Қазақстан Президенті Қасым-Жомарт Тоқаев Елена Рыбакинамен кездесіп, теннисшіні АҚШ ашық чемпионатындағы жарқын жеңісімен және теннистен «әлемнің бірінші ракеткасы» мәртебесіне ие болуымен құттықтады.Елена Рыбакина Мемлекет басшысына өзін ұдайы қолдағаны, сондай-ақ Қазақстанда үлкен теннистің дамуына айрықша қамқорлық көрсеткені үшін шынайы ризашылығын білдірді.Әлемнің бірінші ракеткасы Қазақстан атынан өнер көрсетуді мақтан тұтатынын мәлімдеді. Теннисші алдағы уақытта да жоғары нәтижеге қол жеткізіп, жанкүйерлерін жаңа жеңістермен қуанта беруге ниетті.  Кездесу соңында Президент Қасым-Жомарт Тоқаев спорттағы ерен жетістіктері және Қазақстанда теннистің дамуы мен насихатталуына қосқан үлкен үлесі үшін Елена Рыбакинаны III дәрежелі «Барыс» орденімен марапаттады.   Ақпарат көзі : https://www.gov.kz/memleket/entities/mfa-bratislava/press/news/details/1300508?lang=ru

Женева, 2026 жылғы 11 қыркүйек – Қазақстан Республикасының Дүниежүзілік сауда ұйымы (ДСҰ) және Женевадағы басқа да халықаралық экономикалық ұйымдар жанындағы Тұрақты өкілі Қайрат Төребаев Уганда Республикасының Біріккен Ұлттар Ұйымының Еуропа кеңсесі және Женевадағы басқа да халықаралық ұйымдар жанындағы Тұрақты өкілі Марсель Роберт Тибалекамен кездесу өткізді.Әңгіме барысында тараптар қазақстан-угандалық қатынастардың жай-күйі мен даму перспективаларын талқылап, сауда-экономикалық ынтымақтастықты кеңейту, сондай-ақ цифрлық сала мен адами капиталды дамыту саласындағы өзара іс-қимыл мүмкіндіктері жөнінде пікір алмасты.Екі елдің Женевадағы көпжақты алаңдардағы ынтымақтастығына және халықаралық ұйымдар аясындағы өзара іс-қимылды нығайтуға ерекше назар аударылды.Тараптар тұрақты байланыстарды сақтауға және Қазақстан мен Уганда арасындағы конструктивті диалогты одан әрі дамытуға өзара мүдделілігін растады.Ақпарат көзі : https://www.gov.kz/memleket/entities/mfa-wto/press/news/details/1300509?lang=ru

Қазақстандық мәнерлеп сырғанаушы Михаил Шайдоров Братислава қаласында өткен ISU Challenger сериясының "Nepela Memorial" халықаралық турнирінде қола медаль жеңіп алды.Екі бағдарлама қорытындысы бойынша олимпиада чемпионы 272,75 ұпай жинады. Шайдоров қысқа бағдарламада 95,98, ал еркін бағдарламада 176,77 ұпай еншіледі.Словакиядағы турнир Михаил Шайдоров үшін 2026/27 маусымындағы алғашқы халықаралық жарыс болды.Отандасымызды осы жетістігімен құттықтаймыз! Алдағы жарыстарда толағай табыс және жаңа жеңістер тілейміз!Ақпарат көзі : https://www.gov.kz/memleket/entities/mfa-bratislava/press/news/details/1300511?lang=ru

Женева, 2026 жылғы 15 қыркүйек – Қазақстан Республикасының Дүниежүзілік сауда ұйымы (ДСҰ) және халықаралық экономикалық ұйымдар жанындағы Тұрақты өкілі Қайрат Төребаев Дүниежүзілік зияткерлік меншік ұйымының (ДЗМҰ) Бас директоры Дарен Тангпен кездесу өткізді.Кездесу барысында тараптар Қазақстан мен ДЗМҰ арасындағы практикалық ынтымақтастықты одан әрі дамыту мәселелерін талқылап, зияткерлік меншік жүйесін цифрландыруға, заманауи технологиялық шешімдерді енгізуге және елдің инновациялық экожүйесін нығайтуға ерекше назар аударды.Атап айтқанда, ұлттық цифрлық платформалардың ДЗМҰ құралдарымен одан әрі ықпалдасуы, сондай-ақ зияткерлік меншік объектілеріне сараптама жүргізу барысында жасанды интеллект технологияларын қолдану мәселелері қаралды. Тараптар алдағы Жаһандық инновациялар индексінің жариялануын да талқылады. ДЗМҰ-мен бірлесіп Қазақстанның инновациялық жүйесінің дамуын көрсететін тиісті ұлттық деректер мен индикаторларды өзектендіру бойынша жүргізілген жұмыс атап өтілді. Қазақстан тарапы атқарылған жұмыс пен ұлттық инновациялық экожүйені дамытудағы қол жеткізілген ілгерілеу алдағы Индекс нәтижелерінде көрініс табатынына үміт білдірді.ДЗМҰ-ның зияткерлік меншік және жасанды интеллект жөніндегі Жаһандық форумына дайындыққа ерекше назар аударылды. Форум 2026 жылғы 9–10 қарашада Женевада өтеді. Қазақстан Форум жұмысына, оның ішінде отандық жасанды интеллект саласының өкілдерін тарта отырып, белсенді қатысуға мүдделі екенін растады. Қазақстанның Тұрақты өкілі іс-шара жұмысына төраға ретінде қатысады. Тараптар жасанды интеллект пен зияткерлік меншік жүйесінің өзара ықпалдастығына қатысты мәселелер бойынша халықаралық диалогтың ерекше өзектілігін атап өтті.Кездесу барысында Қазақстанның WIPO City of Innovation Award сыйлығына қатысуы да талқыланды. Қазақстан Астана, Қонаев және Қарағанды қалаларының инновациялық және цифрлық дамуға қатысты әртүрлі тәсілдерін таныстыратын өтінімдерін ұсынды. Сыйлықтың қорытындылары 2026 жылғы 12 қазанда жарияланып, үш қалаға дейін жеңімпаз деп танылуы күтілуде. Марапаттау рәсімі Женевадағы ДЗМҰ штаб-пәтерінде БҰҰ-ның 6-шы Мэрлер форумы (Sixth UN Forum of Mayors) аясында өтеді.ДЗМҰ Бас директоры Қазақстанның Ұйыммен белсенді өзара іс-қимылын және екіжақты ынтымақтастықтың оң серпінін жоғары бағалады.Кездесу қорытындысы бойынша тараптар зияткерлік меншік, инновациялар және жаңа технологиялар саласындағы практикалық өзара іс-қимылды одан әрі кеңейтуге өзара мүдделілігін растады.Ақпарат көзі : https://www.gov.kz/memleket/entities/mfa-wto/press/news/details/1300512?lang=ru

Женева, 2026 жылғы 22 қыркүйек – Астана WIPO City of Innovation 2026 – Дүниежүзілік зияткерлік меншік ұйымының (ДЗМҰ) инновациялар мен креативтілікті дамыту жөнінде нақты міндеттемелер қабылдайтын қалаларды тану мақсатында 2026 жылы алғаш рет тағайындалған жаңа жаһандық сыйлығының 15 финалистінің қатарына енді. Қазақстан астанасы алғашқы байқаудың финалында ұсынылған Орталық Азиядағы жалғыз қала болды және алғаш рет осы сыйлыққа үміткерлер қатарына қосылды.Финалға әлемнің 11 елінен 15 қала өтті – Шарлеруа (Бельгия), Шанхай (Қытай), Джайпур және Тируванантапурам (Үндістан), Амман және Бергиш/Ирбид муниципалитеті (Иордания), Астана (Қазақстан), Тетуан және Рабат (Марокко), Эчаге (Филиппин), Калдаш-да-Раинья (Португалия), Мәскеу (Ресей Федерациясы), Муанг-Лампхун және Рой-Эт (Таиланд), сондай-ақ Ливерпуль (Ұлыбритания).Қазақстан Республикасының Женевадағы ДСҰ жанындағы Тұрақты өкілдігінің қолдауымен биылғы маусым айында ДЗМҰ-ға Қазақстанның үш қаласының өтінімі ұсынылды. Халықаралық іріктеу қорытындысы бойынша Астана алғашқы WIPO City of Innovation байқауының финалистері қатарына енді.ДЗМҰ финалистердің ресми парақшасында Астананы цифрлық технологиялар тұрғындардың қажеттіліктері мен қазіргі заманғы қалалық сын-қатерлерге тікелей жауап беретін өздігінен тұрақты жұмыс істейтін инновациялық экожүйе қалыптастыруға ұмтылатын қала ретінде таныстырады. Негізгі бағыттардың қатарында жасанды интеллект негізіндегі Smart City технологияларын дамыту, дербестендірілген мемлекеттік қызметтерге арналған бірыңғай цифрлық терезе құру, инновациялық экожүйені нығайту, сондай-ақ тұрақты даму мен қалалық ортаның қолжетімділігін арттыру үшін технологияларды пайдалану атап өтілген.Астананың өтінімінің негізінде алдағы 12 айға арналған трансформация бағдарламасы жатыр. Оның негізгі элементтерінің бірі Astana Smart City. Бұл ақпараттық жүйелерді, заттар интернеті (IoT) датчиктерін, көлік инфрақұрылымын және қаланың цифрлық егізін біріктіретін қаланы басқарудың бірыңғай интеллектуалдық жүйесі.Тағы бір маңызды бағыт – astana.kz платформасын «қала – қызмет ретінде» (City as a Service) моделі бойынша дамыту. Бұл дербестендірілген қызметтерді алуға және тұрғындардың жасанды интеллект ассистентінің көмегімен қаламен өзара іс-қимыл жасауына арналған бірыңғай цифрлық кеңістік құруды көздейді. Сонымен қатар елорда білім беру мен стартаптарды акселерациялаудан бастап, зерттеу мен әзірлемелерге (R&D) және технологиялық шешімдерді халықаралық нарыққа шығаруға дейінгі инновациялардың толық циклін дамытуды жоспарлап отыр.Келесі кезең – Женева2026 жылғы 12 қазанда Женевадағы ДЗМҰ штаб-пәтерінде WIPO City of Innovation марапаттау рәсімі өтіп, онда үшке дейін жеңімпаз қала жарияланады. Рәсім БҰҰ Мэрлер форумының алтыншы отырысы аясында өтеді.Жеңімпаздар өздерінің инновациялық бастамаларын таныстыру үшін халықаралық алаңға, инновациялар мен зияткерлік меншік саласындағы жаһандық қоғамдастықпен өзара іс-қимылды кеңейту мүмкіндігіне, сондай-ақ ДЗМҰ-ның ақпараттық ресурстары арқылы қалалық жобаларды қосымша ілгерілетуге қол жеткізеді.12 қазанда Женевада Астананың тарихтағы алғашқы WIPO City of Innovation атағының иегерлері қатарына енетін-енбейтіні белгілі болады.Астананың ДЗМҰ-ның алғашқы байқауының финалына шығуы және Орталық Азияның жалғыз өкілі мәртебесіне ие болуы елордада цифрландыру, жасанды интеллект, Smart City, тұрақты даму және қалалық инклюзивтілік салаларында іске асырылып жатқан бастамаларға халықаралық қызығушылықтың артып келе жатқанын көрсетеді.Ақпарат көзі : https://www.gov.kz/memleket/entities/mfa-wto/press/news/details/1300514?lang=ru

Женева, 2026 жылғы 22 қыркүйек – Қазақстан Халықаралық электр байланысы одағы (ХЭО) мен БҰҰ Балалар қорының (ЮНИСЕФ) бірлескен Giga бастамасы аясында ұйымдастырылған Giga Learning Hub алғашқы мастер-классына қатысты.«Ауылдық мектептерді Интернетке қосу үшін спутниктік технологияларды пайдалануды тиімді реттеу» тақырыбындағы мастер-класс спутниктік байланысты реттеу және шалғай аумақтарды Интернетке қосу саласындағы практикалық тәжірибе алмасуға арналды.Giga-ның шақыруымен Қазақстан Республикасы Жасанды интеллект және цифрлық даму министрлігінің Телекоммуникациялар комитетінің өкілі цифрлық инфрақұрылымды дамыту, спутниктік технологияларды қолдану және цифрлық алшақтықты қысқарту бойынша Қазақстанның ұлттық тәжірибесін таныстырды.Сөз сөйлеу барысында 2024–2027 жылдарға арналған «Қолжетімді Интернет» ұлттық жобасының негізгі бағыттары ұсынылды. 2027 жылдың соңына қарай Қазақстан халықтың 100%-ын Интернетке қолжетімділікпен қамтамасыз етуді жоспарлап отыр. Бұл ретте ауылдық елді мекендердің 90%-дан астамы сымды технологиялар арқылы жоғары жылдамдықты Интернетпен, ал ең шалғай елді мекендер спутниктік байланыс арқылы қамтылатын болады.Қазіргі уақытта Қазақстанда спутниктік Интернеттің үш операторы жұмыс істейді, тағы екі компанияның нарыққа шығуы күтілуде. Сонымен қатар 2026 жылдың соңына дейін мобильді байланыстың қолжетімділігін одан әрі кеңейту мақсатында Direct-to-Cell (D2C) технологиясын іске қосу жоспарлануда.Анықтама үшін: Giga – мектептерді Интернетке қосуға бағытталған ХЭО мен ЮНИСЕФ-тің бірлескен бастамасы. Giga Learning Hub Masterclass сериясы цифрлық байланыстылық саласындағы практикалық шешімдермен алмасу үшін мемлекеттік органдардың, реттеушілердің және салалық сарапшылардың өкілдерін біріктіреді.Ақпарат көзі : https://www.gov.kz/memleket/entities/mfa-wto/press/news/details/1300515?lang=ru

Премьер-министрдің орынбасары – ұлттық экономика министрі Серік Жұманғарин Дүниежүзілік банктің Еуропа және Орталық Азия өңіріндегі әл-ауқат мәселелері жөніндегі өңірлік директоры Абебе Адугнамен кездесті.Тараптар ағымдағы экономикалық жағдайды, реформалардың одан арғы бағыттарын, инфрақұрылымды дамытуды және ынтымақтастық перспективасын талқылады.Кездесуді ашқан Серік Жұманғарин Қазақстанның Дүниежүзілік банк тобымен әріптестігінің стратегиялық сипатын атап өтті. Ынтымақтастықтың 33 жылы ішінде банктің қолдауымен көлік, білім беру, қоршаған ортаны қорғау, жасыл технология және цифрландыру саласында жалпы сомасы $8 млрд-тан асатын қаржыға 50-ден астам жоба жүзеге асырылды.Абебе Адугна Қазақстан экономикасының өсу мен инвестициялық белсенділіктегі оң динамикасын атап өтті.Кездесудің едәуір бөлігі инфрақұрылымды дамытуға және оны қаржыландыру тетіктеріне арналды. Дүниежүзілік банк өкілдері инфрақұрылымдық инвестицияларды олардың тиімділігін арттыратын және өнімділік пен инновацияның өсуіне жағдай жасайтын институционалдық және реттеуші реформалармен сүйемелдеу маңызды екенін атап өтті.Серік Жұманғарин Қазақстан инфрақұрылымды дамытуды тек ішкі қажеттілік тұрғысынан ғана емес, аймақтық контексте де қарастырып отырғанын айтты. Сөз Орталық Азияны басқа аймақтармен байланыстыратын көлік бағыттарын одан әрі дамыту туралы.«Қазақстанның инфрақұрылымы – Орталық Азияның ірі бірыңғай инфрақұрылымдық тізбегін құрудағы алғашқы қадам ғана. Сөз тек біздің ішкі жолдарымыз бен теміржолдарды жақсарту туралы ғана болып отырған жоқ. Бұл жолдардың барлығы біз үшін және көрші елдер үшін тиімді болуын қамтамасыз етуіміз керек», — деп атап өтті Серік Жұманғарин.Дүниежүзілік банк халықаралық тәжірибені ескере отырып, инфрақұрылымды қаржыландыру тетіктері бойынша қазақстандық тараппен жұмысты жалғастыруға дайын екенін растады.Ақпарат көзі : https://www.gov.kz/memleket/entities/economy/press/news/details/1300506?lang=ru

Қазақстан Республикасының Сыртқы істер министрі Мұхтар Тілеуберді Біріккен Ұлттар Ұйымы Бас Ассамблеясының 81-сессиясының жалпы пікірсайысында сөз сөйлеп, халықаралық күн тәртібінің негізгі мәселелері бойынша Қазақстанның көзқарасын таныстырды және елдің саяси әрі орнықты даму саласындағы басымдықтарын белгіледі.Сөз сөйлеу барысында сыртқы саяси ведомство басшысы Қазақстанда жалғасып жатқан саяси реформаларға ерекше назар аударды. Ол 2026 жылғы жаңа Конституцияда адам қадір-қасиетіне, адами капиталды дамытуға, білімге, инновацияларға және экологиялық жауапкершілікке басымдық күшейтілгенін атап өтті.Министр сондай-ақ өткен айда жаңа Құрылтайға өткен сайлаудың маңызын атап өтіп, оның қорытындысы бойынша Парламентте қоғамдық күштердің кең ауқымы өкілдік етіп отырғанын, ал әйелдердің үлесі тарихи ең жоғары көрсеткішке – 34%-ға жеткенін айтты.«Қазақстан үшін көпжақтылық – сенімді нығайтудың, ортақ шешімдер іздеудің және азаматтарымыз бен болашақ ұрпақ үшін нақты нәтижелерге қол жеткізудің негізгі құралы. Ол сондай-ақ еліміздің ұзақ мерзімді саяси трансформациясының маңызды құрамдас бөлігі болып табылады», – деді М.Тілеуберді.Сөз сөйлеуде халықаралық қауіпсіздік пен қарусыздану мәселелеріне жеке назар аударылды. СІМ басшысы Қазақстанның ядролық қарусыздануды және ядролық державалар арасындағы диалогты қайта жандандыруды қолдайтын дәйекті ұстанымын растады, сондай-ақ Биологиялық қару туралы конвенцияны нығайту мақсатында Халықаралық биологиялық қауіпсіздік агенттігін құру жөніндегі еліміздің бастамасын атап өтті.Елдің одан әрі дамуы туралы айта келе, Министр саяси жаңғыру, орнықты даму және қоршаған ортаға жауапкершілікпен қарау арасындағы өзара байланысты атап өтті. Қазақстан қоршаған ортаны қорғау, климаттың өзгеруіне қарсы күрес, биоалуантүрлілікті сақтау және су қауіпсіздігін нығайту салаларындағы халықаралық ынтымақтастықты ілгерілетуді жалғастыруға ниетті.Осы тұрғыда М.Тілеуберді Астанада өткен Өңірлік экологиялық саммиттің қорытындыларына, Қазақстан Президентінің 22 сәуірді Халықаралық планетаны көгалдандыру күні деп жариялау жөніндегі бастамасына, сондай-ақ экологиялық жауапкершілік мәдениетін, азаматтық белсенділікті және қоғамдық игілікке ұқыпты қарауды қалыптастыруға бағытталған «Таза Қазақстан» жалпыұлттық бастамасына тоқталды.Орнықты дамудың, азық-түлік және энергетикалық қауіпсіздіктің, климаттық орнықтылық пен бейбітшіліктің негізгі факторларының бірі ретінде су қауіпсіздігіне ерекше назар аударылды. Осыған байланысты Президент Қасым-Жомарт Тоқаевтың БҰҰ аясында Халықаралық су ұйымын құру жөніндегі бастамасы таныстырылды. Аталған ұйым су ресурстарын халықаралық деңгейде басқарудың неғұрлым біртұтас әрі тиімді жүйесін қалыптастыруға ықпал етуге бағытталған.Сөзінің соңында Министр Қазақстанның көпжақтылық қағидаттарына берік екенін және бейбітшілік, қауіпсіздік пен орнықты даму мүддесінде БҰҰ-ға мүше барлық мемлекеттермен сындарлы өзара іс-қимылды жалғастыруға дайын екенін растады.Ақпарат көзі : https://www.gov.kz/memleket/entities/mfa-bratislava/press/news/details/1300498?lang=ru

2026 жылғы 28 қыркүйек пен 2 қазан аралығында Астана қаласында дипломаттардың зияткерлік меншік саласындағы білімдері мен практикалық дағдыларын, сондай-ақ халықаралық ынтымақтастық мәселелері бойынша құзыреттерін арттыруға бағытталған зияткерлік меншік жөніндегі тренинг өтуде.Тренингті Дүниежүзілік зияткерлік меншік ұйымы (ДЗМҰ), Қазақстан Республикасы Әділет министрлігінің Зияткерлік меншік құқығы комитеті, Қазақстан Республикасының Дүниежүзілік сауда ұйымы және басқа да халықаралық экономикалық ұйымдар жанындағы Тұрақты өкілдігі және Қазақстан Республикасы Президентінің жанындағы Мемлекеттік басқару академиясы бірлесіп ұйымдастырып отыр.Іс-шараға қазақстандық дипломаттар мен мемлекеттік органдардың өкілдері қатысуда.Тренингті өткізу Қазақстанның ДЗМҰ-мен және дипломатиялық қоғамдастықпен өзара іс-қимылын дамытуға, сондай-ақ халықаралық экономикалық және сауда қатынастарындағы зияткерлік меншіктің рөлін практикалық тұрғыдан түсінуді қалыптастыруға ықпал етеді.Ақпарат көзі : https://www.gov.kz/memleket/entities/adilet/press/news/details/1300500?lang=ru

eGov.kz порталының және eGov Mobile мобильді қосымшасының пайдаланушылары енді таңдалған кезең бойынша Қазақстан Республикасының Мемлекеттік шекарасын кесіп өту фактілері туралы анықтаманы онлайн түрде ала алады. Құжат электрондық форматта қалыптастырылады және Жеке кабинеттен жүктеп алуға қолжетімді.Анықтамада ақпараттық жүйеде көзделген шекараны кесіп өту күні мен уақыты, маршруты, қозғалыс бағыты, рейс және көлік құралының нөмірі, кірген немесе шыққан елі және өткізу пункті туралы мәліметтер көрсетіледі.eGov.kz порталында анықтама алу үшін пайдаланушыға:eGov.kz порталында авторизациядан өту;«Қазақстан Республикасының Мемлекеттік шекарасынан кесіп өту туралы анықтама беру» қызметін таңдау;анықтаманың кімге рәсімделетінін көрсету: «Өзіне», «Кәмелетке толмаған балаға» немесе «Заңды өкіл (әрекетке қабілетсіз немесе әрекет қабілеті шектеулі кәмелетке толғанғандарға)»;мәліметтер қажет болатын уақыт аралығын көрсету;«Қол қою және анықтаманы алу» батырмасын басу;өтінішке қолжетімді тәсілдердің бірімен қол қою қажет.Өңдеу аяқталғаннан кейін электрондық анықтама eGov.kz порталындағы «Менің профилім – Жеке кабинет» бөлімінде қазақ және орыс тілдерінде қолжетімді болады. Егер көрсетілген кезеңде шекарадан өткені туралы мәліметтер болмаса, ол жайлы да анықтамада көрсетіледі. Сұрауды 2017 жылғы 1 қаңтардан бастап қазіргі күнге дейінгі уақыт аралыңына қалыптастыруға болады, бұл ретте таңдалған кезең үш айдан аспауы тиіс. Қызмет көрсету мерзімі – 15 минутқа дейін.eGov Mobile мобильді қосымшасы арқылы анықтаманы алу үшін ұқсас қадамдар орындалады: «Басты бет» бөлімінде «Қазақстан Республикасының Мемлекеттік шекарасынан кесіп өту туралы анықтама беру» қызметін таңдау қажет.Қызмет ЖСН бар болған жағдайда ҚР азаматтарына қолжетімді және тегін көрсетіледі. Шетел азаматтары үшін ҚР Мемлекеттік шекарасынан өткені туралы анықтаманы QazETA порталы арқылы алуға болады.Анықтаманы өзіне, кәмелетке толмаған балаға, сондай-ақ заңнамада көзделген жағдайларда өтініш беруші оның заңды өкілі болып табылатын әрекетке қабілетсіз немесе әрекет қабілеті шектеулі кәмелетке толған адамға рәсімдеуге болады. Анықтаманы балаға рәсімдеу кезінде ол туралы мәліметтер азаматтық хал актілерін тіркеу органдарының (АХАТ) ақпараттық жүйелеріндегі деректер негізінде автоматты түрде жүктеледі.Анықтама смартфонды немесе планшетті шетелден өздігінен әкеліп, оны Қазақстан операторларының желілерінде жеке пайдалану үшін IMEI-кодын тіркейтін азаматтарға да қажет болуы мүмкін.Әрекетке қабілетсіз немесе әрекет қабілеті шектеулі кәмелетке толған адамға, қорғаншылықтағы әрекетке қабілетсіз балаға анықтаманы рәсімдеу кезінде пайдаланушыға ҚР Оқу-ағарту министрлігі мен ҚР Еңбек және халықты әлеуметтік қорғау министрлігінің ақпараттық жүйелеріндегі деректер негізінде қалыптастырылған тізімнен тиісті адамды таңдау мүмкіндігі беріледі.Қызмет шекарадан өту фактілерін ресми түрде растау процесін жеңілдетеді. Анықтама мемлекеттік ақпараттық жүйелердегі мәліметтер негізінде автоматты түрде қалыптастырылады, электрондық цифрлық қолтаңбамен куәландырылады және заңды күші бар. Бұл азаматтар үшін құжатты алу процесін жылдам, ыңғайлы әрі ашық етеді.Аталған қызмет ҚР Жасанды интеллект және цифрлық даму министрлігінің Мемлекеттік қызметтер комитеті, «Ұлттық ақпараттық технологиялар» АҚ және ҚР Ұлттық қауіпсіздік комитетінің бірлескен жұмысының нәтижесінде әзірленді.Ақпарат көзі : https://www.gov.kz/memleket/entities/aqmola-selinograd/press/news/details/1300927?lang=ru

Қазақстан Республикасының Қаржы вице-министрі Дәурен Кеңбеил Оман Сұлтандығының Қазақстан Республикасындағы төтенше және өкілетті елшісі Салах Джабубпен кездесіп, екіжақты ынтымақтастықты дамытудың жолдарын талқылады.Дәурен Маратұлы жаңадан тағайындалған елшіні қызметімен құттықтап, оған еліміздегі дипломатиялық миссиясына табыс тіледі. Қазақстан Оман Сұлтандығымен достық және өзара тиімді әріптестікті нығайтуға үлкен мән беріп келеді.Кездесу барысында тараптар екі елдің Қаржы министрлігі арасындағы ынтымақтастық туралы меморандумға қол қойып, Оман Сұлтандығының Еуразиялық даму банкінің қатарына қосылуын алғанда, екіжақты ынтымақтастықтың ағымдағы жай-күйі мен перспективаларын талқылады.Екі мемлекеттік ресми өкілдері сындарлы диалогқа алғыс айта отырып, өзара тиімді байланысты күшейтуге мүдделі екендері және Қазақстан мен Оман арасындағы қаржы-экономикалық ынтымақтастықты кеңейтуге бағытталған бірлескен бастамаларды іске асыруға дайын екендерін жеткізді.Ақпарат көзі : https://www.gov.kz/memleket/entities/minfin/press/news/details/1300480?lang=ru

28 қыркүйек – Қазақстандағы Атом саласы қызметкерлерінің күні. Бұл – жоғары кәсібилікті, терең білімді, жауапкершілікті және өз ісіне адалдықты талап ететін маңызды саланың мамандарына құрмет көрсететін айтулы күн.Қазақстанның атом өнеркәсібі – еліміздің экономикалық және технологиялық әлеуетін қалыптастыруға елеулі үлес қосқан стратегиялық бағыттардың бірі. Әсіресе отандық уран өндірісінің дамуы Қазақстанның халықаралық атом нарығындағы орнын айқындады. 2009 жылдан бері Қазақстан табиғи уран өндіру көлемі бойынша әлемдік көшбасшы болып келеді. Бүгінде «Қазатомөнеркәсіп» ҰАК» АҚ – Қазақстанның ұлттық атом компаниясы әрі уран өндіру саласындағы әлемдік деңгейдегі ірі кәсіпорындардың бірі. Компания мәліметінше, оның әлемдік уран өндірісіндегі үлесі шамамен 20 пайызды құрайды.«Қазатомөнеркәсіп» – осы жетістіктің негізгі тіректерінің бірі. Компанияның қызметі тек уран өндірумен шектелмейді. Ол Қазақстанның экспорттық әлеуетін арттыруға, өнеркәсіптік өндірісті дамытуға, жаңа технологияларды енгізуге, жоғары білікті мамандар мектебін қалыптастыруға және елдің ядролық индустриясының дамуына тұрақты үлес қосып келеді. 2024 жылдың қорытындысы бойынша компания тобы 23 мың тоннадан астам уран өндіріп, 1,8 триллион теңге көлемінде шоғырландырылған кіріске қол жеткізген.Атом саласының жетістігі – ең алдымен, күн сайын жауапты еңбек атқарып жүрген мыңдаған маманның еңбегі. Инженерлер, геологтар, технологтар, кеншілер, зертханашылар, энергетиктер және басқа да сала қызметкерлері Қазақстанның ядролық индустриясының тұрақты дамуына өз үлесін қосып келеді. Олардың кәсіби білімі мен жауапкершілігі – еліміздің өндірістік әлеуетінің маңызды бөлігі.«ҚАРАТАУ» – ОТАНДЫҚ УРАН ӨНДІРІСІНІҢ МАҢЫЗДЫ БУЫНЫБұл ретте «Қаратау» ЖШС ұжымының еңбегін ерекше атап өткен жөн. Кәсіпорын Түркістан облысында орналасқан Буденовск кен орнының №2 учаскесінде уран өндіру және барлау жұмыстарын жүргізеді. Өндірісте жерасты ұңғымалық шаймалау әдісі қолданылады.«Қаратау» мамандарының күнделікті еңбегі өңірдің ғана емес, тұтас Қазақстанның атом өнеркәсібінің қуатын арттыруға бағытталған. Кәсіпорын ұжымы өндірістік тәртіпті, технологиялық талаптарды және қауіпсіздік қағидаттарын сақтай отырып, отандық уран өндірісінің тұрақты дамуына үлес қосып келеді.Атом саласы қызметкерлерін кәсіби мерекелерімен шын жүректен құттықтаймыз! «Қазатомөнеркәсіп» ұжымына, «Қаратау» ЖШС мамандарына және бүкіл атом саласының ардагерлері мен қызметкерлеріне зор денсаулық, отбасыларына амандық, еңбектеріне табыс және жаңа кәсіби жетістіктер тілейміз!Еліміздің атом өнеркәсібінің дамуына үлес қосып жүрген барша маманға алғысымыз шексіз. Сіздердің еңбектеріңіз – Қазақстанның өндірістік қуаты мен технологиялық болашағына қосылған маңызды үлес! 

Нью-Йорк, 2026 жылғы 25 қыркүйек – Қазақстан Республикасының Сыртқы істер министрі Мұхтар Тілеуберді Біріккен Ұлттар Ұйымы Бас Ассамблеясының 81-сессиясының жалпы пікірсайысында сөз сөйлеп, халықаралық күн тәртібінің негізгі мәселелері бойынша Қазақстанның көзқарасын таныстырды және елдің саяси әрі орнықты даму саласындағы басымдықтарын белгіледі.Сөз сөйлеу барысында сыртқы саяси ведомство басшысы Қазақстанда жалғасып жатқан саяси реформаларға ерекше назар аударды. Ол 2026 жылғы жаңа Конституцияда адам қадір-қасиетіне, адами капиталды дамытуға, білімге, инновацияларға және экологиялық жауапкершілікке басымдық күшейтілгенін атап өтті.Министр сондай-ақ өткен айда жаңа Құрылтайға өткен сайлаудың маңызын атап өтіп, оның қорытындысы бойынша Парламентте қоғамдық күштердің кең ауқымы өкілдік етіп отырғанын, ал әйелдердің үлесі тарихи ең жоғары көрсеткішке – 34%-ға жеткенін айтты.«Қазақстан үшін көпжақтылық – сенімді нығайтудың, ортақ шешімдер іздеудің және азаматтарымыз бен болашақ ұрпақ үшін нақты нәтижелерге қол жеткізудің негізгі құралы. Ол сондай-ақ еліміздің ұзақ мерзімді саяси трансформациясының маңызды құрамдас бөлігі болып табылады», – деді М.Тілеуберді.Сөз сөйлеуде халықаралық қауіпсіздік пен қарусыздану мәселелеріне жеке назар аударылды. СІМ басшысы Қазақстанның ядролық қарусыздануды және ядролық державалар арасындағы диалогты қайта жандандыруды қолдайтын дәйекті ұстанымын растады, сондай-ақ Биологиялық қару туралы конвенцияны нығайту мақсатында Халықаралық биологиялық қауіпсіздік агенттігін құру жөніндегі еліміздің бастамасын атап өтті.Елдің одан әрі дамуы туралы айта келе, Министр саяси жаңғыру, орнықты даму және қоршаған ортаға жауапкершілікпен қарау арасындағы өзара байланысты атап өтті. Қазақстан қоршаған ортаны қорғау, климаттың өзгеруіне қарсы күрес, биоалуантүрлілікті сақтау және су қауіпсіздігін нығайту салаларындағы халықаралық ынтымақтастықты ілгерілетуді жалғастыруға ниетті.Осы тұрғыда М.Тілеуберді Астанада өткен Өңірлік экологиялық саммиттің қорытындыларына, Қазақстан Президентінің 22 сәуірді Халықаралық планетаны көгалдандыру күні деп жариялау жөніндегі бастамасына, сондай-ақ экологиялық жауапкершілік мәдениетін, азаматтық белсенділікті және қоғамдық игілікке ұқыпты қарауды қалыптастыруға бағытталған «Таза Қазақстан» жалпыұлттық бастамасына тоқталды.Орнықты дамудың, азық-түлік және энергетикалық қауіпсіздіктің, климаттық орнықтылық пен бейбітшіліктің негізгі факторларының бірі ретінде су қауіпсіздігіне ерекше назар аударылды. Осыған байланысты Президент Қасым-Жомарт Тоқаевтың БҰҰ аясында Халықаралық су ұйымын құру жөніндегі бастамасы таныстырылды. Аталған ұйым су ресурстарын халықаралық деңгейде басқарудың неғұрлым біртұтас әрі тиімді жүйесін қалыптастыруға ықпал етуге бағытталған.Сөзінің соңында Министр Қазақстанның көпжақтылық қағидаттарына берік екенін және бейбітшілік, қауіпсіздік пен орнықты даму мүддесінде БҰҰ-ға мүше барлық мемлекеттермен сындарлы өзара іс-қимылды жалғастыруға дайын екенін растады.Ақпарат көзі : https://www.gov.kz/memleket/entities/mfa-kazakhstanun/press/news/details/1300462?lang=ru

                    Абай облысы бойынша ҚАЖ жүйесінің қауіпсіздігі барынша жоғары мекемесінде кузовты жөндеу және сырлау жұмыстарын жүргізуге маманданған автосервис өз жұмысын бастады.             СТО жұмысын бастағанына бір аптаға жуық уақыт болды. Осы уақыт аралығында сотталғандар екі автокөлікті жөндеуден өткізді. Қазіргі таңда автосервисте бес сотталған еңбек етуде. Жыл соңына дейін тағы бес жұмыс орнын ашу жоспарланып отыр.           Сотталғандар еңбегіне қарай жалақы алады. Бұл оларға кәсіби дағдыларын жетілдіруге, табыс табуға, сот үкімі бойынша өндірілген берешекті өтеуге және отбасыларына материалдық қолдау көрсетуге мүмкіндік береді.Автокөліктерін жөндеткісі келетін азаматтар автосервис қызметін пайдалана алады.               Ол үшін жеке кәсіпкермен қызмет көрсету туралы шарт жасасып, автокөліктің мекеме аумағына кіруіне мекеме бастығынан рұқсат алу қажет.          Режимдік қауіпсіздікті қамтамасыз ету мақсатында автокөлік мекеме аумағына кірмес бұрын режимдік-оперативтік бөлім қызметкерлері мен әскери қызметшілер тарапынан мұқият тексеруден өткізіледі. Қажетті режимдік іс-шаралар жүргізілгеннен кейін ғана автокөліктің мекеме аумағына кіруіне рұқсат беріледі.Автосервис сапалы қызмет көрсетуімен және қолжетімді бағаларымен алғашқы клиенттерін тарта бастады.             - Мұнда өз мамандығым бойынша жұмыс істеуге мүмкіндік болғанына қуаныштымын. Сотталғанға дейін СТО-да жұмыс істедім, сондықтан автокөлік жөндеу маған таныс жұмыс. Бұл жұмыс маған ұнайды, өзім білетін істі атқарып жүргеніме қуаныштымын. Жалақының да мен үшін маңызы зор. Тапқан қаражатымның бір бөлігін сот үкімі бойынша берешекті өтеуге, ал қалған бөлігін отбасымның қажетіне жұмсауға тырысамын. Менің мектеп жасындағы үш балам бар, сондықтан жақындарыма көмектескім келеді. Жұмыс істеуге және қоғамға пайдалы болуға мүмкіндік берген мекеме қызметкерлеріне алғысымды білдіремін, — деді сотталған.            - Бүгінде мекемеде жиһаз, шаруашылық сабыны, ағаштан жасалған ыдыстар және басқа да бұйымдар өндіретін бес жеке кәсіпкер мен екі жауапкершілігі шектеулі серіктестік жұмыс істейді. Мекемеде өндірістік қызметті дамыту сотталғандар үшін жаңа жұмыс орындарын ашуға, оларды еңбекпен қамтуға және әлеуметтік бейімделуіне ықпал етеді, — деді сотталғандардың еңбегін ұйымдастыру бөлімінің бастығы Еркін Исабеков. Ақпарат көзі : https://www.gov.kz/memleket/entities/duisabai/press/news/details/1300427?lang=ru

Агенттікпен бағалы қағаздар нарығындағы басшы қызметкер келісілді:         Ербол Есембайұлы Ахметов бағалы қағаздар нарығында Атқарушы органның басшысы, Атқарушы органның мүшесі, Басқару органының басшысы, Басқару органының мүшесі, Өзге де басшы қызметкер лауазымдарына (2026 жылғы 25 қыркүйектегі №341/РЦБ хаттамасы).Ақпарат көзі : https://www.gov.kz/memleket/entities/ardfm/press/news/details/1300397?lang=ru

            Абай облысының Шуақ ауылында әйелдер колониясының қызметкерлері батылдық, шешімділік және жоғары азаматтық жауапкершілік танытып, көпқабатты тұрғын үйде болған өрт кезінде тұрғындарға көмек көрсетті.Өрт тұрғын үйдің бірінші қабатындағы балконнан шыққан. Алдын ала мәлімет бойынша, өртке балконда сақталған тез тұтанатын заттар себеп болған. Көпқабатты үйде шамамен 80 адам тұрады. Олардың арасында әртүрлі жастағы балалар, оның ішінде жаңа туған нәрестелер де бар.Жұмысқа бара жатқан жедел бөлімнің аға жедел уәкілі Дархан Советқанов пен бақылаушылар қызметі бөлімінің қарауыл бастығы Болатбек Букенов түтін мен ашық жалынды байқап қалған. Олар ойланбастан тұрғындарға көмекке ұмтылып, болған жағдай туралы үйде тұратын басқа да мекеме қызметкерлеріне дереу хабарлаған.Қызметкерлер бірлесіп тұрғындарды эвакуациялауды ұйымдастырып, өрттің одан әрі таралуына жол бермеу үшін қажетті шараларды қабылдаған.Өрт сөндіру қызметі келгенге дейін қызметкерлер өртті сөндіруге, жалынның таралуын болдырмауға және тұрғындардың қауіпсіздігін қамтамасыз етуге өз күштерімен әрекет етті. Ең алдымен адамдарды қауіпсіз жерге эвакуациялап, әйелдер мен балалардың қауіпті аймақтан шығуына көмектесті. Сондай-ақ үйден газ баллондары мен жарылыс қаупін тудыруы мүмкін басқа да заттарды алып шықты. Бұдан бөлек, ғимараттан өрттің одан әрі таралуына себеп болуы мүмкін заттар шығарылды.Қызметкерлердің жедел әрі сауатты әрекеттерінің арқасында өрттің одан әрі таралуына жол берілмей, өрт сөндіру қызметінің бөлімшелері келгенге дейін тұрғындардың қауіпсіздігі қамтамасыз етілді.«Менің екі балам бар — төрт жастағы ұлым және үш жастағы қызым. Оқиға болған кезде жолдасым жұмыста еді. Пәтерге түтіннің иісі келгенде, ең алдымен балаларымның қауіпсіздігін ойладым. Біз үшінші қабатта тұрамыз, сондықтан тез арада жиналып, үйден шығу оңай болған жоқ. Балаларыммен бірге тұрғанымды көрген мекеме қызметкерлері бірден көмекке келіп, қажетті заттарымызды жинауға көмектесті және бізді үйден қауіпсіз жерге шығарды. Олардың қолдауы мен жанашырлығының арқасында қауіпті жерден тез шыға алдық. Бүкіл отбасымыздың атынан батылдығы, жанашырлығы және дер кезінде көрсеткен көмегі үшін үлкен алғысымды білдіремін», — деді үй тұрғыны Индира Турбаева.«Қызметкерлеріміз қиын жағдайда жеделдік пен іс-қимылдың үйлесімділігін көрсетті. Олар абдырап қалмай, жағдайға дер кезінде әрекет етіп, ең алдымен тұрғындарды эвакуациялауға басымдық берді. Олардың шешімді әрекеттерінің арқасында болуы мүмкін ауыр зардаптардың алдын алуға мүмкіндік туды. Мұндай әрекеттер қызметкерлердің жоғары тәртібін, азаматтық борышын сезінетінін және кез келген жағдайда тұрғындарға көмек көрсетуге дайын екенін көрсетеді», — деп атап өтті мекеме бастығы Уалихан Жұмашев.Ақпарат көзі : https://www.gov.kz/memleket/entities/duisabai/press/news/details/1300402?lang=ru

36 жастағы Павлодар қаласының тұрғыны күйеуі мен құрбысымен бірге дастарқан басында болған кезде қызғаныш салдарынан жанжал шығарған. Жанжал барысында әйел күйеуіне бірнеше рет соққы жасап, оның денсаулығына орташа ауырлықтағы зиян келтірген.Сот оны кінәлі деп танып, 4 жыл 6 ай мерзімге бас бостандығын шектеу жазасын тағайындаған.Жазасын өтеу үшін сотталған Павлодар қаласы бойынша пробация қызметінің есебіне қойылды. Есепке қою кезінде оған жазаны өтеу тәртібі мен шарттары толық түсіндіріліп, бақылаудан жалтарған жағдайда жауапкершілік қарастырылатыны және жазаның неғұрлым қатаң түріне ауыстырылуы мүмкін екені ескертілген.Алайда сотталған әйел пробация қызметінің талаптарын жүйелі түрде бұзып, бақылаудан жалтарып отырған. Нәтижесінде сот шешімімен бас бостандығын шектеу жазасы өтелмеген мерзімге — 2 жыл 7 айға бас бостандығынан айыру жазасына ауыстырылған.Жазасын өтеу үшін сотталған Абай облысындағы әйелдерге арналған қылмыстық-атқару жүйесі мекемесіне жеткізілді. Онымен тәрбиелік-түсіндіру әңгімесі жүргізіліп, кейін тігін цехына жұмысқа орналастырылды.Алған жалақысы есебінен сот үкімімен өндірілген азаматтық талаптарын өтеуге және отбасына материалдық көмек көрсетуге бағыттап отыр.- Бас бостандығын шектеу жазасы адамға отбасынан ажырамай, түзелуге мүмкіндік береді. Бірақ бұл мүмкіндік міндетті түрде тәртіп пен талаптарды сақтауды қажет етеді. Өкінішке қарай, бұл жағдайда сотталған әйел бірнеше рет талаптарды бұзып, пробация қызметінің бақылауынан жалтарып отырды. Сондықтан сот оған бас бостандығынан айыру жазасын тағайындау туралы шешім қабылдады, — деді  арнайы есеп бөлімінің бастығы Светлана Голикова.  Ақпарат көзі : https://www.gov.kz/memleket/entities/duisabai/press/news/details/1300378?lang=ru

Банкроттықты басқарушы тағайындалған сәттен бастап борышкердің мүлкін өз қарауына қабылдайды. Тағайындалған күннен бастап үш жұмыс күні ішінде ол уақытша басқарушыдан құрылтай және есепке алу құжаттарын, мүлікке құқық белгілейтін құжаттарды, мөрлер мен банкроттың өзге де құндылықтарын қабылдап алуға және олардың сақталуын қамтамасыз етуге міндетті.Борышкердің мүлкін анықтау және толықтыру мақсатында банкроттықты басқарушы мемлекеттік органдардан, жеке және заңды тұлғалардан банкрот пен оның мүлкі туралы ақпаратты, ал уәкілетті органнан борышкердің банктік шоттары туралы мәліметтерді сұратады. Ол дебиторлық берешекті сот тәртібімен өндіріп алу туралы талап қояды, заң бұзыла отырып жасалған мәмілелерді анықтап, оларды сот тәртібімен даулайды, сондай-ақ банкроттық іс қозғалғанға дейін үш жыл ішінде жасалған және мүлікті шығаруға алып келген борышкердің қайта ұйымдастырылуын (қосу, бөлу, бөліп шығару) не заңды тұлғаның мемлекеттік қайта тіркелуін жарамсыз деп тану туралы сотқа жүгінеді. Сонымен қатар басқарушы субсидиарлық жауаптылыққа тартылуға тиіс тұлғаларды анықтап, оларға қатысты сотқа талап қояды. Әдейі банкроттық белгілері анықталған жағдайда ол бұл туралы құқық қорғау органдарына хабарлауға міндетті.Банкрот мүлкін өткізу сату жоспарына сәйкес жүзеге асырылады, ал кредиторлармен есеп айырысу белгіленген тәртіппен жүргізіледі. Рәсім барысында банкроттықты басқарушы кредиторлар талаптарының тізілімін жүргізеді, кредиторларды борышкердің қаржылық жағдайы туралы хабардар етеді және уәкілетті органға банкроттық рәсімінің барысы туралы есептілікті ұсынады. Рәсім аяқталғаннан кейін ол сотқа қорытынды есеп пен тарату балансын ұсынады, банктік шоттарды жауып, мөрді жояды.Банкроттықты басқарушының құқықтары мен міндеттері «Оңалту және банкроттық туралы» Қазақстан Республикасының Заңымен және Қазақстан Республикасының өзге де заңнамасымен айқындалады.Ақпарат көзі : https://www.gov.kz/memleket/entities/kgd-astana/press/news/details/1300370?lang=ru

Алматы қаласында Air Astana, Kazakh Tourism, Астана мен Алматы қалаларының әкімдіктері, сондай-ақ Алматы, Ақмола және Маңғыстау облыстары 2027 жылға арналған стратегиялық ынтымақтастық туралы келісімге қол қойды.Әріптестік Қазақстанды халықаралық туристік нарықтарда бірлесіп ілгерілетуге бағытталған. Тараптар digital-кампаниялар өткізуді, халықаралық көрмелер мен роуд-шоуларға қатысуды, шетелдік серіктестер мен бұқаралық ақпарат құралдарының өкілдеріне ақпараттық турлар ұйымдастыруды, B2B кездесулер өткізуді және басым туристік нарықтарға бірлескен талдау жүргізуді жоспарлап отыр.Бірлескен жұмыс Қазақстанның туристік әлеуетін халықаралық деңгейде ілгерілетуді күшейтіп, еліміздің өңірлерін шетелдік саяхатшылар үшін қолжетімді әрі тартымды бағыт ретінде танытуға мүмкіндік береді.В Алматы Air Astana, Kazakh Tourism, акиматы Астаны и Алматы, а также Алматинская, Акмолинская и Мангистауская области подписали Соглашение о стратегическом сотрудничестве на 2027 год.Ақпарат көзі : https://www.gov.kz/memleket/entities/astana-uir/press/news/details/1300371?lang=ru

Токиода «Tourism EXPO Japan 2026» Халықаралық туристік көрмесі аясында Astana Invest пен Japan International Interaction and Development Association (JIDA) өзара түсіністік туралы меморандум жасасты.Құжатқа Astana Invest Басқарма төрағасы Асхат Бекеев пен JIDA президенті Жаркин Гүлзат қол қойды.Меморандум іскерлік және инвестициялық ынтымақтастықты дамытуға, тәжірибе мен ақпарат алмасуға, сондай-ақ инвестициялар тартуға жәрдемдесуге бағытталған. Тараптар өзара іскерлік сапарларды ұйымдастыру, әлеуетті серіктестерді іздеу және бірлескен жобаларды дамыту бағытында ынтымақтастық орнатуды көздейді.Бұған дейін Астанада келіссөздер өтіп, оның барысында жапон тарапына елорданың инвестициялық әлеуеті таныстырылып, ынтымақтастықтың перспективалық бағыттары талқыланған болатын. Қол жеткізілген уағдаластықтарды жалғастыру мақсатында тараптар Токиода жапондық өнеркәсіптік компаниялардың өкілдерімен іскерлік кездесулер ұйымдастыру мүмкіндігін қарастыруда.JIDA халықаралық іскерлік ынтымақтастықты дамытуға, серіктестер іздеуге, технологиялар трансферіне және жапондық компаниялардың шетелдік нарықтарға шығуына жәрдемдеседі. Ұйымның бағдарламаларына 70-ке жуық жапондық компания қатысады. Ал Қазақстан оның халықаралық қызметіндегі басым бағыттардың бірі болып табылады.Ақпарат көзі : https://www.gov.kz/memleket/entities/astana-uir/press/news/details/1300359?lang=ru