Бүгін аудан әкімі Жандос Еркінбектің төрағалығымен кезекті мәжіліс өтіп, күн тәртібінде Жасанды интеллект негізіндегі мемлекеттік көрсетілетін қызметтердің экожүйесі туралы мәселелер қаралды.2026 жылдың қаңтар-шілде айлары аралығында аудан әкімдігіне қарасты мекемелер тарапынан 3193 мемлекеттік қызмет көрсетілсе, оның 99 пайызы электронды түрде ұсынылған. Есепті кезеңде мемлекеттік қызмет көрсету бойынша заң бұзушылықтар тіркелмеген және сапасына қатысты арыз-шағымдар түспеген. Аудан басшысы бұл бағыт аясында кемшілік болмас үшін, жұмысты күшейтуді тапсырды.Білім беру нысандарының жаңа оқу жылына дайындығы аудан басшысының ерекше назарында. Қазір аудан бойынша бірқатар мектептерде жәй және ағымдағы жөндеу жұмысына облыстық бюджеттен қаржы бөлініп, жұмыс жүргізілуде. Осыған байланысты аудандық білім бөліміне оқу жылы басталғанға дейін толық әрі сапалы аяқталуды және нысандардың жылу беру маусымына дайындығын қамтамасыз ету тапсырылды.Азаматтармен ашық диалог орнату – басты міндет. Сондықтан мәжілісте аудан басшысының тұрғындармен кездесуінде азаматтар тарапынан көтерілген мәселелердің орындалу барысы да талқыланды. Осыған байланысты аудан бойынша атқарылуы қажет жұмыстар мен халықтың тұрмыс сапасына әсер ететін мәселелер және оларды шешу жолдары бойынша жауапты сала басшыларға бірқатар тапсырмалар жүктелді.— Тұрғындар тарапынан көтерілген әрбір мәселе назардан тыс қалмауы керек. Берілген тапсырмалардың орындалуы мен сапасына жауапты басшылар тікелей бақылау жүргізіп, атқарылған жұмыстар бойынша уақытылы ақпарат беруді қамтамасыз етсін. Салаға жауапты аудан әкімінің орынбасарлары тапсырмалардың орындалуын бақылауда ұстасын, — деп Жандос Еркінбек мәжілісті қорытындылады.Ақпарат көзі : https://www.gov.kz/memleket/entities/kyzylorda-karmakshy/press/news/details/1272426?lang=ru

Абай күні сайлауалды күн тәртібіне мәдени мұра мен қоғамдық бірегейлікті қалыптастыратын құндылықтарға қатысты жаңа мазмұн қосты. Сонымен қатар партиялар тұрғындармен және кәсіпорын ұжымдарымен кездесіп, экология, өндірісті дамыту, инфрақұрылым, әлеуметтік мәселелер мен еңбек жағдайларын талқылады.«Әділет» партиясының республикалық сайлауалды штабының басшысы Айбек Дәдебай бастаған топ Абай облысының тұрғындарымен кездесті. Сапар бағдарламасы Семейдегі Абай Құнанбайұлының ескерткішіне гүл шоқтарын қоюдан басталды. Тұрғындармен кездесуде кандидаттар тұрғын үйдің қолжетімділігі, жеңілдетілген ипотекалық несие беруді дамыту, медициналық көмектің сапасын арттыру, азық-түлік импортына тәуелділікті азайту, сондай-ақ қазақстандықтарды жасанды интеллект технологияларымен жұмыс істеуге дайындау мәселелерін талқылады. Өз кезегінде облыс тұрғындары өңірдегі ең өзекті мәселелерді, атап айтқанда, жылу және су құбырлары желілерінің тозуын, Семей ядролық полигонындағы сынақтардан зардап шеккен азаматтарды әлеуметтік қорғау мәселелерін, ғылымды дамыту және инфрақұрылымды жаңғырту қажеттігін көтерді. Кездесу соңында партияның жаңа мүшелеріне партиялық билеттер табысталды.Жалпыұлттық социал-демократиялық партия Астанада «Гендерлік теңдік – шынайы демократия» атты республикалық сайлауалды форумын өткізді. Талқылауға партиядан Құрылтай депутаттығына кандидаттар, гендерлік саясат саласындағы сарапшылар, ҮЕҰ өкілдері және көпбалалы аналар қатысты. Партия төрағасы Асхат Рахимжанов сайлауда қолданылатын гендерлік квота мен ерлер мен әйелдердің еңбекақысындағы айырмашылық туралы айтып, партияның тұрмыстық зорлық-зомбылыққа қарсы заң және «PANA» партиялық жобасы бойынша жүргізіп жатқан жұмысына тоқталды.«Байтақ» партиясы Өскеменде кандидат Алмаз Джакишевтің бастамасымен сенбілік өткізді. Қатысушылар Ертіс өзенінің жағалауы мен Куленовка су қорғау аймағынан 140 қап қоқыс жинады. Алакөл мемлекеттік табиғи қорығында табиғатты қорғау, биоалуантүрлілік және экологиялық туризмді дамыту мәселелері бойынша дөңгелек үстел өтті. Ақтөбе облысында кандидат Айман Сексенова Сарыжар ауылының тұрғындарымен кездесті. Ал Маңғыстау облысында партия өкілдері «Қазақстан темір жолы» кәсіпорнының қызметкерлерімен кездесіп, еңбек жағдайы, еңбекақы және медициналық қамтамасыз ету мәселелерін талқылады.Қазақстан халық партиясы бірнеше бағыт бойынша іс-шаралар өткізді. Кандидаттар Әлімбек Ағибаев пен Евгений Миронов Теренкөл ауданының орталық аудандық ауруханасының ұжымымен кездесіп, медицина қызметкерлерінің еңбек жағдайы мен ауылдық жерлердегі медициналық көмектің қолжетімділігін талқылады. Риддерде партия өкілдері «Фирма Эталон» жол-құрылыс кәсіпорнының еңбек ұжымымен кездесті. Күннің тағы бір маңызды оқиғасы – партияның сайлауалды бағдарламасындағы 19 міндетке арналған «Халықтық траверс» жобасы аясында қазақстандық альпинистердің Іле Алатауындағы 19 шыңға көтерілуі болды.«Ауыл» партиясы Шығыс Қазақстан облысына жұмыс сапарын ұйымдастырды. Онда кәсіпорын өкілдерімен, экологтармен, ҮЕҰ және ерекше қажеттіліктері бар балалардың ата-аналарымен кездесулер өтті. Инфрақұрылым, әлеуметтік сала, экологиялық қауіпсіздік және ауыл шаруашылығын дамыту мәселелері талқыланды. Құрылтай депутаттығына кандидат Алмас Мұхаметов азық-түлік қауіпсіздігін қамтамасыз етудегі ғылыми ортаның рөліне арналған дөңгелек үстелде сөз сөйледі.«Ақ жол» батыс және солтүстік өңірлердегі сайлауалды кездесулерін жалғастырды. Батыс Қазақстан облысының Қаратөбе ауданынан Астанаға велосипедпен келген мұғалім Асылбек Айболатов Ақтөбе, Қостанай және Ақмола облыстары арқылы жүріп өткен. Жол бойында ол елді мекен тұрғындарымен кездесіп, олардың өтініш-тілектерін жинап, партия басшылығына табыстады. Сапар қорытындысы бойынша Асылбек Айболатов партия қатарына қабылданды. Маңғыстау облысында Бейнеу аудандық мәслихатының депутаты Райымбек Түзелов бастаған үгіт тобы Сарға ауылының тұрғындарымен кездесті.«Respublica» партиясының Айдарбек Қожаназаров бастаған республикалық үгіт тобы Маңғыстау облысына барды. Ақтауда кандидаттар OPTIMUM жобалау институтына, «WEST HIM TECHNOLOGY» ЖШС өндірістік цехына және Маңғыстау өңірлік электр желілік компаниясына барып, бизнесті және отандық өндірісті дамыту мәселелерін талқылады. Талдықорғанда партия штабы «Ажар» тігін фабрикасының қызметкерлерімен және «Алматинские краски» ЖШС жұмысшыларымен кездесті. Кездесулерде еңбекақы, еңбек жағдайы, импорттық шикізатқа тәуелділік және мемлекеттік сатып алуларға қол жеткізу мәселелері сөз болды.

Берешек қай кезде туындайды?Берешек әлеуметтік төлемдер:- төленбеген;- толық төленбеген;- белгіленген мерзім бұзыла отырып аударылған жағдайда түзіледі.Бұл мыналарға қатысты:- міндетті зейнетақы жарналары;- жұмыс берушінің міндетті зейнетақы жарналары (ЖБМЗЖ);- міндетті кәсіптік зейнетақы жарналары (МКЗЖ);- әлеуметтік аударымдар;- МӘМС жарналары мен аударымдары.Мерзімі өткен кезде не болады?Төлем мерзімі өтіп кеткен жағдайда:- берешек өндіріп алуға жатады;- мерзімі өткен әрбір күн үшін өсімпұл есептеледі.Өсімпұл мөлшері: Берешек өтелген күнді қоса алғанда, мерзімі өткен әрбір күн үшін ҚР Ұлттық Банкінің базалық мөлшерлеменің 1,25 еселенген мөлшері.Хабарлама қай кезде жіберіледі?- Әлеуметтік төлемдер бойынша берешек болған кезде- Әлеуметтік төлемдер бойынша берешек сомасы 6 АЕК-тен асқан жағдайдаХабарлама жіберу мерзімі: берешек туындаған күннен бастап 5 жұмыс күні ішінде. Төлеуге қанша уақыт беріледі?Хабарламаны алғаннан кейін берешекті 15 жұмыс күні ішінде өтеу қажет.Өз еркімен өтеу мәжбүрлеп өндіріп алу шараларын қолдануға жол бермейді.Берешек өтелмесе не болады?Мемлекеттік кірістер органдары мәжбүрлеп өндіріп алу шараларын қолдануға құқылы:- банктік шоттар бойынша шығыс операцияларын тоқтата тұру;- касса бойынша шығыс операцияларын тоқтата тұру;- борышкердің банктік шоттарына инкассалық өкімдер қою арқылы берешекті өндіріп алу.Сот орындаушылары қашан іске кіріседі?Атқарушылық құжат болған кезде берешекті өндіріп алу «Атқарушылық өндіріс және сот орындаушыларының мәртебесі туралы» ҚР Заңында белгіленген тәртіппен жүзеге асырылады.Сот орындаушысы берешек толық өтелгенге дейін құжатты орындау бойынша шаралар қабылдайды.Берешектің пайда болуына қалай жол бермеуге болады?- әлеуметтік төлемдерді уақтылы аударыңыз;- бюджетпен есеп айырысуларды жүйелі түрде салыстырып тексеріңіз;- берешектің түзілуіне жол бермеңіз;- хабарлама алған кезде берешекті өз еркіңізбен өтеңіз.Ақпарат көзі : https://www.gov.kz/memleket/entities/kgd-astana/press/news/details/1272416?lang=ru

Рияд, 2026 жылғы 10 тамыз – Қазақстан Республикасының Сауд Арабиясы Корольдігіндегі Елшісі Мадияр Меңілбеков Сауд Арабиясы Ішкі істер министрінің орынбасары Халид Әл-Батталмен кездесу өткізді.Кездесу барысында тараптар екі мемлекеттің ішкі істер министрліктері арасындағы екіжақты ынтымақтастықты дамыту мәселелерін талқылады. Атап айтқанда, қол қоюға дайындалған екіжақты құжаттардың барысы мен алдағы өзара сапарларды ұйымдастыру кестесі қарастырылды.Сонымен қатар, кездесу аясында сауд тарапына Қазақстан Республикасы мен Сауд Арабиясы Корольдігі арасындағы дипломатиялық және қызметтік (арнайы) паспорттардың иелерін визалық талаптардан босату туралы келісімнің үстіміздегі жылдың тамыз айының екінші жартысынан бастап ресми түрде күшіне енетіні туралы ақпарат берілді.Тараптар екі ел арасындағы құқықтық және қауіпсіздік саласындағы өзара іс-қимылды одан әрі нығайтуға дайын екендіктерін растады.Ақпарат көзі : https://www.gov.kz/memleket/entities/mfa-riyadh/press/news/details/1272395?lang=ru

2026 жылғы 1 қаңтардағы жағдай бойынша Қазақстан халқының саны шамамен 20,5 млн адамға жетті. Оның ішінде 25 жасқа дейінгі азаматтар – 8,79 млн адам (42,9%), 25 жастан 65 жасқа дейінгілер – 9,73 млн адам (47,5%), 65 жастан асқандар – 1,98 млн адам (9,6%)[1]. Демографиялық болжамдарға сәйкес, 2050 жылға қарай халық саны 26,5 млн адамға дейін өседі.Қазақстан халқы санының өсуімен қатар оның жас құрылымы да өзгеруде: өмір сүру ұзақтығы артып, туу деңгейі төмендеп, егде жастағы азаматтардың үлесі өсуде, сондай-ақ еңбекке қабілетті халық санының зейнеткерлер санына арақатынасы қысқаруда. Бұл өзгерістер елдің әлеуметтік-экономикалық жүйесіне, оның ішінде зейнетақы жүйесіне елеулі ықпал етуде.Демография мен еңбек нарығындағы жаһандық үрдістерді ескере отырып, Мемлекет басшысы өз Жолдауында «зейнетақы жүйесінің қаржылық тұрақтылығын нығайту, ұзақ мерзімді теңгерімді және зейнетақылардың лайықты деңгейін қамтамасыз ету жөнінде шаралар қабылдау» міндетін қойды. Өмір сүру ұзақтығы және егде жастағы адамдардың үлесіКүтілетін өмір сүру ұзақтығы (КӨСҰ)[2] 2020-2021 жылдары COVID-19 індетіне байланысты төмендеген 2021 жылғы 70,23 жастан 2025 жылы 75,97 жасқа дейін өсті.Осындай үрдіс жаһандық деңгейде де байқалады: Дүниежүзілік денсаулық сақтау ұйымының (ДДҰ) бағалауынша, індет кезінде 71,4 жасқа дейін төмендеген әлемдегі орташа күтілетін өмір сүру ұзақтығы 2025 жылға қарай індетке дейінгі деңгейіне қайта оралып, орта есеппен 73,8 жасқа жетті.Осылайша, Қазақстан күтілетін өмір сүру ұзақтығы көрсеткішінің өсуі бойынша әлемдік көшпен бірге жылжып келеді (кестені қараңыз):Жыл20152016201720182019202020212022202320242025Бүкіл халық (жасы)71,9772,4172,9573,1573,1871,3770,2374,4475,0975,4475,97Ерлер (жасы)67,4967,9968,7268,8468,8267,0966,3370,2670,9971,3372,91Әйелдер (жасы)76,2676,6176,9277,1977,375,5374,0378,4179,0679,4279,8Бұл ретте егде жастағы халық үлесінің айтарлықтай өсуі болжанады. БЖЗҚ мен Біріккен Ұлттар Ұйымының (БҰҰ) болжамдарына сәйкес, 2050 жылға қарай 60 және одан жоғары жастағы азаматтардың үлесі Қазақстандағы халықтың жалпы көлемінің 18,8% - на жетеді, бұл халықаралық жіктеу бойынша "демографиялық кәріліктің өте жоғары деңгейі" көрсеткішіне сәйкес келеді. Басқаша айтқанда, ғасырдың ортасына қарай орта есеппен әрбір алтыншы қазақстандық 60 жастан асқан болады. Халықтың жалпы көлеміндегі 60 және одан үлкен жастағыадамдардың үлес дерегі мен болжамыТуудың жиынтық коэффициентіХалықтың құрылымына айтарлықтай әсер ететін көрсеткіштердің бірі – туудың жиынтық коэффициенті (ТЖК). Ол бір әйелдің бүкіл репродуктивтік кезеңі ішінде (яғни шамамен 15 жастан 50 жасқа дейін) орта есеппен қанша бала туатынын көрсетеді.2020–2021 жылдардағы ТЖК-нің қалыпты өсуінен кейін, оның тұрақты төмендеу үрдісі байқалды: 2021 жылғы 3,32-ден 2022 жылы 3,06-ға дейін, ал 2025 жылы 2,57-ге дейін төмендеді. БҰҰ-ның ұзақ мерзімді болжамына сәйкес, 2050 жылға қарай Қазақстандағы ТЖК-нің бір әйелге шаққанда 2,39 бала деңгейіне дейін төмендейді.Қазақстандағы 2015–2025 жылдар аралығындағы ТЖК-нің нақты мәндері төмендегі кестеде көрсетілген:Жыл201520162017201820192020202120222023 20242025ТЖК2,742,772,752,842,903,133,323,062,97 2,802,57Туу деңгейінің төмендеуі – әлемдік деңгейде байқалып отырған үрдіс. Бұл өмір сүру ұзақтығының артуымен қатар жүріп, еңбекке қабілетті жастағы халық үлесінің қысқаруына алып келеді. Соның салдарынан экономикалық белсенді халыққа түсетін демографиялық жүктеме артады. Көші-қон сальдосы[3]Қазақстандағы БҰҰ-ның Халықтың қоныстануы саласындағы қорының (UNFPA) өкілдігі «Қазақстан Республикасындағы халықтың ахуалын талдау» атты есебінде 2050 жылға қарай көші-қон сальдосының біртіндеп нөлдік деңгейге (1000 адамға шаққанда 0) жететінін болжайды. Бұл болжам республиканың еңбек күшіне деген жоғары сұраныспен қатар жүретін экономикалық дамуына, этникалық эмиграция әлеуетінің біртіндеп сарқылуына, сондай-ақ Қазақстанның оңтүстігіндегі елдер халқының жылдам өсуіне негізделген.Төменде 2021–2025 жылдар аралығындағы иммигранттар мен эмигранттар саны келтірілген:Жыл2 0212 0222 0232 0242 025Келді11 03917 42525 38729 28223 761Кетті32 25624 14716 09412 7327 608Көші-қон сальдосы-21 217-6 7229 29316 55016 153Осылайша, індеттен кейін Қазақстанға келушілердің жыл сайынғы саны 2021 жылдан бастап 2,15 есе өсті, ал кеткендердің саны 4,24 есе азайды. Әлеуетті қолдау коэффициентіӘлеуетті қолдау коэффициенті (ӘҚК) – әлемде еңбекке қабілетті жастағы адамдар санының (25-тен 64 жасқа дейін) 65 жастағы және одан асқан адамдар санына қатынасы ретінде есептелетін көрсеткіш. Бұл коэффициенттің төмендеу үрдісі жалғасып келеді.Еңбекке қабілетті жастағы адамдардың (25–64 жас) егде жастағы адамдарға (65 жас және одан жоғары) арақатынасы 2012 жылғы 7,68-ден 2025 жылы 4,95-ке дейін төмендеді. Егде жастағы халық санының күтілетін өсімін 25-тен 64 жасқа дейінгі халық үлесінің қысқаруымен ұштастыра отырып (диаграмманы қараңыз) жасалған болжамдарға сәйкес (БЖЗҚ-да, БҰҰ-да), Қазақстанда 2025-2050 жылдар кезеңінде ӘҚК 1,4 еседен астам төмендейтінін білдіреді: 65+ жастағы 1 адамға шаққанда еңбекке қабілетті жастағы 3,42 адам ғана келеді.  Әлеуетті қолдау коэффициенті бойынша нақты дерек пен болжам  Осылайша, бүкіл әлемдегідей, Қазақстандағы демографиялық өзгерістер де ел бюджетіне түсетін әлеуметтік жүктемені күшейтетін болады. Мұндай жағдайда жинақтаушы зейнетақы жүйесінің маңызы арта түседі. Бұл жүйеде болашақ зейнетақы жұмыскер мен жұмыс берушінің жарналары есебінен қалыптастырылады, соның нәтижесінде бюджетке ұзақ мерзімді кейінге қалдырылған міндеттемелер жүктелмейді, зейнетақы жүйесінің теңгерімділігі мен қаржылық тұрақтылығы қамтамасыз етіледі және оның демографиялық факторларға тәуелділігі төмендейді. Демографиялық өзгерістер жағдайындағы жеке зейнетақыны жоспарлауДемографиялық өзгерістер (халықтың қартаюы, өмір сүру ұзақтығының артуы, бала туу деңгейінің төмендеуі) жағдайында жеке зейнетақыны жоспарлаудың рөлі артып келеді.Жинақтаушы зейнетақы жүйесі азаматтарға тұрақты жарналар мен инвестициялық кіріс есебінен өздерінің болашақ зейнетақы түріндегі табыстарына өз бетінше ықпал етуге мүмкіндік береді.2026 жылғы 7 қыркүйектен бастап күшіне енетін Қазақстан Республикасының Әлеуметтік кодексіне енгізілген өзгерістер зейнетақы жинақтарын басқарудың қосымша мүмкіндіктерін ұсынады. БЖЗҚ салымшылары өздерінің зейнетақы жинақтарының 100%-ына дейін инвестициялық портфельді басқарушыларға (ИПБ) сенімгерлік басқаруға бере алады. Бұдан басқа, әрбір ИПБ тәуекел деңгейі, күтілетін кірістілігі және инвестициялар құрылымы бойынша ерекшеленетін үш инвестициялық портфельге дейін (консервативті, қалыпты және тәуекелі жоғары) ұсына алады. Бұл салымшыларға өздерінің қаржылық мақсаттарына сәйкес келетін инвестициялық стратегияны таңдауға мүмкіндік береді.ҚРҰБ мен ИПБ-ның инвестициялау нәтижелері туралы толық ақпаратты БЖЗҚ-ның invest.enpf.kz арнайы порталынан алуға болады. Зейнетақыны болжау және жоспарлау үшін БЖЗҚ екі ыңғайлы сервис – «Зейнетақы калькуляторы» және «Дербес зейнетақы жоспарын» ұсынады. Олар БЖЗҚ сайтында және мобильді қосымшасында қолжетімді. Осы сервистердің көмегімен болашақ зейнетақы мөлшерін есептеп, келешек кірісті арттырудың ықтимал жолдарын анықтауға болады. [1] Қазақстан Республикасы Стратегиялық жоспарлау және реформалар агенттігі Ұлттық статистика бюросының (ҚР СЖРА ҰСБ) деректері бойынша[2] Халықтың өлім-жітім деңгейі қарастырылып отырған жылғыдай сақталған жағдайда, адамның орташа өмір сүру ұзақтығының күтілетін мәні[3] Белгілі бір кезең ішінде қандай да бір аумаққа келгендер саны мен одан кеткендер (қоныс аударғандар) санының арасындағы айырмашылық.Ақпарат көзі : https://www.gov.kz/memleket/entities/akimat-beyneu/press/news/details/1273523?lang=ru

Саяхат — жаңа жерлерді танып, ерекше әсер алудың тамаша мүмкіндігі. Алайда әрбір саяхатшы өз құқықтары мен міндеттерін білуі маңызды.📌 Қазақстан Республикасының «Қазақстан Республикасындағы туристік қызмет туралы» 2001 жылғы 13 маусымдағы №211 Заңына сәйкес, турист саяхат кезінде Қазақстан заңнамасын сақтауға, уақытша болатын жердің заңдары мен дәстүрлерін құрметтеуге, табиғи, тарихи және мәдени мұраларға ұқыпты қарауға, қоршаған ортаға зиян келтірмеуге және қауіпсіздік ережелерін сақтауға міндетті.📌 Сонымен бірге әр туристің өз құқықтары бар. Турист қауіпсіздікке, қажетті әрі дұрыс ақпарат алуға, сапалы туристік қызметтерді еркін таңдауға, консулдық және дипломатиялық көмек алуға, сондай-ақ қажетті медициналық және басқа да көмек түрлерін алуға құқылы. Ақпарат көзі : https://www.gov.kz/memleket/entities/mangystau-tourism/press/news/details/1272299?lang=ru

2026 жылғы 7 тамызда Шығыс Қазақстан облысында мемлекеттік қызметкерлер арасында шахматтан өңірлік іріктеу турнирі өтті. Іс-шараға зияткерлік және стратегиялық ойлау қабілеттерін және спорттық рухын танытқан мемлекеттік органдардың өкілдері қатысты. Өңірлік кезеңнің жеңімпаздары облыс атынан жыл сайынғы республикалық «FINANCE CHESS CUP – 2026» шахмат турниріне қатысады.Шахмат турнирінің қорытындысы бойынша жоғары дайындық деңгейі мен шеберлігін көрсеткен Шығыс Қазақстан облысы бойынша Мемлекеттік кірістер департаментінің ҚҚС салық аудиті бөлімінің басшысы Алмас Чиликбаев және Экспорттық бақылау бөлімінің бас маманы Нұрлан Қоныспаев іріктеу кезеңінен сәтті өтіп, үздік қатысушылардың қатарына енді.Өңірлік іріктеу турнирінің жеңімпаздары Шығыс Қазақстан облысының атынан 2026 жылғы 30-31 қазанда Астана қаласында өтетін жыл сайынғы «FINANCE CHESS CUP – 2026» шахмат турниріне қатысады.Қатысушыларымызға сәттілік тілейміз! Облысымыздың намысын республикалық деңгейде абыроймен қорғап, жоғары нәтиже көрсетулеріне тілектеспіз!Ақпарат көзі : https://www.gov.kz/memleket/entities/kgd-vko/press/news/details/1272261?lang=ru

Астана, 2026 жылғы 11 тамыз – Қазақстан Республикасы Сыртқы істер министрінің орынбасары Арман Исағалиев Палестина Мемлекетінің Қазақстандағы Елшісі, дипломатиялық корпус дуайені Монтасер Абу Зейдпен кездесу өткізді.Кездесу барысында тараптар Қазақстан-Палестина ынтымақтастығының қазіргі жай-күйі мен даму перспективаларын талқылап, екіжақты қатынастардың қарқынын және оларды одан әрі дамытуға деген өзара мүдделілікті атап өтті. Саяси, гуманитарлық және өзара қызығушылық тудыратын өзге де салалардағы ынтымақтастықты кеңейтуге ерекше назар аударылды.Сұхбаттастар өңірлік және халықаралық күн тәртібіндегі өзекті мәселелер, соның ішінде Таяу Шығыстағы ахуал жөнінде мазмұнды пікір алмасты.Кездесу қорытындысы бойынша тараптар серіктестікті одан әрі тереңдетуге және бірлескен бастамаларды тиімді ілгерілетуге бағытталған тұрақты әрі сенімді диалогты жалғастыруға бейілділігін растады.Ақпарат көзі : https://www.gov.kz/memleket/entities/mfa/press/news/details/1272221?lang=ru

15-16 тамыз күндері Құрманғазы ауданының Теңіз ауылында «LOTUSFEST-2026» фестивалі өтеді. Былтыр алғаш рет ұйымдастырылған фестивальге 5 мыңға жуық турист келген. Биыл олардың саны екі есеге артып, 10 мыңға жуық қонақтың қатысуы күтілуде, - - деп хабарлайды Өңірлік коммуникациялар қызметі.Екі күнге жоспарланған фестиваль аясында эстрада жұлдыздарының қатысуымен концерттер ұйымдастырылып, спорттық жарыстар мен түрлі ойын-сауық бағдарламалары өтеді.Фестивальдің алғашқы күнінде облыстық туристік жарыс ұйымдастырылады. Қатысушылар фестиваль аумағында түнеп, келесі күнгі бағдарламаға қатысады.15 тамызда «LOTUS FLOTILLA» қайықтар шеруі өтіп, «LotusRUN» марафоны ұйымдастырылады. Марафоншылар Жамбыл ауылынан фестиваль өтетін аумаққа дейін жүгіреді. Одан кейін фестивальдің ресми ашылу салтанаты өтеді.Ашылу бағдарламасында театрландырылған композиция, этно-фольклорлық және хореографиялық ұжымдар мен қазақ эстрадасының әншісі Қуандық Рахым өнер көрсетеді.Ал кешкі гала-концертте «MELOMEN» тобы, BYTANAT, АЛХАМ, TURAR және Н. Жантөрин атындағы облыстық филармония өнерпаздарының қатысуымен гала-концерт өтеді.* Фестивальдің екінші күнінде де мерекелік бағдарлама жалғасады. Онда Еркебұлан Құмар, Ғаділбек Жанай, НҰРЛАН мен МҰРАТ және «Заман» тобының өнерін тамашалауға болады, - деді Теңіз ауылының әкімі Мұрадым Мұзафар.Фестиваль аумағында фотозоналар, балаларға арналған ойын алаңы, қолөнер шеберлерінің жәрмеңкесі, сауда павильондары мен фуд-корт жұмыс істейді. Қонақтар қайықпен серуендеп, табиғат аясында демала алады.Ақпарат көзі : https://www.gov.kz/memleket/entities/atyrau/press/news/details/1272205?lang=ru

Сыртқы істер министрінің бірінші орынбасары Ержан Ашықбаев Қытай Халық Республикасының Қазақстан Республикасындағы Елшісі Хань Чунлиньді қабылдады.Кездесу барысында тараптар көпжақты форматтар шеңберіндегі Қазақстан-Қытай ынтымақтастығының өзекті мәселелерін талқылап, өңірлік және халықаралық күн тәртібіндегі негізгі мәселелер бойынша пікір алмасты.Е. Ашықбаев ядролық қарусыздану мен таратпау күн тәртібіне ерекше назар аударып, 2026 жыл аталған салада бірқатар атаулы күндермен белгіленгенін атап өтті. 29 тамызда Семей сынақ полигонының жабылғанына 35 жыл, 8 қыркүйекте Орталық Азиядағы ядролық қарудан азат аймақ туралы шартқа (Семей шарты) қол қойылғанына 20 жыл, ал 24 қыркүйекте Ядролық сынақтарға жаппай тыйым салу туралы шарттың қол қою үшін ашылғанына 30 жыл толады.ҚХР Елшісі Хань Чунлинь қытай тарапының өзара мүдделі барлық бағыттар бойынша өзара іс-қимылды одан әрі дамытуға дайындығын растады.Кездесу соңында тараптар тұрақты саяси диалогты қолдауға және қазақ-қытай серіктестігін кеңейту бойынша жұмысты жалғастыруға келісті.Ақпарат көзі : https://www.gov.kz/memleket/entities/mfa/press/news/details/1272202?lang=ru

«10 тамыз – Абай күні» аясында Шымсити паркінде «Адамзаттың перзенті – Ұлы Абай» атты концерттік кеш өтті. Шымкент қаласының өнер ұжымдары мен танымал орындаушылары қала тұрғындары мен қонақтарына Абайдың халық сүйіп тыңдайтын музыкалық туындыларын шырқап, арнайы дайындалған концерттік бағдарлама ұсынды.  Іс-шараның мақсаты - хакімнің шығармашылығын кеңінен насихаттау, көркем әдебиетті, поэзияны, әндерін сүйіп тыңдайтын қала тұрғындарының рухани танымын кеңейту, театр құндылықтарын көрсете отырып көрермендер қатарын арттыру.Кеш барысында қазақтың ұлы ақыны, ойшылы Абай Құнанбайұлының шығармашылығынан әндер орындалды.Атап айтқанда, Шымкент қалалық Ж.Шанин атындағы қазақ дарама театрының әртістері «Абай ауылы» прологын көркем түрде көрсетіп, “Шымкент концерт” концерттік ұйымы және Шымкент қалалық опера және балет театрының әншілерінің орындауында Л.Хамиди, А.Жұбановтың «Абай» операсынан «Тойбастар», Хор әртістерінің орындауында «Қарлығаш» және Абайдың «Айттым сәлем Қаламқас», «Желсіз түнде жарық ай», «Көзімнің қарасы» т.б. әндері шырқалды.Іс-шарада қала тұрғындар мен қонақтары хакімнің қара сөздері мен поэзиясынан қуат алып, керемет әсерге бөленді. Абай мұрасы - өшпес қазына. Бүгін шаһарда ұлы ақын, ойшыл, Абай Құнанбайұлының бай рухани мұрасын дәріптеуге бағытталған бірқатар іс-шаралар өткізіліп, мереке кең көлемде аталып өтті.

Бүгін Қазақстан Республикасы Қаржы министрлігі Ішкі мемлекеттік аудит комитетінің төрағасы Ержан Мыңжасаров Комитет ұжымына жаңа төраға орынбасары Олжас Нукаевты таныстырды.Олжас Нукаев 1985 жылы Өскемен қаласында дүниеге келген. С. Аманжолов атындағы Шығыс Қазақстан мемлекеттік университетін «Қаржы» мамандығы бойынша тәмамдаған. Қаржы академиясында алған қаржы магистрі дәрежесі бар.Олжас Нукаев мемлекеттік аудит саласындағы еңбек жолын 2011 жылы Шығыс Қазақстан облысы бойынша Қаржылық бақылау инспекциясында ревизор қызметінен бастаған.Мемлекеттік аудит жүйесінде еңбек еткен жылдары ревизордан бастап басшылық лауазымдарға дейінгі кәсіби жолдан өтті.2019–2022 жылдары Шығыс Қазақстан облысы бойынша Ішкі мемлекеттік аудит департаменті басшысының орынбасары қызметін атқарды.2022 жылдан бастап Олжас Нукаев Ішкі мемлекеттік аудит комитетінде жұмысын жалғастырып, Тәуекелдерді басқару басқармасының басшысы қызметін атқарды.Жаңа қызметінде мемлекеттік аудитті цифрлық дамыту және талдау мәселелерін, сондай-ақ SMART AUDIT QAZAQSTAN (SAQ) жобасын енгізуді қоса алғанда, стратегиялық бастамаларды іске асыруға жетекшілік етеді.Ақпарат көзі : https://www.gov.kz/memleket/entities/kvga/press/news/details/1272247?lang=ru

«Қазақстан Республикасы азаматтарының төлем қабілеттілігін қалпына келтіру және банкроттығы туралы» Заңы қаржылық қиындыққа тап болғандар үшін екі негізгі жолды ұсынады. Олардың басты айырмашылықтары төмендегідей: 🔹 1. СОТТАН ТЫС БАНКРОТТЫҚ (Шағын борыштар үшін) Бұл процедура соттың қатысуынсыз, уәкілетті орган арқылы жүзеге асырылады.Борыш сомасы: Республикалық бюджет туралы заңмен белгіленген 1600 еселенген айлық есептік көрсеткіштен (АЕК) аспауы тиіс.Мүлік: Борышкердің меншік құқығында, соның ішінде ортақ меншікте мүлкі болмауы керек.Кредиторлар: Тек банктер, микроқаржы ұйымдары (МҚҰ) және коллекторлық агенттіктер алдындағы міндеттемелер бойынша қолданылады.Қайда жүгіну керек: «Азаматтарға арналған үкімет» мемлекеттік корпорациясы, «цифрлық үкімет» веб-порталы немесе арнайы мобильді қосымша арқылы.Мерзімі: Сведения орналастырылған күннен бастап 6 айды құрайды.🔹 2. СОТ АРҚЫЛЫ БАНКРОТТЫҚ (Ірі борыштар мен мүлік болған жағдайда) Іс борышкердің тұрғылықты жері бойынша сотта қаралады.Борыш сомасы: Әдетте 1600 еселенген АЕК-тен асады. Егер азамат соттан тыс банкроттық шарттарына сәйкес келмесе (мысалы, мүлкі болса), аз сомамен де жүгіне алады.Мүлік: Кредиторлардың талаптары борышкердің мүліктік массасы есебінен қанағаттандырылады.Кредиторлар: Барлық кредиторлар, соның ішінде жеке тұлғалар мен басқа да ұйымдар.Ерекшелігі: Қаржылық басқарушының қатысуы міндетті.Мерзімі: Сот шешімі заңды күшіне енген күннен бастап 6 айдан аспайды, бірақ тағы 6 айға ұзартылуы мүмкін.⚖️ ОРТАҚ ТАЛАПТАР:Соңғы 12 ай ішінде қарыздар бойынша төлемдердің болмауы.Өтініш бергенге дейін банкпен немесе МҚҰ-мен қарызды реттеу процедурасынан өту міндетті.Банкроттықты 7 жылда бір реттен жиі қолдануға болмайды.⚠️ МАҢЫЗДЫ СAЛДАРЛАРЫ:5 жыл мерзімге жаңа несиелер алуға тыйым салынады (ломбардтарды қоспағанда).Процедура аяқталғаннан кейін 3 жыл бойы банкроттың қаржылық жағдайына мониторинг жүргізіледі.Алименттер бойынша және өмірге/денсаулыққа келтірілген зиянды өтеу бойынша міндеттемелер ешқандай жағдайда жойылмайды. Процедураны саналы түрде таңдаңыз және салдары туралы ұмытпаңыз! 📉 Ақпарат көзі : https://www.gov.kz/memleket/entities/kgd-zhetysu/press/news/details/1272124?lang=ru

Қарулы күштердің Ұлттық әскери-патриоттық орталығында вице-адмирал Серік Борамбаев пен генерал-майор Фазылолла Бәденовтің әскери қызметтен запасқа шығуына байланысты Жауынгерлік туымен қоштасу рәсімі өтті.Іс-шараға Қорғаныс министрлігінің басшылығы, әскери қызметшілер мен Қарулы күштердің ардагерлері қатысты.– Серік Жақсығалиұлы мен Фазылолла Жұмағазыұлы саналы ғұмырын Отанға қызмет етуге арнады. Олар ұзақ жылдар бойы жауапты басшылық қызметтер атқарып, жауынгерлік даярлықты жетілдіруге, әскери басқару жүйесін дамытуға және жас офицерлерді тәрбиелеуге елеулі үлес қосты. Олардың қалыптастырған дәстүрлері Отан қорғаушылардың кейінгі буыны үшін де алдағы уақытта бағыт-бағдар болады деп сенемін, – деді Қорғаныс министрінің бірінші орынбасары – Қарулы күштер Бас штабының бастығы генерал-лейтенант Қаныш Әбубәкіров.Қорғаныс министрінің атынан Бас штаб бастығы офицерлерге алғыс хаттар табыстады. Салтанатты рәсім барысында Қарулы күштердің ардагерлері де сөз сөйлеп, офицерлердің мол тәжірибесі жастарды әскери-патриоттық тәрбиелеу ісінде және ардагерлер қозғалысын дамытуда әлі де қажет болатынына сенім білдірді.Серік Борамбаевтың Қазақстан Қарулы күштеріндегі әскери қызмет жолы Атырау облыстық әскери комиссариаты бастығының тәрбие және әлеуметтік-құқықтық жұмыстар жөніндегі орынбасары қызметінен басталды. Киев жоғары әскери-теңіз саяси училищесін тәмамдаған ол Қазақстан Әскери-теңіз күштерінің қалыптасуы мен дамуына елеулі үлес қосты. Әртүрлі деңгейдегі басшылық қызметтерден өтіп, Әскери-теңіз күштерінің бас қолбасшылығына дейін көтерілді.Серік Борамбаевтың мол білімі мен көп жылғы қызметтік тәжірибесі өзге де жауапты бағыттарда кәдеге жарады. Әр жылдары Ақпарат және коммуникациялар, Тәрбие және идеологиялық жұмыс, Аумақтық қорғаныс департаменттерін басқарды. Сонымен қатар Қорғаныс министрінің орынбасары қызметін атқарды. Мемлекет пен Қарулы күштер алдындағы еңбегі үшін II дәрежелі «Айбын» және II дәрежелі «Даңқ» ордендерімен марапатталған.Генерал-майор Фазылолла Бәденовтің әскери жолы авиациямен тығыз байланысты. Кәсіби қызметін ұшқыш-нұсқаушы ретінде бастап, авиациялық буын командирінен Әуе қорғанысы күштері Бас штабының бастығы – Бас қолбасшының бірінші орынбасарына дейінгі жолдан өтті. Қызмет жылдарында әскери басқару, жауынгерлік даярлық және стратегиялық жоспарлау салаларында мол тәжірибе жинақтап, Қарулы күштердің жауынгерлік әзірлігін арттыруға елеулі үлес қосты. Көп жылғы мінсіз қызметіне II дәрежелі «Даңқ» ордені табыс етілді.Жауынгерлік туымен қоштасу рәсімі вице-адмирал Серік Борамбаев пен генерал-майор Фазылолла Бәденовтің көп жылғы әскери қызметіне қорытынды жасаған айрықша сәт болды. Бұл офицерлердің есімдері Қазақстан Қарулы күштерінің тарихында лайықты орын аладыАқпарат көзі : https://www.gov.kz/memleket/entities/mod/press/news/details/1272127?lang=ru

Абай Құнанбайұлының есімі – халқымыздың рухани дүниесімен, ұлттық санасымен және мәдениетімен біте қайнасқан ұлы тұлғаның есімі. Оның мол әдеби және философиялық мұрасы ұлттың баға жетпес қазынасына айналып, білімге ұмтылу, адал еңбек, әділдік, адамгершілік және елге қызмет ету сияқты асыл құндылықтарды дәріптеп келеді.Абайдың тағылымды ойлары мен өшпес шығармалары бүгінгі күні де өз маңызын жоғалтқан жоқ. Олар өскелең ұрпақты білім мен ғылымға ұмтылуға, туған жерін, ана тілін, ұлттық дәстүрлері мен мәдениетін құрметтеуге тәрбиелейді. Ұлы ақынның «Толық адам» қағидаты әрбір азаматты рухани кемелденуге, жауапкершілікке және қоғам игілігі жолындағы адал еңбекке үндейді.Бүгінде Қазақстанның тұрақты дамуы мен өркендеу жолында Абайдың мұрасы ерекше мәнге ие. Оның ел бірлігі, ынтымақ, парасаттылық пен үздіксіз ізденіс туралы ойлары қоғамымыздың рухани тұтастығын нығайтып, жасампаз еңбекке жігерлендіреді. Сондықтан ұлы ақынның өнегелі мұрасын насихаттау, оны кейінгі ұрпаққа жеткізу – баршамыздың ортақ парызымыз.Осы мерекелі күні баршаңызға зор денсаулық, отбасыларыңызға амандық, бақ-береке және толайым табыс тілеймін. Абайдың даналығы әрдайым өмір жолдарыңызға бағыт-бағдар беріп, игі бастамаларыңызға шабыт сыйласын. Еліміздің бірлігі нығайып, туған өлкеміздің өсіп-өркендеуі жолындағы еңбектеріңіз жемісті болсын! Абай күні құтты болсын!Аудан әкімі Қ. МыржақыповАқпарат көзі : https://www.gov.kz/memleket/entities/kostanai-bmalin-audany-akimat/press/news/details/1272078?lang=ru

Маңғыстау облысында елдің энергетикалық қауіпсіздігін қамтамасыз ету және мұнай өнімдерін әкетуге уақытша шектеулерді сақтау бойынша жүйелі жұмыс жалғасуда. Маңғыстау облысы бойынша Мемлекеттік кірістер департаментінің «Тәжен» кеден бекетінің қызметкерлері ішкі нарыққа зиян келтіруі мүмкін дизель отынын заңсыз әкету әрекеттерін анықтай отырып, жоғары қырағылық танытуда.Қазақстан Республикасы Энергетика министрлігінің 2026 жылғы 30 сәуірдегі № 175-Н/К бұйрығына сәйкес, 2026 жылғы 21 мамырдан 21 қарашаға дейін автомобиль көлігімен Қазақстан аумағынан, оның ішінде Еуразиялық экономикалық одаққа мүше мемлекеттерге бензин, дизель отыны мен мұнай өнімдерінің жекелеген түрлерін әкетуге тыйым салынды. Бұл уақытша, бірақ түбегейлі маңызды шара ішкі нарықты тұрақтандыруға және отын тапшылығын болдырмауға бағытталған.Тыйым салынғанына қарамастан, халықаралық рейстердің жекелеген жүргізушілері оны айналып өтуге тырысады, жүк көліктеріне зауыттық конструкцияда қарастырылмаған қосымша жанармай бактарын орнатады. Дәл осындай бұзушылықтарды «Тәжен» кеден бекетінің инспекторлары үнемі анықтап, жолын кеседі.Жұмыс нәтижелеріМаңғыстау облысының Бейнеу аудандық соты Қазақстан Республикасының Әкімшілік құқық бұзушылық туралы Кодексінің 545-бабы бойынша бірқатар әкімшілік істерді қарады. Барлық жағдайда халықаралық жүргізушілер, негізінен «Тәжен» кеден бекеті арқылы дизель отынын әкетуге тырысқан Өзбекстан азаматтары құқық бұзушылар болды.Жекелеген мысалдар:- Б.У.М. жүргізушісінен (DAF автомобилі) көлемі 180 литр толық толтырылған қосымша бак анықталды;- П.А.С. бейресми бактан 95 литр дизель тәркіленді;- Х.Ф.Я. (Isuzu автомобилі) — 120 литр;- Э.Ф.Т. — 500 литр;- Р.А.Ю. — 70 литр;- А.Н. — 500 литр.Барлық жағдайда сот жүргізушілерді кінәлі деп тауып, отынды мемлекет кірісіне тәркілеп, әрқайсысына 64875 теңге (15 айлық есептік көрсеткіш) көлемінде айыппұл тағайындады. Сот қылмыскерлердің кінәсін мойындау мен өкінуін ескерді, алайда санкцияны заңда көзделген толық көлемде қалдырды.Кеден бекетінің қызметкерлері құжаттарды ресми тексеруді ғана емес, сонымен қатар көлік құралдарын мұқият тексеруді жүргізеді, жүргізушілер кейіннен әкету мақсатында ЖМҚС-қа жиі толтыратын қосымша сыйымдылықтарды анықтайды. Неліктен бұл маңыздыЗаңсыз әкетілген дизель отынының әрбір литрі ішкі нарыққа қауіп төндіреді. Уақытша шектеулер жағдайында кеденшілердің жұмысы Қазақстан азаматтары мен кәсіпорындарының мүдделерін тікелей қорғайды. Олардың қырағылығы — бұл аймақтың отынмен қамтамасыз етілуінің тұрақтылығына нақты үлес.Маңғыстау облысы бойынша Мемлекеттік кірістер департаменті атап өтеді: тыйымды сақтау — халықаралық тасымалдардың барлық қатысушыларының міндеті. Қосымша жанармай бактары арқылы заңды айналып өту әрекеттері алдағы уақытта да қатаң түрде тоқтатылады. «Тәжен» кеден бекеті — Еуразиялық экономикалық одақтың сыртқы шекарасында Өзбекстан Республикасымен орналасқан көпжақты жүк-жолаушы және автомобиль қатынасының ең ірі халықаралық өткізу пункті.Ақпарат көзі : https://www.gov.kz/memleket/entities/kgd-mangistau/press/news/details/1272079?lang=ru

10 тамыз күні қазақтың ұлы ақыны, ағартушысы әрі ойшылы Абай Құнанбайұлының туған күніне орай қаланың мәдени және рухани орталықтарының бірі — Арбатта Шығыс Қазақстан облыстық балалар және жасөспірімдер кітапханасы «Өмір өрнегі – Абай» атты көрме-инсталляция ұйымдастырды.Көрме-инсталляцияда оқырмандар назарына Абайдың өмір жолы, шығармашылық мұрасы мен терең философиялық ой-толғамдары ұсынылды. Кітап көрмесінен ақынның өлең жинақтары, қара сөздері, зерттеу еңбектері мен Абай әлемін танытатын әдебиеттер орын алды.Ақынның мол әдеби мұрасын кеңінен насихаттау мақсатында қала тұрғындары мен қонақтары Абай шығармаларын мәнерлеп оқып, балалар ақын өлеңдерін жатқа айтты, музыкалық аспаптардың сүйемелдеуімен әндері орындалды. Бұл сәттер ұлы ақын мұрасының ұрпақтан-ұрпаққа жалғасып келе жатқан рухани сабақтастығын айқын көрсетті.«Абай әлеміне виртуалды саяхат» атты заманауи танымдық бөлімде әдеби мұра мен жасанды интеллект мүмкіндіктері тоғысып, Абай шығармалары ерекше бейнеформатта ұсынылды. Қатысушылар ұлы ақын әлеміне жаңа қырынан үңіліп, оның терең ойларының бүгінгі күнмен үндестігін сезінді.Ақынның таңдаулы өлеңдерін түрік және ағылшын тілдерінде мәнерлеп оқуға «Абай өлеңдері әлем тілдерінде»шығармашылық бөлімінде мүмкіндік алды, онда Абай шығармаларының адамзатқа ортақ рухани құндылығы айшықталды.«Ашық микрофон: Абай үні» әдеби алаңы қатысушыларға өз ойын еркін жеткізіп, ақын шығармаларынан жүрегіне жақын жырларды шабыттана оқып, Абай туралы пікірлерімен бөлісті.Сонымен қатар шара қонағы «Білім-Инновация» лицейінің түрік тілі пәні оқытушысы Месут Өздемир ақын шығармаларының бүгінгі күні де өзектілігін жоғалтпағанын атап айтты.Шара барысында өлең де, әуен де, ой-толғам да бір арнаға тоғысып, Абай әлемінің тереңдігі мен тағылымы кеңінен насихатталды.Шара соңында қала тұрғындары мен оқырмандар Абай мұрасының бүгінгі қоғам үшін маңыздылығы туралы ой бөлісіп, ақынның даналық сөздерінен рухани тағылым алды.Абай әлемі – терең ойдың, биік парасаттың, кемел адамдықтың әлемі.Қала тұрғындары мен қонақтары ұлы ақын әлеміне бірге саяхат жасап, Абайдың өшпес мұрасын ұлықтады.Ақпарат көзі : https://www.gov.kz/memleket/entities/vko-cultura-arhiv/press/news/details/1272069?lang=ru

Ақтөбе облысы бойынша ҚАЖ департаментіне қарасты №8 мекеме қызметкерлері мен Ұлттық ұлан әскери қызметшілерінің қырағылығы мен кәсіби әрекеттерінің арқасында тыйым салынған заттарды алып кіруге жасалған екі әрекеттің жолы кесілді.2026 жылғы 10 тамызда «Тосқауыл» режимдік-профилактикалық іс-шарасы аясында Қазақстан Республикасы Ішкі істер министрлігі Ұлттық ұланының 6655 әскери бөлімінің әскери қызметшілері мекеменің режим және жедел бөлімдерінің қызметкерлерімен бірлесіп, тексеру шараларының кешенін жүргізді.Тексеру барысында сағат 15:50 шамасында мекеме қызметкерлері «Строй-Проф» ЖШС жүргізушісі, С.Т. азаматының шалбарының қалтасынан 20 000 теңге көлеміндегі ақша қаражатын анықтап, тәркіледі. Оның ішінде номиналы 10 000 теңгелік екі банкнот болған.Кейін, сағат 16:30 шамасында А.С. азаматы жеткізген сәлемдемені тексеру кезінде қызметкерлердің мұқияттылығының арқасында азық-түлік өнімдерінің арасында болған донердің ішінен сотталған адамға беруге арналған ұялы телефон анықталып, тәркіленді.Аталған факті бойынша А.С. азаматына қатысты Қазақстан Республикасы Әкімшілік құқық бұзушылық туралы кодексінің 481-бабының 1-бөлігі бойынша әкімшілік материал толтырылып, процессуалдық шешім қабылдау үшін әкімшілік сотқа жолданды.Бұл фактілер қызметтік міндеттерін орындау барысында қылмыстық-атқару жүйесі қызметкерлерінің жоғары қырағылығы, мұқияттылығы мен кәсібилігінің маңыздылығын тағы бір мәрте дәлелдейді.Мекеме басшылығы азаматтарды ҚАЖ мекемелеріне бару кезінде белгіленген талаптарды қатаң сақтауға шақырады және ескертеді: сотталған адамдарға тыйым салынған заттарды беруге жасалған әрекеттер Қазақстан Республикасының заңнамасына сәйкес жауапкершілікке әкеп соғады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1272076?lang=ru

Қазақстан Республикасының Бәсекелестікті қорғау және дамыту агенттігі 2024–2025 жылдардағы жол мұнай битумын өткізу нарығындағы бәсекелестіктің жай-күйіне талдауды аяқтады. Талдаудың негізгі міндеттерінің бірі мемлекеттің нарыққа қатысу деңгейін және оны одан әрі төмендету мүмкіндіктерін, оның ішінде жол саласының битуммен қамтамасыз ету деңгейін төмендетпей, жекелеген активтерді жекешелендіру арқылы бәсекелестік ортаға беру мүмкіндіктерін бағалау болды.Нарықтағы мемлекеттік қатысу, ең алдымен, «ҚазМұнайГаз» ҰК» АҚ компаниялар тобының, сондай-ақ «Қаражанбасмұнай» АҚ-ның «СП «Caspi Bitum» ЖШС өнімінің өндірістік-өткізу тізбегіне қатысуы арқылы жүзеге асырылады.Мемлекеттің елеулі рөлі өндіріс саласында да байқалады: 2025 жылы «Павлодар мұнай-химия зауыты» ЖШС мен «СП «Caspi Bitum» ЖШС жиынтығында жол битумының шамамен 70%-ын өндірді. Осы құрылымды ескере отырып, Агенттік бәсекелестікке және ішкі нарықтағы жеткізілімдердің тұрақтылығына осындай шешімдердің ықпалын міндетті түрде бағалай отырып, мемлекет иелігінен алуды кезең-кезеңімен жүргізу мүмкіндіктерін қарастырды.Талдау барысында бұған дейін анықталған шектеулерге де ерекше назар аударылды. 2022–2023 жылдардағы талдау қорытындысы бойынша Агенттік заңнама деңгейінде жол битумын бөлу көлемдерін әкімшілендіру тетігінің және қатысушыларды іріктеудің ашық критерийлерінің болмағанын атап өткен болатын. Бұл битумның мақсатты пайдаланылуын бақылауға әсер етті.2026 жылы аталған олқылық жойылды. Заңнама деңгейінде автомобиль жолдары жөніндегі уәкілетті органға ұлттық операторымен бірлесіп жол битумына деген қажеттілікті айқындау, көлемдерді қалыптастыру және бөлу қағидаларын бекіту, сондай-ақ оларды тікелей бөлуді жүзеге асыру өкілеттігі берілді. Тиісті түзетулер 2026 жылғы қыркүйекте күшіне енеді.Осылайша, жол битумын бөлу тетігі тікелей құқықтық негізге ие болды. Бұл бағытта одан әрі назар битумды бөлудің түсінікті әрі ашық шарттарын белгілеуге, нарықтың барлық қатысушылары үшін тең қолжетімді етуге және бөлінген битум көлемдерінің мақсатты пайдаланылуын бақылауға аударылуы тиіс.Сонымен қатар, битумды тауар биржалары арқылы міндетті түрде өткізуге бақылау жасау мәселесі шешімін таппай отыр. 2021 жылдан бастап ішкі нарыққа жеткізу жоспарланған мұнай битумының жалпы жылдық көлемінің кемінде 10%-ы тауар биржалары арқылы өткізілуге тиіс. Іс жүзінде биржалық сауданы міндетті субъектілердің бір бөлігі ғана жүзеге асырады. Зерттеліп отырған кезеңде екі өндіруші битумды тауар биржалары арқылы өткізуді жүзеге асырмаған.Агенттіктің пікірінше, биржалық сауда үлесін ұлғайту нарықтық баға белгілеу рәсімдерін және ресурсқа тең қолжетімді етіп қана қоймай, көлеңкелі айналым тәуекелдерін де төмендетеді. Осыған байланысты барлық нарық қатысушыларының белгіленген міндетті өткізу үлесін сақтауын қамтамасыз ету үшін тиімді биржалық бақылау тетігін қалыптастыру негізгі шешілмеген міндеттердің бірі болып қала береді. Мұндай бақылауды күшейту нарықтың ашықтығын арттырып, бәсекелестіктің тең жағдайларын қамтамасыз етуге мүмкіндік береді.Ақпарат көзі : https://www.gov.kz/memleket/entities/zk/press/news/details/1271991?lang=ru

Бүгін, 10 тамыз — Абай күніне орай Шымкент қаласында ауқымды музыкалық шеру өтті. Шартарапты әуенге бөлеген бұл мәдени бастама аясында 100-ге жуық өнерпаз қаланың басты орындарында ұлы ақынның мәңгілік мұрасын паш етті.Жергілікті  өнер ұжымдары қала тұрғындары мен қонақтарына мерекелік көңіл-күй сыйлап, Хәкім Абайдың «Көзімнің қарасы», «Желсіз түнде жарық ай», «Айттым сәлем Қаламқас» сынды әндерін әуелете шырқап көпшілікті тәнті етті. Өнерпаздар Әуежай, «Дала мол», Теміржол вокзалы, «Жапон» саябағы, «Плаза»,  «Сити мол» сауда орталықтарын аралап, әуезді әндерін қалықтатты. Жанды дауыстағы орындаулар қаланың әрбір бұрышын ұлттық өнердің рухына бөледі. Жас пен кәріні баурап алған музыкалық шеру ұрпақты ұлттық құндылықтарға баулудың және ұлы Абайдың асыл сөзін дәріптеудің жарқын үлгісіне айналды.