Құрлық әскерлері "Батыс" өңірлік қолбасшылығына қарасты теңіз жаяу әскері бригадасының іріктеуден өткен 170-тен астам әскери қызметшісі Ұлы Отан соғысындағы Жеңістің 80 жылдығына арналған әскери парадқа қатысады. Елордадағы Қазақ елі алаңында өтетін шеруде Ақтау гарнизонында қызмет өткеріп жатқан офицерлер, сержанттар және мерзімді қызметтің 160 сарбазы салтанатты сап түземек.– Парадқа қатысушылар бар жағынан мұқият іріктеуден өтті. Бұл біз үшін үлкен мәртебе және жауапкершілік. Өйткені, әскери шеру – бейбітшілік үшін өз жандарын құрбан еткен батырларға деген құрмет, – деп атап өтті теңіз жаяу әскері бригадасы командирінің жауынгерлік және дене шынықтыру даярлығы жөніндегі орынбасары майор Берік Алманиязов.Салтанатты қарсы алудан кейін теңіз жаяу әскері уақытша орналасатын жерге жеткізілді.Айта кету керек, Жеңіс шеруіне дайындық барынша ұйымшылдықты, тәртіпті және жоғары жауапкершілікті қажет етеді. Биыл оған Қарулы күштер, басқа да әскерлер мен әскери құралымдардың 4000-нан аса әскери қызметшісі қатысады. Оның ішінде 200-ден астам әскери қызметші әйел бар. Парадқа 200-ден аса әскери техника мен авиация қатысады.Ақпарат көзі : https://www.gov.kz/memleket/entities/mod/press/news/details/963489?lang=kk

Телеграмм КС - https://t.me/consot_kz   Қазақстан Республикасының Конституциялық Сотқа азаматтың Қазақстан Республикасы Қорғаныс министрінің 2020 жылғы 21 желтоқсандағы № 716 бұйрығымен бекітілген Қазақстан Республикасының Қарулы Күштерінде әскери-дәрігерлік сараптама жүргізу қағидаларының 149-тармағы 2) тармақшасының Конституцияға сәйкестігін тексеру туралы өтініші келіп түсті.Өтініш беруші Қағидаларда көрсетілген медициналық қайта куәландыру үшін белгіленген жас шектелімі (27 жас) оның еңбек бостандығына, қызмет түрін және мамандығын еркін таңдау құқығына нұқсан келтіретінін айтады, бұл құқықтар Қазақстан Республикасының Конституциясының 24-бабында бекітілген.Конституциялық Сот жас шегінің Қазақстан Республикасы Заңының 31-бабымен сәйкес келетінін атап өтті, онда «он сегіз жастан жиырма жеті жасқа дейінгі, әскерге шақыруды кейінге қалдыруға немесе әскерге шақырылудан босатылуға құқығы жоқ азаматтар Қазақстан Республикасының Қарулы Күштерін, басқа да əскерлер мен əскери құралымдарды жасақтау үшін қажетті санында мерзiмдi әскери қызметке шақырылуға жатады».Сонымен қатар, өтініш мазмұнынан және оған қоса берілген құжаттардан өтініш субъектісінің, оның жасы ескеріле отырып, мерзімді әскери қызметке шақырылуға жататын азаматтар санатына жатпайтыны келіп шығады.Осыған байланысты өтініш беруші даулап отырған Қағидалар нормасы оның құқықтары мен бостандықтарын тікелей қозғамайды.Алдын ала қарау қорытындысы бойынша Конституциялық Сот өтінішті конституциялық іс жүргізуге қабылдаудан бас тартты.Ақпарат көзі : https://www.gov.kz/memleket/entities/ksrk/press/news/details/963453?lang=kk

Жоғары Сот Кеңесі жанындағы Сот жюриінің кезекті отырысы өтті.Отырыста 4 судьяға қатысты 4 тәртіптік іс қаралды.Істерді қарау қорытындысы бойынша заңдылықты өрескел бұзғаны үшін 3 судья тәртіптік жауапкершілікке тартылды: 1 судьяға қатысты сөгіс түріндегі тәртіптік жаза, 2 судьяға қатысты ескерту түрінде жаза қолданылды.Сонымен қатар 1 судьяға қатысты тәртіптік іс жүргізу оның іс-әрекеттерінде тәртіптік теріс қылық құрамының болмауына байланысты тоқтатылды.Сот жюриінің шешімдері заңды күшіне енген жоқ, тәртіптік жаза қолданылған судьялар Жоғары Сот Кеңесіне шағымдануға құқылы.Жоғары Сот Кеңесі мен Сот жюриінің қызметі сот жүйесіне деген сенімді нығайтуға, судьялардың тәуелсіздігін қамтамасыз етуге және тәртіптік рәсімдер шеңберінде олардың құқықтарын қорғауға бағытталған.Жоғары Сот Кеңесі тәртіптік практиканы жетілдіру және судьялардың кәсібилігі мен жауапкершілігінің жоғары деңгейін қолдауға бағытталған жұмысты жалғастыруда.Ақпарат көзі : https://www.gov.kz/memleket/entities/vss/press/news/details/994060?lang=kk

Шығыс Қазақстан облысы білім басқармасының дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы «Қазақстан балалары шексіз әлемде!» балалар киносының республикалық фестивалінің облыстық кезеңін қашықтықтан өткізді (әрі қарай – Фестиваль).Фестивальдің мақсаты – кинематография арқылы білім алушылардың бойына моральдық-адамгершілік, эстетикалық және әдеб құндылықтарды қалыптастыру, балалар мен жасөспірімдердің рухани, зияткерлік және шығармашылық дамуына ықпал ету, дарынды балалар мен жастарды анықтау және қолдау, балаларды қосымша біліммен қамту.Фестивальға жалпы орта және қосымша білім беру ұйымдарының аудандық және қалалық кезеңдерінің жеңімпаздары қатысты.Фестиваль келесі номинациялар бойынша өткізілді:«Ойынды кино»;«STOP-MOTION-видео»;«Үздік әлеуметтік жарнама»;«Үздік бейнеклип, бейнеролик»;«Телевизиялық сюжет»;«Балаларға арналған ең жаксы телебағдарлама»;«Үздік ғылыми-көркем фильм».        Жүлдегерлерге дипломдар табысталып, барлық қатысушыларға сертификаттар беріледі.        Облыстық кезеңнің жеңімпаздары Фестивальдің республикалық кезеңінде Шығыс Қазақстан облысының атынан қатысады.        Жеңімпаздар тізімі shygysdaryn.kz сайтында орналастырылған.Дарынды жеңімпаздарымыз бен жүлдегерлерімізді құттықтаймыз!Ақпарат көзі : https://www.gov.kz/memleket/entities/vko-bilim/press/news/details/963444?lang=kk

Хельсинки 2025 жылғы 26 наурыз - Хельсинкинің әйгілі «Savoy» театрында Наурыз мерекесіне арналған «Nauryz-Celebration of Spring» концерті өтті. Іс-шараны Қазақстанның Финляндиядағы Елшілігі Қызылорда облысы Әкімдігі мен Филармониясының қолдауымен ұйымдастырды.ҚР-дың Финляндиядағы Елшісі А.Әбдіраимов өзінің құттықтау сөзінде Наурыздың көктем мерекесі ғана емес, сондай-ақ жаңару, халықтар достығы мен бірлігінің символы екенін атап өтті. Қазақстандық дипломат музыка ұрпақтар мен халықтар арасындағы көпір болып табылатынын, ал мәдениет адамдарды жақындастырып, берік байланыстар жасай алатын бірегей қабілетке ие екенін айтты. Ол осы кешті ерекше еткен барлық әртістерге, ұйымдастырушыларға және қонақтарға алғысын білдірді.Концертке 450-ден астам көрермен қатысып, олардың арасында ФР мемлекеттік органдарының, дипломатиялық корпустың өкілдері, фин жұртшылығы, сондай-ақ қазақ диаспорасы болды. Қазақстанның әртістері көрермендерге дәстүрлі қазақ халық әндері мен домбыра, қобыз және басқа да аспаптарда ұлттық музыканы шебер орындауды қамтитын жарқын бағдарлама ұсынды.Іс-шара қонақтары Қазақстанның бай мәдени мұрасымен танысып, қайталанбас әуендер мен ерекше вокалдық қойылымдардан ләззат алды.«Nauryz - Celebration of Spring» концерті Қазақстан мен Финляндия арасындағы достық байланысты нығайтатын маңызды мәдени оқиға болдыАқпарат көзі : https://www.gov.kz/memleket/entities/mfa-helsinki/press/news/details/963431?lang=kk

Бразилиа, 2025 жылғы 26 наурыз – Қазақстанның Бразилиядағы Елшілігінде Елші Болат Нүсіповтың «BN Petro» тұрмыстық қалдықтарды өңдеу және синтетикалық өнімдер мен отын өндіру саласында маманданған компаниясының Президенті Джони Курцпен кездесуі өтті.Келіссөздер барысында тараптар ү.ж. 11 наурызында қалалық қоқыстарды қайта өңдеу және сабақтас өнімдерді өндіру саласындағы ынтымақтастықты құру мәселелері бойынша онлайн бейнеконференция барысында қол жеткізілген уағдаластықтарды талқылады.Компания президенті осы саладағы ынтымақтастық жөніндегі өз жоспарларын ұсынып, биыл Қазақстанға баруға, сондай-ақ ҚР Мемлекеттік ведомстволары және компанияларымен алдын ала онлайн келіссөздер жүргізуге ниет білдірді.Осы тұрғыда әңгімелесушіге қазақстандық серіктестермен сарапшылар деңгейінде диалог орнату ұсынылып, ағымдағы жылдың мамыр айында Астана халықаралық форумына қатысуға шақыру айтылды.Анықтамалық: BN PETRO — қалалық қатты қалдықтардан мұнай-химия өнімдері мен синтетикалық отын алу технологияларын әзірлеу бойынша әлемдік көшбасшы. Компания бар қалдықтардың әртүрлі көріністерін іске асыру және олардан болат кокс, синтетикалық газдар мен майлар, аммиак тәрізді өнімдерді, сондай-ақ тыңайтқыштар, азот, сутегі, зымырандарға арналған полимерлі отын (авиаотын) түріндегі өнімдерді өндіру саласындағы 30 жылдық тәжірибесі бар.Ақпарат көзі : https://www.gov.kz/memleket/entities/mfa-brazil/press/news/details/963430?lang=kk

Страсбург, 2025 жылғы 25 наурыз – Қазақстан Республикасының Бас консулы А.Бақытбекқызы Эльзас Еуропалық Қауымдастығы (ЭЕҚ) алаңында ұйымдастырылған «Жоғарғы Рейн өзені – 2025» халықаралық конференциясына қатысты. Іс-шараға Франция, Германия және Швейцариядан су ресурстарын басқару саласындағы жетекші сарапшылар жиналып, сумен жабдықтау, экология және климаттың ғаламдық өзгерістері жағдайында су ресурстарын ұтымды пайдалану мәселелерін талқылады.Конференцияның ашылу рәсімінде қатысушыларға EЭҚ президенті Ф.Берри, конференция президенті К.Крамер және конференция кеңесінің төрағасы Б.Метенлейтер сөз сөйледі.Пікірталас алаңдары аясында Бас консул А.Бақытбекқызы «Климаттың өзгеруі Қазақстанның ауыл шаруашылығына, су және табиғи ресурстарына әсері» тақырыбында баяндама жасап, Батыс сарапшыларына Қазақстандағы су мәселесі туралы ақпарат берді. Ол Қазақстан Орталық Азиядағы ең ірі мемлекет ретінде су саласында, әсіресе, ауыл шаруашылығында айтарлықтай қиындықтарға тап болатынын атап өтті, себебі бұл салада су азық-түлік қауіпсіздігін қамтамасыз етудің басты ресурсы болып табылады.2024 жылы Қазақстанда орын алған ірі су тасқындары аясында ғаламдық су қауіптерінің өзектілігін атап өткен дипломат, ел үкіметі тарапынан қолға алынған алдын алу шаралары туралы айтып, трансшекаралық және халықаралық ынтымақтастықтың маңыздылығына ерекше тоқталды.Қазақстанның «су дипломатиясына» қосқан үлесі мен ерекше назарын атап өткен А.Бақытбекқызы сарапшылардың назарын Қазақстанның су мәселелерін шешуге бағытталған бастамаларына аударды. Атап айтқанда, Эр-Риядта өткен One Water Summit саммитінің қорытындылары, Қазақстан мен ЕО елдерінің тығыз ынтымақтастығы, 2026 жылы Астанада өтетін Өңірлік климаттық саммит, Алматы қаласында Орталық Азия мен Ауғанстан елдеріне арналған БҰҰ-ның Тұрақты даму мақсаттары жөніндегі Өңірлік орталығын құру бастамасы және Аралды құтқару халықаралық қорының 2024-2026 жылдардағы төрағалығы кезіндегі басым бағыттар туралы айтты.Еуропалық сарапшылар Арал теңізінің тартылуы салдарынан туындаған экологиялық апатқа ерекше назар аударды. Қазақстан бұл экожүйені қалпына келтіруге бағытталған халықаралық жобаларды белсенді жүзеге асырып, инновациялық шешімдерді енгізу жұмыстарын жалғастырып жатқаны атап өтілді.Конференцияның қорытынды бөлімінде қатысушылар мен ЭЕҚ әкімшілігі Қазақстан Республикасының Бас консулдығына Арал мәселесіне арналған фотокөрмені ұйымдастырғаны үшін алғыс білдірді. Бұл көрме экологиялық апаттың ауқымын айқын көрсетіп, қатысушыларға маңызды ой салды.Конференцияны ұйымдастыру комитетінің атынан ЭЕҚ қоршаған орта департаментінің директоры Ж.Ришард Қазақстанның осы конференцияға алғаш рет қатысуы тәжірибе алмасу мен жаңа байланыстар орнатуда маңызды қадам болғанын атап өтті. Осыған байланысты тараптар болашақта Қазақстан мен ЕО елдерінде өтетін пікірталас алаңдарында салалық сарапшылармен алмасу мүмкіндігін қарастыруға дайын екендіктерін білдірді.Ақпарат көзі : https://www.gov.kz/memleket/entities/mfa-strasbourg/press/news/details/963415?lang=kk

Көктемнің көркем Наурызымен Алмалы ауданының тұрғындарын шын жүректен құттықтаймыз!Тастақ шағынауданындағы Дүйсенов көшесіндегі аллеяда тамаша мерекелік іс-шара өткіздік.Келушілерге наурыз көже мен дәстүрлі тәттілер ұсынылды, балалар мен ересектерге арналған қызықты байқаулар мен ойындар ұйымдастырылды.Алмалылықтарға ерекше қуаныш пен көтеріңкі көңіл-күй сыйлаған — эстрада жұлдыздарының өнері болды. Концертке Сәкен Майғазиев, Ұланғасыр Қами, Малика Қадыржанова, Kodi және Дария Қонысбекова қатысты.Киіз үйлер тігіліп, күй мен терме шырқалды — жүректерді ұлттық мұрамызға деген мақтаныш сезімі кернеді.Қарттарымызды қадірлеп, балаларды қуантып, бір-бірімізге ізгі тілектер мен шынайы күлкі сыйладық — өйткені Наурыздың шынайы мәні де осында.Көктем мейрамы әр шаңыраққа бейбіт өмір, амандық пен жылылық әкелсін!Ұлыс оң болсын, ақ мол болсын!#АлмалыАуданы #Наурыз2025Ақпарат көзі : https://www.gov.kz/memleket/entities/almaty-almaly/press/news/details/963414?lang=kk

ҚР Жоғары аудиторлық палатасы делегациясының Португалия Республикасына жұмыс сапары барысында Жоғары аудиторлық палатаның мүшесі Расул Рахимов шетелдік әріптестерін еліміздің мемлекеттік аудит процестерін автоматтандыру және қаржылық бақылау жүйесін заңнамалық тұрғыдан нығайту саласындағы жетістіктерімен таныстырды.Қазақстандық делегацияның Португалияға сапарының негізгі мақсаты – Литва, Португалия және Түркия аудиторлары Жоғары аудиторлық палатаның қызметіне қатысты жүргізіп жатқан «дәрежесі бойынша тең» тексерудің алдын ала қорытындыларын қарау, сондай-ақ португалиялық әріптестерімен тәжірибе алмасу.Расул Рахимов өз сөзінде Жоғарыа удиторлық палата өткен жылы 214 ұйымда 27 аудит жүргізіп, 11 трлн теңгені қамтығанын атап өтті. 2023 жылмен салыстырғанда тексерулер саны 35%-ға өсті.Биыл 43 аудит жоспарланған, бұл 2024 жылмен салыстырғанда 59%-ға көп.«Бір атап өтерлігі, 2025 жылға жоспарланған 43 аудиттің 30-ы тәуекелдерді басқару жүйесінің көмегімен іріктелді», — деді ҚР Жоғары аудиторлық палатасының мүшесі.Өткен жылы Жоғары аудиторлық палата 154 млрд теңгеге қаржылық бұзушылық анықтады. Осы қаржының 88%-ы немесе 135 млрд теңгесі республикалық бюджетке қайтарылды. Бұл – жоғары көрсеткіш.Расул Рахимов өткен жылы Жоғары аудиторлық палата өзінің ақпараттық жүйесіне ауқымды трансформация жүргізе бастағанын атап өтті.«Біз аудиторлар жұмысының тиімділігін арттыру және талдау сапасын жақсарту үшін жаңа интеллектуалды құралдарды біріктірдік. Басты басымдық – аудит процестерін барынша автоматтандыруға қол жеткізу», — деді ол.Мәселен, аудиторларға мемлекеттік органдар мен ұлттық компаниялардың сатып алуларын нақты уақыт режимінде талдауға, салық түсімдері мен бюджетке төленетін басқа да төлемдерді көріп отыруға, сондай-ақ әртүрлі өңірлер мен экономиканың салалары бойынша деректерді салыстыруға мүмкіндік беретін талдамалық модуль енгізілді.Тағы бір IT-бастама – Мемлекеттік аудит объектісінің цифрлық кабинетін іске қосу. Оны тестілеу жыл соңына қарай аяқталады. Бұл сервис объектіге барып тексеру жүргізулерді қысқартуға және мемлекеттік аудит шеңберінде құжат айналымын электрондық форматқа барынша көшіруге мүмкіндік береді.«Біз бөлінген бюджет қаражатының көлеміне қарай әрбір тексерілетін ұйымның бейінін автоматты түрде жасай аламыз. Бұл деректер тәуекелдерді басқару жүйесіне автоматты түрде интеграцияланады. Бұл тәуекел деңгейі жоғары ұйымдарды анықтауға мүмкіндік береді», — деп атап өтті Расул Рахимов.Ол Мемлекет басшысы жаңа Бюджет кодексіне қол қойғаннан кейін Қазақстандағы мемлекеттік аудит жүйесі заңнамалық тұрғыдан күшейетінін де атап өтті.«Енді Үкімет Парламентке жыл сайынғы бюджеттің атқарылуы туралы есепті ұсынатындықтан, ол сондай-ақ Үкіметтің өткен қаржы жылындағы республикалық бюджеттің атқарылуы туралы есебіне берілген Жоғары аудиторлық палата ұсынымдарының орындалуы туралы есеп беруі тиіс. Бұл – республикалық бюджет қаражатын бөлу мен пайдалануда қаржылық ашықтықты қамтамасыз етудегі маңызды қадам», — деді Жоғары аудиторлық палата мүшесі.Сөз соңында Жоғары аудиторлық палатаның қызметіне жүргізілген «дәрежесі бойынша тең» тексеру шеңберінде шетелдік әріптестер беретін сараптамалық бағалаулар Қазақстандағы мемлекеттік аудит жүйесін одан әрі жетілдіру жөніндегі жұмыста толық ескерілетінін атап өтті.«Осы тексерудің алдын ала нәтижелеріне сүйене отырып, Жоғары аудиторлық палата жақсартуды талап ететін салаларда белсенді жұмыс істеуде», — деп қорытындылады Расул Рахимов.Telegram-каналға жазылуАқпарат көзі : https://www.gov.kz/memleket/entities/esep/press/news/details/962935?lang=kk

Әлихан Смайылов бастаған Қазақстанның Жоғары аудиторлық палатасының делегациясы Португалия аудиторлар сотының шақыруымен Португалия Республикасына жұмыс сапарымен келді.Жұмыс сапары Литва, Португалия және Түркия аудиторлары ҚР Жоғары аудиторлық палатасының қызметіне қатысты жүзеге асырған «дәрежесі бойынша тең» тексерудің алдын ала нәтижелерін қарау мақсатында ұйымдастырылды.Екі елдің аудиторлары тәжірибе алмасып, үздік аудиторлық практикаларды бірлесіп талдайтын болады.Осы және басқа да жұмысқа қатысты іс-шаралар жоғары аудит органдарының ынтымақтастығын нығайтуға және Қазақстан мен Португалияның мемлекеттік аудит жүйелерін жетілдіруге бағытталған.Жоғары аудиторлық палатаның төрағасы Әлихан Смайылов Аудиторлар сотының президенті Филипа Урбано Кальваомен кездесу барысында ведомстволар арасындағы нәтижелі өзара іс-қимыл екіжақты форматта да, сондай-ақ ИНТОСАИ мен ЕВРОСАИ негізгі халықаралық ұйымдары шеңберінде де қарқынды дамып келе жатқанын атап өтті.Төраға осы тұрғыдан Аудиторлар сотының Жоғары аудиторлық палатаға «дәрежесі бойынша тең» тексеру жүргізуге қатысуының маңызы жоғары екенін атап өтті. Бұл жұмыс барысында шетелдік әріптестер Жоғары аудиторлық палатаның әдіснамасын, соңғы 5 жылдағы аудиторлық құжаттамасын және есептерін зерделеді.«Біз үшін бұл тексеру аса маңызды, өйткені қазір Қазақстанда мемлекеттік аудит жүйесін реформалау жүзеге асырылуда. Жоғары аудиторлық палатаның құзыретін кеңейту үздік әдістерді, практикаларды және халықаралық стандарттарды енгізіп отыруды, сондай-ақ аудиторларымыздың біліктілігін жүйелі түрде арттыруды талап етеді. Осыған байланысты Португалия аудиторлар сотының көпжылдық тәжірибесі біз үшін нақты практикалық қызығушылық тудырып отыр», — деді Әлихан Смайылов.Тәжірибе алмасудың негізгі бағыттары ретінде тиімділік аудиті, қаржылық есептілік аудиті, электрондық аудит, ақпараттық технологиялар мен жасанды интеллект құралдарын енгізу аталды.Португалия аудиторлар сотының президенті өз тарапынан Қазақстанның Жоғары аудиторлық палатасына «дәрежесі бойынша тең» тексеру процесінде ынтымақтастығы үшін алғыс білдірді.«2024 жылы көптеген жұмыс кездесулері өтті. Жоғары аудиторлық палатаның қызметіне қатысты құжаттарды қарадық. Жоғары аудиторлық палатаның «дәрежесі бойынша тең» тексеру жүргізуге бастама жасауы сіздердің прогреске деген бейілділіктеріңізді, сондай-ақ өз қызметін жақсартып, Қазақстанда мемлекеттік аудит жүйесін дамытуға деген ниеттеріңізді көрсетеді. Бұл қазіргі жағдайда өте маңызды», — деді Филипа Урбано Кальвао.Telegram-каналға жазылуАқпарат көзі : https://www.gov.kz/memleket/entities/esep/press/news/details/962929?lang=kk

Облыс орталығы мен Қызылжар ауданындағы Тепличное, Ущев және Былғары кенті бөгеттеріндегі жұмыстар күшейтілген режимде жүргізілуде – әрбір минут маңызды.Бөгеттер бетон плиталармен және полипропилендік жамылғылармен бекітілуде, демалыс және мереке күндеріне қарамастан барлық күштер жұмылдырылған.Өңір басшысы Ғауез Нұрмұхамбетов аралау барысында аталған жұмыстардың барысын тексеріп, олардың маңыздылығын атап өтті және әскери қызметшілерге көмектері үшін алғыс білдірді. "Бірлескен күш-жігеріміз тәуекелдерді барынша азайтып, елді мекендерді қорғауға көмектеседі", - деп атап өтті өңір басшысы.Ақпарат көзі : https://www.gov.kz/memleket/entities/sko/press/news/details/962757?lang=kk

Бүгін СҚО әкімі Ғауез Нұрмұхамбетов су тасқыны қаупі бар аудандардың жағдайын әуеден бағалау мақсатында аэровизуалды мониторинг жүргізді. Ұшу бағыты Есіл өзені бойымен өтіп, Шал Ақын, Ғабит Мүсірепов, Айыртау және Тимирязев аудандарын, сондай-ақ Шағалалы өзені мен Шағалалы су қоймасын қамти отыра, Тайынша, Ақжар және Уәлиханов аудандары арқылы өтті. СҚО бойынша  ТЖД бастығы Жомарт Аскаров, Тайынша ауданының әкімі Берік Әлжанов және Ғ. Мүсірепов ауданының әкімі Руслан Анбаев қазіргі су тасқыны жағдайы туралы баяндама жасады."Ауа температурасының тұрақты түрде жоғарылауына байланысты алқаптарда қардың басым бөлігі еріп кетті. Дегенмен, кейбір аудандарда еріген қар суынан туындайтын қауіп әлі де сақталуда. Өзендерде мұз кептелісі жоқ,  алдын алу мақсатында жару жұмыстары жүргізілді. Сонымен қатар, кейбір автомобиль жолдарында уақытша су тасу жағдайлары тіркелді", - деп жазды өңір басшысы әлеуметтік желіде. Есіл өзені арқылы келетін су ерекше қауіп төндіруде. Сергеев су торабында судың асып төгілуі 81 см-ге жетіп, біртіндеп көтерілуде. 2024 жылғы рекордтық көрсеткіш – 425 см. Жағдай үнемі бақылауда.Мемлекеттік органдар мен барлық қызметтер тәулік бойы жұмыс істеп, су тасқыны салдарын азайту және елді мекендерді қорғау бойынша барлық қажетті шараларды қабылдауда.Ақпарат көзі : https://www.gov.kz/memleket/entities/sko/press/news/details/962735?lang=kk

Құрметті солтүстікқазақстандықтар!Сіздерді Ұлыстың ұлы күні – Наурыз мейрамымен шын жүректен құттықтаймын! Наурыз – жаңа жылымыздың бастамасы, ізгілік пен жақсылықтың мерекесі, біздің халқымыз үшін жаңарудың, қайта өркендеудің белгісі. Бүгінде Наурыз шын мәнінде халықтық мейрамға айналды. Мемлекет басшысы Ұлттық Құрылтайда Наурыздың ерекше мәні мен маңызын айрықша атап өтті. Биыл да ұлттық мереке жаңаша форматта аталып өтілді. Наурызнама онкүндігі аясында көптеген мәдени іс-шаралар ұйымдастырылды, олар халқымыздың салт-дәстүрлерін, мәдениетін және болмысын сақтауға бағытталды.Наурыз — бұл тек көктем мерекесі ғана емес, сонымен қатар ел бірлігі мен ынтымақтастығының, еліміздің жаңаруы мен ортақ құндылықтарымызды нығайтудың нышаны. Жаңа жылымыз сіздерге тек жақсылық пен игілік әкелсін. Әрбір отбасыға береке мен бақ-дәулет, қуаныш пен тыныштық тілеймін. Облысымыз бен еліміз одан әрі дамып, гүлдене берсін. Ұлыс оң болсын, ақ мол болсын!Ақпарат көзі : https://www.gov.kz/memleket/entities/sko/press/news/details/962707?lang=kk

Наурыз мейрамына орай орталық алаңда халықаралық жарыстарда жеңіске жетіп, жүлдегер атанған спортшыларымызды салтанатты түрде марапаттау рәсімі өтті.Өңір басшысы Ғауез Нұрмұхамбетов жаңа автокөліктің кілті парабиатлоннан әлем кубогында алғаш рет Қазақстан атынан Үлкен хрусталь глобусты жеңіп алған Ербол Хамитовқа табыс етті. Қазақ күресінен  әлем чемпионы Мейіржан Берекетовке жаңа пәтердің кілті табысталды. Парашаңғы спортынан әлем кубогының жүлдегері Александр Герлиц, конькимен жүгіруден Азия ойындарының қола жүлдегері Надежда Морозова және бокстан Азия чемпионатының қола жүлдегері Наталья Богданова ақшалай сыйақылармен марапатталды."Біздің талантты спортшыларымызды жоғары жетістіктерімен құттықтаймын және оларға әлемдік ареналарда жаңа жеңістер тілеймін!", -дед өңір басшысы.Ақпарат көзі : https://www.gov.kz/memleket/entities/sko/press/news/details/962686?lang=kk

Өңіріміздің тұрғындары Наурыз мейрамын аулаларда да ерекше ықыласпен атап өтуде. Облыс әкімі Ғауез Нұрмұхамбетов «Ынтымақ» күні Петропавлдағы Хименко,1 көшесіндегі аулаға барып, тұрғындарды Ұлыстың ұлы күнімен құттықтады. Хименко көшесіндегі аулада былтыр жаңарту жұмыстары жүргізілді. Биыл да бұл жұмыс жалғасады. 15 кварталда орналасқан 50 аулада кешенді жөндеу жасалмақ. "Көпқабатты үйлердің тұрғындары бірігіп, ортақ дастархан жайып, концерттер мен ұлттық ойындар ұйымдастыруда. Әсіресе, балалардың қуанышында шек жоқ. Наурыз мейрамын осылайша бірлесе қарсы алған қалалықтарға алғысымды білдірдім. Көршілердің достығы әрдайым осындай болғай. Мереке құтты болсын!", -деп жазды өңір басшысы.Ақпарат көзі : https://www.gov.kz/memleket/entities/sko/press/news/details/962667?lang=kk

Бүгін Солтүстік Қазақстан облысы Наурыз мейрамын кеңінен атап өтті. 10 күндік Наурызнаманың негізгі шарасы -облыс орталығындағы басты алаңда өтті. СҚО әкімі Ғауез Нұрмұхамбетов басты алаңда солтүстікқазақстандықтарды жыл басымен құттықтап, бақ-береке, молшылық пен бірлік тіледі. Ұлттық мереке тақырыптық киіз үйлермен безендірілді, онда тұрғындар мен қонақтар қазақ халқының дәстүрлері мен мәдениетімен таныса алды.Өңір басшысы түрлі мерекелік алаңдарды және қолөнершілердің шығармашылығына, сондай-ақ Сәбит Мұканов, Шоқан Уәлиханов және Смағұл Сәдуақасов сынды танымал тұлғалардың мерейтойларына арналған киіз үйлерді аралады. «Көшпенділер әлемі» этноауылында көшпелі халықтың мәдениеті мен тұрмысы таныстырылды. Балалар үшін интерактивті алаң мен ұлттық ойындарға арналған спорттық алаң ұйымдастырылды.Тәуелсіздік стеласының маңындағы киіз үй облыс колледждеріне арналып, олар өз жетістіктері мен технологияларын, сондай-ақ «Еңбек мамандықтары жылы» аясында білікті мамандарды даярлау туралы айтты.Сонымен қатар, Конституция көшесінде облыстық Қазақстан халқы Ассамблеясы мен «Қызылжар» креативті индустрия орталығы өз шығармашылығын көрсетті. "Наурыз мейрамы мыңдаған солтүстікқазақстандықтарды біріктіріп, достық пен бірліктің символына айналды. Мереке құтты болсын!", - деп жазды өңір басшысы әлеуметтік желіде.Ақпарат көзі : https://www.gov.kz/memleket/entities/sko/press/news/details/962663?lang=kk

Бүгін «Береке» спорт кешенінде Ұлттық спорт күні аясында асық ату, бес асық, тоғызқұмалақ және қазақ күресінен жарыс өтті. Ақпарат көзі : https://www.gov.kz/memleket/entities/sko/press/news/details/962659?lang=kk

2025 жылғы 26 наурызда Алматы энергетика және байланыс университетінде жастар арасында құқықтық сана мен сыбайлас жемқорлыққа қарсы мәдениетті қалыптастыруға арналған «Заң және тәртіп – өзіңнен басталады!» атты дәріс өткізілді.Іс-шараға Қазақстан Республикасының Сыбайлас жемқорлыққа қарсы іс-қимыл агенттігінің Алматы қаласы бойынша департаменті басшысының бірінші орынбасары Жарқын Ғалымов қатысты. Ол университет студенттері мен оқытушыларына заңдылық қағидаттары, құқықтық тәртіп және елдегі сыбайлас жемқорлыққа қарсы күрес стратегиясы туралы баяндама жасады.Кездесудің негізгі мақсаты – сыбайлас жемқорлыққа нөлдік төзімділік идеологиясын дамыту, заңға құрмет қалыптастыру және жастардың азаматтық жауапкершілігін арттыру болды. Бағдарлама аясында келесі негізгі мәселелер қарастырылды: сыбайлас жемқорлыққа қарсы іс-қимыл әдістері мен стратегиялары, заңдылық қағидаттарының қоғамға әсері, сондай-ақ адал және ашық мемлекет құрудағы әрбір азаматтың рөлі.Сонымен қатар, қатысушыларға тақырыптық бейнематериал көрсетіліп, одан кейін ашық пікірталас ұйымдастырылды. Онда студенттер шақырылған спикерге сұрақтар қойып, құқықтық тәртіпке қатысты өзекті мәселелерді талқылауға мүмкіндік алды.Іс-шараның қорытындысында Жарқын Ғалымов құқықтық тәртіпті нығайту үдерісіне жастардың белсенді қатысуының маңыздылығын атап өтті. Ол сыбайлас жемқорлыққа қарсы мәдениеттің қалыптасуы әр азаматтың жеке үлгісінен басталуы тиіс екенін ерекше атап өтті.Осындай кездесулер студенттердің құқықтық сауаттылығын арттыруға, белсенді азаматтық ұстанымын қалыптастыруға және қоғамда адалдық пен заңдылық құндылықтарын насихаттауға ықпал етеді. Ақпарат көзі : https://www.gov.kz/memleket/entities/anticorruption-almaty/press/news/details/963356?lang=kk

Қазақстандықтар жүргізуші куәлігін eGov Mobile мобильді қосымшасы арқылы онлайн ауыстыра алады. Бұл қызмет құжаттың қолданылу мерзімі аяқталған, құжат жоғалған, ұрланған немесе төлқұжат деректері өзгерген жағдайда қолжетімді. Қызмет іске қосылғаннан бері оны 7 000-нан астам адам пайдаланды.Қызметтің басты ерекшелігі – бұрын берілген жеке куәлік немесе төлқұжаттағы фотосуретті пайдалану мүмкіндігі. Негізгі шарт – фотосуреті бар құжат соңғы үш жыл ішінде шығарылған болуы тиіс.Қызметті пайдалану үшін:eGov Mobile мобильді қосымшасына авторизациядан өтіп, «Қызметтер» бөліміне өту қажет;«Жүргізуші және көлік» бөлімінен «Жүргізуші куәлігін беру» қызметін таңдау;дайын құжатты алатын ХҚКО-ны таңдау;жүргізуші куәлігін ауыстыру себебін көрсету және фотосуретті жүктеу;қолтаңба үлгісін жүктеп, байланыс нөмірін енгізу керек;мемлекеттік бажды төлеу қажет (4 915 теңге);өтінімді Face/Touch ID көмегімен растау қажет;қызмет нәтижесі «Хабарламалар» бөлімінде қолжетімді болады.Өтінім мақұлданғаннан кейін жүргізуші куәлігін таңдаған ХҚКО-дан жеке куәлікті және қолданыстағы жүргізуші куәлігін ұсыну арқылы алуға болады. Жаңа құжат берілгенге дейін бұрынғы куәлік жарамды болып қала береді (егер оның мерзімі аяқталмаса).Қызмет eGov.kz порталында да қолжетімді.Қызмет ҚР Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті, «Ұлттық ақпараттық технологиялар» АҚ және ҚР Ішкі істер министрлігінің бірлескен жұмысының нәтижесінде іске қосылды.Ақпарат көзі : https://www.gov.kz/memleket/entities/abay-kurchatov/press/news/details/971400?lang=kk

Амман, 2025 жылғы 26 наурыз – Қазақстан Республикасының Иордан Хашимит Корольдігіндегі Елшісі Талғат Шалданбай Иорданияның Ауыл шаруашылығы министрі Халед Мұса Әл-Хнейфатпен кездесті.Сұхбат барысында тараптар ауыл шаруашылығы саласындағы ағымдағы ынтымақтастықты, атап айтқанда қазақстандық қой етінің Иордания нарығына жеткізілімдерін ұлғайту мәселелерін, еліміздің агроөнеркәсіптік кешеніндегі бірлескен инвестициялық жобаларды, сондай-ақ қазақстандық бидайды Иордания нарығына жеткізу перспективаларын талқылады.Тараптар үстіміздегі жылғы ақпан айында Амман қаласында қол қойылған Ветеринария саласындағы ынтымақтастық туралы меморандумды ризашылықпен атап өтті. Бұл екі елдің уәкілетті органдарының өзара іс-қимылын әрі қарай жандандыруға мүмкіндік береді және ауыл шаруашылығы өнімдерін өзара жеткізуге оң әсер етеді.   Елші Қазақстанның агроөнеркәсіптік кешенінің инвестициялық тартымдылығын атап өтті. Иордания іскерлік қоғамдастығын ауыл шаруашылығы өнімдерінің тауар алмасу процесіне тартудың маңыздылығына назар аударды. Иордан ауыл шаруашылығы өндірушілерінің Қазақстан-Иордания Бизнес-форумына қатысуының орындылығы атап өтіліп, оны Қазақстанда 2025 жылдың соңына дейін өткізу жоспарланып отырғандығы хабарланды. Сонымен қатар, Х.Хнейфатқа үстіміздегі жылғы 29-30 мамырда Астана қаласында өтетін Астана халықаралық форумына (AIF-2025) шақыру табыс етілді. Иорданияның Ауыл шаруашылығы министрі шақыруды ризашылықпен қабылдап, иордан ауыл шаруашылығы өндірушілерінің қазақстандық кәсіпорындармен ынтымақтастыққа мүдделілігін білдірді. Сонымен қатар, М.Әл-Хнейфат қазақстандық нарыққа иорданияда өндірілген көкөністер, жемістер, құрма және зәйтүн майын жеткізу әлеуетін атап өтті.Ақпарат көзі : https://www.gov.kz/memleket/entities/mfa-amman/press/news/details/963341?lang=kk