Қазақстанның барлық өңірінен келген 350 өндіруші өз өнімін Астанадағы «Ulttyq ónim» VIII отандық өндірушілер көрмесінде ұсынды. EXPO халықаралық көрме орталығында басталған сегізінші жылсайынғы көрмеде қазақстандық өндірушілер тамақ, жеңіл, химия өнеркәсібі, машина жасау, жабдықтар, зергерлік бұйым мен басқа да мыңдаған тауар түрін ұсынды. Экспозицияға қатысқан барлық кәсіпорынға еліміздегі шағын және орта бизнеске қолдау жасайтын негізгі қаржы институты «Даму» қоры қаржылай және басқа да көмек көрсетті.«Ulttyq ónim сегізінші көрмесі – отандық кәсіпкерлікті дамытудың ең жақсы дәлелі мен көрінісі. Өндірушілер еліміздің ішкі нарығындағы ұстанымын нығайтып, экспортқа шығуда. Шетелде танымал брендке айналып жатыр. Ал шағын және орта бизнесті мемлекеттің қолдауы тек күшейе бермек. Биыл экономиканың нақты секторын жедел дамытуға бет бұрдық. Мемлекет ақпараттық технология, логистика, туризмге, тамақ өнімін, құрылыс материалын өндіруге, машина жасау, жеңіл және химия өнеркәсібі сияқты басым салалардағы ШОБ инвестициялық жобаларына ашық тапсырыс жариялады. Бұл бағытта жан-жақты қолдау көрсетіледі», — деп атап өтті көрменің ашылуында Премьер-министрдің орынбасары – ұлттық экономика министрі Серік Жұманғарин. Көрмеде ас үй плиталары, желдеткіш, медициналық жабдықтар, трансформаторлар, құрама жем, чемодандар, тоқыма бұйымдары, құрылыс материалдары, антисептиктер, киім, аяқ киім және басқа да сұранысқа ие тауарлар ұсынылған. Қатысушылардың бірі зарарсыздандыру және жуу құралын өндіруші «Аврора» өндірістік кешені» ЖШС нарықта 15 жылдан бері жұмыс істеп келеді. Мұнда косметикалық өнімнің 40, тұрмыстық химияның 55, зарарсыздандыру құралының 80-нен астам түрі бар.«Біз өнім өндіруде тиімділікке, қауіпсіздік пен тауардың тым қымбат болмауына баса назар аударамыз. Бізден ыдыс жууға арналған сабын, сұйық сабын, әйнек жууға, ас үйге, кір жууға арналған тұрмыстық химияны сатып алуға кеңес береміз. Біз желіні үнемі жаңартып отырамыз. Жаңа өнімдердің арасында үй мен кеңсеге арналған хош иісті диффузорлар бар. Booboo брендімен балаларға арналған өнімдердің сан алуан түрін шығарудамыз. Өнімдеріміз Қазақстандағы сауда желілерінде, маркетплейстерде және таяу шет елдерде кеңінен ұсынылған», — деді «Аврора» өндірістік кешені» ЖШС өңірлік директоры Ермек Еркінов.2024 жылы «Бәйтерек» холдингінің субсидиялау және кепілдік беру құралдары арқылы Үкімет бизнесті қолдау бағдарламаларын іске асыруға 336 млрд теңге бөлді. 2,7 мың жобаға 254 млрд теңге жеңілдетілген несие берілсе, жалпы 29,5 мың жоба 1,7 трлн теңгеге мемлекеттің қолдауына ие болды. Бұл шаралар 9,7 мың жұмыс орнын ашуға, 25,4 трлн теңгенің өнімін шығаруға, 1,7 трлн теңге салық түсіміне мүмкіндік берді. Нәтижесінде 2024 жылы ШОБ секторында жұмыспен қамтылғандар үлесі халықтың 48%-на тиесілі болса, ЖІӨ-ге қосылған үлес шамамен 40%-ды құрайды.Ақпарат көзі : https://www.gov.kz/memleket/entities/economy/press/news/details/997324?lang=kk

Ертең, 16 мамырда, Астанада EXPO халықаралық көрме орталығында отандық өндірушілердің жылсайынғы VIII «Ulttyq ónim» көрмесі басталады. Іс-шара 18 мамырға дейін жалғасады. Қазақстанның барлық өңірінен 350 өндіруші өз өнімін ұсынады. Елорда тұрғындары мен қонақтары Қазақстанда Үкіметтің қолдауымен «Даму» қорының бағдарламалары арқылы өндірілген тауарлардың алуан түрімен танысып, сатып ала алады.Көрмеде тамақ, жеңіл, химия өнеркәсібінен бастап, машина жасау, жабдық, зергерлік бұйымға дейінгі түрлі өнім ұсынылады. Олардың ішінде «Гормолзавод» танымал бренді, «Аq Dam» ұлттық тәттісі, Galamilk, Altay Outwear белсенді демалыс пен туризмге арналған киім мен жабдық, «Balausa Jewelry» зергерлік бұйымы, «Қайнар АКБ» ЖШС аккумуляторлық батарея өндіруші, толықтай қазақстандық брендпен әзірленіп, жиналған алғашқы ирригациялық машина өндіруші «Su bereke», «Аврора» дезинфекциялық, косметикалық және жуғыш заттарды әзірлеу мен өндіру көшбасшысы, «Almaty Turmystyq Tehnika zavody» ЖШС тұрмыстық техника өндіру зауыты және тағы басқалар бар.Сонымен қатар, «Ulttyq ónim» шеңберінде отандық кәсіпкерлікті дамыту мәселесіне арналған панельдік сессиялар өтеді. Оларға жетекші қазақстандық және халықаралық спикерлер қатысады. Қатысушылар Қазақстандағы бизнес үшін өзекті трендтерді, сын-қатерлер мен мүмкіндіктерді талқылайды.Сондай-ақ, көрме барысында «Халық Таңдауы» атты тәуелсіз, дәм тату байқауы, қазақстандық жетекші өндірушілердің әйелдер мен ерлердің киімдерінің топтамасын көрсету, кәсіпкерлердің шеберлік сыныбы, көрмеге қатысушылар ұсынатын күнсайынғы ұтыс ойыны мен концерттік бағдарлама ұйымдастырылады.Айта кетсек, көрмеде кәсіпкерлерді қолдаудағы мемлекеттік саясатты табысты іске асырудың аз ғана бөлігі көрсетіледі. Тек 2024 жылы ғана «Даму» қоры арқылы мемлекеттің қолдауымен 1,7 трлн теңге несиемен 29,5 мың жоба қамтылған екен. Ол үшін 590 млрд теңге бөлінді. Нәтижесінде 25,4 трлн теңгеге өнім шығарылып, 1,7 трлн теңге салық төленген. 9,7 мың жұмыс орны құрылған. Барлығы «Даму» қорының құралдары арқылы мемлекеттің қолдауына 225,3 мың адам ие болды. Берілген несиенің жалпы сомасы 14,1 трлн теңгелік жобалар. Осының арқасында 220 мыңнан астам жаңа жұмыс орны құрылып, 1,2 млн-нан астам жұмыс орны сақталды. Шамамен 130 трлн теңгеге өнім шығарылып, 9,0 трлн теңге салық түсті.«Ulttyq ónim» өткізу отандық тауарлар мен қызметтерді танымал етуге және ілгерілетуге ықпал ететін жақсы дәстүрге айналып отыр. Жыл сайын көрмеге қызығушылық артуда. 2022 жылы келушілер саны 20 мыңнан асса, 2023 жылы 22 мың. Сату көлемі де артып, 2022 жылы 70 млн теңгеден 2023 жылы 74,1 млн теңгеге жетті.Көрмеге кіру тегін. Тек сол көрмеде немесе «Ulttyq ónim» сайтында алдын ала онлайн-форматта тіркелу қажет. Тіркелу үшін сілтемеЕлорда тұрғындары мен қонақтарын «Ulttyq ónim» көрмесіне қатысып, отандық өндірушілерді қолдауға шақырамыз!Орны: EXPO халықаралық көрме орталығы (Мәңгілік Ел даңғылы, 53/1)Салтанатты ашылуы: 16 мамыр, сағат 09:00-де.Көрменің жұмыс уақыты: 2025 жылғы 16-18 мамыр, сағат 08:00-18:00.Ақпарат көзі : https://www.gov.kz/memleket/entities/economy/press/news/details/995792?lang=kk

Қазақстан Республикасы Үкіметінің қаулысымен Жандос Нұрланұлы Шаймарданов ұлттық экономика вице-министрі қызметіне тағайындалды. Бұл туралы Үкіметтің Баспасөз қызметі хабарлайды.  1987 жылы Шығыс Қазақстан облысында дүниеге келген. Йорк университетін (Ұлыбритания), IE университетін (Испания) бітірген.Еңбек жолын 2009 жылы ҚР Экономика және жоспарлау министрлігінде бас сарапшы қызметінен бастаған. 2010–2013 жылдары — «Самұрық-Қазына» ҰӘҚ АҚ менеджері.     2013–2014 жылдары — ҚР Экономика және бюджеттік жоспарлау министрлігі Мемлекеттің міндеттемелерін басқару және қаржы секторын дамыту саясаты басқармасының бас сарапшысы.2014–2016 жылдары — ҚР Ұлттық экономика министрлігі Стратегиялық жоспарлау және талдау департаментінің директоры.2016–2019 жылдары — Департамент директоры, «Бәйтерек» ҰБХ АҚ басқарушы директоры. 2019–2020 жылдары — «QazTech Ventures» АҚ басқарма төрағасы.2020–2022 жылдары — ҚР Ұлттық банкі Ақша-несие саясаты департаментінің директоры.  2022–2023 жылдары — ҚР Стратегиялық жоспарлау және реформалар агенттігі Ұлттық статистика бюросының басшысы.2023–2025 жылдары — ҚР Стратегиялық жоспарлау және реформалар агенттігінің төрағасы.   Ақпарат көзі : https://www.gov.kz/memleket/entities/economy/press/news/details/995732?lang=kk

Кәсіпкерлік қызметті ынталандыру мен бизнестің қаржыға қол жеткізуін қамтамасыз ету бойынша мемлекеттің саясатын іске асыру мақсатында ҚР Ұлттық экономика министрлігі «Даму» кәсіпкерлікті дамыту қорымен бірлесіп, 2025 жылдың басынан бастап жалпы сомасы 4 898 жобаға 586 млрд теңгеге қолдау көрсеткен.Бұрын айтылғандай, ағымдағы жылғы сәуірде «Даму» қоры арқылы кепілдік беру қорлары жұмысын бастады. Мұның біріншісі 7 млрд теңгеге дейінгі шағын және орта бизнес жобаларына, екіншісі 7 млрд теңгеден асатын ірі жобаларға арналған.Бүгінгі таңда 8 банкпен келісім жасалған. Кепілдік қорына алғашқы 537 млн теңге жарнаны Freedom Bank салып отыр. Сонымен қатар, Halyk Bank, ForteBank пен Банк Центркредит банкі тиісінше 2 млрд, 1,8 млрд және 1,6 млрд теңгеден үлес қоспақ.ШОБ-қа арналған Кепілдік қоры ашылғаннан бері 230 жобаға 27,7 млрд теңге несие берілген. Бұл ретте кепілдік сомасы 13,9 млрд теңге. Жобалардың 70%-дан астамы жаңа өндірісті іске қосуға, жабдық сатып алу мен құрылысқа, инвестициялық мақсатқа арналған. Ең көп қолдау көрсетілген, шамамен 40% өтінім өңдеу өнеркәсібіне тиесілі. Сондай-ақ, көлік және логистика, денсаулық сақтау мен білім беру саласында да сұраныс жоғары деңгейде.Кепілдік беру бойынша 2025 жылдың басынан бері «Даму» қоры жалпы сомасы 256 млрд теңге, жалпы кепілдік сомасы 178 млрд теңгеге 2 017 жобаға қолдау көрсетті.Пайыздық мөлшерлемелерді субсидиялаудан ШОБ субъектілеріне жеңілдікпен несие беруге көшу шеңберінде биыл қаржы көлемін 750 млрд теңгеге дейін ұлғайту көзделіп отыр. Бұл 2024 жылғы көрсеткіштен үш еседей артық. Сондай-ақ, соңғы қарыз алушы үшін сыйақы мөлшерлемесі жылдық 12,6% жаңа бағдарлама іске қосылмақ. Ол бойынша өңдеу өнеркәсібі, туризм, білім беру, денсаулық сақтау, көлік және логистика сияқты басым сектордағы жобаларға қаржы бөлінеді.Бүгінде қолданыстағы жеңілдікпен несие беру бағдарламасына сай, 755 жобаға 53 млрд теңге қолдау көрсетілген.Бұл ретте микро және шағын бизнеске берілетін 200 млн теңгеге дейінгі несиенің сыйақы мөлшерлемесінің бір бөлігін субсидиялау сақталады. Осы арқылы экономиканың басым саласындағы шағын кәсіпорындарға көмек жасалмақ.Бүгінгі таңда сыйақы мөлшерлемесінің бір бөлігін субсидиялау бойынша 2 126 жобаға 276 млрд теңге берілді. Қаражаттың негізгі бөлігі бірыңғай кешенді бағдарлама шеңберінде басым саланы қолдауға жұмсалды: өңдеу өнеркәсібіндегі 595 жобаға 90,8 млрд. теңге, көлік және қоймалауда 576 жобаға 52,8 млрд.теңге, білім беруде 158 жобаға 28,5 млрд. теңге несие бөлінген.Ақпарат көзі : https://www.gov.kz/memleket/entities/economy/press/news/details/994325?lang=kk

2025 жылғы 15 мамырда ҚР Экология және табиғи ресурстар вице-министрі Ж. Әлиевтің Атырау қаласының тұрғындарымен кездесу өткізеді.📍Кездесудің мекен-жайы: Атырау қ. Н. Балғымбаева атындағы коммуникациялар дамыту орталығында.14:30 – 15:30 - азаматтарды жеке қабылдау;15:30 – 17:00 - халықпен, коммерциялық емес және қоғамдық ұйымдармен кездесулер;17:15 – 17:45 - өңірлік бұқаралық ақпарат құралдарымен брифинг.⏯️Онлайн-көрсетілім тікелей эфирде Экология және табиғи ресурстар министрлігі «Facebook», «Youtube» әлеуметтік желілеріндегі ресми парақшасында өткізілетін болады.Сіз өз сұрақтарыңыз бен ұсыныстарыңызды вице-министрмен кездесу барысында қоя аласыз немесе келесі байланыс арналары арқылы жібере аласыз:WhatsApp: 8 (701) 100-44-66Электрондық пошта: s.koblashov@ecogeo.gov.kz  📌 Жеке қабылдауға жазылу 2025 жылғы 14 мамырға дейін (қоса алғанда) жүргізіледі. Жазылу үшін 8 (701) 100-44-66 нөміріне хабарласуыңызды сұраймыз.Барша азаматтарды белсенді қатысуға және ҚР Экология және табиғи ресурстар вице-министріне өз сұрақтарын қоюға шақырамыз!#халықпенкездесуАқпарат көзі : https://www.gov.kz/memleket/entities/ecogeo/press/news/details/994047?lang=kk

Премьер-министрдің орынбасары – ұлттық экономика министрі Серік Жұманғариннің төрағалығымен өткен экономикалық өсуді қамтамасыз ету жөніндегі штабтың кезекті отырысында газ өнеркәсібіндегі инвестициялық жобалар мен Ақтөбе облысының инвестициялық дамуы талқыланды. «QazaqGaz» ҰК» АҚ ақпараты бойынша, жобадағы мерзімі 2026 жылы белгіленген «Талдықорған–Үшарал» магистралды газ құбыры құрылысын биыл аяқтау жоспарлануда. Бұл құны 123 млрд теңге болатын жоба 2025 жылдың өзінде-ақ газ саласының қосылған құнына өз үлесін қосуы тиіс дегенді білдіреді. 2027 жылы «КС-14–Қостанай» жаңа магистралды газ құбырының құрылысы аяқталады. 2029 жылға дейін Қашаған кен орнында газ өңдеу зауыты құрылысының екі кезеңі және «Бейнеу–Бозой–Шымкент» магистралды газ құбырының екінші желісі аяқталмақ. Штаб отырысында жобаларды дамытудың барлық түйткілдері мен олардың орындалу мерзімін ұзартатын кедергілерді жою мүмкіндігі талқыланды.Ақтөбе облысында өнеркәсіптік және инвестициялық өсімнің айтарлықтай жоғары қарқыны байқалады. Өткен жылғы қорытынды бойынша өңірдің өнеркәсіптік өндіріс көлемі 4,5%-ға өсіп, 2,6 трлн теңгеге жетті (2023 жылы 2,5 трлн). 2024 жылы негізгі капиталға салынған инвестиция 901,1 млрд теңгені құрады. Оның 78%-ы жеке, 22%-ы – бюджеттік. 53%-ы тау-кен өнеркәсібіне, 42%-ы өңдеу өнеркәсібіне салынған. 2024 жылғы 9 айда тікелей шетелдік инвестиция көлемі $337,4 млн-ды құрады. Ақтөбе облысы әкімінің орынбасары Абзал Әбдікәрімовтің айтуынша, бүгінде өңірде 74 инвестициялық жоба іске асырылуда. Оның ішінде 2025 жылы 460 млрд теңгелік 10 жоба бойынша 1,2 мың жұмыс орны ашылған. Олардың қатарында «ПЗТМ Ltd» ЖШС рельс дәнекерлеу кәсіпорны, Лиманное кен орнын игеру, «Қазақстан тәуелсіздігінің 10 жылдығы» шахтасының екінші кезегі, «KAZFELTEC» ЖШС жүн өңдеу және тоқыма емес материалдар өндірісі, «Хромтау 1» жел электр стансасы құрылысы бар.Облыста Ақтөбе облысының инвестициялық бағдарламасы әзірленген. 46 іс-шарадан тұратын инвестиция тарту бойынша кешенді іс-қимыл жоспары жасалған. Инвестицияларға тапсырыс беру үшін тауашалық жоба анықталып, 265 млрд теңгеге 13 инвестициялық ұсыныс берілген. Олардың қатарында тау-кен техникасы, санфаянс, аяқ киім, балық өнімдері, құс фабрикасы, мұнара фермалары және басқалары бар.2026-2028 жылдарға жоспарланған негізгі жобалардың қатарында инвестиция көлемі 207 млрд теңгені құрайтын «AltynEx Company» ЖШС алтын құрамды кендерді өңдеу бойынша байыту фабрикасын салу, «Қазпошта» АҚ көлік-логистикалық хабы (25 млрд теңге), «Batys Bitum» ЖШС битум зауыты (111 млрд теңге) және басқалары бар. Аммиак пен карбамид, шыны ыдыстар өндіру, диатомит шикізатын өңдеу жобалары пысықталуда.Штаб отырысында өңірді газбен және сумен жабдықтау, ТЖ шеңберінде білім беру объектілері мен автожолдарды қалпына келтіру мәселелері талқыланды. Вице-премьер облыс әкімдігіне «Бәйтерек» холдингі арқылы ұсынылатын шағын және ірі бизнес үшін мемлекеттік қолдау шаралары туралы өңірдің бизнес-ортасын хабардар етуді ұсынды. Осылайша олар өз жобаларын қаржыландыруға тезірек өтінім бере алады.Ақпарат көзі : https://www.gov.kz/memleket/entities/economy/press/news/details/952543

Кәсіпкерлікті қолдау, негізгі ұлттық және инвестициялық жобаларды іске асыру үшін «Бәйтерек» холдингі 8 трлн теңге бөледі. Ол биыл елімізде ЖІӨ-нің нақты өсуіне қосымша 1,3% үлес қосады.Үкіметте Премьер-министрдің орынбасары – ұлттық экономика министрі Серік Жұманғариннің төрағалығымен өткен Қазақстан экономикасының өсуін қамтамасыз ету жөніндегі штаб отырысында «Бәйтерек» холдингінің негізгі экономикалық көрсеткіштері мен инвестициялық жобалары қаралды.Үкімет экономиканың нақты секторын қарқынды дамыту мақсатында «Бәйтерек» холдингін капиталдандыруды 1 трлн теңгеге ұлғайтып отыр. Бұл холдингке кәсіпкерлікті қолдауға, тұрғын үй құрылысын дамытуға және негізгі ұлттық және инвестициялық жобаларды іске асыруға шамамен 8 трлн теңге бөлуге мүмкіндік береді. Штаб отырысында холдинг төрағасының орынбасары Жандос Шайхы бірінші тоқсанда 1,2 трлн теңге игерілгенін айтты. Ал жоспар бойынша 1 трлн теңге болатын. Бұдан басқа, биыл «Бәйтерек» арқылы іске қосылатын жобалардың жалпы қосылған құнының көлемі 521,5 млрд теңге.Жобалардың ең үлкен инвестициялық пулы Қазақстанның даму банкінде шоғырланған. Биыл 2,2 трлн теңгеге 66 жоба жүзеге асырылады. Инвестиция салынған негізгі салалар – көлік, логистика және байланыс (34%), металлургия (19%), химия өнеркәсібі (12%). Жобалардың барлығына қаржы бөлінген соң, ел экономикасына жаңа өндіріс, тауар мен қызмет түрінде 37,8 трлн теңге мөлшерінде салым түсіріледі. Негізгі капиталға салынған инвестиция биыл 1,6 трлн теңге. 2025 жылы қаржы бөлу жоспарланған ҚДБ-ның басты инвестициялық жобаларының қатарында Жамбыл облысындағы натрий цианидін өндіру зауыты, Түркістан облысындағы күкірт қышқылы зауыты, Қостанай облысындағы ыстық брикеттелген темір өндіру жөніндегі ірі қазақстандық кәсіпорын және басқалар бар. Осы жылы 1,5 трлн теңгенің 181 инвестициялық жобасы өнеркәсіпті дамыту қорында (ӨДҚ) қалыптастырылды. Негізгі салалар – инфрақұрылымды дамыту (27%), металлургия (21%) және химия өнеркәсібі (13%). ӨДҚ-ның барлық жобаларын қаржыландырудың қорытындысында жалпы қосылған құн көлемі – 19,4 трлн теңге. Негізгі капиталға салынған инвестиция биыл 1,44 трлн теңге болды. 2025 жылы қаржыландыру жоспарланған ӨДҚ басты инвестициялық жобаларының қатарына «Глобал Транс компания» ЖШС шекаралық темір жол өткелін салу, «ЕЭК» АҚ энергоблогын қайта жаңарту, «Qarmet» АҚ өндірісін жаңғырту, «Rail Way Steel» ЖШС электрометаллургиялық зауытын салу кіреді.Qazaqstan Investment Corporation 2025 жылы қаржыландыруы 2,8 трлн теңге деңгейінде болуы тиіс ЖҚҚ-мен 10 инвестициялық жобаға шамамен 500 млрд теңге салуды жоспарлап отыр. Биыл негізгі капиталға салынған инвестиция – 200 млрд теңге. Осы жылға арналған QIC негізгі 5 инвестициялық жобасы – Қарағанды облысында металлургиялық кластерді дамыту, «АралСода» ЖШС-нің кальциленген содасын және «Batys Bitum» ЖШС-нің битумын, «Ақтау энергетикалық компаниясы» ЖШС-нің бу-газ электр стансасын өндіру зауытын салу.«Даму» қоры 2025 жылы шағын және орта бизнеске жеңілдікпен несие беру көлемін 750 млрд теңгеге дейін ұлғайтуды жоспарлады. Бұл 2024 жылмен салыстырғанда 3 еседей артық. 2025 жылғы 1 тоқсанда 755 кәсіпкерге 53 млрд теңге берілді. Қарыздарға кепілдік беру көлемі 1400 млрд теңгеге дейін артты. І тоқсанда 160 млрд теңге сомасына кепілдіктер берілді.Агроөнеркәсіптік кешенді қолдауда 2025 жылғы 6 мамырдағы жағдай бойынша Аграрлық несие корпорациясы 5,8 млн гектар егіс алқабын қамти отырып, көктемгі егіс жұмысына қаржы берудің жеңілдетілген бағдарламасы бойынша 363 млрд теңгеге 6 мыңға жуық фермердің өтінімін қанағаттандырды.Штаб отырысының қорытындысында вице-премьер қарапайым заттар экономикасы бағдарламасы бойынша инвестициялық жобалардың қымбат импортты алмастыруға және сол арқылы инфляцияны тежеуге мүмкіндік беретін ішкі нарықта сұранысқа ие тауарлар өндірісінің жеткіліксіз ұсынылғанын атап өтті. «Біз экономиканың нақты секторын қолдау бағдарламасына бастамашылық жасаған кезде, ірі жобалармен қатар Ұлттық экономика министрлігінен тұрмыстық химия, гигиена, ірімшіктер, консервілер, шұжықтар және тұрғындарымыз арасында сұранысқа ие басқа да өнімдер өндірісін жолға қою жобалары бойынша инвестицияларға тапсырыс жарияладық. Құс өндіру бойынша жақсы ілгерілеу бар екенін көріп отырмыз. Жыл соңына дейін тұтыну деңгейі толық қамтамасыз етілуі тиіс. Бірақ импорт көбірек сақталып отырған басқа салаларда да өндірушілерді іздеп, осы жобаларға көмек көрсету қажет», — деп атап өтті Серік Жұманғарин.https://primeminister.kz/news/bayterekten-bolinetin-8-trln-tenge-zhio-nin-osuine-kosymsha-13-ules-kosady-30014 Ақпарат көзі : https://www.gov.kz/memleket/entities/economy/press/news/details/991417?lang=kk

ҚР Ұлттық экономика министрлігі бизнестің жеңілдікпен қаржы алуын кеңейту үшін «Даму» қоры арқылы екі жаңа қолдау құралын іске қосты. Олар кез-келген ауқымдағы компанияға, мейлі ол кіші болсын, мейлі ірі болсын, кепіл жеткіліксіз болған күнде де қаржы алуға мүмкіндік береді.Бірінші қолдау құралы құны 7 млрд теңгеден басталатын ауқымды жобаға есептелген. Өнеркәсіп, энергетика, инфрақұрылым мен экспортты қоса алғанда, экономиканың негізгі салаларын қамтиды. Мемлекет қарызға кепілдік бергендіктен, бұл банк үшін тәуекелді азайтады. Осылайша бизнестің несие алуы жеңілдейді.Екінші қолдау шағын және орта кәсіпорынға жасалады. Құны 7 млрд теңгеге дейінгі жобаларға тиесілі. Кәсіпкерлер қажетті қаржыны кепілсіз алады. Бүгінгі таңда бес банкпен келісімге қол қойылса, тағы екеуі жұмыс үстінде. Әріптестер тізімін кеңейту жұмысы жүріп жатыр.Бағдарламаның алғашқы нәтижесі де белгілі. Жалпы сомасы 3,3 млрд теңгеге 34 жоба қолдау тапқан. Кепілдік беру рәсімі жеңілдетіліп, екі жұмыс күні ішінде орындалады. Мұны алушы – өндіріс, көлік, білім беру секілді түрлі сала өкілі.2025 жылдың соңына дейін 10 мың жоба қолдау таппақ. 2028 жылға қарай кепілдік портфелінің көлемі 1,4 трлн теңгеге жеткізіледі. Осылайша, жыл сайын бизнестің 50 мыңнан астам бастамасына қолдау көрсетіледі.Бүгінгі таңдағы Даму қорының әріптестері Банк ЦентрКредит, Halyk Bank, Freedom Bank, Fortebank, Bank RBK, Bereke Bank пен Қазақстан–Зираат Интернешнл Банк. Кәсіпкерге несие сомасының 85%-на дейін қордың кепілдігі берілгендіктен, қарызды оңай ала алады.Жаңа тетіктердің арқасында қаржылық инфрақұрылым тұрақты түрде дамып, банктердің тәуекелі азаяды, отандық бизнестің өсу мүмкіндігіне үлес қосылады.Бұл бастамалар экономикалық өсуді жеделдету шаралары шеңберінде іске асырылуда. Естеріңізге сала кетейік, бұған дейін 2025 жылы «Бәйтерек» холдингінің капиталын 1 трлн теңгеге ұлғайту жоспарланғаны хабарланған. Осының арқасында, 8 трлн теңгеге дейінгі қаражатты жаңа жобаларды іске қосуға арнап, өндірістің қуатын ұлғайтуға, жоғары өнімді жұмыс орнын құруға мүмкіндік артады.Ақпарат көзі : https://www.gov.kz/memleket/entities/economy/press/news/details/991101?lang=kk

Форум жаһандық сын-қатерлер мен геосаяси шиеленістер жағдайында мемлекетаралық ынтымақтастық пен дипломатияға жәрдемдесудегі өз миссиясын жалғастырып жатыр.Форумды Қазақстан Республикасының Президенті Қасым-Жомарт Тоқаев ашады.Ұйымдастырушылар 39 панельдік сессия өтеді жоспарлап отыр.  Оның ішінде 10 эксклюзивті сессия жоғары дәрежелі қонақтармен және әлемдік көшбасшылардың жеке қатысуымен өтеді.Форум бағдарламасы «Сыртқы саясат және халықаралық қауіпсіздік», «Энергетика және климаттың өзгеруі», «Экономика және қаржы» деп аталатын  үш негізгі тақырыптан тұрады.Сыртқы саясат және халықаралық қауіпсіздік саласындағы әлемдік сарапшылар болашақ туралы пакт, сондай-ақ көпполярлы әлемдегі «орта державалар» саясатын, сондай-ақ Таяу Шығыстағы жаңа тепе-теңдікке апаратын жолдарды талқылайды.Айта кетейік, елші, Мюнхен қауіпсіздік конференциясының төрағасы (2022-2025 жж.) Кристоф Хойсген, Элькано корольдік институтының директоры Чарльз Пауэлл, Женева қауіпсіздік саясаты орталығының (Gcsp) атқарушы директоры Томас Гремингер аталған тақырып бойынша форумға қатысатынын растады.Энергетика және климаттың өзгеруі туралы панельдік сессияларда қатысушылар су және энергетикалық қауіпсіздікті, Орталық Азияның орнықты болашағын, климат саласындағы жаһандық іс-қимылдарды, инновациялық сын-тегеуріндерді талқылайды.Бұл тақырыптар бойынша Power International Holding компаниялар тобының төрағасының орынбасары, президенті және бас атқарушы директоры Рамез Әл-Хайят, Жаңартылатын энергия көздері жөніндегі халықаралық агенттіктің (IRENA) бас директоры Франческо Ла Камера, Ұлыбритания Парламенті Лордтар палатасының мүшесі Лорд Фрэнсис Моуд, СОР29 президенті Мұхтар Бабаев сөз сөйлейді.«Экономика және қаржы» тақырыбы бойынша негізгі бағыттар: әлемдік сауданың болашағын анықтау, жасанды интеллект, жаһандық экономикалық қуатты қайта қарау, цифрлық активтер революциясы болады. Форумның қонақтары Berlin Global Dialogue негізін қалаушы және төрағасы Ларс-Хендрик Рёллер, Google компаниясының Орталық және Шығыс Еуропа жөніндегі вице-президенті Патрик Уорнкинг, Министр-шетелдегі француз азаматтарының сыртқы сауда және істер жөніндегі делегаты Лоран Сент-Мартен, Еуропалық инвестициялық банктің вице-президенті Кириакос Какорис болады.2025 жылғы Астана Халықаралық форумы - жаһандық диалог пен өзекті әлемдік проблемаларды талқылауға арналған негізгі алаң. Жобажаһандықсын-қатерлерді бірлесіпшешуүшінелдердібіріктіре отырып,мультилатерализмніңжаңадәуірінқалыптастыруғаықпал етеді. Іс-шараэкономикаға,климатқажәнемемлекетаралыққатынастарға бағытталған жаһандықөзгерістержағдайындахалықаралықынтымақтастықтынығайтуғабағытталған.Форум және оған қатысу мүмкіндіктері туралы толық ақпаратты мына сайттан табуға болады: https://www.astanainternationalforum.org/Ақпарат көзі : https://www.gov.kz/memleket/entities/economy/press/news/details/990927?lang=kk

2025 жылғы шілдеде Қазақстан 39 елдің қатарында БҰҰ-ның Нью-Йорктегі штаб-пәтерінде өтетін орнықты даму жөніндегі жоғары деңгейдегі Саяси форумда үшінші Ерікті ұлттық шолуды таныстырады. Форум - түрлі ел БҰҰ-ның 2030 жылға дейінгі Күн тәртібін іске асыру тәжірибесімен және жетістігімен бөлісетін басты халықаралық алаңның бірі.Шолу жұмысын Ұлттық экономика министрлігі мемлекеттік органдармен, азаматтық қоғаммен, бизнеспен және халықаралық әріптестермен бірлесіп жүргізуде. Орнықты даму мақсаттары жөніндегі үйлестіру кеңесі процестің дайындық жоспарын бекітті.Шолудың жобасы БҰҰДБ мен Экономикалық зерттеулер институтының қолдауымен өткізілген өңірлік семинарларда талқыланды. Диалогқа барлық негізгі топтар, соның ішінде жастар өкілдері қатысты.Сонымен қатар, елімізде Орнықты даму мақсаттарын мемлекеттік жоспарлау жүйесіне интеграциялау жалғасуда. 2024 жылғы қазанда Ұлттық индикаторлардың жаңартылған тізбесі бекітіліп, 200 көрсеткіштің 69-ы басым бағыт ретінде белгіленді. Бүгінгі таңда олардың 93%-ы мемлекеттік жоспарлау жүйесінің құжаттарында ескеріліп, ал өңірлерде облыстардың даму жоспарына толықтай енгізілген.Осылайша, Қазақстан тұрақты және инклюзивті өсуге қол жеткізуге, мемлекеттік басқару сапасын жақсартуға және халықаралық аренадағы өз ұстанымын нығайтуға дәйекті түрде көшуде.Бұл Қазақстанның БҰҰ шеңберінде ұсынатын үшінші шолуы. Осындай есептер 2019 және 2022 жылдары сәтті таныстырылып, халықаралық әріптестер тарапынан жоғары бағаланған еді. 2025 жылғы форумға қатысу еліміздің жаһандық күн тәртібіне ниеттестігін айқындап, халықаралық қоғамдастықпен ынтымақтастығын күшейтеді.Анықтама: Ерікті ұлттық шолу Күн тәртібі-2030 қабылданған сәттен бастап, еліміздің Орнықты даму мақсаттарына қол жеткізудегі ілгерілеуін көрсетеді. Бұл тәжірибе алмасуға, мемлекеттік институтты нығайтуға, жаһандық міндеттерді жүзеге асыруға әріптестерді кеңінен тартуға ықпал етеді.Ақпарат көзі : https://www.gov.kz/memleket/entities/economy/press/news/details/990136?lang=kk

2025-2027 жылдары "Дипломмен ауылға" бағдарламасы ауылдық аумақтарды білікті кадрлармен қамтамасыз етуде шешуші рөл атқара отырып, Қазақстанда оны белсенді іске асыруды жалғастырады. "AMANAT" партиясының 2003-2007 жылдарға арналған “Халықпен бірге” сайлауалды бағдарламасының Жол картасын орындау шеңберінде ауылдық жерге жіберілетін мамандарға бюджеттік кредит беруге 2025 жылы 25 млрд теңге қарастырылған. Бұл шамамен 2,8 мың маманды тұрғын үймен қамтамасыз етуге мүмкіндік береді."Дипломмен ауылға" мемлекеттік жобасы 2009 жылдан бері іске асырылуда. Ол ауылдағы кадр тапшылығы проблемасын шешуге арналған. Негізгі мақсат - денсаулық сақтау, білім беру, әлеуметтік қорғау, мәдениет, спорт, агроөнеркәсіптік кешен саласына, сондай-ақ жергілікті жерлердегі мемлекеттік басқару органдарына дипломды мамандарды тарту.Жобаға қатысушыларға мынадай әлеуметтік қолдау шарасы ұсынылады:• 100 АЕК мөлшерінде біржолғы көтерме жәрдемақы;* тұрғын үй сатып алуға немесе салуға аудан орталығында 2 500 АЕК, ауылдық елді мекенде 2 000 АЕК бюджеттік кредит бөлінеді.Кредит 15 жылға беріледі. Міндетті шарт - ауылдық жерде кемінде үш жыл жұмыс істеу.2023 жылғы 1 сәуірден бері жобаны іске асыру жөніндегі агент "Отбасы банк" АҚ. Цифрландыру мақсатында өтінім беру мен кредит алудың барлық процесі Baspana Market — otbasybank.kz/programm-bank платформасында толықтай автоматтандырылған.Жобаны іске асырудың 2009-2024 жылдардағы нәтижесі мынадай:• 114 мыңнан астам маман 23,6 млрд теңгеге көтерме жәрдемақы алды;• 52 мыңнан астам маман 189,5 млрд теңге сомасына бюджеттік кредитті пайдаланды.Біржолғы көтерме жәрдемақы алушылардың құрылымы:* Білім беру саласындағы мамандар-78 мың адам (68,3%);* Денсаулық сақтау қызметкерлері — 24,4 мың адам (21,4%);* Мәдениет, спорт және әлеуметтік қорғау қызметкерлері-6,9 мың адам (6%);* Ауыл шаруашылығы мамандары-4 мың адам (3,5%);* Ауылдық округ әкімі аппаратындағы мемлекеттік қызметшілер-900-ге жуық адам (0,8%).Тұрғын үй кредитін алушылардың құрылымы:* Білім беру саласындағы мамандар-35,1 мың адам (67,1%);* Денсаулық сақтау мамандары — 11,6 мың адам (22,2%);* Мәдениет, спорт және әлеуметтік қорғау қызметкерлері-3,4 мың адам (6,4%);* Ауыл шаруашылығы мамандары-1,9 мың адам (3,6%);* Ауылдық округ әкімі аппаратындағы мемлекеттік қызметшілер-360-тан астам адам (0,7%).Ақпарат көзі : https://www.gov.kz/memleket/entities/economy/press/news/details/988860?lang=kk

ҚР Ұлттық экономика министрлігінде сыбайлас жемқорлыққа қарсы іс-қимыл мәселелеріне арналған жұмыс кеңесі өтті. Іс-шараны Министрлік ҚР Сыбайлас жемқорлыққа қарсы іс-қимыл агенттігімен бірлесіп ұйымдастырды.Кеңес мемлекеттік органдарда ашықтықты арттыру және ішкі бақылауды күшейту курсы шеңберінде өтті. Талқылауға ҚР Сыбайлас жемқорлыққа қарсы іс-қимыл агенттігінің Жетісу облысы бойынша департаментінің өкілдері, ҚР ҰЭМ Табиғи монополияларды реттеу комитетінің қызметкерлері, сондай-ақ аумақтық бөлімшелердің мамандары қатысты. Сыбайлас жемқорлыққа қарсы агенттіктің Жетісу облысы бойынша өкілі қатысушыларға сыбайлас жемқорлықтың негізгі ұғымдарын, оның түрлері мен заңнамада көзделген жауапкершілікті еске салды. Ол сыбайлас жемқорлық құқық бұзушылық тізімін кеңейту және оны жасағаны үшін санкцияларды қатаңдату туралы айтып, профилактиканың маңыздылығын атап өтті.Мемлекеттік сыбайлас жемқорлыққа қарсы саясат міндеттерін және оны жергілікті жерде іске асыру тетіктерін түсіндіруге ерекше назар аударылды.ҚР ҰЭМ Аппаратының басшысы Олжас Сыздықов қатысушылардың алдында сөйлеген сөзінде барлық мемлекеттік қызметшілердің - басшылардың ғана емес, қатардағы құрам мамандарының да дербес жауапкершілігіне назар аударды. Ол сыбайлас жемқорлыққа қарсы күрес - бұл әрбір қызметкердің қатысуы маңызды жүйелі және күнделікті процесс екенін атап өтті.Кеңес соңында Олжас Сыздықов агенттік өкілдеріне мазмұнды диалог үшін алғысын білдіріп, ішкі бақылауды күшейтуге, сыбайлас жемқорлыққа қарсы заңнаманың қатаң сақталуын қамтамасыз етуге, сондай-ақ Министрліктің ведомстволық бағынысты құрылымдарында алдын алу тетігін жетілдіруге бағытталған бірқатар тапсырмаларды жеткізді. Ақпарат көзі : https://www.gov.kz/memleket/entities/economy/press/news/details/984200?lang=kk

Семей қаласында Премьер-Министрдің орынбасары Қанат Бозымбаев Абай, Павлодар және Шығыс Қазақстан облыстарының әлеуметтік-экономикалық даму мәселелері бойынша кеңес өткізді. Іс-шараға аталған өңірлердің әкімдері, бейінді министрліктер мен Amanat партиясының өкілдері қатысты.Талқылаудың негізгі тақырыбы өңірлік саясатты іске асыруда жаңа тәсілдерді енгізу. Вице-премьер өңірлер арасындағы алшақтықты қысқарту мемлекеттік қолдаудың басымдығы болуы тиіс екенін атап өтті. Осыған байланысты орталық қаржыландыру артта қалған облыстардың әлеуметтік және экономикалық инфрақұрылымын дамытуға арналады.Жиында ҚР Ұлттық экономика вице-министрі Бауыржан Омарбеков баяндама жасады. Ол 2028 жылға дейін жалпы сомасы 6,5 трлн теңге 102 инвестициялық жобаны іске асыру жоспарын ұсынды. Бұл жобалар агроөнеркәсіптік кешен, тау-кен металлургия өнеркәсібі, қайта өңдеу, туризм сияқты негізгі салаларды қамтиды. Өңдеу өндірістерін, шағын және орта бизнес кластерлерін, сондай-ақ Катонқарағай, Баянауыл, Зайсан, Алакөл және Шүлбі су қоймасы сияқты туристік аймақтарды дамыту қажеттігі ерекше атап өтілді.Ауылдық аумақты кешенді дамытуға және ауыл тұрғындарының табыс деңгейін арттыруға бағытталған "Ауыл аманаты" жобасына ерекше назар аударылды. Жоба шеңберінде ауылдардың мамандануын анықтаған скрининг аяқталды.Вице-министрдің хабарлауынша, 2023-2024 жылдары "Ауыл аманаты" жобасын іске асыруға республикалық бюджеттен 104 млрд теңге бөлініп, 2,1 млрд Абай облысына, 2,5 млрд Шығыс Қазақстан мен Павлодар облыстарына берілген. 2025 жылы 50 млрд теңге көлемінде қосымша қаржы бөлінеді. Оның 1 млрд-ы Абай облысына, 3 млрд-ы ШҚО-ға, 2 млрд-ы Павлодар облысына берілмек.Қосымша, "Ауыл – ел бесігі" бағдарламасы шеңберінде 2022-2024 жылдары үш өңірге 600-ден астам инфрақұрылымдық жобаны іске асыруға 60 млрд теңге бөлінді. 2025 жылы 104 ауылда 137 жобаны іске асыруға тағы 24 млрд теңге қарастырылған.Ақпарат көзі : https://www.gov.kz/memleket/entities/economy/press/news/details/984269?lang=kk

Ұлттық экономика министрлігінің жанындағы Қоғамдық кеңестің төртінші жаңа құрамы бекітілді. Оған азаматтық қоғамнан 10 өкіл – экономика, құқық, кәсіпкерлік және қоғамдық сектор сарапшылары кірді.Қоғамдық кеңестің жаңартылған құрамында AERC бас директоры Жәнібек Айғазин, «Қазақстан Республикасының аудиторлар палатасы» ЖАҚ вице-президенті Арыстан Ақан, «DASCO Consulting Group» ЖШС әріптесі Эльдар Бейсімбеков, «Қазақстан теміржол тасымалдаушылары қауымдастығы» ЗТБ бас директорының орынбасары Асхат Жапсарбай, «TALAP» қолданбалы зерттеулер орталығы» қоғамдық қорының директоры Асқар Қысықов, «Оңалту және банкроттық рәсімдердегі басқарушылардың қазақстандық одағы» РҚБ Қостанай облысы бойынша филиалының директоры Айгүл Мұстафина, «Бірінші кредиттік бюро» ЖШС Бас директоры, Ұлттық факторингтік қауымдастықтың төрағасы Руслан Омаров, «Fortune Partners» ЖШС бас директоры, MNU салық құқығы мектебінің басшысы Дана Токмурзина, «Стратегиялық бастамалар орталығы» ЖШС әріптесі, Президенттік жастар кадрлық резервінің мүшесі Ербол Төлегенов, «Комментарий» талдау тобының жетекшісі, экономист Эльдар Шамсутдинов бар.Кеңестің үздіксіз жұмысын қамтамасыз ету үшін қазіргі адамдар мүшеліктен шыққан жағдайда азаматтық қоғам кандидаттарының резервтік тізімі де құрылды.Еске салсақ, Қоғамдық кеңес үш жыл мерзімге сайланады. Оның өкілеттігіне министрліктің бюджеттік бағдарламалары мен стратегиялық жоспарларының жобасын талқылау, нормативтік-құқықтық актілерді әзірлеу мен сараптамасына қатысу, сондай-ақ заңнаманы жетілдіру бойынша ұсыныстар әзірлеу кіреді.Жаңа құрамның бірінші отырысында ашық дауыс беру арқылы кеңестің төрағасы болып «Комментарий» талдау тобының жетекшісі, экономист Эльдар Шамсутдинов сайланды. Бұған қоса, 2025 жылға арналған жұмыс жоспары бекітілді. Басым тақырыптардың қатарында кәсіпкерлікті дамыту, жергілікті өзін-өзі басқаруды жетілдіру, энергетиканы жаңғырту мен жаңа Бюджет кодексін іске асыру бар.Сондай-ақ, Қоғамдық кеңес төралқасы құрылып, оның құрамына: ҰЭМ аппаратының басшысы Олжас Сыздықов, кеңес төрағасы Эльдар Шамсутдинов, «ҚР аудиторлар палатасы» ЖАҚ вице-президенті Арыстан Ақан, «TALAP» ҚЗО директоры Асқар Кысықов, MNU салық құқығы мектебінің басшысы Дана Токмурзина кірді.Отырыс соңында аппарат басшысы Олжас Сыздықов Эльдар Шамсутдиновты Қоғамдық кеңестің жаңа құрамының төрағасы болып сайлануымен құттықтады.«Сіздің басшылығыңызбен Қоғамдық кеңес Министрлік қызметінің тиімділігі мен ашықтығын арттыруға елеулі үлес қоса отырып, сындарлы диалог үшін маңызды платформа ретінде өз рөлін күшейтуді жалғастыратынына сенімдімін», - деп атап өтті ол. Аппарат басшысы Кеңестің отырыстары тоқсанына кемінде бір рет өткізілетінін жеткізді.Ақпарат көзі : https://www.gov.kz/memleket/entities/economy/press/news/details/981394?lang=kk

Қазақстандық делегацияның Кабулға сапары барысында делегация басшысы Премьер-министрдің орынбасары – ұлттық экономика министрі Серік Жұманғарин Қазақстан халқынан Ауғанстан халқына гуманитарлық көмектің екінші жартысын ауған тарапына тапсырды, сондай-ақ осы елдің Премьер-министрінің орынбасары Абдул Ғани Барадармен кездесті. Қазақстан Ауғанстанға гуманитарлық көмектің ОА-дағы ірі жеткізушісі2021 жылдан бері Қазақстан Ауғанстанға ондаған мың тонна ұн, азық-түлік, дәрі-дәрмек, тұрмыстық зат пен жылы киім жіберген. Сонымен қатар биыл наурыз айында Алматыда Орнықты даму мақсаттары бойынша Орталық Азия мен Ауғанстан елдеріне арналған БҰҰ аймақтық орталығы ашылды. Серік Жұманғарин Абдул Ғани Барадармен кездесуде атап өткендей, аймақтық орталықты құрудағы негізгі мақсат – ОА елдерінің Ауғанстанмен әлеуметтік-экономикалық және іскерлік ынтымақтастығын жандандыру. Орталық Азия елдері қазақстандық бастамаға қолдау білдірді.Әртараптандыру есебінен тауар айналымы $3 млрд-ты құрадыҚазақстан Ауғанстанның негізгі сауда серіктестерінің ондығына кіреді. Астық пен ұн қазақстандық дәстүрлі тауарлар саналады. 2024 жылы Ауғанстан нарығына қазақстандық қант экспортының айтарлықтай өсуі байқалды – 143 мың тонна. Бұл 2023 жылмен салыстырғанда бірнеше есе көп (19,1 мың тонна). Ауғанстан нарығына кондитерлік және ұн өнімін жеткізу көрсеткіші артып келеді. Қазақстан сондай-ақ ерте пісетін ауған көкөнісін елорда базарына жеткізуге мүдделі.Өткен жылдың соңында екі ел тауар айналымын $3 млрд-қа ұлғайту жөніндегі жол картасына қол қойды. Ауғанстан аумағында түрлі пайдалы қазба өндірудің орасан зор әлеуетін ескере отырып, өзара инвестицияның мәлімделген көлеміне Ауғанстан кен орнының ресурсын барлау мен өндіру есебінен қол жеткізу жоспарланып отыр. Қазақстандық бизнес жер қойнауының перспективалы учаскелерін іздеуге қаражат салуға үлкен қызығушылық білдіріп отыр.14 сәуірде Ауғанстанға Қазақстаннан барған геолог-мамандар, инженерлер тобы Ауғанстанның тау-кен өнеркәсібі және мұнай министрлігінің қолдауымен бірқатар кен орнын аралады. ҚР Өнеркәсіп және құрылыс вице-министрі Иран Шархан атап өткендей, мамандар Нұрстан провинциясында бериллий, қорғасын және мырыш табылып отырған кен орындарынан 130 келі кен сынамасын алды. Енді зертханада неғұрлым егжей-тегжейлі талдау үшін сынамалар Қазақстанға жіберіледі. Нәтиже алынғаннан кейін қазақстандық тарап кен орнын одан әрі игеру үшін неғұрлым ауқымды келіссөз форматына кірісуге дайын.Қазақстан мен Ауғанстандағы жаңа сауда үйлеріЖол картасында белгіленген іс-шараларды жандандыру үшін Серік Жұманғарин Ауғанстан Премьер-министрінің орынбасарына Қазақстанның Кабулдағы сауда үйін ашуды ұсынды. Абдул Ғани Барадар бұл ұсынысты қолдап, ауған тарапы да Қазақстанда өзінің сауда базарын ашқысы келетінін атап өтті. Сондай-ақ, қазақстандық тараптан ауған тарапы мүдделі болған жағдайда «QazTehna» ЖШС өндіретін қазақстандық автобустарды жеткізу мүмкіндігін қарастыру ұсынылды. Жаңа сауда үйлері ынтымақтастықтың әртүрлі бағыттары бойынша өзара инвестицияларды жандандыруға ықпал етеді.Сонымен қатар Серік Жұманғарин Ауғанстанның байланыс және ақпараттық технологиялар министрі Наджибулла Хакканимен кездесті. Ол қазақстандық компаниялар Ауғанстандағы инфрақұрылымдық және телекоммуникациялық жобалардың құрылысына қатысуға қызығушылық танытып отырғанын атап өтті. Тургунди – Герат жаңа теміржол телімін салу кезінде оптикалық кабель төсеу жұмысына бірлесіп қатысуды ұсынды.Сауда және өнеркәсіп министрі Нұриддин Азизимен кездесуде екі елдің өзара тауар айналымын әртараптандыру мүмкіндігі талқыланды.Ақпарат көзі : https://www.gov.kz/memleket/entities/economy/press/news/details/980930?lang=kk

ҚР Ұлттық экономика министрлігі 2025-2030 жылдарға арналған Өңірлік саясат тұжырымдамасын қамтитын Үкімет қаулысының жобасын таныстырды. Құжат теңгерімді аумақтық өсуге қол жеткізуге және азаматтардың өмір сүру сапасын жақсартуға арналған дамудың негізгі бағыттарын айқындайды.Өңірлердің дамуы олардың ерекшеліктерін ескере отырып жүргізілуде. Ірі қалалар арқылы экономикалық өсу орталығы қалыптастырылады. Ал шағын қалалар мен ауылдық елді мекендер инфрақұрылымды жақсарту мен жұмыс орнын құруда қосымша шараны талап етеді. Өңірлердің сапалы білімге, денсаулық сақтау мен көлікке қол жеткізуі әр түрлі. Бұл жергілікті бюджетке қосымша салмақ түсіріп, республикалық қаржымен қолдауды талап етеді.Тұжырымдама жобасы инфрақұрылымның біркелкі дамуын ынталандыруға, шағын және орта бизнесті қолдауға, өңірдегі өмір сүру деңгейін жақсартуға және қала мен ауыл арасындағы табыс алшақтығын азайтуға бағытталған. Инженерлік желіні, жолды, мектептер мен ауруханаларды жаңғырту, сондай-ақ шикізатсыз саланы дамыту, инвестиция тарту мен жергілікті билікке көбірек өкілеттік беру жоспарлануда. Стратегияда қоршаған ортаны қорғау мәселесіне, соның ішінде қалалардағы жасыл аумақтарды ұлғайту мен су мен ауаның сапасын жақсартуға баса көңіл бөлінген.2030 жылға қарай таза суға қол жеткізуді айтарлықтай жақсарту, жол желісін жаңғырту, жаңа мектеп пен ауруханалар салу жоспарлануда. Шағын бизнестің экономикадағы үлесі 45 пайызға дейін өсіп, шағын қалалар мен ауылдық елді мекендердің өмір сүру сапасы айтарлықтай жақсарады.Жоба өңірлердің ерекшелігі мен экономикалық мамандануын ескере отырып дамытуды, соның ішінде өнеркәсіпті, ауыл шаруашылығын және өңдеу өнеркәсібін дамытуды көздейді.Тұжырымдаманы Ұлттық экономика министрлігі мүдделі мемлекеттік органдармен бірлесіп әзірлеген. Ол «Ашық НҚА» порталында жарияланып отыр. Жобаны талқылау 2025 жылғы сәуірге дейін жалғасады.Ақпарат көзі : https://www.gov.kz/memleket/entities/economy/press/news/details/959778?lang=kk

Премьер-министрдің орынбасары – ұлттық экономика министрі Серік Жұманғарин Қазақстан Республикасындағы ҚХР Төтенше және Өкілетті Елшісі Хань Чуньлинмен кездесті.Серік Жұманғарин дипломатты жылы қарсы алып, Қазақстандағы жұмысының басталуымен құттықтады. Ол елшінің, әсіресе, ҚХР Коммерция министрлігіндегі көп жылдық тәжірибесі екі ел арасындағы стратегиялық әріптестікті нығайтуға қызмет ететініне сенім білдірді.«Біздің елдеріміздің арасындағы қарым-қатынас сенім мен стратегиялық әріптестіктің жоғары деңгейін көрсететін сапалы жаңа кезеңге жетті. Оның үздіксіз нығаюының негізгі қозғаушы күші – екі ел көшбасшылары арасындағы жеке достық байланыс. Қазақстан мен Қытай тату көрші, сенімді стратегиялық әріптес. Біз барлық негізгі өзара іс-қимыл бағытында көп қырлы, тұрақты және тиімді ынтымақтастық орнаттық», — деді вице-премьер.Кездесу барысында сауда-экономикалық байланысты дамытуға ерекше көңіл бөлінді. Қытай Қазақстанның ең ірі сыртқы сауда серіктесі болып қала бермек. 2024 жылғы қорытынды бойынша Қазақстан мен Қытай арасындағы тауар айналымы рекордтық $43,8 млрд-қа жетті. Электрондық коммерцияны дамытуға, оның ішінде Alibaba және JD.com платформаларында Қазақстанның ұлттық павильондарын ілгерілетуге баса назар аударылды. YTO Group Express пен Қазпошта арасындағы бірлескен почта жөнелтімі кәсіпорнын құрудағы табысты ынтымақтастық туралы атап өтілді.Мәселенің тағы бір бөлігі қазақстандық ауыл шаруашылығы өнімін ҚХР нарығына жеткізуді арттыруға арналды. Қатысушылар астық тасымалдау кезінде туындайтын кедергілерді, қазақстандық кәсіпорындарды ҚХР экспорттаушылары тізіліміне енгізу, ветеринариялық, фитосанитариялық талаптарды келісу, Қытайдың Бас кеден басқармасының (БКБ) тізілімінде қазақстандық элеваторларды аккредиттеу рәсімінің ұзаққа созылуы мәселесін талқылады. Ет өнімі экспортын ұлғайту мақсатында вице-премьер қазіргі экспорттық шектеуді алып тастау үшін өңірлендіру қағидатын тану мүмкіндігін қарауды ұсынды.«Сиыр еті мен шошқа етін экспорттаушылардың көпшілігі Қазақстанның солтүстік-батыс және орталық облыстары аумағында орналасқан. Онда аусыл бойынша шектеулер әлі де қолданылады. Ауру жойылғаннан бері бірақ екі жылдан астам уақыт өтті. БКБ жүргізген мал шаруашылығы кәсіпорындарының инспекциясы мен Қазақстанның ветеринариялық қызметі аудитінің қорытындысы бойынша біз, Қазақстан қабылдаған жануарлардың ауруын өңірлендіру қағидаты шеңберінде, қолданыстағы шектеуді алып тастауды сұраймыз. Бұл қытай тарапының Қазақстанның бүкіл аумағына емес, аусыл ауруы тіркелген нақты өңірге ғана шектеу енгізуіне мүмкіндік береді», — деп атап өтті Серік Жұманғарин.Кездесу қорытындысында Хан Чуньлинь Қытай мен Қазақстан арасындағы қарым-қатынастың алтын отыз жылдығы жаңа кезеңінің басталуына орай қол жеткізілген екіжақты әріптестіктің жоғары деңгейін атап өтті. Ол сондай-ақ жаңартылатын энергетика, цифрлық экономика, АӨК және электрондық сауда саласындағы жобаларды дамытуды қоса алғанда, екі елдің экономикалық ынтымақтастығының жаңа жол картасы бойынша бірлесіп жұмыс істеуге дайын екенін білдірді.https://primeminister.kz/news/serik-zhumangarin-kkhr-totenshe-zhane-okiletti-elshisi-khan-chunlinmen-kezdesti-29941 Ақпарат көзі : https://www.gov.kz/memleket/entities/economy/press/news/details/977797?lang=kk

Елдің экономикалық өсуін қамтамасыз ету жөніндегі жедел штабта Премьер-министрдің орынбасары – ұлттық экономика министрі Серік Жұманғариннің төрағалығымен еліміздің ірі энергетикалық және телекоммуникациялық операторлары «KEGOC» АҚ, «Қазақтелеком» АҚ және «Самұрық-Энерго» АҚ-ның инвестициялық жобалары Қазақстан экономикасының жалпы қосылған құнына (ЖҚҚ) қосқан үлесі тұрғысынан қаралды.KEGOC: ауқымды инфрақұрылымдық жобалар және отандық қамту«KEGOC» АҚ қазіргі уақытта Қазақстан БЭЖ оңтүстік аймағының электр желісін күшейту және Батыс аймақты БЭЖ-бен біріктіру секілді екі негізгі жобаны іске асыруда. Осы жобалар шеңберінде 2025 жылы 66,7 млрд теңгені игеру жоспарлануда. Қаражат құрылыс-монтаждау жұмысына, жабдық сатып алу мен жеткізуге, жобалау-сметалық құжаттама әзірлеуге, т.б. қызмет түріне жұмсаладыKEGOC басқарма төрағасы Нәби Айтжанов атап өткендей, материал мен жабдықтың 92%-ын отандық өндірушілер жеткізеді. Ал қосалқы станцияларды салу кезіндегі жергілікті қамту үлесі 64%-ға жетеді. Демек, бұл жобалар елдің ЖҚҚ-на елеулі үлес қосып отыр деген сөз.Қазақстанның бірыңғай электр энергетикалық жүйесін орнықты дамыту үшін «KEGOC» АҚ ұзақ мерзімді жобаларды іске асыруда. Олардың ішінде жалпы ұзындығы 8568,4 шақырым болатын 220-500кВ 95 жоғары вольтты желіні кезең-кезеңімен қайта жаңарту, Қазақстанның оңтүстігіндегі электр энергиясына қажеттілікті жабу міндетін шешуге бағытталған Қазақстан БЭЖ транзиттік әлеуеті мен өткізу қабілетін арттыру жобасы бар. Астананы электрмен жабдықтауды күшейту, Қарағандыда қосалқы станция, Астанадан Қарағандыға дейін 500 кВ ЖК салу, Қарағанды – Жезқазған - Қызылорда – Шымкент 500 кВ ЖК, ұзындығы 800 шақырым Қарабатан ҚС – Бейнеу ҚС – Маңғыстау 500 кВ ҚС желілерін салу арқылы Батыс энергия торабын күшейту.  Соңғы кезең 2035 жылға дейін есептелген Батыс аймақты Қазақстан БЭЖ-мен біріктіру жөніндегі жоба болмақ.  Ол Қазақстанның энергетикалық жүйесін тоқайластырып, келешекте Кавказ – Орталық Азия энергетикалық дәлізін іске асыру үшін жағдай жасауға мүмкіндік береді. Жоба «Батыс-Оңтүстік» тұрақты ток желісін салуды көздейді. Барлық жоба жоспарлы іске асыру мерзімінен бұрын орындалуда.Қазақтелеком: 5G және өңірлердегі талшықты-оптикалық құрылыс«Қазақтелеком» АҚ төрт ірі инвестициялық жобаны іске асыруда:- Астанада жасанды интеллект, электрондық үкімет және цифрлық бизнес инфрақұрылымының негізгі элементі, құны 14,28 млрд теңге болатын дата-орталық салу.- 2028 жылға дейін 88 қала мен 128 ауылдық елді мекенді қамтитын FTTH (талшықты-оптикалық құрылыс) желісін орналастыру. Жалпы бюджет – 45,3 млрд теңге.- Құны 65 млрд теңге болатын 5G («Кселл» жобасы) желісін кеңейту. Жоба IoT, телемедицина және ақылды қала тұжырымдамасын енгізу үшін негіз.- ҚР ауылдарында 1,5 мың ауылдық мектепті, 2,1 млн мемлекеттік мекеме мен 60 мыңнан астам абонентті қамтитын 2028 жылға дейін құны 175 млрд теңгені құрайтын АЕМ ТОБЖ 2.0 құрылысы.Самұрық-Энерго: энергетикалық инфрақұрылым салу«Самұрық-Энерго» АҚ 32 инвестициялық жобаны іске асыруда. Оның 14-і өте ірі. Компания сондай-ақ Қонаев, Алатау қалалары мен агломерацияны дамыту үшін Алматы облысында инфрақұрылымдық объектілер салу жобаларын қарастыруда. Іске асыру басталған ірі жобалардың қатарында Алматы ЖЭО-2-ні жаңғырту, Алматы облысында ЖЭО-3-ті қайта жаңарту, Көкшетау, Семей, Өскемен қалаларында ЖЭО, Қызылорда облысында электр станциясын салу, Абай облысында ГЭС, Екібастұз ГРЭС-2-ні кеңейту және қайта жаңарту және т.б. бар.Кеңес қорытындысы бойынша вице-премьер Ұлттық экономика министрлігіне іске асырылып жатқан бастамалардың ауқымын ескере отырып, оларды ұлғайту жөніндегі ұсыныстармен 2025 жылға арналған барлық үш компанияның жобаларынан ЖҚҚ және негізгі капиталға инвестиция бойынша есептерді дайындауды тапсырды. Сондай-ақ кез келген экономикалық сын-қатер жағдайында тұрақтылықтың негізі ретінде инфрақұрылымдық жобаларды уақтылы іске асыру қажеттігін атап өтіп, жекелеген компанияларды қарау қорытындысы бойынша штабта «Самұрық-Қазына» ҰӘҚ-ның ел экономикасына қосқан үлесі тұрғысынан экономикалық тиімділігі қаралатынын атап өтті.Ақпарат көзі : https://www.gov.kz/memleket/entities/economy/press/news/details/974997?lang=kk

Қала бюджетін толықтыру құрылымы ерекше. Қалада 185 мың ШОБ субъектісі бар. Халықтың үштен бірі кәсіпкерлік салада жұмыс істейді. ШОБ кірістері қаланың ЖӨӨ-нің 40%-ын құрайды, бюджеттің 60%-ы ШОБ-тен түсетін түсімдер есебінен қалыптасады. Яғни, қаланың әлеуметтік қолдауының экономикалық базасын ШОБ құрайды.Мемлекет басшысы К.-Ж.Тоқаевтың шешіміне сәйкес 2020 жылдың 1 қаңтарынан бастап ШОБ-тан түсетін корпоративті табыс салығы жергілікті бюджеттерге беріледі. Бұл дегеніміз ШОБ көп болған сайын қала бюджетіне түсетін түсімдер соғұрлым көп болады.Демек бұл шешім "Шетсіз қала" қағидасы бойынша аудандардың тең дамуы үшін ресурстық базасын құрайды. Әкімдіктің негізгі ұстанымы барлық аудан тұрғындары үшін тең жағдайда өмір сүру сапасын жақсарту. Осыған орай қала әкімдігі ШОБ-ты барынша ауқымды дамыту бойынша шаралар қабылдауда. Ол үшін қосымша резервтер мен өсу нүктелері анықталды.«АЛМАТЫ – 2020» бағдарламасының негізгі басымдықтарының бірі болып «Бизнес пен жеке капиталға арналған қала» саналады.Бағдарлама аясында мына бір шаралар топтамасы іске асырылмақ:• «Алматы» ӘКК жұмыс істейді; • «Almaty Invest» инвестициялар тарту орталығы құрылды; • Қаланың 6 ауданында бөлімшелері бар «Qoldaý»кәсіпкерлік орталығы құрылды; • «Almaty Finance» қаржылық компаниясы және «Almaty» микронесие ұйымы құрылды. Бұлар пайыздық мөлшерлеменің сараланған саясатын жүргізеді. Қаланың орталық бөлігінде ШОБ үшін 7%, шеткі аймаққа 2%. Несиелеу аясында 2019 жылдың соңына дейін 2 млрд.теңге, ал 2020 жылы 10 млрд.теңге бөлінеді;• ШОБ-ты қаржылық қолдау көлемін 3 есеге ұлғайту (10,5 млрд.теңгеден 31 млрд.теңгеге дейін);• «Алматы Бизнес 2025» бағдарламасы аясында жыл сайын 20 мың кәсіпкерді оқыту.Бұл ретте кәсіпкерлер ШОБ-тің дамуына кедергі келтіретін бірқатар факторларды атап өтті. Олар:-                     Сұраныстың төмендеуі;-                     Бизнесті құру және дамыту үшін әкімшілік кедергілер; - Қызмет көрсету мен сауда жүргізу үшін қолжетімді инфрақұрылымның жоқтығы; - ШОК субъектілерінің, әсіресе ісін жаңадан бастаған кәсіпкерлердің сауаттылығының төмендігі.Мысалы, кәсіпкерлердің мәліметінше, Қонаев пен Байтұрсынов көшелерінің екі жағына веложолдарды енгізу осы көшелерде орналасқан ШОБ кәсіпорындарының жағдайына кері әсерін тигізеді. Олардың қатарына сауда, қоғамдық тамақтану, денсаулық сақтау және т.б. кәсіпорындар кіреді. Келетін клиенттердің саны төмендеп, түсім көрсеткіші қысқарған. Бұл өз кезегінде ШОБ кәсіпорындарының қаржылық тұрақтылығына кері әсерін тигізуде. Алматылық кәсіпкерлердің айтуынша, веложолдардың кесірінен клиенттердің көлігін қоюға жер жоқ. Сол себепті олардың келуі де азайған. Велосипедке арналған жолақ жолдың екі жақ шетінде орналасқан. Бұл – көлік тұрағына үлкен кедергі келтіреді.Қонаев көшесінде 392 нысан орналасқан. Шығыс жағында 115 нысан, батыс жағында – 277. Соның ішінде бүгінгі күні 11 нысан («ArtDFlowers» гүлдер дүкені, «Jewelmer» зергерлік бұйымдар салоны, «Визит» сұлулық салоны, «Милана» киім бутигі) және т.б. жабылды. «Дом Одежды Восход» сауда үйінде барлығы 99 бутик бар. Бүгінде 49 бутик жұмыс істейді. 2018 жылдан бастап 50-ге жуық бутиктер (балалар және әйелдер киімі бутигі, ыдыс пен төсек-орын бутиктері) жабылды.Мысалы, сусындардың көтерме және бөлшек саудасымен айналысатын «SAB TRADE COMPANY» ЖШС-нің кірісі (Қонаев көшесі, 153 Шевченко көш.қиылысында орналасқан «TOIMART» ЖШС) 3 есе төмендеген. Демек салық аударымдары да 3 есеге қысқарды (2016 жылы – 233 762 900 теңге. 2017 жылы – 164 851 700 теңге. 2018 жылы – 62 447 800 теңге). «Grand Hotel Tien Shan» қонақ үйінің табысы 2 есеге, 2017 жылы – 22 955 500 теңге, 2019 жылдың бірінші жартыжылдығында – 4 572 200 теңгеге түсті. Сондай-ақ, «Dolcetto» мейрамханасының табысы («Хан» ЖК, Қонаев көшесі, 114) 3 есе төмендеді (айналым айына 15-18 млн.тг-ден 5-6 млн.тг-ге дейін), жұмыс орындары 33-тен 19 адамға қысқарды.Байтұрсынов көшесінде 255 нысан орналасқан:– қарама-қарсы бетте – 107 нысан, атап айтқанда, Ахмет Байтұрсыновтың мұражайы үйі, Никольский соборы, Никольский базары, гүл базары, Алматы технологиялық университеті, Depo Evolution.– батыс жағында – 118. Олар: Алматы қаласы полиция департаментінің көші-қон қызметі басқармасы, Шет тілдер педагогикалық колледжі, Қазақ спорт және туризм академиясы. Бұл жерде 2 нысан (Мастер донер мен дәріхана) жабылды. Байтұрсынов к-сі, 16 мекен-жайындағы әкімшілік ғимаратта (шығыс жағы) веложол жолағы енгізілгенге дейін 20 жалдаушы болса, бүгінгі күні 9 жалдаушы қалды. 2018 жылдан бастап 11 жалға алушы жалдау шартын бұзды. (2 тіс емханасы, «Логистик центр» ЖШС, «Вольфрам» ЖШС, оқу орталығы және т.б.). Сондай-ақ, 2019 жылдың 1 қыркүйегінен бастап «SprintR» ЖШС де келісім-шартты бұзады (жұмыс орны – 30).Мысалы «Manga sushi» мейрамханасының (Байтұрсынов, 78 шығыс жағы) салық аударымдары 27,9% төмендеген. (2017 жылдың 1 жартыжылдығында – 3,2 млн.тг, 2019 жылдың 1 жартыжылдығында – 2,3 млн.тг.) келушілердің саны 9 654 адамнан 8 429 адамға дейін қысқарып, 12 қызметкер жұмыстан босатылды (бұрын 34 адам болса, қазір 22).«ЖанЕр.Д» кафесінің (Байтұрсынов көшесі, 44, шығыс жағы) салық аударымдары 2017 жылы 26,6 млн.тг, 2018 жылы 17,4 млн.тг қысқарды. «Oriental» асханасының (Байтұрсынов, 89) салық аударымдары 2017 жылы – 1,7 млн.тг, 2018 жылы – 1,1 млн.тг.Осыған байланысты Алматының Қоғамдық кеңесі Қонаев пен Байтұрсынов көшелеріндегі веложолды Шевченко көшесіндегідей екі жаққа бағытталатындай етіп көшенің бір жағына орналастыруды ұсынуда. Ал көшенің екінші бетіне көлік тұрағын қарастыруды жөн деп отыр. Бұл шара кәсіпкерлер үшін де, велоәуесқойлар үшін де тиімді болмақ. Сондай-ақ, тұрақ орындары қалпына келтірілсе, Қонаев көшесі бойында 300-ге жуық, ал Байтұрсынов көшесі бойында 150-ге жуық жаңа жұмыс орындары ашылуы мүмкін деп болжануда.Ақпарат көзі : https://www.gov.kz/memleket/entities/almaty/press/news/details/26719?lang=kk

Форумда мұғалім мамандығының маңызы және еліміздің лайықты азаматтарын тәрбиелеудегі педагогтың ерекше миссиясы туралы сөз қозғалды. Өскелең ұрпаққа сапалы білім мен өнегелі тәрбие беруді жақсарту мәселелері кеңінен талқыланды.«Мектеп – жеке тұлғаны және олардың бойында туған еліне деген шынайы сүйіспеншілікті қалыптастыратын киелі орын. Білім ошағында дәріс алатын оқушылардың болашағы зор әрі олар бақытты болулары тиіс», - деді Бақытжан Сағынтаев қаланың мұғалімдер қауымдастығы алдында сөйлеген сөзінде.Әкім өзінің сөзінде педагогикалық жоғары оқу орындары мен колледждерді бітіріп, Алматының мемлекеттік мектептерінде еңбек жолдарын енді бастайтын барлық жас мамандарға бірреттік материалдық көмек беру жөнінде шешім қабылданғанын айтты. Биылғы жылы 700 жас мұғалім бюджеттік қаржының есебінен 20 айлық есептегі көрсеткіш көлемінде грант алатын болады.«Бұл шағын көмек, дегенмен осынау алғашқы қадамның қаланың педагогикалық қауымдастығына қолдау көрсетудің маңызды символы болатындығына мен сенімдімін», - деп атап өтті Алматы әкімі.Сонымен қатар, үздік білім ұйымдарын 800 айлық есептік көрсеткіш бойынша жыл сайынғы дәстүрлі марапаттау жалғасады. Ал, бүгін жеңімпаз 24 миллион теңге көлемінде жүлде алатын болады.Айта кетерлігі, қаланың үздік педагогикалық ұжымдарына жыл сайын ақшалай сыйлықтар беріледі.2020 жылдан бастап қала әкімінің шешімі бойынша мегаполистің ерен еңбек етіп, сапалы білім берген үздік педагогтарына Алматы әкімінің арнайы гранты тапсырылады. Оның Ережесін, номинациясын, критерийлерін әзірлеу және кімге берілуі тиіс екенін анықтау оқытушылардың өздері жүктеледі.Мұғалім мамандығының мәртебесін арттыру үшін қалада ауқымды ақпараттық науқан ұйымдастырылады, оның барысында БАҚ шаһардың үздік педагогтары, үздік оқу практикалары мен кейстері туралы жазатын болады. Бұл шара қоғам үшін білім жүйесін дамытудың дұрыс векторын қалыптастыруға ықпал етеді.Алматы әкімі жаңадан қолға алынатын әрі жыл сайын өтетін «Úzdіk ustaz» («Лучший педагог») байқауы және оның қорытындысы 2020 жылдан бастап Мұғалім күні қарсаңында шығатыны туралы хабардар етті. Жеңімпаздарға ынталандыру сыйлығы ретінде пәтер, автомобиль және басқа да бағалы сыйлықтар беріледі.«Мұғалім – білім саласындағы басты тұлға, сондықтан қоғам үшін аса маңызды мамандықтың мәртебесін көтеруге тиіспіз», - деп атап өтті Б. Сағынтаев.Қазіргі кезде Алматыда 32 мыңға жуық мұғалім бар.Ақпарат көзі : https://www.gov.kz/memleket/entities/almaty/press/news/details/26709?lang=kk