Елордада жастарды жұмыспен қамтуға жәрдемдесу және оларды тұрақты жұмыспен қамту бойынша белсенді жұмыс жүргізіліп жатыр, деп хабарлайды Астана әкімдігінің ресми сайты.Астана қалалық Жастар саясаты мәселелері басқармасының мәліметінше, елордадағы жастардың жалпы саны 455 мың адамды құрайды.Қалада Еңбек мобильділігі орталығымен бірлесіп, «Жастар тәжірибесі», «Қоғамдық жұмыс», «Алғашқы жұмыс орны» және т.б. бірнеше бағдарлама жүзеге асырылуда. 2024 жылы жұмыспен қамту шараларымен барлығы 13 мыңнан астам жас қамтылды. Атап айтсақ, 4691 адам тұрақты жұмысқа орналасты, 125 әлеуметтік жұмыс орны ашылды, «Жастар тәжірибесі» бағдарламасы бойынша 1220 орын берілді, 1602 адам қоғамдық жұмысқа араласты, 322 адам алғашқы жұмысқа орналасты, 5 адам «Ұстаздық келісімшарт» бағдарламасы бойынша, 83 адам кәсіптік оқуға, 3227 адам кәсіптік оқуға, 3227 адам электронды еңбек және 504 адам электронды кәсіптік білім алды.Жұмыспен қамтуды қолдау мақсатында кәсіпкерлік негіздерін оқытуға бағытталған «Bastau Business» жобасы жүзеге асырылуда. 2024 жылы 44 грант бөлінді.Сондай-ақ «ENBEK электронды еңбек биржасы» порталы жұмыс істейді, онда жастар қалада да, республика бойынша да жұмыс таба алады, сондай-ақ бизнеске несие алуға өтініш бере алады.Мектеп, студент және жұмыссыз жастарды маусымдық жұмысқа орналастыруға бағытталған «Жасыл ел» жобасы жыл сайын жүзеге асырылады. 2024 жылы осы бағдарлама бойынша 4200 мектеп оқушысы мен студенттер, оның ішінде халықтың әлеуметтік осал топтары өкілдері жұмысқа орналастырылды. 2025 жылы тағы 4200 жасты жұмыспен қамту жоспарланып отыр.Жұмыссыздарды, оның ішінде жекелеген санаттағы жастарды жұмысқа орналастыру мүмкіндіктерін кеңейту мақсатында 2024 жылы Астанада 41 бос орындар жәрмеңкесі өткізілді.2023 жылдың тамыз айынан бастап елордада NEET санатындағы жұмыссыз, өзін-өзі жұмыспен қамтыған жастарға баса назар аудара отырып, халықты жұмыспен қамтуға және кәсіби біліктілігін арттыруға бағытталған Joltap жобасы жұмыс істейді. 2024 жылы 19,5 мың азамат 52 мемлекеттік қолдау шаралары және жұмысқа орналасу мүмкіндіктері бойынша кеңес алып, қысқа мерзімді оқуға жазылды.Мәселен, өткен жылы 6,9 мың қала тұрғыны жұмысшы және цифрлық мамандықтар бойынша тәжірибелік дағдыларды меңгеріп, 4000 адам жұмысқа орналасты немесе өз кәсіптерін ашты. 3 773 адам 7 цифрлық мамандық бойынша (SMM, таргетинг, контент жасаушы, графикалық дизайн, видеомонтаж, веб-дизайн және веб-сайттарды әзірлеу, негізгі цифрлық дағдылар) оқытылды.3904 адам 10 жұмысшы мамандық бойынша оқытылды (тігінші, бариста, сатушы, сәнгер, электр және газбен дәнекерлеуші, бухгалтерлік есеп негіздері, аяқ киім жөндеу және кілт жасау, шкаф жиһазын жасау негіздері, дөңгелектерді ауыстыру бойынша автомаман, Kaspi желісінде сауда негіздері).NEET санатындағы оқымайтын, жұмыс істемейтін немесе кәсіптік оқыту курстарына қатыспайтын жастардың санын азайту бойынша жұмыстар жүргізілуде. Елордада жастардың NEET санаты 6,1% немесе 26 мың адамды құрайды. Осы санаттағы жастардың еңбек нарығына көшуіне көмектесу үшін «Астана жастары» КМК жастарды жұмысқа орналастыру, әлеуметтендіру және жан-жақты қолдау көрсетуге бағытталған жобаларды іске асырып жатыр.Елордада 2019 жылы басталған «Жұмыс істейтін жастарға сатып алу құқығынсыз жалға берілетін баспана» бағдарламасы жүзеге асырылуда, ол жастарға жеке баспана алуға көмектесу мақсатында. Бағдарлама аясында әкімдік 3220 пәтерді жалға берді.«Елорда жастары» бағдарламасы бойынша жастарға жылдық 5 пайызбен, несие сомасы 18 миллион теңгеге дейін, бастапқы жарна 10 пайыз, несие мерзімі 19 жылға дейін жеңілдетілген несие береді. Бұл бағдарлама аясында жастар баспананы бастапқы нарықтан да, қайталама нарықтан да сатып ала алады.Ақпарат көзі : https://www.gov.kz/memleket/entities/astana/press/news/details/947361

Астана қаласының әкімі Жеңіс Қасымбек Instagram парақшасында биыл ашылатын студенттік жатақханалар туралы жазды, деп хабарлайды елорда әкімдігінің ресми сайты.«Қаладағы инфрақұрылымдық және әлеуметтік нысандарды жүйелі деңгейде салуды жалғастырамыз. Олар – тіршілікті қамтамасыз ету жүйелерінің, білім беру, медицина, спорт және т.б. нысандары. Өздеріңіз білетіндей, өзге қалалардан келетін студенттер саны жыл сайын артып келеді. Жауапты министрлікпен, университеттермен, инвесторлармен бірлесіп, жатақханалардағы орын санын ұлғайту бойынша жұмыс істейміз.Мәселен, былтыр 4 мың 200 орынға арналған 7 студенттік жатақхана салынып, пайдалануға берілді. Олар – Л.Н. Гумилев атындағы ЕҰУ, «Тұран Астана» университеті, Медицина университеті, Astana IT university студенттеріне және т.б. арналған жатақханалар.Биыл тағы 8 жатақхананы пайдалануға беру жоспарланып отыр. Олар қосымша 3,5 мың орын ашуға мүмкіндік береді. Сонымен қатар, жоғары оқу орындарына оқу ғимараттарын салу үшін жер учаскелері бөлінді, онда студенттік жатақханалардың құрылысы да қарастырылған.2023 жылдан бастап студенттік жатақханалар салу бойынша жобалық кеңсе жұмыс істейді. Фронт-офистің негізгі міндеті – жатақханалар салу бойынша мемлекеттік бағдарламаны жүзеге асыру үшін қолайлы жағдайлар жасау және студенттерді баспанамен қамтамасыз ету, сол сияқты ЖОО-лар мен әлеуетті инвесторларға заңгерлік, консультациялық және сараптамалық қолдау көрсету», - деп жазды Жеңіс Қасымбек.Ақпарат көзі : https://www.gov.kz/memleket/entities/astana/press/news/details/947504

Ұйғыр ауданда ұйымдастырылған пресс-тур барысында журналистер «М.Илхам» мал бордақылау алаңының жұмысымен танысты. Қазір мұнда 100-ге жуық ірі қара мал басы бар. Мүйізділердің барлығы ангус тұқымды. Жылына 600 бас мал бордақыланып, ет өндіруші компанияға жөнелтіледі. Сонымен қатар шаруашылық басшысы сиырлардың санын көбейту жоспарланып отырғанын айтты. «Шаруашылықтың негізі 2001 жылы қаланған. Кейіннен «ҚазАгроҚаржы» АҚ-дан лизингке техника алдық. Қазір 4 жұмысшы, 7 техникамыз бар. Алдағы уақытта аналық малды көбейтуді жоспарлап отырмыз. Содан кейін мемлекеттен субсидия алуға мүмкіндік ашылады. Ангус тұқымды малды басқа ауданнан сатып алғанша, осы амалды жүзеге асырсақ деп отырмыз», - дейді Марс Идрисов. Айта кетерлігі, қожалық мал асын да өздері дайындайды. Мұнда өсірілетін дақылдар арасында жоңышқа басты орын алады, жыл сайын оның 200 тоннасы жиналадыАқпарат көзі : https://www.gov.kz/memleket/entities/almobl/press/news/details/946940

Қазақстанның туристік саласын дамыту жөніндегі мемлекет басшысының тапсырмасы аясында «Бурабай даму» компаниясы «Burabay Travel» мобильді қосымшасын іске қосады. Жаңа цифрлық қызмет Бурабайға сапарларды жоспарлауды оңайлататын болады: ол саяхатшыларға қонақ үйлер, мейрамханалар мен ойын-сауық орындарын табуға көмектеседі, сонымен қатар демалысты ыңғайлы әрі толыққанды етеді.25 ақпанда Бурабай курортының туристік бизнес өкілдерімен кездесу өтті. Ашық диалог барысында қатысушылар «Burabay Travel» қосымшасының жергілікті туризмді дамытуға мүмкіндіктерін талқылады. Бизнес өкілдері саланың цифрландыруының маңыздылығын атап өтіп, қосымшаны өз қызметтерін насихаттау үшін пайдалануға қызығушылық білдірді.«Burabay Travel» қосымшасы туризм нарығын ашық әрі қолжетімді ететін болады. Туристер қонақ үйлерді брондап, гидтерді табып, экскурсиялар мен іс-шаралардың кестесін нақты уақыт режимінде біле алады, сонымен қатар көрікті жерлер белгіленген картаны пайдалана алады. Жергілікті бизнес үшін бұл өз қызметтерін насихаттап, тұтынушыларды тартудың ыңғайлы құралы болмақ, соның ішінде маусымаралық кезеңде.Қосымшаның мақсатты аудиториясы – жеке саяхатшылар, балаларымен отбасылар, корпоративтік клиенттер және Бурабай курортында демалуды жоспарлап жүрген барлық адам. «Burabay Travel» арқылы олар алдын ала орналасу, ойын-сауық және қызмет түрлерін таңдап, сапарды мүмкіндігінше ыңғайлы етеді.«Burabay Travel арқылы Бурабайда демалысты жоспарлау әлдеқайда оңай болады. Туристер үшін қолайлылық және жергілікті бизнеске қолдау көрсету – курортты дамытуға бағытталған қадам. Жаңартуларды қадағалап, Бурабайды жаңаша ашыңыз!» - дейді «Бурабай даму» ЖШС Цифрландыру бөлімі басшысы Тайжанов Гизат Валиханович.Burabay Travel қосымшасы 2025 жылдың 15 наурызынан бастап барлық танымал мобильді платформаларда (iOS және Android) тегін жүктеп алуға қолжетімді болады. Қазірдің өзінде қызметтің тестілік нұсқасын сынап көруге болады.Ақпарат көзі : https://www.gov.kz/memleket/entities/aqmola/press/news/details/946542

Медеу ауданының тұрғындарымен кездесу барысында Алматы әкімі Ерболат Досаев жол және көлік инфрақұрылымын дамыту жұмыстары туралы айтып берді.Қала басшысы 2024 жылы ұзындығы 23 км 26 көше орташа жөндеумен қамтылғанын хабарлады. биыл 25 көшеде тағы 23,7 км жолға орташа жөндеу жұмыстары жоспарланған.Медеу ауданында көше-жол желісінің сапасын арттыру үшін өткен жылы 64 мың шаршы метр жол жабыны қалпына келтірілді, 30 көшеде 14,3 км тротуар және 10 км арық желілері салынды. Ағымдағы жылы 73 мың шаршы метр жол жабынын жөндеуді, 9 көшеде 36 шақырымнан астам жаңа тротуарлар салуды және 18 көшеде 5 шақырымға жуық арық желілерін салуды қоса алғанда, бірқатар қосымша жұмыстарды орындау жоспарлануда.Кездесу барысында Алматы әкімі ауданда қоғамдық көлік қызметтерінің сапасын арттыру бойынша жүргізіліп жатқан жұмыстар туралы да хабардар етті. 2024 жылы жылжымалы құрам 300 бірлікке 1569 автобусқа дейін ұлғайтылды, бұл 8 жаңа маршрутты ұйымдастыруға, 42 қолданыстағы маршрутты жаңартуға және нығайтуға мүмкіндік берді. 2025 жылғы мамырда жылжымалы құрам 13 маршрутта тағы 44 автобусқа ұлғайтылатын болады.Жалпы Алматыда 2025 жылы қоғамдық көліктің қолжетімділігін арттыру және дамыту мақсатында қала аудандары бойынша одан әрі бөле отырып, тағы 800 жаңа автобус сатып алу жоспарлануда.Ақпарат көзі : https://www.gov.kz/memleket/entities/almaty/press/news/details/947461

Алматыдағы Медеу ауданының өткен жылғы әлеуметтік-экономикалық даму қорытындылары оң серпінді көрсетіп отыр. Бұл туралы мегаполис әкімі Ерболат Досаев аудан тұрғындарымен кездесу барысында мәлімдеді.Қала басшысының айтуынша, жұмыс істеп тұрған бизнес субъектілерінің саны 5,2% - ға артып, 46,2 мыңға жетті. Бөлшек сауда көлемі 5% - ға өсіп, 1,4 трлн теңгені құрады, ал құрылыс саласы 38,7% - ға өсіп, 101 млрд теңгеге жетті.Туризм саласы да белсенді дамып келеді. 2024 жылдың 9 айында Медеу ауданына 430 мыңнан астам турист келді, оның ішінде 99 290 шетелдік қонақ. Бұл 2023 жылдың сәйкес кезеңімен салыстырғанда 6% - ға көп, шетелдік туристер саны 10% - ға өсті.Бұл көрсеткіштер Медеу ауданында салық түсімдерін 18,7% - ға, 443,1 млрд теңгеге дейін ұлғайтуға, сондай-ақ 8 мың жаңа тұрақты жұмыс орнын құруға ықпал етті.Белсенді экономикалық дамудың арқасында аудан бюджеті 2024 жылы 32% - ға ұлғайып, 36,1 млрд теңгеге жетті, ал 2025 жылы тағы 6,4% - ға өсіп, 38,4 млрд теңгені құрады.Қала және аудан әкімдіктері жұмыстарының негізгі бағыттары инженерлік және әлеуметтік инфрақұрылымды одан әрі жаңғырту, сондай-ақ жайлы қалалық ортаны белсенді дамыту болады.Ақпарат көзі : https://www.gov.kz/memleket/entities/almaty/press/news/details/947495

        Бүгін Ауыл шаруашылығы министрі Айдарбек Сапаровтың төрағалығымен ҚР АШМ кеңейтілген алқа отырысы өтті. Оған Парламент Мәжілісінің депутаттары, Президент Әкімшілігінің, Үкімет Аппаратының, мемлекеттік органдардың өкілдері, облыс әкімдерінің орынбасарлары, ҮЕҰ, бизнес, облыстық ауыл шаруашылығы және ветеринария басқармалары, барлығы 300 адам қатысты.         Ведомствоның 2024 жылғы жұмысының қорытындысы шығарылып, 2025 жылға арналған негізгі міндеттер айқындалды.Айдарбек Сапаров 2024 жыл ауыл шаруашылығы үшін соңғы 10 жылда рекордтық жыл болғанын атап өтті: саланың жалпы өнімінің көлемі 13,7% - ға артып, 8,3 трлн теңгеге жетті.         Бұған ықпал еткен негізгі факторлардың бірі-жеңілдетілген несиелердің қолжетімділігін арттыру, оларды беру тетіктерін жеңілдету, шаруалардың заманауи агротехнологияларды белсенді енгізуге, өндірістің тиімділігі мен өнімнің бәсекеге қабілеттілігін арттыруға мүмкіндік берді.         "Бұл шара Мемлекет басшысының тікелей субсидиялаудан фермерлерді жеңілдетілген несиелендіруге кезең-кезеңімен көшу туралы тапсырмасын орындаудағы алғашқы қадам болды. Биылғы жылы қарқынын төмендетпеу маңызды. Егіс жұмыстарын жеңілдетілген қаржыландыру көлемі 700 млрд теңгеге дейін ұлғайтылады, жеңілдетілген лизингке қосымша 200 млрд теңге қарастырылады", - деп атап өтті министр.         Вице-министр Азат Сұлтанов аграрлық секторды дамыту қорытындылары, Мемлекет басшысының су үнемдеу технологияларын қолдана отырып, суармалы жерлер алаңын ұлғайту, ауыл шаруашылығы техникасының машина-трактор паркін жаңарту жөніндегі тапсырмаларын орындау бойынша қабылданып жатқан шаралар туралы баяндады.         Ол НКИ-нің 13,7%-ға өсуі өсімдік шаруашылығындағы жоғары нәтижелер есебінен қамтамасыз етілгенін атап өтті. Жалпы өнімді ұлғайту бойынша жоспарлы индикаторларды Қарағанды, Павлодар, Шығыс Қазақстан облыстары, Абай және Жетісу облыстары орындады. Қалған өңірлер жоспарлы көрсеткіштерге қол жеткізген жоқ.         2024 жылы АӨК субъектілерін ұзақ мерзімді мемлекеттік қолдаудың жаңа тәсілдері енгізілді.         Ауыл шаруашылығы дақылдарының селекциясы мен тұқым шаруашылығын дамытудың 2028 жылға дейінгі Кешенді жоспары бекітілді. Шаруалар 1,3 млн тонна минералды тыңайтқыштар енгізді, бұл 2023 жылғы деңгейден 2 есеге артық, суарудың су үнемдеу технологияларын қолдана отырып, суармалы жерлердің ауданы 5 есеге ұлғайды.        Отандық өндірістің ауыл шаруашылығы техникасының жеңілдікті лизингі шеңберінде 2024 жылы фермерлер 22,1 мың техника сатып алды, бұл 2023 жылмен салыстырғанда 2,5 мың бірлікке артық.        Ауыл шаруашылығының жалпы өнімінің көлемін 2 есеге ұлғайту бойынша Жол картасын іске асыру бойынша бірқатар нақты шаралар қабылданды. Алайда өңірлерде 80%-ға дейінгі көрсеткіштерді орындаумен әлсіз жұмыс байқалады.       "Жол картасы-әрбір өңір үшін саланы дамытудың басым бағыттарын айқындайтын негізгі құжат.         Сондықтан облыс әкімдерінің барлық орынбасарлары 2025 жылы жеткізілген жоспарлардың толық орындалуын қамтамасыз етуі қажет, бұл бірінші кезекте егіс алқаптарын әртараптандыруға қатысты, көктемгі егіс жұмыстарын оңтайлы мерзімде жүргізу үшін барлық кешенді шараларды қабылдауы қажет. Бұл мәселелер ерекше бақылауда", - деп атап өтті министр.         Саланы дамытудың 2025 жылға арналған міндеттерінің қатарында - көктемгі егіс және егін жинау жұмыстарын уақтылы және сапалы жүргізу, егіс алқаптарының құрылымын нақты әртараптандыру. Минералды тыңайтқыштарды енгізу деңгейін 1,9 млн. тоннаға дейін жеткізу, техниканы 6,5% - ға дейін жаңарту жоспарлануда.         "Үкімет экономиканың 7%-ға өсуін қамтамасыз ету бойынша міндет қойды, олардың басым қаржыландыруымен қосылған құны анағұрлым жоғары салаларды дамытуға баса назар аударылды. Азық-түлік өндірісінің өсуі 4,5% деңгейінде қамтамасыз етілуі тиіс. Саладағы еңбек өнімділігін арттыруға, АӨК-дегі қайта өңдеу үлесін 50%-ға дейін ұлғайтуды қамтамасыз етуге және ауыл шаруашылығының жалпы өнімінің көлемін 9,0 трлн. теңгеге дейін жеткізуге мүмкіндік беретін бірқатар нақты шаралар қабылданатын болады" -деді вице-министр.Ақпарат көзі : https://www.gov.kz/memleket/entities/moa/press/news/details/947121

Абай облысының әкімі Берік Уәли облыстық мәслихат депутаттарымен кездесті. Кездесу барысында өңірдегі өзекті мәселелер талқыланып, аймақтың дамуына қатысты ұсыныс-пікірлер ортаға салынды.Кездесуде сөз алған облыс әкімі алда ауқымды міндет тұрғанын, межеленген жоба-жоспарлар көп екенін, бұл ретте мәслихат пен жергілікті биліктің қоян-қолтық жұмыс істеуінің маңызы зор екенін атап өтті. «Шәкәрім атамыздың «Адамдық борышың – халқыңа қызмет қыл» деген терең мағыналы сөзі әрбіріміздің азаматтық ұстанымымызға айналуы тиіс. Бүгінгі таңда өңіріміз үшін жауапкершілік жүгі зор. «Жұмыла көтерген жүк жеңіл» демекші, облысымыздың тұрақты дамуын қамтамасыз ету – ортақ парыз. Қазақ руханиятының алтын бесігі саналған, еліміздің тарихи орталығына айналған қасиетті Семейдің өсіп-өркендеуіне бәріміз бірлесе үлес қосуымыз қажет» деді аймақ басшысы.Облыс әкімі өңірде бұған дейін басталған жұмыстың барлығы жалғасатынын, әсіресе ауыл шаруашылығы, өндіріс, туризм, көлік-логистика салаларына, инвестиция тартуға, инфрақұрылымдық жобаларға ерекше көңіл бөлінетінін жеткізді. Аймақтың туристік әлеуетін көтеру үшін алдағы уақытта Туризм басқармасы құрылады. Облыстың логистикалық мүмкіндігін арттыру үшін айналма жолдарды салуға басымдық беріліп, «Бәйтерек» ұлттық басқарушы холдингі, басқа да құрылымдар арқылы қаржы тартуға ден қойылатынын айтты. Депутаттар өңірдің ауыл шаруашылығын көтеруге, шағын қалаларды дамытуға, облыс орталығындағы көшелерді абаттандыруға, Семей сынақ полигонының зардаптарын жоюға, ауылдарға медициналық мамандарды тартуға қатысты ұсыныс-пікірлерін ортаға салды. Облыс әкімі кездесудегі ұсыныс-пікірлер ескеріліп, қазір әзірленіп жатқан өңірдің арнайы кешенді бағдарламасына енгізілетінін атап өтті. «Өздеріңізбен бірлесіп қолға алатын жұмыс көп. Қазір шет елдік, отандық инвесторларды шақырып, күнделікті қабылдап жатырмын. Семейге бес жұлдызды қонақүй салу бойынша келіссөз жүргізіп жатырмыз. Алғашқы келісім бар. Депутаттардың арасында кәсіпкерлердің де бар екенін жақсы білемін. Сіздерді Семей қаласының гүлденуіне, көркеюіне атсалысуға шақырамын. Бизнестің әлеуметтік жауапкершілігі аясында туған жерді түлетуге үлес қосыңыздар. Облысымызды бірлесе өркендетейік» деді облыс әкімі.Ақпарат көзі : https://www.gov.kz/memleket/entities/abay/press/news/details/946701

Шымкент қаласында Ауыл шаруашылығы министрлігі мен қала әкімдігінің ұйымдастыруымен агроөнеркәсіптік кешен нысандарына пресс-тур өтті.БАҚ өкілдері аграрлық сектордағы кәсіпорындарды аралап, инновацияларды енгізу, мемлекеттік қолдау шараларын пайдалану нәтижелерімен танысты. «Izmir Trade» ЖШСКомпания ауыл шаруашылығы өнімдерін өндіруде заманауи технологияларды қолданады. Зауыт тәулігіне 3,5 тонна сүт өнімін, жылына 600 тонна ірімшік шығарады. Өнімдер Шымкент, Алматы, Астана, Тараз және Қызылорда қалаларына жеткізіледі. Кәсіпорын мемлекеттік қолдау шараларын белсенді пайдаланады. «BIO Food KZ» ЖШСКомпания экологиялық таза азық-түлік өнімдерін өндіруге маманданған. Кәсіпорын басшылығы экологиялық өнімдер нарығын дамыту стратегиясын таныстырып, өнімдерінің артықшылықтарын көрсетті. Өндіріс қуаттылығы: тәулігіне 25 тонна Өнімдер: сүзбе, ірімшік, чечил, сары май Нарық: Қазақстан өңірлері «IGM Corporation» ЖШС өнеркәсіптік жылыжай кешені 2022 жылдан бері жұмыс істеп келеді. Жоба қуаттылығы: жылына 1000 тонна (қияр мен қызанақ) «Аймар Құс» ЖШСКәсіпорын құс шаруашылығы және жұмыртқа өндірісімен айналысады. Пресс-тур қатысушылары құс өсіру технологияларымен, ветеринарлық бақылау шараларымен және өнім сапасын қамтамасыз ету процестерімен танысты. Жоба қуаттылығы: жылына 72 млн жұмыртқа Ақпарат көзі : https://www.gov.kz/memleket/entities/moa/press/news/details/946567

Almaty Tourism Bureau Mastercard-пен бірлесіп, қалаға келетін саяхатшының жүріп өткен жолын егжей-тегжей талдап, Алматыдағы турист ағынына зерттеу жүргізді. Талдау саяхаттың негізгі кезеңдерін қамтиды – жоспарлау, брондау, орналасу мен демалыс.Tourism Insights (Mastercard) деректеріне сәйкес, Алматы Орталық Азия бойынша туристік іздеу сұраныстарының 29,7%-ын иеленіп, Қазақстанның басты туристік орталығы болып қала береді, бұл алдыңғы көрсеткіштен 2 пайыз жоғары. Өсімді әуе рейстерінің көбеюінен байқауға болады: Алматыға рейстер саны дәстүрлі әуе компанияларында (+24,7%) және лоукостерлерде (+44,5%) артты. Қайта келушілердің үлесі 78,6%-ға өсіп, 25%-ға жетті, ал әсіресе ірі шаралардың алдында билеттерді ертерек, 40 күн бұрын іздеу уақыты 24%-ға артты.Алматыға рейс брондайтын жолаушылар саны 1,5 есе өсе, бұл қолжетімді рейстердің көбеюімен байланысты. Алдыңғы қатардағы 10 елдің ішінде Қытай ерекше көзге түседі – 2024 жылдың бірінші жартыжылдығында бұл елден брондаулар саны 6 есеге артып, 25,2 мың билетке жетті. Ең көп брондау Түркиядан жасалған, бұл Қазақстанмен іскерлік байланыстардың тығыздығына қатысты.Алматыға келетін туристер белсенді демалысты жөн көреді: 54% табиғат аясындағы турлар мен экскурсияларды, 44% джип-турларды таңдайды. Гастрономия, шопинг және ойын-сауық жоғары бағаланып жүр, 70%-ы оң пікір білдірген. Отбасылық туризмге қатысты жағымды пікірлер үлесі 12 пайызға өсті. Іскерлік шығындар белсенділік, инвестициялар және халықаралық форумдардың көбеюіне байланысты үш есеге артты.Almaty Tourism Bureau Алматының туристік хабқа айналу жоспары осылайша жүзеге асып жатқанын атап өтті. Қаланың әуежайы арқылы транзит жолаушылар санының артуы оның халықаралық бағыттардағы рөлінің өсіп келе жатқанын дәлелдейді. Зерттеу Алматы демалыс пен іскерлік сапарлар үшін танымал бағыт болып қала беретінін, ал қаланың туристік секторы қарқынды дамып жатқанын көрсетті.Толық есеп мына сілтемеде.Ақпарат көзі : https://www.gov.kz/memleket/entities/almaty/press/news/details/946425

Астана қаласының №49 мектеп-гимназиясының 8-сынып оқушысы Сұлтан Ибраһим ерекше және инновациялық жоба ұсынып, ғылыми шығармашылығы мен техникаға деген қызығушылығын тағы бір рет дәлелдеді. Ол ұялы телефонды күн сәулесімен қуаттайтын құрылғы ойлап тапты, деп хабарлайды елорда әкімдігінің ресми сайты.Жобаның мақсаты – экологияны сақтау және энергетикалық ресурстарды үнемдеу. Сұлтанның бұл құрылғысы күн энергиясын электр энергиясына айналдырып, ұялы телефондарды қуаттауға мүмкіндік береді. Құрылғының жұмысы күн сәулесін сіңіріп, арнайы панель арқылы электр энергиясын түрлендіреді, бұл энергия ұялы телефонды зарядтауға жеткілікті болады.Сұлтан Ибраһимнің бұл бастамасы тек ғылыми жетістік қана емес, сонымен қатар экологиялық таза технологияның дамуына бағытталған маңызды қадам болып саналады. Қазіргі уақытта күн энергиясы – әлемдегі ең таза және жаңартылатын энергия көздерінің бірі. Сондықтан да мұндай құрылғылар экологиялық мәселелерді шешуге және энергия тұтынудың тиімді әдістерін дамытуға ықпал етеді.Ақпарат көзі : https://www.gov.kz/memleket/entities/astana/press/news/details/945887

Астанадағы №93 мектеп-лицейінде әлеуметтік жас педагогтарға арналған семинар-практикум өтті, деп хабарлады елорда әкімдігінің ресми сайты.Оған 50-ге жуық жас әлеуметтік педагог пен аттестациядан өтетін педагог қатысты.«Іс-шара барысында осы салада көпжылдық тәжірибесі бар мамандар психологиялық қолдау орталығының бағыттары мен міндеттері, дағдарыс жағдайларында балаларды психологиялық-педагогикалық сүйемелдеу, білім алушылардың әлеуметтік жағдайын тексеру қағазының толтырылуы, әлеуметтік педагогтерді аттестаттау жайлы айтылады, сондай-ақ нақты кейстермен жұмыс жүргізіледі. Одан бөлек қазір оқушылар арасында кездесетін проблемаларды талқылаймыз», - деді Астана қаласы әкімдігінің Психологиялық қолдау орталығының әдіскері Гүлдана Бекетаева.Семинардың мақсаты – жас маманның кәсіби өсуі мен дамуына ықпал ету және әдістемелік қолдау көрсету. Сонымен қоса педагогтердің кәсіби біліктілігін арттыру, әлеуметтік-педагогикалық қызметтің өзекті мәселелерін талқылау.Жиынға қатысушылар спикерлерге сауалдарын қойып, жауаптарын алды.Ақпарат көзі : https://www.gov.kz/memleket/entities/astana/press/news/details/945976

  2025 жылғы 26 ақпанда Астана қаласы ТЖД «Құтқарушы» спорт кешенінде ҚР ТЖМ «Астана-2025» өрт сөндіру-құтқару спорты бойынша ерлер арасындағы ХХХІІI, әйелдер арасындағы ХI, жасөспірім ұлдар арасындағы Х қысқы чемпионаттарының ашылуы өтті. Жеңіске жету мақсатында Қазақстанның түкпір-түкпірінен 400-ден астам спортшы келді.  Салтанатты түрде қатысушыларды Қазақстан Республикасы Төтенше жағдайлар вице-министрі Рамиль Камалов, «Қазақстандық өрт сөндірушілер мен құтқарушылардың спорттық федерациясы» ҚБ атқарушы директоры Дәурен Данаев, Астана қаласы ТЖД басшылығы және спорт ардагерлері құттықтады. Ашылу салтанаты нағыз мерекелік атмосфераны қалыптастырды. Қатысушылар бұл шараның маңыздылығын атап өтіп, барлық қатысушыларға сәттілік тіледі.  «Бұл спорттық іс-шара ғана емес, сонымен қатар біздің өрт сөндірушілер мен құтқарушыларымыздың батылдығы, рухы мен кәсібилігінің көрінісі. Жыл сайын өрт-құтқару спортын дамытуда жаңа көкжиектер ашылуда. Біздің спортшылар үшін жарыстар жетілдіру жолындағы маңызды кезеңге айналуда. Болашақ жеңімпаздар шеберліктің жоғары деңгейін көрсетеді және осы қиындықтарға толы, бірақ игі мамандықты таңдағандардың барлығына үлгі болады», - деп вице-министр Рамиль Камалов атап өтті.  Бірінші күні спортшылар оқу мұнарасының 2, 3, 4 қабатына шабуыл сатысымен көтерілуде жарысады.  Бұл өрт сөндіру-құтқару спортының ең керемет түрлерінің бірі және үнемі жоғары бәсекелестікте өтеді. Әр спортшы мәре сызығында қымбат миллисекундтар үшін күреседі. Ертең жарыс жүз метрлік кедергілері бар жолақты өту бойынша жалғасады.Ақпарат көзі : https://www.gov.kz/memleket/entities/emer/press/news/details/946139

    ADAM компаниялар тобы 2024 жылы "SU BEREKE" брендімен айналмалы типтегі алғашқы отандық спринклер өндірісін іске қосты. Жоба суару мәселесін және қол жетімді техниканың жетіспеушілігін шешуге бағытталған: жаңбырлатқыштар суды егістіктерге біркелкі таратуға мүмкіндік береді, оның шығынын 30-40% - ға азайтады.2024 жылы СТ-KZ сертификаты және ЕАЭО сәйкестік сертификаты алынды. 30 машина шығарылды, оның 7-і Шығыс Қазақстан облысының егістіктерінде жиналды.       Биыл ADAM компаниясы машиналардың жаппай өндірісін жолға қоюды жоспарлап отыр. Бірінші тоқсанда Шығыс Қазақстан облысының аумағында "SU BEREKE" маркалы жаңбырлату машиналарын шығаратын екінші зауыт іске қосылады.       Жаңа зауыттың өндірістік қуаты жылына 1000 шашыратқыш машинаны құрайды.           Осылайша, бұл жоба шетелдік техника өндірушілеріне тәуелділікті азайтуға мүмкіндік береді, кепілдік және сервистік қызмет көрсету қарастырылған.         Өнімдер Орталық Азия мен ТМД нарықтарына да бағдарланатын болады.Ақпарат көзі : https://www.gov.kz/memleket/entities/moa/press/news/details/945996

«БЖЗҚ» АҚ (БЖЗҚ, Қор) халықпен қарым-қатынас деңгейін жақсарту мақсатында заманауи технологиялар мен сандық шешімдерді көптеп енгізуде.  2025 жылдың қаңтар айында халыққа шамамен 10,6 млн қызмет көрсетілді. Жыл басынан бері көрсетілген қызметтердің жалпы санынан 2,3 млн астамы электрондық форматта, 8,1 млн. қызмет автоматты түрде көрсетілген. Осылайша, автоматты, электрондық және қашықтан көрсетілген қызметтердің үлесі жалпы көрсетілген қызметтер санының 99,1% тең болды. Күндізгі форматта шамамен 98,0 мың қызмет көрсетіліп, оның ішінде тікелей Қордың кеңселерінде 95,4 мың қызмет жүзеге асырылған.Естеріңізге сала кетейік, барлық зейнетақы шоттары БЖЗҚ-ға бірінші жарна түскен кезде автоматты түрде ашылады. Сондай-ақ, "Ұлттық қор ­— балаларға" бағдарламасының қатысушыларына нысаналы талаптар мен нысаналы жинақтар да автоматты түрде есептеледі.Есепті кезең ішінде шартты зейнетақы шоттарын (жұмыс берушінің ЖМЗЖ аударуы нәтижесінде ашылатын ШЗШ) және нысаналы жинақтау шоттарын ("Ұлттық қор ­— балаларға" бағдарламасы аясында ашылатын НЖШ) қоса алғанда, зейнетақы жарналарының барлық түрлері бойынша автоматты режимде ашылған жеке зейнетақы шоттарының (ЖЗШ) жалпы саны 404,5 жетті.  Жеке зейнетақы шотынан, шартты зейнетақы шотынан (ШЗШ), сондай-ақ нысаналы жинақтау шотынан (НЖШ) үзінді көшірме алу бұрынғысынша ең танымал қызмет санатында. Жыл басынан бері ЖЗШ, ШЗШ, НЖШ-дан шамамен 2,8 млн үзінді көшірме берілді. Оның 2,1 млн астамы - электрондық, ал 605,5 мыңнан астамы автоматты түрде рәсімделді.Салымшылардың (алушылардың) Қор сайтындағы және ұялы қосымшасындағы Жеке кабинеттен үзінді көшірме алудан басқа өз деректемелеріне өзгерістер мен толықтырулар енгізу, шотының бар екендігі туралы анықтама алу, 1 немесе 2 топтағы мүгедектіктің мерзімсіз уақытқа белгіленуіне байланысты немесе ерікті зейнетақы жарналары бойынша зейнетақы төлемдерін тағайындау туралы өтініш беру сияқты қызметтерді пайдалануға мүмкіндіктері бар. Сондай-ақ, зейнетақы жарналарын төлеу туралы өтініштің мәртебесін қадағалау, инвестициялық портфельді басқарушыға (ИПБ) жинақтардың бір бөлігін аудару, зейнетақы калькуляторының көмегімен болашақ зейнетақыны болжамды есептеу және т.б. қызметтер әлемнің кез-келген нүктесінде 24/7 режимінде қолжетімді.  2025 жылдың қаңтар айында деректемелерді өзгертуге 14,1 мыңнан астам өтініш қабылданып, оның 13,1 мыңы Қордың кеңселерінде ұсынылды. БЖЗҚ мамандарына қандай да бір қызмет түрі бойынша жүгіне отырып, салымшылар, әдетте, жинақтарды қалыптастыруға қатысты қосымша кеңестер ала алады. Ақпараттық-түсіндіру жұмыстары аясында 3,2 мың көшпелі таныстырылым өткізіліп, оған шамамен 68,4 мың адам қатысты. Бұқаралық ақпарат құралдарында БЖЗҚ хабарламалары бойынша 4,1 мыңнан астам материал жарияланды.Салымшылар мен алушылардың кері байланыс арналары бойынша түскен өтініштерінің саны шамамен 65,0 мың.Естеріңізге сала кетейік, кез келген компания Қор кеңсесіне барып жинақтаушы зейнетақы жүйесінің мәселелері бойынша таныстырылым мен кеңестер өткізуге өтінім бере алады. Ол үшін 1418 нөмірі бойынша байланыс орталығына қоңырау шалып, Қор сайты немесе ұялы қосымшасы арқылы хабарласу қажет.БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, X(Twitter), Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады.   БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).  Ақпарат көзі : https://www.gov.kz/memleket/entities/abay/press/news/details/945763

  Дүниежүзілік Азаматтық қорғаныс күні қарсаңында және Төтенше жағдайлар министрлігінің 30 жылдығына орай Қазақстан ТЖМ құтқарушылары теңіз деңгейінен 3680 метр биіктікте орналасқан Үлкен Алматы шыңын бағындырды.  Шыңға көтерілудің маңызды сәті «Азаматтық қорғаныс – халық қауіпсіздігінің кепілі» ұранымен тақырыптық туды биіктікте желбірету болды. Бұл іс-шараның мақсаты азаматтардың қауіпсіздігі мәселелеріне жұртшылықтың назарын аудару және азаматтық қорғау органдарының беделін нығайту болды.  Іс-шараға Алматы қаласы Төтенше жағдайлар департаментінің, Республикалық жедел-құтқару жасағының, Апаттар медицинасы орталығының, Қазавиақұтқару және ТЖМ Қазселденқорғау филиалдарының қызметкерлері қатысты.  «Бұл өрмелеу тек физикалық сынақ емес, бұл біздің кез – келген жағдайда адамдардың қауіпсіздігін қамтамасыз етуге дайындығымыз бен ісімізге бірілгендіміздің белгісі», – деп альпинизмге қатысушылардың бірі, жасақтың құтқару бөлімінің басшысы Вадим Пак атап өтті.  Бұл оқиға төтенше жағдайлар саласында жұмыс істейтін барлық құрылымдардың бірлігі мен кәсібилігін бейнелейді және халықтың қауіпсіздігін қамтамасыз етудегі азаматтық қорғаныстың маңыздылығын еске салады.  «Біз өз кәсібімізді және ең қиын жағдайларда адамдарға көмектесе алатынымызды мақтан тұтамыз. Азаматтық қорғаныстың маңыздылығын асыра бағалау қиын, бүгін біз оны нығайтуға тағы бір қадам жасадық», - деді ТЖД Азаматтық қорғаныс басқармасының аға офицері Әлішер Тутешев.Ақпарат көзі : https://www.gov.kz/memleket/entities/emer/press/news/details/945088

  24 ақпанда ТЖМ Стратегиялық жоспарлау және жедел басқару командалық орталығында Төтенше жағдайлар вице-министрі Батырбек Әбдішевтің Халықаралық ғылыми-техникалық орталық (ХҒТО) өкілдерімен жұмыс кездесуі өтті.   Жұмыс кездесуі аясында ТЖМ-ның ХҒТО мен Еуропалық Одақтың «Орталық Азия суларындағы радиация мен ауыр металдардың мониторингі жүйесі» бірлескен жобасына қатысу мүмкіндіктері талқыланды, ол аймақтық және ұлттық деңгейлерде стандартталған технологиялар мен шешім қабылдау процестерінің көмегімен қолданыстағы ұлттық жүйелерді бағалауға және жетілдіруге бағытталған.  Талқылау барысында Орталық Азия өңірінде осы жобаны іске асырудың негізгі мақсаттары, күтілетін нәтижелері мен негізгі кезеңдері қаралды, сондай-ақ сейсмологиялық датчиктерді орнату бойынша ХҒТО-ның ТЖМ Сейсмологиялық бақылаулар мен зерттеулердің ұлттық ғылыми орталығымен тиімді ынтымақтастығы атап өтілді.  ХҒТО өкілдері үшін ТЖМ Стратегиялық жоспарлау және жедел басқару командалық орталығының ахуалдық залы бойынша қысқаша экскурсия өткізілді, оның барысында дағдарыс жағдайларында басқару мен жедел әрекет етудің заманауи технологиялары, сондай-ақ тәуекелдерді мониторингтеу және болжау жүйелері көрсетілді.  Вице-министр: «Тәуекелдерді мониторингілеу және болжау саласындағы халықаралық ынтымақтастықты дамыту өңірдің қауіпсіздігі мен тұрақтылығын арттыруға ықпал етеді. Озық технологияларды енгізу және тәжірибе алмасу бізге ТЖ ден қою және алдын алу жүйелерін жетілдіруге мүмкіндік береді».  Сонымен қатар, су қоймасына су ағынын есептеуге, көктемгі су тасқынының көлемін анықтауға және су басу аймақтарын модельдеуге мүмкіндік беретін «Tasqyn» қазақстандық су тасқынын болжау және модельдеу ақпараттық жүйесінің және жасанды интеллект негізінде жер сілкінісін болжау жүйесінің жұмыстары таныстырылды.  Кездесу қорытындысы бойынша тараптар өңірдің орнықты дамуын арттыру мақсатында экологиялық қауіпсіздік және ықтимал қауіптерге жедел ден қою саласындағы халықаралық ынтымақтастықтың маңыздылығын растады.Ақпарат көзі : https://www.gov.kz/memleket/entities/emer/press/news/details/945227

  Бейжіңде Қазақстан Республикасы Төтенше жағдайлар министрлігінің Ұлттық сейсмологиялық бақылау және зерттеу ғылыми орталығы мен Қытай Халық Республикасы Жер сілкінісі агенттігінің геофизика институты арасында келісімге қол қойылды. Құжат деректер алмасуды, қатты жер сілкінісі туралы ерте ескерту жүйелерін біріктіруді және сейсмикалық белсенділікті бірлесіп бақылауды қамтиды.  «Бұл келісім - Қазақстанның сейсмология саласындағы халықаралық ынтымақтастығын дамытудағы маңызды қадам. Қытайлық әріптестермен бірлескен жұмыс жер сілкінісі туралы болжау мен ескертуді жақсартуға мүмкіндік береді. Бұл қауіп – қатерлерге жедел ден қоюға және азаматтардың өмірін қорғауға мүмкіндік береді», - деп атап өтті ҚР ТЖМ Сейсмологиялық байқаулар мен зерттеулер Ұлттық ғылыми орталығының директоры Дәулет Сәрсенбаев.  Қол қою рәсімі Алматы қаласының әкімі Ерболат Досаевтың ҚХР жер сілкінісі жөніндегі агенттігіне баруы аясында өтті. Іс-шара барысында қазақстандық делегация Қытайдың сейсмикалық қауіпсіздік саласындағы жаңа әзірлемелерімен және технологияларымен танысты, бұл ынтымақтастық пен тәжірибе алмасу үшін перспективалар ашады.  Келісім екі елдің мамандарына нақты уақыт режимінде сейсмикалық ақпаратпен алмасуға мүмкіндік береді, бұл жер сілкіністерін болжау және олардың салдарын азайту тиімділігін арттырады. Бұл азаматтарға ықтимал табиғи апаттар туралы дәлірек және уақтылы хабарлауды қамтамасыз етеді.  Алматыда 28 мониторинг және қатты жер сілкінісі туралы алдын ала ескерту станциялары жұмыс істейді. 2025 жылы тағы 30 станция, ал 2026 жылдың соңына дейін қосымша 40 станция орнату жоспарлануда, бұл қауіпсіздік жүйесі мен халықты қорғауды айтарлықтай жақсартады.  Келісім сейсмикалық қауіпсіздікті күшейту және азаматтарды сейсмикалық белсенділікке байланысты қауіптерден қорғау үшін жаңа мүмкіндіктер ашады.          Ақпарат көзі : https://www.gov.kz/memleket/entities/emer/press/news/details/945485

Елімізде 1 наурыз – Алғыс айту күні атап өтіледі. Биыл Астанада Алғыс айту күнін мерекелеу тағы бір маңызды оқиғамен – Қазақстан халқы Ассамблеясының 30 жылдығына арналған іс-шаралардың басталуымен есте қалмақ. Мерейлі датаға орай Астанада ондаған түрлі спорттық, мәдени және танымдық іс-шаралар өтеді, деп хабарлайды елорда әкімдігінің ресми сайты.Мереке күндері мәдениет, спорт, білім беру ұйымдары, елордалық ҚХА және басқа да мекемелер қала тұрғындары мен қонақтары үшін түрлі іс-шаралар дайындап отыр. Алғыс айту күніне орай Астанада салт-дәстүрлер мен алғыс айтудың түрлі тәсілдерін дамытуға бағытталған тақырыптық көрмелер, балалар мен оқушыларға арналған тәрбие сағаттары өтіп жатыр. Жалпы, жоспарланған іс-шаралардың барлығы қоғамның тәуелсіздік құндылықтары төңірегінде топтасуына, ел бірлігі мен патриотизмнің нығаюына ықпал етеді.27 ақпанда «AMANAT» партиясы мен астаналық ҚХА ерікті жастар ұйымдары дәстүр бойынша қарт кісілерге көмек көрсетіп, аулаларының қарын күрейді.Дәл осы күні қарттар үйінде ҚХА-ның дәстүрлі қайырымдылық акциясы өтеді. Жұртшылық үшін концерт ұйымдастырылып, этномәдени бірлестіктердің ұлттық тағамдарынан дәм татады.Сондай-ақ, 27 ақпанда елордадағы №43 мектепте әлеуметтік аз қамтылған отбасылардан шыққан балаларға арналған «Бірлік пен ынтымақтастыққа 30 жыл» атты қайырымдылық акциясы өтеді.28 ақпанда қала мектептерінде «Қазақстан халқы ассамблеясына 30 жыл» тақырыптық сынып сағаттары өтеді. Наурыз бойы мектептерде ардагерлермен және ҚХА белсенділерімен кездесулер, түрлі іс-шаралар ұйымдастырылады.1 наурызда елордадағы салтанатты шаралар маңызды оқиғадан басталады: Достық үйінде ҚХА мерейтойына арналған «Қазақстан халқы ассамблеясына 30 жыл» мемориалдық тақтасының ашылу салтанаты болады. Одан кейін халықаралық дөңгелек үстел өтеді, оның барысында Ассамблеяның мерейтойына орай Қазақстан Президентінің құттықтау сөзі оқылады. Бұл шара ҚХА-ның 30 жылдығына арналған жылдың ресми бастамасы болмақ.Одан кейін дөңгелек үстелге қатысушылар «Қазақ еліне мың алғыс» монументіне барады, онда салтанатты түрде гүл шоқтарын қою рәсімі өтеді.Сонымен қатар, әлеуметтік желілерде түрлі этностардың жастардың құттықтаулары бар видео-челлендж бастау алады.Тағы бір маңызды іс-шара – халықтың мұқтаж топтарын қолдауға бағытталған «Қайырымдылық керуені» акциясының басталуы.Дәл осы күні, 1 наурызда Достық үйінде шығармашылық топтардың қатысуымен мерекелік концерт өтеді. Балаларға мерекелік дастархан ұйымдастырылады.Ақпарат көзі : https://www.gov.kz/memleket/entities/astana/press/news/details/945409

Биыл Шығыс Қазақстан облысында балабақшаларда тағы 1500-ге жуық жаңа орын ашу жоспарлануда. Облыстық әкімдікте «Әр балаға қолжетімді сапалы білім» атты ұлттық есептің өңірлік жол картасын жүзеге асыру мәселелері талқыланды.Басты тақырыптар – балабақшалар мен мектептерде жаңа орындар ашу, инклюзивті және қосымша білім беруді дамыту, сондай-ақ мектеп инфрақұрылымын жаңарту.ШҚО білім басқармасының басшысы Инесса Чернышеваның айтуынша, өткен жылы өңірде 1970 жаңа орын ашылды, ал 2025 жылы тағы 1499 орын қосу көзделген, оның 127-сі қазірдің өзінде дайын. Алайда облыста балабақша кезегінде тұрған балалар саны әлдеқайда көп – 2-3 жас аралығындағы шамамен 2000 бала.– Ата-аналарға ыңғайлы болу үшін біз «Балабақша» цифрлық платформасын енгізіп жатырмыз, онда балаларды тіркеп, кезекке қоюға болады. Сондай-ақ білім беру үдерісіне баланың цифрлық даму картасы енгізілді. Педагогтерді даярлау үшін 10 біліктілік орталығы ашылды. Наурыз айында Өскеменде ваучерлік қаржыландырудың пилоттық жобасын іске қосамыз, – деді Инесса Александровна.Облыста барлығы 343 мектеп бар, олардың басым бөлігі шағын жинақты. Апаттық немесе үш ауысымды мектептер жоқ, бірақ орын тапшылығы 6 мыңнан асады. 2024 жылы Өскеменде 600 орындық жаңа мектеп ашылды, биыл тағы 500 орындық екі мектеп салынбақ. Сонымен қатар 2100 орынға арналған бес жайлы мектептің құрылысы аяқталды, ал 900 орындық екі мектептің құрылысы жалғасуда.Мектеп инфрақұрылымы да жаңартылып жатыр. 50 мектепте асханалар, кітапханалар мен оқу кабинеттері жөнделді. Барлық мектептер интернетке қосылған, ал 109 мектеп «Әлеуметтік әмиян» жүйесіне енгізілмек. Бұл бастама аз қамтылған отбасыларға мектеп формасы мен оқу құралдарын сатып алуға мемлекеттік қолдау алуға мүмкіндік береді.2023-2024 оқу жылында білім беру саласына демеушілерден 2,6 млрд теңге тартылды. Биыл өңірдегі 21 мектепте күрделі жөндеу жұмыстары жүргізіледі. Жалпы, мектептерді жаңартуға шамамен 5 млрд теңге қажет.Жұмысшы мамандықтары жылы аясында 2024 жылдың қыркүйегінен бастап өңір мектептерінде «Болашақ мамандары» бейінді оқыту орталықтары ашыла бастайды. Бұл орталықтар әр ауданның кадрлық қажеттіліктеріне сай құрылмақ.Облыс әкімі Нұрымбет Сақтағанов өңірдегі білім беру саласында қордаланған мәселелер бар екенін атап өтіп, басқарма басшылығын жұмысты тиімді ұйымдастыруға шақырды. Сонымен қатар, мектептердегі тәртіп мәселесін де назардан тыс қалдырмау керектігін айтты.–Директорлардың жұмыс тиімділігі тек ҰБТ нәтижелері бойынша ғана емес, балалардың қаншалықты ұйымшыл және тәртіпті екендігіне қарай да бағаланады. Егер бұл бағыттағы жұмыстарды үйлестіруге мән бермесек, лайықты ұрпақ тәрбиелеу туралы айту қиын, – деді облыс әкімі.Тағы бір өзекті мәселе – инклюзивті білім беруді дамыту. Өңірде ерекше білім беру қажеттілігі бар 12 мыңнан астам бала тұрады. Оларға 4 психологиялық-медициналық-педагогикалық кеңес беру орталығы мен 5 арнайы балабақша қызмет көрсетуде. Сонымен қатар 9 ауданда психологиялық-педагогикалық түзету кабинеттері ашылған. 2025 жылы Катонқарағай және Марқакөл аудандарында осындай жаңа кабинеттер ашу жоспарланып отыр.Ақпарат көзі : https://www.gov.kz/memleket/entities/akimvko/press/news/details/945471