Қарағанды облысында ауқымды стратегиялық «Жауынгерлік достастық - 2025» оқу-жаттығуы жалауын көтерді. Шараны Қазақстан Республикасы Қорғаныс министрінің орынбасары - Қарулы күштері Әуе қорғанысы күштерінің бас қолбасшысы генерал-майор Қайрат Садықов салтанатты жағдайда ашты.Әскери жаттығулар Сарышаған полигонында өтуде. Оған Әуе шабуылына қарсы қорғаныс әскерлері мен Әскери-әуе күштерінің бөлімшелері тартылып отыр. Жаттығудың мақсаты – түрлі әскер түрлері арасындағы өзара іс-қимылды жетілдіру, шартты қарсыластың әуе шабуылдарын тойтару әрекеттерін пысықтау, сондай-ақ жеке құрамның жауынгерлік машығын арттыру.– Авиация мен әуе шабуылына қарсы қорғаныс бөлімшелерінің кешенді әрекеттері шынайы ұрыс жағдайына барынша жақын ортада ұйымдастырылады. Баршаңызға жүктелген міндеттерді сәтті орындап шығуды тілеймін, – деді оқу-жаттығуға қатысушыларға қарата сөйлеген сөзінде генерал-майор Қайрат Садықов.Оқу-жаттығу аясында ұшқышсыз ұшу аппараттары, радиоэлектрондық күрес құралдары мен зениттік-зымыран кешендері қолданылатын түрлі тактикалық эпизодтар іске асырылады. Әуе шабуылына қарсы қорғаныс бригадаларының есептоптары зениттік зымырандарды іс жүзінде ұшырып көреді. Ұшу экипаждары әуе және жер үсті нысандарына авиациялық соққылар жасауды пысықтайды.Осындай ауқымдағы жаттығулар Қазақстанның әуе кеңістігін қорғауға бағытталған міндеттерді орындауға дайындықты арттырып, еліміздің қорғаныс қабілетін нығайта түседі. Бұл – Қазақстан Республикасы Қарулы күштерінің әуе қорғанысы жүйесін жетілдіру жолындағы маңызды кезең болмақ.Ақпарат көзі : https://www.gov.kz/memleket/entities/mod/press/news/details/1059486?lang=kk

29.08.2025 жылы Марқакөл ауданы бойынша мемлекеттік кірістер басқарма  басшысының м.а Ж.Маденова және кәсіпкерлердің қатысуымен семинар өткізді. Семинар өткізу барысында салық заңнамасы түсіндіріліп, дара кәсіпкер ретінде тіркелу, кассалық тәртіпті сақтау, POS-терминалдарды пайдалану мәселелері жөнінде сөз қозғалдыАқпарат көзі : https://www.gov.kz/memleket/entities/kgd-vko/press/news/details/1059428?lang=kk

Кездесудің негізгі мақсаты "АСТАНА" ақпараттық жүйесінде кедендік ресімдеу кезінде заңнамада белгіленген мерзімде және тәртіппен тауарларға рұқсат беру құжаттарын ұсыну қажеттілігіне байланысты өзекті мәселелерді талқылау болды. – Еуразиялық экономикалық одақ (ЕАЭО) елдерін қоса алғанда Қазақстан Республикасының Мемлекеттік шекарасы арқылы өзіндік ерекшелігі бар тауарлардың өткізілуін бақылау мемлекеттік кіріс органдарына жүктелген. Мұндай тауарлардың тізбесі "Өзіндік ерекшелігі бар тауарлардың бақылау тізімін бекіту туралы" Қазақстан Республикасы Индустрия және инфрақұрылымдық даму министрінің бұйрығымен бекітілген, — деп атап өтті іс-шараны ашқан кеден әкімшілігі басқармасының басшысы Тілектес Түсетаев. Тарифтік емес реттеужәнезияткерлікменшікбөлімініңбасшысыМұхтарТұрсыновтың сөз сөйлеуініңнегізгітақырыбыҚазақстанРеспубликасыныңөзіндік ерекшелігі бартауарлардыбақылаусаласындағызаңнамасынсақтамағаныүшінжауапкершілікболды. Іс-шараға декларанттар, кеден өкілдері және сыртқы экономикалық қызметке қатысушылар қатысты. Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1059441?lang=kk

2025 жылғы 29 тамызда Қазақстан Республикасы Сыртқы істер министрлігінің Алматы қаласындағы Өкілдігінің кеңесшісі Аселя Оралбаева Ядролық сынақтарға қарсы халықаралық күніне және Біріккен Ұлттар Ұйымының 80 жылдығына арналған дөңгелек үстелге қатысты. Іс-шара әл-Фараби атындағы Қазақ ұлттық университетінің халықаралық қатынастар факультеті тарапынан Қазақстан Республикасы Президенті жанындағы Қазақстан стратегиялық зерттеулер институтының, Алматы қаласындағы дипломатиялық корпус пен БҰҰ-ның халықаралық ұйымдарының қатысуымен ұйымдастырылды. СІМ-нің өкілі Алматы қ. Орталық Азия мен Ауғанстан үшін орнықты даму мақсаттар жөніндегі БҰҰ-ның Өңірлік орталығының ашылуы жаһандық қауіпсіздікті нығайтуға және тұрақты даму мақсаттарына қол жеткізу бойынша белсенді жұмыс жүргізуге қосқан үлесін атап өтті.Ақпарат көзі : https://www.gov.kz/memleket/entities/mfa-almaty/press/news/details/1059392?lang=kk

Степногорск қаласында қала және Ақкөл ауданданының салықтөлеушілеріне Ақмола облысы бойынша Мемлекеттік кірістер департаментінің басшының орынбасары  Бауыржан Шәйкеновтың қатысуымен жаңа Салық кодексіне енгізілген өзгерістер бойынша семинар өтті.    Жаңа Салық кодексі кәсіпкерлердің қызметін айтарлықтай жеңілдетуді көздейді. Осы арқылы әкімшілік жүктеме мен өткізілетін есеп түрлері азайып, цифрлы сервистер енгізілетін болады. Бұл бизнеске артық бюрократиядан арылып, ашық және тиімді жұмыс істеу арқылы кәсіпті дамытуға мүмкіндік береді.Семинарда өндіруші компанияларға салық салу мәселелеріне баса мән берілді. Спикерлер шикізат секторындағы салықтарды есептеудің жаңа тәсілдерін түсіндіріп, ережелердің ашықтығы мен болжамдылығын, сондай-ақ олардың бизнесте ұзақмерзімді жоспарлаудағы маңыздылығын атап өтті.     Жаңа реформаға сәйкес нақты жүргізілген шығыстарды есепке алу есебінен салық салынатын базаны азайтуға септесетін корпоративті табыс салығы (КТС) бойынша шегерімдер қарастырылған. Бұған еңбек шығындары, негізгі құралдардың амортизациясы, маркетингтік науқандар, қызметкерлерді оқыту мен басқа да операциялық шығындар жатады.      Қосылған құн салығын (ҚҚС) оңтайландырудың негізгі тетіктерінің бірі тауарларды, жұмыстарды және қызметтерді сатып алу кезінде төленген кірістен ҚҚС есепке алу құқығы болып саналады. Бұл шығыстар құжатталған әрі заң талаптарына сәйкес болған жағдайда бизнеске бюджетке төленетін салық сомасын азайтуға жол ашады. Сонымен қатар ҚҚС төлеуші ретінде дұрыс және уақтылы тіркелу қосарланған салықтан сақтанып, жеткізу тізбегінің барлық кезеңінде салық жүктемесін оңтайландыруға көмектеседі.     Салық жүйесіндегі өзгерістер мемлекет пен бизнестің мүдделері арасындағы балансты сақтауға бағытталған. Бұдан басқа жаңа заң электронды сервистердің қолданылуын кеңейтіп, салық есептілігін автоматтандыруды және кәсіпкерлердің мемлекеттік кірістер органдарымен өзара байланысын бірыңғай платформаның көмегімен реттеуді көздейді. Бұл компанияларға уақытты үнемдеуге, құжаттардың қайталануын болдырмауға және бюрократиялық кедергілерден құтылып, кәсіптерін дамытуға септігін тигізеді.Кездесудің соңында Департамент өкілдері өзекті сұрақтарға жан-жақты жауап берді.Келесі семинар 2 қыркүйекте Атбасар қаласында өтеді. Ақпарат көзі : https://www.gov.kz/memleket/entities/kgd-akmola/press/news/details/1059338?lang=kk

        Балалар-біздің болашағымыз! Бірақ ата – анасының қолдауынсыз өмір сүретіндер бар- жетім балалар, ата-анасының қамқорлығынсыз қалған балалар. Олар үшін әлемде көмек қолын созуға дайын адамдар бар екенін білу өте маңызды.       "Мейірім" акциясы жетім балалар мен ата-анасының қамқорлығынсыз қалған балаларды қолдауға бағытталған. Акция шеңберінде осы санаттағы балалардың атаулы шоттарын толықтыру көзделген, бұл оларға қаржылық қолдау жасауға және одан әрі тұрғын үй сатып алу мүмкіндігіне кепілдік беруге мүмкіндік береді.           "Осакаров ауданының білім бөлімі" ММ бизнес өкілдерін, қоғамдық бірлестіктерді, меценаттарды және барлық бей-жай қарамайтын азаматтарды қайырымдылық жобасына қатысуға шақырады.       Біз жақсылық біріктіретініне сенімдіміз және акцияның әрбір қатысушысының үлесі қоғамның қолдауына мұқтаж балалар үшін тең мүмкіндіктер құрудағы маңызды қадам болады.      Барлық сұрақтар бойынша 872149-41394, 41373 телефон нөмірлеріне хабарласуға болады.Ақпарат көзі : https://www.gov.kz/memleket/entities/edu-osakarovka/press/news/details/1059272?lang=kk

Astana Finance Days (AFD) VIII форумы 2025 жылғы 4-5 қыркүйекте Қазақстанда, Астана қаласында өтеді. 2025 жылғы тақырып –  «Болашақтың негізін қалайтын капитал» – ағылшын тіліндегі «capital» сөзінің қос мағынасын білдіреді: біріншісі, Астана – Қазақстанның астанасы (capital) және екіншісі, Шығыс пен Батысты, сондай-ақ орнықты өсудің қозғаушы күші ретінде капиталдың (capital)  негізгі түрлерін біріктіретін, қарқынды дамып келе жатқан қаржы орталығы. Биыл форумға әлемнің 70-тен астам елінен 5 000-нан астам қатысушы жиналады деп күтілуде.Форумды «Астана» халықаралық қаржы орталығы (АХҚО) ұйымдастырады — Шығыс Еуропа мен Орталық Азия өңіріндегі №1 қаржы орталығы, сондай-ақ инновациялар мен бизнестің өсуіне арналған серпінді хаб.AFD Exhibition HubAstana Finance Days біртұтас көрме алаңы капитал нарығы мен цифрлық инновациялық секторлардағы компанияларды біріктіреді. Ол шешімдерді көрсетуге, нарықтағы позицияны жақсартуға және стратегиялық серіктестермен тікелей байланыс орнатуға мүмкіндік береді.Көрмелер мен демеушілік сұрақтары бойынша afd@aifc.kz эл. поштасы арқылы хабарласыңыздар.Ақпарат көзі : https://www.gov.kz/memleket/entities/mfa-pretoria/press/news/details/1059282?lang=kk

Претория, 2025 жылғы 27 тамыз – Оңтүстік Африка Республикасының Денсаулық сақтау министрлігінде Қазақстан Республикасының ОАР-дағы Елшісі Еркін Ахинжановтың Денсаулық сақтау министрінің орынбасары Матуме Джозеф Фааламен кездесуі өтті.Кездесу барысында тараптар денсаулық сақтау саласындағы екіжақты және көпжақты ынтымақтастықтың даму перспективаларын талқылады.Атап айтқанда, шарттық-құқықтық базаны кеңейту және екі мемлекеттің бейінді органдары арасындағы практикалық өзара іс-қимылды дамыту мүмкіндіктеріне, соның ішінде ғылыми білім, озық технологиялар, сондай-ақ медицина мен денсаулық сақтау саласындағы үздік тәжірибелермен алмасу мәселелеріне назар аударылды.Қазақстан Елшісі ұлттық денсаулық сақтау жүйелерінің тұрақтылығын арттыру мақсатында ынтымақтастықты кеңейтуге Қазақстанның мүдделі екенін білдірді.Министрінің орынбасары Оңтүстік Африканың Қазақстанмен ынтымақтастықты кеңейтуге, атап айтқанда міндетті әлеуметтік медициналық сақтандыру (МӘМС) арқылы жалпыға бірдей медициналық қызметтермен қамтуды қамтамасыз ету тәжірибесін зерделеуге мүдделі екенін атап өтті.Кездесу қорытындысы бойынша тараптар өзара тиімді ынтымақтастықты екі халықтың игілігі үшін одан әрі дамытуға ниетті екендерін растай отырып, тұрақты диалогты жалғастыруға уағдаласты.Ақпарат көзі : https://www.gov.kz/memleket/entities/mfa-pretoria/press/news/details/1059289?lang=kk

Анкара, 2025 жылғы 26 тамыз – Қазақстан Республикасының Түркия Республикасындағы Елшісі Е.Сәпиев Түркия Республикасының Дін істері басқармасының (Diyanet İşleri Başkanlığı) төрағасы профессор Али Эрбашпен кездесті.Кездесу барысында тараптар діни-рухани саладағы ынтымақтастық мәселелерін, сондай-ақ А.Эрбаштың 2025 жылғы 17–18 қыркүйекте Астанада өтетін Әлемдік және дәстүрлі діндер лидерлерінің VIII Съезіне қатысуын талқылады.Елші аталған форумның түрлі конфессиялар мен мәдениеттер өкілдері арасындағы диалогты нығайтуға, өзара түсіністік пен бейбітшілік құндылықтарын ілгерілетуге бағытталған бірегей халықаралық алаң екенін атап өтті.Өз кезегінде А.Эрбаш Қазақстанның дінаралық және мәдениетаралық ынтымақтастықты дамытудағы бастамаларының маңыздылығын атап өтіп, алдағы Съездің жұмысына жеке қатысуға дайын екенін растады.Ақпарат көзі : https://www.gov.kz/memleket/entities/mfa-ankara/press/news/details/1059292?lang=kk

    2025 жылғы 28 тамызында Курчатов қаласының аумақтық сайлау комиссиясы Курчатов қаласының «Жастар ресурстық орталығы» КММ бірлесіп, «Жасыл ел» жасағы жастарымен каскадтық оқыту жоспарына сәйкес «Сайлау және сайлаушылардың Конституциялық құқығы» тақырыбында кездесу өткізді. Кездесу барысында «Қазақстан Республикасындағы сайлау туралы» Конституциялық заңына түсіндірме жұмыстары жүргізілді. Кездесуге қатысушылар өз сұрақтарын қойып, пікір алмасты.Ақпарат көзі : https://www.gov.kz/memleket/entities/abay-kurchatov/press/news/details/1059315?lang=kk

Душанбе, 2025 жылғы 29 тамыз – Душанбе қаласына жасаған жұмыс сапары аясында Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Тәжікстан Республикасының Сыртқы істер министрі Сироджиддин Мухриддинмен кездесу өткізді.Сыртқы саяси ведомстволардың басшылары саяси, экономикалық, су-энергетикалық, көлік-транзиттік және мәдени-гуманитарлық салаларда биік және жоғары деңгейде қол жеткізілген уағдаластықтардың практикалық жүзеге асыру барысын жан-жақты талқылады. Тараптар қазақ-тәжік стратегиялық серіктестігі мен одақтастығын одан әрі нығайтуға бейілділігін нақты растады.Министрлер алдағы жылдары екіжақты тауар айналымын 2 млрд АҚШ долларына дейін ұлғайту бойынша мақсатқа қол жеткізу үшін практикалық қадамдар қабылдаудың маңыздылығын атап өтті. Бұл тұрғыда Қазақстанның тәжік нарығына 200 млн АҚШ долларына дейін соммаға ауыл шаруашылығы, тамақ өнеркәсібі және машина жасау өнімдерін жеткізуді кеңейтуге дайындығы айтылды.Сұхбаттастар өңірлік кооперацияны одан әрі дамыту бойынша, сондай-ақ Орталық Азиядағы бейбітшілік пен тұрақтылықты нығайту жөніндегі бірлескен күш-жігердің, оның ішінде одақтастық пен стратегиялық серіктестік рухында Орталық Азия мемлекеттері басшыларының консультативтік кездесулері, Халықаралық Аралды құтқару қоры, АӨСШК, ШЫҰ, ТМД, ҰҚШҰ және басқа да халықаралық алаңдар шеңберінде өзара іс-қимылдың қажеттілігіне назар аударды.«Қазақстан Орталық Азияда тұрақтылық пен қауіпсіздікті нығайтуға бағытталған Тәжікстанның күш-жігерін жоғары бағалайды. Орталық Азияны ХХІ ғасырда дамыту мақсатындағы достық, тату көршілік және ынтымақтастық туралы шартқа қол қою – еліңіздің өңірлік өзара іс-қимылды жан-жақты дамытуға бейілділігінің жарқын дәлелі», – деді М.Нұртілеу.Өз кезегінде С.Мухриддин Тәжікстан Президенті Эмомали Рахмон қол қойған аталған Шарт Орталық Азияда тең құқылы және өзара тиімді ынтымақтастықтың берік архитектурасын қалыптастыруға ықпал ететініне сенім білдірді.Кездесу қорытындысы бойынша тараптар екі ел халықтарының игілігі үшін өзара қарым-қатынасты одан әрі тереңдетуге, жан-жақты ынтымақтастықты дамытуға және достық байланыстарды нығайтуға дайын екенін растады.Ақпарат көзі : https://www.gov.kz/memleket/entities/mfa/press/news/details/1059245?lang=kk

Тарих беттерін ақтарсақ, кез келген мемлекеттің дамуы мен өркендеуі халық арасындағы татулыққа тікелей байланысты болғанын көреміз. Себебі береке-бірліксіз, өзара түсіністіксіз ешбір жетістік баянды болмайды. Ел ішіндегі тұрақтылық – экономикалық қуаттың да, әлеуметтік дамудың да, халықаралық беделдің де басты тірегі.Өкінішке қарай, әлемде ішкі алауыздық пен қақтығыстың салдарынан тұралап қалған мемлекеттер аз емес. Бір жерде этносаралық жанжал өршіп жатса, енді бірінде діни қайшылық елді тығырыққа тіреп отыр. Осындай жағдайда Қазақстанның достық пен бірлікті мемлекеттік саясаттың негізіне айналдыруы – халқымыздың тарихи тәжірибесінен бастау алған кемеңгер қадам.Қазақ халқының қонақжайлығы мен кеңпейілдігі, өзге ұлт өкілдеріне қолдау көрсету дәстүрі – бүгінгі қоғамдық келісімнің іргетасы. XX ғасырдағы депортация жылдарында тағдыр тәлкегіне түскен мыңдаған халық қазақ жерінен пана тауып, жаңа өмір бастады. Бұл – татулықтың қадірін терең ұқтырған тарихи сабақ.Достық – адамдарды ортақ мұрат жолында біріктіретін, ынтымақ пен сенімді нығайтатын асыл қасиет. Әсіресе көпэтносты қоғам үшін оның мәні ерекше. Қазақстанда 130-дан астам этнос өкілі тату-тәтті өмір сүріп, ел дамуына өз үлесін қосуда. Бұл – достықтың қоғамды ұйыстыратын, әртүрлі мәдениетті тоғыстырып, елді рухани тұрғыдан байытатын айқын дәлелі.Тәуелсіз Қазақстанның табыстары – жаңа астананың бой көтеруі, халықаралық беделдің артуы, экономикадағы жетістіктер – бәрі де ел бірлігінің арқасында жүзеге асты. Себебі алауыздық болған жерде халықтың күш-қуаты қақтығысқа жұмсалса, бірлік орнаған ортада әр азаматтың энергиясы елдің өркендеуіне бағытталады.Қазақстан халқы Ассамблеясы – осы татулық пен келісімді сақтаудың бірегей институты. Ол этнос өкілдерінің мәдениетін қолдап қана қоймай, барлығына мемлекет дамуына тең дәрежеде үлес қосуға мүмкіндік беріп отыр. Әлем елдерінің Қазақстан тәжірибесіне қызығушылық танытып, оны этносаралық татулықтың үлгісі ретінде бағалауы – осының айғағы.Саяси жүйе өзгеруі мүмкін, экономикалық жағдай да құбылады. Ал достық пен бірлік – уақыт сынынан өтетін мәңгілік құндылықтар. Олар жоғалмайды, қайта жыл өткен сайын мән-маңызы арта береді. Сондықтан бірлікті сақтау – болашағымызды қорғау, достықты дәріптеу – бейбіт өмірімізді нығайту. Бұл – баршамыздың ортақ міндетіміз. #МыВместе #PeaceAndHarmony #PeaceForAll #TogetherForPeace #ҚХА30жыл #АНК30лет #APK30years #АНК #ANK

 Қоғамның даму тарихына көз жүгіртсек, кез келген мемлекеттің өркендеуінде бірлік пен достық ерекше орын алғанын байқаймыз. Өйткені халық арасындағы татулықсыз, ынтымақсыз ешқандай жетістік баянды болмайды. Елдің ішкі тұрақтылығы – экономикалық қуаттылықтың да, әлеуметтік дамудың да, халықаралық беделдің де басты алғышарты.Әлемде қаншама мемлекет ішкі алауыздық пен қақтығыстың кесірінен әлсіреп, дамудан қалып отыр. Бір елде этносаралық жанжал өршіп жатса, бірінде діни бөлінушілік елді тоқырауға ұшыратуда. Осындай жағдайда Қазақстанның татулықты басты құндылық ретінде ұстануы – біздің тарихи тәжірибемізден бастау алған дұрыс шешім.Қазақ халқының қонақжайлығы мен кеңпейілдігі, өзге ұлттарға қолдау көрсету дәстүрі – бүгінгі қоғамдық келісімнің іргетасы болды. XX ғасырдағы депортациялар кезінде жүздеген мың адам қазақ жерінен пана тауып, өмірін қайта жалғастыра алды. Бұл тарих – біздің татулықты сақтаудың қаншалықты маңызды екенін көрсететін тағылым.Достық – адамдарды ортақ мақсатқа жұмылдыратын, қоғамның ынтымағын күшейтетін ұлы құндылық. Әсіресе, көпұлтты елдер үшін достықтың маңызы ерекше. Әртүрлі этнос өкілдерінің бір шаңырақ астында татулықта өмір сүруі – елді рухани тұрғыда байытады.Қазақстанда 130-дан астам этнос өкілдері өмір сүріп жатыр. Олардың әрқайсысы өз мәдениетін сақтап, ел дамуына үлес қосып келеді. Бұл – достықтың қоғамды біріктіретінін, бір-біріне қолдау көрсететінін дәлелдейтін айқын мысал.Экономикалық жетістік пен әлеуметтік өркендеу тек бірлік орнаған жерде ғана жүзеге асады. Егер қоғамда алауыздық орын алса, халықтың энергиясы даму емес, қақтығысқа жұмсалады. Ал бірлік бар жерде әр азаматтың күші ортақ мақсатқа бағытталады.Тәуелсіз Қазақстандағы барлық жетістіктер – жаңа астананың бой көтеруі, халықаралық деңгейдегі беделдің артуы, экономикадағы табыстар – бәрі де халықтың бірлігі арқасында мүмкін болды.Қазақстан халқы Ассамблеясы – қоғамдық келісімнің институционалды үлгісі. Бұл ұйым әртүрлі этнос өкілдерін біріктіріп қана қоймай, олардың мәдениетін сақтап, мемлекет дамуына тең дәрежеде үлес қосуына мүмкіндік беріп отыр.Әлем елдері Қазақстан тәжірибесіне қызығушылық танытып, оны этносаралық қатынасты басқарудың бірегей моделі ретінде қарастыруда. Бұл да біздің татулық пен достық саясатының қаншалықты нәтижелі екенін көрсетеді.Саясат өзгеруі мүмкін, экономика да құбылып тұрады. Бірақ достық пен татулық – мәңгілік құндылықтар. Олар уақыт өткен сайын құнын жоғалтпайды, қайта арта түседі. Қазақстанның болашағы да осы құндылықтарды сақтай білуге байланысты.Бірлікті ұлықтау – болашақты қорғау, достықты дәріптеу – бейбіт өмірді нығайту. Бұл – әрбір азаматтың парызы.  #МыВместе #PeaceAndHarmony #PeaceForAll #TogetherForPeace #ҚХА30жыл #АНК30лет #APK30years #АНК #ANK

Құрметті отандастар!Қадірлі қауым! Бүгінгі жиынның мән-маңызы айрықша. Осыдан 30 жыл бұрын бүкілхалықтық референдумда Қазақстан Республикасының Конституциясы қабылданды. Бұл егемен еліміз үшін тарихи сәт болды.Баршаңызға құтты болсын деймін.Шын мәнінде, Ата заңнан биік ештеңе жоқ. Себебі Конституция – мемлекеттігіміздің мызғымас тұғыры, Тәуелсіздігіміздің айнымас темірқазығы.Қазақ – Ұлы дала заңына бас иген, ар-ұяттан аттамаған халық. Қасым ханның қасқа жолы, Есім ханның ескі жолы, Әз Тәукенің Жеті жарғысы – нағыз дала заңының жарқын үлгілері. Осы дәстүр ешқашан үзілген емес.Жұртымыз дала заңынан қазіргі Ата заңына дейін тарихи жолдан өтті. Өткен ғасырдың басында қазақ зиялылары бұл іске елеулі үлес қосты. Кеңес заманында еліміздің құқықтық іргетасы қаланды, білікті заңгерлер шоғыры пайда болды.1993 жылы егемен Қазақстанның алғашқы Ата заңы бекітілді, мемлекетіміздің конституциялық құрылымы айқындалды. Бірақ көп ұзамай жаңа тарихи ахуалға сай келетін жаңа Конституция қабылдау қажет болды. Осыған орай, арнайы кеңес құрылды, оған бір топ белгілі отандық заңгер мүше болып, белсенді жұмыс жүргізді. Шетелден шақырылған сарапшылар да осы маңызды іске атсалысты.Ата заңымыздың жобасын талқылауға миллиондаған азамат қатысты, мыңдаған ұсыныс келіп түсті. Конституция туралы айтқанда, тұңғыш Президент Нұрсұлтан Әбішұлы Назарбаевтың табанды еңбегіне әділ баға беру қажет. Ол Конституция қабылданған кезде Мемлекет басшысы ретінде шешуші рөл атқарды.Осылайша, 1995 жылы 30 тамызда Тәуелсіздік төлқұжаты, яғни, Конституция қабылданды.Еліміздің басты заңына «Біз, ортақ тарихи тағдыр біріктірген Қазақстан халқы...» деген сөздер жазылды. Конституциямыз Тәуелсіздігімізді нығайтуға зор ықпалын тигізді, еліміздің одан әрі дамуына даңғыл жол ашты. Қазақстан дербес мемлекет ретінде әлем қауымдастығының белді мүшесі атанды. Әрине, уақыт бір орында тұрмайды. Отыз жылда түрлі себепке байланысты Ата заңға 6 рет түзету енгізілді.Бірақ ең басты конституциялық өзгеріс осыдан үш жыл бұрын жасалды деп айтсақ, орынды болар. Конституциялық реформаның арқасында еліміздің саяси-құқықтық жүйесі түбегейлі жаңа сипатқа ие болды. Сол кезде Конституцияға түзетулерді Парламент арқылы өткізу керек деген ұсыныс кеңінен айтылды. Бірақ күрделі болса да, басқа жолды таңдау жөнінде шешім қабылданды. Ел болашағына тікелей әсер ететін аса маңызды шешімдерді тек қана референдум арқылы қабылдау қажет деген ұстанымды міндетті түрде сақтау керек деп ұйғардым.Елімізде «Республикалық референдум туралы» заң ширек ғасыр бұрын қабылданды. Бірақ осы кезге дейін бірқатар себеппен бүкіл халық өзекті мәселелер бойынша дауыс бермеді. Ал азаматтарымыз ел тағдырына қатысты әр мәселеге өз ой-пікірін, көзқарасын ашық білдіргісі келді. Қоғамымызда дәл осындай сұраныс болды. Сондықтан референдум өткізу туралы бастамаға барша халық бірауыздан қолдау көрсетті. Жұртымыз Конституцияға енгізілген түзетулерді зор құлшыныспен жақтап, дауыс берді.«Мемлекеттік биліктің бірден-бір бастауы – халық» деген Конституция бабы нақты жүзеге асырылды. Бұл қоғамымыздағы саяси үрдіске зор серпін берді. Енді еліміздегі барлық маңызды шешімдерді бір ел болып талқылап, бірге қабылдайтын болдық. Былтыр Атом электр стансасын салуға қатысты өткен референдум – соның айқын дәлелі.Шын мәнінде, 2022 жылы жүргізілген реформа Қазақстанның конституциялық құрылымы тарихындағы ең мазмұндысы еді. Мұндай реформаны қолға алуға сол кезеңдегі өте күрделі саяси жағдай себеп болды.Референдумда Ата заңға түзету енгізумен шектеліп қалмай, Конституцияның жаңа жобасын дауысқа салу туралы көптеген ұсыныс айтылды. Мұндай бастамалардың көтерілуі бекер емес еді. Заңнамалық тұрғыдан орынды әрі саяси жағынан биліктің беделін арттыратын айтарлықтай оңтайлы тәсіл болып көрінді.Алайда 1995 жылы қабылданған Конституцияны реформалаумен шектеліп, оның негізгі мән-мазмұнын сақтау жөнінде шешім қабылдадым.Осы арқылы Конституцияның басты ережелерінен айнымайтынымызды дәлелдедік. Сондай-ақ ел бірлігі, халықтың тыныш әрі берекелі өмірін қамтамасыз ету және ішкі саяси тұрақтылықты сақтау секілді мемлекетіміздің жоғары құндылықтарын берік ұстанатынымызды көрсеттік.Осы шешімнің арқасында бүгін Конституцияның 30 жылдық мерейтойын атап өтіп отырмыз.Дегенмен жаңа саяси жағдайға, қоғамды жан-жақты жаңғырту міндеттеріне сай келмейтін Конституциядағы ережелер референдум арқылы жойылды. Сондықтан нақты реформаның нәтижесінде Конституция баптарының үштен бірі жаңартылды. Бұл – конституциялық реформа ауқымының айқын көрсеткіші. Көп жылдан бері қоғамның көкейінде жүрген Әділдік, Ашықтық, Есептілік, Жауапкершілік қағидаттары Ата Заңда көрініс тапты. Азаматтардың Конституцияға сенімі нығая түсті. Референдум өткізудегі басты мақсат осы болатын.Сондай-ақ еліміздің саяси жүйесінде «Күшті Президент – ықпалды Парламент – есеп беретін Үкімет» қағидаты орнықты. Бұл билікте өзара тиімді байланыс пен тепе-теңдікті сақтауға мүмкіндік берді. Президенттің жеті жылға бір рет қана сайлануы ел тарихындағы аса маңызды саяси-құқықтық бетбұрыс деп айтуға толық негіз бар. Себебі мұндай жағдай Қазақстанда бұрын-соңды болған емес.Осылайша, елімізде биліктің бірегей үлгісі пайда болды, яғни, мемлекеттік басқару жүйесі жаңа қағидаға сай жұмыс істей бастады, сол арқылы мемлекеттегі саяси үдерістер әлдеқайда түсінікті, болжамды, айқын бола түсті. Нақты айтқанда, Президенттің жақын туыстарына билік жүйесінде лауазымды қызмет атқаруға тыйым салынды. Биліктегі отбасылыққа тосқауыл қойылды. Бұл да өте қажетті қадам болды.Халықтың осы шешімі – аса маңызды саяси-құқықтық жаңашылдық, әлемде баламасы жоқ конституциялық инновация.   2019 жылдан бері біз кезең-кезеңімен бірнеше саяси реформа жүргізіп, саяси жүйені дәйекті түрде жаңғырттық. Осы залда отырған азаматтардың көбі сол үлкен өзгерістердің бел ортасында жүрді.Ашығын айтқанда, біз біршама кедергіге тап болдық. Саяси ортаның белгілі бір бөлігі қоғамды жаңғыртуды көздейтін бастамаларымызға күмәнмен қарады, тіпті қабылдай алмады.Бүгінде біз таңдаған стратегиялық бағыттың дұрыс екеніне көзіміз жетті. Бұл елімізді өркениетті қоғам құру жолына бастайды.2022 жылы өткен референдум ұлтымызды бұрын-соңды болмаған деңгейде ұйыстырып, мемлекет алдындағы стратегиялық міндеттердің төңірегіне топтастарды.Азаматтарымыздың жаңа саяси бағдарды бірауыздан қолдауы алға ілгерілеуден басқа жол жоқ екенін айқын көрсетті.Тарихи өлшем тұрғысынан өте қысқа уақыт ішінде қоғам саяси кемелдік пен азаматтық жауапкершілікті күшейтетін іргелі өзгерістерді бастан өткерді.Әділетті Қазақстанды құру процесін енді ешкім тоқтата алмайды. Өткенге оралуға, ең алдымен, еліміздің жастары жол бермейді. Білімді жас ұрпақ келешекке көз тігеді. Олар Қазақстанды жаңа заманның талабына сай келетін өркениетті мемлекет ретінде көргісі келеді. Түптеп келгенде, конституциялық реформа саяси жаңғыру үдерісіне зор серпін берді. Парламенттің рөлі артты, Үкіметтің жауапкершілігі күшейді. Орталық және жергілікті атқарушы биліктің құзыреті қайта бөлінді.Жаңа талапқа сәйкес Президент, Сенат, Мәжіліс және мәслихаттар сайлауы өтті. Өкілді билікке әртүрлі көзқарастағы саяси күштер мен азаматтар келді. Түрлі саяси партиялар Парламенттен орын алды. Аралас сайлау жүйесі тәуелсіз үміткерлерге жол ашты. Барлық деңгейдегі мәслихат депутаттарының 90 пайызы бір мандатты округтен сайланды.Төрт жылдың ішінде барлық ауыл әкімдері жаңа ережеге сәйкес сайланды. Олардың көбі – бұрын мемлекеттік қызметте жұмыс істемеген азаматтар.Осылайша, билікке жаңа буын өкілдері келіп жатыр. Биылдан бастап аудан және облыстық маңызы бар қала әкімдерін халық тікелей сайлайтын болды. Бұл – Орталық Азия аймағында бұрын-соңды болмаған тәжірибе.Елімізде «Халық үніне құлақ асатын мемлекет» тұжырымдамасы орныға түсті. Азаматтарымыз ел өміріне қажетті шешімдерді қабылдау үдерісіне белсене қатысатын болды. Әсіресе, реформаларды жүзеге асыру ісінде билік пен қоғамның мүддесі бір екені анық байқалды. Елдегі өзгерістер, ең алдымен, халықтың игілігі, ұрпақтың болашағы үшін жасалып жатыр.Мен бүгінгі мерейлі сәтте осы тарихи қадамды жасауға үлес қосқан барша азаматқа алғыс айтамын.Біздің қазіргі Конституциямыз – өркениетті болашаққа жол ашатын, халқымыздың игілігіне қызмет ететін Ата Заң. Біз бір ел болып қолға алған реформалар Конституциямыздың жасампаз рухын күшейте түсті. Бұл кезең еліміздің тарихында түбегейлі жаңғыру кезеңі болып қалары анық. Ата Заңымызда «Қазақстанның ең қымбат қазынасы – Адам және адамның өмірі, құқықтары мен бостандықтары» деп жазылған. Бұл – әрдайым мүлтіксіз орындалуға тиіс қағида. Осыған орай, нақты реформа жасалды. Еліміздегі заң үстемдігін қамтамасыз ететін аса маңызды институт – Конституциялық сот құрылды. Енді азаматтар қандай да бір заң өз құқығы мен бостандығына нұқсан келтіреді деп санаса, Конституциялық сотқа жүгіне алады. Екі жарым жыл ішінде бұл органның қарауына 11 мыңнан астам өтініш келіп түсті.Бұл халықтың жаңадан енгізілген конституциялық бақылау институтына сенімі жоғары екенін көрсетеді. Конституцияға қайшы көптеген нормалар құқықтық жүйеден алынды.Бұдан былай Конституциялық соттың шешімі мен құқықтық ұстанымы әділдік рухына сай келетін жаңа заңнамалық қолданыстың негізіне айналды.Әкімшілік рәсімдік-процестік кодексті енгізу нәтижесінде азаматтардың мемлекетпен жария-құқықтық қатынастарын реттеу тәсілдері түбегейлі жаңарды.Кодекстегі жаңа новеллалар арқылы соттардың тек мемлекет мүддесін қорғауға бағдарланған әдепкі ұстанымы жақсы жағына өзгерді. Сот үкімінде субъективтілік азайып, анағұрлым әділетті шешімдер шығарыла бастады.Қазіргі статистика азаматтар мен кәсіпкерлердің мемлекеттік органдарға қарсы істерде 60 пайызға дейін жеңіске жететінін көрсетіп отыр.Жүргізілген реформалар сот жүйесіне сенімді айтарлықтай арттырды. Судьяларды іріктеу және тағайындау үдерісін әділ әрі ашық етіп, олардың тәуелсіздігін күшейтті.Сот әкімшілігі жетілдіріліп, сот ісін жүргізуді цифрландыру басталды.Бұрын азаматтар іске қатысты шағымдану мүмкіндігі жоқтығына жиі арызданатын.Сондықтан кассациялық соттарды құру және биылғы 1 шілдеден бастап «жаппай» кассация қағидатын енгізу Қазақстанның сот жүйесін жаңғыртудағы маңызды қадамдардың бірі болды. Конституциялық реформа нәтижесінде прокуратура органдарының қадағалаушылық құзыреті күшейтілді.Адам құқықтары жөніндегі уәкіл конституциялық мәртебеге ие болды. Еліміздің барлық аймағында өкілдіктері ашылды. Енді Уәкілдің тәуелсіздігі мен иммунитетіне Ата заң кепілдік береді. Бұдан бөлек, Омбудсмен Бас прокурор сияқты Конституциялық сотқа жүгіну құқығына ие болды.Заң үстемдігін қамтамасыз ету – біздің стратегиямыздың ең маңызды қағидасы. Бұл – өркениетті және озық қоғамның басты өлшемі. Қоғамымызда заң мен тәртіп сақталмаса, ешқандай жетістік пен ілгерілеу болмайды, бұл – анық нәрсе.Заңды сыйлайтын ел қашанда берекелі болады. Сондықтан мен әр сөзімде заң мен тәртіптің маңызын ерекше атап өтіп жүрмін. Басқаша айтқанда, бұл – бізге дәстүрлі болмысымызды өзгерту қажет деген сөз. Заңды құрметтеу, тәртіпке бағыну ұлтымыздың қанына сіңіп, қасиетіне айналуы қажет. Бауыржан Момышұлының «Тәртіпсіз ел болмайды, тәртіпке бас иген құл болмайды» деген сөзі қазіргі таңда аса өзекті. Сондықтан заңды қасақана бұзатын азаматтарға, қоғамдық тәртіпке және тұрақтылыққа кері әсер ететін әрекеттерге міндетті түрде құқықтық баға беріледі.Мектеп қабырғасында, жоғары оқу орындарында құқықтық тәрбие жұмысын күшейту қажет. Балаларға заңдарды қарапайым тілмен түсіндірген абзал. Бұқаралық ақпарат құралдары мен әлеуметтік желі арқылы тиісті жұмыс жүргізілуі керек. Жастардың құқықтық санасына отбасындағы тәрбие де зор ықпал етеді. Мұны ешқашан ұмытпауымыз керек.Ата-ана, мектеп және мемлекет күш жұмылдырып, бала тәрбиесіне баса мән бергені жөн. Сонда ғана заңға бағынатын, өзінің де, өзгенің де құқығына құрметпен қарайтын ұрпақ тәрбиелейміз. Заң мен тәртіп – Әділетті Қазақстанды құрудың басты алғышарты.Жалпы айтқанда, біз мемлекеттік саясатта терең өзгеріс жасадық. Конституциялық реформа осы ауқымды жұмыстың берік құқықтық арқауы болды. Сол арқылы саясатта, экономикада, әлеуметтік салада, сот жүйесінде «Әділетті мемлекет» қағидатын жүзеге асыруға жол ашылды.Конституцияда жер және барлық табиғи ресурстар халыққа тиесілі екені айқын көрсетілген. Осы қағидатты іс жүзінде орындау үшін маңызды шаралар қабылданды. Менің тапсырмаммен «Ұлттық қор – балаларға» бағдарламасы әзірленді. Қордың жыл сайынғы инвестициялық табысының жартысы балалардың арнайы есепшотына жіберілетін болды. Былтырдан бері Ұлттық қордан 1,5 миллиард доллардан астам қаржы бөлінді. Бұл – жас ұрпақтың болашаққа нық сеніммен қарауына мүмкіндік беретін мемлекетіміздің өте маңызды шешімі.Мұның бәрі – жаңарған Конституцияның жемісі. Ата заң, шын мәнінде, азаматтардың құқықтары мен мүдделерін қорғайтын толыққанды әрі тиімді құралға айналды.Бірқатар маңызды заңдар мен арнайы жоспарларды қабылдау арқылы қолданыстағы Конституцияның орасан зор әлеуеті іске асырылып жатыр.Былтыр Адам саудасына қарсы іс-қимыл туралы заң қабылданды. Бұл адамды еркінен тыс қандай да бір жолмен пайдалануға болмайтынына кепілдікті күшейтті.Тұрмыстық зорлық-зомбылық үшін берілетін жаза едәуір қатаңдатылды. Некелесуге мәжбүрлегені үшін қылмыстық жауапкершілік белгіленді. Адам ұрлағандар да қатаң жазаланады.Сонымен қатар қылмыстық сот үдерісін ізгілендіру және оның тиімділігін арттыру үшін нақты қадамдар жасалды, тиісті кодекстерге ауқымды түзетулер енгізілді.Конституцияның мерейлі белесіне орай Рақымшылық туралы заң қабылданды. Себебі мемлекет қылмыспен күрес саясаты мен әлеуметтік әділдік мәселесіне келгенде адамгершілік құндылықтарын басты орынға қояды.Конституция әрдайым адам құқығының темірқазығы болуға тиіс. Бұл – мемлекет саясатындағы бұлжымас қағида. Конституциямыз алдағы уақытта да халқымыздың жарқын болашағына жол ашатын ең басты құжат болып қала бермек.Ата заң еліміздің жалпыұлттық бірегейлігін нығайтуды, сондай-ақ заңды мүлтіксіз сақтау және адал азамат идеологиясын ілгерілетуді көздейтін жаңа қоғамдық келісімнің айқын нышанына айналды. Заң үстемдігі – әділетті қоғам құруға және азаматтарымыздың берекелі өмірін қамтамасыз етуге апаратын төте жол. Сондықтан тағы да қайталап айтамын: еліміздің барлық азаматтары заңды құрметтеп, сақтауы керек.Қазақстанның заңгерлер қауымдастығы азаматтарымызға Конституцияның негізгі ережелерін түсіндіріп, Заң мен тәртіп қағидатына сай қоғамдағы әрбір әрекетіне жауапкершілікпен қарауға үндеуі қажет.Қазақстан Конституциясы ұлтымыздың кемелдігі мен болашаққа ұмтылысын бүкіл әлемге паш етеді. Конституцияның әр жолы мен рухын сақтау, соның негізінде жоғары құқықтық мәдениет пен ұлттың жаңа сапасын қалыптастыру – еліміздің келешектегі табысының кепілі. Мұны барша халық түсінуге тиіс.Геосаяси тұрақсыздық белең алып, технология көз ілеспес жылдамдықпен дамып жатқан кезеңде заңнаманы ұдайы жаңғыртудың маңызы зор.Жаппай цифрландыру және жасанды интеллект мемлекет пен қоғамды өркендетудің мүлдем жаңа ұғымдары мен тәсілдерінің пайда болуына ықпал етті.Көптеген елде адамның рөлі мен орны, жалпы оның постгуманистік әлемде тіршілік етуі жөнінде қоғамдық және парламенттік пікірталастар қызу жүріп жатыр.Биотехнологияның жедел дамуы да біраз сұрақ туындатады. Оның салдары күрделі құқықтық коллизияға және қалыптасқан этикалық нормалардың ескіруіне әкеліп соғуда.Заң шығарушылар халықаралық құқық жүйесін қайта құру арқылы өз елінің егемендігін сақтау міндетімен бетпе-бет келеді.Сондықтан конституционализм ешқашан бір орында тұрмайды. Ол заң шығару үдерісімен тығыз байланысты. Алайда оған мүлдем жаңа технологиялық, экономикалық және геосаяси жағдайлар әсер етеді.Бұл мәселені Қазақстанның кәсіби заңгерлер қауымдастығы жан-жақты зерттеп, ұдайы назарда ұстауға тиіс деп санаймын.Ұлт заңы – Конституциямыздың жасампаздық күші зор. Өйткені Ата Заңның әр бабында барша азаматтарымызға ортақ құндылықтар мен біртұтас халқымыздың мақсат-мүддесі бар. Конституциялық, саяси, экономикалық реформалардың, халқымыздың орасан зор күш-қуаты мен әлеуетінің, сондай-ақ білім, ғылым және мәдениет саласына салынған ауқымды инвестициялардың арқасында елімізде шын мәнінде жақсы өзгерістер жасалып жатыр. Жақсыны жақсы деп айту керек. Бұл да әділеттілік көрінісі.Оқушыларымыз бен студенттеріміз беделді халықаралық олимпиадаларда топ жарып жүр. Спортшыларымыз әлемдік сайыстарда жеңімпаз болып, еліміздің мерейін асыруда. Алдына нақты мақсат қойған азаматтарымыздың бәрі білім, ғылым, өнер, бизнес және басқа да көптеген салада табысқа жетуде.Қазақстан халықаралық қауымдастыққа ашық мемлекет, бізде ғаламтор еркіндігі бар екенін ешкім жоққа шығара алмайды. Елімізде бірде-бір желінің негізгі арнасы жабылған жоқ, барлық азаматтарға әлемдік жаңалықтардың көздеріне жол ашық. Біздің азаматтарымыз шетелге еркін барып тұрады. Ал жастарымыз өздері таңдаған университеттерде білім алуда, оларға ешқандай тосқауыл, кедергі жоқ. Осындай мемлекеттік саясат өз жалғасын табады.Көптеген елдің жастары бізді болашағы жарқын мемлекет ретінде таниды, Қазақстанға келгісі келеді, келіп те жатыр.  Еліміздің мақсаты – айқын, келешегі – зор. Біз цифрландыру мен жасанды интеллектіні ел игілігіне қолданатын озық мемлекет боламыз деп белсенді түрде жұмыс істеп жатырмыз. Қазір Қазақстанның барлық аймағында мыңдаған шақырым жол салынып, жөнделуде. Әуежайлар мен көпірлер бой көтеріп, су нысандарының құрылысы басталып жатыр. Тұрғын-үй коммуналдық шаруашылығы және басқа да маңызды инфрақұрылым салынуда.Жалпы Үкіметке инфрақұрылымдық құрылыстың сапасына баса мән беру қажет деген қатаң нұсқау берілді. Бұл мәселе Үкіметтің және құқық қорғау мекемелерінің бақылауында болады.Елімізде жыл сайын көптеген өндіріс орындары ашылатын болды. Әсіресе, жоғары технология саласындағы кәсіпорындар іске қосылуда. Осылайша, біз ұлттық экономикамыздың мықты индустриялық негізін қалап жатырмыз. Инвестиция тартып, бизнеске қолайлы жағдай жасап, аймақтарды қолдау үшін жүйелі жұмыс істелуде. Соның нәтижесінде биылғы жеті айдағы экономикалық өсім 6 пайыздан асты.Мұның бәрі аяқ астынан пайда болған жоқ. Бұл – қажырлы еңбектің және табанды түрде жасалған түбегейлі реформалардың нәтижесі. Жүйелі және үйлесімді жұмыс пен берекелі бірліктің арқасында еліміз жаңа кезеңге қадам басты. Бір сөзбен айтқанда, Қазақстан біртіндеп дамудың даңғыл жолына түсіп келеді. Енді бос сөзге берілмей, жан-жақты өркендеуге бастайтын осы бағдарымыздан айнымай, тек қана алға ұмтылуымыз керек. Сонда біз озық ойлы ұлт болып, теңдессіз табысқа қол жеткіземіз, биік белестерді бағындырамыз.Біз бәріміз төл тарихымызға қазақтың қайта жаңғыру дәуірінің өкілі ретінде енуге тиіспіз. Себебі бәріміз бір дәуірде өмір сүреміз, еліміздің болашағына бірге жауаптымыз. Біздің ұрпақ міндетті түрде үлкен жетістікке куә болып, табысқа жетуі керек. Балаларымыз бен немерелерімізге дамыған, өркениетті, құқықтық ел қалдыруымыз қажет. Бұл – біздің тарихи борышымыз. Осы мақсатқа жету үшін біз қазір Әділетті, Таза, Қауіпсіз әрі Қуатты Қазақстанды құрып жатырмыз. Түптеп келгенде, бұл – ұлттық идеология.Біздің басты міндетіміз – озық ойлы, бәсекеге қабілетті ұлт болу, халықтың әл-ауқатын арттыру, елдегі тұрақтылықты сақтап, қоғамдық келісімді қамтамасыз ету. Сондықтан қазақ елінің қастерлі төлқұжаты – Конституциямыздың әр бабы мүлтіксіз орындалады. Бұл – баршаға ортақ міндет.Бәріңізге мәлім, мен 8 қыркүйекте халыққа Жолдауымды жариялаймын. Еліміздің экономикалық және әлеуметтік саясатындағы маңызды мақсат-міндеттерді айқындаймын.  Ақпарат көзі : https://www.gov.kz/memleket/entities/mfa-muscat/press/news/details/1059214?lang=kk

Ескелді ауданы бойынша  Мемлекеттік кірістер басқармасында тұрғындар мен кәсіпкерлер үшін «Ашық есік күні» өтті. Іс-шараның басты мақсаты – 2026 жылдан бастап күшіне енетін жаңа Салық кодексіндегі маңызды өзгерістерді қарапайым тілде түсіндіру және салық төлеушілердің көкейіндегі сұрақтарына жауап беру.Кездесу барысында мамандар салық заңнамасына енгізілген жаңашылдықтарды кеңінен таныстырып, ең көп қолданылатын салық түрлері – қосылған құн салығы (ҚҚС), корпоративтік табыс салығы (КТС) және жеке табыс салығы (ЖТС) бойынша өзгерістерді егжей-тегжейлі түсіндірді.Сонымен қатар қатысушылар шағын және орта бизнеске арналған салық салу жеңілдіктері, бизнес жүргізуді жеңілдетуге бағытталған шаралар және салықтық әкімшілендіруді оңтайландыру жолдары туралы жан-жақты ақпарат алды. Жаңа кодексте кәсіпкерлер үшін артық қағазбастылықты азайту, онлайн қызметтерді кеңейту және бақылау рәсімдерін жеңілдету мәселелеріне баса назар аударылғаны айтылды.Шараға келген азаматтар өздерін толғандырған сауалдарын қойып, мамандардан толыққанды жауап алды. Кәсіпкерлердің ұсыныстары мен пікірлері де тыңдалып, алдағы уақытта оларды ескеру қажеттілігі атап өтілді.Ашық есік күні тұрғындар үшін пайдалы алаңға айналып, жаңа Салық кодексіндегі басты өзгерістерді түсінуге мүмкіндік берді.Ақпарат көзі : https://www.gov.kz/memleket/entities/kgd-zhetysu/press/news/details/1059110?lang=kk

Радиоэлектроника және байланыс әскери-инженерлік институтының базасында «Ақпараттық қауіпсіздік» мамандығы бойынша 30 әскери міндеттіге арналған жиын өз мәресіне жетті.Әскери жиынға шақырылған запастағы офицерлер бір ай бойы казармада тұрып, армиялық тәртіпке толықтай бағынып өмір сүрді. Теориялық және практикалық сабақтар барысында олар жалпы әскери пәндерді меңгеріп, ақпарат пен мемлекеттік құпияларды қорғаудың заманауи тәсілдерін игерді.Радиоэлектроника және байланыс әскери-инженерлік институтының Ақпаратты қорғау кафедрасының бастығы полковник Арман Укашев бұл жиынның мақсаты мамандарды қайта даярлау арқылы әскери-оқытылған резервтің әлеуетін нығайту екенін атап өтті. Оның айтуынша, мұндай жиындар ел әскерінің мобилизациялық дайындығын арттыруға үлкен сеп болмақ.Жиынға қатысушылардың бірі – Астанадан шақырылған запастағы лейтенант Нұрасыл Жексембаев. Қазіргі таңда ол банк саласында қызмет етеді.– Бұл жиын біздің әрқайсымыз үшін маңызды белес болды. Қорғаныс саласы тек әскери күшпен шектелмей, ақпараттық қауіпсіздік саласындағы терең білімді де талап ететінін айқын ұғындық, – деді ол.Жиын соңында қатысушыларға арнайы сертификаттар табысталды. Ерекше көзге түскен әскери міндеттілер алғыс хаттармен марапатталды.Бұл осы мамандық бойынша өткізілген екінші оқу-жаттығу жиыны екенін айта кету керек. Сондай-ақ, жиын кезінде әскери міндеттілердің негізгі жұмыс орындары, қызметтік лауазымдары мен айлық жалақылары сақталып, республикалық бюджет есебінен төленді.Ақпарат көзі : https://www.gov.kz/memleket/entities/mod/press/news/details/1059114?lang=kk

Ақсу ауданының Мемлекеттік кірістер басқармасында тұрғындар мен кәсіпкерлерге арналған «Ашық есік күні» ұйымдастырылды. Бұл шараның басты мақсаты – 2026 жылдан бастап қолданысқа енгізілетін жаңа Салық кодексіндегі өзгерістерді қарапайым тілде түсіндіру, салық төлеушілердің көкейіндегі сұрақтарына жауап беру болды. Кездесуде мамандар салық заңнамасына енгізілген жаңашылдықтарды кеңінен түсіндіріп, ең жиі қолданылатын салықтар – қосылған құн салығы (ҚҚС), корпоративтік табыс салығы (КТС) және жеке табыс салығына (ЖТС) қатысты жаңалықтарды егжей-тегжейлі талдап берді. Азаматтар мамандарға өздерін толғандырған сұрақтарын қойып, толық әрі нақты жауап алды. Сондай-ақ кәсіпкерлердің ұсыныстары мен пікірлері тыңдалып, болашақта оларды ескеру қажеттілігі айтылды.Ашық есік күні тұрғындар үшін пайдалы алаңға айналып, жаңа Салық кодексінің басты өзгерістерін түсінуге мүмкіндік берді.Ақпарат көзі : https://www.gov.kz/memleket/entities/kgd-zhetysu/press/news/details/1059163?lang=kk

Астана және Вена, 2025 жылғы 29 тамыз Қазақстан Республикасының бастамасымен Біріккен Ұлттар Ұйымының Бас Ассамблеясы жариялаған Ядролық сынақтарға қарсы іс-қимылдың халықаралық күніне орай ядролық сынақтардан азат әлем құруға өзіміздің бейілдігімізді растаймыз және Ядролық сынақтарға жаппай тыйым салу туралы шарттың (ЯСЖТШ) күшіне енуіне қол жеткізудегі күш-жігерді күшейтуді жалғастырамыз.1991 жылғы 29 тамызда Қазақстанның Семей ядролық сынақ полигонын жабу жөніндегі шешімі айтарлықтай саяси серпін беріп, 1996 жылы ЯСЖТШ-ның қабылдануына әкелген жаһандық күш-жігерде шешуші рөл атқарды. Сол сәттен бастап Қазақстан Шартты және оны тексеру режимін дәйекті түрде қолдап келеді.Соңғы жылдары ЯСЖТШ-ны әмбебаптандыру бағытында айтарлықтай жетістіктерге қол жеткізілді. Бүгінгі күні Шартқа 187 мемлекет қол қойып, 178 ел ратификациялады. Біз барлық мүдделі тараптардың бірлескен күш-жігеріне сүйене отырып, оны әмбебаптандыру мен күшіне енгізу жолында жұмысымызды жалғастырып келеміз. Шарттың әрбір қосымша міндеттемесі ядролық сынақтарға қарсы белгіленген қуатты норманы нығайтуға қызмет етеді.ЯСЖТШ тексеру режимінің аяқталу мәселесінде жалғасудағы ілгерілеушілікті де құптаймыз. Қазіргі уақытта бүкіл әлем бойынша сертификатталған 307 нысаны (293 бақылау станциясы және 14 радионуклидті зертханалары) бар желі 90 пайыздан астам аяқталды. ЯСЖТШҰ Халықаралық бақылау жүйесі (ХБЖ) бейбітшілік пен қауіпсіздікке, сондай-ақ бейбіт ғылыми жобаларға ықпал ететін бірегей жаһандық актив болып келеді. Қазақстанның ЯСЖТШ тексеру режимін нығайтуға қосқан практикалық үлесі ХБЖ шеңберінде орналасқан бес станцияда айқын көрінеді.Сондай-ақ ЯСЖТШҰ жоспарлаған ең үлкен практикалық іс-шараны және Қазақстандағы IFE08 және Иорданиядағы IFE14-тен кейінгі белгілі бір тұрғыда үшінші жаттығу кезекті Кешенді далалық инспекциялық жаттығуларды (IFE26) ұйымдастыруды тағатсыздана күтеміз. Инспекция сол жерде Шарт күшіне енгеннен кейінгі тексеру режимінің маңызды құрамдас бөлігіне айналып, ядролық сынақ жарылысының болған/болмағанын түпкілікті растауды қамтамасыз етеді.Біз ядролық қаруды таратпау туралы шартқа (ЯҚТШ) сәйкес ядролық қаруды таратпау және қарусыздану режимінің жетекші тірегі ретіндегі ЯСЖТШ рөлін растаймыз. ЯСЖТШ біздің ядролық қару сынақтарынан азат әлемге ұмтылысымыздың тиімді әрі практикалық шарасы ретінде танылады. Қазақстан жаһандық ядролық қарусыздану мен таратпаудың дәйекті жақтаушысы ретінде 2024 жылы ЯҚТШ 11-ші Шолу конференциясына Дайындық комитетінің 2-ші отырысына және 2025 жылғы наурызда Ядролық қаруға тыйым салу туралы шартқа қатысушы мемлекеттердің 3-ші конференциясына табысты төрағалық етті.Біз бүгін барлық мемлекеттерді 2025 жылғы 3 қыркүйекте Нью-Йоркте Біріккен Ұлттар Ұйымының штаб-пәтерінде өтетін Халықаралық ядролық сынақтарға қарсы іс-қимыл күніне арналған Бас Ассамблеяның Жоғары деңгейдегі пленарлық отырысына қатысуға шақырамыз.Біз барлық мемлекеттерді ядролық сынақтарға қатысты қолданыстағы мораторийлерді қолдауға және, мүмкіндігінше, бекітуге шақырамыз. ЯСЖТШ-ға әлі қол қоймаған және/немесе ратификацияламаған мемлекеттерді Шартқа тездетіп қол қоюға және оны ратификациялауға шақырамыз. Біз Шарттың күшіне енуі үшін ратификациялары шешуші мәнге ие 2-қосымшада көрсетілген мемлекеттерді осы маңызды қадамды жасай отырып, ядролық қаруды таратпау мен қарусыздануға өз бейілділігін танытуға шақырамыз.Біз БҰҰ Бас Ассамблеясының Төрағасы мен Біріккен Ұлттар Ұйымы Бас хатшысының Халықаралық ядролық сынақтарға қарсы іс-қимыл күніне орай жолдауларын құптаймыз және барлық мүдделі тараптарды, оның ішінде дипломаттарды, ғылыми ортаны, бұқаралық ақпарат құралдарын және үкіметтік емес ұйымдарды ядролық сынақтарға байланысты апатты қатерлер туралы кеңінен құлақтандыруға шақырамыз.Бұл шешуші сәт. 2025 жылы біз бірқатар 80 жылдық маңызды оқиғаларды атап өтеміз: БҰҰ Жарғысының күшіне енуі, алғашқы ядролық сынақ, сондай-ақ Хиросима мен Нагасаки қалаларына жасалған ядролық шабуылдар. Біз өткеннен сабақ алып, бейбіт және қауіпсіз болашақты құру жолындағы ортақ ниетімізді қайта растауымыз қажет. Сонымен қатар біз келесі жылы ЯСЖТШ-ға қол қоюға ашылуының 30 жылдығын атап өтуді асыға күтеміз. Біз бәріміз Ядролық сынақтарға жаппай тыйым салу туралы шартты күшіне енгізу, ядролық сынақтардың міндетті түрде тұрақты әрі заңды жағдайда аяқталуын қамтамасыз ету және ядролық қарусыз болашаққа ұмтылу үшін қауымдаса отырып әрекет етуге тиіспіз.Ақпарат көзі : https://www.gov.kz/memleket/entities/mfa-muscat/press/news/details/1059178?lang=kk

Өскемен - бай тарихы, ғажайып табиғаты, қуатты өнеркәсіптік әлеуеті және еңбекқор, мейірімді адамдары бар қала. Бүгінгі таңда біздің қала қарқынды дамып, өзгеріп, барған сайын жайлы және заманауи болып келеді. Бұл жетістіктер-билік пен қала тұрғындарының бірлескен жұмысының, сіздердің күнделікті жұмыстарыңыздың, бастамаларыңыздың және бей-жай еместіктің нәтижесі.Осы мереке күні Өскеменнің дамуына қосқан үлестеріңіз үшін әрқайсыңызға шын жүректен алғысымды білдіргім келеді. Сіздерге зор денсаулық, бақыт, амандық және ертеңгі күнге сенімділік тілеймін. Әр үйде бейбітшілік, келісім және жайлылық орнасын!Өскемен қалалық мәслихатының төрағасы                                                                  А. СветашАқпарат көзі : https://www.gov.kz/memleket/entities/ukmaslihat/press/news/details/1059081?lang=kk

Құрметті әріптестер! Сіздерді Қазақстан Республикасы Конституциясы күнімен шын жүректен құттықтаймын!Бұл мереке біздің мемлекетіміздің егемендігі мен тәуелсіздігінің, тұрақты дамуы мен кемелденуінің негізі болып табылады. Ата Заңымыз қабылданған сәттен бастап, Қазақстан өзінің демократиялық, құқықтық және әлеуметтік мемлекет ретіндегі бағытын нығайтып келеді. Конституция әрбір азаматтың құқықтары мен бостандықтарының кепілі бола отырып, біздің қоғамымыздағы бейбітшілік пен келісімнің берік іргетасын қалады.Осы айтулы мерекеде баршаңызға зор денсаулық, отбасыларыңызға бақыт, жұмыстарыңызға толағай табыстар тілеймін! Егемен еліміздің өркендеуі жолындағы еңбектеріңіз жана берсін!   Құрметпен, У. Умирзаков    Жетісу облысы бойынша МКД басшысы  Ақпарат көзі : https://www.gov.kz/memleket/entities/kgd-zhetysu/press/news/details/1059088?lang=kk