Құқықтық статистика және арнайы есепке алу Комитетінің Қарағанды облысы бойынша департаментінің прокуроры Өмірзақ Темірхан еңбек заңнамасын түсіндіру мақсатында мемлекеттік еңбек инспекторларымен кездесу өткізді.Ақпарат көзі : https://www.gov.kz/memleket/entities/karaganda-enbek/press/news/details/1026701?lang=kk

Жалпы ақпаратШетелдік инвесторлар кеңесінің 37-пленарлық сессиясы 2025 жылғы 24 маусымда Астанада Қазақстан Республикасының Президенті Қасым-Жомарт Тоқаевтың төрағалығымен өтті. Кеңес – Қазақстан мен оның халықаралық серіктестері арасындағы диалогтың негізгі алаңы болып табылады сондай-ақ елдің ашықтық, реформалар жүргізу және экономиканы әртараптандыру қағидаттарына бейілділігін растайды Биылғы сессия халықаралық экономикалық бағдарсыздық жағдайындағы мәселелерге, Қазақстанның сыртқы күйзелістерге төзімділігіне, сондай-ақ шетелдік инвестицияларды тарту және қорғау жөніндегі басымдықтарға арналды. Іс-шараға жетекші халықаралық және ұлттық көшбасшылар қатысты, олардың қатарында: Еуропалық қайта құру және даму банкінің президенті Одиль Рено-Бассо, Қазақстан Республикасының Өнеркәсіп және құрылыс министрі Ерсайын Нағаспаев, «Қазақстанның шетелдік инвесторлар кеңесі» қауымдастығының басқарма төрағасы Ерлан Досымбеков, Азия даму банкінің вице-президенті Бхаргав Дасгупта, VEON тобының бас атқарушы директоры Каан Терзиоглу, CNPC вице-президенті Чжан Даовэй, сондай-ақ Alstom компаниясының Африка, Таяу Шығыс және Орталық Азия өңірлері бойынша президенті Мартан Вожур сөз сөйледі. Президент Қ.Тоқаевтың сөзіндегі негізгі мәлімдеме Стратегиялық реформалар және климат саласына инвестицияларТұрақты экономика: 2025 жылдың алғашқы бес айында Қазақстан экономикасы 6 %-ға өсті. Өсім көлік, логистика, құрылыс, сауда, тау-кен өндіру өнеркәсібі және өңдеу секторын дамыту есебінен қамтамасыз етілді.Инвестициялық штаб: Үкімет жаңа Инвестициялық штабтың көмегімен жалпы құны 70 миллиард АҚШ долларын құрайтын 137 инвестициялық жобамен байланысты мәселелерді шешті. Сондай-ақ инвесторлар жолындағы жүйелі кедергілерді жою мақсатында 140 заңнамалық түзету бастамасы көтерілді.Инвесторларды қорғау: Инвесторларға қатысты қандай да бір тексерулер, сотқа дейінгі тергеп-тексеру немесе шектеу шаралары Бас прокуратураның алдын ала келісімінсіз басталмайтынын қамтамасыз ететін жаңа механизм – «прокурорлық сүзгі» енгізілді.Бірыңғай цифрлық портал: Инвесторларға мемлекеттік қызметтердің толық спектрін бір терезе қағидаты бойынша ұсынатын Ұлттық цифрлық инвестициялық платформа іске қосылды.Салық реформасы: Жаңа Салық кодексі Сенаттың қарауына жолданды. Құжатта отандық өндірушілер үшін мақсатты преференциялар мен жоғары қосылған құны бар өнім экспорттаушыларды қолдау шаралары көзделген. Өнеркәсіп және тау-кен өндіру секторын дамытуЭкономиканың тірегі ретінде кен өндіру саласы: Қазақстан тау-кен өндіру секторында ашықтық пен инвестициялық тартымдылықты қамтамасыз ететін құқықтық негізді сақтап отыр. Бұл өз кезегінде Rio Tinto, Fortescue, Ivanhoe, First Quantum және Teck Resources сынды жаһандық ірі компанияларды тартуға мүмкіндік беріп келеді.Қосылған құнға ынталандырулар: Президент Тоқаев жаңа Салық кодексіне шикізатты ішкі өңдеуді ынталандыруға бағытталған роялти тәртібін енгізу туралы хабарлады.Өнеркәсіптік компаниялармен ынтымақтастық: Президент теміржол машиналарын жасаудағы жетістіктерді атап өтті. Wabtec, Alstom және Stadler компаниялары Қазақстанда өндірісті локализациялауда. Alstom техникалық қызмет көрсету орталықтарын салуда және 2028 жылға қарай жаңа буындағы локомотивтер өндірісін іске қосуды жоспарлап отыр. Wabtec балама отын түрлерімен жүретін жылжымалы құрамға 200 миллион доллар инвестиция салуда. Stadler Rail жылына 100-ге дейін жолаушылар вагондарын шығаратын зауыт құрды.Стратегиялық рөлі: Қазақстан өз табиғи бай қорлары мен реформаланған заңнамасын пайдалана отырып, маңызды минералдардың жаһандық жеткізу тізбегінде жетекші орын алуға ұмтылады. Көлік және инфрақұрылымды жаңғыртуТеміржол және авто жолдарын кеңейту: Қазақстан 2029 жылға дейін 11 000 км теміржол желісін қайта жаңғыртып, 5 000 км жаңа автожол салуды жоспарлап отыр.Теміржол дәліздерін дамыту: 2025 жылы Достық–Мойынты учаскесінде 830 км жаңа жолдың мерзімінен бұрын пайдалануға берілуі жоспарлануда, бұл дәліздің өткізу қабілетін бес есе арттырады. Сондай-ақ Дарбаза–Мақтаарал, Бақты–Аягөз, Мойынты–Қызылжар және Алтынкөл–Жетіген сияқты басқа да негізгі бағыттар дамытылуда.Автожол инфрақұрылымын дамыту: 2024 жылы Талдықорған–Өскемен, Қарағанды–Алматы және Ақтөбе–Атырау–Астрахан бағыттарындағы маңызды автожол пайдалануға берілді, бұл ұлттық жол желісіне 1 600 км қосымша жол енгізді.Әуежай терминалдары: Алматы, Қызылорда және Шымкент қалаларында жаңа халықаралық терминалдар ашылды, бұл жолаушылар өткізу қабілетін алты есеге арттырды. Аграрлық әлеуетДүниежүзілік рейтинг: Қазақстан ауылшаруашылық алқаптарының көлемі бойынша әлемде 6-орында және дәнді дақылдардың ірі экспорттаушылар 10-ғына кіреді.Агроинвестициядағы жетістіктер: PepsiCo, Fufeng Group және Dalian Hesheng компаниялары отандық ауыл шаруашылығы өнімдеріне тұрақты сұранысты қалыптастыруға ықпал ете отырып, заманауи агротехнологияларды енгізуде. Цифрлық экономика және жасанды интеллектЦифрланудағы көшбасшылық: Қазақстан Біріккен Ұлттар Ұйымының деректері бойынша цифрлану деңгейі бойынша әлемдегі алғашқы 30 елдің қатарына кіреді. 2018 жылдан бері еліміздегі финтек компаниялары саны төрт есеге артты. Халықаралық қаржы орталығы «Астана» (АХҚО) базасында 4 000-нан астам компания тіркелген.АХҚО-ның мойындалуы: Халықаралық қаржы орталығы Шығыс Еуропа мен Орталық Азияда халықаралық қаржы орталықтары индексі бойынша 1-орынды иеленеді. Сондай-ақ орталық аймақтағы жасыл және цифрлық қаржыларды дамытуда көшбасшы болып табылады.Финтех секторының өсуі: Қазақстанда транзакциялардың 89% астамы қолма-қол ақшасыз жүзеге асырылады, ал мобильді банкингті пайдалану соңғы төрт жылда 460%-ға өскен.CryptoCity бастамасы: Қазақстан CryptoCity деп аталатын пилоттық аймақты іске қосуды жоспарлап отыр, онда криптовалюталарды күнделікті төлемдер үшін пайдалануға мүмкіндік беріледі.Жасанды интеллекттің дамуы: Президент Тоқаев жасанды интеллект Қазақстанның болашақ экономикалық өсуі, бәсекеге қабілеттілігі және цифрлық тәуелсіздігінің негізгі факторы болатынын атап өтті. Президент Қ.Тоқаевтың ЕҚҚДБ Президенті Одиль Рено-Бассоімен кездесуіПрезидент Қ.Тоқаев 37-ші Сыртқы инвесторлар кеңесінің пленарлық сессиясы аясында Еуропа қайта құру және даму банкінің (ЕҚҚДБ) президенті Одиль Рено-Бассо Астанаға жасаған сапары кезінде келіссөздер жүргізді.Стратегиялық салалар: Екі тарап ЕҚҚДБ қолдайтын салаларда, оның ішінде шағын және орта бизнесті дамыту, энергетика және ауыл шаруашылығы салаларында айтарлықтай ілгерілеуді атап өтті.Жасыл ауысымды қолдау: Президент Қ.Тоқаев ЕҚҚДБ-ның Қазақстанның экологиялық күн тәртібіне сәйкес жобаларға бірлескен инвестициялар салу ниетін құптады.Инфрақұрылымға инвестициялар: Одиль Рено-Бассо ЕҚҚДБ-ның Ақтөбе–Ұлғайсын 234 км автожол құрылысын қаржыландыруды жақында мақұлдағанын растады, бұл ішкі және халықаралық көлік байланысын нығайтады.Инвестициялардың өсуі: 2024 жылы Қазақстандағы ЕҚҚДБ инвестициялары көлемі алдыңғы жылмен салыстырғанда үш есеге жуық артты, 2023 жылы шамамен бір миллиард еуроны құрады.Болашақтағы ынтымақтастық: ЕҚҚДБ Қазақстанның көлік қолжетімділігін жақсарту және энергетика секторын жаңғырту бағытындағы күш-жігерін әрі қарай қолдауға дайын екенін білдірді. Президент Тоқаевтың компания басшыларымен кездесулеріWabtec-пен серіктестік: Президент Қ.Тоқаев Wabtec компаниясының бас директоры Рафаэль Сантанамен кездесті. Кездесу барысында компанияның Қазақстан теміржол секторына 230 миллион доллардан астам инвестиция салғаны атап өтілді. Қ.Тоқаев Қазақстанның жаңа буындағы локомотивтер өндірісін кеңейтуге, техникалық қызмет көрсету орталықтарын құруға, локализацияны күшейтуге және кәсіби дағдыларды дамытуға деген қызығушылығын ерекше атап өтті.Philip Morris-пен талқылау: Philip Morris International компаниясының ТМД және Орталық Азия бойынша президенті Марко Мариоттимен кездесуде Қ.Тоқаев компанияның тұрақты даму, инновациялар саласындағы рөлін және салық түсімдеріне қосқан елеулі үлесін атап өтті.Citi Bank-мен ынтымақтастық: Citi Bank компаниясының бас директоры Дэвид Ливингстонмен кездесуде Президент Қ.Тоқаев банктің Қазақстандағы 30 жылдық қызметін атап өтіп, банкке стратегиялық инфрақұрылымдық жобаларға қатысуын әрі қарай жалғастыруды және шағын және орта бизнесті дамытуға қолдау көрсетуді шақырды.Glencore-мен ынтымақтастық: Президент Қ.Тоқаев Glencore компаниясының бас директоры Гэри Нейглмен кездесіп, тау-кен өндіру, металлургия және энергетика салаларындағы бірлескен бастамаларды талқылады.Ақпарат көзі : https://www.gov.kz/memleket/entities/mfa-strasbourg/press/news/details/1026669?lang=kk

Страсбург, 2025 жылғы 26 маусым – Еуропа Кеңесі Парламенттік Ассамблеясының (ЕКПА) жазғы сессиясы аясында ҚР делегациясы Мәдениет және ақпарат Вице-Министрі Е.Кочетовтың басшылығымен ЕКПА-ның Саяси мәселелер және демократия жөніндегі Комитетінің отырысына қатысты. Делегация құрамына сондай-ақ ҚР Бас прокуратурасының өкілдері кірді.Еуропалық парламент мүшелерінің назарына ҚР Президенті Қ.Тоқаевтың бастамасымен жүзеге асырылып жатқан демократиялық реформалардың барысы туралы жан-жақты ақпарат ұсынылды.Комитет отырысында Қазақстан бойынша баяндамашы Ж.Немет сөз сөйледі. Ол 2-6 мамыр аралығында Қазақстанға жасаған іссапарының нәтижелерімен бөлісті. Атап айтқанда, ЕКПА депутаты Қазақстанда жүргізіліп жатқан саяси реформалардың өңір елдерімен ғана емес, сондай-ақ Шығыс Еуропа елдері үшін де бірегей екендігін атап өтті. Сонымен қатар, ол Қазақстандағы бүкіл саяси жүйенің жаңғыртылуы және «Күшті Президент – Ықпалды Парламент – Есеп беретін Үкімет» жаңа үлгісіне көшу туралы айтты.Ж.Немет Қазақстан мен Еуропа Кеңесі арасындағы қазіргі кезеңдегі өзара іс-қимылды оң бағалады.Страсбургқа іссапар аясында Қазақстан делегациясы Еуропа Кеңесі Бас хатшысының орынбасары Б.Берге мырзамен жеке кездесу өткізді. Кездесу барысында тараптар Қазақстан мен Еуропа Кеңесінің өзара іс-қимылының қазіргі жай-күйі мен болашағын талқылады.Б.Берге Еуропа Кеңесінің түрлі бағыттар бойынша ынтымақтастығын жандандыруға қызығушылық танытты.ЕКПА сессиясы аясында Е.Кочетов Қазақстан бойынша Ассамблея баяндамашысы Ж.Неметпен кездесуді өткізді. Ол 2-6 мамыр аралығындағы Қазақстанға іссапарынан алған әсерімен бөлісті. Кездесу барысында мажар депутаты «Парламенттік Ассамблея Қазақстанның демократиялық реформаларды жалғастыруын қолдауы тиіс» атты баяндама әзірленіп жатқанын хабарлады.Ақпарат көзі : https://www.gov.kz/memleket/entities/mfa-strasbourg/press/news/details/1026685?lang=kk

Алматы облысы «Таза Қазақстан» экологиялық бастамасын іске асыруға белсенді түрде кірісіп, қоғамдағы экологиялық сананың жоғары деңгейін және өңірдің тұрақты дамуға ұмтылысын нақты көрсетті. Табиғатты қорғау мұнда жеке жауапкершілік шеңберінен шығып, мыңдаған тұрғынды біріктірген қуатты халықтық қозғалысқа айналды.Жыл басынан бері «Таза қала» акциясы аясында 33 мыңнан астам облыс тұрғыны – оқушылар, студенттер, еңбек ұжымдарының өкілдері, кәсіпкерлер мен мемлекеттік қызметкерлер – санитарлық тазарту және абаттандыру жұмыстарына қатысты. Нәтижесінде 1,5 мың тоннадан астам қоқыс жиналып, 750 ағаш отырғызылды. Бұл жасыл желектер өңірдің жаңартылған экожүйесінің ажырамас бөлігіне айналды.Жас ұрпақ тәрбиесіне ерекше көңіл бөлінуде. «Болашақты бірге егеміз» атты қосалқы акцияға 280 мыңнан астам оқушы қатысты. Олар 13 келі ағаш тұқымын сеуіп, тек қана ағаш еккен жоқ – экологиялық жауапкершілікке негізделген болашақтың іргетасын қалады.Жалпыұлттық ағаш отырғызу күні мен «Таза кәсіп – таза аймақ» бастамасы аясында облыста 74 кәсіпорынның қолдауымен 4 434 көшет отырғызылды, оның ішінде 1 200-ден астам ағаш – бизнес өкілдерінің күшімен егілді. Сонымен қатар, 50 тонна қоқыс жиналды. Бұл – корпоративтік сектордың экологиялық жауапкершілікті нақты іспен дәлелдеген айқын мысалы. «Таза аймақ» акциясына ұлттық парктердің қызметкерлері, еріктілер мен жергілікті тұрғындар қатысты. Олар табиғи аумақтар мен оларға жақын елді мекендерден 6,2 тонна қоқыс жинады.«Мөлдір бұлақ» акциясы аясында 519 адам бұлақ көздерін тазалап, 3 тоннадан астам қоқыс шығарды. Бұл жұмыстар табиғи су көздерінің экологиялық жағдайын қалпына келтіруге мүмкіндік берді. «Таза жағалау» акциясы да жоғары деңгейде өтті. 280-нен астам адам Қапшағай су қоймасы мен Іле өзенінің жағалау аумақтарын қоқыстан тазартып, 26 тонна қалдықты шығарды. Осы жұмыстың нәтижесінде бұл аумақтар қайтадан қауіпсіз әрі экотуризмге қолайлы орынға айналды.🔹 215,4 мың адам экологиялық іс-шараларға қатысты (2024 ж. – 760,7 мың адам)🔹 8,8 мың кәсіпорын мен ұйым бастаманы қолдады🔹 6,3 мың тонна қалдық жиналды (2024 ж. – 28,1 мың тонна)🔹 76,7 мың көшет пен 14 мың кг ағаш тұқымы егілді🔹 2,2 мың арнайы техника жұмылдырылдыТазартылған нысандар:3 000 көпқабатты тұрғын үй ауласы55 саябақ пен сквер723 тарихи және мәдени ескерткіш1 000 әлеуметтік нысанАлматы облысындағы экологиялық бастамалар – бір реттік акциялар емес, қоғамда экологиялық мәдениетті қалыптастыруға бағытталған жүйелі және кешенді жұмыстың бір бөлігі. Тұрғындардың, әлеуметтік құрылымдар мен бизнестің кеңінен қатысуы өңірге тұрақты болашаққа сенімді қадам басуға мүмкіндік береді. Мұнда табиғатқа қамқорлық – өмір салтына айналған құндылық.Ақпарат көзі : https://www.gov.kz/memleket/entities/almobl/press/news/details/1026667?lang=kk

27 маусымда Қазақстанның Ливандағы Елшісі Расул Жұмалы осы елдің Халықаралық сауда палатасының Президенті Уаджих  Бизримен кездесті. Сұхбат барысында Ливанда және түгелдей Таяу Шығыста саяси ахуалдың біртіндеп тұрақталуы осындағы іскерлік белсенділікке оң серпін беретініне үміт артылды. Бұл ретте тараптар Ливан мен Қазақстанның да түрлі салаларда өзара тиімді ынтымақтастықты нығайта алатыны алға тартылды. Уаджих Бизри Қазақстанның әсіресе сауда-саттық, инвестициялар, туризм, көліктік логистика салаларында маңызды серіктес болуға қабілетті екендігін атап өтті. Сондай-ақ оның сөзінше Қазақ елінің Орталық Азияда елеулі рөлі мен Шығыс пен Батысты байланыстырушы транзиттік бағыт екендігі үлкен қызығушылық тудырады. Өз кезегінде ливандық кәсіпкерлердің Африкада және Парсы шығанағындағы дәстүрлі ықпалы екіжақты ықпалдастыққа қосымша серпін тигізе алады. Тиісті әлеуетті ұтымды пайдалану үшін тараптар шарттық-құқықтық базаны жетілдіру, бірлескен форумдарды ұйымдастыру, қос мемлекеттегі кәсіпкерлік қауымдастықтар арасында тікелей байланыстар орнату сынды шараларды пысықтап нақты ұсыныстармен алмасты. Кездесуге Қазақстанның Ливандағы Құрметті консулы Уажди Малуф және бірқатар ливандық компанияның өкілдері қатысты.        Ақпарат көзі : https://www.gov.kz/memleket/entities/mfa-beirut/press/news/details/1026642?lang=kk

Шымкент қаласының туризм, сыртқы байланыстар және креативті индустрия басқармасы жанындағы «Visit Shymkent» туристік ақпараттық орталығы мен Өзбекстан Республикасының Самарқанд қаласындағы туристік құрылымдар арасында өзара ынтымақтастық туралы келісімге қол қойылды.Шымкентке арнайы келген Самарқанд қаласынан 22 туристік оператор және Самарқанд облысының туризм басқармасының өкілдеріне Шымкент қаласының туристік әлеуеті таныстырылды. Іс-шара аясында «Visit Shymkent» туристік ақпараттық орталығы мен “Versailles Travel” туристік операторы арасында екіжақты меморандумға қол қойылды.Келісім аясында тараптар бірлескен туристік жобаларды жүзеге асыру, тәжірибе алмасу, ақпараттық турлар ұйымдастыру және туризм саласындағы өзара байланысты нығайтуға уағдаласты. Бұл байланыс өңіраралық туризмді дамытып, жаңа мүмкіндіктерге жол ашары сөзсіз.🔷Шымкент қаласы туризм, сыртқы байланыстар және креативті индустрия басқармасының баспасөз қызметіАқпарат көзі : https://www.gov.kz/memleket/entities/shymkent-turizm/press/news/details/1026599?lang=kk

Аудан әкімі Жандос Еркінбекұлы азаматтарды жеке мәселелері бойынша қабылдау өткізді. Қабылдауға алдын ала жазылып, өтініштерін жеткізген аудан тұрғындары тұрғын үй алу, жұмыспен қамту және әлеуметтік-тұрмыстық мәселелер жөнінде сауалдарын қойды.Әрбір азаматтың өтініші мұқият тыңдалып, заң аясында түсініктемелер берілді. Қабылдауға қатысқан тиісті сала басшыларына нақты тапсырмалар жүктеліп, бірқатар мәселелер сол сәтінде шешімін тапты.Аудан әкімі Жандос Еркінбекұлы тұрғындармен ашық диалогтың маңыздылығына тоқталып, әрбір өтініштің назардан тыс қалмайтынын атап өтті.Ақпарат көзі : https://www.gov.kz/memleket/entities/kyzylorda-karmakshy/press/news/details/1103355?lang=kk

Аддис-Абеба, 2025 жылғы 29 маусым – Қазақстан Республикасының Эфиопия Федеративтік Демократиялық Республикасындағы Елшілігі Эфиопия Үкіметінің қолдауымен Аддис-Абеба қаласы әкімдігі ұйымдастырған «Жасыл мұра» ұлттық бастамасы аясындағы «Отырғызу арқылы жаңарту» атты ауқымды экологиялық акцияға қатысты.Іс-шараға атқарушы билігінің өкілдері, дипломатиялық миссиялардың, халықаралық және үкіметтік емес ұйымдардың басшылары, волонтерлар мен БАҚ қатысты.Шетелдік елшіліктерге ағаш отырғызу үшін елдер мен ұйымдардың атаулары жазылған учаскелер бөлінді, бұл бастаманың жаһандық сипатын көрсетеді.«Отырғызу арқылы жаңарту» акциясы Эфиопияның орнықты мемлекет құрудағы күш-жігерінің маңызды элементіне айналды, бұл бірлікті, инклюзивтілікті және ортақ болашаққа деген ұжымдық жауапкершілікті нығайтуға ықпал етеді.Қазақстан Елшілігі Эфиопия Үкіметіне тұрақты дамуға, халықаралық әріптестікті нығайтуға және планетамыздың болашағына бірлесіп қамқорлық жасаудағы маңызды қадам болып табылатын бағдарламаға қатысу мүмкіндігі үшін алғыс білдіреді.Анықтама: 2025 жылғы маусым айындағы жағдайы бойынша Эфиопияда 40 млрд-қа жуық көшет отырғызылды, ал биыл тағы 7,5 млрд көшет қосу жоспарлануда.Ақпарат көзі : https://www.gov.kz/memleket/entities/mfa-addis-ababa/press/news/details/1026633?lang=kk

Құрметті шымкенттіктер мен қала қонақтары!⠀Сүйікті қаламыздың туған күніне орай сіздерге ерекше сыйлығымыз – DRONE SHOW тарту етілді.⠀Аспанды әсем жарықтармен көмкерген бұл көрініс — Шымкенттің жаңашыл рухын, даму мен шығармашылықты дәріптейтін ерекше шоу болды.Бірге тамашалап, қалаға деген махаббатымызды бөліскен баршаңызға алғысымыз шексіз!Құрметпен, Шымкент қаласының туризм, сыртқы байланыстар және креативті индустрия басқармасы!Ақпарат көзі : https://www.gov.kz/memleket/entities/shymkent-turizm/press/news/details/1026562?lang=kk

Биыл Қызылорда қаласының астана болғанына 100 жыл толып отыр. Атаулы мерейтойға байланысты «Тарихтың таңбасы, рухтың ордасы – Қызылордам» атты облыстық өнер байқауы аясында алыптарға алтын бесік болған Сырдария өнерпаздары мерекелік концерт қойып, қала халқы мен меймандарының қошеметіне бөленді.Орталық алаңыда өткен ауқымды іс-шарада тұрғындарға Мемлекет басшысының тапсырмасымен бастау алған "Адал адам" тұжырымдамасының 7 бағыты бойынша және рухани-мәдени құндылықтардан көрсе ұйымдастырылды. Іс-шараға Қызылорда қаласы әкімінің орынбасары Б.Омаров, "АМАНАТ" партиясы Қызылорда облыстық филиалының төрағасы А.Есмаханов, халық қалаулылары, мәдениет саласының майталмандары арнайы қатысып, көрмелер мен концерттік бағдарламаны тамашалады.Іс-шараның басталуында Қызылорда қаласы әкімінің орынбасары Б.Омаров, Қазақстанның еңбек сіңірген әртісі, сырдариялық Б.Алпысбаев, Сырдария ауданы әкімінің орынбасары Д.Байдушев сөз сөйлеп, Қызылорда қаласының астана болғанына 100 жыл толу мерейтойымен құттықтады.Өнер байқауында ауданның мәдениет майталмандары, Сәдуақасовтар халықтық отбасылық ансамблі, «Ұлағат» әкелер анасамблі, "Алтын қазына" ансамблі, "Ритм" вокалды-аспапты ансамблі, "Балауса" халықтық би ансамблдері, сондай-ақ ауданның талантты әншілері мен бишілері әсем ән мен күмбірлі күйден шашу шашып, көрермен ықыласына бөленді. Әрбір өнер нөмірі – туған жерге деген шынайы сүйіспеншіліктің, өнерге деген адалдықтың көрінісі болды.Қасиетті Сырдария ауданы өнерпаздарының ән-күйіне жиналған қауым ерекше ықылас білдірді.Ақпарат көзі : https://www.gov.kz/memleket/entities/kyzylorda-syrdarya/press/news/details/1026553?lang=kk

"Руханият" орталығында аудан әкімі Берік Сәрменбаевтың қатысуымен Бұқаралық ақпарат құралдары қызметкерлерінің кәсіби мерекесіне орай салтанатты іс-шара өтті. Мерекелік іс-шарада аудан басшысы қаламгерлердің елеулі еңбегін атап көрсетті.– Бұдан бір ғасырға жуық уақыт бұрын ұлт ұстазы Ахмет Байтұрсынұлы «Газет – халықтың көзі, құлағы һәм тілі» деп баға берген еді. Бұл ұлағатты сөзді қазір тек басылымдарға ғана емес, барлық бұқаралық ақпарат құралдарына қатысты қолдануға болады. Мемлекет басшысы Қасым-Жомарт Кемелұлы Тоқаев «Қазір еліміздегі барлық бұқаралық ақпарат құралдары Қазақстанның мемлекеттілігін нығайту, елімізде жүргізіліп жатқан реформаларды халыққа жеткізу жолында күш біріктіруде» деп атап көрсетті. Журналистер қауымының дайындаған әрбір материалдарында елдің мұңы мен мұқтажы, ойы мен пікірі, талабы мен тілегі, қоғам дамуының тынысы айқын көрініс тауып отырады. Жұмыс барысында жұртпен етене араласып, «Халық үніне құлақ асатын мемлекет» қағидатын жүзеге асыруда Сіздер үлкен еңбек атқарудасыздар. Аудан айнасы саналатын 86 жылдық тарихы бар «Тіршілік тынысы» газеті ұжымының ауданның әлеуметтік-экономикалық жағдайын, оң өзгерістер мен жағымды жаңалықтарына үнемі ақпараттық қолдау көрсетіп келеді. Бүгінгі күні басылым 3315 тиражбен жарық көріп, халыққа ақпарат ұсынуда 30-ға жуық қызметкер аянбай еңбек етуде. Оларға сала ардагерлері мен баспасөз саласының жанашырлары әркез қолдау білдіруде. Сондықтан меншікті басылымның еңбегін аудан халқы ерекше ықыласпен бағалайды. Осы сәтті пайдалана отырып, Сіздерге шынайы алғысымды жеткізгім келеді. Ауданымыздың дамуына еңбек сіңіріп жүрген журналистика саланың ардагерлері Қазақстан Журналистер одағының мүшесі Мүсілім Қалмұратұлы биыл мерейлі 75 жасқа, ҚР Журналистер одағының мүшесі, «Еңбек ардагері» медалінің иегері Сәуле Сұлтанқызы мерейлі 65 жасқа толып отыр. Мерейтой иелерін шын жүректен құттықтаймын, – деді Берік Әбдіғаппарұлы.Құттықтаудан соң аудан әкімі мерейлі 75 жасқа толған Мүсілім Қалмұратұлын "Құттықтау хатпе"н және облыстық ардагерлер кеңесінің "Құрмет грамотасымен" марапаттап, сый-құрмет көрсетті. Сондай-ақ, сала ардагері мен аудандық «Тіршілік тынысы» газетінің қызметкерлеріне «Алғыс хат» табыс етті. Мерекелік іс-шарада аудандық басылым қызметкерлеріне Сырдария ауданы прокурорының және "Сыр медиа" ЖШС бас директорының "Алғыс хаттары" табыс етілді.Мұнан соң аудандық мәслихат төрағасы Ержан Әжікенов, аудандық ардагерлер кеңесінің төрағасы Мұса Келдібаев, сала ардагерлері Мүсілім Қалмұратұлы мен Қалдыгүл Балшықбаева мерекелік лебіздерін жеткізді. Іс-шарада Бұқаралық ақпарат құралдары қызметкерлерінің құрметіне аудан көркемөнерпаздары әннен шашу шашып, өнерлерін көрсетті.Ақпарат көзі : https://www.gov.kz/memleket/entities/kyzylorda-syrdarya/press/news/details/1026518?lang=kk

Алматы қаласындағы Қазақ Спорт және Туризм Академиясының бір топ студенттері үшін Шымкент қаласының тарихи-мәдени нысандарына ақпараттық тур ұйымдастырылды.Іс-шара Шымкент қаласының Туризм, сыртқы байланыстар және креативті индустрия басқармасының қолдауымен, «Visit Shymkent» туристік ақпараттық орталығының бастамасымен жүзеге асты. Тур барысында студенттер «Шымқала» тарихи-мәдени кешенімен, Сайрам тұрғын алабындағы Ибраһим ата және Қарашаш ана кесенелерімен, Сейітжан қари мешітімен, сондай-ақ жаяу жүргіншіге арналған «Арбат» демалыс аймағымен танысты.Бұл жоба Шымкент қаласының туристік әлеуетін Қазақстан студент жастары арасында кеңінен насихаттап, жас туристер ағынын арттыруды мақсат етеді.Ақпарат көзі : https://www.gov.kz/memleket/entities/shymkent-turizm/press/news/details/1026520?lang=kk

       2025 жылдың 12 желтоқсанында Абай облысы Курчатов қаласының аумақтық сайлау комиссиясының төрағасы Б. Т Мубаряков каскадты оқыту жоспарына сәйкес «Қазақстан Республикасында сайлау науқандарын ұйымдастыру негіздері: өткізу ерекшеліктері мен кезеңдері» тақырыбында семинар-кеңес өткізді.Іс-шара барысында сайлау құқығының негізгі қағидаттары, сондай-ақ сайлау науқандарын ұйымдастыру мен өткізуге қатысты мәселелер қаралды. Жиынға жергілікті атқарушы органдардың өкілдері мен үкіметтік емес ұйымдар қатысты. Қатысушылар белсенділік танытып, сұрақтар қойды, пікірлерімен және тәжірибелерімен бөлісті.Мұндай іс-шаралар сайлау барысының заңдылықтарын сақтау мен электоралды мәдениетті арттыруда маңызды рөл атқарады.Ақпарат көзі : https://www.gov.kz/memleket/entities/abay-kurchatov/press/news/details/1124415?lang=kk

Шымкент қаласының туристік тартымдылығын арттыру және контент- мейкерлерді қолдау мақсатында ағымдағы жылдың 9-11 маусым аралығында «Shymkent Creativе Hub» ғимаратында мастер класс ұйымдастырылды.Іс-шараның алғашқы күні 30-дан астам қатысушыға танымал видеограф және тревел блогер Әділет Рахметолла өз тәжірибесімен бөлісіп, қатысушыларға кәсіби деңгейде контент жасау тәсілдерін үйретті.Қатысушылар үш күндік мастер-класста контент жасаудың заманауи әдістерін үйреніп, өз шығармашылық әлеуетін ашуға мүмкіндік алды. Әрбір қатысушыға өз контентін туризм саласында қалай тиімді түрде жариялауды, Шымкенттің ең әдемі жерлерін барынша қалай жақсы көрсетуге болатыны жайлы кеңестер берілді.Мастер-класста қатысушылардың ынта-жігерін арттыру мақсатында конкурс ұйымдастырылды.Екінші күні практикалық сабақ кезінде, қатысушылар туристік объектілерді түсіріп, монтаждап конкурсқа қатысты.Үшінші күні Әділет Рахметолламен конкурс нәтижесі анықталып, қатысушылар марапатталды.Бұл іс- шараның мақсаты — қатысушыларға тек теориялық білім ғана беріп қоймай, оларды туризм саласында кәсіби контент жасауға арналған нақты құралдармен қамтамасыз ету. Сондай-ақ, осы салада жұмыс істейтін контент-мейкерлер үшін үлкен тәжірибелік, маңызды сабақ болды.Ақпарат көзі : https://www.gov.kz/memleket/entities/shymkent-turizm/press/news/details/1026534?lang=kk

Аудан әкімі аппаратының басшысы Диас Молдабаевтың төрағалығымен Конго-Қырым геморрагиялық қызбасының алдын алу шараларын талқылауға арналған мәжіліс өткізілді.Жиынға кент және ауылдық округ әкімдері, сондай-ақ тиісті сала басшылары қатысты. Мәжіліс барысында облыстық санитариялық-эпидемиологиялық бақылау департаменті басшысының орынбасары Алия Абдикаимова баяндама жасап, Конго-Қырым геморрагиялық қызбасының таралу жолдары мен алдын алу шаралары жөнінде кең көлемді ақпарат ұсынды.Айта кету керек, Конго-Қырым геморрагиялық қызбасы — кене шағуы арқылы жұғатын, ауыр интоксикациямен және дене қызуымен өтетін, өлім-жітім деңгейі 10-40% аралығында болатын аса қауіпті жұқпалы аурулардың бірі. Бұл ауру көбіне маусымдық сипатта болып, әсіресе мамыр-қыркүйек айлары аралығында жиі тіркеледі.Мәжіліс қорытындысы бойынша тиісті мекемелер мен жергілікті атқарушы органдарға профилактикалық жұмыстарды күшейту, халық арасында түсіндіру шараларын арттыру жұмыстарын жүйелі түрде жүргізу тапсырылды.Ақпарат көзі : https://www.gov.kz/memleket/entities/kyzylorda-karmakshy/press/news/details/1026538?lang=kk

Шымкент қаласының туристік тартымдылығын арттыру және контент-мейкерлерді қолдау мақсатында 2025 жылғы 9-11 маусым аралығында «Shymkent Creative Hub» ғимаратында арнайы мастер-класс ұйымдастырылуда.Іс-шараның алғашқы күнінде 30-дан астам қатысушы видеограф және тревел блогер Әділет Рахметолланың шеберлік сағатына қатысып, кәсіби контент жасаудың заманауи әдістерін үйренді.Үш күнге созылатын бағдарлама барысында:🔹 Қатысушылар туризм саласына бағытталған контент жасаудың заманауи тәсілдерін меңгереді;🔹 Практикалық сабақтарда туристік объектілерді түсіріп, контентті монтаждау дағдыларын шыңдайды;🔹 Арнайы конкурсқа қатысып, үздік жұмыстар марапатталады.Іс-шараның мақсаты – қатысушыларды кәсіби контент жасау құралдарымен қамтамасыз ете отырып, олардың шығармашылық әлеуетін дамыту және Шымкенттің туристік келбетін жарқын етіп көрсету.🔷Шымкент қаласы туризм, сыртқы байланыстар және креативті индустрия басқармасының баспасөз қызметіАқпарат көзі : https://www.gov.kz/memleket/entities/shymkent-turizm/press/news/details/1026539?lang=kk

Өскемен қаласында кезекші ХҚКО мекенжайы өзгереді  1 шілдеден бастап кезекші кесте бойынша Өскемен қаласының №1 ХҚКО жұмыс істейтін болады. Оның мекенжайы – Сәтпаев даңғылы, 34/2, бұл туралы «Азаматтарға арналған үкімет» мемлекеттік корпорациясының ШҚО филиалы хабарлайды.Ал, Өскемен қаласындағы №2 ХҚКО, Қазақстан көшесі 99/1 мекенжайында орналасқан, қалыпты жұмыс кестесіне көшеді: жұмыс күндері сағат 8:00-ден 17:00-ге дейін. Сенбі және жексенбі – демалыс күндері.Еске сала кетейік, кезекші ХҚКО-лар дүйсенбі мен жұма аралығында сағат 8:00-ден 19:00-ге дейін үзіліссіз, ал сенбі күні сағат 8:00-ден 12:00-ге дейін азаматтарды қабылдайды.Айта кетейік,Самар тас жолы 23-те орналасқан  кезекші мамандандырылған ХҚКО мекенжайы өзгеріссіз қалады. Ол жұмыс күндері сағат 8:00-ден 17:00-ге дейін үзіліссіз қызмет көрсетеді. Дайын құжаттарды беру сағат 19:00-ге дейін жүзеге асырылады. Сенбі күні азаматтарды қабылдау – 8:00-ден 11:00-ге дейін, дайын құжаттарды беру – 12:00-ге дейін.Ақпарат көзі : https://www.gov.kz/memleket/entities/vko-samar/press/news/details/1026500?lang=kk

Абай облысында бұқаралық ақпарат құралдары қызметкерлері күніне арналған салтанатты шара өтті. Жиынға облыс әкімі Берік Уәли қатысып, өңір журналистерін кәсіби мерекелерімен құттықтады.Облыс әкімінің арнайы сыйлығы және Алғыс хатымен аудандық “Абай елі” газетінің редакторы Жібек Акрам және “Ұлылар елінің ұрпақтары” атты республикалық журналының редакторы Анар Сарсенбина марапатталды.Жерлестеріміздің кәсіби мереке қарсаңындағы марапаттарымен шын жүректен құттықтап, шығармашылық шабыт, мықты денсаулық және табысты еңбек тілейміз!Ақпарат көзі : https://www.gov.kz/memleket/entities/abay-audany/press/news/details/1026467?lang=kk

Жылжымайтын мүлікті сату-сатып алу мәмілесін ХҚКО-ларда тіркеуге боладыХалыққа қызмет көрсету орталықтарында (ХҚКО) жылжымайтын мүлікті сату-сатып алу мәмілелерін рәсімдеу қызметі жалғасуда. Бұл мүмкіндік арқылы азаматтар меншік құқығын тікелей бере алады. Бұл туралы «Азаматтарға арналған үкімет» мемлекеттік корпорациясының Шығыс Қазақстан облысы бойынша филиалында хабарлады.ХҚКО қызметкерлері азаматтарға әр кезеңде көмек көрсетіп, құжаттарды ресімдеуге жәрдемдеседі және барлық мәліметтерді түсіндіреді.Филиал мамандарының айтуынша, рәсімдеу процесі мемлекеттік органдар бекіткен үлгілік шарттар негізінде жүзеге асырылады. Қызметті алу үшін азаматтар жақын маңдағы ХҚКО-ға барып, жеке куәлік пен меншік құқығын растайтын құжаттарды ұсынуы, маманның көмегімен үлгілік шартты толтырып, мәмілені тіркеуі қажет.Айта кетейік, жыл басынан бері филиал арқылы мыңнан астам мәміле тіркелген.Ақпарат көзі : https://www.gov.kz/memleket/entities/vko-samar/press/news/details/1026472?lang=kk

Белгілі кәсіпкер Талғат Сақанның ұйымдастыруымен Үржар ауданы, Таскескен ауылында өткен «Ауыл - ел бесігі» атты спорт және өнер фестивалінде ауданымыздың қазақ үйі бас жүлдені жеңіп алды.Марапаттау сәтін ерекше әсерлі сәтпен — киіз үй байқауынан бастады. Бұл сайыс тек сыртқы сән-салтанатпен өлшенген жоқ, әр киіз үйдің ішкі ұлттық нақышы, көркемдігі мен мазмұны әділ бағаланды. Қазақтың рухын, дәстүрін, қолөнерін дәріптеген киіз үйлер нағыз көз қуантты.Бас жүлдеге 500 мың теңге тігілген бұл бәйгеде ұлттық стильді сақтай отырып, шығармашылықпен ерекшеленген ауданымыздың киіз үйі үздік деп танылды. Көздің жауын алатын көркем безендіру, тарихи мәні бар бұйымдар, шынайы қонақжайлылық — барлығы да әділқазылар мен жұрттың ыстық ықыласына бөленді.Бұл — тек бәйге емес, ұлттың өткенін ұлықтап, бүгінге жеткізген, ертеңге аманаттайтын құндылықтың көрінісі. Киіз үй — қазақ болмысының символы, ал оны дәріптеу — әр азаматтың парызыАқпарат көзі : https://www.gov.kz/memleket/entities/abay-audany/press/news/details/1026458?lang=kk