Халықаралық байланыстарды кеңейту, инвестициялар тарту және жетекшілік ететін салаларды технологиялық дамыту аясында Қазақстан Республикасы Өнеркәсіп және құрылыс министрі Ерсайын Нағаспаев шет мемлекеттер мен трансұлттық компаниялардың өкілдерімен бірқатар екіжақты кездесулер өткізді.Иран Ислам Республикасының Төтенше және Өкілетті Елшісі Әли Акбармен кездесуде өнеркәсіп және жер қойнауын пайдалану салаларындағы екіжақты ынтымақтастықтың бағыттары талқыланды. Өңдеу өнеркәсібіндегі жобаларды дамытуға, технологиялармен алмасуға және сауда-экономикалық байланыстарды кеңейтуге екі жақтың да мүдделілігі атап өтілді.«Әріптестік қарым-қатынастарды дамытуды жалғастыру және экономиканың тұрақты өсуіне және жаңа жұмыс орындарының ашылуына ықпал ететін инвестициялар мен бірлескен жобаларды одан әрі тарту үшін қолайлы жағдай жасау маңызды», — атап өтті Ерсайын Нағаспаев.Кездесу барысында тараптар Қазақстан Республикасы мен Иран Ислам Республикасы арасындағы тауар айналымын 3 млрд АҚШ долл. дейін арттыру жөніндегі Іс-шаралар жоспарын жүзеге асыруға қатысты мәселелерді талқылады.Сьерра-Леоне Республикасының Сыртқы істер және халықаралық ынтымақтастық министрі Тимоти Муса Каббамен кездесу барысында тараптар жер қойнауын пайдалану саласындағы инвестициялық ынтымақтастықтың келешегін талқылады. Кен орындарын игеруде қазақстандық тәжірибені тарту, сондай-ақ Қазақстанның тау-кен саласындағы бірлескен жобаларға Сьерра-Леоне инвесторларының қатысуы қарастырылды.Жоғары технологиялық жабдықты шығару бойынша әлемдік көшбасшылардың бірі — американдық General Electric HealthCare компаниясының өкілдерімен кездесу айтулы оқиға болды. Тараптар Қазақстанда медициналық техника өндірісін локализациялау перспективаларын, сондай-ақ бірлескен кәсіпорындар құру мүмкіндіктерін талқылады. Технологиялар трансферті, техникалық қызмет көрсету және мамандарды даярлау мәселелері көтерілді.Ақпарат көзі : https://www.gov.kz/memleket/entities/comprom/press/news/details/972359?lang=kk

Қазақстан Республикасы Туризм және спорт министрі Ербол Мырзабосынов елордада Ұлттық спорт университетінің құрылысын жүргізіп жатқан швейцариялық Mabetex компаниясының басшылығымен маңызды кездесу өткізді. Тараптар жобаның қазіргі кезеңі, құрылыс жұмыстарының сапасы және университеттің болашақ инфрақұрылымын талқылады.Кездесуден кейін министр білім ордасының құрылыс барысымен және жобаның бірінші және екінші кезеңдерінің жоспарымен танысты. Ербол Мырзабосынов құрылыс жұмыстарын сапалы әрі белгіленген мерзімде аяқтаудың маңызын атап өтті. Жоспар бойынша университеттің алғашқы кезеңі мамыр айының соңына қарай пайдалануға берілмек.Қазіргі таңда бірінші кезең аясындағы құрылыс жұмыстары аяқталуға жақын. Мамыр айында көпфункционалды спорт кешені, стадион, жеңіл атлетика манежі, жүзу бассейні, колледж ғимараты және 500 орындық жатақхана қолданысқа беріледі. Бұл – оқу процесін бастауға қажетті негізгі инфрақұрылым.Жоба толық іске қосылған кезде университет спорт саласындағы мамандарды даярлаудың толыққанды жүйесін – колледжден бастап докторантураға дейінгі деңгейлерді қамтиды. Мұнда бір мезгілде 2000-нан астам студент пен 60-қа жуық магистрант және докторант білім алады.Ербол Мырзабосынов аталған жобаның жүзеге асуы еліміздегі спорттық білім беру жүйесіне түбегейлі өзгеріс енгізіп, халықаралық деңгейдегі кәсіби кадрларды даярлауға жол ашатынын айтты.«Университет инфрақұрылымы тек білім беру мекемесі ретінде ғана емес, көпсалалы спорттық және ғылыми орталық ретінде де қызмет етеді. Бұл өз кезегінде еліміздегі туризм мен спорт саласының дамуына серпін беріп, өңірлік және халықаралық ынтымақтастықты нығайтуға мүмкіндік береді», - деді ҚР Туризм және спорт министрі.Ақпарат көзі : https://www.gov.kz/memleket/entities/tsm/press/news/details/972274?lang=kk

Ұлы Отан соғысындағы Жеңістің 80 жылдығын атап өту аясында Солтүстік Қазақстан облысы полиция департаментінде ардагерлерге арналған экскурсия өтті. Шараға облыстық ардагерлер кеңесінің жиырмаға жуық белсенді мүшесі қатысты.Қонақтар жедел басқару орталығының жұмысымен танысты. Олар бүгінде қоғамдық тәртіпті сақтау ісінде заманауи технологиялардың кеңінен қолданылып жатқанын өз көздерімен көрді. Петропавл қаласының көшелеріне және халық көп жиналатын орындарға 420 бейнебақылау камерасы орнатылған. Жыл басынан бері солардың көмегімен 68 қылмыс ашылып, 4,5 мыңнан астам құқықбұзушылық анықталды. Жалпы, түрлі ұйымдар орнатқан 10 мыңнан астам камераның бейнесі ЦОУ мониторларына шығарылған. Ардагерлер өз ауласын, немерелері білім алатын мектеп дәліздерін көруге ерекше қызығушылық танытты.СҚО ПД музейі де экскурсияға қатысушыларға үлкен әсер қалдырды. Экспозициялардан Ұлы Отан соғысы жылдарында тәртіп сақшыларына табысталған марапаттардың 80 пайызға жуығын көруге болады. Бұл – соғыстан кейін ішкі істер органдарында қызмет атқарған 770-тен астам солтүстікқазақстандықтың Жеңіске қосқан ерен үлесінің айғағы. Музей меңгерушісі Любовь Осинская қонақтарға сол ерліктер жайында кеңінен айтып берді. Сонымен қатар, қатысушылар мұражай қорындағы ерекше бейнематериалдарды тамашалады. Олардың арасында халықаралық музейлер байқауында үшінші орын алған деректі фильм де бар.Полиция және Ұлттық ұлан ардагерлері кеңесінің төрағасы Ақан Сыздықовтың айтуынша, мұндай экскурсиялар алдағы уақытта Петропавл мен облыс аудандарындағы бастауыш ардагер ұйымдарының мүшелері үшін де ұйымдастырылады. Ұлы Жеңіс батырларының ерлігін есте сақтау – еркін өмір сүріп жатқан ұрпақтың абыройлы борышы.Ақпарат көзі : https://www.gov.kz/memleket/entities/mvd-sko/press/news/details/972271?lang=kk

Үкімет отырысы барысында Премьер-министр Tax Free құралын пилоттық пайдаланудың жақсы нәтижелеріне назар аударды.Туризм және спорт министрі Ербол Мырзабосынов Қазақстанда TaxFree жүйесі 2019 жылы Астана, Алматы, Шымкент және Түркістан қалаларында пилоттық режимде енгізілгенін баяндады. Аталған құралды пайдалану шеңберінде шетелдік туристерге 4,9 млрд теңгенің тауары сатылды. Орташа сатылым сомасы 837 мың теңгені құрады. Осылайша, Tax Free жүйесі туристердің сатып алу белсенділігін ынталандырудың тиімді құралы болды.Премьер-министр Туризм және спорт министрлігіне Қаржы министрлігімен бірлесіп, «Tax Free» тетігін енгізудің нақты алгоритмін әзірледі тапсырды.«Бұл құралды туристерге ыңғайлы болуы үшін, әсіресе әуежайларда қаражатты қайтару тетігін іске асыру үшін толығымен цифрландырып, автоматтандыру керек»,— деп атап өтті Олжас Бектенов.@KZgovernmentАқпарат көзі : https://www.gov.kz/memleket/entities/tsm/press/news/details/972269?lang=kk

Үкімет отырысында Премьер-министр туристік дестинациялардың инфрақұрылымын дамыту және оларды қолжетімді ету жөніндегі кешенді жұмыстың маңыздылығын атап өтті.«Өткен жылы Ұлы Жібек жолының бойымен өтетін «Жібек жолы» туристік пойызы іске қосылды. 125 теміржол вокзалын ауқымды жаңғырту жұмыстары басталды. Алматы, Шымкент және Қызылорда қалаларында әуежайлардың жаңа терминалдары салынды.Көші-қон рәсімдерін оңайлату шаралары қолға алынды. Мәселен, шекара бекеттерінде ұйымдасқан туристік топтарды кезексіз өткізу бойынша пилоттық жоба іске қосылды. Бұл шара паспорттық бақылаудан өту уақытын 5 есеге қысқартуға мүмкіндік берді»,— деді Олжас Бектенов.Премьер-министр өңір әкімдеріне туристік объектілерді қажетті инфрақұрылыммен қамтамасыз ету жұмысын жандандыруды тапсырды.@KZgovernmentАқпарат көзі : https://www.gov.kz/memleket/entities/tsm/press/news/details/972266?lang=kk

Үкімет отырысында Премьер-министр тарихи ескерткіштерді, көркем табиғи пейзаждарды және еліміздің басқа да көрікті жерлерін турларға интеграциялау қажеттігін атап өтті. Бұл ретте экологиялық талаптардың бұзылмауын, табиғи және мәдени ескерткіштердің сақталуын нақты қадағалап отыру маңызды.Туристік қызметтер сервисінің сапасын арттыру мәселелеріне ерекше назар аударылды.«Туристік гидтерді даярлау және олардың біліктілігін арттыру жөнінде тиісті шаралар қабылдау керек. Ол үшін әр өңірде біліктілікті арттыру, туристік қызметтер сервисінің сапасын жоғарылату бойынша курстарды тұрақты негізде өткізіп отыру қажет»,— деп атап өтті Премьер-министр.@KZgovernmentАқпарат көзі : https://www.gov.kz/memleket/entities/tsm/press/news/details/972265?lang=kk

Үкімет отырысы барысында Премьер-министр туризмнің бірыңғай цифрлық экожүйесін құрудың маңыздылығын атап өтті. Осы тұрғыда нарықтың барлық қатысушысын біріктіре отырып, туристерге сапалы әрі сенімді қызметтерге қол жеткізуге кепілдік беретін TravelStan қосымшасын құру жұмыстатрын жалғастыру қажет.Өткен жылы Your tourist pass жобасы басталды. Бұл құрал QR-кодты сканерлеу арқылы ұлттық туристік порталға, eQonaq көші-қон сервисіне, такси қызметіне және басқа да пайдалы ресурстарға бірыңғай қол жеткізуді қамтамасыз етеді.  Бұған қоса, әлемнің көптеген елдерінде кеңінен танымал Tax Free пилоттық жобасы да жақсы нәтиже көрсетіп отырғаны атап өтілді.Премьер-министр Туризм және спорт министрлігіне Цифрлық даму, инновациялар және аэроғарыш өнеркәсібі министрлігімен бірлесіп, үш ай мерзімде туризмнің бірыңғай цифрлық экожүйесін құру жөніндегі нақты іс-шаралар жоспарын бекітуді тапсырды.«Курорттық аймақтар мен табиғи парктердің бас жоспарларын цифрландыруға ерекше назар аудару қажет. Сондай-ақ ұлттық туристік порталға кіруге мүмкіндік беретін QR-кодтарды әуежайларда, вокзалдар мен шекара бекеттерінде, туристер көп жиналатын жерлерде орналастыру қажет»,— деп атап өтті Премьер-министр.@KZgovernmentАқпарат көзі : https://www.gov.kz/memleket/entities/tsm/press/news/details/972262?lang=kk

Үкімет отырысы барысында Премьер-министр бүгінгі таңда елімізде инвестициялық бірқатар ірі жоба іске асырылып жатқанын атап өтті – Үкімет туындайтын мәселелерді шешуде барынша қолдау көрсетуге дайын.«Мемлекет басшысының тапсырмасы бойынша осы салада ірі инвестициялық жобалар қолға алынды. Алматы қаласы мен Алматы облысында тау кластерін дамыту жұмыстары белсенді жүріп жатыр. Шығыс Қазақстан – тау шаңғысы мен табиғи туризмді дамытуға қолайлы өңір. Щучинск-Бурабай курорттық аймағында жыл бойы жұмыс істейтін туристік объектілер құруға, сондай-ақ экологиялық және спорттық туризмді дамытуға мүмкіндік беретін ауқымды жаңғырту жұмыстарын жүргізу жоспарланып отыр.Ақтау маңындағы “Жылы жағажай” аумағында бес жұлдызды қонақ үй мен тақырыптық ойын-сауық паркін салу жобалары іске асырылды. Осы өңірдегі Кендірлі курорттық аймағында әуежай салынып, туризмді дамытуға тың серпін берілетін болады.Үкімет инвесторларға барынша қолдау көрсетіп, туындайтын мәселелерді шешуге қашанда әзір»,—  деп атап өтті Олжас Бектенов.Сонымен қатар фермерлерге агротуризммен айналысуға құқық беру үшін тиісті жұмыстар жүріп жатыр. Сондай-ақ оқиғалық және мәдени туризм белсенді дамып келеді. Олжас Бектенов Туризм және спорт министрлігіне өңір әкімдіктерімен бірлесіп, екі ай мерзімде барлық мәдени, оқиғалық, спорттық іс-шаралардың бірыңғай күнтізбесін бекітуді тапсырды. Барлық мүдделі мемлекеттік органдар осындай ауқымды іс шараларды туристерді тартуға бейімдеу үшін нақты тетіктерді әзірлеуі керек.@KZgovernmentАқпарат көзі : https://www.gov.kz/memleket/entities/tsm/press/news/details/972259?lang=kk

ҚР Премьер-министрі Олжас Бектеновтің төрағалығымен өткен Үкімет отырысында туристік саланы дамыту және цифрландыру жөніндегі шаралар қаралды.Мемлекет басшысының Алматы қаласын дамыту және мегаполис экономикасын әртараптандыру мақсатында туристік әлеуетті тиімді пайдалану жөніндегі тапсырмаларын орындауға ерекше назар аударылды.Қала әкімі Ерболат Досаевтың айтуынша, өткен жылы Алматының туристік саласы қарқынды өсім көрсетті. 2024 жылы туристердің жалпы саны 14,8%-ға өсіп, 2,3 млн туристті құрады.«Шетелдік туристер саны 27%-ға артып, 680 мыңнан астам адамға жетті. Ішкі туристер саны 10,4%-ға артып, 1,6 млн адамнан асты. Нәтижесінде көрсетілген туристік қызметтер көлемі 30%-ға өсіп, 96,3 млрд теңгені құрады. Алматыға Үндістан, Қытай, АҚШ, Түркия, Оңтүстік Кореядан туристер келеді»,— деді Ерболат Досаев.Оның айтуынша, туризмді дамыту инвестициялардың өсуін ынталандырды: саланың негізгі капиталына 110,9 млрд теңге салынды, бұл өткен жылмен салыстырғанда 2,1%-ға артық. Туризмнен түсетін салық түсімдері 92,1%-ға өсті.Туристік салада 83,5 мың адам жұмыспен қамтылған, орташа жалақы көлемі 480 мың теңгені құрайды. 2025 жылы шетелдік туристер саны 10%-ға артып, 750 мың адамға дейін өседі деп күтілуде.@KZgovernmentАқпарат көзі : https://www.gov.kz/memleket/entities/tsm/press/news/details/972253?lang=kk

ҚР Премьер-министрі Олжас Бектеновтің төрағалығымен өткен Үкімет отырысында туристік саланы дамыту және цифрландыру мәселелері қаралды.Премьер-министр туристік саланың айтарлықтай әлеуеті барын және туризм ел экономикасының өсуіне жаңаша серпін беретін салаға айналуы қажет екенін атап өтті.«Қазақстан – тарихы терең, табиғаты әсем, мәдениет пен салт-дәстүрге бай мемлекет. Ұлан-ғайыр даламыздың әр қиырында туристерді қызықтыратын көрікті жерлер көп. Сондықтан туризм ел экономикасының өсуіне жаңаша серпін беретін салаға айналуы қажет.Бұл ретте, Қазақстандағы туризмнің даму әлеуеті өте жоғары. Соңғы 5 жылда туристердің саны 7,5 есеге өсті. Былтыр елімізге 15 млн-нан астам адам саяхаттап келді»,— деп атап өтті Олжас Бектенов.@KZgovernmentАқпарат көзі : https://www.gov.kz/memleket/entities/tsm/press/news/details/972250?lang=kk

ҚР Премьер-министрі Олжас Бектеновтің төрағалығымен өткен Үкімет отырысында Мемлекет басшысының тапсырмасын орындау шеңберінде туристік саланы дамыту және цифрландыру жөніндегі шаралар қаралды.Ақмола облысының әкімі Марат Ахметжанов Бурабай курорттық аймағында ауқымды абаттандыру күтіліп отырғанын айтты.Оның айтуынша, туристік инфрақұрылымды дамыту аясында курорттық аймақта 8 қарау алаңы салынады,14 туристік бағыт, Щучье көліндегі қоғамдық жағажай абаттандырылады.«Щучинск қаласында дендрологиялық паркті реконструкциялау басталады. Көпсалалы конгресс орталығы маңызды туристік объектілердің біріне және Бурабай курортының визит карточкасына айналуы тиіс»,— деп атап өтті өңір әкімі.Ол бүгінде жер телімі анықталып, жобаны әзірлеу жұмыстары басталғанын, күзге дейін дайын болатынын айтты.@KZgovernmentАқпарат көзі : https://www.gov.kz/memleket/entities/tsm/press/news/details/972225?lang=kk

Туризм ел экономикасының өсуіне жаңаша серпін беретін салаға айналуы қажет: Үкіметте саланы қолдау шаралары қаралдыҚР Премьер-министрі Олжас Бектеновтің төрағалығымен өткен Үкімет отырысында туристік саланы дамыту және цифрландыру мәселелері қаралды, деп хабарлайды Primeminister.kz.Туризм және спорт министрі Ербол Мырзабосынов саладағы көрсеткіштер мен нәтижелер туралы баяндады. Өз кезегінде бірқатар өңір әкімдері, Рioneer отбасылық курортының басшысы Мұрат Қаратай, «Астана Концерт» компаниясының продюсері Мәлік Хасенов баяндама жасады.2024 жылдың қорытындысы бойынша ішкі туристер саны 10,5 млн адамды құрады, бұл 2023 жылмен салыстырғанда 900 мың адамға артық. Жалпы, Туризм және спорт министрлігінің деректері бойынша елімізге15 млн-нан астам шетелдік қонақ келген.Премьер-министр туристік саланың айтарлықтай әлеуеті барын және туризм ел экономикасының өсуіне жаңаша серпін беретін салаға айналуы қажет екенін атап өтті.«Мемлекет басшысының тапсырмасы бойынша аталған салада ірі инвестициялық жобалар қолға алынды. Алматы қаласы мен Алматы облысында тау кластерін дамыту жұмыстары белсенді жүріп жатыр. Шығыс Қазақстан – тау шаңғысы мен табиғи туризмді дамытуға қолайлы өңір. Щучинск-Бурабай курорттық аймағында жыл бойы жұмыс істейтін туристік нысандар құруға, экологиялық және спорттық туризмді дамытуға мүмкіндік беретін ауқымды жаңғырту жұмыстарын жүргізу жоспарланып отыр. Ақтау маңындағы “Жылы жағажай” аумағында бес жұлдызды қонақ үй мен тақырыптық ойын-сауық паркін салу жобалары іске асырылды. Аталған өңірдегі Кендірлі курорттық аймағында әуежай салынып, туризмді дамытуға тың серпін беріледі. Сонымен қатар фермерлерге агротуризммен айналысуға құқық беру үшін тиісті жұмыстар жүріп жатыр. Үкімет инвесторларға барынша қолдау көрсетіп, туындайтын мәселелерді шешуге қашанда әзір», — деп атап өтті Олжас Бектенов.Ақпарат көзі : https://www.gov.kz/memleket/entities/aktobe-shalkar-aishuak/press/news/details/972814?lang=kk

ҚР Премьер-министрі Олжас Бектеновтің төрағалығымен өткен Үкімет отырысында туристік саланы дамыту және цифрландыру жөніндегі шаралар қаралды. Мемлекет басшысының биылғы наурыз айында Ұлттық құрылтайда Щучинск-Бурабай курорттық аймағын дамыту жөніндегі тапсырмасын орындауға көңіл бөлінді. Ақмола облысының әкімі Марат Ахметжанов аталған курорттық аймақты дамытудың 2025-2029 жылдарға арналған кешенді жоспары бекітілгенін және іске асырылып жатқанын хабарлады. Жоспар өңірдің туристік, көліктік және инженерлік инфрақұрылымын ауқымды дамытуға бағытталған.«Жоспарға тұжырымдамалық түрде жаңа орындарды: "Ақбура" курорты, Қатаркөл және Жөкей көлдерінің айналасындағы туризм аймақтарын дамыту бойынша іс-шаралар енгізілген. 34 инженерлік және көліктік жобаларды жүзеге асырудың басымдығы айқындалды. Нәтижесінде, 400 шақырым сумен жабдықтау, су бұру және жылумен жабдықтау жүйелері, 116 шақырым электр желілері және 80 шақырым автомобиль жолдары реконструкциядан өтіп, салынатын болады»,— деді әкім.2025 жылы Бурабай курортын инфрақұрылымдық дамытуға 3,5 млрд теңге бөлінді, оның ішінде:➤ 0,7 млрд теңге – республикалық бюджеттен,➤ 2,8 млрд теңге – жергілікті бюджеттен.Щучинск-Бурабай курорттық аймағы еліміздегі үш туризм орталығының бірі болып белгіленді және өңірдің негізгі курорты болып қала береді.@KZgovernmentАқпарат көзі : https://www.gov.kz/memleket/entities/tsm/press/news/details/972222?lang=kk

Шетелдік туристердің Neo Nomad Visa алу рәсімін жеңілдету мақсатында оны визалық көші-қон порталы арқылы электронды форматта ресімдеу мүмкіндігін енгізу ұсынылады. Қазіргі уақытта оны Қазақстан Республикасының шет елдердегі мекемелері арқылы ғана ресімдеуге болады. Бұл шетелдіктерге Қазақстанда бір жыл тұруға мүмкіндік береді.Сонымен қатар тағы бір маңызды бағыт – шопинг туризмін дамыту. Tax Free жүйесі туристердің сатып алу белсенділігін ынталандырудың тиімді құралы болып саналады, бұл жүйе көптеген дамыған елдерде жұмыс істейді. Ал елімізде 2019 жылы пилоттық режимде Астана, Алматы, Шымкент және Түркістан қалаларында енгізілген. Аталған жүйе аясында шетелдік туристерге 4,9 млрд теңгеге тауарлар сатылды. Орташа сату чегі 837 мың теңгені құрады. Бұл әлемдегі үздік 10 елдің қатарындағы көрсеткіш.Осыған байланысты Туризм министрлігі Tax Free жүйесін пилоттық жүйеден тұрақты жұмыс режиміне ауыстыру мүмкіндігін қарастыруды, сондай-ақ осы жүйені еліміздің барлық өңірлерінде енгізуді ұсынады.@KZgovernmentАқпарат көзі : https://www.gov.kz/memleket/entities/tsm/press/news/details/972217?lang=kk

Шетелдік туристерді есепке алу және статистика жүйесін жетілдіру үшін Туризм және спорт министрлігі Ұлттық статистика бюросына ұялы байланыс операторларының деректеріне қол жеткізуді ұсынады. Сонымен қатар экономикалық салымды талдау үшін банктік карта операциялары негізінде туристердің шығындары туралы ақпарат қажет.Қазіргі уақытта шетелдік келушілерді есепке алу ҚР ҰҚК Шекара қызметінің статистикасы бойынша, ал ішкі туризм туралы деректер – орналастыру объектілерінің есебі негізінде қалыптастырылады. @KZgovernmentАқпарат көзі : https://www.gov.kz/memleket/entities/tsm/press/news/details/972216?lang=kk

Ұрланған көлік бір сағат ішінде табылды.6 сәуірде Көкшетау қаласының патрульдік полиция экипажы полиция капитаны Райымбек Есмагулов пен аға лейтенант Сұлтан Байболов көлік құралын айдап әкеткен күдіктінің ізін суытпай ұстады. "Ауди А6" маркалы автокөлікті айдап әкету туралы арыз полицияға таңғы сағат 11 шамасында келіп түсті. Иесі көлікті үйінің ауласындағы автотұрақтан таппай, дереу полицейлерден көмек сұрады. Патруль қызметкерлері хабарламаға жылдам ден қойып, бірден көліктің маркасы, мемлекеттік нөмірі және басқа да техникалық сипаттамалары туралы ақпаратты таратты. Полицейлер бұл деректерді "Автоураган" жүйесі арқылы да тексерді. Жүйеден алынған мәліметтерге сәйкес, бір сағат бұрын ұрланған көлік Красный Яр ауылының бағытында тас жолмен жүріп өтті. Полицейлер көрсетілген координаттарға дереу барып, көлікті айдап әкетушіні ұстады. Күдікті мас күйінде қылмыс жасаған Солтүстік Қазақстан облысының 27 жастағы тұрғыны болып шықты. Ұстау кезінде де ер адам мас болған және полицейлерге көліктің салонына қалай кіріп, оқиға орнынан кетіп қалғанын түсіндіре алмады. Айдап әкету фактісі бойынша қылмыстық іс қозғалды. Сондай-ақ, айдап әкетушіге қатысты мас күйінде көлік құралын басқарғаны үшін хаттама толтырылды. Тергеу жалғасуда.Ақпарат көзі : https://www.gov.kz/memleket/entities/mvd-akmola/press/news/details/972194?lang=kk

Целиноград ауданындағы «Екатеринбург – Алматы» тас жолының 1225 шақырымында автожолды патрульдеу барысында патрульдік полиция қызметкерлері "Шевролет Кобальт"маркалы автокөлікті тоқтатты. Құжаттарды тексеру кезінде полицейлер автомобиль салонындағы шетел азаматтарына назар аударды. Оларда өзімен құжаттар болмағаны белігілі болып шықты.Патрульдеушілер азаматтарды дереу полицияның учаскелік пунктіне әрі қарай тексеру үшін жеткізді. Бұл бекер емес болып шықты. Учаскелік полиция инспекторларытексеру барысында, олардың біреуін елордалық құқық қорғау органдары шығарып жіберу туралы іс бойынша іздеуде, ал екіншісін Қостанай облысының полициясы алимент төлемегені үшін іздеуде жүргенін анықтады. Осыдан кейін полиция іздестіру бастамашыларына хабарлап, жазаның бұл тартпастығы үшін барлық қажетті шараларды қабылдады.Полицейлер шетел азаматтарын Қазақстан Республикасы заңнамасының, сондай-ақ көші-қон заңнамасының нормаларын сақтау қажеттігі туралы ескертеді.Ақпарат көзі : https://www.gov.kz/memleket/entities/mvd-akmola/press/news/details/972192?lang=kk

Қазақстан Республикасының Қаржы мониторингі агенттігі Бас прокуратураны үйлестіру кезінде тұтыну кооперативі ретінде жасырылған "Asar Baspana" қаржы пирамидасының қызметіне жол бермеді.Тергеу барысында Н.М.Туғанбаев бастаған пирамиданы ұйымдастырушылар 86 мың азаматты 12,4 млрд.теңгеге тартып, ай сайын 30% - ға дейін табыс әкелетіні анықталды. Шындығында, нақты бизнес болған жоқ, төлемдер жаңа қатысушылардың инвестициялары есебінен жүргізілді.Нәтижесінде 3,8 млрд. теңгені Туғанбаев пен оның серіктестері берді.Күдіктілер Алматы қаласында құрылыс материалдарын өндіру, тігін цехы, тұрмыстық және медициналық техника зауыты жүзеге асырылып жатыр деп, салымшыларды жаңылыстырды. Шын мәнінде, өнімдер үшінші тарап жеткізушілерінен сатып алынды және "Asar Baspana"логотипімен жасырылды. 2024 жылдың желтоқсанынан бастап, пирамидаға деген сенім төмендей бастаған кезде, ұйымдастырушылар автокөлік дүкендерін іске қосу және дилерлермен ынтымақтастық туралы жалған мәліметтерді таратты. Іс жүзінде автокөліктер салымшылардың ақшасына сатып алынып, Туғанбаевтың туыстарына ресімделді. Пирамиданың ашылуы сөзсіз болған кезде, 2025 жылдың 8 ақпанында Туғанбаев қылмыстық әрекеттің іздерін жасыру мақсатында "Asar Baspana" сайтын техникалық режимге қоюды тапсырды. Тергеу барысында Серверлік деректер қалпына келтірілді. "Gold" деңгейіне жеткен 15,5 мың салымшының біреуіне ғана пәтер берілгені анықталды. "Platina" бағдарламасы бойынша 15 мың үміткердің ішінен машина да бір салымшыға бұйырды.2025 жылғы 9 ақпанда 49 кеңседе және тұрғылықты жері бойынша 81 фигурантты тінту жүргізілді.Нәтижелері бойынша Туғанбаевқа және оның жақындарына ресімделген Toyota Land Cruiser 300 және Lexus 570 қоса алғанда, 1,1 млрд.теңге, 10 премиум-класты автомобиль тәркіленді.Бұдан басқа, Ақтау қаласында ағасы Н.М. Туғанбаевтан 945 млн.теңге қолма-қол тәркіленді, олар кооперативтің шоттарында болуы тиіс еді.1,2 млрд. теңгеден астам сомаға шоттар қамауға алынды және шектелді.2025 жылғы 11 ақпанда Сот н.М. Туғанбаев пен Н. Байтасовқа қатысты 2 ай мерзімге "қамауда ұстау" түріндегі бұлтартпау шарасын таңдады.Аталған жағдайларға қарамастан, бірқатар белсенділер, соның ішінде Қостанай облысы бойынша да мессенджерлер арқылы "Asar Baspana" қатысушыларын ұйым заңды кәсіпкерлік қызметті жүзеге асырды деп қате сеніп, өтініштерден бас тартуға шақырады.Жоғарыда айтылған негізінде Сіздерді Қазақстан Республикасының Қылмыстық кодексінің 217-1-бабы және  Әкімшілік құқықбұзушылық туралы кодексінің  150-бабы бойынша қаржы пирамидаларын жарнамалау үшін қылмыстық және әкімшілік жауапкершілік туралы ескертеміз!Ақпарат көзі : https://www.gov.kz/memleket/entities/kostanai-amangeldi-audany-akimat/press/news/details/972188?lang=kk

✔️Бразилияда World Boxing әлем кубогы өз мәресіне жетті. Қазақстан құрамасының сапында өнер көрсеткен түркістандық боксшылар 2 қола медальға қол жеткізді.✔️Атап айтқанда, 57 келіде Ұлжан Сәрсенбек, +90 келіде Даниял Сапарбай үшінші орынға ие болды. Бұл спортшыларды Шыңғыс Демеуов пен Ербол Ахантаев баптады. Жүлдегер боксшылар «Түркістан» кәсіпқой бокс клубының шәкірттері.Түркістан облысы әкімінің баспасөз қызметіАқпарат көзі : https://www.gov.kz/memleket/entities/turkestan-otyrar-koksarai/press/news/details/972185?lang=kk

Қазақстан Республикасындағы Адам құқықтары жөніндегі Уәкілдің Қызылорда облысы бойынша өкілі Берікбол Байхожаев Қызылорда облысы кәсіподақтар орталығы бірлестігінің төрағасы Максут Налибаевпен және облыстағы кәсіподақ ұйымның төрағаларымен кездесу өткізді. Кездесу барысында тараптар азаматтардың құқықтарын қорғау мәселелерін талқылап, ынтымақтастық туралы Меморандумға қол қойды.Құжат Өкіл институты мен өңірлік Кәсіподақ ұйымдары арасындағы өзара әрекеттесуді нығайтуға бағытталған. Меморандум аясында тараптар бірнеше маңызды бағыт бойынша бірлескен жұмыс жүргізуге келісті: еңбеккерлердің ҚР Конституциясында кепілдік берілген құқықтарын қорғау бойынша бірлескен жұмысшы топтар құру, жұмыс берушілердің қызметкерлерге өндірістік жарақаттануды және кәсіптік  аурулардың туындауының алдын алатын қауіпсіз және салауатты еңбек жағдайларын жасау құқығын сақтауына, қазіргі заманғы еңбек қауіпсіздігі құралдарын енгізуіне мониторинг жасау, ұсынымдар енгізу, түрлі мәселелер бойынша зерделеулер жүргізу, азаматтарды қабылдауды ұйымдастыру, шағымдар бойынша жедел ақпарат алмасу, адам құқықтары жөнінде дөңгелек үстелдер мен білім беру іс-шараларын өткізу.Максут Налибаев азаматтардың құқықтарын бұзатын мәселелерді тиімді шешуде бірлескен жұмыстың маңыздылығын атап өтті.Сондай-ақ, тараптар халықтың құқықтық сауаттылығын арттыру және құқықтық ағарту іс-шараларын өткізу қажеттілігін талқылады. Омбудсмен өз кеңсесінің басты міндеттерінің бірі ретінде халық арасында ағартушылық жұмыстарын жүргізуге айрықша назар аударатынын мәлімдеді.Меморандумға қол қою өңірде адам құқықтарын қорғау тетіктерін нығайту мен азаматтар, мемлекеттік органдар және кәсіподақ ұйымдары арасындағы тиімді өзара әрекеттесу арналарын қалыптастыру жолындағы маңызды қадам болды.Ақпарат көзі : https://www.gov.kz/memleket/entities/ombudsman-kyzylorda-oblysy/press/news/details/972179?lang=kk