Астана, 2026 жылғы 28 сәуір – Қазақстан Республикасының Сыртқы істер министрі Ермек Көшербаев Сингапур Республикасының Сыртқы істер министрлігі Тұрақты хатшысының орынбасары Кевин Чеокпен кездесті.Кездесу барысында екі ел арасындағы өзара іс-қимылдың қазіргі жай-күйі мен даму перспективалары қарастырылды. Саяси диалогтың жоғары деңгейі және сауда-экономикалық, инвестициялық бағыттардағы серіктестікті кеңейтуге ортақ қызығушылық аталып өтті.ҚР сыртқы саяси ведомствосының басшысы цифрландыру, инновациялар және орнықты даму салаларындағы ықпалдастықтың әлеуеті жоғары екенін атап өтіп, екіжақты байланыстарды жандандыруға дайындығын жеткізді.Өз кезегінде, К.Чеок Сингапурдың ынтымақтастықты одан әрі тереңдетуге, оның ішінде «жасыл» экономика, логистика және адами капиталды дамытудағы бірлескен жобаларды іске асыруға мүдделі екенін растады.Сондай-ақ іскерлік байланыстарды дамыту және екі елдің бизнес-қауымдастықтары арасындағы өзара іс-қимылды нығайту мәселелеріне ерекше назар аударылды.Ақпарат көзі : https://www.gov.kz/memleket/entities/mfa/press/news/details/1210845?lang=kk

Мемлекеттік кірістер комитеті сыртқы экономикалық қызметке қатысушылардың назарына жаңа KEDEN ақпараттық жүйесінің енгізілуіне байланысты және кедендік декларацияларды шығару кезінде тәсілдерді ортақ тәртіпке келтіру мақсатында, 2026 жылғы 4 мамырдан бастап транзиттік декларацияны пайдалана отырып кедендік декларациялау үшін алынатын алым мен кедендік алып жүру үшін алынатын алым «Мемлекеттік кірістер органдары өндіріп алатын кедендік алымдардың мөлшерлемелерін бекіту туралы» Қазақстан Республикасы Үкіметінің 2018 жылғы 5 сәуірдегі № 171 қаулысымен бекітілген «Қазақстан Республикасының кеден заңнамасына сәйкес төленетін кедендік алымдар» 106201 БСК-да жүргізілуі тиіс екенін жеткізеді.          Осы уақытқа дейін транзиттік декларацияны пайдалана отырып, кедендік декларациялау үшін алым төлеу «Еуразиялық экономикалық одақтың және Қазақстан Республикасының кеден заңнамасына сәйкес алдағы кедендік төлемдерді, салықтарды, арнайы, демпингке қарсы, өтемақы баждарын төлеу есебіне, сондай-ақ кедендік баждарды, салықтарды, арнайы, демпингке қарсы, өтемақы баждарын төлеу жөніндегі міндеттердің орындалуын қамтамасыз ету ретінде енгізілетін аванстық төлемдер» 106119 БСК-да жүргізілгенін ескере отырып, төлеушілерге 106119 БСК-да бұрын төленген сомаларды есепке жатқызуды немесе есеп айырысу шотына қайтаруды жүзеге асыруға мүмкіндік беріледі.           106119 БСК-да төленген сомаларды есепке жатқызу немесе қайтару үшін тіркелген орны бойынша Мемлекеттік кірістер басқармасына «Салық төлеушінің кабинеті» веб-қосымшасы (https://knp.kgd.gov.kz) арқылы немесе «Азаматтарға арналған үкімет» мемлекеттік корпорациясы» КЕАҚ арқылы қағаз тасымалдағышта Салықтарды, бюджетке төленетін төлемдерді, кедендік төлемдерді, өсімпұлдарды, пайыздар мен айыппұлдарды есепке жатқызуды және (немесе) қайтаруды жүргізуге арналған салықтық өтінішті беру қажет. Ақпарат көзі : https://www.gov.kz/memleket/entities/kgd-akmola/press/news/details/1210863?lang=kk

Аймақ басшысы Құмар Ақсақалов «ЭПК Forfait» ЖШС жқмысымен танысты.Ел Президенті электр қуаты тұрақты әрі жеткілікті көлемде өндірілмесе, жасанды интеллектіні енгізу және жаппай цифрландыруды жүзеге асыру мүмкін болмайтынын атап өтті.«Өткен жылмен салыстырғанда желілердегі апат деңгейі 10%-ке төмендеді. «ЭПК-forfait» ЖШС жаңа цифрлық диспетчерлік орталығының арқасында апаттық ажыратуларға әрекет ету уақыты 2 сағаттан 5 минутқа дейін қысқарды. Инфрақұрылымдық көрсеткіштер бойынша да оң динамика бар – электр желілерінің тозу деңгейін 2021 жылғы 83%-тен биыл 73%-ке дейін төмендету, жабдықтарды жаңарту, желілер мен қосалқы станцияларды қайта жаңғырту бойынша жүйелі жұмыстар жүргізілуде», – деді аймақ басшысы.Желілердегі техникалық шығындарды 6,4%-ға дейін қысқарту маңызды жетістік, республика бойынша бұл көрсеткіш 10–11%.Цифрлық есептеу құралдарын, автоматтандырылған мониторинг жүйелерін және жасанды интеллект негізіндегі алғашқы шешімдерді енгізуді ерекше атап өткім келеді.«Біздің міндетіміз – апат салдарын жоюдан оларды болжау мен алдын алуға көшу. Қолмен басқарудан – интеллектуалды энергия жүйесі моделіне өту», – деді Құмар Ақсақалов.Ақпарат көзі : https://www.gov.kz/memleket/entities/kostanay/press/news/details/1210833?lang=kk

 "БЖЗҚ" АҚ (бұдан әрі – БЖЗҚ, Қор) enpf.kz сайтындағы "Статистика және аналитика – Зейнетақы активтерін инвестициялық басқару" бөлімінде Қазақстан Республикасы Ұлттық Банкінің (бұдан әрі – ҚРҰБ) және инвестициялық портфельді басқарушылардың (бұдан әрі - ИПБ) зейнетақы активтерін басқаруы туралы есебін ұсынды. 2026 жылғы 1 сәуірдегі жағдай бойынша ҚРҰБ және ИПБ басқаруымен зейнетақы активтерінің жалпы көлемі26 811,26 млрд теңгені құрады. Осы күнгі жағдай бойынша міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ), ерікті зейнетақы жарналары (ЕЗЖ) есебінен қалыптастырылған ҚРҰБ сенімгерлік басқаруындағы БЖЗҚ зейнетақы активтері шамамен 25 760,59млрд теңгені[1] құрады. ҚРҰБ сенімгерлік басқаруындағы жұмыс берушінің міндетті зейнетақы жарналары (ЖМЗЖ) есебінен қалыптастырылған зейнетақы активтерінің көлемі - 948,86млрд. теңге.ИПБ басқаруындағы зейнетақы активтері101,81 млрд теңгені құрады. ҚРҰБ басқаруындағы зейнетақы активтерінің инвестициялық портфеліҰлттық Банк БЖЗҚ зейнетақы активтерін сенімгерлікпен басқарушы ретінде теңгерімді инвестициялық саясатты ұстанады: валюталар, елдер, секторлар және эмитенттер бойынша қаржы құралдарының сан-алуан түрлеріне инвестициялайды.ҚРҰБ ұсынған ақпарат бойынша 2026 жылғы 1 сәуірде МЗЖ, МКЗЖ, ЕЗЖ есебінен қалыптастырылған зейнетақы активтерін инвестициялаудың негізгі бағыттары төмендегідей: ҚР Қаржы министрлігінің мемлекеттік бағалы қағаздары – 42,74%, квазимемлекеттік компаниялардың облигациялары – 9,26%, Қазақстан Республикасының екінші деңгейдегі банктерінің облигациялары – 2,58%,ҚР эмитенттерінің акциялары мен депозитарлық қолхаттары – 2,42%,ҚРҰБ депозиттері – 2,09%, шет мемлекеттердің МБҚ – 1,42%, МҚҰ – 1,14%.Активтердің 35,23%-ы индексті басқару шеңберінде инвестицияланады. Бұл тәсіл инвестордың стратегиялық мүдделерін көрсететін бағалы қағаздар жиынтығы болып табылатын эталондық портфельге бағдарланған инвестициялық портфельді қалыптастыруды көздейді.Эталондық портфельдің кірістілігі басқару тиімділігін бағалау кезінде шара ретінде қызмет етеді. Эталондық портфель ретінде жетекші әлемдік қаржы компаниялары немесе ҚРҰБ әзірлеген және қадағалайтын индекстер пайдаланылады. Активтерді индекстік басқаруды ҚРҰБ дербес, сондай-ақ дамыған елдер облигацияларының субпортфеліне, дамушы елдер облигацияларының қосалқы портфеліне, корпоративтік облигациялардың қосалқы портфеліне және акциялардың қосалқы портфеліне қатысты шетелдік басқарушы компанияларды тарта отырып жүзеге асырады.2026 жылғы 1 сәуірдегі жағдай бойынша МЗЖ, МКЗЖ, ЕЗЖ есебінен сатып алынған қаржы құралдары номинацияланған валюталар бөлінісіндегі инвестициялық портфель мынадай: ұлттық валютадағы инвестициялар – 61,09%, АҚШ долларымен – зейнетақы активтері портфелінің 38,91%.Инвестициялау нәтижесінде бағалы қағаздар бойынша сыйақы түріндегі табыс, оның ішінде орналастырылған салымдар мен "кері РЕПО" операциялары бойынша кіріс549,32 млрд теңгені, бағалы қағаздарды нарықтық қайта бағалаудан түскен кірістер94,12 млрд теңгені, өзге кірістер 0,48 млрд теңгені құрады. Бағамдық қайта бағалауды ескере отырып, сыртқы басқарудағы активтерді қоспағанда, шетел валютасында инвестицияланған бағалы қағаздарды нарықтық қайта бағалау теріс болып қалыптасты.2025 жылғы сәуірден бастап 2026 жылғы наурызға дейінгі соңғы 12 айда есептелген инвестициялық кірістің мөлшері шамамен 2,49 трлн теңгені құрады, осы кезеңдегі кірістілік 10,74%-ды құрады.2026 жылғы 1 сәуірдегі ЖМЗЖ инвестициялау бағыттары келесідей: ҚР Қаржы министрлігінің мемлекеттік бағалы қағаздары – 93,84%, ҚРҰБ депозиттері – 6,15%, инвестициялық шоттардағы ақшалай қаражат – 0,01%.ЖМЗЖ есебінен инвестициялық портфель тек ұлттық валютада номиналданған қаржы құралдарынан тұрады. Бағалы қағаздар бойынша, оның ішінде орналастырылған салымдар мен "кері РЕПО" операциялары бойынша сыйақы түріндегі кіріс – 30,65 млрд теңге. Бағалы қағаздарды нарықтық қайта бағалау салымшыларға 3,45 млрд теңге кіріс әкелді.2025 жылғы сәуірден бастап 2026 жылғы наурызға дейінгі соңғы 12 айда ЖМЗЖ бойынша есептелген инвестициялық кірістің мөлшері шамамен 104,22 млрд теңгені құрады, осы кезеңдегі кірістілік – 18,52%.ҚРҰБ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы және инвестициялық қызметке шолу БЖЗҚ-ның ресми сайтында берілген. Сондай-ақ, enpf.kz сайтында ЖМЗЖ есебінен қалыптастырылған зейнетақы активтері бойынша портфель құрылымы туралы ақпарат орналастырылды.Инвестициялық портфельді басқарушыларИПБ басқаруындағы зейнетақы активтерінің жалпы көлемі – 101,81 млрд теңге.2026 жылғы 1 сәуірдегі жағдай бойынша "Alatau City Invest" АҚ сенімгерлік басқаруындағы зейнетақы активтері – 16,33 млрд теңге.Компанияның негізгі инвестициялары: Exchange Traded Funds (ETF) пайлары – 24,63%, ҚР эмитенттерінің акциялары мен депозитарлық қолхаттары – 16,80%, ҚР екінші деңгейдегі банктерінің (ЕДБ) облигациялары – 12,49%, ҚР квазимемлекеттік ұйымдарының облигациялары – 10,00%, ҚР эмитенттерінің корпоративтік облигациялары – 9,64%, РЕПО – 6,48%, шетелдік эмитенттердің корпоративтік облигациялары – 5,29%, МҚҰ – 3,33%, шет мемлекеттердің МБҚ – 1,90%.Атап кетейік, портфельдің 56,12% теңгемен, 42,86% АҚШ долларымен, 1,02% басқа валюталарда ұсынылған. Зейнетақы активтерінің 2025 жылғы сәуірден 2026 жылғы наурызға дейінгі соңғы 12 айдағы кірістілігі – 10,62%."Alatau City Invest" АҚ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы БЖЗҚ сайтында ұсынылған.01.04.2026ж. жағдай бойынша "Halyk Global Markets" АҚ сенімгерлік басқаруындағы зейнетақы активтері шамамен 7,55 млрд теңге болды.Портфель құрылымындағы негізгі инвестициялар: шетелдік эмитенттердің үлестік құралдары (ETF пайлары) – 22,93%, ҚР ЕДБ облигациялары – 16,53%, ҚР Қаржы министрлігінің мемлекеттік бағалы қағаздары – 11,44%, ҚРҰБ ноттары – 15,96%, ҚР квазимемлекеттік ұйымдарының облигациялары – 11,68%, ҚР ұйымдарының корпоративтік облигациялары – 6,79%, Қазақстан Республикасының ұйымдары шығарған акциялар мен депозитарлық қолхаттар – 4,15%, шет мемлекеттердің орталық үкіметтері шығарған мемлекеттік мәртебесі бар бағалы қағаздар – 2,53%, кері РЕПО (күнтізбелік 90 күннен аспайтын) – 2,07%.Ұлттық валютадағы инвестициялар портфельдің 63,95%-на, АҚШ долларымен 36,05%-на тең.Зейнетақы активтерінің 2025 жылғы сәуірден 2026 жылғы наурызға дейінгі соңғы 12 айдағы кірістілігі – 10,54%."Halyk Global Markets" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.04.2026ж. жағдай бойынша "BCC Invest" АҚ сенімгерлік басқаруындағы БЖЗҚ зейнетақы активтері шамамен 13,08 млрд теңге. Инвестициялардың негізгі бағыттары: ҚР ЕДБ облигациялары – 23,54%, ҚР ҚМ МБҚ – 17,71%, ҚР квазимемлекеттік ұйымдарының облигациялары – 14,12%, РЕПО – 11,17%, ҚР резидент-эмитенттерінің корпоративтік облигациялары – 9,62%, шетелдік эмитенттердің корпоративтік облигациялары – 6,25%, шет мемлекеттердің МБҚ – 5,45%, ҚР эмитент-резиденттерінің акциялары мен депозитарлық қолхаттары – 5,93%. Ұлттық валютадағы инвестициялар портфельдің 66,59%-ын, АҚШ долларымен 33,41%-ын құрайды.Зейнетақы активтерінің 2025 жылғы сәуірден 2026 жылғы наурызға дейінгі соңғы 12 айдағы кірістілігі – 9,01%. "BCC Invest" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.04.2026ж. жағдай бойынша "Сентрас Секьюритиз" АҚ сенімгерлік басқаруындағы БЖЗҚ зейнетақы активтері шамамен 7,19 млрд теңге.ҚР квазимемлекеттік ұйымдарының облигацияларына – 21,35%, РЕПО – 16,62%, ҚР ЕДБ облигацияларына – 14,45%, ҚР эмитенттерінің корпоративтік облигацияларына – 14,29%, шет ел эмитенттерінің корпоративтік облигацияларына – 9,10%, АҚШ мемлекеттік облигацияларына – 5,98%, ҚР ҚМ МБҚ-ға – 4,93%, ҚР резиденттері-эмитенттерінің акциялары мен депозитарлық қолхаттарына – 4,26%, шетелдік эмитенттердің акциялары мен депозитарлық қолхаттарына – 2,08% инвестицияланды.Ұлттық валютада портфельдің 70,71%-ы, АҚШ долларында 29,29%-ы инвестицияланды.Зейнетақы активтерінің 2025 жылғы сәуірден 2026 жылғы наурызға дейінгі соңғы 12 айдағы кірістілігі – 17,80%. "Сентрас Секьюритиз" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.04.2026ж. жағдай бойынша "Қазақстан Халық Банкінің ЕҰ "Halyk Finance" АҚ сенімгерлік басқаруындағы зейнетақы активтері шамамен 57,66 млрд теңге болды.Портфель құрылымындағы негізгі инвестициялардың сипаты мынадай: кері РЕПО (90 күнтізбелік күннен көп емес) – 17,23%, ҚР ЕДБ облигациялары – 14,96%, ҚРҰБ ноттары – 12,62%, ҚР ҚМ МБҚ – 11,81%, Exchange Traded Funds (ETF) пайлары – 8,08%, МҚҰ – 6,95%, ҚР эмитенттерінің корпоративтік облигациялары – 6,74%, ҚР квазимемлекеттік ұйымдарының облигациялары – 5,36%, ҚР эмитенттерінің акциялары мен депозитарлық қолхаттары – 4,33%, шетелдік эмитенттердің корпоративтік облигациялары – 3,28%.Ұлттық валютадағы құралдарға портфельдің 68,70%, АҚШ долларында – 31,30% инвестицияланды.Зейнетақы активтерінің 2025 жылғы сәуірден 2026 жылғы наурызға дейінгі соңғы 12 айдағы кірістілігі – 10,98%."Қазақстан Халық Банкінің ЕҰ "Halyk Finance" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.2023 жылғы 1 шілдеден бастап салымшылар инвестициялық портфельді басқарушының (ИПБ) сенімгерлік басқаруына міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған зейнетақы жинақтарының 50%-дан аспайтын бөлігін ең төменгі жеткіліктілік шегін есепке алмастан бере алады. Ал ерікті зейнетақы жинақтары бар салымшыларға  оны ИПБ-ға 100% көлемінде беруге болады.2026 жылдың 1 қаңтарынан бастап ИПБ қызметін Ki композиттік индекстері негізінде бағалау жүйесі енгізілді. Композиттік индекс – бұл жаһандық экономикалық тенденцияларды, сондай-ақ капитал нарығындағы жағдайларды ескере отырып, ИПБ жұмысының нәтижелерін объективті бағалауды қамтамасыз ететін ұлттық және әлемдік қор нарықтарының индекстерін қамтитын бенчмарк түрі. 2026 жылдан бастап ИПБ зейнетақы активтерін сенімгерлік басқару жөніндегі қызметті тәуекел деңгейі, кірістілігі және инвестициялау мерзімдері бойынша ерекшеленетін үш инвестициялық портфельдің бірін таңдауды көздейтін жаңа тәсіл негізінде жүзеге асырады. Егер зейнетақы активтерінің кірістілігі белгіленген ең төменгі деңгейден (композиттік бенчмарктан) төмен болған жағдайда, ИПБ теріс айырма сомасын меншікті капитал есебінен өтеуге тиіс. Осылайша, жеке басқарушылар жинақтардың сақталуын меншікті капиталмен қамтамасыз етуге жауапты. Айта кету керек, зейнетақы жинақтарын ИПБ-ға беру мүмкіндігі пайда болған 2021 жылдан бастап барлық басқарушы компаниялар белгіленген нормативтерді сақтады, осыған байланысты белгіленген айырмашылықты өтеу қажеттілігі туындаған жоқ.  ҚР Ұлттық Банкінің сенімгерлік басқаруындағы жинақтар төлемдерге құқық алған кезде инфляция деңгейінен төмен болмайтын деңгейде сақталу мемлекеттік кепілдігімен қорғалады.Сондай-ақ, БЖЗҚ азаматтардың зейнетақы активтерін инвестициялық басқару бойынша invest.enpf.kz бірыңғай ақпараттық интернет-платформаны іске қосқанын еске саламыз. ОлИПБ туралы барлық негізгі ақпаратты бір цифрлық кеңістікте біріктіреді және инвестициялық қызмет туралы деректерді ұсынуға жүйелі тәсілді қамтамасыз етеді.    Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1211108?lang=kk

Маңғыстау облысы бойынша Мемлекеттік кірістер департаментінің "Ақтау теңіз порты" Мемлекеттік кірістер басқармасының басшысы Төлемис Мадениет Елеусізұлымен сұхбат -  Төлеміс Мәдениет Елеусізұлы, сәлеметсіз бе! 2026 жылдың 1 қаңтарынан бастап Қазақстанда жаңа Салық кодексі жұмыс істеп тұр. Алғашқы айлардан кейін Маңғыстау облысының салық төлеушілері, әсіресе порт аймағы мен «Морпорт Актау» арнайы экономикалық аймағының кәсіпорындары қандай негізгі өзгерістерді сезінді? Төлеміс Мәдениет Елеусізұлы: Сәлеметсіз бе! Жаңа Салық кодексі салық әкімшілігін цифрландыруға, салық салудың әділеттілігін арттыруға және инвестицияларды ынталандыруға бағытталған. Біздің өңірде, әсіресе Актау портында және СЭЗ аумағында резиденттер үшін маңызды жеңілдіктер сақталған. Біз бизнес пен тұрғындар жаңа жағдайда ыңғайлы жұмыс істей алуы үшін консультациялар мен семинарлар белсенді өткізіп жатырмыз. -  ҚҚС мөлшерлемесінің 16%-ға дейін өсуі — ең көп талқыланатын өзгерістердің бірі. Бүгін ол логистика мен порт бизнесіне қалай әсер етуде? Төлеміс Мәдениет Елеусізұлы: 2026 жылдан бастап ҚҚС базалық мөлшерлемесі 16% құрайды. Сонымен бірге ҚҚС бойынша міндетті тіркеу шегі төмендетілді - қазір ол 10 000 АЕК-ке тең (жылына шамамен 43 млн теңге). Бұл орта бизнестің бір бөлігіне әсер етті. "Ақтау теңіз порты" АЭА резиденттері үшін маңызды жеңілдіктер: ЕЭО-ға мүше елдерден әкелінетін, аймақ қызметі мақсатында толық тұтынылатын тауарлардың импортына ҚҚС нөлдік ставкасы, сондай-ақ корпоративтік табыс салығынан, жер және мүлік салығынан босату қолданыста болады. Бұл артықшылықтар порттың транзиттік хаб ретінде бәсекеге қабілеттілігін сақтауға көмектеседі. -  ЖТС-нің прогрессивті шкаласы (10% және 15%) қолданылып жатыр. Ол ең алдымен кімді қамтиды және портта жұмыс істейтіндерге қалай әсер етеді? Төлеміс Мәдениет Елеусізұлы: Биылдан бастап жеке табыс салығының прогрессивті шкаласы қолданылады. Жылына 8 500 АЕК-ке дейінгі табыс (шамамен 36,8 млн теңге) 10% ставкамен, ал одан асатын сома 15% ставкамен салық салынады. Стандартты салықтық шегеру айына 30 АЕК-ке дейін ұлғайтылды, бұл орташа жалақы алатын қызметкерлердің жүктемесін жеңілдетеді. Жоғары табысты қызметкерлер көбірек төлейді, бұл жүйені әділетті етеді. Порт компанияларында біз жұмыс берушілерге ұсталымдарды дұрыс есептеуге көмектесеміз және нормаларды түсіндіреміз, бұл білікті кадрларды ұстап қалуға әсерін азайтуға мүмкіндік береді. -  Арнайы салық режимдерін оңтайландырды — жеті режимнің орнына үшеуі қалды. Бұл Актаудағы шағын және орта бизнеске қалай әсер етті? Төлеміс Мәдениет Елеусізұлы: Жаңа кодексте арнайы салық режимдерінің (АСР) саны үш негізгі режимге дейін қысқарды: өзін-өзі жұмыспен қамтығандар үшін, жеңілдетілген декларация негізінде және шаруа (фермер) қожалықтары үшін. Актаудың көптеген кәсіпкерлері жеңілдетілген декларацияға (ставкасы 4%, жергілікті органдар түзете алады) сәтті көшті. «Морпорт Актау» КТС-інің резиденттері үшін инвестициялық жеңілдіктер, оның ішінде КТС бойынша нөлдік ставка әлі де қолданылады. Бұл шаралар порт инфрақұрылымының дамуына және жаңа жұмыс орындарының ашылуына ықпал етеді. -  Цифрландыру және салық әкімшілігі бойынша қандай өзгерістер практикада байқалып жатыр? Төлеміс Мәдениет Елеусізұлы: Кодекс цифрландыруды айтарлықтай күшейтті: біріктірілген бірыңғай платформа жұмыс істейді, есептілік нысандары шамамен 30%-ға қысқарды, қағаз құжат айналымы барынша азайды. Салық тексерулері негізінен тәуекелге негізделген тәсіл бойынша жүргізіледі — адал салық төлеушілер аз тексеріледі. Бұл бизнес үшін уақыт пен ресурстарды үнемдейді. Кәсіпкерлер жаңа электрондық сервисдерді біртіндеп меңгеріп жатқанын байқап отырмыз. -  Қазір, 2026 жылдың сәуірінде бизнес пен өңір тұрғындарына не ұсынасыз? Төлеміс Мәдениет Елеусізұлы: Жаңа ережелер сіздің қызметіңізге нақты қалай әсер ететінін тұрақты тексеріп, қажет болған жағдайда нақтылау декларацияларын уақытылы тапсыруды ұсынамын. Біздің «Морпорт Актау» Мемлекеттік кірістер басқармасы тегін консультациялар мен түсіндіру семинарларын жалғастыруда. Телефон арқылы хабарласыңыз: 8 (7292) 30-13-10 (ішкі 1055) немесе 8 (7292) 30-18-50, сондай-ақ жеке келуіңізге болады: Актау қаласы, 31Б шағын ауданы, 35-ғимарат. Біздің міндетіміз — салық жүйесін ыңғайлы және әділетті ету, өңір экономикасының өсуіне ықпал ету. Барлық сұрақтарды түсінуге және туындаған мәселелерді шешуге әрқашан дайынбыз. -  Актуалды түсіндірулер үшін үлкен рахмет! Төлеміс Мәдениет Елеусізұлы: Тақырыпқа деген қызығушылық үшін рахмет!Ақпарат көзі : https://www.gov.kz/memleket/entities/kgd-mangistau/press/news/details/1210806?lang=kk

Ү.ж. 22–24 сәуір аралығында Алматы облысының Есік қ. «KazAID» Қазақстандық халықаралық даму агенттігі мен ШЖҚ «Еңбекшіқазақ көпбейінді орталық аудандық ауруханасы» КМК ұйымдастырған Орталық Азиядан келген медицина қызметкерлерінің біліктілігін арттыру бойынша «Авиценна: Денсаулық сақтау» бағдарламасы өткізілді.Қырғыз Республикасы, Тәжікстан Республикасы және Өзбекстан Республикасынан келген 12 қатысушы Дүниежүзілік денсаулық сақтау ұйымының (ДДҰ) алғашқы медициналық-санитариялық көмек (АМСК) жөніндегі демонстрациялық платформасы бойынша оқытудан өтті. Бағдарлама аясында Орталық Азия елдерінің медициналық қызметкерлері осы бағыттағы теориялық білімдерін кеңейтіп қана қоймай, демонстрациялар мен мастер-класстар арқылы практикалық дағдыларды да меңгерді. Әр-түрлі нысандарға, соның ішінде Есік қ. «Үздік тәжірибелер орталығына» экскурсиялар ұйымдастырылды. Қатысушыларға қалалық және ауылдық АМСК модельдерін салыстыруға мүмкіндік берілді. Сондай-ақ, олар DAMUMED сияқты IT шешімдермен таныса алды.  «KazAID» Қазақстандық халықаралық даму агенттігінің Қазақстандағы Орталық Азиядан келген медицина қызметкерлерінің біліктілігін арттыру бойынша «Авиценна: Денсаулық сақтау» бағдарламасы АМСК саласындағы қазақстандық тәжірибемен бөлісу және өңірлік мамандар арасында байланыс орнату алаңына айналды.Ақпарат көзі : https://www.gov.kz/memleket/entities/kazaid/press/news/details/1210807?lang=kk

2026 жылғы 29 сәуірден бастап Майлин көшесі бойынша диаметрі 159 мм жылу желісін күрделі жөндеу жұмыстары жүргізілетін болады.Осыған байланысты келесі көппәтерлі тұрғын үйлерде (120 пәтер)ыстық сумен жабдықтау уақытша тоқтатылады:Майлин көшесі, 83, 85;С. Нұрмағамбетов көшесі, 92.Аталған үйлердің тұрғындарынан уақытша қолайсыздықтарға түсіністікпен қарауды сұраймыз.Жөндеу жұмыстарын аяқтау және ыстық сумен жабдықтауды қалпына келтіру мерзімі — 2026 жылғы 08 мамыр сағат 17:00-ге дейін. Бұл ретте жұмыстарды орындау және ыстық сумен жабдықтауды неғұрлым қысқа мерзімде беруді қайта бастау үшін барлық күш-жігер жұмсалатын болады.Ақпарат көзі : https://www.gov.kz/memleket/entities/kostanai-kalasy-akimat/press/news/details/1210810?lang=kk

Облыстық кезеңнің қорытындысы бойынша жүлделі орындарға ие болған оқушылар:🔹 «Жақсылық керуені» номинациясында ІІ орын – «№1 жалпы білім беретін орта мектебі» КММ оқушысы Толғатбек Берікжан;🔹 «Менің отбасым: сабақтастық, құндылықтар және мәні» номинациясында ІІ орын – «Н. Баймұратов атындағы орта мектебі» КММ оқушысы Оразбай Еркеназ;🔹 «Отаным – қасиетті туған жерім» номинациясында ІІІ орын – «Беген орта мектебі» КММ оқушысы Камалова Гүлназ. Барлық қатысушылар сертификаттарға ие болдыАқпарат көзі : https://www.gov.kz/memleket/entities/beskaragay-roo/press/news/details/1210714?lang=kk

Қазақстан Республикасы Қарулы күштерінің тұңғыш Қорғаныс министрі Кеңес Одағының Батыры, Халық қаһарманы армия генералы Сағадат Нұрмағамбетовті еске алуға арналған балалар мен жасөспірімдер арасындағы дәстүрлі халықаралық турнир өтті.Биыл алтыншы рет ұйымдастырылған айтулы дода спорттық бәсеке ғана емес, нағыз отансүйгіштік пен достықтың мерекесіне айналды.Турнирге бразилиялық джиу-джитсу шебері, Tactical Combat бағытының өкілі, 5-ші данның иегері Джулиано Де Пинна, батырдың қызы Айсұлу Нұрмағамбетова, Қорғаныс министрінің орынбасары Дархан Ахмедиев, Алматы облыстық Ардагерлер кеңесінің төрағасы Ерболат Тұрымбетов, әйгілі спортшылар Сора Рахмонова, Әйгерім Әбілқадірова және өзге де қонақтар қатысып, жасөспірімдердің жеңіске деген жігерін оятты.Биылғы турнирге елімізден ғана емес, Қырғызстан, Өзбекстан, Ресей, Грузия және Біріккен Араб Әмірліктері сияқты мемлекеттерден 300-ден астам спортшы қатысты.ҚР Қорғаныс министрінің орынбасары Дархан Ахмедиев сайысқа арнайы келіп, министрлік атынан қолдау білдірді. Біз әскери бөлімдерде джиу-джитсуды енгізіп, ел қорғанына айналатын рухты жастарды дайындап жатырмыз деді ол.Sarbaz+ пилоттық жобасы бойынша мерзімді әскери қызметтегі сарбаздар джиу-джитсу спортын дамытып, жарыстарға шығып жүргенін айта кеткен жөн.Дүбірлі сайыста командалық есепте бірінші орын Qazaqstan Top Team, екінші орын Roller, үшінші орын UWC спорт клубтарына бұйырды.Жеке есепте мықты белдесу көрсеткен Айлин Ысқақова ерекшеленді. Екі салмақ дәрежесінде боз кілемге шыққан ол үш белдесуден өткізіп, екі мәрте алтын тақты.Жарыс соңында Алматы өңірлік гарнизонының Әскери полиция басқармасының қызметшілері арнайы көрсетілім ұсынды. Олардың қоян-қолтық ұрыстағы шеберлігі мен тактикалық қимылдары турнирдің шырайын келтіріп, жас спортшыларға нағыз сарбаздың қандай болуы керектігін көрсетті.Ақпарат көзі : https://www.gov.kz/memleket/entities/mod/press/news/details/1210723?lang=kk

Ауыл ішілік тазалық жұмыстары жүргізілуде және алдағы уақытта да жалғасын табады. Ауылдың тазалығы – ортақ міндет.⚜️Дәулет ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-daulet/press/news/details/1210727?lang=kk

Қазақстан Республикасы Президенті жанындағы Орталық коммуникациялар қызметінде 2026 жылғы «Тәуелсіздік ұрпақтары» грантын тағайындау конкурсының басталуына орай брифинг өтті.Іс-шараға ҚР Мәдениет және ақпарат министрлігінің Жастар және отбасы істері комитетінің төрағасы Қайрат Қамбаров, конкурстық комиссия мүшесі Ғайни Есембекова және 2025 жылғы грант иегері Айжан Өмірбаева қатысты.Жиында 2021 жылдан бері Мемлекет басшысы Қасым-Жомарт Тоқаевтың бастамасымен шығармашыл жастарды қолдау мақсатында жыл сайын «Тәуелсіздік ұрпақтары» гранты бөлініп келетіні атап өтілді.2026 жылы республикалық деңгейде әрқайсысы 3 млн теңгеден 30 грант беріледі.Грантқа Қазақстан Республикасының 14 пен 35 жас аралығындағы (34 жасты қоса алғанда) азаматтары үміткер бола алады.Грант конкурстық негізде келесі 6 бағыт бойынша жобаларды іске асыру үшін беріледі:«Ғылым» – жаңа ғылыми жобаларды және зерттеулерді іске асыруға арналған;«Мәдениет» – Қазақстанның мәдени мұрасын насихаттауға, ұлттық дәстүр мен өнерді ілгерілетуге бағытталған жобаларды іске асыруға арналған;«Ақпараттық технологиялар» – жаңа IT шешімдер мен жобаларды, оның ішінде жаңадан басталған стартап жобаларды іске асыруға және әзірлеуге арналған;«Бизнес» – жаңа бизнес-идеяларды іске асыруға арналған;«Медиа» – жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыруға арналған;«Волонтерлік» – өзекті, әлеуметтік проблемаларды шешуге бағытталған волонтерлік жобаларды (бастамаларды) іске асыруға арналған.Үміткерлердің конкурстық өтінімдері 2026 жылғы 21 сәуірден 21 маусым аралығында (21 маусым күні сағат 24:00-ге дейін) қабылданады.Конкурсқа қатысу үшін қажетті құжаттар тізімі (мемлекеттік және (немесе) орыс тілдерінде):Конкурстық өтінім: https://forms.gle/8Edm9PwoqQZQyw2872-қосымша сәйкес нысан бойынша жобаның сипаттамасы (PDF форматы);Жоба бойынша (60 секундтан аспайтын) бейнематериал немесе (10 слайдтан аспайтын) презентация;3-қосымша сәйкес нысан бойынша шығындар сметасының жобасы (PDF форматы);Зияткерлік меншік туралы мәлімет (бар болса, PDF форматы);Жеке куәлік немесе туу туралы куәліктің көшірмесі (PDF форматы).Анықтама үшін байланыс телефондары:8 (7172) 74-12-78, 8 777-114-66-82E-mail: t.urpaqtary2026@gmail.com (жұмыс күндері сағат 9:00-ден 18:30-ға дейін)Ақпарат көзі : https://www.gov.kz/memleket/entities/beskaragay-roo/press/news/details/1210744?lang=kk

Өтетін уақыты: 29 сәуір сағат 9.00-дан 20.00-ге дейінӨтетін орны: «Жастар сарайы» және іргелес аумақ, Индустриялық аймақ 29 сәуірде сағат 9.00-дан бастап Қостанай қаласында жылдың ең ауқымды іс-шарасы басталады. «QOSTANAI TECH» отбасылық ғылыми-инновациялық фестивалі қостанайлық тұрғындар мен елдің барлық өңірлерінен келген қонақтарды біріктіреді. Бұл фестиваль Мемлекет басшысы Қасым-Жомарт Тоқаев жариялаған Цифрландыру және жасанды интеллект жылының басты оқиғаларының бірі болмақ. Фестиваль бағдарламасын Қостанай облысының әкімі Құмар Ақсақалов ашады. Қонақтар алдында TED-форматында сөз сөйлейтін фестивальдің хэдлайнерлері қатарында ірі өндірістің, ІТ-компаниялардың, қоғамдық пікір көшбасшыларының өкілдері бар. Олардың арасында «KIA QAZAQSTAN» бас директоры Де Ки Ким, Freedom Cloud компаниясының CEO-сы және ҚР Президенті жанындағы ЖИ-ді дамыту жөніндегі кеңестің жұмыс тобының кеңесшісі Темірлан Зиналабдин, Allur компаниялар тобының автокөлік өндірісі саласының басшылығы, технология және білім беру саласындағы кәсіпкер, Оксфордта білім алған алғашқы қазақстандық Ғабит Бекахметов және тағы басқалар бар. «Жастар сарайының» күту залында қонақтарды фестиваль маскоты - Q-AI трансформеры қарсы алады және заманауи технологиялар көрмесі ұйымдастырылады. Екінші қабаттағы интерактивті аймақта инновациялық процестер көрсетіледі: ақылды өндіріс 5.0, автономды жүйе және технологиялардың бірлескен әрекеті, қаланың цифрлы инфрақұрылымы және урбанистика, XR-оқу мен иммерсивті мамандықтар, болашақ экологиясы, логистика, цифрлы әлемдегі қауіпсіздік туралы мәселелер және тағы басқа. Фестиваль тек технологиялар мерекесі ғана емес, сонымен бірге эксперимент алаңы болмақ. Екінші қабатта балалар мен жасөспірімдер үшін болашақ технологиялар кеңістігі ұйымдастырылады. Мұнда мини-турнирлер өткізілетін киберспорт аренасы, технополигон, конструкторлық зертхана және робототехника аймағы құрылады. Жас буын үшін VR/AI аймағы ерекше қызығушылық тудырады, мұнда симуляциялар зертханасы ауыл шаруашылығы техникасын басқарудан бастап электр көліктерін құрастыру жұмысына дейінгі нақты өндірістік процестердің ішінде болуға мүмкіндік береді. Көше алаңында балалар мен олардың ата-аналарына шеберлердің сабақтары, химия мен физика бойынша эксперименттер мен ғылыми шоулар, сұйық азоттың мүмкіндіктері мен Тесла шоуы ұйымдастырылады. Сондай-ақ аумақта ұйымдастырылатын көрмеде өңірдегі жетекші өндірушілердің техникасы көрсетіледі. Автокөлік өндірісі процесін және өңірдегі ірі өнеркәсіп кәсіпорындарының жұмысын өз көздерімен көргісі келетіндер үшін күні бойы индустриялық экскурсиялар ұйымдастырылады, бұл экскурсиялар қала тұрғындары мен қонақтары үшін тұрақты болмақ. Фестивальдің маңызды міндеттерінің бірі бұл отбасы құндылықтарын, ұрпақтар жалғастығын және еңбек пен білімге деген құрметті күшейте отырып, жаңа буынды машина жасау мен агроөнеркәсіп кешендерінің дамуының іргетасына айналып отырған бағдарламалау мен жасанды интеллект жүйесін зерделеуге шабыттандыру. Фестиваль қонақтары үшін мазмұнды бағдарлама жоспарланған:Технологиялар мен ЖИ саласындағы жетекші спикерлердің сөз сөйлеуіЖобалар мен технологияларды көрсетуИнтерактивті алаңдар мен эксперимент аймағының жұмысыӨңір кәсіпорындарының көрмесіӘсерлі концерт бағдарламасыКөптеген қосымша іс-шаралар мен сыйлықтар Әркім өз талғамына сай іс табады. Қонақтарға қолайлы болу үшін аумақта тамақтану аймағы жұмыс істейді. Фестиваль сағат 19:00-де қазақстандық эстрада жұлдызы Bayansulu қатысатын концерттік бағдарламамен аяқталады. Бұқаралық ақпарат құралдарының өкілдерін, сондай-ақ ниет білдірушілерді 18 сәуір күні сағат 09:00-ден бастап өтетін «QOSTANAI TECH» отбасылық ғылыми-инновациялық фестиваліне шақырамыз. Қосымша ақпарат, пікірлер мен барлық сұрақтар бойынша:Байланысушы тұлға: Анна ЛазареваТелефон: 8 777 370 23 04Ақпарат көзі : https://www.gov.kz/memleket/entities/mfa-dushanbe/press/news/details/1210817?lang=kk

Дәулет ауылдық округі әкімінің аппаратының мамандары ауыл тұрғындарына салықтық берешектері көрсетілген хабарламаларын тарату жұмыстарын жүргізді. Ауыл тұрғындарынан барлық салықтық міндетті төлемдерді уақытылы өтеуді сұраймыз.Ауылдық округ тұрғындарының назарына!Жеке тұлғаларға салынатын салықтарға қатысты барлық сұрақтар жөнінде ауыл әкімі аппаратына, Мемлекеттік кірістер басқармасына хабарласуға немесе “e-Salyq Azamat” , Kaspi.kz қосымшалары арқылы білуге болатындығын хабарлаймыз.Дәулет ауылдық округі әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-daulet/press/news/details/1210780?lang=kk

2026 жылғы 24 сәуірде Өскемен қаласында «Атамекен» ҰКП ШҚОФ алаңында «Салық және кеден заңнамасының өзекті мәселелері» тақырыбында дөңгелек үстел өтті.Іс-шараға Шығыс Қазақстан облысы бойынша Мемлекеттік кірістер департаментінің қызметкерлері, салық төлеушілер, сыртқы экономикалық қызметке қатысушылар, консалтингтік компаниялардың өкілдері, бұқаралық ақпарат құралдары және блогерлер қатысты.Дөңгелек үстел барысында салық және кедендік әкімшілендірудің өзекті мәселелері қарастырылды.Атап айтқанда, қатысушыларға жеке тұлғалардың соттан тыс банкроттық рәсімі туралы ақпарат ұсынылды. Баяндамамен ШҚО бойынша МКД-нің дәрменсіз борышкерлермен жұмыс басқармасының басшысы Сайран Уалибекова сөз сөйледі.Сондай-ақ қосылған құн салығының артық төлемін қайтарудың оңайлатылған тәртібі түсіндірілді. Осы тақырып бойынша жанама салықтарды әкімшілендіру басқармасының ҚҚС салық аудиті бөлімінің басшысы Алмас Чиликбаев баяндама жасады.Еуразиялық экономикалық одақ шеңберіндегі тыйымдар мен шектеулер мәселелеріне де ерекше назар аударылды. Аталған тақырып бойынша ЕАЭО шеңберінде ҚҚС әкімшілендіру басқармасының жетекші маманы Алишер Муратов сөз сөйледі.Кедендік блок аясында кедендік баждар мен салықтарды төлеу бойынша міндеттемелердің орындалуын қамтамасыз ету шаралары түсіндірілді. Баяндаманы кедендік құн бөлімінің жетекші маманы Надежда Сорокина ұсынды.Іс-шараның қорытынды бөлімінде практикалық мәселелер мен жиі қойылатын сұрақтар талқыланды. Түсіндіру жұмыстарымен және жауаптармен түсіндіру жұмыстары және Байланыс орталығы басқармасының басшысы Гульмира Сабралимова сөз сөйледі.Дөңгелек үстел қорытындысы бойынша қатысушылар өздерін қызықтырған сұрақтарға толық жауап алып, мұндай кездесулердің практикалық маңыздылығын атап өтті, сондай-ақ мемлекеттік органдар мен бизнес қауымдастық арасындағы өзара іс-қимылды одан әрі дамыту қажеттігін жеткізді.Ақпарат көзі : https://www.gov.kz/memleket/entities/kgd-vko/press/news/details/1210644?lang=kk

2026 жылғы 28 сәуірде БЖЗҚ дәстүрлі түрде "Ашық есік күні" онлайн-кездесуін өткізді. Оның аясында қатысушыларға invest.enpf.kz жаңа инвестициялық порталы ұсынылды. Іс-шара барысында Қор мамандары жаңа порталдың салымшылар үшін жасалған таптырмас мүмкіндіктері туралы баяндап берді. Қатысушыларға зейнетақы қаражатының бір бөлігін жеке инвестициялық портфельді басқарушының (ИПБ) сенімгерлік басқаруына беру арқылы өз жинақтарының кірістілігіне дербес ықпал етуге құқылы екендіктерін ескертті: міндетті және міндетті кәсіптік зейнетақы жарналары есебінен қалыптасқан жинақтардың 50%-на дейін және ерікті зейнетақы жарналарының 100%-на дейін аударуға болады.Кездесу аясында қатысушылар платформаның функционалдығымен, зейнетақы активтерін инвестициялау қағидаттарымен, инвестициялық көрсеткіштерді талдау тәсілдерімен, сенімгерлік басқарушыны таңдау өлшемдерімен және т.б. танысты.Портал бір цифрлық кеңістікте инвестициялар туралы негізгі ақпарат: базалық ұғымдарды, сенімгерлік басқарушылар туралы деректерді, зейнетақы активтерін орналастыру құрылымын, инвестициялық стратегиялар мен қаржылық көрсеткіштерді қазақ және орыс тілдерінде біріктіретіні атап өтілді. Пайдаланушылар ИПБ мен ҚРҰБ-тың кірістілігін, портфель құрылымын және басқару нәтижелерін дербес салыстырып, көрсеткіштердің динамикасын бақылай алады.Кездесу барысында Қор мамандары порталдың жас салымшылар үшін маңыздылығын атап өтті. Себебі жастар өз жинақтарын басқарудың неғұрлым тиімді стратегияларын таңдауға қатыса алады. invest.enpf.kz жаңа ыңғайлы порталы инвестициялау құралдарын зерделеп, талдау мүмкіндіктерін ұсына отырып, қазақстандықтардың өз жинақтарын басқаруға неғұрлым белсенді қатысуын ынталандыруға ықпал етеді.Іс-шара интерактивті форматта өтті: қатысушылар Қор мамандарына сұрақтар қойып, түсініктемелер, сондай-ақ жеке кеңестер алды. Онлайн-формат әртүрлі өңірлердің азаматтарына кездесуге қосылуға және өзекті ақпаратты тікелей сарапшылардан алуға мүмкіндік берді.Айта кетейік, 2026 жылғы 1 сәуірдегі жағдай бойынша БЖЗҚ салымшылардың жалпы сомасы 130 млрд теңгеден асатын жинақтарын ИПБ-ға аудару туралы 128 450 өтінішін орындады. Естеріңізге сала кетейік, қазір нарықта инвестициялық портфельді басқаруға лицензиясы бар және зейнетақы активтерін басқаруға бекітілген талаптарға сәйкес келетін 5 ИПБ жұмыс істейді. Олардың ішінде: "Alatau City Invest" АҚ, "BCC Invest" АҚ, "Halyk Global Markets" АҚ (2027 жылғы 1 қаңтардан бастап – осы ИПБ-ның бастамасы бойынша шарттың күші жойылады), "Halyk Finance" АҚ және "Сентрас Секьюритиз"АҚ. ИПБ-лардың инвестициялық стратегиялары, ай сайынғы шолулар және әрбір ИПБ-ның инвестициялық қызметінің нәтижелері invest.enpf.kz порталында, сондай-ақ enpf.kz сайтындағы "Статистика және талдау - Зейнетақы активтерін инвестициялық басқару" бөлімінде орналастырылған.БЖЗҚ халықтың қаржылық-құқықтық сауаттылығын арттыру жұмысын жүйелі түрде жалғастыруда. Мәселен, 2025 жылы 800 мың адамды қамтитын 38 мыңнан астам ақпараттық кездесу өткізілді, сондай-ақ азаматтардың 400 мыңға жуық өтініші өңделді. Өткізілген "Ашық есік күні" қатысушыларға өздерінің зейнетақы жинақтарын түсініп, басқаруға қажет нақты құралдарды ұсынатын маңызды қадам болды.Ақпарат көзі : https://www.gov.kz/memleket/entities/social-abay/press/news/details/1214131?lang=kk

Бүгін Алматы облысының орталығында қазақ киносының Құлагері, Қазақ КСР-ның еңбек сіңірген өнер қайраткері Абдолла Қарсақбаевтың 100 жылдық мерейтойының салтанатты ашылу рәсімі өтіп, шымылдығы түрілді. Игі шарада ұлт тағдырын таспалаған тұлғаның мұрасы кеңінен насихатталып, ғұмыр жолы дәріптелді, – деп хабарлайды Алматы облысы әкімінің баспасөз қызметі.Айтулы кеште зиялы қауым өкілдері, ақын-жазушылар, кинорежиссердің туыстары мен шәкірттері естеліктерімен бөлісті. Шараға облыс әкімі Марат Сұлтанғазиев те қатысып, кинорежиссердің болмысы ел жадында мәңгілік сақталатынын айтты. Сондай-ақ Мемлекет басшысы Қасым-Жомарт Тоқаевтың құттықтауын оқып берді.«Абдолла Қарсақбаев – қазақ киносын жаңа биікке көтерген тағдырлы тұлға. Ол «Менің атым – Қожа», «Даладағы қуғын», «Алпамыс мектепке барады» және басқа да көркем фильмдер түсіріп, мәдениетіміздің мәртебесін арттырды. Кейіпкерлердің болмыс-бітімін асқан шеберлікпен көрсете білді. Бұл фильмдердің барлығы қазақ киносының алтын қорына қосылған құнды қазына екені сөзсіз. Сондықтан мемлекетіміз Абдолла Қарсақбаевтың еңбегін әрдайым жоғары бағалайды.Дарынды режиссер өз туындыларына қазақы танымды, ұлттық рух пен тәлім-тәрбиені арқау етті, сол арқылы өскелең ұрпақтың дүниетанымын байытуға елеулі үлес қосты.Халқымыздың біртуар перзентінің ғасыр тойы ЮНЕСКО аясында аталып өтіп жатыр. Бұл – ұлт тұлғаларының әлемдік деңгейдегі танымалдылығының айқын көрінісі. Қазақстанда да оның есімі халық жадында сақталуы қажет. Осы орайда, бұл жиынның мән-мағынасы зор» – делінген хатта.Қазақстанның Халық әртісі, кинорежиссердің шәкірті Досхан Жолжақсынов өнер жолында шырағын жаққан ұстазының өнегелі өмір жолы жайлы сыр шертті.«Жазушы Әбіш Кекілбаев: «Уақыттың өлшемі – адамның тағдыры, адамның тағдыры – артына қалған ісі», – дейді. Абдолла Қарсақбаевтың жасаған ісін бір кеште түгендеп шығу мүмкін емес. Бір ғана «Менің атым Қожасы» әлемді дүр сілкіндіріп, бәйгені қанжығасына байлап келгенде, қуанбаған қазақ болмаған шығар деп ойлаймын. Мені де халыққа танытып, бағымды ашқан – Әбекем. Қазір сол сәтті сағынышпен еске аламыз», – деді өнер иесі.Концерттік бағдарламада көрермен Абдолла Қарсақбаевтың туындыларына терең бойлап, мәніне үңілді. Ұлы композитор Нұрғиса Тілендиевпен рухани үндестігі баяндалып, ойлы кино мен мәнді әуеннің үйлесімі жүрекке рухани нәр берді. Рамазан Стамғазы, Нұрлан Өнербай сынды халыққа белгілі тұлғалар ән шырқап, өзге де дарын иелері өнерімен тәнті етті.Айта кетейік, Алматы облысының төл перзенті Абдолла Қарсақбаевтың өмірі мен шығармашылығы жыл бойы кеңінен насихатталып, өңіріміздің түкпін-түкпінде айтулы шаралар жалғасын табады. ЮНЕСКО көлемінде аталып өтіп, әлем жұртшылығы қазақ киносының шоқтығы биік туындыларына қанық болады.Ақпарат көзі : https://www.gov.kz/memleket/entities/almobl/press/news/details/1210694?lang=kk

Алматы қаласында ҚР Сауда және интеграция министрлігі Техникалық реттеу және метрология комитеті департаментінің жоспардан тыс тексеруінің қорытындысы бойынша «Орталық қалалық клиникалық аурухана» ШЖҚ КМК қызметінде өлшем бірлігін қамтамасыз ету саласындағы заңнаманың өрескел бұзушылықтары анықталды.Тексеру барысында 2026 жылғы 11 ақпанға дейін медициналық мекемеде 106 пациент мониторингі модулі міндетті рәсімдерден өтпей пайдаланылғаны белгілі болды. Аталған жабдықтар типін бекітусіз немесе метрологиялық аттестациясыз қолданылған, мемлекеттік реестрде тіркелмеген және міндетті тексеруден (поверкадан) өтпеген. Соған қарамастан, құрылғылар медициналық көмек көрсету барысында пайдаланылған.Бұл модульдер пациенттердің өмірлік маңызды көрсеткіштерін бақылауға арналған, атап айтқанда: жүрек соғу жиілігі, артериялық қысым, қандағы оттегі деңгейі (SpO₂), электрокардиограмма (ЭКГ) және дене температурасы. Мұндай жабдықты өлшеу дәлдігі расталмай қолдану клиникалық шешім қабылдауға тікелей әсер етіп, пациенттердің қауіпсіздігіне қауіп төндіреді.Тексеру нәтижесінде медициналық ұйым қызметінде Қазақстан Республикасының «Өлшем бірлігін қамтамасыз ету туралы» заңының 17 және 19-баптарының талаптары бұзылғаны анықталды. Анықталған фактілер тексеру материалдарымен расталды.Бақылау іс-шараларының қорытындысы бойынша анықталған бұзушылықтарды жою туралы орындалуы міндетті нұсқама берілді. Жабдықтарды пайдалану заң талаптарына толық сәйкестікке келтірілуі тиіс.Жіберілген бұзушылықтар үшін мекеме Қазақстан Республикасының Әкімшілік құқық бұзушылық туралы кодексінің 419-бабы бойынша әкімшілік жауапкершілікке тартылды. Айыппұл мөлшері 600 АЕК (2 595 000 теңге) болып, белгіленген тәртіпте төленді.Департамент метрологиялық бақылау талаптарын сақтау міндетті екенін және оның пациенттердің қауіпсіздігін қамтамасыз етумен тікелей байланысты екенін атап өтті. Белгіленген нормалардан кез келген ауытқуға жол берілмейді.Ақпарат көзі : https://www.gov.kz/memleket/entities/mti/press/news/details/1210598?lang=kk

Қырғызстан астанасында Шанхай ынтымақтастық ұйымына мүше мемлекеттер қорғаныс ведомстволары басшыларының кеңесі өтті. Оған ШЫҰ-ның Бас хатшысы қатысты.Күн тәртібінде әскери ынтымақтастықты дамыту, халықаралық терроризмге қарсы іс-қимыл және ШЫҰ кеңістігіндегі тұрақтылықты нығайту мәселелері қаралды.Қазақстан Қорғаныс министрі авиация генерал-лейтенанты Дәурен Қосанов өз баяндамасында мемлекеттің өңірлік қауіпсіздікті нығайтуға, ШЫҰ аясындағы өзара іс-қимылды дамытуға және қазіргі заманғы сын-қатерлер мен қауіптерге қарсы бірлескен шараларды жетілдіруге қатысты ұстанымдарын атап өтті.Іс-шара барысында қатысушылар қорғаныс ведомстволары арасындағы практикалық ынтымақтастықты кеңейту перспективаларын талқылап, күн тәртібіндегі халықаралық және өңірлік өзекті мәселелер бойынша пікір алмасты. Кеңес қорытындысы бойынша ШЫҰ-ға мүше мемлекеттер Қорғаныс министрліктерінің 2027 жылға арналған ынтымақтастық жоспары бекітілді.Ақпарат көзі : https://www.gov.kz/memleket/entities/mod/press/news/details/1210600?lang=kk

8-12 сәуір аралығында Астана қаласында *«Ғылым әлемін ашамыз»* ғарыштық зерттеулер бойынша халықаралық ғылыми конкурста Бесқарағай ауданы білім бөлімінің Н. Баймұратов атындағы орта мектебінің оқушысы Алекпаров Алмат Қуатұлы жоғары нәтиже көрсетіп, жүлделі І дәрежелі диплом және медальмен Қазақстан Республикасының Оқу-ағарту министрі Жұлдыз Досбергенқызы Сүлейменованың қолынан марапатталды.Ақпарат көзі : https://www.gov.kz/memleket/entities/beskaragay-roo/press/news/details/1210605?lang=kk

2026 жылы 21 сәуір күні Жыланды негізгі мектебінде Облыстық «Үздік әлеуметтік педагог – 2026» конкурсының аудандық кезеңі өтті.Жеңімпаздары:I орын — Молдашева К. Б, «Қ. Рысқұлбеков атындағы орта мектебі» КММII орын — Кобентаева Г.А, «Глуховка орта мектебі» КММIII орын — Егорова Л.М., «Канонерка орта мектебі» КММБарлық қатысушыларды құттықтаймыз!Ақпарат көзі : https://www.gov.kz/memleket/entities/beskaragay-roo/press/news/details/1210607?lang=kk