Қазақстан Республикасы Президенті жанындағы Орталық коммуникациялар қызметінде 2026 жылғы «Тәуелсіздік ұрпақтары» грантын тағайындау конкурсының басталуына орай брифинг өтті.Іс-шараға ҚР Мәдениет және ақпарат министрлігінің Жастар және отбасы істері комитетінің төрағасы Қайрат Қамбаров, конкурстық комиссия мүшесі Ғайни Есембекова және 2025 жылғы грант иегері Айжан Өмірбаева қатысты.Жиында 2021 жылдан бері Мемлекет басшысы Қасым-Жомарт Тоқаевтың бастамасымен шығармашыл жастарды қолдау мақсатында жыл сайын «Тәуелсіздік ұрпақтары» гранты бөлініп келетіні атап өтілді.2026 жылы республикалық деңгейде әрқайсысы 3 млн теңгеден 30 грант беріледі.Грантқа Қазақстан Республикасының 14 пен 35 жас аралығындағы (34 жасты қоса алғанда) азаматтары үміткер бола алады.Грант конкурстық негізде келесі 6 бағыт бойынша жобаларды іске асыру үшін беріледі:«Ғылым» – жаңа ғылыми жобаларды және зерттеулерді іске асыруға арналған;«Мәдениет» – Қазақстанның мәдени мұрасын насихаттауға, ұлттық дәстүр мен өнерді ілгерілетуге бағытталған жобаларды іске асыруға арналған;«Ақпараттық технологиялар» – жаңа IT шешімдер мен жобаларды, оның ішінде жаңадан басталған стартап жобаларды іске асыруға және әзірлеуге арналған;«Бизнес» – жаңа бизнес-идеяларды іске асыруға арналған;«Медиа» – жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыруға арналған;«Волонтерлік» – өзекті, әлеуметтік проблемаларды шешуге бағытталған волонтерлік жобаларды (бастамаларды) іске асыруға арналған.Үміткерлердің конкурстық өтінімдері 2026 жылғы 21 сәуірден 21 маусым аралығында (21 маусым күні сағат 24:00-ге дейін) қабылданады.Конкурсқа қатысу үшін қажетті құжаттар тізімі (мемлекеттік және (немесе) орыс тілдерінде):Конкурстық өтінім: https://forms.gle/8Edm9PwoqQZQyw2872-қосымша сәйкес нысан бойынша жобаның сипаттамасы (PDF форматы);Жоба бойынша (60 секундтан аспайтын) бейнематериал немесе (10 слайдтан аспайтын) презентация;3-қосымша сәйкес нысан бойынша шығындар сметасының жобасы (PDF форматы);Зияткерлік меншік туралы мәлімет (бар болса, PDF форматы);Жеке куәлік немесе туу туралы куәліктің көшірмесі (PDF форматы).Анықтама үшін байланыс телефондары:8 (7172) 74-12-78, 8 777-114-66-82E-mail: t.urpaqtary2026@gmail.com (жұмыс күндері сағат 9:00-ден 18:30-ға дейін)Ақпарат көзі : https://www.gov.kz/memleket/entities/beskaragay-roo/press/news/details/1210744?lang=kk

Өтетін уақыты: 29 сәуір сағат 9.00-дан 20.00-ге дейінӨтетін орны: «Жастар сарайы» және іргелес аумақ, Индустриялық аймақ 29 сәуірде сағат 9.00-дан бастап Қостанай қаласында жылдың ең ауқымды іс-шарасы басталады. «QOSTANAI TECH» отбасылық ғылыми-инновациялық фестивалі қостанайлық тұрғындар мен елдің барлық өңірлерінен келген қонақтарды біріктіреді. Бұл фестиваль Мемлекет басшысы Қасым-Жомарт Тоқаев жариялаған Цифрландыру және жасанды интеллект жылының басты оқиғаларының бірі болмақ. Фестиваль бағдарламасын Қостанай облысының әкімі Құмар Ақсақалов ашады. Қонақтар алдында TED-форматында сөз сөйлейтін фестивальдің хэдлайнерлері қатарында ірі өндірістің, ІТ-компаниялардың, қоғамдық пікір көшбасшыларының өкілдері бар. Олардың арасында «KIA QAZAQSTAN» бас директоры Де Ки Ким, Freedom Cloud компаниясының CEO-сы және ҚР Президенті жанындағы ЖИ-ді дамыту жөніндегі кеңестің жұмыс тобының кеңесшісі Темірлан Зиналабдин, Allur компаниялар тобының автокөлік өндірісі саласының басшылығы, технология және білім беру саласындағы кәсіпкер, Оксфордта білім алған алғашқы қазақстандық Ғабит Бекахметов және тағы басқалар бар. «Жастар сарайының» күту залында қонақтарды фестиваль маскоты - Q-AI трансформеры қарсы алады және заманауи технологиялар көрмесі ұйымдастырылады. Екінші қабаттағы интерактивті аймақта инновациялық процестер көрсетіледі: ақылды өндіріс 5.0, автономды жүйе және технологиялардың бірлескен әрекеті, қаланың цифрлы инфрақұрылымы және урбанистика, XR-оқу мен иммерсивті мамандықтар, болашақ экологиясы, логистика, цифрлы әлемдегі қауіпсіздік туралы мәселелер және тағы басқа. Фестиваль тек технологиялар мерекесі ғана емес, сонымен бірге эксперимент алаңы болмақ. Екінші қабатта балалар мен жасөспірімдер үшін болашақ технологиялар кеңістігі ұйымдастырылады. Мұнда мини-турнирлер өткізілетін киберспорт аренасы, технополигон, конструкторлық зертхана және робототехника аймағы құрылады. Жас буын үшін VR/AI аймағы ерекше қызығушылық тудырады, мұнда симуляциялар зертханасы ауыл шаруашылығы техникасын басқарудан бастап электр көліктерін құрастыру жұмысына дейінгі нақты өндірістік процестердің ішінде болуға мүмкіндік береді. Көше алаңында балалар мен олардың ата-аналарына шеберлердің сабақтары, химия мен физика бойынша эксперименттер мен ғылыми шоулар, сұйық азоттың мүмкіндіктері мен Тесла шоуы ұйымдастырылады. Сондай-ақ аумақта ұйымдастырылатын көрмеде өңірдегі жетекші өндірушілердің техникасы көрсетіледі. Автокөлік өндірісі процесін және өңірдегі ірі өнеркәсіп кәсіпорындарының жұмысын өз көздерімен көргісі келетіндер үшін күні бойы индустриялық экскурсиялар ұйымдастырылады, бұл экскурсиялар қала тұрғындары мен қонақтары үшін тұрақты болмақ. Фестивальдің маңызды міндеттерінің бірі бұл отбасы құндылықтарын, ұрпақтар жалғастығын және еңбек пен білімге деген құрметті күшейте отырып, жаңа буынды машина жасау мен агроөнеркәсіп кешендерінің дамуының іргетасына айналып отырған бағдарламалау мен жасанды интеллект жүйесін зерделеуге шабыттандыру. Фестиваль қонақтары үшін мазмұнды бағдарлама жоспарланған:Технологиялар мен ЖИ саласындағы жетекші спикерлердің сөз сөйлеуіЖобалар мен технологияларды көрсетуИнтерактивті алаңдар мен эксперимент аймағының жұмысыӨңір кәсіпорындарының көрмесіӘсерлі концерт бағдарламасыКөптеген қосымша іс-шаралар мен сыйлықтар Әркім өз талғамына сай іс табады. Қонақтарға қолайлы болу үшін аумақта тамақтану аймағы жұмыс істейді. Фестиваль сағат 19:00-де қазақстандық эстрада жұлдызы Bayansulu қатысатын концерттік бағдарламамен аяқталады. Бұқаралық ақпарат құралдарының өкілдерін, сондай-ақ ниет білдірушілерді 18 сәуір күні сағат 09:00-ден бастап өтетін «QOSTANAI TECH» отбасылық ғылыми-инновациялық фестиваліне шақырамыз. Қосымша ақпарат, пікірлер мен барлық сұрақтар бойынша:Байланысушы тұлға: Анна ЛазареваТелефон: 8 777 370 23 04Ақпарат көзі : https://www.gov.kz/memleket/entities/mfa-dushanbe/press/news/details/1210817?lang=kk

Дәулет ауылдық округі әкімінің аппаратының мамандары ауыл тұрғындарына салықтық берешектері көрсетілген хабарламаларын тарату жұмыстарын жүргізді. Ауыл тұрғындарынан барлық салықтық міндетті төлемдерді уақытылы өтеуді сұраймыз.Ауылдық округ тұрғындарының назарына!Жеке тұлғаларға салынатын салықтарға қатысты барлық сұрақтар жөнінде ауыл әкімі аппаратына, Мемлекеттік кірістер басқармасына хабарласуға немесе “e-Salyq Azamat” , Kaspi.kz қосымшалары арқылы білуге болатындығын хабарлаймыз.Дәулет ауылдық округі әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-daulet/press/news/details/1210780?lang=kk

2026 жылғы 24 сәуірде Өскемен қаласында «Атамекен» ҰКП ШҚОФ алаңында «Салық және кеден заңнамасының өзекті мәселелері» тақырыбында дөңгелек үстел өтті.Іс-шараға Шығыс Қазақстан облысы бойынша Мемлекеттік кірістер департаментінің қызметкерлері, салық төлеушілер, сыртқы экономикалық қызметке қатысушылар, консалтингтік компаниялардың өкілдері, бұқаралық ақпарат құралдары және блогерлер қатысты.Дөңгелек үстел барысында салық және кедендік әкімшілендірудің өзекті мәселелері қарастырылды.Атап айтқанда, қатысушыларға жеке тұлғалардың соттан тыс банкроттық рәсімі туралы ақпарат ұсынылды. Баяндамамен ШҚО бойынша МКД-нің дәрменсіз борышкерлермен жұмыс басқармасының басшысы Сайран Уалибекова сөз сөйледі.Сондай-ақ қосылған құн салығының артық төлемін қайтарудың оңайлатылған тәртібі түсіндірілді. Осы тақырып бойынша жанама салықтарды әкімшілендіру басқармасының ҚҚС салық аудиті бөлімінің басшысы Алмас Чиликбаев баяндама жасады.Еуразиялық экономикалық одақ шеңберіндегі тыйымдар мен шектеулер мәселелеріне де ерекше назар аударылды. Аталған тақырып бойынша ЕАЭО шеңберінде ҚҚС әкімшілендіру басқармасының жетекші маманы Алишер Муратов сөз сөйледі.Кедендік блок аясында кедендік баждар мен салықтарды төлеу бойынша міндеттемелердің орындалуын қамтамасыз ету шаралары түсіндірілді. Баяндаманы кедендік құн бөлімінің жетекші маманы Надежда Сорокина ұсынды.Іс-шараның қорытынды бөлімінде практикалық мәселелер мен жиі қойылатын сұрақтар талқыланды. Түсіндіру жұмыстарымен және жауаптармен түсіндіру жұмыстары және Байланыс орталығы басқармасының басшысы Гульмира Сабралимова сөз сөйледі.Дөңгелек үстел қорытындысы бойынша қатысушылар өздерін қызықтырған сұрақтарға толық жауап алып, мұндай кездесулердің практикалық маңыздылығын атап өтті, сондай-ақ мемлекеттік органдар мен бизнес қауымдастық арасындағы өзара іс-қимылды одан әрі дамыту қажеттігін жеткізді.Ақпарат көзі : https://www.gov.kz/memleket/entities/kgd-vko/press/news/details/1210644?lang=kk

2026 жылғы 28 сәуірде БЖЗҚ дәстүрлі түрде "Ашық есік күні" онлайн-кездесуін өткізді. Оның аясында қатысушыларға invest.enpf.kz жаңа инвестициялық порталы ұсынылды. Іс-шара барысында Қор мамандары жаңа порталдың салымшылар үшін жасалған таптырмас мүмкіндіктері туралы баяндап берді. Қатысушыларға зейнетақы қаражатының бір бөлігін жеке инвестициялық портфельді басқарушының (ИПБ) сенімгерлік басқаруына беру арқылы өз жинақтарының кірістілігіне дербес ықпал етуге құқылы екендіктерін ескертті: міндетті және міндетті кәсіптік зейнетақы жарналары есебінен қалыптасқан жинақтардың 50%-на дейін және ерікті зейнетақы жарналарының 100%-на дейін аударуға болады.Кездесу аясында қатысушылар платформаның функционалдығымен, зейнетақы активтерін инвестициялау қағидаттарымен, инвестициялық көрсеткіштерді талдау тәсілдерімен, сенімгерлік басқарушыны таңдау өлшемдерімен және т.б. танысты.Портал бір цифрлық кеңістікте инвестициялар туралы негізгі ақпарат: базалық ұғымдарды, сенімгерлік басқарушылар туралы деректерді, зейнетақы активтерін орналастыру құрылымын, инвестициялық стратегиялар мен қаржылық көрсеткіштерді қазақ және орыс тілдерінде біріктіретіні атап өтілді. Пайдаланушылар ИПБ мен ҚРҰБ-тың кірістілігін, портфель құрылымын және басқару нәтижелерін дербес салыстырып, көрсеткіштердің динамикасын бақылай алады.Кездесу барысында Қор мамандары порталдың жас салымшылар үшін маңыздылығын атап өтті. Себебі жастар өз жинақтарын басқарудың неғұрлым тиімді стратегияларын таңдауға қатыса алады. invest.enpf.kz жаңа ыңғайлы порталы инвестициялау құралдарын зерделеп, талдау мүмкіндіктерін ұсына отырып, қазақстандықтардың өз жинақтарын басқаруға неғұрлым белсенді қатысуын ынталандыруға ықпал етеді.Іс-шара интерактивті форматта өтті: қатысушылар Қор мамандарына сұрақтар қойып, түсініктемелер, сондай-ақ жеке кеңестер алды. Онлайн-формат әртүрлі өңірлердің азаматтарына кездесуге қосылуға және өзекті ақпаратты тікелей сарапшылардан алуға мүмкіндік берді.Айта кетейік, 2026 жылғы 1 сәуірдегі жағдай бойынша БЖЗҚ салымшылардың жалпы сомасы 130 млрд теңгеден асатын жинақтарын ИПБ-ға аудару туралы 128 450 өтінішін орындады. Естеріңізге сала кетейік, қазір нарықта инвестициялық портфельді басқаруға лицензиясы бар және зейнетақы активтерін басқаруға бекітілген талаптарға сәйкес келетін 5 ИПБ жұмыс істейді. Олардың ішінде: "Alatau City Invest" АҚ, "BCC Invest" АҚ, "Halyk Global Markets" АҚ (2027 жылғы 1 қаңтардан бастап – осы ИПБ-ның бастамасы бойынша шарттың күші жойылады), "Halyk Finance" АҚ және "Сентрас Секьюритиз"АҚ. ИПБ-лардың инвестициялық стратегиялары, ай сайынғы шолулар және әрбір ИПБ-ның инвестициялық қызметінің нәтижелері invest.enpf.kz порталында, сондай-ақ enpf.kz сайтындағы "Статистика және талдау - Зейнетақы активтерін инвестициялық басқару" бөлімінде орналастырылған.БЖЗҚ халықтың қаржылық-құқықтық сауаттылығын арттыру жұмысын жүйелі түрде жалғастыруда. Мәселен, 2025 жылы 800 мың адамды қамтитын 38 мыңнан астам ақпараттық кездесу өткізілді, сондай-ақ азаматтардың 400 мыңға жуық өтініші өңделді. Өткізілген "Ашық есік күні" қатысушыларға өздерінің зейнетақы жинақтарын түсініп, басқаруға қажет нақты құралдарды ұсынатын маңызды қадам болды. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).     Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1210826?lang=kk

Бүгін Алматы облысының орталығында қазақ киносының Құлагері, Қазақ КСР-ның еңбек сіңірген өнер қайраткері Абдолла Қарсақбаевтың 100 жылдық мерейтойының салтанатты ашылу рәсімі өтіп, шымылдығы түрілді. Игі шарада ұлт тағдырын таспалаған тұлғаның мұрасы кеңінен насихатталып, ғұмыр жолы дәріптелді, – деп хабарлайды Алматы облысы әкімінің баспасөз қызметі.Айтулы кеште зиялы қауым өкілдері, ақын-жазушылар, кинорежиссердің туыстары мен шәкірттері естеліктерімен бөлісті. Шараға облыс әкімі Марат Сұлтанғазиев те қатысып, кинорежиссердің болмысы ел жадында мәңгілік сақталатынын айтты. Сондай-ақ Мемлекет басшысы Қасым-Жомарт Тоқаевтың құттықтауын оқып берді.«Абдолла Қарсақбаев – қазақ киносын жаңа биікке көтерген тағдырлы тұлға. Ол «Менің атым – Қожа», «Даладағы қуғын», «Алпамыс мектепке барады» және басқа да көркем фильмдер түсіріп, мәдениетіміздің мәртебесін арттырды. Кейіпкерлердің болмыс-бітімін асқан шеберлікпен көрсете білді. Бұл фильмдердің барлығы қазақ киносының алтын қорына қосылған құнды қазына екені сөзсіз. Сондықтан мемлекетіміз Абдолла Қарсақбаевтың еңбегін әрдайым жоғары бағалайды.Дарынды режиссер өз туындыларына қазақы танымды, ұлттық рух пен тәлім-тәрбиені арқау етті, сол арқылы өскелең ұрпақтың дүниетанымын байытуға елеулі үлес қосты.Халқымыздың біртуар перзентінің ғасыр тойы ЮНЕСКО аясында аталып өтіп жатыр. Бұл – ұлт тұлғаларының әлемдік деңгейдегі танымалдылығының айқын көрінісі. Қазақстанда да оның есімі халық жадында сақталуы қажет. Осы орайда, бұл жиынның мән-мағынасы зор» – делінген хатта.Қазақстанның Халық әртісі, кинорежиссердің шәкірті Досхан Жолжақсынов өнер жолында шырағын жаққан ұстазының өнегелі өмір жолы жайлы сыр шертті.«Жазушы Әбіш Кекілбаев: «Уақыттың өлшемі – адамның тағдыры, адамның тағдыры – артына қалған ісі», – дейді. Абдолла Қарсақбаевтың жасаған ісін бір кеште түгендеп шығу мүмкін емес. Бір ғана «Менің атым Қожасы» әлемді дүр сілкіндіріп, бәйгені қанжығасына байлап келгенде, қуанбаған қазақ болмаған шығар деп ойлаймын. Мені де халыққа танытып, бағымды ашқан – Әбекем. Қазір сол сәтті сағынышпен еске аламыз», – деді өнер иесі.Концерттік бағдарламада көрермен Абдолла Қарсақбаевтың туындыларына терең бойлап, мәніне үңілді. Ұлы композитор Нұрғиса Тілендиевпен рухани үндестігі баяндалып, ойлы кино мен мәнді әуеннің үйлесімі жүрекке рухани нәр берді. Рамазан Стамғазы, Нұрлан Өнербай сынды халыққа белгілі тұлғалар ән шырқап, өзге де дарын иелері өнерімен тәнті етті.Айта кетейік, Алматы облысының төл перзенті Абдолла Қарсақбаевтың өмірі мен шығармашылығы жыл бойы кеңінен насихатталып, өңіріміздің түкпін-түкпінде айтулы шаралар жалғасын табады. ЮНЕСКО көлемінде аталып өтіп, әлем жұртшылығы қазақ киносының шоқтығы биік туындыларына қанық болады.Ақпарат көзі : https://www.gov.kz/memleket/entities/almobl/press/news/details/1210694?lang=kk

Алматы қаласында ҚР Сауда және интеграция министрлігі Техникалық реттеу және метрология комитеті департаментінің жоспардан тыс тексеруінің қорытындысы бойынша «Орталық қалалық клиникалық аурухана» ШЖҚ КМК қызметінде өлшем бірлігін қамтамасыз ету саласындағы заңнаманың өрескел бұзушылықтары анықталды.Тексеру барысында 2026 жылғы 11 ақпанға дейін медициналық мекемеде 106 пациент мониторингі модулі міндетті рәсімдерден өтпей пайдаланылғаны белгілі болды. Аталған жабдықтар типін бекітусіз немесе метрологиялық аттестациясыз қолданылған, мемлекеттік реестрде тіркелмеген және міндетті тексеруден (поверкадан) өтпеген. Соған қарамастан, құрылғылар медициналық көмек көрсету барысында пайдаланылған.Бұл модульдер пациенттердің өмірлік маңызды көрсеткіштерін бақылауға арналған, атап айтқанда: жүрек соғу жиілігі, артериялық қысым, қандағы оттегі деңгейі (SpO₂), электрокардиограмма (ЭКГ) және дене температурасы. Мұндай жабдықты өлшеу дәлдігі расталмай қолдану клиникалық шешім қабылдауға тікелей әсер етіп, пациенттердің қауіпсіздігіне қауіп төндіреді.Тексеру нәтижесінде медициналық ұйым қызметінде Қазақстан Республикасының «Өлшем бірлігін қамтамасыз ету туралы» заңының 17 және 19-баптарының талаптары бұзылғаны анықталды. Анықталған фактілер тексеру материалдарымен расталды.Бақылау іс-шараларының қорытындысы бойынша анықталған бұзушылықтарды жою туралы орындалуы міндетті нұсқама берілді. Жабдықтарды пайдалану заң талаптарына толық сәйкестікке келтірілуі тиіс.Жіберілген бұзушылықтар үшін мекеме Қазақстан Республикасының Әкімшілік құқық бұзушылық туралы кодексінің 419-бабы бойынша әкімшілік жауапкершілікке тартылды. Айыппұл мөлшері 600 АЕК (2 595 000 теңге) болып, белгіленген тәртіпте төленді.Департамент метрологиялық бақылау талаптарын сақтау міндетті екенін және оның пациенттердің қауіпсіздігін қамтамасыз етумен тікелей байланысты екенін атап өтті. Белгіленген нормалардан кез келген ауытқуға жол берілмейді.Ақпарат көзі : https://www.gov.kz/memleket/entities/mti/press/news/details/1210598?lang=kk

Қырғызстан астанасында Шанхай ынтымақтастық ұйымына мүше мемлекеттер қорғаныс ведомстволары басшыларының кеңесі өтті. Оған ШЫҰ-ның Бас хатшысы қатысты.Күн тәртібінде әскери ынтымақтастықты дамыту, халықаралық терроризмге қарсы іс-қимыл және ШЫҰ кеңістігіндегі тұрақтылықты нығайту мәселелері қаралды.Қазақстан Қорғаныс министрі авиация генерал-лейтенанты Дәурен Қосанов өз баяндамасында мемлекеттің өңірлік қауіпсіздікті нығайтуға, ШЫҰ аясындағы өзара іс-қимылды дамытуға және қазіргі заманғы сын-қатерлер мен қауіптерге қарсы бірлескен шараларды жетілдіруге қатысты ұстанымдарын атап өтті.Іс-шара барысында қатысушылар қорғаныс ведомстволары арасындағы практикалық ынтымақтастықты кеңейту перспективаларын талқылап, күн тәртібіндегі халықаралық және өңірлік өзекті мәселелер бойынша пікір алмасты. Кеңес қорытындысы бойынша ШЫҰ-ға мүше мемлекеттер Қорғаныс министрліктерінің 2027 жылға арналған ынтымақтастық жоспары бекітілді.Ақпарат көзі : https://www.gov.kz/memleket/entities/mod/press/news/details/1210600?lang=kk

8-12 сәуір аралығында Астана қаласында *«Ғылым әлемін ашамыз»* ғарыштық зерттеулер бойынша халықаралық ғылыми конкурста Бесқарағай ауданы білім бөлімінің Н. Баймұратов атындағы орта мектебінің оқушысы Алекпаров Алмат Қуатұлы жоғары нәтиже көрсетіп, жүлделі І дәрежелі диплом және медальмен Қазақстан Республикасының Оқу-ағарту министрі Жұлдыз Досбергенқызы Сүлейменованың қолынан марапатталды.Ақпарат көзі : https://www.gov.kz/memleket/entities/beskaragay-roo/press/news/details/1210605?lang=kk

2026 жылы 21 сәуір күні Жыланды негізгі мектебінде Облыстық «Үздік әлеуметтік педагог – 2026» конкурсының аудандық кезеңі өтті.Жеңімпаздары:I орын — Молдашева К. Б, «Қ. Рысқұлбеков атындағы орта мектебі» КММII орын — Кобентаева Г.А, «Глуховка орта мектебі» КММIII орын — Егорова Л.М., «Канонерка орта мектебі» КММБарлық қатысушыларды құттықтаймыз!Ақпарат көзі : https://www.gov.kz/memleket/entities/beskaragay-roo/press/news/details/1210607?lang=kk

Құрметті жерлестер!Бесқарағай ауданының спорт саласындағы тағы бір жарқын жетістігімен қуана бөлісемін.Қырғызстан Республикасының Бішкек қаласында өткен гир спорты бойынша әлем чемпионатында жерлесіміз, Малая-Владимировка орта мектебінің оқушысы Ленард Виктория жоғары нәтиже көрсетіп, жүлделі ІІ орынға ие болды. Ол ел намысын абыроймен қорғап, күміс медаль жеңіп алды.Аталған дүбірлі додаға 15 елден 300-ден астам спортшы қатысып, 16-18 жас аралығындағы жасөспірімдер өзара бақ сынады. Осындай жоғары деңгейдегі жарыста топ жарып, үздіктер қатарынан көріну – үлкен еңбектің нәтижесі.Жеңімпаз спортшымыздың бұл жетістігінде жаттықтырушысы Ардақ Смағұловтың еңбегі зор екенін атап өткім келеді.Ленард Викторияны және оның бапкерін шын жүректен құттықтай отырып, алдағы жарыстарда да толағай табыстар тілеймін! Бұл жеңіс – барша Бесқарағай жұртшылығы үшін үлкен мақтаныш!Ақпарат көзі : https://www.gov.kz/memleket/entities/beskaragay-roo/press/news/details/1210616?lang=kk

«Заң мен Тәртіп» қағидатын іске асыру аясында Шымкент қаласы Абай ауданының прокуратурасы мемлекеттік органдармен бірлесіп, пробация қызметінің есебінде тұрған адамдарды, сондай-ақ алименттік міндеттемелері бар борышкерлерді жұмыспен қамтуға бағытталған кешенді іс-шаралар өткізді.Іс-шараларға инвесторлар мен бизнес-қоғамдастық өкілдері қатысып, аталған санаттағы азаматтарды жұмыс орындарымен қамтамасыз етуге дайын екендіктерін білдірді.Жұмыс барысында түсіндіру кездесулері ұйымдастырылып, бос жұмыс орындарын іріктеуге жәрдем көрсетілді, алимент бойынша борышкерлермен атаулы жұмыс жүргізілді.Қабылданған шаралардың нәтижесінде азаматтардың бір бөлігі жұмысқа орналастырылып, бұл олардың әлеуметтік бейімделуіне және сот актілерін орындауына ықпал етуде.Шымкент қаласының прокуратурасы

         ЕҚЫҰ Демократиялық институттар және адам құқықтары бюросының (ДИАҚБ) Директоры Мария Телалианның Қазақстанға сапары аясында Қазақстан Республикасы Орталық сайлау комиссиясында кездесу өтті. ОСК Төрағасының орынбасары Мұхтар Ерман делегация мүшелерін қарсы алып, ДИАҚБ кеңсесімен жұмыс байланыстарын жалғастырудың маңыздылығын атап өтті.         Кездесу барысында шетелдік қонақтарға Қазақстан Республикасының жаңа Конституциясын қабылдау жөніндегі өткен республикалық референдумның қорытындылары таныстырылды. Мұхтар Ерман  кездесуге қатысушыларды жүзеге асырылып жатқан саяси реформалар туралы хабардар етіп, жаңа Негізгі заң мемлекеттің институционалдық тұрақтылығын арттыруға, азаматтардың құқықтарын қорғау тетіктерін күшейтуге бағытталғанын атап өтті.         ДИАҚБ делегациясы үшін сайлау органдарының қоғамдық ұйымдар тарапынан байқауды ұйымдастыру, бұқаралық ақпарат құралдарымен өзара іс-қимыл жасау, сондай-ақ дауыс беру күні мүгедектігі бар адамдар үшін мүмкіндіктерді қамтамасыз ету жөніндегі қызметі туралы ақпарат ерекше қызығушылық тудырды. Төраға орынбасары ОСК ДИАҚБ миссияларының қорытынды есептерінде қамтылған ұсынымдарды мұқият талдап, оларды тұрақты негізде Қазақстан Республикасы ОСК жанындағы Сарапшылық кеңестің қарауына шығаратынын атап өтті. Осыған байланысты қазақстандық тарап ағымдағы жылғы 15 наурызда өткен референдумды бағалау қорытындылары бойынша жеке есептің ұсынылуын күтуде.         Өз кезегінде Мария Телалиан жүзеге асырылып жатқан конституциялық өзгерістердің маңыздылығын атап өтіп, Қазақстан – ЕҚЫҰ бағыты бойынша диалогты жалғастырудың өзектілігін айтты, референдумды бағалау миссиясының қызметіне көрсетілген практикалық қолдау үшін алғыс білдірді және алдағы Құрылтайға сайлауларды байқауға ДИАҚБ-ның қатысуына қызығушылық танытты. Сонымен қатар, Қазақстан Республикасы ОСК өкілдерінің ДИАҚБ-ның әртүрлі елдердегі (АҚШ, Әзербайжан, Молдова, Болгария) сайлауды байқау жөніндегі ұзақ мерзімді және қысқа мерзімді миссиялары жұмысына қатысуының маңыздылығын атап өтті.         Тараптар электоралдық салада, оның ішінде сарапшылық деңгейде де байланыстарды жалғастыру және ақпарат алмасу қажеттігі туралы ортақ түсінікке келді.Ақпарат көзі : https://www.gov.kz/memleket/entities/mfa-vienna/press/news/details/1210532?lang=kk

Жасанды интеллектке (ЖИ) бағытталған Орталық Азиядағы ең ірі технологиялық көрме келесі аптада Алматыда алғаш рет ашылып, Қазақстанды өңірдің цифрлық және технологиялық көшбасшылық жолындағы алдыңғы қатарға шығарады. Осылайша жаһандық инновациялар, технологиялық капиталды тарту және трансшекаралық ынтымақтастық тарихының жаңа бетін ашпақ.Цифрландыру және жасанды интеллект жылы аясында GITEX AI Kazakhstan 2026 жылғы 4-5 мамыр аралығында «Атакент» халықаралық көрме орталығында 60-тан астам елдің саясаткерлерін, корпоративтік сектордағы технологиялық алпауыттарды, стартаптар мен инвесторларды бір ортаға жинайды. Мұндағы мақсат – Орталық Азия мен Кавказдың әлемдік технологиялық көшбасшылысы атануын жеделдету.Іс-шара Қазақстан Республикасының Президенті Қасым-Жомарт Тоқаевтың жоғары қолдауымен өткізіледі. Ұйымдастырушылар – ҚЗ Жасанды интеллект және цифрлық даму министрлігі, Astana Hub және Алматы қаласының әкімдігі.Көрмені ұйымдастырумен әлемдегі ең ықпалды технологиялық платформаны Еуразия жүрегіне әкелген жаһандық ұйымдастырушы inD компаниясы (GITEX) айналысады. Іс-шара осы саланың қарқынды дамуына тұспа-тұс келіп отыр: dealroom.co сараптамалық платформасының мәліметінше, соңғы жеті жылда Қазақстанның технологиялық экожүйесі 18 есеге өсіп, жалпы құны $26 млрд-қа жетті.Алматыдағы GITEX AI Kazakhstan 300-ден астам технологиялық компания мен стартаптың, 150 спикердің және 100 инвестордың басын қосады. Көрме халықаралық серіктестіктің, жаһандық нарыққа шығудың және жекелеген ЖИ-дан бастап инвестициялар мен адами капиталды дамытуға дейінгі негізгі тақырыптар талқыланатын алаң болмақ.Көрменің ашылуы қарсаңында, Орталық Азияның технологиялық күн тәртібі үшін шешуші оқиғаға айналатын іс-шара алдындағы соңғы дайындықтар қарқын алған тұста өткен медиабрифингте билік өкілдері мен экожүйенің көшбасшылары ЖИ және цифрлық даму саласындағы өз бағдарларын айқындады.Олжас Смағұлов, Алматы қаласы әкімінің орынбасары: «Алматы – Қазақстанның IT саласының негізгі орталығы: мұнда елдегі барлық IT-компанияның үштен біріне жуығы шоғырланған, ал олардың үлесіне IT-қызметтердің жалпы көлемінің 52%-ы тиесілі. Қала стартаптар, инвестициялар және инновацияларға тартымды орталық ретіндегі беделін жүйелі түрде нығайтып келеді. GITEX AI Kazakhstan Алматының біздің цифрлық болашағымызды қалыптастыратын идеялар, капитал және серіктестіктер тоғысатын орталық екенін тағы бір рет дәлелдейді».Дания Ахметова, Digital Bridge директоры (Astana Hub): «GITEX AI Kazakhstan 2026 іс-шарасының жаһандық ауқымда ұйымдастырылуы және Astana Hub-тың тең ұйымдастырушы ретіндегі қатысуы еліміздің технологиялық экожүйесі үшін тың мүмкіндіктерге жол ашады. Атап айтқанда, бұл қадам халықаралық нарықтарға шығуға, инвестициялар мен жаһандық серіктестіктерді тартуға, сондай-ақ озық технологиялар мен сараптамалық тәжірибе алмасуға мүмкіндік береді. Осының нәтижесінде жобалар жедел дамып, ұлттық шешімдердің қолданыс аясы кеңейе түседі, бұл өз кезегінде саланың тұрақты өркендеуіне және Қазақстанның әлемдік деңгейдегі бәсекеге қабілеттілігінің артуына оң ықпал етеді».Өңір – жаһандық цифрлық инфрақұрылымдық серпілістің орталығындаҚазақстан, Қырғызстан және Өзбекстанда мобильді интернеттің таралуы 93%-ға жетті, бұл көрсеткіш өңірді телекоммуникация, бұлтты есептеулер және цифрлық инфрақұрылым саласы үшін ыңғайлы ортаға айналдырды. Қазақстан бұл бағытта көш бастап тұр: дата-орталықтардың қуаттылығы 2025 жылғы 4 000 бағаннан 2030 жылға қарай 20 000 бағанға дейін өсуі тиіс, ал бұл 180 МВт-тан асады.ЖИ есептеу қуаттарының артуы Қазақстанды трансшекаралық инвестициялар үшін маңызды бағытқа айналдырады. GITEX AI Kazakhstan 2026 аясында осы мүмкіндіктер таныстырылып, Қытай, Германия, АҚШ, Түркия, Ұлыбритания, БАӘ, Франция және Үндістаннан келген компаниялар арасында талқыланады.Қатысушылар қатарында әлемдік технологиялық көшбасшылар бар: Cisco, Cloudflare, Google Cloud, Huawei, Dell, H3C Technologies, Lenovo, Trend Micro, Hikvision, HP, Noventiq, Redington, Salesforce, Vertiv пен Yandex және т.б. Олар GITEX AI Kazakhstan көрмесінде мемлекеттік деңгейдегі ЖИ инфрақұрылымынан бастап қорғалған жүйелер мен GovTech саласындағы бастамаларға дейінгі нақты шешімдерді ұсынып, өңірдегі технологиялардың дамуын жеделдетеді.Халықаралық алпауыттармен қатар көрмеге алғаш рет Қазақстанның жетекші технологиялық компаниялары да қатысады: Kazakhtelecom – елдегі нарықтың 60%-дан астамын қамтитын мемлекеттік телеком-алып; Kcell – Қазақстандағы аса ірі мобильді оператор әрі алғашқы 5G желісінің тең әзірлеушісі; Beeline Kazakhstan – VEON тобына кіретін Қазақстандағы жалғыз ірі тәуелсіз мобильді оператор; және Akashi Data Center – Астанада орналасқан Tier IV деңгейіндегі, Еуразиядағы алғашқы әрі ең ірі деректер орталығы.Негізгі қатысушылардың қатарындағы мемлекеттік басқару мен маңызды инфрақұрылымға арналған интеллектуалды шешімдердің жаһандық әзірлеушісі Presight компаниясы халықаралық ынтымақтастықтың көшбасшысы ретінде қатысады.Мағжан Кеңесбай, Presight компаниясының даму жөніндегі директоры: «Қазақстан Presight үшін ұзақ мерзімдегі стратегиялық даму нарығы: біз мұнда 60-тан астам маманнан тұратын жергілікті командамен Үкіметтің ЖИ-серіктесі ретінде жұмыс істейміз. Орталық Азия нарықтың дамуына мол мүмкіндік ашады және GITEX AI Kazakhstan ЖИ-ді ауқымды деңгейде енгізудің ұзақ мерзімді жобаларына айнала алатын қазіргі серіктестіктерді нығайтуға және жаңа байланыстар табатын маңызды алаң болмақ».Орталық Азияның стартап шебіне жаһандық капитал келудеҚазіргі уақытта Қазақстанның ЖИ-экожүйесінде 100-ден астам жоба белсенді дамып жатыр. 2023-2025 жылдары венчурлық инвестициялар көлемі бес еседен астам өсті, осы уақыт ішінде елде алғашқы ЖИ- unicorn – Higgsfield пайда болды.GITEX AI Kazakhstan 2026 көрмесі бұл үрдіске жаңа серпін береді: активтерінің жалпы көлемі $200 млрд-тан асатын 28 елдің 100-ден астам инвесторы өңірдегі ЖИ-стартаптарға қаржы құюға дайын.Инвесторлардыңарасында Punch Capital (АҚШ), Creww (Жапония), Enhance Ventures (БАӘ), IDA Capital (Түркия), Adagia Partners (Франция) және Италия, Германия, Нидерланды, Румыния, Сербия мен Испания елдерінің қорлары бар. Олар өңірдің әлеуетті технологиялары мен стартаптарын зерделеуді жоспарлап отыр, олардың қатарында Astana Hub және IT Park Uzbekistan-ды қоса алғанда 100-ден астам жоба бар.Мұрат Абдрахманов, дүние жүзі бойынша ерте сатыдағы технологиялық стартаптарға инвестиция құюмен айналысатын MA7 VC қорының негізін қалаушы: «Болашақ – жаһандық мақсатты көздейтін ойлайтын AI-стартаптарда, яғни, алғашқы күннен бастап ЖИ айналысында жұмыс істейтін жобаларда. Қазақстан мен Орталық Азияда мұндай жобаларды, соның ішінде болашақ ЖИ-«юникорнды» да мол шығаруға мүмкіндік көп. GITEX AI Kazakhstan әлемдік капиталға осы мүмкіндікке ерте бастан кірудің жақсы мүмкіндігі болмақ».Өңірдің цифрлық болашағын айқындайтын оқиғаGITEX AI Kazakhstan екі күн бойы өңірдің болашағы туралы – технологиялардан бастап инвестицияға дейінгі тақырыптар талқыланатын  пікірталастардың алаңы болмақ. Оған 60 елден келген 150-ден астам сарапшы спикер қамтылған.Диверсификация бойынша саммитте министрлер мен шенеуніктер бас қосып, цифрлық стратегиялар мен өнеркәсіптік ЖИ-дің дамуы туралы пікір алмасады. Сонымен қатар ЖИ және финтехтен бастап киберқауіпсіздік пен ақылды энергетика тақырыптары талқыланып, өңір экономикасының болашағы туралы диалог орнайды.NXT Stage сахнасында стартаптардың, финтех, ақылды қалалар мен ЖИ дамуын талқылау үшін негізін қалаушылар, инвесторлар мен билік өкілдері бас қосады. АлSupernova Pitch финалистері өздерінің жобаларын жаһандық инвесторларға тікелей шығу таныстыра алады.Негізгі баяндамашылардың арасында – Қазақстан Премьер-Министрінің орынбасары, Жасанды интеллект және цифрлық даму министрі Жасұлан Мәдиев, сонымен қатар, Грузия Білім, ғылым және жастар министрі Байя Квициани. Оларға  01.AI бас директоры және ЖИ саласындағы ең ықпалды сарапшылардың бірі Кай-Фу Ли, G42 International бас директоры Мансур Әл Мансури, Presight бас директоры Томас Прамотедхам, Alpha Intelligence Capital компаниясынан Шарль-Эдуар Буэ, сонымен қатар, Сауд Арабиясы, Тәжікстан және Кавказ елдерінің жоғары лауазымды шенеуніктері қосылады.Билал Аль Раис – GITEX-тің жаһандық ұйымдастырушысы inD компаниясының портфельдік технологиялардың өсуі және цифрлық даму жөніндегі вице-президенті: «Орталық Азия мен Кавказ бүгінде дамушы нарықтар туралы әдеттегі түсініктердің көбінен асып кеткен. Стратегиялық қайта бағдарлану кезеңінде бұл өңір сирек кездесетін қасиетке ие болып отыр: мұнда адами капитал, цифрлық дайындық және ұлттық амбициялар бірігіп, назар аударарлық ұғымға айналуда.GITEX AI Kazakhstan технологиялық алпауыттарды, стартаптарды, инвесторларды, саясаткерлер мен көш бастаушыларды біріктіріп, бұл үрдіске жаңа серпін береді, болашаққа нық қадамды жеделдетіп, Орталық Азияның жаһандық ЖИ-экономикасының болашақ архитектурасына деген ұмтылысын нық бекітпек.».Ақпарат көзі : https://www.gov.kz/memleket/entities/maidd/press/news/details/1210536?lang=kk

2025 жылы алдыңғы жылмен салыстырғанда барлық азық-түлік өнімдерінің негізгі топтары бойынша тұтыну көрсеткішінің өсуі байқалды.Азық-түлік өнімдерінің жекелеген түрлері бойынша тұтыну халықтың жан басына шаққанда 2025 жылы айына орташа алғанда: картоп – 3,8 кг, бірінші сұрыптағы бидай ұнынан пісірілген нан – 2,4 кг, сиыр еті – 2,1 кг, алма - 1,6 кг, құмшекер – 1,5 кг, күріш – 1,4 кг, сүт – 1,1 л, айран – 1 л, жұмыртқа – 17,6 дана, макарон – 0,9 кг, жаңа ауланған немесе салқындатылған балық – 0,8 кг, қара шай – 0,1 кг құрады.Азық-түлік өнімдерін тұтыну бойынша деректер тұрмыс деңгейі бойынша 12 000 үй шаруашылығын іріктеп зерттеу нәтижелері бойынша есептелген.Орташа жан басына шаққандағы негізгі тамақ өнімдерін тұтыну –қарастырылып отырған кезең ішінде үй шаруашылығының бір мүшесінің орташа тұтынған тамақ өнімдерінің (әрбір өнімнің түрі бойынша бөлек) саны. Ол азық-түлік тауарларының жекелеген түрлерін тұтынудың көлемін үй шаруашылығының бар мүшелерінің санына бөлу жолымен есептеледі. Ірілендірілген топтар бойынша тұтыну құрамдастарды бастапқы өнімге қайта есептеу есебімен анықталады. Ақпарат көзі : https://www.gov.kz/memleket/entities/stat/press/news/details/1210508?lang=kk

Мемлекет басшысы Өңірлік экологиялық саммиттің жұмысына белсене қатысқаны үшін Феридун Синирлиоғлыға ризашылығын білдіріп, бұл платформа Орталық Азия мен көрші аймақтарға ортақ экологиялық мәселелерді шешу жолын бірлесіп іздеуді көздейтінін айтты.Қасым-Жомарт Тоқаев пен Феридун Синирлиоғлы орнықты даму, климаттың тұрақтылығы, су ресурстарын тиімді басқару және өзара экономикалық байланысты кеңейту салаларындағы ықпалдастықты дамытуға ниет танытты.Президент еліміз ЕҚЫҰ-мен барлық үш өлшем бойынша ынтымақтастықты нығайтуға бейіл екенін растады. Ұйыммен арадағы серіктестік 2010 жылы өткен ЕҚЫҰ саммитінің Астана декларациясы қағидаттарына негізделгенін атап өтті.Қасым-Жомарт Тоқаев адам құқықтары, демократия мен заң үстемдігі ұлттық басымдық ретінде қарастырылатынына назар аударды. Президенттің айтуынша, еліміз Әділетті Қазақстан құру жолында ауқымды саяси және институционалдық жаңғыру бағдарламасын іске асырып жатыр. Жақында өткен референдум мен жаңа Конституцияның қабылдануы еліміздің саяси жүйесін жаңартудағы маңызды кезең саналады. Қолға алынған реформалар заң үстемдігін нығайтуды, билік институттарының есептілігін арттыруды және мемлекетті басқарудың орнықты моделін қалыптастыруды көздейді.Феридун Синирлиоғлы Өңірлік экологиялық саммитке шақырғаны үшін Қасым-Жомарт Тоқаевқа алғыс айтып, Орталық Азия мен одан тысқары жерлердегі климат және экология күн тәртібін қалыптастырудағы Қазақстанның рөліне жоғары баға берді. Сонымен қатар Бас хатшы еліміздің Ұйым жұмысына ерекше үлес қосып отырғанын жеткізді.Қасым-Жомарт Тоқаев пен Феридун Синирлиоғлы өңірлік және аймақтық күн тәртібіндегі өзекті мәселелер жөнінде пікір алмасты.Ақпарат көзі : https://www.gov.kz/memleket/entities/mfa-vienna/press/news/details/1210523?lang=kk

Қарулы күштердің Ұлттық әскери-патриоттық орталығында генерал-лейтенант Сұлтан Камалетдиновтың әскери қызметтен босатылуына және зейнетке шығуына арналған салтанатты іс-шара өтті.Оған Қорғаныс министрлігінің басшылығы, Ақмола өңірлік гарнизонының әскери қызметшілері, Қарулы күштердің ардагерлері, салтанатты шара иесінің туған-туыстары қатысты.Қорғаныс министрінің орынбасары – Қарулы күштер Бас штабының бастығы генерал-лейтенант Қаныш Әбубәкіров Сұлтан Камалетдиновке көп жылғы мінсіз қызметі, елдің қорғаныс қабілетін нығайтуға қосқан елеулі үлесі және армияны реформалаудың негізгі кезеңдеріне белсенді қатысқаны үшін алғысын білдірді.– Сіз өзіңізді жүйелі ойлайтын, салмақты шешім қабылдайтын әрі бағынысты жеке құрамға сыйлы жоғары кәсіби көшбасшы ретінде көрсеттіңіз. Сіз әрқашан әскери қызметшілердің кейінгі буыны үшін әскери борышты мінсіз орындаудың үлгісі болып қала бересіз, – деп атап өтті ол.Жауынгерлік тумен қоштасу рәсімі салтанатты түрде өтті. Генерал-лейтенант Сұлтан Камалетдинов Құрмет қарауыл ротасы алып шыққан әскери абыройдың, ар-намыстың және даңқтың нышаны Жауынгерілк тудың жанына барып, еңкейіп басын иді.Оған құрмет белгісі ретінде «Ел қорғаны» ведомстволық медалі және Қорғаныс министрінің атынан грамота табыс етілді.Сұлтан Бүркітбайұлы 40 жылдан астам ғұмырын әскери қызметке арнады. Ол Ташкент жоғары танк командалық училищесінің курсантынан бастап Қорғаныс министрінің бірінші орынбасары – Қазақстан Қарулы күштері Бас штабының бастығына дейінгі лауазымдық жолдан өтті.Мансабының әртүрлі кезеңдерінде ол жоғары құзыреттілікті, стратегиялық ойлауды, берік мінезді және төзімділікті талап ететін жауапты қызметтерді атқарды. Ол әскери полиция органдарының қызметіне, резервтегі қызметке, аумақтық қорғанысқа және әскери қызметшілерді әлеуметтік қорғауға қатысты негізгі заң жобаларын әзірлеуге және ілгерілетуге атсалысты.Сұлтан Камалетдиновтың еңбегі I және II дәрежелі «Даңқ» ордендерімен, сондай-ақ бірқатар ведомстволық және мерейтойлық медальдармен марапатталды.Қорғаныс ведомствосының басшылығы Сұлтан Бүркітбайұлының бай тәжірибесі мен білімі болашақта кәсіптік салада да, әскери-патриоттық тәрбие беру ісінде де сұранысқа ие болатынына сенім білдірді.Іс-шара соңы Ұлттық әскери-патриоттық орталығының шығармашылық ұжымы дайындаған концертпен аяқталды.Ақпарат көзі : https://www.gov.kz/memleket/entities/mod/press/news/details/1210466?lang=kk

Арнайы жұмыс орындары – бұл жұмыс берушілер тарапынан мүгедектігі бар адамдардың жеке мүмкіндіктері мен қажеттіліктерін (көру, есту қабілетінің бұзылуы, тірек-қимыл аппаратының бұзылуы) ескере отырып, мемлекеттік қолдау шараларын қолдану арқылы құрылатын және (немесе) жабдықталатын жұмыс орындары. Бағдарламаға қатыса алады:• меншік нысанына қарамастан барлық жұмыс берушілер;• жеке кәсіпкерлер;• Қазақстан Республикасының аумағында қызметін жүзеге асыратын заңды тұлғалар. Қандай мемлекеттік қолдау көрсетіледі?1. Жұмыс орнын құру және жабдықтау шығындарын субсидиялауЕңбек мобильділігі орталығы жұмыс берушінің мүгедектігі бар қызметкердің жеке ерекшеліктерін ескере отырып, арнайы жабдықтарды сатып алу және жұмыс орнын жарақтандыру бойынша шығындарын өтейді. 2. Еңбекақыны субсидиялауШарт негізінде мемлекет мүгедектігі бар жұмысқа орналасқан тұлғаның еңбекақысының бір бөлігін ай сайын субсидиялайды:• алғашқы 12 айда — еңбекақының 70 %, бірақ 30 АЕК-тен аспайды;• 13 айдан 24 айға дейін — 65 %, бірақ 30 АЕК-тен аспайды;• 25 айдан 36 айға дейін — 60 %, бірақ 30 АЕК-тен аспайды. Жұмыс берушінің қатысу тәртібі1. Мансап орталығына жүгініп, арнайы жұмыс орнын құруға өтінім беру.2. Шығындар сметасын толтырып, Еңбек мобильділігі орталығынан келісім алу.3. Бекітілген шығындар сметасына сәйкес арнайы жұмыс орнын құру және растайтын құжаттарды ұсыну.4. Еңбекақыны субсидиялау туралы Еңбек мобильділігі орталығымен 3 жыл мерзімге шарт жасасу.5. Мүгедектігі бар адаммен еңбек шартын жасау.6. Ай сайын арнайы жұмыс орындарына жұмысқа орналастырылған тұлғалар бойынша мәліметтерді (табель) Еңбек мобильділігі орталығына ұсыну.7. Субсидияларды белгіленген тәртіппен алу. Қосымша сұрақтар бойынша тұрғылықты жеріңіздегі Мансап орталығына жүгінуге болады.Инстаграм: emo_karagandy_obl​Контакты: сall-центр 8-7212-60-50-50; whatsapp 8-775-644-35-80  Ақпарат көзі : https://www.gov.kz/memleket/entities/otdel-social-karagandy/press/news/details/1210395?lang=kk

2026 жылғы 25 сәуірде Алматы өңірлік көпсалалы клиникасында өңеш қатерлі ісігінің, сондай-ақ бас және мойын аймағы ісіктерінің алдын алу, ерте диагностикалау және емдеудің заманауи тәсілдері жөнінде халықтың ақпараттылығын арттыруға бағытталған Ашық есік күні өтті.Іс-шара аясында клиника мамандары пациенттерге консультациялар өткізіп, қауіп факторларына, аурудың алғашқы белгілеріне және дер кезінде медициналық көмекке жүгінудің маңыздылығына ерекше назар аударды. Жалпы 24 пациентке кеңес берілді.Дәрігерлер онкологиялық ауруларды ерте анықтау емнің тиімділігін едәуір арттырып, пациенттердің болжамын жақсартатынын атап өтті. Өңеш қатерлі ісігі мен бас және мойын аймағы ісіктерінің негізгі қауіп факторлары ретінде темекі шегу, алкогольді шамадан тыс тұтыну, созылмалы қабыну аурулары, дұрыс тамақтанбау, сондай-ақ вирустық инфекциялардың әсері көрсетілді.Назар аударуды қажет ететін негізгі белгілер:жұтынудың қиындауы немесе ауырсынуы;дауыстың ұзақ уақыт қарлығуы;себепсіз салмақ жоғалту;созылмалы жөтел немесе тамақтың ауыруы;мойын аймағында тығыздалудың пайда болуы;ауыз қуысындағы ұзақ уақыт жазылмайтын жаралар.Мамандар темекі мен алкогольден бас тарту, салауатты өмір салтын ұстану, тұрақты профилактикалық тексерулерден өту және алаңдататын белгілер пайда болған жағдайда дәрігерге дер кезінде қаралу секілді алдын алу шараларының маңыздылығын атап өтті.Ақпарат көзі : https://www.gov.kz/memleket/entities/almobl-densaulyk/press/news/details/1210404?lang=kk

      Әлеуметтік желілерде және онлайн-хабарландыру платформаларында ең төменгі жеткіліктілік шегінен (ТЖШ) асатын зейнетақы жинақтарын кез келген азаматқа алып беруге делдалдық қызмет көрсетеміз деген ұсыныстар әлі де кеңінен таралуда. Мұндай қызметтер үшін алаяқтар алдын ала төлем жасауды талап етеді, оны олар көрсетілген қызметтің ақысы ретінде негізсіз сұрайды.БЖЗҚ тағы да ескертеді: біржолғы зейнетақы төлемдері делдалсыз және комиссиясыз жүргізіледі.Күмәнді схемаларға қатысуға келісу арқылы сіз тек қаражатыңыздан айырылып қана қоймайсыз, сонымен қатар жеке деректеріңіздің қауіпсіздігіне де қатер төндіресіз. Мұндай мәліметтер кейіннен өзге де алаяқтық әрекеттерде пайдаланылуы мүмкін.             Сондай-ақ, зейнетақы жинақтарын ҚР Әлеуметтік кодексінде көзделген жағдайларда ғана алуға болатынын ескертеміз. Ең алдымен, ол - зейнет жасы, мерзімсіз уақытқа 1 немесе 2 топ мүгедектігінің белгіленуі, ҚР аумағынан тыс ТТЖ кету, мұрагерлік. Зейнетақы жинағының бір бөлігін тұрғын үй жағдайын жақсарту және/немесе емделу ақысын төлеу мақсатына заңмен бекітілген талаптарды орындаған жағдайда, мына санаттағы азаматтар құқылы:    ең төменгі жеткіліктілік шегінен асатын жинағы бар салымшылар (ең төменгі жеткіліктілік шегінен асатын сома мөлшерінде);зейнетақысы жоғалтқан табысының (бұрын алынған жалақысының) кемінде 40% құрайтын зейнеткерлер – олар шотта қалған жинағының 50% дейін пайдалана алады;еңбек сіңірген жылдары бойынша зейнеткерлер (жинағының 100% дейін);зейнетақы аннуитеті шартын жасасқан салымшылар (жинағының 100% дейін). Зейнетақы жинақтарын тұрғын үйге немесе емделуге мақсатты пайдалану тек уәкілетті операторлар – екінші деңгейдегі банктер арқылы ғана мүмкін. Тиісінше, делдалдық қызметтер қажет емес. Бұл ретте БЖЗҚ ешқандай ақы алмайды.Күмәнді әрекетке қатысуға келісе отырып, сіз ақшаңызды жоғалту қауіпін тудырып қана қоймай, болашақта басқа алаяқтық әрекеттер үшін пайдаланылуы мүмкін жеке деректеріңіздің сақталуына да қауіп төндіресіз.БЖЗҚ өз салымшылары мен алушыларына мұндай ұсыныстарды елемеуге, тек ресми көздерден ақпарат алуға және құқықтық тұрғыдан қорғалған салада ғана әрекет етуге қатаң кеңес береді.Барлық сауалдарыңызға жауап алып, өз зейнетақы жинағыңызды мақсатты пайдалану мен аударуға қатысты ақпараттың дұрыстығын БЖЗҚ бөлімшелерінде де, қашықтықтан да:enpf.kz сайты, БЖЗҚ/ЕНПФ ұялы қосымшасы арқылы,байланыс орталығының 1418 нөміріне қоңырау шалу жолымен көпарналы тегін байланыс немесе +7 777 000 1418 нөмірі бойынша WhatsApp арқылы,БЖЗҚ-ның Одноклассники, Telegram, Facebook, Вконтакте, Х және Instagram сияқты танымал платформалардағы әлеуметтік желілердегі ресми парақшалары арқылы да  тексере аласыз.Ақпарат көзі : https://www.gov.kz/memleket/entities/abay-kurchatov/press/news/details/1210323?lang=kk