Рим, 2026 жылғы 3 маусым – Бүгін Римде «Қазақстандағы конституциялық реформалар» атты тақырыпта еліміздегі саяси және экономикалық өзгерістерге арналған семинар өтті. Италияның Азияны зерттеу институты ұйымдастырған іс-шараға Италия Парламентінің депутаттары, Сыртқы істер министрлігі басшылығының өкілдері, сарапшылар, журналистер, дипломаттар мен студенттер қатысты.Іс-шарада Қазақстанның Италиядағы Елшісі Ерболат Сембаев сөз сөйлеп, қатысушыларға жаңа Конституцияның негізгі қырлары мен елімізді одан әрі жаңғырту жөніндегі шаралар туралы айтып берді. Елші осы жылғы 1 шілдеден бастап жалпыұлттық референдумда қабылданған жаңа Халық Конституциясы ресми түрде күшіне енетінін атап өтті. Осылайша, еліміз өз дамуының сапалы жаңа кезеңіне қадам басады.«Жаңа Конституция Қазақстанның саяси өмірінде түбегейлі өзгерістерді көздейді, елді жасанды интеллект дәуірінің талаптарына бейімдейді. Конституциялық реформаның маңызды ерекшелігі – бір палаталы Парламентке көшу. Заң шығарушы биліктің құрылымын кең ауқымды трансформациялау бюрократиялық кедергілерді жоюға және шешім қабылдау үдерісін жеделдетуге бағытталған», – деп атап өтті Е.Сембаев.Қазақстандық дипломат сондай-ақ елдің қазіргі даму кезеңі нақты реформалардан экономика мен мемлекеттік басқарудың жүйелі жаңғыруына өтуімен сипатталатынын айтты. Осы саясаттың ортасында – болжамды іскерлік ортаны қалыптастыру, инвесторлардың құқықтарын қорғау, шикізаттық емес секторларды дамыту және халықаралық экономикалық серіктестікті тереңдету жатыр. Осы тұрғыда Италия Қазақстан үшін маңызды серіктес.«Итальяндық бизнес өнеркәсіпте, инженерияда, логистикада, өңдеу технологияларында және өндірістік шешімдерді дамытуда мықты орындарға ие. Біз мұнайгазхимия, көлік дәліздері, ауыл шаруашылығы, индустриялық ынтымақтастық, тұрақты жеткізу тізбектері, сирек жер металдары және энергетикалық ауысумен байланысты заманауи шешімдер сияқты бағыттарда Қазақстан-Италия ынтымақтастығын одан әрі кеңейту үшін айтарлықтай әлеует көріп отырмыз», – деді Е.Сембаев.Қазақстандағы реформаларға қатысты өз ойларымен Италия Сенатының депутаты Антонио Тревизи, Орталық Азиямен байланыс жөніндегі Еуропалық парламент делегациясының төрайымы Джузи Принчи, Италия Сыртқы істер министрлігіндегі «Италия – Орталық Азия» министрлік кездесуінің үйлестірушісі Федерико Фаилла, Италияның Азияны зерттеу институтының президенті Марио Моргони, «CFive-Astana» талдау орталығының президенті Сапарғали Шалғымбаев және басқалар бөлісті. Спикерлердің пікірінше, Қазақстандағы реформалар мемлекет пен қоғам арасындағы байланысты нығайтып, азаматтардың мемлекеттік институттарға деген сенімін арттырды. Бүгінгі таңда Қазақстанның шетелдік серіктестердің алдындағы басты құндылығы – бұл болжамдылық, тұрақты даму және институционалдық тұрақтылық. Тәуелсіз институттардың болуы және түсінікті ережелер елді шетелдік инвесторлар мен халықаралық серіктестер үшін тартымды етеді.Сенатор А.Тревизи атап өткендей, Қазақстанда жүргізіліп жатқан реформалардың ең маңызды қыры – өнеркәсіптік және инфрақұрылымдық жаңғырту. Осы тұрғыда «Made in Italy» технологиялары Қазақстанда жоғары бағаланады. Заманауи жабдықтар мен инновациялар Қазақстан өнеркәсібін нығайтуға және тиімді логистикалық инфрақұрылымды дамытуға ықпал ете алады.Өз кезегінде, Орталық Азиямен байланыс жөніндегі Еуропалық парламент делегациясының төрайымы Дж.Принчи ЕО-ның Қазақстанмен сауда, инвестициялар, маңызды табиғи ресурстар, энергетикалық қауіпсіздік, «жасыл» экономика сияқты салалардағы табысты серіктестік тұрғысында елде жүргізіліп жатқан реформаларды мұқият бақылап отырғанын атап өтті. Оның айтуынша, Қазақстан мемлекеттік басқарудың тиімділігін арттыру және елдің саяси және экономикалық жүйелерін жаңғырту мақсатында кешенді институционалдық және конституциялық өзгерістер жолына түсті.Италия Сыртқы істер министрлігі жанындағы «Италия – Орталық Азия» министрлік кездесуінің үйлестірушісі Ф.Фаилла Қазақстандағы конституциялық реформалар елдің қазіргі заманғы сын-қатерлерге бейімделуінің көрсеткіші және оның белсенді өсуінің айғағы екендігін атап өтті.Италияның Азияны зерттеу институтының президенті М.Моргонидің пікірінше, Қазақстанның ауқымды және өршіл реформаларды жүргізу тәжірибесі қызығушылық тудырады және құрметке лайық, себебі олар өз даму моделін өз бетінше іздеп, біртіндеп заманауи демократиялық институттарды дамытып жатқан күрделі көпұлтты елде жүзеге асырылып жатыр.Ақпарат көзі : https://www.gov.kz/memleket/entities/mfa-roma/press/news/details/1233881?lang=ru

Чикаго, 2026 жылғы 3 маусым – Иллинойс штатына жұмыс сапары аясында ҚР-дың Нью-Йорк қаласындағы Бас консулдығы Орталық Азия елдері мен АҚШ-тың іскер топтарының өкілдерін біріктірген Central Asia Business Expo Chicago 2026 (CABXPO) халықаралық бизнес-форумына қатысты. Аталған форум сауда, инвестициялар, инновациялар және халықаралық кәсіпкерлік ынтымақтастықты дамыту мәселелерін талқылауға арналған маңызды алаңға айналды.Іс-шара барысында логистика, қаржылық және заңгерлік қызметтер, цифрлық технологиялар, консалтинг және басқа да салаларда АҚШ-та табысты қызмет атқарып жүрген қазақстандық кәсіпкерлермен кездесулер өткізілді. Отандық кәсіпкерлер Қазақстан мен АҚШ арасындағы экономикалық байланыстарды нығайтуға елеулі үлес қосып, іскерлік байланыстарды дамытуға және бірлескен жобаларды іске асыруға ықпал етуде.Форум аясында ҚР-дың Бас консулы Р.Тлеулин Иллинойс штатының мемлекеттік және іскерлік құрылымдарының өкілдерімен бірқатар кездесулер өткізді. Олардың қатарында Иллинойс штатының Қаржы бақылаушысы С.Мендоза, Иллинойс штатының Сауда және инвестициялар жөніндегі кеңсесінің директоры М.Маркопулос, World Business Chicago ұйымының бизнесті дамыту жөніндегі атқарушы вице-президенті Д.Андухар-Редман және америкалық іскер топтардың өзге де өкілдері болды.Келіссөздер барысында тараптар сауда-экономикалық және инвестициялық ынтымақтастықты кеңейту перспективаларын, америкалық компанияларды Қазақстандағы жобаларды іске асыруға тарту мүмкіндіктерін, сондай-ақ Қазақстан мен Иллинойс штаты арасындағы өңіраралық байланыстарды одан әрі дамыту мәселелерін талқылады.Өткізілген кездесулер жаңа іскерлік байланыстар орнатуға, өзара іс-қимылдың перспективалы бағыттарын айқындауға мүмкіндік беріп, сауда, инвестициялар, агроөнеркәсіптік кешен, өнеркәсіп, логистика, цифрлық технологиялар және инновациялар салаларындағы әріптестікті тереңдетуге өзара мүдделілікті растады.Ақпарат көзі : https://www.gov.kz/memleket/entities/mfa-newyork/press/news/details/1233884?lang=ru

Еуразиялық экономикалық комиссия Алқасының 2018 жылғы 7 ақпандағы №25 шешімімен Кеден одағы комиссиясының 2010 жылғы 18 маусымдағы №330 «Тауарларды Еуразиялық экономикалық одақтың кедендік аумағынан нақты әкетуді растау тәртібі туралы» шешімінің күші жойылды.№25 шешімге сәйкес тауарлардың ЕАЭО кедендік аумағынан нақты әкетілуі «электрондық растау» арқылы жүзеге асырылады. Яғни, кету орнындағы кеден органы тауарды шығарған кеден органының ақпараттық жүйесіне электрондық хабарлама жібереді. Бұл тәртіп қағаз түріндегі декларацияларды пайдалануды және оларды кеден органында куәландыру қажеттілігін алып тастайды.Қазақстан Республикасының Салық кодексінің 166-бабы 7-тармағына және 467-бабына сәйкес кеден органдарының тауарлардың нақты әкетілгенін растайтын мәліметтері экспортты және қосылған құн салығын қайтаруды растау үшін негіз болып табылады. Электрондық декларация және нақты әкету туралы хабарлама болған жағдайда қосымша құжаттарды ұсыну талап етілмейді.Тауарлардың әкетілгені туралы ақпарат болмаған жағдайда декларациялаушы немесе уәкілетті тұлға кеден органына электрондық немесе жазбаша түрде дәлелді өтінішпен жүгінуге құқылы. Кеден органы кету орнындағы кеден органына сұрау жіберіп, нәтижесі бойынша тауарлардың нақты әкетілгені немесе мұндай ақпараттың жоқтығы туралы мәлімет береді.2018 жылғы 7 ақпандағы №25 және 2018 жылғы 28 тамыздағы №144 шешімдерге сәйкес экспортты растау «АСТАНА-1» ақпараттық жүйесі арқылы жүзеге асырылады, онда арнайы модуль 2019 жылдың ақпан айынан бастап жұмыс істейді. Сонымен қатар, 2026 жылғы 11 сәуірден бастап экспортты растау «Кеден» ақпараттық жүйесінде де іске асырылды.Ақпарат көзі : https://www.gov.kz/memleket/entities/kgd-vko/press/news/details/1233896?lang=ru

Сағадат Нұрмағамбетов атындағы Әскери колледжде Арнаулы әлеуметтік қызметтерге мұқтаж балаларды қолдау орталығының тәрбиеленушілеріне ашық есік күні өтті.Қонақтарды әскери колледж басшылығы қарсы алып, акт залында әскери колледждің қызметі туралы бейнеролик көрсетілді. Сонымен қатар кадеттер өз өнерлерін көрсетіп, балаларға мерекелік көңіл-күй сыйлады. Балалар да өз кезегінде сахнаға шығып, Отан және сарбаз туралы әндерін тарту етті.Әрі қарай балалар оқу орнын аралады. Әскери колледждің музейінде болып, спорт залды, жүзу бассейнін, арнайы дайындық сыныптарын, қару-жарақ пен әскери техниканы оқыту кабинеттерін көрді. Бұдан басқа олар атыс тиріне кіріп, қаруды бөлшектеп-құрастыру тәртібімен танысты, арасында қызыққан балалар өздері шашып-құрастырудан машықтанып та көрді.– Әскери колледждегі ашық есік күні жақсы өтіп жатыр. Балаларға ұнады. Арасында болашақта Отан қорғаушы мамандығын оқығысы келетіндер де бар. Біздің орталықтың балаларына осындай шара өткізіп жатқан ұйымдастырушыларға алғысымды айтқым келеді, – деді Балаларды қолдау орталығының тәрбиешісі Арман Сәметов.Экскурсия барысында тәрбиеленушілер кітапхана мен курсанттардың жатын орнын аралап, болашақ әскери мамандардың күнделікті тұрмысымен танысуға мүмкіндік алды.– Бүгін менің өмірімдегі ең керемет күн болды. Әскери киімдегі кадеттер ұнады. Музейде осы колледждің аты берілген Сағадат атаның заттарын көрдім, – деді орталықтың тәрбиеленушісі Адия Ғалиева.Мерекелік дастарханнан дәм татқан балалар тамаша күннен бір белгі болсын деп кадеттермен естелік суретке түсті.  Ашық есік күні келушілерге жарқын әсер қалдырып, әскери қызметтің ерекшеліктерінен мол мәлімет берді.Ақпарат көзі : https://www.gov.kz/memleket/entities/mod/press/news/details/1233902?lang=ru

Бүгін Қонаев қаласында жедел және алғашқы медициналық көмек көрсетуге арналған жаңа модульдік медициналық пункттің ресми ашылуы өтті.Жоба халыққа медициналық көмектің қолжетімділігін арттыруға, төтенше жағдайларда әрекет ету уақытын қысқартуға және өңірдің денсаулық сақтау жүйесіне заманауи цифрлық шешімдерді енгізуге бағытталған.Модульдік медициналық пункттің көлемі 2 × 2,5 метр болатын ықшам автономды нысан болып табылады. Құрылымы берік болат қаңқадан, жылу оқшаулағышы бар сэндвич-панельдерден жасалған. Сыртқы қаптамасы HPL-панельдерден немесе тот баспайтын болаттан орындалып, ұзақ мерзімді пайдалануға және климаттық жағдайларға төзімділікті қамтамасыз етеді.Әрбір медициналық пункт алғашқы көмек көрсетуге қажетті медициналық жабдықтармен қамтылған, оның ішінде дефибриллятор, жараны алғашқы хирургиялық өңдеуге арналған стерильді бикс, жедел коронарлық синдром кезінде көмек көрсетуге арналған жинақ, брезент көрпе және тот баспайтын болаттан жасалған кушетка бар.Үздіксіз жұмыс істеу үшін үздіксіз қоректендіру көзі (UPS) қарастырылған. Сонымен қатар, нысандар түнгі уақытта қауіпсіздік пен көрінуді қамтамасыз ету үшін сыртқы прожекторлармен және жарық шағылыстыратын таспалармен жабдықталған.Цифрлық технологиялар мен қауіпсіздік мәселелеріне ерекше назар аударылған. Медициналық пункттер 360° сыртқы бақылау камерасымен, SOS дабыл түймесімен, қашықтан басқарылатын телемедицина және ақпараттық дисплей жүйесімен, ішкі бейнекамерамен, сондай-ақ жедел жәрдем қызметіне тікелей байланыс жүйесімен жабдықталған. Сонымен қатар, медициналық пунктті қашықтан ашу және басқару мүмкіндігі қарастырылған.Жоба аясында аталған модульдік медициналық пункттер Алматы облысының бірқатар туристік және рекреациялық аумақтарына орнату жоспарлануда.Алматы облысы Денсаулық сақтау басқармасының басшысы Ержан Сүлейменовтің айтуынша, бұл бастама өңірдегі жедел медициналық көмекті жаңа деңгейге көтереді.«Бұл жоба – өңір үшін стратегиялық маңызы бар қадам. Біз халыққа шұғыл медициналық көмектің қолжетімділігін арттырып қана қоймай, цифрлық технологияларды енгізу арқылы қызмет көрсету сапасын жаңа деңгейге көтеріп отырмыз. Ең маңыздысы – мұндай форматтағы модульдік жедел жәрдем пункттері республика деңгейінде алғаш рет дәл Алматы облысында іске қосылып отыр», – деді Ержан Сүлейменов.Жобаны іске асыру халықты заманауи жедел көмек көрсету инфрақұрылымымен қамтамасыз етуге, медициналық қызмет көрсету жылдамдығын арттыруға және өңірлік денсаулық сақтау жүйесін жаңғыртуға мүмкіндік береді.Ақпарат көзі : https://www.gov.kz/memleket/entities/almobl-densaulyk/press/news/details/1233907?lang=ru

Бүгін аудан әкімі Жандос Еркінбек Жосалы кентіндегі бірқатар нысандарды аралап, тұрғындардың әлеуметтік мәселелерін зерделеді.Алдымен аудан басшысы «Сұлтан» және «Ұлар» сауда орындарына барып, әлеуметтік маңызы бар азық-түлік тауарларының бағаларын бақылады. Кәсіпкерлермен кездесуде:«Ел де, жер де ата-бабамыздан қалған аманат. Туған жеріміздің тұрғындарына жанашырлық танытып, сапалы қызмет көрсету – баршамызға ортақ міндет. Сондықтан халық тұтынатын азық-түлік бағасын тұрақты бақылауда ұстап, тұрғындардың мүддесіне жауапкершілікпен қарау қажет», – деп халықты сапалы әрі қолжетімді өніммен қамтамасыз ету қажет екенін айтты.Сондай-ақ Тайшық би көшесіндегі жаяу жүргіншілер жолының жай-күйі бақыланып, абаттандыру және күтіп ұстау жұмыстарының сапасына ерекше назар аударылды.Мұнан соң аудан басшысы жақында оқыс оқиға орын алған тұрғын үй иелерімен кездесіп, отбасының қазіргі жағдайын білді. Бүгінгі таңда зардап шеккен отбасыға уақытша баспана ұсынылып, қолданыстағы заңнама аясында қажетті әлеуметтік көмек көрсетіліп жатыр. Жандос Еркінбек отбасы мүшелеріне қолдау көрсетіп, көмек қажет болғанда жауапты сала басшыларына тиісті жұмыстарды тұрақты бақылауда ұстауды тапсырды.Аралау барысында Нұржігіт Нақыпов көшесінің бойындағы жаңадан салынатын тұрғын үйлерге бөлінген жер учаскелері де назардан тыс қалмады. Жауапты мамандар құрылыс жоспарлары бойынша ақпарат беріп, алдағы жұмыстардың барысын баяндады.Жалпы Жандос Еркінбек халықтың тұрмыс сапасын арттырып, қолайлы орта қалыптастыру - ең басты бағыт екенін үнемі айтып келеді. Сондықтан барлық жұмыстардың жүйелі әрі сапалы жүзеге асырылуы тұрақты бақылауда болатынын ескертті.Ақпарат көзі : https://www.gov.kz/memleket/entities/kyzylorda-karmakshy/press/news/details/1233908?lang=ru

Алматы көпсалалы клиникалық ауруханасында жатырдың көптік миомасы диагнозы қойылған 35 жастағы әйелге күрделі операция сәтті жасалды. Жоспарлы кесарь тілігі кезінде дәрігерлер нәрестені аман-есен босандырып, бір мезетте жатырдағы алты миома түйінін алып тастады. Күрделі хирургиялық араласу барысында дәрігерлер жатырды сақтап қалды.Облыс тұрғынында жатыр миомасы жүктіліктің ерте кезеңінде анықталған. Соған қарамастан дәрігерлердің тұрақты бақылауының арқасында әйел жүктілікті 37 аптаға дейін сәтті көтеріп шыққан.Жүктілік мерзімі толық жеткеннен кейін мамандар жоспарлы түрде операциялық жолмен босандыру туралы шешім қабылдады. Алдымен дені сау сәби дүниеге келіп, одан кейін миомэктомия жасалды.Операция барысында көлемі 4-тен 10 сантиметрге дейін жететін алты миома түйіні алынды. Оған үш акушер-гинеколог қатысты.Алматы көпсалалы клиникалық ауруханасы директорының орынбасары Гүлжаһан Жұмадуллаеваның айтуынша, жатыр миомасы әйелдің ана атану мүмкіндігін шектемейді, алайда мұндай жағдайда мамандардың тұрақты бақылауы қажет.«Әрбір жағдай жеке қарастырылады. Сондықтан әйелдер гинекологтың тұрақты бақылауында болып, уақытылы тексерулерден өтіп, жүктілікті жоспарлау мәселесін дәрігермен алдын ала талқылағаны жөн. Ерте диагностика мен дұрыс таңдалған емдеу тактикасы репродуктивтік денсаулықты сақтап, ана атануға мүмкіндік береді», – деді Гүлжаһан Жұмадуллаева.Медициналық көмек Міндетті әлеуметтік медициналық сақтандыру жүйесі аясында көрсетілді. Дәрігерлердің айтуынша, заманауи емдеу әдістері мен мамандардың үйлесімді жұмысы күрделі клиникалық жағдайларда да оң нәтижеге қол жеткізуге мүмкіндік береді.Ақпарат көзі : https://www.gov.kz/memleket/entities/almobl/press/news/details/1233911?lang=ru

4 маусым күні аймақ басшысы Мұрат Ергешбаев Сырдария ауданының тұрғындарымен кездеседі.Сонымен қатар, аудандағы әлеуметтік нысандардың жұмысымен танысып, ауылдық елді мекендерге барады.Ақпарат көзі : https://www.gov.kz/memleket/entities/kyzylorda/press/news/details/1233913?lang=ru

4 маусым күні аймақ басшысы Мұрат Ергешбаев Жалағаш ауданының тұрғындарымен кездеседі.Сонымен қатар, аудандағы әлеуметтік нысандардың жұмысымен танысып, ауылдық елді мекендерге барады.Ақпарат көзі : https://www.gov.kz/memleket/entities/kyzylorda/press/news/details/1233915?lang=ru

Мемлекеттік Ту, Елтаңба және Әнұран – еліміздің тәуелсіздігі мен егемендігін, ұлттық бірлігі мен тұтастығын айшықтайтын басты нышандар. Олар мемлекетіміздің тарихи жолын, жетістіктерін, құндылықтарын және болашаққа деген ұмтылысын бейнелейді.Мемлекет басшысы Қасым-Жомарт Тоқаев атап өткендей: «Мемлекеттік рәміздер – ұлттық мақтаныштың қайнар көзі, жарқын болашаққа деген сенімнің және Отанға адалдықтың белгісі». Бұл сөздер мемлекеттік рәміздердің азаматтық бірегейлікті нығайтудағы және елге деген құрметті қалыптастырудағы айрықша маңызын көрсетеді.Бүгінде мемлекеттік рәміздерге құрметпен қарау, өскелең ұрпақтың бойында Қазақстанның болашағына жауапкершілік сезімін, оның тарихы мен жетістіктеріне деген құрметті тәрбиелеу аса маңызды. Осындай құндылықтар қоғамдағы тұрақтылықтың, келісім мен бірліктің берік негізі болып табылады.Аудан тұрғындары өз еңбегі мен белсенді азаматтық ұстанымының арқасында туған өлкенің және тұтас еліміздің дамуына сүбелі үлес қосып келеді. Алдағы уақытта да баршамыз бірлесе отырып, мемлекетіміздің өсіп-өркендеуі жолында аянбай еңбек етеміз деп сенемін.Қадірлі жерлестер! Сіздерге зор денсаулық, амандық, отбасы бақыты мен толағай табыс тілеймін. Бұл мереке туған елімізге деген мақтаныш сезімін нығайтып, оның игілігі жолындағы жаңа жетістіктерге жетелеcін! Мереке құтты болсын! Аудан әкімі                                                                      Қ. МыржақыповАқпарат көзі : https://www.gov.kz/memleket/entities/kostanai-bmalin-audany-akimat/press/news/details/1233933?lang=ru

Кипр Республикасының Президенті Никос Христодулидис Қазақстанға жасаған ресми сапары аясында республиканың технологиялық әлеуетін паш ететін негізгі алаңға айналған жаңа alem.ai халықаралық жасанды интеллект орталығына барды.Мәртебелі қонақтарға Қазақстанның жасанды интеллект пен цифрландыруды дамытудағы стратегиялық басымдықтары таныстырылды. Таланттарды тәрбиелеуден бастап, экономиканың нақты секторына ЖИ-шешімдерін енгізуге дейінгі толық циклді қамтамасыз ететін орталық делегацияны Астана қаласының әкімдігімен бірлесіп Presight компаниясы жүзеге асырып жатқан қалалық инфрақұрылымды басқарудың кешенді AI-платформасы - Astana Smart City жүйесімен таныстырды. Бұл жоба ауқымды деректер мен жасанды интеллект технологияларын интеграциялау нақты уақыт режимінде қалалық қызметтердің тиімділігін және елордадағы өмір сүру сапасын арттыруға қалай мүмкіндік беретінін еуропалық қонақтарға көрнекі түрде көрсетті. Кипр Президенті ЖИ-ді іс жүзінде қолдану сценарийлеріне: қоғамдық қауіпсіздікті қамтамасыз етуден бастап, көлік ағындарын зияткерлік оңтайландыруға дейінгі мәселелерге ерекше назар аударды.Айта кетсек, бұл сапар екі елдің жоғары технологиялық салалардағы ынтымақтастықты нығайтуға деген ұмтылысын айқындады. Қазақстан Республикасының Президенті Қасым-Жомарт Тоқаев пен Кипр Республикасының Президенті Никос Христодулидистің кездесуі аясында, мемлекеттер басшыларының қатысуымен Қазақстан Республикасының Жасанды интеллект және цифрлық даму министрлігі мен Кипр Республикасының Зерттеулер, инновациялар және цифрлық саясат жөніндегі кіші министрлігі арасындағы өзара түсіністік туралы Меморандумға қол қойылды. Құжат АКТ, электрондық үкімет, ғарыш қызметі, киберқауіпсіздік және жасанды интеллект саласындағы бірлескен бастамалардың берік негізін қалады.Бүгінде alem.ai халықаралық орталығы ІТ-таланттарды тартатын негізгі хаб мәртебесін сенімді түрде бекітіп, технологиялық көшбасшылар мен шет мемлекеттердің бірінші тұлғаларының қызығушылығын тудыруда, сонымен қатар Қазақстанның цифрлық жетістіктерін паш ететін басты халықаралық подиумға айналып келеді. Орталық алаңы өршіл технологиялық бастамалардың таныстырылымдарын біріктіреді және еліміздің инновациялық экожүйесінің орталық буыны ретінде әрекет етеді.Ақпарат көзі : https://www.gov.kz/memleket/entities/maidd/press/news/details/1233935?lang=ru

Қостанай облысы Кәсіпкерлер палатасында өңірдегі әйелдер кәсіпкерлігін дамытуға арналған кездесу өтті. Іс-шараға Іскер әйелдер кеңесінің мүшелері, кәсіпкерлік саласының өкілдері және қоғам белсенділері қатысты.Кездесудің негізгі мақсаты – әйелдер кәсіпкерлігін қолдау, өңіраралық ынтымақтастықты дамыту, бизнесті кеңейту мүмкіндіктерін қарастыру және кәсіпкер әйелдердің тәжірибе алмасуына жағдай жасау болды.Жиын барысында мемлекеттік қолдау құралдары, кәсіпкерлік жобаларды іске асырудың тиімді тетіктері, бизнесті ауқымдандыру жолдары және өңірлер арасындағы серіктестікті нығайту мәселелері талқыланды. Қатысушылар кәсіпкерлік қызметті дамытуда тәжірибе алмасудың маңыздылығына тоқталып, жаңа серіктестік байланыстар орнату мүмкіндіктерін қарастырды.Іс-шара аясында әйелдер кәсіпкерлігін дамытудағы табысты тәжірибелер таныстырылып, шағын бизнесті тұрақты әрі бәсекеге қабілетті кәсіпорын деңгейіне жеткізуге бағытталған қолдау шаралары сөз болды. Сонымен қатар кәсіпкерлердің білім беру ұйымдарымен өзара іс-қимылын күшейту, еңбек нарығының сұранысына сай мамандар даярлау және кадрлық әлеуетті арттыру мәселелері көтерілді.Кездесуге қатысушылар қазіргі қоғамдағы әйелдердің экономикалық белсенділігінің артып келе жатқанын атап өтіп, олардың кәсіпкерлік, басқарушылық және қоғамдық қызметтегі рөлінің маңыздылығын талқылады.Жиын қорытындысында өңірлік ынтымақтастықты одан әрі дамыту, кәсіпкер әйелдерді қолдауға бағытталған бастамаларды жүзеге асыру және жаңа бірлескен жобаларды қолға алу жөнінде ұсыныстар айтылды. Мұндай кездесулер тәжірибе алмасуға, іскерлік байланыстарды нығайтуға және өңірдегі кәсіпкерлік ортаның дамуына оң ықпал ететіні атап өтілді.Ақпарат көзі : https://www.gov.kz/memleket/entities/kostanay/press/news/details/1233942?lang=ru

Құрметті тасымалдаушылар мен жүргізушілер!2026 жылдың 1 маусымынан бастап Ресей Федерациясында тауарларды күтуді растау жүйесі (ТКРЖ) енгізіледі.Тауарларды автомобиль көлігімен әкелу кезінде алушыға Ресей Федерациясында алдағы жеткізілім туралы құжатты алдын-ала рәсімдеп, QR-кодын алу қажет.QR-коды жүргізушіде болуы және бақылаушы органдардың талабы бойынша көрсетілуі тиіс.Расталған QR кодының болмауы Ресей Федерациясына кіруге тиім салу және көлік құралын қайтаруды көздейді.Осыған байланысты, келесі шаралар ұсынылады:˗ ТКРЖ шеңберінде ресімделген QR-кодтың болуын ресейлік алушыдан алдын ала нақтылау;˗ өткізу пунктіне келгенге дейін QR-кодын тексеру;˗ басып шығарылған немесе электронды түрде QR-коды болуы керек;˗ QR-кодтағы мәліметтерді тауарға ілеспе құжаттармен (тауар, саны, көлік құралы, алушы) салыстырып тексеру;˗ құжаттарды дұрыс ресімдемеген кезде шекарадан өту уақытының ұлғаюын ескеру қажет.Тасымалдауды жоспарлау кезінде көрсетілген өзгерістерді ескеруді және ресейлік тауар алушылармен алдын-ала өзара әрекеттесуді сұраймыз.ТКРЖ туралы ақпаратты Ресей Федерациясының Қаржы министрлігінің ресми ресурстарынан толығырақ оқи аласыз (https://minfin.gov.ru/ru/press-center/?id_4=40307-prezident_rossii_podpisal_zakon_o_natsionalnoi_sisteme_podtverzhdeniya_ozhidaniya_postavki_tovarov_spot).Ақпарат көзі : https://www.gov.kz/memleket/entities/kgd-kostanay/press/news/details/1233948?lang=ru

 eGov Business қосымшасында ЖК қызметін тоқтату қызметі іске қосылдыЕнді жеке кәсіпкерлікті (ЖК) жабу өтінішін eGov Business мобильді қосымшасы арқылы толықтай онлайн беруге болады. Өтініш беру кезінде мемлекеттік органдарға барудың қажеті жоқ.Қызмет кімдерге қолжетімді?жеке кәсіпкерлерге;жекеше практикамен айналысатын тұлғаларға.Өтінішті қалай беруге болады?eGov Business қосымшасында:«Бизнесті тіркеу және тоқтату» бөлімі«ЖК қызметін тоқтату» қызметін таңдау қажет.Одан кейін салықтық өтініш санатын таңдау керек:D — камералдық бақылау жүргізе отырып қызметті тоқтату;E — камералдық бақылаусыз оңайлатылған тәртіппен тоқтату.Содан соң:мемлекеттік кірістер органын таңдау;деректерді өңдеуге келісімді растау;өтінішке Face ID, Touch ID немесе жылдам қол жеткізу коды арқылы қол қою қажет.Өтініш мәртебесін нақты уақыт режимінде бақылауға болады.«Өңделді» мәртебесі ЖК қызметінің мемлекеттік кірістер органдары базасында ресми түрде тоқтатылғанын білдіреді.#eGovBusiness #ЖК #Бизнес #КГД #ДГД #МемлекеттікҚызмет #ҚазақстанАқпарат көзі : https://www.gov.kz/memleket/entities/kgd-kostanay/press/news/details/1233955?lang=ru

15 МАУСЫМҒА ДЕЙІН:400.00 нысан Акциздік салық декларациясы22 МАУСЫМҒА ДЕЙІН:328.00 нысаны Тауарларды әкелу және жанама салықты төлеу туралы өтініш5 МАУСЫМҒА ДЕЙІН:Жеке практикамен айналысатын тұлғаның жеке табыс салығы22 МАУСЫМҒА ДЕЙІН:АкцизЕАЭО шеңберінде импортталатын тауарларға жанама салықтар25 МАУСЫМҒА ДЕЙІН:Төлем көзінен ЖТСКорпоративтік табыс салығы бойынша аванстық төлемдерТөлем көзінен Корпоративтік табыс салығыЖалақыдан бірыңғай төлемӘлеуметтік төлемдерРЖС пайдалану үшін төлемақыҚалааралық және (немесе) халықаралық телефон байланысын, сондай-ақ ұялы байланысты ұсынғаны үшін төлемақыСыртқы (көрнекі) жарнаманы орналастырғаны үшін төлемАқпарат көзі : https://www.gov.kz/memleket/entities/kgd-kostanay/press/news/details/1233957?lang=ru

 Кәсіпкерлердің назарына!2026 жылдан бастап бақылау-касса машиналарының (БКМ) чектеріне қойылатын талаптар өзгерді.Енді әрбір чекте міндетті түрде:Тауарлар кодтарының номенклатурасына (ТКН) сәйкес тауардың, жұмыстың немесе қызметтің атауы;ТКН бойынша тауардың сәйкестендіру коды;Міндетті таңбалауға жататын тауарлар үшін сәйкестендіру құралдары көрсетілуі тиіс.Шағын бизнес үшін жақсы жаңалық!ТКН енгізілуінің арқасында тауар атауларын көрсету рәсімі айтарлықтай жеңілдетілді. Енді кәсіпкерлерге тауар атауларын қолмен енгізудің қажеті жоқ. БКМ қолдану кезінде тауардың штрих-кодын сканерлеу жеткілікті, ал барлық ақпарат фискалдық деректер операторларының сервистері арқылы мемлекеттік деректер базасынан автоматты түрде жүктеледі.Назар аударыңыз!Жаңа техникалық талаптарға сәйкес келмейтін және жаңа үлгідегі чектерді қалыптастыра алмайтын БКМ үлгілері Мемлекеттік тізілімнен шығарылады. Сондықтан кассалық жабдықтарыңызды алдын ала тексеріп, қажет болған жағдайда жаңартуды ұсынамыз.Белгіленген талаптарға сәйкес келмейтін чектерді беру әкімшілік жауапкершілікке әкеп соғуы мүмкін.Ақпарат көзі : https://www.gov.kz/memleket/entities/kgd-akmola/press/news/details/1257938?lang=ru

Мүлікке билік етуге шектеу қою (салық төлеушіге (салық агентіне) қатысты)Салық төлеушінің (салық агентінің) мүлкіне билік етуге шектеу қою салықтық міндеттемені орындауды қамтамасыз етудің бір түрі болып табылады.Салық төлеушінің мүлкіне билік етуге шектеу қою тәртібі Қазақстан Республикасының Салық кодексінің 87-бабымен реттеледі.Салық органы салық төлеушінің (салық агентінің) мүлкіне билік етуге шектеу қоюды мынадай жағдайларда жүргізеді:1) салық төлеуші (салық агенті) салық берешегін ең жоғары мөлшерінен асатын сомада өтемеген жағдайда – салық берешегінің сомасы шегінде;2) салық төлеуші (салық агенті) (горизонталды мониторингке қатысушыдан басқа) салықтық тексеру нәтижелері туралы хабарламаны шағымданған жағдайда – салықтық тексеру нәтижелері туралы хабарламада көрсетілген шағымдалып отырған сома шегінде.Мүлікке билік етуге шектеу қойылмайтын объектілер:1) тіршілікті қамтамасыз ету объектілері;2) электр, жылу және өзге де энергия түрлері;3) сақтау және (немесе) жарамдылық мерзімі бір жылдан аспайтын азық-түліктер немесе шикізат.Салық органы мүлікке билік етуге шектеуді келесі жағдайларда алып тастайды:1) салық төлеуші (салық агенті) салық берешегінің сомаларын төлеу арқылы өтегенде;2) салықтық тексеру нәтижелері туралы хабарлама уәкілетті органның шешімімен немесе заңды күшіне енген сот актісімен толықтай күшін жойғанда;3) мемлекеттің меншігіне өткен (түскен) мүлікті мемлекеттік тіркеу үшін тіркеуші орган өтініш бергенде;4) мемлекеттік мүлікті басқару жөніндегі уәкілетті орган мемлекеттік меншікке қабылдау туралы шешім қабылдағанда.Тәркіленуге жатпайды:Салық төлеушінің (салық агентінің) билік етуге шектеу қойылған мүлкі, қаржылық лизингке берілген (алынған) немесе лизинг және (немесе) залог шартының қолданылуы тоқтатылғанға дейін залогқа берілген мүлік.Жалғыз тұрғын үй тек заңды күшіне енген сот актісінің негізінде ғана тәркіленуге жатады.Ақпарат көзі : https://www.gov.kz/memleket/entities/kgd-sko/press/news/details/1233980?lang=ru

Қазақстан Республикасы ІІМ Ұлттық ұланының ерлер хоры LRT-да елорда жұртшылығын Мемлекеттік рәміздер күнімен құттықтады.Хор солистері Қазақстан Республикасының Мемлекеттік Әнұранын, сондай-ақ белгілі патриоттық әндерді жанды дауыста орындап, жолаушыларға ерекше мерекелік атмосфера сыйлады.  Салтанатты киімдегі әскерилердің музыкалық құттықтауы қала жұртшылығы мен қонақтары үшін жағымды тосын сый болды. Қоғамдық көлікте мұндай тосынсый күтпеген жолаушылардың бірі таңырқап қалса, енді бірі бірден таныс әуендерді қосыла шырқап кетті. Көпшілігі ерекше сәтті ұялы телефондарына түсіріп жатты.Мерекелік акция мемлекеттік рәміздерге құрмет көрсетуді насихаттау, өскелең ұрпақты патриотизмге тәрбиелеу және халық арасында азаматтық жауапкершілікті арттыру мақсатында ұйымдастырылды.Мұндай іс-шаралар ұлттық құндылықтарды сақтауға, қоғам бірлігін нығайтуға ықпал етеді және мемлекеттік рәміздердің ел егемендігінің ажырамас бөлігі ретіндегі маңыздылығын көрсетеді.Қазақстан Республикасы ІІМ Ұлттық ұланы армия мен қоғам арасындағы байланысты нығайтуға бағытталған патриоттық іс-шараларға белсенді қатысуды жалғастыруда. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1233990?lang=ru

1992 жылғы 4 маусымда еліміздің Мемлекеттік Туы, Елтаңбасы және Әнұранының алғашқы нұсқасы ресми түрде бекітілді. Мемлекеттік рәміздер – Тәуелсіз Қазақстанның егемендігін, ұлттық бірлігін, тарихы мен мәдениетін айшықтайтын қастерлі құндылықтар.Көк Туымыз – бейбітшілік пен еркіндіктің, Елтаңбамыз – береке мен бірліктің, ал Әнұранымыз – елге деген сүйіспеншілік пен патриоттық рухтың символы. Мемлекеттік рәміздерді құрметтеу – Отанға деген құрметтің көрінісі.Баршаңызды Мемлекеттік рәміздер күнімен құттықтаймыз!Ақпарат көзі : https://www.gov.kz/memleket/entities/vko-bilim/press/news/details/1234005?lang=ru

Мемлекеттік рәміздер — Ту, Елтаңба және Әнұран — еліміздің тәуелсіздігі, егемендігі мен ұлттық бірлігінің айқын көрінісі. Олар Қазақстан халқының бай тарихын, мәдени мұрасын және бейбітшілікке, жасампаздық пен өркендеуге деген ұмтылысын бейнелейді.Осы мерейлі күні баршаңызға зор денсаулық, амандық, еңбекте табыс және Отанымыздың игілігі жолындағы жаңа жетістіктер тілейміз. Әр шаңырақта бейбітшілік пен татулық орнап, ертеңгі күнге деген сенім нығая берсін. Мемлекеттік рәміздерге деген құрмет патриоттық рухты күшейтіп, елімізге деген мақтаныш сезімін арттыра берсін.Мереке құтты болсын! Қазақстан Республикасының Мемлекеттік рәміздер күні құтты болсын!Ақпарат көзі : https://www.gov.kz/memleket/entities/kgd-astana/press/news/details/1234039?lang=ru