Астана, 2025 жылғы 14 мамыр – Қазақстан Сыртқы істер министрінің орынбасары Роман Василенко Қазақстанға жұмыс сапары аясында Еуропадағы қауіпсіздік және ынтымақтастық ұйымының (ЕҚЫҰ) Экономикалық және экологиялық қызмет жөніндегі үйлестірушісі Бақыт Жүсіповпен кездесу өткізді.Министрдің орынбасары ЕҚЫҰ-ның экономикалық-экологиялық (екінші) өлшемі қазіргі геосаяси шиеленіс жағдайында диалог пен сенімді нығайтудың маңызды платформасы екенін атап өтті. Ол Қазақстанның ЕҚЫҰ-мен барлық өзекті мәселелер бойынша белсенді ынтымақтастықты жалғастыруға дайын екенін растады.Тараптар ЕҚЫҰ-ның экономикалық-экологиялық өлшемі аясындағы ынтымақтастықтың кең ауқымды бағыттарын, оның ішінде орнықты даму, көлік байланыстылығы, қоршаған ортаны қорғау, климат мәселелері, сыбайлас жемқорлықпен және заңсыз жолмен алынған кірістерді жылыстатумен күрес мәселелерін талқылады.Р.Василенко Экономикалық-экологиялық қызмет жөніндегі үйлестіруші кеңсесінің қазақстандық мемлекеттік органдармен, атап айтқанда, Бас прокуратура жанындағы Активтерді қайтару комитетімен тығыз ынтымақтастығын жоғары бағалады. Өз кезегінде, Б.Жүсіпов Қазақстанның бұл саладағы жинақтаған тәжірибесін ерекше атап өтіп, мемлекетке қайтарылған қаражаттың әлеуметтік нысандар құрылысына бағытталуы ЕҚЫҰ-ға қатысушы елдердің үлкен қызығушылығын тудырып отырғанын жеткізді.Министрдің орынбасары Астананың ЕҚЫҰ бастамаларына, соның ішінде Каспий өңірінде «жасыл» порттарды дамытуға бағытталған бюджеттен тыс жобаға одан әрі қатысуға дайын екенін растады. Осы жобаның арқасында Ақтау және Құрық порттары Еуропалық теңіз порттары ұйымының (ESPO) «EcoPorts» мәртебесін алып, олардың инфрақұрылымын дамытуға инвестициялар тартуда артықшылықтарға ие болғаны аталып өтті.Сонымен қатар Транскаспий халықаралық көлік дәлізінің (ТХКД) маңызды рөлі аталып өтті. 2024 жылы бұл бағыт бойынша жүк тасымалының көлемі 62%-ға артып, 4,5 млн тоннаны құрады. Р.Василенко Қазақстанның Ақтау және Құрық порттарының өткізу қабілетін арттыру және көлік инфрақұрылымын дамыту бойынша белсенді инвестициялар тартып жатқанын айтып, 2027 жылға қарай ТХКД арқылы транзиттік жүк ағынын 10 млн тоннаға дейін ұлғайтуды жоспарлап отырғанын мәлімдеді.Сонымен қатар Орталық Азия мен Оңтүстік Кавказда трансшекаралық байланысты ілгерілетуге бағытталған жаңа ЕҚЫҰ жобасын жүзеге асыруға қызығушылық білдірілді. Бұл жоба Қазақстанның жаһандық сауда жолдарының транзиттік торабындағы рөлін нығайтуға ықпал етеді.Кездесу барысында климаттың өзгеруі мен экология мәселелеріне ерекше назар аударылды. Қазақстандық дипломат еліміздің климаттың өзгеруінен туындайтын қауіп-қатерлерге қарсы іс-қимыл жөніндегі ЕҚЫҰ Сыртқы істер министрлері кеңесінің 2021 жылғы Стокгольм шешімін қоса алғанда, халықаралық міндеттемелерді орындауға берік бейілділігін растады.Финляндияның ЕҚЫҰ-дағы қазіргі төрағалығының климаттық күн тәртібі қолдау тапты. Бұл Қазақстанның жоғары деңгейдегі өкілдерінің осы жылдың маусым айында Финляндияда өтетін ЕҚЫҰ-ның Климат және қауіпсіздік мәселелері жөніндегі халықаралық конференциясына қатысуымен расталып отыр.Тараптар 2026 жылы БҰҰ аясында Қазақстанда өтетін Өңірлік климаттық саммитке дайындық барысын да талқылады. Осы тақырыптың ЕҚЫҰ үшін маңыздылығын атап өткен Б.Жүсіпов Ұйымның саммитті өткізуге белсенді қатысуға дайын екенін білдірді.Кездесу барысында Арал теңізі алқабындағы ахуал мен Каспий теңізіндегі экологиялық қатерлерді қоса алғанда, су ресурстары мәселелері бойынша пікір алмасу өтті. Өңірдегі ірі су қоймаларын сақтау үшін халықаралық ынтымақтастықтың маңыздылығы аталып өтті.Сондай-ақ табиғи апаттар, әсіресе жер сілкіністері кезінде ерте ескерту және жедел ден қою мәселелері және Алматы қаласындағы Төтенше жағдайлар және табиғат апаттары қатерлерін азайту орталығымен одан әрі өзара іс-қимылдың маңыздылығы қарастырылды.Кездесу соңында Б.Жүсіпов өз Кеңсесіне көрсетіліп отырған тұрақты қолдау үшін Қазақстанға алғысын білдіріп, қазақ тарапымен одан әрі тығыз ынтымақтастыққа дайын екенін жеткізді.Ақпарат көзі : https://www.gov.kz/memleket/entities/mfa/press/news/details/995712?lang=kk

Астана, 2025 жылғы 14 мамыр – Француз тарапының бастамасымен Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Француз Республикасының Еуропа және сыртқы істер министрі Жан-Ноэль Барромен телефон арқылы сөйлесті.Сұхбат барысында саяси, сауда-экономикалық және мәдени-гуманитарлық салалардағы қазақ-француз ынтымақтастығының қазіргі жағдайы мен даму перспективалары талқыланды. Инвестицияларды тарту, сондай-ақ білім беру жобаларына ерекше назар аударылды.Министрлер өткен жылы атқарылған жұмыстарды қорытындылап, ҚР Президенті Қасым-Жомарт Тоқаевтың 2024 жылғы қарашада Францияға мемлекеттік сапары барысында қол жеткізілген уағдаластықтарды жүзеге асырудың маңыздылығын атап өтті.Сыртқы саяси ведомстволар басшылары Астана мен Париж арасындағы стратегиялық серіктестікті одан әрі тереңдету мен байланыстарды кеңейтуге өзара мүдделілік танытты.Ақпарат көзі : https://www.gov.kz/memleket/entities/mfa/press/news/details/995429?lang=kk

2025 жылдың 12 мамыр мен 1 маусым аралығында облыста ауқымды спорттық іс-шара – мемлекеттік қызметкерлер арасындағы спартакиада өтуде. Шара Спорттық-бұқаралық іс-шаралардың Бірыңғай өңірлік күнтізбесіне сәйкес ұйымдастырылуда.Спартакиаданың басты мақсаты – мемлекеттік қызметкерлер арасында салауатты өмір салтын насихаттап, корпоративтік рухты нығайту. Спорттық жарыстар арқылы билік өкілдері мемлекеттік қызметтің беделін арттыруды, дене шынықтыру және спортпен жүйелі түрде айналысуға жағдай жасауды, сондай-ақ мемлекеттік мекемелер арасындағы өзара байланысты күшейтуді көздейді.Биыл жарыстар төрт жерде Қостанай, Лисаков, Тобыл қалалары мен Әулиекөл ауданында өтуде. Бағдарламада тоғыз спорт түрі қамтылған: мини-футбол, волейбол, тоғызқұмалақ, үстел теннисі, жүзу, шахмат, қазақ күресі, арқан тарту және 3х3 баскетбол.Әр спорт түрінің өз ерекшелігі бар. Мысалы, мини-футболда 12 адамнан тұратын командалар Тобылда 30 мамыр мен 1 маусым аралығында жүлделі орындар үшін бақ сынайды. Волейболшылар 12–13 мамырда Қостанайда кездеседі. Әр команданың алаңда міндетті түрде екі әйел ойыншысы болуы тиіс. Арқан тарту жарысы 17–18 мамырда Лисаков қаласында өтеді. Онда да командалар құрамында екі әйел болуы керек (барлығы 7 адам).Тоғызқұмалақ пен шахмат жарыстары швейцарлық жүйе бойынша өтеді. Мұнда әр қатысушының жеке нәтижесі командалық есепке әсер етеді. Жүзу сайысы 18 мамырда Қостанайда ұйымдастырылады, ал қазақ күресіне жанкүйерлер 23–24 мамырда Әулиекөлде жиналады. Спартакиада заманауи форматтарды да қамтиды – мысалы, жастар арасында кең тараған және Олимпиада ойындарына енгізілген 3х3 баскетбол.Жарыстарға тек дәрігерден анықтама алған немесе жеке жауапкершілік туралы қолхатқа қол қойған саяси және әкімшілік мемлекеттік қызметкерлер ғана қатыса алады. Бір елді мекенде орналасқан мекемелердің біріккен командаларына рұқсат беріледі.Спартакиада – жай ғана жарыс емес, ведомстволар арасындағы байланысты нығайтатын және ішкі командалық әлеуетті арттыратын алаң. Мұндай іс-шаралар қоғамға үлгі бола алатын белсенді, жауапты әрі дені сау мемлекеттік қызметкерлер қауымдастығын қалыптастырады.Ақпарат көзі : https://www.gov.kz/memleket/entities/kostanay/press/news/details/995418?lang=kk

Астана, 2025 жылғы 13 мамыр – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу қытайлық «CITIC Construction» компаниясы директорлар кеңесінің төрағасы Ян Цзяньцянмен кездесті.Тараптар Транскаспий халықаралық көлік бағыты шеңберінде «Орталық – Батыс» автожолын салу және жаңарту жобасына компанияның қатысу перспективаларын талқылады. Тиісті меморандумға қол қою ағымдағы жылдың мамыр айында «CITIC Group» басшылығының Қазақстанға сапары барысында күтілуде.Еліміздің агроөнеркәсіптік кешеніндегі, дәнді және майлы дақылдарды терең өңдеу бойынша жобаларға, сондай-ақ мал фермалары мен қайта өңдеу кәсіпорындарының құрылысына инвестициялар тарту мәселелеріне ерекше назар аударылды.Сонымен қатар сұхбаттастар түсті металдарды игеру және қайта өңдеу бойынша бастамаларды талқылады. Қазақ тарапы компания жобаларына жан-жақты қолдау көрсетуге дайын екенін білдірді.«CITIC Construction» – халықаралық инфрақұрылымдық және инженерлік жобаларға маманданған «CITIC Group» қытайлық мемлекеттік корпорациясының еншілес құрылымы. 2010 жылдан бастап компания Қазақстанда көліктік, энергетикалық, агроөнеркәсіптік және тау-кен өндіру салаларында ауқымды жобаларды іске асыра отырып, белсенді қызмет жүргізіп келеді.Ақпарат көзі : https://www.gov.kz/memleket/entities/mfa/press/news/details/994804?lang=kk

Алматы облысының Талғар ауданында еліміздегі ең ауқымды индустриялық жобалардың бірі — «Қайрат» индустриялық аймағының кеңейтілген құрылысы басталды. Жоба Мемлекет басшысы Қасым-Жомарт Тоқаевтың жедел индустрияландыру, өңірлік өндірістік кластерлерді дамыту және тікелей инвестиция тарту жөніндегі тапсырмалары аясында іске асырылып жатыр.Жоба әлемдегі ең ірі құрылыс корпорацияларының бірі — China State Construction Engineering Corporation (CSCEC) компаниясымен бірлесіп жүзеге асырылуда. 177 гектар аумақта 20-дан астам жаңа өндіріс орындарын орналастыру жоспарланған. Жалпы инвестиция көлемі 1 миллиард АҚШ долларын құрайды. Бұл «Қайратты» елімізде мұндай көлемдегі қаржы мен кәсіпорынды бір мезгілде тартуға қол жеткізген бірегей индустриялық аймаққа айналдырып отыр.Жобаның басты ерекшелігі — ішкі инженерлік инфрақұрылым толықтай инвесторлар есебінен салынады. Ал сыртқы желілерді тарту облыс әкімдігінің міндетіне жатады. Бұл тәсіл мемлекеттік бюджетті айтарлықтай үнемдеуге мүмкіндік береді.China Construction компаниясының ресми өкілі Чэнь Сяоюнь: «Біз мамыр айында құрылыс жұмыстарына кірістік. Жоба аясында өндірістік нысандар, логистикалық және қоймалық кешендер, саябақтар, павильондар, дата-орталық, әкімшілік ғимараттар мен қонақүйлер салынады. Құрылысты үш жыл ішінде аяқтауды жоспарлап отырмыз. Инвестиция көлемі 1 миллиард доллардан асады, ал іске 20 компания тартылған», — деді ол.Жобаның негізгі бағыттарының бірі — Geely автоконцернінің қатысуымен машина жасау кластерін құру. Автомобиль компоненттері мен тораптарын жергілікті жерде өндіру жоспарланған. Бұл Қазақстандағы автокөлік өнеркәсібінің дамуына тың серпін береді.Алматы облысының әкімі Марат Сұлтанғазиев: «Қайрат» жобасы — Мемлекет басшысы айқындаған стратегиялық мақсаттарға толық сәйкес келеді. Біз заманауи индустриялық платформа қалыптастырып, жаңа жұмыс орындарын ашып, экспортты арттырып, тұрақты экономикалық өсімді қамтамасыз етудеміз. 1 миллиард долларлық инвестиция — жүйелі жұмыстың және халықаралық әріптестердің сенімінің нәтижесі», — деп атап өтті.Бүгінде «Қайрат» индустриялық аймағында бірнеше кәсіпорын табысты жұмыс істеп жатыр:•ТехноНИКОЛЬ Орталық Азия – жылу оқшаулағыш материалдар өндіреді;•Safa Industrial – құйма өнімдер шығарады;•QazMetProduct – метиз өнімдерін өндіреді;•SUNLONG – тау-кен саласына арналған компоненттер жасайды;•Hong Shun – сұйық шыны шығарады.Жалпы инвестиция көлемі 146,7 млрд теңгеден асып, 3600-ден астам жаңа жұмыс орны ашылды.Индустриялық аймақтың басшысы Ербол Шокаев: «Қайрат» — бұл жай ғана өндірістік алаң емес, толыққанды индустриялық экожүйе. Біз инвесторлар үшін жобаларды жедел іске асыруға барынша қолайлы жағдай жасап отырмыз. Әкімшілік кедергілерді азайтып, жан-жақты қолдау көрсетеміз», — деді.Жоба Алматы облысындағы жалпы көлемі 1786,7 гектарды құрайтын алты индустриялық аймақты дамыту бағдарламасы аясында іске асып жатыр. Сонымен қатар, 96,6 мың гектар аумақта орналасқан «Алатау» арнайы экономикалық аймағын дамыту жалғасуда. Мұнда 3,7 трлн теңге инвестиция тартылып, 34 мың жұмыс орны ашылады деп жоспарланған.Ақпарат көзі : https://www.gov.kz/memleket/entities/almobl/press/news/details/994544?lang=kk

Қостанай облысында 2024–2025 оқу жылы аяқталуға жақын. Биыл мектепті 4 752 түлек бітіреді — бұл өткен жылмен салыстырғанда көбірек (4 213). Сонымен қатар, жоғары оқу орындарында білімін жалғастыруға ниетті түлектердің үлесі де артып отыр.Білім басқармасының мәліметінше, биыл түлектердің 80%-ы Ұлттық бірыңғай тестілеуге қатысуды жоспарлап отыр. Бұл өткен жылмен салыстырғанда 15%-ға жоғары. Мұндай көрсеткіш жастардың отандық жоғары оқу орындарында білім алуға деген қызығушылығының жоғары екенін көрсетеді.Облыс әкімі Құмар Ақсақалов атап өтті:«Әрбір нәтиженің артында — баланың және мұғалімнің еңбегі тұр. Біз бұл еңбекті бағалап қана қоймай, оны қолдауға міндеттіміз».Осыған байланысты өңірде емтихан алдындағы кезеңде қолайлы білім беру ортасын қалыптастыру шаралары қабылданып жатыр. Оқушылардың ынтасын арттыру мен психологиялық қолдау көрсетуге ерекше назар аударылуда.«Бала емтиханға алаңдаумен емес, жанында қолдау көрсететін ересектер бар екенін сезініп, сенімділікпен келуі керек», — деді өңір басшысы.Сонымен қатар, ҰБТ өткізу кезіндегі қауіпсіздік мәселелеріне де баса мән беріліп отыр.«ҰБТ кезіндегі қауіпсіздік пен тәртіп — бұл біздің тікелей жауапкершілігіміз. Мұнда ұсақ-түйек деген болмауы тиіс», — деп толықтырды Құмар Ақсақалов.Қалалар мен аудандар әкімдеріне түлектерді емтихан тапсыру пункттеріне жеткізуді ұйымдастыру тапсырылды. Білім басқармасымен, денсаулық сақтау саласымен және Полиция департаментімен бірлесе отырып, тестілеу өтетін жерлерде медицина қызметкерлері, психологтар мен құқық қорғау органдарының қызметкерлері кезекшілік етеді.Балалардың жазғы демалысы мен жұмыспен қамтылуы — тәрбиелік жұмыстың маңызды бөлігіКелесі басым бағыт — оқушылардың жазғы демалысы мен жұмыспен қамтылуын ұйымдастыру. Мемлекет басшысы өз тапсырмаларында жазғы демалыстың сапасын, қолжетімділігі мен қауіпсіздігін арттырудың маңыздылығына бірнеше рет назар аударған болатын.«Жазғы демалыс — бұл жай ғана каникул емес. Бұл — тәрбиелік жұмыстың бір бөлігі, баланың дамуы мен күшін қалпына келтіру мүмкіндігі», — деп атап өтті Құмар Ақсақалов.2025 жылы Қостанай облысында сауықтыру, демалыс және жұмыспен қамту бағдарламаларымен 105 мыңнан астам бала қамтылады — бұл жалпы санның 98,6%-ын құрайды. Әлеуметтік осал санаттағы балаларға ерекше назар аударылып, олар үшін тегін және сапалы демалыс ұйымдастырылады.Жаз мезгілінде өңірде 12 загородтық және 773 мектеп жанындағы лагерь жұмыс істейді. Облыс әкімінің тапсырмасымен бұрын пайдаланылмаған нысандарды қалпына келтіру үшін инвесторлар тарту жұмысы жүргізілуде. Атап айтқанда, Меңдіқара ауданындағы «Солнечный» лагерін аукционға шығару үшін құжаттарды дайындау аяқталуда. Бұл нысанға әлеуетті инвестор ретінде «Аллюр» зауыты қызығушылық танытуда.«Бұрын лагерлер — балалар жазын өткізуге армандайтын орын еді. Біз осы мағынаны қайтарғымыз келеді», — деді өңір басшысы.Жазғы сауықтыру науқаны барысында қауіпсіздік мәселелері әрдайым басты назарда болады. Бұл санитарлық-эпидемиологиялық талаптардан бастап, өрт қауіпсіздігі нормаларына, аумақты қорғауға және персоналдың біліктілігіне дейінгі барлық аспектілерді қамтиды.«Жүйе ата-ананың кез келгені баласының қауіпсіз екеніне сенімді болатындай құрылуы тиіс», — деп атап өтті Құмар Ақсақалов.Жұмысшы мамандықтар жылы аясында лагерлерде кәсіби бағдар беру жұмысы күшейтіледі. Жазғы демалыс жоспарына өңір кәсіпорындарына, соның ішінде облыс орталығының Индустриялық аймағына экскурсиялар енгізілген.«Бала өз көзімен заманауи өндірістің қалай жұмыс істейтінін көрген кезде, оның бойында қызығушылық пен арман пайда болады. Бұл кез келген дәрістен маңыздырақ», — дейді облыс әкімі.Төтенше жағдайлар қызметімен, санитарлық-эпидемиологиялық қызметпен, полициямен және медициналық мекемелермен ведомствоаралық өзара іс-қимылды жолға қою тапсырылды. Сонымен қатар, ата-аналар мен балалар арасында жазатайым оқиғалардың алдын алу мақсатында ақпараттық-ағарту жұмыстары жүргізілетін болады.Аудан және қала әкімдеріне — демалыс өтетін жерлерде абаттандыру жұмыстарын аяқтап, ойын және спорт алаңдарын орнату тапсырылды.«Біздің ортақ міндетіміз — балалар өзін қауіпсіз сезінетін, пайдалы істерге араласатын жазды ұйымдастыру», — деп қорытындылады Құмар Ақсақалов.Ақпарат көзі : https://www.gov.kz/memleket/entities/kostanay/press/news/details/994466?lang=kk

Жазғы демалыс– әрбір оқушы асыға күтетін ерекше кезең. Балалардың бұл уақытты пайдалы, қауіпсіз әрі қызықты жағдайда өткізуі үшін 2025 жылы өңірде кең ауқымды жазғы демалыс пен сауықтыру науқаны ұйымдастырылады.Жалпы білім беретін мектептер жанынан тамақсыз жұмыс істейтін 408 жазғы алаң мен қосымша білім беру ұйымдары жанынан 30 алаң ашу жоспарланып отыр. Жазғы лагерьмен 295 410 бала қамтылады деп күтілуде. Бұл – былтырғы көрсеткіштен 23 мыңға көп. 2024 жылы 400 алаң жұмыс істеп, оларда 271 918 оқушы демалған болатын.Әлеуметтік осал топтағы балаларға ерекше көңіл бөлінеді. Әлеуметтік жағдайы төмен 128 566 оқушының 111 850-сі, яғни 87%-ы жазғы демалыспен қамтылады. Олардың қатарында жетім балалар, қорғаншылық пен қамқоршылықтағы балалар, мүмкіндігі шектеулі балалар, аз қамтылған және көпбалалы отбасылардан шыққан оқушылар, девиантты мінез-құлыққа бейім жасөспірімдер бар.Жазғы науқанға дайындық аясында лагерь басшылары, мемлекеттік және жекеменшік құрылымдардың өкілдері, сондай-ақ Кәсіпкерлер палатасының қатысуымен семинарлар өткізіледі. Жауапты тұлғаларға барлық нұсқаулықтар мен ұсыныстар жеткізілді.Биыл Қазақстан Республикасы Үкіметінің 2008 жылғы 25 қаңтардағы №64 қаулысына сәйкес міндетті білім беру қорынан бөлінетін қаржы есебінен облыстық бюджеттен жекелеген санаттағы балалардың жазғы демалысын ұйымдастыруға 282 млн 310 мың теңге бөлінді. Сонымен қатар, әрбір ата-ана баласын лагерьге өз қаражаты есебінен жібере алады. Өткен жылы мемлекеттік қаржыландырудың арқасында 1275 бала демалса, «Қазақстан халқына» қайырымдылық қорының қолдауымен тағы 2421 бала жазғы демалыспен қамтылды.Маусымдық лагерьлердің барлығы 1 маусымнан бастап жұмысын бастайды және 31 тамызға дейін жалғасады. Балаларға тамақтану ақылы негізде ұсынылады, егер олардың әлеуметтік санатына сәйкес өзгеше көзделмесе. Жазғы демалыстың маңызды бөлігі – мазмұнды іс-шаралар бағдарламасы болады: спорттық жарыстар, эстафеталар, шахмат және үстел ойындары бойынша турнирлер, шығармашылық байқаулар, шеберлік сабақтары, экскурсиялар, зияткерлік ойындар, квесттер, тақырыптық кештер, концерттер, театр қойылымдары мен би кештері ұйымдастырылады. Негізгі мақсат – балалардың белсенді, қауіпсіз және пайдалы демалысына қолайлы жағдай жасау.Ойын-сауық және танымдық іс-шаралар вожатыйлармен, қосымша білім беру педагогтерімен, сондай-ақ мәдениет, спорт, кітапхана, музей, медицина және құқық қорғау органдарының мамандарымен ұйымдастырылады. Лагерь бағдарламасы аясында балаларды экскурсияларға шығару жоспарланған: музейлер мен мәдени орталықтарға бару, табиғи көрнекі орындармен танысу, кәсіпорындар мен шаруа қожалықтарына сапарлар, фестивальдер мен жарыстарға қатысу. Барлық сапарлар қауіпсіздік талаптарын сақтай отырып, педагогтер мен медицина қызметкерлерінің ілесуімен өтеді, ал балаларды тасымалдау лицензиясы бар тасымалдаушылар арқылы жүзеге асырылады.Барлық лагерьлерде тәулік бойы медициналық қызмет көрсетіледі. Медициналық кабинеттер жабдықталып, фельдшер немесе медбике тұрақты негізде жұмыс істейді, санитарлық жағдай бақылауға алынып, алдын алу тексерістері жүргізіледі. Қажет болған жағдайда балалар шұғыл түрде медициналық мекемелерге жеткізіледі. Сонымен қатар, балалармен денсаулық, жеке гигиена және судағы қауіпсіздік мәселелері бойынша профилактикалық әңгімелер ұйымдастырылады.Балалардың қауіпсіздігі – әр лагерьдің басымдығы. Лагерь аумағында кіру-шығу тәртібі бақыланып, мүмкіндігінше бейнебақылау орнатылады, тәулік бойы күзет қызметі ұйымдастырылады. Өрт қауіпсіздігі, құқықбұзушылықтың алдын алу және төтенше жағдайлардың алдын алу бойынша нұсқаулықтар өткізіліп, санитарлық-эпидемиологиялық талаптар толық сақталады. Балалардың суға шомылуына тек арнайы жабдықталған жерлерде, құтқарушылар мен медицина қызметкерлерінің бақылауымен ғана рұқсат етіледі.Белсенді демалыстан бөлек, лагерьлерде білім беру және шығармашылық іс-шаралар да ұйымдастырылады. Зияткерлік викториналар, экологиялық тақырыптағы әңгімелер, көркем әдебиет оқу, қолданбалы өнермен айналысу, театр және музыкалық қойылымдар, шақырылған мамандармен дәрістер мен кездесулер – барлығы балалардың ой-өрісін кеңейтуге және қабілеттерін дамытуға бағытталған. Сабақтар ойын түрінде, балалардың жас ерекшелігі мен қызығушылықтарын ескере отырып өткізіледі, бұл өздерін көрсетуге тағы бір мүмкіндік береді.Осылайша, 2025 жылғы жазғы сауықтыру науқаны ондаған мың баланы қамтып, әрбір баланың демалысын тек қызықты ғана емес, пайдалы етуге мүмкіндік береді. Бұл – өскелең ұрпақтың денсаулығын нығайтуға, олардың шығармашылық және зияткерлік әлеуетін дамытуға қосылған маңызды үлес, ең бастысы – ел болашағына жасалған қамқорлық.Ақпарат көзі : https://www.gov.kz/memleket/entities/almobl/press/news/details/994219?lang=kk

Мектепке дейінгі білім беру жүйесінің қолжетімділігі мен сапасын қамтамасыз ету – мемлекеттік саясаттың маңызды басымдықтарының бірі. Мемлекет басшысы атап өткендей, әр балаға қолайлы білім беру жағдайларын жасау қажет. Қостанай облысында жаңа балабақшалар салу, кезектілікті азайту және мектепке дейінгі білім беру саласына жеке инвестиция тарту бойынша кешенді жұмыстар жүргізілуде.Балабақшалардағы кезектілікті азайтуСоңғы жылдары өңірде балаларды мектепке дейінгі ұйымдармен қамтамасыз ету бағытында айтарлықтай жетістіктерге қол жеткізілді. Қазіргі уақытта:• 2-6 жас аралығындағы балалардың 92%-ы мектепке дейінгі біліммен қамтылған,• 3-6 жас аралығындағы балалардың 100%-ы балабақшаларға барады.Қарқынды дамып келе жатқан аудандарда жаңа нысандардың салынуының арқасында мектепке дейінгі ұйымдардағы орын тапшылығы біртіндеп азайып келеді.Жаңа балабақшалардың құрылысы2024 жылы облыста 1 000 орындық 7 жаңа балабақша ашылды. Құрылыс жұмыстары Қостанай мен Рудный қалаларында жалғасуда.Қостанай қаласының Әуежай шағын ауданында 280 орындық балабақша салынуда. Қазіргі уақытта нысанның 70%-ы дайын, абаттандыру жұмыстары аяқталды, ішкі әрлеу, инженерлік желілер мен шатырды монтаждау жұмыстары жүргізілуде. Балабақшаның пайдалануға берілуі осы шағын аудандағы кезектілікті 75%-ға, ал қала бойынша 10%-ға қысқартуға мүмкіндік береді.Рудный қаласында жаңа балабақша құрылысы жалғасуда, бұл да аталған елді мекендегі орын тапшылығы мәселесін шешуге көмектеседі.Сонымен қатар, Арқалық қаласында балабақша салуға арналған жобалау-сметалық құжаттама әзірленуде.Жеке инвестицияларды тартуМемлекеттік бағдарламалардан бөлек, жеке сектор да мектепке дейінгі ұйымдарды дамытуға белсенді түрде үлес қосуда. Биыл жеке инвестиция есебінен бірнеше жоба жүзеге асырылмақ:• Қостанай қаласының Солтүстік-Батыс шағын ауданында «СарыарқаАвтоПром» компаниясы өз қаражаты есебінен балабақша салуды жоспарлап отыр.• Береке шағын ауданында 280 орындық балабақша салу жөніндегі жобаны жеке инвесторлар қолға алмақ.Сонымен қатар, жаңа көпқабатты тұрғын үйлердің бірінші қабаттарында балабақшалар үшін арнайы орындар қарастырылатын болады. Бұл кезектілікті айтарлықтай төмендетіп, балалардың мектепке дейінгі білім беру мекемелеріне жақын орналасуын қамтамасыз етеді.Жұмыс жалғасудаМектепке дейінгі білім беру жүйесін дамыту – өңірдің негізгі басымдықтарының бірі. Кешенді тәсілдің арқасында облыста мектепке дейінгі мекемелер саны артып, балалар үшін қолайлы жағдайлар жасалуда.Ақпарат көзі : https://www.gov.kz/memleket/entities/kostanay/press/news/details/949961

Нью-Йорк, 2025 жылғы 4 наурыз – БҰҰ Бас Ассамблеясы Орталық Азия мен Ауғанстан үшін Орнықты даму мақсаттары (ОДМ) бойынша Өңірлік орталығын құру туралы қарарды бірауыздан қабылдады. Құжатты Орталық Азия мемлекеттері атынан Қазақстан ұсынды. Біріккен Ұлттар Ұйымына 152 мүше мемлекет тең авторы ретінде қарарды қолдады. Бұл өз кезегінде бастаманың жоғары маңыздылығын және кең халықаралық консенсусін көрсетеді.БҰҰ ОМД Орталығын құру – Қазақстан Президенті Қасым-Жомарт Тоқаевтың БҰҰ Бас Ассамблеясының 74-ші сессиясында алғаш рет ұсынылған бастамасын жүзеге асырудағы маңызды қадам. Орталықты БҰҰ-ның 18 агенттігі жұмыс істеп тұрған Алматыдағы жаңа халықаралық ұйымдар ғимаратының базасында орналастыру ұсынылды.Мемлекет басшысы Қазақстан өңірдегі ең ірі экономика ретінде мемлекеттер арасындағы ынтымақтастықты нығайтуға және Орталық Азияның орнықты дамуына, өңірлік интеграцияны ілгерілетуде шешуші рөл атқаруға мүдделі екенін атап өтті.Жаһандық басқарудағы орта державалардың өсіп келе жатқан рөлі Қазақстанның орнықты даму мен тұрақтылықты қамтамасыз етудегі күш-жігерінің маңыздылығын көрсетеді. Қазақстан әлемдегі жетекші күш орталықтары арасындағы маңызды көпір рөлін нығайтуды жалғастыруда және халықаралық ынтымақтастықтың катализаторы ретінде әрекет етуде.Сонымен бірге Ауғанстанның экономикалық дамуына ерекше көңіл бөлінеді. Бұл ел халқының орнықтылығы мен өркендеуі Орталық Азияның қауіпсіздігі мен әл-ауқатына тікелей байланысты. Қазақстан ауған халқын тұрақты түрде қолдайды, елді қайта құру, сауда-экономикалық байланыстарды кеңейту және өңірлік ынтымақтастыққа интеграциялау үдерістерін жеңілдетуде.Орталық халықаралық және өңірлік күш-жігерді үйлестірудің, озық тәжірибе алмасудың, техникалық көмек көрсетудің және бірлескен жобаларды жүзеге асырудың негізгі алаңына айналады. Ол нақты әрі қол жетімді нәтижелер үшін үкіметтермен, халықаралық ұйымдармен, жеке сектормен және азаматтық қоғаммен тығыз жұмыс жасайды.Сонымен қатар Орталық БҰҰ жүйесін жандандыру процестеріне елеулі үлес қосып, өңірлік деңгейде Ұйым қызметінің тиімділігін арттыруға көмектесетін болады. Оның жұмысы БҰҰ агенттіктері арасындағы үйлестіруді нығайтуға, жаһандық бастамаларды өңірлік қажеттіліктерге бейімдеуге және оның тиімділігін арттыруға бағытталған БҰҰ-ның ағымдағы реформаларына сәйкес келетін инклюзивті көпжақты ынтымақтастықты дамытуға бағытталатын болады.Бұл қарардың қабылдануы орнықты дамуға өңірлік көзқарасты жаһандық қолдауды көрсетеді және халықаралық қоғамдастықтың Орталық Азия мен Ауғанстанның тұрақтылық, өркендеу және жаһандық даму үдерістеріне интеграция жолындағы ілгерілеуіне жәрдемдесуге дайын екенін көрсетеді.Ақпарат көзі : https://www.gov.kz/memleket/entities/mfa/press/news/details/950911

Астана, 2025 жылғы 5 наурыз – Қазақстан Республикасы Сыртқы істер министрінің орынбасары Әлібек Бақаев Кения Республикасының Қазақстандағы қоса атқарушы Елшіcі Питер Мутуку Матукидің сенім грамоталарының көшірмесін қабылдады.Министрдің орынбасары кениялық дипломатты жауапты қызметке тағайындалуымен құттықтап, екі ел арасындағы қатынастарды одан әрі нығайту жолында табыс тіледі.Өз кезегінде П. Мутуки жылы қабылдау үшін алғыс айтып, екіжақты ынтымақтастықты одан әрі дамыту үшін бар күш-жігерін салуға дайын екенін растады.Кездесу барысында тараптар Астана мен Найроби арасындағы саяси диалогтың қарқынды дамуын жоғары бағалап, бұл қарым-қатынастар өзара достық пен серіктестік қағидаттарына негізделген сауда-экономикалық және мәдени-гуманитарлық қатынастарды одан әрі дамытуда айтарлықтай әлеует бар екенін атап өтті.Сонымен қатар дипломаттар алдағы биік және жоғары деңгейдегі іс-шаралар кестесін талқылап, екіжақты және көпжақты ынтымақтастықты жандандыруға келісті. Атап айтқанда, сауда, көлік және логистика, ауыл шаруашылығы, цифрландыру және өзара қызығушылық тудыратын басқа да салалардағы әріптестік мәселелері қарастырылды.Ақпарат көзі : https://www.gov.kz/memleket/entities/mfa/press/news/details/951669

Торонто, 2025 жылғы 3 наурыз – Қазақстандық делегацияның PDAC-2025 конференциясына сапары аясында Қазақстан мен Канада арасында саяси консультациялар өтті. Қазақстандық делегацияны Сыртқы істер министрлігі Америка департаментінің директоры Руслан Уразалин, канадалық делегацияны Сыртқы істер министрлігі Шығыс Еуропа және Еуразия департаментінің директоры Андреас Вайхерт басқарды.Келіссөздер барысында тараптар екіжақты Қазақстан-Канада қарым-қатынастардың қазіргі жағдайы мен болашағын талқылады, сондай-ақ халықаралық күн тәртібі бойынша пікір алмасты.Дипломаттар бұдан бұрын қол жеткізілген саяси келісімдерді жүзеге асырудың, сауда-инвестициялық ынтымақтастықты арттырудың және халықаралық ұйымдар аясындағы өзара іс-қимылды жандандырудың маңыздылығын атап өтті.Жалпы, Қазақстан-Канада келіссөздері екіжақты және көпжақты форматтағы ынтымақтастықты одан әрі нығайтуға тараптардың өзара мүдделілігін растады.Ақпарат көзі : https://www.gov.kz/memleket/entities/mfa/press/news/details/951389

Қостанай облысында су тасқыны кезеңіне дайындық жөніндегі Оперативтік штабтың отырысы өтті. Облыс әкімі Құмар Ақсақаловтың айтуынша, көктемгі су тасқынына дейін уақыт аз қалды, ал «Қазгидромет» болжамына сәйкес, биылғы көктем жылы және жауын-шашынды болады, бұл өз кезегінде су тасқыны қаупін күшейтеді.«Алдын ала болжам бойынша, көктем жылы және жауын-шашынды болады. Аймақтарда су тасқыны жағдайына толық дайындық әлі қамтамасыз етілмеген. Осыған байланысты, су тасқынының алдын алу және оның салдарын жою бойынша шараларды үйлестіру үшін Оперативтік штаб құру туралы шешім қабылданды», – деді Құмар Ақсақалов.Оперативтік штабтың міндеттеріҚұрылған штаб азаматтардың қауіпсіздігін қамтамасыз ету және ықтимал төтенше жағдайларға жедел әрекет ету бойынша негізгі міндеттерді орындайды. Оның негізгі бағыттары мыналарды қамтиды:• су тасқынының алдын алу және салдарын жою бойынша ұсыныстар әзірлеу;• су тасқынына қарсы күреске қажетті күштер мен құралдарды орналастыру;• су тасқынына қарсы шаралардың орындалуын бақылау;• тұрғындарды өміріне және денсаулығына қауіп төнген жағдайда көшіруді ұйымдастыру;• зардап шеккен аудандардағы инженерлік инфрақұрылымды және тұрғын үйлерді қалпына келтіру;• су тасқынынан зардап шеккен азаматтарға әлеуметтік көмек көрсету.Дайындық жұмыстарын күшейту қажетОблыс әкімі су тасқыны кезеңіне дайындықты бүгіннен бастап күшейту қажет екенін атап өтті. Әрбір елді мекенде қар шығару, жолдарды кеңейту, су өткізу арналары мен су өткізу құбырларын тазарту жұмыстары белсенді жүргізілуі тиіс. Су басу қаупі жоғары аудандарда ауыр техника мен мотопомпалар алдын ала орналастырылуы қажет.Құмар Ақсақалов ауыл шаруашылығы кәсіпорындарының да бұл жұмыстарға белсенді қатысуы қажет екенін айтты:«Агроқұрылымдардың басшылары сырт қалмауы тиіс. Халыққа жан-жақты көмек көрсетіп, қар тазалау жұмыстарын күшейту қажет, еріген судың алдын алу шараларын ертерек қолға алу маңызды».Ақпарат көзі : https://www.gov.kz/memleket/entities/kostanay/press/news/details/953286

Астана, 2025 жылғы 12 наурыз – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу АҚШ Мемлекеттік хатшысы Марко Рубиомен телефон арқылы сөйлесті.Тараптар саяси диалог пен экономикалық байланыстарды нығайтуға ерекше назар аудара отырып, кеңейтілген стратегиялық серіктестіктің қазіргі жай-күйі мен даму перспективаларын талқылады.Сонымен қатар жаһандық қауіпсіздік пен өңірлік тұрақтылықты қоса алғанда, бірқатар маңызды халықаралық мәселелер бойынша пікір алмасу болды.Сыртқы саяси ведомстволардың басшылары екіжақты ынтымақтастықтың жоғары динамикасын қамтамасыз ету үшін тұрақты байланыстарды қолдауға келісті.Ақпарат көзі : https://www.gov.kz/memleket/entities/mfa/press/news/details/954995

Вашингтон, 2025 жылғы 6-7 наурыз – Қазақстан Республикасы Сыртқы істер министрлігінің Инвестициялар комитетінің төрағасы Ғабидолла Оспанқұлов пен «Kazakh Invest» ұлттық компаниясының АҚШ-тағы шетелдік өкілі Марат Бірімжанның қатысуымен технологиялық шешімдер, өнеркәсіп, денсаулық сақтау және энергетика салаларындағы ірі америкалық компаниялардың басшылығымен бірқатар кездесулер өткізілді. Аталған кездесулерде Қазақстанның инвестициялық әлеуеті, технологиялық алмасу және өндірісті жергіліктендіру мәселелері талқыланды.Маңызды кездесулердің алғашқысы «Honeywell Technology Experience Center» орталығының өкілдерімен өткізілді. Кездесу барысында өнеркәсіптік автоматтандырудағы инновациялық шешімдер, баламалы авиаотын өндіру, өндірісті цифрландыру және Қазақстанда озық технологияларды енгізу мәселелері талқыға салынды.Әлемдегі жетекші агроөнеркәсіптік «Archer Daniels Midland» корпорациясымен өткен келіссөздер барысында ауыл шаруашылығы өнімдерін қайта өңдеу, агросекторға озық технологияларды енгізу және экспорттық жеткізілімдерді кеңейту мүмкіндіктері талқыланды. Бұл кездесуде қазақстандық тарап астықты қайта өңдеу және өсімдік майын өндіру бойынша әлеуетті жобаларды таныстырып, осы салалардағы өндірісті Қазақстанда жергіліктендіруге қолайлығы туралы атап өтті.Оған қоса «Pfizer» компаниясымен өткен кездесудің басты тақырыбы Қазақстандағы фармацевтика саласын дамыту, заманауи биотехнологияларды енгізу және дәрілік заттар өндірісін жергіліктендіру мәселелері жайлы болды.Сондай-ақ технологиялар, қауіпсіздік және цифрлық шешімдер саласындағы ірі америкалық компания «Leidos»-пен келіссөздер өтті. Бұл кездесуде интеллектуалды көлік жүйелері үшін технологиялық шешімдерді дамыту, маңызды инфрақұрылым мен өнеркәсіпті қорғау, Қазақстанда озық киберқауіпсіздік жүйелерін енгізу мүмкіндіктері талқыланды.Бұдан былай қазақстандық делегация өкілдері АҚШ-тың су технологиялары саласындағы жетекші компаниясы «Xylem»-мен кездесу өткізді. Аталған кездесу су ресурстарын басқару, су тазарту және сапасын бақылаудың инновациялық жүйелерін енгізу бойынша бірлескен бастамаларды талқылауға арналды. Қазақ тарапы сумен жабдықтау және су бұру инфрақұрылымын жаңғырту үшін «Xylem» компаниясының озық шешімдерін пайдалануға мүдделілік танытты.Кездесулердің қорытындысы бойынша Ғ.Оспанкұлов америкалық компаниялармен инвестициялық ынтымақтастықты тереңдетуге дайындығын растап, америкалық тарапқа негізгі салаларда жобаларды іске асыру үшін қолайлы жағдайлар мен тиімді қолдау тетіктерін ұсынды.Ақпарат көзі : https://www.gov.kz/memleket/entities/mfa/press/news/details/954704

🗳 2026 жылғы 15 наурызда Қазақстанда жаңа Конституция жобасы бойынша республикалық референдум өтеді.Әрбір азамат өз пікірін білдіріп, дауыс беруге қатыса алады.📌 Өзіңізді сайлаушылар тізімінен алдын ала тексеріңіз:🌐 Сайт арқылы:1️⃣ Сілтеме арқылы өтіңіз: https://sailau.almobl.kz2️⃣ ЖСН енгізіңіз3️⃣ «Тексеру» батырмасын басыңыз4️⃣ Өз сайлау учаскеңіз туралы ақпаратпен танысыңыз🤖 Telegram-бот арқылы:1️⃣ Сілтеме арқылы өтіңіз: https://t.me/sailau_almobl_bot2️⃣ «Бастау» батырмасын басыңыз3️⃣ ЖСН енгізіңіз4️⃣ Сайлаушылар тізімінде бар-жоғын және сайлау учаскеңізді біліңіз📞 Call-орталық арқылы:109 нөміріне қоңырау шалыңызҚоңырау шалу тегін. Мамандар сіздің барлық сұрақтарыңызға жауап береді.✅ Тексеру бар болғаны бірнеше минутты алады.Ақпарат көзі : https://www.gov.kz/memleket/entities/almobl/press/news/details/1165714?lang=kk

Алматы облысында Ұлы Отан соғысындағы Жеңістің 80 жылдығы кең көлемде аталып өтті.Алматы облысы аумағында тұратын соғыс ардагерлеріне ҚР Президенті Қасым-Жомарт Тоқаевтың атынан құттықтаулар келіп түсті. Жеңісті жақындатқан ардагерлерге атаулы күнге орай ыстық лебізге толы хаттар, естелік сыйлықтар және Жеңістің 80 жылдығына арналған мерекелік медальдар берілді. Бұл күнгі басты қуанышты жаңалықтың бірі - бейбіт өмір сыйлаған соғыс ардагерлеріне мемлекет тарапынан көрсетілген қамқорлық пен құрмет ретінде Қонаев қаласында салынған тұрғын үйлерден демеушілердің атынан баспана кілтінің табыс етілуі болды. Сонымен бірге, облыс әкімі Марат Сұлтанғазиевтің тапсырмасымен аймақта тұратын көзі тірі бес соғыс ардагеріне бес миллион теңгеден әлеуметтік көмек берілді. Жеңіс күніндегі салтанатты шара облыс орталығындағы "Даңқ" мемориалына гүл шоқтарын қоюдан басталды. Шараға облыс басшылығы мен әр деңгейдегі мәслихат депутаттары, ардагерлер ұйымы мен түрлі мекеме өкілдері қатысты.Салтанатты рәсімге соғыс ардагерлері арнайы көлікпен жеткізілді. Облыстық төтенше жағдайлар департаментінің оркестрі шараны музыкамен әрлеп, мереке көркін қыздырды. Шараға қатысқандардың арасында Екінші дүниежүзілік соғыс ардагерлері Солтанбай Жарықбасов пен Алым Кибиров та болды.Солтанбай ата шарада: "Жеңіс - біздің баршамызға ортақ тағылымды тарихымыз, біздің өміріміздің өзегі әрі даңқымыз, абырой-беделіміздің көрінісі!" - десе, ал А. Кибиров Жеңістің қадір-қасиетін кейінгі жас ұрпақ жадына тұтып, сезініп өссе деген тілегін жеткізді."Жеңістің 80 жылдық мерекесі тек ардагерлерге құрмет көрсетумен шектелмейді. Бұл күннің болашақ ұрпақ үшін де маңызы зор", - деді облыс әкімі.Мереке күні аймақ басшысы ардагер Оксана Бетебаеваға ҚР Президентінің атынан Құттықтау хат, естелікке сыйлық ұсынып, жаңа пәтер кілтін табыстады.Мерекелік іс-шаралар бүкіл облыстың бүкіл аймағын қамтыды. Облыс мұражайларында, кітапханаларда және Мәдениет үйлерінде көрмелер, еске алу кештері мен әдеби-танымдық кездесулер ұйымдастырылды.Мәселен, облыстық кітапханада қайсарлық пен батырлық тақырыбында игі шара өтсе, ал Қарасай ауданындағы "Атамекен" орталығында жиналған қауым Халық қаһарманы, генерал-полковник Сапарғали Тоқпақбаевтың тағылымды әңгімесін тыңдады.Жеңіс күнін мерекелеу 9 мамырмен шектелмесі анық. Облыс жастарының бастамасымен "80 жылға – 80 игі іс" акциясы қолға алынды. Бұл акция аясында 200-ден астам ардагерге көмек көрсетіледі. Еріктілер тыл еңбеккерлері мен жалғыз басты қариялардың шаңырақтарына бас сұғып, үй жинауға және ауласын абаттандыруға қол ұшын созуда. Мектеп оқушылары мен студенттер үшін де әскери бөлімдер мен шекара заставалары отаншылдық рухты көтеретін экскурсиялар өткізеді.Ал 10 мамыр күні Жеңістің 80 жылдығына орай "Ұлы дала жорығы" атты V халықаралық марафон өтеді. Ауқымды жарысқа 500-ден астам спортшы қатысып, 5 мың көрерменді қамтиды деп күтілуде. Сондай-ақ, Талғар ауданындағы Нұра ауылында бәйге өтіп, жарыста 100-ге жуық шабандоз өнер көрсетті. Жеңіс күніндегі игі шара Райымбек ауданы Талас ауылындағы соғыс ардагерлеріне арналған ескерткіштің ашылуымен түйінделді.Ақпарат көзі : https://www.gov.kz/memleket/entities/almobl/press/news/details/992664?lang=kk

Ұлы Отан соғысындағы Жеңістің 80 жылдығына орай Қостанай облысында ардагерлер мен оларға теңестірілген азаматтарға қолдау көрсетуге бағытталған кешенді іс-шаралар өткізіліп жатыр.Өңірде Ұлы Отан соғысының 10 қатысушысы мен мүгедегі, сондай-ақ ардагерлерге теңестірілген 1949 адам тұрады. Олардың барлығы мерейтойлық жыл бойы әлеуметтік және медициналық қолдауға ие болуда.Жеңіс күніне орай соғысқа қатысушыларға 5 миллион теңгеден, фашистік концлагерь тұтқындарына – 100 мың теңгеден, қоршаудағы Ленинград тұрғындарына – 60 мың теңгеден, тыл еңбеккерлеріне – 50 мың теңгеден, қаза тапқан ардагерлердің жесірлері мен әйелдеріне – 50 мың теңгеден біржолғы әлеуметтік көмек көрсетілді.Бұл төлемдерге бюджеттен жалпы 164,7 миллион теңге бөлінді.Мамыр айының басынан бастап барлық ардагерлер мен оларға теңестірілген азаматтарға Жеңістің 80 жылдығына арналған мерейтойлық медальдар табысталды – барлығы 1959 адам.Ардагерлерге ай сайын әлеуметтік көмек көрсетіледі: соғысқа қатысушыларға – 39 320 теңге, теңестірілген санаттарға – 11 796 теңге.Санаторийлік-курорттық емдеуге ерекше көңіл бөлінуде. Биыл 356 адамды сауықтыруға 108,7 миллион теңге бөлінді. Сонымен қатар, санаторийді өз бетінше таңдаған азаматтардың шығындарын өтеуге 54,4 миллион теңге бағытталды.7 мамырда Қостанай облысынан делегация Астанада өткен Әскери парадқа қатысты. Делегация құрамына ардагерлер, қоғамдық ұйымдардың өкілдері және еріп жүргендер кірді.Ақпарат көзі : https://www.gov.kz/memleket/entities/kostanay/press/news/details/992623?lang=kk

Қазақстан Республикасының Сыртқы істер министрлігі Атом энергиясы жөніндегі халықаралық агенттігінің (АЭХА) Қиыр Шығыс өңірлік тобына Қазақстанды қабылдау бойынша Агенттіктің Басқарушылар кеңесінің бүгінгі отырысында жарияланған шешімді құптайды.Қазақстанның өңірлік топқа кіруі – Агенттіктің Жарғысына және еліміздің бастамасымен қабылданған АЭХА Бас конференциясының 2023 жылғы 29 қыркүйектегі GC(67)/RES/15 қарарына сәйкес мемлекеттердің АЭХА-дағы егемендік теңдігін қалпына келтіру мәселесіндегі маңызды қадам. Сонымен бірге бұл Астананың бейбітшілік пен жаһандық қауіпсіздікке қолдау көрсетуге, ядролық қарусыздану мен таратпау режимін нығайтуға бейілділігін растайды.Мүше мемлекеттердің АЭХА-дағы егеменді теңдікті қалпына келтірудегі іс-жігерін жоғары бағалаймыз және Қиыр Шығыс тобына қатысушы мемлекеттеріне қолдау мен жоғары сенім үшін ризашылығымызды білдіреміз.Бұл шешім Қазақстанға АЭХА басқарушы органдарының жұмысына толыққанды қатысуға мүмкіндік береді. Мемлекетіміз жаппай қырып-жою қаруы тәуекелдерінен азат әлем құруға бағытталған халықаралық іс-әрекеттердің белсенді қатысушысы ретінде атом энергиясын бейбіт мақсатта пайдалануға, ядролық технологияларды жауапкершілікпен қолдануға және сенім мен транспаренттіктің халықаралық механизмдерін нығайтуға өзінің конструктивтік үлесін әрі қарай ұсынуға әзірлігін білдіреді.Ақпарат көзі : https://www.gov.kz/memleket/entities/mfa/press/news/details/1110385?lang=kk

Вена, 2025 жылғы 7 мамыр – ЕҚЫҰ-ның «Инклюзивтілік және құқықтар мен мүмкіндіктерді кеңейту арқылы тұрақтылықты құру» конференциясына Қазақстан Республикасы Сыртқы істер министрлігінің Ерекше тапсырмалар жөніндегі Елшісі Алуа Надирқұлова қатысып, Қазақстанның гендерлік теңдік пен адам құқықтарын ілгерілетудегі күш-жігерін таныстырды.Елші өз сөзінде Президент Қасым-Жомарт Тоқаевтың бастамасымен Қазақстанда жүзеге асырылып жатқан демократиялық реформалардың қайтымсыздығын және олардың ЕҚЫҰ, Еуропалық Одақ және Еуропа кеңесін қоса алғанда, халықаралық серіктестер тарапынан қолдауын атап өтті.Негізгі жетістіктердің қатарында – 2023 жылы БҰҰ ұсынымдарына сәйкес әзірленген Адам құқықтары мен заң үстемдігі жөніндегі іс-қимыл жоспарының бекітілуі, 2024 жылы әйелдердің құқықтарын қамтамасыз ету және балалардың қауіпсіздігі мәселелері бойынша кейбір заңнамалық актілерге өзгерістер мен толықтырулардың енгізілуі, сондай-ақ 2025 жылғы наурызда Алматы қаласында Орталық Азия мен Ауғанстан үшін Орнықты даму мақсаттары жөніндегі БҰҰ Өңірлік орталығын құру туралы БҰҰ Бас Ассамблеясының қарарының қабылдануы атап өтуге тұрарлық. Сонымен қатар Мадина Жарбосынованың 2025-2028 жылдарға Әйелдерге қатысты кемсітушілікті жою жөніндегі БҰҰ комитетіне (CEDAW) сайлануы өңір үшін маңызды қадам болды.Сонымен қатар Н.Надирқұлова Қазақстанның Стамбул конвенциясына қосылуға дайындықты, БҰҰ-ның мүгедек балалар мен адамдардың құқықтары жөніндегі хаттамаларын ратификациялауды, сондай-ақ «Әйелдер, бейбітшілік және қауіпсіздік» күн тәртібіне белсенді қатысуды қоса алғанда, халықаралық міндеттемелерге бейілділігін атап өтті (БҰҰ ҚК 1325 қарары).Ақпарат көзі : https://www.gov.kz/memleket/entities/mfa/press/news/details/992998?lang=kk

Мәскеу, 2025 жылғы 5-7 мамыр – Каспий теңізі мәселелері жөніндегі Жоғары деңгейдегі жұмыс тобының оныншы отырысы өтті (ЖДЖТ).Келіссөздерге Әзербайжан Республикасының (жетекшісі – Самир Шарифов), Иран Ислам Республикасының (жетекшісі – Алиреза Джахангири), Қазақстан Республикасының (жетекшісі – Зульфия Аманжолова), Ресей Федерациясының (жетекшісі – Михаил Петраков) және Түрікменстанның (жетекшісі – Мурат Атаджанов) делегациялары қатысты. Отырысқа Ресей делегациясының басшысы М.Петраков төрағалық етті.Тараптар Каспий теңізінде бастапқы тік сызықтарды белгілеу әдістемесін талқылауды жалғастырды. Отырыс аясында тараптар Каспий теңізіндегі ынтымақтастыққа шолу жасап, сыртқы істер министрлерінің кезекті кездесуіне дайындық мәселелерін қарастырды.Делегациялар Ресей Федерациясына кездесуді ұйымдастырудың жоғары деңгейі үшін ризашылықтарын білдірді.ЖДЖТ келесі отырысы Түрікменстанда дипломатиялық арналар арқылы келісілген мерзімде өтеді. Ақпарат көзі : https://www.gov.kz/memleket/entities/mfa/press/news/details/991755?lang=kk