Қостанай қаласында 1–2 қараша күндері әлем чемпионы, полиция майоры Руслан Мұқановтың құрметіне арналған қоян-қолтық ұрыстан XV халықаралық турнир өтті. Жарысқа Қазақстан, Қырғызстан, Өзбекстан және Тәжікстан елдерінен 220-дан астам спортшы қатысты.Турнир қорытындысы бойынша Қазақстан Республикасы Ішкі істер министрлігінің Ұлттық ұланының «Burkit Team» командасы жалпыкомандалық есепте бірінші орынды иеленді.Турнирдің басты мақсаты — жастарды патриотизмге, спорт пен Отанға деген сүйіспеншілік рухында тәрбиелеу, сондай-ақ өсіп келе жатқан ұрпақты дене шынықтырумен және жекпе-жек спорт түрлерімен жүйелі түрде айналысуға баулу.Жарыс сегіз салмақ дәрежесінде өтті. Қазақстан Республикасының Ұлттық ұланының әскери қызметшілері өз бөлімдерін абыроймен танытып, бірқатар жүлделерге ие болды.Жеке біріншіліктің нәтижелері:67 келіге дейінгі салмақ бойынша Ұлттық ұлан академиясының курсанты қатардағы Айдын Кабдусалимов — 1 орын67 келіге дейінгі салмақта 6697 әскери бөлімінің қызметшісі қатардағы Жандос Ғалымжанов — 2 орын73 келіге дейінгі салмақта Ұлттық ұлан академиясының курсанты, қатардағы Байбол Қуанышов — 1 орын73 келіге дейінгі салмақ дәрежесінде 6697 әскери бөлімінің қызметшісі қатардағы Жарас Сағын — 3 орын80 келіде 6697 әскери бөлімінің қызметшісі қатардағы Нұрбол Яхияханов — 1 орын88 келіге дейінгі салмақта Ұлттық ұлан академиясының курсанты қатардағы Тамерлан Жолдыбай — 2 орын97 келіге дейінгі салмақ бойынша Ұлттық ұлан академиясының курсанты қатардағы Искандер Жайқабаев — 2 орынОсылайша, ұландықтар тағы да өздерінің жоғары дайындық деңгейін және жеңіске деген ұмтылысын дәлелдеді — бұл спорт ареналарында да, Отанға қызмет етуде де айқын көрініс тапты. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1100042?lang=kk

   2025 жылдың 05 қарашасында Курчатов қаласының аумақтық сайлау комиссиясының төрағасы Б.Т. Мубаряковтың Астана қаласына сапарының қорытындысы бойынша «Сайлау процесін өткізудің ұйымдастырушылық аспектілері мен практикасы» тақырыбында оқыту семинары өткізілді.Оқыту семинарына учаскелік сайлау комиссияларының мүшелері қатысты. Іс-шара барысында Б.Т. Мубаряков қатысушыларға Қазақстан Республикасындағы сайлау процесін ұйымдастырудың негізгі қағидаттары мен тәжірибесін таныстырды. Оқыту кезінде слайдтар мен бейнематериалдар пайдаланылды.Семинардың соңында төраға қатысушылардың сұрақтарына жауап беріп, пікір алмасты.Ақпарат көзі : https://www.gov.kz/memleket/entities/abay-kurchatov/press/news/details/1100034?lang=kk

Вашингтон, 2025 жылғы 5 қараша – Қазақстан Республикасының Сыртқы істер министрі Ермек Көшербаев «С5+1» форматындағы алдағы мерейтойлық кездесуге орайластырылған салтанатты қабылдау шеңберінде Орталық Азия елдерінің сыртқы саяси ведомстволары басшыларының АҚШ Мемлекеттік хатшысы Марко Рубиомен кездесуіне қатысты.Сұхбат барысында тараптар кеңейтілген стратегиялық серіктестіктің перспективаларын, сондай-ақ сауда-инвестициялық ынтымақтастықты нығайтуды қоса алғанда екіжақты күн тәртібіндегі мәселелердің кең ауқымын талқылады. Қазақстан АҚШ-тың Орталық Азиядағы жетекші экономикалық серіктесі екені аталып өтті. Тәуелсіздік жылдарында тікелей америкалық инвестициялардың жалпы ағыны 60 млрд доллардан асты, бұл олардың өңірдегі жиынтық көлемінің 80%-дан астамын құрайды.«С5+1» форматы шеңберінде өңірлік өзара іс-қимыл мәселелеріне ерекше назар аударылды. Е.Көшербаев бұл алаң құрылған сәттен бастап он жыл ішінде ОА-да сенім, өзара түсіністік пен өркендеуді нығайтуға ықпал ететін пәрменді құралға айналғанын атап өтті.Министрлер сондай-ақ мемлекет басшыларының екіжақты форматта және Орталық Азия елдері мен АҚШ арасындағы көпжақты диалог шеңберінде алдағы кездесулеріне дайындықты талқылады.Америкалық тарап өз кезегінде ынтымақтастықты нығайтуға және өңірдің орнықты дамуына бағытталған бастамаларды бірлесіп жүзеге асыруға, сондай-ақ серіктестікті тереңдетуге одан әрі жәрдемдесуге дайын екенін білдірді.Ақпарат көзі : https://www.gov.kz/memleket/entities/mfa-pretoria/press/news/details/1103962?lang=kk

Қазақстандық өндірушілер China International Import Expo (CIIE) — жыл сайын күзде Қытайдың Шанхай қаласында өтетін сауда жәрмеңкесіне қатысты. ҚР Сауда және интеграция министрлігіне қарасты экспортты дамыту жөніндегі бірыңғай оператор QazTrade бұл жолы кооперацияның әлеуетін таныстырды. Биыл Қазақстан өз өніміг бірден барлық төрт алаңда ұсынды. Атап айтсақ, ұлттық павильон, Қытайдың кооперативтер федерациясы (China Co-Op), Jiangsu SOHO алаңында және алғаш рет Алматы қаласының жеке павильоны. Осы орайда, QazTrade пен Қазақстан кооперативтері ұлттық қауымдастығы (NACOFEC) Қытайдың ең ірі кооперативтік желісі China Coop-пен бірлесіп жұмыс жасайтынын мәлімдейді. Нәтижесінде жақын уақытта бал, қымыз, шұбат және кондитерлік өнімдердің алғашқы партиялары Қытай сөрелеріне шығады деп күтілуде. China Coop желісі 340 мыңнан астам дүкенді біріктіреді, ал жылдық айналымы 7 трлн юаньнан асады. Шанхайдағы қазақстандық кооперативтер стендінде 30-дан астам компания мен кооператив өнімін ұсынды. Олардың қатарында: QazExport Global, ТОО GEOM, TOO OIL ECO, Prombaza-7, SHERSTNEV GROUP, IceMaster, Dinastiya Agro, “Kokshetau Mineral Water” JSC, MADI, Nauryz-5, Run Planet Organic, JAIN LLP, Danaker LLP, Mareven Food Tien Shan, Telli Kazakhstan LLP, NefisGroup Ltd., Industry of Semirechye, KAZAGRO-PRO LLP, KOMEK ASIA GROUP, LLP «Light Way Solution», LLP «LWS Agro», LLP «LWS TERMINAL» және Baraka №1 бар. Биылғы Жолдауында Қазақстан Республикасының Президенті Қасым-Жомарт Тоқаев та кооператив жүйесін дамытуды тапсырған болатын. «Агроөнеркәсіп кешенін дамытуда ауылдық кооперация зор мүмкіндікке жол ашады. Осы бағытта пилоттық жоба іске асырылды. Оның нәтижесінде ауыл шаруашылығы кооперативтерінің өнімділігі екі есеге артса, мал басының саны шамамен төрттен біріне көбейді. Бұл табысты тәжірибені өңірлердің ерекшеліктерін ескере отырып, еліміздің барлық аумағында кезең-кезеңімен кеңейту қажет». QazTrade бас директоры Айтмұхаммед Алдажаров атап өткендей: «Қытай нарығына кооперация арқылы шығу отандық компанияларға әлдеқайда тиімді. Ұзақ мерзімде, тұрақты экспортқа шығуға мүмкіндік алады. Біз Қытаймен бірлескен маркетингтік зерттеулер жүргіздік. Алғашқы сынамалық өнімдерді жеткіздік. Нәтижесінде ұн, өсімдік майы, ет, бал, сүт пен кондитерлік өнімдерге басымдық беретін болдық». Спикердің айтуынша, бүгінде Қытай компанияларының Қазақстан мен Орталық Азияға шығуына ықпал ететін акселерация және оқыту бағдарламасы іске қосылып жатыр. Бұл шешім өзара тиімді ынтымақтастықты орнатыр, тұрақты сауда платформасын құруға жол ашады.Ақпарат көзі : https://www.gov.kz/memleket/entities/mti/press/news/details/1100001?lang=kk

Шанхай халықаралық импорттық тауарлар көрмесі сегізінші жыл қатарынан өтіп жатыр. Биылғы CIIE көрмесіне 155 елден өкілдер мен 4100-ден астам шетелдік компания қатысуда. Кәсіби келушілердің саны 449 мыңнан асты. Қазақстан тарапынан 100-ден астам өндіруші қатысып отыр. Бұл еліміздің CIIE көрмесіне қатысу тарихындағы ең жоғары көрсеткіш. «Қазақстан үшін Шанхай көрмесіне қатысу – стратегиялық бағытқа айналды. Бұл алаң отандық өндірушілерге жаңа экспорттық мүмкіндіктер ашып, тек Қытайға ғана емес, басқа да әлемдік нарыққа шығуға жол салады», – деді ҚР Сауда және интеграция министрі Арман Шаққалиев. Министрдің айтуынша, Қытай экономикасындағы жаңа бағыттар бұл көрменің маңызын арттыра түскен. «Қытай ішкі тұтынуды арттыру үшін импортқа басымдық беріп отыр. Бұл – әлемнің түкпір-түкпірінен сапалы тауарлардың келуіне мүмкіндік береді. Ел үкіметінің ресми жол картасына сәйкес, биыл дамушы елдермен, соның ішінде Орталық Азиямен сауданы дамытуға ерекше көңіл бөлінген», – деді министр. Шанхай көрмесіне қатысу арқылы қазақстандық компаниялар экспорттық келісімдер жасап қана қоймай, әлемдегі ең ірі тұтыну нарығына жол ашып келеді. Соңғы бес жылда Қазақстан мен Қытай арасындағы өзара сауда көлемі екі есеге өсіп, 2024 жылы 30,2 млрд долларға жетті. QazTrade мәліметіне сай, Шанхай көрмесіне қатысу арқылы қазақстандық компаниялар соңғы жылдары жалпы құны 306,5 млн доллардан асатын келісімшарттар жасаған. Тек 2023–2024 жылдары май өнімдері, ет, өсімдік майы, түйе сүті ұнтағы, шырындар мен пюрелер жеткізу жөнінде ондаған келісімге қол қойылды. Биыл ауыл шаруашылығы және азық-түлік өнімдерін Қытайға, сондай-ақ Оңтүстік-Шығыс Азия мен Парсы шығанағы елдеріне экспорттауға арналған жаңа ұзақмерзімді келісімдерге қол қою жоспарланып отыр. Көрме аясында QazTrade пен Қытайдың Optimize Integration Group (OIG) компаниясы өзара түсіністік туралы меморандумға қол қойды. Құжат екі ел арасындағы цифрлық сауданы дамытуға, онлайн-платформалар мен заманауи цифрлық құралдар құруға, экспорттық процестерді жеделдетуге бағытталған. Тараптар қазақстандық азық-түлік пен ауыл шаруашылығы өнімдерін Қытай нарығына бірлесіп ілгерілету, заманауи технологиялар мен логистиканы дамыту және өзара есеп айырысу шарттарын жақсарту жөнінде келісті. OIG Group – Қытайдағы азық-түлік импорты саласындағы ең ірі және технологиялық компаниялардың бірі. Ол елдің ең ірі 500 кәсіпорнының қатарына кіреді, әлем бойынша 31 мың жеткізушімен жұмыс істейді, Қытайда 15 кеңсесі және 11 шетелдік өкілдігі бар. Компания платформасы арқылы Қытайға әкелінетін мұздатылған өнімдердің 18% өтеді. Яғни, Қытай нарығындағы әрбір жетінші сиыр еті стейкі, әр алтыншы тауық төс еті және әр бесінші асшаян – OIG арқылы жеткізіледі. «Сауда және интеграция министрлігі шағын және орта бизнестің халықаралық нарыққа шығуы мен жаһандық құн тізбектеріне кірігуі үшін жағдай жасап келеді. Біз қазақстандық өнімді Қытай нарығына өңірлендіру қағидаты бойынша ілгерілетудеміз, яғни түрлі провинцияларда павильондар, өкілдіктер және сауда үйлері ашылуда. Қазірдің өзінде Үрімжі мен Нанькин қалаларында серіктестік кеңселер жұмыс істейді. Көрменің қорытындысы бойынша қазақстандық компаниялардың географиялық қатысу аясын кеңейту жөнінде жаңа уағдаластықтарға қол жеткіздік. Бүгінде Қазақстан көрменің барлық төрт алаңында таныстырылып отыр: ұлттық павильонда, Қытай кооперативтерінің жалпы федерациясы – China Co-Op павильонында, Jiangsu SOHO алаңында, сондай-ақ биыл алғаш рет Алматы қаласы өз жеке павильонымен қатысуда. Кешенді тәсілдің арқасында биыл біз өндірушілердің рекордтық санын тарттық», – деді ҚР Сауда және интеграция министрі Арман Шаққалиев. Қытаймен бірлескен бағдарлама аясында өнімдерді қытай нарығының талаптарына бейімдеу бойынша акселерация өткізу жоспарланып отыр: буып-түю, брендтеу және тауарларды ілгерілету. Сондай-ақ кооператив кәсіпкерлеріне арналған білім беру бағдарламасы жүзеге асырылуда, онда олар өнімді сертификаттау және Қытай нарығына шығу ерекшеліктері бойынша оқудан өтеді.Ақпарат көзі : https://www.gov.kz/memleket/entities/mti/press/news/details/1099992?lang=kk

Ауданда туризм саласы қарқынды дамып келеді. Биыл жазда Самар жағалауына 50 мыңға жуық турист келген. Қарқынды құрылыс жұмыстары мен жағажай аумағын абаттандырудың нәтижесінде 2030 жылға қарай туристер ағынын жылына 150 000 адамға дейін арттыру жоспарланып отыр.«Бұл көрсеткіш жүзеге асырылып жатқан инвестициялық және инфрақұрылымдық бағдарламалардың тиімділігін айқындайтын маңызды фактор болмақ. Сондай-ақ Самар ауданын Шығыс Қазақстандағы жағажай туризмінің негізгі орталықтарының бірі ретінде танытады. Облыс әкімінің тапсырмасы бойынша Бұқтырма су қоймасы жағалауында заманауи серуен аймағын салуға арналған жобалық-сметалық құжаттама әзірленіп жатыр», - деді аудан әкімі Серік Жеңісов ШҚО өңірлік коммуникациялар қызметінде өткен брифинг барысында.2025 жылы Самар ауданының туризм және инвестициялар орталығы құрылған. Аталған мекеме инвесторлар мен туристерді қолдаумен, шағын және орта бизнесті дамытумен айналысады.Ауданның туристік әлеуетін кеңейту мақсатында осы жылы «Pana Asia» халықаралық қонақүй компаниясымен ынтымақтастық туралы меморандумға қол қойылды.Бұл келісім Сарыбел ауылында халықаралық стандарттарға сай заманауи қонақүй салу жобасының қолға алынуына мүмкіндік берді.Ақпарат көзі : https://www.gov.kz/memleket/entities/vko-samar/press/news/details/1099957?lang=kk

2025 жылғы 4 қарашада Министрліктің әдеп жөніндегі уәкілі мен заң департаментінің бірлесіп ұйымдастыруымен «Діни экстремизм» тақырыбында семинар өткізілді. Семинар спикері – Астана қаласы әкімдігінің «Qamqor Astana» қоғамдық қорының теолог маманы Арман Нұрахметұлы.Іс-шараның мақсаты – мемлекеттік қызметшілердің діни экстремизм қаупі туралы хабардарлығын арттыру және деструктивті идеологияларға қарсы иммунитет қалыптастыру. Қатысушыларға радикалды ағымдардың белгілері мен олардың алдын алу тетіктері жөнінде түсіндірмелер берілді.Өткізілген семинар мемлекеттік қызметшілердің діни қауіпсіздік мәселелеріне жауапкершілікпен қарауын және адалдық пен әдептілік мәдениетін нығайтуға ықпал етті.Ақпарат көзі : https://www.gov.kz/memleket/entities/mti/press/news/details/1099973?lang=kk

Қостанай облысының әкімі Құмар Ақсақалов Рудный қаласына жасаған жұмыс сапары барысында экология және өнеркәсіп салаларында бастамаларды жүзеге асырып жатқан кәсіпорындардың қызметімен, сондай-ақ тамақ өнеркәсібін жаңғыртудың нәтижелерімен танысты.Экологиялық қауіпсіздік және қалдықтарды қайта өңдеуСапардың маңызды нысандарының бірі – «Рудный АБАТ 2006» ЖШС-нің тұрмыстық қатты қалдықтар полигоны болды.Өңір басшысы экологиялық қауіпсіздікті қамтамасыз ету мен қалдықтарды ұтымды басқару – облыстың басым бағыттарының бірі екенін атап өтті.Рудный қаласында жылына 50 мың тоннаға дейін қалдықты сұрыптауға арналған заманауи кешен іске қосылды (қаланың қажеттілігі – шамамен 40 мың тонна). Бұған қоса, кәсіпорын жылына 70 мың тоннадан астам құрылыс, ағаш және өзге де қалдықтарды қайта өңдейтін мобильді кешен сатып алды.Аталған жобаларға салынған жалпы инвестиция көлемі – 389,9 миллион теңге. Олар «Жасыл Даму» АҚ мен Кәсіпкерлікті дамыту қорының қолдауымен жүзеге асырылды.Бұл бастамалар өңірдің экологиялық жағдайын жақсартып, қайта өңдеу деңгейін арттыруға және қоршаған ортаның ластануын азайтуға мүмкіндік береді.«Экологиялық мәдениетті қалыптастыру үшін жүйелі түрде жұмыс істеу қажет – елді мекендерді абаттандырудан бастап қалдықтарды өңдеудің заманауи технологияларын енгізуге дейін. “Таза Қазақстан” бағдарламасының басты мақсаты да осы», — деді Құмар Ақсақалов.Өнеркәсіп әлеуетін дамыту және сусын өндіруСапар аясында өңір басшысы сусын өндірісі бойынша облыстағы жетекші кәсіпорындардың бірі – «Фирма Арасан» ЖШС Рудный филиалына барды.25 жыл бұрын құрылған бұл компания бүгінде қостанайлықтарға жақсы таныс «Алмұртты» сусыны секілді танымал брендтерді шығарады.Кәсіпорында төрт өндірістік цех жұмыс істейді. Мұнда 16 түрлі сыра, 2 түрлі квас, алкогольсіз лимонадтар, сондай-ақ алюминий банка мен шыны бөтелкедегі сыра өндіріледі.Кәсіпорынның өндірістік қуаты – жылына 100 миллион литр.Зауытта шамамен 400 адам еңбек етеді. Соңғы жылдары компания өндірісті жаңғыртуға белсенді кірісіп, Германия мен Данияның Ziemann және Alfa Laval компанияларының заманауи жүйелерін орнатуда. Бұл сапаны арттырып, өнім түрлерін кеңейтуге мүмкіндік береді.«Өңдеуші өнеркәсіпті дамыту – стратегиялық міндет. Отандық брендтер ішкі нарықта ғана емес, сыртқы нарықта да өз орнын нықтандыруы тиіс. “Арасан” секілді кәсіпорындар өңірдің сапалы өнім шығара алатынын және оның аймақтың айнасына айнала алатынын дәлелдеп отыр», — деді Құмар Ақсақалов.Сапар қорытындысыЖұмыс сапарын қорытындылай келе, облыс әкімі Рудный қаласын кешенді дамыту – экологиялық жобалардан бастап өндіріс пен жаңа жұмыс орындарын құруға дейінгі бағыттардың барлығында маңызды екенін атап өтті.Өңір басшысы кәсіпорын қызметкерлеріне аймақтың дамуына қосқан үлестері үшін алғыс айтып, одан әрі табыс, жаңғырту және инновациялық шешімдерді енгізуде сәттілік тіледі.Сапар соңында Құмар Ақсақалов Рудный қаласының тұрғындарымен кездесті. Кездесу барысында өңірдің әлеуметтік-экономикалық дамуына қатысты өзекті мәселелер талқыланып, тұрғындардың ұсыныс-пікірлері тыңдалды.Ақпарат көзі : https://www.gov.kz/memleket/entities/kostanay/press/news/details/1099952?lang=kk

БОС ОРЫН: «ИДЖЖ-2 («Ирригациялық және дренаждық жүйелерді жетілдіру» жобасы, 2-фаза» жобасын басқару тобының (ЖБТ) техникалық консультантын алу жөніндегі конкурс (облыстарда)» Жұмыс беруші: «Қазақстан Республикасы Су ресурстары және ирригация министрлігінің Су шаруашылығы комитеті» РММ Біліктілік: Құрылыс, гидромелиорация саласындағы жоғары білім.Гидромелиорациялық құрылыста немесе пайдалануда кемінде 10 жыл практикалық жұмыс тәжірибесіДүниежүзілік банк немесе басқа да халықаралық қаржы институттары қаржыландыратын халықаралық жобалардағы практикалық жұмыс тәжірибесі артықшылық болып табылады Тілдер:Бас техникалық кеңесші Қазақ және орыс тілдерін жетік білуі тиіс; ағылшын тілін білу артықшылық болып табылады. Толық жұмыс күні Осы позицияның міндеттері: Негізгі міндеті жобаны іске асыру кезінде 1-компонент бойынша консультациялық қызметтер көрсету. Міндеттері: Техникалық консультант практикалық көмекпен шектелмей, компонент бойынша келесі негізгі міндеттер үшін жауап береді: Бас техникалық кеңесші практикалық көмекпен шектелмей, келесі міндеттер үшін 1-компонент бойынша жауап береді:Мемлекеттік нормативтік-техникалық құжаттарға сәйкес жобалау - сметалық құжаттаманың (ЖСҚ) және халықаралық стандарттарға сәйкес конкурстық құжаттаманың уақтылы дайындалуын, сондай-ақ мемлекеттік Құрылыс және салалық сараптамалардың ЖСҚ өтуін бақылау;Жобаның суару және дренаждық аспектілері үшін СШР үйлестірушісі мен басшылығына жеке жауапкершілік. Жобаланатын ирригациялық-дренаждық жүйелердің, оның ішінде бөгеттер қауіпсіздігі жөніндегі іс-шаралардың сапалы мониторингін қамтамасыз ету.Жобалау-іздестіру жұмыстары үшін қажетті мүдделі ұйымдардан рұқсат беру және өзге де құжаттарды сұрау және алу.Жобалық шешімдерді қарау,олар бойынша ескертулер, ұсыныстар беру және жоба құрылысы объектілерінің түпкілікті жұмыс жобаларын қабылдау.Жобаны іске асыру бойынша қажетті шараларды қабылдау үшін мүдделі мемлекеттік органдармен, ведомстволармен және ұйымдармен тұрақты өзара іс-қимыл жасау;Халықаралық инженер-консультанттар Федерациясының (FIDIC) Келісімшарттарының талаптарына, сәулет, қала құрылысы және құрылыс саласындағы ҚР нормативтік талаптарына, ЖСҚ сәйкес жоба объектілерінің құрылысын бақылау;Жобаны уақтылы және сапалы іске асыру үшін халықаралық Консультантпен және Шымкент ЖБТ-мен тұрақты өзара іс-қимыл жасау.Халықаралық консультант пен Шымкент ЖБТ бірлесіп жұмыс жүргізу кестесін келісу.Жұмыс кестесінің сақталуын бақылау.Шымкент ЖБТ консультанттары арқылы Жоба объектілері құрылысының барысын мониторингілеу, жобалау учаскелеріне тұрақты бару. Инженер өкілдерімен және мердігерлермен техникалық кеңестерге қатысу.Келісімшарт талаптарына сәйкес инженер қызметі дайындаған жобадан ауытқуларды келісу.Жобаның құрылыс объектілері бойынша жинақтау ведомостарын жүргізуді ұйымдастыру.Ай сайынғы есептерді уақтылы жолдауЖоба үйлестірушісін уақтылы хабардар ету және жоба бойынша туындайтын барлық мәселелерді шешу жөнінде шаралар қабылдау;Жоба бойынша тренингтерге қатысу.Техникалық кеңесші СРИМ СШК және ЖБТ үйлестірушісіне есеп береді.  Есеп беру бойынша: техникалық консультант СШК-не және ЖБТ-на жобаның үйлестірушісіне іске асырылу барысы туралы ай сайынғы есептерді ұсынады. Консультантты іріктеу 2020 жылғы қарашадағы ИЖҚ қарыз алушылары үшін сатып алу қағидаларында көрсетілген ХҚДБ рәсімдеріне сәйкес жеке консультанттарды іріктеу әдісі (ЖК) бойынша жүргізілетін болады. (www.worldbank.org).Қол қойылған және сканерленген қызығушылық білдіру ұсыныстары 2025 жыл 20 қараша 15:00 сағ -ден кешіктірмей – Жобаны басқару тобының (ЖБТ облыстарда) техникалық консультантты алу жөніндегі конкурс позициясын көрсете отырып, төменде көрсетілген мекенжайға жіберілуге тиіс (жеке немесе пошта арқылы, немесе факс арқылы, немесе эл/пошта арқылы).Комитет қызығушылық білдіру туралы барлық ұсыныстарды қабылдау немесе қабылдамау құқығын өзіне қалдырады.Мекен-жайы:Астана қ., Қазақстан Республикасы Тел.: +7 7172 620242Нақты мекенжайы: Сығанақ көшесі, 43., «Аңсар» Бизнес Орталығы, № 1208 КеңсеКімге: Темірбекова Анар, Жобаны басқару тобының сатып алу жөніндегі бас маманыE-mail: astana.idip@mail.ru, көшірмесімен idip.procurement@gmail.com.Күні: 2025 жылы 20 қарашаУақыты: 15: 00 (Астана қ. уақыты бойынша) Ақпарат көзі : https://www.gov.kz/memleket/entities/komwater/press/news/details/1099926?lang=kk

    Мемлекеттік қызметтерді цифрландыру үдерісі аясында «Азаматтарға арналған үкімет» мемлекеттік корпорациясы «ЦОН» мобильді қосымшасына жаңа мүмкіндік қосты. Енді азаматтар мемлекеттік қызметке берген өтінімдерінің мәртебесін нақты уақыт режимінде көре алады.Өтінім мәртебесін көру үшін қолданушы қосымшадағы «ХҚКО қызметтері» немесе «Арнайы ХҚКО қызметтері» бөлімін таңдап, өтінім нөмірін енгізуі керек. Бұл жаңашылдық қызмет көрсету процесін барынша ашық етіп, азаматтарға өтінімнің қай сатыда тұрғанын және нәтижені қашан алуға болатынын нақты білуге мүмкіндік береді. Ең бастысы – енді өтінім мәртебесін білу үшін ХҚКО-ға барудың қажеті жоқ.Жаңа функция азаматтардың уақытын үнемдеп, мемлекеттік қызметтерге деген сенімді арттырады. Әр қолданушы өз өтінімінің қаралу кезеңін көріп, кез келген өзгеріс туралы жедел хабардар бола алады.«Өтінім мәртебесін бақылау жүйесін енгізу – мемлекеттік қызметтерді жаңғыртудың маңызды қадамы. Бұл шешім ашықтықты арттырып, халыққа қызмет көрсетудің қолайлылығын күшейтеді. Мұндай цифрлық бастамалар Президент Жолдауында айтылған цифрлық трансформация міндеттерімен үндесіп, мемлекеттік қызмет сапасын жаңа деңгейге көтереді», – деді Арман Кенжеғалиев, «Азаматтарға арналған үкімет» мемлекеттік корпорациясының Басқарма Төрағасы.Қосымшада сонымен бірге электронды қолхаттарды сақтау және көру мүмкіндігі іске қосылған. Бұл қолхат – өтінімнің қабылданғанын немесе қызметтің көрсетілгенін растайтын ресми құжат. Ол автоматты түрде «Тапсырыс тарихы» бөлімінде сақталады.Мемлекеттік корпорация алдағы уақытта да азаматтарға мемлекеттік қызметтерді онлайн форматта жылдам әрі ыңғайлы түрде ұсынуға бағытталған жаңа цифрлық шешімдерді енгізуді жалғастырады.Ақпарат көзі : https://www.gov.kz/memleket/entities/abay-kurchatov/press/news/details/1102263?lang=kk

Маңғыстау облысы бойынша Мемлекеттік кірістер департаменті қазіргі уақытта өтіп жатқан бизнесті қолдауға және көлеңкелі экономикаға қарсы күреске бағытталған 2 ауқымды акциялар туралы еске салады. «Чекті талап ет – жүлдені ұтып ал!». 2025 жылғы 3 сәуір мен 31 желтоқсан аралығында еліміздің әрбір тұрғынының ақшалай және бағалы сыйлықтардың иегері болуға мүмкіндігі бар! Тауарды сатып алу немесе қызметті алу кезінде фискалдық чекті «Amian» мобильді қосымшасында тіркеу жеткілікті. «Бәйге» акциясы! 2025 жылғы 1 мамырдан 31 желтоқсанға дейін — мүмкіндігінше көп чектерді сканерлеп, 100 000 теңге ұтып алуға мүмкіндік алыңыз! Жеңімпаздар тоқсан сайын анықталады: бүкіл ел бойынша 20 жеңімпаз. Сатып алыңыз — сканерлеңіз — жеңіңіз!Ақпарат көзі : https://www.gov.kz/memleket/entities/kgd-mangistau/press/news/details/1099928?lang=kk

Назар аударыңыз! Маңғыстау облысы бойынша Мемлекеттік кірістер департаменті жаңа алаяқтық схемалары туралы ескертеді.Алаяқтар өздерін мемлекеттік кірістер органдарының қызметкерлері ретінде таныстырып, салықтық есептіліктің (270-нысан) жоқ екендігін айтып, «айыппұл» салынатынын немесе есептілікті тапсырмағаны үшін «банктік шоттар жабылады» деп қорқытады.Басқа алаяқтық тәсілдерге мессенджерлер (оның ішінде WhatsApp) арқылы Мемлекеттік кірістер комитеті немесе оның құрылымдық бөлімшелерінің басшылығының атынан бизнес субъектілерінің қаржылық мониторинг, тексеру немесе өзге де бақылау тізімдеріне енгізілгені туралы хабарламалар жіберу жатады.Аталған хабарламалар – салық төлеушілерді шатастыруға, олардың жұмысына кедергі келтіруге және кей жағдайларда бопсалауға бағытталған алаяқтық әрекеттердің көрінісі болып табылады.Мемлекеттік кірістер органдары салық төлеушілерді тек төмендегі ресми арналар арқылы ғана ақпараттандыратынын назарға саламыз:- eGov.kz және/немесе kgd.gov.kz порталдарындағы Салық төлеушінің кабинеті арқылы;- Электрондық құжат айналымы жүйесі арқылы ресми хаттармен;- Расталған (верификацияланған) ресми әлеуметтік желілер мен мессенджердегі аккаунттар арқылы;- Мемлекеттік органдардың интернет-ресурстарының бірыңғай платформасы (ЕПИР ГО) gov.kz ресми интернет-ресурсында жарияланған баспасөз хабарламалары мен хабарландырулар арқылы;- Байланыс орталығының 1414 нөмірлі жедел желісі арқылы.Белгісіз нөмірлерден келіп түскен, тексеріс жүргізу, қаржылық мониторинг тізімдеріне енгізу туралы қорқыту сипатындағы хабарламалар, сондай-ақ «Комитет өкілдерімен» хабарласуды, декларация тапсырмау мәселесін шешуді немесе банктік шоттарды бұғаттаудан «құтқару» үшін «көмек» көрсетуді сұрайтын өтініштер – алаяқтық әрекеттер болып саналады.Маңызды! Мемлекеттік кірістер органдары ақпараттық жүйелерінен салық төлеушілерге электрондық пошта, WhatsApp және Telegram арқылы хабарлама таратылмайды, мемлекеттік кірістер органдарының қызметкерлері ешқашан кодтар, ЭЦҚ немесе жеке деректерді сұрамайды.Маңғыстау облысы бойынша Мемлекеттік кірістер департаменті азаматтарды сақ болуға, жалған хабарламаларға сенбеуге, күмәнді сілтемелерге өтпеуге, ақша қаражатын аудармауға, алынған хабарламалардың шынайылығын тексеруге және алаяқтардың арандатуына ермеуге шақырады.Өз салықтық және қаржылық қызметі туралы ақпаратты тек ресми көздерден алуды ұмытпаңыз.Ақпарат көзі : https://www.gov.kz/memleket/entities/kgd-mangistau/press/news/details/1099936?lang=kk

Қорғаныс министрлігінің кеңейтілген алқасында 2025 оқу жылының қорытындысы бойынша жауынгерлік жарыс жеңімпаздары марапатталды. Қарулы күштер түрлері арасында Құрлық әскерлері, әскер тектерінен – Десанттық-шабуылдау әскерлері үздік деп танылды.Жалпыәскери қызметтегі жетістіктері үшін бірінші Қорғаныс министрі Халық қаһарманы армия генералы Сағадат Нұрмағамбетовтың төсбелгісімен және кубогымен 53898 әскери бөлімінің командирі полковник Азамат Асанов марапатталды. Десантшы жауынгерлер Қарулы күштердің XXII спартакиадасының жеңімпазы болып танылды. Осыған байланысты спорттағы жоғары көрсеткіштері үшін Десанттық-шабуылдау әскерлерінің қолбасшысы генерал-майор Алмаз Жұмакеев грамотамен және кубокпен марапатталды.Дене шынықтыру көрсеткіштері бойынша үздік әскери ұжымдар да анықталды. Бригадалар арасында  «Оңтүстік» ӨңҚ 28903 әскери бөлімінің командирі подполковник Тахир Нартов, барлау полктерінен – 35950 әскери бөлімінің командирі подполковник Ермек Ысқақов, қамтамасыз ету базалары полктерінен – Десанттық-шабуылдау әскерлері 12881 әскери бөлімінің командирі полковник Роман Тукарт, әскери оқу орындарынан – ҚР Ұлттық қорғаныс университетінің бастығы генерал-майор Асқар Мұстабеков кубокпен марапатталды. Әскери полиция басқармаларынан – Ақтау өңірлік гарнизоны әскери полиция басқармасының бастығы полковник Сәкен Әуелбеков, Қарулы күштер түрлері басқармаларынан – Құрлық әскерлерінің бас қолбасшысы генерал-майор Мереке Көшекбаев, өңірлік қолбасшылықтар мен әскер тектері басқармаларынан – Арнайы операциялар күштерінің қолбасшысы полковник Айдос Мырзахметов атап өтілді.Ақпарат көзі : https://www.gov.kz/memleket/entities/mod/press/news/details/1099910?lang=kk

Аудан әкімі Жандос Еркінбектің төрағалығымен өткен кезекті мәжілісте 2025 жылғы егін жинау науқанының қорытындысы туралы, спорттық инфрақұрылымды дамыту және бұқаралық спортты қолдау туралы мәселелері қаралды.Жиынға аудан әкімінің орынбасарлары, бөлім, мекеме, кәсіпорын басшылары, кент және ауылдық округ әкімдері қатысты.Жиында күн тәртібіндегі бірінші мәселе бойынша аудандық ауылшаруашылық және жер қатынастары бөлімінің басшысы Әсет Омаров егін шаруашылығын дамыту мен суды үнемдеу технологияларын қолданысқа енгізу бағытында жоспарларын мәлімдеді. Осыған сәйкес аудан әкімі суды тиімді әрі уақтылы жеткізу – егін шаруашылығындағы ең басты міндеттердің бірі екенін атап өтті. Суды аз қажет ететін егіс көлемін ұлғайту және суды үнемдеу технологияларын қолданысқа енгізу бағытында нақты шараларды қабылдауды, алдағы егін егу маусымына дайындық жұмыстарын пысықтауды, ауыл, орман және балық шаруашылығындағы негізгі капиталға салынған инвестициялар бойынша нақты шараларды қабылдауды жүктеді.Сонымен қатар, күн тәртібіндегі екінші мәселе бойынша аудандық дене тәрбиесі, спорт және туризм бөлімінің басшысы Ғалым Ержанов ауданда спорттық инфрақұрылымды дамыту және бұқаралық спортты қолдау бағытында жоспарларын атап өтті. Бұл бағыттағы мәселе бойынша аудан әкімі аудандағы спорт саласын дамыту бағытында тиісті шараларды қабылдауды, жастар мен жасөспірімдердің бұқаралық спортпен шұғылдануын арттыру мақсатында нақты жұмыстар жасауды, аудан спортшыларын қолдау бағытында жұмыстарды жандандырып, жастардың облыстық, республикалық және әлемдік сайыстарға қатысу деңгейін көтеруді тапсырды.Жиын соңында аудан әкімі мәжілісте айтылған әрбір мәселе бойынша нақты тапсырмалар беріп, олардың орындалуын бақылауда ұстауды жауапты тұлғаларға жүктеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1099868?lang=kk

Ағымдағы жылдың 05 қараша күні аудан әкімінің орынбасары Д.Молдабаев пен аудандық білім бөлімінің жауапты мамандары бірлесе аудан орталығындағы бөбекжай-бақшаларда ауа райының күрт суытуына орай жылыту жүйелерінің жұмысын тексеру және ғимараттардың, аулалардың санитарлық тазалық жұмыстарына бақылау жүргізілді.Бақылау барысында жылу беру режимі, қазандықтардың техникалық жағдайы, ғимараттардың ішкі температуралық нормалар назарға алынды.Ақпарат көзі : https://www.gov.kz/memleket/entities/kyzylorda-karmakshy/press/news/details/1099870?lang=kk

Құрметті, Алматы облысы Жамбыл ауданының тұрғындары!2025 жылғы 7 қарашада ҚР Ұлттық экономика Вице-министрі Бауыржан Омарбеков халықпен және бизнес өкілдерімен кездесу өткізеді.Негізгі іс-шаралар мына мекенжайда өтеді: Алматы облысы, Жамбыл ауданы, Жамбыл ауылы, Жамбыл көшесі, 83В үй.Халықпен және бизнес өкілдерімен кездесу 15:45-да басталады.Азаматтарды қабылдауға және кездесуге жазылу үшін мына телефонға хабарласуыңызды сұраймыз: WhatsApp +7 776 662 6575 (ҰЭМ)Азаматтарды белсенді қатысуға және Ұлттық экономика вице-министрі Бауыржан Омарбековке сұрақтар қоюға шақырамыз.Ақпарат көзі : https://www.gov.kz/memleket/entities/economy/press/news/details/1099845?lang=kk

Қарағанды облысындағы Шахтинск қаласында өткен Қарулы Күштер қатарына шақырылушыларды шығарып салу рәсімі елдің есінде ұзақ сақталатын ерекше сәтке айналды.Аталған іс-шарада Ұлттық ұланның 5573 әскери бөлімінде борышын өтеп жүрген Диас Жұмажанов пен Шыңғыс Қуанышбайдың ата-аналарына құттықтау сөз берілді. Дәл сол сәтте залдағы жұрт күтпеген көрініске куә болды. Себебі олардың ту сыртында әскерде жүрген ұлдары тұр еді.Тосын сәтке таңданған ата-аналар қуанышын жасыра алмады. Балаларын көрген аналардың көзінен қуаныш жасы көрінсе, жігіттердің бойынан сағыныш пен мақтаныш сезімі байқалды. Залдағы көрермендер бұл сәтті ерекше әсермен қабылдады.Бұл кездесу әскери борышын өтеп жүрген сарбаздарға рух беріп, отбасы мен Отан арасындағы байланысты тереңдетуге бағытталған. Мұндай шаралар жас буынға ерлік пен жауапкершіліктің үлгісін көрсетеді.Айта кетейік, жыл сайын Шахтинск қаласынан шамамен 140 жас мерзімді әскери қызметке аттанады. Олардың көпшілігі — дәл осындай ержүрек Ұлттық ұлан сарбаздары. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1099776?lang=kk

Өскеменде Ұлттық ұланның «Шығыс» өңірлік қолбасшылығына қарасты 3477 әскери бөлімінің Антикризистік орталығы базасында АҚШ Қарулы күштерінің нұсқаушыларының қатысуымен тактикалық медицина бойынша оқу-тренинг өтті.Оқу курсының мақсаты – «Бүркіт» арнайы мақсаттағы бөлімшесі әскери қызметшілерінің жауынгерлік (тактикалық) жағдайда алғашқы медициналық көмек көрсету дағдыларын жетілдіру және кәсіби даярлығын арттыру болды.Сабақ барысында ұландықтар MARCH алгоритмін кезең-кезеңімен қолдануды, өмірге қауіпті қан кетуді тоқтату әдістерін, тыныс жолдарының өткізгіштігін қамтамасыз ету тәсілдерін, кеуде қуысы жарақаттарында және денеге бөгде зат түскен жағдайда әрекет ету тәртібін, сондай-ақ дала жағдайында қан құю мен инфузиялық терапия жүргізу дағдыларын меңгерді.Сонымен қатар, медициналық қамтамасыз ету ісін жоспарлау мәселелеріне ерекше назар аударылды. Атап айтсақ, эвакуациялық маршруттарды ұйымдастыру, басшылық құраммен өзара іс-қимыл және жаралыларды жинау пункттерін құру тәртібі пысықталды.Оқу-тренинг қорытындысы бойынша әскери қызметшілер шектеулі уақыт пен ресурстар жағдайында көмек көрсету бойынша тәжірибелік дағдыларын бекітті. Бұл өз кезегінде дағдарыстық жағдайларда, жергілікті арнайы операцияларда және террорлық актілердің салдарын жою барысында тапсырмаларды тиімді орындауға мүмкіндік береді.Айта кетейік, аталған оқу іс-шарасы Ұлттық ұлан жүйесінде тактикалық медицинаны дамыту бағытындағы кешенді жұмыстың бір бөлігі. 2025 жылғы басым бастамалардың бірі ретінде Ұлттық ұлан құрылымында тактикалық медицина қызметін құру көзделген. Бұған дейін осы бағыттағы жұмыстың жалғасы ретінде 6654 әскери бөлімінде құқықтық тәртіп әскери бөлімдерінің орта буын медицина мамандары үшін оқу-әдістемелік жиын өткізілді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1099779?lang=kk

2025 жылғы 1 қазандағы жағдай бойынша міндетті, міндетті кәсіптік және ерікті жарналар есебінен қалыптастырылған және ҚРҰБ-тың сенімгерлік басқаруындағы зейнетақы активтерінің соңғы 12 айда салымшылардың (алушылардың) шоттарына бөлінген табыстылығы 12,90% инфляция кезінде 14,11% болды. 2024 жылдың қазанынан бастап 2025 жылдың қыркүйегіне дейінгі кезең ішінде есептелген инвестициялық кіріс мөлшері 3,11 трлн теңгеге жетті.   Жұмыс берушінің міндетті зейнетақы жарналары (ЖМЗЖ) есебінен зейнетақы активтерінің кірістілігі соңғы 12 айда 8,44% құрады. Зейнетақы активтерінің қысқа мерзімді жеке кезеңдердегі кірістілігі оларды басқару тиімділігінің көрсеткіші бола алмайды. Өйткені қаржы құралдары мен басқа операциялар бойынша сыйақы түріндегі қысқа мерзімде есептелген кірістер осы кезеңдегі бағалы қағаздар мен валюта бағамдарының өзгеруін әрдайым жаба бермейді. Сондықтан инвестициялық кірістің мөлшерін объективті талдауды кем дегенде бір жылдық көрсеткіші бойынша жасаған жөн.   Орта және ұзақ мерзімді келешекте зейнетақы жинақтарының оң нақты (жинақталған инфляциядан асатын) табыстылығы қамтамасыз етіледі. Мәселен, 1998 жылы жинақтаушы зейнетақы жүйесі құрылған сәттен бастап 2025 жылғы 1 қазанға дейін жинақталған инвестициялық кірістілік 1063,15% болды, ал бүкіл кезеңдегі инфляция 920,56%.2014 жылдан бастап (зейнетақы активтері БЖЗҚ-ға біріктірілгеннен кейін) жинақталған таза инвестициялық кіріс – 2025 жылғы 1 қазандағы жағдай бойынша 13,62 трлн теңге. Қазақстандықтардың зейнетақы жинақтарының жалпы көлеміндегі жинақталған таза инвестициялық кірістің үлесі жүзеге асырылған төлемдер есебімен 42,8% жетті, бұл азаматтардың жинақтау құрылымында инвестициялық қызметтің маңызды орын алатынын көрсетеді.  Қазақстанда инфляция деңгейін ескере отырып, міндетті зейнетақы жарналарының сақталуына бірегей кепілдік берілетінін еске саламыз. Салымшының төлемге құқығы басталған кезде жинақталған кірістілігіне кері әсерін тигізген жекелеген кезеңдердегі кірістіліктің төмендеуі жағдайында айырманың өтемақысына мемлекет кепілдік береді.Зейнетақы активтерін инвестициялық басқару мен есепке алу жүйесі толықтай ашық: әрбір салымшының  enpf.kz сайтындағы немесе ұялы қосымшадағы жеке кабинетінен өзінің инвестициялық кірісін көруге мүмкіндігі бар. БЖЗҚ зейнетақы активтерін инвестициялық басқару және олар орналастырылған қаржы құралдары туралы ақпарат Қордың (www.enpf.kz) ресми сайтындағы «Статистика және аналитика/Зейнетақы активтерін инвестициялық басқару» бөлімінде жарияланады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).Ақпарат көзі : https://www.gov.kz/memleket/entities/vko-altai/press/news/details/1099788?lang=kk

Астанада Қорғаныс министрі авиация генерал-лейтенанты Дәурен Қосановтың төрағалығымен өткен кеңейтілген алқа отырысында Қазақстан Республикасы Қарулы күштерінің 2025 жылғы қызметінің қорытындылары шығарылып, алдағы кезеңге арналған міндеттер айқындалды.Алқа отырысына Қорғаныс министрінің орынбасарлары, Қарулы күштер түрлерінің бас қолбасшылары, өңірлік қолбасшылықтар мен әскер тектерінің қолбасшылары, құрамалар мен бөлімдердің командирлері, қорғаныс істері жөніндегі департаменттердің бастықтары қатысты.Жиынды ашқан Қорғаныс министрі жыл қорытындысы Жоғарғы Бас қолбасшы қойған тапсырмаларды ескере отырып жасалатынын атап өтті. Алдағы кезеңнің басым бағыттары ретінде авиация генерал-лейтенанты Дәурен Қосанов басқару сапасы, қару-жарақтың жағдайы және адами капитал секілді үш негізгі бағытты айқындады.– Басқарудың тиімділігін арттыру үшін әскерлерді заманауи байланыс құралдарымен, әсіресе тактикалық деңгейде, қамтамасыз ету қажет. Бұл бөлімшелер арасындағы өзара іс-қимылдың тұрақтылығын және шешім қабылдау жеделдігін қамтамасыз етеді, – деп атап өтті ведомство басшысы.Қорғаныс министрі жоғары дәлдіктегі оқ-дәрілерді қолдануға көшу қажеттілігіне де назар аударды. Бұл атыс соққыларының дәлдігі мен тиімділігін арттыруға мүмкіндік береді.Дәурен Қосанов сондай-ақ командирлердің дербестігіне қатысты министрліктің ұстанымын да айқындады. Оның айтуынша, барлық деңгейдегі командирлер оқу-жаттығулар, атыстар, ұшулар және теңізге шығулар кезінде бастамашылдық пен жауапкершілік танытуы тиіс.Жауынгерлік және жұмылдыру дайындығының жағдайы, сондай-ақ жалпы қызметтік іс-қимылдың нәтижелері туралы Қорғаныс министрінің бірінші орынбасары – Бас штаб бастығы генерал-лейтенант Сұлтан Қамалетдинов баяндады. Қамтылған бағыттар бойынша министрдің орынбасарлары әскери тәртіп, техникалық және тылдық қамтамасыз ету, сондай-ақ Қарулы күштердің цифрлық трансформациясы мәселелерін қозғады.Отырыс қорытындысы бойынша Қорғаныс министрі қазіргі қарулы қақтығыстардың тәжірибесін ескере отырып, әскерлерді қолданудың заманауи нысандары мен тәсілдерін енгізуді тапсырды. 2026 жылға арналған міндеттердің қатарында – қазақстандық әскери қызметшілердің БҰҰ аясындағы бітімгерлік операцияларға қатысуын кеңейту, байланыс, радиоэлектрондық күрес және ұшқышсыз авиациялық кешендерді дамыту бар.Цифрландыру саласында Дәурен Қосанов жасанды интеллект технологияларын, автономды басқару жүйелерін енгізу және ұлттық қауіпсіздіктің киберқұрамдасын күшейту қажеттігін атап өтті.Алқа жұмысының соңында 2025 оқу жылының қорытындысы бойынша жауынгерлік жарыстың жеңімпаздары марапатталды.Ақпарат көзі : https://www.gov.kz/memleket/entities/mod/press/news/details/1099809?lang=kk