгін Шымкентте қала әкімдігі мен кәсіпкерлік субъектілері арасында өзара ынтымақтастық туралы меморандумдар түзілді. Бұл келісімдер әлеуметтік маңызы бар азық-түлік тауарларының бағасын тұрақтандыру және инфляцияны тежеу бағытында қабылданып отыр.Бұл бастамаға «Грамад», «F-Mart» сияқты ірі сауда желілері, қаладағы азық-түлік базарлары мен ұн, ет, сүт, жұмыртқа, нан-тоқаш сияқты негізгі тағам өндірушілер, сонымен қатар, көтерме жеткізушілер де қосылды.Қала әкімінің бірінші орынбасары Айдын Кәрімовтың айтуынша, меморандумдарға қол қою – бұл бір реттік шара емес, әкімдік пен кәсіпкерлік қоғамдастығы бірге жүргізіп жатқан жүйелі жұмыстың жалғасы.«Бизнес жоғары әлеуметтік жауапкершілігін көрсетіп келеді, бүгін біз тағы да бірлесіп жұмыс істеуге дайын екенімізді растадық. Біздің ортақ міндетіміз – қала тұрғындарын тұрақты бағамен, ашық нарықпен және негізгі өнімдермен қамтамасыз ету. Мұндай келісімдер нақты әсер беріп, азық-түлік нарығындағы кез келген құбылысты дер кезінде бақылауға, әрекет етуге мүмкіндік береді», – деді А.Кәрімов.Айта кетейік, меморандумдарға 100-ден астам кәсіпкерлік субъектісі қол қойды. Тараптар делдалдық тізбектерді қысқарту, бағаны негізсіз өсірмеу және инфляцияны төмендетуге бағытталған бастамаларды бірге атқаруға келісті.Бұл қадам Шымкент қаласының азық-түлік қауіпсіздігін қамтамасыз ету және тұрғындардың әлеуметтік әл-ауқатын нығайту бойынша жүйелі жұмыстың бір бөлігі болып отыр.Айта кетейік, қала әкімдігі бағаларға күнделікті мониторинг жүргізіп, жағдайды кәсіпкерлермен бірлесіп тұрақты бақылауда ұстайды.

2025 жылғы 21 қарашада Алматы облысы бойынша Адам құқықтары жөніндегі уәкіл өкілдігі жанындағы сарапшылық кеңестің отырысы өткізілді.Отырыста бірқатар мәселе қаралды, оның ішінде сарапшылық кеңес құрамына жаңа мүшелерді енгізу, төраға орынбасары мен хатшысын сайлау, 2025 жылдың 4-тоқсанындағы жұмыс жоспарының тармақтарын орындау бойынша материалдарды дайындау мәселелері талқыланды, оларды іске асыру мерзімдері белгіленді, сондай-ақ сарапшылық кеңестің 2026 жылға арналған жұмыс жоспарын құру мәселелері қарастырылды.Сонымен қатар, облыстық Білім басқармасының сарапшылық кеңес құрамына енгізу үшін кандидатура ұсынуы туралы облыстық Білім басқармасына ұсыныс енгізу, сондай-ақ мүгедектік мәселелері жөніндегі әкім кеңесшілерінің еңбек ақысын төлеуді қамтамасыз ету туралы мәселені қарастыру үшін облыс әкіміне ұсыныс енгізу туралы ұсынымдар берілді. Ақпарат көзі : https://www.gov.kz/memleket/entities/ombudsman-almaty-oblysy/press/news/details/1114385?lang=kk

Қазақстан Республикасы Қаржы нарығын реттеу және дамыту агенттігінің Төрағасы орынбасарының 2025 жылғы 24 қарашадағы № Б-301 бұйрығына сәйкес «KMF Банк» акционерлік қоғамына қосымша:  факторингтік операциялар: тауарларды (жұмыстарды, қызметтерді) сатып алушыдан төлемсіз тәуекел етіп қабылдай отырып, төлем жүргізуді талап ету құқығын алу операциялары қосыла отырып, лицензия берілді.Ақпарат көзі : https://www.gov.kz/memleket/entities/ardfm/press/news/details/1114377?lang=kk

Ақмола облысы бойынша Мемлекеттік кірістер департаментінің ұжымы Кедендік бақылау басқармасының бөлім басшысы Қайрат Исимбаевты 60 жылдық мерейтойымен құттықтады.30 жылдан астам Қайрат Боқанұлы қаржы жүйесінде қызметтік міндеттерін адал орындап отырып, жауапты лауазымда жұмыс атқаруда.Ол еңбек жолын  1993 жылы Көкшетау кеденінде инспекторы  лауазымынан бастады.Бүгінгі күнге дейін өзінді білімді маман, адал қызметкер және мол тәжірибелі, жас мамандарға үлгі-өнеге, игі бастама көрсетіп келеді.Адал еңбегі мен жоғары кәсіптілігі үшін Қаржы министрлігі, Мемлекеттік кірістер комитетінің және Ақмола облысы бойынша Мемлекеттік кірістер департаментінің алғыс хаттарымен марапатталған.«Мемлекеттік кірістер органдарының үздігі» төс белгісімен марапатталған.Әріптесімізге зор денсаулық, баянды бақыт, еңбекте табыс, отбасына құт-береке тілейміз.  Құрметпен Ақмола облысы бойынша Мемлекеттік кірістер Департаментінің ұжымыАқпарат көзі : https://www.gov.kz/memleket/entities/kgd-akmola/press/news/details/1114348?lang=kk

Елде Қазақстанда маңызды көлік және логистикалық хаб ретінде қалыптастыру мақсатында бес ірі шекарааралық хаб дамытылуда. Осы хабтарды іске қосу көршілес елдермен сауда процестерін айтарлықтай жеделдетіп, ресурстық емес экспортты 30%-ға арттырып, қазақстандық компанияларға тиімді логистикалық жағдайлар жасайды, деді 25 қарашадағы үкімет отырысында сауда және интеграция министрі Арман Шаққалиев.Ол барлық аймақтарға басқарушы компаниялар анықталып, инфрақұрылымды белсенді түрде салу жұмыстары жүргізіліп жатқанын хабарлады, деп хабарлады Премьер-Министрдің баспасөз қызметі.«Біз инвестициялық жобаларды іске асырудың белсенді кезеңіне кірістік. Осы кезеңде басты назар жобаларды нақты іске қосуға, логистикалық мүмкіндіктерді кеңейтуге және бизнесті жаңа ынтымақтастық форматтарына тартуға аударылады», – деді ол.Айта кетерлігі, Өзбекстанмен шекарада Орталық Азия өнеркәсіптік ынтымақтастық халықаралық орталығы құрылуда, бұл екі ел арасындағы сауда айналымын 10 миллиард долларға дейін арттырады. Елдің шығысында Хоргос хабы дамып келеді, оған Хоргос халықаралық шекаралық ынтымақтастық орталығы мен Хоргос-Шығыс қақпасы арнайы экономикалық аймақтары (АЭА) кіреді. Мұнда Қытаймен жүк айналымын арттыру мақсатында SkyHansa халықаралық әуежайы мен жаңа логистикалық кешендер салынып жатыр.Шаккалиевтің айтуынша, Каспий хабын дамыту жұмыстары да жүргізілуде: Ақтау мен Курык порттарында контейнерлік хаб пен «Саржа» көпфункционалды терминалы салынуда. Батыс Қазақстанда Ресейге экспортқа бағытталған «Еуразия шекарааралық сауда орталығы» жұмыс істеп тұр, ал Жамбыл облысында Батыс Еуропа – Батыс Қытай дәлізі бойында Өнеркәсіптік сауда және логистика кешені дамытылуда. Бұл хаб Қырғыз Республикасымен шекарада тауарларды өңдеу мен таратуды жеңілдетеді.Ақпарат көзі : https://www.gov.kz/memleket/entities/mfa-geneva/press/news/details/1114350?lang=kk

 Вильнюс, 2025 жылғы 27 қараша – Қазақстандағы «Жұмысшы мамандықтар жылы» және Егемендік декларациясының қабылданғанына 35 жыл толуына орай –Қазақстанның Литвадағы Елшілігінде біздің елімізбен және Елшілікпен көпжылдық ынтымақтастық орнатқан литвалық азаматтарды марапаттау рәсімі өтті.Марапатталғандардың қатарында – «Құрмет» орденін иеленген Қазақстанның Құрметті консулы Йонас Ягминас. Оның қарапайым колхоз жұмысшысынан Литва үкіметінің мүшесіне дейінгі еңбек жолы әрдайым Қазақстанмен және ауыл шаруашылығы саласындағы ынтымақтастықпен тығыз байланысты болды. Тәуелсіздік жылдарында Й. Ягминас Қазақстанның Құрметті консулы ретінде біздің еліміздің мүдделерін Литвада таныстырып, екі ел арасындағы іскерлік байланыстарды нығайтуға елеулі үлес қосып келеді.Сондай-ақ литвалық азаматтар Анатолий Бедняков пен Аида Янкойть және біздің жерлесіміз Роберт Рүстемов – Қазақстанның дипломатиялық өкілдігіндегі көпжылдық адал еңбегі үшін алғыс хаттармен марапатталды.Марапаттарды табыстаған Қазақстанның Елшісі Тимур Оразаев Президент Қасым-Жомарт Тоқаевтың қоғамдағы сенімді нығайтып, «еститін мемлекет» қағидаттарын іс жүзінде көрсететін адамдардың еңбегін бағалау жөніндегі үндеуі мемлекеттік органдардың күнделікті жұмысында көрініс табуы тиіс екенін атап өтті.Іс-шараға Литва Сеймі депутаттары, сондай-ақ қоғамдық және академиялық орта өкілдері қатысты.Ақпарат көзі : https://www.gov.kz/memleket/entities/mfa-vilnius/press/news/details/1114328?lang=kk

Кезектен тыс 39-шы сессияда Өскемен қалалық мәслихатының депутаттары қала бюджетін нақтылауға және мәслихат шешімдерін заңнамадағы өзгерістерге сәйкес келтіруге байланысты мәселелерді қарады.Мемлекеттік сатып алу қорытындылары бойынша үнемдеу және бюджеттің кіріс бөлігін ұлғайту есебінен қосымша қаражат мүгедек адамдар үшін өтемақы қаражатын сатып алуға, тірек-қимыл аппараты бұзылған мүгедектерге көп қабатты үйлерде түсу-көтерілу кезінде көмек көрсетуге, отын сатып алу үшін ауылдық жерлерде мамандарға әлеуметтік көмек көрсетуге бағытталды.Сондай-ақ, «Таза Өскемен» арнайы техникасының жүргізушілері мен автослесарларының жалақысын арттыруға, кварталішілік жолдарды және жеке секторды қысқы күтіп ұстауды қамтамасыз етуге, жалпы пайдаланымдағы аумақтарды қысқы күтіп ұстау үшін Аумақтық басқару орталықтарына арнайы техниканы жалға алуға қосымша қаражат көзделген.Бұдан басқа, депутаттар бұрын қабылданған құқықтық актілерді қолданыстағы заңнамаға сәйкестендіру туралы мәселені қарады. Осыған байланысты мәслихаттың «Өскемен қаласында бөлшек салықтың арнайы салық режимін қолдану кезінде салық мөлшерлемесінің мөлшерін төмендету туралы» шешімі салық заңнамасына енгізілген өзгерістерге байланысты 2026 жылғы1 қаңтардан бастап күшін жояды. Ақпарат көзі : https://www.gov.kz/memleket/entities/ukmaslihat/press/news/details/1114339?lang=kk

Іс-шаралар барысында Теміртау қаласының сауда базарларының аумағында заңсыз темекі өнімдерін сатуды жүзеге асырған тұлғалар анықталды. Тексеру нәтижелері бойынша жалпы сомасы 3 млн. теңгеден асатын 9 000-ға жуық темекі өнімдерінің заңсыз айналымы тәркіленді. Барлық фактілер бойынша әкімшілік іс қозғалды, материалдар одан әрі қарау үшін сотқа жіберілді. Айыппұл сомасы шамамен 5 млн. теңге құрауы мүмкін, алынған өнім тәркіленеді. Қарағанды облысы бойынша Мемлекеттік кірістер департаменті акцизделетін тауарлардың заңсыз айналымының жолын кесу жөніндегі жұмысты жалғастырады және қолданыстағы заңнама талаптарын сақтау қажеттігін еске салады.Ақпарат көзі : https://www.gov.kz/memleket/entities/kgd-karaganda/press/news/details/1114261?lang=kk

Жаңа салық заңнамасының негізгі міндеттері туралы2026 жылғы қаңтардан бастап Қазақстанда салық жүйесінің құрылымын түбегейлі өзгертуге арналған жаңа Салық кодексі жұмыс істей бастайды. Реформаның негізгі мақсаты - жүйені кәсіпкерлік қызметтің барлық қатысушылары үшін түсінікті, әділ және ыңғайлы ету. Өзгерістер корпоративтік салықтардан бастап инвестицияларды ынталандыруға және салық ауыртпалығын қайта бөлуге дейінгі салық мәселелерінің барлық спектріне әсер етеді.Атап айтқанда, әртүрлі салалар үшін сараланған салық ставкалары, арнайы салық режимдерін қайта қарау және қолданыстағы жеңілдіктерді оңтайландыру енгізілді. Салық органдары салық төлеушілерді қолдау мен кеңес беруге бағытталған жұмыстың сервистік моделіне көшеді.Салықтық бақылауды цифрландыруға және қағазбастылықты азайтуға көп көңіл бөлінеді. Салық есептілігі нысандарының саны 30% – ға, ал салықтар мен міндетті төлемдер саны 20% - ға азаяды. ҚҚС қайтару процедурасы айтарлықтай жеңілдетіледі.🔹 Кодексте сонымен қатар инвестицияларды ынталандыру және сәнді тауарларға салық жүктемесін арттыру шаралары қарастырылған.Жеке тұлғаларға қатысты маңызды жаңалықтардың бірі мұрагерлік немесе Қазақстаннан тыс жерлерге тұрақты тұруға кету жағдайларын қоспағанда, Бірыңғай жинақтаушы зейнетақы қорынан (БЖЗҚ) зейнетақы төлемдерін жеке табыс салығынан (ЖТС) босату болады.Автокөлік иелері де өзгерістерді сезінеді: 10 жылдан асқан көліктер үшін көлік салығы 10 жылдан 20 жылға дейінгі көліктер үшін 30% – ға және 20 жылдан асқан көліктер үшін 50% - ға төмендейді.I және II топтағы мүгедектер үшін әлеуметтік салық шегерімінің мөлшері едәуір ұлғайтылды – 882-ден 5000 айлық есептік көрсеткішке (АЕК) дейін.Жалпы, жаңартылған Салық кодексі неғұрлым ашық, түсінікті және ауыртпалықсыз салық салу жүйесін құруға бағытталған. Бұл бизнесті жүргізу үшін жағдайды жақсартады және көлеңкелі экономиканы заңдастыруға ықпал етеді деп күтілуде.Ақпарат көзі : https://www.gov.kz/memleket/entities/kgd-abay/press/news/details/1114295?lang=kk

 "Әкімшілік құқық бұзушылық туралы"ҚР Кодексінің 244-бабын қолдану тәртібі және жауапкершілікке тарту практикасыВалюталық келісімшарттың есептік нөмірін (ШЕН) қызмет көрсетуші Банк ҚР резиденті мен бейрезидент арасында шарт жасасу кезінде береді. Егер валюталық келісімшарт сомасы 50 000 АҚШ долларынан асатын болса, ШЕН міндетті түрде тағайындалады. Оны беру репатриация талаптарының сақталуын бақылауды, сондай-ақ валюталық операциялар бойынша тиісті есеп пен есептілікті қамтамасыз етеді.Резидент валюталық шарт бойынша міндеттемелерді орындау басталғанға дейін ШЕН алуға міндетті. Берілген есептік нөмірсіз келісімшарт бойынша жұмысты бастау белгіленген тәртіпті бұзу болып саналады және ҚР ӘҚБтК 244-бабына сәйкес әкімшілік жауаптылыққа әкеп соғады.ҚР ӘҚБтК-нің 244-бабы жауапкершілікті белгілейді:• валюталық шарттың есептік нөмірін алу мерзімдерін бұзу;• экспорттық немесе импорттық келісімшарттар бойынша міндеттемелерді орындау мерзімдері мен шарттарына әсер ететін валюталық операциялар бойынша ақпарат пен құжаттарды уақтылы ұсынбау.Осы бапқа сәйкес, дара кәсіпкер немесе заңды тұлға экспорттық-импорттық шарттар, капитал қозғалысы жөніндегі шарттар немесе шетелдік банктегі шот бойынша мерзімін бұза отырып ШЕН беруге бірінші рет жүгінген кезде ескерту жасалады.Бір жыл ішінде қайтадан бұзылған жағдайда субъектінің санатына қарай 10-нан 100 АЕК-ке дейін айыппұл тағайындалады.ҚР ӘҚБтК-нің 244-бабының 3 және 4-бөліктеріне сәйкес валюталық міндеттемелердің орындалғанын растайтын құжаттарды уақтылы ұсынбағаны үшін жауапкершілік белгіленді. Бірінші бұзушылық ескертуге, қайталама – 20-дан 100 АЕК-ке дейін айыппұл салуға әкеп соғады. 2025 жылдың басынан бастап Абай облысы бойынша МКД бейіндік басқармасы осындай 58 бұзушылықты анықтады.Барлық құқық бұзушылар жауапкершілікке тартылып, қайталанған фактілерге қатысты күшейтілген шаралар қолданылды. Салынған айыппұлдардың жалпы сомасы 1 435 200 теңгені құрады.Ақпарат көзі : https://www.gov.kz/memleket/entities/kgd-abay/press/news/details/1114241?lang=kk

Атамекен ауылдық округі "Атамекен", "Көктем" және "Болашақ" тұрғын массивінің көшелерінде грейдер жол (ЩПГС) салу жұмыстары қарқын жүруде.Аталған жұмыстар жыл соңына дейін толық аяқтау жоспарланған.Ақпарат көзі : https://www.gov.kz/memleket/entities/mangystau-munaily-atameken/press/news/details/1114252?lang=kk

Табиғи монополия субъектісінің теңгеріміндегі желіге жаңа объектінің қосылуына байланысты 28.11.2025 жылы сағат 09:00–17:00 аралығында келесі мекенжайлар бойынша ауыз су беру уақытша тоқтатылады:Тұрғын үйлер:• Шақшақ Жанібек батыр: 3, 7• Полевая: 5, 10Әлеуметтік нысандар:• Полевая 7 — «Жастар» асханасы, «Қоғамдық монша»• Полевая 7 — «Росско» шеберханасы• Полевая 7/1 — «Панаехали» кафесіЖеке тұрғын үйлер:• Полевая: 8, 12, 14, 16«Қостанай-Су» МКК келтірілген қолайсыздықтар үшін кешірім сұрайды.Ақпарат көзі : https://www.gov.kz/memleket/entities/kostanai-kalasy-akimat/press/news/details/1114258?lang=kk

Қазақстан Республикасының Өнеркәсіп және құрылыс министрлігі тас өнімдерінің жекелеген түрлерін әкелуді реттеу тәртібіне өзгерістер енгізді. 2025 жылғы 25 қарашадағы № 506 бұйрығымен 2025 жылғы 2 қыркүйектегі № 342 бұйрыққа өзгерістер енгізілді.Негізгіөзгерісескерткіштергенемесеқұрылысқаарналғанграниттіәкелугетыйымсалудан алып тастауғажәнетегіснемесетегісбетібар кесілген немесекесілгенбұйымдарға(ЕАЭОСЭҚТН коды 6802230000)қатысты.Бұған дейін, 2025 жылғы 21 қыркүйектен бастап, көліктің барлық түрлерімен үшінші елдерден тас өнімдерінің жекелеген түрлерін әкелуге үш айлық тыйым салынды.Тыйым келесі тауар позицияларына қолданыла береді:- тас төсегіштер, жиектемелі - табиғи тастан төсеуге арналған тастар мен плиталар (тақтатастан басқа) (ЕАЭО СЭҚ ТНК 6801000000);-гранит жылтыратылған әшекейленген немесе таза салмағы 10 кг немесе одан астам, оюланғаннан басқа, өзге де өңдеуден өткен (ЕАЭО СЭҚ ТНК 6802931000);- ескерткіштер немесе құрылысқа арналған гранит (ЕАЭО СЭҚ ТНК 6802939000).Ерекшелік тек ЕАЭО СЭҚ ТНК 6802230000 бойынша өнімге қатысты.Павлодар облысы бойынша МКД түсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1114108?lang=kk