Абай облысының орталығы Семей қаласында әр сенбі сайын «Северный» сауда-логистикалық орталығында (СЛО) ауыл шаруашылығы жәрмеңкелері тұрақты түрде өтеді. Жәрмеңкелердің басты мақсаты - қала тұрғындарын сапалы әрі қолжетімді азық-түлікпен қамтамасыз ету.Қаланың оң жағалауында орналасқан «Северный» СЛО (мекенжайы: Северный өндірістік торабы, 2) – заманауи үлгідегі тұрақты сауда алаңы. Аталған орталықпен жасалған меморандум аясында 24 сауда орны тегін беріліп отыр, бұл өз кезегінде өнім бағасының төмен болуына ықпал етеді.Жәрмеңкеде әлеуметтік маңызы бар азық-түлік өнімдері, яғни ет, сүт өнімдері, көкөністер, наубайхана бұйымдары мен жармалар ұсынылды. Бағалар нарықтағы бағадан төмен:сиыр еті - 3500 тг/кгтауық еті - 1500 тг/кгбірінші сортты ұн - 180 тг/кгнан - 150 тгкүнбағыс майы («Заречное») — 850 тг/лсары май («Бородулиха ауданы») - 2800 тг/кгкартоп - 180 тг/кгсәбіз - 200 тг/кгпияз - 170 тг/кгорамжапырақ - 190 тг/кгқант - 490 тг/кгжұмыртқа - 580 тг/ондыққарақұмық - 250 тг/кгБүгінгі жәрмеңкеде 19,5 тонна сиыр еті, 1000 кг картоп, 1000 кг пияз, 250 кг сәбіз, 250 кг орамжапырақ сатылып, халыққа ұсынылды.Бұл көлем тұрғындардың жәрмеңкеге деген сұранысының жоғары екенін көрсетеді. Семейліктер қолжетімді баға мен өнім сапасын оң бағалауда.Қазіргі таңда Абай облысы әкімдігі қыркүйек-желтоқсан айларына арналған қосымша ауыл шаруашылығы жәрмеңкелерінің кестесін әзірлеуде. Бұл күз-қыс мезгілінде де тұрғындарды үздіксіз әрі қолжетімді азық-түлікпен қамтамасыз етуге мүмкіндік береді.Семейдегі ауыл шаруашылығы жәрмеңкелері - бұл жай ғана сауда емес, халықтың әлеуметтік қолдау тетігі.Ақпарат көзі : https://www.gov.kz/memleket/entities/mti/press/news/details/1071955?lang=kk

2025 жылғы 20 қыркүйекте Қарағанды қаласындағы «Global City» сауда-ойын-сауық орталығы аумағында дәстүрлі «Ауыл береке – 2025» атты күзгі ауыл шаруашылығы жәрмеңкесінің ашылуы өтті. Маусым сайын ұйымдастырылатын бұл шара биыл да қала тұрғындарының қызығушылығын тудырып, сапалы әрі қолжетімді өнімдерді сатып алуға тамаша мүмкіндік ұсынды.Жәрмеңкеде халықтың ерекше назарын аударған өнім — сиыр еті болды. Сауда алаңына 50 тоннадан астам сиыр еті жеткізіліп, ол нарықтық бағадан 10–15%-ға төмен бағамен сатылды. Бұл баға саясаты қазіргі экономикалық жағдайда тұрғындар үшін өте тиімді. Сонымен қатар, жәрмеңкеде қой еті, жылқы еті, құс еті, сүт және сүт өнімдері, балық пен балық өнімдері, көкөністер, жұмыртқа, жарма және басқа да тауарлар ұсынылды.Жәрмеңкеге облыстың жеті ауданынан және қаладағы өңдеу кәсіпорындарынан келген 90-нан астам ауыл шаруашылығы тауарын өндіруші қатысты. Барлығы 120 тоннадан астам ауыл шаруашылығы өнімі сатылымға шығарылды. Оның ішінде: 52,2 тонна ет, 25 тонна картоп, 7 тонна көкөніс, 16 тонна сүт өнімдері, 4 тонна балық және балық өнімдері, 175 мың дана жұмыртқа және 10 тоннадан астам өзге де өнімдер бар.Жәрмеңке жергілікті атқарушы органдардың қолдауымен ұйымдастырылып, қала тұрғындарын қолжетімді азық-түлікпен қамтамасыз етуге және отандық тауар өндірушілерді қолдауға бағытталған. Шаруалар мен тұтынушылар арасында тікелей сауда жасау мүмкіндігі бағаны тұрақты ұстап тұруға септігін тигізіп, өнімдердің кең аудиторияға қолжетімді болуына жағдай жасады.«Ауыл береке – 2025» жәрмеңкесі алдағы демалыс күндері де өз жұмысын жалғастырады. Қарағандылықтар ауыл шаруашылығы өнімдерін делдалсыз, тікелей өндірушіден тиімді бағада сатып ала алады.Ақпарат көзі : https://www.gov.kz/memleket/entities/mti/press/news/details/1071958?lang=kk

Тауарларды уақытша сақтау дегеніміз, ол шетелдік тауарларды уақытша сақтау орындарында кеден органы оларды шығарғанға дейін, немесе егер шетелдік тауарлар кедендік шекарасы арқылы тауарлардың орын ауыстыратын жерлерінде сақталған болса, тауарлардың Еуразиялық экономикалық одақтың кедендік аумағынан кетуіне кеден органының рұқсатын алғанға дейін сақтау.Тауарларды уақытша сақтау құбыржол көлігімен немесе электр беру желілері арқылы өткізілетін тауарларға қатысты қолданылмайды. Тауарларды уақытша сақтауды жүзеге асыруға болатын уақытша сақтау қоймалары мен өзге де уақытша сақтау орындары болып табылады. Уақытша сақтау орындары кедендік бақылау аймағы болып табылады.Тауарларды уақытша сақтауға орналастыру үшін тасымалдаушы немесе тауарларға қатысты өкілеттіктері бар өзге тұлға кеден органына тауарлар, тауарларды жөнелтуші және алушы, оларды жөнелтуші ел және межелі ел туралы мәліметтерді қамтитын көліктік (тасымалдау), коммерциялық және (немесе) кедендік құжаттарды не электрондық құжат түрінде ұсынылған алдын ала ақпараттың тіркеу нөмірі туралы мәліметтерді қамтитын құжатты ұсынады.Құжаттарды кеден органына беру электрондық нысанда жүзеге асырылуы мүмкін. Кеден органы тауарларды уақытша сақтауға орналастыру үшін ұсынылған құжаттарды осындай құжаттар кеден органына берілген кезден бастап бір сағаттан кешіктірмей тіркейді және тұлғаға құжаттардың тіркелгені туралы растаманы береді.Тауарларды уақытша сақтау мерзімі кеден органы тауарларды уақытша сақтауға орналастыру үшін ұсынылған құжаттарды тіркеген күннен кейінгі күннен бастап есептеледі және төрт айды құрайды.Ақпарат көзі : https://www.gov.kz/memleket/entities/kgd-vko/press/news/details/1071966?lang=kk

Тамыз айының басынан бері Қазақстанда азық-түлік бағасының өсу қарқыны айтарлықтай баяулады. Егер екінші тоқсанда азық-түлік инфляциясы мен азық-түлікке жатпайтын тауарлар мен қызметтер инфляциясының айырмасы 4,6 пайыздық пунктті құраса, бүгінде бұл алшақтық 2,9 пунктке дейін қысқарды. Тек шілде-тамыз айларында азық-түлік бағасының өсуі 1,2 пайыздық пунктке жетті, ал тамызда азық-түлік инфляциясы бар болғаны 0,5% болды . Бұл азық-түлікке жатпайтын тауарлармен салыстырғанда екі есе, ал қызметтермен салыстырғанда үш есе төмен.Әлеуметтік маңызы бар азық-түлік тауарларына ерекше көңіл бөлінуде. Азық-түлік қоржынына 160 атау кіреді, оның ішінде тек 19-ы мемлекеттік реттеуге жатады. Жыл басынан бері әлеуметтік маңызы бар азық-түлік тауарларының (ӘМАТ) баға индексі 108%-ды құрады, алайда тамыз айында өзгеріссіз қалды, ал қыркүйектің үш аптасында бар болғаны 0,2%-ға өсті.Әсіресе көкөністе оң динамика байқалады. Тамыз айының басынан бері бағаның өсу қарқынын орта есеппен 2,5 есеге төмендету мүмкін болды. Мәселен, шілдеде картоптың келісі 300 теңге болса, бүгінде 184 теңгеден сатылып жатыр. Бұл былтырғы деңгейден де төмен. Сәбіз 295 теңгеден 193 теңгеге, пияз 222 теңгеден 137 теңгеге арзандады. Басқа да негізгі өнімдерге баға тұрақты. Жыл басынан бері сүт өнімдерінің бағасы небәрі 5,3%-ға өсті, бұл қалыпты көрсеткіш болып саналады. Қарақұмық 8,9%-ға қымбаттады, бірақ оның қоржындағы үлесі аз болғандықтан, жалпы индексіне әсері мардымсыз. Бұдан бөлек, рожки, ұн және күріш секілді тауарлар былтырғыдан арзан.Сонымен қатар, әлеуметтік маңызы бар өнімдер ішінде баға динамикасына сиыр еті ең көп әсер етіп отыр.Бұл өнім дәстүрлі түрде тұтыну қоржынында маңызды үлеске ие және бағаның ауытқуы халық бюджетіне айтарлықтай ықпал етеді. Әсіресе, әлеуметтік маңызы бар тауарлар тізіміне кіретін жауырын-кеуде бөлігі ерекше сұранысқа ие. Ол азық-түлік тауарлары арасынан жалпы тұтыну инфляциясына әсері бойынша бірінші орында тұр – шамамен 2 пайыздық пункт. Жалпы ет бағасының индексі жыл басынан бері 25%-ға жуық болса, сиыр етінің жауырын-кеуде бөлігі 23,6%-ды құрады.Салыстырмалы талдау: Қазақстандағы және жақын шетелдегі сиыр еті бағасы2023 жылдың желтоқсанында сиыр етінің жауырын-кеуде бөлігінің біо келісі орта есеппен 2 506 теңге тұрса, 2024 жылдың қыркүйегінде 2 549 теңге, ал желтоқсанда 2 572 теңге болды. Яғни, жыл бойы баға жанар-жағармай мен электр энергиясы тарифтерінің өсуіне байланысты өзіндік құн артқанына қарамастан, іс жүзінде тұрақты сақталды. Кейбір кезеңдерде өнім өзіндік құнынан да төмен сатылды, бұл азық-түліктің маңызды санаттары бойынша бағаны ұстап тұру шараларының қабылданып жатқанын көрсетеді.Өзге елдермен салыстыру үшін мына деректер ұсынамыз. Бүгінде Қазақстанда сиыр етінің жауырын-кеуде бөлігінің бір килограмының орташа бағасы 4 715 теңгенң құрайды. Салыстыру үшін: Ресейде 10 180 теңге, Өзбекстанда 5 227 теңге, Арменияда 5 112 теңге, Тәжікстанда 6 070 теңге, Беларусьте 4 480 теңге. Осылайша, өңір елдерінің басым бөлігімен салыстырғанда, Қазақстандағы баға ең қолжетімді деңгейде қалып отыр.Бағаны тежеу үшін қандай шаралар қабылдануда?Бағаны тежеу мақсатында 15 -і мамырдан бастап тірі малды әкетуге тыйым салынды. Бұл баға өсімін баяулатуға мүмкіндік берді. Егер ақпан–сәуірде өсім айына 3%-ды құраса, мамыр–шілдеде 1,4%-ға дейін түсті. Алайда қазақстандық етке көрші елдере, әсіресе Өзбекстанда сұраныстың өсуі , сондай-ақ қайта өңделген етті экспорттау мүмкіндігі әкету көлемінің айтарлықтай өсуіне алып келді. Бүгінде сиыр еті экспорты 27 мың тоннаны құрап, өткен жылғы көрсеткіштен 3,2 есе жоғары болды.Осыған байланысты Үкімет ішкі нарықты толықтыру шараларын қолдады. Жыл соңына дейін сиыр етін экспорттауға квота енгізу туралы шешім қабылданып, тек ет өңдеу кәсіпорындарына ғана сыртқа шығаруға рұқсат берілмек. Бұған қоса, үш елден ірі қара мал етін импорттауға кедендік бажды нөлге теңестіру бастамасы қарастырылуда, сондай-ақ Ресей Федерациясынан да осындай ұсыныс түсті. Бұл ішкі қажеттілік пен саланың экспорттық әлеуеті арасындағы тепе-теңдікті сақтауға мүмкіндік береді.Өңірлерде азық-түлікке қолжетімділікті арттыру үшін ауыл шаруашылығы жәрмеңкелері жалғасуда. Жыл басынан бері 3,7 мыңнан астам жәрмеңке өткізіліп, фермерлерге тегін сауда орындары берілді. Бұл артық делдалдарды айналып өтуге және бағаны қолжетімді деңгейде ұстауға көмектеседі. Бұдан бөлек, күнделікті режимде сауда желілерінде және базарларда баға мониторингі жүргізіледі. Соңғы тексерістер нәтижесінде «Анвар», «Смолл» және «Магнум» желілерінде сауда үстемелері нормадан (5–14%) аспайтыны анықталды. Сиыр етінің килограмы 2 650-ден 3 890 теңгеге дейінгі аралықта, сатып алу бағасына байланысты сатылуда. Ал ӘМАТ тізіміне кірмейтін басқа бөліктерінің бағасы сорпа жиынтығына 500 теңгеден антрекотқа 5,5 мың теңгеге дейін құбылады. Бұл позицияларға мемлекеттік реттеу қолданылмайды.Негізсіз үстемелер мен артық делдалдарға қарсы күрес жұмысы жүріп жатыр. Жыл басынан бері ел бойынша өңірлік комиссиялар 747 отырыс өткізіп, нәтижесінде 345 өнімсіз делдал жойылды. 2 мыңнан астам әкімшілік қаулы шығарылды. Сауда үстемелерін бақылау аясында министрліктің аумақтық департаменттері 2,6 мыңнан астам қаулы қабылдады, оның ішінде 1,5 мыңы – жалпы сомасы 56,5 млн теңгені құрайтын айыппұл, 1,2 мыңы – ескерту. Әлеуметтік маңызы бар азық-түлік тауарларына шекті сауда үстемесін асыру деректері бойынша ғана 2,2 мың қаулы рәсімделді, оның ішінде 1 мыңы – 39,6 млн теңге айыппұл, 1,2 мыңы – ескерту.Бұған қоса белсенді аналитикалық жұмыс жүргізілуде. 2025 жылдың басынан бері шамамен 9 мың баға қалыптастыру тізбегі талданып, 823-ке жуық бұзушылық қаупі анықталды.Осылайша, жекелеген қиындықтарға қарамастан, жалпы азық-түлік инфляциясы баяулап, негізгі әлеуметтік өнімдердің бағасын тұрақты деңгейде ұстап тұруға мүмкіндік болып отыр. Қазақстан ЕАЭО елдері арасында ең қолжетімді азық-түлік қоржындарының бірін сақтап отыр және бұл жұмыс азаматтардың игілігі үшін жалғастырылады.Ақпарат көзі : https://www.gov.kz/memleket/entities/mti/press/news/details/1071967?lang=kk

Батыс Қазақстан облысының Қаратөбе ауданында ұзындығы 63,1 шақырым болатын магистральдық су жүйесінің құрылысы жүріп жатыр. Жоба ауылдарды таза ауыз сумен қамтамасыз етуге бағытталған.Бұл жобаның іске асуы нәтижесінде бүгінде ауыз суға қол жеткізе алмай отырған Төлен және Сәуле ауылдары орталықтандырылған су жүйесіне қосылады. Сонымен қатар Қарақамыс ауылындағы су сапасы жақсарады.Нысанды пайдалануға беру осы жылдың желтоқсан айына жоспарланған. Қазіргі уақытта құрылыс-монтаж жұмыстарының 50%-ы аяқталды.«Мемлекет басшысы еліміздің батыс өңіріндегі елді мекендерді тұрақты сумен қамтамасыз етуді тапсырды. Бұдан бөлек, министрлік 1,3 млн адамды ауыз сумен қамту үшін ұзындығы 2,5 мың шақырымнан астам су құбырларын салу және реконструкциялау жұмыстарын жүргізіп жатыр. Жалпы алғанда, еліміздің 9 өңірінде – Ақмола, Атырау, Алматы, Қызылорда, Түркістан, Батыс Қазақстан, Солтүстік Қазақстан, Маңғыстау және Ұлытау облыстарында 31 жоба жүзеге асырылып жатыр», – деді Су ресурстары және ирригация вице-министрі Ерболат Ибрайханов.Ақпарат көзі : https://www.gov.kz/memleket/entities/almobl-vod-irrigation/press/news/details/1071977?lang=kk

Сарыөзек гарнизонында орналасқан «Көктал» оқу-жаттығу полигонында «Десант-2025» екі жақты, екі кезеңді командалық-штабтық оқу-жаттығуының белсенді фазасы өтті. Бұл маневрлерге Десанттық-шабуылдау әскерлерінің 3000-нан астам әскери қызметшісі қатысты.Оқу-жаттығу бөлімшелердің жоғары жауынгерлік дайындық жағдайындағы іс-қимылын жетілдіруге бағытталған біртұтас стратегиялық міндет аясында ұйымдастырылды. Әсіресе, бөлімшелердің белгіленген ауданға марш жасауын, рейдтік жасақ пен жалпыәскери резерв құрамында ұрыс жүргізуге дайындығын үйлестіруге баса назар аударылды.Қорғаныс министрі авиация генерал-лейтенанты Дәурен Қосанов өз сөзінде мұндай оқу-жаттығулардың Десанттық-шабуылдау әскерлерінің жауынгерлік қабілетін арттырудағы маңызын атап өтіп, жеке құрамды даярлауда жаңа әдістер мен технологияларды енгізудің өзектілігіне ерекше тоқталды.– Мұндай жаттығулар – жай ғана тексеру емес, бұл бөлімшелердің үйлесімділігін көрсетуге, олардың шынайы жауынгерлік қуатын сынауға және өз күшіне деген сенімді нығайтуға берілген маңызды мүмкіндік, – деді Қорғаныс министрі.«Десант-2025» оқу-жаттығуының ерекше тұсы шынайы ұрыс жағдайына барынша жақындатылған жаңа, серпінді форматта өтуі болды. Алғаш рет барлық деңгейдегі басқару органдары мен десанттық-шабуылдау бригадаларының 800-ден астам әскери қызметшісі жауынгерлік құжаттарды әзірлеп, оқу-жауынгерлік тапсырмаларды орындап, төрт тәулік бойы қорғалған командалық пункттерде жұмыс жүргізді. Бұл жаттығудың шынайылығы мен жеделдігін едәуір арттырды.Оқу барысында заманауи ұрыс жүргізу технологиялары, оның ішінде ұшқышсыз ұшу аппараттары кеңінен қолданылды. Олар әуеден барлау жүргізу, авиация мен артиллерияның оқ атуын түзету, қарсы тарапқа соққы беру және бөлімшелерді нақты уақыт режимінде басқару сияқты міндеттерді тиімді атқаруға мүмкіндік берді. Бұл шешім қабылдауды жеделдетіп, ұрыс даласындағы іс-қимылдардың тиімділігін арттырды.Қарулы күштер түрлерінің өзара іс-қимылын пысықтау үшін жаттығуға армиялық тікұшақтар мен майдандық авиация ұшақтары тартылды.Логистикалық қамтамасыз ету мақсатында С-295 ұшақтары қолданылып, оқ-дәрі, дәрі-дәрмек, азық-түлік пен өзге де материалдық құралдар жеткізілді. Сонымен қатар ПГС-500 парашюттік-жүк жүйесі мен болашағы зор АПСДГ-500 автоматтандырылған жүк жеткізу жүйесі де пайдаланылды.«Десант-2025» оқу-жаттығуы барысында жалпы саны 50-ден астам артиллериялық қару-жарақ, 30-ға жуық сауытты техника және 250-ден астам автокөлік тартылды.Оқу-жаттығу Десанттық-шабуылдау әскерлерінің тактикалық шеберлігін жетілдіру мен жауынгерлік даярлығын арттырудағы маңызды кезеңге айналды. Бұл – еліміздің қауіпсіздігі мен ұлттық мүдделерін қорғаудың берік кепілі. Оқу-жаттығу аяқталғаннан кейін авиация генерал-лейтенанты Даурен Қосанов Алматы гарнизонының әскери бөлімдеріне барды. Командирлердің баяндамаларын тыңдап, әскери нысандарды аралаған соң, Қорғаныс министрі оқу-жауынгерлік міндеттердің сапалы орындалуын, әскери инфрақұрылым нысандарының, әскери техника мен авиацияның жұмыс жағдайында болуын қамтамасыз ету жөнінде нақты тапсырмалар берді.Ақпарат көзі : https://www.gov.kz/memleket/entities/mod/press/news/details/1071978?lang=kk

20-21 қыркүйек күндері Астанада Абай және Атырау облыстарының тауар өндірушілерінің кезекті өңірлік ауыл шаруашылығы жәрмеңкесі өтіп жатыр.Жәрмеңкеде Абай және Атырау облыстарының ауыл шаруашылығы тауар өндірушілері ет, балық, сүт өнімдері, бакалея, көкөніс пен жеміс-жидектер сынды әртүрлі өнімдерді тікелей фермерлерден ұсынады. Бұл өз кезегінде азық-түліктің қолжетімділігін арттырып, отандық өндірушілерді қолдауға септігін тигізеді. Атап айтқанда, өңірлік тауар өндірушілер шамамен 400 тонна өнім әкелген. Оның ішінде 140 тонна ет және ет өнімдері, 80 тонна көкөніс пен жеміс-жидек, 70 тонна бал, 50 тонна бақша өнімдері, 25 тонна балық, 15 тонна сүт өнімдері және шамамен 20 тонна өзге де азық-түлік өнімдері бар.Сонымен қатар, елорда тұрғындары мен қонақтары өнімдерді фермерлерден тікелей сатып алып қана қоймай, өңірлік шығармашылық ұжымдардың қатысуымен өтетін концерттік бағдарламаны тамашалай алады. Жәрмеңке сағат 9:00-ден 18:00-ге дейін жұмыс істейді.Айта кетейік, биылғы жылы жәрмеңке Қарқаралы тас жолы, 1 мекенжайы бойынша орналасқан «Қазанат» ипподромының автотұрағында өтуде. Сондай-ақ, жәрмеңке күндері елорда тұрғындары мен қонақтарының ыңғайлылығы үшін №18, 37 және 303 бағытындағы автобустар қатынауда, бұл іс-шара өтетін орынға қолайлы жетуге мүмкіндік береді.Ақпарат көзі : https://www.gov.kz/memleket/entities/mti/press/news/details/1071987?lang=kk

Ақтөбе қаласында облыс прокуратурасының Үйлестіру кеңесінің кеңейтілген отырысы өтті.Басты тақырып – кәмелетке толмағандар қылмысының, суицидтердің және отбасылық-тұрмыстық зорлық-зомбылықтың алдын алуда заманауи цифрлық шешімдерді қолдану.Отырысқа Қазақстан Республикасы Бас Прокурорының орынбасары Ғалымжан Қойгелдиев, Қазақстан Республикасындағы Бала құқықтары жөніндегі уәкіл Динара Зәкиева, облыс әкімі Асхат Шахаров, Ішкі істер министрлігінің, Еңбек және халықты әлеуметтік қорғау министрлігінің, Білім министрлігінің басшылық құрамы, Әйелдер мен балаларды қорғау орталығының директоры, сондай-ақ кеңес мүшелері мен сарапшылар қатысты.Жиынды аша отырып, Бас прокурордың орынбасары отбасылық-тұрмыстық зорлық-зомбылық, балалар арасындағы суицидтер және буллинг – ел үшін ерекше өзекті мәселесі екенін атап өтті.Мемлекет басшысының тапсырмаларын орындау мақсатында тұрмыстық зорлық-зомбылық саласындағы құқық бұзушылықтар үшін жауапкершілікті күшейту және әлеуметтік осал топтарды қорғау үшін Қылмыстық кодекске бірқатар өзгерістер енгізілді.Біз бұл мәселеге уақыт талабына сәйкес, цифрлық шешімдер қолдану арқылы қарсы тұруымыз қажет.Алдын алу жұмыстарына цифрлық шешімдерді енгізу – мемлекеттік саясаттың басым бағыттарының бірі болып табылатын Бала мен әйелдің құқықтарын қорғауда қабылданатын шаралардың ашықтығын, объективтілігін және тиімділігін арттырудың маңызды шарты болып табылады.Облыс прокурорының орынбасары Айбек Тағыберген өз баяндамасында прокуратура тарапынан отбасылық-тұрмыстық зорлық-зомбылық пен кәмелетке толмағандар қылмысының алдын алу бағытында кешенді шаралар іске асырылғанын хабарлап өтті.Атап айтқанда, 1331 қолайсыз отбасыға бару ұйымдастырылды, 763 баланың құқығы қорғалды, полиция тарапынан 3490 қорғау нұсқамасы енгізіліп, 78 млн теңге алимент өндіруге қол жеткізілді, қадағалау актілері негізінде 45 жетім бала тұрғын үймен қамтамасыз етіліп, тағы 24 бала кезекке қойылды.Сонымен қатар, балалармен, ата-аналармен және педагогтармен кең ауқымды профилактикалық іс-шаралар ұйымдастырылып, 51 мыңнан астам студенттерді қамтыған ВКБ арқылы кездесулер өткізіліп, 11 мың педагогтың қатысуымен жиын, 16 мың ата-ананың қатысуымен облыстық ата-аналар жиналысы ұйымдастырылып, өңірдің барлық мектептері мен колледждерінде «Заң мен Тәртіп» сабағы енгізілді.Өз кезегінде облыс прокуроры Марат Әбішев барлық мемлекеттік органдардың жұмысының жеткілікті деңгейде үйлестірілмей отырғанына назар аударды.Қылмыстың жалпы төмендеуіне қарамастан, жасөспірімдер арасындағы және тұрмыстық саладағы құқық бұзушылықтар саны әлі де жоғары деңгейде қалып отыр.Сондықтан, ағымдағы жылдың тамыз айынан бастап облыс әкімдігімен, ПД, ҚСжАЕКД және ҚАЖД-мен бірлесіп, өңірде республикалық «FSM Social» цифрлық бағдарламасы белсенді түрде енгізіліп, онда 3 мыңға жуық учаскелік полиция қызметкерлері, пробация қызметкерлері, әлеуметтік қызметкерлер мен мұғалімдер жұмыс істеуде.Бүгінде мобильді қосымшаға күн сайын шамамен 200-ге жуық құқық бұзушылық пен оқиға туралы сигналдар түсуде. Алынған ақпарат қиын өмірлік жағдайға тап болған қолайсыз отбасыларды, әйелдер мен балаларды анықтауға көмектеседі.Жүйе мемлекеттік органдардың іс-қимылдарын үйлестіреді және «Отбасының цифрлық картасы» деректері негізінде әр отбасының цифрлық бейнесін жасайды. Содан кейін жеке көмек жоспары әзірленіп, тиісті органдарға жолданады. Барлық процесс «FSM Social» мобильді қосымшасында бақыланады.Отбасын қолдау орталығының директоры Жақсылық Танатаров осы қосымшаны жиынға қатысушыларға таныстырып, қатысушылардың жүйенің функционалы мен мүмкіндіктеріне қатысты қойған сұрақтарына толық жауап алды.Үйлестіру кеңесінің қорытындысы бойынша отбасын қолдау орталықтарының жұмысын күшейту, полиция, пробация, білім беру және денсаулық сақтау органдарының қызметін «FSM Social» қосымшасы аясында үйлестіру, тәуекел тобындағы тұлғалардың деректерін қосымшаға енгізу арқылы құқық бұзушылықтарды ерте анықтау бойынша нақты міндеттер айқындалды.Ақпарат көзі : https://www.gov.kz/memleket/entities/prokuratura-aktobe/press/news/details/1071996?lang=kk

06.11.2025 жылғы Көксу ауданы бойынша Мемлекеттік кірістер басқармасында азаматтар мен кәсіпкерлерді салық заңнамасындағы алдағы өзгерістер туралы хабардар ету мақсатында "Ашық есік күні" ұйымдастырылды.Іс-шараның негізгі мақсаты — қатысушыларды 2026 жылдан бастап күшіне енетін жаңа Салық кодексінің негізгі ережелерімен егжей-тегжейлі таныстыру.Өткізілген "Ашық есік күні" салық төлеушілерге алдағы салық реформасына уақытында дайындалуға көмектесуге бағытталған ақпараттық науқанның бір бөлігі болды.Ақпарат көзі : https://www.gov.kz/memleket/entities/kgd-zhetysu/press/news/details/1100231?lang=kk

2026 жылғы 1 қаңтардан бастап әлеуметтік салықты есептеу тәртібі өзгерді.Жаңа ережелер:Әлеуметтік салық пен әлеуметтік аударымдардың өзара байланысы алынып тасталды.Бірыңғай мөлшерлеме – 6% (қазіргі 11%-дың орнына).Ауыл шаруашылығы өнімін өндірушілер мен қайта өңдеушілер үшін төмендетілген мөлшерлеме – 1,8%.ЖК және жеке практикамен айналысатын тұлғалар үшін:Өзі үшін – 2 АЕК,Әр қызметкер үшін – 1 АЕК.Шаруа қожалықтары үшін:Өзі үшін – 0,6 АЕК,Әр қызметкер үшін – 0,3 АЕК.Ақпарат көзі : https://www.gov.kz/memleket/entities/kgd-vko/press/news/details/1071660?lang=kk

2026 жылғы 19 қыркүйекте Алакөл ауданы бойынша Мемлекеттік кірістер басқармасы тұрғындар мен кәсіпкерлер үшін "Ашық есік күнін" өткізді. Іс-шараның мақсаты — 2026 жылдан бастап күшіне енетін салық заңнамасындағы негізгі өзгерістерді толық түсіндіру болды.Кездесу барысында МКБ мамандары жаңа Салық кодексі туралы егжей-тегжейлі айтып, ҚҚС, КТС және ЖТС-ты есептеу мен төлеуге қатысты өзгерістерге ерекше назар аударды.Қатысушылар мына жаңалықтар туралы толық ақпарат алды:    шағын және орта бизнес үшін рәсімдерді жеңілдету;    бюрократиялық жүктемені азайту;    анағұрлым ашық және әділ салық жүйесін құру.Бұл "Ашық есік күні" салық төлеушілерге алдағы реформаға алдын ала дайындалуға көмектесуге бағытталған ауқымды ақпараттық науқанның бір бөлігі болды. Ақпарат көзі : https://www.gov.kz/memleket/entities/kgd-zhetysu/press/news/details/1071662?lang=kk

Астанада әлеуметтік маңызды азық-түлік тауарларының бағасын тұрақтандыру және олардың негізсіз өсуін болдырмау үшін жүйелі жұмыс жүргізіліп жатыр.Айналым механизмі аясында шамамен 35 мың тонна азық-түлік тауарлары шартқа алынған. Арнайы назар көкөніс өнімдеріне аударылған. Атап айтқанда, Павлодар, Қарағанды және Түркістан облыстарының тікелей өндірушілерімен «бақшадан сөреге» қағидаты бойынша форвардтық келісімшарттар жасалып, шамамен 20 мың тонна өнім жеткізу көзделген.Сонымен қатар, Ақмола, Қызылорда, Қостанай және Ақтөбе облыстарының бакалея, сүт және ет өнімдері өндірушілерімен шамамен 15 мың тонна тауарға келісімге қол жеткізілген. Өнімді сату үшін елордадағы 120-дан астам сауда нүктесі тартылған.Азық-түлік бағаларының делдалдық схемелерін зерттейтін өңірлік комиссия белсенді жұмыс істейді. Биыл 69 отырыс өткізілген, оның барысында Сауда және тұтынушылардың құқығын қорғау департаменті 115 жағдайды анықтап, оның ішінде 19 ескерту берілді, сол сияқты 2,2 млн теңге көлемінде 96 әкімшілік айыппұл салынған.Республиканың өңірлік тауар өндірушілерінің қатысуымен жыл сайын өткізілетін ауыл шаруашылығы жәрмеңкелері дәстүрлі түрде елордалық нарықты жаңа және қолжетімді өнімдермен қамтамасыз етуге ықпал етеді. Жәрмеңкелердің ерекшелігі – тауарларды тікелей фермерлерден сату.Биылғы жәрмеңкелер 30 тамыздан 26 қазана дейін демалыс күндері өтеді, оған республиканың 17 облысы қатысады.Жәрмеңкелер Қарқаралы тасжолы, 1 мекенжайында («Қазанат» ипподромының қарама-қарсы жағында) ұйымдастырылған. Қала тұрғындары мен қонақтарының ыңғайлылығы үшін жәрмеңке орнына №18, 37 және 303 автобустары қатынайды.Аталған бастамаларды жүзеге асыру Астана тұрғындары үшін азық-түлік бағасының қолжетімділігін қамтамасыз етіп, қалалық азық-түлік нарығының тұрақтылығын сақтауға елеулі үлес қосады. Дереккөз: https://www.instagram.com/p/DOvKpOgjfMF/ Ақпарат көзі : https://www.gov.kz/memleket/entities/astana-uir/press/news/details/1071669?lang=kk

Алдағы үш жыл ішінде Алматы облысында 110 гектар жерге алма ағашы отырғызылып, әйгілі апорт сорты қайта жаңғыртылмақ. Бұл бастама Мемлекет басшысының апорт алмасын жандандыру жөніндегі тапсырмасы аясында жүзеге асуда. Аталған жоспар Талғар ауданында өткен дәстүрлі «Бақ күні» шарасында жария етілді.Ұлттық ғылым академиясының ұйымдастыруымен өткен форумда бағбандар мен ғалымдар жеміс ағаштарын көбейту, жаңа сұрыптарды енгізу, сондай-ақ заманауи агротехнологияларды пайдалану бағытында пікір алмасты. Шара ғылым, мемлекет пен бизнес арасындағы тиімді диалог алаңына айналды.Тыныбай Шынтасов, шаруа қожалығының жетекшісі:«Қазақстандағы селекцияның жағдайы, инновацияның жағдайы сәл де болса өзгеріс бар. Оған шүкіршілік айтамыз. Бірақ мына подвой деген дүниеде біз өңкей ескі подвойларды пайдаланып жатырмыз».Форумның басты тақырыбы – әйгілі апортты жандандыру. Осы мақсатта облыста 110 гектар жерге алма көшеттері отырғызылмақ. Ғалымдар сапалы әрі мол өнім алуға ниетті.Теміржан Айтбаев, Қазақстан жеміс-көкөніс шаруашылығы ғылыми-зерттеу институтының басқарма төрағасы:«Біздің институтымыз Президент басқармасының қолдауымен, Ауыл шаруашылығы министрлігінің қолдауымен және Ұлттық аграрлық ғылыми-білім беру орталығының қолдауымен осы биылдан бастап апортты жандандыру үлкен жобасын жүзеге асырып жатыр».Қазіргі таңда Алматы облысы елімізде жеміс-жидек пен көкөніс өндірісі бойынша екінші орында. Өңір ішкі нарықтың 16 пайызын қамтамасыз етеді.Бақытнұр Бақытұлы, облыс әкімінің орынбасары:«Алматы облысы бойынша 12 мың гектардан астам жер осы бақ бағытында жұмыс атқарылып жатыр. Жаңа технологияларды қосу аясында 1 гектардан 15 тоннадан 45 тоннаға дейін өнімділікті көтеруге мүмкіндік қарастырылып жатыр».Конференция соңында елдегі селекциялық геноқорды дамытуға қатысты нақты ұсыныстар қамтылған қарар қабылданды.Ақпарат көзі : https://www.gov.kz/memleket/entities/almobl/press/news/details/1071713?lang=kk

Бүгін Ақтөбе қаласында Заңдылықты, құқықтық тәртіпті және қылмыскерлікке қарсы күресті қамтамасыз ету жөніндегі өңірлік үйлестіру кеңесінің жасөспірімдер қылмысының, суицидтің, буллингтің және тұрмыстық зорлық-зомбылықтың цифрлық профилактикасын цифрландыру мәселесі бойынша кезекті отырысы өтті.Іс-шараға  Бас Прокурордың орынбасары Ғ. Қойгелдиев, Ішкі істер министрлігі Әкімшілік полиция комитетінің Төрағасы Қ. Сұлтанбаев, облыс әкімі А. Шахаров, Бала құқықтары жөніндегі уәкіл Д. Зәкиева, сондай-ақ өңірлік құқық қорғау, арнаулы және басқа да мемлекеттік органдардың басшылығы қатысты.Отырыс барысында Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті Төрағасының бірінші орынбасары Руслан Әлкенев жасөспірімдер қылмысының, суицидтің, буллингтің және тұрмыстық зорлық-зомбылықтың алдын алуға бағытталған цифрлық шешімдермен таныстырды.         «Жеке профилактикалық шараларды қажет ететін тұлғалардың тізілімі» модулі отбасы мен тұрмыстық салада жеке тұлғаға және қоғамдық тәртіпке қарсы жүйелі түрде біртекті әкімшілік құқық бұзушылықтар жасайтын азаматтарды анықтауға мүмкіндік береді. Тізілімде қазірдің өзінде Ақтөбе облысының 500-ге жуық тұрғыны есепке алынған, олармен кешенді жұмыстарды жүргізу арқылы өзге де құқық бұзушылықтар мен қылмыстардың жасалуын болдырмауға мүмкіндік береді.Келесі құрал – «e-Otinish» жүйесінде негізгі сөздерге негізделген тәуекелдерді анықтаудың талдамалық моделі буллингпен, зорлық-зомбылықпен және басқа да әлеуметтік-сезімтал мәселелермен байланысты жолданымдарды табады, сондай-ақ оларды формальды немесе сапасыз қарау туралы хабардар етеді.Спикер, бұл құралдар Мемлекет басшысының тапсырмасы бойнша құрылған Қылмыстық қауіп-қатерлердің және қоғамдық қауіпсіздіктің тәуекелдерін болжау орталығының пилоттық жобалар портфеліне кіретінін атап өтті.Үйлестіру кеңесі отырысының қорытындысы бойынша қатысушыларға Комитеттің цифрлық шешімдерін жалпы және жеке профилактика тәжірибесіне белсенді түрде енгізу ұсынылды.Сонымен қатар, құқық қолдану тәжірибесін жетілдіру және құқық қорғау органдарының қызметін одан әрі цифрландыру мәселелері талқыланды. Қазақстан Республикасы Бас прокуратурасыныңҚұқықтық статистика және арнайы есепке алу жөніндегі комитетіАқпарат көзі : https://www.gov.kz/memleket/entities/pravstat/press/news/details/1071714?lang=kk

Прага, 2025 жылғы 18 қыркүйек – Қазақстандық «Astana Motors» компаниясы қытайлық автокөлік өндіруші «Chery» компаниясымен бірлесіп, брендтің Чехия нарығына шығуын және Прага қаласында алғашқы автосалонның ашылуын ресми түрде таныстырды.Іс-шараға «Astana Motors» компаниясының Негізін қалаушы Нұрлан Смағұлов, Қазақстанның Чехия Республикасындағы Елшісі Бақыт Дүйсенбаев, «Chery International» Вице-президенті әрі «Chery» компаниясының Еуропадағы Бас директоры Джефф Чжан, сондай-ақ автомобиль саласының сарапшылары, чехиялық бизнес өкілдері мен журналистер қатысты.Чехияда бес бензинді және гибридті нұсқадағы кроссоверлер ұсынылды. Жыл соңына дейін Chery Tiggo 9 PHEV флагмандық моделінің таныстырылымы өтеді. Презентацияға қатысушылар TIGGO модельдік қатары туралы толық ақпарат алып, алғашқы болып тест-драйвке қатысу мүмкіндігіне ие болды.Автобизнес саласын тұрақты дамыту мақсатында қазақстандық компания Чехияда «Astana Motors Czech» бөлімшесін құрып, елдің барлық аймақтарын қамтитын автосалондар дилерлік желісін іске қосты. Автомобиль жобасының ресми түрде іске қосылуы Қазақстан мен Чехия арасындағы сауда-экономикалық байланыстарды нығайтудың жаңа мүмкіндіктерін ашады.Ақпарат көзі : https://www.gov.kz/memleket/entities/mfa-prague/press/news/details/1071761?lang=kk

Толука, 2025 жылғы 18 қыркүйек – Қазақстанның Мексикадағы Елшісі Алмұрат Тұрғанбеков Мексика Футбол федерациясының атқарушы президенті Ивар Сисниегамен кездесті.Кездесу барысында тараптар ерлер мен әйелдер футболын, жасөспірімдер командаларын және футзалды (шағын футбол) дамытуға ерекше назар аударып, футбол саласындағы екіжақты ынтымақтастықтың перспективаларын талқылады.Елші А.Тұрғанбеков мексикалық тарапқа Қазақстандағы футболдың даму тарихын таныстырып, қазақстандық футбол клубтары мен ел құрамасының жетістіктері туралы баяндады. Осы саладағы байланыстарды нығайту мақсатында Қазақстан мен Мексиканың ұлттық футбол федерациялары арасында ынтымақтастық орнатуды ұсынды.И.Сисниега қазақстандық футболдың қазіргі жетістіктерін жоғары бағалап, «Қайрат» атты Алматы клубының УЕФА Чемпиондар Лигасының 2025/2026 жалпы кезеңіне шығуымен құттықтап, қазақстандық клубтардың әлемдегі ең беделді турнирлердің біріне қатысуын қызығушылықпен бақылап отырғанын атап өтті. Футбол федерациялары арасындағы ынтымақтастықты нығайту және бірлескен жобаларды іске қосу идеясын қолдады.Сонымен қатар, А.Тұрғанбеков Мексика тарапының келесі жылдың жазында Мексика, АҚШ пен Канадада өтетін Футболдан 2026 жылғы Әлем чемпионатына дайындық барысы туралы хабардар етілді.Мексика Футбол федерациясының президенті сондай-ақ әйелдер футболы саласында тәжірибе алмасуға қызығушылық білдірді. Әсіресе қазақстандық футбол федерациясымен, УЕФА және Диснеймен бірлесіп жүзеге асырылатын Қазақстанда UEFA Playmakers бағдарламасын іске қосу идеясын атап өтті.Кездесу соңында тараптар түрлі бағыттар бойынша футбол саласындағы Қазақстан-Мексика ынтымақтастығын одан әрі нығайту туралы уағдаласты.Ақпарат көзі : https://www.gov.kz/memleket/entities/mfa-mexico/press/news/details/1071767?lang=kk

Бүгінгі таңда облыстың 501 елді мекенінен 84 (5 Қала, қалалық бағыныстағы 2 елді мекен: (Рудный қаласының Қашар кенті және Лисаков қаласының Октябрьский кенті), сондай-ақ 77 ауылдық елді мекен) газдандырылды, бұл 16,8% -. құрайды.Облыс бойынша газдандырылған халықтың деңгейі 59,6% -. құрайды (825 597 адамның 492 302-сі). Қала халқының қолжетімділігі 77,1%, ауыл халқының 31,3% құрайды. 2025 жылы облысты газбен жабдықтау бойынша 5 жобаны (4-құрылыс – монтаж жұмыстары, 1-жобалау – сметалық құжаттама) іске асыруға 3 566,3 млн. теңге (ҰҚ-746,0 млн. теңге, ЖБ – 386,3 млн. теңге, "Самұрық – Қазына" АҚ қаражаты-2 434,0 млн. теңге) бөлінді, оның ішінде 2024 жылдан бері ауысып келе жатқан 4 адам.Анықтама:- Әулиекөл ауданы Құсмұрын ауылында (нысанды іске қосу 2026 жылы жоспарланған);- Әулиекөл ауылының АГРС-тен Әулиекөл ауданының Новоселовка ауылына қосылған Диевка ауылына дейін (объектіні іске қосу 2025 жылы жоспарланып отыр);- Әулиекөл ауданы Диевка ауылында (нысанды іске қосу 2025 жылы жоспарланған);- Федоров ауданының Лесное, Березовка ауылдарында (нысанды іске қосу 2025 жылы жоспарланған);Сондай-ақ, ағымдағы жылы "Қостанай облысы Әулиекөл ауданы, Новонежинка ауылында газ тарату желілерін салу"жобасы бойынша мемлекеттік сараптаманың оң қорытындысын алу жоспарлануда.Ақпарат көзі : https://www.gov.kz/memleket/entities/kostanay/press/news/details/1071795?lang=kk

Алматыда ҚР Қаржы министрлігі және «Атамекен» ҰКП бірлесіп жаңа Салық кодексінің нормаларын түсіндіруге арналған семинарды ұйымдастырды. Іс-шараға 800 астам адам жиналды – олардың қатарында іскер азаматтар, мемлекеттік органдар мен «Атамекен» ҰКП өкілдері бар.Қаржы вице-министрі Ержан Біржанов пен ҚР ҚМ Мемлекеттік кірістер комитеті төрағасының орынбасары Жәнібек Нұржанов жаңа Салық кодексінде қарастырылған салықтық әкімшілендіруді жеңілдету мен кәсіпкерлерге жайлы жағдайлар жасауға байланысты, оның ішінде салық есептілігін 30% азайтуға қатысты, сондай-ақ камералды тексерулерді алдын алу форматына ауыстыруға, шоттарды автоматты түрде бұғаттаудан бас тартуға, салық міндеттемелері бойынша кейінге қалдыру және бөліп төлеу рәсімдерін ұсыну, арнаулы салық режимдерінің санын үшке дейін азайту және т.б. артықшылықтарды қамтитын негізгі өзгерістерді жеткізді.Кездесуде өзін-өзі жұмыспен қамтыған азаматтар мен шағын бизнеске салық салу мәселелеріне ерекше назар аударылды. Ж. Нұржанов аталған тұлғаларға 2026 жылдың 1 қаңтарынан бастап икемді және түсінікті арнайы салық режімдері енгізілетінін айтты. Бұл бюрократиялық процедураларды қысқартып, кәсіпкерлердің қолын күрделі есептер мен тексерулерден босатып, кәсіпті дамытуға мүмкіндік береді.«Реформа неғұрлым ашық және түсінікті жүйені қалыптастырады, әкімшілік жүктемені азайтады және еліміздегі кәсіпкерлек сала мен экономиканы дамытуға ынталандырады», деді МКК төрағасының орынбасары. «Атамекен» ҰКП басқарма төрағасының орынбасары Тимур Жаркенов жаңа нормаларды енгізу кезінде мемлекет пен бизнестің жүйелі өзара байланысының маңыздылығын атап өтті.Семинарда сұрақ-жауап сессиясы да болып, жиналған азаматтар мен онлайн режім арқылы қатысып отырған жандар ақпарат парақшаларында орналастырылған QR-код көмегімен көкейдегі сұрақтарын қойды. Сонымен қатар сауалдарды еріктілер арқылы жазбаша түрде беру мүмкіндігі де қарастырылды. Бұл формат ашық диалогты қамтамасыз етіп, ең өзекті мәселелерді заң жобасының сарапшылары мен әзірлеушілерімен тікелей талқылауға мүмкіндік берді.Салық кодексінің нормаларын түсіндіруге бағытталған келесі семинар 2025 жылдың 24 қыркүйегінде Астана қаласында өтеді.Ақпарат көзі : https://www.gov.kz/memleket/entities/minfin/press/news/details/1071798?lang=kk

Атырау облысында «World Clean Up Day» дүниежүзілік тазалық күніне орай кең ауқымды экологиялық сенбілік өтті, - деп хабарлайды Өңірлік коммуникациялар қызметі.Акцияға аймақтың атқарушы органдары, кәсіпорындар, еріктілер, жастар ұйымдары, экобелсенділер мен жергілікті тұрғындар жұмылдырылып, аудан және ауылдық округтерді қоса алғанда барлығы 10 мыңнан аса адам қатысты.Тазалық жұмыстары «Самал» ықшамауданынан «Сарыөзекке» дейінгі аумақты және «Атырау» ықшамауданы жанындағы айналма көпір маңын қамтыды. Сондай-ақ әр аудан экоакцияға қатысып, тазалық жұмыстарын жүргізді. Нәтижесінде 150 тоннадай қоқыс жиналып, арнайы полигондарға шығарылды.«World Clean Up Day» — жыл сайын бүкіл әлем бойынша 180-нен астам елде өтетін халықаралық экологиялық қозғалыс. Акцияға 18 миллионнан астам ерікті қатысып, табиғи аумақтарды қоқыстан тазартады. Елде дәстүрлі сенбілік қыркүйек айының үшінші сенбісінде ұйымдастырылады.Іс-шараны Атырау облысы әкімдігі мен Табиғи ресурстар және табиғат пайдалануды реттеу басқармасы ұйымдастырды.Ақпарат көзі : https://www.gov.kz/memleket/entities/atyrau/press/news/details/1071807?lang=kk

Телеграмм КС - https://t.me/consot_kz Конституциялық Сот Аппаратының қызметкерлері екінші жыл қатарынан Астанада жағалау аумақтарын тазарту акциясына қатысты. Бұл бастама жаһандық World Cleanup Day кампаниясы мен Еуропалық одақ өкілдігі және Эстония Елшілігі ұйымдастырған #EUBeachCleanup экологиялық акциясы аясында өткізілді. Биылғы жылы қатысушылар Есіл өзенінің жағалауын тазартты.Шараға дипломаттар, эко-активистер, мемлекеттік органдар мен халықаралық ұйымдардың өкілдері, сондай-ақ елорда тұрғындарын қоса алғанда, барлығы шамамен 400 адам қатысты.World Cleanup Day – миллиондаған еріктілерді, үкіметтерді және ұйымдарды біріктіретін ең ірі жаһандық қозғалыстардың бірі. 2023 жылы бұл қозғалыс 198 ел мен аумақтағы 19 миллион қатысушыны біріктірді. 2024 жылдан бастап World Cleanup Day ресми түрде БҰҰ күні болып жарияланып, жыл сайын 20 қыркүйекте атап өтіледі және Халықаралық күндер мен апталардың күнтізбесіне енгізілді.Ақпарат көзі : https://www.gov.kz/memleket/entities/ksrk/press/news/details/1071811?lang=kk